<a href="https://kyzylorda-news.kz/">Kyzylorda-news.kz</a> «26 маусым – Халықаралық нашақорлыққа қарсы күрес күніне» орай Қызылорда облысы ІІД Есірткі қылмысына қарсы іс-қимыл басқармасының қызметкерлері, еріктілер және жастар ресурстық орталығының өкілдерімен бірлесіп, есірткіге қарсы баспа өнімдерін тарату мақсатында есірткіге қарсы акция өткізді.Есірткіге қарсы азаматтық ұстанымын білдіргісі келген сауда орталықтарының, базарлардың сатушылары мен сатып алушылары, көшеде өтіп бара жатқандар мен «ArayCityMall» сауда орталығына келушілер есірткіге қарсы баспа өнімдерінде көрсетілген ақпаратқа қызығушылық танытты.Акцияны ұйымдастырушылар жастарды өмірді таңдауға, өз денсаулығына қамқорлық жасауға, салауатты өмір салтын ұстануға, қиындықтарға төтеп беруге және қиын өмірлік жағдайларда «Сенім телефондарын» пайдалануға және «Жоқ!» деп айта білуге шақырды.Акцияға қатысушыларға нашақорлықты қалай тануға болатыны, бала есірткі қабылдаған жағдайда не істеу керектігі және онымен қалай күресу керектігі туралы ақпараттан тұратын буклеттер таратылды. Бұл акция Қызылорда қаласы тұрғындарының назарын қоғамның өзекті мәселесіне тағы да аударуға мүмкіндік берді.

«Халықаралық нашақорлыққа қарсы күрес күні» акциясы 

<a href="https://kyzylorda-news.kz/">Kyzylorda-news.kz</a> «26 маусым – Халықаралық нашақорлыққа қарсы күрес күні», Қызылорда қаласы №17 Қызылжарма ауылдық &nbsp;кітапханасында «Есеңгіреткен есірткі» тақырыбында ашық сұхбат алаңы ұйымдастырылды.Ұйымдастырылған іс-шараның негізгі мақсаты – салауатты өмір салтын ұстануға бағыттау мен бос уақытты тиімді пайдалану болып табылды.Іс – шара барысында, №17 Қызылжарма ауылдық &nbsp;кітапхана мен Қызылорда облысының Полиция департаменті Есірткі қылмысына қарсы іс-қимыл басқарма қызметкерлері, кітапхана қорындағы нашақорлық жайлы кітап, журналдардағы &nbsp;ақпараттармен және есірткі заттарына байланысты қылмыстық ахуал мен алдын алу іс-шаралар барысымен бөлісіп, сұхбат алаңына келген қатысушылардың пікірін тыңдады.Кездесу барысында есірткі қылмыстары мен есірткі бизнесіне жастарды баулу заңсыз іс-әрекеттерден аулақ болып, адамзатқа нашақорлықтың кері әсері мен зардабы туралы айтылып, салауатты өмір салтын ұстану керектігіне бағыттап, жастардың бос уақытын тиімді пайдалану керектігі нақтыланды.Шараға қатысушылар есірткі мен нашақорлық мәселесі жайлы пікір бөлісіп, сауалдарына жауаптар алды.Фото: Полиция департаменті

