<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ерлан Төрәлиев «Әкелер одағы» РҚБ Қызылорда облыстық филиалының директоры, белгілі меценат Ержан Искендірді қабылдады.Кездесу барысында қоғамдық бірлестіктің идеологиялық бағытта атқаратын жұмыстары мен алдағы іс-шаралар жоспары талқыланды. Сондай-ақ, ауданда осы бағыттағы жұмыстарды жалғастыру, бірлескен іс-шараларды ұйымдастыру мәселелері бойынша пікір алмасты.Ержан Искендір алдағы жоспарларымен бөлісіп, қоғамдық бірлестік тарапынан жүзеге асырылатын бастамалар туралы айтты.

 Идеологиялық бағыттағы жұмыстар пысықталды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ерлан Төрәлиев 29 қазан – Қазақстан кәсіпкерлері күніне орай аудан кәсіпкерлерін қабылдады.Қабылдау барысында аудан басшысы кәсіпкерлерді кәсіби мерекесімен құттықтап, олардың аудан экономикасын дамытуға, жаңа жұмыс орындарын ашуға және халықтың әл-ауқатын арттыруға қосып отырған үлестеріне тоқталды.Құттықтау сөзінде аудан әкімі кәсіпкерлік саласының өңірдің әлеуметтік-экономикалық дамуы үшін маңызы зор екенін атап өтті. Сонымен қатар, кәсіпкерлердің бастамалары мен еңбегінің жергілікті экономиканы нығайтуға ықпал ететінін жеткізіп, алдағы жұмыстарына табыс тіледі.Кездесу соңында ауданның дамуына үлес қосып жүрген бірқатар кәсіпкерлер аудан әкімінің Алғысымен марапатталды.<img src="https://knadmin.beoblood.kz/uploads/Zhala_ash_k_sipkerlerdi_marapattau_1c8f633833.jpg" alt="Жалағаш кәсіпкерлерді марапаттау.jpg">

Жалағаштық кәсіпкерлерді мерекемен құттықтады

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университеті халықаралық ғылыми ынтымақтастықты дамыту, аграрлық ғылымның әлеуетін арттыру және өзекті зерттеулердің нәтижелілігін қамтамасыз ету бағытындағы жұмыстарын жүйелі түрде жалғастыруда.Осы мақсатта университеттің «Аграрлық технологиялар» білім беру бағдарламаларының профессор-зерттеушілері Ибадулла Таутенов пен Лаура Тохетова Сербия Республикасының Егіншілік және көкөніс шаруашылығы институтының (Institute of Field and Vegetable Crops – IFVC) ғылыми қызметімен танысып, институт ғалымдарымен тәжірибе алмасты.Аталған сапар AP23489478 «Қазақстандық Арал өңірі күріш жүйелерінің тұзды топырақтарында дәндік құмайдың отандық және шетелдік селекциясы сорттарын экологиялық сынау» гранттық жобасы аясында ұйымдастырылды. Жоба Қазақстанның, әсіресе Арал өңірінің күрделі топырақ-климаттық жағдайларына бейімделген ауыл шаруашылығы дақылдарын зерттеуге, олардың өнімділік әлеуетін бағалауға және аграрлық өндірістің тұрақтылығын арттыруға бағытталған.Ғылыми сапар барысында университет ғалымдары институт басшылығымен және бейінді зертханалардың мамандарымен кездесіп, ғылыми инфрақұрылымымен, зерттеу бағыттарымен және тәжірибелік жұмыстарымен танысты. Кездесу аясында Қазақстан мен Сербияның табиғи-климаттық жағдайларында дәндік құмай өсірудің ерекшеліктері, оның өнімділігін арттыру, сондай-ақ тұзданған топырақтарға бейімдеу мәселелері талқыланды. Ғалымдар өзара ғылыми тәжірибе алмасып, зерттеу нәтижелерін өндіріске енгізу мүмкіндіктерін қарастырды.Ибадулла Таутеновтің пікірінше, халықаралық ғылыми байланыстарды нығайту отандық аграрлық ғылымның дамуына, зерттеулердің ауқымын кеңейтуге және озық ғылыми тәжірибені игеруге мүмкіндік береді. Сербия Республикасының Егіншілік және көкөніс шаруашылығы институтымен ынтымақтастық аясында бірлескен зерттеулер жүргізу, ғылыми жарияланымдар әзірлеу және Қазақстанның топырақ-климаттық жағдайларына бейімделген ауыл шаруашылығы дақылдарын зерттеу бағытындағы жұмыстарды жетілдіру көзделеді. Ғалым аталған әріптестіктің университеттің ғылыми әлеуетін арттыруға және аграрлық ғылымның дамуына тың серпін беретініне сенім білдіріп, ғылыми сапарды ұйымдастыруға қолдау көрсеткен институт профессоры Санья Васильевичке алғысын жеткізді.Сербия Республикасының Егіншілік және көкөніс шаруашылығы институты – 1938 жылы құрылған. Институт селекция, тұқым шаруашылығы, генетика және биотехнология салаларында халықаралық деңгейде танылған ғылыми орталықтардың бірі саналады. Мұнда әртүрлі топырақ-климаттық жағдайларға бейімделген ауыл шаруашылығы дақылдарының жоғары өнімді сорттары мен будандары әзірленеді. Әсіресе дәндік құмай мен жүгері селекциясы бағытындағы ғылыми зерттеулер институт қызметінің маңызды басымдықтарының қатарында.<img src="https://knadmin.beoblood.kz/uploads/or_yt_Serbiya_instituty_yntyma_tasty_364b354e14.jpeg" alt="Қорқыт Сербия институты ынтымақтастық.jpeg">

