<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың 2026 жылғы 28 қазандағы «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауында ел экономикасын дамыту, отандық кәсіпкерлікті қолдау, шағын және орта бизнестің мүмкіндіктерін кеңейту мәселелеріне ерекше назар аударылды. Президенттің кәсіпкерлік саласына қатысты көтерген бастамалары елдегі экономикалық реформалардың жаңа кезеңге қадам басқанын аңғартады. Әсіресе, кәсіпкерлердің заңды мүдделерін қорғау, салық жүйесіндегі кемшіліктерді түзету, әкімшілік кедергілерді азайту және әділ бәсекелестік ортасын қалыптастыру жөніндегі ұстанымдары маңызды.Шын мәнінде, кәсіпкерлік – экономиканың қозғаушы күші ғана емес, қоғамдағы әлеуметтік тұрақтылықтың, халықты жұмыспен қамтудың және азаматтардың әл-ауқатын арттырудың негізгі тетіктерінің бірі.Жолдауда Мемлекет басшысы шағын және орта бизнестің жалпы ішкі өнімдегі үлесі 40 пайызға жеткенін атап өтті. Бұл көрсеткіш кәсіпкерлік саласының ел экономикасындағы орны айтарлықтай нығайғанын білдіреді. Дегенмен кәсіпкерліктің дамуын тек сандық көрсеткіштермен бағалау жеткіліксіз. Оның сапалық тұрғыдан өсуі, өндіріс көлемінің артуы, жаңа жұмыс орындарының ашылуы және отандық өнімнің бәсекеге қабілетті болуы әлдеқайда маңызды. Осы тұрғыдан алғанда, Президенттің шағын бизнес құрылымын әртараптандыру, орта кәсіпкерлікті дамыту, кәсіпорындарды ұзақмерзімді қаржыландыру және технологиялық жаңғырту жөніндегі ұсыныстары ерекше мәнге ие.Жолдаудағы ең өзекті мәселелердің бірі – салық саясатын жетілдіру. Мемлекет басшысы жаңа Салық кодексінің жекелеген нормалары кәсіпкерлерге қиындық туғызып отырғанын ашық айтты. Президенттің салық заңнамасы өмір шындығынан алшақ болмауы керектігін атап өтуі – кәсіпкерлердің нақты мәселелеріне назар аударудың көрінісі. Бұл ретте Үкіметке бизнес өкілдерінің ұсыныстарын ескере отырып, салық заңнамасындағы қайшылықтарды жою және кәсіпкерлерге түсетін артық жүктемені азайту тапсырылды. Мұндай ұстанымның маңызы зор. Себебі кәсіпкер үшін ең басты қажеттіліктердің бірі – заң талаптарының айқын, тұрақты әрі түсінікті болуы. Ережелердің жиі өзгеруі, күрделі әкімшілік рәсімдер мен артық талаптар кәсіпкердің дамуға деген ынтасын төмендетуі мүмкін. Ал болжамды әрі әділ салық саясаты бизнестің кеңеюіне, инвестиция тартуға және жаңа жұмыс орындарын ашуға қолайлы жағдай туғызады.Президенттің микро және шағын кәсіпкерлік субъектілерін тексеруге қатысты 2027 жылғы 1 қаңтардан бастап үш жылдық мораторий енгізу мүмкіндігін талқылауды ұсынуы да назар аударарлық бастама болды. Бұл ұсыныстың түпкі мәні – кәсіпкерлікті негізсіз әкімшілік қысымнан қорғау, бақылау-қадағалау жүйесін жетілдіру және цифрлық реттеу тетіктеріне көшу.Сонымен қатар Мемлекет басшысы экономикалық құқықбұзушылықтарға қатысты заңнаманы ізгілендіру қажеттігін көтерді. Кәсіпкердің құқықтық қорғалуы мен заң алдындағы жауапкершілігі арасындағы әділ тепе-теңдікті сақтау экономикалық ортаның тұрақтылығына ықпал етеді. Жолдауда әділ бәсекелестік мәселесінің де арнайы айтылуы орынды. Нарықтағы барлық кәсіпкерге тең мүмкіндік берілмейінше, шынайы экономикалық өсімге қол жеткізу қиын. Әсіресе, шағын және орта бизнес субъектілерінің мемлекеттік сатып алуға қатысу мүмкіндіктерін кеңейту, олардың ірі кәсіпорындармен әріптестігін дамыту және отандық өнім өндірушілерді қолдау маңызды. Бүгінгі кәсіпкерге тек қаржылай қолдау ғана емес, өз өнімін өткізу нарығы, заманауи технология, қолжетімді инфрақұрылым және тұрақты құқықтық орта қажет.Президенттің цифрлық экономиканы дамытуға қатысты бастамалары да кәсіпкерлік саласына тың мүмкіндіктер ашады. Цифрлық сервистерді, электрондық сауда алаңдарын, логистикалық жүйелерді тиімді пайдалану бизнестің ауқымын кеңейтіп, өнімнің тұтынушыға жету жолын жеңілдетеді. Жергілікті кәсіпкерлерге қолайлы жағдай жасау – өңірдің экономикалық белсенділігін арттырумен қатар, ауыл тұрғындарының табысын көбейтуге, жастарды жұмыспен қамтуға және шағын елді мекендердің дамуына ықпал ететін маңызды қадам. Дегенмен кәсіпкерлікті қолдау тек мемлекеттің міндеті ретінде қарастырылмауы керек. Кәсіпкерлердің өздері де әлеуметтік жауапкершілік танытып, адал еңбек, сапалы өнім, әділ бәсеке және заң талаптарын сақтау қағидаттарын берік ұстануы қажет.Отандық кәсіпкерлікті қолдау – жекелеген бизнес өкілдеріне жасалатын жеңілдік емес, елдің экономикалық тәуелсіздігін нығайтуға, жаңа жұмыс орындарын ашуға және халықтың тұрмыс сапасын жақсартуға бағытталған стратегиялық міндет.Жүнісбекова Кенжегүл Шәкенқызы,Қызылорда «Болашақ» университетініңаға оқытушысы, ф.ғ.к.&nbsp;Сурет: gov.kz

