<a href="https://kyzylorda-news.kz/">Kyzylorda-news.kz</a> Қызылорда облысының прокуратурасы биыл алимент өндіру бағытында бірқатар жұмыстар атқарды. Прокуратура органдарымен Әділет департаментіне және Жеке сот орындаушыларының өңірлік палатасына 10 заңдылықтың бұзылуын жою туралы ұсыну енгізілді.Нәтижесімен биыл екі айда 43 жалғыз басты аналардың пайдасына 40 млн теңге алименттен берешек өндірілді, 64 қаскөй борышкер уақытылы алимент төлемегені үшін ӘҚБтК-нің 669-бабымен әкімшілік жауаптылыққа тартылды, 21 жеке сот орындаушы алиментті мәжбүрлеп өндіру кезінде өз міндеттерін тиісінше орындамағаны үшін тәртіптік жауапкершілік көрілді.<blockquote>«Прокуратураның бастамасымен алимент төлеуден жалтарып жүрген 9 қаскөй борышкерге қатысты ҚК-тің 139-бабымен қылмыстық іс тіркелді, оның 4-уі қылмыстық жауаптылыққа, қалғандары бойынша тергеу жүргізілуде.Мысалы, борышкер Н.Н. өндіріп алушы Ж.А-ның пайдасына 2,9 млн теңге алименттен берешегін төлеу үшін жұмыссыз ретінде тіркелмей, өзінің жалдамалы жұмыстардан тапқан табысын жасырып, алимент төлеуден жалтарған.Осыған орай Қармақшы ауданының прокуратурасымен Н.Н-ке қатысты ҚК-тің 139-бабымен қылмыстық іс тіркелді, соттың 06.03.2024ж. үкімімен Н.Н. кінәлі деп танылып, 1 жыл мерзімге бас бостандығынан шектеу жазасы тағайындалды», - делінген Қызылорда облысының прокуратурасының хабарламасында.</blockquote>Сондай-ақ, ағымдағы жылы прокуратураның бастамасымен уәкілетті органдардың қатысуында ведомствоаралық мәжіліс өткізіліп, онда әділет және полиция органдарының, жеке сот орындаушылар өңірлік палатасының басшыларына жүйелі түрде рейдтік іс шаралар жүргізу, бос жұмыс орындарының жәрмеңкесін ұйымдастыру, алимент санатындағы атқарушылық өндірістерді ерекше бақылауға алу, қаскөй борышкерлерді қылмыстық жауаптылыққа тарту жұмыстарын күшейту тапсырылды.Орындалу жағдайын облыс прокуратурасында тоқсан сайын қарау белгіленді. Қазіргі таңда бұл бағыттағы жұмыстар жалғасуда.Фото: freepik

Прокуратура биыл алимент өндіру бағытында бірқатар жұмыстар атқарды

<a href="https://kyzylorda-news.kz/">Kyzylorda-news.kz</a> Жыл өткен сайын аймақтың экономикалық әлеуеті жақсарып, түрлі көрсеткіште көш бастап келеді. Мәселен, биыл облыс әлеуметтік-экономикалық даму және негізгі капиталға инвестиция тарту индексінде алғашқы орынға тұрақтаған. Мұның бәрі мемлекеттік бағдарламалардың тиімді жүзеге асуының нәтижесі екені сөзсіз. Оның ішінде бүгінгі тақырып – қайтарымсыз грант жобасы да Сыр экономикасының негізгі тармағына айналуда.Жеке секторда кәсіпке инвестиция тартудың түрлі жолы бар. Несие алу, баламалы кіріс көзін ұлғайту, серіктес тарту, мемлекет қолдауына жүгіну. Алайда мұның бәрі тиімді көрінгенімен қайтарымы бар. Тек соңғы нұсқада тәуекел аз, табыс мол. Содан болар, кейінгі жылдары мемлекет қаржысына кәсіп бастап, әлеуметтік жоба көмегімен аяққа тұрған азаматтар саны артты. Өткен жылдың өзінде облыстағы 1526 кәсіпкер жалпы сомасы 2 млрд теңгеден астам қайтарымсыз грант алған.Талапта&nbsp;өзгеріс&nbsp;бар&nbsp;ма?Әрине, қайтарымсыз қаржы алу – әр кәсіпкердің қалауы. Десе де өтеусіз ақшаны кез келгенге ұстата салмасы анық. Оның да өзіндік ережесі, қояр талабы жетерлік. Әсіресе, басымдық әлеуметтік осал топтағы азаматтарға берілген. Оның қатарында атаулы әлеуметтік көмек алушылар, көпбалалы отбасы мүшелері, қоныс аударушылар мен қандастар және асыраушысынан айырылған азаматтар бар. Оған қоса мүмкіндігі шектеулі және мүгедектігі бар бала тәрбиелеп отырған адамдар да грантқа үміткер бола алады. Бұл туралы толығырақ Еңбек мобильділігі орталығы басшысының орынбасары Ақерке Жалғасбекқызынан білдік.<blockquote>– Қайтарымсыз грант тыңғылықты тексеріс, комиссия бақылауы арқылы беріледі. Талап бойынша үміткер жұмыссыз әрі жеке кәсіпкер ретінде тіркелгеніне 3 жыл толмауы шарт. Әрине, халықтың әлеуметтік осал тобына жатуы негізгі ереже саналады. Барлық ескертпе орындалса, азаматтар конкурстық негізде 400 АЕК мөлшеріне дейін қаражат ала алады, – дейді ол.</blockquote>Сондай-ақ грант беру конкурсын ұйымдастыру үшін арнайы комиссия құрылады. Комиссия құрамына қоғамдық бірлестік, білім және ғылым мекемесі, БАҚ және атқарушы билік органы мамандары топтасып, бизнес-идеяларды талқылайды.Мақсат маңыздыА.Жалғасбекқызы «Қайтарымсыз грант алу үшін қандай жоба ұтымды?» деген сауалға жоба ережесін сабақтастыра жауап берді. Айтуынша, мемлекет тарапынан берілетін қаражат еңбек құралын, технологиялық жабдықты жасақтауға және мал алу үшін нысаналы мақсатта пайдаланылады.&nbsp;Ескере кететін жайт, гранттар тұтынушылық мақсатқа, акцизделетін өнім өндірісіне, жылжымайтын тұрғын үй мен жер учаскесін сатып алуға берілмейді. Үміткер болсаңыз несие өтеу мен жалдау ақысы үшін де қайтарымсыз грант ала алмайтыныңызды ескеруіңіз керек.Сөзіміз салмақты болу үшін өткен жылы грант алған кәсіп түрлеріне шолу жасайық. Ресми мәліметке сенсек, тамақ өнімін шығару бағытында 255, балық, омарта және бал ара шаруашылығы бағытында 20, тігін өнеркәсібі, қолөнер бұйымдарын шығару бағытында 119, егін және мал шаруашылығы бағытында 646 грант берілген. Сонымен бірге сырбойылықтар құрылыс және тұрмыстық материалдарды өндіру, дәнекерлеу бойынша 143 грант алса, түрлі қызмет көрсету аясында 344 жобаны сәтті қорғаған.Грант арқылы кәсібін дөңгелентуге мүмкіндік алған жерлестер қатарында Нұрлан Смағұлов та бар. Ол өткен жылы жоба аясында бөдене шаруашылығы үшін қаржы алып, кәсібін кеңейткен.<blockquote>– Мемлекет тарапынан көрсетілген қолдаудың арқасында бөдене шаруашылығын жандандырып жатырмыз. Алынған қаржы құс, жем-шөп алу, қоражай жасақтауға жұмсалды. Нәтижесінде сұраныс артып, өнім көлемін ұлғайтуға мүмкіндік туды. Бөдене шаруашылығы – табысты әрі тиімді кәсіп. Сондықтан алдағы уақытта республикалық нарыққа шығып, бизнес ауқымын ұлғайту жоспары бар, – деді кәсіпкер.</blockquote>Кейде тегіннің қадірін түсінбей жататынымыз жасырын емес. Олай дейтініміз, қайтарымсыз грант алған аймақ тұрғындары арасында әр тиынның сұрауы барын ұмытып, қаржыны мақсатсыз жұмсағандар табылған. Өткен жылғы көрсеткішті қорытындылаған сала маманы азаматтарды жауапкершілікке тарту бағытында жұмыс жүргізілетінін айта кетті.<blockquote>– 2023 жылы грант алған азаматтар ішінде 67 тұрғынның қаржыны мақсатсыз пайдаланғаны анықталды. Оларға грант қаржысын бюджетке кері қайтару бағытында ескертпе хат берілді. Нәтижесінде, 5 азамат грант қаржысын кері қайтарса, 10 азаматқа қатысты өндіріп алу туралы сот шешімі шығарылды. Ал 52 азаматтың құжаты сот процесінде қаралуда, – дейді А.Жалғасбекқызы.</blockquote>Жеңілдік жолыКәсіпкерге қолдау тек 400 АЕК көлеміндегі грант емес. Бұдан өзге ұлттық жоба, жеңілдетілген несие бағдарламалары қарқынды жүруде. Әсіресе, «Ауыл аманаты» жобасы аясында қолдау көрген кәсіпкер көп. Мәселен, өткен жылы аталған жоба аясында 342 бизнес-идея қолдау тауып, қаржы алған. Мұны облыстық ауыл шаруашылығы және жер қатынастары басқармасының басшысы Талғат Дүйсебаевтың БАҚ өкілдеріне берген мәліметінен аңғаруға болады.<blockquote>– Барлық елді мекенде «Ауыл аманаты» бағдарламасы туралы түсіндірме жүргізілді. Жоба өңдеу, егін коорперативтерін жабдықтау, мал шаруашылығы және басқа бағыттағы бизнес жобаларға арналған. Өткен жылы 342 жобаның құжаттарын несие комитеті мақұлдады. Ал 142 жоба бойынша қарастырылған несие 18 кооператив пен 124 жеке кәсіпкерге берілді. Осының нәтижесінде 288 жұмыс орны ашылады, – деді басқарма басшысы.</blockquote>Расында, мемлекет қолдауы аймақтағы кәсіпкерлікке жан бітірді. Әсіресе, қайтарымсыз грант арқылы шағын бизнес өкілдерін демеу салаға дем бергенін айта кеткен жөн. Оған дәлел, өткен жылы өңірдегі кәсіпкерлік нысан саны 10 пайызға көбейді. Бұл тұрғыда бизнес саласын қолдау үшін түрлі бағдарламалар арқылы 24 млрд теңге қаралып, 3,5 мыңнан аса жобаға қаржы бөлінген. Осылайша, жұмыспен қамтылған азаматтар саны 125 мыңға жуықтаған болатын.Фото: freepik

