<a href="https://kyzylorda-news.kz/">Kyzylorda-news.kz.</a>&nbsp; Қазақстанда қыркүйек айының соңғы жексенбісі еңбек күні деп белгіленген. Бұл күнді мерекелеудің негізгі мақсаты қажырлы еңбекті ынталандыру.Мемлекет басшысы Қасым – Жомарт Тоқаев «Әділетті Қазақстанның экономикалық бағдары» атты Қазақстан халқына Жолдауында еңбек құндылығын «Адал азамат» тұжырымдамасының түпкі мәні ретінде атап өтті. &nbsp;Осы орайда, бүгін Қызылорда облысы Полиция департаментінің басшылығы және Ардагерлер Кеңесі еңбек адамының қадір – қасиетін дәріптеп, мәртебесін арттыру мақсатында кейінгі ұрпаққа үлгі мен өнегенің жарқын үлгісін көрсеткен ішкі істер органдарының ардагері мен білімді де білікті маманды марапаттады.Ішкі істер органдарының ардагері Абубакирова Фируза Абдрахмановна 30 жылдан астам ішкі істер органдарында қызмет еткен. Елеулі еңбек етіп, зейнетке шықса да қоғамнан алыстамай, жастарға өмірден білген-түйгенін, жетістікке жетудің жолдары мен абыройлы еңбек етудің сырын бөлісуде.Адал еңбекпен абыройы артқан Сарсенбаев Айтжан Қоңыршаұлы да &nbsp;1990 жылдан бастап осы күнге дейін Полиция департаментінде еңбек етіп келеді.<blockquote>«Дана халқымыз «Еңбек – ырыстың бұлағы, еңбек – бақыттың шырағы» деп тегін айтпаған, өйткені ерінбей еңбек еткен адамның өмірі мəнді, тұрмысы сəнді болады. Адал еңбек – қашанда құнды. Жанын сала еңбек етіп, табысын маңдай терімен тауып отырған адам әрдайым құрметке лайық.Ұзақ жылдар бойы өз күш-жігерін аямай, ерен еңбек &nbsp;еткен ардагерімізді және әріптесімізді Еңбек күнімен шын жүректен құттықтаймын. Отбасыларыңызға бақыт пен шаттық тілеймін!» деді Қызылорда облысы Полиция департаменті бастығының орынбасары полиция полковнигі Әміржан Өтегенов.&nbsp;</blockquote>Өз кезегінде &nbsp;марапатталғандар еңбектері еленгені үшін алғыстарын білдірді.&nbsp;

Полиция департаментінде  еңбек адамдарына құрмет көрсетілді

<a href="https://kyzylorda-news.kz/">Kyzylorda-news.kz.</a> Қармақшы аспаны бауырлас елдердің сазды әуеніне бөленіп, «Қорқыт және Ұлы Дала сазы» халықаралық фольклорлық-музыкалық өнер фестивалінің қорытынды кеші өтті. Биылғы жылы алтыншы рет ұйымдастырылып, дәстүрлі сипатқа ие болған халықаралық деңгейдегі шараға Түркия, Тыва, Саха, Әзірбайжан, Өзбекстан, Қырғызстан елдерінен және еліміздің 200-ге жуық өнерпаздары қатысты.Дүниенің төрт бұрышын шарлап мәңгілік мекенін төл топырақтан тапқан Қорқыт бабамыздың ізін жалғаған Сыр сүлейлері мен жүз шайырды бесігінде тербеген киелі Қармақшы ауданында қорытындыланған кешке қатысқан аудан әкімі Жандос Еркінбекұлы: "Баба өнеріміз жырдың бесігіне айналған Қармақшы – талай дарындардың бас ұстаханасына айналған шайырлар мен сүлейлердің өлкесі. Абыз Қорқыттан бастау алатын жыраулық дәстүрдің мектебін қалыптастырған Шораяқтың Омары, Балқы Базар, Кете Жүсіп, Дүр Оңғар, Тұрмағамбет, Сәрсенбай, Көшенейдей дүлдүлдер дүниеге келген жер. Қорқыт бабаның «Мәңгі өлмес өмірдің кілті – өнерде» деген тұжырымын бойына сіңірер ұрпақ барда өткеннің ұлағаты әлі талай ғасырларға ұласары сөзсіз. Ширек ғасырдан астам тарихы бар, бүгінде құрылғанына 30 жылдан асқан халықаралық «ТүрікСой» ұйымы басшысы Раев Сұлтан Әкімұлы мен түркі тілдес елдердің халықаралық «Қорқыт және Ұлы Дала сазы» фольклорлық-музыкалық өнер фестиваліне қатысушыларға алғысымды білдіре отырып, Жырдың елі Қармақшыға басқан қадамдарыңыз тағы да құтты болсын демекпін! Ежелгі Тұран төсін жайлаған түбі бір Түркі халықтарының достығы мәңгі болсын! деп жылы лебізін білдіріп, фестивальге атсалысқан барша хас таланттарға аймақ басшысының марапаттарын табыстады.Қорытынды кеште ұлт тұтастығын таңбалар тағылымға толы туындылар орындалып, түркітілдес туысқандар елінің дәстүрлі өнер жұлдыздары көрермендерге әсем ән сыйлап, тамаша күйге бөледі.Айта кетейік, фестиваль қонақтары Қорқыт ата кешенінде болып, музейдегі құнды жәдігерлермен танысқан болатын.

