<a href="https://kyzylorda-news.kz/">Kyzylorda-news.kz</a> Жаңақорған ауданы әкімдігінің мәжіліс залында аудан әкімі Мажит Самитов пен Қазақстан Республикасы Мемлекеттік қызмет істері агенттігінің Қызылорда облысы бойынша департаментінің басшысы, Әдеп жөніндегі кеңес төрағасы Ерлеген Мендалиевтің қатысуымен «Сыбайлас жемқорлыққа қарсы мәдениет негіздері» тақырыбында семинар өтті.Семинарға аудандық мәслихат төрағасы, аудан әкімдігіне қарасты дербес бөлім басшылары, кент және ауылдық округ әкімдері, мемлекеттік қызметшілер, құқық қорғау органдарының өкілдері, сондай-ақ квазимемлекеттік сектор субъектілерінің басшылары мен қызметкерлері қатысты.Іс-шара барысында сыбайлас жемқорлыққа төзбеушілік қағидаттарын орнықтыру, мемлекеттік қызметтегі әдеп нормаларын сақтау, адалдық пен ашықтық қағидаттарын нығайту мәселелері кеңінен талқыланды.Сондай-ақ аудандық қоғамдық кеңес төрағасы, мемлекеттік қызмет саласының ардагері Дәулет Қалыбаев өз тәжірибесімен бөлісті.Семинар соңында қатысушылар тарапынан сұрақтар қойылып, нақты ұсыныс-пікірлер айтылды. Айтылған ұсыныстар мен пікірлер алдағы уақытта ескеріліп, тиісті шаралар қабылданатындығы түсіндірілді.Жиынды қорытындылаған аудан басшысы арнайы келген Ерлеген Жәрдемұлына, сондай-ақ өз тәжірибесімен бөліскен Дәулет Амелбекұлына ризашылығын білдірді.

Сыбайлас жемқорлыққа қарсы мәдениет негіздері» тақырыбында семинар өтті

<a href="https://kyzylorda-news.kz/">Kyzylorda-news.kz</a> Астанада Конституциялық реформа жөніндегі комиссияның сегізінші отырысы өтіп, онда ҚР Бас прокурорының орынбасары Жандос Өмірәлиев жаңа Конституция жобасындағы 18-бапты орыс тілінде нақтылай түсуді ұсынды. Конституцияның әрбір нормасы анық, түсінікті болуы керектігін, комиссияның орасан зор жұмыс атқарып жатқанын ерекше атап өтті.Мемлекеттік кеңесші Ерлан Қарин жаңа Конституцияның мәтіні аударма еместігіне тоқталды.<blockquote>– Жаңа Конституция жобасының мемлекеттік тілдегі нұсқасы – бұл аударма емес. Қолдарыңыздағы қазіргі жоба – о бастан мемлекеттік тілдің мүддесі тұрғысынан жазылған жоба. Екіұшты мәселелер туындаған кезде әуелі қазақ тіліндегі нұсқа назарға алынып отыр, – деді.</blockquote>Сондай-ақ Мемлекеттік кеңесші жаңа Конституцияның жобасында ескірген, мағынасы өзгерген сөздер қайта қаралғанын айтты.Е.Бөкетов атындағы Қарағанды университетінің ректоры Нұрлан Дулатбеков жаңа Конституцияда жоғары білімге қол жеткізудің қағидаттары нақты жазылу керек деген ұсынысын жеткізді. Сонымен бірге білім орындарын діни идеологиядан ажырату не үшін керек болғанын, білім беру жүйесі үшін мұның іргелі мәні бар екенін айтты.<blockquote>– Университеттер мен мектептер ғылымның, білімнің және әрине, академиялық еркіндіктің кеңістігі болып қалу керек. Мұндай тәсіл студенттерді қорғайды, бейтарап білім ортасына сақтайды және идеологиялық қысымның қатерін төмендетеді, – деді ғалым.</blockquote>Кезекті отырыста Мәжіліс депутаты Айдарбек Қожаназаров Конституцияда «Қазақстанның ұлттық валютасы – теңге» деп нақты бекіту бастамасын көтерді. М.Нәрікбаев атындағы КАЗГЮУ университеті» АҚ басқарма төрағасы, Конституциялық комиссия мүшесі Талғат Нәрікбаев комиссияның Ата заңның қазақ тіліндегі мәтінін жетілдіру бағытында атқарған жұмыстарына тоқталды.Конституциялық комиссия төрағасы Эльвира Әзімова Ата заңның жаңа редакциясы туралы азаматтардан түскен ұсыныстардың тағдыры не болғанын жиынтық кесте арқылы халыққа жеткізуді тапсырды.<img src="https://knadmin.beoblood.kz/uploads/Komissiyany_kezekti_otyrysy_rbir_norma_any_t_sinikti_boluy_kerek_cf6affdcae.jpg" alt="Комиссияның кезекті отырысы әрбір норма анық, түсінікті болуы керек.jpg">Еске салсақ, аймақ басшысы Нұрлыбек Нәлібаев Конституциялық комиссияның мүшесі ретінде комиссия отырыстарына, жекелеген жұмыс секцияларындағы талқылауларға қатысуда.Фото: Қызылорда облысы әкімінің баспасөз қызметі

