ҚР Парламенті Мәжілісінің депутаты, «AMANAT» партиясы фракциясының мүшесі Мұрат Ергешбаев Шиелі ауданына сапары барысында «Ауыл аманаты» жобасы аясында жаңадан ашылған кәсіпкерлік нысанның жұмысымен танысты.«Ауыл аманаты» жобасы аясында салынған бизнес-инкубатор Тапсырыс беруші: Шиелі кент әкімі аппараты. Келісім шарт құны: 15 млн 700 теңге. Орналастырылған жобалар: ЖК «Жұлдызай» - Кондитерлік цех; ЖК «Нұрислам» - Жарнама агенттігі; ЖК «Бақымова» - Аниматорларға арналған тігін шеберханасы; ЖК «Кәусар» - Жартылай дайын өнімдері өндіру цехы; ЖК «Орда» - Қағаз майлықтар шығару цехы.Бұл жобаның арқасында аудан тұрғындары өз кәсібін ашып, табысын арттыруда. Мемлекет басшысының тапсырмасымен жүзеге асырылып жатқан бұл бастама аудан экономикасын дамытуға үлкен серпін беруде. Мемлекет басшысы Қасым-Жомарт Кемелұлы Тоқаевтың бастамасымен қолға алынған «Ауыл аманаты» жобасы ауыл тұрғындарының табысын арттыруға, жаңа жұмыс орындарын құруға және кәсіпкерлікті дамытуға бағытталған.«Ауыл аманаты» жобасы аясында соңғы үш жылда Шиелі ауданы бойынша жалпы құны 968,1 миллион теңгені құрайтын 135 жоба қаржыландырылып, нәтижесінде ауданда жаңа жұмыс орындары ашылып, кәсіпкерлік саласы дамып келеді.Жаңадан ашылған кәсіпкерлік нысанның ашылуы аудан тұрғындары үшін жаңа мүмкіндіктердің бастауы болмақ.<img src="https://knadmin.beoblood.kz/uploads/FB_IMG_1752271456897_11616fda44.jpg" alt="FB_IMG_1752271456897.jpg">

"Ауыл аманаты":  Бизнес-инкубатор жұмысын көрді

<a href="https://kyzylorda-news.kz/">Kyzylorda-news.kz</a> &nbsp;Қармақшы ауданына қарасты Жосалы кентіндегі «Әсия Ана» балабақшасы тұрғындар арасында сұранысқа ие ұйымдардың бірі. &nbsp; 2023 жылдан бері халыққа қызмет көрсетіп келе жатқан балабақшаның ашылу, даму барысы жайлы &nbsp;қысқаша айтып бермекпіз.<blockquote>«Бұл балабақша біздің отбасылық кәсібіміз. Жолдасымның анасы балабақшамыз болғанын армандайтын. Сол кісінің қалауын орындамақ болып ғимарат салуды өз күшімізбен бастап кеттік. Ғимаратты көтеріп қойғанымен толық салып шығуға қаржымыз жетпеді. Осылайша мемлекеттік қолдау тетіктерін іздей бастадық», - дейді балабақша басшысы Рауа Бұйрабаева.</blockquote>Кәсіпкер «Қызылорда» Өңірлік инвестициялық орталығы жайлы бұған дейін де ауданда естігенін айтады. Талаптарымен танысып, құжаттарын жинақтайды. 2022 жылы ғимаратты аяқтауға, одан кейін құрал-жабдықпен қамтуға Өңірлік орталықтан жалпы 20 млн теңге жеңілдетілген несие алады.<img src="https://knadmin.beoblood.kz/uploads/arma_shyly_k_sipker_2_4e5bb010ba.jpg" alt="Қармақшылық кәсіпкер 2.jpg"><blockquote>«Алынған қаржы балабақша ғимаратын толық салып шығуға, жиһаз, өзге де қажеттіліктермен қамтамасыз етуге жетті. Нәтижесінде 2023 жылы балабақшамыз қызметін бастады. Сыйымдылығы 62 орындық. Балаларды 2 жастан бастап қабылдаймыз. 22 адамды жұмыспен қамтып отырмыз», - дейді кәсіпкер.</blockquote>Балабақшада бүгінде 3 топ бар. Мектепке дейінгі ұйымның қызмет көрсету сапасы қармақшылықтардың көңілінен шығып, сұраныс артқан. Кәсіпкер биыл қосымша бір топ ашуды көздеп отыр.<img src="https://knadmin.beoblood.kz/uploads/arma_shyly_k_sipker_e21a885d24.jpg" alt="Қармақшылық кәсіпкер.jpg"><blockquote>«Негізі әр отбасында бір кәсіп болғаны жөн деп санаймын. Кәсіп бастау бізге оңай болған жоқ. Қаржылық қиындықтар болды. Несиені уақытылы жауып, қызметкерлердің жалақысын мерзімінде тауып беру бастапқыда ауыр болды. Дегенмен бұл жағдайды уақытша қиындық деп қарап, отбасымызбен еңсере алдық. Шүкір, қазір жұмыс жүйеленіп, жағдайымыз жақсарып келеді. Кәсіп бастауда аяққа тұрып кетуімізге жағдай жасаған «Қызылорда» Өңірлік инвестициялық орталығына айтар алғысымыз шексіз. Әсіресе, ісін енді қолға алып жатқан аймақ тұрғындары үшін өте жақсы қолдау көрсететін ұйым деп айтар едім», - дейді кәсіпкер Рауа Бұйрабаева.</blockquote>Фото: «Қызылорда» Өңірлік инвестициялық орталығының баспасөз қызметі

