<a href="https://kyzylorda-news.kz/">Kyzylorda-news.kz</a> Өнер орталығында «Тарихы терең, бірлігі бекем Сыр елі!» атты еңбек озаттарын марапаттауға арналған салтанатты шара өтті. Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Ергешбаев, құқық қорғау органдарының басшылары, зиялы қауым өкілдері, қоғам қайраткерлері қатысты.Аймақ басшысы Нұрлыбек Нәлібаев атқарылған жұмыстарды атап өтіп, өз еңбегімен өңірдің өркендеуіне серпін берген азаматтарға алғыс білдірді.<blockquote>«Елімізде жүргізілген саяси-экономикалық реформалар өз нәтижесін беруде. Оның айқын көрінісі бүгінгі Қызылорда облысының даму серпінінен анық байқалады.Аймағымызда атқарылған тиімді жұмыстармен танысу үшін Президентіміз екі рет арнайы іссапармен келді. Әрбір сапарында өңіріміздегі өзекті мәселелердің шешілуіне қамқорлық жасап, қолдау білдірді. Президентіміздің Сыр өңірінің даму қарқынына, атқарылған жұмыстарға берген оң бағасы бәріміз үшін зор мәртебе. Бұл – ерекше қолдаудың, ұтымды ұйымдастырудың, бірлесе атқарған жұмыстың нәтижесі. Бұл баршамызды жаңа жетістіктерге жетелейді.Әділетті, Қуатты, Қауіпсіз әрі Таза Қазақстанды құру жолында Сыр халқы да бекем бірліктің, ерен еңбектің үлгісін көрсетуде. Аймақта негізгі макроэкономикалық көрсеткіштердің өсімі қамтамасыз етілді. Кейбір көрсеткіштердің мәнін терең түсінуіміз қажет. Өйткені, ол – жай ғана статистика емес, жерлестеріміздің еселі еңбегінің жемісі.Биыл облысымыздың бюджеті 851 млрд.300 млн. теңгеден асты. Өңірге тартылған инвестиция көлемі 720 млрд. теңгеге жетті. Бұл қаражат аймағымыздың ең өзекті деген мәселелерін шешуге, тұрғындардың өмір сүру сапасын жақсартуға, жаңа инфрақұрылымдық жобаларды іске асыруға бағытталды. Бүгінгі еңбектің игілігін болашақ ұрпағымыз көреді деп сенеміз.Өңірімізде еңбегімен елге сыйлы болған азаматтарға лайықты құрмет көрсетіліп келеді. Президентіміздің ерекше қолдауымен 2022 жылдан бүгінге дейін 300-ге жуық қызылордалық мемлекеттік наградалармен марапатталды. Олардың 50 пайызға жуығы – қарапайым еңбек ардагерлері мен озаттары. Мемлекет басшымыз жұмыс сапарының қорытындысында бірқатар жерлесімізді мемлекеттік наградаға ұсынуды тапсырған болатын. Бүгінгі маңызды жиында осы наградаларды табыстаймыз.Бұл Президентіміздің Сыр жұртшылығына деген ықыласы мен бірлесіп атқарған жұмысымызға берген оң бағасы деп білеміз. Қай істе де әрбіріңіздің қолтаңбаңыз бар. Сіздер барлық бастамаларымыз бен жобаларымызға үлкен қолдау білдіріп келесіздер. Біз оны күн сайын сезінеміз.Президентіміздің бізге қойған талабы да, Өзіміздің азаматтық парызымыз да – халық сенімін ақтау жолында адал қызмет ету. Алдағы уақытта да туған жерімізді өркендетуге шынайы жанашырлықпен атсалыса берейік!», – деді Нұрлыбек Машбекұлы.</blockquote>Жиында ел дамуына елеулі үлес қосқан бірқатар азамат мемлекеттік наградалармен марапатталды. ІІІ дәрежелі «Барыс» ордені мемлекет және қоғам қайраткері Бекмырза Еламановқа, «Парасат» ордені «Абай Дәулет» жауапкершілігі шектеулі серіктестігінің директоры Мұрат Сәрсенбаев пен «Ер-Әлі» шаруа қожалығының төрағасы Әліби Бекжановқа, ІІ дәрежелі «Достық» ордені «Акса Энерджи Қызылорда» жауапкершілігі шектеулі серіктестігінің директоры Алган Сарачоғлыға табыс етілді. «Құрмет» орденімен «Промстройсервис Е» жауапкершілігі шектеулі серіктестігінің директоры Манарбек Еспенбетов,«Сәт-Сервис» жауапкершілігі шектеулі серіктестігінің директоры Роза Иманова, «Сейфуллин Жер» жауапкершілігі шектеулі серіктестігінің жетекшісі Оңғарбек Саймағамбетов, «Tau GroupLTD» жауапкершілігі шектеулі серіктестігінің құрылтайшысы Исламғали Қозыбақов марапатталды.Сондай-ақ іс-шарада «Ерен еңбегі үшін», «Шапағат» медальдары лайықты азаматтарға берілді. Парламент депутаттарының атынан Наурызбай Сейтқалиұлы құттықтау сөз сөйлеп, марапат иелеріне ізгі тілегін жеткізді.Салтанатты жиын үш дүркін «Алтын домбыра» иегері Мұхтар Ниязовтың, «Күміс домбыра» иегері Бексұлтан Орынбасаровтың арнауымен жалғасып, концерттік бағдарламаға ұласты.Фото: Қызылорда облысы әкімінің баспасөз қызметі

