<a href="https://kyzylorda-news.kz/">Kyzylorda-news.kz</a> 19–24 қазан аралығында Қызылорда қаласында Қазақстан драма театрларының XXXI республикалық фестивалі өтіп жатыр. Биылғы өнер мерекесі қазақ театртану ғылымының көрнекті өкілі, белгілі театр сыншысы, өнертану профессоры Бағыбек Құндақбаевтың туғанына 100 жыл толуына арналып отыр. Бұл туралы Нартай Бекежанов атындағы Қызылорда облыстық қазақ академиялық музыкалық драма театрында өткен баспасөз конференциясында белгілі болды.Алты күнге жалғасатын өнер додасында еліміздің әр өңірінен іріктелген он театр өз қойылымдарын көрермен назарына ұсынып, ұлттық сахна өнерінің бүгінгі тынысын, шығармашылық ізденістері мен көркемдік ерекшеліктерін танытады.<img src="https://knadmin.beoblood.kz/uploads/Whats_App_Image_2026_10_20_at_09_30_02_46cde0eba4.jpeg" alt="Театр">Баспасөз конференциясы барысында фестивальдің мақсаты мен маңызы, бағдарламасы, қатысушы театрлардың шығармашылық әлеуеті және қазылар алқасының жұмысы кеңінен талқыланды.Оған қазылар алқасының төрағасы, М.Әуезов атындағы Әдебиет және өнер институты Театр және кино бөлімінің меңгерушісі, өнертану кандидаты Аманкелді Мұқан, театртанушы, өнертану докторы, профессор Бақыт Нұрпейіс, Қазақстанның еңбек сіңірген қайраткері, ІІ дәрежелі "Барыс" және "Құрмет" ордендерінің иегері, кәсіби «Еңлікгүл» және «Тұран» сыйлықтарының иегері, режиссер Хұсейн Әмір-Темір , театртанушы, өнертану кандидаты, профессор Зухра Исламбаева, өнертану магистрі Алтынгүл Нұрбекова және Қалибек Қуанышбаев атындағы Қазақ ұлттық музыкалық драма театрының директоры, Мәдениет саласының үздігі Ербол Хабылбеков қатысты.<img src="https://knadmin.beoblood.kz/uploads/Whats_App_Image_2026_10_20_at_09_30_03_6d700e0c07.jpeg" alt="Театр">Фестивальдің өту барысы мен шығармашылық кездесулер туралы Нартай Бекежанов атындағы Қызылорда облыстық қазақ академиялық музыкалық драма театрының басшысы Мұхтар Мәуленұлы кеңінен баяндады.Сонымен қатар, фестиваль аясындағы шығармашылық кездесулер мен кәсіби пікір алмасулар театр мамандарының тәжірибе бөлісуіне, өзара байланысын нығайтуына жол ашады.&nbsp;<img src="https://knadmin.beoblood.kz/uploads/Whats_App_Image_2026_10_20_at_09_30_05_fc5044c02a.jpeg" alt="Театр">

Қызылордада Қазақстан драма театрларының XXXI фестивалі басталды

Бүгін Германия астанасы Берлин қаласында &nbsp;Республика күніне орай Сыр елінің өнер шеберлері мерекелік концерт қойды. Оған Қазақстанның Германиядағы елшісі Нұрлан Онжанов, елшіліктің, қазақ диаспорасының өкілдері, дипломатиялық корпус мүшелері, &nbsp;сондай-ақ Берлинде тұратын отандастарымыз бен жергілікті мәдениет жанашырлары қатысты.Қызылорда облысы әкімдігінің қолдауымен ұйымдастырылған мәдени шараның мақсаты – қазақ халқының бай рухани мұрасын, ұлттық өнері мен мәдени құндылықтарын халықаралық деңгейде таныстырып, Сыр өңірінің өнерін шетелдік көрерменге насихаттау.Шығармашылық делегация Берлин төрінде ұлттық өнерімізді ұлықтап, қазақ мәдениетінің байлығы мен өзіндік болмысын танытты. Концертте «Ақмешіт» фольклорлық ансамблі, Мәдениет саласының үздіктері Серік Жақсығұлов, Марат Сүгірбай, халықаралық және республикалық конкурстардың лауреаттары Айдос Шадаев, Гүлназ Нағашыбай, Ринат Үсенов, Аружан Төреғали және Рано Сабанкулова өнер көрсетті. Ал «Томирис» би ансамблі ұлттық хореографияның озық үлгілерін ұсынып, кештің көркін аша түсті.Концерт шымылдығы қазақ халқының рухани мұрасының символына айналған Қорқыттың күйімен ашылды. Кеш бағдарламасына жыраулық өнердің жауһарлары, халық әндері, ән-айтыс үлгілері мен патриоттық әндер арқау болды. Ұлттық өнердің сан қырын танытқан мазмұнды бағдарлама халқымыздың ғасырлар бойы жалғасып келе жатқан өнер сабақтастығын айшықтады.Мәдени шара аясында қонақтарға қазақтың ұлттық тағамдары ұсынылып, халқымыздың қонақжай дәстүрі мен дастархан мәдениеті де таныстырылды. Бұл келушілердің қазақ халқының салт-дәстүрі мен ұлттық құндылықтарына деген қызығушылығын арттыра түсті.Сыр өнерпаздарының &nbsp;сапары – ұлттық мәдениетімізді халықаралық кеңістікте дәріптеуге, шығармашылық байланыстарды нығайтуға және Қазақстанның мәдени әлеуетін танытуға бағытталған маңызды қадам. Қазақтың әні мен күйін шетел төрінде әуелеткен өнер иелері Сыр елінің рухани байлығын паш етіп, ұлттық өнеріміздің өміршеңдігін тағы бір мәрте дәлелдеді. Өнерпаздар берлиндік көрерменнің ыстық ықыласы мен зор қошеметіне бөленді.

