Қорқыт ата атындағы Қызылорда университетінің Басқарма мүшесі – академиялық мәселелер жөніндегі проректоры Дана Абдрашева Швеция Журналистер клубының мүшесі, журналист-эколог Томас Эриксонмен кездесті.Арал теңізінің тарихы мен қазіргі экологиялық жағдайын зерттеу мақсатында өңірге келген шетелдік журналист теңіз мәселесін халықаралық ақпарат кеңістігінде кеңінен танытуға қызығушылық білдірді. Кездесу барысында Арал өңіріндегі экологиялық ахуалды зерделеу, оның тарихи қалыптасуы мен қазіргі жай-күйін ақпараттық тұрғыдан көрсету, сондай-ақ жаһандық аудиторияның назарын аймақтың экологиялық мәселелеріне аудару бағыттары талқыланды.Томас Эриксон алдағы уақытта Арал теңізінің өткені мен бүгінін, экологиялық өзгерістердің ауқымы мен салдарын қамтитын деректі бейнефильм түсіруді жоспарлап отырғанын жеткізді. Сонымен қатар журналист Арал мәселесіне арналған материалдарды халықаралық журналдарда жариялау арқылы тақырыптың ауқымын кеңейтуді көздейтінін атап өтті.Кездесу барысында Арал теңізінің экологиялық проблемаларын халықаралық деңгейде ақпараттық сүйемелдеу, өңірдің тарихы мен қазіргі жағдайын кеңінен таныту және қоғам назарын қоршаған ортаны қорғау мәселелеріне аудару мүмкіндіктері сөз болды.<img src="https://knadmin.beoblood.kz/uploads/FB_IMG_1791885829117_b64fb28251.jpg" alt="FB_IMG_1791885829117.jpg">

Швециялық журналист Арал теңізі туралы  бейнефильм түсіруді жоспарлауда 

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Психологиялық қолдау орталығы «Іңкәр-7» студенттер үйінде тұратын 1-2-курс білім алушыларына арналған «Студенттік өмірге бейімделудің психологиялық қырлары» тақырыбында тренинг өткізді.Іс-шараның мақсаты – білім алушылардың жаңа ортаға әлеуметтік-психологиялық бейімделуіне қолдау көрсету, өзара қарым-қатынас мәдениетін қалыптастыру және олардың эмоционалдық тұрақтылығын арттыру.Тренинг барысында студенттер жаңа ортаға бейімделудің психологиялық ерекшеліктері, тиімді қарым-қатынас орнату, эмоцияларды басқару, қобалжу мен сенімсіздікті жеңу жолдарын талқылады. Сондай-ақ топ ішінде өз орнын табу, бір-біріне қолдау көрсету және жағымды психологиялық ахуал қалыптастыру мәселелеріне ерекше назар аударылды.Қатысушылар интерактивті жаттығулар мен психологиялық ойындарға белсене қатысып, бір-бірімен жақынырақ танысуға, еркін пікір алмасуға және командалық қарым-қатынас дағдыларын дамытуға мүмкіндік алды.Айта кетейік, білім алушылардың психологиялық әл-ауқатын нығайтуға және университет ортасына бейімделуіне бағытталған мұндай тренингтер жыл соңына дейін жүйелі түрде жалғасатын болады.<img src="https://knadmin.beoblood.kz/uploads/korkyt_651b574833.jpg" alt="коркыт.jpg">