Рауа Бұйрабаева: Әр отбасында бір кәсіптің болғаны жөн

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Парламент Мәжілісінің депутаты Мұрат Әбенов және облыстық мәслихат төрағасы Мұрат Тілеуімбетовпен бірге сол жағалаудағы шағын өнеркәсіптік аймақтың жұмысымен танысты. &nbsp;&nbsp;Өткен жылдан бері Өнеркәсіп және құрылыс министрлігімен бірлесіп, өңірлерде шағын өнеркәсіптік аймақтар құру үшін жүйелі жұмыс жүргізілуде. Биыл сол жағалаудағы «Тұмар» жеке кәсіпкерлігі мен «Техоснастка-Ремсервис» ЖШС-нің базасында шағын өнеркәсіптік аймақ іске қосылмақ. Жобаның жалпы құны – 1 млрд 52 млн теңге.<img src="https://knadmin.beoblood.kz/uploads/malaya_promyshlennaya_zona_foto_oblakimat_2b14006001.jpg" alt="малая промышленная зона фото облакимат.jpg">«Тұмар» ЖК құрылыс жұмыстарын толық аяқтап, 1,9 мың шаршы метр нысан аумағын абаттандыруда. Қазіргі таңда 682 шаршы метр аумаққа 7 жоба орналастырылуда. Атап айтқанда, сүт өнімдерін өндіретін шағын цех, кондитерлік өнімдер, нан-тоқаш бұйымдары мен жартылай фабрикаттар өндіретін екі цех іске қосылмақ. «Техоснастка-Ремсервис» серіктестігі де құрылыс жұмыстарын толық аяқтаған. Жалпы ауданы – 1,9 мың шаршы метр.<img src="https://knadmin.beoblood.kz/uploads/malaya_promyshlennaya_zona_foto_oblakimat_2_c612c684ee.jpg" alt="малая промышленная зона фото облакимат 2.jpg">Айта кету керек, шағын өнеркәсіптік парк – жалға алушы кәсіпорындардың өндірістік қызметін жүзеге асыруына барлық жағдай жасалған арнайы аймақ. Мұнда қажетті инфрақұрылым, инженерлік желілер, өндірістік, қойма және әкімшілік ғимараттар толық қарастырылған.<img src="https://knadmin.beoblood.kz/uploads/malaya_promyshlennaya_zona_foto_oblakimat_3_a355b184d6.jpg" alt="малая промышленная зона фото облакимат 3.jpg">