«Қорқыт және Ұлы дала сазы» халықаралық фестивалі Қармақшыда қорытындыланды

<a href="https://kyzylorda-news.kz/">Kyzylorda-news.kz.</a> Қазақстан Республикасы Президентінің «Әкімдердің халықпен кездесулерін өткізу туралы» 2022 жылғы 3 наурыздағы №826 Жарлығына сәйкес, 2023 жылдың 8 айында Жалағаш ауданында атқарылған жұмыстар бойынша аудан әкімі Асқарбек Есжанов Жалағаш кентінің тұрғындарымен кездесті.Жыл басынан бері бүгінгі күнге дейін Жалағаш кенті тұрғындарының мәселелері шешімін тапты. Тұрғындармен есепті кездесуде сүйіншілене айтылған жаңа жобалармен, атқарылған қыруар істер халықтың көңілінен шығып, оң бағасын берді.2023 жылы Жалағаш кентіндегі бірқатар көшелер күрделі жөндеуден өтті. Жалпы жоба құны 505,1 млн. теңгеге М.Шәменов көшесін жөндеу жұмыстары аяқталды. Т.Қыстаубаев көшесін асфальттау жұмыстары жүргізілуде. Бүгінгі күнге дейін облыстық бюджеттен 749,7 млн. теңге бөлініп, Жалағаш кентіндегі 10 көшеге яғни З. Ижанов, Т.Әбжалиев, Жеңістің 50 жылдығы, А.Қазыбеков, Қ.Нүрпейісов, Желтоқсан, Мысық би, А.Бектібаев, І.Нүркенов, И.Панфилов көшелеріне толық асфальт төселді. Қазір жол белгілерін орнату жұмыстары жалғасуда.Сондай-ақ, Жалағаш кентіндегі ПМК-09 көшесіне тас төселіп, кенттің ішкі көшелеріне 2 бағдаршам орнату үшін мемлекеттік сатып алу жұмыстары жүргізілуде.Жалпы құны 328,7 млн. теңгені құрайтын Жалағаш кентінен темір жол арқылы өтетін жаяу жүргіншілер көпірін салу жобасы да жыл соңына дейін аяқталатын болады. Қазіргі таңда бетондау және металл бұйымдарын сырлау жұмыстары жүргізілуде.Газдандыру бойынша 15,2 млн. теңгеге «Наркескен» спорт клубы және 11,7 млн. теңгеге аудандық орталықтандырылған кітапхана ғимараттарының жылу қазандықтары қайта жаңартылып, табиғи газға ауыстырылды.Жалағаш кентіндегі «Ақтерек» учаскесіндегі инженерлік инфрақұрылымның сумен жабдықтау жүйесінің құрылысы және су тарату кешенінің құрылысы аяқталып, нысан пайдалануға берілді. Қазіргі таңда газбен жабдықтау жүйесі бойынша құрылыс-монтаждау жұмыстары жүргізілуде.2023 жылы халықтың әлеуметтік жағынан осал топтарына тұрғын үй қорынан 50 тұрғын үй сатып алынатын болады.Сырдария өзені арқылы өтетін «Қызылорда-Жалағаш» автомобиль жолының 78,2 шақырымындағы көпірін орташа жөндеу жұмыстары жүргізілуде. Қазіргі таңда жаяу жүргіншілер жолағына асфальт төселіп, жарықшамдар орнату жұмыстары жасалуда.Жалағаш кенті көшелеріне жолақтар сызуға, жаяу жүргіншілер жолақтарын сызу, жасанды жол кедергілерін орнату жұмыстары тұрақты түрде «Омар» жеке кәсіпкерлігі арқылы атқарылуда.Негізгі мәселелердің бірі кент ішін аяқ сумен қамтамасыз етуге 3 дана АНС-130 насос алу үшін мемлекеттік сатып алу жұмыстары жүргізілуде.Мұнан бөлек Жалағаш кентінде бейнебақылау камераларын орнату және күтіп ұстау шығындарына 10,0 млн. теңге, жол белгілерін орнатуға 3,0 млн. теңге, елді мекеннің ішкі тазалық жұмыстарына 20,0 млн. теңге, жарықтандыру жұмыстары бойынша күтіп ұстауға 9,0 млн. теңге бөлінді.Бүгінде кент келбетін ажарландыра түсетін абаттандыру жұмыстары да қарқын алған. Көше көркін келтірер көше атаулары жазылған тақтайшалар орнатылып, орталық алаңға жаңа төсеніштер алынуда. Шойын жолдың етегін жағалай орналасқан «ЖАЛАҒАШЫМ-ЖАСЫЛ БАҒЫМ» жазуы, кескінді аялдамалар мен бағадаршамдар бүгінде туған жердің сәнін келтіріп тұр.&nbsp;Жалағашта жасалып жатқан жарқын жобалардың игілігін аудан халқы шынайы алғыстарымен қайтарды. Кент және ауылдық округтердегі тұрғындармен кездесулерде айтылған мәселелер пысықталып, жоспарлы істердің қатары жаңа жобалармен толығатын болады.Әр кездесуде аудан әкімі Асқарбек Есжанов ауданның өркендеп өсуіне мемлекеттің қолдауымен қатар тұрғындардың бірлігі, татулығы маңызды рөл атқаратынын жеткізді.Қазақстан Республикасы Президентінің «Әкімдердің халықпен кездесулерін өткізу туралы» 2022 жылғы 3 наурыздағы №826 Жарлығына сәйкес, 2023 жылдың 8 айында Жалағаш ауданында атқарылған жұмыстар бойынша халықпен кездесулерде аудан әкімімен бірге облыстық мәслихат депутаты Ә. Шаймағанбетов, аудандық мәслихат төрағасы Ө. Елеусінов, аудандық мәслихат депутаттары, аудан әкімінің орынбасары және бөлім, мекеме басшылары қатысты.

