<a href="https://kyzylorda-news.kz/">Kyzylorda-news.kz</a> А.Тоқмағамбетов атындағы Қызылорда қалалық мәдениет үйінде қарымды қаламгер, «Сыр медиа» серіктестігі жанындағы бастауыш ардагерлер ұйымының төрағасы, «Қазақстанның құрметті журналисі», «Ақпарат саласының үздігі» төсбелгісінің иегері, Қазақстан Жазушылар және Журналистер одағының мүшесі, ақын Кенжалы Ерімбетовтың 70 жылдық мерейтойына арналған «Дүркіреп өтті дүр жылдар» атты шығармашылық кеші өтті.Салтанатты кешке облыстық қоғамдық даму басқармасының басшысы Руслан Каюпов, облыстық ардагерлер кеңесінің төрағасы Серік Дүйсенбаев, зиялы қауым және бұқаралық ақпарат құралдарының өкілдері, ақынның замандастары, әріптестері және туыстары қатысты.Басқарма басшысы мерейтой иесіне аймақ басшысы Мұрат Ергешбаевтың арнайы құттықтауын табыстап, қазақы дәстүрге сай иығына шапан жапты.<img src="https://knadmin.beoblood.kz/uploads/Shy_armashyly_kesh_2_dd6c3d885d.jpg" alt="Шығармашылық кеш 2.jpg"><blockquote>«Бүгінгі шығармашылық кеш – бір азаматтың мерейтойын атап өту ғана емес, тұтас бір ғұмыр өнегесін ұлықтап, ел руханиятына сіңірген еңбекті бағалайтын тағылымды басқосу. Журналистика – қоғам мен уақыттың шежіресін жасайтын, ел өміріндегі маңызды оқиғаларды ұрпақ жадында сақтайтын жауапты сала. Осы жолда қалам тербеп, ақпарат саласының дамуына үлес қосу, ақиқат пен әділдікті ту етіп, оқырман сенімін ақтау – үлкен жауапкершілік. Мерейтой иесіне зор денсаулық, отбасына амандық, шығармашылық шабыт пен толайым табыс тілеймін. Қаламыңыз мұқалмай, ел игілігі жолындағы еңбегіңіз жемісті болып, абыройыңыз асқақтай берсін!», – деді Руслан Каюпов..</blockquote>Кеш барысында арнайы келген қонақтар мерейтой иесінің шығармашылық жолына тоқталып, жүрекжарды лебіздерін білдірді.Қаламгердің өмірі мен еңбек жолынан сыр шертетін естеліктер айтылып, оның журналистика мен әдебиеттегі ізденістері, азаматтық болмысы мен шығармашылық ерекшелігі кеңінен сөз болды. Сонымен қатар, ақынның өлеңдері оқылып, сөзіне жазылған әндер орындалды.