Аймақ басшысы өнеркәсіптік жобалардың жай-күйімен танысты 

<a href="https://kyzylorda-news.kz/">Kyzylorda-news.kz</a>&nbsp; Кеше «Өнер орталығында» «Қазақстанның үздік тауары – 2025» көрме байқауы өтті. Оған облыс әкімі Нұрлыбек Нәлібаев, Мәжіліс депутаттары Мархабат Жайымбетов, Мұрат Әбенов, құқық қорғау органдарының бірінші басшылары, кәсіпкерлер қатысты.Аймақ басшысы конкурсқа қатысушыларды құттықтап, өңірдің өңдеу өнеркәсібі саласындағы жұмыстарға тоқталды.<blockquote>«Соңғы жылдары Қызылорда облысында өңдеу өнеркәсібі 18,2%-ға артып, өңірлік өнімдегі шағын және орта бизнестің үлесі 21%-дан асты. Жылына 11 мыңнан астам жаңа жұмыс орны құрылуда. Бүгінде 65 мыңға жуық шағын және орта кәсіпкерлік субъектісі жұмыс жасайды. Мұнда 121 мыңнан астам адам жұмыспен қамтылған.Кәсіпкерлерге қайтарымсыз гранттардан бастап, жеңілдетілген несиелер мен мемлекеттік субсидиялар беру арқылы инвестициялық, қаржылық, инфрақұрылымдық қолдау көрсетілуде. Биыл жеке кәсіпкерлікті қолдаудың барлық көзінен 30 млрд. теңгеден астам қаржы қарастырылды.Мемлекет басшымыз экономиканың нақты секторын кедергісіз несиелендіру мақсатында бизнес субъектілерінің қарыздарына кепілдік беру жүйесін енгізуді көздейтін заңнамалық актіге қол қойды. Бұл – кәсіпкерлерге үлкен қолдау! Енді бизнес өкілдерінің екінші деңгейдегі банктерге кепіл ұсыну мүмкіндігі болмаса, оған арнайы кепілдік қорының қаржыландыруы арқылы қол жеткізе алады.Баршаңызды алдағы уақытта да өңірдің әлеуметтік-экономикалық дамуына аянбай еңбек етуге, мемлекеттік бағдарламаларға белсенді қатысуға шақырамыз. Аймақтық конкурстың жеңімпаздары республикалық байқауда үздіктер қатарынан көрініп, Сыр өңірінің мерейін үстем етеді деп сенеміз!», – деді Н.Нәлібаев.</blockquote>Байқауға экономиканың түрлі саласынан 67 тауар өндіруші қатысты. Сарапшылардың бағалауы бойынша 9 жеңімпаз іріктеліп, марапат иелеріне ноутбук сыйға берілді.«Өндірістік мақсаттағы үздік тауарлар» номинациясы бойынша тыңайтқыш өндірісі саласындағы «Агрохимсервис», цемент өндірісіндегі «Компания Гежуба Шиелі Цемент» &nbsp;және шыны өнімдерін шығаратын «Орда Гласс ЛТД» серіктестіктері жеңімпаз атанды. «Үздік азық-түлік тауарлары» номинациясы бойынша «Асыл дән LTD», &nbsp;«Таң LTD» күріш өндіруші серіктестіктері, «Әль Баракат Дистрюбишн» жартылай фабрикат өндіруші серіктестігі марапатқа ие болды.<img src="https://knadmin.beoblood.kz/uploads/k_rme_1_2f5924d0cd.jpg" alt="көрме 1.jpg"><img src="https://knadmin.beoblood.kz/uploads/k_rme_8aad746334.jpg" alt="көрме.jpg">«Халыққа арналған үздік тауарлар» номинациясын «Панабек», «Сыр жиһазы KZ», &nbsp;«Арт-групп Сервис» серіктестіктері жеңіп алды. Салтанатты шарада Мәжіліс депутаттары Мархабат Жайымбетұлы, Мұрат Абдуламитұлы құттықтау сөз сөйлеп, байқауға қатысушыларға сәттілік тіледі.Іс-шара концерттік бағдарламаға ұласты.Фото: Қызылорда облысы әкімінің баспасөз қызметі

«Қазақстанның үздік тауары – 2025» өңірлік көрме байқауы өтті

<a href="https://kyzylorda-news.kz/">Kyzylorda-news.kz</a> Қармақшылық Есжанова Тұрсынкүлдің Жосалыда қоғамдық тамақтану орнын ашқанына 1 жылға таяды. Ал жалпы кәсіппен айналысып келе жатқанына 5 жылдан асты.<blockquote>«Кәсіппен айналысу қанымда бар, ата-анамнан үйренгенмін. Өзім төрт ағайындымыз. Төртеуміз де қазір кәсіпкерміз. Осыдан 5 жыл бұрын сауда ғимаратынан отыратын орынды жалға алып, киім-кешек сатумен айналысып бастадым. Саланың қыр-сырын меңгергеннен кейін қоғамдық тамақтану орнын ашқым келді. Себебі біздің ауданда бұндай орындар онша көп емес, сұраныс бар», - дейді Есжанова Тұрсынкүл.</blockquote><img src="https://knadmin.beoblood.kz/uploads/K_sipker_irlik_ortaly_tan_al_an_arzhyny_ar_asynda_6_adamdy_zh_myspen_amtyp_otyrmyn_1_dd96b2206e.jpg" alt="Кәсіпкер «Өңірлік орталықтан алған қаржының арқасында 6 адамды жұмыспен қамтып отырмын» 1.jpg">Бұл жолы кәсіпкер қоғамдық тамақтану орнына қажет ғимараттың толық өзінікі болғанын қалайды. Осылайша кәсіпкерлік мақсаттағы ғимаратты сатып алуға қажет қаржыны іздейді.<blockquote>«Біраз қаржы ұйымдарының өнімдерімен таныстым. Берілетін несиенің пайыздық мөлшері жоғарылау болды. Содан аудандық кәсіпкерлік бөліміндегі мамандардан «Қызылорда» Өңірлік инвестициялық орталығы» арқылы төмен пайызбен несие алуға болатынын естідім. Процесс көп уақытты алған жоқ. Құжаттар тапсырғаннан кейін мемлекеттік бағдарлама арқылы 7 млн теңге несие алдым», - дейді қармақшылық кәсіпкер.</blockquote>Тұрсынкүл Есжанова алған жеңілдетілген несие «Іскер» бағдарламасы арқылы 6 пайызбен берілген. Несие мерзімі 5 жыл.Бүгінде кәсіпкердің бизнесі тұрақты жұмыс істеп тұр. Халыққа 24/7 режимімен қызмет көрсетуде. Ғимаратында бір мезетте 80 адамға қызмет көрсете алады. Тұрсынкүл Есжанова осы кәсіптің арқасында 6 адамды тұрақты жұмыспен қамтыды.Айта кету керек, «Қызылорда» Өңірлік инвестициялық орталығы арқылы 10 жылда қызмет көрсету саласындағы 623 жобаға 4,1 млрд теңге жеңілдетілген несие берілген.

