Шырпы басын сындырып көрмегеннің шоқпарды белге байлап, көтере алуы да екіталай. Мұндайда, қызметтің көш басында тұрған нәзікжандыларға риза боласың. Соның бірі – ҚАЖ департаментіне қарасты №68 мекемесінің арнайы есепке алу бөлімінің бастығы әділет капитаны Мерей Табылғанова.Оның мансаптық жолының әр бұралаңында үздіксіз ізденісі мен маңдай тері жатыр. 2016 жылы бақылаушы болып қызметке кіріп, қазір тұтас бөлімнің жұмысын ұршықша иіріп отырғаны соның айқын көрінісі. 2017 жылы есеп технигі ретінде еңбек етуі – кәсіби ширауы мен шиеленісте шешім қабылдай алуға, құжаттаманың қыр-сырын меңгеруге мүмкіндік берген. Мұның бәрі қол сілтеп кетпей, уақыт сынына төтеп берген табандылықтың өтеуі.Мерей Елубекқызы марапат мінберінен де жиі көрінеді. Бұл – өлшеусіз еңбегі оң бағаланғанының белгісі. Мәртебелі мамандықтың иесі ретінде жауапкершілікті жоғары қоятыны содан.– Өткенге көз тастасам, жылдар мен жолдар әр қадамымды еске салады. Алынған сабақ пен жеткен белестер – кәсіби және жеке дамуыма серік болды. Еңбекпен келген нанның тәтті болатыны секілді, абыроймен жеткен шен де қадірлі. Ал, соған мастанбай, қиындықта жасқанбай әрекет ету – мендегі басты ұстаным. Жігерім мені жасытпайтыны анық, - дейді ол.Қызметтен қол босамайтын адам үшін демалыс ауадай қажет. Мерей Табылғанова да оңашада ой бағып, бой жазып жүргенді ұнатады. Айтуы бойынша, мұндай серуен қызметке жаңа күшпен оралуға ықпал етеді.

