<a href="https://kyzylorda-news.kz/">Kyzylorda-news.kz</a>.Қызылорда облысының білім басқармасы басшысының 30.04.2024 жылғы № 36-ЖҚ бұйрығымен арнайы тексеріс нәтижесі келгенге дейін мемлекеттік әкімшілік лауазымымен көзделген міндеттерді атқару үшін қалалық білім бөлімінің басшысы болып Сәдуақасова Жанат Мылтықбайқызы тағайындалды.Сәдуақасова Жанат Мылтықбайқызы 1965 жылы дүниеге келген. Білімі жоғары. Мамандығы “Шетел тілі: екі шетел тілі” пәні мұғалімі.Еңбек өтілін 1989 жылы №211 мектептің ағылшын тілі пәні мұғалімі болып бастап, осы еңбек жолында ұрпаққа саналы білім беріп, жігерілігінің арқасында 1994-1997 жылдар аралығында №235 мектеп директорының оқу-тәрбие ісі жөніндегі орынбасары болып қызмет атқарған. 1997-1999 жылдар аралығында Қалалық білім бөлімі басшысының орынбасары, 1999-2020 жылдар аралығында №7, 217, 11 мектептерінің директоры қызметін атқарды. 2020 жылдың 14 сәуірінен бастап бүгінгі күнге дейін №2 Абай атындағы үш тілде оқытатын дарынды балаларға арналған мамандандырылған сыныптары бар мектеп директоры болып қызметке тағайындалды.Жанат Мылтықбайқызы білім саласында қажымай еңбек атқарып, жаңа идеялармен бөлісіп, жаңашылдыққа деген ізденіспен 2004 жылы АҚШ мемлекетінің грантымен, Миннесота штаты, Солт-Лейк-Сити қаласында тәжірибе алмасудан өтсе, 2018 жылы Израиль мемлекетінің грантымен Иерусалим қаласында тәжірибе алмасу бағдарламасы бойынша білім алған.Қоғамдық жұмыстарға белсене араласып, Сыр елі аналарының мәртебесін көтеруде ерен еңбек етуінің арқасында “Қызылорда қалалық әйелдер кеңесі” қоғамдық бірлестігінің төрайымы қызметін атқарып келеді. Сонымен қатар, Қызылорда қалалық мәслихат депутаты қызметін атқарды.

Қалалық білім бөлімінің басшысы тағайындалды

<a href="https://kyzylorda-news.kz/">Kyzylorda-news.kz</a>&nbsp;Журналистік жолда талай жанмен жолығасың, кейбірі тіпті есіңде қалмайды. Бірақ соның ішінде қаншама уақыт өтсе де ұмытылмайтын, қайта құрметің арта түсетін кейіпкерлер болады. Сондай жанның бірін Жосалы кент орталығындағы Т.Көмекбаев атындағы №250 мектеп-лицейінен кездестірдік. Осыдан бір жарым жыл бұрын жаз мезгілінде мектеп директоры Гүлжаһан Мұнарбаевамен сұқбат жүргізу мақсатында білім ордасына барған едік. Біршама мұғалім еңбек демалысында екен. Мектеп директоры білім ұясындағы біршама жаңалықпен бөліскен соң, мектеп ішін таныстырып өтті.&nbsp;Мектептің әрбір дәлізі – қайталанбас өнер туындылары. Тіпті қолөнер музейінде жүргендей әсер қалдырады. Әрбірінің өзіндік берер ойы, айтары бар. Жаңа заманға бейімделген көрнекіліктер де жетерлік. Арнайы кодты сканерлесеңіз, сол тұлға немесе сол нәрсе туралы ақпарат алдыңыздан шығады. Бұл оқушының ізденімпаздыққа қызығушылығын арттыратын дүние ғой. Ал осындай ерекше безендірілген дәліздердің бастамашысы мектеп директоры болса, сол туындылардың авторы, мектептің көркем еңбек және сызу пәндерінің мұғалімі – Болатбек Өксікбаев.&nbsp;Ол Қармақшы ауданның тумасы. Бала күнінде көрші ағайдың сандық жасап жатқанына қызыға қарайтын бүлдіршін бүгінде өзі өнерлі ұстаз, тәжірибелі маман, сүйікті ата атанған. Мектепті бітірген соң Жосалы механикалық зауытында суретші-безендіруші болып жұмыс істеген. Ал &nbsp;Отан алдындағы борышын өтеу кезінде қолы өнерлі сарбаз көптің ықыласына бөленген. «Жалпы қайда жүрсем де осы қолөнерге қызығушылығымның көмегі көп тиеді» дейді кейіпкеріміздің өзі.&nbsp;<blockquote>– Әскерден оралған соң &nbsp;еңбек жолымды 1987 жылы №250 мектепте үйірме сағаттарын жүргізіп бастадым. Қаладағы Н.Гоголь атындағы педагогикалық институтта жоғары білім алып, кейіннен №30 мектепте қызмет еттім. 2009 жылы кентімізде дарынды балаларға арналған мектеп ашылды. &nbsp;Аудандық білім бөлімінің ұсынысымен осында ауыстым. Одан бері де аттай 14 жыл өте шығыпты. Қолөнер нағашы атамнан дарыған. Мектепте келгендегі себебім – өз білгенімді оқушыларға үйрету, – дейді білікті ұстаз.&nbsp;</blockquote>35 жылдық еңбек өтілі бар мұғалімнің осы жылдар ішінде бағындырған белесі көп-ақ. Алайда, ағамыз «мен оларды жария етіп мақтанғанды ұнатпаймын» деп қысқа қайырды. Еңбекқор ағайдың қолынан шыққан туындыларды мектептің қабырғаларынан-ақ аңғаруға болады. «Ерінбей еңбек еткеннің, жеңіске жетпегенін көрмедім» деп Бауыржан Момышұлы айтқандай, Болатбек Жарылқасынұлы алдына мақсат қоя білетін, сол мақсатына жету жолында талмай еңбектеніп, қажырлы еңбегімен биіктерден көріне білетін, шәкірттеріне өмірі – өнеге, ісі – үлгі &nbsp;бола білген ұстаз.Одан бөлек, ағайдың ұстаздық қырынан бөлек, қарапайым болмысының өзі тұнып тұрған тәрбие. Олай деуімізге мына сөздері себеп болды.&nbsp;<blockquote>– Осы жүргенде «Мен не істеп жүрмін?» деген сұрақ мазалайды. Сондайда &nbsp;«Бұл ағайдың істеген жұмыстары ғой» деп айтатындай артыма із қалдырып жүргенімді ойласам, көңілім тыныштала қалады. &nbsp;Ай сайынғы айлығыңды адалынан, таза еңбек, маңдай термен алған дұрыс. Әйтпесе күнделікті келіп-кетіп, сабағыңды ғана беріп, айды да, жылды да өткізуге болады. Сонымен қатар, бұрынғы әріптесті де ұмытуға болмайды. Зейнетке шыққан әріптестеріме осы кезде жасаған жұмыстарымды жіберіп тұрамын. Сонда олар «Қартайған сайын шабытың ашылып жүр-ау, керемет!» деп қолпаштап қояды. Оларға өз жұмыстарымды жіберудегі мақсатым – мақтану емес, мектептегі жаңалықтарды білсін, солар арқылы арамыз нығайсын деген себеп. Мектептегі оқушылардың да жасына қарамаймын. Үлкеннің де, кішінің де тілін табуға тырысамын. Мәселе оған жағымпаздануда емес, мәселе қарым-қатынас орната білуде. Біздің қоғамға бүгінде жетіспейтін нәрсе осы мәміле. Сонымен қатар жастардан үйренуден қашпаймын. Қазір технология дамыған. Менің бір апта жасайтын дүниемді санаулы минуттарда жасап шығаратындай мүмкіндік бар. Кейде олардан ақыл-кеңес сұрасам «Ағай өзіңіз де білесіз ғой» деп жатады. Алайда «мен білем» деп кеуде кермеген жөн. Қай жерде, қандай қызметте жүрсең де қарапайымдылықтан танбау қажет. Іс-тәжірибе алмасу, жаңаны игеру – өмір бойы өзіңмен серік болу тиіс, – дейді ол.&nbsp;</blockquote>Тәжірибелі ұстаз отбасында аяулы жар, ардақты әке, сүйікті ата. 6 перзент өсіріп, олардан 20 немере сүйіп отырған үлкен әулет иесі. Ұлын – ұяға, қызын – қияға қондырып, олардың қызыға кенеліп, аталық ақылымен, кісілік келбетімен үлгі әулеттің үлкені. Ұлдары әке жолымен қолөнерлікті таңдап, кәсіптерін дөңгелетуде. Қыздары да кәсіптен құр алақан емес.<blockquote>– Ұлдарыма бала кездерінен балға ұстатып, шеге қаққызып үйреттім. Жалпы баланы кішкене күнінен беліне күш түспейтін жұмыстан басқасының бәріне жұмсап үйреткен жөн. Баладағы кез келген іске деген қызығушылықты әке оятуы тиіс. Отбасында әке мен ана баланың бағыт берер бағдаршамы. Қазір екі үлкен ұлым ағаштан түрлі дүние жасаса, кішкентайы мерекелік шараларды безендірумен халыққа қызмет көрсетуде. Үлкен қызым да кәсіппен айналысады. Екінші қызым мектепте ұстаз, қосымша кәсібі бар. Ал кенжеміз мектепте лаборант болып қызмет етеді. Оларға ешкімді алдамай, үйге әкелетін табыстарың адалынан болсын деп, айтып отырамын. Қай жерде жұмыс істесең де, сол ұжымға, сол салаға жанашырлық болуы тиіс. Жалпы әдемілікті жаным сүйеді. Қисайған затты түзетіп кету, жерде жатқан дүниені көтере салу қиын емес қой. Сол секілді дәлізде бұзықтық жасап жүрген баланы тезге салу, сабақ үстінде де көңілсіз отырған баланың көңілін аулау – қосымша ақы сұрайтындай қызмет емес. Жалпы жас ұстаздарға айтарым, баланы киіміне, ата-анасына, әлеуметтік жағдайына қарап бағалау, алалау дұрыс емес. Себебі мұғалім баланы бөлектеген соң, оқушылар да ол баланы шеттете бастайды. Осыдан оқушылар арасындағы шиеленіс пайда болады. Қарап отырсақ, қарапайым-ақ дүние. Бірақ титтей қателік кетсе, арты үлкен дауға тірелетіндей мәселе, – дейді Болатбек Жарылқасынұлы.&nbsp;</blockquote>Тұлғалық келбетінде біліктілік, берген тәрбиесінде ұлағат пен өнегелілік сайрап тұрған ағайдың ұрпақтары бүгінде әкелерін, аталарын мақтан етеді. Елім деп соққан жүрегінің қалауын орындаған, адал тірлігінің арқасында артына өзінің өшпес ізін қалдырған, елінің құрметіне бөленген қоғамдық өмірдегі толымды тұлғалық бейнесін қалыптастырған Болатбек Өксікбаевтың өмір жолы тек артында қалған ұрпағына ғана емес, кейінгі жастарға үлгі-өнеге. «Жақсымен өткізген жарты сағат, жаманның өтіп кеткен ғұмырындай» демекші, ұстазбен жарты сағат сұқбат құрсақ та өмірімізге мол азық алдық. Алдыңғы буын осындай ағалардың болғанына қуандық. «Не істесең де, жақсы көріп істе» дегенді санамызға сіңіртті. &nbsp;Бір түйгеніміз, баланы жақсы көретін, дос болатын, осылар маған қарап бой түзейді дейтін Болатбек ағайдай мұғалім әр мектепке керек.