Қорқыт ата атындағы Қызылорда университеті мен Сербия институты арасындағы ғылыми ынтымақтастық кеңейтілуде

<a href="https://kyzylorda-news.kz/">Kyzylorda-news.kz</a> Қармақшы ауданы әкімдігінде аудан әкімі Жандос Еркінбектің төрағалығымен Мемлекет басшысы Қасым-Жомарт Тоқаевтың 2026 жылғы 28 қазандағы Қазақстан халқына Жолдауын іске асыру жөніндегі іс-шараларға арналған мәжіліс өтті.Жолдауда еліміздің алдағы даму кезеңіндегі басым бағыттар айқындалып, экономика мен бюджеттік жоспарлау, инвестиция тарту, инфрақұрылымды жаңғырту, салық саясатын жетілдіру, энергетикалық тапшылықты жою және цифрландыру мәселелеріне ерекше назар аударылды.Аталған міндеттер халықтың тұрмыс сапасын арттыруға, логистиканы және жаңа энергия көздерін дамытуға, кәсіпкерлікті қолдауға, сондай-ақ барлық салаға цифрлық технологияларды енгізуге бағытталған.Мәжіліс барысында Жолдауда белгіленген басымдықтарды аудан көлемінде жүзеге асыру, экономикалық өсімге серпін беретін кәсіпкерлік және ауыл шаруашылығы салаларындағы инвестициялық жобаларды іске асыру мүмкіндіктерін қарастыру мәселелері талқыланды.Аудан басшысы тиісті сала басшыларына Жолдаудан туындайтын міндеттерді сапалы әрі уақтылы орындауды, белгіленген басым бағыттар бойынша нақты жұмыстар жүргізуді тапсырды.Басты мақсат – Мемлекет басшысы айқындаған міндеттерді жүйелі жүзеге асырып, ауданның әлеуметтік-экономикалық дамуын қамтамасыз ету және тұрғындардың өмір сүру сапасын арттыру.

