<a href="https://kyzylorda-news.kz/">Kyzylorda-news.kz</a> Қазақ – жаратылысынан қашанда өнерге өте жақын халық. Өз заманында талай сал-сері, күміс көмей әнші, жыр жампозы – жыршыларды туғызған халықтың бүгінгі ұрпағы да бұл салаға келгенде қара жаяу емес. Қазіргі таңда, олар дәстүрлі өнер дәреметін дәріптеп, халық арасында насихаттауға атсалысып жүр. Солардың бірі – өткен мен бүгінді жалғап, жыраулық өнерді жастардың санасында жаңғыртып жүрген өнер жанашырлары жиылған Қазалы ауданының Роза Бағланова атындағы мәдениет үйі жанынан құрылған «Жыраулар» бөлімшесі.Осыдан жеті жыл бұрын жергілікті әкімдік пен мәдениет бөлімі тарапынан қолдау тауып, Қазалы ауданы жастарын ұлттық өнерге баулу ісін қолға алған жыраулар үйірмесі бүгін де, елдік миссиясын жалғастырып келеді.Қазіргі таңда, үйірме шәкіттер алды республикалық, облыстық және аудандық сайыстарда түрлі жетістіктерге жетіп, өнер додасында биік белестерді бағындырып келеді. Бүгінде, бөлімшеде – үйірме жетекшісі Жәнібек Құтмаханов пен әдіскері Әмір Сариев және меңгерушісі Жамболат Өмірзақ сынды жыраулық өнерінде мол тәжірибесі бар мамандар жұмыс жасауда.Бөлімше меңгерушісі Жәнібек Құтмахановтың айтуынша, жыраулар бөлімінің мақсаты – қазақ жерінде бастау алған сан ғасырлық тарихы бар жыраулық өнерді сақтап, өскелең ұрпаққа дәріптеп, ұлттық мұраны жоғалтпай ертеңгі ұрпаққа жеткізу. Жаһұт өнерді кәсіби тұрғыда дамытып, Сыр бойы жырауларының шығармаларын насихаттау.– Ұрпақ тәрбиелеуде бұл өнердің маңызы өте зор. Адам дүние есігін ашқаннан, жарық дүниемен қоштасқанға дейінгі кезеңнен түрлі жыраулық дәстүрді кездестіруге болады. Тіпті, Абай атамыз: «Туғанда дүние есігін ашады өлең, өлеңмен жер қойнына кірер денең», – деп жырлайды.Демек, қазақтың тұрмыс-тіршілігіне бұл өнер соншалықты сіңісіп кеткен.&nbsp;Мәселен, халқымыз жас сәбидің шілдеханасын дүбірлетіп өткізіп, жыраулық өнерге жақын адамдарға басқартатын болған. Әйтеке бидің осындай тойын Жалаңтөс Баһадүрдің өзі жүргізіпті деген ақпар бар.Ал, сол ескі заманда жыраулар таңға дейін жырлап, қатарын толтырған сәбидің қуанышымен бөліскен. Одан қала берді, бесік жыры, сыңсу, беташар жыры секілді дүниелер қазақтың тұрмыс-салтымен бірге жасасты. Беташар салтын белгілі жырауға тапсырудың өзіндік пәлсапасы, таным-деңгейі бар. Дін мен салтты қатар ұстанған қазағымызда осы жыраулық өнердің ұрпақ тәрбиесінде, қоғам тәрбиесінде атқарған рөлі зор болған. Ата жырын бесіктен құлағына құйып өскен бала міндетті түрде елін, жерін сүйетін тұлғаға айналады. Ол насихат, өсиетпен өсетін болады. Сол себепті, жыраулық өнердің ұлт тәрбиесіне, ұрпақ тәрбиесіне тигізер маңызы жоғары. Қаншама ғасырды артқа тастаған, терең мағыналы, философияға бай ондай туындылар көп халықта жоқ екенін ескеруіміз керек, – дейді Жәнібек Құтмаханов.Бөлімше мамандары бұған дейін облыстық, аудандық деңгейдегі көптеген іс-шаралар мен жыраулар сайысын өткізіп келген. Солардың бірі – Роза Бағланова атындағы Қазалы аудандық мәдениет орталығы жанындағы Жыраулар бөлімшесінің ұйымдастыруымен өткен ауқымды «Жыраулардың бүгінімен ертеңі» атты дөңгелек үстел шарасы болды.Аталған шарада жыраулар бөлімінің және Қазалы ауданының абыройын асқақтатып жүрген жыршы-термешілерді қанаттандыру мақсатында марапаттар мен номинациялар табысталды.Бұдан бөлек, Қазалы ауданында Қазалы қаласының 95 жыл толуына орай «Туған өңір –&nbsp;тұнған өнер» атты аудандық фестиваль, «Әйелмен әлем әдемі», «Жыр қазына – күй шежіре» сынды сайыс, шаралар ұйымдастырған.Онан соң, Арал ауданы, Шөмішкөл ауылында Орал ахун бабаның 200 жылдығы және жаңа мешіттің ашылу салтанатына орай «Жыраулар» сайысы өткен. Ұлттық мұраны ұлықтағандар сайысында үйірме жетекшісі Жәнібек Құтмаханов пен бөлімше меңгерушісі Жанболат Өмірзақ өзгелерден дара шауып, арнайы жүлде иемденіп қайтқан.Бөлімше сүйемелдеушісі ұлттық өнерді насихаттауда мұнымен тоқтап қалмайтындарын айтып, алдағы жоспарларымен де бөлісе кетті.– Жыраулар үйірмесінде мезгілінде аптаның екі күнін белгілеп, шәкірттер дайындаймыз. Бүгінде оқушылар арасынан осы саланы таңдап музыка колледждеріне түсіп жатқандары да бар. Мұнымен тоқтап қалмай, Қазалы ауданында жыраулық өнердің ауқымын әлі де кеңейтуді мақсат тұтып отырмыз. Мәселен, шәкірттер қатарын көбейту, штаттық жүйені де кеңейту өз жемісін береді деп сенеміз, – дейді Жамболат Өмірзақ.Жампоз жырау Жамбыл Жабаев айтқандай: «Жамбыл – менің жай атым, Халық – менің шын атым!» демекші, өзінің емес елінің атын шығаруда қажырлы еңбек етіп келе жатқан жыраулар үйірмесінің алар асуы, жетер жетістігі көп боларына сеніміміз мол.&nbsp;

