<a href="https://kyzylorda-news.kz/">Kyzylorda-news.kz</a> Бүгін «28 маусым – Бұқаралық ақпарат құралдары қызметкерлерінің» кәсіби мерекесі қарсаңында БАҚ өкілдері арасында Сыр журналистикасында өзіндік қолтаңбасын қалдырған белгілі журналист Сағитжан Бермағанбетовты еске алуға арналған облыстық дәстүрлі шағын футбол турнирі өтті.Биыл үшінші мәрте ұйымдастырылған спорттық шараға республикалық БАҚ-ның аймақтағы меншікті тілшілері, облыстық, қалалық және аудандық бұқаралық ақпарат құралдарының өкілдері мен облыстық қоғамдық даму басқармасынан құралған «Qyzylorda TV», «Қаламгер», «Сыр медиа», «Сыр бойы» және «Даму United» командалары қатысып, өзара бақ сынасты.<img src="https://knadmin.beoblood.kz/uploads/S_Berma_anbetovti_eske_alu_turniri_4_eab816fe88.jpg" alt="С.Бермағанбетовті еске алу турнирі 4.jpg">Турнирдің басты мақсаты – өзінің қысқа ғана ғұмырында ақиқаттың ақ жолынан таймай, журналистиканың жауапты міндетін адал атқарып, ақпарат саласында өшпес із қалдырған қарымды қаламгер Сағитжан Бермағанбетовтың есімін ұлықтау, журналистер арасындағы ынтымақ пен бірлікті нығайту, салауатты өмір салтын насихаттау.Салтанатты ашылу рәсіміне облыстық қоғамдық даму басқармасының басшысы Руслан Каюпов, «Qyzylorda» телеарнасының директоры Нұрбек Әмиша және Сағитжан Бермағанбетовтың ата-анасы қатысып, турнирге қатысушы журналистерге сәттілік тіледі.Өз сөзінде басқарма басшысы БАҚ өкілдерін кәсіби мерекемен құттықтап, турнирдің маңыздылығына ерекше тоқталды.<blockquote>«Баршаңызды алда келе жатқан Бұқаралық ақпарат құралдары қызметкерлері күні кәсіби мерекесімен шын жүректен құттықтаймын! Биыл аймағымызда үшінші мәрте ұйымдастырылып отырған белгілі журналист, ұшқыр ойлы, өткір тілді, халқының сүйікті перзенті Сағитжан Бермағанбетов атындағы дәстүрлі шағын футбол турнирінің орны ерекше. Сағитжан ағамыздың парасатты пайымы, қоғамдағы өзекті мәселелерді батыл көтеретін өткірлігі, елдік мүддені бәрінен жоғары қоятын азаматтық ұстанымы көпшілікке үлгі болды. Жас болса да жалынды сөзімен, шынайы болмысымен халықтың ықыласына бөленген арда азаматтың есімін ұлықтау – кейінгі буын үшін үлкен өнеге. Мемлекет басшысы Қасым-Жомарт Кемелұлы Тоқаев ақпарат саласы қызметкерлерінің кәсіби жауапкершілігіне әрдайым жоғары баға беріп келеді. Өйткені шынайы ақпарат пен әділ сөз – қоғамның тұрақтылығы мен дамуының басты кепілі. Сіздердің ел бірлігі мен қоғам тұрақтылығы жолындағы еңбектеріңіз әрдайым жоғары бағалана береді. Бүгінгі доп додасында мықтылар анықталып, жанкүйерлер керемет әсерге бөленеді деп сенемін», – деді Руслан Мұхамедәліұлы.</blockquote>Жарыс қорытындысы бойынша жүлделі І орын республикалық БАҚ-ның меншікті тілшілерінен құралған «Қаламгер» командасына бұйырса, ІІ орын «Сыр медиа» командасы, үздік үштікті облыстық қоғамдық даму басқармасының «Даму United» командасы түйіндеді.&nbsp;<img src="https://knadmin.beoblood.kz/uploads/S_Berma_anbetovti_eske_alu_turniri_2_50adfa17b6.jpg" alt="С.Бермағанбетовті еске алу турнирі 2.jpg">Жеңімпаздар мен жүлдегерлерге арнайы кубоктар, дипломдар, қаржылай сыйақылар мен естелік сыйлықтар табысталды. Сондай-ақ жекелеген ойыншылардың шеберлігі де жоғары бағаланды.Атап айтқанда, жергілікті ақпарат саласының өкілдері «Сыр бойы» командасының ойыншысы Мұхтар Ибрашев «Үздік қақпашы» атанса, «Qyzylorda TV» командасының мүшесі Бауыржан Қожамұратов «Үздік қорғаушы», «Qyzylorda TV» командасының ойыншысы Ержан Батыршаев «Үздік шабуылшы», «Сыр бойы» командасының ойыншысы Болат Қожахметов «Үздік ойыншы» номинациясын иеленді.Спорт пен руханият үндескен бұл дода қатысушыларға көтеріңкі көңіл-күй сыйлап қана қоймай, кәсіби ортадағы достық пен ауызбіршіліктің жарқын үлгісін көрсетті.<img src="https://knadmin.beoblood.kz/uploads/S_Berma_anbetovti_eske_alu_turniri_784f17df30.jpg" alt="С.Бермағанбетовті еске алу турнирі.jpg">

