<a href="https://kyzylorda-news.kz/">Kyzylorda-news.kz</a> Қазақстан экономикасы соңғы жылдардағы ең тұрақты әрі сенімді өсім қарқынын көрсетуде. 2025 жылдың он айының қорытындысы бойынша елдің жалпы ішкі өнімі 6,4%-ға артты, бұл көптеген аналитиктер мен халықаралық сараптамалық институттардың болжамдарынан айтарлықтай жоғары. Мұндай өсім ішкі сұраныстың кеңеюі, инвестициялық белсенділіктің күшеюі және негізгі салалардың қалпына келуі нәтижесінде қалыптасып отыр.Айта кету керек, оң серпін экономика салаларының басым бөлігінде байқалады — қызмет көрсету мен саудадан бастап өнеркәсіп пен агроөнеркәсіп кешеніне дейін. Әсіресе нақты сектордың нығаюы анық көрінеді: өндіріс көлемі артып, қуаттар жаңартылып, инвестициялық белсенділік күшеюде.ЖІӨ өсіміне ең үлкен үлес өнеркәсіп саласына тиесілі — плюс 7,3%. Бұл жалпы өсімнің 30%-дан астамын қамтамасыз етті. Сауда және көлік салаларымен бірге өнеркәсіп ЖІӨ өсімінің 70%-дан астамын құрады.Экономиканың жекелеген секторларының өсімге қосқан үлесі төмендегідей:<ol><li style="text-align:justify;">&nbsp;көлік және қоймалау — *+20,7%*;</li><li style="text-align:justify;">&nbsp;құрылыс — *+15,1%*;</li><li style="text-align:justify;">&nbsp;өнеркәсіп — *+7,3%*;</li><li style="text-align:justify;">&nbsp;сауда — *+9%*;</li><li style="text-align:justify;">&nbsp;ауыл шаруашылығы — *+5,4%*;</li><li style="text-align:justify;">байланыс — *+4%*.</li></ol>Өнеркәсіптің өз ішінде тау-кен өндіру секторы 9,6%-ға, өңдеу саласы 5,8%-ға өсті. Өңдеуші өнеркәсіптегі өсім келесі бағыттардағы өндірістің артуымен байланысты:<ol><li style="text-align:justify;">&nbsp;машина жасау — *+11,5%, оның ішінде автомобиль жасау — *+13,3%**;</li><li style="text-align:justify;">&nbsp;химия өнеркәсібі — *+10,9%*;</li><li style="text-align:justify;">&nbsp;тамақ өнімдері өндірісі — *+9,1%*;</li><li style="text-align:justify;">&nbsp;мұнай өңдеу — *+6,3%*;</li><li style="text-align:justify;">&nbsp;металл бұйымдары өндірісі — *+14,1%*;</li><li style="text-align:justify;">&nbsp;құрылыс материалдары — *+5,3%*.</li></ol>Бұл жан-жақты өсім Қазақстан экономикасының бірнеше тәуелсіз драйверлерге сүйеніп, неғұрлым тұрақты әрі әртараптандырылған модельге бет алғанын дәлелдейді. Сонымен қатар, Қазақстан ЖІӨ өсімінің қазіргі қарқыны әлемдік орташа көрсеткіштен әлдеқайда жоғары: ЭЫДҰ болжамынша, биыл жаһандық ЖІӨ небәрі 3,2%-ға өседі.Экономиканың тұрақты өсуіндегі «Самұрық-Қазына» қорының рөліҚазақстан экономикасының ұзақ мерзімді тұрақты дамуы негізгі салаларды жаңғырту және стратегиялық жобаларды қолдау сияқты мақсатты шараларсыз мүмкін емес. Осы міндеттерді іске асырудың басты құралдарының бірі — «Самұрық-Қазына» Ұлттық әл-ауқат қоры.Ұлттық компанияларды жаңғыртуға, жаңа технологияларды енгізуге және инфрақұрылымдық жобаларды дамытуға бағытталған инвестициялар өндірістік қуаттардың артуына және экспорттық әлеуеттің нығаюына елеулі әсер етуде. 2025 жылы қор тобының инвестициялық портфеліне жалпы құны 50 трлн теңгеден асатын шамамен 130 жоба кіреді. Оның ішінде 46 жоба — мұнай-газ, мұнай-химия, энергетика, көлік-логистика, құрылыс және басқа да салалардағы жаңа ірі бастамалар. Олардың жалпы инвестиция көлемі – 33,3 трлн теңге.Жаңа жобалар қатарында:<ol><li style="text-align:justify;">&nbsp;«Комфортты мектептер» пилоттық ұлттық жобасы — 1,4 трлн тг;</li><li style="text-align:justify;">&nbsp;энергетика нысандарын салу, қайта жаңарту және жаңғырту бағытындағы 18 жоба — 10,3 трлн тг;</li><li style="text-align:justify;">&nbsp;Қазақстан бойынша 5G желісін салу — 536,9 млрд тг;</li><li style="text-align:justify;">«НИНТ» АЭА (Қарабатан учаскесі) инфрақұрылымын салу — 619 млрд тг;</li><li style="text-align:justify;">&nbsp;«Мойынты — Қызылжар» теміржол желісі (320 км) — 566 млрд тг;</li><li style="text-align:justify;">басқа да бастамалар.</li></ol>Қордың қаржылық нәтижелері2024 жылдың қорытындысы бойынша «Самұрық-Қазына» тобының активтері 41,1 трлн теңгеге жетті — бұл өткен жылмен салыстырғанда 11,3% көп және соңғы тоғыз жылдағы ең жоғары өсім. Негізгі көрсеткіштердің барлығында оң динамика байқалады:<ol><li style="text-align:justify;">түсім — *+6,5%* (16,4 трлн тг);</li><li style="text-align:justify;">&nbsp;меншікті капитал — *+17,7%* (25,6 трлн тг);</li><li style="text-align:justify;">&nbsp;таза пайда — *+38,6%* (2,4 трлн тг).