Тоғыз жылдағы табанды із

«AMANAT» партиясы Сырдария аудандық филиалы жанындағы Партиялық бақылау комиссиясының отырысы өтті. Облыстық мәслихат депутаты Жұмабек Ембергенов төрағалық ететін Партиялық бақылау комиссиясын күн тәртібінде негізгі төрт мәселе қаралды.Бірінші мәселе «AMANAT» партиясы сайлауалды бағдарламасының Сырдария ауданы бойынша 2025 жылға арналған индикаторларының орындалу барысы мен алдағы жоспарлар туралы аудан әкімі Б.Сәрменбаев баяндама жасап, сайлауалды бағдарламаның орындалуы бойынша ақпарат берді.– «AMANAT» партиясының сайлауалды бағдарламасының ауданда орындалуы қатаң бақылауда. 2023-2027 жылдарға арналған сайлауалды бағдарламаны іске асырудың Жол картасының Сырдария ауданына жүктелген міндеттеріне 2025 жылға барлығы 48 шара белгіленген. 2025 жылдың 11 айында белгіленген 48 шараның 37 орындалды, 11-і орындалу үстінде. Оның ішінде, орындалмау қаупі бар шаралар саны – 6. Есепті кезеңде аудандағы өңдеу өнеркәсібінің көлемі 11,9 млрд. теңге болып, 19,4 пайызға өсті. Ауыл шаруашылығында жалпы өнім көлемі&nbsp; 24,8 млрд. теңгені құрап, өткен жылмен салыстырғанда 100,5 пайызды құрады. Жыл басынан бері аудан кәсіпкерлеріне мемлекеттік бағдарламалар аясында 129 жоба бойынша 202,8 млн. теңге грант қаражаты берілді. Жол картасы аясында ағымдағы жылы Н.Ілиясов ауылын газдандыру жобасына облыстық бюджеттен 661,4 млн. теңге бөлініп, елді мекен табиғи газден қамтамасыз етілді. Ауданда электр желілерін тозу деңгейін 68 пайызға дейін түсіру межеленген. Бұл бағытта 2024 жылы Шаған ауылын электр желілерімен жабдықтау жұмыстары толық аяқталса, «Ауыл – ел бесігі» бағдарламасы аясында жоба құны&nbsp; 490,5 млн. теңгені құрайтын Қалжан ахун елді мекенін электрмен жабдықтау жүзеге асуда. Жол картасы аясында 2025 жылы&nbsp; 9,5 шақырым жергілікті маңызы бар жолдарды жөндеу және 15 шақырым елді мекендер көшелерін жөндеу жоспарланған. Есепті кезеңде аудан бойынша жол саласына қатысты 5 жобаға 982,3 млн. теңге қаржы бөлініп, аудандық маңызы бар «Қызылорда-Аэрапорт-Қоғалыкөл-Шіркейлі» автожолының қалған 10,2 шақырымы және Шіркейлі, Шаған, С.Сейфуллин елді мекендерінде 13 көше жөндеуден өтті. «AMANAT» партиясының 2023-2027 жылдарға арналған сайлауалды бағдарламасын ауданда толық жүзеге асыруға жұмыстарды жалғастыра береміз. Бұл бағытта нақты шаралар қабылдануда, – деді аудан әкімі.Екінші мәселе бойынша Қоғалыкөл, Шіркейлі ауылдық округінің әкімдері халыққа берген уәделері бойынша есеп берді. Сонымен қатар аудандық қоғамдық даму бөлімінің басшысы Б.Смайлов «AMANAT» партиясы сайлауалды бағдарламасындағы 2025 жылға арналған индикаторларының орындалу барысы туралы баяндама жасады. «AMANAT» партиясы Сырдария аудандық филиалы жанындағы Партиялық бақылау комиссиясының 2025 жылғы жұмыс қорытындысы және 2026 жылға арналған жұмыс жоспары бойынша «AMANAT» партиясы Сырдария аудандық филиалының Атқарушы хатшысы, Фракция жетекшісі А.Ибрагимұлы баяндама жасады.Күн тәртібіндегі мәселелер жан-жақты қаралып болған соң Партиялық бақылау комиссиясының төрағасы Жұмабек Ембергенов партияның сайлауалды бағдарламасы аясында және бюджеттен қаржы бөлініп салынып жатқан нысандарды, оның ішінде әлеуметтік нысандар мен жол құрылысы, тұрғындардың тегін дәрі-дәрмекпен қамтамасыз етілуі бойынша партиялық бақылау жұмыстарын жүргізудің маңыздылығын айтты.– «AMANAT» партиясының сайлауалды бағдарламасын орындау, құрылысы жүріп жатқан нысандарға партиялық бақылау жасау, партиялық жобаларды жүзеге асыру – бәріміздің ортақ міндетіміз. Сондықтан Партиялық бақылау комиссиясы өз жұмысын алдағы уақытта да жалғастыратын болады. Жұмыстардың сапалық мазмұнын арттыру керек. Бірде бір нысан партиялық бақылау жұмыстарынан тыс қалмауы қажет, – деп қорытындылады Партиялық бақылау комиссиясының төрағасы Жұмабек Ембергенов.

Партиялық бақылау комиссиясында бірқатар мәселелер қаралды 

Арпл ауданының әкімі Аманжол Оңғарбаев кезекті жеке қабылдау өткізіп, тұрғындардың өтініш-тілектерін тыңдады.Қабылдауға келген азаматтардың басым бөлігі тұрақты жұмысқа орналасу туралы қозғаса, кейбірі тұрғын үй және жер мәселелері бойынша жүгінді.Аудан әкімі Аманжол Сақыпұлы келушілердің мәселелеріне жеке тоқталып, тұрақты жұмыс сұрап келген азаматтарға кәсіпкерлік нысандар мен мекемелерден түскен сұраныс бойынша бос жұмыс орындарын ұсынды.Ал тұрғын үй қажеттілігі және жер алу мәселесімен келген адамдарға баспанамен қамту бойынша жауапты мамандар тарапынан түсініктеме беріліп, заңдылыққа сәйкес нұсқаулықтар айтылды.Еске салайық, тұрғындар аудан әкімінің қабылдауына «е-otinish» бірыңғай базасы немесе әкімдікке келіп жазбаша өтініш тастау арқылы жазыла алады.Аудан әкімдігінің баспасөз қызметі

