&nbsp;<a href="https://kyzylorda-news.kz/">Kyzylorda-news.kz.</a> Қызылорда қалалық орталықтандырылған кітапханалар жүйесіне қарасты №3 кітапхана мен М.Ералиева атындағы мәдениет үйінің бірлесуімен «Адал Адам» мәдени-тәрбие орталығының «Әлем ВООК» жобасы аясында Сыр өңірінің перзенті, Қазақстан Республикасына еңбегі сіңген дәрігер, «Денсаулық саласының ардагері», «Құрмет белгісі», «Халықтар достығы», «Құрмет» ордендерін, СССР және ҚазССР «Денсаулық сақтау саласының үздігі» белгісін омырауына таққан. Бүгінде «Облыстың құрметті қайраткері», «Облыстың құрметті азаматы» атанған «Денсаулық саласының ардагері», Қызылорда облысының және Жалағаш ауданының құрметті азаматы, ҚР Еңбек сіңірген қайраткері Маханов Тұрғанбай Маханұлының мерейлі 85 жасқа толуына орай «Біздің білікті дәрігер» атты кездесу кеші өткізілді. Тұрғанбай Маханұлының досы, әріптесі, дәрігер Қадырбаев Аманкелді Жұбатқанұлы және шәкірті, қалалық №5 емхананың бас дәрігері Ршымбетов Марат Қабылұлы мен емхана қызметкерлері және «Өркениет» медициналық колледжінің студенттері қатысты. Шара барысында сала ардагері Тұрғанбай ағамыздың досы Амангелді Жұбатқанұлы және қалалық №5 емхананың бас дәрігері Ршымбетов Марат Қабылұлы сөз сөйлеп, адам жанының арашасы болған Тұрғанбай Маханұлының өнегелі өмірін, денсаулық сақтау саласындағы ерлікке толы жасаған қызметтерін айтып өтті. Кеш барысында жастар және денсаулық саласының қызметкерлері өздерінің толғандырып жүрген ойларындағы сұрақтарын қойып, тұщымды жауап алды. «Болмысы бөлек дәрігер» атты кітап көрмесіне шолу жасалып, Мәдениет үйі өнерпаздарының ән-шашуына ұласты. Ы.Алтынсарин атындағы №10 мектеп-лицейдің 5 сынып оқушылары әдеби-монтаж оқыды. Қалалық орталықтандырылған кітапханалар жүйесінің директоры Рахметова Гүлмира Шамсутдинқызы қорытынды сөз сөйлеп, Тұрғанбай Маханұлына қазақтың ұлттық домбыра аспабын сыйға тартты. Тұрғанбай Маханұлы есімі өңіріміздің денсаулық сақтау саласында етене таныс. Тұрғанбай Маханұлы – 1939 жылы Қызылорда облысы, Сырдария ауданында дүниеге келген. Қызылорда қаласындағы №1 май мектебінде білім алған. Ақтөбе қаласындағы медициналық институтты тәмамдаған. Еңбек жолын Жалағаш аудандық ауруханасында бастаған. Аталмыш ауруханада екі жылдан астам қызмет атқарып, облыстық денсаулық сақтау бөлімі меңгерушісінің орынбасары қызметіне тағайындалады. Еңбекқор дәрігер орынбасарлықтан облыстық аурухананың бас дәрігері, облыстық медицина орталығының директоры болып қызмет атқарады. Қаншама шәкірт тәрбиелеген Тұрғанбай Маханұлы 30-дан астам ғылыми жұмыс пен монографияның авторы.

