<a href="https://kyzylorda-news.kz/">Kyzylorda-news.kz</a> &nbsp;Оқу-ағарту министрі Ғани Бейсембаев мектеп оқушыларын, түлектерді, педагогтер мен ата-аналарды 2023-2024 оқу жылының аяқталуымен құттықтады.&nbsp;Бүгін еліміздің барлық мектептерінде бір мезгілде "Білімім - Отаныма" бірыңғай сынып сағаты өтті. Сынып сағатының аясында министр барлық мектеп оқушыларын 2023-2024 оқу жылын табысты аяқтауларымен құттықтады.&nbsp;Ғани Бейсембаев Бірыңғай сынып сағаты - бір жылда атқарылған жұмысты қорытындылап, балалардың өз мұғалімдеріне, мектеп ұжымына, ата-аналарына алғыс айтуына мүмкіндік беретінін атап өтті.&nbsp;<blockquote>"Сіздердің еңбекпен алған білімдеріңіз Отанға деген сүйіспеншілік пен құрметтің белгісі! Бүгін сіздермен бірге еліміздегі төрт миллионға жуық оқушы келесі сыныптарға ауысады. Бір жылда сіздер есейіп, оқуда, шығармашылықта, спортта үлкен жетістіктерге жеттіңіздер. Осы оқу жылында біздің оқушылар 10 халықаралық олимпиадада 243 медаль жеңіп алды. Оның ішінде 20 алтын, 95 күміс, 128 қола медаль бар. Сіздердің әрқайсыларыңыз өз нәтижелеріңізбен мақтана аласыздар! Сіздерді шын жүректен құттықтаймын және мұнымен тоқтап қалмауларыңызды тілеймін!", - деді ол өз құттықтауында.&nbsp;</blockquote>Министр сондай-ақ су тасқынымен күресте алдыңғы қатарда болып, көмекке жұмылған қазақстандық педагогтерге алғысын білдірді.&nbsp;<blockquote>"Қиындықтарға мойынсұнбай, балаларымызды оқытуды жалғастырдыңыздар, мектептерді құтқарып, мұқтаж жандарға қолдау көрсеттіңіздер және ағартушылық миссияны адал атқардыңыздар. Сіздердің ерен еңбектеріңіз бен ұстаздық кәсіпке адалдықтарыңыз үшін ең шынайы ризашылығымды білдіремін!", - деді Ғани Бейсембаев.&nbsp;</blockquote>Сөзін қорытындылай келе, министр мектеп, колледж бітіруші түлектерге алдағы емтихандарда сәттілік тіледі. Айта кету керек, 2023-2024 оқу жылын 3,8 млн-нан астам оқушы аяқтауда. Оның ішінде 186 мыңнан астам 11-сыныпты бітіруші бар. Сондай-ақ 150 мыңнан астам колледж бітіруші диплом иеленіп, толыққанды маман болады.&nbsp;Фото: t.me/oqu_agartu&nbsp;

Оқу-ағарту министрі оқу жылының аяқталуына байланысты үндеу жасады 

<a href="https://kyzylorda-news.kz/">Kyzylorda-news.kz</a> &nbsp;Қызылорда қалалық полиция басқармасының басшылығы полиция қызметкерлері арасында қызметтік тәртіпті нығайту жұмыстарын жалғастыруда. Кадр қызметі Ішкі істер органдары жүйесінде маңызды болып табылады. Себебі кадр даярлау ісі мұқияттылықты талап етеді.Қызылорда қалалық Полиция басқармасы Кадр саясаты бөлімшесінің қызметкерлерді іріктеу, дайындау, жеке құрамның кәсіби деңгейін арттыру, қызметкерлерді патриоттық рухта тәрбиелеу, олардың рухани дүниесін жан-жақты жетілдіру мақсатында атқарылып жатқан жұмыстары ауқымды.Бүгін, басқарманың жеке құрамының кәсіби қызметтік және жауынгерлік даярлық сабағында 3 тақырып бойынша қаралды. Қазақстан Республикасының әкімшілік-рәсімдік процестік Кодексінің талаптарына түсіндірме жүргізу, Қазақстан Республикасының Ішкі істер министрлігінің жеке құрамы арасында болып жатқан төтенше жағдайлар бойынша жүргізілген шолумен таныстыру. Сондай-ақ, 25 мамыр Қызылорда қаласында орналасқан жалпы білім беру ұйымдарында бітіруші түлектерді шығарып салу іс-шарасы өтуіне байланысты басқарманың жеке құрамы күшейтілген жұмыс атқаруына орай жасалған жоспарды және қызметкерлерге нұсқаулық жүргізу туралы түсіндірме жұмыстары жүргізілді.Ел тыныштығын сақтауда алдыңғы шепте тұрған тәртіп сақшылары үшін ең қажетті қасиет – тәртіп пен патриоттық тәрбие. Бұл ретте тәрбиелік мәні бар іс-шаралардың полиция қызметкері үшін маңызды.Қала орталығында қызмет атқарып жүрген қызметкерлердің жұмыстары, олардың азаматтармен дұрыс қарым-қатынасты болуы барлық басшылық тарапынан және басқарманың кадр бөлімшесімен қатаң бақылауға алынған. &nbsp;

