<a href="https://kyzylorda-news.kz/">Kyzylorda-news.kz</a> Қалаға қарасты Қарауылтөбе ауылдық округінде құс шаруашылығын қолға алған кәсіп иесімен таныс болыңыз.&nbsp;Құстардың ішінде сағаттап өсетін құс бар. Бейне бір қазақ ертегілеріндегі батырлар сияқты. Бірақ қанша көз ілеспес жылдамдықпен өскенімен, сонша тез қартаяды. Яғни, өмір сүру циклі қысқа. 1,5-2 айдан бастап жұмыртқалай бастайды. Бөдене шаруашылығы – берекелі кәсіптің бірі. Құс шаруашылығының өсімталдығы жағынын тез жетілетін саласы. Қояндарға қарағанда бөденелер екі есе жылдам өсіп жетіледі. Жұмыртқаларды инкубаторға салған сәттен бастап жаңа бөденелердің алғашқы жұмыртқалауына дейінгі толық циклы бар болғаны 45-50 күнді құрайды. Бөденелер 25 күнде қауырсынданады, 30 күнде ересек болады, ал 35-40 күнде жұмыртқалай бастайды. Құс шаруашылығы тез дамитын, әрі тиімді сала. Бұл шаруашылықтың басты ерекшелігі – құстың жұмыртқасы мен еті. Қазіргі таңда экологиялық таза құс өсіру шаруашылығымен айналысатын кәсіпкерлер қатары артып келеді.&nbsp;Бөдене еті мен жұмыртқасы адамға&nbsp; өте пайдалы. Өте жылдам көбейетін бөдене етімен жұмыртқасы витаминдерге бай. Бөдене медицина саласында -демікпе, созылмалы өкпе ауруын, туберкулезді, созылмалы гастрит, асқазан ауруын, өт іріктелетін қалта ауруы мен өт жолдарын, жүрек-қан тамырларының жетіспеушілігін, бранхит, қан аздық және сәуле ауруларын емдеуде қолданылады. Оның&nbsp; жұмыртқасының құрамына кіретін тирозин амин қышқылы косметика саласында ең қат өнім саналады. Оның&nbsp; адам бетінің түсін жақсартуда зор пайдасы бар. Шетелдік биоөндіріс саласында бөдене жұмыртқасының негізінде әртүрлі бетперделер мен кремдер шығарылады.&nbsp;Бөдененің иммунитет жүйесі ағзаларының қорғаныс күштерін зерттеуге ыңғайлы. Тағы бір дәлелденгені, бөдене жұмыртқасы витаминдер мен амин қышқылдарына өте бай, гипоаллергенді. Бөдене жұмыртқаларын жүйелі пайдалану ағзаның әртүрлі ауруларға, оның ішінде түберкулезге қарсы күресуін жоғарылатады. Оларды шикі күйінде пайдалану Чернобыль апатынан сәулелі ауруға ұшыраған балаларға көмектескен. Олар өздерін жақсы сезіне бастаған, мұрындарының қанауы, бас айналулары тоқтап, қандағы гемоглабиндері көбейген. Бөденелердің жұмыртқасында басқа құстарға қарағанда белок көп. Егер тауық жұмыртқасында белок орташа 5,6 пайыз болса,&nbsp; &nbsp;бөденелерде&nbsp; ол 6 пайызды құрайды. Сарыуыздың үлесі тауықтікі сияқты 32 пайызға жуық. Онда қауыз жұмыртқа салмағының 7 пайызын&nbsp; құрайды, ал тауықтарда бұл көрсеткіш 10 пайыздан асады.Кәсіп иесі Нұрлан Смағұлов 2023 жылы көпбалалы әке ретінде мемлекеттік бағдарламаның көмегіне жүгініп, 400 АЕК көлемінде грантқа ие болған. Қаржыға адам ағзасына берер пайдасы мол бөдене шаруашылығын ашып, кәсібін жүргізіп отырғандардың бірі.Қазіргі таңда шаруашылықта ет және жұмыртқа бағытындағы 4 мыңға жуық бөдене құсы бар. Бөдененің балапаны 40-45 күнде жетіліп, жұмыртқа бере бастайды. Күніне 1000-нан аса жұмыртқаны саудаға шығарады.&nbsp;&nbsp;Қорлан САРЫ

Қарауылтөбе тұрғыны бөдене шаруашылығын дамытуда

<a href="https://kyzylorda-news.kz/">Kyzylorda-news.kz</a>&nbsp; М.Мәметова атындағы Қызылорда пеадагогикалық колледжінде «Мектепке дейінгі педагогика»&nbsp; ПЦК-ның&nbsp; «Жаңа формация педагогы – кәсіби маман даярлаудың алғышарты»&nbsp; атты апталығы аясында «Ерекше білім беруді қажет ететін балалармен жүргізілетін нейрогимнастикалық жаттығулар» тақырыбында мектепке дейінгі ұйым мамандарымен бірлескен тәжірибелік алаң өтті.&nbsp;Мақсаты - болашақ мамандардың&nbsp; педагогикалық шеберлігін арттыру, яғни мектепке дейінгі ұйымдарда кездесетін қалыпты және ерекше білім беру қажеттіліктері бар балалармен жұмыс жүргізу кезінде қолданылатын нейрогимнастикалық жаттығулардың дұрыс қолдана білу және жүргізілу ерекшеліктері туралы ой бөлісіп тәжірибе аламасу.Тәжірибе алаңына «Алпамыс» бөбекжай-бақшасының психолог маманы Төлегенова Фатима, «Сыр бөбегі» бөбекжай-бақшасының логопед маманы Тулешова Динара,&nbsp; «Әдістемелік кабинет» меңгерушісі&nbsp; Ешпанова Рима,&nbsp; әдіскер Башарова Гүлшара және бөлім оқытушылары мен студенттері қатысты.&nbsp;Бөлім оқытушысы Мукушева Аминаның ұйымдастыруымен өткен шарада өндіріс орындарынан келген сала мамандары жеке тәжірибесімен бөлісіп, болашақ педагогтарға&nbsp; ерекше білім беруді қажет ететін балалармен жүргізілетін нейрогимнастикалық жаттығулар түрлері&nbsp; және&nbsp;квест ойынының бала санасының дамуына әсері, ми жүйесінің қызметі мен даму жүйесі туралы көптеген ақпарат берілді. Болашақ мамандармен бірге бірнеше ойындар ойнату, жаттығулар орындау барысында&nbsp;ерекше оқытуды қажет ететін балалармен қарым-қатынас жасау, назарын аударту, оларға білім берудің ерекшеліктері жайында түсіндірілді.&nbsp;Қорлан САРЫ