Қайтарымсыз грант жобасы Сыр экономикасының негізгі тармағына айналуда

<a href="https://kyzylorda-news.kz/">Kyzylorda-news.kz</a> Саусаң сүт, жесең ет, кисең киім. Көп жағдайда қоймен қосақтап бағып, қосарлап айта салатын бұл түлік заман ауысқан сайын өзінше бір шаруашылық, өзінше үлкен кәсіп көзі бола алатынын дәлелдеп келеді. Ешкі өсірумен айналысушылар біздің өңірде де бар. Солардың бірі – шиелілік кәсіпкер Ботакөз Аркашбаева. Осы кәсібі арқылы жерлесіміз жуырда ғана республикалық «Ару ана» конкурсының жеңімпазы атанып, Президент Қасым-Жомарт Тоқаевтың қолынан марапат алды.Ботакөз 2017 жылдан бері «Оразбек» шаруа қожалығын ашып, бүгінде үйінің қорасында-ақ Австралия мен Еуропа елдерінен шыққан сүт бағытындағы төлдерді жерсіндіріп, көбейтіп отыр. Негізгі мамандығы хореограф болса да, үлкен кәсіпті қолға алып, өз жұмысымен қатар алып жүр.<blockquote>− Мен Қазанғап атындағы Қызылорда музыкалық жоғары колледжін 2010 жылы бітіргенмін. Балабақшада мамандығым бойынша жұмыс жасаймын. Бұл кәсіпті бастауға ең бірінші анам түрткі болды. Ойлана келе әуелі қазақы ешкі сатып алдық. Солардың басын көбейттік. Кейін асылтұқымды ешкілерді зерттедім. Содан қолдағы барлық ешкіні сатып, он шақты асылтұқымды ешкі алдық. Сол уақытта жұрт түсінбеген. «Соншама малға он шақты ғана ешкі алғандарың не?» деп. Бірақ қазір өкінбеймін, − дейді &nbsp;ол.</blockquote>Мемлекеттің қолдауына да ие болған Ботакөз субсидиямен қоса бизнес идеяларды жүзеге асыруға арналған 2 млн теңге қайтарымсыз грант та ұтып алған. Соның негізінде мал басын көбейтіп, сүт өнімдерін өндіруде. Ешкі асыраудың тиімділігі жоғары екенін, кез келген қиындықтың жеңіл жолын табуға болатынын айтады.<blockquote>− Қазір мал басы 100-ден асты. Отбасымызбен бірге жасап жатқан кәсіп болғандықтан ешқандай қиындығы жоқ. Кәсіп бастаған кезде адам бірінші өзіне келетін пайданы емес, жұртқа тигізетін пайданы &nbsp;ойлауы тиіс. Сондай-ақ кәсіпке деген махаббат болу керек. Істеп жатқан дүниеңді жақсы көрсең болғаны. Адамның өзінде ниет, құлшыныс болса, ауыр шаруаның өзін жеңілдетуге болады. Бірақ бұл істе маған ата-анамның қолдауы күшті болды. Сол кісілерден қолдау болмаса жарты жолдан тастап кетуім мүмкін еді. Әрине ешкілерді сырттан әкелгендіктен күтімі ерекше. Дәнді дақылдармен қатар арнайы витаминдерін беріп отырамыз. Сүт бағытында болғандықтан басты тиімділігі сүтінің молдығы әрі майлылығы. 5-6 процентке дейін жетеді. Ағзаға пайдасы жағынан &nbsp;қымыздан артық болмаса кем емес. Дәмінде де айырмашылық жоқ. Ағзаға тез сіңеді, − деді.</blockquote>Кәсіпкер ешкі сүтінен ірімшіктің 4 түрін, құрт, май, брынза, сүзбе жасап сатып отыр. Өнімдерге сұраныс жоғары. Ешкі құртын арнайы Түркияға алдыртатындар да бар көрінеді. Әсіресе, дертіне шипа іздегендер, оның ішінде химия қабылдаған жандар көптеп алады екен. Басынан келіп ішетіндер кездеседі.Қазіргі таңда шаруа қожалығы сүт өнімдерімен бірге &nbsp;ешкі төлін жергілікті тұқымдармен будандастыру жұмыстарымен де айналысады.<blockquote>− Бізде заанен, орыстың ақ ешкі тұқымы, альпілік ешкі мен ағылшын тұқымды ешкілері бар. Жалпы селекция жұмыстарын да қолға алдық. «Таза қан» деп айтады. Бір жылда &nbsp;5-7 аталық ұстасақ, оны жыл сайын ауыстырамыз. Одан шыққан төл таза қанды болады. Қазір біздің ешкілер еліміздің барлық жерінде бар. Басты мақсатымыз – таза экоөнім шығару, − деді кәсіпкер.</blockquote>Алдағы уақытта Ботакөз кәсібінің аясын кеңейтіп, жаңа тұқымды халықаралық сатылымға шығаруды жоспарлап отыр. Сондай-ақ өнімдерін дүкен сөрелеріне шығаруды да қолға алмақ.&nbsp;&nbsp;

Ботакөз Аркашбаева: Басты мақсатымыз – таза экоөнім шығару

<a href="https://kyzylorda-news.kz/">Kyzylorda-news.kz</a>&nbsp; Кеше қалалық мәслихаттың кезекті XVII сессиясы өтті. Сессияға қалалық мәслихат төрағасы И.Құттықожаев төрағалық етті.&nbsp;Сессияға қалалық мәслихат депутаттары, қала әкімі С.Қожаниязов, әкімнің орынбасарлары, қала әкімінің және мәслихат аппаратының басшылары, қоғамдық ұйымдардың төрағалары, құқық қорғау органдары, дербес бөлімдер мен мекеме басшылары, кент және ауылдық округтердің әкімдері, бұқаралық ақпарат құралдарының өкілдері қатысты.Сесияның күн тәртібіне «Қызылорда қаласы мен ауылдық елді мекендерде бұқаралық спортты дамыту және қолдау туралы», «Қызылорда қалалық мәслихатының әлеуметтік сала және қоғамдық қауіпсіздік жөніндегі тұрақты комиссиясының есебі туралы», «Қызылорда қаласының әкімшілік-аумақтық бірлікті басқару схемасын бекіту туралы», «Қызылорда қаласының әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» мәселелер шығарылды.&nbsp;Аталған мәселелерге байланысты, қалалық мәдениет және спорт бөлімінің басшысы Ж.Тажмаханов, қалалық мәслихаттың әлеуметтік сала және қоғамдық қауіпсіздік жөніндегі тұрақты комиссия төрағасы А.Мұсабаева, қала әкімі аппаратының басшысы М.Тасқараев, қалалық жұмыспен қамту және әлеуметтік бағдарламалар бөлімінің басшысы К. Құрақбаева хабарлама жасап, берілген сауалдарға жауап берді.&nbsp;Сессияның күн тәртібіндегі бұқаралық спортты дамыту мәселесіне байланысты, қалалық мәслихат депутаты М.Есжанов хабарлама жасап, қалалық мәслихат тарапынан ұсыныстар берді. Мәселен, қаладағы спорт саласындағы ең басты өзекті мәселенің бірі – қалалық деңгейде дербес спорт ғимаратының жоқтығы. Қазіргі кала әкімдігіне қарайтын Қажымұқан спорт клубы көп қабатты үйдің бірінші қабатында орналасқан, белгілі талаптарға сәйкес келмейді. Ғимарат көп қабатты үйде орналасқандықтан жылу мәселесіне қатысты тұрғындармен келіспеушіліктер орын алып тұрады.Сонымен қатар, Қызылорда қаласында бұқаралық спортты дамытудың тұжырымдамасын әзірлеп, бекіту;&nbsp;- барлық азаматтар, мүгедектігі бар жандар, егде жастағы кісілердің дене шынықтырумен айналысуын қолжетімді ету;- азаматтардың, балалар мен жасөсіпірімдердің тұрғылықты жері бойынша спортпен айналысуына жағдай жасау;&nbsp;- қала көлемінде демеушілік және бюджет есебінен салынған ашық спорт ойын алаңдарын күтіп ұстап, нысанды тиімді пайдалану;&nbsp;- қалаға қарасты кент және ауылдық округтерде спорттық инфрақұрылым жасау,&nbsp;- «Тарлан» спорт кешенінде пара пауэрлифтингтен жаттығып жүрген спортшыларды қолдау мақсатында жаттығу залын жалға алу мәселесін шешуді ұйымдастыру қажет етіледі.&nbsp;Сонымен қатар, сессия барысында Қызылорда қаласының әкімшілік-аумақтық бірлікті басқару схемасына өзгерістер енгізіліп, қалалық дене тәрбиесі, спорт және туризм бөлімі құрылды.&nbsp;Сессия отырысына арнайы қатысқан Қажымұқан Мұңайтпасұлы атындағы спорт клубының директоры халықаралық дәрежедегі спорт шебері Жамал Бозова қаладағы спорт саласындағы өзекті мәселелерді айта келе, қалалық деңгейде спорт ғимаратының қажет екендігін жеткізді.&nbsp;Пayэpлифтингтен халықаралық дәрежедегі спорт шебері, 20 дүpкiн Қaзaқcтaн чемпионы, параолимпиадалық Азия ойындарының қола, күміс жүлдегері, хaлықapaлық тypниpлердің жеңімпазы, Қазақстан Республикасының рекордын жаңартқан, Қазақстан құрама командасының мүшесі Кабира Асқарова «Тарлан» спорт кешенінде пара пауэрлифтингтен жаттығып жүрген спортшыларды қолдау мақсатында жаттығу залын жалға алу мәселесін шешуге қолдау көрсетуді ұсынды.Бұл мәселеге қатысты, облыстық дене шынықтыру, спорт және туризм басқармасы басшысының орынбасары Жігер Айекешов түсіндірме беріп өтті.&nbsp;Сесссияға қатысқан қала әкімі Серік Салауатұлы спорт саласындағы өзекті мәселелерден хабардар екендігін, қалаға дербес спорт ғимаратын шешу бойынша облыс басшысына ұсыныс бергендігін және қалалық спорт бөлімін мәдениет бөлімінен бөле отырып, спорт саласындағы мәселелерді дербес шешуге басшылық ететіндігін жеткізді.&nbsp;Сессия қарауына шығарылған барлық мәселелер жан-жақты қаралып, тиісті шешімдер қабылданды.Фото: freepik