Қызылордада студенттер медицина саласының ардагерімен кездесті

&nbsp;<a href="https://kyzylorda-news.kz/">Kyzylorda-news.kz.</a> Қала әкімі Серік Қожаниязовтың төрағалығымен өткен мәжілісте қалалық ауыл шаруашылығы мен жер қатынастары бөлімінің басшысы Пахуатдин Шамұратов Қырым-Конго геморрагиялық қызбасына қарсы атқарылған шаралар мен мал тоғыту ванналарын қалпына келтіру барысы туралы баяндады. – Ағымдағы жылдың 16 сәуір күні қала әкімінің орынбасары Айдос Кентуғаевтың төрағалығымен жиналыс өткізіліп, кент және ауылдық округ әкімдеріне жарамсыз мал тоғыту ванналарын қысқа мерзімде &nbsp;қалпына келтіру жұмыстарын жүргізуге тапсырма берілген. Қызылорда облыстық ветеринария басқармасының 17.04.2024 ж. №03-6/367 хатына сәйкес кент &nbsp;және ауылдық округтердің теңгеріміндегі типтік жобада салынған 9 тоғыту ванналарының Қызылөзек, Талсуат ауылдық округтеріндегі ванналары жарамды, қалған кент, ауылдық округтердегі ванналарға күрделі жөндеу жұмыстары қажет ететіндігі анықталған. Бөлім тарапынан кент және ауылдық округтерді аралап мониторинг жұмыстары жүргізілді. Зерделеу жұмыстарын жүргізу барысында 2013-2014 &nbsp;жылдары салынған тоғыту ванналарына бүгінгі күнге дейін бюджеттен күтіп ұстауға қаражат бөлінбеген, – деді жиында бөлім басшысы. Сала басшысы кент және ауылдық округтер әкімдіктері мал &nbsp;тоғыту ванналарына &nbsp;өз деңгейлеріне сәйкес, демеушілердің көмегімен ағымдағы жөндеу жұмыстарын жүргізгенін атап өтті. Алайда мал тоғыту ванналлары толық санитарлық нормаға сәйкес келмейді. Осыған орай кент және ауылдық округ әкімдіктерімен қалалық ветеринариялық станциясы бірлесіп кенеге қарсы мал тоғыту жұмыстарын 10 мамырдан 1 қазан аралығында жүргізеді деп жоспарлануда. Сондай-ақ Қызылорда облыстық ветеринария басқармасының мәліметіне сәйкес эпидмаусымдарда мердігер «Дезинфекция» Ақтөбе облыстық бірлестігі» жеке медициналық мекемесі арқылы Ципэк 10 проценттік препараты арқылы кенеге қарсы тоғыту жұмыстары жүргізіледі. Мәжілісте қалалық ауыл шаруашылығы мен жер қатынастары бөлімінің басшысы Пахуатдин Шамұратов шаһар басшысы Серік Салауатұлына кент және ауылдық округтердің балансындағы мал тоғыту ванналарын &nbsp;күтіп ұстау үшін жыл сайын бюджеттен қаражат қосуды және күтіп ұстауды қарастыру туралы ұсынысын білдірді.&nbsp;Фото: freepik.com