Қарымды қаламгердің 70 жылдық мерейтойына арналған шығармашылық кеш өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласындағы «Болашақ» университетінің Б. Сапарбаев атындағы Атриум мәжіліс залында Облыстық ардагерлер кеңесінің ұйымдастыруымен «Ұрпақтар сабақтастығы және ұлттық құндылықтарды насихаттаудағы ардагерлер рөлі» тақырыбында тағылымды жиын өтті.Басқосудың басты мақсаты – аға буынның өмірлік тәжірибесі мен өнегесін жас ұрпаққа жеткізу, ұлттық құндылықтарды дәріптеу, жастар тәрбиесіндегі ардагерлердің қоғамдық рөлін арттыру және ұрпақтар арасындағы сабақтастықты нығайту.Жиынға ел дамуына елеулі үлес қосқан ардагерлер, зиялы қауым өкілдері, Қорқыт Ата атындағы Қызылорда университеті мен «Болашақ» университетінің оқытушылары, студенттер және бұқаралық ақпарат құралдарының өкілдері қатысты.Жиынды Қызылорда облыстық ардагерлер кеңесінің төрағасы Серік Әбішұлы Дүйсенбаев жүргізіп, кездесудің мақсаты мен маңызына тоқталды. Сонымен қатар Қызылорда облыстық мәслихатының төрағасы Мұрат Жолкелдіұлы Тілеуімбетов қатысушыларға сәттілік тілеп, тақырып аясында өз ой-пікірін білдірді.Кездесу барысында Мемлекет басшысы Қасым-Жомарт Тоқаевтың қоғамда отаншылдық, білімпаздық, еңбекқорлық, адалдық, әділдік, тәртіп пен жауапкершілік құндылықтарын орнықтыру жөніндегі бастамаларына ерекше назар аударылды. Осы қасиеттерді жас ұрпақтың бойына сіңіруде отбасы, білім беру ұйымдары мен қоғаммен қатар, аға буын өкілдерінің де орны айрықша екені атап өтілді.Ұлттық құндылық – ұрпаққа аманатҰрпақтар сабақтастығы – ұлттық тәрбиенің негізіЖиында Республикалық ардагерлер ұйымы ұсынған «Ұрпақтар сабақтастығы және ұлттық құндылықтар» жобасының негізгі бағыттары кеңінен таныстырылды.Олардың қатарында «Үлкенді құрметтеу – ұлттық дәстүр», «Кітаппен келешекке», «Алтын Орда – тарихи сана мен бабалар аманаты», «Отбасы құндылықтарын қастерлеу», «Дәстүр мен дін – егіз ұғым», «Таза ауыл – тағылымды ұрпақ», «Адал еңбек – адал табыс» бағыттары бар.Бұл бастамалардың барлығы жас ұрпақтың бойына ұлттық тәрбие, отансүйгіштік, еңбекқорлық, білімге құштарлық, үлкенге құрмет, кішіге ізет және қоғам алдындағы жауапкершілік сияқты қасиеттерді қалыптастыруға бағытталған.Жиында отбасы құндылықтарын сақтау және неке тұрақтылығы мәселесіне ерекше мән берілді. Еңбек ардагері, «Құрмет», «Парасат» ордендерінің иегері, Т. Жүргенов атындағы қоғамдық қорының Құрметті төрағасы Аңсат Сәби Әбдіқадырұлы «Отбасы құндылықтарын қастерлеу және неке тұрақтылығы» тақырыбында баяндама жасап, берік отбасының қоғам тұрақтылығындағы маңызына тоқталды.Ал қоғам қайраткері, Қызылорда облысының Құрметті азаматы, «Ұрпақтан-ұрпаққа» қоғамдық бірлестігінің төрағасы Сайлаубай Әбішев «Үлкенді құрметтеу – ұлттық дәстүр» тақырыбында сөз сөйлеп, қазақ халқының ғасырлар бойы қалыптасқан үлкенді сыйлау, кішіге қамқор болу дәстүрінің тәрбиелік мәнін атап өтті.Дәстүр мен дін – ұлттық бірегейліктің тірегіКездесуде дәстүрлі дін, ұлттық бірегейлік және жастарды жат ағымдардың ықпалынан қорғау мәселелері де кеңінен талқыланды.«Болашақ» университетінің «Филология, журналистика және тарих» кафедрасының аға оқытушысы, Қазақстан Республикасының мәдениет қайраткері Берік Рахманұлы Саймағанбетов «Дәстүрлі дін және ұлттық бірегейлік: жат ағымдарға жол жоқ» тақырыбында баяндама жасады.Ал Қызылорда облысының бас имамы, дінтанушы Дастан Құрманбаев осы бағыттағы мәселелерге діни тұрғыдан сараптамалық пікір білдірді.Баяндамашылар жастардың діни сауаттылығын арттыру, ұлттық дәстүр мен рухани құндылықтарды қатар дәріптеу және түрлі теріс идеологиялардың алдын алудың маңыздылығын атап өтті.Кітап оқу – рухани кемелденудің жолыЖиында жастардың кітап оқу мәдениетін қалыптастыруға да ерекше көңіл бөлінді.Қазақстанның Құрметті кітапханашысы, «Болашақ» университетінің аға оқытушысы Шамшахар Қанқожаева «Кітаппен келешекке» тақырыбында баяндама жасап, Мемлекет басшысының кітап оқу мәдениетін арттыруға бағытталған бастамаларының маңызына тоқталды.«Бір отбасы – бір кітап» бастамасын дамыту, жастарды сапалы әдебиет оқуға баулу және кітап арқылы олардың дүниетанымын кеңейту – ұрпақ тәрбиесінің маңызды бағыттарының бірі екені айтылды.Тарихын білген ұрпақ – елін қадірлейдіТарихи сананы қалыптастыру мәселесі де жиынның маңызды тақырыптарының біріне айналды.Тарих ғылымдарының докторы, Қорқыт Ата атындағы Қызылорда университетінің құрметті профессоры Тастанбек Сәтбай «Алтын Орда – тарихи сана мен бабалар аманаты» тақырыбында баяндама жасап, жас ұрпақтың ел тарихын терең білуінің маңызын атап өтті.Туған жер тарихын зерделеу, тарихи-мәдени орындарға бірлескен сапарлар ұйымдастыру, өлкетану жұмыстарын жандандыру арқылы жастардың тарихи жады мен ұлттық мақтанышын қалыптастыру қажеттігі сөз болды.Философия ғылымдарының докторы, Қорқыт Ата атындағы Қызылорда университетінің профессоры Баймырза Қожамберлиев «Жастар тәрбиесі: адал адам, табиғатты сүю және жасампаз патриотизм» тақырыбында баяндама жасап, жастарды адалдыққа, еңбекке, елжандылыққа және қоршаған ортаны қорғауға тәрбиелеудің маңызына тоқталды.Ұлттық құндылық – ұрпаққа аманат Зиянды әдеттердің алдын алу – ортақ міндетЖиында жастар арасында кездесетін зиянды әдеттердің алдын алу мәселесі де назардан тыс қалмады.Облыстық ішкі істер саласы ардагерлер ұйымының төрағасы, облыстық мәслихат депутаты Әмірбек Шаймағанбетов «Зиянды әдеттермен күрес (құмар ойындар)» тақырыбында сөз сөйлеп, құмар ойындардың қоғамға, отбасыға және жастардың болашағына тигізетін кері әсеріне тоқталды.Сонымен қатар «Құрмет» орденінің иегері, Сырдария ауданының Құрметті азаматы Әріп Битілеуұлы Хожбанов сөз алып, басқосудың тәрбиелік және қоғамдық маңызына тоқталды.Жиын барысында жастарды адалдыққа, отансүйгіштікке, ұлттық дәстүрді құрметтеуге, білім мен еңбекке ұмтылуға тәрбиелеудің маңыздылығы айтылды. Ардагерлердің өмірлік тәжірибесі мен тағылымды жолын жас буынға жеткізу – ұрпақтар сабақтастығын нығайтудың тиімді жолы екені атап өтілді.Сондай-ақ ардагерлер мен жастардың бірлескен тарихи-танымдық кездесулерін, кітап оқу, экологиялық, қайырымдылық және тәрбиелік бағыттағы іс-шараларды жүйелі түрде ұйымдастыру жөнінде ұсыныстар айтылды.Осындай тағылымды кездесулер аға буынның өмірлік тәжірибесін жас ұрпаққа жеткізіп қана қоймай, жастардың ұлттық сана-сезімін қалыптастыруға, азаматтық жауапкершілігін арттыруға және ел болашағына деген сенімін нығайтуға мүмкіндік береді.Қызылорда облыстық ардагерлер кеңесі алдағы уақытта да ұрпақтар сабақтастығын нығайту, ұлттық құндылықтарды дәріптеу және жастармен жұмысты жаңа мазмұнмен толықтыру бағытындағы жұмыстарды жалғастыра бермек.Ұлттық құндылық – ұрпаққа аманат. Ұрпақ тәрбиесі – ел болашағы.<img src="https://knadmin.beoblood.kz/uploads/Bolasha_universiteti_2_2a60a3eb44.webp" alt="Болашақ университеті 2.webp">