Студенттер арасында психологиялық тренинг өткізді

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Қазақстанның еңбек сіңірген қайраткері, филология ғылымдарының докторы, профессор Бағдат Кәрібозұлының 70 жылдық мерейтойына арналған Ғылыми кеңестің салтанатты мәжілісі өтті.Мәжілісті Басқарма төрағасы – Ректор Наурызбай Байқадамов жүргізіп, мерейтой иесінің өмір жолы мен ғылыми-педагогикалық қызметіне тоқталып, қазақ әдебиеттану ғылымы мен жоғары білім саласының дамуына қосқан үлесін атап өтті. Университет атынан ғалымға құрмет көрсетілді.Салтанатты жиынға Қызылорда облысы әкімінің орынбасары Мейрамбек Шермағамбетов, ҚР Ұлттық ғылым академиясының академигі, Қызылорда облысының құрметті азаматы, экономика ғылымдарының докторы Бақберген Досманбетов, Қазақстан Жазушылар одағының хатшысы, Әл-Фараби атындағы Қазақ ұлттық университетінің профессоры, филология ғылымдарының докторы, Қазақстанның еңбек сіңірген қайраткері Қансейіт Әбдезұлы, Қызылорда Ашық университетінің бірінші проректоры – инновациялық қызмет және қоғаммен байланыс жөніндегі проректор, физика-математика ғылымдарының докторы, профессор Бақытхан Жүнайдұлы, сондай-ақ өңірдің зиялы қауым өкілдері, университеттің профессор-оқытушылар құрамы мен білім алушылары қатысты.Ғылыми кеңес барысында Қызылорда облысы әкімінің орынбасары Мейрамбек Шермағамбетов облыс әкімі Мұрат Ергешбаевтың атынан Бағдат Кәрібозұлын «Облысқа сіңірген еңбегі үшін» медалімен марапаттады.Филология ғылымдарының кандидаты, қауымдастырылған профессор, ғалымның шәкірті Ғабит Тұяқбаев мерейтой иесінің ғылыми-педагогикалық қызметі туралы баяндама жасап, оның ұстаздық жолы мен әдебиеттану саласындағы еңбектерінің маңызына тоқталды.Қазақстан Жазушылар одағының хатшысы, Әл-Фараби атындағы Қазақ ұлттық университетінің профессоры, филология ғылымдарының докторы, академик, Қазақстанның еңбек сіңірген қайраткері, Алаш әдеби сыйлығының иегері Қансейіт Әбдезұлы мерейтой иесін Әл-Фараби атындағы алтын медальмен марапаттады.Жиында университет ардагері, техника ғылымдарының докторы, профессор Серікбай Қошқаров, Қызылорда қаласының құрметті азаматы, еңбек ардагері әрі қоғам қайраткері Сәпен Аңсатов, мемлекет және қоғам қайраткері Әріп Қожбанов, «Қазақ тілі мен әдебиеті және журналистика» кафедрасының ұжымы мен ғалымның шәкірттері құттықтау сөз сөйлеп, ізгі тілектерін білдірді.Салтанатты мәжіліс аясында Бағдат Кәрібозұлының өнегелі өмір жолы мен шығармашылық мұрасын арқау еткен «Ғибратты ғұмыр» кітабының тұсаукесері өтті.Басқосуда мемлекет және қоғам қайраткері Қырымбек Көшербаев пен Қазақстан Республикасы Құрылтайының депутаты, «Ауыл» партиясы төрағасының орынбасары – Орталық аппарат жетекшісі Шахмардан Баймановтың мерейтой иесіне арналған құттықтау лебіздері жеткізілді.Іс-шара студенттердің поэзиялық арнауымен жалғасып, профессор Бағдат Кәрібозұлының жиналған қауымға білдірген алғыс сөзімен қорытындыланды.

Бағдат Кәрібозұлының 70 жылдық мерейтойына арналған ғылыми кеңес өтті

<a href="https://kyzylorda-news.kz/">Kyzylorda-news.kz</a> Бәсекелестікті қорғау және дамыту агенттігі inDrive сервисіне бәсекелестікті қорғау саласындағы заңнаманың бұзылуына және тұтынушылардың құқықтарының шектелуіне әкелуі мүмкін әрекеттерге жол бермеу туралы алдын ала ескерту жолдады.&nbsp;Бұған 2026 жылғы 11 қазанда «Яндекс Go» сервисінің уақытша қолжетімсіз болуына байланысты жол жүру құнының едәуір өскені туралы бұқаралық ақпарат құралдарында жарияланған хабарламалар негіз болды.Пайдаланушылардың такси шақыруға арналған балама платформаларға жаппай ауысуы нәтижесінде inDrive қызметіне сұраныс айтарлықтай артты. БАҚ мәліметінше, жекелеген жағдайларда сапар құны үш есеге жуық өскен.—&nbsp;inDrive сервисінің жұмыс істеу ерекшелігін ескере отырып, сапар құны жолаушы мен жүргізуші арасындағы келісім бойынша белгіленеді. Бос автокөліктердің тапшылығы жүргізушілер ұсынатын тарифтердің едәуір өсуіне алып келді.inDrive компаниясының БАҚ-та таратқан ақпаратына сәйкес, жағдайды тұрақтандыру мақсатында сервис комиссияны міндетті салықтарды жабуға жеткілікті ең төменгі деңгейге дейін төмендетіп, сондай-ақ баға бойынша саудаласудың шекті ауқымына қатысты шектеулер енгізген,&nbsp;— делінген хабарламада.Сонымен қатар агенттік Қазақстандағы такси агрегаторлары нарығының жоғары шоғырлану деңгейімен сипатталатынын атап өтті. Мұндай жағдайда қызметтердің қолжетімділігін қамтамасыз ету және сапар құнының негізсіз өсуіне жол бермеу тұтынушылардың мүдделерін қорғау үшін ерекше маңызға ие.Халықаралық тәжірибеде төтенше жағдайлар мен өзге де&nbsp;күтпеген мән-жайлар кезінде тарифтердің күрт өсуін тежеу тетіктері қолданылады.Қазақстан Республикасы Кәсіпкерлік кодексінің 174-бабына сәйкес, тұтынушылардың айқындалмаған тобының заңды құқықтарына нұқсан келтіретін нарық субъектілерінің әрекеттерінде бәсекелестікті қорғау саласындағы заңнаманы бұзу белгілері болуы мүмкін.Осыған байланысты агенттік Кәсіпкерлік кодекстің 198-бабының 1-тармағына сәйкес, монополияға қарсы заңнаманың бұзылуына әкелуі мүмкін әрекеттерге жол бермеу туралы жазбаша алдын ала ескерту жолдады.Агенттік бұл ескертудің алдын алу сипатында екенін және оның ықтимал құқық бұзудың алдын алуға, тұтынушылардың құқықтарын қорғауға әрі такси агрегаторлары қызметтері нарығында адал бәсекелестікті қамтамасыз етуге бағытталғанын атап өтеді.Сурет: &nbsp;Бәсекелестікті қорғау және дамыту агенттігі