Қармақшылық шебер мұғалімнің көрнекіліктері көздің жауын алады

&nbsp; <a href="https://kyzylorda-news.kz/">Kyzylorda-news.kz.</a>&nbsp; Адамзат баласы өмірінің өткенін танытуда мұражай үлкен рөл атқарады. Ұлттың мәдени, азаматтық, әскери, еңбек жетістіктері, әдет-ғұрып, салт-дәстүр ерекшеліктеріне де осы қасиетті орын арқылы қанығамыз. Ол бойдағы патриоттық сезімді оятып, отанды сүюге тәрбиелейді. Осы мақсатта Ақтан батыр ауылындағы №190 мектеп жанынан өлкетану мұражайы ұйымдастырылған. Көларық ауылының мектеп тарихы әріден басталады. 1885 жылы 12 тамызда Қаракөл болысының Томанкөл ауылында орыс-қазақ училищесі ашылады.Мектепке сол кезеңнің беделді адамы Байеке Жамановтың үйі берілген. Мектепте жас­тары 18-20-дағы жергілікті байлардың 17 баласы оқыған. Мұғалімнің жетіспеушілігінен мектеп жабылған. 1934 жылы Көларық ауылында «Томан» бастауыш мектебі ашылады. 1937 жылы «Томан» бастауыш мектебі 7 жылдық «Көларық» мектебі болып аталады. 1965 жылы 1 қыркүйекте ауылда 8 жылдық мектеп ашылады. 1973 жылы 10 жылдық мектеп болып құрылады. 1984 жылы ауыл орталығынан 2 қабатты 392 орындық мектеп ғимараты пайдалануға берілді.Аталған білім ордасында өлкетану мұражайын жасақтау 2009 жылы қолға алынған. Алдымен ел ішінде зерттеу жұмыстары жүргізіліп, оқушылар ғылыми жобалар қорғап, құнды деректер мен жәдігерлер жинақталады. 2011 жылы көптен күткен мектеп мұражайы салтанатты түрде ашылды. Ұстаздар қауымы бұл істі атқаруда сол кездегі мектеп директоры Қайрақбай Жақсыбайұлы &nbsp;мен білім бөлімінің әдіскері Қатира Нияз­қызының табандылығын айрықша атады.Мұражай үш экспозициялық бөлімге бөлінген. Біріншісі, «Ерлік пен елдікті, иман мен адалдықты ту еткендер» тақырыбында. Бұнда қазақ халқының тәуелсіздігі жолында күрескен, Жанқожа бабаның жан досы, үзеңгілес жолдасы Ақтан батырдың өмір жолын насихаттайтын «Қорған болған халқына батыр баба», ислам дінін насихаттаған Әзілхан ишанға арналған «Тәрбие негізі – иман» атты экспозициялар қойылған. «Ауылым – алтын діңгегім» атты бөлімде ауыл тарихы суреттелген. Ауылдың экономикасы мен халықтың әл-ауқатының артуы және мәдениеттің дамуы 1976-1990 жылдар аралығына сәйкес келеді. Дәл осы кезеңдерде ауылда ірі құрылыстар бой көтерді. 1996 жылы совхоз Ақтан батыр ауылы аталып, 1997 жылы Ақтан батыр кесенесі салынып, ауылдағы «Әзілхан ишан» мешіті күрделі жөндеуден өткізілді. 1999 жылдан бастап «Сыр маржаны» ЖШС ауылдың өсіп-өркендеуіне зор ықпалын тигізіп, бүгінгі күні ауыл халқы берекелі тірлік кешуде. Бұның барлығы мұражай ішінде фотосуреттер арқылы көрсетілген.Екінші бөлім «Рухым бай, көрген емес азайып, біздің елдің перзенттері ғажайып...» деп аталады. Онда соғыс, еңбек, тыл ардагерлері, батыр аналар үшін «Ер есімі – ел есінде», «Тылда тер төккендер», «Қарттарым – асыл қазынам», «Алып та туар анадан», «Ауылдың абыройын асырғандар», «Еңбек ер атандырады» атты және ауыл экономикасын көтеруге зор үлес қосқан белгілі тұлғалардың өміріне арналған «Еңбектен тапқан бақытын», «Елі үшін еңбегін аямаған», «Артында нұрлы із қалған», «Өмір жолы өнеге», «Қалаулысы халықтың» атты экспозициялар жинақталған. Соның ішінде колхоздастыру жұмыстарының белсендісі, соғыс кезінде өз қаржысын майдан қорына жолдаған азамат Бермахан Мәшенбаев пен дархан дала төсінде шыңдалған майталман диқан, 1982 жылы КСРО Жоғары Кеңесінің Жарлығымен «Социалистік Еңбек Ері» атанған Әбуша Дінісламовтың өмір жолы жас ұрпаққа үлгі-өнеге болары сөзсіз.«Аға буын, қайыспаған нағыз нар, бүгінгі ұрпақ өздеріңе қарыздар» тақырыбындағы үшінші бөлімде «Мектебім тұнған тарих» атты экспозиция бар. Бұнда білім ордасының тарихы кеңінен көрсетілген. Сонымен қатар педагогтерге арналған «Мектеп басшылары», «Ұлағатты ұстаздар» және «Мектеп мақтаныштары» туралы мағлұматтардан ауыл мектебінің дамуына зор үлес қосқан білікті басшылар туралы таныса аласыз. 1988 жылы Мәскеу қаласында өткен Бүкілодақтық мұғалімдер съезінің делегаты Ж.Жәдиевке арналған «Білімнің болған бағбаны» атты бұрыш жасақталған.Мұражай Тәуелсіздіктің 20 жылдығына арналып ашылғандықтан «Тәуелсіздік жылнамасы» экспозициясы жасалған. Жалпы мұражайдағы жәдігерлер – 580, қосымша жәдігерлер – 120. Мұражай жетекшісі мектептің тарих пәні мұғалімі Шынар Кәрібайқызы. Мұражай жәдігерлерін жинауға атсалысқан Әзілхан Серікбаевтың еңбегі ерекше атап өтуге тұрарлық.Аудан көлеміндегі білім мен тәрбие, үкіметтік емес ұйымдармен тығыз әріптестік орнатқан мұражайда мәдени-танымдық, тәрбиелік шара үзбей өткізіліп тұрады. Бұған дейін де бірнеше байқауларда бақ сынап, жүзден жүйрік танылған мектеп мұражайы Астана төрінде өткен республикалық «Үздік мұражай – 2018» байқауында бірінші орынды иеленді. Шәкірттердің бойына білім нәрін себумен бірге тәрбиенің темір қазығын қатар қаққан мектеп ұжымы мұражай жұмысын жандандыруда да талай жоспарлы жұмыс атқарамыз деген ниетте.<img src="https://knadmin.beoblood.kz/uploads/4dcb3d23_e5aa_4e07_b760_8daf3a57a0d7_f440bc36c6.jpg" alt="4dcb3d23-e5aa-4e07-b760-8daf3a57a0d7.jpg"><img src="https://knadmin.beoblood.kz/uploads/8d423271_288b_4f6f_96b4_3409e12417a4_72ed1d1ef5.jpg" alt="8d423271-288b-4f6f-96b4-3409e12417a4.jpg">Ұлболсын ТАЛАПБАЕВА