Аралдық тұрғындар ұсыныс-тілектерін айтты

Тәуелсіздік күні – халқымыздың ең қастерлі құндылығы, мемлекетіміздің жаңа дәуірге қадам басқанын айғақтайтын тарихи белес. Бұл мереке азаттықты аңсаған ұрпақтың рухын, бүгінгі буынның жауапкершілігін, келер ұрпақтың үмітін біріктіретін ерекше күн.Осы орайда «AMANAT» партиясының Қызылорда қалалық филиалында 16 желтоқсан - Тәуелсіздік күніне арналған салтанатты шара өтті. Іс-шараға партияның облыстық филиалының төрағасы Жандос Базартай қатысып, партияластарды ұлтты ұйыстырған, бірлікті бекемдеген атаулы мерекемен құттықтады.Жиын барысында партия қатарына жаңадан қабылданған азаматтарға партиялық билеттер салтанатты түрде табысталды. Сонымен қатар қалалық филиалдың бастауыш партия ұйымдарында белсенді еңбек етіп жүрген және қоғамдық-саяси жұмыстарға елеулі үлес қосқан партия мүшелері марапатталды.Өз сөзінде Жандос Нұртайұлы тәуелсіздіктің тарихи кезеңдеріне тоқталып, елдің даму жолындағы саяси тұрақтылық пен қоғамдық келісімнің маңызын атап өтті. Ол партияның ел мүддесін қорғаудағы, әлеуметтік бастамаларды іске асырудағы және қоғамның сұранысына жауап беретін партиялық жобалардың рөлін ерекше атап өтті.Шарада белсенді партия мүшесі Жанат Қараманова сөз алып, тәуелсіздік жылдарында қалыптасқан жаңа мүмкіндіктер, қоғамның дамуындағы өзгерістер және жауапкершілігі жоғары азаматтық ұстанымның маңызын атап өтті. Ол партия қатарындағы бірлік пен ортақ мақсатқа адалдық ел игілігіне қызмет етудің басты шарттарының бірі екенін жеткізді.<img src="https://knadmin.beoblood.kz/uploads/FB_IMG_1765679326479_d508e468f6.jpg" alt="FB_IMG_1765679326479.jpg">

Тәуелсіздік — бірлік пен келісімінің кепілі 

<a href="https://kyzylorda-news.kz/">Kyzylorda-news.kz</a> Қызылорда қаласындағы Достық үйінде мемлекеттік әлеуметтік маңызы бар жобалар мен бағдарламаларды түсіндіруге арналған семинар ұйымдастырылды.Жиынға «Қоғамдық келісім» КММ қызметкерлері, ақпараттық түсіндіру тобы және ЭМБ өкілдері қатысты.Семинарды «Қоғамдық келісім» КММ директоры Бақытжан Камалов ашып, әлеуметтік қолдау шараларының қоғамдағы маңызына тоқталды.Облыстық кәсіпкерлік және өнеркәсіп басқармасының «Бизнеске арналған үкімет» КММ-нің «Қызмет көрсету» бөлімінің басшысы Шайнурова Гюзель Сериковна сөз сөйледі.Ол қатысушыларға қайтарымсыз мемлекеттік гранттар, өнеркәсіп салаларын, жұмыссыздықты азайтуға бағытталған басқа да қолдау тетіктерін жан-жақты түсіндірді. Сонымен қатар, мемлекеттік қолдау бағдарламаларының тиімділігі, халықтың ақпараттық сауаттылығын арттыру және жастарды әлеуметтік қолдау жұмыстарының өзектілігі жөнінде ой қозғады.Жиын соңында қатысушылар ұсыныстарын ортаға салып, алдағы атқарылатын іс-шаралар бойынша пікір білдірді.

Қызылордада «Мемлекеттік әлеуметтік маңызы бар жобалар мен бағдарламаларды түсіндіру» семинары өтті