Ұлттық құндылық – ұрпаққа аманат

<a href="https://kyzylorda-news.kz/">Kyzylorda-news.kz</a> Ә.Тәжібаев атындағы облыстық кітапханада «Қазақстанның құрметті журналисі», «Ақпарат саласының үздігі», Қазақстан Жазушылар одағы мен Қазақстан Журналистер одағының мүшесі Кенжалы Ерімбетовтің 70 жылдық мерейтойына арналған «Қаламгердің рухани әлемі» атты шығармашылық кеш өтті.<img src="https://knadmin.beoblood.kz/uploads/Whats_App_Image_2026_09_23_at_15_46_41_1_33ba9ef70f.jpeg" alt="Кенжалы Ерімбетов 70 жас.jpeg">Шығармашылық кеште мерейтой иесіне облыстық мәдениет, архивтер және құжаттама басқармасы басшысының орынбасары Ғалымжан Күлбаев, Қазақстан Жазушылар одағының Қызылорда облысындағы өкілі Қаршыға Есімсейітова, «Сыр медиа» ЖШС бас директоры Марат Аралбаев және Қорқыт ата атындағы Қызылорда университеті Гуманитарлық-педагогикалық институтының директоры, т.ғ.к. Сағат Тайман ақжарма тілектерін арнады. Сондай-ақ мәдениет саласының ардагері Қабдеш Шағыров, ақындар Мұхамеджан Нұрханов пен Гаухар Қожахметова, Жетікөл ауылының әкімі Өмірбек Тоқмамбетов, сонымен қатар Жомарт Құлмағамбетұлы мен Қанат Көзейбаев та құттықтау сөз сөйледі.Кеш барысында қаламгердің өмірі мен шығармашылық жолына арналған бейнеролик көрсетіліп, Кенжалы Ерімбетовтің туған жері – Жетікөлге арналған толғауы орындалып, ақынның туған ауылға, ата-анаға деген сағынышы мен перзенттік махаббаты сөз болды.<img src="https://knadmin.beoblood.kz/uploads/Whats_App_Image_2026_09_23_at_15_46_41_3cb5c4c31a.jpeg" alt="Кенжалы Ерімбетов 70 жас.jpeg">Қаламгер балалық шағы, журналистикаға келуі және шығармашылық жолының бастауы туралы естеліктерімен бөлісті. Кеш көркін Кенжалы Ерімбетовтің сөзіне жазылған әндер де аша түсті. Әнші, ҚР Мәдениет саласының үздігі Ләйлә Насимханова ақынның сөзіне жазылған «Қазақстаным» әнін орындаса, Тоғжан Бауыржанқызы «Туған жер» әнін шырқады. Екі әннің де музыкасын композитор Талғат Нағашбаев жазған.Кеш барысында Кенжалы Райымбекұлының өлеңдері оқылып, шәкірттері мен замандастары жүрекжарды лебіздерін жеткізді. &nbsp;Қаламгердің өзі де жырларын оқып, шығармашылық әлемінен сыр бөлістіІс-шара соңында Кенжалы Райымбекұлының «Көңіл күмбезі» және «Көл бетіндегі аппақ гүл» атты жаңа кітаптарының тұсауы кесілді. Тағылымды кеш қаламгердің жетпіс жылдық ғұмырын, журналистика мен әдебиеттегі еңбегін ұлықтап, шығармашылығына құрмет көрсеткен мазмұнды басқосуға айналды.<img src="https://knadmin.beoblood.kz/uploads/Whats_App_Image_2026_09_23_at_15_46_42_49e4ac632f.jpeg" alt="Кенжалы Ерімбетов 70 жас.jpeg">

