<a href="https://kyzylorda-news.kz/">Kyzylorda-news.kz</a> Биылғы 19 наурыздан бастап Қазақстанда тұтынушылық қарыздарды беруге қойылатын талаптарды қатаңдату ресми түрде күшіне енді. Оның басты мақсаты&nbsp;— халықтың&nbsp;шамадан тыс кредит алуын&nbsp;төмендету, алайда, осыған қарамастан, елде заңсыз&nbsp;кредит беру&nbsp;жағдайлары жиі тіркелуде. Қарыз алушылардың бір бөлігі&nbsp;лицензиясыз, ашық шарттарсыз және қандай да бір қорғанусыз — &nbsp;«сұр»&nbsp;деп аталатын&nbsp;кредиторларға&nbsp;жүгінеді.Бұл не үшін қауіпті және борыш қақпанына қалай түсіп кетпеу керектігін <a href="https://fingramota.kz/kk/news/post/sr-kreditorlar-borysh-apanyna-alaj-tsip-ketpeuge-bolady">Fingramota.kz</a>-пен бірге қарастырыңыз.Жаңа талаптар нені қамтидыЕнді банктер мерзімі өткен кезде 90 күнде емес, 30 күнде жаңа қарыздар беруден бас тарта алады. Яғни, төлемдердің қысқа мерзімді кідірісі де банктің тұтынушыға кредиттен бас тартуына негіз бола алады. Сондай-ақ онлайн-қарыздар беру кезінде шешім қабылдау кезеңі және міндетті биометриялық сәйкестендіру енгізілді.Бұл нормалар бекер енгізілмеген: мемлекет осылайша зардап шеккендерді өздері білмей кредиттер беретін алаяқтармен күресуге ниетті. Сонымен катар, жаңалықтар азаматтың қаржылық тәртібін артырып, кредит операцияларын анағұрлым қауіпсіз етуі қажет. Алайда, өкінішке орай, жақсы ниеттің әрқашан кемшілігі бар, біздің жағдайда бұл адамдар ресми қаржы институттарынан бас тартқан кезде жүгінетін сұр кредиторлар.Сұр кредиторлар қалай жұмыс істейдіТалаптардың қатаңдауы аясында 2025 жылы жаңа тұтынушылық кредиттер беру айтарлықтай төмендеді: егер 2024 жылы олардың өсуі 21,9% болса, ал өткен уақытта тек 8,7%. Сонымен қатар, Қаржылық мониторинг агенттігінің ресми статистикасына сәйкес 2024-2025 жылдары заңсыз микроқаржылық қызмет фактілері бойынша 19 қылмыстық іс тіркелген, 2026 жылғы екі айда тағы алты қылмыстық іс тіркелген. Ал заңсыз берілген кредиттер сомасы 220 млрд теңгеден асты.Қағидалардың өзгеруіне қарамастан қазақстандықтарға кредит алуға кім «көмектесетінін» талқылайық. Бұл «сұр» кредиторлар – заңсыз және қаржы реттеушісінің лицензиясын алмай қарыз беретін кредитор – жеке тұлғалар немесе ұйымдар. Қарапайым сөзбен айтқанда, бұл заңсыз кредиторлар, олар:<ul><li style="text-align:justify;">кірісті тексермей ақша береді;</li><li style="text-align:justify;">кредиттің толық құнын ашпайды;</li><li style="text-align:justify;">басқа шарттар түрінде қарыз ресімдейді – мысалы, тауар сатып алу шарты;&nbsp;</li><li style="text-align:justify;">кепіл талап етуі мүмкін (пәтер, автомобиль);</li><li style="text-align:justify;">борышты қайтару кезінде қысым көрсетеді.</li></ul>Солтүстік-Қазақстан облысында «сұр» кредитор ұсталды, ол біз осыған дейін айтқан типтік заңсыз схема бойынша әрекет етті. 12 жыл бойы ол жеке және заңды тұлғаларға мүліктік кепілмен де, онсыз да мәмілелерді ресімдей отырып, жоғары пайызбен жүйелі түрде қарыз беріп отырған. Бұл ретте, оның қаржылық қызметті жүзеге асыруға лицензиясы болмады, бұл мұндай тәжірибені заңсыз етеді.Қарыздарды заңды операциялар ретінде көрсету үшін кредитор мүлікті сатып алу-сату туралы жалған шарттар жасады. Бұл ретте қарыздар бойынша ай сайынғы сыйақы мөлшері қарыз сомасының 5-тен 10%-на дейін құрады, бұл жылдық 60-120%-ға баламалы. Осылайша, сұр несие беруші шұғыл ақшаға мұқтаж азаматтардан 1,8 млрд теңгеден астам ақша тапты.Мұндай жағдайлар заңсыз кредиторларға жүгіну тәуекелдерін және қарыз алушылар үшін ықтимал салдарларды айқын көрсетеді.«Сұр» кредиторларға жүгіну несімен қауіпті&nbsp;1. Жасырын пайыздар және артық төлем: басында мәлімделген мөлшерлеме төмен болуы мүмкін, бірақ айыппұлдар мен комиссиялар есебінен борыш бірнеше есе жоғарылайды.&nbsp;2. Борыштың жылдам өсуі: есептеулер күнделікті жүргізілуі, ал талаптар – заңсыз кредитор үшін ыңғайлы жаққа қарай өзгеріп отыруы мүмкін.&nbsp;3. Құқықтық қорғаудың болмауы: қарыз тауарды сатып алу ретінде, ал шарт жалған болғанда, сотта сіздің кредит ресімдегеніңізді және сізді алдап кеткенін дәлелдеу қиынға соғады.4. Мүлікті жоғалту тәуекелі: сұр кредиторлар кепілге пәтерді немесе автокөлікті талап етеді, оларды кешіктірген кезде жоғалтуға болады. Атап айтқанда, алаяқтар сіздің мүліктеріңізді өздеріне алуға тырысады.5. Өндіріп алу кезіндегі қысым: қауіп-қатер, психологиялық қысым, дене зорлық-зомбылығы және борышты қайтарудың заңсыз әдістері болуы мүмкін.6. Заң тарапынан қорғаудың болмауы: сұр кредиторлар ережелерді айналып өтіп жұмыс істейді, сондықтан мемлекет сіздің құқықтарыңызды қорғай алмайды.<img src="https://knadmin.beoblood.kz/uploads/S_r_kreditorlar_2_704bc83a9e.png" alt="Сұр кредиторлар 2.png">