Қызылорда жастары нашақорлыққа қарсы

<a href="https://kyzylorda-news.kz/">Kyzylorda-news.kz</a> <img src="https://aqmeshit-aptalygy.kz/wp-content/uploads/2025/06/5-7.webp" alt="">Қазақстанда декреттік төлемді көбірек алу үшін табысын асырып көрсеткен 4 әйелге қатысты қылмыстық іс сотқа жолданды. Қазір оның үшеуін сот қарап жатыр. Бұл туралы Еңбек және халықты әлеуметтік қорғау министрлігі&nbsp;<a href="https://azattyq-ruhy.kz/">Azattyq Rýhy</a>&nbsp;ресми сауалына берген жауабында айтты.Қазір республика бойынша декретке шыққан аналарға қатысты сегіз өңірде 17 қылмыстық іс тіркелген. Соның төртеуі сот органдарына жіберілген.<blockquote>«Осыған дейін төлеушілермен (жұмыс берушілермен) жүргізілген жеке тексеріс негізінде нақты еңбек қатынастары болмаса да әлеуметтік аударымдарды аударған жағдайлар анықталған. Бүгінгі таңда Қор филиалдарының өтініші негізінде құқық қорғау органдары 17 қылмыстық іс қозғады. Олар: Ақтөбе, Алматы, Қызылорда, Жамбыл, Шығыс Қазақстан, Абай облыстары және Алматы, Шымкент қалалары. Қозғалған қылмыстық істер аясында құқық қорғау органдары жедел-тергеу әрекеттерін жүргізіп жатыр. 4 қылмыстық іс (Ақтөбе, Қызылорда, Абай облыстары мен Шымкент қаласында) сот органдарына жолданып, оның ішінде 3 қылмыстық іс қаралып жатыр», – делінген ресми жауапта.</blockquote>Қылмыстық істер бойынша шешімді сот қабылдайды.Естеріңізге салайық, осы жылдың басында еңбек және халықты әлеуметтік қорғау министрі Светлана Жақыпова Қазақстанда декреттік төлем ашу үшін табысын асырып көрсеткен 113 әйелге қатысты 16 қылмыстық іс қозғалғанын&nbsp;<a href="https://azattyq-ruhy.kz/society/85778-kazakstanda-dekretke-millionmen-shykk-ysy-kelgen-113-iel-sottalyp-ketui-mumkin">мәлімдеген.</a>&nbsp;Олар мемлекетке 158 млн теңгеден астам залал келтірген. Тағы 1,5 мың әйел табысын асыра көрсеткенін&nbsp;<a href="https://azattyq-ruhy.kz/society/86644-bir-zharym-myn-iel-kin-sin-moiyndagan-kazakstanda-dekretke-shykk-an-analarga-karsy-li-de-kylmystyk-ister-kozgalyp-zhatyr">мойындап,</a>&nbsp;Мемлекеттік әлеуметтік сақтандыру қорындағы 3,4 млрд теңгені үнемдеген.Фото: Нұрболат Нұржаубай

Қазақстанда «декретке миллионмен» шыққан аналардың ісі сотқа жетті

<a href="https://kyzylorda-news.kz/">Kyzylorda-news.kz</a>&nbsp; Қызылорда облысы Полиция департаментінде «Заң мен тәртіп» қағидатын іске асыру мақсатында Ашық есік күні ұйымдастырылды. Іс-шара барысында департаменттің материалдық-техникалық мүмкіндіктері, заманауи жабдықтар, арнайы көліктер мен криминалистикалық құрал-жабдықтардың көрмесі көпшілік назарына ұсынылды.Шараның ашылуында Қызылорда облысы Полиция департаменті бастығының орынбасары полиция полковнигі Оралбек Омаров сөз сөйлеп, полиция жұмысының ашықтығы мен қоғаммен тығыз байланысының маңыздылығын атап өтті. Ол жастар мен тұрғындарға тәртіп сақшыларының қызметі, техникалық әлеуеті және қауіпсіздікті қамтамасыз етудегі заманауи тәсілдер туралы айтып өтті.Көрме барысында криминалистикалық зерттеулер мен техникалардың қолданылу тәсілдері таныстырылып, келушілерге полиция қызметкерлері тарапынан түсіндірме жұмыстары жүргізілді.Іс-шара құқық қорғау органдарының халықпен ашық және сенімді қарым-қатынаста жұмыс істеуін көрсететін маңызды қадам болды.Фото: Qyzylorda PD

