<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университеті QS World University Rankings: Asia 2027 рейтингінде 578-орынға ие болып, өткен жылғы көрсеткішін 15 позицияға жақсартты. Қазақстандық жоғары оқу орындары арасында университет 22-орынға тұрақтады.Биылғы рейтинг QS Asia тарихындағы ең ауқымды рейтинг болды. Оған 26 ел мен аумақтағы 1700-ден астам жоғары оқу орны, соның ішінде Қазақстанның 51 университеті енді.Рейтинг академиялық және жұмыс берушілер арасындағы бедел, ғылыми жарияланымдар мен дәйексөздер саны, оқытушылар мен студенттердің арақатынасы, халықаралық ғылыми байланыстар, шетелдік оқытушылар мен білім алушылардың үлесі, сондай-ақ академиялық ұтқырлық көрсеткіштері негізінде жасалды.Қорқыт ата университеті академиялық бедел көрсеткіші бойынша 92 позицияға көтеріліп, 307-орынды иеленді. Бұл нәтиже – білім сапасын арттыру, ғылыми әлеуетті дамыту және халықаралық байланыстарды кеңейту бағытындағы жүйелі жұмыстың жемісі. Университет ұжымының бірлескен еңбегі алдағы уақытта да Қорқыт ата университетінің халықаралық білім кеңістігіндегі беделін нығайтуға негіз болмақ.<img src="https://knadmin.beoblood.kz/uploads/or_yt_ata_universiteti_4_09456d3757.png" alt="Қорқыт ата университеті 4.png">

Қорқыт ата университеті Азияның үздік 578 жоғары оқу орнының қатарына енді

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінің қазақ тілі мен әдебиеті пәнінің мұғалімі Гаухар Мананбай «Білім беру саласының үздігі» төсбелгісімен марапатталды.Бұл – отыз жылдан астам ғұмырын ұрпақ тәрбиесі мен білім беру ісіне арнаған білікті педагогтің еселі еңбегіне берілген лайықты баға.Гаухар Абайқызы 2014 жылдан бері Назарбаев Зияткерлік мектептері жүйесінде қызмет етіп келеді. Ұстаздың кәсіби ізденісі мен әдістемелік еңбегі білім беру мазмұнын жетілдіруге бағытталған. Ол 9-сыныпқа арналған оқулықтың, мұғалімдер мен оқушыларға арналған бірқатар әдістемелік құралдардың авторы. Сонымен қатар оқу бағдарламаларын, емтихан тапсырмалары мен бағалау материалдарын әзірлеуге атсалысып, білім беру саласындағы сарапшылық қызметті де қатар алып келеді. Педагог еңбегінің жемісі – шәкірттерінің жетістігі. Оның жетекшілігімен оқушылар жыл сайын облыстық, республикалық және халықаралық олимпиадалар мен ғылыми жобалар байқауларында топ жарып, жүлделі орындарға ие болып келеді.

Қызылордалық мұғалім «Білім беру саласының үздігі» төсбелгісімен марапатталды

<a href="https://kyzylorda-news.kz/">Kyzylorda-news.kz</a> Бүгін елордада Назарбаев Зияткерлік мектептерінің «Мектеп және адами әлеует: сапалы білім және тең мүмкіндіктер» тақырыбындағы XV халықаралық ғылыми-практикалық конференциясы өз жұмысын бастады. Он бес жылдық тарихы бар халықаралық басқосу педагогтерді, білім беру ұйымдарының басшыларын және халықаралық сарапшыларды бір алаңға тоғыстырды.Осы уақыт ішінде NIS Conference білім беру саласындағы кәсіби диалог пен озық тәжірибе алмасудың маңызды алаңына айналды. Биыл мерейтойлық жиынға 1700-ге жуық қатысушы жиналды. Олардың қатарында АҚШ, Ұлыбритания, Канада, Финляндия, Нидерланд, Үндістан, Жапония, Түркия және басқа да елдерден келген 24 шетелдік спикер, сондай-ақ Қырғызстан, Өзбекстан, Тәжікстан және Әзербайжанның білім беру саласының өкілдері бар.Конференция бағдарламасы 38 тақырыптық секцияны қамтиды. Онда білім сапасын арттыру, білім алуға тең мүмкіндік жасау және технологиялық әрі әлеуметтік өзгерістер жағдайында адами әлеуетті дамыту мәселелері қарастырылады.Конференцияның ашылу салтанатына Қазақстан Республикасы Президентінің әлеуметтік мәселелер жөніндегі кеңесшісі Алексей Цой, Қазақстан Республикасы Құрылтайының Әлеуметтік-мәдени даму комитетінің төрағасы Асхат Аймағамбетов, «Freedom Шапағат» корпоративтік қорының басқарушы директоры Руслан Жұмашев және «Назарбаев Зияткерлік мектептері» ДББҰ Басқарма төрағасы Әнуар Жанғозин қатысты.Қазақстан Республикасы Президентінің әлеуметтік мәселелер жөніндегі кеңесшісі Алексей Цой өз сөзінде адами капиталды дамыту елдің стратегиялық басымдықтарының бірі екенін атап өтті. Ол сапалы білім берумен қатар, балалардың денсаулығы мен психологиялық әл-ауқатына көңіл бөлу, сондай-ақ әрбір оқушының қабілетін ашуға жағдай жасау маңызды екенін айтты.<blockquote>– Қазақстан халқының жартысына жуығын балалар мен жастар құрайды. Бұл – еліміздің басты стратегиялық артықшылығы әрі үлкен жауапкершілік. Әрбір бала тұрғылықты жеріне немесе отбасының әлеуметтік жағдайына қарамастан сапалы білім алуға мүмкіндік иеленуі тиіс. Балалардың әлеуетін толық ашу үшін мемлекет, мектеп және ата-аналар бірлесе әрекет етуі қажет, – деді Алексей Цой.</blockquote><figure class="image"><img src="https://knadmin.beoblood.kz/uploads/Whats_App_Image_2026_10_29_at_15_30_19_0eaa15ec03.jpeg" alt="Ниш Цой "></figure>Ал Асхат Аймағамбетов өз сөзінде педагогтердің кәсіби дамуына жағдай жасау, әкімшілік жүктемесін азайту және білім беру жүйесінде цифрлық технологияларды тиімді пайдалану мәселелеріне назар аударды.<blockquote>– Жаңа әдісті меңгеруді талап етсек, оны үйренуге уақыт беруіміз керек. Зерттеу жүргізуді күтсек, әріптестерімен бірге жұмыс істеуіне мүмкіндік жасауымыз керек. Кәсіби шешіміне жауапкершілік жүктесек, сол шешімді қабылдауға сенімді де білдіруіміз қажет, – деді Асхат Аймағамбетов.</blockquote><img src="https://knadmin.beoblood.kz/uploads/NI_Sh_AJMAGAMBETOV_05ce68a9b0.jpeg" alt="НИШ АЙМАГАМБЕТОВ.jpeg">«Freedom Шапағат» корпоративтік қорының басқарушы директоры Руслан Жұмашев білім саласына қаржы бөлудің және жас ұрпаққа тең мүмкіндіктер жасаудың маңызына тоқталды. Талдықорғандағы NIS түлегі ретінде ол мектептің өзінің тұлғалық және кәсіби қалыптасуына қосқан үлесі жайында айтып, жеке тәжірибесін бөлісті.<blockquote>– Адами капиталды дамыту – Қазақстанның стратегиялық басымдықтарының бірі. Freedom компаниялар тобы білім саласына қолдау көрсету арқылы еліміздің болашағына үлес қосуды, жастардың әлеуетін арттыруды және еңбек нарығында сұранысқа ие дағдыларды дамытуға ықпал етуді көздейді, – деді Руслан Жұмашев.</blockquote>Адами әлеуетті дамыту тақырыбын жалғастырған «Назарбаев Зияткерлік мектептері» ДББҰ Басқарма төрағасы Әнуар Жанғозин білім сапасын арттыру, педагогтердің кәсіби шеберлігін жетілдіру және NIS тәжірибесін еліміздің мектептеріне кеңінен тарату бағытында атқарылып жатқан жұмыстар туралы сөз қозғады.<blockquote>– Сабақ сапасы, мұғалімнің кәсіби шеберлігі және оқушының дамуы NIS жұмысының әрдайым басты назарында болды. Педагогикалық шеберлік орталығының біліктілікті арттыру курстарынан жүз мыңдаған мұғалім өтті. «Білім берудегі өзгерістердің 1000 көшбасшысы» бағдарламасының төрт жүзден астам түлегі бүгінде мектеп басқарады. Олардың арасында «Келешек мектептерінің» директорлары да бар. Бірлескен жобалар аясында 300-ден астам мектеп, шамамен 240 мың оқушы мен 20 мыңнан астам мұғалім қамтылды. Алдағы міндет – қол жеткізген нәтижелерді одан әрі жетілдіру, халықаралық тәжірибені зерделеу және тиімді тәсілдерді әріптестерімізбен бірге талқылау. Конференция осыған жол ашады, – деді Әнуар Жанғозин.</blockquote>Биылғы конференцияның негізгі спикерлері қатарында Бостон колледжінің профессоры Энди Харгривз, білім беру экономикасы саласының сарапшысы Гарри Патринос, Финляндиядан келген когнитивтік нейроғылым зерттеушісі Катри Саарикиви, Parents International ұйымының директоры Эштер Саламон және өзге де халықаралық мамандар бар. Олар мұғалім мамандығының болашағы, білім берудің экономикалық дамуға ықпалы, жасанды интеллект дәуіріндегі мектептің рөлі және сапалы білімге тең қолжетімділікті қамтамасыз ету жолдары туралы ой бөліседі.Екі күнге жоспарланған бағдарлама аясында пленарлық баяндамалар, тақырыптық секциялар, практикалық воркшоптар, шеберлік сабақтары, панельдік пікірталастар, дөңгелек үстелдер және Ignite Talks форматындағы қысқа таныстырылымдар өтеді.Негізгі назар педагогтердің кәсіби дамуына, мектеп көшбасшылығына, жасанды интеллектіні білім беру үдерісінде қолдануға, инклюзивті орта қалыптастыруға және балалардың әл-ауқатын қамтамасыз етуге аударылады. Сонымен қатар оқушылардың зерттеушілік дағдыларын жетілдіру, білім беру деректерін тиімді пайдалану және оқыту сапасын жақсарту жолдары талқыланады. Қатысушылар педагогикалық зерттеулерінің нәтижелерін таныстырып, заманауи әдіс-тәсілдерді мектеп тәжірибесіне енгізудің тиімді жолдарын ұсынады.Конференция аясында педагог-практиктердің 120-ға жуық зерттеу жұмысы ұсынылатын постерлік көрме ұйымдастырылады. Сондай-ақ NIS Korme көрме алаңы жұмыс істейді. Мұнда білім беру саласындағы жаңа бастамалар, баспа өнімдері мен цифрлық шешімдер таныстырылады.Мерейтойлық XV халықаралық NIS конференциясының бас демеушісі – Freedom Holding Corp. Сондай-ақ шараның ұйымдастырылуына Halyk Bank те қолдау көрсетіп отыр.