Такси құны үш есеге жуық өсті: Бәсекелестікті қорғау агенттігі inDrive сервисіне ескерту жасады

<a href="https://kyzylorda-news.kz/">Kyzylorda-news.kz</a> Қазақстанда күзгі-қысқы кезеңге дайындық аясында электр желілерін күрделі жөндеу бойынша жоспарланған жұмыстар толық орындалды. Бұл туралы Энергетика министрлігі хабарлады.Биыл еліміз бойынша 17,1 мың шақырым электр беру желісі, 444 қосалқы станция және 3,4 мыңнан астам тарату және трансформаторлық пункт жөндеуден өтті.Жөндеу жұмыстарының ауқымды көлемі Ақмола, Павлодар және Жамбыл облыстарында атқарылды.Атап айтқанда, Ақмола облысында 2,6 мың шақырымнан астам электр желісі, 49 қосалқы станция және 555 тарату мен трансформаторлық пункт жөнделді. Павлодар облысында 2 444 шақырым электр беру желісіне, 52 қосалқы станцияға және 609 тарату мен трансформаторлық пунктке күрделі жөндеу жүргізілді. Ал Жамбыл облысында 1,8 мың шақырымнан астам электр желісі, 63 қосалқы станция және 316 тарату мен трансформаторлық пункт жаңғыртылды.Ведомствоның мәліметінше, атқарылған жұмыстар электрмен жабдықтаудың тұрақтылығын арттырып, энергетикалық нысандардың жылыту маусымына дайындығын қамтамасыз етуге бағытталған.Энергетика министрлігінің Мемлекеттік энергетикалық бақылау және қадағалау комитеті жылыту маусымы кезінде электр энергетикасы нысандарының жұмысына тұрақты бақылау жүргізуді жалғастырады.Сурет: freepik.com