Кәсіпкерлікті қолдау – ел экономикасын дамытудың стратегиялық бағыты

<a href="https://kyzylorda-news.kz/">Kyzylorda-news.kz</a> 29 қазан – Кәсіпкерлер күніне орай Өңірлік коммуникациялар қызметінің баспасөз алаңында шағын және орта бизнесті дамыту, оның ішінде ұлттық қолөнер мен креативті индустрия өкілдерінің жетістіктеріне арналған брифинг өтті. Жиында жергілікті кәсіпкерлердің тәжірибесі, мемлекеттік қолдаудың тиімділігі мен заманауи сән бағытындағы жаңа бастамалар сөз болды.Брифингте спикер ретінде сөз алған «Qoloner Brand» ательесі мен шеберханасының негізін қалаушы Жазира Рамазан өз кәсібінің даму жолы мен авторлық идеяларымен бөлісті.<blockquote>«Кәсіп жолымды 2014 жылы үйден бастап, табанды еңбектің арқасында 2020 жылы жеке шеберханамды аштым. Бүгінде ұлттық нақыштағы киімдер тігіп, 6 адамды тұрақты жұмыспен қамтып отырмын. Мен үшін бұл – жай ғана киім тігу емес, ұлттық құндылықтарды дәріптеу, дәстүр мен заманауи сәнді үйлестіру. Өз ісімді бастарда мемлекеттік гранттардың да септігі тиді. Қазіргі дамыған заманда ізденген адамға ақпарат та, қолдау да жеткілікті, сондықтан кәсіп ашудан қорықпау керек», – деді Жазира Рамазан.</blockquote>Сондай-ақ брифингте креативті бизнес саласында отандық өнімді брендке айналдыру және авторлық дизайн арқылы ұлттық стильді кеңінен таныту мәселелері айтылды. Спикердің сөзінше, заманауи технологиялар мен дәстүрлі ою-өрнекті шебер үйлестіру арқылы сұранысқа ие отандық өнім қалыптастыруға толық мүмкіндік бар.<img src="https://knadmin.beoblood.kz/uploads/Brifing_v_Kazahstane_otmechayut_Den_predprinimatelej_55b694332f.jpg" alt="Брифинг в Казахстане отмечают День предпринимателей.jpg">

