<a href="https://kyzylorda-news.kz/">Kyzylorda-news.kz</a> Тағдырында таршылықты да, баршылықты да көрген өз заманының зиялысы Тәкей Есетовтың тас тұғыры 2013 жылы Қызылорда қаласындағы ең ірі білім ұясы – №264 мектеп-лицейінің ауласына орнатылды. Авторы – Қ.Сатыбалдин. Мүсін қола материалынан құйылған. Биіктігі 1,30 метр.Арал ауданы және облыстық партия комитетінің бірінші хатшысы қызметтерін атқарған Тәкей Есетұлы Сыр өңірінің дамуына аянбай қызмет жасаған қайраткер.1969 жылы Арал теңізінің тартылып кету қаупін зерттеп білген Тәкей Есетов Республика Үкіметінің назарын аударып, экологиялық апат туралы ең алғашқы болып қозғау салды.Ол 1978-1985 жылдар аралығында облыс орталығында драма театр, музей, әуежай, басқа да әлеуметтік нысандар құрылысының қарқынды жүруіне күш салды. «Қызылордарисмаш» зауыты, «Шалқия» кеніші секілді өндіріс орындарының жұмысы жандана түсті. Әсіресе, облыс еңбеккерлерін жаңа табыстарға қол жеткізуге ұйымдастыра білді. Кадрларды таңдау, іріктеу, тәрбиелеу, оларды өндірістің шешуші орындарына жұмысқа қою сияқты мәселеде білікті басшы биігінен көрінді. Қайраткер туралы жазылған «Тағдыр мен тағылым» атты кітапта оның өнегелі өмірі жан-жақты суреттелген. Соның ішінде, отбасы бақыты терең тербелген.Шынында, азаматтың бақытты болуы әйелге көп байланысты болса, жары Тазагүл Сейтжанқызы тағдырдың аманатын, аналық ауыр міндетті абыроймен орындады. Сөйтіп өзінің отбасынан он үш жанұя шығарып, шаңырағын көтертті.Мемлекет және қоғам қайраткері 2003 жылы 30 қазан күні дүниеден өтті. Елі үшін еңбек еткен азаматтың еңбегі ескеріліп, Қызылорда қаласында №264 мектеп-лицейгеТәкей Есетұлының есімі беріліп, ескерткіш-кеудемүсіні орнатылған. Қайраткердің еңбек жолы туралы деректі фильм түсірілген.Фото: қала әкімдігі

Тастұғырда – Тәкей ата тұлғасы

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университеті мен Ресей халықтар достығы университеті (РУДН) арасындағы өзара ынтымақтастық жөніндегі екі жақты меморандум аясында атқарылған жұмыстарды талқылауға арналған кездесу өтті.Кездесудің басты мақсаты – білім, ғылым және халықаралық тәжірибе алмасу бағыттарындағы бірлескен жобаларды жүзеге асыру барысын талқылау, жоспарланған шаралардың орындалу деңгейін бағалау және алдағы стратегиялық қадамдарды нақтылау болып табылады.Жиынға Қорқыт ата атындағы Қызылорда университетінің Басқарма төрағасы – Ректоры Бейбіткүл Каримова, Академиялық мәселелер жөніндегі проректор Дана Абдрашева және «Орыл тілі мен әдебиеті» білім беру бағдарламасының жетекшісі Сауле Жарбулова,&nbsp;Орыс тілі институтының директоры Наталья Поморцева мен халықаралық университеттермен жұмыс бойынша бағдарлама үйлестірушісі Мария Алимова қатысты.Кездесуде 2025 жылға арналған Даму жол картасы талқыланып, қос дипломды білім беру бағдарламасын іске асыру бойынша нақты қадамдарға тоқталып өтті.Сондай-ақ, бірлескен жобалар мен бастамалар алдағы уақытта оң нәтиже беретіндігін атап өтті.&nbsp;