Сессияда бұқаралық спортты дамыту мәселесі талқыланды 

<a href="https://kyzylorda-news.kz/">Kyzylorda-news.kz</a>&nbsp; Бүгінгі біздің жүрекжарды сұхбаттың қонағы – Нартай Бекежанов атындағы&nbsp; облыстық қазақ музыкалық драма театрының актері, Қазақстанның еңбек сіңірген әртісі, «Құрмет» орденінің иегері, Қызылорда қаласының «Құрметті азаматы»&nbsp; Бақытбек Алпысбаев.&nbsp; Еңбегімен ел құрметіне бөленген танымал өнер тарланына жақында ҚР Президентінің өкімімен мәдениет саласындағы Мемлекеттік стипендия табысталды. Бұл жаңалық күллі Сыр бойының өнеріне деген жоғары құрмет деп білдік.&nbsp; Жоғары марапатқа ие болып&nbsp; алты алаштың мақтанына айналған Сырдың даңқын асқақтатқан&nbsp; өнер иесімен сұхбаттасудың сәті түскен еді.– Өзіңіз өмірге келген Сыр өңірі жұртшылығын ақжолтай жаңалы­ғыңызбен қуантып жатсыз. Жоғары марапатты алып жатқанда қандай көңіл-күйде болдыңыз?– Әрине, үлкен толғаныста, тебіреністе болдым. Биыл Құдайға шүкір, ұжымның ұсынысы бойынша мемлекеттік стипен­дияны алып жатырмыз. Сонда да корифейлердің ортасында, ақын-жазушылар, суретшілер, Асанәлі ағамыз, Сәбит Оразбаев бастаған мықты өнер тарландарымен бірге мемлекеттік сыйлық­ты алу үлкен қуаныш, зор мәртебе. Бұл 55 жылдай театр сахнасында жүрген ең­бегімнің жемісі деп ойлаймын. Әлі де Құдай қаласа жүрегіміз соғып тұрса бойымыздағы өнерімізді халыққа беріп, талай кейіпкерді сомдаймыз деген үміт бар. Көрерменсіз театр тұл дегендей көрер­меннің көңілінен шықсақ&nbsp; сол біз үшін үлкен бақыт.&nbsp;– Балалық&nbsp; шаққа саяхат жасасақ. Бала Бақытбек қан­дай болды?– Балалық шақ деп айтып қалдыңыз. Менің шығармашылығым тақпақ оқудан басталған. 1961 жылы Ю. Гагарин атын­дағы мектеп интернатқа қабылданып, 7-сыныптан бастап конферанс болып жүр­дім. Сосын мұғаліміміз марқұм Қырғызбай Алпысбаев пьесалар қойып, сонда ойна­дық. Үнемі тақпақ жаттап жүрдім. Актер болуды 6-7 кластан бастап арман­даған­мын. Мектеп бітіргеннен кейін әкеміз қайтыс болды да, әртүрлі жұмыс істеп, отбасына, анамызға қарау керек болды. Екі жыл жұмыс істегеннен кейін барып 1968 жылы М.Әуезов атындағы театрдың жанындағы екі жылдық студияға түсіп, соны жақсы бағамен бітіріп шығып, бірден Қызылордадағы театрға жұмысқа келдім.– Жүрек толқытқан алғашқы қойы­лымыңыз жайлы айтсаңыз…– Келген бойда бізге алғашқы рөл берді. Марқұм Тынымбек Пірімжанов деген ағамыз ауырып қалып, түсірілім тоқтап тұр екен.&nbsp; Мұхтар Әуезовтің «Айман-Шолпан» спектакліндегі Арыстанның рөлін маған берді. Сонымен біз гастрольге шығып келдік.&nbsp; «Бажалар мен балдыздар» деген спектакльдегі Шәріп Мәрленов деген ақсақалға дублер ғып берген. Премьераға 2-3 күн қалған кезде ол кісі жақын інілері қайтыс болып, рөлін мен ойнадым. Жұбайым боп менен 30 жас үлкен Шолпан Бакирова апамыз ойнады. Ол менің театрдағы дебютім болды.– Өзіңізге бекітілген рөлді сом­дап болғанша тыным таппайтын боларсыз?– «Өнер адамының көңілі қай кезде болсын көктем күніне өте-мөте ұқсас келеді. Көктем бірде шуақты, бірде жауынды, бірде дауылды. Актер кейде сыршыл, кейде жыршыл, кейде жарқын кейде тұйық, кейде мұңды» деген екен театр сыншысы Әшірбек Сығай. Әр рөлді ойнағанда көңілімнен шыққанша дамыл таппаймын. Үйге келгенде де ойымнан шықпай толғатып жүремін.– «Біз періштеміз бе?» пьесасында­ғы Табан атты тергеушінің рөлін сомдап­сыз.&nbsp; Мінез құлқыңызға сай келмейтін рөлді ойнағанда қиналмайсыз ба?– Осы уақытқа дейін 230-дай рөл ойнадым. Мінез құлқымызға сай келетін кейіпкер іздемейміз. Әр рөл өзіңнің ішіңнен шыққан бала сияқты. Бірақ оның етене жақын болатындары бар ғой. Мысалы, «Біз періштеміз бе?» қойылымындағы Табан рөлін ойнадым. Ол – тергеуші. Кейін сол Сәкен Сейфуллиндер ақталған кезде&nbsp; 1953 жылы өзін-өзі атып өлтірген адам. Ол тарихта болған адам. Соның рөлін ойнағанымда театр&nbsp; сыншылары&nbsp; да, Мәскеуден келген Михайл Мишаков деген орыс сыншысы да менің осы Табан рөлімді мақтады.&nbsp; Оған да риза боп, төбем көкке жетті. Осындай тарихи образдарды дайындаған кезде көз майын тауысып, кітап ақтарудан жалыққан емеспін. Қандай құрмет те ерен еңбекпен келеді. Әрине, театр актерлері&nbsp; жан-тәнімен образға кіріп, тер төгіп ойнамаса&nbsp; шебер қойылым болмайды.– Осындай танымал дәрежеге жеткенше сізді өнерге баулыған ұстаз­дарыңыз көп болар…– Сахна саңлағы Қазақстанның еңбек сіңірген артистері Оралбек Әбдімомынов, Тұрысжан Айнақұлов, Қазақстанның халық әртістері Шолпан Бәкірова, Серік Шотықов, Жібек Бағысова секілді майтал­мандардан көп нәрсе үйрендім. Олардан бөлек, Есмұхан Обаев, Төреш Тұңғышбаев, Тастан Өтебаев, Павел Ширшов, Жақып Әбілтаев, Жақып Омаров, Мұрат Ахманов, Тұңғышбай Жаманқұлов, Маман Байсеркеновтермен қызметтес болдым. Актер ретінде өсіп-жетілуіме, әсіресе, Қазақстанның халық әртісі, марқұм Ерғали Оразымбетов, Қазақстанның еңбек сіңірген қайраткері, театрдың көркемдік жеткшісі, режиссер Хұсейн Әмір-Темір өлшеусіз үлес қосты.– Көңіліңізден шыққан рөлдер туралы айта кетсеңіз…– Ең мықты рөлдің бірі өзімнің жа­ныма жақын Иран Ғайыптың&nbsp; «Күшігінен та­ланған» спектакліндегі Ақсақ Темірдің рөлі, Шыңғыс Айтматовтың «Жан пида» романы бойынша жазылған пьесасындағы&nbsp; Әбди Каллистратовтың рөлі, «Еңлік Кебектегі» Жапалдың рөлі. 14 жасар Жапалдың&nbsp;&nbsp; рөлін&nbsp; кішкентай кезімнен 50 жасыма дейін ойнадым. Тағы бір жақсы көріп ойнаған рөлім Кәмиланың 60 жылдығына арнап қойылған Егембер­диеваның «Көресіңді көрмей» деген спектаклі әлі сахнадан түспей келе жатыр. Сонда басты рөлде Кәмила екеуміз ойнаймыз. Кәмила Ақдидардың, мен Өмірсеріктің образын сомдадық.– Жан жарыңыз Кәмила апай екеуіңіз өнер айдынында қатар жүзіп келесіздер. Бақыттысыздар ма?– Адам баласы өмірде екі нәрседен қателеспеу керек. Бірі – жар, екіншісі – ма­мандық таңдаудан. Осы тұрғыдан алғанда мен өзімді&nbsp; бақытты санаймын. Өйткені мамандығым арқылы өмірлік серігімді таптым. Кәмила екеуіміз бүгінде немере сүйіп, отбасы бақытына бөленіп жүрміз.&nbsp; Жұбайымыз екеуміз бақытымызды театр­дан тапқанымызға Аллаға шүкіршілік етеміз.– Шығармашылық еңбегіңіз қанша­лықты бағаланып жүр?– Төккен тердің өтеуі бағаланып жүр.&nbsp; Қалың көрермен де біздің сыншымыз.&nbsp; Олар ылғи өнерімізді қолдап, алғысын жаудырудан жалыққан емес.&nbsp; 1990 жылы Қазақстанның еңбек сіңірген әртісі, 1998 жылы үздік актер атандым. Ширек ғасырға жуық уақыттан бері театрдың қоғамдық жұмысынан қол үзген емеспін. Он бес жылдай кәсіподақ ұйымын басқардым. 2004-2006 жылдар аралығында театрды басқардым. Осы кезде біздің өнер ұжы­мы Қостанай, Астана, Қазан, Алматы қалаларындағы театр фестивальдеріне қаты­сып, олжалы оралдық. Адал қызметім үшін 2005 жылы Президент Жарлығымен «Құрмет» орденін иелендім. Еңбегімді елеп жатқан халқыма ризамын.&nbsp; Еліміздің жоғарғы марапатына лайық болып танылып, Сыр елінің мәртебесін көтерсем арманым жоқ.– Сұхбатыңызға рахмет.&nbsp;&nbsp;