Сыр өңірі өнерпаздары Берлин төрінде

<a href="https://kyzylorda-news.kz/">Kyzylorda-news.kz</a> Сол жағалаудағы «Қайсар Арена» стадионында Қала күніне арналған «Мерейлі мерекеңмен, Қызылорда!» атты гала-концерт өтті. Гала-концерт тақырыптық прологпен басталып, онда қаланың екі ғасырлық тарихы мен бүгінгі келбеті, өрлеу жолы қамтылды.Облыс әкімі Мұрат Ергешбаев тұрғындарды мерекемен құттықтап, өңірдің әлеуметтік-экономикалық жетістіктеріне тоқталды.&nbsp;<img src="https://knadmin.beoblood.kz/uploads/FB_IMG_1791605651668_0c088261cd.jpg" alt="FB_IMG_1791605651668.jpg"><blockquote>«Президентіміз Қасым-Жомарт Кемелұлы: «Қызылорда – халқымыз үшін орны ерекше аймақ. Осы өлкеде Шірік Рабат, Жанкент, Сығанақ қалаларының орны көне заманның өзінде қазақ жерінде дамыған қала өркениеті болғанын аңғартады. Қызылорда – сол әйгілі қалалардың заңды жалғасы», – деді. &nbsp;Бұл – бір ғасыр бұрын Қазақ елінің астанасы болған, ұлт тағдырына қатысты маңызды шешімдер қабылданған қасиетті мекен. Екі ғасырлық тарихы бар Қызылорда топырағында ұлт қайраткерлері, Алаш арыстары тағдыршешті қадамдарға барып, болашаққа бағдар жасағаны тарихтан белгілі. Қаламыздың бүгінгі жаңаруы мен көркеюі – сол тарихи сабақтастықтың жалғасы. Кейінгі жылдары әлеуметтік және инженерлік инфрақұрылым жаңғыртылып, заманауи нысандар ел игілігіне берілуде. Өңір экономикасының қуатын арттыратын ірі инвестициялық жобалар жүзеге асырылуда. &nbsp;Қызылорданың көркеюіне ерекше үлес қосқан, бүгінде Үкімет басшысының бірінші орынбасары Нұрлыбек Машбекұлы Сіздерді Қала күнімен құттықтап, ыстық ықыласын білдіруде. Бүгінгі мерейлі мереке Өздеріңізге арналады. Сүйікті қаламыз көркейе берсін! Қызылордамыздың болашағы жарқын, келешегі кемел болсын! Арман-мақсаттарымыз орындалсын! Халқымыз аман, бірлігіміз бекем болсын! Мереке құтты болсын, қадірлі жерлестер!» –деді Мұрат Нәлқожаұлы.</blockquote>Кеште елімізге танымал өнер иелері Индира Елубаева, Қазыбек Құрайыш, Үкітай Ерниязов, Балжан Бидаш, «KESH YOU» тобы және ALEM сахна төрінде өнер көрсетіп, көрермендерге көтеріңкі көңіл күй сыйлады. Гала-концерт мерекелік отшашумен қорытындыланды.Кейінгі жылдары Қызылорда қаласының инфрақұрылымы жаңарып, әлеуметтік-экономикалық даму қарқыны артып келеді. Мемлекет басшысының, Үкіметтің қолдауының арқасында ірі инвестициялық жобалар жүзеге асырылып, жаңа өндіріс орындары ашылуда.Сонымен қатар, тұрғын үйлер мен заманауи әлеуметтік нысандар салынып, ел игілігіне айналды. Биыл Инклюзивті спорт орталығы, «Достық үйі» және «Құзыреттілік орталығы» ашылды. Сондай-ақ «Ай-Керім» оқу-сауықтыру орталығы мен Ботаникалық бақ пайдалануға берілді.Қазіргі таңда Президенттік кітапхана, драма театр және бірқатар ірі медициналық нысан салынуда. «Таза Қазақстан» жобасы аясында ашылған Президент саябағы тұрғындар мен қала қонақтарының сүйікті демалыс орнына айналды.Қаланың сол жағалауын байланыстыратын жаңа автожол көпірі мен ерекше үлгідегі жаяу жүргіншілер көпірінің құрылысы жалғасуда. Президент саябағы маңында заманауи аквапарк құрылысы да басталды. Жыл соңына дейін «Қызылорда Арена» спорт кешенін пайдалануға беру жоспарланып отыр.<img src="https://knadmin.beoblood.kz/uploads/FB_IMG_1791605676264_a703b21a96.jpg" alt="FB_IMG_1791605676264.jpg">