Комиссияның кезекті отырысы: әрбір норма анық, түсінікті болуы керек

<a href="https://kyzylorda-news.kz/">Kyzylorda-news.kz</a> &nbsp;Кәсіби даярлықты арттыру – артта қалмауға түрткі. Осы ұстанымдағы ҚАЖ департаментіне қарасты №68 мекемесі шеберлікті шыңдауда шет қалған емес. Жеке құрам қызметкерлерінің ату бойынша оқу-жаттығуға жиналғаны соған айғақ.Теориялық түсіндірме тәжірибемен толыспаса бәрі бекер. Сондықтан, жаттығу алаңдағы қызметкерлер атыс қаруын қауіпсіз әрі тиімді қолдану ережелерімен жан-жақты танысып, мергендік машығын пысықтады. Төтенше жағдайда тосылып қалмаудың тәсілін де тереңдете білді.<blockquote>– Оқу-жаттығуда қызметкерлер “Макаров” тапаншасын пайдаланудағы дағдысын жетілдірді. Даярлық сабағынан түйгенді іс жүзінде көрсетуге қабілетті болу керек. Бұл ретте, техникалық тәсіл ғана емес, салқынқанды шешім мен жылдам әрекет те маңызды. Жаттығу барысында әр қызметкер өз-өзін қолға алып, талапқа сай әрекет етуге тырысты. Осындай дайындықтар нақты жағдайда абдырамай, бірлесіп жұмыс істеуге үйретеді. Өткізілген сабақ соның айқын көрінісі болды, - дейді мекеменің тәрбие ісі жөніндегі орынбасары әділет майоры М.Тұрымбетов.</blockquote>Тәртіпті ту еткен қызметкерлер алдағы міндеттерге тың серпінмен қадам басары сөзсіз.

Нысанаға дөп тигізудегі дәлдік

<a href="https://kyzylorda-news.kz/">Kyzylorda-news.kz</a> Кемел келешектің кірпішін қалау үшін дұрыс шешімге келуді кейінге шегермеген жөн. Мектеп бітіруші түлектерді жиі мазалайтыны да – мамандық таңдау мәселесі. Кәсіби бағдар беруді құптаған ҚАЖ департаментіне қарасты №68 мекемесінің қызметкерлері Qazbilim ұлттық лицейіне барып, 10-11 сынып оқушыларына қажетті ақпараттарды бөлісті.Ойлы оқушылар бірден назарын бұрып, айтылған сөзге құлақ түрді. Мекеменің тәрбие ісі жөніндегі орынбасары әділет майоры Мирамбек Тұрымбетов кіріспені құқық қорғау жүйесіндегі қызметтің қыр-сырынан бастап, тәртіп пен жауапкершілікке негізделген мамандықтың қоғамдағы орнын айшықтап өтті. Осылайша жас ұрпақты Отанға адал қызмет етуге шақырды.<img src="https://knadmin.beoblood.kz/uploads/Mamandy_ta_dau_ma_yzdy_is_ead23e1d13.jpg" alt="Мамандық таңдау – маңызды іс.jpg">Бұл саланың мойынға артар мың батпан жүгімен қоса берер жеңілдігі де жоқ емес. Сондықтан, кездесу барысында әділет майоры М.Ұзақұлы саладағы мүмкіндіктер мен бірқатар артықшылықтың ұтымды екенін қаперге салды. Яғни, қабылдау талаптары, қызметтік өсу мен әлеуметтік кепілдіктер жайы ұмыт қалмады.<blockquote>– Қазіргі таңда жастарға нақты бағыт-бағдар беру аса маңызды. Сондықтан мектеп оқушыларымен ашық форматта кездесу өткізіп, Қылмыстық-атқару жүйесіндегі күрделі қызметпен таныстырдық. Жас буынның белсенділік танытуы – болашаққа бейжай қарамайтынын көрсетті. Ал біз өз тарапымыздан елге адал қызмет ететін білікті кадр қалыптастыруға үлес қоса береміз, - дейді жеке құраммен жұмыс жөніндегі тобының аға инспекторы әділет капитаны Динара Шахи.</blockquote>Қызығушылығын білдірген жастар сұрақ қойып, жүйелі жауабын да алды. Мұндай жүздесулерден кейін де таңдаудан жаңылмасы анық.Фото: freepik.com