Сұр кредиторлар: борыш қақпанына қалай түсіп кетпеуге болады?

<a href="https://kyzylorda-news.kz/">Kyzylorda-news.kz</a> Әр адамның басынан қаржылық қиындықтар өтуі мүмкін. Кенеттен жұмысынан, белгілі бір табысынан айырылу немесе денсаулығына байланысты проблемалар көп жағдайда адамды кредиттік міндеттемелерін орындауына мүмкін болмайтын тығырыққа тіреуі мүмкін. Мұндай сәттерде қарыздар жан-жақтан қысып, болашақта не болатынын аңғару қиынға соғады. &nbsp;Осындай жағдайларда соңғы шара ретінде жеке тұлғалардың банкроттығы рәсімін қарастыруға болады.&nbsp;Банкроттықтың іс жүзінде қалай жұмыс істейтіні және ол кімге жарамды және қандай салдарды ескеру маңызды екендігі жөнінде ҚР Қаржы министрлігі Мемлекеттік кірістер комитетінің Дәрменсіз борышкерлермен жұмыс басқармасының басшысы Меруерт Сисембаева айтып берді.&nbsp;Банкроттық дегеніміз не және ол туралы қашан ойлану керекБанкроттық - бұл төлемге қабілетсіз болып қалған азамат үшін борыш жүктемесін азайтудың заңды тетігі.Төлем қабілетсіздігі деп адам&nbsp;өзінің қаржылық міндеттемелерін толық көлемде орындай алмайтын&nbsp;жағдай түсініледі. Қазақстанда оның маңызды өлшемшарты -&nbsp;12 ай ішінде қарызды өтемеу&nbsp;- бұл банкроттық рәсімін қолданудың негізгі белгілерінің бірі.Алайда банкроттық –&nbsp;тығырықтан шығудың ең соңғы шарасы&nbsp;екенін түсіну маңызды. Ол қарыздардан құтылуға көмектеседі, алайда оның салдары да бар, банкроттық жаңа кредиттер алуға шектеулер мен кредиттік тарихтың нашарлауына әкеледі.Оған бармас бұрын баламаларды қарастыру керек: кредитті қайта құрылымдау, төлемдерді кейінге қалдыру немесе банкпен немесе МҚҰ-мен келіссөздер жүргізу. Көптеген қаржы ұйымдары бүгінде қарыз алушылармен ымыраға келуге және проблемалық кредиттерді реттеудің неғұрлым икемді шарттарын ұсынуға дайын.Соттан тыс және сот банкроттығы: айырмашылығы недеҚазақстанда бірнеше рәсімдер қарастырылған, және оның қайсысы сізге лайықты екенін түсіну маңызды.Соттан тыс банкроттық&nbsp;- бұл барынша жеңілдетілген рәсім, бірақ оның нақты шарттары бар:• борыш - 1600 АЕК (6,9 млн теңге) дейін;• мүліктің болмауы (оның ішінде бірлескен);• кредитормен қарызды реттеу әрекеттері болды.Рәсім банктер және микроқаржы ұйымдары алдындағы борыштарға ғана қолданылады.Бұл ретте, көптеген өтініш берушілерге өздері ол жөнінде хабары жоқ &nbsp; мүліктің (мысалы, банк өнімдерін ресімдеу кезінде автоматты түрде ашылған акциялар) болуына байланысты банкроттықтан бас тартылады. Сондықтан өзіңіздің активтеріңізді алдын ала тексеріп алу маңызды.Сот арқылы банкроттық&nbsp;пен&nbsp;төлем қабілеттілігін қалпына келтіру&nbsp;қарыздың кез келген түріне және мүлік болған жағдайда кеңінен қолданылады. Алайда, бұл рәсімдер шығындарды талап етеді (мемлекеттік баж және қаржы басқарушысының қызметтері).Бұл ретте «төлем қабілеттілігін қалпына келтіру» - бұл банкроттыққа балама, аталған жағдайда адам қарыздарын есептен шығармай, оларды бекітілген жоспар бойынша біртіндеп өтейді. Бұл опция кірісі бар және қарыздарын біртіндеп төлеуге мүмкіндігі бар адамдар үшін қолайлы.Рәсім қалай өтеді?<ul><li style="text-align:justify;">Банкроттық рәсімі 6 ай уақыт алады.&nbsp;</li><li style="text-align:justify;">Соттан тыс банкроттық үшін барлығы барынша жеңілдетілген:&nbsp;</li><li style="text-align:justify;">құжаттар жинау талап етілмейді;</li><li style="text-align:justify;">өтініш берген кезде ЖСН көрсету жеткілікті;</li><li style="text-align:justify;">жұбайының/зайыбының (аге рол болса)келісімі қажет;</li><li style="text-align:justify;">өтінішті дара кәсіпкер болып табылмайтын Қазақстан азаматы ғана бере алады.</li></ul>Сот рәсімі қиындау. Бұл жерде:<ul><li style="text-align:justify;">кредиторлар мен борышкерлердің тізімі;</li><li style="text-align:justify;">қарыздарды растайтын құжаттар;</li><li style="text-align:justify;">мүлік туралы мәліметтер.</li></ul>Бұдан басқа, сот істі қарау барысында қосымша материалдарды сұрата алады.Қандай қарыздар есептен шығарылады, қандай қарыздар шығарылмайды?Көптеген адамдар банкроттық барлық қарызды «жоқ қылып жібереді» деп ойлайды, бірақ олай емес.Соттан тыс рәсім кезінде банктерден және микроқаржы ұйымдарынан алынған кредиттер ғана, тіпті олар коллекторларға берілген жағдайда есептен шығарылады.