Қызылордада 10 мамырдан бастап кенеге қарсы мал тоғыту жұмыстары жүргізіледі

&nbsp;<a href="https://kyzylorda-news.kz/">Kyzylorda-news.kz.</a> «Өрт сөндіруші мамандығы – табандылық пен ұтымдылықты қажет етеді. Жалын арасынан жеңімпаз болып шығу үшін ұжымның ауызбіршілігі маңызды»,– дейді өрт сөндіру қызметінің ардагері Байменов Ғани.&nbsp; Бар ғұмырын өрт сөндіру қызметіне арнаған ардагер бүгінде &nbsp;зейнетке шықса да азаматтық қорғау саласынан алыстаған жоқ. Ол қызметте өткізген жылдарын &nbsp;сағынышпен &nbsp;еске алады. – Мен 1969 жылы Қызылорда қаласында дүниеге келдім. 1987 жылы 2 жыл Герман Демократиялық Республикасында Кеңес одағы әскерінде қызмет атқардым. Бала күнімнен форма киюді, әскери салада қызмет етуді армандадым. Әскерден келген жыл болатын. Бір күні қатарынан екі өрт сөндіру көлігі кетіп барады. Біріншісі бұрылған кезде құтқару құралы ұшып кетті. Екінші көлікті тоқтатып, қызметкерлердің қолына құралды табыстадым. Алғысын айтқан құтқарушылар, «сен де біз секілді өрт сөндіруші бол» деп, жылы лебізін білдірді. Ағалардың тілегі қабыл болып, көп ұзамай өрт сөндіру қызметіне қабылдандым. Менің өрт сөндіруші болғым келетінін естігенде ата-анам қарсы болмады. Тіпті осындай азаматтық таңдауды мақтан тұтты. Алғашында өрт сөндіруші мамандығы қиын әрі қауіпті екенін ойламадым. Бойыңда қаның тулап, жалындап тұрған жастық шақта ештеңе де қорқынышты болмайтыны анық. Тұрмыстық өрттер, электр сымдарының қысқа тұйықталуынан шыққан және дала өрттері болды. Өрт сөндірушілер күнделікті осындай жайттармен бетпе-бет келеді, – дейді ардагер бізбен әңгімесінде.<blockquote> Ғани Әбдіқалықұлы алғашқы еңбек жолын 1990 жылдың 3 маусымында өрт сөндіруші болып бастаған. 1999 жылы аға өрт сөндіруші болып тағайындалған. 2001 жылы бөлімше командирі болып жұмыс істей бастаған. Қызмет еткен жылдар аралығында ондаған адамның өмірін құтқарған.&nbsp;</blockquote> – 1994 жылдары қыс мезгілінде жер асты туннелі өртенді. Лабиринт тунель ішінде қою түтінмен арпалыстық. Ол кезде қазіргідей техника дамымаған. Қысымдалған аппараттар, 50 метрлік баспалдақ ол уақыттарда жоқ еді. Жер астында өртпен арпалысқан едік. Бұл менің еңбек жолымдағы алғашқы ауқымды өрт болды. Өрт сөндіруші бірден от өтіне тап болмайды. Алдымен оқу-жаттығу жұмыстары жүргізіледі. Аға буынның жас мамандармен өзара тәжірибие алмасуы ұжымның бірігуіне ықпал етеді. Себебі, өрт оқиғасы кезінде басты қару – ауызбіршілік. Барлығы жұмыла жұмыс істеп, бір-біріне кедергі етпей, әрқайсысы өз қызметін атқарса, өрт сөндіру кезінде кедергілер аз болады. 2009 жылдың күз мезгілінде таңертеңнен бастап өрт шақыртулар басталды. Алғашқы қоңырау «тері ауруханасынан» түсті. Хлордан химия бөлініп, залалсыздандыру жұмыстарын жүргіздік. Артынша үш қабатты тұрғын үйде газ жарылып, үй өртенді. Адам өмірін құтқарып, өртті өшірген кезде тағы да бір шақырту түсті. «Береке» қонақ үйінде жарылыстың қатты болғаны сонша терезедегі темір тор арғы бетке ұшып кеткен. Ас бөлмеде газ жарылып, бетон астында әйел адам қалған еді. Осылайша толассыз шақыртулар түсіп, бір тәулік өртпен алысқан едік, – дейді жұмыс барысындағы естелігімен бөліскен Ғани Байменов.<blockquote> Бүгінде ардагер өрт сөндіруші 7 баланың әкесі. Өзі де балаларының халықтың батырына айналып, адам өмірін құтқарса дейді. Ертегідегідей қаһармандарына қарап бой түзеген ұлдары да әке жолын жалғап, өрт сөндіруші болуды армандайды екен. От өтінде өмір кешіп, жалын арасынан жан алып қалған кейіпкеріміз бүгінде ардагер өрт сөндіруші. Ғани Байменов өңірінің азаматтық қорғау саласын дамытуға қосқан зор кәсіби тәжірибиесі – қазіргі жас буынға үлгі. Зейнетке шықса да, өскелең ұрпаққа өрт сөндіру қызметін таныстырып, мамандық таңдауға ықпал етіп жүрген жан. Әңгімелесу барысында оның рухани құндылықтарға басымдық беретінін, әрі қызметін сүйетіндігін байқадық. Өмірін өрт сөндіру қызметіне арнаған өрт сөндіруші әлі де бұл саладан алыстамаған. &nbsp;Ал жұмыс барысындағы еңбегі елеусіз қалмаған ол бірнеше төсбелгі иегері.</blockquote>