Қызылордалық полицейлер «Ашық есік» күнін өткізді

2025 жылдың 24 маусымында Сыбайлас жемқорлыққа қарсы іс-қимыл агенттігі мен оның аумақтық департаменттерінде Ашық есік күні өтті.«Заң және тәртіп» идеологияларын ілгерілету шеңберінде құқықтық кеңес беру, азаматтарды қабылдау, Агенттіктің қызметі және сыбайлас жемқорлыққа қарсы іс-қимыл бойынша қабылданған шаралар туралы презентациялар ұйымдастырылды.Сыбайлас жемқорлыққа қарсы іс-қимыл агенттігінің қызметкерлері азаматтарды түрлі өтініштер бойынша қабылдады, оның барысында келушілерге білікті құқықтық көмек көрсетілді және қызықтырған мәселелер бойынша түсініктемелер берілді.&nbsp;Агенттікке осы салаға қызығушылық танытқан мектеп оқушылары да келді. Көпшілігі болашақта өз мамандығын құқық қорғау органдарымен байланыстыруға және елімізде жемқорлықты жоюға өз үлестерін қосуға ниетті екендерін білдірді.Іс-шараға қатысушылар әділдік, адалдық және парасаттылық тақырыптарын қозғай отырып, өз ұсыныстары мен тілектерімен белсенді түрде бөлісті, сондай-ақ сыбайлас жемқорлыққа қарсы шараларды жетілдіру жөніндегі идеяларды ұсынды.Мұндай іс-шаралар азаматтармен тығыз қарым-қатынас орнатуға, олардың құқықтық сауаттылығын арттыруға, сондай-ақ сыбайлас жемқорлықтан бас тарту мәдениетін қалыптастыруға мүмкіндік береді.Фото: Сыбайлас жемқорлыққа қарсы іс-қимыл агенттігі

«Заң және тәртіп» апталығы: Сыбайлас жемқорлыққа қарсы қызмет ашық есік күнін өткізді

<a href="https://kyzylorda-news.kz/">Kyzylorda-news.kz</a>&nbsp; &nbsp;Интернет алаяқтық – заманауи технологиялардың дамуына байланысты кең таралған қылмыс түрі. Біздің елімізде де бұл мәселе өзекті болып отыр. Себебі жыл сайын мыңдаған азаматтар киберқылмыскерлердің құрбанына айналуда. Түрлі желілер арқылы алаяқтардың арбауына түскен азаматтардың саны аз емес. Бүгін Өңірлік коммуникациялар қызметінің ақпарат алаңында облыстық полиция департаментінің киберпол басқармасы бастығының орынбасары Тимур Хамитов интернет алаяқтықтың алдын алу үшін өңірде атқарылып жатқан жұмыстарды мәлімдеді.<blockquote>– Интернет алаяқтықтың басқа қылмыстарға қарағанда басты ерекшелігі – жалпақ жұрттың бәріне қатысты жасалуында болып отыр. Ол дегеніміз – қолында компьютер, смартфон, планшеті бар адам кез келген уақытта интернет алаяқтардың құрбанына айналуы мүмкін. Қылмыскерлер уақыт талабынан қалмай, азаматтардың ақшалай қаражатын жымқырудың түрлі жаңа әдіс-тәсілдерін қолдануда. Әсіресе, олар әлеуметтік желілердің мүмкіндігін ұтымды пайдаланып отыр. Жыл басынан бастап облысымызда 186 интернет-алаяқтық дерегі бойынша қылмыстық істер тіркеліп, сотқа дейінгі тергеп-тексеру нәтижесімен 66 қылмыстық іс өндірістен аяқталып, түпкілікті шешім қабылданған. Қазіргі уақытта өңірімізде ең жиі кездесіп жүрген бірнеше интернет алаяқтықтың түрлері бар. Ең жиі кездесетіні – өзін ұялы байланыс операторы немесе банк қызметкері ретінде таныстырып, жеке деректеріңізге қол жеткізгісі келеді. Айта кету керек, Қазақстанның байланыс операторлары алаяқтық мақсатпен шетелден қоңырау шалатын нөмірлерді бұғаттайды. Осы уақытқа дейін 50 миллионнан астам қоңырау бұғатталған. Облысымызда интернет-алаяқтық қылмыстарымен айналысу мақсатында «Киберқылмысқа қарсы іс-қимыл басқармасы» құрылып, арнайы ақпараттық техникалармен жабдықталып ашу бағытында жұмыстарды атқаруда, – деді Тимур Зуфарұлы.</blockquote><img src="https://knadmin.beoblood.kz/uploads/Alaya_tar_a_aldanba_yz_d45b68fa7d.jpg" alt="Алаяқтарға алданбаңыз!.jpg">Фото: fingramota.kz

Алаяқтарға алданбаңыз!

