<a href="https://kyzylorda-news.kz/">Kyzylorda-news.kz</a> &nbsp;Қызылордадағы NIS оқушысы Даниал Шакизада «Зерде» республикалық зерттеу жобалары мен шығармашылық жұмыстары байқауында І орынға ие болды.Даниал информатика, робототехника және STEM-инженерия секциясында өнер көрсетіп, CodeQuest мобильді оқыту қосымшасын таныстырды. Бұл жоба оқушылардың бағдарламалау бойынша базалық дағдыларын қалыптастырады және геймификация элементтері арқылы оқу үдерісін қызықты әрі интерактивті етеді.Жоба жетекшілері Разия Баймурзаева мен Гүлфайруз Базарбаевамен бірге Даниал геймификацияның оқушылардың бағдарламалауға деген қызығушылығын арттырудағы тиімділігіне зерттеу жүргізді. Қосымшада оқу материалдары, практикалық тапсырмалар мен тесттер, квест-карта және шағын ойындар енгізген. Алғашқы болып сыныптастары іс-тәжірибеден өткізіп, қосымшаның функционалдық мүмкіндіктері мен практикалық пайдасын жоғары бағалады.Алдағы уақытта жас өнертапқыш тапсырмаларды күрделендіріп, челлендж форматындағы жарыс элементтерін енгізуді, сондай-ақ қосымшаны iOS және Android платформаларында қолжетімді етуді жоспарлап отыр.Айта кетейік, «Зерде» республикалық байқауына еліміздің барлық өңірлерінен 347 оқушы қатысып, 272 ғылыми жоба қорғалды. Байқау математика, физика, химия, биология, информатика, робототехника, STEM-инженерия және өзге де бағыттарды қамтып, жас зерттеушілердің жоғары ғылыми әлеуетін көрсетті.

Қызылордалық зияткердің жұмысы республикалық байқауда үздік деп танылды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Біліктілікті арттыру және қосымша білім беру орталығы мен «Өрлеу» біліктілікті арттыру ұлттық орталығының ұйымдастыруымен қала мектептерінің директорларына арналған үш күндік ауқымды семинар өтті.&nbsp; Жиын барысында Жасанды интеллект институтының директоры Нұрлан Құлмырзаев «MEKTEP 5.0: Жасанды интеллект дәуіріндегі деректерге негізделген басқару (Data-Driven Management)» атты бірегей әдістемелік құралын таныстырды.Ұсынылған «Mektep 5.0» концепциясы дәстүрлі, яғни оқиға болғаннан кейін әрекет ететін реактивті басқару жүйесінен алдын ала болжайтын, стратегиялық басқару үлгісіне көшуді мақсат етеді.&nbsp;Басты мақсат – мектеп басшыларын күнделікті мәселелерді шешумен ғана айналысатын «өрт сөндіруші» рөлінен нақты деректерге сүйенетін стратег деңгейіне көтеру. &nbsp;Бұл тәсіл жасанды интеллект пен үлкен деректер (Big Data) технологиялары арқылы мектептің кадрлық, академиялық және психологиялық ахуалын алдын ала болжауға мүмкіндік береді. Семинарда Нұрлан Құлмырзаев мектеп басшыларының шешім қабылдау процесін автоматтандыратын бірқатар авторлық құралдарды таныстырды.<img src="https://knadmin.beoblood.kz/uploads/Whats_App_Image_2026_01_29_at_10_30_13_1_1fcaffbdfd.jpeg" alt="коркыт ">Атап айтқанда, «HR-Radar» (Кадрлық иммунитет) жүйесі педагогтардың зейнетке шығу мерзімін үш жыл бұрын болжай отырып, кәсіби «жану» қаупін ерте анықтайды; «Predictive Pulse» (Оқу сапасын болжау) құралы оқушылардың үлгерімі мен сабаққа қатысу деректерін талдау арқылы тәуекел тобындағы балаларды ерте анықтауға мүмкіндік береді; «Smart Essay» (Психологиялық қауіпсіздік) модулі оқушылардың жазбаларына семантикалық талдау жүргізіп, суицид, буллинг және тұрмыстық зорлық-зомбылық белгілерін байқайды; ал «Social Sonar» (Ата-аналар үні) ата-аналар чаттарындағы эмоционалды фонды сараптап, мектептегі өзекті мәселелерді жедел анықтауға бағытталған.<img src="https://knadmin.beoblood.kz/uploads/korkyt_2_ce33b8aa8b.jpeg" alt="коркыт 2.jpeg">Жаңа әдістемені енгізу арқылы Қызылорда мектептерінің басшылары кадрлық және оқу процесіне қатысты үш жылдық нақты болжам жасай алады, есеп беру мен жоспарлау жұмыстарын Agentic AI жүйесі арқылы автоматтандырады, сондай-ақ ақпарат іздеушіден деректерге сүйеніп шешім қабылдайтын заманауи көшбасшы деңгейіне көтеріледі.&nbsp;<img src="https://knadmin.beoblood.kz/uploads/korkyt_3_1fdfcd1d95.jpeg" alt="коркыт 3.jpeg"> Бұл бастама өңірдегі білім беру сапасын арттырып қана қоймай, мектеп басқару жүйесін цифрлық дәуір талаптарына сай қайта құруға мүмкіндік бермек.

