<a href="https://kyzylorda-news.kz/">Kyzylorda-news.kz</a> Жаңа деректі фильмде зорлық-зомбылық, ортаның қысымы және ересектердің бақылауының жоқтығы салдарынан өмірі күрт өзгерген жасөспірімдердің шынайы тағдыры көрсетіледі. "Хулиган-ка" атты туынды жасөспірімдер агрессиясы, буллинг және ойланбай жасалған әрекеттердің салдары сияқты өзекті мәселелерді көтереді, - деп хабарлайды<a href="https://polisia.kz/iim-zhasospirimder-arasyndaghy-qatygezdik-pen-bulling-taqyrybynda-derekti-drama-shyghardy/"> Polisia.kz.</a>&nbsp;Фильмнің басты кейіпкері - Қылмыстық кодекстің 106-бабы бойынша денсаулыққа қасақана ауыр зиян келтіргені үшін сотталған Дарина. Оның оқиғасы - қоршаған ортаның ықпалы мен өзін дәлелдеуге деген ұмтылыстың қандай қайғылы салдарға әкелуі мүмкін екенін көрсететін мысал. 14 жасында ол өзінен үлкен "құрбысының" ықпалына түсіп, сабақтан қалуды бастайды, алкоголь ішіп, төбелестерге қатысады. Уақыт өте келе агрессия оның күнделікті өмірінің бір бөлігіне айналады.Жағдай Дарина қысымға бой алдырып, бір қызды аяусыз соққыға жыққан кезде ушыға түседі. Жәбірленуші ауыр жарақат алып, ұзақ уақыт ем қабылдауға мәжбүр болады. Бұл оқиға Даринаның қылмыстық жауапкершілікке тартылуына әкелген шешуші кезең болды. Фильм жасөспірімдер арасындағы қатыгездік көбіне өзін-өзі дәлелдеуге тырысумен, өмірлік бағдардың жоқтығымен және қолдаушы ортаның болмауымен байланысты екенін көрсетеді. Жасөспірімдер өз әрекеттерінің салдарын әрдайым толық түсіне бермейді, ал қарапайым жанжалдың өзі ауыр жарақатқа немесе тіпті өлімге әкелуі мүмкін.&nbsp;Сонымен қатар туындыда бас бостандығынан айыру орындарына түскен өзге де жастардың оқиғалары баяндалады. Олар жастық шақтағы қателіктердің құны, орындалмаған армандар мен жоғалған мүмкіндіктер туралы ой толғайды. Жасөспірімдер қылмысы мәселесі әлі де өзекті болып отыр. Дегенмен, ІІМ деректеріне сәйкес, жағдай біртіндеп жақсарып келеді. 2026 жылдың ақпан айының қорытындысы бойынша кәмелетке толмағандар жасаған қылмыстар саны 24,3%-ға төмендеген.&nbsp;Соған қарамастан, ішкі істер органдарының есебінде 2,9 мыңнан астам жасөспірім және балаларын тәрбиелеу бойынша міндеттерін орындамайтын 6 мыңнан астам ата-ана тіркелген. Профилактикаға ерекше назар аударылуда. Әр мектепке учаскелік инспекторлар, ювеналды және криминалдық полиция қызметкерлері бекітілген - жалпы саны шамамен 8 мың қызметкер.&nbsp;Оқу орындарында құқықбұзушылықтың алдын алу және жасөспірімдердің жауапкершілігін қалыптастыру мақсатында тұрақты түрде құқықтық сабақтар өткізіледі. Ағымдағы жылдың екі айында 22 мыңнан астам заңды өкіл кәмелетке толмағандардың түнгі уақытта үйден тыс жерде жүргені үшін жауапкершілікке тартылған. Ал кәмелетке толмағандардың түнде ойын-сауық орындарында болуына жол бергені үшін 685 мекеме иесі жазаланған.&nbsp;ІІМ өкілдері "Заң мен Тәртіп" қағидаты аясында профилактикалық жұмыстар алдағы уақытта да белсенді түрде жалғасатынын атап өтті. "Хулиган-ка" деректі фильмі - қоғамға жасалған ескерту: жасөспірімдер агрессиясы өздігінен пайда болмайды. Ол орта, немқұрайлылық және бақылаудың жоқтығы әсерінен қалыптасады. Оны болдырмау үшін отбасы, мектеп және қоғам бірлесіп жұмыс істеуі керек.