Қазалы ауданы Ақтан батыр ауылындағы білім ордасындағы мұражай

<a href="https://kyzylorda-news.kz/">Kyzylorda-news.kz</a>.&nbsp; &nbsp;Ниет етсе, бітпейтін іс болмайды екен. Ол тіпті жасқа да қарамайды-ау. 80-ге таяған шағында Зарқұм Сартайұлы жары Дина Базаралықызымен сонау Алматы шаһарынан жеңіл көлікпен қатынап жүріп, өз қаражаттарына Қармақшыдан «Дәметкен ана» оңалту орталығының құрылысын бастап, бірер жылда іске қосты. «Жақсы жоспар – жартылай біткен іс» деуші ме едік, жоспар болғанда да қайырымы мол шаруаны бастау да, әрі қарай ел игілігіне жалғап кету де бір күнде біте салатын тірлік емес. Оған қанша күш-жігер, ақыл-парасат жұмсалу керек. Ауызға оңай болғанымен, қолға алған шаруаның кедергісі де аз болмады. Бірақ дейміз-ау, екі қарияның да жай шағыла салатын жаңғақ емес екені осы істе дәлелденді. «Әрекет түбі – берекет» дегендей, бүгінде орталық жұмысын жүйеге келтірді. Адал да еңбеккеш көмекшілерді тапты. Өздері болмағанда орталықтағы тірлікті солар атқарып, қиын да күрделі әлеуметтік саланың нағыз майталмандарына айналды.&nbsp;Зарқұм атамыз бірінші зайыбы Дәметкен анамен ұрпақ өсіріп, отбасылық өмірдің ыстық-суығын татады. Коммуникация, транспорт институтының оқытушысы, кейіннен ғылыммен үздіксіз шұғылданған оның жан жары үнемі қолдап, алаңсыз қызмет етуіне жағдай жасады. Балалардың тәрбиесінен ши шығармай, отбасында ұйытқының жарық шамындай болды. Шаңыраққа келген қонақты да қабақ шытпай күтіп, жайдары жүзімен қарсы алып, небір жақсы-жайсаңдардың талайына дәм татқызып, қолынан шай құйып берді. Кейде өмір адамның ырқына көне бере ме? Айрандай ұйып отырған отбасының басына бұлт төніп, балалар анасынан, жары алақанына салып отырған отанасынан айырылды да қалды. Жаның жаралы болса да, жарық дүниенің әрі қарайғы өз қызығы, сәулесі бар. Тірі адам тірлігін жасайды дейміз ғой. Кеткеннің артынан кетпек жоқ. Осылай мұңды күндердің арасынан жылт еткен үміт сәулесі пайда болды. Әйелге қарағанда ер адамның табиғаты бөлек. Оған күтім керек. Үйдің тірлігі бар, балаларға да мейіріммен қарау керек. Азамат үшін ол бір жас та емес, кәрі де емес кез болатын. Жақсы күндердің бірінде екінші рет тағдыр табыстырған адамын кездестіріп, шаңырақтың отын қайта жақты. Жанұяда екі бірдей оқымысты ғалым бір-біріне сүйеу болып, қатпарлы жолдардан содан беріде бірге өтіп келе жатыр. Олар ерлі-зайыптылар ғана емес, әрбір істе демеп, қолдап отыратын сенімді достар, ажырамас жұп.&nbsp;Дина апамыздың мінезі ақжарқын, жандүниесі жігерге толы. Әр көргенімізде идеялар айтып, орталықтың жетіле түсуіне тынбай еңбек етіп жүргені. Ағамыздың бірінші жары Дәметкен анаға деген құрметі ерекше. Ол кісінің қандай адам болғанын, отбасына сіңірген еңбегін айтып беруден шаршамайды. Жары туралы айтқанда да аузынан «Зәкеңі» түспейді. Есейіп кеткен балалар мен немерелерін де мақтанышпен атап отырады. Олардың қуанышы – өзінің қуанышы, олардың бақыты – өзінің бақытындай. Адам бойындағы зиялыл қасиет осындай да көрініс бермей ме?&nbsp;Мұны бәрін неге айтып отырмыз. Бар ғұмырын елдің дамуына, ғылымына арнаған қос қарияның қызмет жолы бүгінде қайырымдылық, әлеуметтік іс-шараларымен жалғасқан. Орталықта басында ерікті түрде жұмыс істеген қызметкерлер қазір сол жердің білікті мамандары. Бірнеше адамды жұмыспен қамтып отырған орталық 5-6 жылдың ішінде республикаға танылды. Ғимарат ішін түрлі жабдықпен толтырып, ерекше балалардың жайын жасауға барын салды. Аула алдын жазғы маусымда гүлдендіріп, келушілердің көңілін жадыратып қойған. Мекемеге кіргеннен бастап төргі бөлмесіне дейін Зарқұм Сартайұлының қолынан шыққан түрлі ұлттық нақыштағы ағаш бұйымдары орталықтың бағытын айшықтап, көркін келтіріп тұр. Халықаралық, республикалық, облыстық байқаулардан жүлде алып жүрген әлеуметтік нысан қызметкерлерінің алған асулары мен шыққан белестері де аудан халқының назарында. Оңалту жұмыстарынан өзге, ерекше балалардың сурет салып, сахнада өнер көрсетуіне де себепкер болып отырған орталықтың алда атқаратын жұмыс жоспары көп-ақ!.&nbsp;«Еңбектің өтеуі – алғыс» демекші, қартайған шақтарында жеке басты күтіп отыруды емес, экологиялық аймақ болып есептелетін біздің өңірдің жас жеткіншектеріне қайырым қолын созуды мұрат еткен ата мен әже туған жер топырағына оңтүстік астанадан жиі ат басын бұрады. Олардың әрбір келісі бекерден-бекер емес. Бұл жолғы келістің де өзіндік маңызы бар. КСРО «Білім беру ісінің үздігі», инклюзивті мәдени-сауықтыру орталығының негізін қалаушы, Қазақ коммуникация, транспорт университетінің мәртебелі профессоры, «Қармақшы ауданының құрметті азаматы» Зарқұм Бекжанов 85 жасқа толып отыр. Мерейтой қарсаңында бірқатар құрметтер көрсетілуде. Соның бірі – өзі қызмет еткен жоғары оқу орнында онымен кездесу ұйымдастырылып, иығына шапан жабылса, оқу орнының бір аудиториясы «Профессор Зарқұм Бекжанов» атына берілді. Сондай-ақ, құрметті азамат университеттің бір студеніне өзінің атында арнайы шәкіртақы тағайындап, айына 50 мың теңге көлемінде қаржы бөліп отыр. Профессордың стипендиясына лайықты студент те таңдалған. &nbsp;Үздік шәкірт ғалым атасы атындағы сыйақыны оқу бітіргенше алу мүмкіндігіне ие.&nbsp;Жуырда ауданымыздың құрылғанына 95 жыл толу мерекесіне орай, &nbsp;Зарқұм атамыз тағы бір марапаттың иесі атанды. Ол ааудан әкімінің қолынан «Ауданның 95 жылдық» мерекелік медалімен марапатталды. Бұған қоса, Қазақ Ұлттық медицина университетінің бала аурулары кафедрасының доценті, медицина ғылымдарының кандидаты, Қазақстан Республикасының «Алтын дәрігері» Дина Базаралықызы 25 қазан – Республика күні қарсаңында Астана қаласындағы «Қазмедиа» орталығында өткен ХІ Қазақстанның Азаматтық форумы аясында «Таңдау» республикалық сыйлығының сатанатты марапаттау рәсіміне қатысып қайтты. Онда «Дәметкен» жеке қайырымдылық қоры «Әлеуметтік ықпал және қайырымдылық» номинациясы бойынша жеңімпаз деп танылып, Қазақстан Республикасы Мәдениет және ақпарат министрінің және «Қазақстан Азаматтық Альянсы» қауымдастығының Дипломымен марапатталды.&nbsp;<blockquote>– Форумға еліміздің әр жерінен 500-ден аса және онлайн түрінде 2000-ға жуық делегат қатысты. Кең көлемдегі форумда әлеуметтік жобалардың «Азаматтық бастама аумағы» атты көрмесі тамашаланды. ҮЕҰ-дың әлеуметтік жобаларды жүзеге асырудағы табысты жұмыстары насихатталды. «Қоғамдық кеңестер институтының дамуы», «Әлем. Әйел. Қауіпсіздік» және басқа да тақырыптарда семинарлар өткізілді. Форумның қорытындысында қайырымдылық шараларына атсалысқандар үшін «Таңдау» сыйлығы өз иелеріне табысталды. &nbsp;Біз өте қуаныштымыз. Мұндай марапаттар – оңалту орталығы жұмысының жетіле түсуіне, алға басуына тың серпіліс береді деп сеніммен айта аламын, – дейді қордың президенті Дина Исмаилова.</blockquote>Міне, бұл зейнетке шығуға асығып жүретін кейбір отандасымызға үлкен үлгі болғандай. Зейнетке шығу – елге қызмет етуді тоқтату дегенді білдірмейді екен. Қайта керісінше екінші тынысыңды ашады екен. Егде тартқан ерлі-зайыптылардың әрбір ісінен қалаулы істе қадір бар екенін ұғынғандаймыз.