Жасанды интеллект дәуіріндегі мектеп басқаруы: «Mektep 5.0» жобасы Қызылордада іске асуда

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев аудандық мәслихат төрағасы Ержан Әжікенов және аудандық мәслихат депутаты Алмас Есназармен бірге С.Сейфуллин ауылындағы №137 мектепке барды.Аудан басшысы күрделі жөндеуден өткен білім ордасының оқу кабинеттерінің жабдықталуын, материалдық-техникалық базасының жай-күйін және жылу қазандығының жұмысын көрді.<blockquote>– Мемлекет басшысы Қасым-Жомарт Кемелұлы Тоқаевтың тапсырмасымен, Үкіметтің және аймақ басшысы Нұрлыбек Машбекұлы Нәлібаевтың қолдауымен өңірдің білім саласында ауқымды жұмыстар атқарылуда. Оның ішінде аймақтағы білім ошақтары кезең-кезеңімен жаңалануда. Бұл – болашақ ұрпақтың сапалы білім алуына бағытталған нақты әрі жүйелі жұмыстар, – деді Берік Әбдіғаппарұлы.</blockquote>Аталған мектепте 378 оқушы білім алуда. Оларға 58 мұғалім сапалы білім мен саналы тәрбие беріп келеді. Оқушылардың қауіпсіз әрі қолайлы ортада білім алуы үшін барлық жағдай жасалған.<img src="https://knadmin.beoblood.kz/uploads/616821994_1993711214525094_7033542220873102219_n_046e02d3ba.jpg" alt="616821994_1993711214525094_7033542220873102219_n.jpg">Аудан әкімі елдің ертеңі – білімді ұрпақтың қолында екенін атап өтіп, ұстаздар қауымының жауапты міндетіне тоқталды. Сонымен қатар, білім сапасын арттыру, шығармашылық ізденіс пен кәсіби шеберлікті жетілдіру бағытында жұмыстарды күшейтудің маңызын айтты.<img src="https://knadmin.beoblood.kz/uploads/616751980_1993710841191798_429307962844180809_n_e13537aadd.jpg" alt="616751980_1993710841191798_429307962844180809_n.jpg">Сондай-ақ, жауапты сала басшыларына балалар қауіпсіздігін қатаң бақылауда ұстап, жылу беру маусымында мәселе туындамауын қамтамасыз етуді тапсырды.Фото: Сырдария ауданы әкімінің баспасөз қызметі