Қызылордада қала күніне арналған мерекелік концерт өтті

<a href="https://kyzylorda-news.kz/">Kyzylorda-news.kz</a> Ардагерлер – ел тарихының тірі шежіресі, ұрпаққа жол көрсететін өмір мектебі. Олардың еңбегін бағалау, өнегесін дәріптеу және үлкенге құрмет көрсету – баршамызға ортақ парыз. Сол аға буынның құрметіне аудандық мәдениет үйінде елге еңбегі сіңген ардагерлерге құрмет көрсетуге арналған «Ардагерлер – елдің асыл қазынасы» атты арнайы іс-шара өтті.Тағылымды кеш «Бір хаттың ізімен» атты деректі фильммен басталып, көрермендерге ардагерлердің өмір жолы мен ел тарихындағы орны туралы сыр шертті.Одан кейін сахнада «Атаның альбомы» атты қойылым ұсынылып, ата мен немере арасындағы әсерлі әңгіме арқылы ұрпақтар сабақтастығы, үлкенге құрмет, өткенді бағалау және өмірлік тәжірибені кейінгі буынға жеткізу тақырыптары көрініс тапты.Салтанатты іс-шара барысында аудан әкімі Аманжол Оңғарбаев ардагерлерді құттықтап, елдің әлеуметтік-экономикалық және қоғамдық дамуына елеулі үлес қосқан аға буын өкілдеріне ізгі тілегін білдірді. Сондай-ақ ауданда соңғы жылдары атқарылған ауқымды жұмыстарға арнайы тоқталып, алдағы бірқатар міндеттерді саралады.Мерекелік шарада бірқатар ардагерлерге елге сіңірген еңбегі мен қоғамдық өмірге қосқан үлесі үшін арнайы марапаттар табысталды.Аға буын өкілдерінің ел мен қоғам алдындағы еңбегін дәріптеу, олардың өнегелі өмір жолын кейінгі ұрпаққа үлгі ету және ардагерлерге деген құрметті арттыру мақсатында өткен шарада туған жерге деген сүйіспеншілікті, жастық шақты, отбасы құндылықтарын, әке мен анаға деген құрметті арқау еткен әндер мен күйлер орындалып, ұлттық өнеріміз ұлықталды.