Өрт сөндіру қызметінің ардагері

А.Ибраимов: Тұрғындардың талап-тілегі ескерусіз қалмайды

Кеше кешке бірқатар ақпарат құралы экс-Ішкі істер министрі Ерлан Тұрғымбаевтың ұсталғанын хабарлаған. Бүгін бұл деректі Бас прокуратура растады. Осы тұста бірқатар телеграм-арналар экс-министрдің ұсталуына байланысты маңызды мәліметтерді бөлісіп үлгерді, деп хабарлайды Dalanews.kz.Тұрғымбаев не үшін кінәлі деп танылды?Ішкі істер министрлігінің бұрынғы басшысының үстінен қылмыстық іс қозғау туралы арыз-талап екі жылдан бері айтылып келді."Чемодан госсекретов" телеграм арнасының мәліметінше, тергеу барысында Тұрғымбаевтың "шапырашты кланының" мүддесі үшін әрекет еткені туралы бұлтартпас дәлелдер пайда болған.<blockquote>"Ол президент Тоқаевты қорқыту мақсатында Қаңтар оқиғасының масштабын асырып көрсеткен, тәртіпсіздікке байланысты шындыққа жанаспайтын мәліметтер берген. Сонымен қатар Алматыдағы жеке құрам қызметкерлеріне жұмыс орнын тастап кетуді бұйырған. Тергеу кезінде Қаңтар оқиғасына қатысты басқа да маңызды мәліметтер анықталды. Тұрғымбаев ескі Қазақстанның белді өкілі Ахметжан Есімовпен тығыз байланыста болған және соның адамы деп есептеледі", - деді арна дереккөзі.</blockquote>Ішкі істер министрлігін басқарған Ерлан Тұрғымбаевтың ұсталғанын ең алдымен қазақтілді медиа хабарлады."Біздің дереккөздердің мәлім еткеніндей, бүгін экс-Ішкі істер министрі Ерлан Тұрғымбаев ұсталды. Мұндай шешімді арнайы прокурорлар Тұрғымбаевқа қатысты "2022 жылғы қаңтардағы қайғылы оқиғаға байланысты қызмет өкілеттігін асыра пайдалану" бабы бойынша қозғалған қылмыстық іс аясында қабылдады", - деп жазды Nege ақпараттық порталы.Еске салайық, 20 наурызда Бас прокуратура Қаңтар оқиғасы бойынша Тұрғымбаевтан жауап алғанын жария еткен.Тұрғымбаев Ішкі істер министрлігін 2019 жылдың ақпан айынан бастап басқарды. Қаңтар оқиғасынан кейін көп ұзамай – 2022 жылдың 25 ақпанында қызметінен босатылды.Одан кейін 2022 жылдың 17 тамызына дейін 6 айға жуық президенттің кеңесшісі болды, кейін саясат сахнадан жоғалып кетті."Ерлан Тұрғымбаевтың бір мезетте кеңесші лауазымынан босатылуы оған ведомствоаралық тергеу тобы тарапынан сұрақтар болғанын айғақтайды", - деп жазған еді сол тұста Dala inside телеграм арнасы.Ерлан Тұрғымбаев қаңтардағы тәртіпсіздіктер кезінде Алматыға 20 мыңға жуық лаңкес келгенін хабарлаған еді. Одан бөлек, бірқатар телеграм арналарда "Тұрғымбаев атышулы "Дикий Арманның" Қаңтарда Қазақстанға еркін кіруін қамтамасыз еткен" деген ақпарат тараған."Қылмыстық істе мемлекеттік құпия мәліметтер болуына байланысты соталды тергеп-тексерудің басқа деректері жарияланбайды", - дейді өз кезегінде Бас прокуратура.