Сырдария: Жаңарған мектеп жұмысымен танысты

<a href="https://kyzylorda-news.kz/">Kyzylorda-news.kz</a> ҚР Жоғары аудиторлық палатасының нұсқамасы бойынша оқулықтар мен оқу-әдістемелік кешенді (ОӘК) дайындауға, сараптауға және мониторингтеуге байланысты нормативтік базаны жаңарту және негізгі процестерді автоматтандыру бойынша жұмыс жүргізілді, – деп хабарлайды <a href="https://kaz.inform.kz/news/elmzde-okuliktardi-dayindau-zhane-bakilau-tartb-zhanartildi-31c600/">Қазақпарат.</a>Ведомство дерегіне сәйкес, өткен жылдың ақпан айында орта білім беруді дамытуға және сапасын арттыруға бөлінген қаражаттың пайдаланылу тиімділігіне мемлекеттік аудит жүргізілді. Тексеру қорытындысы бойынша ҚР Оқу-ағарту министрлігіне Оқулықтар мен оқу-әдістемелік кешендерді дайындау, сараптау, сынақтан өткізу, мониторингтеу және басып шығару қағидаларына өзгерістер енгізу тапсырылды.Өзгерістерде:<ul><li style="text-align:justify;">уәкілетті органның жекелеген баспаларға сұрау салмай тақырыптық жоспарды бекітуі;&nbsp;</li><li style="text-align:justify;">тақырыптық жоспарды міндетті түрде жариялау;</li><li style="text-align:justify;">авторлық ұжымға тиісті білімі мен жұмыс тәжірибесі бар кемінде үш білікті маман қосу туралы талапты енгізу;</li><li style="text-align:justify;">оқулықтарға сараптамалық бағалау жүргізудің нақты өлшемшарттарын белгілеу;</li><li style="text-align:justify;">оқулықтарды жаңартудың 5 жылдық мерзімін сақтау үшін оқулықтар мен ОӘК сапасын мониторингтеу тәсілдерін жаңарту көзделуге тиіс болды.</li></ul><blockquote>—&nbsp;Нәтижесінде аталған өзгерістер ҚР Оқу-ағарту министрінің 24 қарашадағы бұйрығымен бекітілді. Жаңартылған нормалар тақырыптық жоспарды қалыптастыру тәртібін, авторлық ұжым құрамына қойылатын талаптарды, сараптамалық бағалау өлшемшарттарын регламенттейді, сондай-ақ оқулықтар мен ОӘК сапасын мониторингтеу рәсімдерін нақтылайды. Тақырыптық жоспар енді автоматты түрде жасалады: баспалар мен әзірлеушілер Республикалық ғылыми-практикалық білім мазмұнын сараптау орталығының www.bmso.kz интернет-ресурсы арқылы өтінім береді. Оқулықтар мен электрондық оқулықтарды дайындауды құрамында тиісті оқыту курстарынан өткен ғалымдар, әдіскерлер және педагогтер бар авторлық ұжымнан тұратын әзірлеушілер немесе баспалар жүзеге асыратыны бекітілген,&nbsp;— делінген хабарламада.</blockquote>Бұған қоса министрлікке мектептердің кітапхана қорларын есепке алу және бақылау процестерін, сондай-ақ оқулықтар мен ОӘК-ні сараптамаға қабылдауды автоматтандыру тапсырылды. Негізгі процестерді автоматтандыруды және нормативтік базаны айтарлықтай пысықтауды қамтитын қабылданған шаралар оқулықтар мен ілеспе материалдардың сапасын арттыруға, субъективтілік пен қателікке жол беру тәуекелдерін азайтуға, сондай-ақ олардың уақытылы жаңартылуын қамтамасыз етуге мүмкіндік береді.Фото: Нұрболат Нұржаубай

Елімізде оқулықтарды дайындау және бақылау тәртібі жаңартылды

Қазақстанда жекеменшік мектептерге қойылатын талаптар қатаңдатылады.&nbsp;Бұл туралы&nbsp;<a href="http://stan.kz/">Stan.kz</a>&nbsp;ақпарат агенттігі хабарлайды.Оқу-ағарту министрлігі жекеменшік мектептерге қатысты талаптарды күшейтуді жоспарлап отыр. Бұл талаптар мектеп ашуға болатын орындардан бастап, құрылтайшылардың жауапкершілігіне дейін қамтиды.Ведомствоның мәліметінше, алдағы уақытта жаңа жекеменшік мектептер тек қажеттілік бар өңірлерде ашылады. Лицензиялар ең әуелі үш ауысымда оқытатын мектептердің жүктемесін азайту қажет аймақтарға, апатты жағдайдағы ғимараттарды алмастыруға немесе мемлекеттік мектептердегі орын тапшылығын жоюға беріледі.Сонымен қатар құрылтайшыларға қойылатын талаптар да күшейтілмек. Оларға білім беру сапасына, педагогтердің кәсіби даярлық деңгейіне және балалардың қауіпсіздігіне жауапкершілік жүктеу көзделіп отыр. Бұдан бөлек, мектеп директорларын тағайындау тәртібін өзгерту жоспарланған. Бұрын бұл шешімді негізінен құрылтайшы қабылдаса, енді директорларды тағайындау салалық министрлік пен жергілікті атқарушы органдардың келісімімен жүзеге асырылмақ.Фото: Нұрболат Нұржаубай&nbsp;