Арал: Ардагерлерге арналған тағылымды кеш ұйымдастырылды

<a href="https://kyzylorda-news.kz/">Kyzylorda-news.kz</a> Қазалы ауданында Нартай Бекежанов атындағы облыстық музыкалық драма театрының гастрольдік сапары аясында халық жазушысы Флорид Буляковтың «Отыз ұлың болғанша…» атты мұңды комедиялық қойылымы сахналанды.Қойылымды қазалылық көрермен жылы қабылдап, театр өнерпаздарының кәсіби шеберлігіне жоғары бағасын берді. Шығармада өмірдің сан қилы өткелінен өткен, қартайған шағында жалғыздықтың зардабын тартқан төрт кейуананың тағдыры арқылы адамға ең қажетті мейірім, жанашырлық, жылылық пен адамдық қарым-қатынастың қадірі көркем жеткізілді. Қойылым күлдіре отырып ойландырып, мұңайта отырып адамдық құндылықтарды тереңірек сезінуге мүмкіндік берді.<img src="https://knadmin.beoblood.kz/uploads/azaly_audany_spektakl_3_4d6fa71da9.jpg" alt="Қазалы ауданы спектакль 3.jpg">Кеш соңында аудан әкімі Алмасбек Есмаханов сөз сөйлеп, Нартай Бекежанов атындағы облыстық музыкалық драма театрының шығармашылық ұжымына аудан жұртшылығы атынан ризашылығын жеткізді.Аудан басшысы өз сөзінде қойылымның мазмұнына тоқталып, жалғыздық, қарттық, отбасы, адамдық парыз секілді маңызды мәселелердің сахна арқылы шебер жеткізілгенін атап өтті. Сондай-ақ Бибіхан рөлін жоғары деңгейде сомдаған, Қазақстанның еңбек сіңірген қайраткері, «Парасат» орденінің иегері, Қазалы ауданының Құрметті азаматы Камила Әбжанова мен барша өнерпаздарға алғысын білдірді.Аудан әкімі театр ұжымына Қазалы көрерменіне мазмұнды қойылым ұсынып, рухани кеш сыйлағаны үшін алғыс айтып, шығармашылық табыс тіледі. Нартай Бекежанов атындағы облыстық музыкалық драма театрының ұжымына Алғыс хат табыстады. Қойылымнан кейін өнерпаздар қазалылық көрерменнің ыстық ықыласы мен зор қошеметіне бөленді.&nbsp;<img src="https://knadmin.beoblood.kz/uploads/azaly_audany_spektakl_2_05c678ab9e.jpg" alt="Қазалы ауданы спектакль 2.jpg">

Театр ұжымы қазалылық көрермендерге керемет көңілкүй сыйлады

Қызылордада Қазақстан Республикасы Тәуелсіздігінің 35 жылдығына арналған «Бес асыл» жобасы аясында «Тұғыры биік Тәуелсіздік» атты Қызылорда мен Жетісу облыстары өнерпаздарының &nbsp;республикалық дәстүрлі өнер сайысы өтті.&nbsp;Сөз бәйгесін облыс әкімі Мұрат Ергешбаев құттықтау сөзімен ашып, қатысушыларға сәттілік тіледі.<blockquote>«Алашқа ана болған Сыр өңірі – сөз киесі қонған, жырдан маржан төгілген қасиетті өлке. Осы дәстүрді бүгінгі буын лайықты жалғастырып келеді. Мұның айқын дәлелі – Мұхтар Ниязовтың үш мәрте «Алтын домбыра» иегері атануы. &nbsp;Мейірбек Сұлтанхан да «Алтын домбыраны» иемденіп, Сыр елінің айтыстағы дәстүр жалғастығын тағы бір мәрте танытты. Бұл &nbsp;сабақтастық жас талант Бексұлтан Орынбасаровтың «Күміс домбыра» иегері атануымен де айшықтала түсті. Халқымыз қашаннан өнерді бағалаған, кие тұтқан. Оның ішінде айтыс өнерінің біз үшін орны ерекше. Ел тәуелсіздігін алғаннан бері қаншама ақындарымыз түлеп ұшып, айтыс өнерін дамытуға үлкен үлес қосуда. Өйткені, айтыс – мәңгілік киелі мұрамыз! Бүгінгі сөз додасына келген жүйріктерге тартысты айтыс тілей отырып, ел рухын асқақтатудағы елеулі еңбектеріңізге шынайы алғысымды білдіремін. Қазақылықтың қаймағы бұзылмаған қасиетті Сыр өңіріне келген қадамдарыңыз құтты болғай», - деді Мұрат Нәлқожаұлы.</blockquote>Өнер аламанында қос тараптың жүйріктері айтыстың түре, сүре, қайым және қыз бен жігіт айтысы жанрлары бойынша бақ сынасып, жыршы-жыраулар, термешілер, дәстүрлі әншілер мен күйшілер де өз өнерлерін ортаға салды. Атап айтқанда, сахна төрінде командаларды таныстыруда Нұрлы Мұхамади мен Қазыбек Шынберген, сүре айтыста Данияр Болатқан мен Бексұлтан Орынбасаров, жыршылар сайысында Есхат Нұрәли мен Марат Сүгірбай, түре айтыста Дидар Өмірәлі мен Мейірбек Сұлтанхан, күй тартыста Самат Жексенбаев пен Әділбек Тәшімов, қыз бен жігіт айтысында Әдемі Сыбанқұл мен Ержан Әміров, дәстүрлі ән орындауда Бейбіт Мұсаев пен Зульфия Баймұрзаева, қайым айтыста Қазыбек Жеңісхан мен Мұхтар Ниязов, ал термеде Арафат Ысқақов пен Руслан Ахметов шеберлік байқасты.Өнерпаздарды қазылар алқасының төрағасы, ақын Жүрсін Ерман, қазылар алқасының мүшелері айтыскер ақын, Мәдениет қайраткері Серік Құсанбаев, айтыскер ақын, Мемлекеттік «Дарын» сыйлығының лауреаты Бекарыс Шойбеков, дәстүрлі әнші, Қазақстанның Халық әртісі Айгүл Қосанова, жыршы-термеші, өнертанушы, Мәдениет саласының үздігі Елдос Еміл &nbsp;және күйші, профессор, Мәдениет қайраткері Мұрат Әбуғазы бағалады.Тартысты өткен дәстүрлі өнер додасының қорытындысы бойынша жоғары дайындық пен шеберлік танытқан Қызылорда облысының командасы жеңіске жетті. Жеңімпаз командаға арнайы кубок пен қаржылай сертификат табысталды.<img src="https://knadmin.beoblood.kz/uploads/FB_IMG_1790399407453_48f417ae5a.jpg" alt="FB_IMG_1790399407453.jpg">