Соттан тыс банкроттық рәсімін қолдана отырып, адам оның мысалы, салық берешегі немесе жеке тұлға немесе кредиттермен байланысты емес басқа ұйым алдындағы қарызы есептен шығарылажы деп күтпеуі керек.Сот арқылы банкроттық жағдайында есептен шығарылатын қарыздардың тізбесі сот шешімімен айқындалады.Сондай-ақ, ешбір жағдайда есептен шығарылмайтын міндеттемелер болады, олар:&nbsp;<ul><li style="text-align:justify;">алименттер;</li><li style="text-align:justify;">өмір мен денсаулыққа келтірілген зиянды өтеу;</li><li style="text-align:justify;">қылмыстық құқық бұзушылықтар бойынша залал және бюджетке төленетін, сот шешімі бойынша өндіріп алынатын төлемдер;</li><li style="text-align:justify;">қаржы басқарушысының сыйақысы (егер ол төленбеген болса).</li></ul>Банкроттықтан кейін қандай шектеулер күтіп тұр&nbsp;Банкроттық-бұл қарыздан босату ғана емес, сонымен бірге мынадай белгілі салдарлар:<ul><li style="text-align:justify;">5 жыл ішінде кредит ала алмайсыз (ломбардтардағы микрокредиттерді қоспағанда);</li><li style="text-align:justify;">3 жыл уәкілетті орган тарапынан бақылау жүзеге асырылады;</li><li style="text-align:justify;">банкроттыққа 7 жылдан кейін ғана қайта өтініш беруге болады;</li><li style="text-align:justify;">банкроттық туралы ақпарат ашық дереккөздерде жарияланады.</li></ul>Мұндай шектеулерге қаншалықты дайын екеніңізді алдын ала бағалау маңызды.2026 жылы не өзгерді&nbsp;Заңнама рәсімдерді біртіндеп жеңілдетуде, ағымдағы жылдың наурыз айында маңызды өзгерістер күшіне енді:&nbsp;<ul><li style="text-align:justify;">ломбардтар соттан тыс банкроттық кезінде&nbsp;кредиторлар қатарынан шығарылады, бұл азаматтардың көп санына рәсімді пайдалануға мүмкіндік береді;</li><li style="text-align:justify;">борышы 1600 АЕК-ке дейінгі және мерзімді 5 жылдан астам уақытқа кешіктірген азаматтар үшін рәсім мерзімі 6 айдан 1 айға дейін қысқартылды. Кредиттік бюроның деректері бойынша, 350 мыңнан астам адам осы талаптарға сәйкес келеді және енді олар өздерінің борыш бойынша мәселелерін тезірек шеше алады.</li></ul>Қазіргі уақытта қанша азамат банкроттық жөнінде өтініш берді?Ол іске қосылған сәттен бастап 378 мыңнан астам өтініш берілді, бірақ олардың 72,8%-ы қабылданбады. Бас тартудың негізгі себептері көп жағдайда өтініш берушінің мүлкінің болуы, борыш сомасы бойынша белгіленген талаптарға сәйкес келмеуі, ұзақ мерзімді кешіктірудің болмауы, сондай-ақ кредитормен реттелмеген мәселелер болып табылады.Сонымен бірге жалпы сомасы 126,4 млрд теңгеге 62,5 мыңға жуық азамат банкрот деп танылды. Жалпы, рәсім шеңберінде 230,9 млрд теңге сомадағы борыш есептен шығарылды, бұл бас тартудың жоғары пайызына қарамастан, тетіктің әлі де жұмыс істейтінін, бірақ барлық шарттарды қатаң сақтауды талап ететінін көрсетеді.Зейнеткерлер немесе мүгедектер соттан тыс банкроттық рәсімін қолдана ала ма?Зейнеткерлер мен мүгедектігі бар адамдар соттан тыс банкроттық құқығымен шектелмейді – заң жасына немесе әлеуметтік мәртебесіне байланысты ешқандай айырмашылыққа жол бермейді. Қазірдің өзінде бұл рәсімді 1200-ге жуық зейнеткер қолданды.Бас тарту белгіленген талаптарға сәйкес келмеген жағдайда ғана мүмкін болады: мысалы, егер адамның мүлкі болса, ол қарыздарын өтеуді жалғастырады немесе төлем қабілетсіздігі белгілері жоқ. «Зейнеткер» немесе «мүгедек» мәртебесінің өзі қаржылық дәрменсіздікті білдірмейтінін түсіну маңызды.Бұл ретте атаулы әлеуметтік көмек алушылар үшін жеңілдіктер көзделген: олар төлемнің болмау мерзіміне қарамастан банкроттыққа өтініш бере алады. Сондай-ақ, мұндай шектеулер жоқ төлем қабілеттілігін қалпына келтіру рәсімі қолжетімді.Банкроттыққа беру кезіндегі жиі болатын қателерБас тартудың ең көп тараған себептерінің бірі - банкроттықтың кіріс өлшемшарттарына немесе негіздеріне сәйкес келмеуі.Өтініш берер алдында мыналарды&nbsp;тексеру маңызды:<ul><li style="text-align:justify;">кредиттік есеп (мәліметтерді Мемлекеттік кредиттік бюродан немесе Бірінші кредиттік бюродан алуға болады);&nbsp;</li><li style="text-align:justify;">мемлекеттік базалардағы мүлік және мәртебе туралы деректер.</li></ul>Кейде кредиторлар немесе коллекторлық агенттіктер ақпаратты жаңартпайды және бұл банкроттық рәсімінен өтуге кедергі болуы мүмкін.<img src="https://knadmin.beoblood.kz/uploads/Fingramota_bankrotty_d804e84af4.png" alt="Финграмота банкроттық.png">