Еселі еңбекке лайықты құрмет көрсетілді

<a href="https://kyzylorda-news.kz/">Kyzylorda-news.kz</a> &nbsp;Сыр еліне Жамбыл облысының делегациясы іссапармен келді. Сапардың мақсаты – өңіраралық әріптестікті нығайту, тәжірибе алмасу және өзара тиімді байланыс орнату.Қонақтарды облыс әкімінің бірінші орынбасары Данияр Жаналинов қабылдады. Кездесуде тараптар әлеуметтік және экономикалық бағыттар бойынша пікір алмасып, бірлескен жобаларды жүзеге асыру мүмкіндіктерін талқылады. Делегация өңірдегі ірі жобалармен танысты.Алдымен балалар мен жасөспірімдерге арналған «Сыр жұлдыздары» шығармашылық-инновациялық академиясына барды. Мұнда бір мезетте 500, ал тәулігіне 3 мың оқушы бассейн, топтық жаттығу бөлмелері, көркем гимнастика және фитнес залдары, үстел ойындарына арналған кабинет, жекпе-жек және үстел теннисі залдарында жаттығады. Барлық залда ұлдар мен қыздарға арналған жеке киім ауыстыру бөлмелері қарастырылған.Жамбылдықтар 1000 орындық көпфункционалды «Өнер орталығында» болды. Қала сәулетіне айрықша көрік берген бұл ғимаратта симфониялық, эстрадалық және ұлттық өнер бағытындағы концерттер, шығармашылық кештер мен түрлі қоғамдық іс-шаралар өткізіліп келеді.Мұнан кейін делегация халықаралық стандарттарға сай келетін 11 мың орындық Орталық стадионды аралады. Бұл спорт нысаны УЕФА талаптарына сәйкес салынған және заманауи құрал-жабдықтармен толық қамтамасыз етілген. Жалпы аумағы 20 мың шаршы метр болатын үш қабатты ғимаратта бокс, дзюдо, грек-рим және еркін күрес, фитнес, спорттық гимнастика, таеквондо және ауыр атлетика залдары орналасқан.Делегация мүшелері шағын өнеркәсіптік аймақтың жұмысын да көрді. Мұнда 8 өндірістік цех іске қосылып, азық-түлік өнімдерін өндіретін кәсіпорындар шоғырланған, 50-ден астам адам тұрақты жұмыспен қамтылып, тұрмыс-тіршілікке қажетті тауарлар өндіруде. Кәсіпкерлерге өз жұмысын бастауға «Қызылорда» өңірлік инвестициялық орталығы арқылы жылдық 3 пайызбен 157 млн. теңге жеңілдетілген несие берілді. Бұл – кәсіпкерлікті қолдауға бағытталған шаралардың нақты көрінісі.Қонақтар Сырдария өзенінің сол жағалауындағы облыстық тарихи-өлкетану музейінің жұмысымен де танысты. Мәдени нысан облыс бюджетінен үнемделген қаражат есебінен бой көтерді.85 жылдық тарихы бар облыстық музейдің бұған дейін типтік үлгідегі ғимараты болмаған.Жаңа музейде12&nbsp;экспозициялық&nbsp;зал&nbsp;халыққа&nbsp;қызмет&nbsp;көрсетуде. Қазіргі уақытта музей қорында 70 мыңға жуық тарихи экспонат сақталған. Оның 25 120-сы түпнұсқа. Қордағы құнды экспонаттар археологиялық қазба жұмыстарының ғылыми негіздемелеріне сүйеніп жасалған алтын киімді «Шірік Рабат сақ жауынгері», алтын әшекейлі «Сығанақ ханшайымы», алтын қылышты «Түгіскен көсемі» және «Жетіасар ақсүйек әйелі» тарихи реконструкциялары ғылыми айналымға енгізілді.