Кәсіпкер: «Өңірлік орталықтан алған қаржының арқасында 6 адамды жұмыспен қамтып отырмын»

<a href="https://kyzylorda-news.kz/">Kyzylorda-news.kz</a> 2024 жыл елімізде "Жұмысшы мамандықтар жылы" деп жарияланып, еңбек адамының мәртебесін көтеруге, техникалық және өндірістік сала мамандықтарының маңызын арттыруға ерекше көңіл бөлініп отыр. Бұл бастама – ел экономикасының нақты секторында еңбек етіп жүрген жандардың еңбегін бағалауға, жастарды жұмысшы мамандықтарын меңгеруге ынталандыруға бағытталған маңызды қадам.Осыған орай, Шиелі&nbsp;ауданында табысты жүзеге асып жатқан өндірістік жобалар үлгі ретінде кеңінен насихатталуда. Солардың бірі – 2024 жылы іске қосылған құс еті өндіру кәсіпорны. Аталған жобаның басшысы – Құрманбаева Гүлзада Ақназаровна, өз кәсібін жергілікті жерде дөңгелетіп, ауыл шаруашылығының ет бағытын дамытуға үлес қосып келеді.Кәсіпорынның өндірістік қуаттылығы – айына 9 тонна құс еті, бұл шамамен 4500 дана құс өсіруге мүмкіндік береді. Өнім толықтай ішкі нарыққа бағытталған, яғни тұрғындарды сапалы, жергілікті өніммен қамтамасыз ету – жобаның негізгі мақсаты. Кәсіпорын қазіргі таңда 5 адамды тұрақты жұмыспен қамтып отыр, бұл өз кезегінде ауылдық жерлердегі жұмыссыздықтың азаюына оң әсер етуде.Бұл жоба жұмысшы мамандықтарының тек қарапайым еңбек ғана емес, ел экономикасын алға сүйреуші күш екенін көрсетіп отыр. Құс өсіру – үлкен жауапкершілік пен кәсіби шеберлікті талап ететін сала. Мұнда әрбір еңбеккердің үлесі маңызды. Осы кәсіпорын үлгісінде біз жастарға еңбек ету, кәсіп ашу, өндірістік бағытта жұмыс істеудің нақты мүмкіндіктері бар екенін жеткізгіміз келеді.

Өндірістік кәсіпорынның табысты үлгісі

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Машбекұлы Нәлібаевтың тапсырмасына сәйкес, Еңбек тәуекелдерінің цифрлық картасына енгізілген еңбек даулары туындауы мүмкін кәсіпорындармен жүйелі жұмыс жүргізу мақсатында бірлескен өзара іс-қимыл жоспары бекітіліп, арнайы жұмысшы тобы құрылған болатын.Осыған орай Мемлекеттік еңбек инспекциясы комитетінің Қызылорда облысы бойынша департаментінің басшысы Б.Жұмағұлов Жаңақорған ауданына іссапармен келіп, еңбек тәуекелі жоғары санатқа енгізілген кәсіпорындардың басшыларымен кездесу өткізді.Кездесуге аудан әкімінің орынбасары Бектас Нұридинов, аудандық кірістер басқармасының, төтенше жағдайлар бөлімінің басшылары және өзге де жергілікті атқарушы органдар мен кәсіпорындардың өкілдері қатысты.Басқосу барысында Департамент басшысы Б.Жұмағұлов 2024 жылы іске қосылған «Еңбек тәуекелдерінің цифрлық картасы» ақпараттық жүйесінің мақсат-міндеттерін жан-жақты түсіндірді. Ол ҚР Еңбек және халықты әлеуметтік қорғау министрінің тапсырмасына сәйкес, еңбек дауларының алдын алу шараларын жүйелі түрде жүргізу қажеттігін атап өтті. Әсіресе жұмыс берушілердің міндетті төлемдерді уақытылы аударуын қамтамасыз ету, еңбек ұжымындағы ахуалды тұрақты бақылауда ұстау, еңбек заңнамасын қатаң сақтау мәселелері баса айтылды.Сонымен қатар, кәсіпорындарда еңбек қауіпсіздігі мен еңбекті қорғау талаптарының сақталуы, жұмысшыларды жазатайым оқиғалардан сақтандыру шартын жасасудың маңыздылығы, ұжымдық шарттар жасасудың тәртібі мен ерекшеліктері туралы кеңінен түсіндірме берілді.Одан бөлек, Мемлекеттік еңбек инспекциясы комитетінің тапсырмасына сәйкес, білім беру мекемелерінде де еңбек заңнамасының орындалуын қамтамасыз ету мақсатында оқу орындарының басшылары мен жауапты қызметкерлердің қатысуымен түсіндіру жұмыстары жүргізілді.Кездесу барысында қатысушылар тарапынан қойылған сұрақтарға жан-жақты жауаптар берілді.<img src="https://knadmin.beoblood.kz/uploads/Zha_a_or_an_audanynda_k_siporyndarda_y_e_bek_ahualy_tal_ylandy_64a64890dc.jpg" alt="Жаңақорған ауданында кәсіпорындардағы еңбек ахуалы талқыланды.jpg">Фото: freepik.com