Қазақстандағы жеке тұлғалардың банкроттығы: қалай жұмыс істейді және ол кімге қажет

<a href="https://kyzylorda-news.kz/">Kyzylorda-news.kz</a> Бүгінде Қызылорда облысында 1000-нан астам ерікті, 30-ға жуық волонтерлік топ белсенді қызмет атқарады. Сонымен қатар, «Ассамблея жастары» қозғалысы мен бірқатар еріктілер ұйымдары қоғамдық жұмыстарға тұрақты түрде үлес қосып келеді. Бұл туралы Өңірлік коммуникациялар қызметінде өткен баспасөз конференциясында белгілі болды. Жиында өңірдегі еріктілер қозғалысының дамуы, жаңа бастамалар мен алдағы жоспарлар кеңінен сөз болды.<blockquote>- Өңірдегі волонтерлік қызмет «Bilim», «Sabaqtastyq», «Asylmura», «Qamqor», «TazaÁlem», «Úmit», «Saýlyq», «Ayala» бағыттары бойынша жүйелі жүзеге асуда. Жыл басынан бері өңірде 20-дан астам іс-шара ұйымдастырылып, 600-ден астам ерікті тартылған. Тамыз айында республикалық волонтерлер слеті, ал қазан айында Арал өңірінде «Green Aral: Volunteers for Life» халықаралық апталығы өтеді. Облыста волонтерлік қозғалыс жүйелі түрде дамып келеді. Фронт-офистер арқылы еріктілердің бастамаларына қолдау көрсетіліп, жастардың қоғамдық белсенділігі артуда. Бүгінде жоғары оқу орындары мен колледж студенттері арасында да волонтерлікке қызығушылық айтарлықтай өсіп отыр, - деді облыстық қоғамдық даму басқармасы басшысының міндетін атқарушы Уалихан Ибраев.&nbsp;</blockquote>Мемлекет басшысының бастамасымен 2026 жыл БҰҰ Бас Ассамблеясы тарапынан «Орнықты даму жолында Халықаралық еріктілер жылы» деп жариялануына орай облыста арнайы іс-шаралар жоспары бекітілген. Осы бағытта аймақта волонтерлік қозғалысты жүйелеу және қолдау мақсатында облыстық және аудандық деңгейде фронт-офистер жұмыс істейді.&nbsp;<blockquote>- Қазақстандағы волонтерлік соңғы жылдары сапалы жаңа деңгейге көтерілді. Егер 2020 жылы елде 224 ұйым болса, бүгінде олардың саны 800-ден асты. Еріктілер қатары 50 мыңнан 300 мыңнан астам адамға дейін өсті. Бұл азаматтық қоғамның нығайып келе жатқанын көрсетеді. Біздің негізгі мақсатымыз өңірлердегі еріктілерді оқыту, қолдау және олардың ұсыныстарын ескере отырып, тиімді жүйе қалыптастыру. Қазіргі таңда Мәдениет және ақпарат министрлігімен бірлесіп волонтерлікті қолдаудың бірыңғай тұжырымдамасы әзірленуде. Волонтерлік тек қоғамдық белсенділік емес, ел дамуының маңызды тетігі. Сондықтан бұл бағыттағы жұмысты жүйелі түрде жалғастыру &nbsp;басты міндет, - деді «Ұлттық волонтерлік желі» заңды тұлғалар бірлестігінің Ұлттық волонтерлік фронт кеңсесінің басшысы &nbsp;Айбек Досымбетов.</blockquote><img src="https://knadmin.beoblood.kz/uploads/Eriktiler_brifing_d016e1ed4c.jpg" alt="Еріктілер брифинг.jpg">

Еріктілер - қоғам дамуының қуатты күші

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев А.Тоқмағанбетов ауылдық округіне қарасты «Айжанкеткен» каналының тоспа бөгетін жөндеу жұмыстарының барысымен танысты.Аудан басшысы нысанда жүргізіліп жатқан жұмыстарының сапасына және техникалық талаптардың сақталуына ерекше назар аударды. Сонымен қатар, жауапты сала басшыларымен атқарылып жатқан жұмыстардың жай-күйін талқылады.Сырдариясушар" мекемесі басшысының орынбасары М.Айтмұханов «Айжанкеткен» каналының тоспа бөгетін қайта жаңғырту жобасының өңір үшін маңыздылығын атап өтті. Аталған нысан елді мекенді аяқ сумен қамтуға және ауыл шаруашылығы алқаптарын сумен тұрақты қамтамасыз етуге мүмкіндік береді. Бұл өз кезегінде егін шаруашылығының өнімділігін арттырып, тұрғындардың әлеуметтік-экономикалық жағдайының жақсаруына оң ықпал етпек.Аудан әкімі жобада қарастырылған барлық құрылыс жұмыстары сапалы әрі уақытылы аяқталуы тиіс екені қатаң ескертті және құрылыс сапасын басты назарда ұстап, қауіпсіздік талаптарын толық сақтауды тапсырды.