Бақытымды театрдан таптым

<a href="https://kyzylorda-news.kz/">Kyzylorda-news.kz</a>&nbsp; &nbsp;Жыл басындағы жаңалықтың бірі – мораторий мәселесі. Қазақстанда шағын және орта бизнесті дамыту үшін 2020 жылы оларды тексеруге үш жылдық мораторий жарияланды. Оның мерзімі былтыр ұзартылған. Бастапқыда мораторий 2023 жылғы қаңтарда аяқталады деп жоспарланған. Алайда былтыр Мемлекет басшысы оның мерзімін тағы бір жылға ұзартты. Осылайша шағын бизнесті тексеруге мораторий 2024 жылғы 1 қаңтардан бастап аяқталды. Ал кәсіпкерлерді не күтіп тұр? Олардың алаңдауына себеп бар ма?Өңірдегі ахуал қалай?Қала бойынша 30 мыңнан аса шағын және орта кәсіпкерлік тіркелген. Жалпы өңірдегі кәсіпкерлердің жайы қалай болмақ? Бұл сұраққа облыстық кәсіпкерлер палатасының директоры Пірмұхаммед Сыздық жауап берді.– Негізі мораторий мерзімі пандемияға сәйкес келгендіктен «Атамекен» ұлттық палатасы бір жылға создырған болатын. Кә­сіпкерлер құжат­тарын заңға сәйкес­кестендіріп, реттеп ал­сын деген мақсатта уақыт берілген еді. Одан соң тағы бір жылға созылып, биыл аяқталып отыр.Біз заңмен жү­ретін зайырлы мем­лекетпіз. Әр сала талаптарға сай жұ­мыс істеуі керек. Осы мәсе­леге байланысты біз кәсіпкерлермен бірнеше кездесу өткіздік. Оған арнайы тексеруші мемлекеттік органдарды шақырттық. Кез­десу барысында да айтылды, мораторий аяқталысымен кәсіпкерлер нысанына барып, бірден айыппұл салынбайды. Алдын ала ескерту беріледі.Сонымен қатар егер кәсіп иесі өзінің кәсібінде қандай кемшілік барын білгісі келсе, тексеруші орындарға өтініш тастаса болады, сол бойынша тексеру жүргізіліп, жұмыс реттеле береді. Мәселен, төтенше жағдайлар департаментінің мамандарына алдын ала өтініш тастаса, олар барып тексереді. Егер өртке байланысты бір қауіпті жағдай анықталса, дұрыс еместігін айтып, оны жөндеу қажеттігін түсіндіреміз. Осылай алдын алса, мәселені оңтайлы шешуге болады деген ойлар айтылды, – деді палата директоры.Кәсіп иелеріне қатты қысым көрсетілсе…Қазіргі күні әр сала бойынша call-орталықтар жұмыс істеп тұр. Осындай орталық кәсіпкерлерде де бар.– Ескере кететін жайт, егер кәсіпкерлерге тексеруші орган жақтан қатты қысым болып жатса немесе басқа да жағдайларға байланысты республика бойынша 1432 call орталығы бар. Соған хабарласуға болады. Кәсіпкерлер тексеру барысында артық кеткен жерлер болса айтып отыруы керек. Сол кезде біз де өз тарапымыздан тоқтатуға жұмыс істейміз, – деді Пірмұхаммед Сыздық.Палата директорының айтуынша, ай­мақтағы, қаладағы кәсіпкерлер арасында түсіністікпен, ұйымшылдықпен бірлесіп жұмыс істеу деңгейі жоғары.– Кәсіпкерлерге мораторий мерзімі аяқталды деп қорқуға еш негіз жоқ. Жұмыс заң аясында жүргізілсе, оған қауіп төнбейді. Жалпы бизнес құрылымдары өздерінің, тұтынушылардың қауіпсіздіктері үшін заң талаптарын орындағаны дұрыс. Осы орайда барлық кәсіпкерлерді де, тексеруші орган өкілдерін де бізбен тығыз байланыста болып, жұміс істеуге шақырамыз, – деді Пірмұхаммед Сыздық.Кімдер айыппұл төлейді?Бұл сұраққа облыс прокуро­рының аға көмекшісі Бекзат Орынбаев былай деп жауап берді:–&nbsp; Президент Жар­лығына сәйкес 2020 жылғы 1 қаңтардан бастап 2024 жылғы 1 қаңтарға дейін шағын кәсіпкерлік субьектілерін, оның ішінде микрокәсіп­керлік субьектілерін тексерулерді және про­филактикалық бақы­лау­ды барып жүргізу тоқтатылған. Соған орай биыл 1 қаңтардан бастап елі­мізде кәсіпкерлерді негізсіз тексеруге жа­рияланған мораторий мерзімі аяқталды. Енді шағын және орта бизнес өкілдері қауіпсіздік талаптарын сақтамаса, айыппұл төлейді. Сондай-ақ тұтынушыдан шағым түсе қалса, заңмен шара қолдану тәртібі де қарастырылған. Осыған байланысты уәкілетті мемле­кет­тік органдар ҚР кәсіп­керлік кодексіне және қолданыстағы заңна­­маларға сәйкес ша­ғын кәсіпкерлік субьек­тілеріне тек­серулер жүргі­зіле­тін болады. Мемлекет бас­шысы прокуратура орган­дарына бизнес­ті қорғау функциясын жүктеп, мемлекеттік органдардың заңсыз әре­кеттеріне қатысты кәсіп­керлердің шағым­дарын қарау­ды тапсырды. Сондықтан мем­лекеттік органдардың тарапынан заңсыз әрекеттер болған жағдайда прокуратураға жүгінуге болады, – деді Бекзат Орынбаев.Кірістер басқармасының айтары барЖалпы ел экономикасының дамуы, со­ның аясында мемлекет тарапынан кәсіпкер­лікті қолдауға бағытталған кешенді шаралар өз жемісін беруде. Өз кезегінде салық&nbsp; төлеушілердің саны мен олардан түсетін салық көлемі де жыл сайын көбеюде. Тек 2023 жылдың ішінде мемлекеттік бюджет түсімі 95,6 млрд теңгені құрады. Өткен жылдың сәйкесті кезеңімен салыстырғанда түсім 17,6 млрд теңгеге артып отыр.&nbsp; Бүгінгі күнге қаламызда шағын кәсіпкерлік субьектілерінің саны – 38 737, оның ішінде заңды тұлға – 7903, дара кәсіпкер – 30834.Фердоуси Қожабергенов, қала бойын­ша мемлекеттік кірістер басқармасының басшысы:– Мораторийге келетін болсақ, осыдан үш жыл бұрын Президентіміз енгізген шағын және орта бизнесті тексеруге жарияланған мораторий бизнеске көмегін тигізіп, кәсіп­­керлердің пандемия және басқа да әлеу­меттік-экономикалық проблемалардан туын­дайтын шығыны азайды. Шағын және орта бизнес субъектілері өндірген тауар мен көрсеткен қызмет құны 2023 жылы едәуір өсіп, 2022 жылдың тиісті мерзімімен салыстырғанда 123,2 пайызға артып отыр. Мұндай көрсеткіштер кәсіпкерлер мен жергілікті билік өкілдерінің арасындағы тиісті байланыстың нәтижесі деп ойлаймыз, – деді басқарма басшысы.Дегенмен мораторий аяқталды. Қалай болғанда да кәсіпкерлер кез келген уақыт­та тексерулер болатынын күтуі тиіс. Маңыз­дысы – кәсіпкерлер барлық талап пен заңдылыққа сай болып, өздеріне қатысты бизнес-процестердің заң талабына сай жүруін қамтамасыз етулері керек.&nbsp;Бұл да бас­қарма басшысының пікірі.– Өкінішке қарай заңнама талаптарын сақтамай мемлекет алдындағы талаптарын орындауда керітартпа әдіске баратын салық төлеушілер жоқ емес. Ондай жағдайда заң­мен қаралған салықтық бақылау шаралары арқылы салықтан жалтаруға тосқауыл қойылып, салық берешегін мәж­бүрлеп өндіріп алу шаралары қолданылады. Атап айт­сақ, хабарлама қалып­тастырылады, касса және банк шоттары бұғатталады, олар­дың дебиторларына және банк шот­тары­на инкасса­­лық өкім қойылады, мүлкін сату есебі­нен салық берешегі өндіріледі. Салық берешегін борышкердің банк шот­тарынан инкассалық өкім арқылы және олардың дебитор­ларынан 2023 жылы барлығы 1,3 миллиард теңге өнді­рілсе, камералдық бақылау нәтижеле­рі бойынша анықталған бұзушылықтарды жою туралы 4532 салық төлеушіге хабар­лама қалыптастырылып,&nbsp;&nbsp; нәти­жесінде&nbsp; бюджетке 4,6 миллиард теңге&nbsp; өндірілді. Кәсіпкерлікке қолайлы жағ­дай жасау бағытында салықтан жалтарған салық төлеу­шілерді ерте сатыдан анықтау, сотқа мәмілелерін жарамсыз етіп тану бойынша талап-арыздар негізсіз беріл­меуін қадағалауды және адал бизнес субъектілерінің құқықтарын қорғауды көздей отырып, облыстық прокуратура мен «Атамекен» кәсіпкерлік палатасымен бірлескен үшжақты меморандум жасалды. Айта кету керек, қазіргі уақытта салық төлеушілердің көпшілігі адал жұмыс істеуге ынталы. Өйткені бүгінде бизнестің өзі «көлеңкелі бизнеске» қарағанда «ашық» салық төлеуші болудың дұрыс және тиімді екенін анық түсінуде. Сонымен қатар биылдан бастап тек­серістер адам қатысуынсыз қайта белгіле­нетін болды. Елімізде сын-қатерлерді бас­қару автоматтандырылған жүйесі істейтін болады. Оның көмегімен тексерістер тек сын-қатер пайда болғанда, яғни берешек және айыппұл табылғанда немесе салыққа байланысты бұзушылық пайда болғанда ғана белгіленетін болады. Мемлекет бұл арқылы бизнес тексерістерін екі есе төмендетіп, айыппұл санын азайтуды көздеп отыр, – деді Фердоуси Қожабергенов.Иә, биылдан бастап кәсіпкерлер Бауыржан Момышұлының «Тәртіпке бас иеген құл болмайды» деген керемет сөзін жадында ұстап, басты ұстаным етулері керек секілді. Себебі мораторий мерзімі аяқталды, енді&nbsp; тексерістер қайта жанданады. Алайда кәсіпкерлерді бірден жаппай тексеру болмайды. Мораторийдің күші жойылса да кәсіпкерлердің бәріне тексеру қаупі төніп тұрған жоқ. Десе де мамандар айтқандай, әр кәсіпкер кәсібін заң аясында тәртіппен және адал жүргізгені абзал.&nbsp;