Мамандық таңдау – маңызды іс

<a href="https://kyzylorda-news.kz/">Kyzylorda-news.kz</a> Көзді киіз шормен таңсақ та, кей індеттің барын іркіп қала алмаймыз. Яғни, бармақ басты, көз қысты әрекеттің алдын алу – қоғамдағы келеңсіздік пен теріс түсінікті де жоймақ. Майшаммен қарарлық мәселеге мейлінше көңіл бөлген ҚАЖ департаментіне қарасты №68 мекемесі сыбайлас жемқорлыққа қарсы күрес және адал қызмет қағидаттарын нығайтуға арналған маңызды кездесу өткізді.Жиын барысында Президенттің сыбайлас жемқорлыққа қарсы саясат жөніндегі тұжырымдамасы кеңінен түсіндіріліп, соңғы жылдары енгізілген заңнамалық өзгерістер мен жаңашыл бастамаларға ерекше екпін берілді. Бұл туралы ҚР Мемлекеттік қызмет істері агенттігінің Қызылорда облысы бойынша департаменті Сыбайлас жемқорлықтың алдын алу басқарма басшысы Жұмаев Сәкен Бауыржанұлы толық баяндады. Әрі қарай басқарманың бас маманы Қозбағарова Жанар Жалғасбайқызы жүйелі сөз сөйледі. Яғни, құқық бұзушылықтардың алдын алу жолдары, күмәнді жағдайларда жүгіну тетіктері және әр қызметкердің жеке ұстанымының маңызы жайында мардымды ақпарат берді.Ашық әңгіменің түп-төркіні – &nbsp;қоғамда ашықтық пен әділдік орнатсақ деген ортақ ой, ортақ мүдде. Бұған әр азаматтың саналы әрекет етуі әсер ететіні рас. Қызылорда облысы бойынша ҚАЖ департаменті Өзіндік қауіпсіздік тобының АМІЖ аға жедел уәкілі әділет подполковнигі Жоламанов Серік Данабекұлы сыбайлас жемқорлықтың салдарына нақты мысалдар келтіріп, қызметтік өкілеттікті теріс пайдаланудың ауыр зардаптарға әкелетінін жеткізді. Сондай-ақ, Серік Данабекұлы Сыбайлас жемқорлыққа қарсы саясат жөніндегі 2024–2026 жылдарға арналған іс-қимыл жоспары», заңдылық пен тәртіпті нығайту бағытындағы “Заң мен тәртіп”, «Адал полицей» қағидаттарының маңыздылығы, қызметкерлердің адалдығы мен жемқорлыққа тұрақтылығын анықтауға бағытталған арнайы профилактикалық шара «Integrity Check» туралы да тілге тиек етті. Бұл жеке құрам қызметкерлерінің жаңсақтыққа ұрынбай, жауапкершілікпен жұмыс істеу керегін еске салды.Жиында қос бірдей бейнематериал назарға ұсынылып, көпшілік деректерге ден қойды. Мұның өзі кездесуден түйген ойдың келте болмайтынын ұғындырғандай.