Жаңақорған ауданында кәсіпорындардағы еңбек ахуалы талқыланды

<a href="https://kyzylorda-news.kz/">Kyzylorda-news.kz</a> Қызылордалық кәсіпкер Ботагөз&nbsp;Арқашбаева асыл тұқымды ешкі өсіру жобасын жолға қойып, бүгінде сұранысқа ие табиғи өнімдер шығаруда.Ботагөз кәсіби биші. Мамандығы бойынша Шиелі ауданы Ыбырай Жақаев ауылындағы балабақшада музыка жетекшісі болып жұмыс істейді. Жеке кәсіпті қолға алғанына 7 жылдан асты.<blockquote>«Халқымызда «Әке көрген – оқ жонар, ана көрген – тон пішер» деген жақсы мақал бар ғой. Кәсіпке келуіме анамның көрсеткен үлгісі себепші болды. Анам ешкі өсіргенді ұнатады. Сол қызығушылығын кәсіпке айналдырса қалай болар екен деп ойлана келе осы істі қолға алдым. Оның үстіне өзге үй жануарларына қарағанда ешкіге азық аздау кетеді», - дейді Ботагөз Арқашбаева.</blockquote>Алғашында ол кәсібін жергілікті 10 ешкімен бастаған. Кейін саланы зерттей келе сүт бағытын таңдап, асылдандыруға көшеді.&nbsp;<blockquote>«Кәсіпті қолға алған жеті жылдың үш жылын асылдандыруға арнадым. Мал басын 100-ге жеткіздім. Нәтижесінде өнімділік артты. Әр ешкі күніне 3-6 литрден сүт береді. Нарыққа ешкі сүтін, айранын, майы мен құртын шығарып жатырмын. Халықтың табиғи өнімге басымдық беріп жатқаны қуантады. Негізі өнімдер тез өтіп кетеді. Шиелінің өзінен артылмайды. Дегенмен Алматы, Шымкент, Қызылорда қалаларына да жіберілуде. Ол жақта да тұрақты тұтынушылар қалыптасты», - дейді кәсіпкер.</blockquote>Сұраныстың көбеюі кәсіпкерден өнім көлемін арттыруды талап етуде. Сонымен бірге, Ботагөз алдағы уақытта өнімдерін сауда сөрелеріне шығаруды да көздеп отыр. Кәсібін кеңейту мақсатында шағын цех ашып, құрал-жабдықтар алу үшін кәсіп иесі жеңілдетілген несие алмақ болады.<blockquote>«Қызылорда» Өңірлік инвестициялық орталығы арқылы 6 пайызбен кәсіпке несие алуға болатынын былтыр аудандық кәсіпкерлік бөліміндегі мамандардан естідім. Құжаттарымды жылдам жинап, тапсырып, көп уақыт өтпей-ақ 17,5 млн теңге несие алдым. Бұл қаржыға қазір шағын ғимарат салып жатырмын. Сондай-ақ, сүт сауатын, май шайқайтын аппараттар, лоток, вакумдеу құралдарын алып қойдым», - дейді Ботакөз Арқашбаева.</blockquote>Кәсіпкер құрылыс жұмыстары біткен соң осы жабдықтар арқылы өнім көлемін арттыруды жоспарлап отыр. Шағын цех өнімін сертификаттауға мүмкіндік береді. Осыдан кейін дайын тауарды сауда орындарына шығаруға мүмкіндік алады. Ботагөздің шағын кәсібінде әзірге 3 адам тұрақты жұмыс істейді. Алдағы уақытта жұмысшылар санын арттырмақ.Ерекше атап өткен жөн, жақында Қызылорда қаласының сол жағалауынан шағын өндірістік аймақ іске қосылады. Бұл аумаққа азық-түлік өнімдерін шығаратын кәсіпкерлер орналасуда. Оларға кәсібіне қажет құрал-жабдықтар алу үшін «Қызылорда» Өңірлік инвестициялық орталығы арқылы 3 пайызбен жеңілдетілген несие берілуде.<img src="https://knadmin.beoblood.kz/uploads/yzylordaly_k_sipkerdi_eshki_s_tinen_ndirgen_tabi_i_nimderi_zho_ary_s_ranys_a_ie_6b309acc66.jpg" alt="Қызылордалық кәсіпкердің ешкі сүтінен өндірген табиғи өнімдері жоғары сұранысқа ие.jpg">Фото: «Қызылорда» Өңірлік инвестициялық орталығының баспасөз қызметі