Жалағаш кентінің тұрғындары жаңа жобалардың игілігін көруде

<a href="https://kyzylorda-news.kz/">Kyzylorda-news.kz.</a> Аудан басшысы Жандос Еркінбекұлы Ақжар ауылындағы Ақжар шаруа қожалығының егін-терін жұмыстары барысымен танысты.Ақжар шаруа қожалығы басшысы Нұрлан Қомшабаев жыл басында 1277 гектарға егін егіп, оның 750 гектарына күріш, 130 гектарына мақсары, 2 гектар жерге картоп, 3 гектарға көкөніс, жоңышқаның жаңа және ескі түрі үшін барлығы 392 гектар орналастырылғанын айтты.Егін жинау жұмыстары бойынша ауылда 570 га күріш орылып, 340 га бастырылған. Орта өнім әр гектарына 65,0 центнерден айналуда. Егін жинау жұмыстарына 3 комбайн, 2 жатка, 6 автомашина тіркемесімен қатысуда,-деді қожалық басшысы өз сөзінде.Әкім бірлігі бекем, тірлігі толымды еңбек ұжымына өз ризашылығын білдірді. Ақжар ауылындағы сапары барысында аудан басшысы республикалық арналарға сұқбат берді.

Қармақшы ауданының әкімі күзгі егін жинау жұмыстарымен танысты

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев Іңкәрдария ауылында жүргізіліп жатқан жол жөндеу жұмыстарымен танысты.Биыл ауылда Жамбыл, А.Құнанбаев және Қ.Сейдахметов көшелеріне орташа жөндеу жұмыстары жүргізілуде. А.Құнанбаев және Қ.Сейдахметов көшелерінің жөндеу жұмыстарын «Нур-Бестстройсервис» ЖШС атқарып, бүгінгі таңда асфальт жабындысы төселген.Ал Жамбыл көшесіне «ДаренСтройСервис» ЖШС тас төсеу жұмыстарын толық аяқтаған. Енді асфальт төсеу жұмыстары жүргізіледі.Аудан басшысы мердігер мекеме өкілдеріне жұмыстардың сапалы жүргізілуі басты назарда болу керектігін айтты. Салалық бөлім басшысына тұрақты бақылауда ұстауды және орташа жөндеу жұмыстарын мерзімінде аяқталуын қамтамасыз етуді тапсырды.

Іңкәрдария ауылындағы көшелер орташа жөндеуден өткізілуде

<a href="https://kyzylorda-news.kz/">Kyzylorda-news.kz.</a> Қазақстан халқы тілдерінің күні мерекесі аясында мемлекеттік тілді дамыту және насихаттау бағытында белсенділік танытып жүрген бірқатар сала мамандары мен «Мемлекеттік тіл және БАҚ» атты облыстық байқауының жүлдегерлері марапатталды.Қызылорда облысының қоғамдық даму басқармасының басшысы А. Есмаханов кіріспе сөз сөйлеп, қатысушыларға мемлекеттік тілдің мәртебесін көтеру жолындағы еңбектеріне табыс тіледі.Жиын барысында «Orda travel» туристік фирмасының, «Arafat» кафесінің ұжымдарына, «Азаматтарға арналған үкімет» КЕАҚ Қызылорда облысы бойынша филиалының бас сарапшысы С. Черняева, «Сыр дидары» газетінің меншік иесі А.Орынбаевтарға басқарманың Алғыс хатын табыстады.Сонымен қатар, «Мемлекеттік тіл және БАҚ» облыстық байқауының жүлдегерлері облыстық «Сыр бойы» газетінің тілшісі Т.Бекмырзаев, Шиелі аудандық «Шарайна-Сейхун» газетінің тілшісі Ғ.Рүстембек, «Қармақшы таңы» газетінің тілшісі А.Сүлейменова, облыстық «Qyzylorda» телеарнасы ұжымы басқарма басшысының Алғыс хатымен және ескерткіш сыйлықпен марапатталды.