Өнерімен сүйсіндірген қазалылықтар

<a href="https://kyzylorda-news.kz/">Kyzylorda-news.kz</a> &nbsp;Өткен жылдың жұмыс қорытындысы бойынша Қазалы ауданының прокуроры Дарын Әбіш қадағалау саласында атқарылған және алдағы уақытта атқарылатын жұмыстар жөнінде сауалдарға жауап берді.«Мемлекет басшысы Қасым-Жомарт Кемелұлының Жолдауында: «Адал азамат және тұғырлы тұлға болудың негізі бала кезден қалыптасады. Сондықтан, біз жас ұрпақтың қауіпсіз әрі алаңсыз өмір сүруін қамтамасыз етуіміз керек» – деді прокурор. Расында да, бұл аса маңызды. Осы ретте, бірігіп, ұйымдастырылған профилактикалық жұмыстардың нәтижесінде, 2023 жылы, жалпы, тіркелген қылмыстар 2022 жылмен салыстырғанда 10 процентке (149/134) төмендеген. Қылмыстылықтың алдын алу және алдағы кезеңдерде болдырмау мақсатында, Қазалы аудандық прокуратурамен Қазалы ауданы әкімін, ауданнан сайланған облыс, аудандық мәслихат депутаттары, Қазалы аудандық ардагерлер кеңесінің, Қазалы аудандық қоғамдық кеңес төрағасы үкіметтік емес ұйымдардың өкілдері, Қазалы қаласы, Әйтеке би кенті және ауылдық округ әкімдері, дербес бөлім басшылары, полиция бөлімінің басшылығы мен учаскелік инспекторлары, мектеп директорлары мен олардың орынбасарлары қатысуымен бірнеше рет түрлі іс-шара өткізді. Бұл шаралар аясында, уәкілетті органдарға прокурорлық қадағалау актілері енгізіліп, хаттамалық шешімдермен нақты тапсырмалар жүктеліп, онда қылмыстылықтың алдын алу мақсатында біршама іс-шараларды атқару тапсырылған. Сонымен қатар, құқық бұзушылықтарға қарсы профилактика жұмыстарын жүзеге асыруда құқық қорғау, жергілікті атқарушы органдар және үкіметтік емес ұйымдармен 23 тармақтан тұратын бірлескен іс-шара жоспары әзірленіп, бекітілген.Нәтижесімен, орташа санаттағы қылмыс 46, онша ауыр емес қылмыс 12, оның ішінде, тонау 300, бұзақылық 33, ұрлық 35, мал ұрлығы 46, алаяқтық 8 процент, жол көлік қағидаларын бұзу 37, топпен жасалған қылмыстар 33, көшеде жасалған қылмыстар 35, масаң күйде жасаған қылмыстар 5, кәмелет жасқа толмағандармен 43 пайызға төмендеген. Дегенмен, жекелеген қылмыс түрлері өсім алған. Жекелеген қылмыс түрлерінің өсім алуына бір азаматтың бірнеше рет қылмыстарды қайталауы себеп болған. Өздеріңізге белгілі, Қазалы ауданында қылмыстың алдын алу бойынша және профилактикалық іс-шаралардың тиімділігін арттыру бағытында, Қазалы аудандық прокуратурасының бастамасымен WhatsApp жүйесінде, «Профилактика Қазалы» арнайы чаты ашылып, оған Қазалы ауданының әкімі, құқық қорғау мен жергілікті атқарушы органдардың басшылары енгізіліп, күнделікті Қазалы ауданы әкімдігінің бөлім басшыларымен кезекшілік ұйымдастырылған.Былтыр есепті мерзімде 15 845 азаматтың құқығы қорғалды, оның ішінде, конституциялық құқықтар – 35. Енгізілген прокурорлық қадағалау актілері негізінде мемлекеттік бюджетке 20 миллион теңге қайтарылып, Қазалы аудандық прокуратурасының ақпараттық есепке алу кітабына екі құжат тіркелсе, сотқа &nbsp;дейінгі тергеп-тексерудің бірыңғай тізіліміне екі қылмыстық іс тіркелген. Атап айтқанда, жүргізілген тексеру барысында 238 және 259 орта мектептердің есепшілері 4,4 миллион теңгені өздерінің есеп шоттарына аударып алғандығы анықталды. Орын алған заң бұзушылықтың негізінде, аталған мектептің есепшілері Қазалы ауданы сотының 02.11.2023 жылы және 16.11.2023 жылы үкімдерімен Қазақстан Республикасы Қылмыстық Кодексінің 189-бабы 2-бөлігі 3-тармағы бойынша кінәлі деп танылып, 3 жылға есепші қызметімен айналысу құқығынан айыра отырып, 2 жыл мерзімге бас бостандығын шектеу жазасы тағайындалды. Сонымен қатар, аталған қылмыстық іс бойынша барлығы 4,4 миллион теңге қаражат Қазалы ауданы прокуратурасының қадағалау актісі негізінде мемлекет пайдасына толық өндірілді.Кәсіпкерлердің құқықтарын қорғау бойынша ағымдағы жылы Қазалы аудандық прокуратурамен 13 қадағалау актісі (3 ұсыну, 10 наразылық) енгізіліп, нәтижесімен 10 әкімшілік қаулының күші жойылып, 405 кәсіпкерлердің құқықтары қорғалды. Қаржы өндіру бойынша, мемлекет бюджетіне 20 011 388 теңге өндірілді. Нақты айтқанда, Қазалы ауданы прокуратурасымен ауылдық елді мекендерге жұмыс істеуге және тұруға келген мамандарға әлеуметтік қолдау шараларын ұсыну бойынша талдау жүргізіліп, нәтижесімен 92 миллион теңге қаражатты мемлекет пайдасына уақытылы қайтармай, келісім талаптарын бұзған 202 тұлға анықталып, бүгінгі күні 16 миллион теңге қаражат мемлекет пайдасына өндірілген.Азаматтардың құқықтарын қорғау бойынша, «Қазалы-Су Сервис» ШЖҚ МК тарапынан қызметкерлерге 2023 жылдың қаңтар айының жалақысы төленбегендігі анықталып, нәтижесімен 35 қызметкердің 3 512 903 теңге жалақыларының берілуін қамтамасыз етіліп, конституциялық құқықтары қорғалған.Бұдан бөлек, білім беру ұйымдарында кәмелетке толмағандардың (білім алушылардың) сабақ режимдерін белгілейтін заңнамалардың сақталуына талдау жүргізіліп, 27 мектепте білім алып жатқан 15 312 оқушының бұзылған құқықтары қайта қалпына келтірілді. Жайылымдық және кәсіпкерлік жер учаскелері бойынша талдау жүргізіліп нәтижесімен, прокурорлық қадағалау актісінің негізінде құны 1 200 000 теңге болатын 600 гектар жер учаскесі мемлекетке қайтарылды.Алимент өндіру санатындағы атқарушылық құжаттарға талдау жүргізіліп, нәтижесімен 1 қылмыстық, 18 әкімшілік іс қозғалып, Қазалы аудандық прокуратураның ықпалымен 3 борышкер жұмысқа орналастырылды. Талдау қорытындысымен 3 қадағалау актісі енгізіліп, 5 сот орындаушы тәртіптік жазаға тартылып, мемлекет пайдасына 8,1 миллион теңге өндірілген. Мысалы, Әйтеке би кентінің тұрғыны, табыс тауып борышкер бола тұра, кәмелетке толмаған қызын күтіп бағу үшін мүлде алимент төлемей, сот шешімін қасақана орындамаған. Орын алған дерек бойынша 23.01.2023 жылы борышкерге қатысты Қазақстан Республикасы Қылмыстық Кодексінің 139-бабымен қылмыстық іс тіркеліп, Қазалы ауданы сотының 10.03.2023 жылдың үкімімен борышкер аталған баппен кінәлі деп танылып, оған қатысты бір жылға бас бостандығын шектеу жазасы тағайындалған.Сотталғандардың әлеуметтік бейімделуіне 67 әлеуметтік, оның ішінде, 15 медициналық, 25 психологиялық, 12 құқықтық көмек және 15 жұмыспен қамту көмегі көрсетілген. Қазалы аудандық жұмыспен қамту және әлеуметтік бағдарламалар және жұмыспен қамту орталығымен бірлесіп ай сайын пробация қызметіндегі жұмыссыз сотталғандарды қатыстыра отырып «Бос жұмыс орындары» жәрмеңкесі 4 рет өткізілген. Нәтижесінде, 3-сотталған «Бастау бизнес» жобасы бойынша кәсіпкерлік негізде оқытылып, оның ішінде, жартылай фабрикат кондитерлік өнімдер жасап, жеке кәсібімен айналысу, мал шаруашылығын дамыту бойынша әр қайсысына 1 миллион 380 мың теңге көлемінде қайтарымсыз грант берілген.&nbsp;Фото: https://dynasty.kz/prokuratura-v-ugolovnom-proczesse/