Жамбыл облысының делегациясы өңірдегі жаңа нысандармен танысты

<a href="https://kyzylorda-news.kz/">Kyzylorda-news.kz</a> Швейцарияға жұмыс сапарымен барған облыс әкімі Нұрлыбек Нәлібаев бастаған делегация ауыл шаруашылығы, экология және инвестициялық ынтымақтастық бағытындағы маңызды кездесулерге қатысты.Облыс әкімі Берн кантоны Үкіметінің төрағасы Кристоф Нойхауз, Дамыту директоры Симон Эндерле және Сыртқы қатынастар жөніндегі кеңесші Томас Мозермен кездесті. Кездесуде экономикалық, инвестициялық және мәдени-гуманитарлық байланыстарды нығайту мәселелері талқыланды.Аймақтың Азия мен Еуропаны байланыстыратын көлік дәліздерінің бойында орналасқаны, ауыл шаруашылығындағы жетекші орны және жаңартылатын энергия көздерін дамытудағы әлеуеті таныстырылды. Өңірде қуаттылығы 89 МВт болатын 9 күн электр станциясы жұмыс істейді, сондай-ақ 300 МВт-тан астам жаңартылатын энергия жобалары жүзеге асырылуда.«Қызылорда облысы – географиялық тұрғыдан тиімді орналасқан, инфрақұрылымы дамыған және табиғи ресурстарға бай аймақ. Берн кантонымен өзара тиімді серіктестік орнату – біздің ортақ мүддеміз», – деп атап өтті Нұрлыбек Нәлібаев.Сонымен қатар, облыс әкімінің орынбасары Ардақ Зебешев Швейцарияның күріш, бұршақ және өзге де дақылдарды өңдеу саласындағы жетекші компаниясы RBL Group SA Бас директоры Ханс Ремундпен кездесті. Тараптар ынтымақтастықты нығайту, озық технологиялар мен тәжірибе алмасу мәселелерін талқылады.Қызылорда өңірінің отандық күріш пен тұз өндірісіндегі жетекші рөлі, инвесторларға ыңғайлы әрі дайын инфрақұрылым ұсынудағы ерекшелігі де айтылды. Салықтық және кедендік жеңілдіктер қарастырылғаны, инвесторлар үшін тартымды «Қорқыт Ата» арнайы экономикалық аймағының құрылғаны атап өтілді.Делегация мүшелері Kanadevia Inova компаниясының Орталық Азия бойынша президенті Александр Силинмен кездесті. Онда тұрмыстық қатты қалдықтарды сұрыптау, қайта өңдеу және энергия көзі ретінде пайдалану бағытындағы бірлескен жобаларды іске асыру мүмкіндіктері қаралды.Қазір өңірде 15 кәсіпорын тұрмыстық қалдықтарды жинау және қайта өңдеумен айналысады. Кореялық With You E&amp;C компаниясы жылына 300 мың тонна қалдықты сұрыптау және қайта өңдеу зауытының құрылысын бастады.Швейцарияға жұмыс сапары агроөнеркәсіп, экологиялық технологиялар және инвестициялық ынтымақтастық салаларында жаңа мүмкіндіктерге жол ашты.Фото: Қызылорда облысы әкімінің баспасөз қызметі

Қызылордалық делегация инвестициялық ынтымақтастық бағытындағы кездесулерге қатысты 

<a href="https://kyzylorda-news.kz/">Kyzylorda-news.kz</a>&nbsp; «InnoFest 2025» - жастардың инновациялық ойлау қабілетін дамытып, ІТ, медиа және кино саласындағы жаңа мүмкіндіктерді ашуға бағытталған креативті алаң.Қызылордада өткен фестивальдің ашылу салтанатын Қызылорда облысы әкімінің аппаратының басшысы Әділхан Мұхамедияров ашып, жастарға шабыт пен жаңа серпін тіледі.Биылғы «InnoFest 2025» үш негізгі бағыт бойынша ұйымдастырылды «Кино&amp;Видео» секциясында - актер, режиссер Дәурен Серғазин, блогер және сценарист Азамат Тұрсынбай, продюсер Ғани Әбдиев шығармашылық индустриядағы тәжірибелерімен бөлісті.«Жасанды интеллект» секциясында - ІТ сарапшысы, жазушы Тимур Бектұр, кәсіпкер Айдос Жұманазар, профессор Джесу Ким жасанды интеллекттің даму бағыттары туралы сөз қозғады.«Software Development» секциясында - кәсіпкерлер Асқар Болат, Ғани Абадан, Жандос Оңалбеков өз жобалары мен тәжірибелерін таныстырды.Фестиваль аясында өткен жоба байқауының жүлде қоры 5,4 млн теңгені құрады. Үздік қатысушыларға оқу гранттары мен бағалы сыйлықтар табысталды.Кеш соңында ұйымдастырылған концерттік бағдарлама фестивальдің ерекше атмосферасын толықтырып, қатысушыларға көтеріңкі көңіл-күй сыйлады.