Дина Базаралықызы: Зейнетке шығу – елге қызмет етуді тоқтату дегенді білдірмейді 

<a href="https://kyzylorda-news.kz/">Kyzylorda-news.kz</a>.&nbsp;&nbsp; Сырлы сандар әлеміне саяхат. Иә, бұл статистика мамандарының күнделікті жұмыстары болғанымен, біз сияқты қарапайым адамдарға нағыз саяхат. Олай дейтініміз, ауданның бүкіл тыныс-тіршілігі, ауыл шаруашылығы, дәнді-дақылдардың өнімділігі, тұрғындардың хал-ахуалы, тұрмыс деңгейі, жұмыспен қамтылуы, шаруа қожалықтары және кәсіпкерлік тағы да толып жатқан санмен байланысты нақты мәліметті тек осы статистика басқармасынан ала алатынымызға көзіміз жетті. Әрі, сандар бір орында тұрақтап тұрмайды. Олар күнде ауысады. Бірде кемиді, бірде толысады. Бірақ қателесуге болмайды. Есеппен дос болмасаң, саған статистика басқармасында орын жоқ. Аудандық статистика жылдан бастап басшылық қызметте отырған Кенжебек Таңбаев та &nbsp;бұл тұжырымымызды мақұлдар. Сандарды сөйлететін саланың мерейлі мерекесі қарсаңында басқарма басшысына хабарластық. Мақсатымыз – тұрғындарды аудан статистикасымен аз-кем таныстыру.&nbsp;<blockquote>– Әр айдың бірінен бастап, ай сайын түрлі есеп жинаймыз. Мамандарымыз әр сала бойынша барлық есепті жинайды. Каталогпен тіркеп отырамыз, әрбіріне код беріледі. Онда өлім, туылу, қосылу, ажырасу туралы акт жазбаларының есебі жүргізіледі, – деп әңгімесін бастаған статистика басқармасының басшысы жұмыс жайымен толық таныстырып, өткенге де шегініс жасады.</blockquote><blockquote>– Тарихқа үңілсек, ауданда статистика органы 1932 жылы құрылған. Ол кездегі мекеме аты халық шаруашылығын жүргізетін инспекция болған. 1941 жылы осы инспекция КСРО мемлекеттік жоспарлау бөлімінің құрамында болған. Ал 1948 жылы аталған жоспарлау бөлімінен бөлініп шығып, Министрлер Советіне қарасты Орталық статистика басқармасы болып қайта құрылған, сол кезде аудандарға инспектор штаттары берілген. 1950 жылы колхоздастыру кезінде жұмыстардың, есеп-қисаптардың басым көпшілігін осы 4 адам атқарған. Техника мен есептейтін құрал болмаған. Тек, 1954 жылы ғана алғаш рет печаттайтын машинкалар шыға бастаған. 1963 жылы Қармақшы мен Жалағаш аудандары біріктіріліп, аудандық басқарма, аймақтық инспектура болып қайта құрылған, штат саны 15 адамға жетсе, екі жылдан кейін қайтадан бөлініп шыққан. 1977-1987 жылдары аудандық есептеу станциясы болып қайта құрылды. Штат саны 36 адамға жетті. 1988 жылдан аудандық статистика бөлімі болып, 2009 жылдан бері аудандық статистика басқармасы болып жұмыс атқарып келеді, – дейді басқарма басшысы.</blockquote>Бүгінде басқармаға 13 жылдан бері Кенжебек Ерманұлы басшылық етеді. Еңбек жолын ауданға қарасты Қармақшы ауылында бастауыш комсомол ұйымының хатшысы болып бастаған ол құрылыс саласының мастері, автогараж механигі, сол ауылдың салық инспекторы, ауыл әкімдігінде маман, кейіннен сол ауылдың әкімі қызметтерін абыроймен атқарған. Кейіннен ауданның статистика бөлімінде жетекші маман болса, қазір білікті басшы. Сыр өңірінің әлеуметтік-экономикалық өркендеуіне сүбелі үлес қосқаны үшін облыс және аудан әкімдерінің құрмет грамотасымен, алғыс хаттарымен марапатталған. 2007 жылы бірінші ұлттық ауыл шаруашылығы санағының қорытындылары бойынша «Ауыл шаруашылығы санағының үздігі», «Статистика саласының үздігі» төсбелгісімен марапатталған. Аяулы жарымен бес перзент тәрбиелеп, немере сүйіп отырған ардақты азамат.Қызметіне жауапты, қай саланың болмасын экономика мен есебін бірден іліп әкететін біліктілігінің арқасында таудай жауапкершілікті арқалап жүрген ол іштегі жұмысты да ұтымды ұйымдастыра біледі. Жалпы қызметкерлеріне айтар алғысы да шексіз. Негізінен, статистика органдары экономика, әлеуметтік және демографиялық индикатор, ауыл шаруашылығы мен халық тұрмысы секілді түрлі сала бойынша халықаралық талаптарға сай объективті және толық мәлімет бере алады. Сондықтан бір қызметкердің барлық саланы қамтуы мүмкін емес, әрқайсысына жауапты маман бар.<blockquote>– Кез келген салада бір нақты сан айтпастан бұрын статистиканың берген мәліметіне жүгінеді. Сондықтан жұмысымыз өте жауапты. Жауапты қызметтің жүгін тек өз ісіне жауапты қызметкерлер ғана арқалай алары сөзсіз. Қазір аудандық статистика бөлімінде 3 мемлекеттік қызметкер бар. 2 қызметкер келісім шарт бойынша жұмыс істейді. Биыл оңтайландыру негізінде Байқоңыр қаласының статистика бөлімі таратылып ауданның статистика бөліміне қосылды. Қай салада болмасын бүгінгі күні сапалы кадр мәселесі өршіп тұрғаны жасырын емес. Жай ғана жоғары оқу орнын бітіру аздық етеді, сол таңдаған мамандығыңды қызығушылықпен, сүйсіне орындау – нағыз қызметкердің ұстанымы. Бізде де ондай мамандар баршылық, – дейді Кенжебек Ерманұлы.</blockquote>Жалпы алғанда, статистика Үкімет үшін ғана емес, қоғам үшін де маңызды. Себебі, кез келген аймақтық, ұлттық және әлемдік деңгейдегі статистика саяси және бизнес шешім қабылдауда маңызды рөл атқарады. Мемлекет статистикалық мәліметтер бойынша түрлі сала мен ведомстволардың жұмысын бақылап отыруға мүмкіндік алады. Сол арқылы бюджет бөлінісін де реттейді. Сондықтан да статистердің жұмысы нақтылықты, талдаудың дұрыстығын талап етеді. Тіпті, оны басқа да ғалымдар өз зерттеулерінде, тәжірибесінде қолданатынын ескерсек, статистиканың біздің өмірімізде алар орны зор екенін байқаймыз.