<a href="https://kyzylorda-news.kz/">Kyzylorda-news.kz</a> Қызылорда облысының Қармақшы ауданындағы О.Шораяқов атындағы №30 мектепте қызметтік борышын атқару барысында қаза тапқан полиция капитаны Әбішев Кеңесбек Махметханұлының құрметіне арналған «Жас сақшы» сыныбының ашылу рәсімі өтті. Шараның негізгі мақсаты – өскелең ұрпақ арасында құқықтық мәдениетті қалыптастыру, құқықбұзушылықтың алдын алу және «Заң және Тәртіп» қағидаттарын дәріптеу.Салтанатты жиынға Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы, Қармақшы ауданы әкімінің орынбасары Смағұлов Самат Қыдырбекұлы, департаменттің Ардагерлер кеңесінің төрағасы запастағы полиция полковнигі Әмірбек Шаймағамбетов, сондай-ақ аудандық полиция бөлімінің басшылығы мен жеке құрамы қатысты.Құттықтау сөзінде қатысушылар жас буынның ел тыныштығы мен қауіпсіздігін сақтауға үлес қосатын лайықты азамат болып қалыптасатынына сенім білдіріп, «Жас сақшы» сыныбының мақсат-міндеттеріне тоқталды. Рәсім барысында жас сақшылар салтанатты түрде ант қабылдап, оларға арнайы куәліктер табысталды.&nbsp;Шара барысында қызметтік міндетін атқару кезінде жұлдызы ерте сөнген Кеңесбек Әбішевтің өмір жолы мен ерліктері туралы деректер айтылып, көпшілікке оның халқына адал қызмет еткен адал азамат екені тағы да еске салынды.Кеңесбек Махметханұлы Әбішев 1958 жылы 20 наурызда Қызылорда облысы Жалағаш ауданының Ақарық ауылында дүниеге келген. Есет батыр ауылындағы №124 мектепті тәмамдаған соң, 1975–1977 жылдары Мәскеу қаласында әскери борышын абыроймен өтеді.1978 жылы Қарағанды политехникалық институтына оқуға түсіп, кейін отбасын құрғаннан кейін оқуын Қызылорда қаласындағы Гидромелиоративтік институтта жалғастырып, сол жерде аяқтады. Әр түрлі салаларда еңбек еткеннен кейін, 1990 жылы Шымкент қаласындағы №9 полиция қызметкерлері курсын тәмамдап, 1991 жылдан бастап туған жерінде учаскелік полиция инспекторы болып қызмет етті.1997 жылы лауазымды қызметке ұсынылып, майор шенін алу қарсаңында 23 қыркүйек күні қызметтік міндетін орындау кезінде қаза тапты. Қысқа ғұмырында «Тәртіпке бағынған құл болмас» қағидасын берік ұстанып, ел есінде адал әрі ержүрек полиция қызметкері ретінде қалды.Жары &nbsp;Н.В.Гоголь атындағы педагогикалық институттың филология факультетін тәмамдаған, 1982–2021 жылдары үздіксіз еңбек етіп, құрметті ұстаз атанған жан. Анасының мейірімі мен қажырлы еңбегінің арқасында бес перзенті бүгінде білікті маман атанып, үлгілі шаңырақ иелері болып отыр. Өскелең ұрпақты патриоттық рухта тәрбиелеу мақсатында ұйымдастырылған бұл шара жаа сақшылардың &nbsp;төтенше жағдайларда дұрыс шешім қабылдау дағдыларын қалыптастырып, алғашқы медициналық көмек көрсету, өрт қауіпсіздігі және құқықтық тәртіп негіздеріне баулуды көздейді. Салтанатты шара соңында Қызылорда облысы Полиция департаментінің арнайы жасақ қызметкерлері жауынгерлік дайындық тәсілдерін көрсетіп, жас өрендер өз өнерлерін ұсынды.

Қызылорда облысында қызмет бабында қаза болған полицейдің құрметіне «Жас сақшы» полиция сыныбы ашылды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде «Жастар арасындағы жұмыссыздықтың аймақтық ерекшеліктері және оны төмендету жолдары» тақырыбында ғылыми-әдістемелік семинар өтті.Жиынды Ғылыми жұмыстар және халықаралық байланыстар жөніндегі проректор Майнура Бурибаева семинарды ашып, жастардың жұмыспен қамтылуы университеттің басты басымдықтарының бірі екенін атап өтті. Сондай-ақ, оқу орнында студенттердің кәсіби дағдыларын дамыту мен жұмыс берушілермен серіктестікті арттыру бағытында жүйелі жұмыстар жүргізіліп жатқанын айтты.Семинар жұмысына өңірлік және университеттік деңгейдегі сарапшылар, профессор-оқытушылар құрамы мен студенттер қатысты.Облыстық қоғамдық даму басқармасы “Азаматтық қоғам институттарымен жұмыс және жастар” бөлімінің бас маманы Ерболат Базарбеков жастар саясатының қазіргі жағдайы мен мемлекеттік деңгейде жүзеге асырылып жатқан бағдарламалар жөнінде баяндама жасады.«Жастар ресурстық орталығы» КММ NEET санатындағы жастармен жұмыс жасау бөлімінің басшысы Динара Жылқышиева «NEET санатындағы жастарды әлеуметтендіру бағытында жасалған жұмыстар» тақырыбында сөз сөйледі. Ол қоғамнан тыс қалған жастарды әлеуметтік бейімдеу, білім мен жұмыспен қамту мүмкіндіктеріне тарту бойынша атқарылып жатқан шараларға тоқталды.Қызылорда қалалық Мансап орталығының жұмыспен қамтуға жәрдемдесу және жұмыс берушілермен жұмыс бөлімінің маманы Ернұр Сапар «Жастар арасындағы жұмыссыздықтың аймақтық ерекшеліктері» тақырыбында баяндама жасап, өңірдегі жұмыссыздық деңгейі, сұранысқа ие мамандықтар және жастарға арналған бос жұмыс орындары жайлы деректермен бөлісті.Ал «Экономика және басқару» білім беру бағдарламаларының аға оқытушысы, экономист Жанна Смагулова «Жастар арасындағы жұмыссыздықтың аймақтық ерекшеліктері және оны төмендету жолдары» тақырыбында ғылыми талдау ұсынды.«Экономика және басқару» білім беру бағдарламаларының аға оқытушысы Абай Шайнуров университеттің жастарды жұмыспен қамтудағы рөлін атап өтіп, семинарға қатысушыларға алғысын білдірді.&nbsp;Семинар барысында қатысушылар жастар арасындағы жұмыссыздықты азайту, еңбек нарығының сұранысына сай мамандар даярлау және білім беру мен жұмыс берушілер арасындағы байланысты нығайту мәселелерін талқылады.Жиын соңында ұсыныстар айтылып, қатысушылар жастарды жұмыспен қамтуда мемлекеттік құрылымдар мен жоғары оқу орындарының өзара серіктестігін одан әрі дамыту қажеттігіне тоқталды.