Білім және ғылымдағы әріптестік нығая түсті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің қызметкерлері мен студенттері Жүсіп Баласағұн атындағы Қырғыз ұлттық университетінің ұйымдастыруымен өткен «Жазғы университет» халықаралық бағдарламасына қатысу мақсатында Бішкек қаласында іссапарда.Аталмыш бағдарлама аясында ұйымдастырылған халықаралық ғылыми-тәжірибелік конференция «Ұлы Отан соғысындағы Жеңістің 80 жылдығы және жаңа әлемдік тәртіптің қалыптасуы» тақырыбына арналды. Конференция жұмысына Қырғызстан, Қазақстан, Ресей және Өзбекстан елдерінің жоғары оқу орындарынан келген ғалымдар мен студенттер қатысуда.Іс-шара барысында қатысушылар тарих беттеріне үңіліп, Ұлы Жеңістің адамзат өркениеті үшін маңызын, бейбітшіліктің құндылығын және қазіргі геосаяси ахуалмен сабақтастығын талқылады. Сонымен қатар, баяндамаларда тарихи сана, ұрпақ сабақтастығы және аймақтық ынтымақтастық мәселелері қозғалды.«Жазғы университет» бағдарламасы – білім алушылардың таным көкжиегін кеңейтіп, ғылыми әлеуетін арттыруға мүмкіндік береді. Сонымен қатар, бұл жоба бауырлас елдер арасындағы достық пен ынтымақтастықты нығайтуға бағытталған маңызды қадам.

Университет делегациясы халықаралық бағдарламаға қатысуда

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университеті мен Халықаралық Түркі Академиясының бірлескен археологиялық жобасы аясында Жанкент ерте ортағасырлық қалашығында тарихи нысанды сақтау мақсатында арнайы қорғаныш жабындысы мен ескерткіш стелла орнатылды.Салтанатты шарада университеттің Ғылыми жұмыстар және халықаралық байланыстар жөніндегі проректоры Майнура Бурибаева құттықтау сөз сөйлеп, үш жылдан бері табанды түрде жүзеге асырылып келе жатқан бұл жобаның тарихи мұраны сақтау ісіндегі маңызын атап өтті. Сондай-ақ, тараптар арасындағы ғылыми ынтымақтастық алдағы уақытта да жалғасын табатынына сенім білдірді.Шараға ҚР Мәдениет және ақпарат министрлігінің басқарма басшысы Рига Онаева, Халықаралық Түркі Академиясының президенті Шаһин Мұстафаев, Қызылорда облысының Мәдениет, архивтер және құжаттама басқармасы басшысының орынбасары Қуаныш Жанұзақов, БАҚ өкілдері, сондай-ақ университеттің профессор-оқытушылар құрамы мен студенттері қатысты.Ашылу рәсімі барысында 2023–2025 жылдары аралығында жүргізілген археологиялық қазба жұмыстарының нәтижелері мен табылған құнды жәдігерлерден құралған көрме көпшілік назарына ұсынылды.Қазба жұмыстарын университеттің Археология және этнография ғылыми-зерттеу орталығының қызметкерлері Қазақстандық, Өзбекстандық археологтарымен бірлесіп жүргізді.Ауқымды &nbsp;жоба — еліміздің тарихи-мәдени мұрасын сақтау, насихаттау және археологиялық білім мен тәжірибені ұрпақтан ұрпаққа жеткізу бағытындағы маңызды бастама. Сонымен қатар, бұл жоба жас археологтар үшін де тәжірибелік алаң ретінде үлкен маңызға ие.<img src="https://knadmin.beoblood.kz/uploads/Birlesken_haly_araly_zhobany_n_tizheleri_orytyndylandy_2_489d831dcc.jpg" alt="Бірлескен халықаралық жобаның нәтижелері қорытындыланды 2.jpg">

Бірлескен халықаралық жобаның нәтижелері қорытындыланды

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінің студенті Жұлдызай Такисбай XIII Жазғы Универсиада ойындарында әйелдер күресінен алтын медаль жеңіп алды.Түркістан қаласындағы «Түркістан Аренада» өтіп жатқан дүбірлі доданың алғашқы күндерінен-ақ Жұлдызай жоғары шеберлігі мен мықты дайындығын көрсетіп, университет намысын абыроймен қорғады. Бұл жетістік – студентіміздің тынымсыз еңбегі мен жеңіске деген жігерінің айқын көрінісі.Ауқымды жарысқа еліміздің 76 жоғары оқу орнынан 4000-нан астам студент қатысып, спорттың бірнеше түрінен бақ сынауда. Жазғы Универсиаданың басты мақсаты – бұқаралық спортты дамыту, салауатты өмір салтын қалыптастыру және жастар арасындағы достық пен ынтымақтастықты нығайту.Айта кетейік, XIII Жазғы Универсиада 14 маусымға дейін жалғасады. Университеттің намысын қорғап жатқан барлық студенттерге сәттілік тілейміз!