<a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы мәдениетті қалыптастыру шеңберінде жастар ресурстық орталығында ТЕDX &nbsp;форматында жастармен кездесу өткізілді.Жиынға Сыбайлас жемқорлыққа қарсы қызмет департаментінің бас маманы Ж.Қозбағарова және Қорқыт Ата атындағы Қызылорда университетінің комплаенс офицері А.Жаппасбаев &nbsp;қатысты.Баяндамашылар жұмыс тәжірибесімен бөлісіп, қоғамда сыбайлас жемқорлыққа қарсы мәдениетті қалыптастырудағы жастардың рөлін атап өтіп, жастарды адал, әділ, парасатты болуға, сыбайлас жемқорлықтың кез келген көріністеріне «мүлдем төзбеушілік» танытуға шақырды.Шара соңында қатысушылардың сұрақтарына жауап беріліп, қоғамда сыбайлас жемқорлыққа қарсы мәдениет пен парасаттылықты қалыптастыруға бағытталған әлеуметтік бейнероликтер көрсетілді.

Жастармен кездесу өтті

<a href="https://kyzylorda-news.kz/">Kyzylorda-news.kz</a> &nbsp;«Заң және тәртіп» нарративін ілгерту мақсатында Қызылорда облысы бойынша сыбайлас жемқорлыққа қарсы қызметі департаменті &nbsp; Қызылорда облысының ветеринария басқармасы мен оған қарасты ұйымдардың қызметкерлерімен &nbsp;кездесу өткізді.Іс-шараның мақсаты «Заң және тәртіп» идеологиясын ілгерілету, қызметкерлерді жемқорлыққа қарсы заңнаманы сақтауға ынталандыру, оның жағымсыз салдары және оған қарсы іс-қимыл мәселелерінде жеке жауапкершіліктің маңыздылығы туралы түсіндіру.Кездесуге Департамент басшысының бірінші орынбасары А.Жүнісов, «Қорқыт ата» атындағы &nbsp;Қызылорда университетінің комплаенс-офицері, Сыбайлас жемқорлыққа қарсы &nbsp;волонтер Ә.Жаппасбаев қатысты.Департамент басшысының бірінші орынбасары А.Жүнісов өз баяндамасында, «Жемқорлықпен күрес тек құзырлы органдардың емес, бүкіл қоғамның міндеті. Біз бұл індетке қарсы тұру үшін құқықтық мәдениет пен азаматтық жауапкершілікті қатар дамытуымыз керек»,- деп айтты.Іс-шара соңында қатысушыларға сыбайлас жемқорлыққа қарсы бағыттағы бейнематериалдар көрсетілді. Жемқорлыққа қарсы іс-қимыл мәселелері бойынша тегін консультациялар алу үшін, сондай-ақ белгілі болған сыбайлас жемқорлық құқық бұзушылық фактілері туралы хабарлау үшін 1424 колл-орталығына хабарласу мүмкіндігі туралы ақпарат берілді.

Ветеринария саласы қызметкерлерімен жемқорлыққа қарсы кездесу өтті

<a href="https://kyzylorda-news.kz/">Kyzylorda-news.kz</a> Бүгін Қаржы мониторингі агенттігінің Қызылорда облысы бойынша Экономикалық тергеп-тексеру департаментінде&nbsp;«Заң мен тәртіп» аясында &nbsp;«Ашық есік күні» іс-шарасы өтті. Оған ардагерлер, журналистер, белсенді жастар және бұқаралық ақпарат құралдарының өкілдері қатысты.Шараның басты мақсаты – қоғаммен ашық әрі сенімді байланыс орнатып, департаменттің қызметі, міндеттері және заманауи тәсілдерімен таныстыру. Қатысушылар интернет-алаяқтық, қаржы пирамидалары, «дропперлік» қылмыстар сынды жаңа сипаттағы қаржылық құқықбұзушылықтармен күресте қолданылатын заманауи әдіс-тәсілдер туралы тың ақпарат алды.Бас қосуда облыс бойынша экономикалық тергеп-тексеру департаментінің басшысы Аслан Кеңесұлы сөз сөйлеп, бұқаралық ақпарат құралдары қызметкерлері күніне орай БАҚ өкілдеріне алғыс айтып, марапаттар табыстады. Сондай-ақ аналитикалық талдау бөлімінің басшысы Қайрат Ахметов презентация жасап, бейнематериал көрсетті. Онан бөлек сала ардагерлеріне сөз беріліп, олардың пікірлері тыңдалды. &nbsp; &nbsp;Шара барысында қатысушыларға арналған шағын интерактивті ойын ұйымдастырылып, қаржылық сауаттылық тақырыбына арналған аналитикалық, практикалық және мотивациялық сұрақтар қойылып, қатысушылар пікірталасты.Кеш соңында ұйымдастырушылар барлық қатысушыларға алғыс айтып, қоғамның ақпараттық қауіпсіздігін қамтамасыз етудегі бұқаралық ақпарат құралдарымен және жастармен бірлескен жұмысты жалғастыруға ниетті екендерін білдірді.