Дарын Әбіш: Жас ұрпақтың қауіпсіз өмір сүруін қамтамасыз ету керек

&nbsp;<a href="https://kyzylorda-news.kz/">Kyzylorda-news.kz</a> Қазалы ауданының шалғайдағы Шәкен өңіріне еңбегімен, мейман достығымен, қайырымды қасиетімен танылған, әулетте ағайынның басын қосып, қамқорлық танытып, ынтымақ пен ауызбірліктің ұйытқысы болып жүретін бірегей жан - ол Саймахан Көбесов! Жасының үлкендігімен ғана емес, ақыл-парасатының кемелдігімен, іс-әрекетінің ірілігімен, пейілі мен мінезінің кеңдігімен көптің көңілінен шығып, сый-құрметке ие. Біздерге үлгі, сабақ болсын деп, жас кезімізден құлағымызға құйып, айтып отыратындығы.&nbsp;«Адам туған топырағына тартып туады» деген бар. Сондықтан, ең алдымен өскен ауыл-аймағым жөнінде айта кетсек. Саймахан атаның кіндік қаны тамған, дүние есігін ашқан туған жері – бұрынғы Қазақстанның 40 жылдығы атындағы Қаракөл қой совхозына (қазіргі Жанқожа батыр ауылы) қарасты малы мен жаны қатар өскен, берекесі маңдай термен артқан Шәкен елді мекені. Тарихы терең әрі тағылымды жер. Бір жағында – айбынды Аралмен астасса, екінші жағында Қазыналы Қазалымен шектескен малы мыңдаған, шаруашылығы шалқыған, берекесі келіскен ауыл. Кезіңде совхоздар жабылып, жаппай жекешелендіру болып, фермалар тарқап, елде жұмыссыздық белең алып, халық ауылдан үдере көшкенде қара шаңырақты, қасиетті туған өлкені сақтап қалған, ауылыңда кім бар деген кезде маңдайды тіреп келетін шаңырақ ол – осы атаның шаңырағы еді.&nbsp;«Туған жерге туыңды тік» дегендей, әкем 1959 жылы 10 класты бітірген соң жастайынан еңбекке араласа жүріп, Қазалы қаласындағы совхоз техникумынан 1967 жылы&nbsp;“Вет техник” мамандығын алып, сол салада 1987 жылдың март айына дейін жұмыс жасаған. Неге? Себебі, 1982 жылы сол көзіңе, 5 жылдан соң 1987 жылы оң көзіңе операция жасалып, 2 топ мүгедектігіне шығарған. Ол кездері аяқ жолын көретін еді. Қазіргі таңда, 10 жыл болды екі көзі де су қараңғы көрмейді, өмірлік 1 топ мүгедегі. Мұны мен не үшін жазып отырмын есептеп отырсам нағыз жалындап тұрған 45 жасыңда қос шамшырағынан айрылып, зағип боп қалған екен. Сол кездегі совхоз директор Жалғасбаев Шынтас, мал дәрігері марқұм Тұрғанбаев Елдесбай, совхоздың бас зоотехнигі Бисембаев Берік кейіннен совхоз директоры болған, 2 ферманың управляющиі Қосболов Әбимолда, вет техник Қайруллаев Мнажадин деген көз көрген ағалар қызметтес болған. Мал дәрігері мен вет техниктің жұмыстарының қиындықтарын айта кетпесе болмас. Қойды емдеу, егу, төлдету, басын көбейту науқаны сияқты бірыңғай мал шаруашылығы деген үлкен саясатпен жұмыс жасаған. Халқымыздың «Ердің атын еңбек шығарады» деген сөзі рас. Шәкен ауылында мал шаруашылығы саласында ұзақ жылдар еселі еңбек етіп, жұмыстың көрігін қыздырды. Қаракөлден, жүннен міндеттеме орындайтын болған. Қаракөлдің I сорты Элита деп аталған екен. Қазақстанның 40 жылдығы атындағы Қаракөл қой совхозына қарасты Қарақұм беткейінде 3 ферма болса, біздің Шәкен учаскесі 2 ферма аталып, қой шаруашылығымен айналысқан. 2 фермада 25-27 отар қой, 1 отарда 650 қой болған. Күзде қойларды қозысынан айырып, қойларын бір отар, қозысын бір отар ғып бөлетін болған. Еңбек еткен жылдары өзіме емес үкіметке болсын деген қағиданы берік ұстап, ел қазынасының артып, мал шаруашылығының өркендеуіне мол үлес қосты. Сан жылғы тынымсыз еңбек, төккен тер тегін кетпеді. Еселі еңбек пен ұйымдастырушылық қабілетінің арқасында елеулі нәтижеге жетіп, озаттар қатарынан көрініп, көптеген марапаттарға ие болды. Еңбектің наны тәтті деп, барша өзінен кейінгі жас буынға еңбекті үлгі ғып жүрген адам. 2014 жылы зайыбы өмірден өтсе де тағдырға еш мойымай, қасқайып әке орнына әке, ана орнына ана болып, әулеттің туын жықпай, балалары мен немерелерінің тәрбиесіне ұйытқы боп отырған ардақты жан.&nbsp;Халқымыз «Жақсылық жүрген жерде тапшылық болмайды» дейді. Адам баласының көңілін қалдырмайтын кішіпейіл мінезі, елге болсын дейтін кең пейілі, шындықты тура айтатындығы, ізетті ұстанымы жылдан-жылға тұлғасын асқарландырып, қадірлі аға, абыройлы ақсақал деңгейіне көтерді.&nbsp;Расында, еңбек адамы, ауыл-аймаққа қадірлі тұлға – қашанда елдің құты.