Қармақшы: Атқарылатын жұмыстарға сәйкес тиісті сала басшыларына тапсырма берді

<a href="https://kyzylorda-news.kz/">Kyzylorda-news.kz</a> Тұрмағамбет Ізтілеуовтің Әбілқасым Фирдоусидің «Шаһнама» дастанын қазақ тіліне аударғанына 90 жыл толуына орай ұйымдастырылған «Шаһнама» және Тұрмағамбет – әлем әдебиетінің мәңгілік мұрасы» халықаралық ғылыми-тәжірибелік конференциясының қатысушылары Қызылорда қаласының көрікті және тарихи-мәдени орындарына экскурсия жасады.Экскурсия барысында шетелдік қонақтар Қызылорда облыстық тарихи-өлкетану музейін, Өнер орталығы мен Жыраулар үйін аралады. Олар Сыр өңірінің бай тарихымен, мәдени мұрасымен және жыраулық дәстүрімен танысты.<img src="https://knadmin.beoblood.kz/uploads/or_yt_universiteti_sheteldik_ona_tar_2_6388226d40.jpg" alt="Қорқыт университеті шетелдік қонақтар 2.jpg">Айта кетейік, халықаралық ғылыми-тәжірибелік конференция Қазақстан Республикасы Ғылым және жоғары білім министрлігі, Қызылорда облысының әкімдігі және Қорқыт ата атындағы Қызылорда университетінің ұйымдастыруымен өтуде.Конференция бағдарламасы аясында Тұрмағамбет Ізтілеуовтің әдеби мұрасы мен «Шаһнама» дастанының әлем әдебиетіндегі орны жан-жақты талқыланатын пленарлық отырыс пен секциялық жұмыстармен жалғасады.<img src="https://knadmin.beoblood.kz/uploads/or_yt_universiteti_sheteldik_ona_tar_3_025449034b.jpg" alt="Қорқыт университеті шетелдік қонақтар 3.jpg">