Қазақстанда жекеменшік мектептерге қойылатын талаптар қатаңдатылмақ

<a href="https://kyzylorda-news.kz/">Kyzylorda-news.kz</a> 2025 жылдың қорытындысы бойынша елімізде 236 мыңға жуық оқушы орнына арналған 162 мектептің құрылысы аяқталды, оның ішінде 112 мектеп «Келешек мектептері» ұлттық жобасы аясында іске қосылды, деп хабарлайды <a href="https://baq.kz/keleshek-mektepteri-zhobasy-162-zhana-mektep-paydalanuga-berildi-200029300/">BAQ.KZ.</a>Бұл білім беру ұйымдары 27 үшауысымды және 11 апатты мектеп мәселесін шешуге, сондай-ақ 160 мың оқушы орнының жетіспеушілігін жоюға мүмкіндік берді. Бұл мақсатта бюджет қаражаты есебінен және инвестициялар тарта отырып жүйелі жұмыстар жүргізілуде.Ел тарихындағы ең маңызды жобалардың бірі – Мемлекет басшысының бастамасымен жүзеге асырылған «Келешек мектептері» ұлттық жобасы. Оның аясында 206 мың оқушы орнына арналған 112 жаңа форматтағы мектеп қодданысқа берілді, оның 40%-дан астамы ауылдық жерлерде орналасқан. Еске сала кетейік, 2024 жылдың қорытындысы бойынша 254 мың оқушыға арналған 105 мектеп пайдалануға берілді.Қазіргі таңда білім беру инфрақұрылымын қолдау қоры есебінен 89 мың оқушыға арналған 81 мектеп салынды. Оның ішінде 2025 жылдың қорытындысы бойынша 13 мың оқушы орнына арналған 18 жаңа мектеп іске қосылды. Бұл шаралар еліміздің білім беру жүйесін ұзақмерзімді дамытуға және жаңғыртуға бағытталған.Сондай-ақ Мемлекет басшысының тапсырмасымен қайтарылған активтер есебінен Ұлытау облысының Қаражал қаласы мен Маңдырай станциясында екі мектеп, Солтүстік Қазақстан облысында бір балабақша салынды. Еске салайық, Арнайы мемлекеттік қор қаражаты есебінен 8 білім беру нысаны қаржыландырылды, оның ішінде 5 мектеп, 2 балабақша және 1 жатақхана бар.Қосымша республикалық және жергілікті бюджет қаражаты мен жеке инвестициялар тарту есебінен 16 мың оқушы орнына арналған 30 мектептің құрылысы жүргізілді.Сонымен қатар, қолданыстағы инфрақұрылымды жақсарту бойынша да ауқымды жұмыстар жүргізілді:<ul><li style="text-align:justify;">реновация бағдарламасы аясында 209 мектеп жаңартылды;</li><li style="text-align:justify;">заманауи стандарттарға сәйкес 1 мың ауыл мектебі жаңғыртылды;</li><li style="text-align:justify;">ауыл мектептері үшін 1196 заманауи пән кабинеті сатып алынды.</li></ul>Айта кетейік, жаңа нысандарды пайдалануға берудің нәтижесінде Астана, Алматы, Шымкент қалаларында, сондай-ақ Қарағанды және Қызылорда облыстарында үшауысымды оқыту мәселесі толығымен жойылды.Фото: Қызылорда облысының әкімдігі