Астанада мерейтойлық XV халықаралық NIS конференциясы басталды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің 3-курс студенті Шапағат Сағадатқызы «Орхун» академиялық ұтқырлық бағдарламасы аясында Түркияның Конья қаласындағы Селжук университетінде білім алуда. Ол аталған университеттің Әдебиет факультетінде (Edebiyat Fakültesi) психология мамандығы бойынша оқуын жалғастырып, шетелдегі студенттік тәжірибесімен бөлісті.Шапағат университетке оқуға қабылданған сәттен бастап академиялық ұтқырлық бағдарламасына қызығушылық танытқан. Қорқыт ата атындағы Қызылорда университеті ұсынған мүмкіндікті тиімді пайдаланып, білімін жетілдіруді және өзін жаңа ортада сынап көруді мақсат еткен.<blockquote>«Түркияға келген сәтте жүрегімде қуаныш пен қобалжу қатар болды. Жаңа ел, жаңа орта, жаңа армандар – бәрі ерекше сезім сыйлады. Сол кезде үлкен арманыма қарай алғашқы қадамымды жасағанымды түсіндім», – дейді ол.</blockquote>Селжук университетіндегі дәрістер түрік тілінде жүргізіледі. Шапағат сапар алдында арнайы тілдік курстарға қатысып, түрік тілін меңгеру арқылы жаңа білім беру ортасына алдын ала дайындалған. Бұл оның оқу үдерісіне еркін араласып, шетелдік білім беру жүйесіне бейімделуіне мүмкіндік берді.Студентке түрік халқының қонақжайлығы, ақжарқын мінезі мен мейірімділігі ерекше әсер қалдырған. Оның айтуынша, шетелде білім алу жаңа мәдениетпен танысуға, дүниетанымын кеңейтуге және өмірге өзгеше көзқараспен қарауға ықпал еткен.Оқудан бос уақытында Шапағат Түркияның көрікті жерлерін аралап, елдің тарихи-мәдени және табиғи ерекшеліктерімен танысқан. Ол Конья қаласымен қатар, таңғажайып табиғатымен танымал Каппадокия мен көгілдір теңізі, әсем жағажайларымен ерекшеленетін Фетхиеге саяхаттаған.<blockquote>«Академиялық ұтқырлық – мен үшін білім мен жарқын естеліктерді тоғыстырған ерекше мүмкіндік. Бұл бағдарлама арқылы өзімді жаңа қырымнан танып, дүниетанымымды кеңейттім, өзге мәдениетті түсінуді және жаңа ортаға бейімделуді үйрендім. Сондай-ақ өз күшіме сеніп, армандарыма бір қадам жақындай түстім», – дейді Шапағат.</blockquote>Ол университет студенттерін академиялық ұтқырлық бағдарламаларына белсенді қатысып, өзге елде білім алуға және жаңа мүмкіндіктерді пайдалануға шақырады. Шапағаттың пікірінше, академиялық ұтқырлық – жай ғана саяхат емес, білім мен тәжірибеге, жаңа орта мен ұмытылмас естеліктерге бастайтын маңызды қадам.