Қазақстанда кәсіпкерлер күні атап өтілуде

<a href="https://kyzylorda-news.kz/">Kyzylorda-news.kz</a> Қазақстан халқына Жолдауын жариялау кезінде Президент Қасым-Жомарт Тоқаев инфрақұрылымды түбегейлі жаңғырту жұмыстарында тек мемлекет ресурсына сүйенуге болмайтынын айтты, – деп хабарлайды <a href="https://kaz.inform.kz/news/prezident-strategiyalik-mndetterd-sheshuge-kaspkerlerd-tartu-zhonnde-malmded-479219ce">Қазақпарат.</a><blockquote>— Бүкіл ел азаматтық инфрақұрылымды түбегейлі жаңғыртуға және қайта құруға кіріседі. Алайда стратегиялық маңызы зор бұл міндетті шешуде тек мемлекеттік ресурстарға ғана сүйенуге болмайды. Әйтпесе, кәсіпкерлік белсенділік төмендеп, патернализмнің, яғни масылдықтың дәні (бұл жолы экономикада) себіледі. Оның салдары бәрімізге белгілі, — деді ол.</blockquote>Мемлекет басшысының сөзінше, Үкімет ұзақ мерзімді қаржыландырудың барлық көздерін жұмылдыруы керек.<blockquote>—&nbsp;Бұл мәселені заң талаптарын бұзбай, мемлекетіміздің игілігіне шешу жолдарын қаржы қауымдастығымен бірлесіп пысықтау қажет. Қабылданып жатқан шешімдердің логикасы қарапайым: мемлекеттік қаражат жеке инвестицияларды тартуға кепіл болуы тиіс,&nbsp;— деді ол.</blockquote>Сурет: gov.kz

Президент стратегиялық міндеттерді шешуге кәсіпкерлерді тарту жөнінде мәлімдеді

<a href="https://kyzylorda-news.kz/">Kyzylorda-news.kz</a> Облыс әкімінің тапсырмасына сәйкес Сырдария ауданы Тереңөзек кентіндегі «Руханият» орталығында кәсіпкерлер мен тұрғындарға мемлекеттік және өңірлік бағдарламалар аясында көрсетілетін қолдау шаралары бойынша түсіндіру жұмыстары жүргізілді.Кездесуге Қызылорда облысының ауылшаруашылығы және жер қатынастары басқармасы басшысының орынбасары Абдрасилов Дәулетбек Жәнібекұлы, Қызылорда облысының кәсіпкерлік және өнеркәсіп басқармасының бас маманы Әденова Мая Бақытжанқызы, Қызылорда облысының табиғи ресурстар және табиғат пайдалануды реттеу басқармасының бас маманы Қыстаубаев Күндібай Мырзабайұлы, «Байқоңыр» әлеуметтік кәсіпкерлік корпорациясы» АҚ-ның, «Қызылорда» өңірлік инвестициялық орталығы» микроқаржы ұйымының, «Даму» кәсіпкерлікті дамыту қорының Қызылорда облысы бойынша филиалының, «Аграрлық несие корпорациясы» АҚ-ның Қызылорда облысы бойынша филиалының, «Атамекен» Ұлттық кәсіпкер палатасының Қызылорда облысы бойынша филиалының, «Мансап» орталығының және екінші деңгейлі банктер өкілдері қатысты.&nbsp;Жиынды Сырдария ауданы әкімінің орынбасары Ерлан Ахетов ашып, кәсіпкерлікті дамыту, жаңа жұмыс орындарын ашу және тұрғындардың табысын арттыру бағытындағы мемлекеттік қолдау тетіктерінің маңыздылығына тоқталды.Іс-шараға кент және ауылдық округ әкімдерімен қатар, 100-ге жуық кәсіпкер мен тұрғын қатысып, несие алу, қайтарымсыз гранттарға қатысу, субсидиялау және өзге де мемлекеттік қолдау шаралары жөнінде ақпарат алды.Кездесу барысында сала мамандары қатысушылардың сауалдарына жауап беріп, кәсіпкерлік жобаларды іске асыруға қатысты нақты кеңестер берді. Кәсіпкерлікті қолдау – экономикалық белсенділікті арттырып, жаңа жұмыс орындарын құруға және халықтың әл-ауқатын жақсартуға бағытталған маңызды тетік екені түсіндірілді.

Өңірлік бағдарламалар аясында көрсетілетін қолдау шаралары бойынша түсіндіру жұмыстары жүргізілді

<a href="https://kyzylorda-news.kz/">Kyzylorda-news.kz</a> Облыс әкімінің тапсырмасымен Жалағаш ауданы «Руханият орталығында» кәсіпкерлікті қолдау бағыттары бойынша ақпараттық-түсіндіру жұмыстары жүргізілді.Жиынға Жалағаш ауданы әкімінің орынбасары Ғалымжан Рахатов, облыстық ауыл шаруашылығы және жер қатынастары басқармасы басшысының орынбасары Дәулетбек Абдирасилов, облыстық кәсіпкерлік және өнеркәсіп басқармасының бас маманы Мая Әденова, сондай-ақ, Мансап орталығы, «Атамекен» Ұлттық кәсіпкерлер палатасы, «Даму» кәсіпкерлікті дамыту қоры, екінші деңгейлі банктер мен қаржы ұйымдарының өкілдері қатысты.Жиынды Ғалымжан Рахатов ашып, кәсіпкерлерді қолдаудың маңыздылығына тоқталды. Кездесуге ауданның барлық ауылдық округінен 100-ден астам кәсіпкер қатысып, бизнесті дамыту, қаржыландыру және мемлекеттік қолдау тетіктері бойынша ақпарат алды.Іс-шара барысында мемлекеттік бағдарламалар, жеңілдетілген несие, қаржыландыру мүмкіндіктері, ауыл шаруашылығы саласындағы қолдау шаралары және кәсіпкерлік жобаларды сүйемелдеу бағыттары түсіндірілді.Кездесу соңында кәсіпкерлер сала мамандарына сұрақтарын қойып, жеке кеңес алды.<img src="https://knadmin.beoblood.kz/uploads/Memlekettik_oldau_sharalaryn_t_sindiru_2_ed2817283e.jpg" alt="Мемлекеттік қолдау шараларын түсіндіру 2.jpg">