Қалам мен ғұмыр: Қос кітап оқырманға жол тартты

Қызылорда қаласындағы «Достық» үйінің мәжіліс залында азаматтық қоғамды дамыту, қоғамдық бастамаларды ілгерілету және әлеуметтік маңызы бар жобаларды жүзеге асыру бағытында ұзақ жылдар бойы еңбек етіп келе жатқан «Туған жер» қоғамдық қозғалысы қауымдастығының төрайымы Құрманкүл Ерімбетованың 70 жылдық мерейтойына арналған дөңгелек үстел өтті.Іс-шараға облыстық қоғамдық даму басқармасының басшысы Руслан Каюпов, үкіметтік емес ұйымдардың өкілдері, қоғам белсенділері, әріптестері, мерейтой иесінің замандастары қатысты.Кездесу барысында Құрманкүл Сұлтанқызының азаматтық қоғам салындағы көпжылдық еңбегі, қоғамдық бастамаларды қолдауға бағытталған қызметі, әлеуметтік жобаларды жүзеге асырудағы тәжірибесі және өңірдегі үкіметтік емес ұйымдардың дамуына қосқан үлесі кеңінен сөз болды.Басқарма басшысы өз сөзінде мерейтой иесінің қоғамдық қызметіне тоқталып, аймақ басшысы Мұрат Ергешбаевтың мерейтой иесіне арналған арнайы құттықтауын табыстады.Сонымен қатар, қазақы дәстүрге сай мерейтой иесінің иығына шапан жабылып, ақ жаулықты анаға деген құрметтің нышаны ретінде орамал тарту етіліп, гүл шоғы ұсынылды.<blockquote>«Құрманкүл Сұлтанқызының азаматтық қоғам саласындағы сан жылдық еңбегі – ел мүддесіне қызмет етудің жарқын үлгісі. Сіз қоғамдық бастамалардың жүзеге асуына ұйытқы болып, әлеуметтік маңызы бар жобаларды жүйелі түрде іске асыру арқылы қоғамның өзекті мәселелерін шешуге атсалысып келесіз. Сіздің мол тәжірибеңіз, іскерлік ұстанымыңызбен &nbsp;азаматтық жауапкершілігіңіз өңірдегі азаматтық қоғам институттарының орнығуына және әлеуметтік бағыттағы бастамалардың өрістеуіне өзіндік ықпалын тигізіп келеді. Қоғам игілігі жолындағы осындай қажырлы қызмет – үлкен жауапкершілікті, табандылықты және елге деген шынайы жанашырлықты талап етеді. &nbsp;Ел игілігі жолындағы қызметіңіз әрдайым абырой биігінен көрініп, қоғамның әлеуметтік және рухани дамуына бағытталған бастамаларыңыз баянды бола берсін. Мерейтойыңыз құтты болсын!», – деді Руслан Мұхамедәліұлы.</blockquote>Сондай-ақ, дөңгелек үстел барысында Қызылорда облыстық «Кіші кәсіпкер әйелдер қоғамы» қоғамдық бірлестігінің төрағасы Салтанат Сыздықова, «Көкжиек» қоғамдық қорының төрайымы Аймен Турбаева, «Ақ босаға» әйелдер қоғамдық бірлестігінің директоры Зейнар Тажиева мерейтой иесінің адамдық болмысы мен кәсіби жолы, қоғамдық ортадағы белсенді қызметі туралы жүрекжарды пікірлерін білдірді.<img src="https://knadmin.beoblood.kz/uploads/IMG_20260902_WA_0048_3af4925761.jpg" alt="IMG-20260902-WA0048.jpg">

Құрманкүл Ерімбетованың мерейтойына орай дөңгелек үстел өтті

<a href="https://kyzylorda-news.kz/">Kyzylorda-news.kz</a>&nbsp; Ислам өркениетінде уақып – қоғам игілігіне арналған ең ізгі амалдардың бірі. Уақып дегеніміз – Алла разылығы үшін белгілі бір мүлікті немесе қаржыны қоғамдық игілікке арнап, оның пайдасын халықтың қажетіне жұмсау. Бұл – адам дүниеден өткеннен кейін де сауабы үзілмей жалғасатын сауапты істің бірі.Пайғамбарымыз (оған Алланың салауаты мен сәлемі болсын): «Адам баласы қайтыс болғанда оның барлық амалы тоқтайды. Тек үш нәрсенің сауабы жалғасады: үздіксіз садақа (садақа жария), пайдалы білім және дұға жасайтын ізгі ұрпақ» деген. Ғалымдар бұл хадистегі «үздіксіз садақаның» ең көркем үлгілерінің бірі – уақып екенін айтқан. Сондықтан уақып – тек қайырымдылық емес, ұлттың рухани, әлеуметтік және мәдени дамуына қызмет ететін ұзақ мерзімді игілік.Бүгінде Қазақстан мұсылмандары діни басқармасы уақып мәдениетін жаңғыртуға ерекше көңіл бөліп келеді. ҚМДБ жанындағы Уақып қоры арқылы мешіттердің қызметін қолдау, діни білім беру ісін дамыту, әлеуметтік жағдайы төмен отбасыларға жәрдемдесу, шәкірттерге қолдау көрсету және түрлі қайырымдылық жобаларын жүзеге асыру бағытында жүйелі жұмыстар атқарылуда. Бұл игі бастамалар қоғамда өзара жанашырлықты нығайтып, елдің бірлігі мен берекесінің артуына өз үлесін қосып келеді.Өңірлердегі мешіттер де уақыптың мәнін халыққа кеңінен түсіндіріп, жомарт азаматтарды игі істерге үндеуде. Қазалы ауданында да қайырымды жандардың қолдауымен әлеуметтік көмек көрсету, діни-ағарту жұмыстарын дамыту және мешіттердің қажеттіліктерін қамтамасыз ету бағытында бірқатар игі бастамалар жүзеге асырылуда. Бұл – ата-бабамыздан жалғасқан асыл дәстүрдің бүгінгі күндегі көрінісі.Уақып – бір күндік сауап емес, ұрпақтан-ұрпаққа жалғасатын рухани инвестиция. Қоғам игілігіне арналған әрбір үлес білімнің, тәрбиенің, мейірімнің және берекенің артуына қызмет етеді. Сондықтан әрбір мұсылман шамасына қарай осы сауапты іске үлес қосуға ұмтылғаны абзал. Алла Тағала жасаған уақыптарымызды қабыл етіп, оны ақыретімізге азық, халқымызға игілік, елімізге береке етсін.Нәби Нұрдәулет,Қазалы аудандық «Жанқожа батыр»мешітінің бас имамыСурет: muftyat.kz