Ашық есік күні өтті

<a href="https://kyzylorda-news.kz/">Kyzylorda-news.kz</a> «Заң мен тәртіп» апталығы аясында Шиелі &nbsp;ауданының тұрғындарына тегін құқықтық көмек көрсетілді.Сыбайлас жемқорлыққа қарсы мобильді топтың мақсаты – халықтың құқықтық сауаттылығын арттыру және азаматтардың түйткілді мәселелерін шешуде жәрдемдесу. Шара аясындағы қабылдаулар тұрғындар көп шоғырланатын жерлерде өткізіледі.Мобильді топтың құрамына мемлекеттік кіріс, әділет, денсаулық сақтау, білім, еңбек және құрылыс, сонымен қатар басқа да сала мамандары, жоба волонтерлері қосылды.Тұрғындардың &nbsp;негізгі мәселелері жұмысқа орналасу, жергілікті жолдардың жай-күйі, елді мекендердің аумақтарын абаттандыру, газ жүргізу, денсаулық сақтау, мемлекеттен несие, жеңілдіктер мен субсидиялар алу мәселелеріне қатысты болды.Мамандар &nbsp;ауыл тұрғындарының жеке мәселелеріне қатысты кеңестерін беріп, тиісті құқықтық көмектерін көрсетті.Айта кету керек, «Сыбайлас жемқорлыққа қарсы мобильді топпен» жыл соңына дейін облыстың барлық аудандары мен ауылдық округтерінде құқықтық көмек көрсету жоспарланған.

«Сыбайлас жемқорлыққа қарсы мобильді топ» облыс тұрғындарына құқықтық көмек көрсетуде