Тұрғымбаевтың ұсталуына байланысты жаңа дерек пайда болды

&nbsp;<a href="https://kyzylorda-news.kz/">Kyzylorda-news.kz</a> Қызылорда қалалық орталықтандырылған кітапханалар жүйесіне қарасты №4 кітапханада қазақтың тұңғыш академик ғұламасы Қаныш Сәтбаевтың 125 жылдығына орай «Рухы биік ұлы тұлға» атты танымдық сағат ұйымдастырылды. Шара барысында оқушыларға тұңғыш қазақ геологының өмірі және қызметі таныстырылды. Сондай-ақ ғалымның өміріндегі ең қызықты деректер туралы айтылды. Қаныш Сәтбаевтың көп қырлы тұлғасына ерекше назар аударылды. Сәтбаев Қаныш Имантайұлы 1899 жылы 12 сәуірде дүниеге келген. Оның есімі Қазақстанның өнеркәсібі мен ғылымының қалыптасу кезеңімен тығыз байланысты. Қ.И.Сәтбаев ̶ Қазақстан жер қойнауының пайдалы қазбаларын, Жезқазғандағы мыс қорларын ашқан алғашқы қазақ геологы, Қазақстан Ғылым Академиясының ұйымдастырушысы және тұңғыш президенті, Кеңес Одағының шығыс республикаларынан шыққан КСРО ғылым академиясының тұңғыш академигі, КСРО және Қазақ КСР жоғарғы кеңестерінің депутаты, Мемлекеттік және Ленин сыйлықтарының лауреаты, төрт мәрте Ленин орденімен, 2-дәрежелі Отан соғысы орденімен марапатталған. Шараның мақсаты – қазақтың тұңғыш геологы, академик, қазақ металлогения мектебінің негізін қалаушы Қ.И. Сәтбаевтың ғылыми мұрасын насихаттау және сақтау, ел дамуына елеулі үлес қосқан ғалымның әйгілі тұлғасына оқырмандар назарын аудару.

№4 кітапханада оқырмандармен «Рухы биік ұлы тұлға» атты танымдық сағат өтті 

Қазақстанда Жеңіс күніне арналған шеру алты жылдан бері өтпейді. Дегенмен биыл тек бір қаланың тұрғындары шеруді көреді. Бұл туралы Stan.kz ақпарат агенттігі хабарлайды. Қорғаныс министрлігі 7 және 9 мамырда шеру болмайтынын хабарлады. Елдегі соңғы шеру 2018 жылы өткен еді.Дегенмен биыл Байқоңыр қаласында шеру ұйымдастырылады. Бұл қала әкімдігінің сайтында айтылған.Жеңіс шеруі 9 мамыр күні таңертең Ленин алаңында өтеді. Сол күні Жеңістің 75 жылдығына арналған монументке митингі мен гүл қою рәсімі өтеді.Байқоңыр – Қазақстан қаласы, бірақ оны Ресей жалға алған.

Биыл Жеңіс күніне орай шеру Байқоңыр қаласында ғана өтеді

&nbsp;<a href="https://kyzylorda-news.kz/">Kyzylorda-news.kz</a> «Жас экскурсовод» жобасы жастар арасында туған жердің төл тарихын тануға, ұлттық құндылықтарын ұлықтауға, көпшілік алдында өзін көрсету мен шығармашылық әлеуетін арттыруға мүмкіндік береді. Дүйсенбі күні, Қызылорда қаласының тарихи музейінде Қорқыт Ата атындағы Қызылорда университетінің студенттері арасында «Жас экскурсовод» жобасы ағылшын тілінде ұйымдастырылды. Қорқыт Ата атындағы Қызылорда университеті, шетел тілдері және аударма кафедрасының оқытушысы Ізтілеуова Жанна Бақытжанқызы жетекшілік танытып, өз үлесін қосты. Жобаны тамашалауға «ORDA» жоғарғы колледжі мемлекеттік емес білім беру мекемесінің студенттері қатысты. Кезекті жобаның ең үздік экскурсоводын, яғни жеңімпазды анықтауға, № 43 мектебінің ағылшын пәнінің мұғалімі Махмудова Нұрила Абзалқызы, № 140 қазақ орта мектебінің ағылшын пәнінің мұғалімі Айтхожаева Айжан Абдукаповна, №3 IT мектеп-лицейінің ағылшын пәнінің мұғалімі Жамалбекова Нұргүл Жүсіпханқызы, сонымен қатар қала тарихы музейі қызметкері, экскурсовод Алтын Сәдірқызы ат салысты. Жоба қорытындысымен І дәрежелі дипломсмен Ерпайыс Меруерт Ерболатқызы, II дәрежелі дипломмен Хангелді Ақыл Хангелдіұлы, III дәрежлі дипломмен Пернебай Асылзат Азатқызы, Бітімбаева Алина Алтынбекқызына бұйырса, Тұрғанбай Анар Ерболатқызы, Хакимулина Ксения Евгеньевна «Қызықты экскурсия» номинациясымен марапатталды. Жобаның мақсаты – шарада белсенділік танытып, өз оқу орнының намысын ту еткен үздік студенттерді марапаттау, мәдени өміріне араласып, қол жеткізген жетістіктерін өзгелерге үлгі ету. Шара соңында тәлімгерлер және студенттер өздерінің жылы лебіздерін айтып, музей қызметкерлеріне ризашылығын білдірді