Су айдындары бөгеттерін жөндеу жұмыстарымен танысты

<a href="https://kyzylorda-news.kz/">Kyzylorda-news.kz</a> ҚР Президенті Әкімшілігінің Мемлекеттік инспекторы &nbsp;Рауан Рақымбеков, облыс әкімінің бірінші орынбасары Данияр Жаналиновтың төрағалығымен өткен мәжілісте «Қазақстан Республикасы өңірлік дамуының &nbsp;2025-2030 жылдарға арналған тұжырымдамасы», туризмді дамыту мәселелері жөніндегі кеңес қорытындысында берілген және қалалардың сыртқы келбеті жөніндегі тапсырмалардың орындалуы талқыланды.&nbsp;Сонымен бірге «Таза Қазақстан» экологиялық бағдарламасын іске асыру, орман қорына 2 млрд, елді мекендерге 15 млн. көшет отырғызу барысы қаралды.&nbsp;Мәжілістен кейін өткен жиналыста осы және өзге де мәселелерге орай жауапты сала басшыларына тапсырмалар жүктелді.<blockquote>«Мемлекет басшысының тапсырмасын іске асыру үшін Үкімет «Өңірлік дамудың 2025-2030 жылдарға арналған тұжырымдамасын» бекітті. Тұжырымдама географиялық ерекшеліктері мен артықшылықтарына қарай өңірлердің әлеуметтік-экономикалық әлеуетін аша түсуді, халықты базалық инфрақұрылыммен қамтуды көздейді. &nbsp;Қалада жайлы орта қалыптастыруға, аймақтардағы теңгерімсіздіктерді жоюға, халықтың өмір сүру сапасын арттыруға және экономиканың салалық ерекшеліктерін дамытуға бағытталған. Бүгінде тұжырымдама аясында ауыл тұрғындарының табысы мен тұрмыс сапасын арттыру үшін түрлі шаралар атқарылуда. Қызылорда қаласы және аудан әкімдіктерімен бірлесіп, жұмысты сапалы әрі мерзімінде іске асыру керек. Өңірдегі туристік аймақтарды, демалыс орындары мен жол бойындағы сервистік нысандарды талапқа сәйкестендіріп, қызмет көрсету сапасын тұрақты бақылауда ұстаңыздар. «Таза Қазақстан» бағдарламасының негізгі мақсаты – тұрғындар үшін қауіпсіз, таза және жайлы орта қалыптастыру. Бұл жұмыстарға қала және аудан әкімдері, облыстық басқармалар мен мекеме басшылары, сондай-ақ бизнес қауымдастық өкілдері де атсалысуы қажет», – деді Данияр Еренғалиұлы.</blockquote>Айта кетейік, Мемлекет басшысының елді мекендерге 15 млн ағаш отырғызу тапсырмасына сәйкес, Қызылорда облысында 2021-2025 жылдарға арналған жоспар толық орындалып, 958,8 мың ағаш егілді. Бұл жұмыстар аймақ басшысының бастамасымен жалғасуда. Атап айтқанда, Қызылорда қаласының кіреберісіне 7 мың, әуежай аумағына 4 мыңнан астам алма ағашы егілді.&nbsp;Мемлекеттік-жекеменшік әріптестік аясында көгалдандыруға 18 млрд теңге бөлініп, жыл сайын 14 мыңнан астам ағаш отырғызылады. Жалпы 2025-2030 жылдары 71,5 мың ағаш, 658,6 мың шаршы метр жасыл аймақ және 428,4 мыңнан астам гүлзар отырғызу жоспарланған.<img src="https://knadmin.beoblood.kz/uploads/Taza_aza_stan_zhinalys_2_fbe6f985bf.jpg" alt="Таза Қазақстан 2.jpg">