Белгілі журналист Сағитжан Бермағанбетовті еске алуға арналған дәстүрлі турнир өтті

<a href="https://kyzylorda-news.kz/">Kyzylorda-news.kz</a>&nbsp; №19 Арал ауданының олимпиадалық резервтің мамандандырылған балалар-жасөспірімдер мектебінің бокс залы аумағында жаңа шағын футбол алаңы пайдалануға берілді.<img src="https://knadmin.beoblood.kz/uploads/Aralda_zha_a_futbol_ala_y_pajdalanu_a_berildi1_f52ed42105.jpg" alt="Аралда жаңа футбол алаңы пайдалануға берілді1.jpg">Заманауи спорт нысаны ауданымыздың тумасы, белгілі кәсіпкер әрі меценат, Астана қаласының Бокс федерациясының басшысы Алмат Досымовтың демеушілігімен салынып, жобаға жеке қаражаты есебінен 12 миллион теңге қаржы жұмсалды.Салтанатты шараға қатысқан аудан әкімінің орынбасары Нұрмұхамед Бохаев бұл игі бастаманың жастардың спортпен тұрақты айналысуына, салауатты өмір салтын қалыптастыруға және бұқаралық спортты дамытуға серпін беретінін атап өтті.Бүгінде аталған спорт кешенінде 220 жасөспірім төрт білікті жаттықтырушының жетекшілігімен жаттығып келеді. Мұнда облыс пен республика деңгейінде жоғары жетістіктерге жеткен, халықаралық жарыстарда ел намысын қорғап жүрген талантты спортшылар тәрбиеленуде.Шара барысында аудан әкімінің орынбасары Н.Бохаев туған жердің әлеуметтік дамуына тұрақты қолдау көрсетіп келе жатқан кәсіпкер Алмат Досымовқа аудан тұрғындары атынан алғыс білдіріп, ауданның ең жоғарғы марапаты «Құрмет грамотасын» табыстады.Айта кетейік, туған жердің бүгініне бей-жай қарамай, ертеңіне жанашырлық танытып жүрген кәсіпкер, "Almara Petroleum" ЖШС директоры Алмат Маратұлы бұған дейін де көптеген әлеуметтік жобаларға демеушілік жасап келеді. Соның бірі ретінде қаладағы №62 мектеп-лицейі базасынан заманауи телестудия кабинетінің ашылуына көрсеткен қолдауын айтсақ болады.Мұнан бөлек осы мектепке музыкалық құрылғы және өзі оқыған №14 мектеп-лицейіне 8 интерактивті тақта, 2 кеңсеге орындығымен 30 парта және музыкалық құрылығы алып беріп, қайырымдылықтың айрықша үлгісін көрсеткенін бірі білсе, бірі білмес.Бүгін жұртшылық куә болған жаңа футбол алаңы жас спортшылардың жетістіктерін еселеп, болашақ чемпиондардың қалыптасуына қызмет етеді деп сенеміз.Фото: Аудан әкімдігінің баспасөз қызметі