Шетелдік қонақтар Сыр елінің тарихи-мәдени орындарымен танысты 

<a href="https://kyzylorda-news.kz/">Kyzylorda-news.kz</a> Қызылордада «Қазақстан кәсіпкерлері күні» кәсіби мерекесіне орай аймақтық бизнес-қауымдастық өкілдерімен кездесу өтті.Негізгі мақсаты – мемлекет пен бизнес арасындағы әріптестікті нығайту, кәсіпкерлікті қолдау және дамыту бағытында пікір алмасып, жаңа мүмкіндіктерді талқылау.Облыс әкімінің орынбасары Нұртай Қайрат Ырзақұлұлы төрағалық еткен кездесуге Инвестициялық омбудсмен – Қызылорда облысы прокурорының міндетін атқарушы Нұрболат Дүйсенбаев, Өңірлік кеңес төрағасы Мұрат Сәрсенбаев, сондай-ақ бизнес өкілдері мен салалық мемлекеттік мекемелер және қаржы институттары қатысты.Кездесу соңы салтанатты шараға ұласып, аймақтың әлеуметтік-экономикалық әлеуетін арттыруға, кәсіпкерлікті дамытуға өз үлесін қосып жүрген сала үздіктеріне ведомстволық және облыстық деңгейден құрмет көрсетілді.Теміржол және машина жасауда кәсіби біліктілігімен танылып, саланың дамуына қосқан үлесі үшін:&nbsp;<ul><li style="text-align:justify;">«Қамқор Локомотив» серіктестігінің «Сексеуіл локомотив жөндеу депосы» филиалы директорының міндетін атқарушы Бүлеков Нұрлан Нұржанұлы «Құрметті теміржолшы» төсбелгісімен;</li><li style="text-align:justify;">«Марал-Нұр» серіктестігі директорының кеңесшісі Ким Лев Николаевич «Машина жасау өнеркәсібінің үздігі» төсбелгісімен;</li><li style="text-align:justify;">Құрылыс индустрияның дамуына қосқан үлесі үшін: «КСМ KZ» серіктестігінің өндіріс басшысы ЖҰМАБЕКОВ Аманбайға «Еңбек ардагері» төсбелгісімен марапатталды.</li></ul>Өнеркәсіп саласының дамуына үлес қосқан «Нур-Жол Алем», «Turanium» және «Altyn Bricks Kyzylorda» кәсіпорындарының басшылығына Қазақстан Республикасы Өнеркәсіп және құрылыс министрі Ерсайын Қайырғазыұлы Нағаспаевтың «Құрмет грамотасы» табысталды.<img src="https://knadmin.beoblood.kz/uploads/Whats_App_Image_2026_10_30_at_12_25_47_9276302d47.jpeg" alt="Кәсіпкерлер марапат.jpeg">Кәсіпкерліктің табысты дамуы – экономикалық көрсеткіштермен ғана емес, адалдық, ашықтық және қоғам алдындағы жауапкершілік қағидаттарымен де тығыз байланысты. Осы қағидаттарды дәріптеуге бағытталған «Адал кәсіпкер» өңірлік науқанының 7 номинация бойынша жеңімпаздарына құрмет көрсетілді.<ul><li style="text-align:justify;">«Адал кәсіпкер – үлгілі салық төлеуші» номинациясымен «Turanium» ЖШС;</li><li style="text-align:justify;">«Адал кәсіпкер – жауапты жұмыс беруші» номинациясымен «Ақсауле-Мед» ЖШС;</li><li style="text-align:justify;">«Адал кәсіпкер – қауіпсіз кәсіпорын» номинациясымен «РЕМ. ПАССАЖИР ВАГОН» ЖШС;</li><li style="text-align:justify;">«Адал кәсіпкер – әлеуметтік жауапты бизнес» номинациясымен Жаңажол» ЖШС;</li><li style="text-align:justify;">«Адал кәсіпкер – ашық бизнес» номинациясымен «Venera Print» ЖШС;</li><li style="text-align:justify;">«Адал кәсіпкер – Үздік шағын бизнес» номинациясымен жеке кәсіпкер «Достық»;</li><li style="text-align:justify;">«Адал кәсіпкер – үздік өндірістік кәсіпорын» номинациясымен Қызылорда механикалық зауыты «КВАНТ» ЖШС.</li></ul>Салтанатты іс-шараға қатысқан басқа бизнес өкілдері мен бірқатар салалық қызметкерлерге облыс әкімінің алғыс хаттары және «Атамекен» Ұлттық кәсіпкерлер палатасының Төралқа Төрағасының &nbsp;құрмет грамоталары табысталды.<img src="https://knadmin.beoblood.kz/uploads/Whats_App_Image_2026_10_30_at_12_25_48_8200eebc9c.jpeg" alt="Кәсіпкерлер марапатjpeg">