Қадірлі тұлға қашанда елдің құты

<a href="https://kyzylorda-news.kz/">Kyzylorda-news.kz</a> &nbsp;Қазалы – Сыр ананың сырбаз ақын-күйшісі мен аты мәшһүр музыканттары ұшқыны тиген орын. Олай дейтініміз, бұл қасиетті топыраққа өнерімен төрткүл дүниеге танылған Роза Бағланова, Кеңес Дүйсекеев сынды танымал тұлғалар аунап өскен. Бүгінде Қазалы ауданында музыка майталмандарының ізі өшпей, жолы жалғанып келеді. Сондай өнерпаздар тоғысқан орынның бірі – Нұрлыбек Сүлейменов басшылық ететін Әйтеке би кенттік Мәдениет үйі.Қазалы ауданының әрбір мерекелік шарасынан ойып тұрып, орын алар ұжымда жиырма сегіз адам жұмыс істейді. Оның әрқайсысы түрлі қызмет атқарғанымен, бәрінің илегені бір терінің пұшпағы – Әйтеке би кентінің абыройын аспандату, жас таланттарды қанаттандыру екені бесенеден белгілі. Бұл істе кенттік мәдениет үйінде біршама ілгерілеу бар. Яғни, мұнда осы бағытта бес үйірме, бір халықтық ұжым жұмыс жасауда.Атап айтар болсақ, кәсіпорынның музыкалық және ән үйірмесінің жетекшісі –&nbsp;Рақымжан Мақсатбаевтың бір өзінде ән өнерімен шұғылдануға талаптанған он қатысушы бар. Жанат Қазбиева жетекшілік ететін би үйірмесінде одан үш есеге артық отыз бес бала қатысуда. Ал, кәсіпорынның аккомпонияторы Әлібек Айдар жетекшілік ететін драма үйірмесіне он бала қатысады. Мұнан бөлек, "Жас ақындар" үйірмесі, “5 аймақ” вокалды-инструменталды аспаптар ансамблімен қатар “Атамұра” ардагерлер халықтық ансамблі де бар.Әрбір үйірме аудан асып, облыстық, республикалық сайыстарда бақ сынап, марапат төрінен көрініп келеді. Мәселен, кәсіпорын жанындағы үйірмелердің бірі ән үйірмесі. Үйірме мүшелері түрлі деңгейдегі байқауларға қатысып, жүлделі орындарға ие болып келеді. Дәлірек айтсақ, өткен 2023 жыл көлемінде аудан және облысты санамағанда он үш байқауға қатысып, бір бас жүлде, бірінші орынды 7 рет жеңіп, екінші орыннан екі рет көрінсе, үшінші орынды бір рет иеленген. Бұдан бөлек, күрделі үш сайысқа жолдама алған. Сонымен қатар, Халықаралық дәрежеде бір рет бірінші орынды иеленіп, екі дипломат алған.Жалпы, үйірме жұмыстарын жандандыру мен өнер ұжымдарын, вокалды аспаптар ансамблі, ұлттық, халықтық, оркестрлер, хор ұжымдарын дайындау және құру бағытында кәсіпорын атқарған жұмыстың жыл бойы жеткен жетістігі көңіл қуантады.– Жуырда, бұрынғы Роза Бағланова атындағы мәдениет үйіне қоныстандық. Әрине, орын ауысқанымен, мақсат, міндетіміз бір болып қала бермек. Әлде де кенттің мәдениетін, абыройын асқақтатып, "Бұлақ көрсең, көзін аш" демекші, жас талапшыл таланттардың өнерін шыңдап, қанаттандыру жұмыстарын күрделендіре түсеміз, – дейді Қазалы аудандық Әйтеке би кенті мәдениет үйінің басшысы."Шыққан тауың биік болса, лақтырған тасың алысқа түседі" демекші, әлі талай мінберден көрінуді мақсат тұтқан ұжымның бағындырар белесі көп болмақ.&nbsp;

Төрткүл дүниеге танылған ұжым

Мәскеу түбіндегі Crocus City Hall концерт залында болған теракт бойынша ұсталған екінші адам, Тәжікстан азаматы Муродали Рачабализода кінәсін мойындады, деп хабарлайды “Адырна” ұлттық порталы Мәскеудің Басман сотының баспасөз қызметіне сілтеме жасап.32 жастағы Далержон Мирзоев, 30 жастағы Рачабализода Саидакрами Муродали, 25 жастағы Шамсидин Фаридуни және 19 жастағы Мухаммадсобир Файзов 2024 жылдың 22 мамырына дейін қамауға алынды.Қылмыстық іс бойынша сотталушылар кешке қарай сотқа жеткізілді. Оларға теракт жасады деген айып тағылды (РФ Қылмыстық кодексінің 205-бабының 3-бөлігі).Айыпталушылар өмір бойына бас бостандығынан айырылуы мүмкін.Жабық есік жағдайында өткен сотта айыпталушыларға бұлтартпау шарасы туралы шешім қабылдады.Мәліметке сүйенсек, бірінші сотталушы Тәжікстан азаматы Далержон Мирзоев сотта кінәсін мойындады.Екінші айыпталушы Рачабализод Саидакрами Муродали Ресейде тіркелгені туралы сұраққа, оның қайда тіркелгенін, бірақ нақты қай жерде екенін еске түсіре алмады. Ол да кінәсін мойындады.Үшінші айыпталушы Тәжікстан азаматы Шамсидин Фаридуни зауытта ресми түрде жұмысшы болып жұмысқа орналасқан. Красногорск қаласында тіркелген.Соңғы айыпталушы Мұхаммедсобир Файзов сотқа медициналық халатпен жеткізілді. Бұған дейін ол Ресейде тіркеуде тұрған Иваново қаласында шаштараз болып жұмыс істеген.Фото: ТАСС

Мәскеудегі теракт: Ұсталған 4 адам туралы дерек жарияланды

Биылғы Ұлыстың ұлы күні жылдағыға қарағанда сән-салтанатымен, жалпыхалықтық сипатымен ерекшеленді. «Наурызнама» тұжырымдамасына сәйкес Қазалы ауданында 14 – 23 наурыз аралығында халықтық мерекені тойлауға арналған Наурызнама онкүндігі ұйымдастырылды. Бұл онкүндік төл мерекемізді атап өтудің жаңа дәстүрлерін қалыптастыруға, ең жақсы адами қасиеттерді – ашықтықты, шынайылықты, жауаптылықты, қайырымдылықты насихаттауға бағытталған. Ауданда арнайы іс-шаралар жоспары әзірленіп, әр күн белгілі бір тақырып аясында өтті.Осыған орай барша қазалылықтар ауданның барлық аумағында тазалық жұмыстарын жүргізіп, ағаш көшеттерін отырғызды.Аудан орталығындағы Теміржол вокзалы алдындағы саябақта аудандық Әйелдер және Аналар кеңесінің мүшелері Тазару күніне орай ағаш көшеттерін отырғызды. Қазалы ауданы әкімі Мейрамбек Шермағанбет те ағаш егу рәсіміне қатысып, экологиялық науқанға атсалысты. Сондай-ақ, аналармен пікірлесіп, бұл күн азаматтарға қоршаған ортаны қорғауға, қоғамда экологиялық мәдениетті дамытуға үлкен мүмкіндік беретінін жеткізді.Мұнан соң Әйтеке би кенті мен шет аймақтарда өткен тазалық жұмыстарын аралады.Айта кетейік, жалпы ауданда өткен бүгінгі сенбілік жұмыстарына 147 мекеме, кәсіпорынның 2982 қызметкері өз үлестерін қосты. 41 дана техникалар жұмылдырылып, нәтижесінде 39,2 тонна тұрмыстық қатты қалдықтар арнайы орынға шығарылды.&nbsp;