Аралда жаңа футбол алаңы пайдалануға берілді

<a href="https://kyzylorda-news.kz/">Kyzylorda-news.kz</a> &nbsp;Қызылордадағы «Қайсар Арена» стадионында жергілікті «Қайсар» мен Абай облысының «Елімай» футбол командалары арасында Қазақстан Премьер-лигасының 12-тур аясында кезекті матч өтті.Оған облыс әкімі Мұрат Ергешбаев арнайы қатысып, жергілікті командаға қолдау білдірді.Ойын барысында «Қайсар» сапындағы Николла Цуцкич пен Имо Эзикель жасыл алаңда өз шеберліктерін танытып, гол авторы атанды.Дегенмен, аладоп бәсекесінің нәтижесі 3:2 есебімен аяқталып, қарсылас команда ұпай еншіледі.<img src="https://knadmin.beoblood.kz/uploads/ajsar_men_Elimaj_arasynda_tartysty_match_tti_46491c5f2f.jpg" alt="«Қайсар» мен «Елімай» арасында тартысты матч өтті.jpg"><img src="https://knadmin.beoblood.kz/uploads/ajsar_2ff91229e0.jpg" alt="қайсар.jpg">Фото: Қызылорда облысы әкімінің баспасөз қызметі&nbsp;

«Қайсар» мен «Елімай» арасында тартысты матч өтті 

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев, Парламент Сенатының депутаты Руслан Рүстемов және облыстық мәслихат төрағасы Мұрат Тлеумбетов «Қайсар- Аренада» өткен қостанайлық “Тобыл” мен жергілікті “Қайсар” футбол клубтары арасындағы Қазақстан Премьер-лигасының матчын тамашалады.Ойын алдында аймақ басшысы жергілікті футболшылармен кездесіп, ізгі тілегін білдірді.Қайсарлықтар Мұрат Нәлқожаұлына қолдауы үшін алғыс айтып, клуб атынан естелік сый-сияпат табыстады.Тартысты матч нәтижесі 2:1 есебімен аяқталып, “Қайсар” футбол клубы Қазақстан Премьер-Лигасында алғаш рет жеңіске жетті.Еске салсақ, Мемлекет басшысының тапсырмасына сәйкес, былтыр жыл соңында “Қайсар” футбол клубы жеке басқаруға берілген болатын. Клубтың жаңа иесі - белгілі кәсіпкер Исламғали Қозбақов. Өңір спортын дамыту, әсіресе футболды ілгерілету мақсатында инвестор демеушілігімен 20 млрд теңгеге «Қайсар» балалар академиясының құрылысы салынып жатыр. Онда 6 футбол алаңы, жабық манеж және медициналық орталық қарастырылған, 2027 жылдың соңына дейін пайдалануға берілмек.Облыста 2022 жылдан бері 24 заманауи спорт кешені ел игілігіне табысталды. Биыл елді мекендерде соңғы үлгідегі 3 спорт нысаны іске қосылады.Фото: Қызылорда облысы әкімінің баспасөз қызметі

Аймақ басшысы жергілікті «Қайсар» футбол клубына қолдау көрсетті

<a href="https://kyzylorda-news.kz/">Kyzylorda-news.kz</a> Қармақшы аудандық жастар ресурстық орталығының ұйымдастыруымен Қармақшы ауданы, Ақтөбе ауылында жастар ұйымдары мен жастар қызметкерлері арасында шағын футболдан аудан әкімінің кубогы үшін облыстық турнир өтті.Турнирдің ашылу салтанатына «AMANAT» партиясы облыстық филиалының төрағасы Жандос Базартай қатысып, қатысушыларға сәттілік тіледі.Өз сөзінде ол партия тарапынан бұқаралық спортты дамыту және спорт саласын қолдау бағытында атқарылып жатқан жұмыстарға тоқталды. Сондай-ақ, партияның сайлауалды бағдарламасы аясында барлық аудандарда спорттық-сауықтыру кешендері салынып жатқанын атап өтті.<blockquote>«Жастардың спортпен тұрақты айналысуына жағдай жасау – біздің басты міндеттеріміздің бірі. Осындай жарыстар жастар арасындағы достықты нығайтып, саламатты өмір салтын насихаттайды», – деді&nbsp;AMANAT» партиясы облыстық филиалының төрағасы Жандос Базартай.</blockquote>Тартысты өткен турнирге облыс көлемінен 8 команда қатысып, өзара бақ сынасты.Нәтижесінде «AMANAT» партиясы жанындағы «Жастар Рухы» ЖҚ Қызылорда облыстық филиалының командасы жеңімпаз атанды.&nbsp;Айта кетейік, спорттық шаралар алдағы уақытта да жалғасын табатын болады.&nbsp;