Жастар арасындағы жұмыссыздық мәселесі талқыланды

<a href="https://kyzylorda-news.kz/">Kyzylorda-news.kz</a> Желтоқсанда мерекелік көңіл-күй орын алып, саяхаттауға деген белсенділік арта түседі, сонымен қатар алаяқтық схемаларда көрініс табады. Сіз курортты қуана таңдап, чемоданыңызды жинап жатқанда, қаскүнемдер сізді нысанаға алуы мүмкін. Демалысты тыныш және қауіпсіз өткізу үшін, Fingramоta.kz саяхатыңыздың жайлы болуына, ақшаңызды үнемдеуге және жүйкеңізді сақтауға көмектесетін бірнеше кеңес береді. &nbsp;Турларды ресми операторлардан ғана брондаңызЖаңа жыл алдында жалған туристік фирмалар, қолда жоқ жолдамаларды өте төмен бағамен ұсынатын клондық сайттар және аккаунттар көбейіп келеді. Сондықтан, операторды таңдағанда, лицензиясының бар-жоғын, мекенжайы мен &nbsp;кеңсенің орналасқан жерін нақтылап алыңыз. Әлеуметтік желілердегі немесе сайттағы пікірлерге сенбеңіз — боттар немесе жалған пікірлер болуы мүмкін.Кез келген дереккөздерден пікірлермен танысыңыз, таныстарыңыз бен әріптестеріңізден осы фирмадан бұрын тур алған-алмағанын сұраңыз, барлық ақпаратты жинақтаңыз. Сондай-ақ, есіңізде болсын: егер сатушы алдын ала төлемді немесе турдың толық құнын жеке картаға аударуды сұраса, бұл алаяқтықтың белгісі. Барлық ақшаны компанияның ресми шотына ғана аударыңыз, қандай &nbsp;жағдайда да жеке тұлғаға аударым жасамаңыз.Демалыста да цифрлық қауіпсіздік туралы ұмытпаңызҰшу барысы мен қонақүйге келіп орналасу Сізді біраз шаршатуы мүмкін, осыған байланысты қателік жіберуіңіз де ықтимал, сондықтан да әрдайым жинақы болып, өз-өзіңізді барынша қорғай біліңіз. Саяхатқа арнап бөлек банк картасын жасатыңыз және сол картаны пайдалансаңыз, негізгі картадағы үлкен соманы сақтап қаласыз. Пауэрбанкті бірге алып жүріңіз, оны уақтылы қуаттауға &nbsp;тырысыңыз және басқа біреудің пауэрбанкін пайдаланбаңыз: алаяқтар QR-ге ақысыз қуаттау кезінде сіздің ақшаңыз бен деректеріңізді ұрлайтын зиянды жүйенің кодын орнатуы мүмкін. Тегін Wi-Fi қолданбаңыз — ол арқылы қаскүнемдер зиянды БҚ-ны орната алады немесе барлық онлайн-банкинг деректерін ала алады.Билеттер мен турларды қолдан сатып алмаңызOLX типті сайттарда және әлеуметтік желілерде билеттерді және тіпті турларды жарты бағасына сату туралы ұсыныстары бар жарнамаларды кездестіруге болады, себебін жоспарларының өзгеруіне байланыстырады. Бірақ іс жүзінде 100% жағдайда бұл алаяқтық схемалар. Сіз «сатушымен» байланысқаннан кейін, ол кепілдік үшін алдын ала төлем сұрайды және ақшаны алғаннан кейін байланысқа шығуды тоқтатады. Екінші нұсқа: сізге жалған билеттер мен турлар сатылады, олар шынайы болып көрінеді, бірақ әуежайда сіз алданғаныңыз туралы жағымсыз жаңалықты білесіз. Сондықтан мұндай ұсыныстардан аулақ болыңыз, бірақ егер сіз оны сатып алған болсаңыз да, билеттерді авиакомпанияның веб-сайты немесе Aviata, Chocotravel және басқалары сияқты ресми сатушылар арқылы тексеруді ұмытпаңыз.