<a href="https://kyzylorda-news.kz/">Kyzylorda-news.kz</a> Бүгін – Мемлекеттік қызметші күні. Осынау атаулы датаның тарихына көз жүгіртсек, ол бастауын Біріккен Ұлттар Ұйымынан алатынын байқауға болады. Есте болса, 2003 жылдың 7 наурызында БҰҰ Бас ассамблеясының 57-сессиясында 23 маусымды Мемлекеттік қызмет күні деп жариялау туралы қаулы <a href="https://kaz.inform.kz/news/bugn-memlekettk-kizmetsh-kun-6f730a/">қабылдаған-ды.</a> Ал елімізде бұл дата ресми түрде 2013 жылы бекітіліп, содан бері Мемлекеттік қызметші күні ретінде аталып келеді.2022 жылдан бастап Президент Қасым-Жомарт Тоқаевтың бастамасымен мемлекеттік басқару саласында ауқымды жаңғырту жұмыстары жүргізіліп жатыр. Ол Мемлекет басшысы жария еткен «Адам мемлекет үшін емес, мемлекет адам үшін» іргелі қағидаты негізінде жүзеге асырылып келеді. Мемлекеттік басқару саласында адам капиталын дамыту, цифрландыру және бюрократиялық кедергілерді азайту, сондай-ақ мемлекеттік аппараттың кәсібилігін арттыру бағытында елеулі өзгерістер орын алуда.Өткен жылы 2024-2029 жылдарға арналған Мемлекеттік қызметті дамыту тұжырымдамасы бекітілді.Мемлекеттік қызметті дамыту келесі қағидаттарға негізделеді:<ul><li style="text-align:justify;">адалдық пен ашықтық: жалға алу және ілгерілету процедуралары қоғам үшін мүмкіндігінше ашық және түсінікті;</li><li style="text-align:justify;">меритократия: мемлекеттік қызметке іріктеу және ілгерілету еңбегіне, құзыретіне және кәсіби дағдыларына негізделген;</li><li style="text-align:justify;">икемділік: мемлекеттік қызметтің тиімділігін арттыруға мүмкіндік беретін жаңа икемді тәсілдерді, инновациялар мен технологияларды енгізу;</li><li style="text-align:justify;">үздіксіз оқыту: мемлекеттік қызметшілердің біліктілігі мен жұмыс тиімділігін арттыру үшін оларды кәсіби дамыту;</li><li style="text-align:justify;">клиентке бағдарлану: озық жұмыс, түпкілікті нәтижеге бағдарлану және қолжетімділікті қамтамасыз ету;</li><li style="text-align:justify;">прагматизм: практикалық пайда мен тиімділікке қол жеткізу үшін әртүрлі құралдарды қолданудың басымдығы;</li><li style="text-align:justify;">жауапкершілік және есептілік: азаматтар мен мемлекет алдында қабылданған шешімдер мен іс-әрекеттер үшін мемлекеттік қызметшілердің жауапкершілігін күшейту. Жұмыста жоғары этикалық стандарттарды сақтау, сыбайлас жемқорлыққа тиімді қарсы іс-қимыл.</li></ul>Мұнан бөлек, 2025 жылғы 2 мамырдағы Президент Жарлығымен мемлекеттік қызметшілерге тәртіптік жаза қолдану қағидаларына өзгерістер енгізілді. https://kaz.inform.kz/news/memlekettk-kizmetshlerd-zhauapkershlkke-tartu-tartb-ozgerd-fcc071/ «Мемлекеттік қызмет туралы» жаңа заң жобасын әзірлеу қолға алынды.Президенттің «Әділетті Қазақстан» тұжырымдамасы аясында мемлекеттік қызметте әр азамат үшін тең мүмкіндіктерге негізделген мансаптық және позициялық модельдерді біріктіретін мемлекеттік қызметтің қазақстандық гибридті моделін жан-жақты енгізу жұмыстары қолға алынған.Жалпы, бүгінгі жаһандық трансформациялар, оның ішінде технологиялардың жедел дамуы, климаттық және геосаяси сын-қатерлер мемлекеттік сектордағы адам капиталын басқару жүйесін түбегейлі қайта қарауды талап етеді. Ол үшін мыналар қажет:<ul><li style="text-align:justify;">кадрлық қызметтер тек әкімшілік функциямен шектелмей, адам ресурстарын ұтымды пайдалану мен адам капиталын ілгерілетіп жаңашылдықтарды тиімді іске асыру үдерісіне белсенді қатысуы тиіс;</li><li style="text-align:justify;">кәсіби қарым-қабілетіне қарай қызметкердің әлеуетін еңбек өнімділігін арттыруға тиімді бағыттай білуі қажет;</li><li style="text-align:justify;">жасанды интеллект, үлкен деректер, блокчейн және бұлттық технологиялармен тиімді жұмыс істей алатын кәсіби кадрларды даярлау керек;</li><li style="text-align:justify;">«e-Qyzmet» ұлттық интеграцияланған ақпараттық жүйесіне жасанды интеллект элементтерін енгізу қажет (Адам жасанды интеллектіге емес, жасанды интеллект адамға бейімделуі керек. Елімізде мемлекеттік қызметшілер жасанды интеллект дағдыларын жетік меңгеруге тиіс. Өйткені салада қағазбастылықтан арылу процесі қарқынды жүріп жатыр. Арнайы бағдарлама аясында жыл сайын шамамен 30 мың мемлекеттік қызметкерді оқыту жоспарланған);</li></ul>-цифрлық шешімдерді мемлекеттік аппараттың жұмысында тиімді пайдалану бағыттағы жұмыстарды кешенді түрде тұрақты жалғастыру керек;<ul><li style="text-align:justify;">мемлекеттік қызметтің жастар үшін тартымдылығын арттыру қажет.</li></ul>Соңғы атаған мәселе бойынша елімізде тұрақты жұмыс істелініп жатыр. Мемлекет басшысының тікелей бастамасымен талантты жастарға әлеуметтік лифт болатын Президенттік жастар кадр резерві жобасы қолға алынған. Оған жоғары білімі бар, кемінде 5 жыл еңбек өтілі және 35 жастан аспаған азаматтар қатыса алады. 2019, 2021 және 2023 жылдары өткен іріктеулерге 60 мыңнан астам қазақстандық қызығушылық танытып, соның ішінен 400 адам мемлекеттік қызметке қабылданған. Бүгінде олардың 318-і жауапты қызметтерге тағайындалып, экономиканың түрлі салаларында еліміздің дамуына өз үлестерін қосып отыр. Атап айтқанда, 167-сі орталық мемлекеттік органдарда, 37-сі жергілікті атқарушы органдарда, 62-сі ұлттық компанияларда, 52-сі өзге ұйымдарда қызмет істеп жүр. Сондай-ақ, резервке алынған 39 маман саяси лауазымдарда, 3 адам «А» корпусының лауазымдарында жұмыс істейді. 2 Мәжіліс депутаты, 1 бір мәслихат депутаты бар.Айта кетерлігі, биыл 1 маусымда Президенттік жастар кадр резервіне үміткерлерді іріктеу басталды.Іріктеу 6 негізгі сала бойынша жүргізіледі. Олар:<ul><li style="text-align:justify;">инфрақұрылым;</li><li style="text-align:justify;">өнеркәсіп және сауда саясаты;</li><li style="text-align:justify;">агроөнеркәсіптік кешен және қоршаған орта;</li><li style="text-align:justify;">сыртқы саясат және инвестициялар;</li><li style="text-align:justify;">экономикалық және қаржылық саясат;</li><li style="text-align:justify;">цифрландыру, әлеуметтік саясат және азаматтық қоғам.</li></ul>Резервтің әр салалық бағыты бойынша квоталар қарастырылып, іріктеу сол салалық бағыт бойынша ғана жүргізіледі. Бұл әдіс салалар арасындағы теңгерімді қамтамасыз етіп, нақты бағыттар бойынша үміткерлерді іріктеугее мүмкіндік береді.Фото: freepik.com