Уақып – сарқылмас қазына

<a href="https://kyzylorda-news.kz/">Kyzylorda-news.kz</a> Бүгін Ұлттық кітап күні облыс әкімі Нұрлыбек Нәлібаев, кәсіпкер- меценат Эдуард Огай, Қазақстанның Еңбек Ері Абзал Ералиев, , құқық қорғау органдарының басшылары, зиялы қауым өкілдерінің қатысуымен еліміздегі үшінші Президенттік кітапхананың іргетасын қалау рәсімі өтті.Аймақ басшысы жиналған жұртшылықты 23 сәуір – Ұлттық кітап күнімен, кітапханашылардың кәсіби мерекесімен және жаңа кітапхана құрылысының басталуымен құттықтады.<blockquote>«Өздеріңізге белгілі, Мемлекет басшымыз өткен жылы аймағымызға жұмыс сапарымен келгенде Астана мен Алматы қалаларындағыдай тәулік бойы қызмет көрсететін үшінші Президенттік кітапхананың Қызылорда қаласында ашылатынын жеткізген болатын. Жерлестеріміз бұл бастаманы зор қуанышпен қабылдады.Бүгін Өздеріңізбен бірге аймағымыз үшін маңызды жобалардың бірі – білім мен мәдениеттің алтын діңгегіне айналатын Президенттік кітапхананың капсуласын салу рәсімінде бас қостық.Маңызды жобаны жүзеге асыруға демеушілік көрсеткен елімізге белгілі кәсіпкер-меценат Огай Эдуард Викторовичке барша Сыр жұртшылығының атынан шынайы алғысымды, зор ризашылығымды білдіремін.Демеушілікпен 20 млрд. теңгеге салынатын, аумағы 13 мың шаршы метр, сәулетті, жаңа кітапхана заманауи талаптарға сай болады. Ғимаратта оқу, конференц, басылым, архив пен сирек қорға арналған залдар, электрондық кітапхана, әлем әдебиеті бөлімі мен өнер галереялары, көрме, коворкинг орталықтары, қалпына келтіру шеберханасы қарастырылған.Бұл – халықтың рухани дамуына, кітап оқу мәдениетін жаңа деңгейге көтеруге бағытталған Президентіміздің қолдауы.Жаңа нысан тек кітаптар жиналған жер емес, ұлтымыздың тарихын, мәдениеті мен өркениетін дәріптейтін, жерлестеріміздің рухани тынысын ашатын тәрбие мен тағылым үйі болмақ! Жаңа кітапхананың құрылысы сәтті аяқталып, ел игілігіне қызмет етіп, ұлт руханияты мен білімінің өркендеуіне үлес қосуына тілектеспін», – деді Нұрлыбек Машбекұлы.</blockquote>Рәсімде Эдуард Викторович, Қазақстан Жазушылар және Журналистер одағының мүшесі Шәкизада Әбдікәрімов сөз сөйледі.Айта кету керек, 2022 жылдан бері өңірде 22 мәдениет нысаны жаңадан салынып, ел игілігіне берілді. Барлық ауданда «Руханият орталықтары» ашылды. Облыстың бас шаһарында «Өнер орталығы», «Анаға тағзым», «Отбасы орталығы», «Оқушылар сарайы» бой көтерді.<img src="https://knadmin.beoblood.kz/uploads/748171d7_74e3_481c_b31b_afd3435ff144_570c643864.jpg" alt="библиотека.jpg">Былтыр Қызылорданың астана болғанына 100 жыл толуына орай облыстық тарихи-өлкетану музейінің, Ассамблеяның 30 жылдығына орай «Қазатомөнеркәсіп» компаниясының қолдауымен «Достық үйінің» жаңа ғимараты салынды.<img src="https://knadmin.beoblood.kz/uploads/yzylordada_elimizdegi_shinshi_Prezidenttik_kitaphanany_irgetasy_alandy2_35ed7164e0.jpg" alt="Қызылордада еліміздегі үшінші Президенттік кітапхананың іргетасы қаланды2.jpg">Кейінгі жылдары «Сыр жұлдыздары» академиясы, Жалағаш, Жаңақорған, Шиелі аудандарында «Өнер мектебі» мен «Оқушылар үйі» іске қосылды.<img src="https://knadmin.beoblood.kz/uploads/yzylordada_elimizdegi_shinshi_Prezidenttik_kitaphanany_irgetasy_alandy3_8e0126a20c.jpg" alt="Қызылордада еліміздегі үшінші Президенттік кітапхананың іргетасы қаланды3.jpg">Фото: Қызылорда облысы әкімінің баспасөз қызметі