Шапағат Сағадатқызы шетелдегі студенттік тәжірибесімен бөлісті

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінің оқушылары Айшабиби Ерланқызы мен Гайнижамал Берікқызы жасанды интеллект негізінде жұмыс істейтін QOLDAU AI веб-платформасын әзірледі. Жоба ым-ишараны нақты уақыт режимінде танып, оны мәтін мен дыбыстық хабарламаға айналдыруға мүмкіндік береді. Оқушылар өз әзірлемесін алғаш рет Қызылорда қаласындағы есту қабілеті бұзылған балаларға арналған №6 арнайы мектеп-интернатында сынақтан өткізді.Платформаны пайдалану үшін қарапайым веб-камера мен интернетке қосылу жеткілікті. Жүйе қазақ ым тіліндегі ишараларды танып, оларды мәтіндік және дыбыстық форматқа түрлендіреді. Бұл есту қабілеті бұзылған адамдардың айналасындағылармен қарым-қатынас жасауын жеңілдетуге бағытталған. Сонымен қатар пайдаланушыларға қосымша бағдарламалар орнатудың қажеті жоқ.<img src="https://knadmin.beoblood.kz/uploads/NI_Sh_be678b67ce.jpeg" alt="НИШ..jpeg">Сынақ барысында мектеп-интернат тәрбиеленушілері платформаны қолданып көріп, өз әсерлерімен бөлісті. Педагогтер жобаның тәжірибелік маңызын атап өтіп, жүйе танитын ым-ишаралар қорын кеңейтуді ұсынды. Сондай-ақ олар бұл технологияның балалардың жазбаша сөйлеу дағдыларын дамытуға қосымша құрал бола алатынына назар аударды.<blockquote>– Мамандар мен ата-аналарға пайдалы көмекші бола алатын осындай платформа әзірлегені үшін оқушыларға алғысымды білдіремін. Ым-ишара тіліндегі кейбір қимылдарды нақтылап, жетілдіру қажет. Алдағы уақытта платформада оқыту материалдары мен бейнесабақтардың көбірек болғанын қалаймыз, – деді ым-ишара тілі маманы Зухра Қалжанова.</blockquote><img src="https://knadmin.beoblood.kz/uploads/Whats_App_Image_2026_10_22_at_14_09_16_5a52bde91c.jpeg" alt="НИШ">QOLDAU AI жобасын жетілдіру жұмыстары физика пәнінің мұғалімі Айнұр Құрақбаева мен Қызылорда қаласындағы NIS директорының ғылыми-әдістемелік жұмыс жөніндегі орынбасары Мадина Рашитованың жетекшілігімен жалғасуда. Сынақ кезінде алынған пікірлер мен ұсыныстар оқушыларға платформаны болашақ пайдаланушылардың қажеттіліктеріне сай жетілдіруге мүмкіндік береді.Жаңа технологияны таныстыру екі білім беру ұйымы арасындағы кездесудің бір бөлігі болды. NIS оқушылары Республика күніне орай мектеп-интернат тәрбиеленушілеріне арнап «Қазақстан – менің мақтанышым» атты сурет байқауын да ұйымдастырды. Балалар туған елдің мәдениеті, салт-дәстүрлері мен көрікті жерлерін бейнелейтін акварель жұмыстарын ұсынды. Байқау жеңімпаздары мектеп-интернат тәрбиеленушілері дайындаған концерттік бағдарлама аясында марапатталды.<img src="https://knadmin.beoblood.kz/uploads/NI_Sh_f688f56cd0.jpeg" alt="НИШ.jpeg"><img src="https://knadmin.beoblood.kz/uploads/NI_Sh_1add01c747.jpeg" alt="НИШ.jpeg">

Қызылордалық NIS оқушылары ым-ишара тілін аударатын жасанды интеллект платформасын әзірледі

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде «Kyzylorda-news.kz» ақпараттық агенттігінің алғашқы бас редакторы Елібай Жікібаевтың туғанына 70 жыл толуына арналған «Аймақтық ақпараттық агенттіктерді ЖИ технологиялары арқылы дамыту, модернизациялау және бәсекеге қабілеттілігін арттыру стратегиялары» атты ғылыми жоба байқауының қорытынды отырысы өтті.Байқаудың негізгі мақсаты – жасанды интеллект технологияларын аймақтық журналистикада тиімді пайдалану жолдарын қарастыру, студенттердің инновациялық идеяларын қолдау және ақпараттық агенттіктердің жұмысын жетілдіруге бағытталған ғылыми-практикалық ұсыныстарды саралау.Жиынға Қорқыт ата атындағы Қызылорда университетінің журналистика мамандығының оқытушылар құрамы, студенттері, «Сыр медиа» ЖШС басшылығы, «Kyzylorda-news.kz» АА ұжымы және Елібай Зұлқарнайұлының әйелі Ұлтусын Агбаева мен бауырлары қатысты.Жиынның ашылуында Қорқыт ата атындағы Қызылорда университетінің «Қазақ тілі мен әдебиеті және журналистика» білім беру бағдарламасының жетекшісі, аға оқытушы, филология ғылымдарының кандидаты Гүлзира Оралова мен «Сыр медиа» ЖШС бас директоры Марат Аралбаев сөз сөйлеп, байқаудың маңызына тоқталды. Олар Елібай Зұлқарнайұлының кәсіби маман ретіндегі қызметі жайлы айтып, журналистика саласындағы цифрлық өзгерістерге бейімделудің, заманауи технологияларды меңгерудің және болашақ мамандардың кәсіби әлеуетін арттырудың өзектілігін атап өтті.Іс-шараның маңызды бөлігі Елібай Зұлхарнайұлы Жікібаевтың өмірі мен кәсіби қызметіне арналды.2011 жылы Қызылорда облысында қазақ және орыс тілдерінде жарық көрген «Kyzylorda-news.kz» интернет басылымы өңірдегі жаңа медианың қалыптасуына үлес қосты. Басылымның негізгі идеясының авторы – белгілі журналист, филология ғылымдарының кандидаты Аманжол Оңғарбаев. Ал интернет газеттің алғашқы бас редакторы қызметіне журналист, сол кезеңде «Караван» газетінің Қызылорда облысындағы меншікті тілшісі болған Елібай Жікібаев тағайындалды.Ол кезде интернет басылымдардың жұмысы енді қалыптасып, әлеуметтік желілер бүгінгідей кең таралмаған. Осындай кезеңде жаңа ақпараттық жобаның жұмысын жолға қою, редакциялық ұжымды қалыптастыру және жедел ақпарат тарату ісін ұйымдастыру үлкен жауапкершілікті талап етті. Елібай Зұлқарнайұлы журналистикадағы мол тәжірибесін осы міндеттерді орындауға жұмсап, өңірлік интернет басылымның дамуына еңбек сіңірді.Кездесу барысында Елібай Жікібаевпен бірге еңбек еткен Насреддин Бахманов естеліктерін бөлісті. Сондай-ақ «Сыр бойы» газетінің бас редакторы, Қазақстан Журналистер одағының Қызылорда облыстық филиалының төрағасы Қуат Шарабидинов журналистің кәсіби болмысы мен әріптестік қарым-қатынасы туралы пікір білдірді. Естеліктерде Елібай Жікібаевтың журналистикаға адалдығы, жауапкершілігі және жаңа ақпараттық жобаларды жүзеге асырудағы еңбегін атап өтті.Айта кетейік, аталған байқауға Қорқыт ата атындағы Қызылорда университеті Гуманитарлық-педагогикалық институтының «Қазақ тілі мен әдебиеті және журналистика» білім беру бағдарламасы бойынша журналистика мамандығында білім алатын 3–4-курс студенттері қатысты.<img src="https://knadmin.beoblood.kz/uploads/Whats_App_Image_2026_10_13_at_18_32_34_18a84abe73.jpeg" alt="Ғылыми жоба.jpeg">Байқау талаптарына сәйкес, қатысушылар журналистика және медиаменеджмент, IT, дата-журналистика, инновациялық шешімдер мен контент әзірлеу бағыттары бойынша ғылыми жобаларын ұсынды. Жобаларда аймақтық ақпараттық агенттіктердің жұмысын жетілдіру, редакциялық үдерістерге заманауи технологияларды енгізу және медиа өнімдерінің сапасын арттыру мәселелеріне басымдық берілді.Байқауға барлығы сегіз жоба келіп түсті. Сараптау қорытындысы бойынша олардың ішінен төрт жоба іріктеліп, авторлары қорытынды жиында өз жұмыстарын таныстырды.Жобаларды бағалау комиссиясының төрағасы Жәнібек Исаев байқауды сараптау жұмыстары туралы сөз сөйледі. Ол жасанды интеллектіні медиа саласына енгізудің теориялық негіздерімен қатар, оның нақты редакциялық міндеттерді шешудегі қолданбалы маңызын атап өтті.Байқау қорытындысы бойынша 3-орынды Ж-24-1 оқу тобының студенті Қарақат Медетқызы, 2-орынды Ж-23-3 оқу тобының студенті Зейнеп Сәрсенмұратова, 1-орынды Ж-23-1 оқу тобының студенттері Ақбота Сейтқасымова мен Ердос Есқали иеленді. Жеңімпаздарға диплом және қаржылай сыйлық табысталды. Басқа қатысушылар Алғыс хатпен марапатталды.Елібай Жікібаевтың 70 жылдығына арналған байқау оның журналистика саласындағы еңбегін еске алумен қатар, кейінгі буынның кәсіби ізденісіне жол ашты.Мұндай іс-шаралар университет пен «Сыр медиа» ЖШС арасында ғылыми және тәжірибелік жұмысты жалғастыруға, студенттердің тың идеяларын қолдауға және өңірлік журналистиканы заманауи талаптарға сай дамытуға мүмкіндік береді.<img src="https://knadmin.beoblood.kz/uploads/Whats_App_Image_2026_10_13_at_18_32_40_1b1dedeb3d.jpeg" alt="Ғылыми жоба.jpeg">Сурет: Нұрболат Нұржаубай

