<a href="https://kyzylorda-news.kz/">Kyzylorda-news.kz</a> Бүгін «Құзыреттілік орталығында» облыс әкімі Мұрат Ергешбаевтың, мәслихат депутаттары, жергілікті бизнес өкілдері, даму және қаржы институттары басшыларының қатысуымен «Қазақстанның үздік тауары – 2026» өңірлік көрме-байқауы өтті.Аймақ кәсіпкерлері мен тауарөндірушілері жыл сайынғы «Алтын сапа» сыйлығы мен «Қазақстанның үздік тауары» дәстүрлі республикалық көрме-байқауына белсенді қатысып келеді. Бұл – отандық тауарөндірушілерді қолдауға, өнім сапасын арттыруға және ұлттық брендтерді дамытуға бағытталған маңызды шара.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti_21ed3f65f1.jpg" alt="«Қазақстанның үздік тауары – 2026» өңірлік көрме-байқауы өтті.jpg">Аймақ басшысы бәсекеге қабілетті өнім шығарып, сапалы қызмет көрсету еліміздің өркендеуіне нақты іспен үлес қосу екенін атап өтті.<blockquote>– Бұл міндетті жүзеге асыруда кәсіпкерлер қауымының еңбегі мен жауапкершілігі ерекше. Көрмені аралау барысында сапалы өнімдерді өзімізде шығаруға болатынын көрдік.Президентіміз Қасым-Жомарт Кемелұлы: «Қазақстанда жасалған» деген таңба ең мықты сапаның, ең жақсы өнімнің белгісіне айналуға тиіс. «Алтын сапа» байқауының басты мақсаты – осы» деп атап өткен болатын.Облыс экономикасын әртараптандыруда жоғары сапалы, экспортқа бағытталған өңдеу өнеркәсібі қарқын алды. Алдағы 3 жылда 48 инвестициялық жобаны жүзеге асырып, 10 мыңнан астам жаңа жұмыс орнын құру көзделген.Бүгінгі көрме-байқау алаңы – кәсіпкерлер арасындағы өзара ынтымақтастықты күшейтіп, жергілікті өнімдерді тұтыну мен өткізуді арттыруға мүмкіндік береді»,– деді Мұрат Нәлқожаұлы.</blockquote>Жақында «Марал Нұр» серіктестігінің жоғары технологиялық вагондарды жөндеу және техникалық қызмет көрсету кешені ашылды. Бұл компания теміржол инфрақұрылымын дамытудағы сапалы жұмысы үшін өткен жылы «Алтын сапа» сыйлығының лауреаты атанды.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti1_c926f57b9d.jpg" alt="«Қазақстанның үздік тауары – 2026» өңірлік көрме-байқауы өтті1.jpg">Өткен айда испандық «Рока Груп» компаниясының санитарлық-техникалық бұйымдар, «Севен Риверс» компаниясының шыны ыдыстар шығаратын зауыттарының капсуласы салынды. Алдағы уақытта жаңа өндірістердің жоғары сапалы өнімі облыс экономикасын өркендетуге септігін тигізеді.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti2_fe3ec0dad6.jpg" alt="«Қазақстанның үздік тауары – 2026» өңірлік көрме-байқауы өтті2.jpg">Биылғы көрме-байқауға экономиканың түрлі салаларынан 62 тауарөндіруші қатысты. Сарапшылардың бағалау қорытындысы бойынша «Өндірістік мақсаттағы үздік тауарлар», «Үздік азық-түлік тауарлары» және «Халыққа арналған үздік тауарлар» номинациялары бойынша 9 жеңімпаз марапатталды.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti3_93ed9897ca.jpg" alt="«Қазақстанның үздік тауары – 2026» өңірлік көрме-байқауы өтті3.jpg">Қазір Қызылорда облысында 60 мыңға жуық шағын және орта кәсіпкерлік субъектісі жұмыс істейді. Бұл секторда 113 мыңнан астам адам еңбекпен қамтылған. Биыл кәсіпкерлікті қолдауға шамамен 25 млрд теңге бөлініп, 553 жоба қаржыландырылды.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti4_9be8df63f8.jpg" alt="«Қазақстанның үздік тауары – 2026» өңірлік көрме-байқауы өтті4.jpg"><img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti5_f728f6e2a5.jpg" alt="«Қазақстанның үздік тауары – 2026» өңірлік көрме-байқауы өтті5.jpg">Фото: Қызылорда облысы әкімінің баспасөз қызметі&nbsp;