ІІМ жасөспірімдер арасындағы қатыгездік пен буллинг тақырыбында деректі драма шығарды 

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаменті бастығының орынбасары полиция полковнигі Е.Абдрамановтың &nbsp;төрағалығымен құқық бұзушылық профилактикасы мәселелеріне арналған дөңгелек үстел өтті.Шара барысында Полиция департаментінің Профилактикалық жұмысты үйлестіру басқармасының бастығы полиция подполковнигі А.Құлмағанбетов баяндама жасап, «Құқық бұзушылық профилактикасы туралы» Заң аясында көзделген негізгі талаптар мен міндеттерді таныстырды.Жиын барысында мемлекеттік органдар мен басқа да субъектілер арасындағы өзара іс-қимылды күшейту, құқық бұзушылықтардың алдын алу тетіктерін жетілдіру, азаматтарды профилактикалық жұмыстарға кеңінен тарту мәселелері айтылды.Дөңгелек үстел қорытындысы бойынша құқық бұзушылықтардың алдын алу бағытындағы жұмыстарды күшейту қажеттігі атап өтіліп, заң талаптарын іске асыру мәселелері талқыланды.

Қызылордада құқық бұзушылық профилактикасын күшейту мәселелері қаралды

<a href="https://kyzylorda-news.kz/">Kyzylorda-news.kz</a> Заңсыз көші-қонның алдын алу және болдырмау, шетелдіктердің көші-қон заңнамасын бұзу фактілерін анықтау мақсатында ағымдағы жылдың 17–20 наурыз аралығында облыс аумағында «Мигрант» жедел-профилактикалық іс-шарасы өткізілуде.Іс-шараның екі күнінде барлығы 172 құқықбұзушылық анықталды. Оның ішінде шетел азаматтары тарапынан жасалған 53 әкімшілік құқықбұзушылық тіркеліп, олардың 29-ы Қазақстан Республикасы аумағынан аластатылды.Сонымен қатар, шетелдіктердің болу ережелерінің сақталуын қамтамасыз етпеген Қазақстан Республикасының 63 азаматына қатысты әкімшілік шаралар қолданылды.Құрметті облыс тұрғындары! Шет мемлекеттерден жұмыс істеуге келген азаматтарға заңда белгіленген мерзімде құжаттарын рәсімдеп, көші-қон заңнамасының талаптарын сақтауды ұсынамыз.Заң талаптары сақталмаған жағдайда Қазақстан Республикасының заңнамасына сәйкес тиісті шаралар қолданылатынын ескертеміз.

