<a href="https://kyzylorda-news.kz/">Kyzylorda-news.kz</a> Үкімет отырысынан кейін облыс әкімінің төрағалығымен өткен мәжілісте «Газ саласын дамыту» мәселесі қаралды. Аталған жиыннан кейін аудан әкімі Ғалымжан Жарқынбектің төрағалығымен аппараттық мәжіліс өткізіліп, аталған бағыттағы жұмыстар пысықталды.Мәжілісте аудан басшысы қазіргі таңда құрылысы жүргізіліп жатқан Сунақата, Екпінді, Еңбек, Қожамберді, Сүттіқұдық елді мекендеріндегі жоғары қысымды газ құбырын тарту жобасының құрылыс жұмыстарын белгіленген мерзімде әрі сапалы орындауды қатаң бақылауға алуды тапсырды. Сонымен қатар газдандыру бағытында жоғары тұрған бюджеттерге ұсынылған жобалардың қаржыландырылуын қамтамасыз ету бойынша тиісті жұмыстарды жеделдету міндетін жүктеді.Күн тәртібінен тыс елді мекендердің санитарлық тазалығы мен абаттандыру жұмыстарының жай-күйі де қаралды. &nbsp;4–5 шілде күндері жүргізілген зерделеу жұмыстарының қорытындысы қаралып, анықталған кемшіліктерді бір апта ішінде толық жою тапсырылды.Жиын қорытындысында жауапты мекеме басшыларына аталған мәселелер бойынша нақты тапсырмалар беріліп, олардың орындалуы тұрақты бақылауда болатыны ескертілді.<img src="https://knadmin.beoblood.kz/uploads/Gaz_salasy_Zha_a_or_an_2_875985fb10.jpg" alt="Газ саласы Жаңақорған 2.jpg">

Газ саласын дамыту және санитарлық тазалық мәселелерін саралады

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков тиісті сала басшыларымен бірге Мемлекет басшысының бастамасымен жүзеге асып жатқан “Таза Қазақстан” экологиялық акциясы аясында Шиелі ауданындағы абаттандыру және көгалдандыру жұмыстарының барысын аралап, атқарылып жатқан жұмыстарды жан-жақты саралады.Аралау барысында кент аумағындағы орталық көшелердің тазалығы, санитарлық жағдайы, кәсіпкерлік нысандардың сыртқы келбеті, гүлзарлар мен демалыс орындарын күтіп ұстау, сондай-ақ ирригациялық және аяқ су жүйелерінің жай-күйі назарға алынды. Сонымен қатар, жол бойындағы ретсіз қоқыс орындарын жою, көше бойларын біріздендіру және қоғамдық орындардың эстетикалық келбетін жақсарту бағытындағы жұмыстар пысықталды.<img src="https://knadmin.beoblood.kz/uploads/Shieli_abattandyru_zh_mystary_2_010a32d4c6.jpg" alt="Шиелі абаттандыру жұмыстары 2.jpg">Аудан әкімі көркейту-көгалдандыру жұмыстарының сапалы әрі белгіленген мерзімде орындалуы маңызды екенін атап өтіп, жауапты сала басшыларына нақты тапсырмалар жүктеді. Әсіресе, тазалық жұмыстарын жүйелі түрде жүргізу, тұрғындардың экологиялық мәдениетін қалыптастыру бағытындағы жұмыстарды күшейту қажеттігін айтты.Сондай-ақ, аудан басшысы Айтбай Жандарбеков тазалық пен тәртіп - баршаға ортақ міндет екенін атап өтіп, тұрғындарды туған жердің тазалығына бейжай қарамай, қоршаған ортаны қорғау мен елді мекеннің көркеюіне бір кісідей атсалысуға шақырды.<img src="https://knadmin.beoblood.kz/uploads/Shieli_abattandyru_zh_mystary_815e407a86.jpg" alt="Шиелі абаттандыру жұмыстары.jpg">