Қорқыт ата атындағы Қызылорда университетінде ғылыми жоба байқауының қорытынды отырысы өтті

<a href="https://kyzylorda-news.kz/">Kyzylorda-news.kz</a> Премьер-министрдің орынбасары – Ұлттық экономика министрі Серік Жұманғарин Үкімет отырысында осы жылдың 9 айындағы әлеуметтік-экономикалық даму туралы баяндама жасады, деп хабарлайды <a href="https://baq.kz/qazaqstan-ekonomikasy-zhyl-basynan-42-ga-osti-320049086/">BAQ.KZ тілшісі.</a>Айтуынша, биыл экономика бірқатар тежеуші факторлар жағдайында дамуда.Біріншіден, бұл мұнай өндірісінің азаюы және мұнай секторының жалпы ішкі өнімнің өсуіне теріс үлесі. Биыл 9 айдың қорытындысы бойынша мұнай өндіру 8,3%-ға қысқарып, 69,4 млн тоннаны құрады. Екіншіден, теңгенің нығаюы экспортқа бағдарланған салалар мен бюджет кірістеріне тежегіш әсер етуде. Үшіншіден, тұтынушылық кредиттеу өсуінің баяулауы тұтынушылық сұранысты тежеуде, - деп атап өтті вице-премьер.Айта кетерлігі, жылдық мәнде тұтынушылық кредиттердің өсуі 2025 жылғы тамыздағы 26,4%-дан ағымдағы жылғы тамызда 10,4%-ға дейін төмендеген.<blockquote>Аталған факторларға қарамастан, Қазақстан экономикасы өсуін жалғастыруда және оң динамиканы көрсетуде. Тоғыз айдың қорытындысы бойынша экономиканың өсуі 4,2%-ды құрады. Экономиканың өсуі шикізатқа қатысты емес сектор есебінен қамтамасыз етілді, ол бағалау бойынша 5,4%-ға өсті. Салалар арасында құрылыс, өңдеу өнеркәсібі, көлік қызметтері және сауда ең жоғары қарқын көрсетуде. Осы салалардың жалпы ішкі өнімнің өсуіне қосқан жиынтық үлесі 75%-дан асады, - деді Серік Жұманғарин.</blockquote>Сурет: shutterstock

Қазақстан экономикасы жыл басынан бері 4,2%-ға өсті

<a href="https://kyzylorda-news.kz/">Kyzylorda-news.kz</a> Жалағаш ауданында 2026 жылдың алғашқы жартыжылдығында әлеуметтік-экономикалық даму көрсеткіштері оң нәтижемен қорытындыланды. Бұл туралы Өңірлік коммуникациялар қызметінің ақпарат алаңында өткен баспасөз конференциясында аудан әкімі Ардақ Ибраимов мәлімдеді.Жыл басынан бері аудан экономикасының негізгі бағыттарында тұрақты өсім қалыптасты. Өнеркәсіп өнімінің көлемі 110,7 пайызға, өңдеу өнеркәсібі 100,1 пайызға, инвестициялар көлемі 113,2 пайызға жетті. Сонымен қатар бөлшек сауда, ауыл шаруашылығы, құрылыс және тұрғын үй пайдалануға беру көрсеткіштері де жоспардан жоғары орындалған.<blockquote>«Бірінші жартыжылдықта аудан бюджеті нақтыланып, толық көлемде игерілді. Бұл инфрақұрылымдық және әлеуметтік жобаларды уақытылы жүзеге асыруға мүмкіндік берді. Кәсіпкерлікті қолдау бағытындағы жұмыстар да жалғасуда. Бүгінде ауданда 2541 шағын және орта кәсіпкерлік субъектісі тіркелсе, оның 2471-і тұрақты жұмыс істеп тұр. Қаржы институттары арқылы кәсіпкерлердің 56 жобасы қаржыландырылды. Ауыл тұрғындарының табысын арттыруға бағытталған «Ауыл аманаты» жобасы аясында биыл 37 жоба қаржыландырылып, 39 жаңа жұмыс орны ашылды», - деді аудан әкімі.</blockquote>Өңірдегі ең ауқымды жобалардың бірі швейцариялық «Харвест Агро Холдинг» компаниясының техникалық қарасора, жүгері және мақсары өсіру әрі қайта өңдеу жобасы. Жалпы құны 68 млрд теңгені құрайтын өндіріс іске қосылғанда жыл сайын ондаған мың тонна ауыл шаруашылығы өнімі өндіріліп, өңделетін болады. Биылдың өзінде компания 26,3 млрд теңге инвестиция салып, 7 мың гектар алқапқа егіс орналастырып, 142 жаңбырлатып суару қондырғысын іске қосқан. Қазіргі таңда жоба аясында 100 адам тұрақты жұмыспен қамтылған.Бұдан бөлек, ауданда жалпы құны 70 млрд теңгені құрайтын алты инвестициялық жоба жоспарланып, оның бесеуі іске асырылды. Нәтижесінде 120 жаңа жұмыс орны құрылды.<blockquote>«Мемлекет басшысы мен Үкіметтің, облыс әкімдігінің қолдауының арқасында аудан экономикасында тұрақты өсім қалыптасты. Инвестициялық жобалар өндірісті әртараптандыруға, жаңа жұмыс орындарын ашуға және тұрғындардың әл-ауқатын арттыруға мүмкіндік беріп отыр. Алдағы уақытта бұл бағыттағы жұмыстар жалғасын табады», – деді аудан әкімі Ардақ Ибраимов.</blockquote><figure class="image"><img src="https://knadmin.beoblood.kz/uploads/zhala_ash_kimi_5358095635.jpg" alt="жалағаш әкімі брифинг .jpg"></figure>Фото: pixabay