</li></ol>Қор барлық бағыттар бойынша оң тренд көрсетуде:<ol><li style="text-align:justify;">&nbsp;шикі мұнай сату — *+1,2%*;</li><li style="text-align:justify;">жүк теміржол тасымалы — *+11,4%*;</li><li style="text-align:justify;">уран өнімдері сату — *+23,3%*;</li><li style="text-align:justify;">аффинирленген алтын өткізу — *+55%*;</li><li style="text-align:justify;">&nbsp;телекоммуникациялық қызметтер — *+9,4%*.</li></ol>Қор табыстарын экономиканы жаңғыртуға және әртараптандыруға қайта бағыттайды. Бұл мемлекет басымдықтарымен де, қордың қаржылық тұрақтылығымен де үйлеседі.Корпоративтік басқару және тиімділікІшкі басқару процестерінің жетілдірілуі — қор жұмысының маңызды бөлігі. Тәуелсіз директорлардың қатысуы, ашықтықтың артуы және халықаралық тәжірибеге бейімделу операциялық тәртіпті нығайтады. Қордың негізгі мақсаты — ұлттық компаниялар арасында синергия құрып, олардың бірлескен тиімділігін арттыру.Сонымен бірге қор стратегиялық мемлекеттік міндеттерді де, нарықтық тиімділік қағидаттарын да үйлестіре отырып, аралас басқару моделін қолданады. Әлеуметтік маңызы жоғары салаларда — теміржол тарифтері, өңірлік инфрақұрылым — әлеуметтік тұрақтылық басым. Ал бәсекелі секторларда — мұнай-газда — инвестициялық тиімділікке басымдық беріледі.2024 жылы қордың елдің тұрақты дамуына қосқан үлесі шамамен 11 трлн теңгеге бағаланды.Әлеуметтік ықпалы2024 жылы қордың әлеуметтік ықпалы 916 млрд теңгені құрады. Бұл:<ol><li style="text-align:justify;">&nbsp;«Қазақстан халқына» қорына аударымдар,</li><li style="text-align:justify;">&nbsp;Samruk-Kazyna Trust жобалары,</li><li style="text-align:justify;">&nbsp;қызметкерлерді әлеуметтік қолдау,</li><li style="text-align:justify;">өңірлерге көмек,</li><li style="text-align:justify;">&nbsp;өндірістік қауіпсіздік шаралары.</li></ol>Қор компаниялары 256 мыңнан астам адамды жұмыспен қамтып отыр.Экономикалық ықпалыЭкономикаға қосқан үлес — 8 256 млрд теңге:<ol><li style="text-align:justify;">&nbsp;салықтар — 2 086 млрд тг;</li><li style="text-align:justify;">дивидендтер — 737 млрд тг;</li><li style="text-align:justify;">инфрақұрылымға инвестициялар — 1 928 млрд тг;</li><li style="text-align:justify;">қазақстандық өндірушілерден сатып алулар — 3 505 млрд тг.</li></ol>Экологиялық ықпалЭкологиялық шығындар мен жобаларға бағытталған сома — 543 млрд тг. Бұған:<ol><li style="text-align:justify;">&nbsp;экологиялық төлемдер,</li><li style="text-align:justify;">ластануды азайту технологиялары,</li><li style="text-align:justify;">&nbsp;энергия тиімділігі,</li><li style="text-align:justify;">зерттеулер,</li><li style="text-align:justify;">өндіріс орындарын қалпына келтіру және экологиялық зардаптарды өтеу шығындары кіреді.</li></ol>Экономиканы субсидиялау2024 жылы қор соңғы тұтынушыларға түсетін жүктемені азайту үшін 1,3 трлн теңге көлемінде айқаспалы субсидиялау жүргізді:<ol><li style="text-align:justify;">&nbsp;теміржол тасымалдары — 358 млрд тг (транзит есебінен);</li><li style="text-align:justify;">ішкі нарықтағы мұнай өнімдері — 277 млрд тг («ҚазМұнайГаз» экспорттық кірістері есебінен);</li><li style="text-align:justify;">&nbsp;газ — 178 млрд тг (транзит және экспорт есебінен).</li></ol>Халықаралық тәжірибеСуверендік қорлар — әлемде кең таралған тәжірибе. Олар ұлттық байлықты жинақтау және экономиканы тұрақтандырудың тиімді құралдары.Өзбекстан 2024 жылы UzNIF — Ұлттық инвестициялық қор құрылды. Портфелі — 1,7 млрд доллар, энергетика, көлік, телеком, қаржы және өнеркәсіп секторларын қамтиды.Әзербайжан Екі негізгі құрылым бар:<ul><li style="text-align:justify;">&nbsp;AIH — 20–22 млрд долл актив;</li><li style="text-align:justify;">&nbsp;SOFAZ — 50–60 млрд долл актив, елдің басты суверендік қоры.</li></ul>Еуропа елдері (Ұлыбритания, Германия) Соңғы жылдары инфрақұрылым, энергетика және зейнетақы жүйелерін қолдау үшін жаңа қорлар құру бастамалары күшейді.2025 жылы әлемде 121 суверендік қор бар (бір жыл бұрын — 104).Өңірлік бөлініс:<ul><li style="text-align:justify;">Солтүстік Америка — 16;</li><li style="text-align:justify;">&nbsp;Латын Америкасы — 10;</li><li style="text-align:justify;">Еуропа — 19;</li><li style="text-align:justify;">Таяу Шығыс — 22;</li><li style="text-align:justify;">&nbsp;Африка — 17;</li><li style="text-align:justify;">&nbsp;Азия — 27;</li><li style="text-align:justify;">Австралия және Тынық мұхиты — 10.</li></ul>Әлемдік тәжірибе көрсеткендей, «Самұрық-Қазына» сияқты ірі ұлттық қорлар — экономикалық қауіпсіздікті нығайтатын, дамуға инвестиция салатын және елдің ұзақ мерзімді тұрақтылығын қамтамасыз ететін стратегиялық институттар.