Қызылордада «Innofest 2025» инновациялық фестивалі өтті

<a href="https://kyzylorda-news.kz/">Kyzylorda-news.kz</a> Қызылорда облысының делегациясы Швейцарияға жұмыс сапары аясында Лауфен қаласына барып, санитарлық-техникалық бұйымдар өндіретін Laufen Bathrooms AG компаниясының даму жөніндегі директоры Фрэнк Либетраумен кездесті және керамика зауытының қызметімен танысты.Laufen Bathrooms AG – &nbsp;Roca Group халықаралық компаниясының еншілес құрылымы. Бүгінде Қызылорда облысында Roca Group компаниясымен бірлесіп, санитарлық-техникалық бұйымдар өндірісін салу жобасы іске асырылуда.Маусым айында ҚР Өнеркәсіп және құрылыс министрлігі, Қызылорда облысының әкімдігі, Roca Group компаниясы арасында үшжақты негіздемелік келісімге қол қойылды.Айта кету керек, Мемлекет басшысы Қасым-Жомарт Тоқаевтың Қызылорда облысына жұмыс сапары кезінде Roca Group компаниясының жобасы таныстырылып, өңірде заманауи өндірісті дамыту жоспарлары ұсынылды. Президент бұл бастаманың аймақ экономикасын әртараптандыру мен жаңа жұмыс орындарын ашудағы маңыздылығын атап өтті.<img src="https://knadmin.beoblood.kz/uploads/yzylorda_Shvejczariya_3_b66c06da9b.jpg" alt="Қызылорда-Швейцария 3.jpg">Жобаның жалпы құны 70 млн еуро, өндірісті орналастыру үшін инженерлік инфрақұрылыммен толық қамтамасыз етілген «Өндіріс» индустриялық аймағынан 20 гектар жер телімі бөлінді.Зауыт іске қосылғаннан кейін 500 жаңа жұмыс орны ашылып, жылына 500 мың &nbsp;санитарлық-техникалық өнім шығару жоспарланған.Кездесуде тараптар өңір мамандарын Laufen компаниясының өндірістік алаңдарында тағылымдамадан өткізу және тәжірибе алмасу мүмкіндіктерін қарастырды. Сондай-ақ, делегация Laufen Forum көрме орталығында және кран өндірісінде болып, &nbsp;инновациялық шешімдерімен танысты.Сапардың келесі бағыты – Берн қаласы. Мұнда аймақ басшысы су, газ, электр және жылу есептегіш құрылғыларын өндіруде 120 жылдық тарихы бар GWF MessSysteme AG компаниясының басқарушы директоры Марк Нойхауз және техникалық директоры Юрген Скрипалльмен кездесті.Кездесуде Қызылорда облысында су және энергия ресурстарын есепке алу жүйелерін жетілдіру, «ақылды есептегіш» технологияларын енгізу, сондай-ақ осы бағытта бірлескен өндіріс құру мәселелері талқыланды. Мұндай жобалар аймақтың инфрақұрылымдық әлеуетін арттырып, импортқа тәуелділікті төмендетуге мүмкіндік береді.Су ресурстарын тиімді пайдалану мақсатында өңірдегі каналдарға осы компанияның 100 су есептегіші Ислам даму банкінің қаражаты есебінен, Су ресурстары және ирригация министрлігімен бірлесіп, келер жылдың қаңтар айынан бастап орнатылады.Сапар соңында облыс әкімі Қазақстан Республикасының Швейцариядағы төтенше және өкілетті елшісі Қайрат Саржановпен кездесті. Тараптар екіжақты ынтымақтастықты кеңейту және швейцариялық компаниялардан инвестиция тарту мәселелерін талқылады.<img src="https://knadmin.beoblood.kz/uploads/yzylorda_Shvejczariya_2_a7bcbf9a70.jpg" alt="Қызылорда-Швейцария 2.jpg">

Облыс делегациясы Швейцариялық компаниялардың қызметімен танысты

<a href="https://kyzylorda-news.kz/">Kyzylorda-news.kz</a> Бүгін аймақ басшысы Нұрлыбек Машбекұлының тапсырмасына сәйкес, облыс әкімінің бірінші орынбасары Данияр Жаналинов пен қала әкімі Нұржан Ахатов қала аумағындағы әлеуметтік және инфрақұрылымдық нысандарды аралап, жұмыс барысымен танысты.Алдымен 1500 орындық «Келешек мектебінің» құрылыс алаңында болды. Құрылыс толық аяқталған, ғимарат заманауи талаптарға сай салынған. Мұнда оқу кабинеттері соңғы үлгідегі құрал-жабдықтармен қамтылған, арнайы STEM-зертхана, кітапхана, спорт және акт залы, асхана бар. Бас мердігер «Integra Construction KZ», жобалаушы ұйым «Project Construction KZ», техникалық қадағалаушы «Самұрық Қазына Девелопмент» серіктестіктері. Нысан жақын күндері пайдалануға беріледі.<img src="https://knadmin.beoblood.kz/uploads/1_T_r_yndar_a_zhajly_orta_alyptastyru_shin_au_ymdy_zh_mys_at_aryluda_29571f831b.jpg" alt="1Тұрғындарға жайлы орта қалыптастыру үшін ауқымды жұмыс атқарылуда.jpg">Әрі қарай облыс әкімінің бірінші орынбасары аулаларды абаттандыру жұмысының барысын бақылады. Биыл Қызылорда қаласындағы 20 аулаға ойын және спорт алаңдарын орнатуға 1,3 млрд теңге қаржы бөлінді. Әр аулада әткеншек, сырғанақ, жаттығу құрылғылары, кіші футбол және воркаут алаңдары болады. Жарық шамдары мен демалыс орындары орналастырылып, көгалдандыру және абаттандыру жұмыстары жүргізілуде.Мұнан бөлек, 153 млн теңге бөлініп, тұрмыстық қалдыққа арналған 375 контейнер қойылды.<img src="https://knadmin.beoblood.kz/uploads/2_T_r_yndar_a_zhajly_orta_alyptastyru_shin_au_ymdy_zh_mys_at_aryluda_69b8cb7523.jpg" alt="2Тұрғындарға жайлы орта қалыптастыру үшін ауқымды жұмыс атқарылуда.jpg">Айта кетейік, «Келешек мектептері» ұлттық жобасы аясында облыста 6 900 орынға арналған 10 мектеп салынды. Бүгінде оның 9-ы пайдалануға берілді.Фото: Қызылорда облысы әкімінің баспасөз қызметі