Мектепке дейінгі ұйым мамандарымен бірлескен шара өтті

<a href="https://kyzylorda-news.kz/">Kyzylorda-news.kz</a> Бұл туралы Қызылорда облысы әкімдігінің баспасөз қызметі ұсынған ақпаратта жазылған.«Өткен жылы Жаңақорған кентінде 50 отбасы баспанаға ие болды. Биыл 150-ге тартатұрғын үй салынып, пайдалануға беріледі. «Жайлы мектеп» ұлттық жобасы аясында Жаңақорған кенті мен Жаңарық елді мекенінде құрылыс басталды. Жаңа білім ордалары алдағы оқу жылында іске қосылады», – делінген облыс әкімдігінің баспасөз қызметі ұсынған ақпаратта.Жаңақорғанда денсаулық саласына да ден қойған. «Ауылдық денсаулық сақтауды жаңғырту» ұлттық жобасы шеңберінде Қаратөбе ауылында дәрігерлік амбулатория салынды. Төменарық ауылында дәрігерлік амбулаториясымен қоса 15 төсекке арналған ауылдық аурухана құрылысына қаражат бөлініп, жұмыс жүргізілуде. Келінтөбе ауылында спорт кешені салынуда.Инфра құрылымды дамыту – тұрғындардың тұрмысын жақсартудың маңызды қадамы. Бұл бағытта Жаңақорған ауданында жүйелі жұмыстар бар. Сүттіқұдық, Жайылма, Қожамберді елді мекендеріне орталықтандырылған ауызсу жеткізілді. Жайылма, Шалқия, Құттықожа, Кейден елді мекендері табиғи газға қосылды. Төменары қауылына «көгілдір отын» тартылуда. Ауданда 1 млрд теңгеден астам қаржыға 40 шақырым болатын 38 көше жөндеуден өтсе, енді 13 елді мекеннің көшелері жөнделеді.Былтыр Келінтөбе, Қожакент, Еңбек елді мекендерінің электр желісі жаңартылды, 6 елді мекенде (Сүттіқұдық, Қандөз, М. Нәлібаев, Әбдіғаппар, Құттықожа, Манап) осындайжұмыскүтілуде.Айта кетейік, кеше Жаңақорған ауданында тәулік бойы жұмыс жасайтын кітапханалары бар «Руханият» орталығының құрылысы басталды.

Өткен жылы Жаңақорған кентінде 50 отбасы баспаналы болды

<a href="https://kyzylorda-news.kz/">Kyzylorda-news.kz</a>&nbsp; Несін жасырамыз, шамалы жел тұрса жарықтың сөніп қалатыны бар. Әкімдер халықпен кездескен сайын осы мәселе айтылып келеді. Шиелі ауданында осы мәселеге назар аударылып, атқарылған жұмыстар бар екен.Шиелі кентіндегі электр желілерін қайта құрылымдауға өткен жылы 100 млн теңге бөлінсе, биыл 619 млн теңге қаржы қаралып, тозығы жеткен трансформаторлар мен желілер ауыстырылып жатыр.Облыс әкімдігінің баспасөз қызметі ұсынған ақпаратқа сүйенсек, жобалық құны 4,5 млрд теңге болатын Шиелі кентіндегі қосалқы станцияны қайта жаңғыртуға Ұлттық қор есебінен 1,5 млрд теңге бөлінген. «Ауыл – ел бесігі» жобасы аясында Бидайкөл, Жиделіарық, Ә.Тәжібаев ауылдарының сыртқы электрмен қамту желілерінің құрылысына республикалық бюджеттен 153 млн теңге қаралды.Жалпы қай жағынан алсақ та Шиеліде атқарылып жатқан жемісті жұмыс бар. Мысалы, Шиелі ауданының бюджеті 15,8 млрд теңгеге жеткен. Мамандар бұл ауқымды қаражат халықтың әл-ауқатын арттыруға, тұрмыс сапасын жақсартуға жұмсалуда дейді.&nbsp;Биыл Шиелі ауданында бірқатар инфрақұрылымдық жоба қолға алынбақ. Атап айтсақ, &nbsp;3 млрд 250 мың теңгеге 21 шақырым жол жөндеуден өтеді. Оның ішінде, «Самара-Шымкент-Жөлек» жолы орташа жөнделеді. Аудандық маңызы бар «Шиелі-Қодаманов» жолындағы көпірді күрделі жөндеуге 311 млн теңге бөлініп, жұмыс жоспар бойынша жүруде.Айта кетейік, Наурыз мерекесі қарсаңында Шиелі ауданының Бестам, Телікөл ауылдарына табиғи газ берілді. Күні кешеАлмалы, Ақтоған ауылдарына газ қосылды.&nbsp;Фото: gov.kz