Қазақстанның ЖІӨ өсімі әлемдік көрсеткіштен екі еседен асады

<a href="https://kyzylorda-news.kz/">Kyzylorda-news.kz</a> Қазан айындағы оң нәтижелер ел экономикасының өсуі бір реттік серпіндерге емес, құрылымдық өзгерістерге негізделгенін көрсетті. Өңдеу саласының кеңеюі, өңірлердің дамуы, экспорт пен өндіріс базасының әртараптанудың барлығы ұзақмерзімді тұрақтылықтың негізін қалайды.Ұлттық статистика бюросының деректеріне сәйкес, 2025 жылғы 10 айда елдің ішкі жалпы өнімі 6,4% өсім көрсетті. Бұл тоғыз айдағы көрсеткіштен 0,1 пайызға жоғары.Өсімнің басты драйверлері қатарында құрылыс, сауда, өнеркәсіп және ауыл шаруашылығы бар. Олардың барлығында дерлік өңірлік деңгейде оң динамика сақталуда.Маңыздысы нарықта қызып кету белгілері байқалмады. Өсу сапамен және өндіріс құрылымының жақсаруы­мен қатар жүруде. Бұл макроэкономикалық тепе-теңдіктің сақталғанын көрсетеді.

Қазақстан экономикасы жай өсу сатысынан сапалы даму рельсіне ауысты

<a href="https://kyzylorda-news.kz/">Kyzylorda-news.kz</a> “QazaqGaz” ұлттық компаниясының басшысы Әлібек Жамауов “Самұрық-Қазына”&nbsp;қорының Қоғамдық кеңесі отырысында Қазақстанда газдың көтерме бағасын арттыру қажет екенін&nbsp;мәлімдеді.&nbsp;Бұл туралы&nbsp;Stan.kz&nbsp;ақпарат агенттігі хабарлайды.Әлібек Жамауовтың айтуынша, тауарлық газдың көтерме бағасы кезең-кезеңімен өсіп&nbsp;жатқанына қарамастан, Қазақстан әлі де халық үшін көгілдір отынның тарифі ең төмен елдердің бірі болып отыр.“33% көлеміндегі соңғы түзетуді ескергеннің өзінде, ішкі нарықтағы “QazaqGaz” компаниясының жыл сайынғы субсидия көлемі 200 миллиард теңге деңгейінде қалып отыр. Сонымен қатар соңғы жылдары газ бағасының өсуі әлеуметтік маңызы бар тауарлардың көпшілігіне қарағанда әлдеқайда төмен болды. Бұдан бөлек, соңғы он жылдықта қазақстандықтардың коммуналдық шығындарындағы газдың үлесі 6,4%-дан 5,2%-ға дейін азайды”, — деді ол.Оның сөзінше, газдың тұрақты жеткізілуін қамтамасыз ету, инвестициялық жобаларды іске асыру және инфрақұрылымды дамыту үшін көтерме бағаны біртіндеп өзіндік құн деңгейіне дейін жеткізу қажет. Әлібек Жамауов бұл елдің энергия қауіпсіздігін нығайтып, Қазақстанның барлық өңірлерін сенімді түрде газбен қамтамасыз етуге мүмкіндік береді деп санайды.Фото: Ru.freepik.com