Жемқорлықты жүгендеудегі ортақ мақсат

<a href="https://kyzylorda-news.kz/">Kyzylorda-news.kz</a> Бүгінгі таңда аула аумақтарында ұсақ құқық бұзушылықтардың тіркелуі, түнгі тыныштықты бұзу мен қоғамдық орындарда алкогольдік ішімдік ішу, жасөспірімдер арасындағы тәртіпсіздік, сондай-ақ бөтеннің мүлкіне зиян келтіру деректері өзекті мәселелердің бірі болып отыр. Осыған байланысты өңірде қоғамдық тәртіпті нығайту және құқық бұзушылықтардың алдын алу мақсатында «Қауіпсіз аула» жедел профилактикалық іс-шарасы өткізілуде. Бұл туралы &nbsp;Өңірлік коммуникациялар қызметінің ақпарат алаңында Қызылорда облысы ПД Қоғамдық қауіпсіздік басқармасы бастығының міндетін атқарушы Рауан Әлдешов мәлімдеді.<blockquote>– Іс-шара аясында профилактикалық бақылау мен тексеру жұмыстары кешенді форматта жүргізілді. Нәтижесінде, қоғамдық тәртіпті қамтамасыз ету мақсатында барлығы 507 қызметкер жұмылдырылып, 6 күн ішінде облыс аумағында ішкі істер органдарының есебінде тұрған 1 852 тұлғаның тұрғылықты мекенжайлары тексерілді. Тексеру барысында 13 дерек бойынша сот талаптарын орындамау фактілері анықталып, аталған азаматтармен қайта құқық бұзушылыққа жол бермеу бағытында профилактикалық түсіндіру жұмыстары жүргізілді. Сонымен қатар, 34 тұлға ішкі істер органдарының профилактикалық есебіне алынды. Жүргізілген іс-шаралар нәтижесінде барлығы 241 құқық бұзушылық дерегі тіркеліп, құқық бұзушыларға қатысты қолданыстағы заңнама талаптарына сәйкес тиісті шаралар қабылданды. Бұдан бөлек, 50-ден аса тұлға жасаған құқық бұзушылықтары бойынша ішкі істер органдарына жеткізіліп, олардан саусақ іздері алынды. Аталған бағыттағы профилактикалық жұмыстар алдағы уақытта да жалғасын табады. Қоғамдық қауіпсіздікті қамтамасыз ету және құқық бұзушылықтардың алдын алу бойынша кешенді шаралар күшейтілетін болады, – деді Рауан Қырымұлы.</blockquote><img src="https://knadmin.beoblood.kz/uploads/OPM_Bezopasnyj_dvor_c1c44107c3.jpg" alt="ОПМ «Безопасный двор».jpg">Фото: Нұрболат Нұржаубай

Өңірде «Қауіпсіз аула» жедел профилактикалық іс-шарасы жүргізілуде

<a href="https://kyzylorda-news.kz/">Kyzylorda-news.kz</a> Кері іс пен теріс шешімнің салдары сан соқтыратыны рас. Әсіресе, жасөспірімдер арасындағы жаға ұстатар жағдайлардың алдын алу – күн тәртібінен түспеуі керек мәселе. Бұған бейжай қарамаған Қызылорда облысының прокуратурасының бастамасымен ҚАЖ департаментіне қарасты №68 мекемесінде колледж студенттеріне экскурсия ұйымдастырылды. Мақсаты сол, қылмыс атаулыдан аулақ болуға шақырып, бостандықтың қадірін сезіндіру.Оқу ордасынан келген отыз шақты студент мекеменің жұмыс тәртібімен, қауіпсіздік талаптарымен және шаруашылық бөліміне қалдырылған жазасын өтеушілердің орналасқан жатақханасын аралап, жан-жақты барлады. Қатаң режимдегі ортаның жастарға терең ой салғаны анық.Оның үстіне, мекеме қызметкерлері де ашық әңгіме өрбітуде аялдап қалмады. Мәселен, мекеменің тәрбие ісі жөніндегі орынбасары әділет майоры Мирамбек Тұрымбетов ала жіпті аттамай, адал өмір сүрудің артықшылығына тоқталып, бұрыс жолдың болашақты бұлыңғыр ететінін баяндады.<blockquote>– Қылмыссыз қоғам құруда әр азаматтың рөлі зор. Қазір килігудің соңы да бітіспес дауға айналып барады. Сондықтан профилактикалық шараларды жиі өткізуге басымдық беріп келеміз. Студенттерге өткізілген экскурсия да сөзімізге тұздық. Тәртіпке бағыну – талай кеселге тосқауыл бола алады. Мұны жас буынға түсіндіруде тосылып қалмадық, - дейді мекеменің режим және күзет бөлімінің бастығы әділет капитаны Азат Батырбеков.</blockquote>Студенттер өмірлік бағыт-бағдар берген жүздесуден терең оймен тарқасты.