Сілтемелер арқылы өтпеңізРесми және тексерілген оператор сізге мессенджерлер және әлеуметтік желілер арқылы «Брондауды растау қажет» немесе «Шұғыл түрде қонақүйді нақтылаңыз» деген сылтаулармен сілтемесі бар хабарлама жіберген жағдайда ол сілтеме бойынша еш жағдайда өтпеңіз. Турфирма аккаунтын алаяқтар бұзып ашып, оның атынан сізге жазып тұруы әбден мүмкін. Осындай хабарларды алғаннан кейін ресми телефон нөмірі бойынша қоңырау соғып, ақпаратты нақтылаңыз, себебі желтоқсан айы – фишингтің асқынатын кезеңі: адамдар жыл бойы шаршап, демалысты аңсайды, жылдамырақ бір жаққа ұшуды қалайды, ал мұны алаяқтар өз пиғылдарында пайдаланады. &nbsp;Паспортыңызды ешқашан мессенджер арқылы жібермеңізӘлеуметтік желілердің және мессенджерлердің қауіпсіздік қызметтері жүйелерді қанша жаңартқанымен, жаңа қорғаныс сертификаттарын орнатқанымен, доксинг және деректерді ұрлау тәуекелі жоғары болып қалуда. Сондықтан құжаттарды ешқашан мессенджерлер арқылы, әсіресе фирманы тексерместен жібермеңіз – алаяқтарға тап болсаңыз қайтесіз? Ресми операторды да бұзып ашуға болады, сондықтан құжаттарды жіберу кезінде аса абай болу керек және расымен де нақты фирмамен сөйлесіп тұрсыз ба, соны бірнеше рет тексеріп алыңыз. &nbsp;Сапар алдында өз әлеуметтік желілеріңізді қорғаңызБұл астыртын кеңес, себебі әлеуметтік желілер арқылы алаяқтар аккаунтқа байланысатын телефон нөмірі арқылы жеке деректерге және шоттарға қолжетімділік алуы мүмкін. Сондықтан, құпиясөздеріңізді алдын ала ауыстырып қойыңыз – неғұрлым күрделі құпиясөздерді таңдап, екі факторлы бірдейлендіруді орнатыңыз, бөгде құрылғылар арқылы кіруге тыйым салыңыз, аккаунтқа резервті e-mail қосыңыз. Айта кететін тағы бір маңызды нәрсе әлеуметтік желілерде сапар туралы ақпаратпен бөліспеңіз: қазіргі уақытта билеттермен паспорттарды суретке түсіру сәнге айналды, бірақ бұл да қауіпті, сондықтан ондай ойдан бас тартыңыз. Сондай-ақ, жол жүретін нақты күндеріңізді жарияламаңыз, геолокацияңызбен бөліспеңіз және өз демалысыңыз туралы егжей-тегжейлі көп ақпарат бермеңіз. Бөтен адамдар сіз туралы аз білгені жақсы. &nbsp;Демалыста да сақтық танытып, қырағылықты жоғалтпау керек. Картаңыздан есептен шыққан ақшаларды жиі тексеріп отырыңыз және VPN-сыз тегін Wi-Fi-ға қосылмаңыз, паспорттың суретін ашық галереяда сақтамаңыз. Алаяқтар сіз демалған кезде белсенді бола түседі. Көп уақытыңыз бен күшіңізді алмайтын базалық қауіпсіздік ережелерін сақтай отырып сіз демалысыңызды естен кетпейтіндей және жайбарақат өткізесіз. &nbsp;<img src="https://knadmin.beoblood.kz/uploads/2605_infografika_kaz_69_76d89ffe2b.png" alt="2605-infografika-kaz-69.png">Өзіңізге, ақшаңызға сақ болыңыз және Fingramota.kz-пен бірге қаржылық сауаттылығыңызды арттырыңыз!Фото: fingramota.kz