"Тарифі ең төмен елдердің біріміз": Қазақстанда газдың бағасын өсіру ұсынылды

<a href="https://kyzylorda-news.kz/">Kyzylorda-news.kz</a> «Қыс қатты – соғым тәтті» дегендей, күн салқандай түскен сәттен соғымның кезегі қиындай түседі. Амал не?! «Ет жесең тісіңе кіреді, жемесең түсіңе кіреді»...Ал сіз бүгінгі ет бағасының көрсеңіз, талып қалудың сәл-ақ алдында боласыз. Жаз алдында 2000-2200 теңге аралығында жылқы еті, 3000-ның үстіне шыққан. Әрине, табысты шаңыраққа түк болмауы мүмкін, алайда қарапайым отбасының қалтасына салмақ салатыны сөзсіз. Өнім туралы айтайықшы, ет – халықтың күнделікті рационында маңызды азық-түлік болып табылады. Сондықтан сұраныс тұрақты. Алайда халық ет бағасының күрт көтерілуіне алаңдаулы. Өнімнің нарықта өсуі тек жеке тұтынушыға әсер етіп қалмайды — отбасылық бюджетке, ауыл шаруашылығына, азық-түлік қауіпсіздігіне және өңірлік экономикаға ықпал ететіні сөзсіз. Осы тұрғыдан алғанда, Қазақстандағы ет бағасының өсуін талдау өте маңызды.&nbsp;Халық арасындағы еттің сұранысында сұрап көрдік. Әрине көпшілігі нарыққа көңілі толмайды. Соның бірі - қала тұрғыны Жадыра Баймұрат. Ол соңғы уақытта ет өнімдерінің қымбаттауынан шектік мөлшерде ғана алуға мәжбүр екенін жеткізді.&nbsp;<blockquote>- Біз өткен жылдары 1 немесе 2 жілікке дейін алатынбыз. Ол кезде баға білінбейтін. Ал бүгінгі сөреге көз жүгіртіңізші, адам шошиды. Қазіргі таңда әрі кетсе 10-15кг алып, қанағат тұтамыз. Қалтамыздағының қауқары соған ғана жетеді, - дейді.</blockquote><h2 style="text-align:center;">Баға қалай өсті?</h2>Қазақстанда ет бағасының соңғы жылдары өсу үрдісі анық байқалады. Оған басты себеп – көрші Өзбекстан елінің сұранысы дейді бас сарапшылар. Ұлттық статистика бюросында цифрлар былай дейді: 2025 жылғы маусымда еттің және ет өнімдерінің бағасы бір айда 1,2 %-ға, ал бір жылда 11,3 %-ға өскен. Сиыр еті-және қой еті ең қатты өсім көрсетті. Сиыр еті жылдық база бойынша 16,9 %-ға, қой еті 16,1 %-ға қымбаттаған. Ал өзбек ағайындардың палауының бітпей тұрғаны осыдан дейді кей сарапшылар. Ашығын айтқандай, 2025 жылдың маусымына қарай ет өнімдерінің бағасы азық-түлік ішіндегі жалпы бағалар өсімінің маңызды бөлігі болды. «Ет және ет өнімдері» тобы бойынша 2025 жылғы сәуірде бір жылда 9,1 % өсім тіркелген. Өңірлер бойынша баға өсімі әркелкі. Мысалы, бағаның ең көп өскені – Ұлытау облысы 18 %-ға және Ақмола облысы 16,7 %-ға дейін барған.<figure class="image"><img src="https://knadmin.beoblood.kz/uploads/ffc7a3b9_e150_4d33_93ad_f9abee07aa34_fb6ce9fec0.jpg" alt="ет/ мясо фото Нурболат Нуржаубай.jpg"></figure><h2 style="text-align:center;">Себепке сылтау табылады</h2>Ет бағасының өсуінің бірнеше маңызды себебі бар. Алып - сатарлардың әдетке айналдырған сөзі–азық және жем бағасының өсуі. ҚР-да мал шаруашылығында жем, азықтандыру және малды күту шығындары артып келеді. Ал ҚР АШМ Мал шаруашылығы департаменті директорының орынбасары Бағлан Аймырзаев «Хабар24» телеарнасына берген сұқбатында ет бағасының өсуін алдымен электр энергиясының қымбаттауымен байланыстырады.&nbsp;<blockquote>- Шаруадан шығатын еттің бағасы қазіргі таңда 2800, кей жерлерде 3 мыңға дейін жетеді. Былтырғы жылы бұл баға көрсеткіші 2,5 мың теңгені құраған болатын. 400 теңгеге өсім көріп отырмыз, оны біз жасыра алмаймыз. Оның өзіндік себептері бар, ішкі себептерін айтатын болсақ, бізде жалпы электр энергияға тарифтардың бәрі қымбаттағанын көріп отырмыз. ДТ дейміз, оның бағасы қаңтар айынан бастап еркін жіберілді. Барлығы түптің түбінде келеді де, өнімнің өзіндік құнына келіп тіреледі. Сыртқы факторлары көршілес елдерден үлкен сұраныс болды. Әсіресе, Өзбекстан, Қырғызстан елдері.&nbsp;</blockquote>Бұл өндірістік өзіндік құнды жоғарылатып, соңында бөлшек сатылым бағасына әсер етеді. Мысалы, Ұлттық статистика бюросы жалпы азық-түлік инфляциясының ішінде ет және ет өнімдері тобының өсімі 2025 жылы 9,1 %-ды құрағанын айтады. Ет өндірісінің өзін-өзі қамтамасыз ету деңгейі де мәселе болуы мүмкін — егер жемші азықтар импортталатын болса, валюта курсының құбылмалылығы, жеткізу шығындары қосымша ықпал етеді. Одан кейін, өндіріс және логистика шығындарының артуы. Мал жеткізу, сойып өңдеу, тасымалдау, салқын тізбек сақтау жүйесі — барлығы қосымша шығындар болып табылады. Егер жанар-жағармай, электр қуаты немесе басқа шығындар өссе, соңында бұл бағаларға қосылады. Қазақстан деректерінде баға өсімінің өңірлерде әртүрлі екенін де осы факторлармен түсіндіруге болады — логистика