Қармақшыдағы статистика бөлімінің жұмысы жүйелі 

<a href="https://kyzylorda-news.kz/">Kyzylorda-news.kz</a>.&nbsp;&nbsp; Үшеуі де – жеңімпаз. Олар – елдің мақтанышы. Қазір халықаралық жарыстарда қазақтың атын шығарып жүр. Қырықтан асса да, үшеуі де спортты тастаған жоқ. Қуанатынымыз бекер емес. Өйткені кейінгі өсіп келе жатқан ұрпақ осындай азаматтарға қарап бой түзейді. Ақиқатын айту керек, кәсіби спортта тұрақты жүргендер ары кетсе, 30-35 жасында мансабын аяқтайды. Ал жұмыс пен спортты қатар алып жүргендер көп емес. Біз сөз етіп отырған үш жігіт те бала жасынан спортшы. Жетістіктері де жетерлік. Өз кәсібі, тіршілік, жұмыстары бар. Бірақ спортты өмірлік серігіне айналдырған жандар. Өйткені ұлт саулығы бәрінен де қымбат.Бұл орайда &nbsp;Мемлекет басшысы Қасым-Жомарт Тоқаев «Барлық жас санаты арасында бұқаралық спорт түрлерін насихаттай беру керек. Балалар үшін спорттық инфрақұрылымның барынша қолжетімді болуын қамтамасыз ету керек. Бұқаралық спортты дамыту – пирамидаға айналуы қажет. Оның басына чемпиондар шықса, оның негізінде біз сау әрі саналы ұрпақты, мықты ұлтты қалыптастырамыз», – деп атап көрсеткені белгілі. Мұны неге айтып отырмыз? Ағайынды Әбу-Дастан мен Дәулет Арапұлы екеуі де қазір Алматыда бұқаралық спортты дамытып отыр. 2015 жылы Зинали әкесінің бастауымен бауыры Дәулеттің ұйымдастыруымен «Кете Прайд» спорт клубын салды. Қазір аталған спорт кешенінде бапкер Төлеген Сұлтановтың басқаруымен еркін күрес, самбо, дзюдо, қазақша күрес секциялары жұмыс істейді. Сондай-ақ грэпплинг, джиу-джитсу, теннис, гимнастика, таэквондо, бокс, футбол және тағы басқа да спорт түрлері жұмыс істеп тұр. Әрқайсысының өз бапкері бар. Тұрақты түрде жаттығады. Осылай спортты сүйер жұртшылыққа жағдай жасап отырған қос азамат өздері бұл саладан кенде емес. Өздері де спортты бала жасынан серік еткен. Ағайындылардың қырықтан асса да жетістіктері жетерлік. Жақында Болгарияның Варна қаласында жауынгерлік күрестен ерлер арасындағы әлем чемпионаты өтті. Оған Әбу-Дастан Зиналиев те қатысты. 40-44 жастағылар арасында күрестің греплинг және грэпплинг-ги түріне барған Әбу-Дастан 1 және 3-орынды иеленіп қайтты. Айта кету керек, Әбу-Дастан Арапұлы даңқты палуан әрі бапкер Хайдар Қарпықовтың шәкірті. Сыр өңірінің тумасы бапкер Әділбек Серікбаевтың қол астында жаттыққан. Әбу-Дастан – самбодан спорт шебері. Әлемнің әр түкпіріндегі халықаралық жарыстарға қатысып, қазақтың көк туын көкте желбіретіп жүр. Ал атақты бапкер Әділбек Серікбаев осыдан екі-үш жыл бұрын өмірден өтті. Ол алақандай ауылдан жүзге жуық спорт шебері мен халықаралық, құрлықтық бәсекелердің чемпиондарын даярлаған білікті бапкер. Әділбек самбодан Тәйімбет Көмекбаев мемориалының халықаралық деңгейге көтерілуіне де үлес қосты. Енді Әбу-Дастанның жетістіктеріне көз салсақ. Ол дзюдо, самбо, қазақ, еркін күрестен республикалық турнирлердің бірнеше дүркін жеңімпазы және жүлдегері болды. Осы жылы маусымда Алматыда қазақша күрестен мемлекеттік қызметкерлер арасында өткен «Түйе балуан» республикалық турнирінің жүлдегері, өткен жылы желтоқсанда Мәскеу қаласында өткен дзюдодан шеберлер арасындағы «Ресей ашық кубогі чемпионатының» жеңімпазы, биыл маусымда Астана қаласында болған самбодан шеберлер арасындағы «Азия және Мұхит елдері чемпионатының» жүлдегері, Болгарияда Варна қаласында жауынгерлік күрестен ерлер арасында өткен әлем чемпионатының жеңімпазы, Грекияның Лутраки қаласында шеберлер арасында өткен грэпплинг күресінен әлем чемпионатының жеңімпазы, осы қалада шеберлер арасында өткен грэпплинг-ги күресінен әлем чемпионатының жүлдегері. Ә.Зиналиевтің ендігі арманы – «Кете Прайд» клубының шәкірттері арасынан көбірек олимпиадалық ойын түрлерінен әлем және олимпиада чемпионын шығару. Еңбек жеміссіз де емес. 2016 жылы Рио-де Жанейро, ал 2021 жылы Токиода өткен параолимпиадалық ойында «Кете прайд» клубының екі спортшысы қос күміс алып, қазақтың атын шығарды. Қуанарлық нәтиже ме? Сөз жоқ, жетістік. Спортшы әке Әбу-Дастанның ізін балалары Құдайназар мен Текей де жалғастырып келеді. Олар да спортты серік еткен. Жұмыс істейді әрі спортпен етене егіз. Екеуі де жасөспірім арасында дзюдо мен самбодан өткен Азия чемпионатында жүлдегер атанды. Атадан өнеге, әкеден тәрбие деген осы. Ал Әбу-Дастанның інісі Дәулет те дзюдо, самбо, қазақ, еркін күрестен республикалық турнирлердің бірнеше дүркін жеңімпазы және жүлдегері. 2022 жылы Мәскеу қаласында дзюдодан Ресей ашық кубогі чемпионатында екінші орын алды. Осы &nbsp;жылы Астана қаласында самбодан шеберлер арасында Азия және Мұхит елдері чемпионатында финалға шығып екінші орын алса, Болгарияда Варна қаласында жауынгерлік күрестен ерлер арасында 30 ел қатысқан жарыста әлем чемпионы атанды.Дәулет – кәсіпкер. «Кете Прайд» спорт клубының ұйымдастыру, шаруашылық жұмыстары мен басқа да тірліктерінің басы-қасында жүреді. Қарбалас жұмыста жүрсе де спорттан еш қол үзген емес. Жетіс-тіктерін жоғарыда сөз еттік. Үшінші әлем чемпионының аты-жөні – Насреддин Айтымов.Ол оқушы, студент кезінде еркін күрестің атақты бапкері, даңқты палуан Мұқанай Таубаевтың қол астында жаттыққан. Спорт шеберіне кандидат дәрежесіне дейін жеткен. Ол атаулы клуб ашылғаннан бері осында дзюдо, самбо күресінен әлем, олимпиада жеңімпаздарымен қатар жаттықты. Н.Айтымов дзюдо, самбо, қазақ күресінен республикалық турнирлердің бірнеше дүркін жеңімпазы және жүлдегері болды. Енді спортшы жетістіктеріне тоқталсақ. Ол 2022 жылы Мәскеуде өткен дзюдодан шеберлер арасында Ресей ашық кубогы чемпионатының жүлдегері. Осы жылы Біріккен Араб Әмірліктерінде Абу-Даби қаласында шеберлер арасында өткен дзюдо күресінен 60 ел қатысқан жа¬рыс¬та әлем чемпионы атанды. Жұмысын істей жүріп, спортты жанына серік еткен азамат. Данышпан Абайдың бір ұлы сөзі бар: «Сүйер ұлың болса, сен сүй, Сүйінерге, жарар ол».Демек, спортты өмір бойы серік етіп келе жатқан, Сыр бойынан шыққан мұндай жігіттердің барына неге қуанбасқа, неге мақтамасқа?! Үшеуі де – әлем чемпионы. Спортта отызында орда бұзған, қырық жасында қамал алған азаматтар. Ең бір қызығы, үшеуі де бір ауылдан. Қызылорда облысының Қар¬мақшы ауданына қарасты Ақжар ауылының тумасы. Ал Ақжар – атақтылар шық¬қан жер. Жырау Көшеней, Бидас Рүс¬тембеков, жазушы Адам Мекебаев, аңызға айналған Социалистік Еңбек Ері, механизатор Қа¬сымтай Ізтілеуовтің, ауыр атлетикадан әлем чемпионы Ерасыл Сәулебековтың (аталарының) туған отаны. Ауылдың спорт мектебінде қазірдің өзінде ағалы-інілі, әкелі-балалы Зиналиевтердің суреті құрметпен аталып, қатар тұр. Ерасыл Сәулебековты қосқанда кішкентай бір ауылдан төрт әлем чемпионы шыққанын байқадық. Ал атақтылар өсіп-өнген ауылдың азаматтары ешқашан да осал болмайды. Үш азамат Алматыда тұрса да, ауылдан кіндігі ажыраған емес. Азаматқа қарап, ауылын білесің. Ауылға қарап, азаматын танисың. Ризашылығыңды білдіресің. Біз әлемдік додалы жарыстарда қазақтың көк туын желбіретіп, даңқын асырып жүрген үш азаматқа «абыройың аласармасын» деп тілек айттық.Берік БЕЙСЕНҰЛЫ