Облыс аумағында «Мигрант» іс-шарасы өткізілуде

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің бастығы полиция полковнигі Ергешов Серік Жүрсінбайұлы облыс тұрғындары &nbsp;алдында есептік кездесу өткізді. Есептік кездесу облыс орталығындағы Асқар Тоқмағамбетов атындағы Мәдениет үйінде өтті.&nbsp;Есепті кездесуде полицияның атқарған жұмыстары туралы бейнеролик көрсетілді, содан кейін облыстың Бас полицейі қоғамдық қауіпсіздікті &nbsp;қамтамасыз ету бойынша өзекті мәселелер туралы баяндама жасап, тұрғындардың сұрақтарына жауап берді.Есеп беру кездесуі басталар алдында Департамент бастығы жергілікті тұрғындарды құқық бұзушылықтың алдын алуға және қоғамдық тәртіпті қамтамасыз етуге қосқан үлесі үшін марапаттады.- Бүгінде азаматтық қоғамды қолдау еліміз үшін зор маңызға ие. Құқық бұзушылықтарға бей — жай қарамайтын және белсенді ұстаным танытатын азаматтардың арқасында халықтың қауіпсіздігін қамтамасыз ету жұмыстарының тиімділігі едәуір артады, - деп атап өтті марапаттау рәсімі барысында Серік Ергешов.&nbsp; Марапатталғандар кәмелетке толмағандар арасындағы құқық бұзушылықтардың алдын алу, қаланы абаттандыру, қоғамдық тәртіпті қамтамасыз ету сияқты бағыттарда белсенділік пен азаматтық жауапкершілік танытты. Департамент басшылығы олардың қосқан үлестері үшін алғысын білдірді.&nbsp;Бүгінгі таңда облыс аумағында қоғамдық қауіпсіздік саласында жұмыс істейтін көптеген қоғамдық құрылымдар бар. Бұл құрылымдар полиция органдарымен тығыз байланыста жұмыс істеп, құқық бұзушылықтың алдын алуға айтарлықтай үлес қосып келеді. Полиция департаменті қоғамдық тәртіп пен қауіпсіздікті қамтамасыз ету бағытында азаматтық қоғам өкілдерімен бірлескен жұмысты жалғастырмақшы. Сонан соң Департамент бастығы өз сөзін өткен жылы атқарылған шараларды қорытындылаудан бастады.<blockquote>«Облыс көлемінде тіркелген құқық бұзушылықтар саны 2%-ға төмендеді. Қоғамдық орындарда, көшелерде, мас күйінде жасалған қылмыстардың саны төмендеді. Бүгінгі күні қылмыстық ахуалы тұрақты аймақтың біріміз. Соңғы 5 жылда қылмыстар саны 20,7 пайызға азайған» деп атап өтті С.Ергешов. &nbsp; &nbsp;</blockquote>Тұрғындармен кездесу барысында Серік Жүрсінбайұлы ұрлық, есірткі қылмысы, жол қауіпсіздігі, алаяқтыққа да аса көңіл бөліп, алдын алу шараларына тоқталып өтті.Цифрлық технологиялар дамыған сайын жаңа қауіптер де пайда болуда. Оның бірі – киберқылмыстар.Қазіргі уақытта әлеуметтік желілер арқылы жасалатын алаяқтық қылмыстары жиілеп отыр. Қылмыскерлер азаматтардың сенімін пайдаланып, түрлі тәсілдермен азаматтардың қаражаттарын иемденуде.Полиция департаменті киберқылмыстармен күрес бағытында арнайы бөліністің жұмысын күшейтті.Банктер, түрлі байланыс операторларымен және басқа да ұйымдармен бірлесіп жұмыстар жүргізілуде. 7 мыңға жуық алаяқтық белгілері бар сайттар мен сілтемелер анықталып, &nbsp;бұғаттау үшін «Кибернадзор» жүйесіне енгізілді.«Антифрод» жүйесіне 974 инцидент енгізіліп, жалпы 18 млн. теңгеден астам қаражат бұғатталды.Бұдан бөлек Департамент тарапынан облыс жолдарында жол-көлік оқиғаларының алдын алу, жолдағы қауіпсіздік мәдениетін қалыптастыру және азаматтардың жауапкершілігін арттыру мақсатында кешенді жұмыстар атқарылуда. Өткен жылы жол ережесін бұзудың 304 мыңнан аса дерегі анықталса, оның 176 мыңнан астамы немесе 58 пайызы жол апатына тікелей әсер ететін өрескел құқық бұзушылықтар.Бүгінгі шара барысында көтерілген мәселелердің барлығы да өзекті. Атқарылған жұмыстардың оң нәтижесін көру үшін нақты жоспарларды айқын жеткізген Департамент басшысы есептік кездесуді халықтың ұсыныс – пікірін, өтініш – тілегін тыңдаумен жалғады. Департамент бастығы халықпен есептік кездесу барысында тікелей залдан, сондай-ақ әлеуметтік желілер мен Call-орталықтан келіп түскен сұрақтарға жауап берді. Әр адам өзін қызықтыратын сұрағын қойып, спикерден толық жауап ала алды.Кездесу соңында С.Ергешов барлық азаматтарға шараға белсенді қатысқандары үшін алғыс білдіріп, полиция жұмысының басты мақсаты қылмыспен күрес және қоғамдық тәртіпті сақтау екендігін атап өтті.<blockquote>«Қауіпсіз қоғам – бұл полиция мен халықтың бірлігі. Егер көрші көршісіне жанашыр болса, ата-ана баласына дұрыс тәрбие берсе, әр азамат заңды құрметтесе онда біздің қоғамымыз әлдеқайда қауіпсіз болатыны анық.Біздің мақсатымыз – балаларымыз қорықпай ойнайтын, азаматтарымыз алаңсыз еңбек ететін, қарттарымыз тыныш өмір сүретін қауіпсіз қоғам құру. Заң мен тәртіп үстемдік еткен жерде тұрақтылық пен даму болады» деп аяқтады өз сөзін облыстың Бас полицейі. &nbsp;&nbsp;</blockquote>Есептік кездесу барысында полиция қызметкерлеріне көптеген алғыстар айтылды. Тұрғындар халықпен тығыз жұмыс істейтін учаскелік полиция инспекторларына және тергеушілерге кәсібилігі мен адамдарға деген жанашырлығы үшін ерекше ризашылықтарын білдірді.