Тұрғындарға жайлы орта қалыптастыру үшін ауқымды жұмыс атқарылуда

&nbsp;<a href="https://kyzylorda-news.kz/">Kyzylorda-news.kz</a> Бүгін, 2025 жылғы 5 қарашада, Астанадағы «Қазмедиа» орталығында Astana Media Week 2025 форумы өз жұмысын бастады.Тоғыз жыл ішінде форум Қазақстандағы медиа саласын дамытуға арналған басты алаңға айналып, халықаралық және отандық медиа кәсіби мамандарын, медиабизнес өкілдері мен мемлекеттік органдарды біріктіретін маңызды платформа болып қалыптасты.Медиааптаның алғашқы күні «Жасанды интеллект пен цифрландыру кезеңіндегі журналистиканың жаңа бағыттары: қоғам сенімі және өркендеу» атты пленарлық сессиямен ашылды. Форум қатысушыларына Қазақстан Республикасының Мәдениет және ақпарат министрі Аида Балаеваның құттықтау хаты оқылды.<blockquote>«Ақпарат басты ресурсқа айналған заманда біздің осындай басқосуларымыздың маңызы ерекше. Себебі дәл осындай алаңда ғана біз өзекті мәселелерді ашық талқылап, қорытынды жасап, соның негізінде бизнес пен мемлекеттік басқару жүйесіне қатысты маңызды шешімдер қабылдай аламыз. Бүгінде Қазақстан кеңістік пен уақыт тоғысындағы ерекше кезеңді бастан өткеруде. Мемлекет, қоғам және медиа азаматтардың сұранысына сай, елдің алдағы дамуының заманауи бағыт-бағдарын айқындап келеді. Мемлекет басшысының «Әділетті Қазақстанды» құру ісінде осындай өзара бекем байланыс берік іргетасқа айналуға тиіс дегені де бекер емес», – деді Аида Балаева.</blockquote>Министр Digital News Report зерттеуіне сәйкес, Қазақстан азаматтарының бұқаралық ақпарат құралдарына деген сенім деңгейі Орталық Азиядағы басқа елдермен салыстырғанда айтарлықтай жоғары екенін айтты. Аида Балаеваның айтуынша, бұл – медиасаланы реформалау бойынша мемлекет жүргізіп келе жатқан жүйелі саясаттың нәтижесі.Министр құттықтауында атап өткендей, Қазақстан өңірде алғашқылардың бірі болып халықаралық стандарттарға, соның ішінде Digital Services Act қағидаттарына негізделген «Онлайн-платформалар және онлайн-жарнама туралы» заң қабылдады. Сонымен қатар жаңа «Масс-медиа туралы» заң редакциялардың құқықтық мәртебесін күшейтіп, журналистерді қорғау тетіктерін кеңейтті және ақпаратқа қол жеткізу тәртібін нақты айқындады. Аида Балаева осы бағыттағы жұмыс жалғасын табатынын айта келе, министрлік бірқатар заңнамалық актілерге өзгерістер енгізуді көздейтін түзетулер әзірлеп жатқанын атап өтті. Бұл түзетулер ақпараттық кеңістіктегі жылдам өзгерістерге лайықты жауап болмақ.Пленарлық сессияда сондай-ақ ҚР Мәдениет және ақпарат вице-министрі Қанат Ысқақов, Euronews-тің Қазақстандағы бюро жетекшісі Боян Бркич, Euronews халықаралық тілшісі (Франция) Денис Локтье, Өзбекстан Ұлттық медиа қауымдастығы бас директорының орынбасары Санжар Устабобоев, Түркия радиотелевизиялық корпорациясының (Түркия) Қазақстандағы өкілдігінің директоры Мехмед Захид Чалышкан және "Жетінші арна" телеарнасының бас директоры Илхам Ибрагимов сөз сөйледі.Іс-шара «Журналистика тоғысында: жасанды интеллекті бар цифрлық медианың пайда болуы» атты панельдік сессиямен жалғасты. Бұл алаңда қазіргі ақпараттық кеңістіктің трансформациясындағы негізгі үрдістер талқыланды. Айта кетерлігі, бағдарламаның бір бөлігі стримингтік платформалар нарығына арналды.Алдағы екі күн ішінде медиаорталық холлында Astana Media Week 2025 контент-маркеті өтеді. Бұл – жаңа форматтар, копродукциялар және халықаралық кооперациялар таныстырылатын алаң. Контент-маркет продакшн-компаниялар, дистрибьюторлар және платформалар арасындағы іскерлік кездесулер өткізуге мүмкіндік береді. Мұнда Қырғызстан, Өзбекстан, Қытай мен Қазақстанның ішкі және сыртқы нарықтарына арналған жаңа идеялар, пилоттық жобалар мен бірлескен өндіріс мүмкіндіктері ұсынылады.Astana Media Week 2025 7 қарашаға дейін жалғасып, еліміздің барлық өңірлерінен мемлекеттік, тәуелсіз және жаңа медиа өкілдері бас қосады. Қатысушылар үшін пленарлық және панельдік талқылаулар, жабық питчинг-сессиялар, сондай-ақ саладағы жетекші сарапшылар өткізетін практикалық мастер-класстар ұйымдастырылады.Медиаапта аясында ең белсенді қатысушыларға арнайы сыйлықтар қарастырылған. Үздік сұрақ қойған авторлар жетекші стримингтік сервис, медиамониторингтік компаниялардың жылдық жазылымына арналған сертификаттар және бас жүлде – Самарқандқа саяхат ұтып алу мүмкіндігіне ие болады.&nbsp;ҚР Мәдениет және ақпарат министрлігінің баспасөз қызметі