Жетісу мен Сыр өнерпаздары республикалық дәстүрлі айтыста бақ сынады 

<a href="https://kyzylorda-news.kz/">Kyzylorda-news.kz</a> Нартай Бекежанов атындағы Қызылорда облыстық қазақ академиялық музыкалық драма театры кезекті еңбек демалысынан кейін 72-ші театр маусымын ашты. Жаңа маусымның шымылдығы көрерменге ой салар жаңа қойылым – «Ку-ку» трагикомедиясымен түрілді.Қойылым америкалық жазушы Кен Кизидің «Көкектің ұясы» романының желісі бойынша сахналанған. Шығарманы қазақ тіліне Ә. Оразбеков аударған. «Ку-ку» спектаклінің режиссері – Жәнібек Махамбетияр, суретшісі – Нұркен Қалымбетов, костюм дизайнері, модельер-суретшісі – Камила Даулбаева, жарық беруші жөніндегі суретшісі – Асқар Исмайлов.Психологиялық драма жанрын ұнататын көрерменге арналған қойылым 16 жастан жоғары аудиторияға бағытталған. Спектакль оқиғасы психиатриялық ауруханадағы қалыптасқан тәртіп пен адам еркіндігі арасындағы тартысты арқау етеді.Басты кейіпкер Макмерфи түрмеден құтылу мақсатында өзін психикалық ауытқуы бар адам ретінде көрсетіп, психиатриялық ауруханаға түседі. Оның еркін мінезі мен қалыптасқан тәртіпке бағынбауы бөлімдегі науқастардың өміріне өзгеріс әкеледі. Алайда бөлімді басқаратын Мисс Рэтчед үшін бұл өзгеріс қалыптасқан жүйеге қауіп ретінде қабылданады.Қойылымда адам санасына әсер етудің шегі, жеке тұлғаның еркіндігі, қоғамдағы қалыптасқан тәртіп және адамдық қасиетті сақтап қалу мәселелері көтеріледі. Электр тоғымен емдеу, қатаң тәртіп орнату секілді тәсілдер арқылы спектакль көрерменді «Адамды емдеу дегеніміз не?» деген сауал төңірегінде ойлануға жетелейді.«Ку-ку» спектаклі адамды жынды ететін не екенін емес, қандай жағдайда болмасын адам болып қалудың қаншалықты қиын екенін көрсетеді. Осы арқылы қойылым бүгінгі көрерменге де маңызды ой тастайды.Жаңа театр маусымы тек премьерамен шектелмейді. Алдағы уақытта Сыр сахнасы бірқатар ауқымды мәдени жобаларға қатысып, халықаралық және республикалық деңгейдегі өнер шараларын өткізуді жоспарлап отыр.Соның бірі – театр труппасының 1-6 қазан аралығында Әзербайжанның Шеки қаласында өтетін халықаралық фестивальге қатысуы.&nbsp;Сонымен қатар 19-24 қазан аралығында Қалибек Қуанышбаев атындағы қазақ ұлттық музыкалық драма театрымен бірлесіп, Бағыбек Құндақбаевтың 100 жылдық мерейтойына арналған Қазақстан драма театрларының XXXI республикалық фестивалі Қызылордада өтеді.&nbsp;Ал 3-6 қараша күндері театр ұжымы Ақтау қаласына гастрольдік сапармен барады. Гастрольдік қойылымдар арқылы өңірлер арасындағы мәдени-рухани байланысты нығайтып, Сыр елінің театр өнерін өзге көрерменге таныту көзделіп отыр.Жаңа маусымда театр труппасының құрамы да екі жаңа артиспен толықты. Алдағы уақытта репертуар жаңа туындылармен толығып, драма жанрындағы қойылымдармен қатар балаларға арналған екі спектакль көрермен назарына ұсынылады.

