<a href="https://pixabay.com/ru/photos/%D0%BE%D1%81%D0%B5%D0%BD%D1%8C-%D0%BB%D0%B8%D1%81%D1%82%D1%8C%D1%8F-%D0%BB%D0%B8%D1%81%D1%82%D0%B2%D0%B0-%D0%BE%D1%81%D0%B5%D0%BD%D0%BD%D0%B8%D0%B5-%D0%BB%D0%B8%D1%81%D1%82%D1%8C%D1%8F-6188152/">ФОТО</a><a href="https://kyzylorda-news.kz/">Kyzylorda-news.kz.</a> Қазгидромет синоптиктері 25 қыркүйек, дүйсенбіге арналған ауа райы болжамын ұсынды.&nbsp;&nbsp;Антициклонның әсерінен Қазақстан аумағының көп бөлігінде жауын-шашын жаумайды.Тек еліміздің шығысында атмосфера фронттарының әсерінен жаңбыр, таулы аймақтарда жауын-шашын (жаңбыр, жылбысқы қар) болады.Республика бойынша түнде және таңертең тұман түседі, оңтүстікте, шығыста екпінді жел соғады.&nbsp;Қызылорда қаласының орталығында, шығысында, оңтүстігінде төтенше өрт қаупі сақталады.&nbsp;

25 қыркүйекке арналған ауа райы болжамы

Фото: https://kazsports.kz/<a href="https://kyzylorda-news.kz/">Kyzylorda-news.kz.</a> Санаулы сәттер бұрын дзюдошы Абиба Әбужақынова (48 кг) Қытайдың Ханчжоу қаласында өтіп жатқан ХІХ жазғы Азия ойындарында күміс жүлдегер атанды, деп хабарлайды Спортты дамыту дирекциясының баспасөз қызметі.Ол финалда 3 дүркін әлем чемпоны, 2018 жылғы Джакатадағы Азия ойындарының жеңімпазы жапониялық Нацумо Цунодаға есе жіберді. Әбиба – әйелдер арасында дзюдодан сары құрлық ойындарының финалына шыққан Варвара Масяинадан кейінгі (1998 жылы) екінші спортшы.Ұлттық құрама спортшысы Ханчжоудағы алғашқы белдесуінде Филиппин спортшысын вазари әдісімен, сосын, Солтүстік Корея палуанын ұтты. Ал жартылай финалда Оңтүстік кореялық Ли Хек Енг ескерту алып, Әбужақыноваға жол берді.Айта кетейік, Абиба Әбужақынова биыл ақпанда Португалияда Гран-При бәсекесінде топ жарған (әйелдер арасында) тұңғыш қазақ дзюдошына айналған. Сондай-ақ ол – Отгонцэцэг Галбадрахтан кейін қазақстандық арулар арасынан әлем чемпионатында медаль алған спортшы.

Абиба Әбужақынова – Азия ойындарының күміс жүлдегері

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев қазақстандықтарды Еңбек күнімен құттықтады.Құрметті отандастар! Сіздерді Еңбек күнімен шын жүректен құттықтаймын!Бұл – мемлекетіміздің тұрақты дамуына жасампаз ісімен үлес қосып келе жатқан нағыз еңбекқор жандарды ұлықтауға арналған маңызды мереке. Олар туған елдің жарқын болашағы үшін күн сайын тынбай еңбек етіп, отаншылдықтың озық үлгісін көрсетіп жүр.«Адал азаматқа» тән еңбекқорлық, іскерлік, жауапкершілік, білімпаздық және жақсыдан үйрену, жаманнан жирену сынды асыл қасиеттің бәрі шынайы еңбек адамының бойынан табылады. Сондықтан өз ісінің майталмандары қашанда қоғамның назарында болуға тиіс. Ал, жастарымыз соларға қарап бой түзеуі керек.Халқымыз «Еңбек – адамның көркі, адам – заманның көркі» деп бекер айтпаған. Шын мәнінде, адал еңбек – бүкіл жетістіктің бастауы, табысқа жетудің кілті. Мемлекет осы басты қағидат барлық жерде салтанат құруы үшін бәрін жасайды.