Жұлдызай Такисбай Универсиадада алтын жүлде иеленді

<a href="https://kyzylorda-news.kz/">Kyzylorda-news.kz</a> ҚР Ғылым және жоғары білім министрлігі бүгін, 2025 жылғы 9 маусымда қазақстандық талапкерлерге маңызды ақпаратпен жүгінді, деп хабарлайды <a href="https://kaz.zakon.kz/kogam-tynysy/6062862-azastandy-talapkerlerge-mayzdy-kntzbe-synyldy.html">Zakon.kz.</a>Нақтырақ айтқанда, оларға 2025-2026 оқу жылына түсу күнтізбесі ұсынылды.<ul><li style="text-align:justify;">Ұлттық бірыңғай тестілеу 16 мамыр-7 шілде аралығында өтеді;</li><li style="text-align:justify;">ЖОО-ға құжаттарды қабылдау 20 маусым-25 тамыз;</li><li style="text-align:justify;">"Педагогикалық ғылымдар" және "Денсаулық сақтау" мамандықтарына түсушілер үшін арнайы емтихандар 20 маусым-20 тамыз аралығында (конкурсқа қатысу үшін 20 шілдеге дейін өткізіледі);</li><li style="text-align:justify;">Шығармашылық емтихандарға қатысу үшін өтініштер 20 маусым-10 тамыз (конкурсқа қатысу үшін 7 шілдеге дейін) аралығында қабылданады;</li><li style="text-align:justify;">Шығармашылық емтихандар 7 шілде-15 тамыз (конкурсқа қатысу үшін 20 шілдеге дейін) аралығында өтеді;</li><li style="text-align:justify;">Білім беру гранттары конкурсына қатысуға өтініштер 13 шілде-20 шілде аралығында қабылданады;</li><li style="text-align:justify;">Грант иегерлерінің тізімі 10 тамызға дейін жарияланады.</li></ul><blockquote>"Қосымша ақпаратты ЖОО ресми парақшалары мен сайттарынан ала аласыздар",- деп мәлімдеді министрлік.</blockquote>Фото: Нұрболат Нұржаубай