Қызылорда облысының Бас полицейі халық алдында  есеп берді

<a href="https://kyzylorda-news.kz/">Kyzylorda-news.kz</a> «Наурызнама онкүндігі» аясында 14 наурыз – Көрісу күні мерекесіне орай Қызылорда облысы Полиция департаменті бастығының орынбасары &nbsp;полиция полковнигі Оралбек &nbsp;Омаров ішкі істер органдарының ардагерлерінің шаңырағына арнайы барып, ақжарма тілегін арнады.Ұлттық дәстүрге сай ұйымдастырылған бұл тағылымды кездесуде сала ардагерлеріне ерекше ілтипат білдіріліп, олардың қоғам тыныштығы мен ел қауіпсіздігін қамтамасыз ету жолындағы көпжылдық еңбегі жоғары бағаланды.Кездесу барысында саналы ғұмырын құқық қорғау саласына арнаған ҚР ІІМ Құрметті ардагерлері – тыл ардагері, 91 жастағы Төлеш Әлиев, Мұхтаровтар полицейлер әулетінің ақсақалы, 87 жастағы Әбділла Мұхтар және Сыр сақшыларының ұстазы Тастемір &nbsp;Рахимовқа құрмет көрсетілді.<img src="https://knadmin.beoblood.kz/uploads/yzylordada_K_risu_k_nine_oraj_policziya_ardagerlerine_rmet_k_rsetildi2_f87266e817.jpg" alt="Қызылордада Көрісу күніне орай полиция ардагерлеріне құрмет көрсетілді2.jpg">Ардагерлер де өз кезегінде қызмет жолындағы естеліктерімен бөлісіп, тәртіп сақшысы болудың жауапкершілігі мен маңызын тілге тиек етті. Олар жас буынға адалдық пен табандылықтың, Отанға деген шынайы қызметтің қашанда биік тұруы керектігін атап өтті.Полиция департаментінің өкілдері ардагерлерге зор денсаулық пен ұзақ ғұмыр тілеп, олардың өмірлік тәжірибесі мен өнегелі жолы жас қызметкерлер үшін әрдайым бағыт-бағдар болатынын жеткізді. Осындай тағылымды кездесулер аға буынға деген құрметті арттырып, ұрпақтар арасындағы сабақтастықты нығайта түседі.

Қызылордада Көрісу күніне орай полиция ардагерлеріне құрмет көрсетілді

<a href="https://kyzylorda-news.kz/">Kyzylorda-news.kz</a> Жаңақорған ауданының Төтенше жағдайлар бөлімінің қызметкерлері аудан аумағындағы дүкендер мен қоғамдық тамақтану орындарында (кафе, асхана фастфуд) тұрмыстық газ баллондарын қауіпсіз пайдалану талаптарының сақталуын тексеру мақсатында рейдтік іс-шара өткізді.Рейд барысында газ баллондарын сақтау, орнату және пайдалану тәртібі, олардың техникалық жағдайы мен қауіпсіздік талаптарына сәйкестігі қаралды.Сауда және қоғамдық тамақтану нысандарының иелеріне газ баллондарын дұрыс қолдану, өрт қауіпсіздігі ережелерін сақтау бойынша түсіндіру жұмысы жүргізілді.Аталған іс-шара барысында 7 қоғамдық тамақтану орынынан газ балондары анықталып, жеке кәсіпкерлерге түсіндіру жұмысы жүргізілді.&nbsp;Фото freepik

Жаңақорған аумағындағы қоғамдық тамақтану нысандарында газ қауіпсіздігі тексерілді