Президент қазақстандықтарды Еңбек күнімен құттықтады

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Шермағанбет Мейрамбек Зинабдинұлы Жалағаш ауданына жұмыс сапарымен келді.Жұмыс сапары барысында Мейрамбек Зинабдинұлы Жалағаш аудандық ауруханасының қызметімен, жаңадан орналастырылған медициналық құрылғылардың жұмысымен танысты. Бұл ретте ем алушы тұрғындар үшін сапалы және уақытылы қызмет көрсету қажеттігін жеткізді.Сонымен қатар облысы әкімінің орынбасары Мейрамбек Зинабдинұлы «ID Senim» ЖШС-нің гемодиализ орталығынның тұрғындар үшін сәтті жоба болғанын айтып, орталық жұмысына сәттілік тіледі.Қазіргі таңда аудан халқына – аудандық орталық аурухана, аудандық емхана,12 дәрігерлік амбулатория,2 фельдшерлік - акушерлік бекет және 2 медициналық бекет медициналық қызмет көрсетеді.Жалпы құны 102,0 млн. теңгені құрайтын «ID Senim» ЖШС-нің гемодиализ орталығы 11 адамды тұрақты жұмыспен қамтып отыр. Орталықтың негізгі қызметі диализге және трансплантацияға дейінгі ауқымды қамтиды және бүйрек ауруын емдеуге негізделген. Бүгінде аудан тұрғындары гемодиализ орталығының игілігін көруде.Айта кетейік, «Ауылда денсаулық сақтауды жаңғырту» пилоттық ұлттық жобасы аясында республикалық бюджеттен 752,8 млн. теңге бөлініп, Мырзабай ахун және Есет батыр ауылдарында жаңа дәрігерлік амбулатория құрылысы жүргізілуде.

Денсаулық саласындағы негізгі жұмыстар таныстырылды

<a href="https://kyzylorda-news.kz/">Kyzylorda-news.kz.</a> Халқымыздың ұлттық менталитетінің жарқын белгісі қашанда үлкенге құрмет, кішіге ізет көрсету десек, бүгінде ауданымыздың игі дәстүріне айналған ізгілікті шарасы жалғасын тапты.Қармақшы ауданының әкімі еліміздің, ауданымыздың дамуына өз үлесін қосып, бүгінде зейнет демалысындағы бір топ ардагерлерді киелі Түркістан шаһарына саяхатқа шығарып салды.Аудан басшысы: "Ауданымыздың әлеуметтік-экономикалық дамуына қосқан үлестеріңіз үшін Сіздерге ерекше алғысымды білдіремін. Қарты бар үйдің қазынасы бар демекші аудан ардагерлеріне құрмет көрсетіп, ізет білдіру біз үшін зор міндет. Түркінің тұран мекені киелі Түркістан сапарына сіздерге сәттілік тілеймін! Ат-көлік аман барып сау қайтыңыздар, ардақты ардагерлер"- деді.Түркістан сапары бағдарламасы бойынша ардагерлер «Қожа Ахмет Яссауи» кесенесіне зиярат етіп, қайта жанданған қаланың «Керуен сарай», «Этноауыл» ұлттық-мәдени кешендерін аралайтын болады.

Қармақшылық ардагерлер Түркістанға жолға шықты

<a href="https://kyzylorda-news.kz/">Kyzylorda-news.kz.</a> Облыстың 85 жылдығына орай бүгін Қызылорда қаласында «Бала барысы» біріншілігі өтті.Аймақ бойынша 34 жасөспірім қатысқан жарыстың нәтижесінде «Бахадүр» лақап атымен қызылордалық Болатбек Абылайхан «Көрермен көзайымы» атанса, ІІІ орын &nbsp;«Сыр Қажымұқаны» лақап атын иеленген Жаңақорғандық &nbsp;Байзақ Қажымұқанға бұйырды. Ақтық сында қарсыласына есе жіберген «Баймолда ұрпағы» лақап атымен Баймолда Исламбек ІІ орынмен «Күміс белбеуді» қанағат тұтса, І ОРЫН 200 МЫҢ ТЕҢГЕЛІК СЕРТИФИКАТ ПЕН «АЛТЫН БЕЛБЕУ» ҚАРМАҚШЫЛЫҚ «СЕМЕТЕЙ ЖАЛЫНЫ» ӘЛИХАН ӘЛИАСҚАРОВ ЖЕҢІП АЛЫП, АРНАЙЫ ЖАСАЛҒАН АУЫСПАЛЫ «ТАЙТҰЯҚТЫ» ИЕЛЕНДІ.