«Келешек мектептері» жобасы: 162 жаңа мектеп пайдалануға берілді

<a href="https://kyzylorda-news.kz/">Kyzylorda-news.kz</a> Саналы ғұмырын ұстаздыққа арнап, шәкірттерінің бойына тәрбие-білімді сіңіре білген мұғалімдердің мерейі қашанда биік. Бүгінде осы жауапкершілік жүгі зор салада абыройлы еңбек етіп, өңірдің дамуына сүбелі үлес қосқан Үміт Қосекеева мерейлі 75 жасқа толып отыр.&nbsp;Ардагер ұстаздың мерейтойына орай салтанатты қабылдау өтіп, қала әкімінің орынбасары Ділмұхамед Абызов ҚР Білім беру ісінің үздігі Үміт Қажығалиқызына Қызылорда қаласының ең жоғары марапаты – "Құрмет грамотасын" табыстап, сый-құрмет көрсетті.&nbsp;<blockquote>– Ұлағатты ұрпақ тәрбиелеу – аса жауапты әрі күрделі міндет болса, Сіз жүрек қалауымен саналы ғұмырыңызды бала бағбаны болуға арнадыңыз. Қасиетті мамандықтың туын түсірмей, тұғырын тіктеп, тәлімін сіңіріп, тағылымын оздырып, жыл сайын жыл құсындай жас түлекті ұшырдыңыз, жаңа буынды бауырыңызға басып келдіңіз. Осы жарқын жолдағы еңбегіңіз ерекше және бәсекеге қабілетті білікті жастарды, мықты тұлға, елжанды азаматтарды қалыптастырған мәртебелі қызметіңіз үшін алғысым шексіз. Кемел келешекке кенен азаматтарды қосып, абыройлы міндеттеріңізді адал атқара білген Өзіңізге мықты денсаулық, отбасыңызға бақ-береке тілеймін! – деді Ділмұхамед Мінуәрбекұлы.</blockquote>Салтанатты қабылдауда қалалық маслихат төрағасы Ибадулла Құттықожаев, қалалық ардагерлер кеңесі төрағасының орынбасары Жұмабек Әлиев, облыстық білім саласы ардагерлері кеңесінің төрағасы Ғалым Бекенов және замандастары мен шәкірттері жүрекжарды лебіздерін жеткізді. Өз кезегінде мерейтой иесі қала басшылығына, әріптестеріне ризашылығын білдірді.Үміт Қосекеева еңбек жолын 1973 жылы Қызылорда облысы, Қазалы ауданындағы №96 Бозкөл орта мектебінде физика пәнінің мұғалімі болып бастаған. Одан әрі Қызылорда қаласындағы №1 мектеп-гимназиясында физика пәнінің мұғалімі, мектеп директорының оқу-тәрбие жұмысы жөніндегі орынбасары, Қызылорда қалалық білім бөліміндегі әдістемелік кабинет меңгерушісі, бас маманы, №15 қалалық гимназияның директоры қызметтерін абыроймен атқарды. Қызмет жасап жүрген уақытта 33 «Алтын белгі», 75 «Үздік аттестат», 174 мемлекеттік грант иелерін шығарды.<img src="https://knadmin.beoblood.kz/uploads/la_atty_staz_2_1900474d94.jpg" alt="Ұлағатты ұстаз 2.jpg">

Ұлағатты ұстазға құрмет көрсетті

Облыс әкімі Нұрлыбек Нәлібаев, &nbsp;Оқу-ағарту министрі Жұлдыз Сүлейменова Қармақшы аудандық білім бөліміне қарасты Байқоңыр қаласындағы №277 мектеп-лицейдің жұмысымен және материалдық базасымен танысты.Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев қатысты. Мектеп-лицейде «Қазақстан халқына» қоғамдық қорының қолдауымен &nbsp;инновациялық обсерватория, ракета модельдеу, СТЭМ, химия, биология, робототехника, математика, физика, география, тарих, бастауыш сынып кабинеттері, кітапхана, арнайы телестудия 245, 6 млн теңгеге жабдықталған болатын.&nbsp; Нақтырақ айтсақ, обсерватория кабинетінде "Жұлдызды аспан" глобусы, интерактивті панель, телескопқа линзалар жинағы, күн фильтрі, бейнекамералар, планисфералар бар. Ракета модельдеу кабинеті арнайы жинақпен, ноутбуктер, шағын зертханалар, цифрлық микроскоптар, старттық құрылғылармен, СТЭМ кабинеті 3Д принтер, модельдеу жиынтықтарымен қамтамасыз етілді.Ал, физика кабинеті электр және оптика бөлімдеріне, жаратылыстану ғылымына, молекулалық физика және термодинамикалық бөлімдерге арналған демострациялық құралдармен жабдықталды. Биология кабинетіне де жиһаздар, &nbsp;зертханалық құралдар, цифрлық микроскоптар, микропреператтар, ылғал препараттар, адам ағзасының модельдері берілді. Химия кабинетіне зертханалық жабдықтар, химиялық препараттар, цифрлық зертхана жинағы, демонстрациялық жұмысқа арналған жиынтықтар, телестудия, арнаулы компьютер, камералар, диодтық жарық жинағы, акустикалық құралдар, телевизор алынды. АRT-студияға гончарлық қондырғылар, сурет салуға арналған құрал-жабдықтар қойылған.Оқу-ағарту министрі атқарылған жұмыстарға оң бағасын беріп, алдағы міндеттерге тоқталды. Айта кетейік, білім беру ұйымдарының материалдық-техникалық базасын жаңғырту бағытында қарқынды жұмыстар жүргізілуде."Қазақстан халқына" қоры өңірдің әр саласына 12 млрд. 851 млн теңге қаржы бөлді. Сондай-ақ, 2 млрд. 700 млн. теңгеге 58 мектептегі 317 пәндік кабинет жаңартылды.<img src="https://knadmin.beoblood.kz/uploads/FB_IMG_1768074971227_35dee99813.jpg" alt="FB_IMG_1768074971227.jpg">