Қазалыда «Наурызнама» онкүндігі жоғары деңгейде өтті

<a href="https://kyzylorda-news.kz/">Kyzylorda-news.kz</a> Әлемде әр минут сайын бір адам көз жанарынан айырылады екен. Мұның бәрі көз күтімімен айналыспау, көз ауруына салғырт қараудан туындайды. Сондықтан, оның алдын алу мақсатында сақтану жолдарын жасаған жөн дейді мамандар.Бүгінде көз жанарына қатысты сырқаттың бірнеше түрі кездеседі. Соның ішінде, ересектер арасында кеңінен таралған көз ауруы ол – катаракта, қазақшалағанда көзге ақ түсу деп аталады. Катаракта кезінде сәуленің көз бұршағына өтуі қиындап, көздің көру қабілеті төмендейді. Катаракта әртүрлі жағдайларға: қарттық, жарақаттану, түрлі аурудың асқынуы салдарынан, тағы басқа әсерге байланысты пайда болады. Аурудың туа және жүре пайда болатын жайттары бар.Қант диабеті, экзема, зат алмасудың бұзылуы, ұзаққа созылған көз аурулары көздің жарақаттануы жүре пайда болған катарактаға әкеледі. Ыстық температурада (балқыту пешінің жанында) ұзақ уақыт жұмыс істеу немесе көзге тиісті қорғаныш көзілдірік кимей иондандырғыш сәуленің әсерімен жұмыс істеу – катарактаның асқынуына себепші болады. Катарактаның бұл түрінің клиникалық белгісі: сырқат адамның көзінің алдында бір нәрсе тұрғандай әсер тудырады. Іштен туа біткен катаракта құрсақтағы ұрықтың дамуы кезінде дамиды. Бұған жүкті әйелдің жұқпалы аурулармен тұмау, қызамық, тағы басқа ауруы себепші бола алады. Бұл ауруды уақытылы емдемеген жағдайда ол ауру соқырлыққа алып келеді. Катаракта ауруының емі – ота жасау.Сонымен бірге, адам бойында қабыну – белгілі бір аллергендердің ықпалына ағза реакциясының өзгерген аса сезімталдығы туындауы ғажап емес. Бұл біздің иммундық жүйеміздің толығымен зиянсыз заттардан өте қатты тітіркенетінін және ағзаға зиян келмейтін аллергендерден шамадан тыс қорғана бастайтынын білдіреді. Қабыну реакциясы көздің қышуы мен қызаруы және ісініп кетуі, сондай-ақ көз айналасының қышуы, жанарда «құмның» тұрғанын сезіну, жиі жас ағу мен жарықтан тітіркену сынды белгілермен анықталады. Сонымен бірге, қастың қызаруы және ісінуі де қабынуды білдіреді.Жалпы, аллерген ретінде бәрі әсер етуі мүмкін. Күн, мысық, өсімдіктердің тозаңдануы, сүйікті тағамның, үйдің шаңдауы, салқын, косметика, дәрі-дәрмек. Бұл тізімді аяғына дейін соза беруге болады. Аллергияның дамуы тәуекелдігінің маңызды факторы тұқым қуалаушылық. Егер, ата-ананың біреуі аллергиямен ауыратын болса, онда бала аллергиясының даму сенімділігі 30-40% дейін жетеді. Егер ата-ананың екеуі де осы сырқатпен ауырса, тәуекелдік 70-75% құрайды.Аллергия кезінде жіберілетін басты қателік – өз бетінше, ем жасау (кез келген тамшыны пайдалану, үй жағдайында шөп қайнатып емделу). Аллергия байқалған кезде бірден дәрігер көмегіне жүгініп, қабынудың неден шыққанын анықтау қажет. Кейін тиісті емін алып, дәрігер кеңесі бойынша дәрі-дәрмек қабылдауы қажет.– Тағы бір дерт – миопия немесе басқаша атауы – алыстан көрмеушілік, сығырлық. Миопия кезінде адамның көз алдындағы бейне көздегі көз торында емес, оның алдында көрінеді. Сондықтан, көз торы алдындағы бейне адамға бұлдырап көрінеді. Миопия – көз рефракциясы, көздің сәулені сындыру күші, клиникада көз көру фокусы, тор қабық алдына орналасады.Миопиялық ауру – алыстан көрмеушіліктің асқынған түрі, шыны тәрізді дене мен көз түбінің өзгеруімен қайталанбайтындығымен ұштасады. Миопия жасөспірімдер арасында жиі кездеседі. Оның пайда болу себептері: кемістік бөлмеде жарықтың жеткіліксіздігінен, затқа көзді тым тақап жұмыс істеуден, оқу, жазу, кейбір қолөнері кәсібімен шұғылдану және тағы басқалары. Алыстан көрмеушілік әдетте балалардың мектепте оқып жүрген кезінде басталып, кейіннен өрши түсуі мүмкін. Мұндайда көз тез талады. Ұзақ уақыт сабаққа дайындалғаннан кейін көзінің түбі сыздап ауырады. Көзі бұлдырайды. Затты айқын көру үшін оны амалсыз көзіне тақауға мәжбүр болады.Адамның алыстан көрмеуі, көздің бұлдырауы, көздің алыстағы тұрған заттан жақын тұрған затқа қарауда немесе керісінше, қарауда ауыртпалығы, заттардың екі еселенуі, алыстағы заттар түсініксіз көрінуі, алыстағы заттарды көруі үшін адамның көзді сығырайтуы миопияны білдіреді.Мұндай жағдайлардың алдын алуда, Қазалы теміржол ауруханасы жан-жақты жағдай жасауда. Жақында соңғы үлгідегі заманауи құрылғымен жабдықталды. Жаңа аппарат оптикалық когерентті томография – көз түбі потологияларын анықтауда офтальмологияда қолданылатын ең тиімді зерттеу әдісі.<blockquote>– Глаукома, көз нервісінің патологиясы, торлы қабықтың ауруларын, макулярлы дегенерация және диабеттік, посттромботикалық ретинопатия ауруларын диагностикалауда тиімді қолданылады. ОКТ жоғары дәлдік нәтиже береді. Бұл көз ауруларын анықтаудағы қателіктерді азайтуға мүмкіндік береді. Аталған жабдықка тексерілу үшін теміржол емханасының офтальмолог кабинетінде келіп тіркелсе болады, – дейді Қазалы теміржол ауруханасының офтальмолог дәрігері Берік Жадырасын.</blockquote>Жасқа байланысты макулярлы дегенерация – көздің артқы сегментінің созылмалы үдемелі ауруы, торлы қабықтың және хореоидтың орталық аймағында дегенеративті процестермен сипатталады. Жасқа байланысты макулярлы дегенерация ең көп таралған көз ауруларының бірі. Бұл 50 жастан асқан адамдарда қайтымсыз көру қабілетінің жоғалуының негізгі себептері саналады, дегенді алға тартады көз дәрігері. Сондықтан, аталған дерттерді дер кезінде анықтау үшін жаңа жабдыққа қол жеткізді.