мен инсфраструктура деңгейі әр өңірде әртүрлі. Әрине үшінші кезекте - сұраныстың жоғары болуы және ұсыныстың шектеулігі. Қазақстанда ет тұтыну көлемі салыстырмалы түрде жоғары, әрі халықтың рационында ет өнімдері маңызды орын алады. Баға өсімі болса да, сұраныс толықтай төмендеген жоқ. Мысалы, 2025 жылдың бірінші тоқсанында жан басына шаққанда тұтыну көлемі 20,6 кг болған. Ойланып көріңіз, тұрғындар бағаның шарықтауы былай тұрсын, асқақтағанына да мән де бермейді. Сонымен қатар, жергілікті мал шаруашылығы мен ет өндіру өндірісінің барлық сұранысты жаба алмауы — ұсыныстың жеткіліксіздігін тудырып, бағаға қысым жасай алады. Соңғы сылтау - импорт пен сыртқы нарық факторлары туралы тарқатсақ. Қазақстанда кейбір ет түрлері немесе мал азығы импортталады немесе шекаралық қозғалыстары бар. Мысалы, әлемдік бағалардың өсуі, экспорт және импорт шектеулері бағаны көтеруге себеп болуы мүмкін. Әлемдік сиыр еті бағалары бойынша Қазақстанның бағасы төмен болып тұр деген дерек бар, бірақ бұл «арзан» дегеннен гөрі ішкі тапшылық пен шикізатқа тәуелділікті білдіруі мүмкін. Ал елдегі сатушыларға салсаң «Доллар жаңа ғана өсті» деп бел ұстап, тұрып алатындары да бар...<h2 style="text-align:center;">Нарық қымбаттағанымен, сұраныс үзілмей тұр...</h2>Ет бағасының өсуі тұтынушылар үшін айтарлықтай әсер етеді және нарықта келесі тенденциялар байқалады. Жоғарыда айта өткендей, баға өскен сайын кейбір отбасылар меншік бюджеттерінен үнемдеуге көшуі мүмкін — орташа немесе төмен табысты отбасылар етті аздау мөлшерде сатып алуға мәжбүр болуы ықтимал. Сонымен қатар, аймақтық айырмашылықтар да бар. Баға өсімі өңірге, мал-жайға, өнім түріне байланысты әркелкі. Мысалы, соңғы жылда Ақмола, Қызылорда, Батыс Қазақстан облыстарында баға өсімі жоғары болған. Сапалы ет бөлшектері қымбаттауымен қатар, қолжетімді санаттағы етке сұраныс артуы мүмкін — бұл нарықта әртүрлі баға санаттарын қалыптастырады. Сонымен бірге, баға өсуі инфляциямен, азық-түлік бюджетіндегі үлестің өзгеруімен тығыз байланысты. Мысалы, жалпы инфляция 2025 жылы маусымда 11,8 % деңгейінде болды. Әрине бұл мәліметті бізге Ұлттық статистика бюросы бөлісуде.&nbsp;Ет бағасының өсуі бірнеше жағынан әсер етуі мүмкін. Оны да ұмыт қалдырмағанымыз жөн... Алдымен отбасылық бюджетке әсері. Ет – тағамда маңызды рөл атқарады, оның бағасы өссе, отбасылар ақшаны басқа азық-түлікке бағыттауға мәжбүр болуы мүмкін. Әсіресе табысы төмен топтар үшін бұл ауыр тиуі мүмкін.&nbsp;Ал ет сататын саудагерлер не дейді? Оны да зерттеп көрдік. Шаһар орталығында орналасқан «Сұлтан» сауда үйінде ет өнімдерінің саудасы тұрақты. Бұл дүкенде етке сұраныс үзілген емес. Мен барған уақытпен есептегенде, 1 сағаттың ішінде 100-ге жуық тұрғын сауда жасады. Бос сөмке шыққан емес. Келгеннің бәрі қанағаттанарлық дегенде, өз мақсатына жетуде. Осы салада 20 жылдан жүрген Рабиға апай сауда бұл - берекелі орта дейді.&nbsp;<blockquote>- Қызық... Артқа көзге жүгіртіп қарасам, килограмм етті 500-ден сатып бастаған екенмін. Кейін ақырындап баға өсті. Оған түрлі себеп бар... Біз келген тұтынушыны бос қайтармауға тырысамыз. Мейлінше, келісіп, ортақ шешім қабылдаймыз. Бастысы ол да мен де дән риза. Сауда деген осы. Ата-бабамыз «Саудада береке бар» осыдан болар. Қазіргі таңда сөредегі еттердің бағасы 3000 кем емес. Барлығының бала-шағасы, маңдай тері, одан қалды қосымша шығындары бар, соның барлығы бүге-шегесіне дейін есептелген. Бұл бағалар айдан алынбаған,- деп жауап қатты.&nbsp;</blockquote>Түйін. Қазақстанда ет бағасының өсуі — көпфакторлы үрдіс. Жем мен азық базасының тапшылығы, өндірістік шығындардың артуы, жоғары сұраныс, сондай-ақ импорт-экспорт жағдайлары маңызды рөл атқарған. Одан қалды, шаруалардың да еңбегі бұрынғыдай емес, бағасы өскен.&nbsp;Қорытындылай келе, жемдік және азық-қор базасын нығайту, яғни мал шаруашылығы үшін ішкі өндірісті дамыту арқылы алдымен жем мен азық бағасын тұрақтандыру. Сондай-ақ, алып-сатар саудагерлердің бағасына бақылауды күшейту. Жергілікті ет өндірушілерді мемлекеттік қолдау арқылы — субсидия, несие немесе инвестициялық бағдарламалар арқылы өндірісті кеңейту. Тұтынушы топтарын қорғау — әсіресе аз табысты отбасылар үшін қолжетімді ет өнімдерінің санатын қалыптастыру. Әлеуметтік бұрыштардағы ет өнімдеріне бақылауды жалғастыру және өңірлер бойынша баға мониторингін күшейту, баға ауытқуларын жылдамырақ анықтау арқылы ет өнімдерін халық қолайлы әрі тұрақты бағада тұтына алады.&nbsp;Айдос МЫРЗАЛЫ &nbsp;