Жасөспірімдерге түсіндірме жұмысы жүргізілді

<a href="https://kyzylorda-news.kz/">Kyzylorda-news.kz</a> Ел қауіпсіздігі жолында өз өмірін қатерге тігіп, қызмет атқарып жүрген полицейлер еңбегінің жауапкершілігі зор. Оның ішінде қоғамдық тәртіпті қамтамасыз етуде учаскелік полиция инспекторларының рөлі ерекше.Қоғаммен ашық тіл табысу, азаматтардың сеніміне ие болу, атқарылған жұмыстарды ашық көрсету және көпшілікпен бірлесе қылмыстың алдын алу жұмыстары әрбір учаскелік полиция инспекторының басты мақсаты. Оларға артылатын жүк ауыр. Сондықтан да қоғамдық тәртіпті сақтауда әрдайым шепте тұратын олардың қызметі қашанда өзекті.Бүгінгі кейіпкеріміз – Белкөл кентіндегі № 17 учаскелік полиция бөлімшесінің учаскелік полиция инспекторы полиция капитаны Жұмаділдаев Рахымжан Айғалиұлы. Ол 1990 жылы 11 маусымда Қызылорда облысында дүниеге келген. 2008 жылы Қызылорда гуманитарлық-заң колледжін тәмамдаған. Қызмет жолын 2019 жылы Қызылорда қаласы Полиция басқармасының қоғамдық қауіпсіздік бөлімінде патрульдік полиция инспекторы ретінде бастаған. 2024 жылдан бері учаскелік полиция инспекторы қызметін абыроймен атқарып келеді.№ 17 учаскелік полиция пунктіне 2 елді мекен кіреді. Аймақта 5 мыңға жуық халық тұрады. Бұл аймақта учаскелік полиция инспекторы мен оның көмекшісі қызмет атқарып келеді.<img src="https://knadmin.beoblood.kz/uploads/policziya_bb5136693a.jpeg" alt="полиция.jpeg">Профилактикалық есепте 7 азамат тіркелген. Учаскелік полиция инспекторы олармен күнделікті түсіндіру жұмыстарын тұрақты жүргізеді. Жүйелі профилактикалық шаралардың нәтижесінде 2025 жылы аталған аумақта 1 ғана қылмыс тіркелген. Бұл мал ұрлығы дерегі учаскелік полиция инспекторы Рахымжан Жұмаділдаевтың жедел әрекетінің арқасында дер кезінде ашылған.Таңмен жарыса тұрып, халық игілігіне қызмет атқаратын полиция капитаны Рахымжан бөлім басшылығынан берілген тапсырмаларды, нұсқауларды бұлжытпай орындауда аса жауапкершілікпен қарап, уақытпен санаспай, өзіне бекітілген учаскелік аймағында қоғамдық тәртіпті сақтау, қылмысты болдырмау және алдын алу бағытында профилактикалық жұмыстарды тиісті деңгейде жүргізеді.<blockquote>«Учаскелік полиция қызметкерлерінің басты мақсаты – әкімшілік аумақта қылмыстың алдын алу, тұрғындармен тығыз байланыс орнату. Халықты тану, олармен тұрақты сұхбат жүргізу арқылы көптеген құқық бұзушылықтың алдын алуға болады» дейді учаскелік полиция инспекторы.</blockquote>Айта кету керек полиция пункті күн сайын түнгі сағат 00:00-ге дейін жұмыс істейді, ал шақырулар тәулік бойы қабылданады. Әрбір шақыру барысында полиция қызметкерлері түсіндіру жұмыстарын жүргізіп, жағдайға байланысты тиісті шаралар қабылдайды.<img src="https://knadmin.beoblood.kz/uploads/policziya_062b814e48.jpeg" alt="полиция.jpeg">Қоғамдық тәртіп пен заңдылықты қамтамасыз ету — баршаға ортақ міндет. Заңды сақтау, құқық қорғау органдарының қызметіне қолдау көрсету – әрбір азаматтың борышы.