«Қазақстанның үздік тауары – 2026» өңірлік көрме-байқауы өтті

<a href="https://kyzylorda-news.kz/">Kyzylorda-news.kz</a> Қызылорда қаласы Тасбөгет кентінің тұрғыны Бауыржан Сәрсенов бала күнгі арманы болған жиһаз жасау кәсібін «AMANAT» партиясының «Ауыл аманаты» жобасы аясында табысты кәсіпке айналдырды. Жас кәсіпкер қазір облыс көлемінде сапалы жиһаз өнімдерін дайындайтын заманауи цехтың жұмысын жолға қойған.Бауыржан Сәрсенов «AMANAT» партиясының «Ауыл аманаты» жобасы аясында 2,5 пайыздық жеңілдетілген несие алып, өзінің көптен бергі арманы болған кәсіпті бастады. Бүгінде ол облыс көлемінде сапалы жиһаз өнімдерін дайындайтын заманауи цехтың яғни «Baukin» жеке кәсіпкерлігін иесі. &nbsp;Кәсіпкердің айтуынша, жиһаз жасауға деген қызығушылығы бала күнінен басталған. Алайда кез келген істі қолға алу үшін ең алдымен қаржылай қолдаудың маңызы зор. Осы тұрғыда «AMANAT» партиясының бастамасымен жүзеге асқан «Ауыл аманаты» жобасы оның кәсібін ашуына үлкен мүмкіндік берген.Қазіргі таңда «Baukin» жиһаз цехы тұрғындардан түрлі тапсырыстар қабылдап, асүй жиһаздары, кеңсе үстелдері, шкафтар мен заманауи интерьерге арналған бұйымдарды әзірлеумен айналысады. Сапалы өнім мен жауапкершіліктің арқасында кәсіпкердің тұтынушылары күн санап артып келеді. Бүгінде облыстың әр ауданынан тапсырыс түсіп, цех жұмысы қарқын алған.<blockquote>«Ауыл аманаты» жобасы – кәсіп бастаймын деген азаматтарға берілген үлкен мүмкіндік. Төмен пайызбен несие алып, өз кәсібімді дамытуға жол ашылды. Жиһаз жасау – бала күнгі арманым еді. Сол арманымды жүзеге асыруға қолдау көрсеткен «AMANAT» партиясына алғысым шексіз. Осындай бағдарламалардың арқасында көптеген азамат өз кәсібін бастап, ел экономикасының дамуына үлес қоса алады»,-дейді кәсіпкер Бауыржан Сәрсенов.</blockquote>Бүгінде цехта 10 адам тұрақты жұмыспен қамтылған. Бұл өз кезегінде өңірдегі жұмыссыздық деңгейін төмендетіп, жергілікті тұрғындардың табысын арттыруға оң әсерін тигізуде. Бауыржан алдағы уақытта жұмысшылар санын көбейтпек. Ол үшін өндіріс ауқымын кеңейтіп, жаңа құрал-жабдықтармен қамтылған ірі өндірістік база салуды көздеп отыр.<blockquote>«Жалпы кез келген мәселенің сұрауы болады. Осы несиенің мақсатты жұмсалуын партия өкілдері арнайы келіп, өздері қадағалап, цех жұмысымен танысты. Ұсыныстарымды айтып, алдағы жоспарларыммен бөлістім. Сол кезде өндірісті кеңейту үшін қосымша жер телімі қажет екенін айттым. Партия өкілдері жергілікті әкімдік мамандарын шақырып, жер телімін беруге қолдау көрсету жөнінде ұсыныс білдірді. Қазіргі таңда бұл бағытта нақты жұмыстар жүргізіліп жатыр. Алдағы уақытта нәтижесін береді деп сенемін», - дейді ол.</blockquote>Партия қолдауының нақты нәтижесін көрсететін мұндай мысалдар өңірде аз емес. «Ауыл аманаты» жобасы ауылдық жерлерде кәсіпкерлікті дамытуға серпін беріп қана қоймай, жаңа жұмыс орындарының ашылуына, халықтың әл-ауқатының артуына және отандық өндірістің дамуына оң ықпал етіп келеді.<img src="https://knadmin.beoblood.kz/uploads/Whats_App_Image_2026_05_28_at_16_29_45_b4c65fa7da.jpeg" alt="WhatsApp Image 2026-05-28 at 16.29.45.jpeg">

«Ауыл аманаты» жобасы аясында жиһаз өнімдерін дайындайтын цех ашты

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданы, Жосалы кентінде халықты сапалы өніммен қамтып отырған іскер жандардың бірі – жеке кәсіпкер Асарбаева Күлпаш Алдабергенқызы. Ол аудан тұрғындарын күнделікті сұранысқа ие нан өнімдерімен және жартылай фабрикат өнімдерімен қамтамасыз етіп келеді.Кәсібін кеңейту мақсатында кәсіпкер «Қызылорда» өңірлік инвестициялық орталығы арқылы жылдық 6 % мөлшерлемемен 40 млн. теңге көлемінде жеңілдетілген несие алып, өндіріске қажетті заманауи құрал-жабдықтар сатып алған. Нәтижесінде өндіріс көлемі айтарлықтай артып, цех жұмысы жандана түсті.Бүгінде «Береке нан» цехында тәулігіне 2000 дана нан, 300 дана батон, 200 дана тәтті тоқаш түрлері және 50-80 кг жартылай фабрикат өнімдері дайындалады. Табиғи әрі сапалы өнімдер тұрғындардың сұранысына ие болып, бүгінде «Береке нан» өнімдері аудандағы ірі маркеттер мен көптеген дүкен сөрелерінен орын алған.Қазіргі таңда цехта 8 адам тұрақты жұмыспен қамтылған. Бұл – өңірдегі кәсіпкерліктің дамуына, халықтың әл-ауқатының жақсаруына қосылған үлес.Күлпаш Алдабергенқызы алдағы уақытта цех жұмысын дамытуды көздеп отыр. Алдағы уақытта кәсіпті кеңейтіп, қызметкерлер санып көбейтпек.&nbsp;

Қармақшылық кәсіпкер мемлекеттік бағдарлама арқылы кәсібін кеңейтті

<a href="https://kyzylorda-news.kz/">Kyzylorda-news.kz</a> Сырдария ауданындағы «Руханият» орталығында Қызылорда облысы кәсіпкерлер палатасы Өңірлік кеңесінің көшпелі отырысы ұйымдастырылды. Іс-шараға аудан әкімінің орынбасары Роллан Еспенбетов, аудан прокурорының міндетін атқарушы Махмут Алмас, Қызылорда облысы Кәсіпкерлер палатасы Өңірлік кеңесінің төрағасы Ерлан Раимов, Қызылорда облысы кәсіпкерлер палатасы директорының орынбасары Салават Кулмаханов, Өңірлік кәсіпкерлік кеңесінің мүшесі Мұрат Сәрсенбаев, Сырдария ауданы бойынша мемлекеттік кірістер басқармасының бас маманы Ұлан Болат, қаржы ұйымдарының мамандары, кәсіпкерлер мен шаруа қожалықтарының жетекшілері қатысты.Жиынның негізгі мақсаты – кәсіпкерлікті дамытуға бағытталған мемлекеттік бағдарламаларды түсіндіру, бизнес өкілдерінің ұсыныс-пікірлерін тыңдау және кәсіпкерлерге туындаған мәселелер бойынша нақты қолдау көрсету болды.<img src="https://knadmin.beoblood.kz/uploads/Syrdariya_k_sipkerlik_1_c5cca171db.jpg" alt="Сырдария кәсіпкерлік 1.jpg">Кездесу барысында мемлекеттік бағдарламалар аясында көрсетілетін қолдау шаралары, жеңілдетілген несиелеу мүмкіндіктері, жаңа инвестициялық жобаларды қаржыландыру тетіктері туралы кеңінен ақпарат берілді.Сонымен қатар, кәсіпкерлерге салық саласы, заң талаптары және бизнес жүргізу барысында кездесетін өзекті мәселелер бойынша түсіндірме жұмыстары жүргізілді. Қатысушылар өздерін толғандырған сұрақтарын қойып, сала мамандарынан нақты жауаптар алды.Көшпелі отырыстан кейін делегация аудан орталығындағы бірқатар кәсіпкерлік нысандарды аралап, олардың жұмысымен танысты. Кәсіпкерлермен жүздесу барысында өндіріс көлемін ұлғайту, жаңа жұмыс орындарын ашу, мемлекеттік қолдау тетіктерін тиімді пайдалану және бизнесті дамыту бағытындағы өзекті мәселелер талқыланды.Айта кету керек, мұндай кездесулер кәсіпкерлер мен мемлекеттік органдар арасындағы байланысты нығайтып, бизнестің дамуына серпін беретін тиімді алаңға айналып келеді.Фото: Сырдария ауданы әкімінің баспасөз қызметі&nbsp;