Қала кәсіпкерлерін  мораторийден кейін не күтеді?

<a href="https://kyzylorda-news.kz/">Kyzylorda-news.kz</a>&nbsp; Бүгін &nbsp;№36 Ә.Тәжібаев атындағы мектеп-лицей базасында Қызылорда облыстық оқу орталығының ұйымдастыруымен «Оқуға құштар мектеп жобасы-кемел білім-кепілі: пәндер арқылы көркем әдебиетке бағыттау» тақырыбында облыстық оқу-әдістемелік семинар өткізілген болатын.Семинарға Қызылорда облыстық оқу орталығының бөлім меңгерушісі Г.Ақмырзаева, Қызылорда қаласы және барлық аудандардан келген мектеп директорларының оқу ісі жөніндегі орынбасарлары және жаратылыстану бағытындағы пән мұғалімдері қатысты.Педагогтардың басқосуында жаратылыстану пәндеріне көркем әдебиетті кіріктіре оқыту арқылы оқушының пәнді терең түсіну қабілетін дамыту, алған білімін сыныптан тыс жерде, кез келген жағдайда тиімді пайдалана білуін қамтамасыз ету, яғни, функционалдық сауаттылығын арттыру бағытында Сырдария ауданы мұғалімдері сабақ көрсетіп, өздерінің озық педагогикалық іс-тәжірибелерімен бөлісті.– &nbsp;Облыстық деңгейде «Оқуғақұштар &nbsp;мектеп жобасы» мектептерде кеңінен қолданысқа ие. Қазіргі уақытта балалардың зейінің ашуға көптеген жобалар қолға алынуда. Өз кезегінде білім саласындағы орын алған жаңалықтар бала білімін жетілдіруге бағытталады. Осы ретте, аталған &nbsp;семинар негізінде жүзеге асқан іс-шаралар барасында ұстаздар қауымы жан-жақты тәжірибе алмасты деп ойлоаймын, – дейді Қызылорда облыстық оқу орталығының бөлім меңгерушісі Г.Ақмырзаева.Қазіргі таңдағы сабақ үдерісіндегі жаңашыл әдістемелерімен бөліскен ұстаздарға облыстық оқу орталығының сертификаттары табысталды.

Сырдарияда облыстық семинар өткізілді

<a href="https://kyzylorda-news.kz/">Kyzylorda-news.kz</a>&nbsp; &nbsp;Қашанда ескірмейтін, өміршеңдігін жоймайтын мамандықтардың бірі – есепші мамандығы болып саналады.&nbsp;Өйткені қай кезде де есеп-қисаппен жасалатын жұмыс кенжелеп қалған емес. Қазіргі таңда Сырдария аудандық ауруханасында есепші болып жұмыс жасайтын білікті маман – Мейрамкүл Алдабергенова өз ісінің шебері. 41 жыл медицина саласында еңбек еткен жанмен дидарласудың сәті түскен болатын.Кейіпкеріміз Тереңөзек кентінде 1966 жылы дүниеге келген. Жүзінен мейірім шуағы төгіліп тұратын Мейрамкүл Сермағанбетқызы сол кездегі А.Жданов атындағы №36 орта мектебінің табалдырығын аттап, ұлағатты ұстаздардан білім алып шығады. Оның алғашқы еңбек жолы аудандық ауруханада хатшы қызметінен басталады. Кейіннен сала маманы Қызылорда қаласындағы совхоз техникумында есеп және аудит мамандығын меңгереді. Білімін одан әрі жетілдіру үшін «Болашақ» университетінің түлегі атанады. Білікті маман хатшылық қызметтен кейін тіркеу бөлімінде, кадр бөлімінің инспекторы, есепші ретінде тәжірибе жинақтайды. Тәжірибелі маманның қызметтік міндеті орасан. Есеп-қисапқа епті маман қателесуге жол бермеуі керектігін еш уақытта естен шығарған емес.– Әріптесім жайлы сөз қозғағанда оның қызметіне деген адалдығын ерекше атап өткім келеді. Мейрамкүл өзінің сабырлы да салмақты мінезімен көптің көңілінен шыққан маман. «Жүзі игіден түңілме» демекші, әркез жайсаң мінезімен, қажыр-қайратымен дараланып тұрады. Ең басты қасиеті – қарапайымдылығы, – дейді әріптесі Айнұр Сағатбаева.Мейрамкүл Сермағанбетқызы қызметте абыройлы, тәжірибелі маман болса, берекелі шаңырағында сүйікті жар, аяулы ана. 1994 жылы тереңөзектік азамат Сапиян Оспановпен отау құрып, үш баланың анасы атанды. Бір саланың пұшпағын илеп жүрген ерлі-зайыпты қызмет жолында танысып, үлкен өмірге қадам басады. Өмірлік серігі Сапиян Оспанов та аудандық ауруханада бас есепші қызметін атқарған.– Әр саланың өз қызығы мен қиыншылығы болады. Біздің мамандық ең бірінші адалдықты, мұқият болуды талап етеді. Және де қателікті кешірмейді. Бүгінде аудандық ауруханада жалақы жөнінен 3 есепші жұмыс жасаймыз. Ертеректе айлықты қолдап есептейтінбіз, қазіргі таңда барлығын арнайы бағдарлама көмегімен істейміз. Кейде айлық аударымдарында түсінбеушіліктер болып тұрады. Сол сәтте әріптестерге сабырлылықпен түсіндіруге тырысамыз. Осы салада жүріп мамандығыммен қатар, өмірлік серігімді адаспай жолықтырдым деп айта аламын, – дейді өз ісінің маманы.Мейрамкүл Сермағанбетова бүгінде адалдық пен сабырлылықты өмірлік ұстанымына айналдырған.