Қазақстан халқы тілдері мерекесі аясында бірқатар сала мамандары марапатталды

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Қызылорда қаласындағы бірқатар нысандарды аралап, құрылыс алаңдарына барды.Алдымен аймақ басшысы «Қорқыт ата» әуежайы терминалының құрылыс барысымен танысты.Жерлесіміз, меценат "Болат Өтемұратовтың қоры" өңірде халықаралық стандарттарға сай заманауи терминал салуда. Қазіргі әуежай жылына 137 мың адамға қызмет көрсетсе, жаңа терминал іске қосылғаннан кейін 220 мың жолаушыны қабылдай алады. Ал жүк тасымалдау көлемі 150 тоннадан 240 тоннаға дейін ұлғаяды. Құны 25 миллион долларды, алаңы 7500 шаршы метрді құрайтын терминалда телескопиялық трап екі қабатты болады. Жолаушыларға, оның ішінде қозғалыс қабілеті шектеулі азаматтарға ыңғайлы болу үшін эскалаторлар мен лифттер қарастырылмақ. Жылдам әрі жайлы қызмет көрсету үшін өзін-өзі тіркеу бағандары орнатылады, жүктерді беру және өңдеу автоматтандырылады. Терминал құрылысы 2024 жылы аяқталмақ. Ал әкімдік 5 млрд. теңгеге нысанның аумағын абаттандырып, қажетті инфрақұрылымды, атап айтқанда, су, жылу, кәріз, жарық, байланыс желілерін тартуда.Әрі қарай аймақ басшысы «Батыс Еуропа – Батыс Қытай» автожолы бойындағы жол айрығы құрылысымен танысты.Жоба бойынша жол айрығына 2 эстакада салу қарастырылған.Эстакадалардың жалпы ұзындығы 450 метр, қозғалыс жолағының ені 7 метр, тротуардың ені 1,5 метрді құрайды.Нұрлыбек Машбекұлы Сұлтан Бейбарыс көшесіндегі Неке сарайына барды. Жалпы аумағы 2 мың шаршы метрден астам зәулім ғимараттың құрылысы былтыр қыркүйекте басталған еді. Негізгі қызметі жас жұбайлардың некесін салтанатты түрде қиюға, отбасы институтын қалыптастыруға, ұлттық тәрбиені дәріптеуге және ұлттық құндылықтарды насихаттауға бағытталмақ. Ертең пайдалануға берілетін жоба құны 1 млрд. 600 млн. теңгені құрайды.Облыс әкімі Қызылорда қаласында тамыз айында ашылған темірбетон бұйымдарын өндіру зауытының жұмысын көрді. Заманауи құрылғылармен жабдықталған зауытта құрылысқа қажет бетон бұйымның барлық түрі жасалады. Тұрғын үй құрылысы комбинатында сағатына 80 текше метр тауарлы бетон, тәулігіне 120 текше метр темірбетон бұйымдары шығарылады. Өндіріс орнында 150 адам екі ауысыммен тұрақты жұмыс істейді.Аймақ басшысы жақын «Анаға тағзым» орталығына да аялдады. Орталықта жас отбасыларға, балаларға ұлттық құндылықтарды дәріптеп, әдет-ғұрып, салт-дәстүрлерді жаңғыртуға мүмкіндік берілмек. Жаңа нысанда қыз-келіншектерге арналған арнайы бөлмелер, тұрмысқа және қонақ күтуге баулу, жан-жақты психологиялық көмек беру кабинеттері болады. Мұнан бөлек, шығармашыл жандарға арналған әдебиет және поэзия, дизайн студиясы мен би орталығы және жас отбасыларға қызмет көрсету бөлмелері болады.Айта кетейік, қала тұрғындары серуендеп, тынығуы үшін М.Ықсанов атындағы политехникалық колледж аумағындағы саябақ кеңейтіліп, «Анаға тағзым» орталығынан бастау алатын жаңа аллея колледж аумағына дейін жалғасатын болады.Аймақ басшысы Ә.Мүсілімов атындағы №101 мектеп-лицейінің жанына салынған қосымша ғимаратқа барды. Бала саны жыл өткен сайын артқандықтан, биыл облыс орталығындағы бірнеше білім ошағының қасына қосымша құрылыс салубарынша тиімді шешім ретінде танылып, бюджет қаржысы үнемделді. Қосымша ғимарат салу жаңа мектепке қарағанда арзанға түсті. Ең маңыздысы балалар өздері үйренген, үйіне жақын мектебіне қатынап оқуда.№101 мектеп-лицей ауласында салынған 375 орындық ғимарат бастауыш сыныптарға арналған. Онда оқу кабинеттері, шығармашылық бөлмелер талапқа сай жасақталған. Оқушыларға ыңғайлы болу үшін оқу құралдарын сақтауға, балалардың шығармашылық дамуы мен демалуына барлық жағдай қарастырылған. Бейнебақылау, дыбыстық хабарлау және басқа да қауіпсіздік жабдықтары орнатылған. Биылғы жаңа оқу жылында облыс орталығындағы 4 мектептің (№2, 3, 101, 264) 1 850 балаға арналған қосымша ғимараттары балаларды қабылдады.Әрі қарай Нұрлыбек Нәлібаев Абай даңғылы бойындағы көпқабатты тұрғын үйлер ауласын абаттандыру жұмыстарымен танысты. Мұнда 4 автотұрақ, 8 демалыс орны, 4 ойын, спорт және футбол алаңдары салынған. Бұл жұмыстардың барлығы демеушілірдің қолдауымен жүзеге асырылды.<img src="https://knadmin.beoblood.kz/uploads/383240225_1867704736958363_8556693898916033110_n_d10d00fac7.jpg" alt="383240225_1867704736958363_8556693898916033110_n.jpg"><img src="https://knadmin.beoblood.kz/uploads/383217929_1867704450291725_5089695201836711735_n_7446c22ecb.jpg" alt="383217929_1867704450291725_5089695201836711735_n.jpg"><img src="https://knadmin.beoblood.kz/uploads/383347040_1867704493625054_555573270612367388_n_c3fdab8077.jpg" alt="383347040_1867704493625054_555573270612367388_n.jpg">