Қазақстанда 17,1 мың шақырым электр желісі жөнделді

<a href="https://kyzylorda-news.kz/">Kyzylorda-news.kz</a> Бүгін Үкімет отырысы өтеді. Онда Министрлер кабинетінің мүшелері еліміздің 9 айдағы әлеуметтік-экономикалық даму нәтижелері мен республикалық бюджеттің атқарылуын қарастыруды жоспарлап отыр, – деп хабарлайды <a href="https://kaz.inform.kz/news/9-aydin-koritindisi-ukmet-ekonomikanin-negzg-korsetkshtern-zhariyalaydi-4d9ea49c">Қазақпарат.</a>Үкімет отырысының қорытындысында Мемлекет басшысының Қазақстан халқына Жолдауларында берілген тапсырмаларының орындалу барысы туралы баспасөз конференциясы өтеді. Іс-шара барысында Премьер-министрдің орынбасары – Ұлттық экономика министрі Серік Жұманғарин, Қаржы министрі Мәди Такиев, Ауыл шаруашылығы вице-министрі Азат Сұлтанов, Өнеркәсіп және құрылыс вице-министрі Олжас Сапарбеков тілшілер тарапынан туындаған сауалдарға жауап береді.Үкімет отырысының тікелей таратылымы PrimeMinister.kz сайтында, YouTube ресми арнасында, Facebook әлеуметтік желісінде, сондай-ақ UKIMET Telegram-каналында жүреді.Үкімет мәліметінше, бірінші жартыжылдық қорытындысы бойынша ішкі жалпы өнім көлемі 4,1 пайызға өсті. Экономика құрылымындағы өңдеу өнеркәсібінің үлесі – 9,8 пайызға, көлік саласы – 7,1 пайызға, құрылыс 15,2 пайызға артты. Сондай-ақ сауда-саттықта – 5,7 пайыз, ауыл шаруашылығында – 4,4 пайыз және байланыс қызметінде 4,3 пайыз өсім тіркелді. Негізгі капиталға тартылған инвестиция көлемі 9,5 триллион теңгені құрады, соның ішінде жеке инвестиция 21,4 пайызға ұлғайды.Негізгі капиталға салынған инвестициялардың құрылымы өзгеріп келеді. Жеке инвестициялардың үлесі 87% болды. Қаңтар-мамырда сыртқы сауда айналымы 56,3 млрд долларға жетті. Тауарлар экспорты 30,4 млрд долларды құрады, оның ішінде өңделген тауарлардың экспорты – 11,8 млрд доллар. Тауарлар импорты 26 млрд доллар болды. 4,4 млрд доллардан астам көлемде оң сауда балансы сақталды.Экспорттаушыларды қолдау және экспорт географиясын кеңейту жұмыстары жалғасты. Жыл басынан бері Пәкістан, Қытай, Моңғолия, Солтүстік Македония, Таиланд, Нидерланд және Ауғанстанға 150 астам қазақстандық компанияның қатысуымен 7 сауда-экономикалық миссия ұйымдастырылды. Нәтижесінде 700 миллион АҚШ долларынан астам сомаға экспорттық келісімшарттар жасалды. Экспорттық-кредиттік агенттік арқылы 400 млрд теңгеден астам қаржылық қолдау көрсетілді.Машина жасау саласы 23,1 пайыз деңгейінде өсім көрсетті. Осы салада көлік құралдарын, ауыл шаруашылығы және темір жол техникасын, сондай-ақ тұрмыстық техниканы өндіру көлемі артты. Көрсеткіштердің өсуі ішкі сұраныстың артуы мен инвестициялық жобаларды іске асыру арқылы жүзеге асты.Жеңіл өнеркәсіпте тоқыма бұйымдар, киім және былғары өнімдер өндірісі артып, саладағы өсім 94,8 пайызды құрады. Химия өнеркәсібінде күкірт қышқылы, аммофос, каустикалық сода, аммиак селитрасы және сары фосфор өндірісінің артуына байланысты 20,7 пайыз өсім байқалды. Құрылыс материалдар өндірісі бетон, құрылыс ерітінділері, әк, отқа төзімді бұйымдар, цемент және бетон конструкциялар көлемінің өсуіне байланысты 14,1 пайызға артты.Естеріңізге сала кетсек, өткен аптадағы Үкімет отырысында «Digital Qazaqstan» жалпыұлттық стратегиясын жүзеге асыру жайы талқыға түсті. Күн тәртібіне шығарылған мәселе бойынша негізгі баяндама жасаған Премьер-министрдің орынбасары – Жасанды интеллект және цифрлық даму министрі Жаслан Мәдиевтың айтуынша, Қазақстанның цифрлық бастамалары AI-экономиканың әлемде қалыптасқан құрылымына сәйкес келеді. Бес деңгей бойынша жобалар іске қосылып, жүзеге асырылып жатыр. Осылайша, AI-экономиканың барлық құрамдас бөлігі «Digital Qazaqstan» стратегиясында қамтылған.<blockquote>- Бәсекеге қабілетті ұлттық IT-экожүйені дамытуға тоқталсақ, Astana Hub 2 500-ден астам резидентті біріктіріп отыр. 2025 жылдың қорытындысы бойынша Қазақстанның IT-қызметтер экспорты 1,1 млрд АҚШ долларынан асты. Alem Ventures арқылы көлемі 115 млн доллар болатын венчурлық қорлар құрылды. Елімізде мықты технологиялық компаниялар қалыптасып, бәсекеге қабілетті IT-өнімдер жасалды. Инженерлер мен зерттеушілерді даярлау үшін Qazaq AI Research University ашылды. Бұл – Орталық Азиядағы алғашқы AI-Enabled университет. Network School іске қосылды. Онда отандық және шетелдік IT-инженерлер жаһандық нарыққа IT-қызметтерді экспорттауға дайындалады, - деді Ж.Мәдиев.</blockquote>Қаржы министрі Мәди Тәкиев мемлекеттік шығыстарды цифрландыру арқылы 2027–2029 жылдарға арналған бюджетті қалыптастыру кезінде 1,5 трлн теңге көлеміндегі шығынға жол берілмегенін атап өтті.<blockquote>– Ең бастысы – цифрландыру нақты қаржылық нәтиже беруде. Цифрландыру есебінен қосымша түсімдер 410 млрд теңгені құрады. Яғни ақпараттық мәліметтер тек бақылау құралы емес, сонымен қатар бюджеттің қосымша кіріс көзіне айналып жатыр, – деді министр.</blockquote>Өнеркәсіп және құрылыс министрі Ерсайын Нағаспаевтың айтуынша, Digital Qazaqstan стратегиясы аясында геология, өнеркәсіп және құрылыс салаларын цифрландыру бойынша нақты көрсеткіштер белгіленген.<blockquote>– Өнеркәсіпте еңбек өнімділігінің жыл сайынғы өсімін 7%-ға жеткізу, роботтандыруды дамыту, кемінде 5 отандық интегратор мен 3 құзырет орталығын құру міндеті қойылды. Құрылыс саласында жаңа техникалық жағынан күрделі объектілерде BIM қолдануды кезең-кезеңімен 100%-ға жеткізу жоспарланып отыр, – деді ол.</blockquote>Энергетика министрі Ерлан Аққенженов отын-энергетика кешенін цифрландыру арқылы энергия ресурстарының шығынын 90%-ға дейін қысқарту жоспарланғанына тоқталды.<blockquote>– Күтілетін нәтиже – нысандардағы апаттылықты 25%-ға төмендету және энергия ресурстарының шығынын 90%-ға қысқарту. Экономикалық әсері жылына шамамен 23 млрд теңге, – деді министр.</blockquote>Ал Көлік министрі Нұрлан Сауранбаев «Digital Qazaqstan» стратегиясы аясында жүктерді тиімді тасымалдау, жолдарды сақтау және азаматтар мен бизнеске көрсетілетін қызметтердің уақытын қысқартуға бағытталған цифрлық жобаларға назар аудартты.<blockquote>– 7-ші бағыт бойынша негізгі индикаторлар белгіленді. Өткізу пункттерінен жүк көлігінің өту уақыты 30 минуттан аспауы керек. Цифрлық паспорты бар және жүктерді маршрут бойы бақылау көлемі артады. Бұл көрсеткіш биыл 20 пайыз, 2027 жылы 60 пайыз, 2028 жылы 80 пайыз болады, – деді министр.</blockquote>Талқыланған мәселені түйіндеген Премьер-министр Олжас Бектенов мемлекеттік органдардың цифрлық және жасанды интеллект жобалары шашыраңқы болмауы керектігін ескертті.<blockquote>- Стратегияның көрсеткіштеріне қол жеткізуге тікелей ықпал ететін шешімдерді бірінші кезекте қаржыландыру қажет. Цифрландыруға қатысты барлық жаңа бюджеттік өтінімдер Digital Qazaqstan архитектурасы мен басымдықтарына сәйкестігі, сондай-ақ күтілетін экономикалық әсері тұрғысынан ескеріле отырып қаралуға тиіс. Жалпы алғанда, стратегияның әрбір бағыты бойынша нақты жобалар, көрсеткіштер, мерзімдер және жауапты орындаушылар бекітілген. Бірінші басшылар түпкілікті нәтижелерге қол жеткізу үшін тікелей жауап береді, - деді Премьер-министр.</blockquote>Үкімет басшысы цифрлық салада басы артық бюрократияға жол беруге болмайтынын атап өтті. Ол үшін, ең алдымен, түрлі салалардағы бірқатар мәселені шешу қажет.<blockquote>-Энергетика саласында энергия жүйесін цифрландыру деңгейі әлі де жеткіліксіз. Оны толассыз телеметрияның, интеграцияланған деректер мен талдау құралдардың жоқтығынан байқауға болады. Жаңа жобалар осы мәселені шешуге бағытталған. Энергия жүйесі болжамды цифрлық алгоритмдер негізінде басқару қағидатына көшуге тиіс. Бұл әртүрлі жағдайларға қарсы шұғыл әрекет етуге, апаттардың алдын алуға және энергия нысандары жұмысының сенімділігін арттыруға мүмкіндік береді. Осыған байланысты Энергетика министрлігі деректерді Energy Command Center-ге шығарып, саланың негізгі нысандары мен ақпараттық жүйелерін бірыңғай цифрлық контурға біріктіруі қажет, - деді ол.</blockquote>Сурет: gov.kz