Қызылордалық кәсіпкердің өнімдері жоғары сұранысқа ие

<a href="https://kyzylorda-news.kz/">Kyzylorda-news.kz</a> Мемлекеттік қолдау алған субъектілер сауда орындарының кемінде 20% азық-түлікке жатпайтын отанда өндірілген тауарларға арнауға міндетті. Бұл туралы Сауда және интеграция вице-министрі Әсет Нүсіпов мәлім етті, – деп хабарлайды <a href="https://kaz.inform.kz/news/otandik-zhenl-onerkasp-ondrs-kolem-26-payizga-ost-0d6ddf/">Қазақпарат.</a><blockquote>— Жыл басынан бері жеңіл өнеркәсіп саласындағы өндіріс көлемі 2,6%-ға өсті. Бұл жай ғана сан емес, жүйелі жұмыстың, инвестиция, кооперация мен мамандардың зор еңбегінің нәтижесі. Жеңіл өнеркәсіп сауда саласымен тығыз байланысты, ал қазіргі жағдайда ішкі нарықтың, тұрақты тұтынудың және импортты алмастырудың рөлі артып жатыр. Біздің міндет — отандық өндірісті қолдау, ішкі және сыртқы өткізу нарығын дамыту және қазақстандық өнімдерге арналған сөре кеңістігін ұлғайту, — деді Әсет Нүсіпов елордада өткен жеңіл өнеркәсіп ұлттық бірлестігінің 10 жылдығына арналған ІІ съезінде.</blockquote>Вице-министрдің мәлімдеуінше, отандық өндірісті қолдау мақсатында бірқатар шешім қабылданды.<blockquote>— Бүгінде мемлекеттік қолдау алған субъектілер сауда орындарының кемінде 20% азық-түлікке жатпайтын елде өндірілген тауарларға арнауы тиіс. Бұл сала мүддесі үшін қабылданған принципті шешім, — дейді ол.</blockquote>Фото: Дәулет Ізтілеу

Отандық жеңіл өнеркәсіп өндірісі көлемі 2,6 пайызға өсті

<a href="https://kyzylorda-news.kz/">Kyzylorda-news.kz</a> Құрметті Қызылорда облысының кәсіпкерлері!Сіздерді Қазақстан Республикасы Президентінің «Алтын сапа» сыйлығын алуға арналған конкурсы және «Қазақстанның үздік тауары» көрме-конкурсына қатысуға шақырамыз.1. ҚР Президентінің «Алтын сапа» сыйлығыҚР Президентiнiң «Алтын сапа» сыйлығы өнiмнiң немесе көрсетілетін қызметтердiң сапасы саласында ұйымның елеулі нәтижелерге қол жеткiзгенi үшiн, олардың қауiпсiздiгiн қамтамасыз еткені, сондай-ақ ұйымның сапаны басқарудың тиiмдiлiгi жоғары әдiстерiн енгiзгенi үшiн берiледi.Сыйлық лауреаты атағына ие болған конкурсқа қатысушыларға конкурстың эмблемасы, диплом &nbsp;және 450 айлық есептік көрсеткіш мөлшерінде ақшалай сыйақы беріледі (2025 жылға – 1&nbsp;769 400 теңге).Конкурс жеңiмпаздарын марапаттау рәсiмi салтанатты түрде өткiзiледi. Байқау сыйлығын Қазақстан Республикасының Президенті жеке тапсырады.Ұйымдар конкурсқа келесі номинациялар бойынша қатысады: «Өндiрiстiк мақсаттағы үздiк кәсiпорын»; «Халық тұтынатын тауарларды шығаратын үздiк кәсiпорын»; «Қызметтер көрсететiн үздiк кәсiпорын»; «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын». Әр номинацияда мынадай санаттар бойынша үш сыйлық беріледі: шағын кәсіпкерлік субъектісі; орта кәсіпкерлік субъектісі; ірі кәсіпкерлік субъектісі.Конкурста 2 арнайы сыйлық тағайындалады: «Үздік индустриялық жоба»; «Үздік инновациялық жоба».Конкурсқа қатысушылар Комиссияға кемiнде үш жыл кезеңде шығарылатын өнiмнiң немесе көрсетiлетiн қызметтiң жоғары сапасын растауға тиiс.«Қазақстанның үздік тауары» республикалық көрме-конкурсыКонкурсқа Қазақстан Республикасының аумағында тауарлар өндірумен (қару-жарақ пен әскери техника өндіруді қоспағанда) айналысатын және өнім сапасының тұрақты жоғары деңгейін қамтамасыз ету және оны жүйелі түрде жақсарту жөнінде оң нәтижелері бар дара кәсіпкерлер мен заңды тұлғалар қатысуға үміткер бола алады.Конкурс 2 кезеңде өткізіледі: өңірлік және республикалық.Ұйымдар конкурсқа келесі номинациялар бойынша қатысады: 1. «Өндірістік мақсаттағы үздік тауарлар»; 2. «Халыққа арналған үздік тауарлар»; 3. «Үздік азық-түлік тауарлары».Өңірлік көрме-конкурстың 9 жеңімпазы (әр номинацияда үш жеңімпаздан) республикалық конкурсқа қатысады. Конкурс дипломанттары салтанатты түрде «Қазақстанның үздік тауары» республикалық көрме-конкурсының эмблемасымен және дипломдарымен марапатталады.Конкурс дипломанттарының тізімі бұқаралық ақпарат құралдарында жарияланады. Конкурс жеңімпаздары байқау эмблемасын жарнамалық мақсатта төрт жыл бойы пайдалану құқығына ие болады.Қатысуға өтінім мен құжаттар жиынтығын беру мерзімі - 2025 жылғы 1 шілдеге дейін.Конкурс туралы толық ақпаратты www.altynsapa.kz сайтынан немесе Қызылорда облысы кәсіпкерлер палатасынан &nbsp;87472825688 нөміріне хабарласып алуға болады.