Бала барыстар боз кілемде бақ сынады

Сурет: pixabay<a href="https://kyzylorda-news.kz/">Kyzylorda-news.kz.</a> "Қазгидромет" синоптиктері ертең, 24 қыркүйекте бірнеше өңірде қар мен жаңбыр жауып, үсік болатынын болжады.Қызылорда облысында жел солтүстіктен, солтүстік-шығыстан соғады, күндіз облыстың оңтүстігінде күші 15-20 м/с күтіледі. 24-26 қыркүйекте Қызылорда облысының орталығында, шығысында, оңтүстігінде төтенше өрт қаупі сақталады.

24 қыркүйекке арналған ауа райы болжамы

Kyzylorda-news.kz. Қызылорда облысы әкімінің орынбасары &nbsp;Мейрамбек Шермағанбет Жалағаш ауданына жұмыс сапарымен барды.Жұмыс сапары барысында Мейрамбек Зинабдинұлы Жалағаш аудандық ауруханасының қызметімен, жаңадан орналастырылған медициналық құрылғылардың жұмысымен танысты.Бұл ретте ем алушы тұрғындар үшін сапалы және уақытылы қызмет көрсету қажеттігін жеткізді.Сонымен қатар облысы әкімінің орынбасары Мейрамбек Зинабдинұлы «ID Senim» ЖШС-нің гемодиализ орталығынның тұрғындар үшін сәтті жоба болғанын айтып, орталық жұмысына сәттілік тіледі.Қазіргі таңда аудан халқына – аудандық орталық аурухана, аудандық емхана,12 дәрігерлік амбулатория,2 фельдшерлік - акушерлік бекет және 2 медициналық бекет медициналық қызмет көрсетеді.Жалпы құны 102,0 млн. теңгені құрайтын «ID Senim» ЖШС-нің гемодиализ орталығы 11 адамды тұрақты жұмыспен қамтып отыр. Орталықтың негізгі қызметі диализге және трансплантацияға дейінгі ауқымды қамтиды және бүйрек ауруын емдеуге негізделген. Бүгінде аудан тұрғындары гемодиализ орталығының игілігін көруде.Айта кетейік, «Ауылда денсаулық сақтауды жаңғырту» пилоттық ұлттық жобасы аясында республикалық бюджеттен 752,8 млн. теңге бөлініп, Мырзабай ахун және Есет батыр ауылдарында жаңа дәрігерлік амбулатория құрылысы жүргізілуде.

«Ауылда денсаулық сақтауды жаңғырту»: Жалағашта 2 дәрігерлік амбулатория құрылысы жүргізілуде