Бүгін Үкімет отырысы өтеді

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде социолингвист ғалым, филология ғылымдарының кандидаты, қауымдастырылған профессор Аман Абасиловтың 60 жылдық мерейтойына арналған салтанатты жиын және «Тіл және қоғам: әлеуметтік лингвистиканың жаңа парадигмалары» атты халықаралық ғылыми-тәжірибелік конференция өтті.Іс-шарада университеттің Басқарма мүшесі – академиялық мәселелер жөніндегі проректор Дана Абдрашева мерейтой иесін құттықтап, ғылыми-педагогикалық қызметіне жоғары баға берді. Қызылорда облыстық қоғамдық даму басқармасының басшысы Руслан Каюпов облыс әкімі Мұрат Нәлқожаұлының құттықтау хатын табыстады. Жиын барысында ғалымға құрмет көрсетіліп, шапан жабылды.Халықаралық конференцияға Қырғыз Республикасының, еліміздің жетекші ғылыми мекемелері мен жоғары оқу орындарының өкілдері қатысты. Олардың қатарында ҚР ҰҒА академигі, филология ғылымдарының докторы Шерубай Құрманбайұлы, ҚР Ғылым және жоғары білім министрлігі Тіл саясаты комитетінің төрағасы Ербол Тілешов, Т. Эрматов атындағы Бішкек музыкалық-педагогикалық институтының директоры, профессор Уланбек Мамбетакунов және отандық тіл білімінің өзге де белгілі ғалымдары болды.Ғылыми басқосуда қазіргі қоғамдағы тілдік үдерістер, мемлекеттік тіл саясатының басым бағыттары және әлеуметтік лингвистиканың жаңа ғылыми парадигмалары талқыланды. Университеттің филология ғылымдарының кандидаты Алдажар Әбілов мерейтой иесінің өмір жолы мен ғылыми қызметіне арналған баяндама жасады.Сонымен қатар облыстық телеарна дайындаған «Болмыс» деректі фильмі көрсетілді. Фильмде Аман Абасиловтың ғылыми ізденістері, шешендік өнері, қазақ тіліне қызмет ету жолындағы ұстанымы мен әлеуметтік лингвистика саласына қосқан үлесі әріптестерінің пікірлері арқылы баяндалды. Ғалымның 2001–2026 жылдар аралығындағы шәкірттері де ұстаздарына арнап құттықтау сөз сөйлеп, арнайы арнау ұсынды.&nbsp;