Мейрамкүл Сермағанбетова: Әр саланың өз қызығы мен қиыншылығы болады

&nbsp; <a href="https://kyzylorda-news.kz/">Kyzylorda-news.kz</a> Жанкелді Ойшыұлы Ысқақ. Бұл есім сырбойылықтарға етене таныс &nbsp;екені мәлім. Құрметті, қадірлі һәм ардақты да айбарлы азаматты үлкен-кіші қажырлы еңбегі мен жақсы істері, туралықты ту еткен толымды тірліктері және де байырқалы бастамаларының жүйелі жұмыстармен ұштасып, игілікке үндейтіні үшін үлгі-өнеге етіп келеді. Алғысын жаудырған, ақ ниетін ақтарған сол көпшіліктің ұсынысымен біз де қолға қалам алып, жақсының жақсылығын айтуды жөн көрдік.Дана халқымыз мұндайда «Жақсыдан – шарапат» дейді емес пе... Оның үстіне абырой биігіндегі аға туралы қалам тербеу іні ретіндегі асыл парызымыз әрі біз үшін зор мақтаныш саналады. Мақтаныш деп айтуға толық негіз бар. Себебі, Жанкелді Ойшыұлымен бүгінде жаңақорғандықтар да, жалағаштықтар да, сырдариялықтар да мақтанады. Дұрысы, мақтан тұтады деген дұрыс болар!«Менің балалық шағым Жаңақорған мен Жалағашта өтті. Жаңақорғанда туып-өскеніммен Жалағаш ауданындағы №31 мектепте білім алып, алтын ұя мектепті ойдағыдай бітіріп шыққан болатынмын. Кейін Жамбыл гидромелиорация құрылыс институтында, Қазақ құқықтану және халықаралық қатынастар институтында және М.Әуезов атындағы Оңтүстік Қазақстан мемлекеттік университетінде білім алған болатынмын. Мамандығым инженер-құрылысшы, экономист-менеджер, мұнай-газ ісінің бакалавры және техникалық ғылымдарының магистрі екенімді айта кетейін. Алматы зооветеринарлық институтының басқарушы кадрлар дайындайтын бөлімінде де білім алдым» депті өткен күндеріне көз жүгірткен Жанкелді аға мерзімді баспасөзге берген бір сұхбатында.Иә, Жаңақорған мен Жалағаш ауданы – кейіпкеріміз үшін қай кезде де ыстық, қасиетті, қастерлі. Бірақ әркім өз жақсысын өзіне тартады емес пе! Осы ретте сырдариялықтар да Жанкелді Ойшыұлын біздің ауданның түлегі деп айтады. Оған себеп – ағамыз азамат болып қалыптасу кезеңін, өмірінің ең қымбат сәттерін, жалынды жастық шағын біздің ауданда өткізген екен. Нақтырақ айтар болсақ, еңбек жолын Сырдария ауданына қарасты Қараөзек совхозында құрылыс шебері болып бастаған болатын. Мұнан соң 1988-1990 жылдары Тереңөзек ауданының агроөнеркәсіп бірлестігінің бас маманы, құрылыс кооперативінің басшысы ретінде еселі еңбек еткен. Жауапты жұмысты жүйелі ұйымдастырып, тиянақтылығымен танылған азамат кейін сатылап өсіп, облыстық деңгейдегі қызметтерді абыроймен атқарды. Халықтың аманатын арқалаған азамат әлі де аттан түскен жоқ, ел игілігі үшін жұмыс істеп келеді. Осы орайда тамыры терең, тарихы кенен Сырдария ауданынан түлеп ұшқан, осы елдің бата-тілегімен өсіп-өркендеген азаматты сырдариялық деп айтуға негіз бар. Әрине, жақсы азаматты біздің жерлес деп меншіктеп айтқанымызбен, бүгінде Жанкелді Ойшыұлы – сырбойылықтарға ортақ тұлға. Аймаққа белгілі айбарлы азамат. Елдікті ту еткен ел ағасы. Ал, Сыр өңірінің ғана емес еліміздің тарихында өзіндік орны бар мемлекет және қоғам қайраткері Еркін Әуелбековтен оң баға алуының өзі бөлек тарих екені даусыз.«Еркін Нұржанұлының қатысуымен өткен бір жиында құрылыс шебері ретінде баяндама оқыдым. Жиналыстан кейін қабілет-қарымымды байқаса керек-ті, прораб қызметіне ауысуыма пәрмен берді. Міне, ол кісінің осындай қамқорлығын көрдім» деп еді Жанкелді аға бізге бір сапарда. Сол сапардан кейін ағаға құрметіміз бұрынғыдан да арта түсті. Еркін Әуелбековтей дара тұлғадан оң баға алу жалынды жастың жолын ашты. Тереңөзектегі құрылыс кооперативінің басшысы қызметінен кейін 1990-1994 жылдары облыстық ауылшаруашылығы басқармасының құрылыс бөлімінің бас маманы, басшысы қызметтерін атқарды. Сондай-ақ 1994-1996 жылдары «Гауһар» КЖК директорының орынбасары, 1996-2001 жылдары «ОSТ» ЖШС директоры ретінде елдік істерге араласып, бастамашыл, іскер, мақсатшыл қабілет-қарымымен көпке танылды. 2001 жылы «Қызылорда аз тонналық мұнай өңдеу зауыты» ЖШС негізін қалап, өңірдегі өнім өндіретін бірегей кешенге айналдырды. Жаңа жұмыс орындарының ашылуына, кәсіпкерлік көкжиегінің кеңеюіне ұйытқы болды.Жанкелді Ойшыұлының депутат ретінде атқарған жұмысы нәтижелі. Мәселен, аққұмдықтар облыстық мәслихат депутатына дән риза. Аққұм елді мекенінде балалар білім алатын мектеп бой көтерді, медициналық бекет те ел игілігі үшін пайдалануға берілді. Автокөлік жолы салынды. Осындай жұмыстардың басы-қасында жергілікті атқарушы орган басшыларымен бірге Жанкелді Ысқақов ағамыз жүрді. Оның бағасын халық біледі. Лайықты бағалап, көзкөргендер әркез айтып отырады. Айта берсе, бұдан өзге де өміршең іс­тері көп. Со­ның бірі – шаруа қожа­лықтардың қыс­­тауына күн сәуле­сінен электр қуат алатын панельдер орнатуға бастамашыл болғаны. Мен азаматтың тағы бір айшықты ісіне тереңірек тоқталғым келеді....Былтыр Аманжол Сақыпұлы бастап Жаңақорған ауданына жұмыс сапарымен бардық. Әкімдіктегі ресми кездесулерден соң аудандық газет редакциясын аралап, әріптестерімізбен пікірлестік. Жанымда Жалағаш аудандық «Жалағаш жаршысы» газетінің бас редакторы Кенжетай Қайрақбаев та бар. Түскі ас уақытында Кенжетайға ұсыныс, жаңақорғандық журналист Мақпал Пәтеноваға бұйымтайымды айттым. Ол бұйымтай – Қазақстан Жазушылар одағының мүшесі, өзі өмірден өтсе де өлеңдері халық жадында сақталып қалған Адырбек Сопыбековтің қарашаңырағына барып, ақынның жары Шәрипа әжеге сәлем беру еді. Кенжетай қолдап, Мақпал қоштап, Жаңақорған аудандық «Жаңақорған тынысы» газетінің бас редакторы Баян Үсейінованың көлігімен ардақты ақынның қарашаңырағына табан тіредік. Бүгінде ел анасы атанған Шәрипа әже бізді жылы шыраймен қарсы алды. Жүздесуде ақынның өлеңдерін оқып, шығармашылығы жөнінде ой бөлісіп, жарыққа шыққан кітаптарымен таныстық. Естелік суретке түстік. Сондай-ақ ақынның жары деген аяулы атқа кір шалдырмаған ағеден көңілді, аппақ ниетті Шәрипа әжеміздің ақ батасын алдық. Сонда Шәрипа әжеміздің «Бәріне шүкіршілік етемін. Адырбектей ардақты азаматқа жар болдым. Бақыттымын. Айналайын, айтарсың, жазарсың, мен мына өмірде екі азаматқа шын ризамын. Бірі – Жанкелді Ойшыұлы, екіншісі – Руслан Рүстемұлы. Алла абыройларын арттырсын, қай тарапта, қай талапта жүрсе де аман жүрсін» деп тебіренгені есімде.Ақ жаулықты ананың тебіренетіндей реті де бар еді. Өйткені екі азаматтың бірлесе, біріге жүзеге асыруымен «Адырбек» кітабы 1000 данамен жарық көрді, сондай-ақ облыс әкімдігінің қолдауымен ақынның есімі аудандық кітапханаға берілді. Бұл – ақынға қойылған ескерткіш, мәңгі өшпейтін, құндылығын жоймайтын тарихи еңбек! Ал, оның түпкі бастауында рухы биік руханиятшыл азаматтардың тұрғаны біз үшін үлгі-өнеге…Жалпы жаны жайсаң Жанкелді ағамыздың еңбегі мен жақсы істері жөнінде көлемді етіп жаза беруге болады. Біз тек бірқатар еңбегіне ғана шолу жасадық. Бірақ оның барлығы бізге дейін де жазылды, бізден кейін де жазылатыны анық. Ең бастысы, ер еңбегін ел-халық біледі, жұртшылық жоғары бағалайды. Азамат үшін одан асқан бақыт жоқ шығар. Мен бүгінгі ой-пікірімді Жанкелді ағамыздың түйінді сөзімен қорытындылағым келеді. Бұл сөздер әрбір перзенттің әнұраны да, жанұраны да болатындай салмақты сөздер.«Өмірдегі ұстазым, үлгі тұтар тұлғам – әкем. Әкем білікті маман ретінде Жаңақорған, Шиелі, Қармақшы, Жалағаш және Қызылорда қаласында қажырлы еңбек етті. Негізгі мамандығы – инженер-механик болатын. Менің қызмет жолымда бағыт-бағдар көрсеткен ұстаздарым да аз болмады. Бірақ әкемнің жүріп өткен өмір жолы мен үшін үлкен сабақ болды».Шіркін, әр перзент ата-анасын Жанкелді ағамыздай құрметтеп, қадір тұтса, құндылықтарымыз құлдырамас еді. «Ер-азаматтың абыройының өлшемі – еңбегі, жақсы істері» дейтін болсақ, Жанкелді Ойшыұлының абыройы асқақ, беделі биік.&nbsp;