<a href="https://kyzylorda-news.kz/">Kyzylorda-news.kz</a> Қызылорда қаласының прокуратурасының ұйымдастыруымен «Құқықтық дәріхана» акциясы аясында ойын-сауық орталығында азаматтарды қабылдау өткізілді.Іс-шараның мақсаты – тұрғындарға құқықтық кеңес беру, олардың құқықтық сауаттылығын арттыру, тегін заң көмегін қолжетімді ету. Кездесу барысында азаматтар өздерін толғандырған түрлі құқықтық мәселелер бойынша сұрақтарын қойып, сала мамандарынан заң талаптарына сәйкес түсіндірмелер алды.Шара барысында прокуратура, полиция, жергілікті атқарушы органдардың өкілдері, заңгерлер мен адвокаттар тұрғындарға тегін құқықтық көмек көрсетіп, сұрақтарына жауап берді.Құқықтық сауаттылықты арттыру және азаматтарға тегін құқықтық көмек көрсету мақсатында Қызылорда қаласында «Құқықтық дәріхана» атты ауқымды акция ұйымдастырылды.Іс-шара барысында тұрғындарға өзекті құқықтық мәселелер бойынша кеңестер беріліп, заң талаптары түсіндірілді.<img src="https://knadmin.beoblood.kz/uploads/yzylordada_y_ty_d_rihana_akcziyasy_jymdastyryldy1_835225e826.jpg" alt="Қызылордада «Құқықтық дәріхана» акциясы ұйымдастырылды1.jpg">Аталған акцияға прокуратура органдарының қызметкерлері, адвокаттар, заң кеңесшілері, сондай-ақ мемлекеттік органдардың өкілдері қатысып, азаматтардың өтініштері мен сұрақтарын тыңдады. Қабылдау барысында тұрғындар алимент өндіру, еңбек даулары, әлеуметтік төлемдер, жер және тұрғын үй мәселелері, атқарушылық өндіріс, несие міндеттемелері секілді әртүрлі құқықтық мәселелер бойынша кеңес алды.Шараның негізгі мақсаты – халыққа құқықтық көмекті барынша қолжетімді ету, азаматтардың құқықтық мәдениетін көтеру және заң талаптарын түсіндіру арқылы олардың өз құқықтары мен заңды мүдделерін қорғауына қолдау көрсету болып табылады.Құқықтық дәріхана» акциясы аясында тұрғындарға құқықтық жадынамалар мен ақпараттық материалдар таратылып, құқықтық кеңес беру жұмыстары жүргізілді. Сонымен қатар, азаматтарға мемлекеттік қызметтерді алу тәртібі, сотқа жүгіну жолдары, құқықтық дауларды шешу тетіктері жөнінде түсіндіру жұмыстары жүргізілді.Бұл форматтағы кездесулер халықтың құқықтық сауаттылығын арттыруға және азаматтар мен мемлекеттік органдар арасындағы ашық диалогты қалыптастыруға мүмкіндік береді.Азаматтардың құқықтық мәселелерін шешуге бағытталған мұндай қабылдаулар алдағы уақытта да тұрақты түрде өткізілетін болады.