Жиын барысында бірқатар мәселелерді талқылады

<a href="https://kyzylorda-news.kz/">Kyzylorda-news.kz</a> Қызылорда облысы Конго-Қырым геморрагиялық қызбасының табиғи ошағында орналасқан. Биылғы 2026 жылға Конго-Қырым геморрагиялық қызбасынан қолайсыз аймақтар ретінде 74 елді мекен облыстың барлық аудандары және Қызылорда қаласы бойынша есепке алынды.&nbsp;2026 жылдың 9 сәуірінен бастап мамыр-маусым айларында 2 кезеңмен облыс көлемінде кенеге қарсы өңдеу жұмыстары жүрзіледі.&nbsp;Ауылшаруашылығы жануарлары, мал қораларына, суат-шаңлақтарға залалсыздандыру препараттарымен өңдеу жеке кәсіпкерлер – мердігерлер арқылы жүргізілсе, елді мекен айналасында санитариялық қорғаныш &nbsp;аймағын құру «Ұлттық сараптама орталығының» Қызылорда облыстық филиалы мамандарымен жасалады.Осы ретте тұрғындарға берілетін кеңес:<ul><li style="text-align:justify;">өңдеу алдында қыстан жиналған қорадағы қи-көңді тазартып, арнайы белгіленген полигондарға елді мекеннен сыртқы аймаққа шығару қажет. Себебі аурудың табиғаттағы тасымалдаушысы болып табылатын иксодты кенелер қи-көңнің астында қорексіз жылдап тіршілік етіп, қауіп төндіреді. Механикалық тазарту жұмыстары жүргізілмеген аумақтарда зақымданған кенелерді жою мүмкіндігі төмендейді, сәйкесінше дәрілеу жұмыстарының тиімділігі әлсірей түседі;</li><li style="text-align:justify;">қолайсыз аймақ тұрғындары жауапкершілік танытып, залалсыздандыруды жүргізуші мердігерлермен қоралар мен малдардың түгел әрі сапалы дәріленуін қадағалау;</li><li style="text-align:justify;">кенеге қарсы өңдеу кезеңінде ауылшаруашылығымен айналысатын жеке кәсіпкерлер, тұрғындар санитариялық-ветеринариялық &nbsp;қауіпсіздік &nbsp;шараларын сақтаған жөн.</li></ul><img class="image_resized" style="width:100%;" src="https://knadmin.beoblood.kz/uploads/Whats_App_Image_2026_04_13_at_15_21_59_44b4be1ec8.jpeg" alt="Кенеге қарсы залалсыздандыру жұмыстары.jpeg">Фото: freepik.com

Кенеге қарсы залалсыздандыру жұмыстары басталды

<a href="https://kyzylorda-news.kz/">Kyzylorda-news.kz</a> Өңірдің қарқынды дамуы мен инвестициялық белсенділіктің артуына байланысты аймаққа келуші қонақтар саны жылдан жылға көбейіп келеді. Осыған орай, бүгінгі таңда облыста қонақ үй инфрақұрылымына деген сұраныс артып, қонақ үй тапшылығы айқын сезілуде. Бұл өз кезегінде өңірде заманауи әрі сапалы орналастыру нысандарын дамыту қажеттігін көрсетеді.Қазіргі уақытта өңірде бірқатар ірі қонақ үй жобалары жүзеге асырылуда. Атап айтқанда, «Rixos», «Ibis» және «Pana» қонақ үйлерінің құрылысы жүргізіліп, қызмет көрсету саласын жаңа деңгейге көтеруге бағытталған жұмыстар қарқынды іске асуда.Осы бағытта кәсіпкерлік және өнеркәсіп басқармасының басшысы Мөлдір Тәуіпбаева «Pana» қонақ үй кешенінің жобасымен танысты. Жобаның жалпы құны 3,5 млрд теңгені құрайды. Қонақ үйде 63 нөмір қарастырылып, жылына орта есеппен 8 мыңға жуық қонаққа қызмет көрсету мүмкіндігі бар.Аталған қонақ үй 4 жұлдызды деңгейде қызмет көрсетіп, заманауи талаптарға сай толық инфрақұрылыммен жабдықталмақ. Атап айтқанда, қонақтарға арналған «Tary» мейрамханасы, хамам, толықтай халал қызмет көрсету жүйесі, сондай-ақ іскерлік кездесулер өткізуге арналған бизнес орталығы мен заманауи фитнес залы қарастырылған. Бұл өз кезегінде қонақтардың жайлы демалысы мен тиімді жұмыс жүргізуіне барлық жағдайды қамтамасыз етеді.Жалпы, мұндай ауқымды жобаларды жүзеге асыру өңірдің туристік әлеуетін арттырып қана қоймай, инвестициялық тартымдылығын күшейтуге, қызмет көрсету сапасын халықаралық стандарттарға жақындатуға және жаңа жұмыс орындарын ашуға мүмкіндік береді. Сонымен қатар, бұл бастамалар аймақ экономикасының әртараптануына оң әсерін тигізіп, өңірдің іскерлік және туристік орталық ретіндегі беделін нығайта түседі.<img src="https://knadmin.beoblood.kz/uploads/Pana_ona_j_kesheni_d43108b2b3.jpg" alt="Pana қонақ үй кешені.jpg">