Қазақстандық талапкерлерге маңызды күнтізбе ұсынылды

<a href="https://kyzylorda-news.kz/">Kyzylorda-news.kz</a> &nbsp;Қорқыт Ата атындағы Қызылорда университеті ҚР жоғары оқу орындары сұранысының тәуелсіз рейтингі–2025 версиясы бойынша ҚР ҮЗДІК-20 ЖОО қатарында.2025 жылғы 2 мамырда Аккредиттеу және рейтингтің тәуелсіз агенттігі (АРТА) өткізетін ҚР жоғары оқу орындары сұранысының тәуелсіз рейтингі – 2025 қорытындысы жарияланды. 2025 жылы бағаланған білім беру бағдарламаларының саны 1650-ге жетті. Рейтинг Қазақстанның үздік жоғары оқу орындары қатарына кірген ҚР ҮЗДІК-20 ЖОО анықтады. Рейтингке көпсалалы, техникалық, гуманитарлық-экономикалық, медициналық және педагогикалық бағыттағы жоғары оқу орындары, сондай-ақ өнер жоғары оқу орындары қатысты. Рейтинг қорытындысы бойынша Қорқыт Ата атындағы Қызылорда университеті 63700 баллмен 7-орынға ие болды.&nbsp;Университеттің 29 білім беру бағдарламасы үздік үштік қатарында:БАКАЛАВРИАТ 1.&nbsp; 6B01404 - Бастапқы әскери дайындық мұғалімдерін даярлау &nbsp;- 3 орын 2.&nbsp; 6B01407 - Музыкалық білім – 2 орын 3.&nbsp; 6B02128 - Дәстүрлі музыка өнері &nbsp;- 1 орын 4.&nbsp; 6B02130 - Хореография &nbsp;- 3 орын 5.&nbsp; 6В02234 - Археология және этнология – 3 орын 6.&nbsp; 6В07261 - Мұнай газ ісі &nbsp;- 2 орын 7.&nbsp; 6B11401 - Әлеуметтік жұмыс – 2 орын 8.&nbsp; 6В07263 - Геология және пайдалы қазба кен орындарын барлау – 3 орын 9.&nbsp; 6В07365 - Құрылыс – 2 орын 10.&nbsp; 6В08171 – Агрономия - 3 орын 11.&nbsp; 6В08674 - Су ресурстары және суды пайдалану – 2 орын 12.&nbsp; 6В11279 - Өміртіршілігінің қауіпсіздігі және қоршаған ортаны қорғау – 3 орын 13.&nbsp; 6В07366 - Құрылыс материалдарын,бұйымдарын және конструкцияларын өндіру – 3 орын 14.&nbsp; 6В07367 - Инженерлік жүйелер мен желілер – 3 орынМАГИСТРАТУРА 1.&nbsp; 7M01104 - Педагогика және психология – 3 орын 2.&nbsp; 7М01303 - Бастауышта оқыту педагогикасы мен әдістемесі – 3 орын 3.&nbsp; 7М01510 - Математика – 3 орын 4.&nbsp; 7М01515 – Химия – 3 орын 5.&nbsp; 7М01619 - Тарих – 3 орын 6.&nbsp; 7М07365 – Құрылыс – 2 орын 7.&nbsp; 7M08674 - Су ресурстары және суды пайдалану – 2 орынДОКТОРАНТУРА 1.&nbsp; 8D01303 - Бастауыш оқыту педагогикасы мен әдістемесі - 2 орын 2.&nbsp; 8D01510 - Математика педагогтерін даярлау &nbsp;- 3 орын&nbsp; 3.&nbsp; 8D01515– Химия &nbsp;- 2 орын 4.&nbsp; 8D01517 - Биология &nbsp;- 2 орын 5.&nbsp; 8D04139 - Мемлекеттік және жергілікті басқару – 1 орын 6.&nbsp; 8D07365 - Құрылыс – 2 орын 7.&nbsp; 8D07366 - Құрылыс материалдарын, бұйымдарын және конструкцияларын өндіру – 3 орын 8.&nbsp; 8D08675 - Жерді мелиорациялау, баптау және қорғау – 2 орын.

Қорқыт Ата университеті Қазақстан Республикасының ТОП-20 университетінің қатарына енді

<a href="https://kyzylorda-news.kz/">Kyzylorda-news.kz</a> 5 маусым күні Ж.Нұрманов атындағы №198 орта мектебінде Қызылорда облыстық “Славяне” этномәдени орталығының ұйымдастыруымен мазмұнды іс-шара өтті. 6 маусым – ақын Александр Сергеевич Пушкиннің туған күнімен қатар, Халықаралық орыс тілі күні ретінде де кеңінен аталып өтуде.Шараның алғы сөзін “Славяне” орталығының төрағасы Галина Щербакова бастап, барлық қатысушыларды айтулы мерекемен құттықтап, орталықтың жұмысына, сондай-ақ Қазақстан халқы Ассамблеясының 30 жылдығы аясында жүзеге асырылған игі істерге тоқталды.Оқушылар үшін арнайы А.С.Пушкиннің ертегілерінен бейнероликтер мен мультфильмдер көрсетіліп, бүлдіршіндердің таным көкжиегін кеңейтетін қызықты әрі тәрбиелік маңызы зор дүниелер ұсынылды.Кеш мазмұны ұлы ақынның шығармашылығындағы неміс мәдениетінің ықпалына арналды. Қатысушылар Пушкин өміріндегі неміс текті тұлғалар жайында тың тарихи деректермен танысты. Сонымен қатар, оқушылар мен кітапхана оқырмандары ақынның өлеңдерін орыс және неміс тілдерінде мәнерлеп оқып, көркем шығармаларынан үзінділер ұсындыШара соңында жазғы лагерді сәтті аяқтаған және әлеуметтік қолдауға мұқтаж отбасылардан шыққан балаларға тәтті балмұздақтар таратылды.<img src="https://knadmin.beoblood.kz/uploads/assambl_190f4ff41e.jpg" alt="ассамбл.jpg">