Шиеліде электр желілері жаңғыртылып жатыр

Коллаж: <a href="https://dalanews.kz/kz">Dalanews.kz.</a><a href="https://kyzylorda-news.kz/">Kyzylorda-news.kz</a> &nbsp;Экс-министр Қуандық Бишімбаевқа қатысты іс елдегі тұрмыстық зорлық-зомбылық мәселесін айқын көрсетіп берді. Отбасы мәселелері жөніндегі танымал психолог Ержан Мырзабаев элитаның ішінде мұндай жайттар бар екенін ашық айтты. Оның сөзінше, танымал адамдардың жұбайлары психолог көмегіне жиі жүгінеді, - деп хабарлайды <a href="https://dalanews.kz/kz">Dalanews.kz.</a>Бишімбаев кейсі ілуде бір болатын жағдай ма, әлде элитаның ішінде де мұндай жағдай жиі болып тұра ма, тек жасыра ма? Бұл сауалға жауап берген психолог отбасылық мәселемен жүгінетін элиталы клиенттері барын жасырмады.<blockquote>"Элитаның өзінде мұндай жағдай өте көп болады. Элитаның ішінен клиенттерім бар, әйел кісілер. Отбасында күйеуімен болып жатқан жағдайды естіген кезде шашыңыз тік тұрады. "Күніге теледидардан көріп жүрмін ғой, мынау ма?" дейсіз. "Мынау ма, бәрі таниды ғой" дейсіз. Тек элита мұны жасырады.</blockquote>Элитада байқағаным, әйелдердің көбіне күйеуінен материалды мүддесі бар. "Мен қазір ажырассам кім боламын? Мысалы, қарапайым Әйгерім болып қаламын. Ажыраспасам, статус бар, пәленшенің әйелі - Әйгерім. Сол үшін есік ашылады, мені бәрі сыйлайды, қызыл кілем жайылады. Осының барлығынан бір сәтте айрылып қаламын. Сол үшін шыдайын, көнейін, тәрбиелейін, өзгертуге тырысайын" (деп ойлайды - еск.) және осыны тырнақшаның ішінде әйелдік даналық ретінде жастарға үгіттейді.<blockquote>Зорлық-зомбылықты насихаттап жатқан, тырнақшаның ішіндегі дана әйелдердің 80-90 пайызы зорлық-зомбылықтың құрбаны деп айтуға болады ", - деді психолог <a href="https://www.youtube.com/watch?v=H5Cn7iqvHLI">"Халық үніне"</a> берген сұхбатында.</blockquote>Сонымен қатар, психолог өз көмегіне жүгінетін адамдардың жұбайлары қандай қызметте отырғанын айтты.<blockquote>"Ұлттық компанияда жоғары лауазымды, Сыртқы министрлігінің қызметкері, шетелде лауазымды қызмет етіп жатыр, министрлікте департамент басшысы, танымал кәсіпкер, танымал блогер және жұлдыздар, әнші, биші - бәрі танитын-білетін адамдар. Әзірше осындай деңгейдегі адамдармен жұмыс істеп жатырмыз. Әкім (әкімдердің де әйелдері келеді - еск.).</blockquote>Мұндай ер азаматтар психологқа келе бермейді. Бұл жерде әйелмен жұмыс істеп, мәселені қалай шешу керек, бұл мәселеде өз тарапынан қандай техникалар қолдана алады, күйеуіне қалай әсер ете алады, болмаған жағдайда психолог ретінде "ажырассаңыз әлдеқайда дұрыс болады" деп кеңес береміз", - деді сарапшы.Ержан Мырзабаев Бишімбаев сотына қатысты да пікір білдірді."Бишімбаевтың әрекеттерінен байқағаным, басындағы ұстаным мен қазіргі ұстаным арасында өзгеріс болып жатыр. Басында күліп жатқанын байқадым. Аудиторияға не бергісі келіп жатыр? "Қатты уайымдайтындай жағдай емес. Бір-бірімізді жақсы көретін, керемет жұп едік. Бізде ешқандай мәселе болған жоқ. Бір-ақ рет болды, өкінішке қарай, байқаусызда осындай нәтижеге ұласты" дегенді беруге тырысты. Одан кейін өзін өте "спокойно" ұстауы.<blockquote>Қылмыстың детальдарын айтып жатқан кезде ол істемеген сияқты айтып жатыр. Біреу істеген, соны айтып беріп жатқан сияқты. Кинодан көргенін айтып беріп жатқан сияқты. Бетінде өкіну, қайғыру эмоциясы жоқ. Өлтіріп жатқан сәтті айтқан кезде бір тамшы жас жылаған жоқ. Бұл нені көрсетеді? Бұл емін-еркін түрде мұны істей алатын қауіпті адамды көрсетеді. Өзім солай тұжырымдаймын.</blockquote>Кейбір жағдайларда айыптау тарапынан қойылған сұрақтар, куәгерлердің жауаптары өзіне қарсы болған кезде ашуланғанын байқаймыз. Бұл - абьюзердің ерекшелігі. Жағдай бақылаудан шыға бастаған кезде олар ашуланады", - деді Мырзабаев <a href="https://www.youtube.com/watch?v=H5Cn7iqvHLI">"Халық үніне"</a> берген сұхбатында.Айта кетейік, Астана қаласының мамандандырылған ауданаралық сотында Қуандық Бишімбаевқа қатысты қылмыстық іс бойынша бірнеше сот отырысы өтті. Оны дүйім жұрт Жоғарғы соттың YouTube каналынан онлайн тамашалады.Азаматтық некедегі әйелі Салтанат Нүкенованы өлтірді деген айыппен сотталып жатқан экс-министр Қуандық Бишімбаевты адвокат Лейла Рамазанова, Назкен Құсайынова, Ерлан Ғазымжановтар қорғап жатыр.Ал марқұм Салтанат Нүкенованың ағасы Айтбек Амангелді мен оның отбасының адвокаттары – Жанна Оразбахова мен Әлия Омарова.27 наурызда экс-министр Қуандық Бишімбаевтың ісі бойынша алқабилер таңдалған еді. Алқабилер алқасына 12 адам іріктелді: 10 – негізгі құрам, 2 – қосалқы. Содан кейін ашық сот отырыстары басталды.Сонымен қатар, Қуандық Бишімбаев сотта Салтанат Нүкенованы аса қатыгездікпен өлтіргенін мойындамады. Бұл оқиға 2023 жылы 9 қарашада Астана қаласындағы BAU мейрамханасында болды.Бишімбаевқа екі бап бойынша айып тағылды:<ul><li>аса қатыгездікпен кісі өлтіру (15 жылдан 20 жылға дейін немесе өмір бойына бас бостандығынан айыру);</li><li>қинау (4 жылдан 7 жылға дейін бас бостандығын шектеу немесе осы мерзімге бас бостандығынан айыру).</li></ul>Сондай-ақ, оның туысы Бақытжан Байжанов та күдікті ретінде қамауға алынды. Оған &nbsp;қылмыстық кодекстің екі бабы бойынша айып тағылған. Нақтырақ айтсақ, 432-бабы (аса ауыр қылмысты жасырып қалу); 434-бабы (аса ауыр қылмысты хабарламау).