Абаттандыру мен тазалық жұмыстары жүйелі жалғасуда

<a href="https://kyzylorda-news.kz/">Kyzylorda-news.kz</a> 1992 жылғы 8 шілдеде Қарулы Күштер Бас штабының Әскери-медициналық басқармасы құрылды. Бұл күн тәуелсіз Қазақстанның әскери медицина жүйесінің қалыптасуы мен дамуының бастауына айналды.Бүгінде әскери-медициналық қызмет мамандары әскерлердің жауынгерлік даярлығын, оқу-жаттығуларды, жұмылдыру жиындарын және Қарулы Күштердің басқа да іс-шараларын медициналық қамтамасыз етеді, сондай-ақ елімізден тыс жерлерде де өз міндеттерін абыроймен атқаруда. Қазақстандық бітімгерлік контингент құрамында Голан жоталарында әскери дәрігерлер әскери қызметшілерге, қажет болған жағдайда жергілікті тұрғындарға да медициналық көмек көрсетіп келеді.Бүгінде әскери медицина жыл санап дамып келеді. Оның құрамына сегіз әскери госпиталь, төрт лазарет, Орталық әскери-дәрігерлік комиссия, санитариялық-эпидемиологиялық бөлімшелер және медициналық білім беру ұйымдары кіреді.Әскери медицина инфрақұрылымын жандандыруға да бүгінгі күні баса мән берілген. 2024 жылы Ақмола облысының Щучинск қаласында Қорғаныс министрлігінің Бас әскери клиникалық госпиталі базасында ауыр сырқаттар мен жарақаттардан кейін әскери қызметшілерді оңалтуға арналған бөлімше ашылды. Астана мен Алматы қалаларындағы әскери госпитальдарды реконструкциялау және техникалық жаңғырту жұмыстары жалғасуда, Семей қаласындағы әскери госпитальға күрделі жөндеу жүргізу аяқталуға жақын. Сонымен қатар Ақтау қаласында әскери теңізшілерге арналған госпиталь ашу және Алматы қаласында Әскери медицина академиясын құру бағытындағы жұмыстар жүргізілуде.Әскери-медициналық мекемелердің материалдық-техникалық базасын нығайтуға ерекше көңіл бөлінеді. Соңғы жылдары олар заманауи диагностикалық және хирургиялық жабдықтармен, оның ішінде компьютерлік томографтармен, цифрлық рентгенологиялық кешендермен, ультрадыбыстық диагностика аппараттарымен және эндоскопиялық жүйелермен жабдықталуда.Білікті кадрлар даярлау басым бағыттардың бірі болып қала береді. Әскери дәрігерлер еліміздің жетекші медициналық жоғары оқу орындарымен бірлесіп даярланады. Қазіргі уақытта әскери-медициналық мамандықтар бойынша 130-дан астам курсант пен әскери интерн білім алуда. Болашақ әскери дәрігерлер шетелдік оқу орындарында да білім алады. Жыл сайын шамамен 1300 маман біліктілікті арттыру курстарынан өтіп, тактикалық медицина бағдарламалары бойынша оқытылады.Жыл сайын әскери-медициналық мекемелерде мыңдаған әскери қызметші стационарлық ем алады. Тәжірибелі әскери дәрігерлер жоғары білікті медициналық көмек көрсетіп, күрделі хирургиялық операциялар да жасайды.Әскери дәрігердің еңбегі көп жағдайда көзге көріне бермейді. Дегенмен әскери қызметшілердің денсаулығы, адам өмірін сақтау және Қарулы Күштердің жоғары жауынгерлік әзірлігін қамтамасыз ету олардың кәсібилігіне, жауапкершілігіне және кез келген сәтте көмек көрсетуге дайындығына тікелей байланысты.Сурет: Ұлттық ұлан

8 шілде – Қазақстан Республикасы Қарулы Күштерінің әскери медицина күні

ҚР Премьер-министрі Олжас Бектеновтің төрағалығымен өткен Үкімет отырысында су ресурстарын басқару мәселелері қаралды. Оған облыс әкімі Мұрат Ергешбаев селекторлық режим арқылы қатысты. Үкімет отырысынан кейінгі мәжілісте су ресурстарын басқаруға қатысты жауапты тұлғаларға тапсырмалар жүктелді.«Су алу науқанында су шаруашылығы нысандары жұмысының &nbsp;тұрақтылығын, жоспарға сәйкес ұйымдастырылуын қатаң бақылауға алыңыздар. Сырдария суын егістікке ысырапсыз пайдаланып, Кіші Аралға жіберілетін көлемді жеткізу қажет. Одан бөлек, көлдер жүйесі мен шабындық, жайылымдарды суландыруға ерекше назар аудару керек. Бұл аймақтағы экологиялық жағдайды тұрақтандыруға септігін тигізеді. Биыл су жеткізу қызметінде биллингтік жүйе ресми түрде іске қосылып, су тұтынушылармен электрондық келісімшарт жасау толық аяқталды. Қолданыстағы қағидаларға сәйкес, шаруашылықтар әр айдың 25-іне дейін су жеткізу қызметі үшін төлем жүргізуі тиіс», – деді Мұрат Нәлқожаұлы.Айта кетейік, &nbsp;су саласын дамытудың 2024-2028 жылдарға арналған өңірлік кешенді жоспарына 112 жоба енгізілген. Су ресурстарын тиімді пайдаланудың жүйелі шараларына 10 млрд. теңгеге жуық қаржы бөлінді.Өткен жылы су үнемдеу технологияларын пайдалана отырып, 8,1 мың гектар жерге ауыл шаруашылығы дақылдары егілсе, биыл бұл көрсеткіш 14,2 мың гектарға жеткізілді. Су шығынын азайту үшін 65 мың гектар күріш алқаптары лазерьмен тегістелді. Осыған сәйкес бірінші кезекте 75 нысанның су қорғау жобалық құжаттамасын әзірлеу жоспарлануда.