Заманауи үлгідегі «PANA» қонақ үй кешені

<a href="https://kyzylorda-news.kz/">Kyzylorda-news.kz</a> Бүгінде ауылдық жерлерде кәсіпкерлікті дамыту – «AMANAT» партиясының &nbsp;негізгі бағыттарының бірі. Осы ретте «Ауыл аманаты» жобасы көптеген азаматтарға өз ісін бастауға, оны кеңейтуге және табысын арттыруға үлкен мүмкіндік беріп отыр. Аталған жобаның игілігін көріп отырғандардың бірі – Қызылорда облысы Арал қаласының тұрғыны Гүлсая Әбілдаева.Кәсіпкер 2025 жылы 9,8 миллион теңге көлемінде жеңілдетілген несие алып, жолдасы Сабит Атақұловпен бірге пластик өнімдерін өндіретін шағын цехтың жұмысын жандандырды.Бұл отбасы үшін кәсіпкерлік таңсық сала емес. Олар осы бағытта 10 жылдан астам уақыт бойы еңбек етіп, тәжірибе жинақтаған. Алайда өндірістік қуатты арттыру мен заманауи құрал-жабдықтарға қол жеткізу – көптен бергі арман болатын. «AMANAT» партиясының ауыл халқының табысын арттыруға бағытталған «Ауыл аманаты» жобасы осы арманды жүзеге асырды. Олар 2,5 пайыздық несие есебінен түркиялық жоғары сападағы "Craft", "Yilmaz" маркалы заманауи құрылғы сатып алып, өндірісті толықтай жаңғыртты.&nbsp;<img src="https://knadmin.beoblood.kz/uploads/K_sipke_oldau_2_26ca6fd931.jpg" alt="Кәсіпке қолдау 2.jpg"><blockquote>«Бұрын ұзақ уақытты қажет ететін өнім дайындау кезеңі бүгінде айтарлықтай қысқарып, небәрі 4–5 күннің ішінде сапалы өнім шығаруға мүмкіндік туып отыр. Бұл – уақыт үнемдеу ғана емес, сапаның жаңа деңгейге көтерілуі. Қазіргі уақытта цехта өндірілген өнімдерге сұраныс жоғары. Тапсырыстар Арал ауданының барлық елді мекендерінен ғана емес, Қызылорда облысының өзге аудандарынан және Ақтөбе өңірінен де түсуде», - дейді &nbsp;Гүлсая Әбілдаева.</blockquote><img src="https://knadmin.beoblood.kz/uploads/K_sipke_oldau_48d5060f55.jpg" alt="Кәсіпке қолдау.jpg">Отбасылық кәсіп бүгінде екі адамды тұрақты жұмыспен қамтып отыр. Ал алдағы жоспарлар бұдан да ауқымды. Кәсіп иелері цех көлемін кеңейтіп, жаңа жұмыс орындарын ашуды, өндіріс көлемін бірнеше есеге арттыруды көздейді.<blockquote>«Ауыл аманаты» жобасы бізге үлкен серпін берді. Бұрын тек шағын көлемде жұмыс істесек, бүгінде өндірісті кеңейтіп, жаңа деңгейге көтердік. Ең бастысы – халыққа сапалы өнім ұсынып, сұранысты толық қамтамасыз етуге мүмкіндік алдық», – дейді кәсіпкер.</blockquote>Бұл бастама – бір отбасының табысы ғана емес, тұтас ауыл экономикасының дамуына қосылған үлес. Осындай нақты істер арқылы ауыл тұрғындарының кәсіпке деген қызығушылығы артып, еңбекке деген ынтасы күшейе түсуде.Мәселен, Арал ауданында 2023-2025 жылдар аралығында «AMANAT» партиясының «Ауыл аманаты» аясында жалпы құны 1 млрд. 113 млн. теңгені құрайтын 179 жоба қаржылай қолдауға ие болған. Былтыр 43 жоба іске қосылса, биыл 85 жобаны жүзеге асыру көзделіп отыр.<img src="https://knadmin.beoblood.kz/uploads/K_sipke_oldau_3_25e742fbb0.jpg" alt="Кәсіпке қолдау 3.jpg">

«Ауыл аманаты» – еңбекке жол, кәсіпке қолдау 

<a href="https://kyzylorda-news.kz/">Kyzylorda-news.kz</a> Аймақ басшысының қолдауымен &nbsp;инфрақұрылымды жаңғырту жұмыстары жемісті жүзеге асуда. Ауқымды істің бірі – «Қызылорда қаласының орталық бөлігінде су құбыры желілерінің құрылысы» жобасы. Онда 47 шақырымнан астам су құбырларын жаңғырту қаралып, &nbsp;тиісті қаражаты бөлінді. &nbsp;Ендігі жерде бас мердігер «Бақ-Береке 2030» ЖШС &nbsp;қала тұрғындарын сапалы ауыз сумен қамтамасыз етіп, жалпы жүйенің сенімділігін арттыруға жауапты.&nbsp;Бүгін қала әкімі Нұржан Ахатов жұмыстың барысын бақылап, мердігер компанияға бірқатар талап қойды. Оның ішінде, су құбырларын жаңғырту барысында асфальт жабындысын бұзбай, құрылыс стандарттарын сақтау қажеттігін қатаң ескертті. Сондай-ақ, жобаны сапалы және мерзімінде аяқтауды тапсырды.

Ауызсу желілері жаңғыртылуда

<a href="https://kyzylorda-news.kz/">Kyzylorda-news.kz</a> Аймақ басшысының тегеурінді тапсырмасы мен қолдауының нәтижесінде бас шаһарды көркейту, көгалдандыру, абаттандыру жұмыстары қарқынды жүргізілуде. Соңғы жылдары қалада парктер мен аллеялар жаңғырып, &nbsp;саялы орындардың қатары көбейді. Нысандарды &nbsp;күтіп-ұстау және санитарлық тазалығын сақтау шаралары атқарылып, тал егу, ағаштарды баптау &nbsp;жүзеге асырылуда.&nbsp;Ендігі жерде бастау алған ірі жобалардың бірі &nbsp;– «Қызылжарма» каналын науамен жабдықтау болып отыр. Бұл бағытта канал аумағы абаттанып, тұрғындардың тыңғылықты тынығуы үшін саялы орын жасау жүзеге аспақ. Тағы бір тиімділігі – каналдың 9,5 шақырымы науамен қапталып, су ресурстарын тиімді пайдалану мен үнемдеудің көзіне айналады.&nbsp;Бүгін қала әкімі Нұржан Ахатов құрылыс басына барып, &nbsp;жұмыстың жайымен танысты.<blockquote>«Бұл жоба аймақ басшысының тікелей бақылауында. Соған сай жобада көрсетілген жұмыстар өте сапалы әрі мерзімінде атқарылуы тиіс. Өздеріңізге белгілі, каналдың стратегиялық маңызы жоғары. Біз осы канал арқылы суды үнемдеп, «КБИ», «Коммунизм», «Шанхай», «Гагарин» шағын аудандары мен «Қызылжарма» ауылдық округінің тұрғындарын сапалы аяқ сумен қамтамасыз ететін боламыз», – деді Нұржан Сәбитұлы.</blockquote>Айта кету керек, &nbsp;«Қызылжарма» каналы 1957 жылдан бастап пайдаланылып келеді. Канал – ірі су айдындарының бірі. Оның ұзындығы 13 800 метрді құраса, ені 11 метр шамасында. Каналды ұзақ жылдар бойы пайдалану әсерінен науамен жабдықтау қажеттілігі туындап отыр.Бұған дейін суару маусымында бұл канал арқылы шамамен 9,3 млн.текше метр су жіберіліп келсе, жоба толық жүзеге асқанда су шығынын 50 пайызға қысқартуға мүмкіндік болады.