Қармақшы: Шағын футболдан облыстық турнир өтті 

<a href="https://kyzylorda-news.kz/">Kyzylorda-news.kz</a> Бүгін «Локоматив» құтқарушылар стадионында &nbsp;Қазақ КСР-нің еңбек сіңірген жаттықтырушысы, кәсіби футболшы, спорт шебері Тимур Сегізбаевты еске алуға арналған 2013 - 2014 жылғы жасөспірімдер арасындағы республикалық турнир алауын жақты. &nbsp;Жарысқа өңіріміздің әр ауданынан 10 команда келді.Турнирдің ашылу салтанатында қала әкімі Нұржан Ахатов, спорт ардагерлері, облыстық футбол федерациясының президенті жас аяқ допшыларға ақжарма тілектерін білдірді.<blockquote>- Тимур Санжарұлы қызылордалықтар үшін өшпес есім, аласармас тау тұлға. Ол жергілікті «Автомобилист» командасынан бастап, бүгінгі «Қайсар» клубының іргесі бекуіне ілкімді іс қосты. Кеңестік дәуірде ең алғаш Алматының «Урожай» атанған футбол командасы кейін «Қайрат» брендін иеленді. Бұл атауды екі мәрте Социалистік Еңбек Ері, даңғайыр диқан Ыбырай Жақаев өзінің батасын арнап, айдар таққан атауы болатын. &nbsp;Сондықтан Тимур Санжарұлының саналы ғұмырымен сабақтас «Қайрат» командасының атауы бізге әрқашан ыстық. Бүгінгі турнир қатысушыларына, аты аңызға айналған Тимур Санжарұлының ізбасарларына сәттілік тілеймін! - деді Нұржан Сәбитұлы. &nbsp;</blockquote>Спорт ардагерлері мен облыстық футбол федерациясының президенті Болат Көшербаев турнирге қатысушы жасөспірімдерге батасын берді.&nbsp;Соңғы жылдары шаһарымызда тұрғындардың спортпен шұғылдануына барлық жағдай жасалған. Әр аулаға спорттық алаңдар салынып, арнайы құрылғылар орнатылды. Еуропа стандарттарына сай келетін 11 000 орындық «Қайсар Аренада» қазір ел чемпионаттары өтуде. Футбол сүйер қауым үшін «Қайсар – Арена» стадионынан кейінгі ауқымды жоба – Еуропаның үздік футбол мектептері үлгісіндегі «Қайсар» футбол академиясының құрылысы басталып кетті.&nbsp;Академияда жас спортшыларға арналған жатақхана, мектеп, асхана және жеті жаттығу алаңы қарастырылады. Сонымен қатар, жаңашылдық әкелген заманауи теннис орталығында күнделікті жарыстар ұйымдастырылады. Ал, инклюзивті спорт мектебі болса, ерекше күтімді қажет ететін спортшыларға ең қолайлы ортаға айналды. Алдағы күндері салынып жатқан «Қызылорда Арена» спорт кешені пайдалануға беріледі.&nbsp;<img src="https://knadmin.beoblood.kz/uploads/Aya_dop_turniri_fc3a5eea54.jpg" alt="Аяқ доп турнирі.jpg">