Қызылордада еліміздегі үшінші Президенттік кітапхананың іргетасы қаланды

<a href="https://kyzylorda-news.kz/">Kyzylorda-news.kz</a> &nbsp;Бүгін — Дүниежүзілік театр күні. Сахна саңлақтары үшін айрықша мәнге ие айтулы дата. Бұл туралы ҚР Премьер-министрінің орынбасары — Мәдениет және ақпарат министрі Аида Балаева <a href="https://kaz.inform.kz/news/balaeva-kazakstanda-teatr-onerne-degen-kizigushilik-artip-keled-a250a1/">айтты.</a>Оның сөзінше, театр — тәрбие алаңы, талғамды қалыптастыратын, ой мен сезімді тербететін, қоғамға өзін және өз дәуірін тереңірек тануға мүмкіндік беретін бірегей өнер кеңістігі.<blockquote>— Мемлекет басшысы Қасым-Жомарт Тоқаев атап өткендей, театрлардың дамуы — кез келген елдің мәдени деңгейінің маңызды көрсеткіші. Бүгінде Қазақстанда театр өнеріне деген қызығушылықтың артып келе жатқаны анық байқалады. Көрермен сұранысы да барған сайын мазмұнды әрі талапшыл сипатқа ие болуда. Әсіресе, сахна өнеріне құштар жандардың арасында жастардың көп болуы көңілге ерекше қуаныш ұялатады, — деді Балаева.</blockquote>Министр атап өткендей, бүгінде елімізде 70-тен астам театр жұмыс істейді, олардың 57-сі — мемлекеттік.<blockquote>— Тек 2025 жылдың өзінде мемлекеттік театрларда 410 премьера сахналанып, 539 гастрольдік сапар ұйымдастырылды. Былтыр көрермендер саны 2,8 миллионнан асты. Ал, 2026 жылдың алғашқы тоқсанында республикалық театрлар 170 мыңнан астам көрерменге қызмет көрсетті. Бұл көрсеткіштер театрдың елімізде сұранысқа ие, өміршең әрі халыққа жақын өнер екенінің айқын дәлелі, — дейді ол.</blockquote>Аида Балаева осы ретте мәдениет пен тарих мәселелерінің елдің Ата Заңында берік құндылық ретінде бекітілуі де ерекше маңызға ие екенін алға тартты.<blockquote>— Жаңа Халықтық Конституцияда мемлекеттің қызметінің іргелі қағидаттарының қатарында ұлттық мәдениетті қолдау және тарихи-мәдени мұраны сақтау міндеттері айқын көрініс тапқан. Бұл Қазақстан үшін мәдениет қосалқы сала емес, қоғамдық дамудың және ұлттық бірегейліктің негізгі тіректерінің бірі екенін көрсететін маңызды бағдар. Сонымен қатар Конституцияда тарихи-мәдени мұраға ұқыпты қарау, тарих пен мәдениет ескерткіштерін сақтау әр азаматтың міндеті ретінде бекітілген. Бүгінде қазақстандық театрлар жаңа қойылымдарымен көрерменді қуанта отырып, халықаралық сахналарда ел абыройын асқақтатып келеді. Олар түрлі фестивальдерге қатысып, жоғары бағаларға ие болып, мәдени байланыстарды кеңейтуге өз үлесін қосуда. Осы айтулы күні театр өнерінің барлық өкілдерін Дүниежүзілік театр күнімен шын жүректен құттықтаймын! Сіздерге шалқар шабыт, шығармашылық табыс, өнер жолында жаңа жетістіктер тілеймін! — деп түйіндеді ведомство басшысы.</blockquote>Фото: Мәдениет және ақпарат министрлігі

Балаева: Қазақстанда театр өнеріне деген қызығушылық артып келеді

<a href="https://kyzylorda-news.kz/">Kyzylorda-news.kz</a> &nbsp;Бүгін Наурызнама онкүндігі аясында «Ұлттық спорт күні» кең көлемде атап өтіліп, аталған іс-шараға аудан әкімі Берік Сәрменбаев, аудандық мәслихат төрағасы Ержан Әжікенов, аудандық ардагерлер кеңесінің төрағасы Мұса Келдібаев, аудандық Қоғамдық кеңес төрағасы Марат Еспенбетов, аудандық мәслихат депутаты Алмас Есназар және ардагерлер мен спортшылар қатысты.<blockquote>– Мемлекет басшысы Қасым-Жомарт Кемелұлы Тоқаев «Спорт дегеніміз – денсаулық, рухтың күштілігі, отансүйгіштік. Қазақ ұлттық ойындары - қазақ мәдениетінің ажырамас бөлігі. Олар еңбек пен рухани қызметтің жаңғырығын біріктіреді» деп атап өтті. Бүгінгі «Ұлттық спорт күні» – бабадан қалған асыл мұраларымызды жаңғыртуға, бұқаралық спортты дамытуға, сонымен қатар жастарды салауатты өмір салтын ұстануға шақыратын ерекше күн. Біздің атақты спортшыларымыз, ұлттық ойындарда топ жарған жерлестеріміз – ел мерейін асырып, халқымыздың намысын қорғап жүр. Қазақ күресі, көкпар, бәйге, аударыспақ, тоғызқұмалақ, асық ату сынды ұлттық спорт түрлері біздің ұлттық болмысымыздың ажырамас бөлігі. Ел Президентінің тапсырмасымен, Үкіметтің және облыс әкімі Нұрлыбек Машбекұлы Нәлібаевтың қолдауымен аймағымызда спорттың бұқаралық сипатын дамытуға ерекше мән берілуде. Облыс орталығында "Тенниc орталығы" пайдалануға берілді. Заманауи талаптарға сай келетін 11 мың орындық жаңа стадион салтанатты түрде ашылды. Соңғы үш жылда өңірде 20 спорт кешені салынып, «Ауыл – ел бесігі» бағдарламасымен тағы 6 спорт кешені пайдалануға берілді. «Қазақстан халқына» қорының демеушілігімен мүмкіндігі шектеулі жандарға арналған дене шынықтыру-сауықтыру кешені бой көтерді. Ұлттық спортты дамыту, оны өскелең ұрпаққа кеңінен насихаттау – біздің басты міндетіміз. Себебі, ұлттық ойындар – тек спорт қана емес, ол – халқымыздың рухани құндылығы, жастарымызды тәрбие мен тәртіпке баулитын маңызды құрал. Бүгінгі жарыстарда сынға түсетін барлық спортшыларға сәттілік тілеймін! Ұлттық спортымыздың мәртебесі арта берсін! – деді Берік Әбдіғаппарұлы.</blockquote>Мерекелік шарада қазақша күрес, асық ату, тоғызқұмалақ, арқан тартыс, бес тас секілді ұлттық спорт түрлерінен жарыстар ұйымдастырылды. Шараға жасөспірімдерден бастап, кәсіби спортшылар мен ұлттық ойын жанашырлары да қатысып, өз өнерлерін көрсетті. Сондай-ақ, іс-шара барысында ұлттық дәстүр дәріптелді.Фото: Сырдария ауданы әкімінің баспасөз қызметі