Облыс әкімі қаладағы нысандарды аралады

<a href="https://www.wallpaperbetter.com/ru/hd-wallpaper-nxsrr">ФОТО</a><a href="https://kyzylorda-news.kz/">Kyzylorda-news.kz.</a> Қазгидромет ел аумағында 29 қыркүйекте болатын&nbsp;қауіпті метеорологиялық құбылыстарға болжам жасап, ауа райын қалай болатынын хабарлады.<blockquote>“Солтүстік-батыс антициклон жотасының әсерінен еліміздің батыс жартысында жауын-шашынсыз ауа райы сақталады, ал елдің қалған аумағында атмосфералық фронттардың әсерінен жаңбыр жауады, күндіз Алматы облысының таулы аудандарында-жауын-шашын (жаңбыр, қар). Қазақстанның оңтүстік жартысында найзағай ойнайды. Республика бойынша тұман, оңтүстікте, оңтүстік-шығыста, күндіз шығыста және орталықта екпінді жел күтіледі” дейді синоптиктер.</blockquote>Ақтөбе облысының солтүстігінде түнде топырақ бетінде 1 градус үсік жүреді.Түркістан облысында, Қызылорда облысының орталығында, шығысында, оңтүстігінде төтенше өрт қаупі бар.

29 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Енді жүргізуші куәлігін алғаш рет алатын <a href="азаматтар «Мобильді ХҚКО» қосымшасы">азаматтар «Мобильді ХҚКО» қосымшасы </a>арқылы мамандандырылған халыққа қызмет көрсету орталығына емтихан тапсыруға өтініш беріп, алдын ала кезекті брондай алатын болады. Бұл жанашылдық уақыт үнемдеуге әрі МХҚОдағы қызметалушылардың ағынын азайтуға септігін тигізеді.Ол үшін қолданушыға <a href="«Мобильді ХҚКО» қосымшасында">«Мобильді ХҚКО» қосымшасында</a> «Бейне қызметті» таңдау керек. Бұл сервис қызметалушы алғашқы ақпаратты алу үшін МҚКО операторымен байланыстырады.Одан кейін клиентке мемлекеттік бажды төлеуге немесе алдын ала төленген түбіртекті ұсынуға мүмкіндік беріледі. Төлем жасалғаннан кейін № 073/у формадағы медициналық анықтаманың, автомектепті аяқтағаны туралы куәліктің, қызметалушының суретінің сканерленген нұсқаларын және талапқа сәйкес қойылған қолтаңбаны сұрататын болады. Оператормен сөйлесу барысында аталған барлық құжатты диалогтық терезеде тіркеу қарастырылған. Айта кететін жайт, азамат өтінішті сәтті тапсырғаннан кейін, МХҚКО-ға алдын ала кезекті брондау үшін емтихан тапсыратын күн мен уақыт ұсынылатын болады.<blockquote>«Бұрын емтихан тапсыратын азаматтар өтініш беру және төлем жасау үшін МХҚКОға баруға міндетті болатын. Енді бұл қызметті үйден шықпай, онлайн алуға болады. Яғни, бейнеқоңырау арқылы өтініш беріп және кезекті алдын-ала брондайды. Одан кейін клиент МХҚКОға бекітілген уақытта келіп, емтиханын тапсырып кете алады. Болашақта өтініш беру фнкциясын электронды порталға және екінші деңгейлі банктердің ақпараттық жүйелеріне енгізу жоспарда бар» - деді Басқарма Төрағасы Сүйеніш Әбділдин.&nbsp;</blockquote>Айта кетейік, сервиспен eGov mobile қосымшасында да қолдануға болады. Ол үшін басты беттегі «БейнеХҚКО» батырмасын таңдау қажет.&nbsp;