Кәсіпкерлерге және кәсіп бастауға ниетті азаматтарға мемлекеттік қолдау шаралары түсіндірілді

<a href="https://kyzylorda-news.kz/">Kyzylorda-news.kz</a> Қазіргі таңда ауыл тұрғындарының өз кәсібін бастап, тұрақты табыс табуына мүмкіндік беретін мемлекеттік бағдарламалардың маңызы зор. Соның бірі – «Ауыл аманаты» бағдарламасы. Аталған бағдарлама арқылы Қамыстыбас ауылының тұрғыны Қазиева Зухра Қазтуғанқызы да өз кәсібін бастауға мүмкіндік алды.Кәсіпкер 2025 жылы бағдарлама аясында 4,5 млн теңге көлемінде жеңілдетілген несие алып, асыл тұқымды ешкі шаруашылығын қолға алған. Несие қаражатына 25 бас асыл тұқымды ешкі сатып алып, шаруашылығын дамытуды бастады.Бүгінде кәсіпкер табиғи ешкі сүтін өндіріп, одан құрт және басқа да сүт өнімдерін дайындауда. Дайын өнімдер ауылдағы дүкендерге өткізіліп, жергілікті тұрғындар арасында сұранысқа ие болып отыр. Өнімге Арал қаласының тұрғындары да қызығушылық танытып, көршілес Ұлытау облысынан да ұсыныстар түсе бастаған. Кәсіпкердің айтуынша, өз кәсібін бастауға бағдарлама үлкен мүмкіндік берген.<blockquote>«Бастапқыда кәсіп бастау туралы ой болғанымен, қаржылық мүмкіндік жағы қиындық туғызды. «Ауыл аманаты» бағдарламасы туралы ақпарат алған соң, қажетті құжаттарды жинап, бағдарламаға өтінім бердім. Нәтижесінде жеңілдетілген несие алып, асыл тұқымды ешкі сатып алдым. Қазір ешкі сүтінен құрт және басқа да өнімдер дайындап, ауыл тұрғындарына ұсынып келеміз. Өнімімізге сұраныстың артып келе жатқаны бізге үлкен серпін беріп отыр. Алдағы уақытта ешкі санын көбейтіп, өнім көлемін арттыруды жоспарлап отырмын. Ауылда еңбек етіп, өз кәсібін бастағысы келетін жандарға осындай мүмкіндіктерді пайдаланып көруге кеңес беремін», – дейді кәсіпкер Зухра Қазиева.</blockquote>Қазір кәсіпкер шаруашылығын одан әрі кеңейтіп, ешкі санын көбейту және өндірілетін өнім көлемін арттыру бағытында жұмыс жүргізуде. Шағын кәсіптің біртіндеп табысты шаруашылыққа айналуы – ауылдағы еңбекке негізделген кәсіпкерліктің нақты көрінісі.&nbsp;