«Алтын сапа» сыйлығына өтінім қабылдау басталды

<a href="https://kyzylorda-news.kz/">Kyzylorda-news.kz</a> Аймақтың кәсіпкерлік саласын дамыту мақсатында құрылған «Қызылорда» Өңірлік инвестициялық орталығы арқылы 10 жылда 15,5 млрд теңгеге 2779 жоба қаржыландырылған. Нәтижесінде 3140 жаңа жұмыс орны ашылып, кәсіпкерлер бюджетке 2 млрд теңгеге жуық салық төлеген. Бұл жайлы Өңірлік орталық директорының орынбасары Досжан Анасбаев айтты.<blockquote>«Жобаларды қарастыру барысында Орталық ауылдық елді мекендерге басымдық берді. Мәселен, он жылда Өңірлік орталық арқылы қаржыландырылған 2779 жобаның 2595-і аудандар, ондағы елді мекендер, сондай-ақ Қызылорда қаласына қарасты ауыл азаматтарының кәсіпкерлік бастамасы», - дейді Орталық директорының орынбасары.</blockquote>Кәсіпкерлік мақсаттағы мемлекеттік қолдау тетіктерін алу барысында ауылдық елді мекен тұрғындары қиналатын кей мәселелер бар. Мысалы, несие алу үшін қойылатын кепіл мүлік. Бұл жағына келгенде Өңірлік орталық мәселені жан-жақты қарастырып, оңтайлы шешілуіне аса мән береді. Кепілге жылжымайтын мүліктен сабан үйге дейін, сондай-ақ жер телімдерін де алады.Былтыр Өңірлік орталық 1,4 млрд теңгеге 129 жобаны қаржыландырды.<blockquote>«Біз қазір жобаларды қаржыландыруда басымдықты өндірістік салаға беріп жатырмыз. Бұл жағынан аймақ басшысы Нұрлыбек Машбекұлы жергілікті тауарөндірушілердің қатарын арттыру жөнінде нақты тапсырма берді. Өндіріспен айналысудың тиімді екенін жыл өткен сайын кәсіпкерлер де жақсы түсініп келеді. Былтырғы қаржыландырған 129 жобаның 53-і өндірістік, 42-сі қызмет көрсету саласынан болса, 25-і агроөнеркәсіптік кешен саласындағы жобаларды қамтиды», - деді Досжан Анасбаев.</blockquote>Осы орайда, шалғай аудан, ауыл тұрғындары жобаларын ұсынуда облыс орталығына келіп, уақыт жоғалтпаса да болады. Жобаларын өздері тұратын қала, ауданның кәсіпкерлік бөлімдеріне тапсырады. Ал аталған бөлім мамандары жобаларды жинақтап, «Қызылорда» Өңірлік инвестициялық орталығына ұсынады.Биыл Өңірлік орталықта өңдеу өнеркәсібін дамытуға 1,3 млрд теңге қаржы қаралып отыр. Кәсіпкерлік мақсаттағы несие 6 пайызбен, 5 жылға дейін беріледі. Бүгінгі күнге дейін қалалық, аудандық әкімшіліктерден 55 өтінім түсті. Бұл өтінімдер несие комитетінде қаралып, 20 жоба қаржыландырылды.Сондай-ақ, Қызылорда қаласының сол жағалауында мемлекеттік бағдарлама аясында ашылып жатқан шағын өндірістік аймақта кәсібін жүргізуге ниетті бизнес иелеріне де Орталық арқылы қолдау көрсету көзделуде. Аталған орталыққа орналасатын кәсіпкерлер құрал-жабдық үшін Өңірлік орталықтан 3 пайызбен несие ала алады.<blockquote>«Қазір Қызылорданың қарқынды дамып жатқанын өздеріңіз де көріп отырсыздар. Оның ішінде сол жағалау қажетті инфрақұрылыммен қамтамасыз етілуде. Соның бірі – мемлекеттің қолдауымен шағын өндірістік аймақты дамытуға жақсы жағдай жасалуда. Шағын өндірістік аймақта орналасқан кәсіпкерлер өнімдерін жанындағы коммуналдық базарға шығарып, тұтынушыларға ұсына алады», - дейді Өңірлік орталық басшысының орынбасары Досжан Анасбаев.</blockquote>Өңірлік орталықтан кәсіпкерлік мақсатта несие алуға ниетті азаматтар қосымша сұрақтар туындаған жағдайда тұрғылықты жеріндегі қала/аудандық кәсіпкерлік бөліміне немесе «Қызылорда» Өңірлік инвестициялық орталығына хабарласа алады. Өңірлік орталықтың байланыс телефоны: 8 /7242/ 40-03-60, 40-02-37.