Кәсіпкерлікті дамыту бағытында көшпелі отырыс өтті

<a href="https://kyzylorda-news.kz/">Kyzylorda-news.kz</a> «AMANAT» партиясы бастамасымен жүзеге асып жатқан «Ауыл аманаты» жобасы ауыл тұрғындарының әл-ауқатын арттырып, кәсіп бастауға ниетті азаматтарға нақты қолдау көрсетіп келеді. Бағдарламаның игілігін көріп отырғандардың бірі қызылордалық &nbsp;кәсіпкер – Нұргүл Бақымова.Шиелі ауданының тұрғыны Нұргүл Базарбекқызы 2025 жылы «Ауыл аманаты» бағдарламасы аясында 2,5 пайыздық жеңілдетілген несие алып, кәсібін жаңа деңгейге көтерді. Кәсіпкер партия қолдауымен 9 миллион 800 мың теңге қаржыға ие болып, өндіріс ауқымын кеңейтіп, қажетті құрал-жабдықтарын жаңартқан. Бүгінде Шиелі кентіндегі «Ауыл аманаты» әлеуметтік дүкенінде өз өнімдерін халыққа ұсынып қана қоймай, әлеуметтік желідегі парақшасы арқылы онлайн сауданы да табысты жүргізіп отыр. Қазіргі таңда тапсырыстар Қазақстанның барлық өңірінен қабылданып, жеткізу қызметі жүйелі жолға қойылған.&nbsp;Нұргүлдің қолынан шыққан жұмсақ ойыншықтар, көрпе-төсек жабдықтары мен тұрмыстық бұйымдарға сұраныс жоғары. Ұлттық нақыш пен сапаны үйлестірген өнімдер тұтынушылардың ерекше ықыласына ие болуда.<blockquote>«Қазір тойдың маусымы болғандықтан, қыз жасауына арналған көрпе-төсек, құрақ бұйымдар мен түрлі тұрмыстық заттарға сұраныс өте жоғары. Нұргүлдің өнімдерінің сапасы ерекше ұнайды. Тігісі ұқыпты, заманауи үлгіде жасалған әрі ұлттық нақышы бар. Сондықтан біз ғана емес, көрші ауылдардан да арнайы келіп алып жатқан адамдар көп. Бағасы да қолжетімді. Осындай сапалы дүниелердің ауылдан шығып жатқаны қуантады», - дейді тұтынушылардың бірі Динара Данабекова.</blockquote>Нұргүлдің қолынан шыққан бұйымдарға сұраныс күн сайын артып келеді. Әсіресе той маусымында көрпе-төсек пен құрақ бұйымдарын іздеп келетіндер көп. Сапалы әрі ұлттық нақышта тігілген дүниелер ауыл тұрғындарының ғана емес, Түркістан, Ақтөбе облыстары мен Шымкент және Астана &nbsp;қаласы тұрғындарының да қызығушылығын тудырып, тапсырыс алып отыр. Кәсібін сүйіспеншілікпен дамытып келе жатқан шебер үшін «Ауыл аманаты» бағдарламасы үлкен мүмкіндікке айналған.<blockquote>«Ауыл аманаты» бағдарламасы менің кәсібіме үлкен серпін берді. Бұрын тек шағын көлемде жұмыс істесем, бүгінде кәсібімді кеңейтіп, еліміздің түкпір-түкпіріне өнім жіберіп отырмын. Ауылда отырып-ақ табыс тауып, өз ісіңді дамытуға болатындығын «AMANAT» партиясының «Ауыл аманаты» жобасы дәлелдеп отыр. Бұл нақты қолдау. Осындай мүмкіндік жасаған «AMANAT» партиясына тек алғыс айтамын», — дейді Нұргүл Бақымова.</blockquote>«AMANAT» партиясының «Ауыл аманаты» жобасы ауыл тұрғындарына тек қаржылай көмек көрсетіп қана қоймай, олардың өз кәсібін дөңгелетіп, тұрақты табыс табуына жол ашып отырған маңызды жоба. Осындай нақты қолдаудың арқасында ауданда кәсіпкерлер қатары да көбейіп, ішкі өнім көлемі 2025 жылдың осы кезеңімен салыстырғанда 97,1 &nbsp;пайызды құрап отыр. Бұл - ауыл экономикасын дамытуға бағытталған партияның жүйелі жұмысының нақты жемісі.<img src="https://knadmin.beoblood.kz/uploads/Whats_App_Image_2026_05_20_at_15_43_15_1_33d95f411e.jpeg" alt="Кәсіпкерлік.jpeg">

«Ауыл аманаты» — ауылдағы кәсіпке берілген үлкен мүмкіндік

<a href="https://kyzylorda-news.kz/">Kyzylorda-news.kz</a> Қызылорда облысында инвестициялық ахуалды жақсарту және өңірге жаңа өндірістерді тарту мақсатында инвесторларға ұсынылатын мемлекеттік қолдау шаралары жүйелі түрде кеңейтілуде.Өңірде инвестициялық жобаларды іске асыруда «Қорқыт Ата» арнайы экономикалық аймағы маңызды рөл атқарады. Жалпы аумағы шамамен 550 гектарды құрайтын аймақ аясында өңдеу өнеркәсібі мен жоғары технологиялы өндірістерді дамыту көзделген.Инвесторлар үшін келесі мемлекеттік қолдау шаралары қарастырылған: корпоративтік табыс салығы, жер және мүлік салығы бойынша 100% жеңілдіктер, импорттық қосылған құн салығы мен кедендік баждардан босату, сондай-ақ инвестициялық субсидиялар мен заттай мемлекеттік гранттар беру тетіктері.Сонымен қатар, өндірістік инфрақұрылымды жүргізу, инженерлік желілерге қосу, жеңілдетілген қаржыландыру және инвестициялық жобаларды «бір терезе» қағидаты негізінде сүйемелдеу қызметтері ұсынылады. Қазіргі таңда өңірде &nbsp;6 индустриялық аймақ жұмыс істейді, олардың жалпы аумағы шамамен 515 гектар, онда 160 млрд теңгеден астам инвестиция құны бар жобалар шоғырланған.Сонымен қатар, индустриялық аймақтарда қазіргі таңда шамамен 176 гектар бос жер телімі бар, бұл жаңа инвестициялық жобаларды орналастыруға және өндірістік әлеуетті одан әрі кеңейтуге мүмкіндік береді.Бұдан бөлек, ірі инвестициялық жобалар бойынша инвестициялар туралы келісімдер жасалып, салықтық режимнің тұрақтылығы қамтамасыз етіледі. Бұл ұзақ мерзімді инвестициялық жоспарлауға қолайлы жағдай қалыптастырады.Қабылданып жатқан мемлекеттік қолдау шаралары өңірдің инвестициялық тартымдылығын арттырып, жаңа өндірістерді іске қосуға, экспорттық әлеуетті күшейтуге және тұрақты жұмыс орындарын құруға ықпал етеді деп күтілуде.&nbsp;