Байқоңыр қаласындағы мектеп-лицейдің материалдық базасымен танысты 

Арал ауданының Мергенсай ауылдық округіне қарасты Жалаңаш ауылында облыс әкімі Нұрлыбек Нәлібаев, Оқу-ағарту министрі Жұлдыз Сүлейменова, Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев, облыстық мәслихат төрағасы Мұрат Тлеумбетов, зиялы қауым өкілдері, ардагерлер мен ауыл тұрғындарының &nbsp;қатысуымен 150 орындық мектептің ашылу рәсімі өтті. &nbsp; Аймақ басшысы жиналған жұртшылықты шәкірттердің жарқын болашағына қызмет ететін жаңа мектептің ашылуымен құттықтады.“Өздеріңізге белгілі, «Түркістан» газетіне Мемлекет басшымыз Қасым-Жомарт Кемелұлының «Қазақстан жаңғырудың жаңа кезеңіне қадам басты» тақырыбында кең көлемді сұхбаты жарияланды. Сұхбатта Мемлекет басшысы «Қазақстан жаңғыру жолында қарышты қадам басып, барынша өркениетті ел бола бастады. Қоғамда өскелең ұрпақтың жарқын болашағы үшін түбегейлі өзгеріс жасау аса маңызды екені туралы нақты түсінік қалыптасты», -деп атап өтті.Биыл ел тағдырына тікелей әсер ететін, Әділетті әрі Қуатты Қазақстанды дамытудың ұзақ жылдарға арналған бағыт-бағдарын айқындайтын жыл болатынын жеткізді.<img src="https://knadmin.beoblood.kz/uploads/FB_IMG_1768074784668_5ebcaee40c.jpg" alt="FB_IMG_1768074784668.jpg">Біздің ең бірінші міндетіміз - балаларымыздың жан-жақты, сапалы білім алуына қолайлы жағдай жасап, жайлы орта қалыптастыру. Бәсекеге қабілетті, заманның жаңа шақыртуларына дайын, озық ойлы ұрпақ тәрбиелеу - мемлекет алдындағы стратегиялық маңызды мәселе.Аймағымыздың білім беру саласына 2022-2025 жылдары 1 трлн. 159 млрд. теңге бөлінді. 2022 жылдан бері 42 заманауи білім беру нысаны салынып, пайдалануға берілді. «Келешек мектептері» ұлттық жобасы жобасы аясында 10 жаңа мектеп салынып, ел игілігіне табысталды.2023 жылдан бері 9 мектеп жанынан қосымша ғимарат бой көтеріп, үш ауысымдық мектептер мәселесі түбегейлі шешімін тапты. Баршаңызды жаңа мектептің ашылуымен құттықтаймын!Бұл - жай ғана ғимараттардың салынуы емес, жаңа дәуірде білім алатын озат оқушыларға жаңа мүмкіндіктер сыйлау“,- деді Н.Нәлібаев. Рәсімде тынымсыз еңбегімен ауданның әлеуметтік-экономикалық дамуына үлес қосқан ел ағалары мен мектеп құрылысын салған “Бақ-береке” серіктестігі қызметкерлері облыс әкімінің Алғыс хатымен марапатталды. Аймақ басшысы &nbsp;мердігер мекеме ұжымына мектеп ғимаратын сапалы салып, мерзімінде аяқтағаны үшін алғыс білдірді.<img src="https://knadmin.beoblood.kz/uploads/FB_IMG_1768074772868_f2964e2191.jpg" alt="FB_IMG_1768074772868.jpg">Жұлдыз Сүлейменова еліміздің білім саласындағы жобаларға тоқталып, Сыр өңіріндегі серпінді жұмыстарды атап өтті. “ Мемлекет басшысы Қасым-Жомарт Кемелұлы Тоқаевтың тапсырмасымен “Келешек мектептері” жобасы жүзеге асуда. Ұлттық жоба аясында 217 мектеп салынды, сол мектептердің 84-і ауылдарда бой көтерді. Бүгін, міне Арал ауданының ең шалғай ауылында жаңа мектеп ашылды. “Келешек мектептерінің” стандартымен, халықаралық талаптарға сай салынған білім ордасы ауылға жеткенінің куәсі болдық. Мемлекет басшысының ұстаздарға деген қамқорлығы ерекше, соның арқасында мұғалімдердің қоғамдағы мәртебесі арта түсті. Бүгінде ұстаз мамандығы еліміздегі ең тартымды мамандықтардың біріне айналды”, -деді Оқу-ағарту министрі.Сонымен қатар, Мұрат Әбенов тұрғындарды құттықтап, Мергенсай ауылдық округінің қоғамдастық кеңесінің төрағасы Әсемхан Әбілов бата берді.Өткен жыл аралдық ағайындар үшін ерекше берекелі жыл болды. &nbsp;Маңызды инфрақұрылымдық жобаларды жүзеге асыруға, &nbsp;әлеуметтік нысандар салуға бюджеттен &nbsp;38 млрд. 740 млн. теңге қаржы бөлінді.Бүгін жаңа білім ұясы ашылған Жалаңаш ауылы &nbsp;аудан орталығынан 60 шақырым қашықта орналасқан, мұнда 686 адам тұрады. Еске салайық, «Білімді қолдау қоры» арқылы облыс орталығында физика-математика бағытындағы «Білім-инновация» лицей-интернаты ел игілігіне табысталды. Соңғы үш жылда 15 мектеп ғимараты күрделі жөнделген.Президент тапсырмасына сәйкес алдағы үш жылда өңірдегі 51 мектеп күрделі жөндеуден өтеді.