Қармақшыдағы бір ауылдан шыққан үш палуан

<a href="https://kyzylorda-news.kz/">Kyzylorda-news.kz</a>.&nbsp; &nbsp;Адам баласы туғанда әлемге танылардай, әлемді танырдай, әлемге сіңердей қабілетпен келері анық. Әсілі, толғана келіп баршаға берілген мүмкіндіктің бәріне бұйыра бермесі мінезден болса керек деп топшыладық. Мінез ғана емес, тәртіп, білім, жүрек егіз болса ғана, Абай айтқандай, толық адам деңгейін еңсере алмақ. Яки, қайсарлық пен қайратты әділдікке серік еткен мінез, ар жолымен заң жолын тоғыстырар тәртіп, риясыз берілер ілім, бастысы ізгілік пен мейірімге толы жүрек иесі қимастық сезімді сыйлай алады. Сондай қасиеттерді бойына жинап, ұжымның ықыласына қанық болған ұлағатты ұстаз, ақылшы ана, Қармақшы ауданындағы №277 мектеп-лицейінің басшысы болған – Жұмагүл Тлеуғабылова.Ол 1962 жылы Төретам қыстағында дүниеге келген. Қызылорда қаласындағы педагогикалық институттың филология факультетін тәмамдап, еңбек жолын Ақай ауылындағы №99 мектеп қабырғасынан бастаған. Орыс тілі пәнінен сабақ бере жүріп, мектеп өміріндегі қоғамдық іс-шараларға белсене араласып, өзінің жаңалыққа жаны құмар, ізденімпаз екендігін таныта білді. Осындай еңбегі еленген ұстаз қаламыздағы білім беру мекемесінде әдіскер болып еңбек жолын жалғады. Өз мамандығына деген сүйіспеншілік мектеп қабырғасына қайта оралтып, ағартушылық қызметін №14 бастауыш мектебінде директордың оқу-тәрбие ісі жөніндегі орынбасары болып жалғастырды. 2000 жылдан бастап сол мектептің директоры болып тағайындалған Жұмагүл Қосжанқызы мектеп жұмысын одан әрі жандандырып әкетті. Жаны жайсаң, мейірімді, жаңашылдыққа жаны құмар, жүйелі талап қоя білетін, іскер басшы білім мен тәрбиенің сапалы болуына ерекше күш салып, ұжымда ауызбіршілік пен ынтымақ орната білді. Мектеп абыройын арттыруда &nbsp;бағыт-бағдар беріп отырған «Кембридж» инновациялық көшбасшылық деңгейлі, заман талабына сай білікті басшы, аудандық мәслихаттың депутаты қызметін де абыроймен атқарды.2013 жылы ашылған мектептің басқару ісін дөңгелетіп әкетіп, ұстаз, қызметкер, оқушының әрқайсысының жүрегіне жол таба білген басшы өмірінде тәлім-тәрбие беретін тәжірибені жинақтап қана қоймай, білгенін, түйгенін өзгелерге үйрете алатын, риясыз жанашырлық пен салмақты көзқарасты қатар ұстай білетін, өзіне қандай талап қойса өзгеден де соны талап етіп, сол талапты орындата алатын бірегей тұлға, ұлт жанашыры. Дархан пейілдің иесі тоқсан ауыз сөздің тобықтай түйінін түйіндейді. Түйгенін ой елегінен өткізіп, таразының екі басына салып саралайды, қорытындылайды. Тәрбиенің негізгі алтын діңгегі – ол ғибратты, ғұмырлы, ғасыр бойы бойымызға салт-дәстүрмен берілген ұлттық тәрбие тағылымын дәріптейді. Терең білім мен тек маңдай тердің еңбегін бағалайтын ұстаздың тәрбиесін алған біздің ұжым бүгінде оқ бойы озық маманға, ар мен абыройды ғана ойлайтын, ұлт болашағын тәрбиелеуде өзіне жоғары талап қоя білетін тұлғаға айналып отыр.Білікті басшы оқушылары мен ұстаздарының білімі, біліктілігіне ғана емес, олардың жүріс-тұрысы мен киім-киісіне дейін қатаң талап етіп, үлкен ұжымды сыйластық, әдеп арнасына бойлауға үлкен еңбек сіңірді. «Қазақтың тағдыры, келешегі мол ел болуы да мектептің қандай негізге құрылуына тіреледі. Мектебімізді сау, берік, һәм өз жанымызға қабысатын, үйлесетін негізге құра білсек, келешегімізге тайынбай серттесуге болады. Ал сондай негізге құра алмасақ, келешегіміз күңгірт» деп ұлы педагог Мағжан Жұмабаев айтқандай, біздің басшының қатаң ұстанымы да осында айқындала түспек. Себебі, Жұмагүл Қосжанқызы ұстаздардың ғана емес, әр қызметкердің, ата-ана, білім алушылардың жеке мәселесін де, міндет-борышы мен қалауын да қанағаттандыра білетін көрегенді көшбасшы. Алдына барған әр жанның жүрегіне үңіліп, сергелдеңге түсіретұғын мәселелердің жауабын іздеп, оң бағыт-бағдар, аналық ақыл, түзу жол нұсқау арқылы барша ұжымның ақжолтай анасына айналып та үлгерді.«Жақсының тамыры тереңде, оны ешкім шаба алмас, көлеңкесі көктен, нұрын шашар еліне» деп текке айтылмаса керек. Осы орайда, ұлағатты ұстаз басқарған білім ордасы бүгінде республика деңгейінде маңызға ие құтты шаңырақ болып отыр. Ұлт тағдырының негізгі тұғыры саналатын бала тәрбиесін мойнына алған көрегенді мектеп басшысы Жұмагүл Косжанқызының көшбасшылығы мен кәсіби шеберлігі, мектептің жүрегіне айналған білікті ұстаздардың, білімге құштар шәкірттердің бірлесе жеткен жетістіктері мектептің, барша қазақ халқы үшін, болашақтың жарқын болуы үшін маңызын көрсетіп отыр. Сапа мен ұлт болашағы үшін оңтайлы жұмыс жасайтын бұл мектептен 2015 жылдан күні бүгінге дейін 26 алтын белгі, 21 үздік аттестат иегері, халықаралық, республикалық білім, мәдени-спорттық сайыстардың бірнеше мәрте жеңімпаздары ұшып шығып, бірі білікті маманға айналса, енді бірі алдыңғы қатардағы университеттердің грантын жеңіп алып, елдегі ғылымның дамуына елеулі үлес қосып келеді. Өткен оқу жылының өзінде 60 бітіруші түлектердің ішінен 54 оқушы мемлекеттік грант иегері атанып, әртүрлі салада білім алуда. Бұл – білім сапасының жоғары көрсеткіші.Білім теңізінде желкенін тек адалдықтың желіне билеткен басшының оң саясаты арқылы білім ордамыз «Үздік мектеп – 2015», «Үздік білім ордасы – 2016», облыстық білім басқармасы мен облыстық кәсіподақ комитетінің «Жыл таңдауы – 2018» қорытындысы бойынша «Ынтымағы жарасқан ұжым», «Жыл үздігі – 2019» , «Әлеуметтік әріптес –2020» номинацияларының иегері атанса, 2018-2019 оқу жылының облыстық конкурсының қорытындысымен «Орта білім беретін үздік ұйым» жеңімпазы атанып, 17 миллион теңге сертификатын қанжығасына байлады. Осындай жаңалық пен ізденіске жаны құмар білім ордасы жыл қорытындысы нәтижесімен 2021 жылы да «Үздік идеялар жаршысы» номинациясымен, «Жылдың ең үздік ұйымы – 2021», 2022 жылы «Ең үздік қала мектебі – 2022», Қазақстандағы «Ең үздік 100 мектеп – 2022» номинациясы, «Озық идеялар мен технологиялар ордасы», Жалпы білім беретін пәндер бойынша республикалық олимпиаданың ІІІ (облыстық) кезеңінде керсеткен нәтижелері үшін «Білім шыңы – 2022» номинациясымен марапатталып, №277 мектеп-лицейінің басшысы Жұмагүл Қосжанқызы «Білім және Ғылым қызметкерлерінің кәсіподағына сіңірген еңбегі үшін» төсбелгісімен марапатталды. Бастысы, ұстаздық жолының даралығын, саралығын айқындайтын құрметті «Ы.Алтынсарин» төсбелгісі де білімді ұстаздың кәсіби шыңға жеткен көрсеткіші. Бұл жетістіктер – ұжымды бірлікте ұстап, сапаның заң аясында, адалдық борыш пен болашақ қамы үшін жасалған үлкен еңбектің, көрегенділік пен көсемдікке толы жүректің нәтижесі деп нық сеніммен айта аламыз.