Су ресурстарын басқару мәселелері қаралды 

<a href="https://kyzylorda-news.kz/">Kyzylorda-news.kz</a> «Әділет» партиясының Іскерлік кеңесі алаңында мемлекеттік органдардың, ұлттық компаниялардың және сарапшылар қоғамдастығының өкілдері мұнай-газ саласын дамыту, инвестиция тарту, геологиялық барлау жұмысын жүргізу және жаңа өндіріс орындарын ашу мәселелерін талқылады.Партия Төрағасы Айбек Дәдебай атап өткендей, Қазақстанның жаңа инвестициялық кезеңге қадам басуы мұнай-газ саласын дамытуға қатысты тың тәсілдерді талап етеді. Оның айтуынша, бүгінде басымдық тек табиғи ресурстарды өндіруге ғана емес, сонымен қатар технологияларды, адами капиталды және қосылатын құны жоғары өндіріс орындарын дамыту ісіне берілуге тиіс. &nbsp;<blockquote>«Экономикалық саясат өндіріс көлемін ұлғайтуға ғана емес, ел ішінде жаңа құндылық қалыптастыруға бағытталуы қажет. Бұл – заманауи өндірістерді дамыту, жаңа технологияларды игеру, қазақстандық кәсіпорындардың әлеуетін нығайту және азаматтарға тың мүмкіндіктер ұсыну», – деді Айбек Дәдебай.</blockquote>Кездесу барысындағы негізгі тақырыптардың бірі – геологиялық барлау жұмысы. KAZENERGY Қауымдастығының Төрағасы Болат Ақшолақов бұл бағытты одан әрі дамыту үшін инвестиция тартудың тиімді тетіктерін қалыптастырып, салалық реттеуді жетілдіру қажет екенін атап өтті. &nbsp;«Силлено» компаниясының бас директоры Мұхтар Авутбаев мұнай-газ химиясын дамытуға бағытталған нақты жобаларды таныстырды. Оның айтуынша, бүгінде құрылыс жұмысы жүріп жатқан полиэтилен өндіретін зауыт пайдалануға берілгеннен кейін жылына 1,25 миллион тонна өнім өндіріп, мыңнан астам тұрақты жұмыс орнын ашуға және сабақтас салаларда қосымша жұмыспен қамтуға мүмкіндік береді. Сондай-ақ ол аталған жобаны жүзеге асыруға бүгінде 34 қазақстандық компания қатысып жатқанын мәлімдеді.Талқылау барысында тәуелсіз мұнай өндіру секторына да назар аударылды. PetroMining Қауымдастығының Төрағасы Саятбек Боранбеков қауымдастық құрамындағы компаниялар Қазақстандағы мұнай өндірісі көлемінің 20%-дан астамын қамтамасыз етіп отырғанын атап өтті. Оның айтуынша, саланы одан әрі дамыту үшін баға қалыптастырудың ашық әрі экономикалық тұрғыда негізделген тетіктерін қалыптастыру қажет.<blockquote>«Осы алаңда сала өкілдері жүйелі мәселелерді ашық талқылай алатыны қуантады. Біздің ойымызша, ашық баға индикаторларын қалыптастыру қадамы саланың инвестициялық тартымдылығын арттыруға және жаңа кен орындарын игеруге қолайлы экономикалық жағдай жасайды», – деді Саятбек Боранбеков. &nbsp;</blockquote>Қатысушылар мұнай сервистік қызметтерін, мұнай-газ машина жасау ісін дамыту, ресурстық базаны кеңейту және отандық кәсіпорындардың бәсекеге қабілетін арттыру барысына да ерекше назар аударды. Партия Төрағасы Айбек Дәдебайдың айтуынша, бұл бағыттарды дамыту қадамы заманауи индустриялық экономиканы қалыптастыру ісінің маңызды құрамдас бөлігі саналады.<blockquote>«Қазақстанның басты байлығы – табиғи ресурстарды тиімді игеріп, оны мемлекет дамуына қажет жаңа мүмкіндіктерге айналдыра алатын адамдар. Егер инженерлерге, кәсіпкерлерге және өндірушілерге қажетті жағдай жасалса, Қазақстан табиғи ресурстарымен ғана емес, өз технологияларымен, өндірісімен және қуатты отандық компанияларымен де танылады», – деді ол.</blockquote>Талқылау жұмысын қорытындылай келе партия Төрағасы мұндай сарапшылар алаңы мұнай-газ саласын дамытуға қатысты ортақ ұсыныстар әзірлеуге және оны одан әрі дамыту ісінің басым бағыттарын айқындауға мүмкіндік беретінін атап өтті.