Сырдарияның іскер азаматы 

<a href="https://kyzylorda-news.kz/">Kyzylorda-news.kz</a> Жалағаш ауданындағы төтенше жағдайлар бөлімі мен №11 өрт сөндіру бөлімі тұрғындардың қауіпсіздігін қамтамасыз етуде уақытпен санаспай еңбек етіп келеді. Кешегі ауданға жасаған сапарымызда бөлімдердің күн тәртібімен, тыныс-тіршілігімен және өрт сөндіру автокөліктері мен өрт сөндіру жарақтары, өрт сөндірушілердің арнайы киімдерімен таныстық. Сондай-ақ бөлімдегі барлық өрт-техникалық құралдармен қалай және қандай жағдайда жұмыс жасайтыны жайында ақпаратқа қанықтық. Ауданның төтенше жағдайлар бөлімі құтқарушылары қарлы боранда да, қатты желде де, аптап ыстықта да, жалпы кез келген жағдайда тұрғындарға әрқашан көмектесуге дайын екеніне тағы мәрте көз жеткіздік. Жауапты да күрделі мамандық иелерінің жұмысы туралы Жалағаш аудандық төтенше жағдайлар бөлімі бастығы, азаматтық қорғау подполковнигі Еркін Назарқұлов сұхбат берді.– Еркін Есетұлы, аудан тұрғындарының қауіпсіздігін қамтамасыз ету мен қауіптің алдын алу бойынша өз тараптарыңыздан қандай жұмыстар атқарылуда?– Мен 2023 жылдың 5 қазанынан бастап Жалағаш ауданы төтенше жағдайлар бөлімі бастығының лауазымына тағайындалдым. Жалпы аудан гарнизонының штат бойынша қырыққа жуық қызметкер бар. Оның ішінде төтенше жағдайлар бөлімінде 4, №11 өрт сөндіру бөлімінде 35 қызметкер жұмыс істейді.&nbsp;Былтыр 9 айда Жалағаш ауданы аумағында 41 төтенше жағдай тіркелді. Оның 39-ы техногенді төтенше жағдай болса, 2-еуі – табиғи төтенше жағдай. Жыл басынан бері төтенше жағдайдың алдын алу мақсатында жоспарлы 3 рет комиссия отырысы өткізілді. Онда 10 өзекті мәселе қаралып, 32 жауапты тұлғаға тапсырмалар берілді. Нақтырақ тоқталсам, қыс, көктем мезгілінде аудан аумағына қарасты Сырдария өзені мен Қараөзек арнасы арқылы келетін мол суды қауіпсіз өткізу және су тасқынының алдын алу жұмыстары, Конго-Қырым геморрагиялық қызбасының алдын алуға байланысты дәрілеу-залалсыздандыру жұмыстары, мемлекеттік орман қоры алқаптарында өрттің алдын алу және болдырмау мақсатында профилактикалық жұмыстар пысықталды. Сондай-ақ жаз мезгілінде суға шомылу маусымында су айдындарындағы қауіпсіздік шаралары, жылу беру маусымында білім, денсаулық және әлеуметтік нысандардың дайындық жұмыстары, аудан аумағында жеке тұрғын үй секторларында өрт қауіпсіздігінің ереже талаптарын сақтау мен көмірқышқыл газынан улану фактілерінің алдын алу, аудан көлеміндегі егін жинау науқаны кезіндегі өрт қауіпсіздігін қамтамасыз ету, төтенше жағдайлар қаупі туындаған уақытта аудан халқын хабардар ету мақсатында құлақтандыру жүйесінің жай-күйі және т.б. мәселелер туралы тапсырмалар берілді.– Бөлім қызметкерлері тек апатты оқиға орын алған жағдайда ғана әрекет етіп қоймай, күнделікті өмірде де жұмыстарыңыз қауырт болар, сол туралы айтып берсеңіз...– Біздің бөлімнің қызметі ең алдымен төтенше жағдайлардың алдын алуға және болдырмауға бағытталған. Мысалы, жарнамалық іс-шаралар, акциялар, флешмобтар, бұқаралық ақпарат құралдарына шығу сияқты шаруалар жетерлік. Қазір жылу маусымы басталды, жеке үйлер мен ғимараттар көгілдір отынға қосылған. Қыс мезгілінде пеш, газ құрылғыларынан шыққан ақаулардан жиі оқыс оқиға орын алып жатады. Ал біздің мамандар барлығын алдын ала болжауға міндетті. Егер қытымыр қыста немесе боранда біреу жолда қиындыққа тап болса, біз көмектесуге бар күшімізді саламыз. Көктем басталса, су тасқынының алдын алу мақсатында тағы да үгіт-насихат жұмыстарын жүргізіп, тұрғындарға арықтарды тазалап, аулаларындағы қарды уақытында шығаруды ескертеміз.&nbsp;Соңғы уақытта әлемде орман өрті өршіп тұр. Сол себепті өрт қаупі бар аумақтарды қатаң бақылауға алып, қураған ағаштар мен былтырғы шөптерді, тағы басқа осы секілді дүниелерді жою қажет екенін еске саламыз. Сонымен қатар біз орман шаруашылығы мамандарымен де белсенді түрде бірге жұмыс істейміз. Жазда егіс алқаптарында өрт қаупі төніп жатады. Мұндай күтпеген жағдайларды алдын ала болжап, дер кезінде ауыздықтап, тез арада жоюымыз керек. Қорыта айтқанда, біздің жұмысымыз жылдың төрт мезгілінде де қызу қайнап жатады.– Өңірде өрттер жиі тіркеле ме? Өртке қарсы қандай жұмыстар атқарылуда?– 2023 жылы 9 айда аудан бойынша 38 өрт оқиғасы есепке алынды. Тіркелген өрттерді талдау барысында өрт объектілері 4 есеге көбейген, автокөліктерде 6, тұрғын үй секторларында 19 өрт орын алып, былтырмен салыстырғанда 13 пайызға азайды. Биыл орман өртіне байланысты 7 оқиға тіркелді. Өкінішке орай биыл 1 аудан азаматы өрттен қаза болды, өрттен жарақат алғандар тіркелмеді.&nbsp;Өрттің шығу себептеріне келсек, жылыту пеші мен электр желілерінің ақауынан, газ плита үстінде дайындап жатқан асты бақылаусыз қалдырудан, отпен абайсыз болудан, өшірілмеген темекі тұқылын тастауынан орын алып жатады. Осы орайда қатаң шаралар қаралып, өрт оқиғасына себеп болған 40 тұлғаға ҚР Әкімшілік құқық бұзушылык туралы кодексіне сәйкес әкімшілік іс қозғалды. Прокуратураның қаулысына сәйкес тағайындалған тексеру нәтижелері бойынша 3 шара, яғни «Орман және жануарлар дүниесін қорғау» мемлекеттік мекемесі басшысына лауазымды тұлға ретінде 86 250 теңге айыппұл салынды, сондай-ақ аудандық ауруханаға және «Ақтерек» сауықтыру лагеріне заңды тұлға ретінде «ескерту» шаралары көрілді. Қалған өрт немесе өртке жатпайтын жану оқиғалары бойынша 36 ескерту шарасы қаралды. Биыл да түсіндірме жұмыстарын жалғастырып жатырмыз. Мұның бәрі қауіптің алдын алуда маңызды рөл атқарады. Сондықтан біз осындай профилактикалық шараларға басымдық береміз.&nbsp;– Түрлі апаттық жағдайлар &nbsp;орын алғанда халық соған дайын болу үшін аудан бойынша қандай оқу-жаттығу жұмыстары жүргізілуде?– Төтенше жағдайлардың алдын алу мақсатында аудан бойынша бірқатар іс-шара жүзеге асырылуда. Мәселен, аудандық «Жалағаш жаршысы» газетіне 25 мақала, атап айтқанда, мұздағы қауіпсіздік 5, суға шомылу маусымы бойынша 20 мақала жарияланды, әлі де жариялануда. 4 рет бейнетүсірілім жасалды, әлеуметтік желілерге орналастырылды. Облыстық төтенше жағдайлар департаментінің әлеуметтік желісінде және ауданның «Facebook», «Instagram» парақшаларында 189 мақала жарық көрді. Сондай-ақ дауыс күшейткіш арқылы халыққа өрт, судағы қауіпсіздік және төтенше жағдайдың алдын алу мақсатында 384 рет түсіндірме ақпарат оқылды. Сонымен қатар №11 өрт сөндіру бөлімшесімен кезекшіліктен тыс жеке құрамымен әр аптаның сенбі күндері жеке тұрғын секторда 6 128 тұрғын үйдің 29 483 тұрғынына түсіндіру жұмыстары жүргізілді. Мұнан бөлек аудан бойынша азаматтық қорғау оқу-жаттығулар жоспарына сәйкес биыл 91 оқу-жаттығу өткізілді.– &nbsp;Өрт сөндіруші қызметкерлерінің өртті ауыздықтауы үшін қажет өртке қарсы су көздерінің, яғни өрт гидранттарының жағдайы қалай, бақылауда ма?– Иә, апат айтып келмейді, біз бәріне дайын болуымыз керек. Ауданда барлығы 704, кентте 163 өрт гидранты орналасқан. Бүгінде барлығы жарамды күйде, толық бақылауымызда.&nbsp;Бізде электронды карта да бар, яғни бір жерде өрт оқиғасы орын алса, соған жақын қай маңда өрт гидранты бар, соны анықтап береді. Бұл бір жағынан орын алған өртті дер кезінде ауыздықтауға мүмкіндік береді.&nbsp;– Аудан орталығынан шалғай елді мекендерді өрттен қорғау мақсатында және орман, дала өрттері бойынша жергілікті атқарушы органдармен атқарылған жұмыстар бойынша кеңінен тоқталсаңыз...– Аудан көлемінде мемлекеттік орман қоры 769 482 гектарды құрайды. Жалпы аудандық орман және жануарлар дүниесін қорғау жөніндегі мемлекеттік мекеменің 2023 жылға жоспарланған 660 шақырым ескі минералды жолақтары толық жаңартылды. Сондай-ақ биыл аудандық орман және жануарлар дүниесін қорғау мемлекеттік мекемесіне 1 АЦ-5-40 Урал маркалы өрт сөндіру автокөлігі алынды. Орман қоры аумағында жергілікті атқарушы органдары мен аудандық полиция бөлімінің учаскелік инспекторлары бірлесіп, күнделікті рейдтік іс-шаралар жүргізілуде. Сонымен қатар Қаракеткен, Бұқарбай батыр ауылдық округінен өрт сөндіру бекеттері ашылды.– Төтенше жағдай кезінде әлеуметтік маңызы бар нысандармен, мәселен, денсаулық сақтау және білім беру салаларындағы ұйымдармен қалай бірге әрекет етесіздер?– Біз аудандағы барлық әлеуметтік маңызы бар нысандармен, оның ішінде білім беру, медициналық, балабақша, халыққа қызмет көрсету мекемелерімен тығыз байланыста боламыз. Бұл мәселе аталған мекемелерді тексеру кезінде талқыланады. Өрт кезінде түрлі қызметкерлер өзін қалай ұстауы керек, яғни жұмысты тоқтату, өздерінің қауіпсіздігін қамтамасыз ету және шұғыл түрде іс-әрекеттерді орындау, мұның бәрі жаттығулар кезінде алдын ала пысықталады. Білім беру орындарына келсек, балабақшалар мен мектеп мұғалімдеріне және балаларға қауіп төнген жағдайда қалай әрекет ету керектігі нұсқауда көрсетілген. Жазда апаттық баспалдақты қалай пайдалану және түтін болған кезде балаларды көшеге шығару сынды жұмыстарды көрсетеміз.Біз климатты ескере отырып, қыста балалар қалай эвакуацияланатынын да зерделейміз. Осының барлығын төтенше жағдайлар кезінде алдын ала үйретеміз, ол үшін жылдың кез келген мезгіліне қарамастан қызметкерлермен кездесулер, тәжірибелік жаттығулар ұйымдастырылады. Сондықтан қызметкерлерді үй-жайдан шұғыл эвакуациялау үшін әрқашан үйретіп отыру керек.Әріптестерім қандай қиыншылыққа тап келсе де, өз ісін абыроймен атқаруға бар ынтасымен кірісуде. Қандай қайғылы, қасіретті оқиға болсын бар күш-жігерін салып, құтқару жұмыстарын жүргізіп жүрген құтқарушылардың еңбегі ерен. Әріптестерімнің үлкен еңбегі құтқарған адамдардың алғысымен бағаланып, тәуелсіз Қазақстанның гүлденуіне сеп болады деп сенемін.– Сұхбатыңызға рахмет!