Қызылорда облысында инвесторларға арналған мемлекеттік қолдау шаралары кеңейтілуде

<a href="https://kyzylorda-news.kz/">Kyzylorda-news.kz</a> Облыстық кәсіпкерлік және өнеркәсіп басқармасының басшысы Мөлдір Тәуіпбаева Арал ауданында жүзеге асырылып жатқан «Qazaq Camel» серіктестігінің түйе сүтінен құрғақ ұнтақ өндіру жобасы туралы кеңінен баяндады.Жобаның жалпы құны 3 млрд теңгені құрайды. Жылына 392 тонна өнім өндіру жоспарланған. Жоба Бірыңғай индустрияландыру картасына енгізілген. Мемлекеттік қолдау аясында индустриялық аймақтан 1 гектар жер телімі бөлінді.Сонымен қатар, «Өнеркәсіпті дамыту қоры» арқылы Қытай Халық Республикасынан қажетті технологиялық жабдықтарды сатып алуға 1,8 млрд теңге қаржы қарастырылған. Өнімді өткізу бойынша оффтейк-келісімшарт жасалып, алдағы 10 жыл ішінде өнім толықтай Қытай нарығына экспортталатын болады.Жобаның әлеуметтік маңызы зор. Арал өңірінде шамамен 23 жаңа тұрақты жұмыс орны ашылады. Қазіргі таңда негізгі өндірістік ғимараттардың құрылысы аяқталып, технологиялық қондырғыларды монтаждау жұмыстары толық жүргізілді. Кәсіпорын жақын арада іске қосылады.Айта кету керек, елімізде түйе сүтін өңдейтін кәсіпорындар бар болғанымен, өнеркәсіптік деңгейде құрғақ ұнтақ өндіретін зауыттар өте аз. Сондықтан бұл жоба өз саласы бойынша бірегей бастамалардың бірі болып табылады.Зауыттың Арал ауданында орналасуы өңірдегі түйе шаруашылығын дамытуға, шикізатты жергілікті ауылдардан жеткізуге, логистикалық тиімділікті арттыруға және ауыл тұрғындарының табысын көбейтуге мүмкіндік береді.Жалпы алғанда, жобаның табысты іске асуы жаңа жұмыс орындарының ашылуына, халықтың тұрақты табыс табуына, экспорттық әлеуеттің артуына, өңдеу өнеркәсібінің дамуына және бюджетке түсетін салық түсімдерінің ұлғаюына оң әсер етеді.Бұл бағыттағы жұмыстар алдағы уақытта да жүйелі түрде жалғасын табатын болады.