Ұлттық спорт – ұлт рухының айнасы

&nbsp;Мемлекет басшысы Қасым-Жомарт Тоқаев қазақстандықтарды Ораза айт мерекесімен құттықтады.Қадірлі отандастар! Ораза айт мерекесі құтты болсын!Бұл – бүкіл мұсылман қауымы үшін мән-маңызы ерекше, қасиетті мереке. Осы мейрамда рухани тазару мен парасаттылық, сабырлық пен қанағатшылдық, өзара сыйластық пен тілектестік, жанашырлық пен жақсылық құндылықтары дәріптеледі. Отыз күн ораза тұтқан жұрт иманын байытып, кемелдікке ұмтылады. Төзімін шыңдап, төңірегіне қамқорлық танытады. Игі істерге ұйытқы болып, мұқтаж жандарға қол ұшын созады. Ата дәстүріміз бен асыл дініміз елдің бірлігін нығайтып, қоғамның берекесін арттыратын игі амалдар жасауға үндейді. Биыл Ораза айт мейрамы Наурыз мерекесімен қатар келіп, ел дамуындағы жаңа тарихи кезеңнің жаршысына айналды. Мұның символдық мәні зор. Қазақстан халқы Жаңа Ата заңды қабылдап, жарқын болашаққа, Әділеттілік пен Өркендеуге бастайтын жолды таңдады. Конституциялық реформаны жаппай қолдау арқылы ұлт тарихының жаңа парағын ашты. Баршаңызға зор денсаулық, бақ-береке, толайым табыс тілеймін!Еліміз аман, жеріміз тыныш болсын! Ораза айт қабыл болсын!, – деді Президент.Фото: Ақорда

Президент Ораза айт мерекесімен құттықтады

Қадірлі жерлестер!Баршаңызды қасиетті Ораза айт мейрамымен құттықтаймын!Татулық пен бауырмалдық, жақсылық пен игілік салтанат құратын осы қастерлі мерекенің барша мұсылман қауымы үшін орны бөлек. Биылғы Ораза айттың Наурызнама онкүндігімен сәйкес келіп, Ұлыстың ұлы күні қарсаңында тойлануы оның мән-маңызын арттыра түсті.Мемлекет басшымыз Қасым-Жомарт Кемелұлы «Рамазан айында имандылыққа, рухани тазаруға ұмтылған жұртымыз Айт күні ақ дастархан жайып, қонақжайлық көрсетеді. Бір-біріне ізгі тілегін арнайды. Мұқтаж жандарға көмек қолын созып, қамқорлық танытады. Сол арқылы адамгершілік құндылықтар қоғамымызда терең орныға түседі», – деп атап өтті.Ұлық мерекеде жасалатын игі амалдар жұртшылықты ізгілікке үндейді, жақсы істерге жұмылдырады. Бұл халқымыздың береке-бірлігін нығайтып, ырыс-ынтымағын арттырады. Ораза айты бүгінде діни ғұрыптармен ғана емес, ұлттық дәстүрлерімізбен де біте қайнасып кеткен.Қасиетті мерекедегі шынайы ниеттеріңіз, дұға-тілектеріңіз қабыл болсын! Әр отбасына амандық, мықты денсаулық пен бақ-береке тілеймін!

Облыс әкімі Н. Нәлібаевтың Ораза айт мейрамымен құттықтауы

<a href="https://kyzylorda-news.kz/">Kyzylorda-news.kz</a> &nbsp;Сыр өңірінде «Наурызнама» онкүндігінің алғашқы шаралары 14 наурыз – Көрісу (Амал) мерекесін атап өтуден басталды.Бүгін Қызылорда қаласындағы Aray City Mall ойын-сауық орталығында Қызылорда облыстық филармониясы ұжымының «Көктеммен келген көрісу» атты мерекелік концерті ұйымдастырылды.&nbsp; Мерекелік бағдарлама барысында филармония өнерпаздары халық әндері мен ұлттық нақыштағы шығармаларды орындап, жиналған көрерменге көтеріңкі көңіл күй сыйлады.Шара аясында қала тұрғындары мен қонақтарына «Бауырсақ пати» ұйымдастырылып, ұлттық дастарқаннан дәм ұсынылды. Көпшілік бір-бірімен көрісіп, ақжарма тілектерін айтып, амал мерекесінің мазмұнын айшықтай түсті.Ұлттық салт-дәстүрді дәріптеген бұл мерекелік басқосу тұрғындардың рухани бірлігін нығайтып, Наурыз мейрамының мән-мағынасын кеңінен насихаттауға бағытталды.