Аралдық кәсіпкер «Ауыл аманаты» бағдарламасы арқылы кәсібін дамытуда

<a href="https://kyzylorda-news.kz/">Kyzylorda-news.kz</a> Қызылорда облысында ауыл шаруашылығы өнімдерін өңдеу, сақтау және өткізу бағытында «Жан-Арай» ЖШС жүйелі жұмыс жүргізіп келеді. Кәсіпорын ішкі нарықты сапалы өніммен қамтамасыз етіп қана қоймай, өндірістік қуаттарды арттыруға және өңірдегі агроөнеркәсіптік әлеуетті дамытуға бағытталған жобаларды жүзеге асыруда.Кәсіпорынның Агроиндустриялық кешеніндегі күріш ақтау зауыты 2016 жылы іске қосылған. Жобаның құны – 895 млн теңге. Өндірістік қуаты тәулігіне 150 тонна күріш жармасын өңдеуге мүмкіндік береді. Мұнда 40 адам тұрақты жұмыспен қамтылған.Өнімді сақтау және тұтынушыға жеткізу бағытында көтерме тарату орталығы жұмыс істейді. Жалпы аумағы 5 мың шаршы метр болатын заманауи қоймада әлеуметтік маңызы бар &nbsp;19 түрлі өнім сақталады. Қойманың жылдық сақтау қуаты шамамен 10 мың тонна. Мұнда 10 адам еңбек етеді. Заманауи технологиялық басқару жүйесі өнімдерді қажетті температуралық режимде сақтап, олардың сапасын қамтамасыз етеді.Биыл кәсіпорында тәулігіне 300 тонна күріш ақтайтын жаңа өндірістік қондырғы орнатылуда. Жаңа қондырғы іске қосылғаннан кейін күріш өңдеу көлемін екі есеге дейін арттыру жоспарланып отыр.Сонымен қатар, Қызылорда қаласында сыйымдылығы 4 мың тонна болатын көкөніс сақтау қоймасының құрылысы аяқталып, қазіргі таңда толық жұмыс істеп тұр. Жобаның құны – 1,2 млрд теңге.Кәсіпорынның өндірістік әлеуеті Жаңақорған ауданында да кеңейіп келеді. Қожамберді ауылының маңында «Жан-Арай» көпсалалы агроиндустриялық кешені жұмыс жасауда. Кешенде алма, жүзім, қызанақ, қияр, баялды және басқа да ауыл шаруашылығы өнімдерін сақтау мен өңдеуге мүмкіндік бар.Кешен құрамында 1200 тоннаға арналған көкөніс сақтау, өңдеу және сату қоймасы, техника жөндеу орны, көлік жуу орны, май құю бекеті, 350 орындық тойхана, 150 орындық асхана және 150 орындық шипажай жұмыс істейді.Кешен аумағында 50 гектарға жуық жерге шие, шабдалы және басқа да жеміс ағаштары өсірілуде. Өнімдерді сақтау және өңдеу бағытында 1500 тоннаға дейінгі қуат қарастырылған. Жобаның жалпы құны – 2,5 млрд теңге. Кешен аясында 40 адам тұрақты жұмыспен қамтылған.«Жан-Арай» ЖШС-нің өндірісті жаңғырту, сақтау және өңдеу қуаттарын арттыруға бағытталған жобалары өңірдің агроөнеркәсіптік кешенін дамытуға, жергілікті өнім көлемін ұлғайтуға және жаңа жұмыс орындарын құруға мүмкіндік беруде. Өңірде өндірілген өнім – өңір экономикасының тұрақты дамуының маңызды негізі.<img src="https://knadmin.beoblood.kz/uploads/Zhan_Araj_ndiris_orny_2_9621990a52.jpg" alt="Жан-Арай өндіріс орны 2.jpg">

«Жан-Арай» – күрішті терең өңдеу мен агроөнеркәсіпті дамытудың өңірдегі маңызды кәсіпорындарының бірі