Қызылордада «Құқықтық дәріхана» акциясы ұйымдастырылды

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласы Полиция басқармасының Тасбөгет полиция бөлімінің криминалды полиция бөлімшесінің аға жедел уәкілі Таубай Еділ №257 орта мектебінің мұғалімдеріне интернет алаяқтығының алдын алу мақсатында профилактикалық түсіндірме жұмыстарын жүргізді.Мұндай шаралардың мақсаты - халық арасында алаяқтардың іс-әрекетін әшкерелеп, алаяқтық қылмыстарын болдырмау мен алдын алу. Бұл деген тәртіп сақшылары интернет-алаяқтықтың алдын алу бойынша жүйелі жұмыс жүргізе отырып, халықтың құқықтық сауаттылығын арттыруға көптеп көмек беріп жатқандығының бір дәлелі.Интернеттің мүмкіндігін қылмыстық іс-әрекеттерін жүзеге асыру үшін оңтайлы пайдаланып жүрген алаяқтардың әдіс-тәсілдері күн сайын өзгеріп отыр. Қылмыскерлердің көп таралған әдістері: әлеуметтік желілерге жалған хабарландырулар орналастыру; интернет арқылы сауда жасау және қызмет көрсету; инвестицияға пайда көру мақсатында ақша салу; мессенджерлерге күмәнді сілтемелер жолдау арқылы.<img src="https://knadmin.beoblood.kz/uploads/yzylordada_internet_alaya_ty_ty_aldyn_alu_ma_satynda_t_r_yndar_a_t_sindiru_zh_mystary_zh_rgizildi1_c0a8af209f.jpg" alt="Қызылордада интернет-алаяқтықтың алдын алу мақсатында тұрғындарға түсіндіру жұмыстары жүргізілді1.jpg">Өздерін банк немесе құқық қорғау органдарының қызметкері ретінде азаматтарға қоңырау шалып, жеке деректерді иемденіп, бөтен біреудің атынан онлайн-несие рәсімдеу және алаяқтықтың жаңа түрлері туралы бұқаралық ақпарат құралдары мен әлеуметтік желілер арқылы халыққа хабардар етілгенімен тұрғындардың алаяқтардың құрығына түсіп жатқан жағдайлар жиі кездесуде.Сондықтан полиция қызметкерлері интернет кеңістігіндегі алаяқтық әрекеттерге қарсы күресті күшейтті.

Интернет-алаяқтықтың алдын алу мақсатында түсіндіру жұмыстары жүргізілді

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Полиция департаментінің Есірткі қылмысына қарсы іс-қимыл басқармасы «Көңілді старттар» атты отбасылық спорттық іс-шаралар ұйымдастырды.Жарыстың негізгі мақсаты – салауатты өмір салтын насихаттау, отбасылық құндылықтарды нығайту, сондай-ақ кәмелетке толмағандар арасындағы есірткі құқық бұзушылықтарының алдын алу.Жарысқа облыстың аудандары мен Қызылорда қаласының отбасылары қатысып, ұйымшылдықтарын, белсенділіктерін және салауатты өмір салтына деген ұмтылыстарын көрсетті. Қатысушылар спорттық эстафеталар мен командалық ойындарда бақ сынап, достық, қолдау және көтеріңкі көңіл-күй атмосферасын қалыптастырды. Іс-шара барысында балалар мен жасөспірімдер арасында есірткіге қарсы иммунитет қалыптастыруға ерекше көңіл бөлініп, отбасы мен салауатты өмір салтының болашақ ұрпақты тәрбиелеудегі маңызы кеңінен насихатталды.Жарыс қорытындысы бойынша жеңімпаздар мен жүлдегерлер анықталды: І орын – Әділхановтар отбасы (Қазалы ауданы №204 орта мектеп), Игисиновтер отбасы (Қармақшы ауданы №250 орта мектеп), Нұрлановтар отбасы (Шиелі ауданы №207 орта мектеп), Бегмановтар отбасы (Жаңақорған ауданы №184 орта мектеп); ІІ орын – Базарбаевтар отбасы (Қазалы ауданы №276 орта мектеп), Науановтар отбасы (Қармақшы ауданы №27 орта мектеп), Әлсүгіровтар отбасы (Шиелі ауданы №48 мектеп-лицей), Тасхожаевтар отбасы (Жаңақорған ауданы №209 орта мектеп), Раманқұловтар отбасы (Жаңақорған ауданы №54 орта мектеп), Шайхназаровтар отбасы (Жаңақорған ауданы №168 орта мектеп); ІІІ орын – Байымбетовтер отбасы (Жаңақорған ауданы №196 орта мектеп), Ермановтар отбасы (Жаңақорған ауданы №256 орта мектеп), Нұрбаевтар отбасы (Жаңақорған ауданы №221 орта мектеп), Бойко отбасы (Қызылорда қаласы №179 орта мектеп), Бодановтар отбасы (Жалағаш ауданы №114 орта мектеп), Кеңесовтер отбасы (Сырдария ауданы №44 орта мектеп).Ұйымдастырушылар мұндай отбасылық іс-шаралар спортты насихаттаумен қатар, жас ұрпақтың зиянды әдеттер мен есірткіден аулақ болуына ықпал етіп, отбасының қоғамдағы тәрбиелік рөлін нығайтуға септігін тигізетінін атап өтті.