Қызметтік тәртіпті нығайту жұмыстары жалғасуда

<a href="https://kyzylorda-news.kz/">Kyzylorda-news.kz</a> &nbsp;Қазақстандық стендап-комик қамауға алынды, - деп хабарлайды <a href="https://dalanews.kz/">Dalanews.kz</a>.Жоғарғы соттың мәліметінше, стендап-комикке ұсақ бұзақылық жасады деген айып тағылған (ӘҚБтК-нің 434-бабының 1-бөлігі).Айыпталушы ойын-сауық мекемесінде стендап көрсету кезінде жиналғандарға қатысты әдепсіз сөздер айтып, сол арқылы қоғамдық тәртіпті бұзған.Айыпталушы өз кінәсін толық мойындап, іс материалдарында көрсетілген мән-жайларды растады.Сот айыпталушыны ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танып, оған 15 тәулікке қамауға алу түріндегі әкімшілік жаза тағайындалды.Сот үкімі заңды күшіне енген жоқ.

Қазақстандық әзілкеш қамауға алынды

<a href="https://kyzylorda-news.kz/">Kyzylorda-news.kz</a>&nbsp; Астана қаласында жеке сот орындаушы азаматтың баласына аударған алиментін өзіне қолданып отырған, деп хабарлайды&nbsp;<a href="https://sn.kz/sn-akparat-agyny/112831-sot-oryndaushy-bireudin-balasynyn-alimentin-oz-balasynyn-shotyna-audaryp-otyrgan">Skifnews.kz</a> ақпарат порталы.Астана қаласының прокуратурасы хабарлағандай, оқиға Нұра ауданында болған. Бұнда жеке сот орындаушы борышкердің ақшасын баланың анасының есепшотына емес, өз ұлының шотына аударғаны анықталды.Жеке сот орындаушысының алимент төлеуге арналған 1 млн теңгеден астам ақшаны жымқыру фактісі бойынша қылмыстық іс тіркелді. Анықталғандай, жеке сот орындаушы бір жыл бойы борышкердің ақшасын жас баланың анасының орнына өз ұлының шотына аударғаны анықталды, – деп хабарлайды &nbsp;Астана қаласының прокуратурасы.Қазір жеке сот орындаушысына қатысты «қызметтік өкілеттігін асыра пайдаланғаны» үшін қозғалған қылмыстық іс сотқа жолданды.Фото: Pixabay

Сот орындаушы біреудің баласының алиментін өз баласының шотына аударып отырған

<a href="https://kyzylorda-news.kz/">Kyzylorda-news.kz</a>&nbsp; Тәрбиенің сан салалы, күрделі мәселелеріне терең бойлауға бастайтын, күнделікті тұрмыста кездесетін дағдылар арқылы баланың жан дүниесіне әсер ететін білім мен тәрбиенің алғашқы баспалдағы – бастауыш мектеп. Бастауыш саты – білім, дағды, іскерліктің қалыптасуының бастамасы болып табылады. Келешекте жалпы білім алу мен кез-келген арнаулы мамандықтарға талпынудың іргетасы осы бастауышта қаланбақ. Сол білімді құрайтын кім? Әрине, бастауыш сынып мұғалімі. Осы ретте парасат пен махаббатқа толы өмірін ұстаздыққа арнаған, бастауыш сынып маманы ретінде 14 сыныпты орта буынға жоғары сапа білім көрсеткішімен түлеткен алтын есімді ұстаз туралы сөз етпекпіз.Ұстаз құрметті де қастерлі сөз. Ол білім мен тәрбиенің қайнар көзі. Тіпті ғұлама ғалымдар да ұлағатты ұстаздың алдынан өтеді. «Ұстазы жақсының – ұстанымы жақсы» демекші, осындай ұлы есімді арқалап жүрген қармақшылық Оразкүл Жұманқызы білім беру барысындағы тәжірибесімен ерекшеленіп, тұлғалық өнеге сыйлай алған құрметті ұстаз. Ол қырық жылға жуық ұстаздық еткен уақытында әрбір оқушыға бар білгенін үйреткен ұлағатты мұғалім, аяулы ана, биік тұлға, ардақты әже. Оның бойындағы қарапайымдылықпен ұштасып жатқан өнеге, білімінің қайнар көзін арнасынан тасытып жатқан білік-дағды, сұлулығының сырын аша түсетін қазақы болмысы – бүгінде ұстаздық пен адамдыққа бойлайтұғын әр адамға үлгі ғана емес, даңғыл жол. Ұстаздың біліктілігі тек сабағының мағыналылығында емес, көрсеткен нәтижесі мен жеткен жетістігінде. Дәлелі – шәкірттерінің «Алтын белгі», «Үздік аттестат» иегері атануы. Одан бөлек, шәкірттері талай халықаралық, республикалық деңгейдегі білім бәсекелерінде білімін дәлелдеп, биік шыңды бағындыруда. Осы бастама мен керемет жетістіктердің нәтижесінде апайымыз Қазақстан Республикасы Білім мен ғылым министрлігінен Құрмет грамотасына ие болып,&nbsp;облыстық, аудандық марапаттарды иеленді. Ұстаз тек шәкірттердің емес, ұстаздыққа қадам басқан жас мамандардың тәлімгері болып, бағыт-бағдарын аямай, сапалы тәжірибесімен бөлісіп келеді.Төрт жыл әріп танытып, тәрбиелеп, баланың білім саласындағы іргетасын қалаған ұстаздың орны ерекше.&nbsp;Себебі, Оразкүл Жұманқызының еңбек жолында жеткен жетістіктерінен бөлек, бүгінде ұстаз, тұлға болып қалыптасқан шәкірттері қаншама? Дарынды ұстаз болған жерде дарынды бала шығады.&nbsp;Осыған орай мұғалім жан-жақты, кәсіби дайындығы терең, өз бойына жинақтаған білімін жастарға үйрете алатын маман болуы шарт. Ол тек білімді жеткізуші ғана емес, керісінше оқушының білімін, өмірге көзқарасын жүйелі түрде қалыптастыра алатын жан болуы тиіс. Оқушы бойындағы қабілет-қарымды ашуда екінің бірі шебер бола бермейді. Біздің әріптесіміз секілді білімді, білікті ұстаздар тұрғанда елімізде дарынды, бәсекеге қабілетті жас ұрпақ тәрбиеленіп шыға берері сөзсіз.Ғибратты ғұмырын&nbsp;өнегеге айналдырып, өмірлік миссияны дұрыс таңдай білген, ізгілікке толы өмірін білім беру ісіне арнаған жанашыр ұстаз, ардақты ана, биік тұлға, ардақты әжеге зейнеттің тек тәтті жемісін, арайлы таңдардың бақытты сәттерін, шаттығы мол ғұмыр, немере, шөбере күлкісіне толы шаңырақ, аласармас абырой биігін қимастыққа толы жүрегімізбен тілейміз. Қызмет деген бір белестен өтіп, құрметті демалыс деген кезеңге жеттіңіз. Қуанышыңыз ұзағынан болсын. Ағайын-туыстың құрметіне, қосағыңыздың үлдесі мен бүлдесіне, немере мен шөберелердің шу-күлкісіне, ұл-қыздарыңыздың жеңісті шақтарын көрген бақытты сәттеріне бөленген әдемі ғұмыр кешіңіз!&nbsp;Жұма МАХАМБЕТОВА