<a href="https://kyzylorda-news.kz/">Kyzylorda-news.kz</a> Ауылдағы шағын кәсіптің үлкен іске айналуы үшін кейде мүмкіндік пен қолдау жеткілікті. Қызылорда облысы, Жаңақорған ауданында өз кәсібін ауласындағы шағын егістіктен бастаған Наурызбек Айымбетов бүгінде жылыжай шаруашылығын дамытып, жылдық өнім көлемін 20 тоннаға жеткізіп отыр.Бұл – «Әділет» партиясының «Ауыл аманаты» жобасы аясында ауыл тұрғындарының кәсібін дамытуға берілген мүмкіндіктің нақты нәтижесін көрсететін мысалдардың бірі.Наурызбек Айымбетов кәсібін 2019 жылы бастаған. Алғашқы кезде өз ауласындағы шағын жерге егін егіп, жылына 3-4 тонна шамасында қияр өнімін өндірген. Кәсіпті үлкейтуге мүмкіндік болғанымен, қажетті құрал-жабдық пен қаржы мәселесі негізгі кедергілердің бірі болған.2023 жылы кәсіпкер үшін жаңа мүмкіндік ашылды. Ол «Ауыл аманаты» жобасы арқылы 3,9 млн теңге көлемінде жеңілдетілген несие алып, жылыжайға қажетті құрал-жабдықтарды сатып алды. Осыдан кейін өндіріс көлемін арттыруға жол ашылды.Бүгінде бастапқы 3-4 тоннадан басталған кәсіптің жылдық өнім көлемі 20 тоннаға дейін жетіп отыр. Қияр мен қызанақ және Болгар бұрышын өндіріп отырған кәсіпкер өнімін жергілікті тұрғындарға ұсынады.&nbsp;Кәсіптің тағы бір маңызды нәтижесі – екі адамның тұрақты жұмыспен қамтылуы. Яғни шағын ауладағы егістіктен басталған іс бүгінде тек отбасының табыс көзі ғана емес, ауылдағы адамдарға жұмыс беріп отырған отбасылық бизнеске айналды.<img src="https://knadmin.beoblood.kz/uploads/Whats_App_Image_2026_09_24_at_16_20_19_5fcdb0f3b9.jpeg" alt="Әділет.jpeg"><blockquote>«Кәсібімді алғаш 2019 жылы өз ауламдағы егістіктен бастадым. Ол кезде жылына 3-4 тонна шамасында қияр өндіретінбіз. 2023 жылы «Ауыл аманаты» жобасы арқылы 3,9 млн теңге жеңілдетілген несие алып, жылыжайға қажетті құрал-жабдықтарды сатып алдық. Бұл бізге өндіріс көлемін арттыруға мүмкіндік берді. Бүгінде өнім көлемі 20 тоннаға жетті. Ең бастысы – кәсібіміз отбасылық іске айналып, екі адамды тұрақты жұмыспен қамтып отырмыз», – дейді «Аимбетов» ЖК төрағасы Наурызбек Айымбетов.</blockquote>Кәсіпкердің айтуынша, ауылдағы бизнестің дамуы үшін қаржылай қолдаумен қатар, жер, су және инфрақұрылым мәселелерін шешудің де маңызы зор.Ал «Ауыл аманаты» жобасының мәні де осында – ауыл тұрғынына дайын жұмыс ұсынумен ғана шектелмей, өз кәсібін бастауға және бар кәсібін кеңейтуге мүмкіндік беру. Жоба ауыл тұрғындарының табысын арттыруға, кәсіпкерлікті дамытуға және жаңа жұмыс орындарын ашуға бағытталған.&nbsp;Наурызбек Аймбетовтың кәсібіндегі өзгеріс – осы мүмкіндіктің нақты көрсеткіші. 3 тоннадан басталған өнім көлемі 20 тоннаға жетті, шағын кәсіп отбасылық бизнеске айналды, екі адам жұмыспен қамтылды. Ауылдағы кәсіпке берілген қолдаудың нәтижесі – осындай нақты көрсеткіштерден көрінеді.<img src="https://knadmin.beoblood.kz/uploads/Whats_App_Image_2026_09_24_at_16_20_19_1_b57daf064f.jpeg" alt="Әділет.jpeg">

«Ауыл аманаты» : Жаңақорғандық кәсіпкер жылыжай шаруашылығын дамытып, өнім көлемін ұлғайтуда

<a href="https://kyzylorda-news.kz/">Kyzylorda-news.kz</a> Қармақшы ауданында кәсіпкерлік саласына қолдау көрсетіп және инвестиция тарту бағытындағы жүйелі жұмыстар тұрақты жүргізіліп келеді. Бүгін «Руханият» орталығында өткен баспасөз брифингінде аудандық кәсіпкерлік және өнеркәсіп бөлімінің басшысы Жандос Махамбетов 2026 жылдың алғашқы жартыжылдығында атқарылған жұмыстар мен негізгі нәтижелер туралы есеп берді.Жыл басынан бері ауданның өнеркәсіп саласында 5 млрд 889 млн теңгенің өнімі өндіріліп, өткен жылдың сәйкес кезеңімен салыстырғанда 142,4 пайыз өсімге қол жеткізілді. Оның ішінде өңдеу өнеркәсібі 149 пайызға артқан. Бөлшек сауда көлемі 100,8 пайызын көрсетті.Бүгінде ауданда 2845 кәсіпкерлік субъектісі тіркелген. Оның ішінде белсенділік үлесі 95,2 пайызды құрап отыр. Шағын және орта кәсіпкерлік субъектілерінің өндірген өнім көлемі 2026 жылдың қаңтар-наурыз айларында 9 млрд 537 млн теңгені құрады.Кәсіпкерлікті дамыту және жаңа жобаларды іске асыру үшін мемлекеттік бағдарламалар аясында қаржылай қолдау көрсету жұмыстары да жалғасуда. Жыл басынан бері 59 жобаға несие берілген. Оның ішінде «Ауыл Аманаты» бағдарламасы бойынша 42 жобаға, «Іскер» бағдарламасы арқылы 10 жобаға, «Кең дала 2» бағдарламасы аясында 5 жобаға және «Қорқыт елі» несие серіктестігі арқылы 2 жобаға қаржы бағытталған.Өңірлік Үйлестіру Кеңесінің шешімімен аудан бойынша 4 инвестициялық жоба қолға алынған. Жобалар толық іске қосылған жағдайда 168 жаңа жұмыс орны ашылады деп күтілуде. Жобалардың қатарында Жосалы кентінің шығыс бөлігінде іске асырылатын күн электр станциялары мен деректерді өңдеу орталығының құрылысы бар. «Джи Пауер Энерджи» ЖШС жобалық қуаттылығы – 100 МВт және 45 жаңа жұмыс орны ашылады.Сонымен қатар «Алтын Нью Энерджи» ЖШС-нің 50 МВт күн электр станциясын салу жобасы және «Ориентал Энерджи Казахстан» ЖШС-нің 50 МВт күн электр станциясын салу жобасы жүзеге асырылуда. Әр жоба іске қосылған кезде 50-ге дейін жаңа жұмыс орны ашылады.Брифинг барысында Жандос Дүйсенбекұлы БАҚ өкілдерінің сұрақтарына жауап беріп, «Ауыл аманаты» жобасы аясында толық ақпарат беріп өтті.