Қызылорда облысында отбасылық спорттық жарыстар өтті

<a href="https://kyzylorda-news.kz/">Kyzylorda-news.kz</a> 2026 жылдың ақпан айында Қазақстан Республикасы Ішкі істер министрлігінің нұсқауына сәйкес, сондай-ақ Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі Ұлттық комиссияның қолдауымен республика көлемінде «СТАЛКИНГТІ ТОҚТАТ!» акциясы жарияланды.Аталған акция аясында Қызылорда облысы Полиция департаментінің Қоғамдық қауіпсіздік және &nbsp;Профилактикалық жұмысты үйлестіру басқармасымен бірлесуімен жастар арасында «Ұлт болашағы – ұрпақ тәрбиесі» атты форум ұйымдастырылды.Форумды Қызылорда облысы Полиция департаменті бастығының орынбасары, полиция полковнигі Абдраманов Ермахан Әділханұлы ашып, қатысушыларға сәттілік тіледі.<img src="https://knadmin.beoblood.kz/uploads/Stalkingti_to_tat_akcziyasy_ef4af2ad41.jpg" alt="“Сталкингті тоқтат!” акциясы.jpg">Іс-шараға спикер ретінде облыстық прокуратураның басқарма прокуроры Асылжан Оңдасынұлы, облыстық қоғамдық даму басқармасы басшысының орынбасары Ибраев Уалихан Серікұлы, Мәншүк Мәметова атындағы Қызылорда педагогикалық жоғары колледжі директорының тәрбие ісі жөніндегі орынбасары Исаева Гүлдана Маралбекқызы, облыстық дін істері басқармасының теолог маманы Оспанов Бахтияр Есенгелдіұлы, облыстық жастар ресурстық орталығының жас маманы Балтабай Әсел Бекжанқызы және Қорқыт ата атындағы университеттің Жастар ісі жөніндегі комитетінің төрағасы Салтанат Бижігітқызы қатысты.Спикерлер форумға қатысқан жастарға құқықтық тақырыптар бойынша түсіндірме жұмыстарын жүргізіп, қоғамдағы өзекті мәселелер жөнінде пікір алмасты.Форум барысында қоғамның болашағына тікелей әсер ететін маңызды мәселелер талқыланды. Атап айтқанда, сталкингтің қауіптілігі, жеке шекараны құрметтеу, адамның еркін таңдау құқығы мен жеке қауіпсіздігін сақтау мәселелері көтерілді.<img src="https://knadmin.beoblood.kz/uploads/Stalkingti_to_tat_1cbf0c126e.jpg" alt="Сталкингті тоқтат.jpg">Қатысушылар сталкингтің адамның жеке кеңістігін бұзу, психологиялық қысым көрсету және қорқыныш тудыру секілді жағымсыз салдары бар екенін атап өтті. Сонымен қатар қыз алып қашу әрекеті кей жағдайда дәстүр ретінде түсіндірілгенімен, шын мәнінде адамның еркін таңдау құқығын шектейтін және зорлық-зомбылықтың бір түрі ретінде бағаланатыны айтылды.Іс-шара барысында адам құқығы, еркін келісім және жеке қауіпсіздік кез келген қоғамның негізгі құндылықтары болуы тиіс екені атап өтілді. Сондай-ақ жастар арасында өзара құрмет, жауапкершілік және құқықтық мәдениетті қалыптастырудың маңыздылығы айтылды.Форум қорытындысында қатысушылар өз орталарында жеке шекараны құрметтеу мәдениетін қалыптастырып, зорлық-зомбылықтың кез келген түріне нөлдік төзімділік қағидатын ұстанудың маңыздылығын атап өтті.Осылайша, жастардың құқықтық сауаттылығын арттыруға бағытталған форум өз мәресіне жетті.