Қызылордада кәсіпкерлер күніне орай бизнес-қауымдастық өкілдері марапатталды

<a href="https://kyzylorda-news.kz/">Kyzylorda-news.kz</a> Қазан айының 26-сы мен 2 қараша аралығында Қазақстан Ұлттық волейбол федерациясының жоспарына сәйкес, Қазалы ауданында волейболдан жасөспірімдер арасындағы Қазақстан Республикасының чемпионаты өтуде.&nbsp;Әйтеке би кентіндегі мәдени-демалыс кешенінде орналасқан спорт кешенінде өтіп жатқан республикалық доданың ашылу салтанатына аудан әкімі Алмасбек Есмаханов қатысып, еліміздің әр аймағынан келген жас спортшыларға сәттілік тіледі.Ауданның спорт саласындағы атқарылып жатқан жүйелі жұмыстар мен қазалылық спортшылардың жарқын жетістіктеріне тоқталып өтті.<img src="https://knadmin.beoblood.kz/uploads/azaly_vollejbol_chempionat_e722149504.jpg" alt="Қазалы воллейбол чемпионат.jpg"><blockquote>– Бүгінде Президентіміздің, Үкіметтің және облыс әкімінің ерекше қолдауымен өңірімізде бұқаралық спортты дамытуға, жас ұрпақтың спортпен тұрақты айналысуына жағдай жасауға ерекше мән беріліп келеді. Соңғы төрт жылда Қ.Пірімов және Үрмәш Түктібаев ауылдарында заманауи спорт кешендері салынып, бірқатар елді мекендерде спорт және ойын алаңдары пайдалануға берілді. Биылдың өзінде «Ауыл – Ел бесігі» жобасы аясында 1 млрд. 564 млн. теңгеге Әйтеке би кентіндегі «Мәдени-демалыс кешенінен», Қожабақы мен Бекарыстан би ауылдарынан жаңа спорт кешендері пайдалануға берілді. Бұдан бөлек кезең-кезеңімен спорттық ойын алаңдарыда салынуда. Жыл басынан бері қазалылық спортшылар әлем чемпионаттарында 2 алтын, Азия чемпионатында 1 алтын, халықаралық турнирлерде &nbsp; &nbsp;11 алтын, 16 күміс, 8 қола, ал Қазақстан Республикасының чемпионаттарында 19 алтын, 25 күміс және 32 қола медаль иеленді. Биыл шілде айында бокстан Азия чемпионатында жерлесіміз Зарина Толыбай алтын медаль жеңіп алып, Азия чемпионы атанса, күні кеше ғана Черногорияда өткен жасөспірімдер арасындағы әлем чемпионатында Зарина қарындасымыздың топ жарып, әлем чемпионы атанды. Ауыл спортшылары арасында өткен дәстүрлі «Алтын күз – 2026» XXXIX облыстық спартакиадасында ауданымыз жалпыкомандалық есепте үшінші орынға ие болды. Бұл жетістіктер – спортшыларымыздың табандылығының, жаттықтырушыларымыздың қажырлы еңбегінің және спорт саласына көрсетіліп отырған мемлекеттік қолдаудың жемісі. Бүгінгі Қазалы ауданында алғаш рет ұйымдастырылып отырған волейболдан Қазақстан Республикасы чемпионаты ауданымыздың спорт саласындағы маңызды оқиғаларының бірі. Сіздерге бүгінгі чемпионатта сәттілік, тартысты ойын және жарқын жеңістер тілеймін, - деді аудан әкімі Алмасбек Әбілқасымұлы.</blockquote>Бұдан кейін Қызылорда облысының волейбол федерациясының президенті Бақыт Кеңесов жарыстың жоғары деңгейде өтуіне тілектестігін білдіріп, жарыстың маңызына тоқталды.Республикалық чемпионатқа еліміздің Петропавл, Павлодар, Қостанай, Жетісу, Қызылорда облыстарының және Қазалы ауданының командаларынан барлығы 100-ге жуық жас спортшылар қатысуда. Айта кетейік, аталмыш жарыс биыл Қазалы ауданында алғаш рет ұйымдастырылып отыр.<img src="https://knadmin.beoblood.kz/uploads/azaly_voll_a1355be310.jpg" alt="Қазалы воллейбол чемпионат.jpg">

Қазалыда волейболдан жасөспірімдер арасындағы Қазақстан Республикасының чемпионаты өтуде

<a href="https://kyzylorda-news.kz/">Kyzylorda-news.kz</a> Арал ауданында даңқты батыр Сартай Байжанұлының 315 жылдық мерейтойына орай 2014–2015 жылдары туған жасөспірімдер арасында еркін күрестен республикалық ашық турнирге ұласты.&nbsp;№19 олимпиадалық резервтің мамандандырылған балалар-жасөспірімдер мектебінің спорт залында ұйымдастырылған дүбірлі додаға еліміздің әр өңірінен келген жас балуандар қатысып, боз кілемде бақ сынауға жиналды.Турнирдің ашылу салтанаты қатысушы командалардың салтанатты шеруімен басталып, Қазақстан Республикасының Мемлекеттік Әнұранымен жалғасты.Салтанатты жиында облыс әкімінің бірінші орынбасары Данияр Жаналинов, Сартай батыр ұрпақтарының атынан Күшікбай Тобажанов құттықтау сөз сөйлеп, жас спортшыларға ақ тілектерін арнады. Дүбірлі добаға қатысушы мәртебелі меймандар турнирдің маңыздылығына тоқталып, жас ұрпақты отансүйгіштікке, қайсарлыққа, намыс пен жігерге тәрбиелеудегі спорттың ерекше рөлін атап өтті.&nbsp;Тартысты турнирге Атырау қаласының командасы, Маңғыстау облысы, Жаңаөзен қаласының командасы, Түркістан облысы, Шардара қаласының командасы, Түркістан облысы, Кентау қаласының командасы және Ақтөбе қаласының командасы, Ақтөбе облысы, Алға қаласының командасы, Ақтөбе облысы, Ембі қаласының командасы мен Қызылорда қаласынан арнайы келген жас палуандар қатысуда.&nbsp;Бұл турнир тек спорттық бәсеке ғана емес, бабалар ерлігін ұлықтап, ұлттық рухты жаңғыртатын, жас ұрпақтың бойына елдік пен ерлік қасиеттерін сіңіретін тағылымды іс-шара.<img src="https://knadmin.beoblood.kz/uploads/Whats_App_Image_2026_10_30_at_11_49_32_ad404678a3.jpeg" alt="WhatsApp Image 2026-10-30 at 11.49.32.jpeg">