Сыр елінде «Наурызнама» онкүндігі Көрісу күнімен басталды

<a href="https://kyzylorda-news.kz/">Kyzylorda-news.kz</a> Бүгін «Өнер орталығында» Қазақстанның еңбек сіңірген қайраткері, Қазақ ұлттық консерваториясының құрметті профессоры, жырау Алмасбек Алматовтың 70 жас мерейтойына арналған «Жыр керуен» атты шығармашылық кеш өтті.Оған облыс әкімі Нұрлыбек Нәлібаев, жазушы, тарихшы-этнограф, Қазақстанның еңбек сіңірген қайраткері Қойшығара Салғараұлы, Халық жазушысы, Қазақстанның еңбек сіңірген қайраткері, Айтыс ақындары мен жыршы-термешілердің халықаралық одағының төрағасы Жүрсін Ерман, ақын, Парламент Мәжілісінің депутаты Жанарбек Әшімжан, Алмасбек Нұрмаханұлының үзеңгілес әріптестері мен елімізге белгілі шәкірттері, жауапты сала басшылары, зиялы қауым өкілдері қатысты.Аймақ басшысы мерейтой иесінің төл өнерді өркендетуге қосқан үлесін атап өтіп, барша Сыр жұртшылығының атынан сый-құрмет көрсетіп, автокөлік кілтін тарту етті.<img src="https://knadmin.beoblood.kz/uploads/Almasbek_Almatovty_merejtojyna_arnal_an_Zhyr_keruen_atty_shy_armashyly_kesh_tti1_c11efef633.jpg" alt="Алмасбек Алматовтың мерейтойына арналған «Жыр керуен» атты шығармашылық кеш өтті1.jpg">Сондай-ақ кеште Жанарбек Әшімжан өнер қайраткеріне Мәжіліс төрағасы Ерлан Қошановтың құттықтауын табыстады.<blockquote>«Сыр өңірі – талай марғасқа жыраулар мен тума таланттарды өмірге әкелген, жыраулық өнердің түп қазығы, алтын көмбесі, алып тайқазаны саналатын құтты мекен.Мемлекет басшымыз Қасым-Жомарт Кемелұлы Қызылордада өткен Ұлттық құрылтайдың бесінші қорытынды отырысында «Жалпы, «Сыр елі – жыр елі» деп бекер айтылмайды. Қорқыт ата заманынан жалғасып келе жатқан жыраулық-жыршылық және күйшілік өнер бұл аймақта кең қанат жайған. Жиенбай, Нұртуған, Нартай сынды саңлақтар негізін қалаған жыршылық мектептерді бүкіл еліміз біледі», – деп ерекше атап өткен болатын.Сыр бойындағы жыраулық өнердің көрнекті өкілі, Сыр сүлейлерінің ізін жалғаушы, Қазақстанның еңбек сіңірген қайраткері, зерттеуші-ғалым, «Парасат», үшінші дәрежелі «Барыс» ордендерінің иегері, Қызылорда облысының құрметті азаматы Алмасбек Нұрмаханұлы Алматов мерейлі 70 жасқа толды.Алмасбек Нұрмаханұлы – дәуір көшінде дара із қалдырған жыр алыптарының мұрагері, Сыр өңіріне ғана тән жыраулық дәстүрдің сабақтастығына айрықша еңбек сіңірген өнер қайраткері. Ағамыз жастайынан қолына домбыра алып «Алпамыс батыр», «Қобыланды батыр», «Қыз Жібек» сияқты елге кең тараған дастандарды жырлап, «жас жыршы» атанды. «Сыр сұлуы» ансамблі құрамынан басталған шығармашылық жолы белгілі жырау, ұлағатты ұстаз, өнер зерттеушісі, ғалым, қоғам қайраткері ретінде биік белестерге шығарды.Егемендік алған жылдар ішінде ұлттық өнердің бұл түріне ерекше көзқарас қалыптасып, ата-бабаларымыздың асыл қазынасы жарқырай түсті. Алдағы уақытта да ұлттық өнеріміздің шамшырағы болып, келер ұрпаққа рухани мұра сыйлай беріңіз»,– деді Н.Нәлібаев.</blockquote>Өнер кешінде айтыскер ақын Мұхтар Ниязов мерейтой иесіне арнау айтып, Қазақстанның еңбек сіңірген қайраткерлері Елмұра Жаңабергенова, Айгүл Елшібаева және басқа да ақын-жыршылар өнер көрсетті. Жыраудың өзі «Жыр бастауын» орындады.<img src="https://knadmin.beoblood.kz/uploads/Almasbek_Almatovty_merejtojyna_arnal_an_Zhyr_keruen_atty_shy_armashyly_kesh_tti2_9a301bbab6.jpg" alt="Алмасбек Алматовтың мерейтойына арналған «Жыр керуен» атты шығармашылық кеш өтті2.jpg">Алмасбек Алматов Сыр бойында мақам-саз ерекшеліктеріне қарай жыраулық мектептердің қалыптасуына, атадан балаға мирас болған төл өнерімізді жаңа дәуірге жеткізуге ерен еңбек сіңірді. Жыраулық өнер академиялық білім беру жүйесіне енгізіліп, «Дәстүрлі өнер – жыр» мамандығы ашылды. Құрманғазы атындағы Қазақ ұлттық консерваториясындағы, Қазақ ұлттық өнер университетіндегі, Қорқыт ата атындағы Қызылорда университетіндегі кафедраларда жыршы-жыраулар кәсіби тұрғыда қалыптасты. Дәстүрлі жыр орындаушыларды маман етіп даярлау арқылы өткеннің өзегін бүгін мен ертеңге жалғап, жүздеген шәкірт тәрбиелеп, өнер аламанына қосты. АҚШ, Франция, Италия, Швейцария, Ұлыбритания, Египет, Моңғолия және басқа да шет мемлекеттерде ұлттық мұрамызды ұлықтап, ел мерейін асқақтатты. Бүгінде мерейтой иесі тәрбиелеген шәкірттер халықаралық, республикалық байқаулардың жеңімпазы атанып, еліміздің әр өңірінде жыраулық дәстүрдің алтын арқауын жалғастырып келеді.<img src="https://knadmin.beoblood.kz/uploads/Almasbek_Almatovty_merejtojyna_arnal_an_Zhyr_keruen_atty_shy_armashyly_kesh_tti3_0686d4abcb.jpg" alt="Алмасбек Алматовтың мерейтойына арналған «Жыр керуен» атты шығармашылық кеш өтті3.jpg">Айта кету керек, Алмасбек Алматовтың 70 жас мерейтойы аясында Қорқыт ата атындағы университеттің Студенттер сарайында V томдық таңдамалы шығармаларының тұсаукесер рәсімі, Қармақшы ауданында «Асыл жырдың Алмасы» атты республикалық жыршы-жыраулар фестивалі өтуде.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Руханият