Қызылордада Пушкин шығармашылығына арналған жиын өтті

<a href="https://kyzylorda-news.kz/">Kyzylorda-news.kz</a> А.С.Пушкин атындағы кітапханада Халықаралық орыс тілі күніне орай «А.С.Пушкиннің өміріндегі неміс ойшылдары» атты әдеби-танымдық кеш өтті. Іс-шара Славяне және Неміс этномәдени орталықтарымен бірлесіп ұйымдастырылды және Қазақстан халқы Ассамблеясының 30 жылдығына арналған мерекелік онкүндік аясында өткізілді.Бағдарлама А.С.Пушкиннің портретіне гүл шоқтарын қоюмен басталды. Кештің ашылуында Славяне орталығының төрағасы Галина Щербакова сөз сөйлеп, Пушкиннің орыс әдеби тілінің қалыптасуына қосқан өлшеусіз үлесі мен орыс тілінің қазіргі әлемдегі орны туралы баяндады.Шара барысында Неміс этномәдени бірлестігінің төрағасы Ирина Шек құттықтау сөз сөйлеп, мәдени әртүрлілік пен халық достығын дәріптейтін мұндай жобалардың маңыздылығына ерекше тоқталды.Кеш мазмұны ұлы ақынның шығармашылығындағы неміс мәдениетінің ықпалына арналды. Қатысушылар Пушкин өміріндегі неміс текті тұлғалар жайында тың тарихи деректермен танысты. Сонымен қатар, оқушылар мен кітапхана оқырмандары ақынның өлеңдерін орыс және неміс тілдерінде мәнерлеп оқып, көркем шығармаларынан үзінділер ұсынды. Музыкалық бөлімде скрипкада классикалық туындылар шырқалып, “Сударушки” вокалдық тобының орындауындағы әсем ән кеш қонақтарына ерекше әсер қалдырды.Кеш соңында «Қоғамдық келісім» КММ директорының орынбасары Руслан Құрманов сөз алып, көпэтносты қоғамдағы мәдениетаралық үнқатысу мен рухани сабақтастықты нығайтудың маңыздылығына тоқталды. Ол кешке қатысқан барлық этномәдени бірлестіктерге ризашылығын білдіріп, Пушкиннің шығармашылығы түрлі этностар арасындағы рухани байланысқа дәнекер бола алатынын атап өтті.Сондай-ақ, кеш барысында әр этномәдени бірлестіктің төрағалары мен белсенді мүшелері А.С.Пушкиннің өлеңдерін оқып, ақын мұрасына деген құрметтерін білдірді.<img src="https://knadmin.beoblood.kz/uploads/assam_82cfe818dd.jpg" alt="ассам.jpg">

 Кітапханада әдеби-танымдық кеш өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде «Korkyt ata Endowment» корпоративтік қоры мен Жаратылыстану институтының «Биология, география және химия» білім беру бағдарламасының бірлесуімен техника ғылымдарының кандидаты, профессор Анипа Тапалованың атаулы стипендиясын тағайындау бойынша алғашқы конкурс өткізілді.Жиынды Әлеуметтік және тәрбие жұмыстары жөніндегі проректор Жандос Базартай және Жаратылыстану институтының директоры Нұрлыбек Ахатаев ашты.Конкурстың мақсаты — университетіміздің білім мен ғылымға ынталы, жоғары академиялық көрсеткіштерге ие, белсенді және жауапкершілігі жоғары студенттерін қолдау және ынталандыру. Бұл мүмкіндік «Химия» және «Химия-Биология» білім беру бағдарламасының студенттеріне арналды.Комиссия құрамына «Korkyt ata Endowment» қорының қамқоршылық кеңесінің мүшелері мен профессор-оқытушылар кірді.Сарапшылардың шешімімен Ұлбала Әріпжанова, Шахназ Уалиханова, Жандос Әбдіхамит атаулы стипендияның иегерлері атанды.Фото: Қорқыт ата атындағы ҚУ