Ел игілігіне арналған әлеуетті жоба

<a href="https://kyzylorda-news.kz/">Kyzylorda-news.kz</a> М.Көкенов атындағы Жаңақорған аудандық мәдениет үйінде жерлесіміз, мәдениет қайраткері, дәстүрлі әнші, термеші Бибіажар Маханбетқызының «Қызыма» атты мерейтойлық шығармашылық кеші өтті.Аймақ басшысының қолдауымен өтіп жатқан кеш барысында аудан әкімі Мажит Самитов Сыр бұлбұлын мерейтойымен құттықтап, Жаңақорған ауданының ең жоғары марапаты – Құрмет грамотасын табыстады. Қазақы дәстүрге сай өнер иесінің иығына қамзол жауып, зор құрмет көрсетті.Тағылымы терең, әсері мол кеште көрермендерге әншінің репертуарындағы үздік туындылар ұсынылып, өнерпаз жанды дауыста әуелете ән салды. Жарты ғасырға жуық шығармашылық жолын қамтыған бұл кеште оның қызы, қазақ эстрадасының жарық жұлдызы Ақбота Керімбекова анасымен бірге сахнада өнер көрсетіп, тыңдарманның ыстық ықыласына бөленді.Сонымен қатар, елге танымал жыршы-термеші Мейрамгүл Орашева және ақын, әнші-сазгер Индира Елубаева да өз өнерлерін ортаға салып, кештің ажарын аша түсті.Кеш соңында ауданның жас ақындары Бибіажар Маханбетқызына арнау жырларын оқып, ерекше ілтипат білдірді. Кеш барысында шырқалған әрбір ән мен орындалған термелер көрерменнің көңілін тебірентіп, ұлттық өнердің терең мәні мен тағылымын айқын аңғартты.&nbsp;Аудан тұрғындары мазмұны бай, тағылымы мол кештен ерекше әсер алды.<img src="https://knadmin.beoblood.kz/uploads/Bibiazhar_Mahanbetova_konczert_2_0accd26fa4.jpg" alt="Бибіажар Маханбетова концерт 2.jpg">

Көрермен көңілін тербеткен кеш

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов тиісті сала басшыларымен бірге Әйтеке би кентіндегі «Орын-ай», «Болашақ», «Арзан» сынды орталық базарлар, сауда орындарын және Әйтеке би көшесінің бойындағы кәсіпікерлік нысандарды аралады.&nbsp;Аудан басшысы базар әкімшіліктеріне сауда орындарының санитарлық тазалығын қамтамасыз ету, ішкі-сыртқы аумақтарын абаттандыру, барлық талаптарға сәйкестігін сақтау қажеттігін айтып, сатушылар мен келушілерге қолайлы жағдай жасалуы тиіс екендігін ескертті.&nbsp;Аралау барысында бұл орындардың халық көп шоғырланатын аумақ екенін ескере отырып, аудандық төтенше жағдайлар бөлімінің басшысына өрт қауіпсіздігін қатаң бақылауда ұстауды, аудандық санитарлық-эпидемиологиялық бақылау басқармасына сауда орындарының тазалығына ерекше мән беруді тапсырды.Бұдан бөлек, аудандық полиция бөліміне базар маңындағы орталық көшелердегі көлік қозғалысын реттеу жүктелсе, Әйтеке би кентінің әкімі мен кәсіпкерлік бөлімінің басшысына кәсіпкерлермен бірлесіп, тозығы жеткен жарнама тақтайшаларын жаңарту, сауда орындарының сыртқы келбетін ретке келтіру, базар аумағында әктеу, сырлау, дүкендердің сыртқы әйнектерін тазалау, жалпы базар маңындағы орталық Әйтеке би көшесінің бойындағы тазалықты қамтамасыз ету міндеттелді.Әйтеке би көшесінің бойында орналасқан тұрғын үйлердің заңсыз қоршауларын алып тастау, көше бойындағы аялдамаларды жуу, аяқсу жүретін арықтарды күнделікті тазалау жөнінде де жауаптыларға бірқатар тапсырмалар берілді.Орталық базарды аралаған аудан басшысы бұл орындар аудан тұрғындарынан бөлек, көршілес аудандардың тұрғындарымен қонақтардың жиі келетін орыны болғандықтан, мұнда барлық санитарлық талаптар, тазалық мәселелері қатаң сақталуы керектігін тиісті сала басшыларына қатаң ескертті.

Қазақстан және Қызылорда облысының жаңалықтары