Арал ауданында түйе сүтінен құрғақ ұнтақ өндіру жобасы жүзеге асуда

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Қазақстан халқына арнаған Жолдауында экономиканы жаңғыртудың негізгі тетіктерінің бірі ретінде жаппай цифрландыру мен жасанды интеллект технологияларын кеңінен енгізудің маңыздылығын атап өткен болатын. Бүгінде бұл бағыттағы жүйелі жұмыстар нақты нәтижесін беріп, өңдеу өнеркәсібінде жаңа серпін қалыптастыруда.Оның айқын мысалы жиһаз өндірісінде табысты жұмыс істеп келе жатқан «Панабек» ЖШС. Кәсіпорын өндірістік процестерді толық цифрландыру арқылы өнім сапасын арттырып, еңбек өнімділігін едәуір ұлғайтты.Осыған орай, «Панабек» ЖШС базасында кәсіпорынның өндірістік әлеуетін таныстыру мақсатында баспасөз туры ұйымдастырылды. Іс-шараға кәсіпорын басшылығы, сала мамандары және бұқаралық ақпарат құралдарының өкілдері қатысты.Өндіріс қуатын арттыру мақсатында кәсіпорын өңірлік инвестициялық орталық арқылы 59 млн теңге жеңілдетілген несие алған. Өндіріс процесі толықтай автоматтандырылып, қазіргі таңда фабрика жылына 35 мың данаға дейін кеңсе, асхана, мектеп парталары мен өзге де жиһаз түрлерін өндіріп келеді. Кәсіпорын өнімдері облыс тұрғындары арасында жоғары сұранысқа ие. Айта кетейік, былтыр «Панабек» ЖШС«Қазақстанның үздік тауары» өңірлік көрме-байқауында «Халыққа арналған үздік тауарлар» номинациясы бойынша жеңімпаз атанды.Қазіргі таңда зауыттың жылдық қуаттылығы 20 мың дана жиһазды құрайды. Өндірісте заманауи автоматтандыру және цифрлық басқару жүйелері толық енгізілген. Атап айтқанда, Hyundai маркалы роботтар ағаш кесу мен лазерлік дәнекерлеу жұмыстарын атқарады. Сонымен қатар, ЛДСП кесу орталықтары, ПВХ жабыстыру автоматтары, MDF өңдеу желілері, ЧПУ станоктары, металл өңдеуге арналған лазерлік және құбыр кесу құрылғылары кеңінен қолданылады. Алдағы кезеңде роботтандырылған желілерді кеңейту жоспарлануда.Кәсіпорында 3D жобалау технологиялары енгізіліп, әрбір тапсырыс цифрлық форматта әзірленеді. Өндірістің барлық кезеңін қамтитын цифрлық бақылау жүйесі, оның ішінде ақауларды автоматты анықтау кешені өнім сапасын тұрақты қадағалауға мүмкіндік береді. Нәтижесінде өндіріс толық басқарылатын цифрлық ортаға көшкен.Инфрақұрылым аясында кәсіпорын аумағында 1000 шаршы метрлік шоурум мен көрме орталығы, 4000 шаршы метр өндірістік цех және заманауи қойма жұмыс істейді.<img src="https://knadmin.beoblood.kz/uploads/Panabek_Zh_Sh_S_af5f79843d.jpeg" alt="Панабек ЖШС.jpeg"><blockquote>– Қазіргі таңда өнімдер негізінен ішкі нарыққа бағытталған. Дегенмен, алдағы екі жылда компания Өзбекстан және Қырғызстан нарықтарына шығуды жоспарлап отырмыз. Осы бағытта халықаралық сертификаттау рәсімдері басталып, логистикалық тізбектер қалыптастырылып, серіктестермен келіссөздер жүргізілуде. Кәсіпорын мектеп жиһаздарын, кеңселік гарнитурларды, сауда витриналарын және авторлық үй жиһаздарын қоса алғанда, өнімнің кең түрін шығарады. 20 жыл бұрын шағын кәсіп ретінде басталған өндіріс бүгінде заманауи жиһаз фабрикасына айналды. Сонымен қатар, Мемлекет басшысының бастамасымен жүзеге асырылып жатқан Келешек мектептері ұлттық жобасы аясында кәсіпорын 5 мектепті жиһазбен қамтамасыз еттік, – деді жиһаз фабрикасы директорының орынбасары А.Жеткерген.</blockquote>Жалпы, «Панабек» ЖШС тәжірибесі цифрландыру мен автоматтандыруды тиімді енгізу арқылы өндірістің бәсекеге қабілеттілігін арттыруға болатынын көрсетеді. Бұл өз кезегінде өңір экономикасының дамуына серпін беріп, отандық өнімнің экспорттық әлеуетін кеңейтуге мүмкіндік ашады.Жиһаз фабрикасы директорының орынбасары Альбина Жеткергеннің айтуынша, «Панабек» ЖШС өндірістік процестерді толық цифрландыру арқылы еңбек өнімділігін арттырып, өнім сапасын жаңа деңгейге көтерген. Қазіргі таңда кәсіпорынның жылдық өндірістік қуаттылығы 20 мың дана жиһазды құрайды.<blockquote>«Зауытта заманауи автоматтандыру жүйелері толық енгізілген. Hyundai маркалы роботтар ағаш кесу және лазерлік дәнекерлеу жұмыстарын атқарады. Сонымен қатар, ЛДСП кесу орталықтары, ПВХ жабыстыру автоматтары, MDF өңдеу желілері, ЧПУ станоктары және металл өңдеуге арналған лазерлік құрылғылар жұмыс істейді», – деді кәсіпорын директорының орынбасары.</blockquote>&nbsp;<img src="https://knadmin.beoblood.kz/uploads/Panabek_Zh_Sh_S_1393b85e7c.jpeg" alt="Панабек ЖШС).jpeg">Сондай-ақ, кәсіпорында 3D жобалау технологиялары енгізіліп, әрбір тапсырыс цифрлық форматта әзірленеді. Өндірістің барлық кезеңі цифрлық бақылау жүйесі арқылы қадағаланып, ақауларды автоматты анықтау кешені өнім сапасының тұрақты болуын қамтамасыз етеді.Кәсіпорын мектеп жиһаздарын, кеңселік гарнитурларды, түрлі корпустық шешімдер мен авторлық үй жиһаздарын өндіреді. Бүгінде өнімдер негізінен ішкі нарыққа бағытталған. Дегенмен, алдағы екі жыл ішінде Өзбекстан мен Қырғызстан нарығына шығу жоспарланып отыр. Жиһаз фабрикасы директорының орынбасары Альбина Жеткергеннің айтуынша бұл бағыттағы жұмыстар алдағы уақытта да жалғасын табатын болады және де өндірісті цифрландыру мен автоматтандыру кәсіпорынның бәсекеге қабілеттілігін арттырып қана қоймай, отандық өнімнің экспорттық әлеуетін кеңейтуге де мүмкіндік береді.Негізінен жаңа жиһаз фабрикасының іске қосылуы өңіріміз үшін және облыс тұрғындары үшін үлкен мүмкіндік. Бұл дегеніміз өңірдің экономикасы мен кәсіпкерлік саласының дамуына септігін тигізсе, екінші жағынан жұмыссыз азаматтардың жұмыспен қамтылып, қоғамға тұрақты бейімделуіне және де отандық өнім көлемінің артуына, шағын әрі орта бизнестің дамуына оң әсерін тигізеді.<img src="https://knadmin.beoblood.kz/uploads/Panabek_Zh_Sh_S_f9985a2d82.jpeg" alt="Панабек ЖШС.jpeg">Аружан ЕРАЛЫФото: Нұрболат Нұржаубай

Заманауи технологиялар өндіріс орындарының дамуына оң ықпал етеді

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Ардақ Зебешев қытайлық China Huadian Overseas Investment Co., Ltd. компаниясының Орталық Азия бойынша басшысы Фэн Янаньмен кездесті.China Huadian Overseas Investment Co., Ltd. – энергетика саласындағы халықаралық инвестициялық компания және China Huadian Corporation құрамына кіреді. Компанияның негізгі бағыттарына электр энергетикасы нысандарын салу және пайдалану, жаңартылатын энергия көздерін дамыту, сондай-ақ заманауи технологияларды енгізу жатады. 2030 жылға қарай еліміз энергия теңгеріміндегі жаңартылатын энергия көздерінің үлесін ағымдағы 4,5%-дан 15%-ға дейін арттыруды жоспарлап отыр.Облыс аумағында жалпы қуаттылығы 130 мегаватты құрайтын 11 күн электр станциясы жұмыс істейді. Оның ішінде 4 ірі станция шетелдік инвесторлардың қатысуымен салынған. Соның бірі – &nbsp;«Хуадиан» компаниясымен бірлесіп жүзеге асырылған, қуаттылығы 40 МВт болатын «Тесис» серіктестігінің күн электр станциясы. Жобаның жалпы құны – 11,5 млрд теңге.Мемлекеттік қолдау шарасы ретінде 80 гектар жер телімі беріліп, станция жергілікті тұрғындар үшін 10 жаңа жұмыс орнын ашты.Алдағы уақытта қуаттылығы 260,5 мегаваттан астам 6 күн және 2 жел электр станциясы іске қосылады. Өңірдегі жасыл энергетиканың әлеуеті әлі де толық игерілмеген. Қазіргі таңда 500 мегаваттқа дейін электр энергиясын қабылдауға қабілетті дайын энергетикалық инфрақұрылым бар.Атап өту керек, облыстың энергияға қажеттілігі күніне 203 мегаватты құраса, аталған жобалар іске қосылғанда өңір толықтай жасыл энергиямен қамтамасыз етіледі.Кездесу барысында Қызылорда облысында жаңартылатын энергия көздері бойынша жаңа жобаны іске асыру мәселесі талқыланды.Аталған бастама өңірдің энергетикалық әлеуетін одан әрі арттыруға, жаңартылатын энергия көздерін дамытуға және әлеуметтік-экономикалық дамуына оң әсер етеді деп күтілуде.