Кәсіпкерлік – экономикалық өсудің маңызды бағыты

Қармақшы ауданының өнеркәсіп саласының кәсіпорындары 2026 жылдың 01 тамыз айында 5889,0 млн теңге өнім өндіріп, өткен жылдың тиісті кезеңімен салыстырғанда 142,4 пайыз болса, өңдеу өнеркәсібі бойынша 4874,0 млн теңгеге өнімі өндіріліп, өткен жылдың тиісті кезеңімен салыстырғанда 149,0 пайыз болды. Ал бөлшек сауда көлемі 6971,0 млн теңгемен 100,8 пайызды құрап отыр.&nbsp;Ауыл шаруашылығымен қатар, ауданның экономикалық дамуына тікелей әсер ететін шағын және орта кәсіпкерліктің дамуы да басты назарда. 2026 жылдың 1-ші тамызына тіркелген кәсіпкерлік субъектілердің саны 2 845 бірлік болса, оның ішінде, белсенді жұмыс жасайтыны 2 709 бірлікті құрайды (үлесі 95,2 пайыз).2026 жылдың 1 сәуіріне шағын және орта кәсіпкерлікте жұмыспен қамтылғандар саны 4412 адамды құрап, өткен жылдың сәйкес кезеңіне 84,5 пайызға орындалды.2026 жылғы қаңтар-наурыз аралығында шағын және орта кәсіпкерлік субъектілерімен шығарылған өнім көлемі 9 537,0 млн теңгені құрап, өткен жылдың есепті кезеңімен салыстырғанда 100,1 пайызға орындалған.Мемлекеттік бағдарламалар шеңберіндегі қаржылай қолдаулар 2026 жылдың басынан бері ауданда жалпы саны 59 жобаға 1565,1 млн теңге несие берілді.<ul><li style="text-align:justify;">Оның ішінде «Ауыл Аманаты» бағдарламасы шеңберінде «Байқоңыр» әлеуметтік кәсіпкерлік корпорациясы акционерлік қоғамынан 42 жоба 348,3 млн теңгеге несиелендірілді;</li><li style="text-align:justify;">«Қызылорда Өңірлік инвестициялық орталығы» ЖШС МҚҰ арқылы «Іскер» бағдарламасы шеңберінде 10 жобаға 108,0 млн теңге берілді;</li><li style="text-align:justify;">«Агрокредит» аграрлық несие корпорациясы арқылы «Кең дала 2» бағдарламасымен 5 жоба 1074,8 млн теңгеге несиелендірілді;</li><li style="text-align:justify;">«Қорқыт елі» несие серіктестігі арқылы 2 жоба 34,0 млн теңгеге несиелендірілді.</li></ul>Сурет: gov.kz