Жалағашта инвестициялық жобалар қарқын алды

<a href="https://kyzylorda-news.kz/">Kyzylorda-news.kz</a> Шиелі ауданында соңғы үш жылда ауданның өз кірісі 5,3 млрд теңгеден 7,5 млрд теңгеге дейін өсіп, 141 пайыздық өсім көрсетті. Бұл қаражат әлеуметтік нысандарды дамытуға және тұрғындардың әл-ауқатын арттыруға бағытталуда. Сонымен қатар облыс әкімінің тапсырмасына сәйкес салық түсімдерін ұлғайту мақсатында арнайы жұмыс топтары тұрақты жұмыс жүргізуде. Бұл туралы Өңірлік коммуникациялар қызметінің ақпарат алаңында өткен баспасөз конференциясында Шиелі ауданының әкімі Айтбай Жандарбеков таныстырды.<blockquote>«Жыл басынан бері аудан экономикасының негізгі макроэкономикалық көрсеткіштері де оң нәтижеге қол жеткізді. Өнеркәсіп өнімінің көлемі 44 млрд 6 млн теңгені, өңдеу өнеркәсібі 37 млрд 848 млн теңгені құрады. Ауыл шаруашылығы саласында 5 млрд 711 млн теңгенің өнімі өндіріліп, өткен жылдың сәйкес кезеңімен салыстырғанда 105,1 пайызға орындалды. Инвестиция тарту көлемі өткен жылдың сәйкес кезеңінен 105,2 пайызға артты. Осы кезеңде 37 мың 753 шаршы метр тұрғын үй пайдалануға беріліп, бұл көрсеткіш өткен жылмен салыстырғанда 104,5 пайызды құрады. Бөлшек сауда көлемі де 6 млрд 971 млн теңгеге жетіп, тұрақты өсім сақталды. Экономиканың тұрақты дамуы аудан тұрғындарының әл-ауқатын арттырудың басты кепілі. Сондықтан инвестиция тарту, өндірісті ұлғайту және бюджет кірістерін көбейту бағытындағы жұмыстар жүйелі түрде жалғасады», – деді аудан әкімі Айтбай Жандарбеков.<figure class="image"><img src="https://knadmin.beoblood.kz/uploads/brifing_shieli_a3053066e3.jpg" alt="брифинг шиелі.jpg"></figure></blockquote>Фото: t.me/tengenomika/ РСК Кызылорда&nbsp;

Шиеліде экономикалық өсімнің оң динамикасы сақталды 

<a href="https://kyzylorda-news.kz/">Kyzylorda-news.kz</a> Шиелі ауданында спорт кешендері, көпірлер, газ және электр желілері, әлеуметтік нысандар құрылысы кезең-кезеңімен жүзеге асырылуда. Жаңғыртылған Шиелі теміржол вокзалы пайдалануға беріліп, тұрғындарға қолайлы жағдай жасалды. Сонымен қатар жолдарды қайта жаңғырту, елді мекендерді газдандыру және электр желілерін жаңарту жұмыстары жалғасып жатыр. Бұл туралы Өңірлік коммуникациялар қызметінде өткен баспасөз конференциясында Шиелі ауданының әкімі Айтбай Жандарбеков баяндады.Тұрғын үй саласында соңғы жылдары жүздеген пәтер халық игілігіне берілсе, биыл тағы да жаңа көпқабатты тұрғын үйлердің құрылысы басталады. Аудан халқы сапалы ауыз сумен толық қамтылған.<blockquote>«Білім саласында үш ауысымды мектеп жоқ. Биыл Ұлттық бірыңғай тестілеудің орташа көрсеткіші өсіп, аудан облыс бойынша үздік үштіктің қатарына енді. Денсаулық сақтау саласында магниттік-резонанстық томография аппараты іске қосылып, медициналық мекемелерге жөндеу жұмыстары жүргізілуде. Абаттандыру бағытында «Таза Қазақстан» акциясы аясында санитарлық тазалық, көгалдандыру және қоғамдық кеңістіктерді көркейту жұмыстары күшейтілді. Белсенді тұрғындар мен еріктілердің еңбегі арнайы марапатталып келеді. Халыққа қолайлы орта қалыптастыру біздің негізгі міндетіміз. Сондықтан құрылыс, жол, тұрғын үй, білім мен денсаулық сақтау салаларындағы жобаларды сапалы әрі уақытылы аяқтауға ерекше мән береміз», – деді аудан әкімі Айтбай Жандарбеков.</blockquote>

Шиеліде әлеуметтік және инфрақұрылымдық жобалар қарқын алды 

Облыс әкімі Мұрат Ергешбаев жауапты сала басшыларымен бірге қаладағы &nbsp;құрылыс нысандарын аралады.Алдымен сол жағалаудағы бір ауысымда 100 келушіге қызмет көрсететін емханасы бар 300 төсектік көпбейінді ауруханадағы қазіргі жұмыс барысымен танысты. &nbsp;Кешен құрылысы Инфрақұрылымдық даму қоры арқылы республикалық бюджеттен қаржыландырылған. «Мелиоратор» ЖШС салып жатқан нысан 10 блоктан, атап айтқанда, қабылдау, реанимация, химиотерапия, операция, радиология, емхана, пансионат, физиотерапия және басқа да бөлімдерден тұрады. Қазіргі уақытта ғимараттың іші әрленіп, инженерлік желілері тартылуда.Қалада құрылысы қарқын алған тағы бір медициналық &nbsp;мекеме – Титов шағын ауданындағы 400 келушіге арналған № 5 емхана. Жалпы ауданы 8 937 шаршы метр болатын ғимаратты салуға 9,7 млрд теңге бөлінген. Мұнда да &nbsp;ішкі әрлеу, инженерлік желілерді тарту жұмыстары жүріп жатыр. Жыл соңына дейін пайдалануға беріледі.<img src="https://knadmin.beoblood.kz/uploads/FB_IMG_1794058823232_0b57669e87.jpg" alt="FB_IMG_1794058823232.jpg">Аймақ басшысы Қорқыт ата атындағы Қызылорда университеті Инжинирингтік паркінің құрылыс алаңына да барды. &nbsp; «Орион LTD» ЖШС салып жатқан &nbsp;нысан археологиялық, инженерлік, роботехника, жерді қашықтан зондтау, IT &nbsp;зертханалармен, академиялық басымдық және жасанды интеллект орталығымен, компьютерлік аудиториялар, 90 орындық дәрісхана, 140 орындық конференц-залымен қамтылған.Мемлекет басшысының Ұлттық құрылтайдағы тапсырмасына сәйкес Қызылордада 600 мың кітап қорын сақтауға арналған Президенттік кітапхана құрылысы басталды. Кітапхана ғимаратында конференция, оқу, тарих және басылым, архив және сирек қор залдары, электрондық кітапхана, &nbsp;әлем әдебиеті бөлімі, өнер, көрме галереялары, медиалаборатория, балалар аймақтары, коворкинг, фудкорт, қалпына келтіру шеберханасы, типография орналасады. Бүгінде жер қазылып, &nbsp;іргетасын құю жұмыстары жүруде.Жанқожа батыр көшесі арқылы өтетін теміржол өткелінің құрылыс барысы да назардан тыс қалмады. Көпір пайдалануға берілген соң, теміржолдың арғы бетіндегі Шанхай, Коммунизм, Гагарин шағын аудандары тұрғындарының көлік қатынасы едәуір жеңілдейді.Мұрат Нәлқожаұлы сенбілікке шыққан жұртшылықпен кездесіп, тазалыққа үлес қосып жүрген азаматтарға алғысын білдірді.<img src="https://knadmin.beoblood.kz/uploads/FB_IMG_1794058855266_381cb13ecd.jpg" alt="FB_IMG_1794058855266.jpg">