"Мынау ма, бәрі таниды ғой": Элита өкілдерінің ішінде Бишімбаевтың "көшірмелері" көп 

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев үкіметтің кеңейтілген отырысында «Жайлы мектеп» ұлттық жобасын бойынша ел үкіметі мен облыс әкімдіктеріне құрылыстарды уақытылы әрі сапалы аяқтауды тапсырған болатын. &nbsp;Алты алашқа ана атанған Қызылорда облысында ел &nbsp;президентінің бұл тапсырмасы уақытында қолға алынып, аймақта аталған бағдарлама аясында 21 мектеп салынады деп жоспарланған. Сол білім ошағының бірі Сырдария ауданынан бой көтермек.&nbsp;Облыс әкімдігінің баспасөз қызметі ұсынған ақпаратта 12 300 орынға арналған 21 мектеп салу жоспарланғаны айтылған. Қолда бар дерекке сенсек, биыл 6900 орындық 10 мектеп, 2025 жылы 5400 орындық 11 мектеп пайдалануға беріледі деп күтілуде. Құрылысы былтыр басталған барлық мектептерге жер телімдері беріліп, құжаттары рәсімделді.«Қуатты өңірлер – ел дамуының драйвері» бағдарламасы аясында Сырдария ауданында 82 пәтердің кілті табыс етілді. «Жайлы мектеп» ұлттық жобасы аясында Тереңөзек кентінде 1 мектеп салынады.«Ауылдық денсаулық сақтауды жаңғырту» ұлттық жобасы аясында облыстағы алғашқы жаңа амбулатория Нағи Ілиясов ауылында пайдалануға берілді. Аманкелді ауылындағы дәрігерлік амбулатория күрделі жөндеуден өткізілуде.Сондай-ақ Тереңөзек кентіндегі аудандық спорт клубы күрделі жөндеуден өтті. Жақын күндері Бесарық ауылында спорт кешені пайдалануға беріледі.Айта кетейік, биыл «Сыр елі – жыр елі» атанған қасиетті өңірде «Руханият жылы» жарияланды. Бұл кезең айшықты жобалар мен жағымды жаңалыққа толы болмақ. Атаулы жылдың бастауындағы алғашқы сый – Қызылорда қаласының төрінде 1000 орындық, сәні мен салтанаты келіскен «Өнер орталығы» ашылды. Қызылордада 650 орындық музыкалық колледж ғимаратының құрылысы жүруде. Өңірдегі барлық мәдениет үйі жанында «Адал адам» орталықтары жұмыс жасауда. Балалар мен жасөспірімдерді шығармашылыққа баулып, өнерін өрістететін «Шығармашылық академиясы», 2 ауданда Оқушылар үйі мен Өнер мектептері салынуда. Жалпы құны 11 млрд. 500 млн. теңгені құрайтын «Руханият» орталықтары барлық аудан орталықтарында салынып, келер жылы пайдалануға беріледі.Еске салайық, «Қуатты өңірлер – ел дамуының драйвері», «Ауыл – ел бесігі» бағдарламалары аясында Сырдария ауданының Қоғалыкөл, Шаған ауылдарында су құбырлары жаңартылды. Тереңөзек кенті және Аманкелді елді мекенінің су құбырларын жаңғырту жұмыстары басталады.Өткен жылы Қалжан ахун ауылы табиғи газға қосылып, халық «көгілдір отынның» игілігін көруде. Биыл С.Сейфуллин, А.Тоқмағамбетов елді мекендеріне газ құбыры тартылуда. Жыл соңына дейін аталған ауылдар табиғи газға қосылып, келесі кезекте Шаған ауылы газдандырылады.Аманкелді, Айдарлы, Жетікөл, Қоғалыкөл елді мекендерін электрмен жабдықтау жұмыстары мерзімінде аяқталады деп күтілуде. Қазір Шаған, Қалжан ахун ауылдарының электр желілері жаңғыртылуда. Сонымен қатар Қызылорда қаласынан Аманкелді ауылына дейінгі 30 шақырым автомобиль жолы жөндеуден өтті. Былтыр ауданда 32 жобаға қаржы бөлініп, облыстық, аудандық маңызы бар және ауылішілік 78 шақырым жол жөнделді. Биыл Сырдарияда 28 шақырым жол жөнделуде және жаңа шағын аудандарға инфрақұрылым жеткізілуде.Фото: Қызылорда облысы әкімдігінің баспасөз қызметі