Жаңартылатын энергия көздері жобаларын кеңейту мәселесі қаралды

<a href="https://kyzylorda-news.kz/">Kyzylorda-news.kz</a> Мемлекет басшысының Жолдауында экономиканы жаңғыртудың негізгі бағыты ретінде цифрландыру мен жасанды интеллект технологияларын енгізу айрықша атап өтілген болатын. Озық технологиялар еліміздің барлық салаларындағы әлеуетті арттыруға жол ашады. Бұл бағытта Сыр өңірінде байыпты бастамалар жүзеге асып келеді. Облыстық қоғамдық даму басқармасы ұйымдастырған баспасөз туры бойынша БАҚ өкілдері «Aksa Energy» және «Абзал және К» компанияларының жұмысымен танысты.Өңірге тартылған ең ірі инвестиция ретінде қазір қуаттылығы 240 МВт және жылу энергиясын өндіру көлемі 277 Гкал болатын жаңа бу-газ қондырғысында (БГҚ) іске қосу-реттеу жұмыстарының белсенді кезеңі жүргізілуде. Түркиялық «Aksa Energy» компаниясының тікелей жеке инвестициясы есебінен жүзеге асып жатқан жоба аймақтың электр және жылу энергиясына деген қажеттілігін толық өтеуге бағытталған.Қазіргі уақытта екі газ турбиналы қондырғы тәулік бойы жұмыс істеп, біртұтас энергия жүйесіне 170 МВт қуат беріп отыр. Ол еліміздің оңтүстік аймағы үшін қосымша генерацияны қамтамасыз етуге жол ашты. Жақын арада тағы бір бу турбинасын пайдалануға беру жоспарланған, бұл станцияны жобалық көрсеткіштерге шығаруға мүмкіндік береді.<blockquote>– Қазіргі уақытта екі газ турбиналық қондырғы тәулік бойы үздіксіз жұмыс істеп, бірыңғай энергия жүйесіне 170 МВт қуат беріп, елдің оңтүстік аймағын қосымша электр энергиясымен қамтамасыз етіп отыр. Бұдан бөлек, қуаты 95 МВт болатын тағы бір қондырғыны іске қосу жоспарлануда. Қазіргі кезде пуско-наладтық жұмыстар жүргізілуде. Сондай-ақ мекемеде 400 адам еңбек етеді, олардың басым бөлігі осы елдің азаматтары. Көне станция мен жаңа орталықтың айырмашылықтарына тоқталар болсақ, қазіргі станция толықтай компьютерлендірілген жүйе арқылы жұмыс істейді, яғни барлық процесті бір компьютердің көмегімен басқаруға болады. Жоба аясында АҚШ, Италия, Чехия және Түркияның озық цифрлық және автоматтандырылған технологиялары енгізіліп, өндірістік процестер толық цифрлық бақылауға алынған, – дейді «AKSA Energy» компаниясы директорының көмекшісі Камал Мададов.</blockquote>Энергетика саласындағы осындай ірі жобалармен қатар, өңірде агроөнеркәсіптік кешен де қарқынды дамып келеді. Оның айқын мысалы – «Абзал и К» компаниясының жаңа күріш өңдеу зауыты.Бұл жоба цифрландыру мен заманауи технологияларды енгізудің нақты нәтижесін көрсетеді. Мемлекет басшысының экономиканы жаңғырту жөніндегі тапсырмасына сәйкес, кәсіпорын толық автоматтандырылған өндіріс жүйесіне көшкен. Соның арқасында өндіріс тиімділігі артып, өнім сапасы жаңа деңгейге көтерілді.Өткен жылы аймақ басшысының бизнес өкілдерімен бірлесіп Қытайға жасаған іссапары нәтижесінде компания қытайлық серіктеспен келіссөздер жүргізіп, құны 1 млрд теңгені құрайтын күріш өңдеу зауытын іске қосты. Нәтижесінде өндірістік қуаттылық 2,5 есеге ұлғайып, күрішті өңдеу барысында пайда болатын қалдық көлемі 3–4 пайызға дейін қысқарды. Зауыт сағатына 12 тонна күріш өңдейді және толық цифрлық басқару жүйесі мен қалдықсыз технологияға негізделген.<img src="https://knadmin.beoblood.kz/uploads/Abzal_i_K_zha_a_zauyt_2_c6b4e359df.jpg" alt="Абзал и К жаңа зауыт 2.jpg">Сонымен қатар, кәсіпорын күн электр станциясы арқылы энергиямен қамтамасыз етіліп, «Green Rice Complex» жобасын іске асыруда. Заманауи зертхана күріш сапасын 60 секунд ішінде автоматты түрде анықтап, ақаулы және сынған дәндерді дәл айқындайды.– Серіктестік өз өнімдерін экспортқа және еліміздің өзге өңірлеріне шығарады. Олардың тарапынан түскен сұранысқа сай жұмыс істейміз. Мәселен, тұтынушылар «Янтарь» және «Лидер» сорттарына қызығушылық танытады. Сондай-ақ біз қазір өнімдерді күнбағыс майымен өңдеуге мән беріп отырмыз. Бұл палау тағамын дайындағанда шашыраңқы болып пісуіне септігін тигізді. Өндіріс орны заманауи талаптарға толықтай сай келеді. Мамандар автоматтандырылған жүйемен жұмыс істейді. Сондай-ақ компания жаңа сорттарды тәжірибеден өткізіп жатыр, – деді серіктестіктің сауда және логистика жөніндегі орынбасары Айгүл Қосмұратова. &nbsp;Жалпы, «Абзал и К» компаниясының жаңа өндірістік жобасы – цифрландыру мен инновациялық технологияларды тиімді енгізудің жарқын үлгісі. Бұл өз кезегінде отандық өңдеу өнеркәсібінің бәсекеге қабілеттілігін арттырып, экспорттық әлеуетін күшейтуге оң ықпал ететіні сөзсіз.<div class="raw-html-embed"><blockquote class="instagram-media" data-instgrm-captioned="" data-instgrm-permalink="https://www.instagram.com/reel/DXHDSQJjcW0/?utm_source=ig_embed&amp;utm_campaign=loading" data-instgrm-version="14" style=" background:#FFF; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);"><div style="padding:16px;"> <a href="https://www.instagram.com/reel/DXHDSQJjcW0/?utm_source=ig_embed&amp;utm_campaign=loading" style=" background:#FFFFFF; line-height:0; padding:0 0; text-align:center; text-decoration:none; width:100%;" target="_blank"> <div style=" display: flex; flex-direction: row; align-items: center;"> <div style="background-color: #F4F4F4; border-radius: 50%; flex-grow: 0; height: 40px; margin-right: 14px; width: 40px;"></div> <div style="display: flex; flex-direction: column; flex-grow: 1; justify-content: center;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 100px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 60px;"></div></div></div><div style="padding: 19% 0;"></div> <div style="display:block; height:50px; margin:0 