Қызылордада студенттер «Жас экскурсовод» жобасына қатысты

<a href="https://kyzylorda-news.kz/">Kyzylorda-news.kz</a>. Түркістан облысында полиция майоры өзіне қол салып, ажал құшты. Ал марқұмның мәйітінің жанынан өлер алдындағы қоштасу хаты табылды. Ол жерде тәртіп сақшысы өліміне бастығын кінәлаған. Содан бері ес жия алмай жүрген Жүзеевтер отбасы арада екі ай өтсе де, тергеудің мардымсыз жүріп жатқанын айтады және қысымнан қайтыс болды деген ұлдарының ажалына себеп болғандардың қатаң түрде жазалануын талап етіп отыр, - деп хабарлайды<a href="https://massaget.kz/basty-zhaalytar-438/106239/?fbclid=IwZXh0bgNhZW0CMTEAAR3pnBDdh6B0hmPsiwK59YbTs3_fPtdX3FiPq-qzD-1CFd5RC4RuPIW5lgQ_aem_AekEX256DcUaOxlf6Rsox9LW7qEyvHI55M-eP1L1I60F0c-uZ08tR5-JTdoGaZUF1O0IJFc_Qkqt1zlDp3HiPZjr"> Massaget.kz</a> тілшісі.Әзіретәлі Жүзеевтің ұлы Ратбек Жүзеев биыл 12 наурыз күні өз-өзіне қол жұмсап қайтыс болды. Әзіретәлі Жүзеевтің сөзінше, баласын қаза болардан бір күн бұрын бөлім бастығы шақырған.Әзіретәлі Жүзеев, марқұмның әкесі:"11 күні кешкі 17:00-де полиция бастығы Қуашбаев Ғалымжан маған хабарласты. "Сіз Ратбектің папасысыз ба?" деп, "Иә" дедім. "Сіз келіп кетіңіз маған, Ратбектің артынан қылмыстық іс қозғалайын деп жатыр" деді. 240 мың ақша мылтыққа қарыз екен деп. 240 мың қарыз болса, мен-ақ бере салайын" дедім. "Онда ертең балаңызды ертіп келіңіз" деді", - дейді марқұмның әкесі Әзіретәлі Жүзеев.Кездесуден шыққан соң әкесі дереу ұлына хабарласып, мән-жайды сұраған. Ратбек бастығының өзінен "орнын босатуды талап еткенін, келіспеген соң, өзі жоқ кезде қызметін ауыстырып жібергенін" жеткізіпті."Әкесіне, нағашысына қару істеп бергенмін. Сол нәрсенің бәрін тегін істеп бергенмін. "Ішкендерің, лишениеге кеткендерге толтырған протоколдарды жоқ қылып, ақшасын маған әкеп бер" деді. Мен "ол тірлікті істей алмаймын" дедім. "Істемесең орныңды босат" деді. Істейтін, ақша алатын адам орныңа табылады. Сонымен мені қызметтен босатты" деп айтты ұлым",- дейді марқұмның әкесі.Марқұмның анасы полиция бөлімінің бастығы ұлы көз жұмғаннан кейін 16 күн өткен соң келді дейді. Көңіл айтуға келген кезінде "мінезі қызметіне тура келмейтіндіктен" басқа орынға ауыстырғанын айтыпты.Жақындары Ратбек Жүзеевке қысым көрсетілгеніне сенімді. Олардың сөзінше, ол өлер алдында хат жазып қалдырыпты. Марқұм хатта ата-анасы мен балаларын жақсы көретінін айтып, өз өліміне кінәлі адамның аты-жөнін жазып кеткен."7 наурыз күні "Мама, мен сізді жақсы көрем" деп жазған. Сол кезде қарындастарына да жазыпты, бірақ оны мейрамға жазған шығар деп ойладық. 