Арал ауданында республикалық турнир бастау алды

<a href="https://kyzylorda-news.kz/">Kyzylorda-news.kz</a> Арал ауданында Сартай батыр Байжанұлының 315 жылдығына арналған «Сартай батыр – ел қорғаны» атты мерейтойлық іс-шаралардың ашылу салтанаты өтті.«Руханият» орталығының алдында өткен салтанатты шараға зиялы қауым өкілдері, ел ағалары, тарихшылар, мәдениет қайраткерлері, арнайы шақырылған қонақтар мен аудан тұрғындары қатысты.Мерейтойдың ашылу рәсімі «Мың ғасырға үлгі болған мың бала» атты пролог-қойылыммен басталды. Тағылымды қойылым арқылы ұлт тарихындағы ерлік пен елдік рух дәріптеліп, жас ұрпаққа бабалар аманатының мәні кеңінен насихатталды.<img src="https://knadmin.beoblood.kz/uploads/Whats_App_Image_2026_10_30_at_11_49_26_017d62f5f5.jpeg" alt="Сартай батыр 315 жылдық.jpeg">Салтанатты іс-шарада Сартай батыр Байжанұлының ел азаттығы мен жер тұтастығы жолындағы ерлік жолы ұлықталып, оның тарихи тұлғасы мен өнегелі өмірінің кейінгі ұрпақ үшін маңызы атап өтілді. Батырдың есімін ұлықтау – ұлттық тарихты тану, елдік дәстүрді дәріптеу және отансүйгіштік құндылықтарды нығайтудың жарқын көрінісі екені айтылды.Ашылу салтанатында облыс әкімінің бірінші орынбасары Данияр Жаналинов пен аудан әкімі Аманжол Оңғарбаев құттықтау сөз сөйлеп, батыр баба рухына тағзым етіп, мерейтойға келген барша жұртшылыққа алғыс білдірді.<img src="https://knadmin.beoblood.kz/uploads/Whats_App_Image_2026_10_30_at_11_49_27_c69a688876.jpeg" alt="Сартай батыр 315 жылдық.jpeg">Мерейтой аясында ғылыми-танымдық, мәдени және спорттық бағыттағы бірқатар іс-шаралар ұйымдастырылады. Атап айтқанда, жасөспірімдер арасында еркін күрестен республикалық турнир, «Ұлт қаһарманы – Сартай батыр» атты республикалық ғылыми-танымдық конференция, көрме, «Ерлік дастаны жыр додасында» атты аймақтық жыр фестивалі және мерекелік гала-концерт өтеді. Сонымен қатар ертең ауыл шаруашылығы өнімдерінің жәрмеңкесі мен ат бәйгесі ұйымдастырылады.Мерейтойлық шара «Мың бала» әнұранымен түйінделіп, жас ұрпақтың бойында туған жерге деген сүйіспеншілікті арттыруға, тарихи мұраны қастерлеуге және батырлар рухын ұлықтауға бағытталды.Сартай батыр Байжанұлының 315 жылдығын атап өту өткенге тағзым етіп қана қоймай, ұлт тарихындағы ерлік дәстүрін жаңғыртып, елдік пен бірліктің қадірін ұрпақ санасына сіңіруге арналған маңызды рухани шара.<img src="https://knadmin.beoblood.kz/uploads/Whats_App_Image_2026_10_30_at_11_49_24_2ca5b90aff.jpeg" alt="Сартай батыр 315 жылдық.jpeg"><img src="https://knadmin.beoblood.kz/uploads/Whats_App_Image_2026_10_30_at_11_49_29_1_e839f53ffe.jpeg" alt="Сартай батыр 315 жылдық.jpeg">