«Мобильді ХҚКО» қосымшасында жаңа қызмет пайда болды

<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасында көлік құралдары иелерінің азаматтық-құқықтық жауапкершілігі заңнамалық деңгейде белгіленген, ол жол-көлік оқиғасы (бұдан әрі - ЖКО) жағдайына сақтандыру полисін ресімдеуге міндеттейді. Көлік құралдары иелерінің азаматтық-құқықтық жауапкершілігін міндетті сақтандыру жол-көлік оқиғасы кезінде кінәлі адамның зардап шеккен адамның алдындағы жауапкершілігін қамтамасыз ету тетігі ретінде көптеген жылдар бойы Қазақстан Республикасында маңызды өтемақы функциясын қамтамасыз етіп келеді.&nbsp;Fingramota.kz көліктік сақтандыру бойынша төлемнің ерекшеліктері туралы айтып береді.&nbsp;Көлік құралдары иелерінің азаматтық-құқықтық жауапкершілігін міндетті сақтандыру (КҚИ МАҚЖ) жүргізушінің үшінші тұлғалар алдындағы жауапкершілігін, оның ішінде Қазақстан арқылы транзитпен жүретін жүргізушілердің жауапкершілігін сақтандыратын сақтандырудың міндетті түрі болып табылады. ЖКО-да жүргізуші кінәлі болатын жағдайда, зардап шеккен адамдарға шығынды сақтандыру компаниясы өтейді.Мәселен, заңнамада белгіленген лимиттердің шеңберінде сақтандыру компаниясы апаттың зардап шеккен қатысушыларына олардың көлік құралдарын жөндеуге сақтандыру төлемін төлейді, сондай-ақ зардап шеккен адамның өміріне немесе денсаулығына зиян келсе, емделуге төлем немесе қайтыс болуына байланысты өтемақы жасалады.Қазіргі уақытта Қазақстанда КҚИ МАҚЖ бойынша сақтандыру полисін ашу барынша оңай әрі жылдам. Бар болғаны сақтандыру компаниясының ресми сайтында өзіңіздің ЖСН мен көлік құралының мемлекеттік нөмірін енгізу жеткілікті, қалған ақпарат Бірыңғай сақтандыру дерекқорынан автоматты түрде толтырылады.КҚИ МАҚЖ полисінсіз сіздің жолға шығуға құқығыңыз жоқ және сақтандырусыз көлік айдағаны үшін 10 АЕК мөлшерінде айыппұл салынады. КҚИ МАҚЖ автомобильді емес, жүргізушінің өзінің жауапкершілігін сақтандыратынын есте ұстаңыз.Меншікті көлік құралын ерікті сақтандыру&nbsp;Автокөлік иелері өздерінің қалауы бойынша автомобиль көлігін ерікті сақтандыру полисін қосымша ресімдей алады.Өз заттарына мұқият қарауға әдеттенген адамдар міндетті автосақтандыруға қосымша ретінде автомобиль көлігін ерікті сақтандыру полистерін жасағанды дұрыс көреді.Ерікті сақтандырудың шарттары мен тәртібі тікелей сақтандыру полисінде айқындалады, себебі әрбір сақтандыру полисі жеке болып табылады және тараптардың еркіне қарай жасалады.Сақтандыру жағдайы туындаған (ЖКО ғана емес, сонымен қатар көлік құралына бөгде объектінің немесе заттың құлауы немесе ішіне енуі; өрт; жарылыс; табиғат апаты; найзағай ойнап, жай түсуі; үшінші тұлғалардың заңға қайшы әрекеттері және т.б.) кезде сақтандырылушы белгіленген лимит шегінде сақтандыру төлемін пайдалана алады, осылайша машинаны жөндеу арзандауға түседі не оны сақтандыру полисі түгел өтейді. Егер алушы ЖКО-ға кінәлі тарап болып табылса да, меншікті көлік құралын осындай ерікті сақтандыру болса, оған төленеді.Зардап шеккен тарапқа шығынды қосымша өтеудің талаптарын қамтитын ерікті сақтандыру полисі бар болса, ЖКО-ға кінәлі тараптан шығынды ерікті дербес өтеу талап етілмейді.ЖКО кезінде сақтандыру төлемі қалай төленеді?ЖКО-дан зардап шеккен адамға сақтандыру төлемін төлеу процесі Қазақстан Республикасының заңнамасында регламенттелген.КҚИ МАҚЖ ойынша мүлікке келтірілген зиян айғақ бойынша өтеледі, бірақ егер зиян сомасы 600 АЕК-тан асса, онда кінәлі адам қалған соманы дербес не ерікті сақтандыру арқылы (егер мұндай полис бар болса) төлейді. Мүгедектік белгіленбей, денсаулығына зиян келтірілген жағдайда, КҚИ МАҚЖ бойынша сақтандыру төлемінің сомасы 300 АЕК-тан аспайды. Зардап шегуші адам қайтыс болған жағдайда, әрбір қайтыс болған адамға 2000 АЕК төленеді.ЖКО-дан кейін сақтандыру төлемін ресімдеудің маңызды бөлігі бұл – зардап шеккен адамға көлік құралын қалпына келтіру үшін аталған соманың жеткілікті болатынын түсіну үшін сақтандыру компаниясы көлік құралына келтірілген зиянның көлемін бағалауы қажет болады.Сақтандырушы келтірілген зиянға жүргізген бағалау тәртібімен және (немесе) нәтижемен сақтанушы (зардап шегуші, пайда алушы) келіспеген жағдайда, ол сақтандыру омбудсманының көмегіне жүгінуге құқылы.Сондай-ақ КҚИ МАҚЖ шеңберінде, зардап шеккен адамның өмірі мен денсаулығына келтірілген зиян үшін сақтандыру төлемін алу үшін, медициналық куәландыру алу қажет.Жалпы алғанда, Қазақстан Республикасының заңнамасына сәйкес сақтандыру компаниясы ЖКО-дан зардап шеккен адамға соңғы құжатты алғаннан кейін 15 күннен кешіктірмей сақтандыру төлемін төлеуге міндетті.Ерікті сақтандыру бойынша сақтандыру төлемдерін жүзеге асыру тәртібі мен мерзімдері сақтандыру шартында айқындалады.Өзіңізге, өз ақшаңызға абай болыңыз және Fingramota.kz-пен бірге қаржылық сауаттылығыңызды арттырыңыз!&nbsp;