Еттің бағасы естен тандырып барады...

<a href="https://kyzylorda-news.kz/">Kyzylorda-news.kz</a>&nbsp; Қасым-Жомарт Тоқаев Еуропалық Кеңес басшысы Антониу Коштаға ілтипат білдіріп, Қазақстан Ұйыммен екіжақты негізде, сондай-ақ C5+ форматы аясында серіктестікті арттыруды берік ұстанатынын жеткізді деп хабарлады Ақорда.Әңгімелесу барысында Қазақстан мен Еуропа Одағы арасында сауда-экономикалық, инвестициялық және мәдени-гуманитарлық байланыстарды ілгерілетуге бағытталған саяси диалогтың қарқынды дамып келе жатқаны айтылды.Қасым-Жомарт Тоқаев пен Антониу Кошта халықаралық және өңірлік күн тәртібіндегі өзекті мәселелерді талқылады.Кездесуде өзара тиімді өңіраралық ынтымақтастықты одан әрі нығайтуды жалғастыру жөніндегі уағдаластыққа қол жеткізілді.Фото: Ақорда

Мемлекет басшысы Еуропалық Кеңес Президентімен келіссөз жүргізді

<a href="https://kyzylorda-news.kz/">Kyzylorda-news.kz</a> &nbsp;Арнайы экономикалық аймақтарды басқаруға шетел компанияларын да тартуға болады. Бұл туралы Мемлекет басшысы Қасым-Жомарт Тоқаев Қазақстан халқына Жолдауында <a href="https://kaz.inform.kz/news/kazakstan-3-zhil-shnde-mndett-turde-zhappay-tsifrlik-elbolui-kerek-tokaev-fff270/">айтты.</a><blockquote>— Тағы бір мәселе. Өңірлерге инвестиция тарту барысында арнайы экономикалық аймақтар айрықша рөл атқарады. Алайда олардың көбінің жұмысы мәз емес. Бұл мәселе бойынша әңгімелер талай рет айтылды. Үкімет арнайы экономикалық аймақтардың тиімділігін арттыру үшін терең сараптама жасап, түбегейлі шаралар қабылдауға дайын болуы керек. Арнайы экономикалық аймақтарды басқаруға жеке компанияларды, қажет болса, шетел компанияларын тартуға болады. Әлеуметтік-кәсіпкерлік корпорациялар аймақтардың экономикалық өсімін арттыратын қозғаушы күш болуға тиіс. Бірақ, көбі коммуналдық мүліктерді басқарумен және аса маңызды емес жобаларды жүзеге асырумен шектеліп отыр. Олардың аймақ экономикасына әсері шамалы, — деді Мемлекет басшысы.</blockquote>Президент Үкімет осындай корпорацияларды толыққанды даму институтына айналдыруы керектігін баса айтты.<blockquote>— Инвестиция тарту — орталық атқарушы органдардың ғана міндеті емес. Осы маңызды жұмысқа жергілікті билік те атсалысып, бәрі жұмыла жұмыс істеуге тиіс. Әкімдердің аймақтағы инвестициялық ахуалға тікелей жауапкершілігін белгілеу керек. Стратегиялық жоспарлау және реформалар агенттігі аймақтардың инвестициялық тартымдылық индексін енгізуге тиіс. Мүмкін, бұл жұмысқа тәуелсіз сарапшыларды тартқан жөн болар. Бірақ, қазіргі басты мәселе: жоғары инфляция экономикалық көрсеткіштер мен халықтың табысын «жұтып қойып» жатыр. Оның дайын тұрған шешімі жоқ, бұл — көптеген мемлекет бетпе-бет келіп отырған түйткіл. Мәселе бәріне ортақ болғанмен, ол біздің жағдайда айрықша сезіліп отыр. Осы макроэкономикалық құрсаудан шығуымыз керек, — деді Қасым-Жомарт Тоқаев.</blockquote>Мемлекет басшысы қиындықтар күні кеше ғана пайда болмағынан назар аудартты.<blockquote>— Оны шешу үшін әлемдегі озық тәжірибелерді ескеріп, жұртқа ұнай бермейтін шаралар қабылдауға және оның жауапкершілігін көтеріп алуға дайын болу қажет. Үкімет пен Ұлттық банк мемлекеттік ауқымдағы міндетті алдына қойған біртұтас команда ретінде жұмыс істеуі керек. Қазір әркім көрпені өзіне қарай тартатын кез емес, — деді Президент.</blockquote>Фото: Ақорда

Арнайы экономикалық аймақтарды басқаруға шетел компанияларын да тартуға болады — Президент 

<a href="https://kyzylorda-news.kz/">Kyzylorda-news.kz</a> «Сондай-ақ негізгі дәліздер аясында автомобиль жолдарын дамытуға баса мән берген жөн.Қазір елімізде 13 мың шақырым автокөлік жолдары салынып, жөнделіп жатыр. Жол салған кезде транзиттік дәліздердің мән-маңызына баса көңіл аударған жөн. «Сексеуіл-Бейнеу» жолының құрылысын тездету керек. Осы жолдың арқасында Қазақстан аумағы арқылы Қытайдан Еуропаға жүк тасымалдау мерзімінің үштен бірі қысқарады.Сонымен қатар көлік жүйесін басқарудың жаңа үлгісін жасаған жөн. Себебі мемлекет инвестициясының экономикалық қайтарымы айқын болуы тиіс. Контейнермен жүк тасымалдау ісіне тың серпін беру керек.Әлемде құрлық арқылы тасымалданатын жүктің 16 пайыздан астамы контейнермен жіберіледі. Бірақ, елімізде оның үлесі әлі де төмен – небәрі 7 пайызға жуық. &nbsp;Үкімет контейнермен жүк тасымалдау ісін жандандыруға арналған арнайы бағдарлама қабылдауы қажет. Онда мультимодальді бағыттарды дамытатын пәрменді шаралар да қарастырылуға тиіс.Ішкі тасымалдың көлемін және бәсекеге қабілетін арттыру үшін тариф саясатының тиімді әрі түсінікті болуы айрықша маңызды рөл атқарады. Қазіргі тариф қалыптастыру жүйесінде бірізділік жоқ, ол нарыққа икемделмеген.Үкімет жыл соңына дейін көліктің барлық түрін ескере отырып, бәсекеге қабілетті тариф саясатын әзірлеуге тиіс.Жүк тасымалдаушылар рәсімдердің көп уақыт алатынын айтып, жиі шағымданады. Олар әр қызметті түрлі цифрлық жүйе арқылы рәсімдеуге мәжбүр. Тіпті, бұрынғыдай қағаз толтырып, әуре-сарсаңға түсіп жатады. Кейбір шекара және кеден бекетінде сапалы интернет жоқ. Бұл да жұрттың наразылығын туғызады. Осындай келеңсіз жағдайларды тез арада түзетуіміз қажет.Сонымен қатар жасанды интеллектіні қолдана отырып тасымалды басқарудың кешенді, көпбейінді цифрлық платформасын енгізу керек. Бұл жұмысты тездетіп аяқтау қажет.Қазан айының соңына дейін кеден және логистика қызметін көрсететін Smart Cargo бірыңғай цифрлық жүйесін іске қосқан жөн. Бұл жүйе инфрақұрылымды жеке компанияларға автоматты түрде бірдей қолжетімді етеді.Шекарадағы өткізу бекеттері жаңғыртылып жатыр. Биыл 8 бекет толығымен іске қосылады. Алдағы 3 жылда тағы 34 бекет жаңарады. Бұл – өте ауқымды шаруа. Себебі, кейбір бекеттердің сапасы сын көтермейді, қазіргі заманның талабына сай келмейді, еліміздің беделіне нұқсан келтіреді.Автокөлікпен жүк тасымалдауға арналған шекара маңындағы қызмет сапасын жақсартуды Үкімет пен әкімдіктерге тапсырамын. Еліміздің бүкіл аумағында кедергісіз тасымалдау жүйесін қалыптастыру – өте маңызды міндет. Транзиттік жүктердің «жасыл дәліз» қағидасымен еш тосқауылсыз өтуіне барынша жағдай жасау қажет».Фото Ақорда