Astana Media Week 2025: заманауи журналистиканың жаңа бағыттары

<a href="https://kyzylorda-news.kz/">Kyzylorda-news.kz</a> Бүгін облыс әкімінің бірінші орынбасары Данияр Жаналиновтың төрағалығымен мәжіліс өтті. Оған облыстық мәслихат төрағасы Мұрат Тлеумбетов, қала әкімі Нұржан Ахатов, зиялы қауым өкілдері, қоғам қайраткерлері қатысты.Данияр Еренғалиұлы Президент бастамасымен қолға алынған «Таза Қазақстан» республикалық акциясына белсенді атсалысқан, Мемлекет басшысының жұмыс сапарын жоғары деңгейде ұйымдастыруға үлес қосқан азаматтарға алғысын білдірді.<blockquote>«Өздеріңізге белгілі өткен аптада Мемлекет басшысы Қасым-Жомарт Кемелұлы Сыр өңіріне жұмыс сапарымен келді. Сапар барысында аймақтағы жаңа әлеуметтік, инфрақұрылымдық, өндірістік нысандарда болды. Бірқатар ірі инвестициялық жобаларды жүзеге асыру барысымен танысып, облыс жұртшылығымен кездесті.Атқарылған істерге «Облыс жақсы дамып келе жатыр. Қарқыны жоғары» деп оң баға берді. Бұл – Мемлекет басшысының биік сенімін ақтап, халыққа адал қызмет жасаудың, елдік мұрат жолында білімі мен білігін жұмсаудың, ел үшін аянбай еңбек етудің үлгісін танытқан, барша жерлестерімізді береке-бірлікке ұйытқан аймақ басшысының қыруар жұмысты ұтымды ұйымдастыруының нәтижесі.Мемлекет басшысының жұмыс сапарын жоғары деңгейде ұйымдастыруға қосқан елеулі үлестеріңіз үшін Сіздерге Нұрлыбек Машбекұлының риясыз алғысын жеткіземін. Алдағы уақытта да Қызылорда облысының өсіп-өркендеуіне, халқымыздың әл-ауқатының артуына аянбай еңбек ете бергейсіздер! Егемен еліміздің жарқын болашағы жолындағы қызметтеріңізге биік абырой, Өздеріңізге зор денсаулық, отбасыларыңызға бақ-береке тілеймін!», – деді Д.Жаналинов.</blockquote><img src="https://knadmin.beoblood.kz/uploads/2_Azamattar_a_al_ys_ajtty_942e5dc935.jpg" alt="2Азаматтарға алғыс айтты.jpg"><img src="https://knadmin.beoblood.kz/uploads/3_Azamattar_a_al_ys_ajtty_aa528e1e28.jpg" alt="3Азаматтарға алғыс айтты.jpg"><img src="https://knadmin.beoblood.kz/uploads/Azamattar_a_al_ys_ajtty_ea4a7e3e7d.jpg" alt="Азаматтарға алғыс айтты.jpg">Жиында бірқатар қызметкерлер облыстың Құрмет грамотасымен және облыс әкімінің Алғыс хатымен марапатталды.Облыстық мәслихат төрағасы Мұрат Тлеумбетов, облыстық ардагерлер кеңесінің төрағасы Серік Дүйсенбаев, Қызылорда облысының құрметті азаматы Шакизат Төребаев құттықтау сөз сөйлеп, марапат иелеріне ізгі тілектерін жеткізді.Фото: Қызылорда облысы әкімінің баспасөз қызметі