Сартай батырдың 315 жылдығына арналған мерейтойлық іс-шаралар басталды

<a href="https://kyzylorda-news.kz/">Kyzylorda-news.kz</a> 29 қазан – Кәсіпкерлер күніне орай Өңірлік коммуникациялар қызметінің баспасөз алаңында шағын және орта бизнесті дамыту, оның ішінде ұлттық қолөнер мен креативті индустрия өкілдерінің жетістіктеріне арналған брифинг өтті. Жиында жергілікті кәсіпкерлердің тәжірибесі, мемлекеттік қолдаудың тиімділігі мен заманауи сән бағытындағы жаңа бастамалар сөз болды.Брифингте спикер ретінде сөз алған «Qoloner Brand» ательесі мен шеберханасының негізін қалаушы Жазира Рамазан өз кәсібінің даму жолы мен авторлық идеяларымен бөлісті.<blockquote>«Кәсіп жолымды 2014 жылы үйден бастап, табанды еңбектің арқасында 2020 жылы жеке шеберханамды аштым. Бүгінде ұлттық нақыштағы киімдер тігіп, 6 адамды тұрақты жұмыспен қамтып отырмын. Мен үшін бұл – жай ғана киім тігу емес, ұлттық құндылықтарды дәріптеу, дәстүр мен заманауи сәнді үйлестіру. Өз ісімді бастарда мемлекеттік гранттардың да септігі тиді. Қазіргі дамыған заманда ізденген адамға ақпарат та, қолдау да жеткілікті, сондықтан кәсіп ашудан қорықпау керек», – деді Жазира Рамазан.</blockquote>Сондай-ақ брифингте креативті бизнес саласында отандық өнімді брендке айналдыру және авторлық дизайн арқылы ұлттық стильді кеңінен таныту мәселелері айтылды. Спикердің сөзінше, заманауи технологиялар мен дәстүрлі ою-өрнекті шебер үйлестіру арқылы сұранысқа ие отандық өнім қалыптастыруға толық мүмкіндік бар.<img src="https://knadmin.beoblood.kz/uploads/Brifing_v_Kazahstane_otmechayut_Den_predprinimatelej_55b694332f.jpg" alt="Брифинг в Казахстане отмечают День предпринимателей.jpg">