Қызылорда облысы бойынша учаскелік полиция инспекторының өмірінен бір күн

<a href="https://kyzylorda-news.kz/">Kyzylorda-news.kz</a> &nbsp;Ішкі істер министрлігінің нұсқауына сәйкес облыс көлемінде 28 қаңтар-3 ақпан аралығында «Қауіпсіз аула» жедел профилактикалық іс-шарасы өткізілуде.Оған барлығы 507 адам жұмылдырылды. Іс-шараның 5-ші күнінде учаскелік инспекторлар 141 рет рейдтік мақсатта аралау жұмыстарын ұйымдастырды. Сондай-ақ полиция есебінде тұрған адамдардың мекен-жайын 1 544&nbsp;мәрте тексерді. 206 құқық-бұзушылық дерегі анықталып, әртүрлі шара қабылданды. Оның ішінде 196-бап &nbsp;тауарлармен немесе өзге де заттармен заңсыз сауда жасау бойынша&nbsp;5 дерек,&nbsp;200-бап алкоголь өнімін белгіленбеген уақытта сату бойынша 13 дерек тіркелді. Ал&nbsp;440-бап алкогольдік ішімдік iшу немесе қоғамдық орындарға масаң күйде келу 142 дерек,&nbsp;440-1-бап есірткі, психотроптық заттарды, сол тектестерді, сондай-ақ күшті әсер ететін заттарды медициналық емес мақсатта тұтыну &nbsp;3 дерек,&nbsp;434-бап ұсақ бұзақылық 34 дерек,&nbsp;463-бап тиiстi тiркеусiз, рұқсатсыз немесе хабарлама жібермей кәсіпкерлік немесе өзге де қызметпен айналысу, сондай-ақ әрекеттердi (операцияларды) жүзеге асырудың 9 дерегі анықталған. Ішкі істер органдары есебіне 13&nbsp;маскүнем мен 1&nbsp;нашақор есепке қойылды.Күннің суық мезгілінде суықтап қатып қалмау мақсатында қаламыздағы белгілі тұрағы жоқ 10 адам қабылдап-тарату орнына орналастырылды. Бұдан басқа 19&nbsp;жасөсіпірім, оның ішінде 12-сі түнгі сағат 10-нан кейін көңіл көтеру орнында заңды өкілінсіз жүргені үшін ұсталса, 2-еуі маскүйінде қоғамдық орында жүрген. 5&nbsp;жасөспірім түнгі уақытта ата-анасының ескертуінсіз көшеде жүргені үшін бейімдеу орталығына жеткізілді.Өтіп жатқан іс-шараны халыққа кеңінен түсіндіру мақсатында бұқаралық ақпараттар құралдарына 69 мақала жарияланды.

«Қауіпсіз аула» жедел профилактикалық іс-шарасы өтуде

<a href="https://kyzylorda-news.kz/">Kyzylorda-news.kz</a> &nbsp;Сырдария ауданының орталығы Тереңөзек кентінде орналасқан «Руханият орталығы» ғимаратында «Сыбайлас жемқорлыққа қарсы мәдениет» тақырыбында семинар ұйымдастырылды.Аталған семинарға Қазақстан Республикасы Мемлекеттік қызмет істері агенттігінің Қызылорда облысы бойынша департаментінің басшысы, Әдеп жөніндегі кеңес төрағасы Ерлеген Мендалиев, «AMANAT» партиясының облыстық филиалы жанындағы сыбайлас жемқорлыққа қарсы іс-қимыл жөніндегі қоғамдық кеңестің төрағасы, облыстық мәслихат депутаты, Әдеп жөніндегі кеңес мүшесі Мақсұт Нәлібаев, сондай-ақ жергілікті құқық қорғау органдарының өкілдері, квазимемлекеттік сектор субъектілерінің басшылары, аудандық дербес бөлімдер мен мекемелердің басшылары, кент және ауылдық округ әкімдері қатысты.Семинар барысында мемлекеттік басқару жүйесін жетілдіру және сыбайлас жемқорлықтың алдын алу бағытындағы өзекті мәселелер кеңінен талқыланды. Атап айтқанда, адамға бағдарланған сервистік мемлекеттік аппаратты қалыптастыру, мемлекеттік қызметтің гибридтік модельін енгізу қағидаттары түсіндірілді.Сонымен қатар, мемлекеттік қызметшілер мен олардың басшылары арасында қызметтік және ішкі мәдениетті қалыптастыру, қоғам тарапынан мемлекеттік қызметшілер арасындағы қарым-қатынас мәдениетін арттыру мәселелеріне ерекше назар аударылды. Барлық мемлекеттік органдарда сыбайлас жемқорлыққа қарсы бағытта жүргізіліп жатқан жүйелі жұмыстар туралы ақпарат берілді.Жиында мемлекеттік қызметшілердің Әдеп кодексін сақтау, сыбайластыққа төзбеушілік қағидаттарын орнықтыру, мемлекеттік аппараттың ашықтығын қамтамасыз ету, «Е-қызмет» сыртқы порталы арқылы мемлекеттік қызметке кіру мүмкіндіктері, сондай-ақ білікті мамандарды жеке сектордан мемлекеттік қызметке тарту жолдары мен біліктілік талаптары жан-жақты талқыланды.Семинар қорытындысында қатысушылар сыбайлас жемқорлыққа қарсы мәдениетті қалыптастыру - мемлекеттік қызметтің тиімділігі мен қоғам сенімін арттырудың маңызды тетігі екендігін атап өтті.