«Жайлы мектеп» ұлттық жобасы аясында Сырдария ауданында бір мектеп салынады

<a href="https://kyzylorda-news.kz/">Kyzylorda-news.kz</a> 25 сәуір күні облыстық кітапханада қазақтың көрнекті ақыны, Түрксой Жазушылар одағының төрағасы, Қазақстанның еңбек сіңірген қайраткері Ұлықбек Есдәулеттің 70 жасқа толуына орай «Қазақ поэзиясындағы дара талант» атты поэзия кеші ұйымдастырылды.<blockquote> Шараның мақсаты – қазақ лирикасының кемелдену кезеңінде өзіндік қолтаңбасын анық танытқан, өмірін өлеңге арнаған ақынның өмірі мен шығармашылығымен таныстыру, оқырман жанын тебірентер жырларын оқуға шақыру, жастардың поэзияға қызығушылығын арттыру.</blockquote>Кешке ақын, Қазақстан Жазушылар Одағының Қызылорда облыстық филиалының төрайымы Қ.Есімсейітова, жазушы, Қазақстанның құрметті журналисі, Қазақстан Жазушылар және Журналистер Одағының мүшесі Н.Рахмет, ақын, Қазақстан Жазушылар және Журналистер одағының мүшесі Дүйсенбек Аяшұлы және «Baiterek school», «Ұлағат» білім ордасы» мектебінің мұғалімдері мен жоғары сынып оқушылары, «Өркениет» медициналық колледжінің студенттері, Т.Есетов атындағы №264 мектеп-лицейінің оқушысы халықаралық, республикалық байқаулардың жеңімпазы Е.Сармырзаев қатысты.&nbsp; Кеш қонақтары өлең жолдарын күйше күмбірлеткен дарынды ақынның ұлағатты өмір жолы, елдік, ұлттық, адамгершілік мүдделерге қызмет ететін өлеңдері туралы естеліктерімен бөлісті. Жастарды елге, жерге деген ыстық махаббаты суреттелген өлеңдерін оқуға шақырды. Оқырмандар ақынның ел-жұртының аңсар арманы мен мұрат-мақсаты өрнектелген өлеңдерін оқып, ақынның сөзіне жазылған әндерді шырқады. Оқырмандар назарына «Алтайдың алтын тамыры» атты кітап көрмесі ұсынылды. &nbsp;

Ә.Тәжібаев кітапханасында «Қазақ поэзиясындағы дара талант» атты кеш өтті

<a href="https://kyzylorda-news.kz/">Kyzylorda-news.kz</a>&nbsp; М.Мәметова атындағы Қызылорда педагогикалық колледжінде «Бастауыш сыныптарды оқыту» құзыреттілігі бойынша «WORLDSKILLS KAZAKHSTAN-2024» кәсіби шеберлік чемпионатының облыстық іріктеу кезеңі өтті.Аймақтық чемпионаттың облыстық кезеңіне М.Мәметова атындағы Қызылорда педагогикалық жоғары&nbsp;колледжінен Алтынбекқызы Алтынай, Қызылорда «Сейхун» колледжі Қасым Альбина, Қызылорда жоғары көпсалалы коледжі Қалдыбай Наргиз, «Болашақ» университеті жоғары колледжі Алтынбекова Айдана қатысып, кәсіби білім бәйгесінде бақ сынады.&nbsp; Қатысушылардың білімі мен білігіне, кәсіби деңгейіне озат тәжірибелі бастауыш сынып мұғалімдері Ә.Мүсілімов атындағы №101 мектеп-лицей, бастауыш&nbsp; мектеп мұғалімі Оспанова Рахима, Ғ.Мұратбаев атындағы №171 орта мектеп, бастауыш мектеп мұғалімі Жұманазарова Жұлдыз, С.Толыбеков атындағы №3 ІТ мектеп лицей Омарова Гүлжанар және Т.Есетов атындағы №264 ІТ мектеп лицей Мырзахметова Алия әділ бағасын берді. Сондай-ақ, колледжіміздің «Бастауыш білім берудің педагогикасы мен әдістемесі»бөлімінің меңгерушісі, арнайы пәндер оқытушысы Арыстанбекова Гүлзира бас сарапшылық етіп, бөлім оқытушысы – Бимаханова Әсел техникалық сарапшы болды.&nbsp;Кәсіби шеберлік чемпионатында қатысушылар үш модуль бойынша бақ сынасты.&nbsp;- Модуль А. Бастауыш сыныптарды интерактивті жабдықты қолдана отырып пәндердің бірінде сабақтың үзіндісін (жаңа білімді ашу кезеңін) әзірлеу, әдістемелік қолдау және жүргізу- Модуль В. Эстетикалық, экологиялық, адамгершілік бағыт бойынша сыныптан тыс іс-шара презентациясын әзірлеу.- Модуль С. Тәрбиенің бір бағыты бойынша білім алушының жоба- зерттеушілік іс –әрекетін ұйымдастыру үшін жоба паспортын жасауҚұзыреттілік модульдерін орындау барысында М.Мәметова атындағы Қызылорда педагогикалық жоғары&nbsp;колледжі студенті Алтынбекқызы Алтынай – І орын, «Болашақ» университеті жоғары колледжі студенті Алтынбекова Айдана – ІІ орын, Қызылорда «Сейхун» колледжі студенті Қасым Альбина – ІІІ орынды жеңіп алды.&nbsp;Қорлан САРЫ