Тіл ғылымының өзекті мәселелері халықаралық конференцияда талқыланды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмахановтың төрағалығымен аудан бюджетінің кіріс бөлігін ұлғайту және салық базасын кеңейту мәселелері бойынша мәжіліс өтті.Мәжілісте ауданның мемлекеттік кірістер басқармасының есебі тыңдалып, салық түсімдерін арттыру, коммерциялық нысандарды қайта бағалау, салықтық берешектерді өндіру және салық төлеушілердің міндеттемелерін толық орындауын қамтамасыз ету бағытындағы жұмыстар қаралды.2026 жылға ауданның кірістер жоспары 4 млрд 269,4 млн теңге көлемінде бекітілген. Жыл соңына дейін қосымша түсімдер есебінен бұл көрсеткішті 4 млрд 367,8 млн теңгеге жеткізу көзделіп отыр. Тоғыз айдың қорытындысы бойынша бюджетке 3 млрд 103,3 млн теңге түсім түскен.Аудан әкімі салық базасын кеңейту бағытындағы жұмыстарды жандандыруды, қайта бағалауға жататын коммерциялық нысандар бойынша тиісті шараларды жеделдетуді және көлік салығы мен өзге де салықтық берешектерді өндіру жұмыстарын күшейтуді тапсырды.Сонымен қатар жеке мектепке дейінгі ұйымдардың салықтық міндеттемелерді уақытылы әрі толық орындауы, инженерлік-коммуналдық мекемелерге қарасты мүліктерді теңгерімге алу және «Туған жерге тағзым» акциясы аясында қосымша түсім көздерін қарастыру мәселелеріне назар аударылды.Жұмысшы топтардың қызметін үйлестіру, IV деңгейлі бюджеттердің кіріс жоспарын орындау және ауылдық округтердегі салық түсімдерін арттыру бағытында нақты тапсырмалар берілді.Аудан әкімі жауапты сала басшылары мен ауылдық округ әкімдеріне жыл соңына дейін бекітілген жоспарлардың толық орындалуын қамтамасыз етуді, бюджетке қосымша түсім түсіру мүмкіндіктерін тиімді пайдалануды және тапсырмалардың орындалуын күнделікті бақылауда ұстауды міндеттеді.<img src="https://knadmin.beoblood.kz/uploads/azaly_audany_m_zhilis_otyrysy_4_099a48d003.jpg" alt="Қазалы ауданы мәжіліс отырысы 4.jpg">

Мәжілісте салық базасын кеңейту мәселелері қаралды

<a href="https://kyzylorda-news.kz/">Kyzylorda-news.kz</a> Өңірлік коммуникациялар қызметінің баспасөз алаңында 2026–2027 жылдардағы жылыту маусымына дайындық барысы мен тұрғын үй секторындағы өрт қауіпсіздігін қамтамасыз ету бағытында атқарылып жатқан профилактикалық іс-шараларға арналған брифинг өтті. Баспасөз алаңында улану мен өрттің алдын алу, датчиктер орнату және әлеуметтік осал топтағы отбасыларға көрсетіліп жатқан қолдау мәселелері кеңінен сөз болды.Брифинг барысында сөз алған Қызылорда облысы ТЖД Мемлекеттік өрт бақылау басқармасы бастығының орынбасары, азаматтық қорғау подполковнигі Рустем Беркімбаев жылыту маусымы қарсаңында жүргізіліп жатқан бақылау-түсіндіру жұмыстарына тоқталды.<blockquote>«Жыл сайын жылыту маусымы қарсаңында азаматтардың қауіпсіздігін қамтамасыз ету мақсатында Төтенше жағдайлар департаменті тарапынан кешенді профилактикалық жұмыстар жүргізіледі. Тұрғын үйлерді аралау барысында басты назар әлеуметтік осал топтағы азаматтарға аударылып, облыс бойынша 5 864 тұрғын үйдің тізімі нақтыланды. Бұл отбасыларға өрт қауіпсіздігі талаптары түсіндіріліп, жергілікті атқарушы органдар тарапынан 150 дана көмірқышқыл газын анықтайтын датчиктер орнатылуда. Сонымен қатар өңірде “Жатақхана”, “Таза түтін мұржасы” және “Қауіпсіз үй” акциялары ұйымдастырылып, тұрғындарға пештерді қауіпсіз пайдалану ережелері насихатталып жатыр», – деді Рүстем Бибосынұлы.</blockquote>Бұдан бөлек, мамандар 2,5 мыңға жуық турғынды қамтыған 148 кездесу өткізіп, бұқаралық ақпарат құралдары мен әлеуметтік желілерде кең көлемді түсіндіру жұмыстарын жүргізіп келеді. &nbsp;Жылу беру маусымындағы қауіпсіздікті қамтамасыз ету тек жауапты органдардың ғана емес, ең алдымен әрбір азаматтың жеке жауапкершілігіне тікелей байланысты. Пештер мен электр, газ жылыту құрылғыларының жарамдылығын алдын ала тексеріп, қарапайым сақтық шараларын сақтау қайғылы жағдайлардың, өрт пен улы газбен уланудың алдын алудың ең тиімді әрі сенімді жолы.Қауіпсіздік талаптарына бейжай қарамай, жылыту жүйелерін уақытында ретке келтіру арқылы біз өзіміздің және жақындарымыздың өмірі мен денсаулығын қорғаймыз. Төтенше жағдайлар департаменті өңір тұрғындарын қысқа дайындықты қадағалап, қауіпсіздік ережелерін қатаң сақтауға шақырады.