auto 12px; width:50px;"><svg width="50px" height="50px" viewBox="0 0 60 60" version="1.1" xmlns="https://www.w3.org/2000/svg" xmlns:xlink="https://www.w3.org/1999/xlink"><g stroke="none" stroke-width="1" fill="none" fill-rule="evenodd"><g transform="translate(-511.000000, -20.000000)" fill="#000000"><g><path d="M556.869,30.41 C554.814,30.41 553.148,32.076 553.148,34.131 C553.148,36.186 554.814,37.852 556.869,37.852 C558.924,37.852 560.59,36.186 560.59,34.131 C560.59,32.076 558.924,30.41 556.869,30.41 M541,60.657 C535.114,60.657 530.342,55.887 530.342,50 C530.342,44.114 535.114,39.342 541,39.342 C546.887,39.342 551.658,44.114 551.658,50 C551.658,55.887 546.887,60.657 541,60.657 M541,33.886 C532.1,33.886 524.886,41.1 524.886,50 C524.886,58.899 532.1,66.113 541,66.113 C549.9,66.113 557.115,58.899 557.115,50 C557.115,41.1 549.9,33.886 541,33.886 M565.378,62.101 C565.244,65.022 564.756,66.606 564.346,67.663 C563.803,69.06 563.154,70.057 562.106,71.106 C561.058,72.155 560.06,72.803 558.662,73.347 C557.607,73.757 556.021,74.244 553.102,74.378 C549.944,74.521 548.997,74.552 541,74.552 C533.003,74.552 532.056,74.521 528.898,74.378 C525.979,74.244 524.393,73.757 523.338,73.347 C521.94,72.803 520.942,72.155 519.894,71.106 C518.846,70.057 518.197,69.06 517.654,67.663 C517.244,66.606 516.755,65.022 516.623,62.101 C516.479,58.943 516.448,57.996 516.448,50 C516.448,42.003 516.479,41.056 516.623,37.899 C516.755,34.978 517.244,33.391 517.654,32.338 C518.197,30.938 518.846,29.942 519.894,28.894 C520.942,27.846 521.94,27.196 523.338,26.654 C524.393,26.244 525.979,25.756 528.898,25.623 C532.057,25.479 533.004,25.448 541,25.448 C548.997,25.448 549.943,25.479 553.102,25.623 C556.021,25.756 557.607,26.244 558.662,26.654 C560.06,27.196 561.058,27.846 562.106,28.894 C563.154,29.942 563.803,30.938 564.346,32.338 C564.756,33.391 565.244,34.978 565.378,37.899 C565.522,41.056 565.552,42.003 565.552,50 C565.552,57.996 565.522,58.943 565.378,62.101 M570.82,37.631 C570.674,34.438 570.167,32.258 569.425,30.349 C568.659,28.377 567.633,26.702 565.965,25.035 C564.297,23.368 562.623,22.342 560.652,21.575 C558.743,20.834 556.562,20.326 553.369,20.18 C550.169,20.033 549.148,20 541,20 C532.853,20 531.831,20.033 528.631,20.18 C525.438,20.326 523.257,20.834 521.349,21.575 C519.376,22.342 517.703,23.368 516.035,25.035 C514.368,26.702 513.342,28.377 512.574,30.349 C511.834,32.258 511.326,34.438 511.181,37.631 C511.035,40.831 511,41.851 511,50 C511,58.147 511.035,59.17 511.181,62.369 C511.326,65.562 511.834,67.743 512.574,69.651 C513.342,71.625 514.368,73.296 516.035,74.965 C517.703,76.634 519.376,77.658 521.349,78.425 C523.257,79.167 525.438,79.673 528.631,79.82 C531.831,79.965 532.853,80.001 541,80.001 C549.148,80.001 550.169,79.965 553.369,79.82 C556.562,79.673 558.743,79.167 560.652,78.425 C562.623,77.658 564.297,76.634 565.965,74.965 C567.633,73.296 568.659,71.625 569.425,69.651 C570.167,67.743 570.674,65.562 570.82,62.369 C570.966,59.17 571,58.147 571,50 C571,41.851 570.966,40.831 570.82,37.631"></path></g></g></g></svg></div><div style="padding-top: 8px;"> <div style=" color:#3897f0; font-family:Arial,sans-serif; font-size:14px; font-style:normal; font-weight:550; line-height:18px;">Посмотреть эту публикацию в Instagram</div></div><div style="padding: 12.5% 0;"></div> <div style="display: flex; flex-direction: row; margin-bottom: 14px; align-items: center;"><div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(0px) translateY(7px);"></div> <div style="background-color: #F4F4F4; height: 12.5px; transform: rotate(-45deg) translateX(3px) translateY(1px); width: 12.5px; flex-grow: 0; margin-right: 14px; margin-left: 2px;"></div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(9px) translateY(-18px);"></div></div><div style="margin-left: 8px;"> <div style=" background-color: #F4F4F4; border-radius: 50%; flex-grow: 0; height: 20px; width: 20px;"></div> <div style=" width: 0; height: 0; border-top: 2px solid transparent; border-left: 6px solid #f4f4f4; border-bottom: 2px solid transparent; transform: translateX(16px) translateY(-4px) rotate(30deg)"></div></div><div style="margin-left: auto;"> <div style=" width: 0px; border-top: 8px solid #F4F4F4; border-right: 8px solid transparent; transform: translateY(16px);"></div> <div style=" background-color: #F4F4F4; flex-grow: 0; height: 12px; width: 16px; transform: translateY(-4px);"></div> <div style=" width: 0; height: 0; border-top: 8px solid #F4F4F4; border-left: 8px solid transparent; transform: translateY(-4px) translateX(8px);"></div></div></div> <div style="display: flex; flex-direction: column; flex-grow: 1; justify-content: center; margin-bottom: 24px;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 224px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 144px;"></div></div></a><p style=" color:#c9c8cd; font-family:Arial,sans-serif; font-size:14px; line-height:17px; margin-bottom:0; margin-top:8px; overflow:hidden; padding:8px 0 7px; text-align:center; text-overflow:ellipsis; white-space:nowrap;"><a href="https://www.instagram.com/reel/DXHDSQJjcW0/?utm_source=ig_embed&amp;utm_campaign=loading" style=" color:#c9c8cd; font-family:Arial,sans-serif; font-size:14px; font-style:normal; font-weight:normal; line-height:17px; text-decoration:none;" target="_blank">Публикация от QYZYLORDANEWS (@qyzylordanews)</a></div></blockquote>
<script async="" src="//www.instagram.com/embed.js"></script></div>