Қазалы теміржол ауруханасына жаңа аппарат берілді

<a href="https://kyzylorda-news.kz/">Kyzylorda-news.kz</a> Бедеулік пен белсіздік белең алып бара жатқан заманда жаны күйзеліп, көңілі құлазып жүрген жандарға «Аңсаған сәби» бағдарламасы үміт сәулесін сыйлағаны рас. Бірақ ана болсам деп армандаған жанның барлығы бірдей бағдарлама арқылы бақытқа жетті дей алмаймыз. Оның да өзіндік себебі бар. Аталған бағдарлама арқылы аңсағанына жетіп, ана атануға кімдердің мүмкіндігі бар көптің көкейіндегі сауалға нақты жауаптармен жөн сілтесек.Мемлекет басшысы Қасым-Жомарт Тоқаев Үкіметке 2021 жылдан бастап, «Аңсаған сәби» арнайы бағдарламасын іске қосуды тапсырды. Осы орайда, экстракорпоральды ұрықтандыруға бөлінетін квотаның саны 7 мыңға дейін артты. Нәтижесінде мыңдаған отбасы бала сүю бақытына ие болды. Барлық шығын мемлекет есебінен төленеді. 2030 жылға дейін жалғасын табатын бағдарламаның жүзеге асуы, қатысу шарттары және жолдама алу туралы толығырақ төмендегі мақалада тоқталамыз.Ресми деректерде, елдегі әр алтыншы отбасына нәресте сүю бақыты бұйырмай отырғаны туралы жазылады. Оған экологияның нашарлауы, жастардың денсаулығының әлсіздігі себеп болып отыр деседі мамандар.&nbsp;Өзекті мәселенің оңтайлы шешімін табуды көздеген&nbsp;Мемлекет басшысы Қасым-Жомарт Тоқаевтың 2020 жылғы 1 қыркүйегінде «Жаңа жағдайдағы Қазақстан: Іс-қимыл кезеңі» атты Жолдауында «Аңсаған сәби» арнайы бағдарламасын бастап, экстракорпоралдық ұрықтандыруға квота санын жеті есеге көбейтуді тапсырған еді. Тапсырманы жүзеге асыру үшін, бедеу ерлі-зайыптыларға қосымша репродуктивті әдістер мен технологияларды тиімді өткізу үшін денсаулық сақтау министрлігі атқарылуы тиіс іс-шараларды жүйелі жүргізуде. Анықталғаны елімізде «бедеулік» диагнозы қойылған 14 мыңнан астам әйел мен 100-ден аса ер адамның бар екендігі.«Аңсаған сәби» арнайы бағдарламасын іске асыру үшін республикалық бюджеттен 6 миллиард теңгеден астам қаражат бөлінген. Денсаулық сақтаудың жетекші бейінді мамандары мен ұйымдастырушылары қатарынан жұмыс тобы құрылды. Нормативтік-құқықтық құжаттар, атап айтқанда ЭКО жүргізу үшін көрсеткіштер қайта қаралды. Өңірлер бөлінісінде бедеулігі бар пациенттердің тізімі өзектендірілді. Бұл тізімге әйелдер мен қоса ерлерде енгізілді. Фертильді жастағы адамдар санын ескере отырып, өңірлер бөлінісінде ЭКО-ға 7 мың квота бөлінді.&nbsp;Үш жылда 20 мыңнан астам экстракорпоральды ұрықтандыру жасалған. Оның ішінде 8 мыңнан аса әйел жүктілікпен есепке алынса, 6 мыңға жуық бала дүниеге келген.Бұл бағдарлама бедеулік диагнозы қойылған пациенттерге арналған. Оған отбасылық жұптар да, жеке адамдар да қатыса алады. Қазақстанның азаматы болуға тиіс және денсаулық сақтау министрлігі белгілеген медициналық талаптарға сәйкес келуі керек. Сондай-ақ, бағдарламаға қатысатын адам міндетті түрде ерікті түрде жазбаша келісім береді. Олар репродуктивті жас – 18-ден 42 жасқа дейін, қалыпты соматикалық және эндокриндік көрсеткіштер, жоғары фолликулярлық резерв.Алайда, мамандар үміткерді медициналық тексерістен өткізгеннен кейін экстракорпоральды ұрықтандырудан бас тартуы да мүмкін. Мәселен үміткердің жатырында туа біткен немесе жүре біткен ауытқулары, соматикалық және психикалық бұзылулар, аналық без ісіктері, жедел қабыну және кез-келген локализация онкологиясы және денедегі қатерлі өскіндер болса, экстракорпоральды ұрықтандыру жүзеге асырылмайды.Әрбір алтыншы отбасы бедеулікпен күресудеҚазалы теміржол ауруханасының бас акушер-гинекологы Индира Опабекова «Аңсаған сәби» бағдарламасы аясында ЭКО-ға жолдама алу үшін алдымен тіркелген жері бойынша емханаға баруға міндетті екенін ескертті. Сол жерде үміткерді бедеулігі бар диспансерлік пациенттердің электрондық тізіміне қосады. Одан кейін тексерістен өтеді. 12 айдың ішінде емхана бейінді маманның қорытындысы негізінде пациенттің құжаттарын жоғары технологиялық медициналық қызметтер жөніндегі жергілікті комиссияға жібереді. Комиссия оң шешім шығарған жағдайда әйелді «Емдеуге жатқызу бюросы» порталына тіркеп, емшараға дайындық басталады. Пациент экстракорпоралды ұрықтандыру клиникасын өзі таңдайды. «Аңсаған сәби» бағдарламасы бойынша экстракорпоральды ұрықтандыру процедурасы жылына бір рет тегін жасалады.Экстрокорпаральды ұрықтандыру елімізде негізінен 1995 жылы басталған. 2010 жылдан бері мемлекет қаржы бөлді. Бұрын жылына 400-500 квота ғана берілсе, 2021 жылдан бастап 7 мыңға көбейген. Нәтижесінде 3 жылда 5 мыңдай отбасы сәбидің күлкісіне шомылып, бақытқа бөленген. Көмекке мұқтаж отбасылар қатары әлі де сирген жоқ.&nbsp;Қазіргі таңда елімізде 26 ЭКО орталық жұмыс істейді. Басым бөлігі жекеменшік клиника.Қазір республикалық есеп бойынша 15 мыңға жуық ерлі-зайыпты бедеулік есебінде тұр. Жастар отбасын құрғасын 1 жылда бала сүйе алмаса, бірден квотаға өтініш бере алады. Бұған дейін тек қана, 3-4 жылдан кейін өтініш жазу мүмкіндігі бар болатын. Талап жеңілдегенмен бәрі де, әйелдің денсаулығына тікелей байланысты.Бұл ретте:&nbsp;«Антимюллерлік гармон 1-ден төмен болмау керек. ФСГ 12-ден жоғары болмауы шарт және аналық безінде оң жақ, сол жағында үш-үштен 6 фолекул болу керек. Өкінішітісі, аталған талапқа сай келмейтін нәзік жандылар қатары көп. ЭКО-ны бір рет жасаудың өзі шамамен бір жарым миллион теңге. «Аңсаған сәби» бағдарламасы арқылы ковта алу жеңілдеп келеді. Мәселен, көмекті бір рет пайдаланған отбасы екінші жылы тағы да қатыса алады. Анализді қайта тапсырып, кезекке тұруға құқылы», – дейді бас акушер-гинекологы Индира Опабекова.Балалы болу үшін жеңілдік барЖоғарыда айтқанымыздай, бағдарлама аясында жыл сайын 7 мың квота бөлінеді. Яғни, міндетті медициналық сақтандыру қорынан шамамен 7 млрд теңге жұмсалады. Мемлекеттік көмекті әр отбасы жылына бір рет қолдана алады. Бағдарлама 2030 жылға дейін жалғасса, жеті жылда 49000 отбасының ата-ана атану мүмкіндігі бар.Ал, біздің Қазалы ауданындағы ахуал қандай? Қазалы аудандық теміржол ауруханасы және Қазалы ауданаралық орталық ауруханасының мамандарына сұрау салдық. Теміржол ауруханасының бас акушер-гинеколг маманы Индира Опабекова биылдың өзінде қазалылық тоғыз ана ЭКО-ның көмегіне жүгінгендігін айтты. Олардың ішінде біреуі «Аңсаған сәби» бағдарламасы арқылы квота алған. Жалпы, бағдарлама жүзеге асқан сәттен төрт әйел тегін жасанды ұрықтандыруға жолдама алған. Оның үшеуі сәбиін өсіріп отыр.– Биыл тоғыз ана ЭКО жасатты. Бесеуі бөбегін аман-есен қолына алды. Өкінішке орай, екі әйел түсік тастады. Солардың біреуі – «Аңсаған сәби» бағдарламасы арқылы&nbsp;жолдама алған болатын. Менің ойымша,&nbsp;қандай сырқат, қандай жағдай болса да ер мен әйелі бір-бірін қолдап жүрсе, бірге болса – жақсы нәтижеге жетеді. Ең бастысы – бір-бірін айыптап, кінәлауға болмайды», – дейді Индира Опабекова.Маманның мәлімдеуінше биылғы жылы келіншектердің барлығы дерлік өз қаражаты есебінен ЭКО-ға жол тартқандар.Ал, ауданаралық орталықтандырылған ауруханасы бас дәрігерінің ана мен бала денсаулығын қорғау жөніндегі орынбасары Айымкүл Келмағанбетқызы: «Жыл басынан бері үш әйел жасанды ұрықтандыру арқылы бала босанды. Барлығының жағдайы жақсы. Тұрақты бақылауда», – деді.Жалпы, аудандық аурухана бойынша 2021 жылдан бастап, 4 әйел тегін жасанды ұрықтандыру жолымен сәбилі болған.Фото: Нұрболат Нұржаубай