Жылу беру маусымы:  Көмірқышқыл газын анықтайтын датчиктер орнатылуда 

<a href="https://kyzylorda-news.kz/">Kyzylorda-news.kz</a> Қазақстан экономикасы соңғы жеті жылда айтарлықтай өзгерді. Елдің жалпы ішкі өнімі ұлғайып, жан басына шаққандағы табыс өсті. Шағын және орта бизнес экономиканың негізгі тіректерінің біріне айналды. Инвестиция көлемі артып, жаңа жұмыс орындары ашылды. Ең бастысы, Қазақстан әлемдегі ең ірі 50 экономиканың қатарына енді. Осы өзгерістердің ауқымын нақты сандар арқылы бағалап көруге болады.Экономика көлемі 300 миллиард доллардан асты2018 жылы Қазақстанның жалпы ішкі өнімі 61,8 триллион теңге болатын. Ал 2025 жылдың қорытындысында бұл көрсеткіш 159,6 триллион теңгеге жетті. Яғни жеті жыл ішінде экономиканың номиналды көлемі 2,6 есеге ұлғайды.Доллармен есептегенде де өсім айтарлықтай. Қазақстан экономикасының көлемі 306 миллиард долларға жетіп, 2018 жылғы деңгейден 70,6 пайызға жоғары қалыптасты.Бұл өзгерістер халықаралық рейтингтерден де көрініс тапты. Дүниежүзілік банктің деректеріне сәйкес, Қазақстан әлемдегі ең ірі экономикалар рейтингінде 55-орыннан 48-орынға көтерілді. Осылайша еліміз жаһандық экономиканың алғашқы елу елінің қатарына қосылды.Жан басына шаққандағы жалпы ішкі өнім де өсті. Егер 2018 жылы бұл көрсеткіш 9,8 мың доллар болса, 2025 жылы 15 мың долларға жетті. Өсім 52,9 пайызды құрады.Бір қызығы, экономикалық өсім тек мұнай өндірісінің есебінен қалыптасқан жоқ. Соңғы жеті жылда құрылыстың көлемі 2,4 есеге ұлғайды. Өңдеу өнеркәсібі 41,8 пайызға, ауыл шаруашылығы 25,6 пайызға, сауда 44,1 пайызға өсті. Байланыс қызметтерінің көлемі 56,4 пайызға, көлік қызметтері 38,4 пайызға артты.Бұл сандар Қазақстан экономикасында нақты өндіріс пен қызмет көрсету салаларының да елеулі үлес қосып отырғанын көрсетеді.Енді әрбір екінші жұмыс істейтін қазақстандық шағын және орта бизнесте еңбек етеді. Соңғы жеті жылдың маңызды экономикалық өзгерістерінің бірі кәсіпкерліктің кеңеюі. 2018 жылы шағын және орта бизнес саласында шамамен 3,3 миллион адам еңбек етсе, бүгінде олардың саны 4,5 миллионнан асты. Жеті жылдағы өсім 36,7 пайызды құрады.Қазір Қазақстандағы жұмыспен қамтылған халықтың 48,6 пайызы шағын және орта бизнес секторында еңбек етеді. Демек, еліміздегі әрбір екінші жұмыс орнына жуығын кәсіпкерлік қамтамасыз етіп отыр. Бұл саланың экономикадағы салмағы да күшейді. Шағын және орта бизнестің ЖІӨ-дегі үлесі 40,9 пайызға жетті. Жеті жылда көрсеткіш 9,2 пайыздық тармаққа өсті.Елдегі жұмыс істеп тұрған кәсіпкерлік субъектілерінің саны 2,2 миллионға жетті. Бұл 2018 жылмен салыстырғанда 63,5 пайызға көп. Ал олардың шығарған өнімінің көлемі 3,2 есеге көбейіп, 2025 жылы 104,8 триллион теңгені құрады.Кәсіпкерлік құрылымында да назар аударарлық ерекшелік бар. Қазақстандағы шағын және орта бизнес субъектілерінің 48,1 пайызын әйелдер басқарады. Жеке кәсіпкерлер арасында бұл көрсеткіш тіпті 52,6 пайызға жеткен. Яғни кәсіпкерліктің дамуы тек экономикалық көрсеткіштерді жақсартып қана қоймай, халықтың экономикалық белсенділігін де кеңейтіп отыр.Кәсіпкерлікке 10,2 триллион теңгенің несиесі берілді. Бизнестің дамуына мемлекеттік қолдау бағдарламалары елеулі үлес қосты. 2019–2026 жылдар аралығында «Даму» кәсіпкерлікті дамыту қорының жеңілдетілген несие беру, субсидиялау және кепілдендіру құралдары арқылы 176 716 бизнес-жоба қамтылды. Осы жобаларға берілген несиелердің жалпы көлемі 10,2 триллион теңгені құрады. Мемлекеттік қолдау бағдарламаларына қатысқан кәсіпорындар 2019–2025 жылдары шамамен 695 мың жұмыс орнын сақтап, қосымша 60,5 мың жаңа жұмыс орнын ашты. Олар 128 триллион теңгенің өнімін өндіріп, бюджетке 8,5 триллион теңге салық төледі.Қазақстанға 162 миллиард доллардан астам инвестиция тартылдыЭкономиканың кеңеюінде инвестицияның орны ерекше. Қазақстанда негізгі капиталға салынған жылдық инвестициялар көлемі 12,6 триллион теңгеден 23,5 триллион теңгеге дейін өсті. Ал 2019 жылдан 2026 жылдың бірінші тоқсанына дейінгі кезеңде елге келген тікелей шетелдік инвестициялардың жалпы ағыны 162 миллиард доллардан асты.Бұл қаражат өндіріс орындарын дамытуға, инфрақұрылымды жаңғыртуға, өнеркәсіп пен басқа да экономикалық салалардағы жобаларды іске асыруға мүмкіндік беретін маңызды қаржы көзі саналады. Осы жылдары Қазақстанның шикізаттық емес экспорты да едәуір ұлғайды. Оның көлемі 15,8 миллиард доллардан 28,8 миллиард долларға дейін жетіп, 1,8 есеге өсті.Еңбек өнімділігі жалпы экономика бойынша 21,7 пайызға артты. Әсіресе, ауыл шаруашылығында өнімділік 66,3 пайызға, өңдеу өнеркәсібінде 32 пайызға көтерілді. Бұл экономикалық дамуды тек өндіріс көлемінің өсуімен емес, еңбек тиімділігінің жақсаруымен де бағалауға мүмкіндік беретін көрсеткіш.Әлеуметтік төлемдер де ұлғайдыЭкономикалық өсімнің халыққа тікелей қатысты тұстарының бірі – әлеуметтік стандарттардың өзгеруі. Жеті жылда Қазақстанда ең төменгі жалақы 42 500 теңгеден 85 мың теңгеге дейін өсіп, екі есеге артты. Ең төменгі зейнетақы 36,1 мың теңгеден 69 мың теңгеге дейін көбейді.Әрине, әлеуметтік төлемдердің номиналды өсуі халықтың нақты сатып алу қабілеті де дәл сондай қарқынмен артты дегенді білдірмейді. Мұнда инфляцияның әсерін міндетті түрде ескеру қажет. Дегенмен ең төменгі әлеуметтік кепілдіктер көлемінің ұлғаюы – соңғы жеті жылдағы маңызды өзгерістердің бірі.Жеті жылдағы экономикалық көрсеткіштер Қазақстанның даму ауқымы кеңейгенін көрсетеді. Жалпы ішкі өнім ұлғайды, кәсіпкерлік экономикадағы орнын нығайтты, инвестиция көлемі артты, жаңа жұмыс орындары құрылды.Алайда келесі кезеңнің міндеттері бұрынғыдан күрделі болмақ. Енді экономикаға тек көлем жағынан өсу жеткіліксіз. Өнімділігі жоғары өндірістерді көбейту, шикізатқа тәуелділікті төмендету, сапалы жұмыс орындарын ашу, инвестицияның тиімділігін арттыру және халықтың нақты табысын өсіру алдыңғы қатарға шығуы тиіс.Үкіметтің 2026–2028 жылдарға арналған макроэкономикалық тұрақтандыру бағдарламасында жыл сайынғы экономикалық өсімді кемінде 5 пайыз деңгейінде ұстап тұру және 2028 жылға қарай инфляцияны 5–7 пайызға дейін төмендету көзделген.Қазақстан жеті жыл ішінде әлемдегі ең ірі 50 экономиканың қатарына қосылды. Ендігі үлкен мақсат – экономикалық ауқымды халықтың әл-ауқатына, жоғары өнімді еңбекке және тұрақты табысқа айналдыру. Өйткені экономиканың шынайы жетістігі оның қанша триллион теңгеге өскенімен ғана емес, сол өсімнің әрбір қазақстандықтың өміріне қаншалықты әсер еткенімен өлшенеді.