Облыс әкімі қаладағы бірқатар құрылыс нысандарын аралады 

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев Қытайдың «Suchun Environmental Protection» компаниясының өкілдерімен кездесті. Онда тараптар қоршаған ортаны қорғау саласындағы инвестициялық жобаларды, өңірдегі экологиялық мәселелерді шешу жолдарын және өзара тиімді ынтымақтастық орнату мүмкіндіктерін талқылады.Сонымен қатар облыстың инвестициялық әлеуеті, экономикалық мүмкіндіктері таныстырылды. Әсіресе, аймақтың табиғи ресурстары мен шикізаттық базасын тиімді пайдалана &nbsp;отырып жүзеге асырылатын перспективалы инвестициялық жобаларға басымдық берілді. Тараптар экология саласындағы заманауи технологияларды енгізу, өндірістік әлеуетті дамыту және қоршаған ортаға түсетін жүктемені азайтудағы бірлескен бастамаларды қарастырды.Кездесуде аймақ басшысы өңірде жаңа жобаларға, шетелдік инвесторлармен әріптестікті нығайтуға ерекше мән берілетінін атап өтті. Сондай-ақ инвесторларға жан-жақты қолдау, қажетті ұйымдастырушылық және практикалық көмек көрсетіледі.

Қоршаған ортаны қорғау саласындағы инвестициялық жобалар талқыланды

<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов Мемлекет басшысының автомобиль жолдары саласын реформалау жөніндегі тапсырмаларының орындалу барысы бойынша кеңес өткізді. Жиында Президенттің «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауында айқындалған міндеттер аясында жол құрылысының сапасын арттыру және заманауи автомобиль жолдары желісін қалыптастыру мәселелері қаралды.Оған облыс әкімі Мұрат Ергешбаев селекторлық режим арқылы қатысты. Кеңес отырысынан кейінгі мәжілісте көтерілген мәселелерге орай жауапты сала басшыларына бірқатар нақты тапсырма берілді.<blockquote>«Мемлекет басшысы Қасым-Жомарт Кемелұлы өз Жолдауында: «Біздің негізгі мақсатымыз – еліміздегі жолдардың әлеуетін нығайтып, азаматтарымыздың табысын арттыру. Алдымызда республикалық және жергілікті деңгейдегі жолдарды сапалы салу бойынша аса маңызды міндет тұр», – деп ерекше тоқталды. Сапалы жолдар мен заманауи сервистік инфрақұрылымсыз еліміздің көлік-логистикалық орталыққа, ірі транзиттік аймаққа айналуы мүмкін емес. Сондықтан бұл бағыттағы жұмыстарды сапалы етіп орындауды қатаң тапсырды. Біздің міндетіміз – Жолдаудағы бастамалардың мерзімінде, нәтижелі іске асуын қамтамасыз ету. Бұл бағытта өңірімізде басталған автожол құрылыстарын сапалы жүргізіп, белгіленген мерзімде аяқтауымыз қажет»,– деді Мұрат Нәлқожаұлы.</blockquote>Аймақ басшысы көліктік бақылау инспекциясына орталық атқарушы органдармен бірлесіп, өңірдегі барлық автокөлік бекетін жаңғыртуды жеделдетуді тапсырды.Полиция департаментімен бірлесіп, көлік бекеттеріндегі бақылауды күшейту, жол сапасына зиян келтіретін ауыр жүк көліктерінің қозғалысын шектеу үшін тұрақты рейд ұйымдастыру қажет. Атқарылған жұмыстар, анықталған заң бұзушылықтар, салынған айыппұлдар мен қабылданған шаралар туралынақты ақпарат ұсыну міндеттелді.Қызылорда қаласы мен аудан әкімдері жолаушылар көлігі және автомобиль жолдары басқармасы, «ҚазАвтоЖол» мекемесімен бірлесіп, анықталған кемшіліктерді үш күн ішінде жоюы керек.Айта кетейік, өңірде 3 525 шақырым автомобиль жолы бар, оның 1 025 шақырымы – республикалық, 555 шақырымы – облыстық, 1 945 шақырымы – аудандық маңызы баржолдар.Биыл жол инфрақұрылымын дамытуға 43,8 млрд теңге бөлініп, 168 шақырым автомобиль жолы мен көшелер, сондай-ақ көпірлер жөнделуде. Жыл қорытындысымен жақсы жағдайдағы жолдардың үлесін 95,5 пайызға жеткізу көзделген.