“Сталкингті тоқтат!” акциясы аясында “Ұлт болашағы – ұрпақ тәрбиесі” атты жастар форумы өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында «Есірткісіз болашақ!» ұранымен жастар арасында танымдық әрі профилактикалық іс-шара ұйымдастырылды. Шара мектеп оқушылары мен орта арнаулы оқу орындарының студенттері арасында өткізіліп, қатысушылар командалық «Мафия» интеллектуалдық ойынында бақ сынады.Іс-шараның мақсаты – жастардың бос уақытын тиімді ұйымдастыру, логикалық ойлау қабілетін дамыту, бірлік пен жауапкершілікке тәрбиелеу, сондай-ақ салауатты өмір салтын насихаттап, есірткіге қарсы иммунитет қалыптастыру.Ойын барысында қатысушылар өзара пікір алмасып, талдау жасап, шынайылық пен әділдікті анықтауға бағытталған шешімдер қабылдады. Мұндай интеллектуалдық ойындар жастардың уақытын пайдалы өткізуіне ықпал етіп, оларды зиянды әдеттерден, соның ішінде есірткіден аулақ болуға үндейді.Іс-шараны Қызылорда облысының ПД Есірткі қылмысына қарсы іс-қимыл басқармасы ұйымдастырды.Байқау қорытындысы бойынша жүлделі орындар келесідей анықталды: І орын – Арал ауданы №292 орта мектеп, Қармақшы ауданы №279 мектеп-лицей, Қармақшы ауданы №111 орта мектеп, Шиелі ауданы №243 орта мектеп; ІІ орын – Арал ауданы №83 орта мектеп, Шиелі ауданы №207 орта мектеп, Жаңақорған ауданы №184 орта мектеп, Жаңақорған ауданы №195 мектеп-гимназия; ІІІ орын – Қазалы ауданы №16 мектеп-лицей, Жалағаш ауданы №122 орта мектеп, Сырдария ауданы №191 орта мектеп, М.Маметова атындағы Қызылорда жоғары педагогикалық колледжі.Іс-шара соңында мұндай бастамалар жастардың бос уақытын мазмұнды өткізуге, салауатты өмір салтын ұстануға және қоғамда есірткіге қарсы мәдениетті қалыптастыруға ықпал ететіні атап өтілді.Фото: Полиция департаменті

«Есірткісіз болашақ!» ұранымен «Мафия» интеллектуалдық ойыны өтті

<a href="https://kyzylorda-news.kz/">Kyzylorda-news.kz</a> Қызылорда қаласында балалар, жасөспірімдер және қыздар арасында киокушинкай-кан каратэден облыстың ашық турнирі өтті. Жарыс «Киокушин – нашақорлыққа қарсы!» ұранымен ұйымдастырылып, жастар арасында салауатты өмір салтын насихаттауға бағытталды.Аталған спорттық шараның негізгі мақсаты – Қызылорда облысында киокушинкай-кан каратэ спорт түрін дамыту, жас спортшылардың шеберлігін арттыру, сондай-ақ балалар мен жасөспірімдердің спортқа деген қызығушылығын күшейту болып табылады. Сонымен қатар турнир жас буынды тәртіпке, табандылыққа тәрбиелеуге және олардың бос уақытын тиімді ұйымдастыруға мүмкіндік береді.Жарысқа 5–15 жас аралығындағы балалар мен жасөспірімдер қатысып, әртүрлі жас және салмақ дәрежелері бойынша өзара бақ сынасты. Қатысушылар киокушинкай-кан ережелеріне сәйкес өткізілген жекпе-жектерде күш-жігерін, шеберлігі мен төзімділігін көрсетті. Турнир барысында тартысты әрі қызықты айқастар өтіп, жас спортшылар өздерінің дайындық деңгейін дәлелдеді.Іс-шараны ұйымдастыруға Ұлттық республикалық киокушинкай-кан каратэ федерациясы, оның Қызылорда облыстық филиалы және Қызылорда облысы Полиция департаментінің Есірткі қылмысына қарсы іс-қимыл басқармасы бірлесіп атсалысты.Жарыс қорытындысы бойынша үздік өнер көрсеткен спортшылар марапатталып, жеңімпаздар мен жүлдегерлерге І, ІІ, ІІІ дәрежелі дипломдар мен медальдар, сондай-ақ бағалы сыйлықтар табысталды.Мұндай спорттық іс-шаралар жасөспірімдер арасында дене шынықтыру мен спортты дамытуға, салауатты өмір салтын қалыптастыруға және жастарды зиянды әдеттерден аулақ болуға тәрбиелеуге зор ықпал етеді.Фото: Полиция департаменті

Қазақстан және Қызылорда облысының жаңалықтары: Құқық