<a href="https://kyzylorda-news.kz/">Kyzylorda-news.kz.</a> Бүкіл өмірін ұстаздыққа арнаған Шин Вилорий Николаевич 1936 жылы Хабаровск қаласында дүниеге келген. Ол өзінің қиын-қыстау, талайлы тағдырын былайша еске алады: «Жасқа толғанда әке-шешем репрессияға ұшырап, біз Қазақстанға жер аударылдық. Мен ол кезде есімді білмеймін, кішкентай сәби болатынмын. Сол кез корей халқы үшін қиын қыстау заман еді. Өкінішке орай, өзім «ана, әке» деген сөзді айтқан емеспін. Себебі олардан 1 жасымда айрылдым. Әкем мен анамның түрін көру мен үшін арман еді. Не дегенмен өмірден жасымадым.Ата-әжем және мен Сұлутөбе станциясындағы немере ағам Иннокенти Цхайдың қолында тұрып, М. Ломоносов атындағы орта мектепте білім алдым. Жас кезімнен спортты жақсы көретінмін. Спорт менің ұстаз атануыма үлкен септігін тигізді. Алғашында Қазалы ауданындағы №16 мектептің еңбек және сызу сабағынан дәріс бердім. Сонан соң дене шынықтыру пәнінің мұғалімі болдым. Жалпы өмір жолымдағы жеткен жетістіктерім үшін қазақ еліне, оның қонақжай халқына басымды иіп өтем. Қазақстанды өзімнің Отаным, өскен жерім дей отыра, осы елге деген сүйіспеншілігімді жүрегімнің төрінде мәңгілікке сақтаймын. Біз қазақ халқына шынында борыштармыз. Қазақ халқы репрессияға ұшырап, қазақ даласына жер аударылған барлық ұлыстарға туғанындай жәрдемдесті. Ата-бабаларымыз «Қазақтарды сыйлаңдар, біздің тірі жүргеніміз, сендердің амандықтарың тікелей бауырмал қазақ халқының арқасы» дейтін. Сол қамқорлықты бүгінгі буын да жақсы сезінеді. Қазақ ағайынның қамқорлығын көрген барлық ұлт, ұлыс өкілдері де осы ойда деп ойлаймын, оларға деген біздің алғысымыз шексіз», - дейді ұлағатты ұстаз өткенін еске алып.Вилорий Николаевич еңбек жолын Қазалы ауданындағы №16 мектептен бастады. Білім ордасында бірнеше жыл еңбек етіп, он бес жыл көлеміндей мектепті жоғары деңгейде басқарды. 1970 жылы Н. Гоголь атындағы Қызылорда педагогикалық институтын бітіріп, диплом алып, білімін одан әрі жетілдірді. Өз ісінің хас шебері, шәкірттердің бойына білім нәрін сіңіру жолында аянбай тер төкті.Бала бойына ата-анадан кейінгі ақыл-ой, адамгершілік, әдептілік, ар-ұят, ұлттық сана-сезімді сіңіруші адам - мұғалім. Ендеше, өз ісіне берілген, шәкіртінің жанына нұр құйып, өзгелерді бақытқа жеткізем деп еңбек еткен оның жөні де, жолы да бөлек. Бүгінгі таңда ұлағатты ұстаз, ардақты әке, асыл ата Вилорий Шиннің шәкірттері елдің әр аймағында беделді қызмет атқарып жүр. Бірі - Шәкен Айманов атындағы қазақ киностудиясының продюссері, бірі - ақ халатты абзал жан, енді бірі - газ саласының білікті маманы, тағы бірі - экономист. Атап айтқанда, бір топ жігерлі де қайратты шәкірттерді тәрбиеледі. Бүгінгі күні олар ұстазына барлық жағынан қолдау көрсетіп, рухани көмектерін аямай жүр. 2016 жылдың қазан айында Вилорий ақсақал 80 жасқа толған мерейтойын атап өтті. Оған Ресей Федерациясы мен шет елдерден ат терлетіп өзі білім нәрімен сусындатқан шәкірттері келді. Ұстаздарына деген ризашылығы мен сый-сияпаттарын көрсетті. Вилорий ұстаздың шәкірті, Қазалы ауданының экономика және бюджетті жоспарлау бөлімінің экономисі Қазынагүл Бәкеннің айтуынша, «Вилорий ағай Сыр өңірінің зиялы азаматтарының көшбасшысы. Ол өз ақыл парасатымен жастарға үлгі-өнеге бола білді. Оның Қазалы ауданының дамуына қосқан үлесі орасан зор. Біз Вилорий ұстаздан сабақ алдық, ол кісі тәлім берген әрбір шәкіртінің бойына адамзаттық құндылықтарды дарытты. Біз өмір бойы ол кісіні ардақтап өтеміз және осындай зерделі де зерек ұстаздың шәкірті болғанымызға мақтанамыз. Біз 1981 жылы 47 түлек мектепті тәмамдадық. Әлі күнге дейін ол кісімен хабарласып, жағдай білісіп, жақын бауырдай болып кеттік» дейді.