Президент: «Автокөлікпен жүк тасымалдауға арналған шекара маңындағы қызмет сапасын жақсартуды Үкімет пен әкімдіктерге тапсырамын»  

<a href="https://kyzylorda-news.kz/">Kyzylorda-news.kz</a>&nbsp; Жаһандық деструктивті күштер ұлттық мәдениеттер мен дәстүрлердің іргесін шайқап отыр. Бұл туралы Мемлекет басшысы Қасым-Жомарт Тоқаев Қазақстан халқына Жолдауында <a href="https://kaz.inform.kz/news/zhasandi-intellektn-paydalanip-asa-kaupt-karu-zhasaytindar-payda-boldi-f900aa/">айтты.</a><blockquote>– &nbsp;Халықаралық құқықтың мән-маңызы кете бастады. Ал БҰҰ өзінің рөлі және мәртебесіне сай қазіргі басты түйткілдерді шешуге қауқарсыз болуда. Экологиялық және технологендік апаттардың кесірінен түрлі елдердің экономикасы орасан шығынға батуда. Батыстағы этносаралық, дінаралық үйлесіммен мәдениәралуандық тұжырымдамасы дағдарысқа ұшырады. Жаһандық деструктивті күштер ұлттық мәдениеттер мен дәстүрлердің іргесін шайқауда. Босқындардың саны көбейіп, көші-дағдарысы туындады. Адам саудасы, қару-жарақ пен есірткі саудасы өршіп тұр. Бұрын-соңды болмаған мүлде жаңа сын-қатерлер күллі адамзаттың қауіпсіздігіне нұқсан келтіруде. Тіпті, жасанды интеллектіні пайдаланып, аса қауіпті қару жасайтындар пайда болды, — деді Қасым-Жомарт Тоқаев.&nbsp;</blockquote>Мемлекет басшысы геосаяси ахуалдың түбірімен өзгере бастағанын аңғартатын басқа да факторлар аз еместігін баса айтты.<blockquote>— Қысқаша айтсақ, әлемде жаңа геосаяси тәртіп орныға бастады. Қазақстан әлем қауымдастығының ажырамас бөлігі. Мемлекетіміз Еуразия құрылғының дәл ортасында орналасқан. Қазіргі заман бұлыңғыр, тұрақсыз болса да біз бәріміз жаппай цифрландыру және жасанды интеллект дәуіріне қадам бастық. Менің негізгі мақсатым осындай түрлі қатерге толы кезеңде еліміздің тұрақты әлеуметтік-экономикалық дамуын және қауіпсіздігін қамтамасыз ету, — деді Президент.</blockquote>Фото: Оқу-ағарту министрлігі

Жасанды интеллектіні пайдаланып, аса қауіпті қару жасайтындар пайда болды  

Президенттің 2024 жылғы Жолдауы: Жаңғырту, әртараптандыру және инвестициялар – өнеркәсіп әлеуетін дамытудың басымдықтары

<a href="https://kyzylorda-news.kz/">Kyzylorda-news.kz</a> 2025 жылы Халықты әлеуметтік қорғау саласындағы реттеу және бақылау комитетінің Қызылорда облысы бойынша департаменті халықты зейнетақымен және әлеуметтік қамсыздандыруда, медициналық – әлеуметтік сараптама жүргізуде, мүгедектігі бар адамдарды әлеуметтік қорғау және арнаулы әлеуметтік қызметтер туралы заңнаманың сақталуын бақылауда бірқатар жұмыстардың басында жүрді.Тағайындалған зейнетақы мен жәрдемақылардың 30 251 жаңадан рәсімделді. Сонымен қатар, «Мүгедектігі бар адамдардың орталықтандырылған деректер банкі» автоматтандырылған ақпараттық жүйеде облыс аумағында 34 768 мүгедектігі бар адамдар тіркелген. Департаменттің медициналық-әлеуметтік сараптама бөлімдерімен соңғы 6 айда 6 536 қызмет алушыларға мүгедектік тағайындауға қатысты мемлекеттік қызмет көрсетілген. Аталған кезеңде 1 321 қызмет алушыға алғаш рет мүгедектік тобы тағайындалған. Бұл туралы ҚР Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Қызылорда облысы бойынша департаментінің басшысы Бекболат Шәріпбеков мәлімдеді.<blockquote>- Облыс аумағында 1 қаңтардан бастап 269,5 мыңнан астам зейнетақы мен жәрдемақы алушылардың төлем мөлшері қайта есептелінді. Есепті мерзімде Республикалық бюджеттен төленетін зейнетақы және әлеуметтік жәрдемақы тағайындауға қатысты 16 мемлекеттік қызмет түрі бойынша 55 639 қызмет алушыға мемлекеттік қызмет көрсетілді. Сондай-ақ, 25 388 іс-макеті қайта қаралды. Өткен жылдың 6 айында бұл көрсеткіш 25 203 болған еді. Яғни қайта қаралған макеттер саны 0,7 пайызға көбейген. 1 616 іс-макеттері бойынша зейнетақы және жәрдемақы тағайындаудан бас тарту туралы шешім қабылданды. Тағайындаудан бас тартуға 1 493 іс бойынша зейнетақы жинақтарының сомасы инфляция деңгейі ескерілген міндетті зейнетақы жарналарының сомасынан артық болуы себеп болған. Қалғандарына 123 іс құжаттарының толық болмауынан бас тартылған. Кері қайтарылған макеттердің басым бөлігі зейнетақы төлемдері мен көпбалалы отбасыларға берілетін жәрдемақылар. Есепті мерзімде 10 мың адамға шаққандағы алғашқы мүгедектіктің қарқынды көрсеткіші 15,6 пайызды құраған. 18 жасқа дейінгі балалар арасында мүгедектікке 455 бала шыққан, былтырғы 6 айда бұл көрсеткіш 509 болған, яғни есепті кезеңде 54 балаға немесе 11,8 пайызға азайған,- деді Бекболат Жүнісәліұлы.</blockquote>Фото: Қызылорда облысының Өңірлік коммуникациялар қызметі