Сыр сахнасы 72-ші театр маусымын жаңа премьерамен ашты

<a href="https://kyzylorda-news.kz/">Kyzylorda-news.kz</a> «Қала күні» мерекесіне орай бір айлық іс-шаралар легі бастау алды. Соның аясында Қызылорда «Жастар театры» III маусымын ашып, көрерменге «Іңкәр сезім» музыкалық қойылымын ұсынды.&nbsp;Театр – өнердің барша түрі тоғысатын, адам жанына ой салып, сезімін тербейтін киелі мекен. Бүгінгі кеш те қала мәдениетінің жаңа тынысын танытатын, өнерге құрмет пен көрерменге деген ықыласты тоғыстырған ерекше салтанат болды.&nbsp;Қызыл кілем үстімен Сыр елінің мақтаныштары – өнер майталмандары, көрерменнің сүйікті әртістері, осы маусымның басты кейіпкерлері мен құрметті қонақтары жүріп өтті.&nbsp;Атап айтатын болсақ, «Қызылорда қалалық Жастар театрының» көркемдік жетекшісі әрі негізін қалаушы ақын, режиссер–сценарист Оңталап Нұрмаханов және «Жастар» театрының әртістері.&nbsp;Сондай-ақ, еліміздің әр өңірінен келген театр және кино майталмандары &nbsp;̶ Әсет Иманғали, Ержан Жарылқасынұлы, Данияр Базарқұлов, Жұмат Шанин атындағы Шымкент қалалық академиялық қазақ драма театрының бір топ әртістері және Қазақстанның еңбек сіңірген қайраткері, &nbsp;режиссер Хұсейін Әмір-Темір бастаған Қызылорда облыстық Н.Бекежанов атындағы қазақ академиялық музыкалық драма театрының &nbsp;актерлары мен өнер шеберлері.Театрға келген көрермендер Берік Ахмедтің «Іңкәр сезім» атты музыкалық қойылымын тамашалады. Шынайы махаббатқа толы қойылымда сезім мен сенім, асқақ арман, биік мақсат ұғымдары көркем түрде бейнеленді. Адам өміріндегі мейірім мен ізгілік құндылықтары дәріптеліп, отбасы қадірі мен адамдық қасиеттердің маңызы ұсынылды.«Іңкәр сезім» қойылымы бір ғана оқиғаны баяндап қоймай, көрерменді адамның ішкі жан дүниесіне үңілдіретін, жүрекке жақын сезімдерді сахна тілімен жеткізетін таңғажайып туынды болды.Қойылым барысында көрермен жанды дауыста орындалған әндер, би, поэзиялық шығармалар мен монологтарды тамашалай алды.&nbsp;Әсерлі сахналық көріністер музыкалық аспаптардың сүйемелдеуімен орындалып, қойылымның көркемдік мазмұнын аша түсті.<img src="https://knadmin.beoblood.kz/uploads/Kyzylordinskij_molodyozhnyj_teatr_otkryl_novyj_sezon1_5513e38f0c.jpg" alt="Кызылординский молодёжный театр открыл новый сезон1.jpg">

«Іңкәр сезім» көрерменге жол тартты

<a href="https://kyzylorda-news.kz/">Kyzylorda-news.kz</a> Мұстафа Шоқай атындағы орталық алаңда 23 тамыз күні елімізде өтетін Құрылтай депутаттарының сайлауына орай, сондай-ақ аудан тұрғындарының кешкілік бос уақытын тиімді әрі мазмұнды өткізу мақсатында «Қасиетті, киелім, мақтанышым, Шиелім!» атты мерекелік концерт өтті.Кеш барысында аудан өнерпаздары мен шығармашылық ұжымдар өнер көрсетіп, көрермендерге әсем ән мен күмбірлеген күйден тұратын мазмұнды концерттік бағдарлама ұсынды.Әуезді әндер мен әсерлі өнер көрсетілімдері көрермендерге көтеріңкі көңіл күй сыйлап, аудан тұрғындарының мәдени тынығуына мүмкіндік берді.Іс-шараға жиналған аудан тұрғындары отандық өнерді тамашалап, рухани серпіліс алып, кешкі уақыттарын көңілді өткізді.