Ұжымын ұйыстырған қармақшылық үлгілі ұстаз

<a href="https://kyzylorda-news.kz/">Kyzylorda-news.kz</a>.&nbsp;&nbsp; Бүгінгі күні еліміздің дамуын қамтамасыз ететін мемлекеттік &nbsp;қызмет жүйесіне ерекше назар аударылып келеді. Осының негізінде, 2015 жылы мамыр айында «Ұлт Жоспары – бес институционалдық реформаны жүзеге асыру жөніндегі 100 нақты қадам» бағдарламасы қабылданды. Бұл бағдарламаның алғашқы бөлімі «Кәсіби мемлекеттік аппарат құру» бөлімінен бастау алды. Ұлт Жоспарының 12-қадамында: «Жаңа этикалық ережелерді енгізу. Мемлекеттік қызметтің жаңа этикалық кодексін жасау. Этика жөніндегі уәкілетті өкіл лауазымын енгізу» жөніндегі тапсырмасы аясында 2016 жылдан Әдеп жөніндегі уәкіл лауазымы енгізілді.Қазақстан Республикасы Президентінің 2015 жылғы &nbsp;желтоқсанда «Қазақстан Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралар туралы» Жарлығы шықты. Бұл Жарлықта мемлекеттiк қызметшiлердiң моральдық-адамгершiлік бейнесiне және iскерлiк қасиеттеріне қойылатын талаптарды жоғарылату мақсатында Қазақстан Республикасы мемлекеттік қызметшілерінің әдеп кодексі және Әдеп жөнiндегi уәкiл туралы ереже бекітілді. 2022 жылдың ақпан айында Президент Жарлығымен мемлекеттік қызметшілердің Әдеп кодексі жаңа редакциясы қабылданды.Әдеп жөніндегі уәкіл дегеніміз – қызметтік әдеп нормаларының сақталуын және мемлекеттік қызмет, сыбайлас жемқорлыққа қарсы іс-қимыл туралы заңнама мен Қазақстан Республикасы мемлекеттік қызметшілерінің әдеп кодексін бұзушылықтардың профилактикасын қамтамасыз ету қызметін жүзеге асыратын, сондай-ақ өз функциялары шегінде мемлекеттік қызметшілер мен азаматтарға консультация беретін мемлекеттік қызметші болып табылады.&nbsp;<blockquote>– Бүгінгі күні Қармақшы ауданы әкімдігіне қарасты жергілікті атқарушы органдар бойынша Әдеп жөніндегі уәкіл міндеті аудан әкімі аппаратының басшысына жүктелген. Әдеп жөніндегі уәкіл ретінде &nbsp;бекітілген қағидаға сәйкес жұмыстары үнемі атқарылуда. Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасын және Әдеп кодексін сақтау мәселелері бойынша мемлекеттік қызметшілермен түсіндіру жұмыстары тұрақты негізде жүргізіліп келеді. Қармақшы ауданы әкімдігіне қарасты жергілікті атқарушы органдардағы мемлекеттік қызметшілердің штат саны 138 бірлікті құрайды. Оның 1 саяси мемлекеттік қызметші және 137 «Б» корпусының мемлекеттік әкімшілік қызметшілері. Мемлекеттік қызметшілердің нақты саны 137 адам, оның ішінде 52 әйел азаматшалар. Басшы лауазымдағы әйелдер саны – 3. Нақты қызмет атқаратын мемлекеттік қызметшілердің 98% жоғары білімді. Аудандағы 27 мемлекеттік қызметші 35 жасқа дейінгі жастар. Мемлекеттік қызметшілердің 136-сы қазақ ұлтының өкілдері, қалған 1 мемлекеттік қызметші өзге ұлт өкілі. Әдеп жөніндегі уәкілдің 2023 жылға арналған іс-шаралар жоспарының орындалуы жүйелі түрде атқарылуда. Бүгінгі күнге дейін мемлекеттік қызметшілер мен жеке және заңды тұлғаларға 35 консультациялық көмек көрсетілсе, Әдеп кодексі және Мемлекеттік қызмет туралы, сыбайлас жемқорлыққа қарсы іс-қимыл салаларында Қазақстан Республикасының заңнамаларын сақтау бойынша 42 семинар өткізілді. Ағымдағы жылы мемлекеттік қызметшілердің қызметтік әдеп нормаларын бұзу фактілері орын алған жоқ. Сондай-ақ, мекемелердегі моральдық-психологиялық жай-күйін анықтау мақсатында осы жылы 3 мәрте мемлекеттік қызметшілерден анонимді сауалнамалар алынды. Қорытындысы бойынша тиісті ұсынымдар енгізілді. Сонымен қатар жергілікті басылымдарда, аудан әкімдігінің ресми-интернет ресурсында Әдеп жөніндегі уәкілдің қатысуымен өткен жиналыстар туралы мәліметтер орналастырылуда. «Қармақшы ауданының әкімдігі» әлеуметтік желісіндегі «Facebook» ресми парақшасында да ақпараттар мерзімінде жариялануда. Әлеуметтік желіде халықпен кері байланыс орнату, жұмыстарды ашықтыққа, күнделікті бақылауға алынды. Биылғы жылдың қараша айында «Facebook» әлеуметтік желісінің уәкілдің жеке парақшасында тұрғындармен тікелей бейне байланыс ұйымдастырылып, желі пайдаланушылардың сұрақтарына заң аясында жауаптар берілді, – дейді «Қармақшы ауданы әкімінің аппараты» коммуналдық мемлекеттік мекемесінің басшысы, Әдеп жөніндегі уәкілі Ернар Бекенов.&nbsp;</blockquote>Қазіргі таңда Қармақшы ауданы әкімдігі ғимаратында «Скуд» жүйесі толық орнатылуда. Бұл жөнінде аудан әкімі аппаратының кадр қызметі (персоналды басқару) бөлімі арқылы мерзімінде «Скуд» жүйесі бойынша аппарат қызметкерлерінің жұмыс орнына уақытылы келіп кетуіне мониторинг жүргізіліп, жұмыс режимін бұзу фактілері орын алған жоқ. Сондай-ақ, мемлекеттік органдардың ашық қызметін қамтамасыз ету бағытында «Open space» &nbsp;яғни, «Ашық кеңістік» форматы бойынша жұмыс жасау тәжірибесі ауданымызда жүзеге асуда.Бүгінгі күні аудандық жұмыспен қамту және әлеуметтік бағдарламалар бөлімінің ғимараты, аудан әкімі аппаратының құжаттамалық қамтамасыз ету және бақылау бөлімі және аудандық «Мансап» орталығы ғимараты «Ашық кеңістік» форматына көшірілген.Сонымен қатар, аудан әкімі аппаратына қарасты 20 мемлекеттік мекемемен 51 қызмет түрі ұсынылады. Есепті мерзімде аудан әкімі аппаратымен және оған қарасты 5 аудандық бөлім, 2 кент, 12 ауылдық округі әкімі аппаратымен &nbsp; 19 665 мемлекеттік қызмет көрсетілді. Қызмет сапасына шағымдану және қызметтің мерзімі бұзылу жағдайы орын алған жоқ. &nbsp;Ағымдағы жылы 11 айдың қорытындысымен аудан бойынша электронды көрсетілген қызметтің жалпы үлесі жоспардағы 80,0 пайыздың орнына 88,2 пайызға орындалды. &nbsp;Аудан әкімдігіне қарасты жергілікті атқарушы органдар ішінен &nbsp;19 мекеме «Өзіне-өзі қызмет көрсету бұрышымен» қамтылған. Тиісті мерзімде аталған бұрыштар арқылы мекеме мамандарының сүйемелдеуімен тұрғындар тарапынан 5362 &nbsp;қызмет алынды.«Жобалық басқаруды жүзеге асыру қағидаларын бекіту туралы» Қазақстан Республикасы Үкіметінің 2021 жылғы 31 мамырдағы №358 қаулысының №4 Үлгілік базалық бағытының «Сыбайлас жемқорлыққа қарсы мәдениетті нығайту» жобалар тобы бойынша ағымдағы жылға атқарылатын іс-шаралар жоспары бекітілген. Аталған жоспарға сәйкес, тұрғындар арасында сыбайлас жемқорлыққа қарсы нормаларына түсіндірме жұмыстары жүргізіліп келеді. Сыбайлас жемқорлыққа қарсы мағынадағы &nbsp; есепті мерзімде 3 видеоролик әлеуметтік желілерге жарияланып, Жосалы кенті орталығындағы LED экран арқылы көрсетілді. Сонымен бірге, Қармақшы ауданы әкімдігіне қарасты жергілікті атқарушы органдардағы «Facebook» әлеуметтік желісіне тұрақты түрде жарияланып келеді. Жастар арасында сыбайлас жемқорлыққа қарсы мәдениетті қалыптастыру бойынша 6 рет кездесу ұйымдастырылды. Әдеп жөніндегі уәкілдің қатысуымен мемлекеттік қызметшілерге сыбайлас жемқорлыққа қарсы іс-қимыл бойынша 7 рет оқыту шаралары өткізілді. Сондай-ақ, соңғы 3 жылда аудан бойынша сыбайлас жемқорлық сипатындағы қылмыстар орын алмады.Жыл басынан бері аудан әкімдігіне қарасты жергілікті атқарушы органдардағы мемлекеттік қызметшілерді Қазақстан Республикасы Бас Прокуратурасы жанындағы Құқықтық статистика және арнайы есепке алу комитетінің «Арнайы есепке алу» ақпараттық жүйесі арқылы мемлекеттік қызметшілердің Әдеп кодексі талаптарын бұзу фактілерін және басқа да әкімшілік құқық бұзушылықтарды анықтау мақсатында тексеру жұмыстары жүргізіліп отырылады.Бүгінде Қармақшы ауданындағы аянбай еңбек етіп жүрген мемлекеттік әкімшілік қызметшілерді көтермелеу бағытында тиісті жұмыстар жүргізіліп, марапаттау жұмыстары атқарылып келеді.