Дарынды ұстаздың дара жолы 

<a href="https://kyzylorda-news.kz/">Kyzylorda-news.kz</a> Мәдениет пен өнер – қоғамның айнасы, асыл қазынасы және рухани мұрасы. «Мәдениет – ұлт мәйегі» деп те текке айтылмаса керек. Олай дейтініміз, мәдениет пен өнердің еліміздің жан-жақты дамуы мен өсіп-өркендеуіне қосар үлесі зор. Ал бұл жолда мәдениет саласы мамандарының, оның ішінде мәдениет үйінің, ауылдық клуб және шығармашылық орталық қызқметкерлерінің орны әркез ерекше. Жүгі ауыр, жауапкершілігі мол салада аянбай еңбек етіп, ғасырлар бойы ұрпақтан-ұрпаққа жеткізу жолында игілікті іс атқарып жүрген білікті қызметкерлер қаншама? Ал Шиелі ауданының мәдениет саласы күннен-күнге қанатын кеңге жайып, өркендеп келеді деп айтуға толық негіз бар.Б.Қабылұлы атындағы Шиелі аудандық мәдениет үйінің бүгінгі ғимараты 1961 жылы типтік жобада салынып, сол кезден бастап халыққа қалтқысыз қызмет көрсетіп келеді. Десе де, әр кезең өзіндік ерекшелігімен, жаңашылдығымен тарихта қалуда. Былай қарасақ, мәдени іс-шаралары сырттан тамашалап, әдемі көрініске куә болып жүрген көрермендер сахнаның сыртында қаншама еңбек, қандай жұмыс жатқанын біле бермейді.Мәдениет саласының әрбір қызметкеріне қажырлы күш керек. Тіпті ауқымды іс-шараларды қатарынан абыроймен өткізіп, халық алдына әдемі қалпында шығып, еш шаршамай, күліп жүргенін көргенде бір жағынан тәнті болатынымыз рас. Бұл сала мамандарының өз ісіне деген асқан сүйіспеншілігі мен махаббатын көрсетсе керек.&nbsp;Айта кетейік, мекемені басқарып отырған басшы өз ісінің білгір маманы. Шиелі аудандық мәдениет және спорт бөлімінің Б.Қабылұлы атындағы аудандық мәдени-шығармашылық орталығының директоры Зульфия Шалабаева 2013 жылдан бастап басшылық қызметін атқарып келеді. Бірлігі бекем ұжымда 54 қызметкер оның ішінде 31 шығармашылық маман, 23 шаруашылық қызметкер жұмыс істейді.Айта кетейік, 2023 жылдың 29 маусымындағы №36 келісім шарты бойынша мәдениет үйінің ғимаратына күрделі жөндеу жұмыстары жүргізілген. Сондай-ақ қазан айында сахнаға арналған LED экраны толық жабдығымен 15 990 990 млн теңгеге алынды. Барлық жағдай қамтамасыз етілген Орталық жылу жүйесі жеке бу қазандығы арқылы газбен жылытылады. Қазіргі уақытта мәдениет үйінде 10 үйірме бар. Оған қатысушылар саны – 138. Атап айтсақ, «Жадыра» драма, «Ғажаби» ВИА, Халықтық ұлт аспаптар оркестрі, «Барабан», «Саксафон», «Жас дәурен» ән-би ансамблі, «Ноғайбаевтар» отбасылық ансамблі, «Балауса», «Айшуақ», «Сыр маржаны» мәдени үгіт бригадасы үйірмелері жұмыс істейді.