Мұнай-газ саласын дамыту мәселесі талқыланды

<a href="https://kyzylorda-news.kz/">Kyzylorda-news.kz</a> «Әділет» партиясында «Қуатты өңірлер – қуатты ел» атты стратегиялық сессия өтті. Онда сарапшылар, мемлекеттік органдар мен бизнес қауымдастығының өкілдері Қазақстан өңірлерін дамытуға қатысты ұсыныстарды талқылады.Жиынның негізгі тақырыптары аймақтар арасындағы айырмашылықты азайту, инвестиция тарту, тұрғын үй-коммуналдық шаруашылығын жаңғырту, сондай-ақ ауылдық аумақтарды дамыту, экология және энергетика мәселелеріне арналды.Сессия барысында сөз сөйлеген «Әділет» партиясы Саяси кеңесі бюросының мүшесі Рауан Кенжеханұлы өңірлік даму мәселелерін бүгінде тек экономикалық көрсеткіштер арқылы ғана емес, қабылданған шешімдердің халықтың күнделікті тұрмысына қаншалықты оң әсер етіп отырғаны тұрғысынан да бағалау қажет екенін атап өтті. &nbsp;&nbsp;«Өңірлердің дамуын тартылған инвестиция көлемімен немесе жүзеге асқан жобалар санымен ғана емес, әрбір қала, аудан мен ауылдағы тұрғындардың өмір сүру сапасының нақты жақсаруымен бағалау маңызды», - деді ол. &nbsp;&nbsp;Ұлттық экономика вице-министрі Асан Дарбаев өңірлердің дамуындағы теңсіздікті қысқартуға бағытталған мемлекеттік саясаттың негізгі бағыттарына тоқталды. Оның айтуынша, 2025 жылдың қорытындысы бойынша Өңірлік стандарттар жүйесі аясында елді мекендердің инфрақұрылымдық нысандармен және қызметтермен қамтылу деңгейі 68 пайызға жеткен.&nbsp;Дегенмен қала мен ауыл арасындағы айырмашылық әлі де байқалады. Бұл инфрақұрылымды одан әрі дамытып, базалық қызметтерді алу мүмкіндігін кеңейтуді талап етеді. &nbsp;Пікірталас барысында қатысушылар өңірлердің тең дәрежеде дамуына ықпал ететін қосымша тетіктерді талқылады. Ulagat Consulting Group директоры Марат Қайырленов өңірлерге инвестиция тартуға қолайлы жағдай қалыптастырудың маңыздылығына тоқталды. Ал Қарағанды облысы басқарушы және сервистік компаниялар қауымдастығының төрайымы Ирина Юртанова тұрғын үй қорын басқару жүйесін жетілдіру және инженерлік инфрақұрылымды дамыту жөніндегі ұсыныстарын ортаға салды. &nbsp;Басқосу барысында ауылдық аумақтарды дамыту, агроөнеркәсіп кешенін қолдау, сондай-ақ экология мен энергетика саласындағы өзекті мәселелерге де ерекше назар аударылды.Жиынды қорытындылаған Рауан Кенжеханұлы мемлекеттік өңірлік саясаттың басты өлшемі оның нақты нәтижесі болуы тиіс екенін атап өтті.&nbsp;Сессияға қатысушылар түскен ұсыныстарды жинақтап, оларды өңірлік саясатты жетілдіру мәселелерін талқылау барысында қарастыру туралы келісімге келді.&nbsp;

«Әділет» партиясында қала мен ауыл арасындағы алшақтықты азайту жолдары талқыланды

<blockquote><a href="https://kyzylorda-news.kz/">Kyzylorda-news.kz</a> Кенеттен болатын жүрек өлімінің алдын алуға мүмкіндік беретін заманауи жоғары технологиялық оталардың бірі – кардиовертер-дефибрилляторды имплантациялау. Жыл басынан бері көп бейінді облыстық аурухананың кардиологиялық орталығында міндетті әлеуметтік медициналық сақтандыру жүйесі аясында жүрек ырғағының ауыр бұзылыстары бар пациенттерге осындай 25 ота жасалды.</blockquote>Жалағаш ауданының 72 жастағы тұрғыны Күлшары Спандиярова бірнеше ай бойы ентігу мен ауа жетіспеушілігін сезініп жүрген. Алайда бұл белгілердің себебі өмірге қауіп төндіретін жүрек ырғағының бұзылуы екенін білмеген. Тексеру нәтижесінде оған кардиовертер-дефибрилляторды имплантациялау ұсынылды. Ота сәтті өтіп, бүгінде жүрек соғысы қалыпты жұмыс істеп тұр.<blockquote>«Маған екінші өмір сыйлаған дәрігерлерге алғысымды білдіремін. Жүректің тоқтап қалғандай сезімі, бас айналу мен әлсіздік енді жоқ. Мұндай ота алғаш рет жасалды. Осындай қымбат емді МӘМС аясында тегін алып, денсаулығымды сақтауға мүмкіндік бергені үшін алғыс айтамын», – дейді Күлшары Спандиярова.</blockquote>Кардиовертер-дефибриллятор - тері астына орнатылатын шағын құрылғы. Ол тәулік бойы жүрек ырғағын үздіксіз бақылап отырады. Өмірге қауіп төндіретін аритмия анықталған жағдайда құрылғы оны бірден танып, автоматты түрде электрлік импульс немесе разряд беріп, жүрек ырғағын қалыпқа келтіреді және кенеттен болатын жүрек өлімінің алдын алады.<blockquote>«Жүрек соғу жиілігі қауіпті деңгейге дейін жиілеген жағдайда құрылғы бір немесе бірнеше электрлік импульс беріп, аритмияны тоқтатып, жүректің қалыпты ырғағын қалпына келтіреді. Кардиовертер-дефибриллятордың қызмет ету мерзімі шамамен 10 жылды құрайды, ал оның құны шамамен 10 миллион теңге. МӘМС жүйесінің арқасында пациенттер бұл жоғары технологиялық медициналық көмекті тегін алады», – деді кардиолог Тілек Жамбыл.</blockquote><img src="https://knadmin.beoblood.kz/uploads/photo_5345827244103900567_y_0521d11805.jpg" alt="photo_5345827244103900567_y.jpg">