Атаулы стипендия иегерлері анықталды

<a href="https://kyzylorda-news.kz/">Kyzylorda-news.kz</a> Ғылым және жоғары білім министрлігі 2025-2026 оқу жылына арналған қанша грант бөлінгенін және қай салаға басымдық беріліп, ел экономикасын көтеру үшін&nbsp;қандай мамандар сұранысқа ие екенін <a href="https://stan.kz/news-418506/">айтты</a>. Министрліктің мәліметінше, биылғы оқу жылына бөлінетін гранттар былтырғымен бірдей.&nbsp;Ғылым және жоғары білім министрлігіне қарасты Жоғары және жоғары оқу орнынан кейінгі білім комитеті төрағасының орынбасары Жанна Есинбаева сараланған гранттар мен “Серпін” бағдарламасына да тоқталды.&nbsp;2025-2026&nbsp;оқу жылына&nbsp;77 мыңнан астам&nbsp;грант бөлінген. Ведомствоның мәліметінше, мемлекеттік білім беру тапсырысы&nbsp;Еңбек министрлігі ұсынған кадрларға деген қажеттіліктің орта мерзімді болжамы негізінде жасалған.<ol><li style="text-align:justify;">Бакалавриат –&nbsp;77 мыңнан&nbsp;астам&nbsp;грант;</li><li style="text-align:justify;">Магистратура –&nbsp;10 мыңнан астам&nbsp;грант;</li><li style="text-align:justify;">Докторантураға –&nbsp;3 мыңға жуық&nbsp;грант.&nbsp;</li></ol><blockquote>“Былтыр да 78&nbsp;мыңға жуық грант бөлінген еді. Биыл мемлекеттік білім беру тапсырысы сол көлемде сақталды. Педагогика саласына 13 мыңнан астам, ақпараттық коммуникациялық технологияларға және инженерлік бағытта 20 мыңнан астам грант қарастырылған. Басқа салаларға қажеттілігіне сай бөлінді.&nbsp;Біздің экономикамызға байланысты қазір инженерлік, су&nbsp;және энергетика, жол құрылысы, көлік, әуе жолдары мен темір жол&nbsp;саласындағы мамандар қажет. Сол себепті дәл осы салаларға тиісті гранттар бөлініп отыр. Талапкерлердің арасында медициналық, педагогикалық және инженерлік бағыттарда, биотехнология, жеңіл өнеркәсіп, тау-кен істері мамандықтарына сұраныс көп. Былтырмен салыстырғанда грант көлемі сақталады”, –&nbsp;деді&nbsp;Жанна Есинбаева.</blockquote>Еңбек министрлігінің мәліметінше, 2030 жылға дейін 800 мыңнан астам жоғары білімді мамандар қажет. Оның&nbsp;ішінде:<ul><li style="text-align:justify;">60%-дан астамы –&nbsp;инженерлік білімі&nbsp;бар мамандар,</li><li style="text-align:justify;">21%-ы –&nbsp; педагогикалық білімі бар мамандар.</li></ul>Ал сараланған гранттар биыл екі дайындық бағытына беріліп отыр. Ол педагогикалық және әлеуметтік ғылымдар саласына бөлінді.<blockquote>“Былтырғыдай 300 грант қарастырылды. Яғни, былтырғы пилоттық жоба биыл жалғасады.&nbsp;Сараланған гранттың негізгі ерекшелігі –&nbsp;негізгі конкурс кезінде грант ала алмаған, бірақ Ұлттық бірыңғай тесттен жоғары балл алған талапкерлерге грантқа түсуге мүмкінді береді. Биыл сараланған грант байқауы негізгі байқаудан бөлек өткізіледі. Яғни, негізгі, жергілікті атқарушы органдардың, жұмыс берушілер тарапынан берілетін және “Қазақстан халқына” қорынан берілетін гранттар&nbsp;конкурсы аяқталған соң, сараланған гранттар байқауы өтеді. Сараланған гранттың құны –&nbsp;500 мың теңгедан басталады. Мемлекет тарапынан 500 мың теңге төленеді,&nbsp;ал қалған жартысын талапкердің өзі немесе басқа де демеушілік қаржы есебінен төлеу мүмкіндігі қарастырылған. Сараланған грантқа ешқандай құжат тапсырудың қажеті жоқ. Негізгі гранттар конкурсы шілденің 13-20 арасында өтеді, яғни бір апта бойы құжатар қабылданады. Сол тапсырылған құжат жетілікті, ол сараланған гранттар конкурсына жарамды. Конкурс базада сақталған талапкерлер арасында жүргізіледі”, –&nbsp;деді ведомство өкілі.</blockquote>Биыл “Серпін” бағдарламасына 2 мыңнан астам грант қарастырылған. Айта кетейік, стандартты грант бойынша жұмыс өтеу мерзімі 3 жыл&nbsp;болса,&nbsp;“Серпін” бағдарламасымен оқыған студенттер үшін&nbsp;2 жыл.&nbsp;<blockquote>Сондай-ақ 2025-2026 оқу жылында мемлекет&nbsp;“Инженерлік, өңдеу, құрылыс» саласына басымдық беріп,&nbsp;18 946 грант&nbsp;бөлген. Ал педагогтерді дайындауға&nbsp;13 226 грантқа&nbsp;тапсырыс берілді.</blockquote>“Ақпараттық-коммуникациялық технологиялар”&nbsp;–&nbsp;11 585;“Жаратылыстану ғылымдары, математика және статистика”&nbsp;–&nbsp;9 188;“Ауыл шаруашылығы және биоресурстар”&nbsp;–&nbsp;2 379;“Қызмет көрсету” –&nbsp;2 200;“Өнер және гуманитарлық ғылымдар” –&nbsp;1915;“Әлеуметтік ғылымдар, журналистика және ақпарат”&nbsp;–&nbsp;1485;“Бизнес, басқару және құқық”&nbsp;–&nbsp;1423;“Ветеринария” –&nbsp;1 275.Фото: Нұрболат Нұржаубай