Шиелі ауданындағы мәдениет саласының дамуы

<a href="https://kyzylorda-news.kz/">Kyzylorda-news.kz</a> «Қызылорда облысының қоғамдық даму басқармасы» КММ-нің «Сотсыз татуласу орталығы» қызметін қамтамасыз ету әлеуметтік жобасы аясында Мектептік медиацияны дамыту мақсатында жалпы білім беру мекемелерінен білім алушылар арасында «Жас бітімгер – 2024» интеллектуалды байқауы өткізілді. Білім сайысының мақсаты – жаһандану заманында бәсекелестік бәйгесінен қалмайтын ұшқыр ойлы интеллектуалды жастарды дәріптеу, олардың мүмкіндіктерін көрсету. Білімді, коммуникативті, креативті, ізденгіш әрі тапқыр тұлғаларды анықтау болып табылады.&nbsp;Білім сайысына қала мен аудан мектептерінің 8-10 сынып оқушылары қатысты. Сайыс 5 кезеңнен тұрады. Бірінші кезең «Блиц сұрақтар». Гугл платформасын пайдалана отырып, берілген сұрақтарға жылдам әрі дұрыс жауап берулері қажет. Екінші кезең «Пазл», яғни қатысушы топтарға фотолар беріледі. Фотоларды даудың сатыларына байланысты жинақтаулары қажет. Үшінші кезең «Ақындық өнер». Әр топ медиацияға қатысты 1 шумақ өлең шығарып, оқулары қажет. Төртінші кезең «Шешендік өнер», ең соңғы бесінші кезең «Үй тапсырмасы», алдын-ала берілген тақырыптардың біреуін таңдап, 45-50 секундтық бейнеролик дайындап келулері қажет. Сұрақтар Қазақстан Республикасының Конституциясы мен «Медиация туралы» Заңынан алынады. Тәуелсіз Қазақстан тарихы жайлы сұрақтар да қойылды.Байқауда Қоғамдық даму басқармасының ҚХА хатшылығы, этносаралық мәселелері жөніндегі бөлім басшысы – Алиева Айгерім Икрамқызы, Әли Мүсілімов атындағы №101 мектеп-лицейінің педагог-психологы – Бекбембетова Жанат Бурхановна және «Бітім» медиация орталығы» ҚБ-нің директоры – Мирамбекқызы Жанна төрелік етті. Қатысушылардың барлығы «Алғыс хатпен», жүлделі орын иегерлері «Дипломмен» марапатталады және жеңімпаздарға бағалы сыйлықтар табысталды.<img src="https://knadmin.beoblood.kz/uploads/b028b42c_22e0_47a3_97b5_05083c6bfcd5_fbcc6e5ee2.jpg" alt="b028b42c-22e0-47a3-97b5-05083c6bfcd5.jpg">

«Жас бітімгер – 2024» интеллектуалды байқауы өтті

Қызылорда: Үздіктер қатарындағы білім ошағы

<a href="https://kyzylorda-news.kz/">Kyzylorda-news.kz</a> Асқар Тоқмағанбетов атындағы қалалық мәдениет үйінде композитор, ҚР еңбек сіңірген қайраткері, «Құрмет» орденінің иегері, Қазақстан Композиторлар одағының мүшесі, Қызылорда облысының Құрметті азаматы Рамазан Таймановтың шығармашылығын насихаттау мақсатында І республикалық «Сыр ана» әншілер конкурсының ашылу салтанаты және І кезеңі өтті.Конкурстың ашылуында Қызылорда облысының мәдениет, архивтер және құжаттама басқармасының басшысы Мира Қазбекова сөз сөйлеп, облыс әкімінің құттықтауын жеткізді.<blockquote>– Рамазан Сағындықұлы – мәдениет саласына кірпішін қалаған өнер адамы. Ол кісінің бағындырған биік шыңдары ізінен ерген шәкірттеріне және де өзі секілді өнер әлеміне өркен жаямын деген өнерпаз жастарға үлгі. Бүгінгі конкурс арқылы да біраз өнерлі, талантты жастардың бағы жанатынына сенімдімін. Барлығыңызға сәттілік тілеймін, – деді басқарма басшысы Мира Қазбекова.</blockquote>Сыр даласын әсем әнге бөлейтін конкурсқа республикамыздың түкпір-түкпірінен және Сыр өңірінен арнайы іріктелген 17 талапкер қатысты.Конкурс ережесіне сәйкес талапкер әншілер алғашқы кезеңде Рамазан Сағындықұлының әндерін орындаса, екінші кезеңде еркін тақырыпта конкурстық әндер орындайды.Екінші кезең ертең Нартай Бекежанов атындағы қазақ академиялық музыкалық драма театрында сағат 11.00-де, Рамазан Сағындықұлының 70 жас мерейтойына арналған шығармашылық кеш сағат 17.00-де өтеді.&nbsp;