«WORLDSKILLS KAZAKHSTAN-2024»: облыстық іріктеу кезеңі өтті

<a href="https://kyzylorda-news.kz/">Kyzylorda-news.kz</a>&nbsp; Бүгінде елімізде «Таза Қазақстан» республикалық экологиялық акциясы өтуде. Жалпы бес апта көлемінде өткізілетін экологиялық апталықтың өзіндік мәні мен мазмұнын айшықтайтын арнайы тақырыптар бекітілген. Тиісінше, экологиялық акцияның үшінші аптасы «Жасыл аймақ» атауына бағытталды.Осыған орай, бүгін аймағымыздың білім саласының қызметкерлері қаладағы Б.Шөкенов атындағы саябақта ағаштардың діңгегін әктеп, сол аумақта жиналған қоқыстарды тазалады. Одан бөлек, білім саласының қызметкерлері экологиялық акцияда түрлі іс-шараларды өткізіп, ерекше белсенділік танытты. Атап айтқанда, саябақ аумағында «Караоке баттл», «Бауырсақ party» ұйымдастырылып, түрлі бейнедегі аниматорлар тұрғындарға өнер көрсетті.&nbsp;Бұл экоакцияға«Amanat» партиясы Қызылорда облыстық филиалының қызметкерлері, білім саласының өкілдері, Үкіметтік емес ұйымдардың өкілдері қатысып, білім саласының қызметкерлерімен бірге тазалық жұмыстары мен ағаш отырғызуға жұмыстарынаөз үлестерін қосты.&nbsp; Айта кетейік, «Жасыл аймақ» экологиялық апталығы аясында қала және барлық аудандарда ағаш көшеттері отырғызылып, тазалық жұмыстары жүргізілуде. <img src="https://knadmin.beoblood.kz/uploads/53ecf691_ccc2_4880_bfc0_d23ca220e68e_bdba652b52.jpg" alt="таза казахстан.jpg"><img src="https://knadmin.beoblood.kz/uploads/57afd159_de9f_4bd2_9039_9cf0f9dfc918_05bd6da517.jpg" alt="57afd159-de9f-4bd2-9039-9cf0f9dfc918.jpg"><img src="https://knadmin.beoblood.kz/uploads/46b34cfb_8fda_4543_90f7_abe50b33061e_9b458d5ee9.jpg" alt="46b34cfb-8fda-4543-90f7-abe50b33061e.jpg">

Жасыл аймақ: Қызылордалық қоғамдық ұйымдар мен білім саласы өкілдері акцияда белсенділік танытты

<a href="https://kyzylorda-news.kz/">Kyzylorda-news.kz</a> &nbsp;Жол-көлік саласын дамытуда ауданда ауқымды жобалар жүзеге асуда. Оның қатарында Қалжан ахун ауылындағы Қайқы батыр көшесі бар.Бүгін аудан әкімі Берік Сәрменбаев Қайқы батыр көшесіне жүргізіліп жатқан күрделі жөндеу жұмыстарымен танысты. Мердігер мекеме – «Орда Автодор» ЖШС-нің өкілі атқарылып жатқан жұмыстарды атап көрсетті.Күрделі жөндеуге облыстық бюджеттен 153 млн. теңге қаржы бөлініп, жұмыстар 2024 жылдың сәуір айында басталды. Қазіргі уақытта көшеге тас жабындысы (ГПС) төселіп, асфальт жабындысын төсеу жұмыстары жүруде. Сондай-ақ, көше бойына жаяу жүргіншілер жолы салынып жатыр. Бүгінде көше бойында 3 каток, 7 «КАМАЗ» автокөлігі, 1 асфальт төсеу техникасы (асфальтоукладчик) жұмыс жасауда. Негізі, көше жолының ұзындығы 1,8 шақырымды құрайды.Аудан басшысы мердігер мекеме өкіліне жұмыстарды сапалы және мерзімінде атқаруды ескертті. Жол жабындысын қалың төсеп, жаяу жүргіншілер жолының да сапасына мән берді. Бұл жұмыстарды тиісті сала басшысына тұрақты бақылауда ұстауды тапсырды.Бұдан бөлек, ауданда Қоғалыкөл елді мекеніндегі А.Құнанбаев, И.Мақсұм, Ә.Айзунов, А.Есмахов, Шымбай, С.Майқанова көшелерің жөндеу жұмыстары жүргізілуде. Бұл жұмыстарды «Қызылорда жолдары» ЖШС атқарып, жалпы 2,8 шақырым жол жөнделу үстінде. Сонымен қатар, С.Сейфуллин ауылында да 6 көше, атап айтқанда, Қ.Әбдірей, Бәйтен батыр, Сәрке батыр, Е.Қосбармақұлы, Шортанбай би және А.Іскендіров көшелері күрделі жөндеуден өткізілуде. Мердігер мекеме – «Орда Автодор» ЖШС.Айта кетейік, өткен жылы аудан бойынша жол саласына барлығы 32 жобаға 3,5 млрд. теңге қаржы бөлініп, облыстық, аудандық маңызы бар және ауылішілік 78 шақырым жол жөнделді. Осындай жұмыстардың нәтижесінде, облыстық және аудандық маңызы бар жолдардың 99 пайызы, ауылішілік жолдардың 76 пайызы жақсы және қанағаттанарлық жағдайға жетті.Ал биыл 1,7 млрд. теңгеге жолдар жөнделуде және жаңа шағын аудандардың инфрақұрылымдық жұмыстары жүргізілуде.