Еркін Назарқұлов: Апат айтып келмейді

<a href="https://kyzylorda-news.kz/">Kyzylorda-news.kz</a> Бұл жайында <a href="https://inbusiness.kz/kz/last/resejde-zhasalgan-kyrgyn-ushin-lankesterge-kansha-tolengeni-belgili-boldy">inbusiness.kz</a> сайтына сілтеме жасап, Kyzylorda news ақпарат агенттігі хабарлайды.Бұған дейін лаңкестердің бірі Шамсидин Фаридуни шабуыл үшін&nbsp;500 мың рубль (2,4 миллион теңге) уәде етілгенін&nbsp;айтқан. Көбі әрқайсысына 500 мың рубль төленген деп оның сөзін қате түсінген.&nbsp;Шабуылға қатысқан екі лаңкес Түркияға барған кезде нұсқау алған болуы мүмкін.&nbsp;<blockquote>"Бұл классикалық мағынада террористердің, фанаттардың қараусыз қалған ұясы емес еді, керісінше, олар 2-3 аптаның ішінде бұл фанаттарға айналды. Барлығын қашықтан басқаруға болады. Бұл кездейсоқ таңдалған "ақылды және сыни ойлау деңгейі өте төмен орындаушылар. Бұл жұмысқа алудың және психологиялық қысымның алуан әдістерін жетік меңгерген олардың кураторларына такси жүргізушілері мен шаштараздарды террорист етуге мүмкіндік берді", - деп түсіндірді "Известия" газетіне терроризмге қарсы қауіпсіздік саласындағы маман.</blockquote>Фото: Dzen.ru

Ресейде жасалған қырғын үшін лаңкестерге қанша төленгені белгілі болды

<a href="https://kyzylorda-news.kz/">Kyzylorda-news.kz</a> Жас ұрпақтың тәрбиесі балабақшадан басталады.&nbsp;Біздің өңірде де баланы жастай жақсыға үйретіп, мектепке дайындайтын орталықтар бар. Солардың бірі – Байқоңыр қаласындағы&nbsp; «Бал балапан» бөбекжай балабақшасы. Ерте тұрып жұмысына асығатын ата-аналар үшін Байқоңырдағы бөбекжайдың пайдасы орасан болып тұр. Себебі бұл жақта қазақ тілді балабақшаға деген сұраныс жылдан-жылға артып келеді.Балабақша сенімгерлік басқару негізінде ашылған. О баста мектеп ғимараты болған нысан Ресей үкіметінің баланысында еді,&nbsp; Қазақстанның меншігіне өткен соң тендерге түседі. Балабақшаның құрылтайшысы Индира Кеңшілікқызы 2018 жылы №277 мектепті өзінің сенімгерлік басқаруына алады. Кәсіпкер ғимаратқа толық жөндеу жұмыстарын жүргізіп, балабақша ашуды жөн санайды. Талапқа сай тәрбие, білім беруге жағдай жасалған білім ошағы 280 балаға арналған.<blockquote>Мен алған кездегі мектептің жағдайы өте нашар болды. Ресей үкіметінен Қазақстанға өткізгенге дейін 3 жыл тұрып қалған. Бүкіл жылу мен су құбырлары жарылған, қабырға сылағы түскен. Қаражат болмаған соң, үйімді банкке кепілге қойып, несие алып, жұмысшы бригада жалдадым.&nbsp; Бірінші қабатын түгел күрделі жөндеуден өткіздім. Аулаға балалар ойнайтын алаң, беседкалар жасалды. Қазір 7 топта&nbsp; 150 бала бар, − дейді балабақша құрылтайшысы.</blockquote>Еңбек жолын мұғалім болудан бастаған Индира Кеңшілікқызы кәсіпкерлік саласына&nbsp; өзінің жүрек қалауымен келген. Бизнес ашудың оңай емес екенін білсе де, біліктілігі мен білімін бала тәрбиесіне арнауды жөн санайды. Оның айтуынша, кәсіп бастағанда бірден&nbsp; пайдаға емес&nbsp; нәтижеге, сапаға жұмыс жасау керек.<blockquote>Балабақша ашпас бұрын 3 жыл іздендім. Соның өзінде түрлі қиындықтар болды. Бірақ берілмеуге тырыстым. Өйткені бұл істі жүрегім қалады. Өзімнің бойымдағы Алла берген талантты ел болашағына жұмсағым келді, пайда көру мақсат емес, жұмыс істесем деген құлшыныс болды. Меніңше, жұмыстың тең жартысы осы құлшыныстың арқасында іске асады. Әрине, кемшіліктер, қателіктер болады. Бірақ сол қателіктерден сабақ алып, әрі қарай жылжу қажет, − дейді ол.</blockquote>Балабақша ашу тек ғимаратты жөндеуден өткізуден ғана тұрмайтынын ескерсек, жаңа ортаға бала, оларға тәлім-тәрбие беретін білікті команда жинақтаудың өзі үлкен еңбекті талап етеді. Бұл тұрғыда&nbsp; кәсіпкер өзінің тәжірибесі мен сенімділігінің арқасында мықты&nbsp; ұжым&nbsp; құрғанын&nbsp; баса айтады.<blockquote>&nbsp;Бұл бизнестегі басты жетістігім – менің командам. Кадр таңдау жағы қиын болды. Өйткені бала тәрбиесі атүсті қарайтын дүние емес. Әр балаға қазақы тәрбие беріп, оларға мейіріммен қарап, елін, жерін сүюге тәрбиелеу кез келген адамның қолынан келе бермейді. Оған қоса Байқоңыр Ресей үкіметіне жалға берілгендіктен ресейлік балабақшалармен бәсекелес болу да оңай шаруа болмады. Соған сәйкес нарықты, халықтың әл-ауқатын зерттедім. Бала жинақтау барысында көшелерге жарнамалар жапсырып, әлеуметтік желілерден тараттық. Нәтиже жаман емес. Бізге сеніп ата-аналар балаларын әкелді. Бұл саладағы ең басты жетістік – ата-ана сенімі, − дейді Индира Кеңшілікқызы.</blockquote>Бүгінде кәсіпкер 30 қызметкерді жұмыспен қамтыған. Мемлекет тарапынан да түрлі қолдау алуда. Мәселен, 2018 жылы 1 млн 500 мың теңге көлемінде қайтарымсыз грант ұтса, қазіргі уақытта субсидия алып отыр. Балабақша жабдықтармен толық қамтылған. Баланың дамуы үшін логопед, музыка, табиғат, ертегілер елі кабинеттері, спорт, хореография залы жұмыс жасап тұр. Алдағы уақытта ол кәсібін кеңейтіп, өрістетуді жоспарлауда.<blockquote>Қазір Қазақстанда туу көрсеткіші жоғары. Сондықтан да орталықты кеңейту ойда бар. Бізде екінші қабат бос тұр. Соны күрделі жөндеуден өткізіп, 120 бала қабылдауды ойластырып отырмыз. Қалай десек те ата-аналарға да, балаларға да жақсы әсер қалдыру үшін жұмыс істейміз. Біздің алғашқы тәрбиеленушілеріміздің алды биыл 1-сыныпқа барады. Уақыт не деген жүйрік десеңізші?! Оларға қарап сүйсінемін, − дейді.</blockquote>Отбасымен қатар шағын орталықтың жұмысын жолға қойған ардақты жанның талпынысы биікке шығарарына сенім мол. «Бақыт балалы үйге қонады» деп білетін кейіпкеріміз осылайша байқоңырлықтардың тек алғысын арқалап жүр.&nbsp;

Қазақстан және Қызылорда облысының жаңалықтары