Үмітті үкілеген бағдарлама

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев «Жайлы мектеп» ұлттық жобасымен қала аумағында бой көтерген 900 орындық мектептің құрылыс алаңына барды, деп хабарлайды Қызылорда облысы әкімінің баспасөз қызметі.&nbsp;Келісім-шарт құны 5 млрд теңгеден асатын білім ордасы өткен жылдан бері салына бастаған болатын, бас мердігер – «СК Дәнекер» ЖШС.Аймақ басшысы мердігерлерге құрылыс сапасын қатаң бақылауда ұстауды, мерзімінде аяқтауды тапсырды.&nbsp;Еске салсақ, Мемлекет басшысының бастамасымен қолға алынған «Жайлы мектеп» ұлттық жобасы аясында өңірде биыл 10 мектеп ел игілігіне табысталады. Тағы 11 білім ұясының құрылысы жүргізіледі.&nbsp;«Жайлы мектеп» білім беру саласындағы пилоттық ұлттық жобаны іске асыру бойынша ағымдағы жұмыстар шеңберінде елімізде 2024 жылы 208 мектеп салу жоспарланған. 182 жайлы мектеп бойынша мердігерлермен (консорциум жетекшілерімен) EPC-келісімшарттарға қол қойылды.Бұл ретте, «Жайлы мектеп» ұлттық жобасын іске асыру шеңберінде бас мердігерлерге құрылыс материалдары, жиһаз бен жабдықтарды жеткізетін компанияларды таңдау мүмкіндігі берілді.«Жайлы мектеп» ұлттық жобасының қолданыстағы шарттарына сәйкес: мектептерді жобалау процесінде Қазақстанда жасалған құрылыс материалдары, бұйымдар, конструкциялар мен жабдықтарды таңдау кезінде жобалаушылар мына дерек көздерін басшылыққа алуы қажет.<img src="https://knadmin.beoblood.kz/uploads/434144191_715571430764104_147135129185889046_n_4b2c4b74a9.jpg" alt="434144191_715571430764104_147135129185889046_n.jpg">&nbsp;<figure class="image"><img src="https://knadmin.beoblood.kz/uploads/434139906_715571437430770_8705144295787423641_n_a460a513cc.jpg" alt="434139906_715571437430770_8705144295787423641_n.jpg"></figure>

Аймақ басшысы облыс орталығындағы жайлы мектептің құрылысымен танысты

Жаңақорғанда  қайтарымсыз  грант  жұмысы жүйелі

<a href="https://kyzylorda-news.kz/">Kyzylorda-news.kz</a> Семсерлесуден Грузияда&nbsp;өтіп жатқан әлем кубогының шешуші кезеңінде Қазақстан ерлер құрамасы Париж Олимпиадасының төрт&nbsp;жолдамасын жеңіп алды&nbsp;деп хабарлайды&nbsp;Kyzylorda news ақпарат агенттігі <a href="https://qrnews.kz/detail-news/G2bh6svIE40pXATP7Ypr">QRnews.kz </a>сайтына сілтеме жасап.Спортты дамыту дирекциясының хабарлауынша, Қазақстан&nbsp;қоржынына Руслан Құрбанов, Вадим Шарлаимов, Ерлік Сертай және Эльмир Әлімжанов Париж Олимпиадасының жолдамасын сыйлады.Командалық жолдаманың арқасында 3 спортшымыз автоматты түрде жеке сайыста да Олимпиада жүлдесіне таласа алады. Бұған Оңтүстік Корея спортшыларының 1/8 финалда Чехиядан жеңілуі себеп болған.&nbsp;Осылайша, Қазақстан құрамасы жалпы рейтингте ТОП-4 мемлекеттің қатарына кірді.Айта кетейік,&nbsp;Грузиядағы әлем кубогы кезеңінде семсерлесуден Қазақстан командасы Азия құрлығындағы жалғыз жолдамаға таласты. Әлемдік ұйым қағидасы бойынша, олимпиадалық рейтингте алғашқы төрт орында тұрған командалар автоматты түрде жазғы ойындарға қатысады. Ал қалған құрамалары құрлыққа бөлінетін бір жолдаманы сарапқа салды.