Кәсіпкерлер екі миллиард теңгеге жуық салық төлеген

<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Roca Group директорлар кеңесінің төрағасы Сантьяго де Гомар Рокамен кездесіп, Қызылорда облысында сантехникалық зауыт салу жобасын жүзеге асыру, инвестициялық ынтымақтастықты одан әрі нығайту перспективаларын талқылады. Кездесуге облыс әкімі Нұрлыбек Нәлібаев та қатысты.Үкімет басшысы өнеркәсіптік өндірісті локализациялау экономиканы құрылымдық нығайтудағы басым міндет екенін атап өтті. Осыған байланысты Қазақстан қолайлы инвестициялық ахуал қалыптастыру бойынша белсенді жұмыс жүргізуде.<blockquote>«Қазақстан Президенті Қасым-Жомарт Тоқаевтың экономикалық тұрақтылықты қамтамасыз етудегі басым бағыты аясында отандық өндірісті қолдауға және сыртқы жеткізілімдерге тәуелділікті азайтуға бағытталған импортты алмастыру саясаты белсенді дамып келеді.Қазақстан мен Испания – стратегиялық серіктестер. Сондықтан біз компанияны сенімді серіктес ретінде көреміз және индустриялық даму үшін жоғары технологиялық өндіріс тартуды құптаймыз. Үкімет жобаның сәтті жүзеге асуы үшін қажетті көмек көрсетеді», – деп атап өтті Олжас Бектенов.</blockquote>Жылына 500 мың бұйымға дейін санитарлық-техникалық өнімдер шығаратын жоғары технологиялық зауыт Қызылорда қаласындағы «Өндіріс» индустриялық аймағында орналасады. Осы мақсат үшін жер телімі белгіленді. Кәсіпорын өнімдері ішкі нарыққа және Орталық Азия елдеріне экспортқа шығаруға бағытталған. Жоба құны 70 миллион еуро, 300 жаңа жұмыс орны ашылады. Өндіріске қажетті негізгі бес компоненттің үшеуі Қызылорда облысының өзінен қамтамасыз етіледі.Roca Group директорлар кеңесінің төрағасы Сантьяго де Гомар Рока компания Қазақстанды өңірдегі бизнесті дамытудың стратегиялық алаңы ретінде қарастыратынын атап өтті. Бүгінде Roca Group саладағы әлемдік көшбасшылардың бірі саналады. Компанияның 78 зауыты, 20 мыңнан астам қызметкері бар.<blockquote>«Қазақстан – Орталық Азиядағы жұмыс ауқымын кеңейту үшін қисынды таңдау. Біз елді бүкіл аймақ үшін тиімді жұмыс істей алатын өнеркәсіптік және логистикалық хаб ретінде қарастырамыз. Мұнда өндірісті дамытуға қолайлы жағдай жасалған және Қызылорда облысындағы жоба жергілікті экономиканың дамуына үлес қосып, халықаралық стратегиямыздың маңызды бөлігіне айналатынына сенімдіміз», – деді Сантьяго де Гомар Рока.</blockquote>Кездесуде ҚР Өнеркәсіп және құрылыс министрлігі, Қызылорда облысының әкімдігі және Roca Group инвестициялық жобаны жүзеге асыру қағидаттары туралы негіздемелік келісімге қол қойды. Бұл құжат – тараптардың санитарлық-техникалық бұйымдар өндіретін зауыт жобасын бірлесіп жүзеге асыруға ниетті екенінің ресми дәлелі.Roca Group компаниясымен ынтымақтастық былтырғы желтоқсан айында Қызылорда облысының әкімі Нұрлыбек Нәлібаевтың Испанияға жұмыс сапары барысында басталған болатын. Содан бері инвестормен бірлесіп, бірқатар нәтижелі жұмыс жүргізілді.<blockquote>«Мемлекет басшымыздың инвестиция тарту жөніндегі тапсырмасын орындау аясында біз шетелдік инвесторлармен жүйелі жұмыс жүргізіп келеміз. Roca Group – санитарлық-техникалық бұйымдар өндіру саласындағы әлемдік көшбасшылардың бірі. Бүгін Қызылорда облысы үшін маңызды қадам жасалды, біз компаниямен өндірісті іске қосу жөніндегі негіздемелік келісімге қол қойдық. Аталған зауыт Орталық Азиядағы ірі жобалардың бірі болмақ. Ол ішкі нарықты отандық құрылыс материалдарымен қамтамасыз етуге мүмкіндік береді. Біздің басты мақсатымыз – инвесторға қолайлы жағдай жасап, жобаны сапалы әрі уақытылы іске асыру», – деді Н.Нәлібаев.</blockquote>Бұл бастама өңірдің инвестициялық тартымдылығын арттырумен қатар, жаңа өндірістер құру арқылы тұрғындарды тұрақты жұмыспен қамтуға да мүмкіндік береді.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Кәсіпкерлік

"Ауыл аманаты": Бизнес-инкубатор жұмысын көрді