Бүгін – Мемлекеттік қызметші күні

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында қызмет атқаратын ҚР ІІМ Ұлттық ұланы 5547 әскери бөлімінің әскери қызметшілері тұрғын үйде шыққан өрттен зардап шеккендерге алғашқылардың бірі болып көмекке келді.Кезекші патруль бағыты «Ескі базар» аумағындағы тұрғын үйден өрт шыққаны туралы полицияның жедел басқару орталығынан хабар алған. Бұл туралы білген кезекші лейтенант Ернұр Әбілхан патрульдік топ құрамындағы қатардағы жауынгерлер Нұрдәулет Әдіхалық пен Ердос Махмұдовпен бірге дереу оқиға орнына аттанған.Үшінші қабаттағы пәтердің терезесінен қою түтін будақтап шығып жатты. Өрт сөндірушілер келгенге дейін әскери қызметшілер тұрғындарды өрт жайлы ескертіп, оларды шұғыл эвакуациялауға кірісті.<blockquote>– Біз келгенде үйдің ішін қою түтін басып, күйік иісінен тыныс алу қиын еді. Соған қарамастан, орамалдарымызды сулап, бетімізді жауып, адамдарға сыртқа шығуға көмектестік. Сол сәтте бір ер адам бесінші қабатта кішкентай қызы мен жұбайы қалып қойғанын, ал есікті сыртынан өзі жауып кеткенін айтты. Кілтті алып, оларды да қауіпсіз жерге шығардық, – деді лейтенант Ернұр Әбілхан.</blockquote>ҚР ІІМ Ұлттық ұланы әскери қызметшілерінің жедел әрі батыл әрекетінің арқасында қайғылы жағдайдың алдын алуға мүмкіндік болды. Тұрғындар түгелдей қауіпсіз жерге көшіріліп, ешкім зардап шеккен жоқ.Фото: 5547 әскери бөлімі&nbsp;

Қазақстан және Қызылорда облысының жаңалықтары: Құқық