Қазақстанда кәсіпкерлер күні атап өтілуде

<a href="https://kyzylorda-news.kz/">Kyzylorda-news.kz</a> Сыр өңірінің әлеуметтік-экономикалық дамуында оң динамика сақталып, негізгі салалар бойынша жоғары өсім тіркелді. Өңірдің экономикалық әлеуеті мен халықтың әл-ауқатын айқындайтын маңызды көрсеткіштер Өңірлік коммуникациялар қызметінің баспасөз алаңында өткен брифингте кеңінен сөз болды. Жиында өнеркәсіп, инвестиция, құрылыс, жұмыспен қамту және демографиялық дамудың қорытындылары хабарланды.Брифинг барысында сөз алған ҚР Стратегиялық жоспарлау және реформалар агенттігі Ұлттық статистика бюросының Қызылорда облысы бойынша департаментінің басшысы Қайрат Абсұлтанов өңір экономикасындағы оң өзгерістерге тоқталды.<blockquote>«2026 жылдың қаңтар-қыркүйек айларының қорытындысы бойынша Қызылорда облысының экономикасында негізгі көрсеткіштер бойынша тұрақты оң өсім байқалады. Атап айтқанда, өнеркәсіп 7,2%, өңдеу өнеркәсібі 12,4%, ал негізгі капиталға салынған инвестициялар 2,3%-ға артты. Сондай-ақ құрылыс жұмыстарының көлемі 31,5%, көлік және қоймалау саласы 12,8%, ал бөлшек сауда 2,7% өсім көрсетті. Өңірде 2 771 жаңа тұрғын үй пайдалануға берілді. Пайдалануға берілген тұрғын үйлердің жалпы алаңы өткен жылдың сәйкес кезеңімен салыстырғанда 1,1%-ға өсіп, 684,7 мың шаршы метрден асты. Бұдан бөлек, өңірде халық саны артып, қазіргі таңда 844,5 мың адамға жетті», – деді Қайрат Байқабылұлы.</blockquote>Статистика департаментінің басшысы өңірдегі шағын және орта кәсіпкерлік субъектілерінің саны 60 мыңнан асқанын және халықтың табиғи өсімі мен көші-қон үдерістері тұрақты екенін жеткізді.Статистикалық көрсеткіштер өңірдің әлеуметтік-экономикалық әлеуеті жыл сайын артып, барлық негізгі салаларда тұрақты даму бағыты сақталып отырғанын көрсетеді. Бұл бағыттағы жүйелі жұмыстар мен инвестициялық белсенділік өңірдің экономикалық тұрақтылығын нығайтуға айтарлықтай үлес қосуда.&nbsp;

Өңірдегі әлеуметтік-экономикалық көрсеткіштер оң өсім көрсетті

Шиелі ауданының әкімі Айтбай Жандарбековтың тапсырмасына сәйкес, жасөспірімдер арасындағы қылмыс пен құқық бұзушылықтың алдын алу, балалардың құқықтары мен қауіпсіздігін қамтамасыз ету және қоғамдық тәртіпті сақтау мақсатында түнгі рейдтік іс-шаралар ұйымдастырылуда.Рейдтік іс-шараға аудандық полиция бөлімі бастығының орынбасары Досым Абуов, қоғамдық даму бөлімінің басшысы Кенжехан Есенбаев, білім бөлімінің мамандары мен полиция қызметкерлері қатысты.Рейд барысында компьютерлік ойын-сауық орындары, қоғамдық орындар, спорт алаңдары мен аудан көшелері тексерілді. Кәмелетке толмаған жасөспірімдерге түнгі уақытта заңды өкілдерінің еріп жүруінсіз жүруге қатысты заң талаптары түсіндірілді.Сонымен қатар, мас күйінде көлік басқару деректерін анықтау және қоғамдық орындардағы тәртіпті бақылау жұмыстарына ерекше назар аударылды.Полиция қызметкерлері тұрғындардың тыныштығы мен қауіпсіздігін қамтамасыз ету мақсатында тәулік бойы қызмет атқарып, келіп түскен шақыртуларға жедел әрекет етеді. Мұндай профилактикалық шаралар құқық бұзушылықтардың алдын алуға, азаматтардың қауіпсіздігін нығайтуға және қоғамдық тәртіпті сақтауға бағытталған.ЕСКЕРТУ!Қазақстан Республикасының заңнамасына сәйкес, кәмелетке толмағандардың заңды өкілдерінің еріп жүруінсіз сағат 22:00-ден 06:00-ге дейін ойын-сауық орындарында, ал сағат 23:00-ден 06:00-ге дейін тұрғынжайдан тыс жерде болуына тыйым салынады.Аталған талаптарды бұзған жағдайда заңнамада көзделген жауапкершілік қарастырылған.<img src="https://knadmin.beoblood.kz/uploads/FB_IMG_1793336072093_b4fed9d343.jpg" alt="FB_IMG_1793336072093.jpg">

Қазақстан және Қызылорда облысының жаңалықтары: Қоғам