«Сыр ана» республикалық әншілер конкурсы басталды

<a href="https://kyzylorda-news.kz/">Kyzylorda-news.kz</a> Осыдан 67 жыл бұрын жер кіндігі саналатын «Байқоңыр» ғарыш айлағынан алғаш ракета ұшырылды. Ғылым жетістігі саналатын Қызылорда облысындағы&nbsp;«Байқоңыр» ғарыш алаңы әлемдегі тұңғыш әрі ең ірі ғарыш айлағы. Аумағы 6717 шаршы шақырымнан асады. Ұзындығы солтүстіктен оңтүстікке – 75 шаршы, батыстан шығысқа дейін 90 шақырымға жуықтайды.«Байқоңыр» ғарыш айлағының іргесі 1955 жылы қаланған. Ғарыш алаңы Қызылорда облысы&nbsp;Қармақшы ауданының аумағында орналасқан.Ғарыш айлағының Байқоңыр қаласы аумағынан салынуының да өзіндік себебі бар. Бірінші кезекте ғарыш алаңы орналасқан аумақты елді мекендерден қашық орналасуы, экватор жазықтығына жақындығы, ракетаның ұшырылуы мен ғарыштық обьектілердің қонуының қолайлылығы сынды факторлар себеп болған.Облыстық архив қорының деректеріне қарасақ,&nbsp;1957 жылдың 4 қазанында «Байқоңыр» ғарыш алаңынан тұңғыш ғарыш ракетасы сәтті ұшырылды.&nbsp;Ал 1961 жылдың 12 сәуірінде адамзат тарихында тұңғыш рет Ю.Гагарин «Восток» ғарыш кемесімен ғарышқа аттанды. «Байқоңырдан» Күннің, Айдың, Шолпанның алғашқы жасанды серіктері, «Восток», «Союз» ғарыш кемелері, «Салют», «Мир» орбиталық станциялары, жұмыс жүргізуге арналған «Протон», «Прогноз», байланыс мақсаты үшін пайдаланылатын «Молния», «Горизонт», т.б жасанды Жер серіктері ұшырылды.1991 жылғы 2 қазан. Қазақстанның тарихына алтын әріптермен жазылған бұл күні «Союз ТМ-13» кемесімен &nbsp;тұңғыш қазақ ғарышкері Тоқтар Әубәкіров ұшты. Осы ұшырылым барысында республиканың бірінші ғылыми-зерттеу жұмыстары жүзеге асты, ғарышта 7 күн 22 сағат 13 минут болып жерге оралды. Тоқтар Әубәкіровке Кеңес Одағының батыры, «Халық қаһарманы», сондай-ақ, «Қызылорда қаласының құрметті азаматы» атағы &nbsp;берілді.Талғат Мұсабаев ғарышқа үш мәрте ұшып, сол жақта 341 күн 9 сағат 48 минут 41 секунд болып қайтты.&nbsp;Ол «Гиннес рекордтар кітабына» енген. Осы күнге дейін Т.Мұсабаев секілді ешкім ғарыш кеңістігінде ұзақ уақыт болып көрмеген. Ғарышкер – «Халық қаһарманы» атағының, «Отан», 1-дәрежелі «Барыс» ордендерінің иегері.Айдын Айымбетов 2015 жылы 2 қыркүйекте «Байқоңырдан» халықаралық ғарыш станциясына аттанды. Ол ғарышта он күн болып, маңызды зерттеулер жүргізді. Кеңістікті игеруге сіңірген аса зор еңбегі, көрсеткен батырлығы мен ерлігі үшін А.Айымбетовке 2015 жылы «Халық қаһарманы» атағы берілді.Алғашқы ғарыш сапарынан бері 500-ден аса ғарышкер аспан әлеміне сапар шегіп, ғылыми-зерттеулер жүргізді.Тәуелсіз Қазақ елінің ең үлкен жетістіктерінің бірі – ғарыш кеңістігін игеру екені сөзсіз.&nbsp;Осы жолда күні бүгінге дейін қыруар жұмыс атқарылып, қазақ ғалымдары өлшеусіз үлес қосуда.Осылайша ғылымның ең озық саласы елімізде көкжиегін кеңейте бастады. Қазір «Байқоңыр» ғарыш айлағы қазақтың ғана емес, әлемнің игілігіне айналды.Бүгінде әлем бойынша ғалымдар аспан әлемін зерттеуде. Әлем – жұмбақ дүниелерден құралған. Ғалымдардың жер туралы да, ғарыш кеңістігіне қатысты ашқан ғылыми жаңалықтары да аз емес. Сондықтан ғарыш әлемі туралы зерттеулерге үңілуді жөн санадық.Ғаламды миллиондаған атом құрайды. Галактика, жарқыраған жұлдыз және планета. Сондай-ақ ғалам үдемелі түрде кеңейіп, өз аумағын шексіз де шетсіз етуін жалғастыруда. Әлі өз шешімін таппаған теория көп. Олар тереңінен зерттелмей, әлі ашылмаған сандық іспеттес жабулы күйінде қалуда. Бұл мақаламызда ғылым саласындағы қызықты ашылуларды талқылайтын боламыз.Электромагнитті сәулелену.&nbsp;Танымал фантастикалық фильмдердің көбінде электромагниттік сәулелену – кейіпкерлердің жанын алатын, супер қаһармандарға айналдыратын немесе оларды уақытты ауыстыра алатын, болашаққа не болмаса өткен уақытқа қайта алатын жұмбақ күш ретінде көрсетеді. Мұның шын мәні неде?ЭМС – бұл фотондардың, жарықты құрайтын элементар бөлшектердің ағындары. Фотондардың толқын ұзындығы мен жиілігі айтарлықтай өзгереді, сол себепті ғалымдар фотондарды жеке электромагниттік диапазондар бойынша жіктеуі қажет болады.Адамның көзі электромагниттік спектрдің өте аз бөлігін ғана көре алады. Бұл – көрінетін сәулелену немесе оптикалық диапазон деп аталады. ЭМС-тің көп бөлігі бізге көрінбейді. Бұған, мысал ретінде, радиотолқындар, рентген сәулелері, инфрақызыл сәулелерді жатқыза аламыз.Жарық жылы.&nbsp;Астрофизикада жарық жылы – жарықтың вакуумдағы кедергісіз жолдың бір жылда өтетін қашықтығы. Жарықтың абсолютті жылдамдығы, яғни вакуумдағы электромагниттік толқындардың таралу жылдамдығы тұрақты болғандықтан, жарық жылы шамамен 9,46 триллион шақырым болатынын есептеу қиын емес.Түсінікті болу үшін: күн сәулесі жер бетіне 8 жарық минутта, 20 жарық секундта жетеді, ал бізге ең жақын жұлдыз – Альфа Кентавриге дейінгі қашықтық 4,37 жарық жылы. Егер біз жер бетінен айға сәулесі қатты жарық жағатын болсақ, ол 1,24 жарық секундтан кейін ғана айға жетеді. Ал Марсқа дейін жердің бетінен жағылған сәуле 3 жарық минуты, 28 жарық секундында жетеді.Қараңғы энергия.&nbsp;Қазіргі заманның космологиялық теорияларына сәйкес, біздің ғалам барлық бақыланатын объектілерді құрайтын 5% бариондық материядан, 25% ауырлық күші арқылы жазылған қараңғы материяның және жалпы көлемі 70%-ды құрайтын қараңғы энергиядан тұрады.Бұл ұғым Эйнштейннің «қателік» деп есептеген теориялық зерттеулерінің нәтижесінде пайда болды. Ол теориялық зерттеулердің нәтижелері қажетті нәтижеге сәйкес келуі үшін теңдеулеріне қосымша константа енгізді. Кейіннен ол нәтижесіз қадамынан ұялып, оны өміріндегі ең үлкен қателік деп санады. Уақыт өте келе, бұл сала дамып, біршама жетілген астрофизикалық деректерді ала бастадық. Ғалымдар физикаға «қараңғы энергия» ұғымын енгізді. Ол – белгісіз күш, бұл ғаламды үдемелі түрде кеңейтуге мәжбүр етеді, сондай-ақ өзінің қасиеттерінің арқасында «жалған» Эйн- штейн константасымен сипатталады.Қара энергияның қандай екендігі туралы консенсус әлі жоқ. Алайда көптеген ғалым бұл бүкіл әлемде біркелкі таралып отыратын, өзгермейтін энергия тығыздығы деп ойлайды.Қараңғы энергия ауырлық күшінен басқа қарапайым заттармен мүлде әрекеттеспейді. Сондай-ақ бүкіл бақыланатын ғаламның шамамен 68,3%-ын құрайды. Бұл материяның немесе энергияның басқа түрлеріне қарағанда әлдеқайда көп.Әлем әлі тереңінен талдау мен анықтауларды қажет етеді. 2023 жылдың нәтижесі бойынша ғарыш небәрі 5%-ға зерттелеген. Жердің бетін түгел зерделеп болмадық. Десек те гравитациясыз кеңістік туралы пайымдаулар да өз ретінде әлем ғылымының жетілуіне өз үлесін қоса бермек.&nbsp;Қорлан САРЫ Фото: sputnik.kz