Шиелі ауданында мерекелік концерт ұйымдастырылды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысуымен «Мерейлі отбасы - 2026» ұлттық байқауының «Отбасы – бақыт мекені, ұрпақ – елдің ертеңі» атты аудандық кезеңінің жеңімпаздары марапатталды. Мерекелік іс-шараға облыстық мәслихат депутаты Жұмабек Ембергенов, аудандық қоғамдық кеңес төрағасы Марат Еспенбетов, ардагерлер және мерейлі отбасылар қатысты.<img src="https://knadmin.beoblood.kz/uploads/Syrdariya_Merejli_otbasy_9df520ff78.jpg" alt="Сырдария Мерейлі отбасы.jpg">Аудан басшысы жеңімпаздарды мерейлі марапатпен құттықтап, елімізде түп-тамырын ұлттық құндылықтардан алатын отбасы институтының орны ерекше екенін атап өтті.<blockquote>– Мемлекет басшысы Қасым-Жомарт Кемелұлы Тоқаев «Берекелі шаңырақ – елімізді үйлесімді әрі орнықты дамытудың мызғымас кепілі. Сондықтан мемлекет ана мен баланы қорғау жүйесін жетілдіруге, отбасы құндылықтарын ұлықтауға баса мән береді» деп атап өтті. Биыл «Мерейлі отбасы» байқауы 13-ші рет өткізіліп отыр. Бұл – отбасы құндылықтары мен бір шаңырақ астында берекелі өмір сүрудің маңыздылығын насихаттауда орны ерекше, тағылымды іс-шараның біріне айналуда. Ұлттық байқаудың облыстық кезеңдерінде аудандағы өнегелі отбасылар әркез марапат төрінен көрініп келеді. &nbsp;2023 жылдан бері Үмбетаевтар, Әшірбековтер, Есекеевтер, Шербатшаевтар отбасы мерей тұғырынан көрінді. 2025 жылы бұл марапаттар еселеніп, Аманкелді ауылының Жансейітовтер отбасы «Үлгілі» отбасы номинациясымен марапатталса, Шіркейлі ауылындағы өнерлі Әбсадықовтар отбасы облыстық кезеңде бас жүлдені иемденіп, республикалық кезеңнің жеңімпаз лауреаты атанды. Әбсадықовтар отбасының бағаналы бәйтерегі болып отырған Жақсылық ақсақал Астана төрінде өткен республикалық кезеңінің салтанатты марапаттау іс-шарасына қатысып, ауданымыздың мерейін асқақтатты. Биыл байқаудың аудандық кезеңіне 20 отбасы өтінім білдіріп, 15 отбасы аудандық комиссияның қарауына жіберілді. Олардың барлығы – нағыз жеңімпаз жанұялар. Бүгінде отбасыларға қамқорлық пен көмек үздіксіз көрсетіліп келеді. Ана мен баланы қорғауға көпбалалы отбасыларына берілетін мемлекеттік жәрдемақылар көлемі жыл сайын өсуде. Қазір ауданымызда 270 «Алтын алқа», 617 «Күміс алқа» иегерлері, 56 «Батыр ана», 1500-ден аса көпбалалы отбасы бар. «Ел болам десең – бесігіңді түзе» деп жазушы Мұхтар Әуезов айтқандай, отбасы тәрбиесінің маңызы зор. Баршаңызды бүгінгі мерейлі мерекемен құттықтай отырып, әрбір отбасына амандық, құт-береке тілеймін, – деді Берік Әбдіғаппарұлы.</blockquote><img src="https://knadmin.beoblood.kz/uploads/Syrdariya_Merejli_otbasy_3_fd736d0f8d.jpg" alt="Сырдария Мерейлі отбасы 3.jpg">«Мерейлі отбасы» ұлттық конкурсының аудандық іріктеу кезеңінің қорытындысы бойынша Іңкәрдария ауылынан «Құлмырзаевтар» отбасы және Ақжарма ауылынан «Ержановтар» отбасы 3 орынды, Аманкелді ауылынан «Бурхановтар» отбасы 2 орынды иеленсе, Асқар Тоқмағанбетов ауылынан «Бисеновтер» отбасы 1 орынды жеңіп алды. Сондай-ақ, басқа да өнегелі отбасылар арнайы номинациялармен марапатталды.Аудандық кезең нәтижесімен облыстық кезеңге Бисеновтер отбасы мен Бурхановтар отбасы жолдама алды. Сонымен қатар, Қазақстан Республикасы Президентінің Жарлығына сәйкес көпбалалы аналарымызға «Алтын алқа» және «Күміс алқа» төсбелгісі табысталады.