Мемлекеттік қызметшінің әдебі — қоғам айнасы

Аймақта жаңа келіссөздер жүргізілуде

Республикалық байқау өтті

<a href="https://kyzylorda-news.kz/">Kyzylorda-news.kz</a>&nbsp; Мәншүк Мәметова атындағы Қызылорда педагогикалық жоғары колледжінде «Шетел тілі» бөлімінің ұйымдастыруымен «Teachingis a processofdevelopmentandlearning» (Оқыту – даму және оқу процесі) тақырыбындағы пән апталығының ашылуы&nbsp; өтті.&nbsp;Мақсаты&nbsp;- білім берудің ұлттық құндылығын әлемдік білім құндылығымен ұштастыра білетін, қазіргі қоғамға қажетті икемділікті қалыптастыра алатын, танымдық, шығармашылық іс-әрекетте өзін-өзі тануды мақсат еткен Жаңа Қазақстанға кәсіби құзырлы, ағылшын тілін жетік меңгерген, интеллектуалды коммуникативті құзыретті маман даярлау.Аталған шараға колледж директоры Ж.Қ.Тоғанова, бөлім меңгерушілері және «Шетел» тілі бөлімінің оқытушылары мен студенттері қатысты. Сондай-ақ арнайы қонақ ретінде АҚШ, Эльбертон (Джорджия) қаласынан келген оқытушы, «Fulbright» бағдарламасының стипендианты Анна Кубас келді .&nbsp; Ашылу жиыны Британ жазушысы Дж.Роулингтің «Гарри Поттер» шығармасы желісі негізінде өрбіп, білім алушылар шығармадан ағылшын тілінде көрініс көрсетті.&nbsp; Жасырынған сұрақтарды тауып, тапсырмалар орындау арқылы қызықты сұрақтарға жауап алып, арнайы тәттілер таратылды. Сонымен қатар 4-курс студенттері өз қолдарынан жасалған шығарма кейіпкерлеріне арналған «Рop-upbook» 3D форматында буклеттеріне таныстырылымжүргізді.Айта кетейік, бүгін ғана өз бастауын алған апталық апта бойы түрлі бағыттағы шаралармен жұмысын жалғастыратын болады.Сондай-ақ, «Мектепке дейінгі педагогика»&nbsp; ПЦК-ның&nbsp; «ЖАҢА ФОРМАЦИЯ ПЕДАГОГЫ – КӘСІБИ МАМАН ДАЯРЛАУДЫҢ АЛҒЫШАРТЫ»&nbsp; атты апталығы аясында техникалық және кәсіптік білім беру ұйымдарының&nbsp; білім алушылары арасында&nbsp; «Мен зерттеушімін» тақырыбындағы қалалық жобалау-зерттеу байқауы өтті. Мақсаты:- Студенттердің тұрақты және тиімді ғылыми-зерттеу қызметін жасау;&nbsp;- Ғылыми-зерттеу жұмыстарына қатысуға студенттерді баулу;Ғылыми зерттеу жұмысы - жобаның мәлімделген тақырыпқа сәйкестігі, мақсат, міндеттері мен нәтижені қалыптастырудың&nbsp; бар болуы және сауаттылығы, материалды ұсынудың&nbsp;қисындылығы мен дәйектілігі және жұмыстың жүйелілігі мен жоба нәтижесінің тақырыпқа сәйкестігі бойынша бағаланды. Жас зерттеушілер еңбегіне «Шұғыла» жеке мектепке дейінгі мекемесінің тәрбиешісі - Бекжанова Жұлдызай, «Алпамыс» бөбекжай бақшасының тәрбиешісі -ТуякбаеваКалдан және №2 Нұр Шұғыла жеке мектепке дейінгі мекемесінің тәрбиешісі – Ерғали Меруерт Қайратқызы әділқазылық етіп, назарға ұсынылған жұмыстарды сарапқа салды. Қалалық жобалау-зерттеу байқауы нәтижесінде «М.Мәметова атындағы Қызылорда педагогикалық жоғары колледжі студенті Алдиярова Айдана – І орын, "ORDA" жоғары колледжі" мемлекеттік емес білім беру мекемесі студенті Алпысбай Дамира – ІІ орын, «М.Мәметова атындағы Қызылорда педагогикалық жоғары колледжі студенті Сайлауова&nbsp; Меруерт – ІІІ орын иеленді.&nbsp;Сонымен қатар бірқатар қатысушыларға зерттеу жұмысы нәтижесіне сай номинациялар табысталды. Атап айтсақ:&nbsp;- М.Мәметова атындағы Қызылорда педагогикалық жоғары колледжі студенті Нурдаулетова Раушан – «Жаңа инновациялық жоба»;- М.Мәметова атындағы Қызылорда педагогикалық жоғары колледжі студенті Айназарова Айжан -&nbsp;“Жаңашыл идея” номинациясы;- «М.Мәметова атындағы Қызылорда педагогикалық жоғары колледжі студенті&nbsp; &nbsp;ҚұрманәлиеваЖаннұр -&nbsp; “Үздік зерттеуші”&nbsp; номинациясы;-&nbsp; "ORDA" жоғары колледжі" мемлекеттік емес білім беру мекемесі&nbsp; студенті Орынбаева Динара - “Алғыр ой” номинациясы;&nbsp;- «М.Мәметова атындағы Қызылорда педагогикалық жоғары колледжі&nbsp; &nbsp;студенті Шымбергенова Нұрай - “Креативті жоба”&nbsp; номинациясы;- «М.Мәметова атындағы Қызылорда педагогикалық жоғары колледжі студенті Әуесбай Сандуғаш -&nbsp;“Ойшыл жоба” номинациясын иеленді.&nbsp;Қорлан САРЫ

Пән апталығының ашылуы өтті

<a href="https://kyzylorda-news.kz/">Kyzylorda-news.kz</a> Қызылорда қалалық прокуратурасының бастамасымен және «Qosyl» қалалық жастар орталығының ұйымдастыруымен«Жақсыдан үйрен, жаманнан жирен» тақырыбында жастар мамандарының қатысуымен «АРМАНДАР ОРЫНДАЛАДЫ» жастар алаңы 7.0 кездесуі өтті. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Кездесуге Қалалық «Жастар ресурстық орталығының» директоры М. Жорабек,&nbsp;⁠«GrandMaster» бағдарламалау&nbsp; мектебінің негізін қалаушы А. Жомартұлы қатысты. Кездесу барысында жастарға жетістікке қол жеткізудің жолдары, сәтсіздіктен сабақ ала отырып табысқа жету жолдары туралы ақпараттар айтылды.&nbsp;Қаламыздағы белсенді азаматтар өздерінің жетістікке жету жолдарымен бөлісіп, студенттермен пікір алмасты. Сонымен қатар, кәмелетке толмағандар арсында құқық бұзу, топтық төбелес, зорлық-зомбылық, нашақорлық, басқа да қылмыстық істерің жасалуына ықпал ететін себептерін анықтау және оның алдын алу жөнінде ақпараттар айтылды.Айта кетейік, Қызылорда қалалық прокуратурасының бастамасымен және «Qosyl» қалалық жастар орталығының ұйымдастыруымен сәуір-мамыр айларында Жоғары оқу орындары мен техникалық және кәсіптік білім беру (ТжКБ) ұйымдарының студенттерімен кездесулер өткізу жоспарланған.16 сәуірден бастап 7 оқу орнында, атап айтсақ «Orda» жоғары колледжі, М. Ықсанов атындағы Қызылорда политехникалық колледжі, Қызылорда медициналық жоғары колледжі, И. Әбдікәрімов атындағы Қызылорда аграрлық техникалық жоғары колледжі, Қызылорда «Болашақ» университеті және жоғары колледжі, «Абылай хан» атындағы жоғары колледжі, Қызылорда гуманитарлық-экономикалық колледжінде «Жақсыдан үйрен, жаманнан жирен» тақырыбында Қызылорда қалалық прокуротурасының мамандары, медиа саласының өкілдері және жастар мамандарының қатысуымен кездесулер өткізілді.Кездесу барысында жастарға заңға мойынсұнушылық мінез құлқын, құқықтық санасын және құқық мәдениетін қалыптастырумен қатар жетістікке қол жеткізудің жолдары, дұрыс мақсат қоя біліу, сәтсіздіктен сабақ ала отырып табысқа жету жолдары туралы ақпараттар айтылды. Оқу орнының түлегі, қазіргі таңда оқытушы қызметінде жүрген және қаламыздағы белсенді азаматтар өздерінің жетістікке жету жолдарымен бөлісіп, студенттермен пікір алмасты. Сонымен қатар кәмелетке толмағандар арсында құқық бұзу, топтық төбелес, зорлық-зомбылық, нашақорлық, басқа да қылмыстық істерің жасалуына ықпал ететін себептерін анықтау және оның алдын алу жөнінде ақпараттар айтылды.«Orda» жоғары колледжінің білім алушыларымен өткен кездесуге Қызылорда қалалық прокуратурасының бөлім басшысы Ә. Ергеш, Қалалық «Жастар ресурстық орталығының» директоры М. Жорабек, «Қазақстан Қызылорда» облыстық телеарнасының бас продюссері Д. Ақайдаров және өңірдегі спортшы жастар қатысты.&nbsp;Қорлан САРЫ

Қазақстан және Қызылорда облысының жаңалықтары