"Байқоңырдан" ғарыш тарихы бастау алды

<a href="https://kyzylorda-news.kz/">Kyzylorda-news.kz</a> Таяу уақытта елімізде мектеп қоңырауы соғылып, көптен күткен жаз мезгілі келеді, бұл кезде балалардың бос уақыты көбейіп, уайымдары азаяды.Fingramota.kz интернеттегі түрлі тұзақтар мен алаяқтық схемалардан аулақ болу үшін ата-аналарға&nbsp;каникул&nbsp;кезінде балаларға ерекше назар аударуды ұсынады.Зиянды коды бар ойын қосымшалары&nbsp;Қазіргі заманғы балаларға қатысты қаржылық алаяқтықтың көпшілігі әдетте мобильдік және компьютер ойындарын сатып алу кезінде орын алады. Көптеген онлайн-ойындарда пайдаланушыларға керек-жарақ, ең жоғары деңгейге дейін «сатып алу» үшін ойын бонустарын сатып алу, қандай да бір жаңа локацияларды оқшаулау ұсынылады.Қандай да бір ойынға керекті затты жеңілдікпен сатып алу не жарнамасы жоқ ойынды төмен бағамен алу бас тарта қоймайтын ұсыныс. Алайда мұндай сатып алғанның бәрі бірдей зиянсыз емес.Алаяқтар осылайша зиянды қосымшаларды таратуы мүмкін. Белгісіз сату көзінен «жеңілдікпен» ойын алғанша, гаджетке вирусы бар бағдарламаны кіргізіп жіберуге болады. Егер бала қосымшаларды ата-анасының банктің мобильдік қосымшасы бар телефонына жүктейтін болса, ол бағдарлама банктік карталар мен шоттар туралы дербес деректер мен мәліметтерді жинап алады.Нәтижесінде осындай конфиденциалды ақпаратқа ие болған алаяқтар шотыңызды еш қиындықсыз «тазартады». Егер телефоныңыз банк карточкасына, әсіресе жалақы картаңызға байланыстырылған немесе басқа маңызды ақпарат сақталған болса, балаларыңызға ол телефонды ойнауға бермегеніңіз дұрыс. Сонымен бірге телефондардан сатып алуға шектеу қойып, кішкентай бала байқамай ресімдеп жіберуі мүмкін ақылы жазылымдарды үнемі тексеріп отырыңыз.Ата-анасы өз «пластигін» ресімдеп берген және өздерінің гаджеті бар ересек балаларға күмәнді қосымшаларды жүктеудің қандай салдары боларын түсіндіріп беру қажет. Егер сіз балаңызбен бірге онлайн-сатып алғыңыз келсе, онда мұндай мақсаттарда жұмсағыңыз келген сома ғана аударылған виртуалды карточканы пайдаланған жөн.Кеңес:&nbsp;Барлық онлайн-сатып алуларды жалақыға байланысты емес жеке төлем картасының (виртуалды карта) көмегімен және тек тексерілген сайттарда жасаған дұрыс, сондай-ақ ресми дүкендерден қосымшаларды жүктеу қажет.&nbsp;Ақпарат «жинағыш»&nbsp;Геодеректер мен өзге де дербес мәліметтерді жинақтап, сол арқылы сіздің әрекеттеріңізді қадағалап отыратын Смарт-қосымшалар бар. Балалар қаннен-қаперсіз осындай қосымшаларды өздерінің немесе ата-анасының телефонына жүктеп алуы мүмкін.Мұндай конфиденциалды ақпарат «жинағыштар» қайда тұрып, қайда жұмыс істейтініңізді, балаңыздың қайда оқитынын, уақытыңыздың көп бөлігін қайда өткізетініңізді, қалай демалатыныңызды, онлайн-сатып алуды қай жерде жүргізетініңізді және т.б. оп-оңай білуге мүмкіндік береді.Осылайша, алаяқтар сіздің барлық қызығушылықтарыңызды және балаларыңыздың ермегін оп-оңай біліп алады. Ал кейбір қосымшалар пошта сервистеріне, әлеуметтік желілерге кибералаяқтардың кіруіне мүмкіндік береді, бұл өте қауіпті. Сондықтан да гаджетіңізге түрлі қосымшаны орнатпас бұрын сақ болыңыз.Айтпақшы, қосымшаның орналасқан жеріңізді бақылайтынын білу сонша қиындық туғызбайды. Оны телефоныңыздың теңшеуінен тексеруге болады. IOS-та «Теңшеулер» бөліміне кіріңіз, одан ««Конфиденциалдылық және қауіпсіздік», одан әрі «Геолокация қызметтері». Android-та «Теңшеулерді» ашып, «Орналасқан жер», одан әрі «Қосымшалардың геодеректерге қол жеткізуін» табыңыз. Барлық қосымшалар үшін геолокация қызметін ажыратып тастаңыз, ал күмәнділерін мүлдем алып тастаңыз.Кеңес:&nbsp;Өз гаджетіңізге және балаңыздың гаджетіне вирусқа қарсы бағдарламалар орнатып, оларды үнемі жаңартып отырыңыз. Қосымшалар мен бағдарламаларды орнатпас бұрын оларда вирус бар-жоғын міндетті түрде тексеріңіз. Суреттерде, қосымшаларда және әлеуметтік желілерде посттар жариялау кезінде орналасқан жеріңіз туралы мәліметтерді ажыратып тастаңыз.