«Мерейлі отбасы – 2026»: Ұлттық байқауының жеңімпаздары марапатталды

<a href="https://kyzylorda-news.kz/">Kyzylorda-news.kz</a> Шиелі ауданы Мұстафа Шоқай атындағы орталық алаңда «Semizbay-U» ЖШС-нің 20 жылдық мерейтойына орай аудан тұрғындары мен қонақтарына арналған мерекелік концерт өтті.Мерекелік кеш барысында аудан әкімі Айтбай Жандарбеков сөз сөйлеп, «Semizbay-U» ЖШС-нің ауданның әлеуметтік-экономикалық дамуына қосып келе жатқан үлесін атап өтті. Сонымен қатар, серіктестіктің қалыптасуы мен өсіп-өркендеуіне үлес қосып жүрген еңбек ұжымына алғысын білдіріп, мерейтой иелеріне толағай табыс, тұрақты даму және жаңа жетістіктер тіледі.<img src="https://knadmin.beoblood.kz/uploads/FB_IMG_1786681138671_bfc021e450.jpg" alt="FB_IMG_1786681138671.jpg">Сондай-ақ, «Қазатомөнеркәсіп» ұлттық атом компаниясы» АҚ өндіріс жөніндегі бас директоры Қуаныш Омарбеков пен «Semizbay-U» ЖШС бас директоры Біржан Сатанов аудан тұрғындарына ризашылықтарын білдіріп, серіктестіктің қалыптасуы мен дамуына үлес қосып келе жатқан еңбек ұжымына алғыстарын жеткізді. Сонымен қатар, аудан халқына ақжарма тілектерін арнап, мерейтойға орай ұйымдастырылған мерекелік кештің маңыздылығын атап өтті.Салтанатты кеште аудан өнерпаздарымен қатар, эстрада жұлдыздары Жұбаныш Жексенұлы мен Қайрат Түнтеков өнер көрсетіп, көрермендерге көтеріңкі көңіл күй сыйлады.&nbsp; Кешке жиналған аудан тұрғындары мен қонақтары өнерпаздардың өнерін тамашалап, әнге қосылып, ерекше әсерге бөленді. Мерекелік концерт аудан халқының ұйымшылдығы мен өнерге деген ықыласын айқын көрсетті.Айта кетейік, «Semizbay-U» ЖШС – Шиелі ауданындағы өндіріс саласында өзіндік орны қалыптасқан, өңірдің әлеуметтік-экономикалық дамуына елеулі үлес қосып келе жатқан кәсіпорындардың бірі. Серіктестіктің 20 жылдық тарихы - &nbsp;білікті мамандардың еңбегі мен өндірістегі жетістіктердің жарқын көрінісі.

Шиеліде мерекелік концерт өтті 

Қармақшы ауданы әкімінің тапсырмасына сәйкес дәстүрлі түрде ұйымдастырылатын «Ел іші – өнер кеніші» мәдени шарасы алғаш рет Төретам кентінде өтті.Тағылымды шарада аудан әкімінің орынбасары Диас Асылбекұлы құттықтау сөз сөйлеп:<blockquote>– Бүгінгі кештің маңызы ерекше. Өйткені ауданымызда дәстүрге айналған бұл мәдени жоба алғаш рет қасиетті Төретам кентінде ұйымдастырылып отыр. Осы уақытқа дейін Жосалы кентінің орталық алаңында өткізіліп келген игі бастаманың Төретам төрінде жалғасуы – мәдениетіміздің өрісін кеңейтіп, елді мекендердегі рухани өмірді жандандыруға бағытталған маңызды қадам, – деп атап өтті.</blockquote>Кеш барысында аудан өнерпаздары ән мен жырдан, күй мен биден шашу шашып, көрермендерге көтеріңкі көңіл күй сыйлады. Ұлттық нақыштағы көрмелер, өнер көрсетілімдері мен әсерлі музыкалық туындылар көпшіліктің ыстық ықыласына бөленіп, мәдени кештің мазмұнын айшықтай түсті.Ашық аспан астында өткен тағылымды шараға Төретам кентінің тұрғындары мен қонақтары белсене қатысып, жергілікті өнерпаздардың өнеріне зор қошемет көрсетті.Алғаш рет Төретам кентінде ұйымдастырылған «Ел іші – өнер кеніші» мәдени жобасы тұрғындарға ерекше әсер сыйлап, ел бірлігі мен ұлттық өнерді ұлықтайтын игі бастама ретінде жоғары бағаланды.<img src="https://knadmin.beoblood.kz/uploads/FB_IMG_1785646824639_a9d8b77c14.jpg" alt="FB_IMG_1785646824639.jpg">

Қазақстан және Қызылорда облысының жаңалықтары: Мәдениет