Жеті жылға дайджест: Қазақстан экономикасы қалай өзгерді?

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Қазақстан Республикасы Конституциясы 88-бабының 5 тармағына сәйкес Премьер-министр Олжас Бектеновпен және Құрылтай Төрағасы Айбек Дәдебаймен консультация өткізгеннен кейін «Барлық деңгейдегі мәслихаттардың өкілеттігін мерзімінен бұрын тоқтату туралы» Жарлыққа қол қойды.Орталық сайлау комиссиясына барлық деңгейдегі мәслихаттар депутаттарының кезектен тыс сайлауын тағайындау, оның дайындығы мен өткізілуін ұйымдастыру жөніндегі іс-шараларды қабылдау тапсырылды. Жарлық жарияланған күнінен бастап қолданысқа енгізіледі.Сурет: Ақорда

Мемлекет басшысы барлық деңгейдегі мәслихаттардың өкілеттігін мерзімінен бұрын тоқтату туралы Жарлыққа қол қойды

<a href="https://kyzylorda-news.kz/">Kyzylorda-news.kz</a> &nbsp;Жалағаш ауданында 9–13 қазан аралығында өтіп жатқан «Алтын күз – 2026» XXXIX облыстық спартакиадасы аясында ұлттық спорт түрлерінен өткен жарыстарда Арал ауданының спортшылары жоғары нәтиже көрсетті.Атап айтқанда, асық атудан Арал ауданының командасы ІІІ орынды, ал бес асықтан І орынды иеленіп, аудан мерейін үстем етті.

Қазақстан және Қызылорда облысының жаңалықтары

Швециялық журналист Арал теңізі туралы бейнефильм түсіруді жоспарлауда