12 наурыз күні "Мама, кешіріңізші" деп жазғаннан кейін, "Неге бұлай жазды?" деп өзіне хабарластым. Алмаған соң, қызына хабарластым. Ол "Маған да сүйтіп жазды, "местоположение" жіберді" деді. Онысы несі, "Өлсем, осы жерден тауып аласыңдар" дегені шығар деп, іздеп, қызым мен күйеу балам тапты ғой", - деді марқұмның анасы Күлжамаш Жүзеева.33 жасында өмірден өткен марқұмның туыстары кінәлі адам табылып, өз жазасын алса екен дейді."Егер пара алса, қалай мынандай үйде отырамыз. Әдемі үйде отырмаймыз ба? Жөндеу жасамаймыз ба?! Қан жұтып, зарлап еңіреп отырмыз. Қайғырып, баламыздан айырылып. Жап-жас өмірден өтті. Артында жары мен бала шағасы қалды. Кінәлі адам әлі жүр, жұмыс істеп, ешқандай жаза қолданылған жоқ. Әділеттілік іздеймін!", - дейді Күлжамаш Жүзеева.Otyrar.kz тілшілері мәселенің мән-жайын сұрау мақсатында Ордабасы аудандық полициясына барған. Ондағы қызметкерлер Ғалымжан Қуашбаев әкіммен есеп беру жиналысына кеткенін, ресми жауапты облыстық полиция департаментінің баспасөз қызметі беретінін айтқан.Ал аудандық әкімдіктің баспасөз хатшысы полиция бастығының әкімнің қабылдауында екенін жоққа шығарған.Туыстарының қолындағы қаулыға сәйкес, аталған жайтқа байланысты Қылмыстық кодекстің 105-бабы бойынша іс қозғалғаны жазылған."Түркістан облысы Ордабасы ауданында полиция қызметкерінің өз-өзіне қол жұмсау фактісі бойынша тергеу жүргізіліп жатыр. Барлық жағдайлар анықталады. Сонымен қатар ҚР ҚПК-нің 201-бабына сәйкес тергеу мүддесіндегі өзге де ақпараттар жария етілмейді", - деп хабарлады Түркістан облыстық полиция департаменті баспасөз қызметі.Айта кетейік, марқұм Ратбек Жүзеевтің артында екі ұлы, бір қызы қалды.

Түркістан облысында өз-өзіне қол салған полицей өліміне бастығын кінәлап хат қалдырған

Қызылордада жұқпалы аурудың 15 түрінің аурушаңдық көрсеткіші азайған

Алматы облысы Қарасай ауданындағы мектептердің бірінде 10 жасар оқушы қыз сабақ үстінде көз жұмды, деп хабарлайды Kazinform.Алматы облыстық білім басқармасы қайғылы жағдайды растады.Ведомство мәліметінше, 23 сәуірде Қарасай ауданы Қ.Қошмамбетов атындағы орта мектепте 2014 жылы туған 4-сынып оқушысы қайтыс болды.<blockquote>«Сабақ кезінде қыз бала өзін нашар сезініп, есінен танып қалған. Медициналық көмек ҚР Денсаулық сақтау министрінің бұйрығына сәйкес көрсетілді. Медицина мамандарының әрекетіне қарамастан мектеп оқушысы жедел жәрдем көлігінде көз жұмды», - деп түсіндірді ведомстводан.</blockquote>Қазір құқық қорғау органдары бұл оқиғаның мән-жайын анықтап жатыр.

Қазақстан және Қызылорда облысының жаңалықтары