Қалжан ахун ауылындағы Қайқы батыр көшесі күрделі жөндеуден өткізілуде

<a href="https://kyzylorda-news.kz/">Kyzylorda-news.kz</a> Тұрғындардың қауіпсіздігі үшін кент және ауылдық округтердің негізгі көшелеріне бейне бақылау камераларын орнату маңызды. Бүгінде түрлі қауіптің алдын алу үшін кенттің орталық көшелеріне бейне бақылау камералыр іске қосылған.Бейне камераларды көпшілік қоғамдық орындарға, яғни сауда нысандарына орналастыру қажеттігі туындап отыр. Бұл төтеннен келетін қауіптің және құқық бұзушылық салдарын анықтауға мүмкіндік беретін бірден бір құрал.Осы орайда Сырдария аудандық кәсіпкерлік және өнеркәсіп бөлімінің әдіскері Әділет Қуанышбеков бастаған топ бірқатар нысандарды аралап, бейне бақылау камераларын орнату туралы түсіндіру жұмыстарын жүргізді. Топ құрамында полиция бөлімінің криминалды жедел уәкілі полиция капитаны Д.Алиев Дулат, Төтенше жағдайлар бөлімінің инженері, азаматтық қорғау лейтенанты Ә.Мұхтар бірлесіп, Тереңөзек кентінде орналасқан сауда және қоғамдық тамақтану объектілер аралады.<blockquote>– Бүгін кенттегі көпшілік көп келетін сауда орындары мен тамақтану нысандарын аралап, түсіндіру жұмыстарын жүргіздік. Алдымен «Серікбол» сауда орталығында болып, бейне бақылау камераларының тиімділігі туралы түсіндірдік. Сонымен қатар «Престиж», «Комуналдық базар», «Айша» асханасында болып, иелеріне террористік тұрғыдан осал объекті болып саналатынын және міндетті түрде бейне бақылау камераларын орнату жөнінде түсіндірме жұмыстарын жүргіздік. Негізінен сауда орталықтарында бұрыннан бар бейне бақылау камереларының сапасына назар аударып, олардың санын арттыру қажеттігі айтылды, – дейді аудандық кәсіпкерлік және өнеркәсіп бөлімінің әдіскері Әділет Қуанышбеков.</blockquote>