«Руханият орталығында» сыбайлас жемқорлыққа қарсы мәдениет тақырыбында семинар өтті

<a href="https://kyzylorda-news.kz/">Kyzylorda-news.kz</a> &nbsp; Қызылорда облыстық Қазақстан халқы Ассамблеясы жанындағы Ақпараттық түсіндіру тобының ұйымдастыруымен К.Қаракөзов атындағы №235 мектеп-гимназиясының 10–11 сынып оқушыларымен кездесу өтті.Кездесуге Ақпараттық түсіндіру тобының жетекшісі, «Қоғамдық келісім» КММ директорының орынбасары, Қорқыт ата атындағы Қызылорда университетінің (phd) докторы Дәулет Омаров, мекеменің бөлім басшысы Ерсұлтан Есов қатысты.Кездесу барысында «Әділетті Қазақстан – Адал азамат» тақырыбы аясында мемлекет дамуының басты құндылықтары, азаматтық жауапкершілік, адалдық пен әділеттіліктің қоғамдағы орны кеңінен түсіндірілді. Сондай-ақ жастардың құқықтық мәдениетін арттыру, білімге ұмтылыс пен белсенді азаматтық ұстаным қалыптастыру мәселелері қозғалды.Оқушылар тарапынан қойылған сұрақтарға нақты жауаптар беріліп, еркін пікір алмасу форматында мазмұнды диалог орнады.

Адал азамат – әділетті қоғамның негізі

<a href="https://kyzylorda-news.kz/">Kyzylorda-news.kz</a> Қызылордада студенттермен "Құқық қорғау қызметіне – білікті кадрлар" тақырыбында кездесу өтті, - деп хабарлайды <a href="https://polisia.kz/qyzylordada-studenttermen-quqyq-qorghau-qyzmeti-turaly-kezdesu-ujymdastyryldy/">Polisia.kz.</a>&nbsp;Қызылорда облысы полиция департаментінің криминалистикалық полигоны базасында "Заң мен тәртіп" идеологиясы аясында облыстық прокуратура мен полиция департаментінің бірлесуімен студенттерге арналған танымдық кездесу ұйымдастырылды.&nbsp;Іс-шараға "Қорқыт Ата атындағы Қызылорда университеті" мен "Болашақ" университетінің студенттері қатысты. Кездесу барысында прокуратура мен тергеу органдарының қызметкерлері студенттерді белсенді түрде қатыстыра отырып, арнайы дәлелдемелерді анықтау және бекіту, сондай-ақ қылмыстық процестегі қатысушылардың рөлін айқындау мәселелері бойынша мастер-класс өткізді.&nbsp;Полиция қызметкерлері қылмыстарды ашу барысында қолданылатын криминалистикалық технологиялардың заманауи үлгілеріне, олардың мүмкіндіктері мен қолданылу аясına, сондай-ақ қылмыспен күрестегі криминалистикалық техникалық құралдардың маңызына тоқталды. Сонымен қатар кинологиялық қызмет өкілдері қызметтік иттердің есірткі заттары мен жарылғыш заттарды анықтау барысын тәжірибе жүзінде көрсетті. Ал арнайы жасақ қызметкерлері жарылғыш құрылғыларды залалсыздандыру кезінде пайдаланылатын заманауи техниканың жұмысымен және қауіпсіздік талаптарымен таныстырды.&nbsp;Мұндай тәжірибелік сабақтар болашақ мамандарды даярлау ісінде ерекше маңызға ие. Теориялық білім мен практиканы ұштастыру студенттердің құқық қорғау органдарындағы қызметтің ерекшеліктерін тереңірек түсінуіне, кәсіби қызығушылығын арттыруына және білімін жетілдіруіне мүмкіндік береді.Фото: &nbsp;Polisia.kz

Қазақстан және Қызылорда облысының жаңалықтары: Құқық