Азаматтарға алғыс айтты

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің қатысуымен жаһандық инвестициялар жөніндегі VIII қазақстандық дөңгелек үстел (KGIR-2025) өтті.Форумға 50-ден астам елден мыңнан астам қатысушы, атап айтқанда, өнеркәсіп, энергетика, АӨК, қаржы, фармацевтика, консалтинг және басқа да салалардағы халықаралық, отандық компаниялардың басшылығы жиналды.KGIR-2025 алаңында $7,5 млрд-тық 49 құжатқа қол қойылды, оның ішінде $3,8 млрд-тық 13 коммерциялық келісім Премьер-министр Олжас Бектеновтің қатысуымен рәсімделді.<img src="https://knadmin.beoblood.kz/uploads/2_3dd4c2eace.jpg" alt="2.jpg">Жиында аймақ басшысы Нұрлыбек Нәлібаев, ҚР Ауыл шаруашылығы министрлігі және Harvest Agro компаниясымен бірлесіп, өңірде ірі агроиндустриялық кластер құру жөнінде үшжақты негіздемелік келісімге қол қойды.Сонымен қатар, облыс әкімдігі мен Fabe Agro ЖШС арасында ауыл шаруашылығы өнімдерін өндіретін жылыжай кешені инвестициялық жобасын жүзеге асыру жөніндегі ынтымақтастық меморандумы жасалды.Harvest Agro компаниясы 21 мың гектар аумақта техникалық қарасора, жүгері және соя өсіру, қайта өңдеу бағытында агроиндустриялық кластер құруды көздейді. Кешен құрамында жылына 60 мың тонна шикізат өңдейтін май сығу зауыты салынып, 150 адам жұмыспен қамтылмақ.<img src="https://knadmin.beoblood.kz/uploads/4_54d08e354d.jpg" alt="4.jpg">Fabe Agro компаниясы жылына 45 мың тонна өнім өндіретін заманауи жылыжай кешенін салуды жоспарлаған. Кешенге сол жағалаудан 250 гектар жер телімі бөлінген. Жобаның құны 134,5 млрд теңге, іске қосылған соң 1200 адамға тұрақты жұмыс орны ашылмақ.Аталған бастамалар өңірдің агроөнеркәсіптік әлеуетін күшейтіп, жаңа өндірістер мен жұмыс орындарының құрылуына жол ашады.Фото: Қызылорда облысы әкімінің баспасөз қызметі

 Қызылордада жаңа агрокластер құрылып, жылыжай кешені салынады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Сыр еліне жұмыс сапарымен келіп, өңірдің әлеуметтік-экономикалық дамуымен, өндіріс, инфрақұрылым, мәдениет және спорт нысандарымен танысты.Сапар «Қорқыт ата» халықаралық әуежайының жаңа терминалын аралаудан басталды. Мемлекет басшысына өткізу мүмкіндігі жылына 300 мың жолаушыдан 500 мыңға дейін артқан әуе айлағының тіркеу және тексеру аймақтары, шекаралық-кедендік бақылау пункттері, күту залы, сондай-ақ автоматтандырылған жүк беру жүйесі көрсетілді.Өнер орталығында аймақ басшысы Нұрлыбек Нәлібаев Қызылорда облысының әлеуметтік-экономикалық дамуы, инвестициялық жобаларды жүзеге асыру барысы, «Таза Қазақстан» экологиялық бағдарламасы аясында атқарылған жұмыстар, облыс орталығы мен елді мекендерді абаттандыру жөнінде есеп берді.Инвестициялық жобалар таныстырылып, Orient Ceramic KZO компаниясының қыш тақта өндіретін зауыты, Fabe Agro жылыжай кешені, With You қатты тұрмыстық қалдықтарды өңдейтін кәсіпорны, Seven Rivers Technologies компаниясының шыны ыдыстар, Roka Group компаниясымен бірлескен санитарлық-техникалық бұйымдар өндірісі және басқа да жобалар жөнінде баяндалды. Шыны кластерін дамыту, бу-газ қондырғысы, тау-кен байыту фабрикасы, кальцийлендірілген сода өндіру зауыты, тауарлы сүт фермасы жобаларын іске асыру жоспары жайында айтылды.Өткен жылдың наурыз айында ашылған 1000 орындық көпфункционалды Өнер орталығы &nbsp;бүгінде қала сәулетіне ерекше сән берген ғимаратқа айналды. Мұнда симфониялық, эстрадалық және ұлттық өнер бағытындағы концерттік бағдарламалар, шығармашылық кештер, түрлі форматтағы қоғамдық іс-шаралар өткізілуде.Осы орталықта өңір жұртшылығымен кездескен Қасым-Жомарт Тоқаев аймақтың жоғары даму қарқынына тоқталып, алдағы уақытта да ауқымды жұмыс атқарылатынын айтты.Мемлекет басшысы «Сыр жұлдыздары» шығармашылық-инновациялық академиясын, «Қызылорда-нан» цехын, жылу-электр орталығын, 11 мың орындық жаңа стадионды, үстел теннисі орталығын, тарихи-өлкетану музейін көріп шықты.Алдағы жоспарларды уақытылы және сапалы іске асыру, инвестициялық климатты жақсарту және бизнес жүргізу үшін қолайлы жағдай жасау бағытындағы жұмыстарды жалғастыруды тапсырды.Сапардан соң облыс әкімі Нұрлыбек Нәлібаевтың төрағалығымен мәжіліс өтті. Аймақ басшысы Президент сапарын жоғары деңгейде ұйымдастыруға атсалысқан азаматтарға және облыстық басқармалар мен мекемелер қызметкерлеріне алғыс білдірді.<img src="https://knadmin.beoblood.kz/uploads/Oblys_kimi_esep_beru_2_381ac8db35.jpg" alt="Облыс әкімі есеп беру 2.jpg">