МӘМС аясында аритмиясы бар пациенттерге жоғары технологиялық медициналық көмек көрсетіледі

<a href="https://kyzylorda-news.kz/">Kyzylorda-news.kz</a> Қармақшы ауданы әкімінің тапсырмасына сәйкес, Руханият орталығында бұқаралық ақпарат құралдары өкілдерінің қатысуымен кезекті баспасөз брифингі ұйымдастырылды.Жиында Иіркөл ауылдық округінің әкімі Төлегенов Жағыпар Асанұлы, Ақтөбе ауылдық округінің әкімі Қанат Әбдіғаппарұлы, Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Қармақшы аудандық аумақтық инспекциясының басшысы Сәндібеков Тәуекел Қайырбекұлы, «Сыр суы» филиалының «Октябрь топтық су құбыры» өндірістік бөлімшесінің басшысы Қаршыға Әділет және «QazaqGazAimaq» АҚ Жосалы газ шаруашылығы мекемесінің басшысы Мұсаев Ержан Темірбекұлы есепті кезеңде атқарылған жұмыстар мен алдағы жоспарлар туралы баяндама жасады.Брифинг барысында бұқаралық ақпарат құралдары өкілдерінің сауалдарына толыққанды жауаптар беріліп, көтерілген мәселелер бойынша тиісті түсіндірмелер ұсынылды. Сонымен қатар, халықты сапалы коммуналдық қызметтермен қамтамасыз ету, ауылдық елді мекендердің инженерлік инфрақұрылымын дамыту, агроөнеркәсіптік кешендегі мемлекеттік бақылауды күшейту және тұрғындармен тиімді кері байланысты қамтамасыз ету бағытындағы жұмыстардың алдағы уақытта да жүйелі түрде жалғасатыны атап өтілді.<img src="https://knadmin.beoblood.kz/uploads/arma_shy_audany_baspas_z_brifingi_2_484956ded7.jpg" alt="Қармақшы ауданы баспасөз брифингі 2.jpg">

Атқарылған жұмыстар мен алдағы жоспарлар туралы баяндады

<a href="https://kyzylorda-news.kz/">Kyzylorda-news.kz</a> 2026 жылғы 23 тамызда Қазақстан Республикасы Құрылтайының депутаттарын сайлау өтеді. Сайлаушылардыңтізімдерінтұрғылықты жері бойынша тиісті жергілікті атқарушы орган жасайды.Сайлаушылар тізімдеріне дауыс беру күніне он сегiз жасқа толған, белсенді сайлау құқығына ие және тұрғылықты жері бойынша тиісті сайлау учаскелерінің аумағында тіркелген Қазақстан Республикасының азаматтары енгізіледі.Уақытша тіркелген азаматтар сайлаушылар тізімдеріне жергілікті атқарушы органғаберген олардың өтініші негізінде дауыс беру күніне дейін отыз күннен кешіктірмей немесе 2026 жылғы 23 шілдеге дейін енгізіледі.Әкімдік азаматты дауыс беретін сайлау учаскесінің сайлаушылар тізіміне енгізуді және оны тіркелген жері бойынша сайлаушылар тізімінен шығаруды ұйымдастырады.Азамат тек бір ғана сайлаушылар тізіміне енгізілеалады. 2026 жылғы 7 тамыздан бастап сайлаушыларғатиісті әкімдіктің интернет-ресурсы немесе байланыс орталығы арқылынақты сайлау учаскесіндегісайлаушылар тізіміндеөзі туралы деректерді тексеру мүмкіндігі беріледі.Сайлаушыларға қолайлы болуы үшін электрондық сервистер арқылы сайлау учаскесі туралы хабарландыру ұйымдастырылады.Жаңару үшін дауыс бер!<img src="https://knadmin.beoblood.kz/uploads/Whats_App_Image_2026_07_08_at_10_11_45_086341f554.jpeg" alt="Сайлау-2026.jpeg">Қазақстан РеспубликасыныңОрталық сайлау комиссиясыФото: ЦИК РК

Сайлау-2026: Сайлаушыларға кандидаттар тізімін жасақтау тәртібі туралы ақпарат берілді