Жасөспірімдер арасында республикалық турнир басталды

<a href="https://kyzylorda-news.kz/">Kyzylorda-news.kz</a> Кеше Жаңақорған ауданындағы Алпамыс батыр атындағы дене шынықтыру сауықтыру спорт кешенінде еркін және әйелдер күресінен спорт жанашырлары Ғалымжан Бердиев пен Анарбек Омаровты еске алуға арналған еркін күрестен 2013-2014 жылы туылған жасөспірім ұлдар және 2012-2013 жылы туылған жасөспірім қыздар арасындағы республикалық турнир басталды. 13-ші мамыр күні бастау алған&nbsp;еркін күрестен республикалық&nbsp;жарыс 16-шы мамыр күні қорытындыланады.Жарыстың ашылу салтанатында Жаңақорған&nbsp;аудандық дене тәрбиесі, спорт және туризм бөлімінің басшысы Махмут Рахымжанов, еркін күрестен ұлағатты ұстаз, бапкер Орынбек Жолшиев, Ғалымжан Бердиевтің бауыры Жомар Бердиев қатысып, жас балуандарға ақжарма тілектерін білдіріп, қатысушыларға сәттілік тіледі.Биыл аталған турнир 10-шы мәрте ұйымдастырылып, өткізілуде.Айта кетейік, байрақты бәсекеге Қырғызстан Республикасынан, сондай-ақ Ақтөбе, Алматы, Қызылорда, Түркістан, Жамбыл облыстары мен Алматы және Шымкент қалаларынан келген 8 команда құрамындағы 250-ге жуық спортшы қатысып, бақ сынауда.Алдағы уақытта турнир нәтижесін жариялайтын боламыз.

Қызылорда: Еркін күрестен республикалық турнир басталды

<a href="https://kyzylorda-news.kz/">Kyzylorda-news.kz</a> Қармақшы ауданындағы дене шынықтыру-сауықтыру кешенінде Даулет Сламовты еске алуға арналған 2013–2014 және 2015–2016 жылдары туған кіші жасөспірімдер арасындағы облыстық ашық дзюдо турнирі ұйымдастырылды.Жас ұрпақты салауатты өмір салтына баулу және отансүйгіштік қасиеттерді қалыптастыру мақсатында өткізілген спорттық шараға облыстың әр өңірінен келген 300-ге жуық жас спортшы қатысып, татами төрінде өзара бақ сынады.Сламов Даулет Пайзылдаұлы - жастайынан спортқа ерекше қызығушылық танытқан. Өзінің қысқа ғұмырында спортқа жанашыр болып, кейінгі ұрпаққа қолдау көрсетіп, демеушілік жасаған азамат ретінде ел есінде қалды. Оның қайырымдылығы мен азаматтық болмысы бүгінгі жас буынға үлгі.<img src="https://knadmin.beoblood.kz/uploads/arma_shy_dzyudo_turniri_2_364e42f05a.jpg" alt="Қармақшы дзюдо турнирі 2.jpg">Салтанатты ашылу рәсімінде аудан әкімінің орынбасары Диас Молдабаев сөз сөйлеп, қатысушыларға сәттілік тіледі:.«Осындай тағылымды шаралар арқылы жастарымыздың бойында өткенге құрмет секілді тәрбиелік мәні зор ұғымдар қалыптасатыны сөзсіз. Құрметті қатысушылар! Қазіргі өркениетпен үндескен заманда спорттың қоғамымызда алар орны ерекше екендігі белгілі. Осы тұрғыда толағай батырларды түлеткен топырағы құтты Қармақшы мекенінде Сіздердің арнайы қатысуларыңыз – елге, туған жерге құрмет деп білеміз. Сондықтан да бүгінгі байрақты бәсекеде озып шыққан жастарымыз ертеңгі күні елдің абыройын қорғап, көк туымызды әлем алдында желбіретеді деп күтеміз»,-деді Диас Асылбекұлы.Сонымен қатар әулеттің үлкені Тұрар Арыстанұлы да ізгі тілегін білдіріп, батасын берді. Мәдени бағдарлама аясында жыр-арнау айтылып, әндер орындалды.Шара барысында татамиге шыққан жас дзюдошылар өзара салмақ дәрежесінде белдесу өткізіп, көрермен қауымға тартысты ойын көрсетті.Жарыс қорытындысы бойынша жеңімпаздар мен жүлдегерлер арнайы дипломдармен, медальдармен және бағалы сыйлықтармен марапатталды.&nbsp;