Көлік иелерінің азаматтық-құқықтық жауапкершілігін сақтандыру бойынша сақтандыру төлемдері 

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданында МӘМС жүйесінде сақтандырылмаған азаматтар саны артты. Әлеуметтік медициналық сақтандыру қорының облыстық филиалы мен денсаулық сақтау басқармасының мамандары аудан тұрғындарымен кездесулері барысында әлеуметтік медициналық сақтандырудың мүмкіндіктері талқыланды.<blockquote>«Көшпелі жиындар Тереңөзек ауылында, Ақжарма, Нағи Ілиясов ауылдық округтерінде өтті. Ауданда 35 мыңға жуық адам тұрады, оның 5051-і (14,6%) міндетті әлеуметтік медициналық сақтандыру жүйесінде сақтандырылмаған. Тамыз айында тағы 82 адам жүйеден тыс қалды. Бұл өңірде ауыл тұрғындарын медициналық сақтандыруға тарту бойынша жұмыстың талапқа сай жүргізілмегенін көрсетеді.Әкімдіктермен, мемлекеттік кірістер, жұмыспен қамтуды үйлестіру және әлеуметтік бағдарламалар департаменттерімен бірлесе отырып, ақпараттық жүйелердің интеграция жасау және оларға азаматтардың жеңілдікті санаттарын уақтылы енгізуді қадағалау қажет. МӘМС жүйесінде сақтандырылмаған заңды тұлғаларға берешекті мәжбүрлеп өндіріп алу шараларын қолдану қажет», - деп атап өтті Бақыт Исмаханбетов.</blockquote>Кездесуде ауыл тұрғындары бірқатар сұрақтармен жүгінді. Егер МӘМС-да сақтандырылған отбасы мүшелерінің бірі медициналық көмекке жүгінбесе, оның қаражатымен пайдалануға бола ма? МӘМС жүйесінде әрбір адам өзі үшін жеке төлейтіні және бүл жүйе жинақтаушы емес екені атап өтілді. Қағидалардың бірі - дені сау адам науқас үшін төлейді, яғни МӘМС жүйесіндегі сақтандырылғандардың арасында жеңілдікті санаттағы азаматтар (балалар, жүкті әйелдер, зейнеткерлер, мүгедектер және т.б.) бар.Тағы бір сұрақ: МӘМС есебінен гормондарға сынама тапсыруға бола ма? Иә, МӘМС жүйесінде сақтандырылған пациенттерге кеңейтілген жоспарлы медициналық қызметтер қолжетімді, бұл талдаулар мен тексерулерге қалта шығындарын айтарлықтай азайтуға мүмкіндік береді. Егер медициналық көрсеткіштер мен тиісті тар буынды маманның қорытындысы болса, жолдама алуға құқығыңыз бар. Тізімде ең көп таралған 20 гормон бар, оларды тексеру МӘМС арқылы қамтылады.Сөз соңында Бақыт Исмаханбетов сақтандыру мәртебесін Қордың fms.kz ресми сайтында, Egov.kz электронды үкімет порталында, сондай-ақ Qoldau 24/7 мобильді қосымшасында, Telegram желісіндегі @SaqtandyrýBot арқылы тексеруге болатынын еске салды.&nbsp;Қызылорда облысында емуханаларға тіркелген 822 521 халықтың 695 127-сі (84,5%) сақтандырылған, ал қалған 127 394-і МӘМС жүйесінен тыс қалған. Сақтандырылмаған азаматтардың үлесі өңірде тіркелген тұрғындардың жалпы санының 15,5% құрады.<figure class="image"><img src="https://knadmin.beoblood.kz/uploads/OSMS_5e825d1c0b.jpeg" alt="ОСМС.jpeg"></figure>&nbsp;