Террористік тұрғыдан осал объектілер бейне камералармен қамтылуы түсіндірілді  

<a href="https://kyzylorda-news.kz/">Kyzylorda-news.kz</a> &nbsp;Көрнекті қоғам қайраткері Иса Тоқтыбаевтың есімі өзі туып-өскен өңірге ғана емес алты Алашқа белгілі екені мәлім. Саналы ғұмырын ұлтты ұйыстыру бағытындағы байырқалы бастамаларға арнаған қайраткер-тұлға сонау 1894 жылы дүниеге келіп, 1967 жылы қайтыс болған. Қараөзекте кіндік қаны тамған өнегелі өмір иесі 1904-1917 жылдары Перовскідегі орыс-қазақ мектебінде, бастауыш орыс училищесінде орталау білім алып, Ташкенттегі мұғалімдер семинариясын бітірген деген дерек бар. Өз кезегінде биыл туғанына 130 жыл толып отырған қоғам қайраткері&nbsp;Иса Тоқтыбаев хақында қалам тербеуді жөн көрдік.&nbsp;Иса Тоқтыбаевтың өмірі мен еңбек жолын зерттеп, зерделеген тұлғалардың бірі – Мырқы Исаев. Атағынан ат үркетін қайратты қаламгердің ұлы Жәнібек Исаевпен біз әріптес ретінде жақсы сыйлас­тықтамыз. Жәкең облыстық «Кызылординские вес­ти» газетінің бас редакторы қызметін атқарғанда талай рет алыс-жақын облыстарға журналистердің семинары мен басқосуларына бірге бардық. Айтайын дегенім, бірде қайраткер-тұлғалар туралы тарихи-танымдық әңгіме қозғалып, Иса Тоқтыбаевқа барып тірелді. Әңгіме төркіні 1990 жылы Қызылорда педагогикалық институтында «Шежіре» тарихи-өлкетану бірлестігінің ұйымдастыруымен өткен кездесуден басталды. Кездесудің құрметті қонағы КСРО Журналистер одағы сыйлығының лауреаты Мырқы Исаев сонда алғаш рет көпшілікке қоғам қайраткері, қазақ халқының көрнекті ағартушысы Иса Тоқтыбаев жайлы мазмұнды баяндама жасапты. Міне, содан кейін барып тұлға өмірі зиялы қауым арасында кеңінен таныла бастаған. Ж.Мырқыұлының айтуынша, И.Тоқтыбаевты зерттеуге әкесі жиырма жылға жуық уақытын сарп етіпті. Біз сол зерттеу еңбектен не түйдік? Бүгінгі мақаламызда соны хал-қадірімізше баяндамақ ниетте едік.Бір деректерде И.Тоқтыбаевтың 1884 жылы, енді бір мәліметтерде 1894 жылы дүниеге келгендігі жазылған екен. Біз түпнұсқа құжаттарға сүйеніп, 1984 жылы өмірге келгенін нақтылап жазуды жөн көрдік. Бұл мәселеде талас болмауы керек, биыл тұлғаның 130 жылдығы аталып өтіледі. Кейіпкеріміздің ата-анасы ертеде Жетісудан Сыр өңіріне көшіп келіп, осында қоныстанып қалған секілді. Ол кезде қазіргідей қандай оңған жағдай болсын? Жоқшылық, тапшылық, бай мен кедей арасындағы алшақтық басым кезең. Сондықтан Иса Тоқтыбаев Перовскідегі байлар мен саудагерлерге жалданып жұмыс істеген. Рафаил деген дүкеншінің қарамағында еңбек ете жүріп, өз бетінше білім алуға талпынған. Жалынды жастың қабілетін Щипков сияқты сол уақыттың алдыңғы қатарлы ауқатты адамдары байқап, оған қамқорлық жасайды. Ағайынды Щипковтардың Ақмешітте үш мектебі бар еді. Сол мектептің бірінде Иса Тоқтыбаев өзінің досы, кейін Қарақалпақ АССР-інің алғашқы басшысы болған Әбу Құдабаевпен бірге орысша білім алады. Кейін Ташкенттегі мұғалімдер семинариясын бітіреді. Маркстік-лениндік үйірмелерге белсене қатысқан ол 1916 жылы Тоқмақ стансасындағы жұмысшылар ереуіліне қатысып, тұтқынға алынады. Бір жылдан кейін Ташкент жұмысшыларының көтерілісіне де қатысады. Ондағы мақсаты бандалар мен басмашыларға қарсы күресу еді…Иса Тоқтыбаев саяси белсенділігінің, қарым-қабілетінің арқасында 1918 жылы Түркістан Кеңес Республикасының Орталық Комитетінің мүшелігіне сайланып, 1919 жылы ақпанда большевиктер партиясы қатарына қабылданады. Сол жылы Орталық Азия мен Қазақстан халықтарының ағарту институты құрылғанда оған Үкімет осы жоғары оқу орнын ұйымдастыру және басшылық жасау жүктеген екен Бұл ұсыныс әрі тапсырма В.Куйбышев пен Т.Рысқұлов тарапынан болған. Ал «Ақжол» газетінің редакторы ретінде 1920-1922 жылдары еңбек етеді. Оған дейін бұл қызметті Түркістан Компартиясы Орталық Комитетінің хатшысы Сұлтанбек Қожанов атқарғанын ескерсек, И.Тоқтыбаев Түркістан Кеңес Республикасы тұрғындарының арасында үлкен беделге ие бірден-бір көрнекті қайраткер болғанын айтудың өзі артық. Өйткені ол осы кезеңде білім тарату комиссиясының төрағасы, халық ағарту комиссарының орынбасары, Түркістан Орталық Атқару комитетінің өкілі, мемлекеттік бас­па төраға­сының орынбасары және республиканың халық ағарту комиссариаты алқасының мүшесі қызметтерін қоса атқарған. Сөйтіп жүріп Ташкенттегі Орталық Азия мемлекеттік университетін де оқып бітірген. Қолда бар мәліметтерден И.Тоқтыбаевтың «Ақ­жол» газетінің редакторы болған кезінде қазақ интеллигенциясының шығармашылығына ерекше көңіл бөлгенін анық аңғаруға болады. Әсіресе Тұрмағамбет Ізтілеуов пен Омар Шораяқовтың еңбектерін «Ақжолға» тұрақты түрде жариялап отырған.1922 жылдан бастап Ташкентке жиналған қазақ зиялы­ларына деген Үкімет көзқарасында салқындық байқала бастайды. Бұл қиындық сол кездегі «Ақжолдың» басшысы болған И.Тоқтыбаевқа да тиіп, қызметтерден шеттетіледі. 1926 жылы Орынбордағы жұмысынан кетуге мәжбүр болып, Семейде шығатын «Қазақ тілі» газетінің редакторы қызметіне тағайындалады. 1930 жылы өлкелік партия комитетінің бюросы Ленинградқа аспирантураға оқуға жібереді. Онда И.Герцен атындағы тарихи-партиялық және Қызыл профессура институттарын қоса бітіріп, осында С.М.Киров басқарған қалалық партия комитетінің ұсынысымен кеңестік Шығыс халықтары Бүкілодақтық курсының ректоры қызметін атқарады. Сонымен бірге В.И.Ленин атындағы әскери-саяси академияда сабақ беріп, Ленинградтағы мемлекеттік этнография музейінің меңгерушісі болады. Дегенмен 1929-1933 жылғы Сталиндік репрессияның алғашқы толқыны И.Тоқтыбаевқа да жетеді. Ақыры Иса Тоқтыбаев елге Алматы арқылы қайтады. Қазақстан Компартиясы Орталық Комитетінің хатшысы Ы.Тәжиев пен жазушы С.Мұқанов И.Тоқтыбаевты қарсы алады. Кейін Қызылордаға келіп, отбасымен қауышып, қызметке қайта араласады. Өмірінің соңғы жылдарында Қызылорда өлкетану мұражайының директоры болып жұмыс істейді. Оның өмірбаянының көптеген белгісіз жақтарын журналист Мырқы Исаев 90-жылдары архив құжаттары мен суреттер арқылы өз кітабында кеңінен жазған. Біздіңше, сол зерттеу еңбек әлі де насихатталуы, дәріптелуі керек. Өйткені Иса Тоқтыбаев 1967 жылы қайтыс болса да артына өшпес іс қалдырды. Бүгінде Қызылорда қаласында, Тереңөзек кентінде оның есімі берілген көше бар. Өзі тұрған үйге ескерткіш-тақта орнатыл­ған. Сондай-ақ Сырдария ауданындағы №35 орта мектепке 1998 жылы И.Тоқтыбаевтың есімі беріл­ген. Білім ұясына бүгінде мектеп-лицей статусы берілген. Мектеп ұжымының ұйытқы болуы­мен аудандық білім бөлімі мен білім қызметкерлері кәсіподақ комитетінің қолдауымен И.Тоқтыбаевтың 130 жылдығына орай бірқатар іс-шаралар ұйым­дастырылуда. Іс-шаралар жоспарында фильм түсіру, кітап көрмесі мен мүшәйра ұйымдастыру, шах­маттан турнир және шығармалар байқауын өткізу енгізілген. Мұнан бөлек аудан ардагерлерінің, тарих­шылардың, өлкетанушылардың қатысуымен 26 сәуір күні ғылыми-танымдық конференция ұйым­дастырылмақ. Мұның бәрі туғанына 130 жыл болған И.Тоқтыбаевтың өмірі мен еңбек жолын зерттеуге арналады. Сондықтан көрнекті қоғам қайраткерінің есімі ешқашан ұмытылмайды деп айтуға толық негіз бар.Ақтөре ИБРАГИМҰЛЫ

Қазақстан және Қызылорда облысының жаңалықтары