Жаңа жыл алдындағы тур: саяхатшылар үшін пайдалы лайфхактар

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің қауымдастырылған профессоры Рахат Құрманбаев «Максим Танк атындағы Белорусь мемлекеттік педагогикалық университетінің» «Шақырылған профессор» бағдарламасы аясында дәрістер оқуда.Ғалым «Табиғаттанушылық білім беру» мамандығының студенттері мен магистранттарына «Жаһандық экологиялық проблемалар: өткені, қазіргісі және болашағы (Арал теңізінің экологиялық апаты мысалында)» тақырыбында дәріс оқып, экологиялық мәселелерді шешудегі ғылыми көзқарастармен бөлісуде.Сапар барысында оқу ісі жөніндегі проректор Вероника Радыгина және «Жаратылыстану» факультетінің деканы Галина Скриган екі университет арасындағы ынтымақтастық туралы Меморандум аясында бірлескен іс-шаралар мен жобаларды талқылады.Келесі оқу жылында Қорқыт ата атындағы Қызылорда университетінің «Биология» білім беру бағдарламасының магистранттары үшін Белорусь мемлекеттік педагогикалық университетімен бірлескен білім беру бағдарламасын жүзеге асыру жоспарлануда.Бұл – халықаралық әріптестікті дамытуға және жас ғалымдардың ғылыми әлеуетін арттыруға бағытталған маңызды қадамдардың бірі.

Қорқыт ата университетінің профессоры Белорусьта дәріс оқуда

<a href="https://kyzylorda-news.kz/">Kyzylorda-news.kz</a> Шиелі аудандық "Руханият" орталығында жетінші рет өткізіліп отырған Қазақстан халқы Ассамблеясының 30 жылдығына орай «Қазақстан – татулық пен достықтың отаны» атты форум ұйымдастырылды.Мемлекет басшысы Қасым-Жомарт Тоқаев Қазақстан халқы Ассамблеясының ХХХІV сессиясында еліміздегі барлық этностар біртұтас Қазақстан халқын құрайтынын атап өтті. Президент достық, ынтымақ және тұрақтылық біздің ең басты жетістігіміз екенін айтып, Ассамблеяның қоғамды ортақ мақсаттарға жұмылдыратын орган болуы керектігін ерекше айтты.Шиелі аудандық қоғамдық даму бөлімінің басшысы Есенбаев Кенжехан Шахизатұлы және облыстық қоғамдық даму басқармасының «Қоғамдық келісім» КММ директорының орынбасары Құрманов Руслан Болатбекұлы сөз сөйледі. Сонымен қатар, Қызылорда облыстық «Қоғамдық келісім» КММ-нің Шиелі ауданы бойынша этносаралық қатынастар жөніндегі сарапшы Абызбаева Самал Бектайқызы жыл бойында этностар жайлы атқарған жұмыстарын баяндады.Форум барысында ауданның қоғамдық-саяси және әлеуметтік өміріне белсенді атсалысып жүрген бірқатар азаматтарды облыстық қоғамдық даму басқармасының «Қоғамдық келісім» КММ директорының және аудан әкімінің Алғыс хаттарымен марапаттады.