Зейнетақы мен жәрдемақылардың 30 251 жаңадан рәсімделді

<a href="https://kyzylorda-news.kz/">Kyzylorda-news.kz</a> Облыста жылу беру маусымы қарсаңында тұрғындардың қауіпсіздігін қамтамасыз ету, өрттің алдын алу және газдан улану жағдайларын болдырмау бағытында кешенді шаралар атқарылып келеді. Төтенше жағдайлар департаменті тарапынан жүйелі түрде түсіндіру жұмыстары жүргізіліп, әлеуметтік осал отбасылардың үйлеріне арнайы датчиктер орнату қолға алынуда. Бұл туралы Өңірлік коммуникациялар қызметінің ақпарат алаңында облыстық Төтенше жағдайлар департаментінің Мемлекеттік өрт бақылау басқармасының бастығы Асхат Оразбеков баяндады.<img src="https://knadmin.beoblood.kz/uploads/Podgotovka_k_otopitelnomu_sezonu_123ea88f4c.jpg" alt="Подготовка к отопительному сезону.jpg"><blockquote>- Жылу беру маусымында тұрғындардың қауіпсіздігін қамтамасыз ету мақсатында ауқымды профилактикалық жұмыстар ұйымдастырылды. Әр сенбі күні Департамент пен Полиция департаменті қызметкерлері және еріктілерден құралған 200-ге жуық маман рейдтік шараларға шығып, тұрғындармен кездесулер өткізді. Нәтижесінде 82 мыңнан астам үй қамтылып, өрт қауіпсіздігі ережелері мен газ және пеш жабдықтарын пайдалану тәртібі кеңінен түсіндірілді. Сонымен қатар, білім беру ұйымдарында 288 ашық сабақ өткізіліп, 16 мыңнан аса оқушы қамтылды. Балаларға қауіпсіздік дағдыларын үйрету үшін өрт сөндіру бөлімдеріне 70-тен аса экскурсия ұйымдастырылды. Бұқаралық ақпарат құралдары мен әлеуметтік желілерде 3 мыңнан астам материал жарияланып, халық арасында кең көлемде ақпараттық-түсіндіру жұмыстары жүргізілді. Әлеуметтік осал топтағы 6 825 отбасының қауіпсіздігіне ерекше көңіл бөлінуде. Бұл мақсатта жергілікті бюджет қаражаты есебінен 484 дана газды анықтайтын арнайы датчик сатып алынды. Алдағы уақытта оларды орнату жұмыстары жүзеге асырылады. Бүгінгі таңда облыс көлемінде «Өрт қауіпсіздігі айлығы» жарияланып, аулаларды аралау, тұрғындармен кездесулер мен түсіндірме шаралары тұрақты түрде жалғасуда. Алдағы кезеңде де бұл жұмыстар жүйелі түрде жүргізіліп, тұрғындардың қауіпсіздігін қамтамасыз ету басты назарда болады,-деді Асхат Плалұлы.</blockquote>Фото: Нұрболат Нұржаубай

Қызылорда облысында жылу беру маусымына дайындық басталды

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев "Жаркент крахмал-сірне зауыты" компаниясының құрылтайшысы, ҚР Парламенті Сенатының депутаты Закиржан Кузиевпен кездесті. Кездесуде Сыр өңірінде жүгері дақылын терең өңдеу мәселесі талқыланды.<blockquote>«Өткен аптада Жаркент қаласына арнайы жұмыс сапарымен барып, зауыт жұмысымен таныстық. Кәсіпорынның негізгі өндірістік алаңдарын аралап, жүгеріден крахмал мен сірне өндіру технологиясын көрдік.Қызылорданың агро-индустриалдық өңір екендігін ескеріп, осындай өндіріс орнын облыста ашуды ұсынамыз. Бұл мақсатта Жалағаш, Сырдария, Шиелі, Жаңақорған аудандарынан егістік алқабына жақын жерден зауытты орналастыруға қолайлы, белгіленген жер учаскелерімен танысып келдіңіздер.Арнайы топ жасақталып, инженерлік инфрақұрылымға, теміржолға, экологиялық, санитарлық мәселелерге қатысты, тағы да басқа сұрақтарға жауап алдыңыздар.Біз әрбір инвесторға қолданыстағы заңнама аясында жер телімін беруге, даму институттары арқылы қаржыландыру құжаттарын рәсімдеуге және әкімшілік қолдау көрсету бойынша толық сүйемелдеуге әзірміз», - деді Нұрлыбек Нәлібаев.</blockquote>Өз кезегінде Закиржан Кузиев бұл бастамаға қолдау білдіріп, бірлесіп жұмыс істеуге дайын екенін жеткізді.Айта кетейік, өңірде 286 мың гектар суармалы жер бар, оның 178,6 мың гектары - инженерлік жүйеге келтірілген ауыспалы егіс алқаптары. Мемлекет басшысының ауыл шаруашылығы өнім көлемін екі есеге арттыру жөніндегі тапсырмасына сәйкес, облыста суды аз қажет ететін дақылдардың көлемі ұлғайып келеді. Мәселен, биыл жүгері дақылы 2 490 гектарға егіліп, өткен жылмен салыстырғанда 415 гектарға артқан.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Экономика