Биыл қай салаға қанша грант бөлінді: Қазақстанда сұранысқа ие мамандықтар аталды

<a href="https://kyzylorda-news.kz/">Kyzylorda-news.kz</a> Биылғы негізгі Ұлттық бірыңғай тестілеу басталғаннан бері 116 мыңға жуық сынақ өткізілді. Бұл туралы Ғылым және жоғары білім министрлігінің баспасөз қызметі <a href="https://kaz.inform.kz/news/ubt-keznde-142-erezhe-buzushilik-aniktaldi-ministrlk-51d0a8/">хабарлады</a>.Атап айтқанда, 2025 жылғы 16 мамырда басталған негізгі ҰБТ аясында талапкерлердің 72 пайызы тестілеуді қазақ тілінде, 28 пайызы орыс тілінде тапсырса, 114 үміткер сынақты ағылшын тілінде тапсырған.Екінші аптаның қорытындысы бойынша тест тапсырушылардың 66,8 пайызы шекті балл жинаған. Бес пән бойынша орташа көрсеткіш 64 балл болды. Ең жоғары нәтиже – 140 балл Түркістан облысының талапкері Әбілхан Жәнібектің еншісінде.&nbsp;Ол бұл көрсеткішке тестілеудің алғашқы аптасында қол жеткізген.Министрлік мәліметінше, талапкерлер арасында ең көп таңдалған пәндер комбинациясы – «Математика-Физика» (19%), «Шығармашылық емтихан» (15%) және «Биология-Химия» (14%).Ерекше білім беру қажеттіліктері бар талапкерлер үшін жасалған қолайлы жағдайлардың арқасында 384 үміткер ҰБТ-ға қатысқан.ҰБТ-ны өткізудің алғашқы аптасында 142 ереже бұзушылық фактісі тіркелген. 68 талапкер тыйым салынған заттарды – смартфондар мен шпаргалкаларды – аудиторияға алып кірмек болғаны үшін тесттен шеттетілді. Тағы 74 адам тестілеу барысында ереже бұзғаны үшін аудиториядан шығарылып, олардың нәтижелері жойылған. Өзге тұлғаның орнына кіру деректері тіркелмеген.2025 жылғы ҰБТ аяқталғаннан кейін күнтізбелік жылдың 31 қазанына дейін барлық бейнежазбаға талдау жүргізіледі. Егер тестілеу кезінде ереже бұзу немесе тыйым салынған заттарды пайдалану фактілері анықталса, талапкердің нәтижелері жойылады.Айта кетейік, тест тапсырғаннан кейін 30 минут ішінде талапкерлер тест мазмұны бойынша апелляцияға өтініш бере алады. Ал техникалық себептер бойынша өтініштер тестілеу кезінде қабылданады. Апелляция қаралған соң, нәтижелері бар сертификаттар талапкерлердің жеке кабинеттеріне жүктеледі.Фото: Нұрболат Нұржаубай

Қазақстан және Қызылорда облысының жаңалықтары: Білім