Арал: Жалаңаш ауылында жаңа мектеп пайдалануға берілді 

ҚР Парламенті Мәжілісіндегі «AMANAT» партиясы фракциясының мүшелері Мұрат Әбенов пен Мархабат Жайымбетов 1500 орындық жаңа «Келешек мектебіне» арнайы барып, оқу ордасының тыныс-тіршілігімен танысты.2025 жылдың қыркүйек айында пайдалануға берілген заманауи мектепке Мырзабек Дүйсенов атындағы №15 мектеп-лицейі толықтай көшірілді. Құрылысы толық аяқталған жаңа ғимарат барлық заманауи талаптарға сай жабдықталған.Мектепте физика, химия, биология, математика, қазақ тілі, география пәндерінің арнайы зертханалары, STEM-зертхана, кітапхана, спорт және акт залдары, асхана, қауіпсіз ойын алаңдары бар.Кездесу барысында халық қалаулылары мектеп оқушыларының тың жобаларымен танысып, &nbsp;ұжымымен пікір алмасып, жас ұрпақтың сапалы білім алуына жасалған жағдайларға оң бағасын берді.«Келешек мектебі» – оқушының тұлғалық дамуына бағытталған, жаңашыл білім мазмұнын іске асырып отырған заманауи білім ордасы.<img src="https://knadmin.beoblood.kz/uploads/FB_IMG_1767990175740_18116a7e1a.jpg" alt="FB_IMG_1767990175740.jpg">