Қармақшы ауданында дзюдо турнирі өтті

<a href="https://kyzylorda-news.kz/">Kyzylorda-news.kz</a> “Samruk Kazyna Trust” корпоративтік қорының 10 жылдық мерейтойына орай қаланың сол жағалауындағы “Теннис орталығында” үстел теннисінен тұңғыш рет “Samruk Alaman” облыстық ашық турнирі бастау алды.10 жылдық мерейтой аясында ұйымдастырылған дүбірлі додаға Түркістан, Шымкент, Байқоңыр және Қызылорда облысының барлық аудандарынан келген 150-ге жуық спортшы ересектер, жастар және жасөспірімдер санаты бойынша бақ сынауда.Салтанатты шараның ашылу рәсіміне облыс әкімінің орынбасары Мейрамбек Шермағанбет, “Samruk Kazyna Trust” корпоративтік қоры бас директорының орынбасары Аман Төрегелдин, басқарма басшысы Бақтияр Артаев қатысты.Алғы сөз алған облыс әкімінің орынбасары Мейрамбек Зинабдинұлы аймақ спортының соның ішінде үстел теннисінің даму қарқынына тоқталып, тартысқа толы турнирді жоғары деңгейде ұйымдастыруға ұсыныс білдірген “Samruk Kazyna Trust” корпоративтік қорына ерекше алғыс білдірді.<blockquote>– Ең алдымен баршаңызды 1 &nbsp;мамыр – Қазақстан Халқының бірлігі күнімен шын жүректен құттықтаймын! Айтулы мерекемен қатар еліміздегі іргелі әрі бірегей қорлардың бірі &nbsp;- «Samruk Kazyna Trust» корпоративтік қорының 10 жылдығына орай республика көлемінде спорттық іс-шаралар ұйымдастырылып, кең көлемде аталып өтуде. Бүгін мінекей, аталған қордың бастамасымен қаламызда үстел теннисінен облыстық ашық турнир ұйымдастырылып жатыр. Тартысты турнирде еліміздің бірнеше аймағынан және Қызылорда облысынан 150-ге жуық жас теннисші өзара бақ сынамақ. Осы ретте, өңірдегі спортты дамытуға айрықша атсалысып, игі бастамаларды жүзеге асыруда үлкен қолдау көрсеткен «Samruk Kazyna Trust» корпоративтік қорына алғыс білдіремін!, - деді облыс әкімінің орынбасары.</blockquote>Сондай-ақ, “Samruk Kazyna Trust” корпоративтік қоры бас директорының орынбасары Аман Төрегелдин барша жарыс қатысушыларына сәттілік тілеп, ізгі тілегін жеткізді.<blockquote>– «Samruk Kazyna Trust» корпоративтік қорының 10 жылдық мерейтойы аясында республика көлемінде әртүрлі спорт түрлері бойынша жарыстар ұйымдастырылуда. Ауқымды шаралардың барлығы «Samruk Kazyna Trust» корпоративтік қорының демеушілігімен салынған еліміздегі 19 &nbsp;заманауи спорт кешенінде өтеді. Бүгін мінекей, Қызылорда облысында бастау алған жарысымызға үздік командалар жиналып, өз шеберліктерін танытпақ. Жеңімпаз атанған спортшыларға аталған қорымыздың спорттық құрал-жабдықтар алуға арналған қаржылай сертификаттары табысталатын болады. Осы ретте, барша жас теннисшілерге сәттілік тілеймін!, - деді Аман Жақсыбайұлы.</blockquote>Шара соңы Сыр өнерпаздарының концерттік бағдарламасымен жалғасып, көрермендерге мерекелік ән-шашу тарту етілді.<img src="https://knadmin.beoblood.kz/uploads/stel_tennisi_turnir_4_0f6f09ceb4.jpg" alt="Үстел теннисі турнир 4.jpg">