Автожол саласын реформалау мәселелері қаралды

Қазалы ауданында экономика ғылымдарының докторы, профессор, ЮНЕСКО-ның алтын медалінің иегері, Қазалы ауданының Құрметті азаматы Орақ Жолмырзаұлы Әлиевтің 80 жас мерейтойына орай «Сырдың ерен өрені – ғалым, ұстаз, тағылым!» атты ғылыми-танымдық конференция өтті.Роза Бағланова атындағы аудандық мәдениет орталығында өткен тағылымды шараға қатысып, мерейтой иесінің өнегелі өмір жолы мен отандық ғылымның дамуына қосқан үлесіне тоқталып, конференция жұмысына сәттілік тіледік. Туған жерден түлеп ұшып, ғылымның биік белестерін бағындырған Орақ Жолмырзаұлының есімі мен еңбегі кейінгі ұрпаққа әрдайым үлгі екенін атап өттік.Мемлекет басшысы Қасым-Жомарт Тоқаев: «Кез келген дамыған, яғни озық мемлекеттің қазығы – ғылым, ал қазынасы – ғалым. Әр елдің ғылыми әлеуеті – оның абырой-беделі мен күш-қуатының өлшемі», – деп атап өткен болатын. Расында да, елдің өркендеуі мен өркениеттің биік белестерге көтерілуінде ғылымның орны ерекше. Ал сол ғылымның дамуына ғұмырын арнап, әлемдік ой-сананың өрісін кеңейтіп жүрген ғалымдардың еңбегі – ұлттың рухани әрі зияткерлік байлығы. Туған жердің топырағынан нәр алып, ұлттық руханияттың биігіне көтерілген, бар саналы ғұмырын ғылымға арнаған осындай азаматтардың бірі – Алиев Орақ Жолмырзаұлы, - деді аудан әкімі Алмасбек Әбілқасымұлы.Тағылымы мол басқосуға еліміздің Астана, Алматы қалаларынан және өзге де өңірлерінен келген ғалымдар, жоғары оқу орындарының профессор-оқытушылары, академиялық қауымдастық өкілдері, зиялы қауым, мерейтой иесінің әріптестері мен шәкірттері қатысты.<img src="https://knadmin.beoblood.kz/uploads/FB_IMG_1794059181274_46004f05ea.jpg" alt="FB_IMG_1794059181274.jpg">Конференция барысында Қазақ технология және бизнес университетінің профессоры, философия ғылымдарының кандидаты Абылай Мұхамбетжан «Сырдың ерен өрені» тақырыбында баяндама жасап, ғалымның өмір жолы мен ғылыми ізденістеріне тоқталды. Ал Қорқыт Ата атындағы Қызылорда университетінің Құрметті профессоры, филология ғылымдарының докторы, «Құрмет» орденінің иегері Жеңіс Сәдуақасұлы «Әріптес дос, ғалым азамат жайында ойтолғау» тақырыбында сөз сөйлеп, мерейтой иесінің азаматтық болмысы, адами қасиеттері мен әріптестік қарым-қатынасы жөніндегі естеліктерімен бөлісті. Сонымен қатар физика-математика ғылымдарының докторы, профессор, ҚР Ұлттық ғылым академиясының Құрметті мүшесі Кенжеғали Кенжебаев ғалымның ғылыми ізденістері мен халықаралық деңгейдегі жетістіктеріне тоқталып, оның отандық ғылымдағы орнын айрықша атап өтті.Халықаралық туризм және меймандостық университетінің профессоры, экономика ғылымдарының докторы, Қазақстан экономикалық ғылымдары академиясының академигі Серікбай Ыдырыс «Орақ Жолмырзаұлының ғылым мен білім саласына сіңірген еңбегі туралы» ой-пікірін ортаға салса, «Есіл» университетінің бірінші проректоры, экономика ғылымдарының докторы, профессор Серік Биханұлы конференцияны қорытындылап, мерейтой иесінің ғылыми және ұстаздық қызметіне жоғары баға берді.Жиын барысында Орақ Жолмырзаұлының экономикалық ғылымның дамуына қосқан үлесі, жоғары білім беру жүйесін қалыптастырудағы қызметі, ғылыми мектебі мен шәкірт тәрбиелеудегі еңбегі кеңінен сөз болды.Айта кетейік, Орақ Жолмырзаұлы – саяси экономия және экономикалық теория салаларында өзіндік ғылыми мектебін қалыптастырған көрнекті ғалым. Ол ғылым жолында 16 ғылым кандидатын, 2 ғылым докторын және 5 магистрді даярлап шығарған. Әлемдік гуманитарлық ойдың дамуына қосқан үлесі үшін ЮНЕСКО-ның алтын медальдарымен марапатталған. Сонымен қатар туған жеріндегі білім беру саласына қолдау көрсетіп, ауыл жастарының ғылымға бет бұруына айрықша үлес қосып келеді.Тағылымды конференция аясында мерейтой иесіне аудан жұртшылығының атынан құрмет көрсетіп, иығына шапан жаптық. Ал жары Сәуле Балабекқызына да құрмет көрсетіліп, иығына камзол жауып, гүл шоқтары табысталды.Конференция соңында мерейтой иесі Орақ Жолмырзаұлы сөз сөйлеп, арнайы келген қонақтарға, әріптестеріне және туған жерінің халқына ризашылығын білдірді.<img src="https://knadmin.beoblood.kz/uploads/FB_IMG_1794059225641_79ea2500bd.jpg" alt="FB_IMG_1794059225641.jpg">

Қазалыда ғылыми-танымдық конференция өтті 

Облыс әкімі Мұрат Ергешбаев облыстық ардагерлер кеңесінің төрағасы, Қызылорда облысының құрметті азаматы, «Құрмет» және «Парасат» ордендерінің иегері Серік Дүйсенбаевты 75 жасқа толған мерейтойымен құттықтады. Өңірдің дамуына және қоғамдық келісімді нығайтуға қосқан үлесін атап өтіп, өнегелі еңбек жолына тоқталды.&nbsp;«Сыр өңірінің шежірелі тарихында туған жерінің өркендеуіне күш-жігерін арнаған, қай салада қызмет етсе де, ел мүддесін, жауапкершілікті жеке бас мүддесінен жоғары қойған азаматтар аз емес. Солардың қатарында саналы ғұмырын адал еңбекке, қоғамның дамуына, ел ішіндегі ынтымақ пен ұрпақтар сабақтастығын нығайтуға арнап келе жатқан Серік Әбішұлы Дүйсенбаевтың орны ерекше. Ағамыздың көп жылғы жемісті еңбегі мемлекет тарапынан жоғары бағаланып, «Құрмет» және «Парасат» ордендерімен марапатталды. Бұл – ел дамуына сіңірген еңбегіне, қоғам алдындағы абыройы мен беделіне берілген лайықты баға. Бүгінде ардагер қауымының көшбасшысы ретінде аға буынның өмірлік тәжірибесін кейінгі ұрпаққа жеткізу жолында қажырлы еңбек етіп келесіз. Өнегелі өмір жолыңыз, елге деген жанашырлығыңыз бен адал қызметіңіз жас ұрпаққа әрдайым үлгі», – деді Мұрат Нәлқожаұлы.<img src="https://knadmin.beoblood.kz/uploads/FB_IMG_1794024084803_ad6cde28d7.jpg" alt="FB_IMG_1794024084803.jpg">Басқосуда мерейтой иесіне Премьер-министрдің бірінші орынбасары Нұрлыбек Нәлібаевтың және облыс әкімінің құттықтаулары табысталып, дәстүрге сай сый- құрмет көрсетілді.Мемлекет және қоғам қайраткері Әбілғазы Құсайынов пен мемлекет және қоғам қайраткері Бекмырза Еламанов, қаржы саласының ардагері Дайрабай Ысқақов ізгі лебіздерін жеткізді.Серік Әбішұлы 1951 жылы 6 қарашада Шиелі ауданында дүниеге келген. Жамбыл жеңіл және тамақ өнеркәсібі технологиялық институтында инженер-механик, Қызылорда гуманитарлық университетінде қаржыгер мамандықтары бойынша білім алған.Еңбек жолын «Қызылорда нан өнімдері» өндірістік бірлестігінде инженер-механик болып бастап, бас механик, бас инженер, директордың орынбасары қызметтерін атқарды. Аталған кәсіпорынның бас директоры ретінде өндіріс жұмысын басқарды.Одан кейінгі жылдары кәсіпкерлік, коммуналдық шаруашылық, жергілікті басқару және әлеуметтік салаларда жауапты қызметтер атқарды. «Ел ырысы» серіктестігінің басшысы, Қызылорда ауданаралық жылу орталығының директоры, Қызылорда қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы, Қосшыңырау ауылдық округінің әкімі болды.<img src="https://knadmin.beoblood.kz/uploads/FB_IMG_1794024074705_5356630e89.jpg" alt="FB_IMG_1794024074705.jpg">2013-2018 жылдары қалалық жұмыспен қамту және әлеуметтік бағдарламалар бөлімін басқарып, халықтың әлеуметтік жағдайын жақсарту, мұқтаж азаматтарды қолдау бағытында еңбек етті.Сонымен қатар қалалық мәслихаттың бірінші және үшінші шақырылымдарының депутаты ретінде өзекті мәселелерді көтеріп, жергілікті өкілді органның жұмысына белсене қатысты.Серік Әбішұлы қоғамдық қызметте де белсенділік танытып, &nbsp;2017-2025 жылдары Қызылорда қалалық қоғамдық кеңесінің төрағасы болды. Осы кезеңде қоғам мен билік арасындағы байланысты нығайтуға, азаматтық бастамаларды қолдауға және қоғамдық бақылау жұмыстарына елеулі үлес қосты.