Жаңа мектеп – жаңа мүмкіндік

<a href="https://kyzylorda-news.kz/">Kyzylorda-news.kz</a> 2025–2026 оқу жылының үшінші тоқсанынан бастап көптеген қазақстандық мектептер Kundelik.kz платформасынан бас тартуға шешім қабылдады. Бұл туралы <a href="https://stan.kz/kazakstandik-okushilar-kundelik-ten-ketip-zhana-platfor-428680/">Stan.kz</a> ақпарат агенттігі хабарлайды.Алматы қаласы Білім басқармасының өкілдері оның орнына BilimClass жүйесі енгізілетінін жеткізді.<blockquote>"Бұл толығымен қазақстандық әзірлеме, тегін мобильді қосымшасы бар, серверлері Қазақстан территориясында орналасқан. Жүйе қолданушылардың деректерінің қауіпсіздігі мен құпиялылығын қамтамасыз етеді және ел заңнамасын қатаң сақтайды", – деп түсіндірді басқарма.</blockquote>Хабарланғандай, жүйені қаланың барлық мектептерінде енгізбес бұрын оны Алматыдағы 15 оқу орнында сынақтан өткізген. Жаңа жүйеге көшу қыстың демалыс кезеңінде ұйымдастырылған. Басқарма дерегінше, мұғалімдер де оқытудан өтіп үлгерген.<blockquote>"Көшу қыстың демалысына жоспарланды. Сондықтан ол оқу процесіне кедергі келтірмейді. Осы уақыт ішінде мұғалімдер платформамен жұмыс істеуге дайындалды", – деп атап өтті білім басқармасы.</blockquote>Басқарма мәліметінше, ата-аналар мен оқушылар үшін негізгі ақпаратқа қолжетімді мобильді қосымша қарастырылған:<ul><li style="text-align:justify;">сабақ кестесі мен үй тапсырмалары;</li><li style="text-align:justify;">сабаққа қатысу туралы ақпарат;</li><li style="text-align:justify;">бағалар туралы мәлімет.</li></ul><blockquote>"Мұғалімдер үшін платформада күнтізбелік-тематикалық жоспарлау, қашықтықтан сабақ беру функциясы, өз сабақтарын қосу мүмкіндігі, интерактив сабақтар, СОР/СОЧ каталогы, чат және оқушылармен кері байланыс қарастырылған", – деп хабарлады ведомство.</blockquote>Алматы Білім басқармасының мәліметінше, жаңа платформаға Қазақстанның 11 өңірінен шамамен 2,5 миллион оқушы және 350 мыңдай мұғалім көшкен. Олардың қатарында Алматы, Ақмола, Батыс Қазақстан, Қостанай, Ақтөбе, Ұлытау, Абай, Қызылорда, Жетісу, Түркістан және Солтүстік Қазақстан облыстары бар. Алматы – ескі платформадан бас тартқан 12-ші өңір болды.Фото: Нұрболат Нұржаубай

Қазақстандық оқушылар жаңа платформаға көшті

<a href="https://kyzylorda-news.kz/">Kyzylorda-news.kz</a> Оқу жылының үшінші тоқсанының басталуына орай аудан әкімі Берік Сәрменбаев аудан орталығындағы №131 Т.Қозыбаев атындағы орта мектепке барды. Аталған білім ошағын аралап, білім беру ұйымындағы кабинеттердің жабдықталуы, ыстық тамақпен қамтамасыз етілуі, материалдық-техникалық базасының жағдайымен танысты. Одан бөлек, жылу қазандығының жай-күйін көрді.Білім беру ұйымында 332 оқушы білім алса, оларға 54 мұғалім сапалы білім мен саналы тәрбие беруде. Оқушылардың сапалы білім алуы үшін барлық жағдай жасалған.Аудан әкімі елдің ертеңгі тізгіні білімді ұрпақтың қолында екенін айтып, білімді ұрпақты тәрбиелеу ұстаздар қауымына жүктелген абыройлы міндет екенін атап өтті. Жас ұрпақтың бойында тұлғалық қасиеттерді қалыптастырып, мектеп ұстаздарының кәсіби шеберліктерін одан әрі шыңдаудалуын, білім сапасын арттырудағы игі бастамаларда шығармашылық ізденіс, жаңа серпін болу керектігін жеткізді.&nbsp;Биыл мектеп бітіруші түлектермен кездесіп, қалаған мамандық иесі болуға, ҰБТ-дан жоғары бал жинауға тілектестік білдірді. Аудан басшысы аудандық білім бөлімінің басшысы мен мектеп директорына балалар қауіпсіздігін қатаң бақылауда ұстап, жылу беру маусымында мәселе туындамау керектігін тапсырды.<img src="https://knadmin.beoblood.kz/uploads/Syrdariya_mektep_e9f49c2902.jpg" alt="Сырдария мектеп.jpg">

Қазақстан және Қызылорда облысының жаңалықтары: Білім