Қызылордада үстел теннисінен облыстық турнирдің ашылу салтанаты өтті

<a href="https://kyzylorda-news.kz/">Kyzylorda-news.kz</a> Қызылорда қаласындағы «Нұрсәт» теннис орталығында классикалық шахматтан Аралбай Махамбетовтың жүлдесіне арналған ҚР балалар кубогының &nbsp;ресми ашылу салтанаты өтті.&nbsp;Он сегінші рет ұйымдастырылған ой сайысына Ресей, Қырғызстан, Тәжікстан мемлекеттерінен және еліміздің барлық өңірінен келген 400-ге жуық қатысушы өз шеберліктерін танытпақ.Салтанатты шараға облыс әкімінің орынбасары Мейрамбек Шермағанбет, ҚР шахмат федерациясының вице-президенті Марат Есенов, бірегей тұлға Аралбай Маханбетовтың інісі Сұлтанбек Маханбетов, басқарма басшысы Бақтияр Артаев қатысты.Ашылу рәсімінде облыс әкімінің орынбасары Мейрамбек Зинабдинұлы облыс әкімінің арнайы Алғыс хатын табыстап, шахмат шеберлеріне сәттілік тіледі.<blockquote>-Шахмат — ғасырлар бойы адамзатпен бірге дамып келе жатқан зияткерлік ойын. Шахматты тек спорттық ойын ретінде ғана емес, логикалық ойлауды шыңдайтын тәрбиелік мәні зор өнер деп те айтуға болады.&nbsp;Мемлекет басшысы Қасым-Жомарт Кемелұлы: «Шахмат - адамның ақыл-ойын және қарым-қабілетін ұштауға мүмкіндік беретін бірегей спорт түрі» деп ерекше атап өткен болатын.Әлемнің түкпір-түкпірінде танымал болған бұл ойын күні бүгінге дейін өз маңыздылығын жоймай, талай жасты тәрбиелеп, олардың зияткерлік қабілетін айрықша дамытып келеді.Бүгінде біздің облысымызда 17 мыңнан астам адам шахматпен жүйелі түрде шұғылданады. Олардың арасында халықаралық деңгейдегі жарыстарда ел мерейін үстем етіп жүрген спортшыларымыз бар. Бүгін қаламызда он сегінші рет ұйымдастырылған сайысқа &nbsp;бірнеше мемлекеттен және еліміздің барлық аймағынан 20 команда, 400-ге жуық жас шахматшылар қатысуда. Осы ретте, барша жарыс қатысушыларына сәттілік тілей отырып, шын мықты жеңіске жетсін, - деді облыс әкімінің орынбасары.</blockquote>Сондай-ақ, шара барысында ҚР Шахмат федерациясының вице-президенті Марат Сағынтайұлы құттықтау сөз сөйлеп, федерация атынан естелік сый-сияпат табыстады.Өз кезегінде бірегей тұлғаның жақын туыстары дәстүрге жалғасқан жарысты жоғары деңгейде ұйымдастырған азаматтарға өз алғыстарын білдірді.Шара соңында шахмат сүйер қауымға арналған концерттік бағдарламамен жалғасты.Айта кетейік, шахматшылар арасындағы ой сайысы 10 мамырға дейін жалғасады.Фото: Қызылорда облысының дене шынықтыру, спорт және туризм басқармасы