Кәсіпкерлік саласының дамуы тұрақты бақылауда

<a href="https://kyzylorda-news.kz/">Kyzylorda-news.kz</a> Қызылорда облысында отандық өндірісті қолдау және өңірдің экспорттық әлеуетін арттыруға бағытталған оқу-семинары өтті.&nbsp;Семинарды облыс әкімінің орынбасары Н. Аманқұл ашып, өңірдегі кәсіпорындардың бәсекеге қабілеттілігін арттыру және сыртқы нарықтарға шығуын қолдау — мемлекеттік саясаттың басым бағыттарының бірі екенін, бұл үдерісте “Атамекен” кәсіпкерлер палатасының маңызды рөл атқаратынын атап өтті.Оқу-семинары аясында Түркиядан арнайы келген сарапшы Неджметтин Өнер сыртқы нарықтарға бейімделу және өнімді жаһандық деңгейде ілгерілетудің озық стратегияларымен бөлісті. Сонымен қатар, «QazTrade» сауда саясатын дамыту орталығы» АҚ, «QazIndustry» Қазақстандық индустрия және экспорт орталығы» АҚ және «Қазақстанның экспорттық-кредиттік агенттігі» АҚ мамандары өңделген өнім экспортын ұлғайту мен мемлекеттік қолдау құралдарын таныстырды.Практикалық маңызы жоғары семинарға жергілікті кәсіпкерлер, мемлекеттік органдар мен даму институттарының 100-ден астам өкілі қатысып, өнімді сыртқы нарықтарға өткізу мүмкіндіктері, экспортқа шығу кезіндегі шығындардың бір бөлігін мемлекет тарапынан өтеу (субсидиялау) тәртібі және жеңілдіктер алу тетіктері кеңінен талқыланды.<img src="https://knadmin.beoblood.kz/uploads/Eksportty_damytu_bojynsha_o_u_seminary_2_27827797af.jpg" alt="Экспортты дамыту бойынша оқу семинары 2.jpg">

Қызылордада экспортты дамыту бойынша оқу-семинары өтті

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Әйтеке би кенті, Қарашеңгел және Арықбалық ауылдық округтеріндегі «Ауыл аманаты» жобасы аясында жеңілдетілген несие алып, кәсібін ашып, оны дамытып отырған кәсіпкерлердің жұмысымен танысты.Аудан басшысы кәсіпкерлердің шұбат өндіру, тігін шеберханасы, дизайн орталығы, кондитерлік өнімдер өндіру және темір бұйымдарын жасау бағытындағы жұмыстарын көріп, өндіріс барысымен танысты. Кәсіп иелерімен тілдесіп, олардың ұсыныс-пікірлерін тыңдады.<img src="https://knadmin.beoblood.kz/uploads/FB_IMG_1786681340612_d723627cfd.jpg" alt="FB_IMG_1786681340612.jpg">Жобалармен танысу барысында Қарашеңгел ауылдық округіндегі «Ауыл аманаты» жобасы арқылы қаржыландырылған наубайхана жұмысын көрді. Жеке кәсіпкер Асел Қыдырбаева 2023 жылы «Ауыл аманаты» бағдарламасы аясында 2,5 пайызбен &nbsp;5 300 000 теңге несие алып, нан өнімдерін шығаратын өндіріс орнын ашқан. Мұнда тәулігіне 60 дана нан, 100 дана пирожки, 100 дана тоқаш өнімдері өндіріліп, ауыл тұрғындарының сұранысы қамтамасыз етілуде.Сонымен қатар Жанқожа батыр ауылында «Қарасақал-2026» шаруа қожалығының жұмысымен танысты. Кәсіпкер «Ауыл аманаты» жобасы арқылы 20 млн. теңге жеңілдетілген несие алып, оған 40 бас асыл тұқымды қазақтың ақбас сиырын сатып алған. Қазіргі таңда шаруашылық мал басын көбейтіп, мал шаруашылығын одан әрі дамыту бағытында жұмыс жүргізуде.Кездесу барысында аудан әкімі Президент тапсырмасымен жүзеге асып жатқан «Ауыл аманаты» жобасының тиімділігіне тоқталып, оның ауыл тұрғындарына кәсіп бастауға және жұмысын кеңейтуге нақты мүмкіндік беріп отырғанын атап өтті.– Басты мақсат – ауылдағы кәсіпкерлікті дамыту, жаңа жұмыс орындарын ашу және тұрғындардың тұрақты табысын арттыру. Бүгінде жобаның игілігін көріп отырған азаматтардың қатары артып келеді. Кәсіпкерлердің кәсібін одан әрі дамытуына мүмкіндік мол. Бұл бағыттағы жұмыстар алдағы уақытта да жалғасын табады, – деді аудан әкімі.Айта кетейік, «Ауыл аманаты» жобасы аясында 2023–2025 жылдары аудан бойынша 1 млрд. 581 млн теңгеге 226 жоба қаржыландырылып, 270 жаңа жұмыс орны ашылды. Ал 2026 жылы жобаны іске асыруға 88 жоба бойынша 850 млн теңге қаржыландыру жоспарлануда. Нәтижесінде 103 жұмыс орнын ашу көзделіп отыр.<img src="https://knadmin.beoblood.kz/uploads/FB_IMG_1786681315034_d9e681f9e2.jpg" alt="FB_IMG_1786681315034.jpg">

Қазақстан және Қызылорда облысының жаңалықтары: Кәсіпкерлік