Облыстық ардагерлер кеңесі төрағасына құрмет көрсетті

<a href="https://kyzylorda-news.kz/">Kyzylorda-news.kz</a> Бүгін Қазалы ауданында экономика ғылымдарының докторы, профессор, ЮНЕСКО-ның алтын медалінің иегері, Қазалы ауданының Құрметті азаматы Орақ Жолмырзаұлы Әлиевтің 80 жас мерейтойына орай «Сырдың ерен өрені – ғалым, ұстаз, тағылым!» атты ғылыми-танымдық конференция өтті.Роза Бағланова атындағы аудандық мәдениет орталығында өткен тағылымды шараға қатысып, мерейтой иесінің өнегелі өмір жолы мен отандық ғылымның дамуына қосқан үлесіне тоқталып, конференция жұмысына сәттілік тіледік. Туған жерден түлеп ұшып, ғылымның биік белестерін бағындырған Орақ Жолмырзаұлының есімі мен еңбегі кейінгі ұрпаққа әрдайым үлгі екенін атап өттік.<blockquote>Мемлекет басшысы Қасым-Жомарт Тоқаев: «Кез келген дамыған, яғни озық мемлекеттің қазығы – ғылым, ал қазынасы – ғалым. Әр елдің ғылыми әлеуеті – оның абырой-беделі мен күш-қуатының өлшемі», – деп атап өткен болатын. Расында да, елдің өркендеуі мен өркениеттің биік белестерге көтерілуінде ғылымның орны ерекше. Ал сол ғылымның дамуына ғұмырын арнап, әлемдік ой-сананың өрісін кеңейтіп жүрген ғалымдардың еңбегі – ұлттың рухани әрі зияткерлік байлығы. Туған жердің топырағынан нәр алып, ұлттық руханияттың биігіне көтерілген, бар саналы ғұмырын ғылымға арнаған осындай азаматтардың бірі – Алиев Орақ Жолмырзаұлы, - деді аудан әкімі Алмасбек Әбілқасымұлы.</blockquote>Тағылымы мол басқосуға еліміздің Астана, Алматы қалаларынан және өзге де өңірлерінен келген ғалымдар, жоғары оқу орындарының профессор-оқытушылары, академиялық қауымдастық өкілдері, зиялы қауым, мерейтой иесінің әріптестері мен шәкірттері қатысты.Конференция барысында Қазақ технология және бизнес университетінің профессоры, философия ғылымдарының кандидаты Абылай Мұхамбетжан «Сырдың ерен өрені» тақырыбында баяндама жасап, ғалымның өмір жолы мен ғылыми ізденістеріне тоқталды. Ал Қорқыт Ата атындағы Қызылорда университетінің Құрметті профессоры, филология ғылымдарының докторы, «Құрмет» орденінің иегері Жеңіс Сәдуақасұлы «Әріптес дос, ғалым азамат жайында ойтолғау» тақырыбында сөз сөйлеп, мерейтой иесінің азаматтық болмысы, адами қасиеттері мен әріптестік қарым-қатынасы жөніндегі естеліктерімен бөлісті. Сонымен қатар физика-математика ғылымдарының докторы, профессор, ҚР Ұлттық ғылым академиясының Құрметті мүшесі Кенжеғали Кенжебаев ғалымның ғылыми ізденістері мен халықаралық деңгейдегі жетістіктеріне тоқталып, оның отандық ғылымдағы орнын айрықша атап өтті.Халықаралық туризм және меймандостық университетінің профессоры, экономика ғылымдарының докторы, Қазақстан экономикалық ғылымдары академиясының академигі Серікбай Ыдырыс «Орақ Жолмырзаұлының ғылым мен білім саласына сіңірген еңбегі туралы» ой-пікірін ортаға салса, «Есіл» университетінің бірінші проректоры, экономика ғылымдарының докторы, профессор Серік Биханұлы конференцияны қорытындылап, мерейтой иесінің ғылыми және ұстаздық қызметіне жоғары баға берді.Жиын барысында Орақ Жолмырзаұлының экономикалық ғылымның дамуына қосқан үлесі, жоғары білім беру жүйесін қалыптастырудағы қызметі, ғылыми мектебі мен шәкірт тәрбиелеудегі еңбегі кеңінен сөз болды.Айта кетейік, Орақ Жолмырзаұлы – саяси экономия және экономикалық теория салаларында өзіндік ғылыми мектебін қалыптастырған көрнекті ғалым. Ол ғылым жолында 16 ғылым кандидатын, 2 ғылым докторын және 5 магистрді даярлап шығарған. Әлемдік гуманитарлық ойдың дамуына қосқан үлесі үшін ЮНЕСКО-ның алтын медальдарымен марапатталған. Сонымен қатар туған жеріндегі білім беру саласына қолдау көрсетіп, ауыл жастарының ғылымға бет бұруына айрықша үлес қосып келеді.Тағылымды конференция аясында мерейтой иесіне аудан жұртшылығының атынан құрмет көрсетіп, иығына шапан жаптық. Ал жары Сәуле Балабекқызына да құрмет көрсетіліп, иығына камзол жауып, гүл шоқтары табысталды.Конференция соңында мерейтой иесі Орақ Жолмырзаұлы сөз сөйлеп, арнайы келген қонақтарға, әріптестеріне және туған жерінің халқына ризашылығын білдірді.

Бас тақырыптар

Облыс әкімі қаладағы бірқатар құрылыс нысандарын аралады

Қоршаған ортаны қорғау саласындағы инвестициялық жобалар талқыланды

Автожол саласын реформалау мәселелері қаралды

Экономика

Қазақстан экономикасы жыл басынан бері 4,2%-ға өсті

Жалағашта инвестициялық жобалар қарқын алды

Шиеліде экономикалық өсімнің оң динамикасы сақталды

Шиеліде әлеуметтік және инфрақұрылымдық жобалар қарқын алды

Қоғам

Қазалыда ғылыми-танымдық конференция өтті

Облыс әкімі қаладағы бірқатар құрылыс нысандарын аралады

Облыстық ардагерлер кеңесі төрағасына құрмет көрсетті

«Сырдың ерен өрені – ғалым, ұстаз, тағылым!» атты ғылыми-танымдық конференция өтті

Қорқыт ата университеті Азияның үздік 578 жоғары оқу орнының қатарына енді

Қызылордалық мұғалім «Білім беру саласының үздігі» төсбелгісімен марапатталды

Астанада мерейтойлық XV халықаралық NIS конференциясы басталды

Шапағат Сағадатқызы шетелдегі студенттік тәжірибесімен бөлісті

Қызылордалық NIS оқушылары ым-ишара тілін аударатын жасанды интеллект платформасын әзірледі