Жалған профильАлаяқтар көбінесе профильдерін әлеуметтік желілерде, форумдарда немесе онлайн-ойындарда баланың аккаунты ретінде жасырады. Сіздің балаңыз өзімен жасты балалармен араласып жүрмін деп ойлауы мүмкін, бірақ бұл ересек адам немесе алаяқ болуы мүмкін. Мұндай виртуалды «достардың» баланы&nbsp;суретке түсіруге және өздеріне ата-анасының төлем картасын жіберуге, ата-анасының телефонына келетін SMS-кодты хабарлауға немесе зиянды қосымшаны жүктеуге көндіру жағдайлары жиі кездеседі.Кеңес:&nbsp;Балаңызбен диалог құрыңыз, онымен виртуалды достары туралы шынайы өмірдегі достары жайлы сөйлескен сияқты сөйлесіңіз. Оған интернетте жарияланғанның бәрі жалпыға қолжетімді және бүкіләлемдік ғаламторда сақталатынын, кез келген адам осы деректерді пайдалана алатынын айтыңыз. Балаңызға неліктен бейтаныс адамдарға, әсіресе интернетте сенуге болмайтынын және қандай деректерді ашуға болмайтынын түсіндіріңіз.Жылдам табысКөптеген балалар, ересектер сияқты сән қуады және жаңалықтарды іздеп отырады: гаджеттің соңғы моделі, қосымшалар мен блогерлерге ақылы жазылымдар, киім және т.б. Бірақ мұның бәріне ақша қажет, сондықтан балалар демалыс кезінде қосымша ақша табуға тырысады. Әрине, оңай және тез ақша табу – әр баланың арманы. Интернет жылдам табыс табу немесе әлеуметтік желілердегі ұтыс ойындары туралы хабарландыруларға толы. Алаяқтар қарапайым операцияларды жасауды ұсынады: қосымшаларды жүктеу, белгілі бір сайттарға кіру, пікірлер қалдыру, репост жасау, бейнероликті қарап шығу, достарды шақыру және т.б. Мұндай әрекеттер үшін «жұмыс берушілер» баланың жеке кабинетінде ашылған электрондық әмиянға ақша саламыз деп қызықтырады. Алайда, тапқан ақшаны алу/шешу үшін шотта белгілі бір сома болуы керек немесе осыған ұқсас бірқатар тапсырмаларды орындау керек. Бұл сомаға қол жеткізіліп, барлық тапсырмалар орындалғаннан кейін, шот әдетте оқшауланады және қаражатты «алу» мүмкін болмайды. Нәтижесінде, бала бекерге уақыт жоғалтады, сонымен қатар маңызды жеке деректерді, мүмкін өзінің немесе ата-анасының банк картасының деректемелерін жария етеді.«Ұтып алынған» жүлделермен жағдай басқаша. Жүлдені алу үшін алаяқтар комиссия немесе жеткізу үшін ақша төлеуді ұсынуы мүмкін. Нәтижесінде сіз жүлдесіз және ақшасыз қалуыңыз әбден мүмкін.Кеңес:&nbsp;Ата-аналар балаларына қосымша табыс табудың заңды жолдары туралы айтуы және оларды табуға көмектесуі керек. Мысалы, итті серуендету, үй жануарларын күту (бар болса), егер бала шет тілін, математиканы немесе басқа пәндерді жақсы білсе, репетиторлықпен айналысу, әлеуметтік желілерде «handmade» немесе аспаздық шедеврлерді сату және тағы басқа болуы мүмкін.Онлайн-алаяқтардың алдауына балалар ғана емес, сенгіш ересектер де түсіп қалуы мүмкін. Сондықтан өз қаржылық сауаттылығыңызды үнемі арттырыңыз және оған балаларыңызды да баулыңыз! Сондай-ақ, балаңызбен жиі сөйлесіңіз және сіз болмаған кезде туындауы мүмкін түрлі жағдайларды бірге қарастырыңыз.Есте сақталуы тиіс интернеттегі&nbsp;қарапайым қауіпсіздік ережелері:Балаңызбен интернетте аз уақыт өткізуге тырысыңыз, серуендеңіз, отбасыңызды біріктіретін бірлескен іс-шараларды табыңыз;Балаға парольді, карта деректерін және басқа құпия ақпаратты ата-анасынан басқа ешкімге неге беруге болмайтынын түсіндіріңіз;Антивирусты компьютерде де, телефондарда да пайдаланыңыз;Электрондық пошта мен мессенджерлерге жіберілген белгісіз кірістірілген файлдарды ашпаңыз;Контентті тексеріп, тазалап отырыңыз. Ол үшін тегін рекурсивті DNS-сервистерді пайдаланыңыз (мысалы: openDNS, quad9, yandex, т.б.). Өзіңізді, балаларыңызды қорғаңыз және Fingramota.kz-пен бірге қаржылық сауаттылықты арттырыңыз!Фото: Fingramota.kz&nbsp;