Шахмат шеберлерінің қатысуымен тартысты бәсеке өтті

<a href="https://kyzylorda-news.kz/">Kyzylorda-news.kz</a> Қазақстан халқының бірлігі күні қарсаңында «AMANAT» партиясының «Ардагерлерді ардақтайық» жобасы аясында ардагерлер арасында шағын футбол және үстел теннисінен турнир ұйымдастырылды. Жарысқа Байқоңыр қаласы, Арал және Қазалы аудандары, сондай-ақ Алматы мен Астана қалаларынан арнайы келген жерлестерімізден құралған командалар қатысып, барлығы 70-ке жуық ардагер спортшы бақ сынады.<img src="https://knadmin.beoblood.kz/uploads/FB_IMG_1777780535178_b25e6367b7.jpg" alt="FB_IMG_1777780535178.jpg">Аудан орталығындағы «Әмір арена» спорт кешенінде өткен жарыстың ашылу салтанатына аудан әкімі Алмасбек Есмаханов, аудандық партия филиалының және аудандық мәслихаттың төрағасы Ғазиз Әліш, сондай-ақ құқық қорғау органдары мен өзге де сала басшылары қатысты. Олар қатысушыларды Бірлік мерекесімен құттықтап, ардагерлердің басын қосқан игі шараға сәттілік тіледі.<blockquote>«Бүгінгі жарыс жай ғана спорттық дода емес, ел бірлігі мен достықты, туған жерге деген құрметті айшықтайтын тағылымды шара. Осындай игі бастаманың Қазалы жерінде жоғары деңгейде ұйымдастырылуы баршамыз үшін үлкен қуаныш. Турнирге Байқоңыр қаласы, Арал, Қазалы аудандарының ардагерлері және Алматы мен Астанадан арнайы келген «Замандастар» командасы қатысуда. Бұл елден жырақта жүрсе де, жүрегі туған жер деп соғатын азаматтардың жанашырлығының көрінісі. Жарыс жоғары деңгейде өтіп, қатысушыларға көтеріңкі көңіл-күй сыйласын. Барша командаларға сәттілік тілеймін. Туған жердің мерейі үстем болсын, – деді Алмасбек Әбілқасымұлы.</blockquote>Жалпы, қос спорт түрі бойынша жарыс тартысты өтті. Үстел теннисінен І орынды Қазалы ауданының командасы иеленсе, ІІ орын «Замандастар» командасына, ал ІІІ орын Арал ауданының командасына бұйырды.<img src="https://knadmin.beoblood.kz/uploads/FB_IMG_1777780526563_eb33d69992.jpg" alt="FB_IMG_1777780526563.jpg">Футболдан І орынды Байқоңыр қаласының командасы жеңіп алса, ІІ орын Қазалы, ІІІ орын «Замандастар» командасына бұйырды.Жеңімпаздарды аудандық партия филиалының және аудандық мәслихаттың төрағасы Ғазиз Әліш марапаттап, жоғары деңгейде ойын көрсеткендері үшін қатысушыларға алғыс білдірді. Әр сайыс бойынша жеңімпаздар мен жүлдегерлерге дипломдар, медальдар, кубоктар және арнайы сыйлықтар табысталды. «Үздік ойыншы» номинациялары бойынша жеңімпаздар анықталды. Сондай-ақ қатысушыларға Қазалы ауданы туралы кітаптар мен естелік сыйлықтар тарту етілді.

Қазалыда ардагер спортшылар бақ сынады 

<a href="https://kyzylorda-news.kz/">Kyzylorda-news.kz</a> Бүгін дене шынықтыру-сауықтыру кешенінде ел спортына серпін беріп, жас буынды жігерлендіретін маңызды дода – Сүлейменов Әсет Жәнібекұлын еске алуға арналған дзюдодан 2011–2012 жылы туған жасөспірімдер арасындағы республикалық турнирдің ашылу салтанаты өтті.Ашылу рәсімінде аудан әкімі Жандос Еркінбек: «Осындай тағылымды шаралар арқылы жастарымыздың бойында өткенге құрмет секілді тәрбиелік мәні зор ұғымдар қалыптасатыны сөзсіз. Биылғы додаға республикамыздың әр өңірінен 300-ге жуық жас спортшы қатысуда. Осы ретте жарыстың жоғары деңгейде ұйымдастырылуына атсалысып жүрген барша азаматтарға шынайы алғысымды білдіремін»,- деп шараның маңыздылығын атап өтті.<img src="https://knadmin.beoblood.kz/uploads/FB_IMG_1777637204736_f4726c9253.jpg" alt="FB_IMG_1777637204736.jpg">Сондай-ақ облыстық жоғары спорт шеберлігі мектебінің директоры, облыстық дзюдо федерациясының вице-президенті Бағдат Каленов және Әсет Сүлейменовтің інісі Бауыржан Сүлейменов қатысып, ізгі тілектерін білдірді.Әсет Сүлейменов – дзюдо күресінен жоғары жетістіктерге жетіп, Қазақстан Республикасының «Спорт шебері» атағына ие болған, қайсар мінезді, өз ісіне адал азамат. Ол спортта талай жастардың үлкен өмірге нық қадам басуына жол көрсетті. Оның есімі елге қызмет етудің, еңбексүйгіштіктің жарқын үлгісін көрсете білген тұлға ретінде халық жадында мәңгі сақталады.Айта кетсек, биыл дәстүрлі түрде бесінші рет ұйымдастырылып отырған бұл турнир 30 сәуір мен 2 мамыр аралығында жалғасатын болады.<img src="https://knadmin.beoblood.kz/uploads/FB_IMG_1777637217853_b79f79c2fd.jpg" alt="FB_IMG_1777637217853.jpg">

Қазақстан және Қызылорда облысының жаңалықтары: Спорт