«Қазақстан – татулық пен достықтың отаны» атты Шиелі ауданында форум өтті 

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Журналистика мамандығының 4-курс студенттері ұйымдастырған «Тәубенің зоры – Тәуелсіздік» атты тағылымдық шара өтті. Аталған іс-шараның негізгі мақсаты – ұлт тәуелсіздігінің мәнін терең ұғындыру, Желтоқсан оқиғасының тарихи орнын жаңаша қырынан көрсету және елдік рухты қалыптастыруға зор үлес қосқан тұлғаларға құрмет білдіру болды.Тәуелсіздік – ұлттың рухын тіктеп, өз болмысын қайта танытқан тарихи белес. Егемендіктің әрбір таңы – бабалардың жанқияр ерлігі мен бүгінгі ұрпақтың жауапкершілігін айшықтайтын қастерлі құндылық екенін тағылымдық шараның мазмұны айқын көрсетті. &nbsp; &nbsp;Шара Мемлекеттік Әнұранмен ашылып, азаттығымыз жолында еңбек еткен аға буын өкілдерін бір минут үнсіздікпен еске алумен жалғасты. Қадірлі қонақтар, 1986 жылғы Желтоқсан оқиғасының куәгерлері, сол бір сындарлы кезеңнің тарихи сәттері туралы жастармен тұщымды ой бөлісті. Олар еркіндікке бастар жолдың әр қадамы табандылық пен қайсарлықты талап еткенін, ал бүгінгі ұрпақтың міндеті – тәуелсіздіктің қадірін терең түсіну екенін атап өтті.Іс-шараға қатысқан батыл желтоқсаншылардың қатарында университеттің Шетел тілдері және аударма БББ-ның аға оқытушысы, п.ғ.м Шолпан Баймаханова, сондай-ақ Қазақ тілі мен әдебиеті және журналистика БББ-ның доценті, ф.ғ.к Гүлмира Баялиева болды.Тәуелсіздік құндылығын дәріптеудегі белсенді қызметі және өскелең ұрпаққа көрсеткен өнегелі еңбегі үшін Шолпан Баймаханова, Гүлмира Баялиева және Асыл Уразова Қызылорда қалалық «AMANAT» партиясының Алғыс хатымен марапатталды. Бұл құрмет – олардың елдік мүдде жолындағы сүбелі еңбегіне көрсетілген ерекше бағасы болды.Журналистика мамандығының 4-курс студенттері ұйымдастырған мазмұнды шара – тарихқа тағзымның, ұрпақ сабақтастығының және тәуелсіздіктің қадірін терең түсінудің жарқын үлгісі. Осындай игі бастамалар жас буынның елдік рухын бекітіп, азаттықтың мәнін ұғынуға септігін тигізері сөзсіз.

«Тәубенің зоры – тәуелсіздік»

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында көптен бері шешімін күткен маңызды мәселе - Сабалақ елдімекені табиғи газға қосылуда. Бұл жаңалықты Сабалақ тұрғындары аса зор қуанышпен қабылдап жатыр.Қала маңында орналасқан Сабалақ елдімекенінде халық саны жыл сайын артып, жаңа тұрғын үйлер мен әлеуметтік нысандар салынуда және соңғы 3 жылдың ішінде 5 млрд. теңге жуық қаржыға ауқымды инфрақұрылымдық жобалар жүзеге асырылды.Оның ішінде жол, жарық, ауыз су желісі тартылып, бірқатар көшелерге жарықтандыру жүргізілді. Қоғамдық көлік қатынасы реттелді.Осы жұмыстармен қатар, тұрғындардың басты сұранысы табиғи газ мәселесін шешу болатын.Аймақ басшысы халықтың сұранасын қанағаттандыру мақсатында тиісті салаға мәселені жедел шешу туралы тапсырма беріп, демеушілік есебінен 53 млн. теңгеге жоба сметалық құжаттама әзірленді.Нәтижесінде, республикалық және облыстық бюджеттен жобаны жүзеге асыруға 3,2 млрд теңге бөлініп, 2024 жылы елді мекенді газдандыру жұмыстары басталды.Мердігер мекеме «Сырэнергогазстрой» ЖШС арқылы 3 кезеңнен тұратын жоба &nbsp;аясында 100 шақырымға жуық газ құбыры тартылып, &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; 1 дана газ реттеуіш пункті мен 5 дана шкафты газды реттеу пункті орнатылды.Қазіргі таңда пайдаланушы мекемелер тарапынан тексеру және қабылдау жұмыстары аяқталып, елдімекенге жеткізуші газ құбыры жоғары қысымды газ желісіне қосылды.Жыл соңына дейін барлық жұмыстар аяқталып, 1670 абонент көгілдір отынға қосылуға қол жеткізеді.Айта кету керек, аймағымызда 2021 жылдың соңында газдандыру деңгейі 67 пайыз болатын. Атқарылған ауқымды жобаларадың арқасында 2022-2025 жылдар аралығында 63 млрд. 600 млн. теңгеге&nbsp;77 жоба жүзеге асырылып, биыл облысымызда газдандыру көрсеткіші 83 пайызға жетті.<img src="https://knadmin.beoblood.kz/uploads/Sabala_eldimekeni_gaz_a_osyldy_a137a636a7.jpg" alt="Сабалақ елдімекені газға қосылды.jpg">

Қазақстан және Қызылорда облысының жаңалықтары