«Абзал и К» компаниясы жаңа күріш өңдеу зауытын іске қосты

<a href="https://kyzylorda-news.kz/">Kyzylorda-news.kz</a> Бүгінде ауылдық жерлерде кәсіпкерлікті дамыту – «AMANAT» партиясының &nbsp;негізгі бағыттарының бірі. Осы ретте «Ауыл аманаты» жобасы көптеген азаматтарға өз ісін бастауға, оны кеңейтуге және табысын арттыруға үлкен мүмкіндік беріп отыр. Аталған жобаның игілігін көріп отырғандардың бірі – Қызылорда облысы Арал қаласының тұрғыны Гүлсая Әбілдаева.Кәсіпкер 2025 жылы 9,8 миллион теңге көлемінде жеңілдетілген несие алып, жолдасы Сабит Атақұловпен бірге пластик өнімдерін өндіретін шағын цехтың жұмысын жандандырды.Бұл отбасы үшін кәсіпкерлік таңсық сала емес. Олар осы бағытта 10 жылдан астам уақыт бойы еңбек етіп, тәжірибе жинақтаған. Алайда өндірістік қуатты арттыру мен заманауи құрал-жабдықтарға қол жеткізу – көптен бергі арман болатын. «AMANAT» партиясының ауыл халқының табысын арттыруға бағытталған «Ауыл аманаты» жобасы осы арманды жүзеге асырды. Олар 2,5 пайыздық несие есебінен түркиялық жоғары сападағы "Craft", "Yilmaz" маркалы заманауи құрылғы сатып алып, өндірісті толықтай жаңғыртты.&nbsp;<img src="https://knadmin.beoblood.kz/uploads/K_sipke_oldau_2_26ca6fd931.jpg" alt="Кәсіпке қолдау 2.jpg"><blockquote>«Бұрын ұзақ уақытты қажет ететін өнім дайындау кезеңі бүгінде айтарлықтай қысқарып, небәрі 4–5 күннің ішінде сапалы өнім шығаруға мүмкіндік туып отыр. Бұл – уақыт үнемдеу ғана емес, сапаның жаңа деңгейге көтерілуі. Қазіргі уақытта цехта өндірілген өнімдерге сұраныс жоғары. Тапсырыстар Арал ауданының барлық елді мекендерінен ғана емес, Қызылорда облысының өзге аудандарынан және Ақтөбе өңірінен де түсуде», - дейді &nbsp;Гүлсая Әбілдаева.</blockquote><img src="https://knadmin.beoblood.kz/uploads/K_sipke_oldau_48d5060f55.jpg" alt="Кәсіпке қолдау.jpg">Отбасылық кәсіп бүгінде екі адамды тұрақты жұмыспен қамтып отыр. Ал алдағы жоспарлар бұдан да ауқымды. Кәсіп иелері цех көлемін кеңейтіп, жаңа жұмыс орындарын ашуды, өндіріс көлемін бірнеше есеге арттыруды көздейді.<blockquote>«Ауыл аманаты» жобасы бізге үлкен серпін берді. Бұрын тек шағын көлемде жұмыс істесек, бүгінде өндірісті кеңейтіп, жаңа деңгейге көтердік. Ең бастысы – халыққа сапалы өнім ұсынып, сұранысты толық қамтамасыз етуге мүмкіндік алдық», – дейді кәсіпкер.</blockquote>Бұл бастама – бір отбасының табысы ғана емес, тұтас ауыл экономикасының дамуына қосылған үлес. Осындай нақты істер арқылы ауыл тұрғындарының кәсіпке деген қызығушылығы артып, еңбекке деген ынтасы күшейе түсуде.Мәселен, Арал ауданында 2023-2025 жылдар аралығында «AMANAT» партиясының «Ауыл аманаты» аясында жалпы құны 1 млрд. 113 млн. теңгені құрайтын 179 жоба қаржылай қолдауға ие болған. Былтыр 43 жоба іске қосылса, биыл 85 жобаны жүзеге асыру көзделіп отыр.<img src="https://knadmin.beoblood.kz/uploads/K_sipke_oldau_3_25e742fbb0.jpg" alt="Кәсіпке қолдау 3.jpg">

«Ауыл аманаты» – еңбекке жол, кәсіпке қолдау 

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Ардақ Зебешевтің төрағалығымен өңірлік инвестициялық штабтың кезекті отырысы өтті. Күн тәртібінде 3 инвестициялық жоба мәселесі қаралды.Атап айтқанда, «АА Агро Холдинг» ЖШС инженерлік-инфрақұрылыммен қамтамасыз ету және ауыл шаруашылығы саласындағы жеңілдіктерді қолдану мәселелерін көтерді.Нәтижесінде, аталған мәселелер бойынша жауапты басқармаларға қолданыстағы заңнама аясында қарастыру және сүйемелдеу жұмыстарын жүргізу тапсырылды.Сонымен қатар, «Hongda Group» ЖШС экология мәселесіне қатысты сұрақ көтерді. Ал «Kyzylorda refinery» ЖШС қосымша мұнай көлемін бөлу және инженерлік инфрақұрылыммен қамтамасыз ету мәселесін көтерді. Нәтижесінде салалық департаменттер мен басқармаларға мәселенің шешу жолдарын пысықтау тапсырылды.Жалпы, штаб отырысында инвестициялық жобалардың мәселелерін жедел шешу және қолайлы инвестициялық орта қалыптастыру бағытындағы жұмыстардың жалғасатыны атап өтілді.

Қазақстан және Қызылорда облысының жаңалықтары: Кәсіпкерлік