<a href="https://kyzylorda-news.kz/">Kyzylorda-news.kz</a> Қармақшы ауданы әкімінің тапсырмасына сәйкес, Руханият орталығында аудан әкімінің орынбасары Молдабаев Диас Асылбекұлының қатысуымен «Конституция – жастар әлеуетін дамытудың кепілі» тақырыбында аудан жастарымен кездесу өтті.Кездесу барысында 2026 жылғы 1 шілдеден бастап заңды күшіне енген Қазақстан Республикасының жаңа Конституциясының тарихи маңызы мен қоғам өміріндегі рөлі кеңінен түсіндірілді. Сондай-ақ конституциялық реформалардың негізгі бағыттары, адам құқықтары мен бостандықтарын қорғауды күшейту, мемлекеттік басқару жүйесін жетілдіру және азаматтардың мемлекет ісін басқаруға қатысу мүмкіндіктерін кеңейтуге бағытталған өзгерістер туралы айтылды.<img src="https://knadmin.beoblood.kz/uploads/arma_shy_audany_zhastarmen_kezdesu_95c53f9f1d.jpg" alt="Қармақшы ауданы жастармен кездесу.jpg">Сонымен қатар жастар саясатына қатысты жаңа Конституцияның басымдықтарына ерекше назар аударылып, жастардың құқықтары мен заңды мүдделерін қорғау, олардың білім алуына, еңбек етуіне, қоғамдық бастамаларға белсенді қатысуына және еріктілік қызметін дамытуға жасалып отырған мүмкіндіктер жөнінде түсіндіру жұмыстары жүргізілді. Жастардың құқықтық мәдениетін қалыптастыру, азаматтық жауапкершілігін арттыру және қоғамдық-саяси үдерістерге белсенді қатысуының маңыздылығы кеңінен талқыланды.Кездесу ашық диалог форматында өтіп, жастар өздерін толғандырған сұрақтарын қойып, оларға жан-жақты жауаптар алды. Сонымен қатар, қатысушылар ұсыныс-пікірлерімен бөлісіп, жастар саясатын одан әрі жетілдіруге қатысты өз ойларын ортаға салды. Іс-шара соңында қатысушыларға Қазақстан Республикасының жаңа Конституциясы кітаптары сыйға тартылды.&nbsp;<img src="https://knadmin.beoblood.kz/uploads/arma_shy_audany_zhastarmen_kezdesu_2_b85d0b9e35.jpg" alt="Қармақшы ауданы жастармен кездесу 2.jpg">

«Конституция – жастар әлеуетін дамытудың кепілі» тақырыбында жастармен кездесу өтті