Сырдария ауданының 5 мыңнан астам тұрғыны МӘМС жүйесінде сақтандырылмаған

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Шиелі аудандық филиалының кезектен тыс XLІІ (42-ші) конференциясы өтті.Конференция жұмысына арнайы «AMANAT» партиясы Қызылорда облыстық филиалының төрағасы Наурызбай Байқадамов сонымен қатар, бастауыш партия ұйымының жетекшілері, партия белсенділері, партия ардагерлері, аудандық мәслихаттағы «AMANAT» партиясы депутаттық фракциясының мүшелері мен «Жастар Рухы» жастар қанатының өкілдерінен 120 делегат қатысты.Аталған жиынның күн тәртібінде «AMANAT» партиясының 2023-2027 жылдарға Сайлауалды бағдарламасын іске асыру жөніндегі Жол картасының Шиелі ауданы бойынша көрсеткіштерінің орындалысы мен ҚР Парламенті Мәжілісі мен барлық деңгейдегі мәслихат депутаттарын сайлау науқанында сайлаушылардан түскен ұсыныс–пікірлердің шешілуі туралы аудан әкімінің есебі тыңдалып, 5 қарашада өтетін аудан әкімдері сайлауына «AMANAT» партиясы қоғамдық бірлестігінен Шиелі ауданының әкімі лауазымына кандидатура ұсыну мәселелері қаралды.Конференция жұмысын партияның аудандық филиалының төрағасы Болат Сыздық жүргізіп отырды.Күн тәртібіндегі алғашқы мәселе бойынша Шиелі ауданының әкімі Нұржан Ахатовтың есебі тыңдалды.Күн тәртібіндегі екінші мәселе бойынша конференция жұмысына 3 үміткер ұсынылып, қатысқан делегаттардың ашық дауыс беруі нәтижесінде Шиелі ауданының әкімі лауазымына кандидат ретінде Нұржан Ахатов ұсынылды. Алдағы күндері ол аудандық сайлау комиссиясында тіркеуден өтеді.Жиын барысында сөз алған партияның облыстық филиалының төрағасы Наурызбай Байқадамов елеміздегі сайлау жүйесінің жетілуі бойынша атап өтті.«Мемлекет басшысы Қасым-Жомарт Тоқаевтың тапсырмасы бойынша Қазақстанда сайлау жүйесі жетілдірілуде. 2021 жылдан бастап елімізде ауыл әкімдерін тікелей сайлау тетігі іске қосылды. Енді міне аудан әкімдерінің сайлауы да ашық түрде халық таңдауына түскелі отыр. Биыл өңірімізде Шиелі және Сырдария аудандарының әкімдерін тікелей сайлау арқылы азаматтардың саяси белсенділігін арттырмақпыз. Алдағы сайлау науқаны саяси мәдениет пен бәсекелестікті арттыратыны анық», – деді «AMANAT» партиясы Қызылорда облыстық филиалының төрағасы Наурызбай Байқадамов.Жалпы конференцияның күн тәртібіне ұснылған мәселелер толық қаралып, тиісті қаулылар қабылданды.<figure class="image"><img src="https://knadmin.beoblood.kz/uploads/376881315_711894940976145_4284800619896339218_n_1eec7008c7.jpg" alt="376881315_711894940976145_4284800619896339218_n.jpg"></figure>

Қазақстан және Қызылорда облысының жаңалықтары

Полиция департаментінде еңбек адамдарына құрмет көрсетілді