Қауіпсіз каникул: Балаларыңызды алаяқтардан қалай қорғауға болады?

<a href="https://kyzylorda-news.kz/">Kyzylorda-news.kz</a> &nbsp;Қармақшы&nbsp;ауданының әкімі Жандос Еркінбек және облыс прокурорының бірінші орынбасары Исламбек Тынарбайұлының қатысуымен құқық бұзушылық профилактикасы бойынша мәжіліс өтті.Мәжіліске аудандық сот төрағасы, құқық қорғау органдары мен бөлім басшылары, кент, ауылдық округ әкімдері,&nbsp;үкіметтік емес ұйымдар және бұқаралық ақпарат құралдарының өкілдері қатысты.Жиында қылмыстық құқық бұзушылықтардың алдын алудағы профилактикалық шаралардың тиімділігі, пробация және IIO есебіндегі азаматтар мен бұрын сотты болғандарға әлеуметтік-құқықтық көмек көрсету шаралары, отбасылық тұрмыстық зорлық-зомбылықтың алдын алу мәселелері бойынша жауапты сала басшылары баяндама жасап, есептері тыңдалды.Сонымен қатар, кәмелетке толмағандар арасындағы құқық бұзушылық, жазғы демалыс кезінде балалардың қауіпсіздігін барынша қамтамасыз ету, алаяқтық, мал ұрлығы, жол қозғалысы қауіпсіздігі, топтық төбелес және тағы да басқа қылмыстық құқық бұзушылықтардың алдын алу мәселесі кеңінен талқыланды.Сондай-ақ, жиын барысында облыс прокурорының бірінші орынбасары «Қылмыссыз ауыл» жобасын жүзеге асыруды ұсынып, алкоголь өнімдерінің заңсыз, белгіленген уақыттан тыс сатылуына тосқауыл қою, елді мекендердегі құқық бұзушылықтарды жергілікті тұрғындармен бірлескен тәртіпте ырықтандыру мәселесін көтерді.Одан кейін, пробациялық бақылаудың жайы мен қайта қылмыстың алдын алу, есептегі тұлғаларды жұмыспен қамту және мемлекет тарапынан көрсетілетін көмектермен қамтамасыз ету мәселесі бойынша уәкілетті органдарға міндеттер жүктелді.Мәжіліс соңында аудан басшысы ауданға арнайы келіп, түсіндірме жұмыстарын жүргізген Исламбек Тынарбайұлына алғысын білдіріп, қызметіне сәттілік тіледі.

Қазақстан және Қызылорда облысының жаңалықтары