Мемлекет басшысы жоспарлы жұмыстарды жалғастыруды тапсырды

<a href="https://kyzylorda-news.kz/">Kyzylorda-news.kz</a><span style="background-color:rgb(255,255,255);color:rgb(0,0,0);font-family:Roboto, -apple-system, &quot;apple color emoji&quot;, BlinkMacSystemFont, &quot;Segoe UI&quot;, Roboto, Oxygen-Sans, Ubuntu, Cantarell, &quot;Helvetica Neue&quot;, sans-serif;"> «Қызылорда-нан» жауапкершілігі шектеулі серіктестігінің нан-тоқаш, кондитерлік және макарон өнімдерін өндіретін кешені биыл қазан айында іске қосылды.&nbsp;<img src="https://knadmin.beoblood.kz/uploads/e68b23bf_405f_4b93_8ce4_161247defb57_3ceba791a4.jpg" alt="e68b23bf-405f-4b93-8ce4-161247defb57.jpg"><span style="background-color:rgb(255,255,255);color:rgb(0,0,0);font-family:Roboto, -apple-system, &quot;apple color emoji&quot;, BlinkMacSystemFont, &quot;Segoe UI&quot;, Roboto, Oxygen-Sans, Ubuntu, Cantarell, &quot;Helvetica Neue&quot;, sans-serif;">Жобаның жалпы құны – 5,6 миллиард теңге. Өндіріс толығымен автоматтандырылған.&nbsp;<img src="https://knadmin.beoblood.kz/uploads/23a27bba_cfdc_4587_82d7_c8ad110649ef_d15b1e3b63.jpg" alt="23a27bba-cfdc-4587-82d7-c8ad110649ef.jpg"><span style="background-color:rgb(255,255,255);color:rgb(0,0,0);font-family:Roboto, -apple-system, &quot;apple color emoji&quot;, BlinkMacSystemFont, &quot;Segoe UI&quot;, Roboto, Oxygen-Sans, Ubuntu, Cantarell, &quot;Helvetica Neue&quot;, sans-serif;">Өнімдердің 30 пайызға жуығы кәсіпорынның жеке сауда желілері арқылы сатылады, ал 70 пайызы қала аумағындағы және маңындағы дүкендерге жеткізіледі.<img src="https://knadmin.beoblood.kz/uploads/fb13a74b_987b_42eb_b95b_e05524edd158_f5f89994cf.jpg" alt="fb13a74b-987b-42eb-b95b-e05524edd158.jpg"><img src="https://knadmin.beoblood.kz/uploads/b826527b_caae_483c_9e80_fd1dc4764a42_74e9453359.jpg" alt="b826527b-caae-483c-9e80-fd1dc4764a42.jpg">&nbsp;<span style="background-color:rgb(255,255,255);color:rgb(0,0,0);font-family:Roboto, -apple-system, &quot;apple color emoji&quot;, BlinkMacSystemFont, &quot;Segoe UI&quot;, Roboto, Oxygen-Sans, Ubuntu, Cantarell, &quot;Helvetica Neue&quot;, sans-serif;">&nbsp;<a href="https://t.me/aqorda_resmi">t.me/aqorda_resmi</a>

Мемлекет басшысы «Қызылорда-нан» цехына барды

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев балалар мен жасөспірімдерге арналған «Сыр жұлдыздары» шығармашылық-инновациялық академиясына барды.Бұл нысан биыл мамыр айында пайдалануға берілген. Мемлекет басшысына академия қызметі өңір жастарының зияткерлік және шығармашылық әлеуетін дамытуға бағытталғаны жөнінде баяндалды.Кешенде бассейн, спорт түрлеріне арналған жаттығу залдары, шығармашылық студиялар мен зертханалар бар.<img src="https://knadmin.beoblood.kz/uploads/ad88e51c_ac43_4435_bc94_613a0cf30fe2_3b9ae824a0.jpg" alt="ad88e51c-ac43-4435-bc94-613a0cf30fe2.jpg">Әкімдіктің мәліметіне сәйкес, Қызылорда облысында қосымша білім беру жүйесін дамыту аясында 2022 жылдан бастап Жаңақорған, Жалағаш және Шиелі аудандарында Оқушылар үйі мен Шығармашылық мектептері бой көтерген.Былтыр облыс орталығында заманауи Оқушылар сарайы ашылды. Бұдан бөлек, Қызылордада Кәсіптік білім беру және жұмысшы мамандықтары бойынша құзыреттілік орталығының құрылысы басталды. Бүгінде Президент саябағында уақыт талабына сай балалар сауықтыру лагері мен қысқы бақ салынып жатыр.<img src="https://knadmin.beoblood.kz/uploads/c6f991a4_018d_4c3b_9b97_f3992160ecde_778788013d.jpg" alt="c6f991a4-018d-4c3b-9b97-f3992160ecde.jpg"><img src="https://knadmin.beoblood.kz/uploads/9cb8b3f1_4c22_49a6_af85_51e79071c521_3eff484b7a.jpg" alt="9cb8b3f1-4c22-49a6-af85-51e79071c521.jpg"><img src="https://knadmin.beoblood.kz/uploads/Syr_zh_ldyzdary_2_877e664df0.jpg" alt="Сыр жұлдыздары 2.jpg"><img src="https://knadmin.beoblood.kz/uploads/Syr_zh_ldyzdary_4_82e6c9e188.jpg" alt="Сыр жұлдыздары 4.jpg"><img src="https://knadmin.beoblood.kz/uploads/Syr_zh_ldyzdary_3_a6f318702c.jpg" alt="Сыр жұлдыздары 3.jpg">

Қазақстан және Қызылорда облысының жаңалықтары: Басты жаңалықтар old