<a href="https://kyzylorda-news.kz/">Kyzylorda-news.kz</a> Қазалы ауданында халықтың тұрмыс сапасын арттыруға бағытталған ірі инфрақұрылымдық жобалардың бірі елді мекендерді табиғи газбен қамту жұмыстары кезең-кезеңімен жүзеге асырылып келеді. Биыл аудан үшін маңызды жобалардың бірі мәресіне жетіп, қазан айында төрт ауыл көгілдір отынға қосылады деп жоспарлануда. Бұл туралы өңірлік коммуникациялар қызметінің ақпарат алаңында Қазалы ауданының әкімі Алмасбек Есмаханов мәлімдеді.&nbsp;Спикердің айтуынша былтыр Ақтан батыр, Жанқожа батыр, Бекарыстан би, Майдакөл және Түктібаев ауылдарына газ жеткізетін сыртқы газ құбырларының құрылысы толық аяқталды. Жалпы құны 3 млрд 733,5 млн теңгені құраған бұл жоба ауыл тұрғындарын табиғи газбен қамтудағы маңызды кезең болды.<blockquote>«Ал биыл республикалық бюджеттен бөлінген 680 млн теңге қаржы есебінен Жанқожа батыр, Бекарыстан би, Майдакөл және Түктібаев ауылдарында орамішілік газ желілерінің құрылысы қарқынды жүргізілуде. Атап айтқанда, Жанқожа батыр, Бекарыстан би, Майдакөл, Түктібаев ауылдарына тиісті қаржысы бөлінді. Облыс әкімінің тапсырмасына сәйкес, құрылыс жұмыстары белгіленген мерзімде аяқталып, қазан айында аталған төрт ауыл көгілдір отынға қосылады деп жоспарланып отыр. Қазіргі таңда Қазалы ауданында халықты табиғи газбен қамту деңгейі 77,6 пайызды құрайды. Жоспарланған төрт ауыл толықтай газ желісіне қосылғаннан кейін бұл көрсеткіш 86,3 пайызға дейін өседі. Демек, мыңдаған тұрғынның тұрмыс сапасы жақсарып, экологиялық таза әрі үнемді отынға қол жеткізу мүмкіндігі артады», - деді Алмасбек Әбілқасымұлы.&nbsp;</blockquote><img src="https://knadmin.beoblood.kz/uploads/azaly_gazdandyru_zh_mystary_e470dd43c1.jpg" alt="Қазалы газдандыру жұмыстары.jpg">Газдандыру жұмыстары мұнымен шектелмейді. Жалпы құны 4,5 млрд теңгені құрайтын Жанкент, Бірлік, Қожабақы және Аранды ауылдарына магистральдық газ желілерін жеткізу жобалары бойынша жобалық-сметалық құжаттар әзірленіп, мемлекеттік сараптаманың оң қорытындысы алынған.Сонымен қатар Майлыбас ауылдық округіне қарасты Ақсуат ауылында автоматтандырылған газ тарату стансасын салу жобасы әзірленді. Бұдан бөлек, Ақсуат пен Байқожа ауылдарына орамішілік газ желілерін жүргізуге арналған жобалық-сметалық құжаттар дайындалды. Алдағы уақытта бұл жобаларды іске асыру арқылы ауданның газдандыру деңгейін одан әрі арттыру көзделіп отыр.Қазалы ауданының басты сәулет нысандарының бірі саналатын, ғасырдан астам тарихы бар теміржол вокзалы жаңа келбетке ие болды. Күрделі жөндеуден өткен тарихи ғимарат бүгінде жолаушыларға заманауи талаптарға сай қызмет көрсететін, өңірдің көлік инфрақұрылымындағы маңызды нысанға айналып отыр. Жуырда қайта жаңғыртылған Қазалы теміржол вокзалы салтанатты түрде пайдалануға берілді.<blockquote>«Биылғы жылы теміржол саласында жүзеге асқан ауқымды жобалардың бірі вокзалдың күрделі жөндеуі болды. 125 жылдық тарихы бар ғимаратты қайта жаңғырту жұмыстарына «Қазақстан Темір жолы» компаниясы тарапынан қаржы бөлінді. Жөндеу барысында вокзалдың тарихи келбеті сақтала отырып, инженерлік жүйелері толық жаңартылып, жолаушыларға қолайлы жағдай жасалды. Күту залдары, қызмет көрсету орындары, кіреберіс аумағы және ішкі инфрақұрылымы заман талабына сай қайта жабдықталды. Бұл жұмыстар өткен жылдың басында пайдалануға берілген тағы бір маңызды инфрақұрылымдық жобаның заңды жалғасы болды. Атап айтқанда, «Қазақстан Темір жолы» ұлттық компаниясының қаржыландыруымен жалпы құны 1,3 млрд теңгені құраған теміржол үстінен өтетін жаңа жаяу жүргіншілер көпірі салынды. Қаңтар айында ел игілігіне берілген аспалы көпір тұрғындар мен жолаушылардың қауіпсіз қозғалысын қамтамасыз етіп, теміржол маңындағы көлік және жаяу жүргіншілер қатынасын едәуір жеңілдетті. Сонымен қатар вокзал маңын абаттандыруға жергілікті бюджеттен қаржы бөлініп, аумақ толықтай жаңартылды. Жаяу жүргіншілер жолдары төселіп, жарықтандыру жүйелері жаңғыртылды, көгалдандыру және көріктендіру жұмыстары жүргізілді. Соның нәтижесінде вокзал маңы тұрғындар мен жолаушылар үшін қолайлы әрі көркем қоғамдық кеңістікке айналды», - деді аудан әкімі.</blockquote><img src="https://knadmin.beoblood.kz/uploads/azaly_temirzhol_vokzaly_2_aa5cd69dd5.jpg" alt="Қазалы теміржол вокзалы 2.jpg">Қазалы ауданында әлеуметтік-экономикалық даму қарқыны тұрақты сақталып келеді. Биылғы жылдың алғашқы жартыжылдығында ауданның негізгі салаларында оң өсім қалыптасып, бірқатар маңызды жобалар жүзеге асырылуда.Алты айдың қорытындысында өнеркәсіп, өңдеу өнеркәсібі, сауда, ауыл шаруашылығы, инвестиция тарту, құрылыс және тұрғын үй салаларында өсім байқалды. Сонымен қатар ауданның өз кірістері жоспардан жоғары орындалып, жергілікті бюджеттің тұрақтылығы қамтамасыз етілді.<blockquote>"Инвестициялық жобалар да аудан экономикасына серпін беруде. Соның ішінде Басықара ауылындағы тауарлы балық өсіру тоғанының құрылысы өңірдің балық шаруашылығын дамытуға бағытталған ірі жобалардың бірі саналады. Жоба толық іске қосылғаннан кейін ішкі нарықты сапалы өніммен қамтамасыз етуге өз үлесін қоспақ. Ауыл тұрғындарының әл-ауқатын арттыруда «Ауыл аманаты» бағдарламасының да маңызы зор. Бағдарлама аясында көптеген тұрғын өз кәсібін бастап, жаңа жұмыс орындары ашылуда. Биыл да бұл бағыттағы жұмыстар жалғасып, ауыл кәсіпкерлеріне қолдау көрсетілуде", - деді аудан әкімі.</blockquote><img src="https://knadmin.beoblood.kz/uploads/azaly_k_sipkerlik_39efe81602.jpg" alt="Қазалы кәсіпкерлік.jpg">Қазалы бүгінде кәсіпкерлік әлеуеті жоғары аудандардың біріне айналып отыр. Ауданда шағын және орта бизнес субъектілерінің саны артып, жаңа кәсіпкерлік нысандары ашылуда. Жеңілдетілген несиелер мен мемлекеттік қолдау тетіктерінің арқасында өндіріс пен қызмет көрсету салаларында жаңа жобалар іске қосылып, тұрғындар тұрақты жұмыспен қамтылуда.<blockquote>"Қазалы ауданы дәстүрлі түрде ауыл шаруашылығына бейім өңір ретінде егін шаруашылығын әртараптандыруға басымдық беріп келеді. Биыл диқандар дәнді, майлы, көкөніс, бақша және мал азықтық дақылдарды егіп, су тапшылығы жағдайында су үнемдеу технологияларын кеңінен енгізуге ден қоюда. Сонымен қатар ауданның су шаруашылығы инфрақұрылымын жаңғырту бағытындағы жұмыстар жалғасуда. Магистральдық коллекторлар мен каналдарды қайта жаңғырту және тазалау жұмыстары егін алқаптарын сумен тұрақты қамтамасыз етуге және су ресурстарын тиімді басқаруға негіз қалайды. Мемлекет басшысы мен облыс әкімінің қолдауының арқасында ауданда ауқымды жобалар кезең-кезеңімен жүзеге асырылуда. Біз үшін ең маңыздысы халықтың әл-ауқатын арттыру, кәсіпкерлікті дамыту, ауыл шаруашылығын жаңа талаптарға бейімдеу және жаңа жұмыс орындарын ашу. Осы бағыттағы жұмыстар алдағы уақытта да жүйелі түрде жалғасады", – деді Алмасбек Әбілқасымұлы.</blockquote>