Қазақстандық семсершілер тұңғыш рет Олимпиадаға 4 жолдама жеңіп алды

<a href="https://kyzylorda-news.kz/">Kyzylorda-news.kz</a> Әлемде түрлі деңгейде мүмкіндігі шектеулі жандардың жалпы саны 1 млрд-қа жуық. Бұл жалпы өмір сүріп жатқан адамдардың 15 пайызын құрайды. Кейбір мүгедек жандар өз денсаулығының шектеулігіне қарамай дені сау адамдарға үлкен көмек беріп келеді. Соның бірі – көзі көрмесе де көптеген адамды аяққа тұрғызып, өмірге құлшынысын арттырып жүрген Манарбек Қожахметов.Кейіпкеріміз мүмкіндігі шектеулі болса да қоғамнан қалыс қалмай, қолынан келгенше халыққа қызмет етіп келеді. Көз жанарынан айырылса да өмірге деген құштарлығын өшірмеген. Жарының қолдауымен 7 жылдан астам уақыт бойы массаж жасаумен айналысып келеді. Соның арқасында аудандағы талай жүре алмай қалған науқастарды аяғына тұрғызып, инсульт алған адамдардың да ауруын жазып, халықтың алғысына бөленіп жүр.– 13 жасымда менингит ауруына шалдықтым. Басыма суық тиіп, көзге жарық келтіретін тамырлар зақымданып, көз жанарымнан айырылдым. Бірақ өмірге деген құлшынысымды жоғалтпай, 2016 жылы Астанада өткен мүгедектер конференциясында массаж оқуына шақырту алып, Қытай Халық Республикасынан келген дәрігерден білім алғанмын. Сол жылдан бері Жалағашқа келіп, арнайы клиника ашып, жарыммен бірге осы кәсіппен айналысып жатырмыз. Адамның өзінде ниет болуы керек, шынайы ниет болмаса, онда қандай істе болсын нәтиже шықпасы анық. Мен де өзімді «көзім көрмейді» деп еш нәрседен шектемеймін, – дейді ол.Иә, расында сол жылдан бері кейіпкеріміз өмірдегі өзінің миссиясын тапқандай. Себебі ем алуға келген кез келген науқас аяғына тік тұрып, алғысын жаудырып кететін көрінеді. Бірде оған 5 жыл бойы қозғалыссыз, жүруге жарамай қалған науқасты алып келеді. 6 ай бойы ем алып, массаж қабылдап емделгеннен кейін аяғына тік тұрып, мүлде ауырмаған адам секілді жүріп кеткен. Ем алушы да «қайтадан өмірге келгендей болдым» деп әліге дейін алғыс айтады екен.&nbsp;Қазіргі таңда клиникада нүктелік емнен бөлек жары Салтанат апаймен бірігіп жасайтын 10-ға жуық массаж түрі бар. Сол бойынша ем алуға келетін науқастар алдын ала жазылып келетін көрінеді. Кезекте тұратындар арасында тек аудан тұрғындары ғана емес, өзге аудандар мен облыстардан да келетіндер бар екен. Мәселен, біз барған уақытта Қызылорда қаласынан келген ағамыз ем алып жатыр, оның ем алып жүргеніне бүгін екінші күн, десе де ол аз уақытта жақсы әсері барын айтады.– Инсульт алғаныма 3 жыл болды. Жақында Манарбек жайында естіп, көптеген науқасты аяққа тұрғызғанын білдім. Сонымен бірден «ем аламын» деп шештім. Массаж жасатамын дегенше түнде ұйықтауым, жүріс-тұрыс қиын еді. Кешеден бері ұйқым да тыныш, бір жағынан жеңіл жүретін болдым. «Халық айтса, қалып айтпайды» деген рас екен, Манарбек кез келген ауруды аяққа тұрғызатынына көзім жетті, – дейді қызылордалық ағамыз.Клиниканың ішінде арнайы медициналық аппараттар да бар. Мәселен, бел ауруы бар адамдарға, инсульт алған кісілер мен ДЦП-мен ауыратын кішкентай бүлдіршіндерге арналған белесепет те табылады. Сондай-ақ кейіпкеріміз жақында ғана үкіметтен 1млн 380 мың &nbsp;теңге қайтарымсыз грант ұтып, арықтатуға арналған жаңа аппарат алғанын айтады. Қазір ауданда массаждың бұл түріне сұраныс та жоғары екен.Кейіпкеріміз жан-жақты. Тіпті музыкалық аспаптардың да құлағында ойнайды. Көз жанарынан айырылғанда небәрі 13 жаста болса да, домбыра, гитарада ойнап үйренген. Соның арқасында Аққыр ауылының ансаблінде, тіпті тойларда да өнер көрсеткен. Жарының айтуынша, әзірге дейін аспаптардан қол үзбей, бос уақытында түрлі аспапта ойнау арқылы ми тынықтырады екен.&nbsp;Расында арман-мақсаттарымыздың бетін қайтарып, өз бағымызды байлап, сананы шектеп жатқан өзіміз ғана. &nbsp;Кейіпкеріміз тек өзінің ғана жағдайын жасап қоймай, халыққа да пайдасы тиетін қызмет түрімен айналысып, заман ағымына сай өзгерістерді қабылдауы қазіргі қоғамда он екі мүшесі сау бола тұра екі қолға бір күрек таппай тентіреп жүрген жастар үшін үлкен өнеге деп білемін.Екеуара диалог та осымен тәмам, кейіпкеріміз кезекте тұрған тағы бір науқасқа ем-шара жүргізудің қамына кірісіп кетті. Ал жары оған қолғабыс болуда. Талай науқастың дертіне дауа тапқан кейіпкеріміз алдағы уақытта жұмысын одан әрі жандандырмақ.&nbsp;– Ересектер де келіп жатады, көбіне маған ата-аналар балаларын әкеледі. Солардың барлығына сапалы ем-шара жасағасын болар, мен адамдарды емес, керісінше кезектегілер мені көп тосатын кездер көп болады. Әрқайсысына белгіленген уақытпен ем жүргізу керек, сондықтан кейде уақыт жоғалтып жатамыз, жасаған жұмысың ертең нәтижелі болмаса, тағы болмайды. Сондықтан мейлінше келушілердің дертінен толық айығуына жұмыс жасаймыз, – дейді ол.&nbsp;

Қазақстан және Қызылорда облысының жаңалықтары