Қазалы ауданының даму қарқыны жоғары

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбектің төрағалығымен кезекті мәжіліс өтті. Жиын барысында облыс әкімінің төрағалығымен өткен мәжілісте көтерілген мәселелер қаралып, аудан үшін өзекті саналатын газдандыру жұмыстарының барысы мен 2026–2027 жылғы жылу беру маусымына дайындық мәселелері талқыланды.Жиында алдымен аудандағы табиғи газбен қамту мәселесі қаралды. Қазіргі таңда Жосалы және Төретам кенттері, Ақай және Дүр Оңғар ауылдары табиғи газ желісіне қосылып, аудан халқының 74,8 пайызы көгілдір отынмен қамтылған. Сонымен қатар, Төребай би және Иіркөл ауылдарын газдандыру жұмыстары жалғасуда. Аталған жобалар толық аяқталғаннан кейін аудан халқының табиғи газбен қамтылу деңгейі 77,3 пайызға жетеді деп жоспарлануда.Мәжілісте газдандыру нысандарындағы құрылыс жұмыстарының орындалу барысы қаралып, жауапты сала басшысына жұмыстардың сапалы әрі белгіленген мерзімде аяқталуын қамтамасыз ету тапсырылды.Сондай-ақ, ағымдағы жылдың 1 шілдесінен бастап табиғи газ тарифінің өзгеруіне байланысты тұрғындарды кеңінен ақпараттандыру, тұтынушылардың коммуналдық сала қарыздарын өндіріп алу бағытындағы жұмыстары талқыланды. Осыған байланысты жауапты мекемеге аудан тұрғындары арасында түсіндіру жұмыстарын күшейту тапсырылды.Күн тәртібіндегі екінші мәселе – алдағы жылу беру маусымына дайындық туралы мәселе қаралды. Мәжілісте әлеуметтік нысандардың қажетті сұйық, қатты және газ отынының қорын қалыптастыру, жылу жүйелеріне жөндеу жұмыстарын жүргізу, қажетті қосалқы бөлшектермен қамтамасыз ету, сондай-ақ тұрғындарды көмірмен үздіксіз қамту мәселелері жан-жақты талқыланды.Білім, денсаулық сақтау, мәдениет және спорт салаларының басшылары өз салалары бойынша атқарылып жатқан дайындық жұмыстары жөнінде баяндап, жөндеу жұмыстарының белгіленген мерзімде аяқталатынын жеткізді.Сонымен қатар, электр энергиясына қалыптасқан берешекті азайту, электр тарату желілерін қысқы кезеңге дайындау және ауыз су жүйелерінің тұрақты жұмысын қамтамасыз ету мәселелері қаралды. Жауапты мекемелерге электр және ауыз су желілерінің қыс мезгілінде тұрақты әрі апатсыз жұмысын қамтамасыз ету бағытындағы жұмыстарды күшейту тапсырылды.Мәжіліс қорытындысында аудан әкімі барлық жауапты бөлімдер мен мекеме басшыларына жылу беру маусымына дайындық шараларын сапалы әрі мерзімінде аяқтауды, әлеуметтік нысандардың қажетті отын қорын толық жеткізуді, жылу жүйелерінің дайындығына тұрақты мониторинг жүргізуді және барлық нысандардың дайындық паспорттарын белгіленген мерзімде әзірлеуді тапсырды. Аудан әкімі берілген тапсырмалардың орындалуы тұрақты бақылауда болатынын атап өтті.

Қазақстан және Қызылорда облысының жаңалықтары