Құрметті ұстаз зейнетке шыққаннан кейін де қаладағы №6 орта мектепте сабақ беріп, мемлекет және құқық пәнінің мұғалімі болды. Педагогикадағы адал қызметі жоғары бағаланып, Қазақ ССР-нің білім беру ісінің үздігі атанды. Бірнеше мәрте республикалық педагогикалық оқуларға қатысып, өзінің бай тәжірибесімен бөлісуден жалықпады.Вилорий ұстаз үшін ең үлкен марапат – 2014 жылы «Қазақстан халқы Ассамблеясының қызметін дамытуда қосқан үлесі үшін» берілген «Құрмет грамотасы». Тәуелсіздіктің 25 жылдығына орай Вилорий Шин Қазақстан халқы Ассамблеясының даму жолында өз үлесін қосып, жалпыхалықтық бірлікті нығайтудағы еңбегі бағаланып, облыстық Қазақстан халқы ассамблеясының ұйытқысымен «Қазақстан патриоты» номинациясын иеленді.«Қызылорда кәрістер қауымдастығы» облыстық филиалы төрағасының орынбасары Вилорий Шиннің қазақтармен құда болғанына 16 жылдан астам уақыт өтіпті. Корей этносы болса да, жүрегі қазақ деп соғатын ақсақал былай деп айтады: «Біз қазақ халқымен бірге біте қайнасып, асық ойнап, мал бағып, айран ішіп, нан жауып өстік. Елдегі қуанышты да, қайғыны да бірге көрдік. Қазақстанда тұратын әрбір этнос өкілдерінің бір-бірімен қарым-қатынасы, ынтымақтастығы жоғары. Қандай жағдайда да біз бәріміз бірігіп, әрбір шараны бір үйдің баласындай атқарамыз. Расында еліміз барлық ұлт пен ұлыстың бейбітшілік ордасына айналып, толеранттылықтың ерекше үлгісін танытып отыр.Облыста 11 этномәдени бірлестік жұмыс жасайды. Олар мемлекеттік саясатты қолдап, аймақтың өркендеуіне өзіндік үлес қосып келеді. Бүгінгі күні біздің бірлестік ұмыт болған салт-дәстүрімізді, ауызекі сөйлеу, жазу мәселелеріне мән беріп, осы бағытта жұмыс жасап жатырмыз. Негізінде мен корей болғаныммен өз тілімді жете білмеймін. Туған тілім - қазақ тілі деп айтамын. Мен қазақ елінің патриотымын. Патриот деген ұғымды баланың бойына сәби кезінен сіңіру керек. Патриот болу Отанды сүюмен ғана шектелмейді. Ол үшін бала кішкентай кезінен өзінің отбасын, өз ауылын, білім алған оқу ордасын, оны тәрбиелеп өсірген ата-анасы мен ұстаздарын шын ниетімен, жүрегімен сүюі керек. Сонда ғана адам нағыз патриот бола алады.Біздің облысқа көбіне Корей Республикасынан арнаулы орталықтар келіп, кішігірім кездесулер өтіп тұрады. Сондай кездесудің бірінде маған корей журналисі былай деп сұрақ қойған болатын «Сіз Оңтүстік Кореяның халқын жақсы көресіз бе, әлде Солтүстік корей халқын жақсы көресіз бе?». «Мен бейбітшілікті жақсы көремін» деп қысқа жауап бердім. Ол жауабыма қанағаттанбай кетті. Бұнымен айтпағым, біз қазақ жерінде өмір сүргендіктен ой-санамыз басқаша, өйткені біз «Достық мекенінде» тәрбиеленгенбіз. Ал, олар өзгеше тәлім-тәрбие алған» дейді ақсақал.Біз қазір жүздеген этнос өкілдері бас қосқан елміз. Біздерді бір тағдыр түйістірді. Бір шаңырақтың астында бірге түтін түтетіп жатқаннан кейін бізге достық та өте қажет. «Мұнсыз елдің ертеңін, жарқын болашақты елестету қиын.Ел алдында тұрған жарқын мақсатқа ел бірлігін сақтай отырып қана жететінімізді ұдайы ескертіп келеді. Халықтың сөзіне қарағанда, бақ дегенің кез келген жерге табан тірей бермейтін көрінеді. Ынтымақ, ауызбіршілік, жарасымдылық ұялаған жерге барып қонақтайды. Сол бақ қазір Қазақ елінде. Осы бақты сақтау үшін біз бәріміз бірлігімізге бекем болайық»,- дейді жүрегі қазақ деп соққан Вилорий Николаевич. Асел АБЗАЛ

Менің достық мекенім...

Kyzylorda-news.kz. «AMANAT» партиясы Жалағаш аудандық филиалының кезектен тыс ХХХVІІІ конференциясы болды. Аталған жиынның күн тәртібінде өз AMANAT» партиясы Жалағаш аудандық филиалының төрағасын сайлау туралы және «AMANAT» партиясы Жалағаш аудандық филиалы Саяси кеңесі құрамына өзгерістер енгізу мәселелері қаралды.Партияның аудандық филиалының конференция жұмысына &nbsp;партияның облыстық филиалының Атқарушы хатшысы Ләйлә Төрешова сонымен қатар, бастауыш партия ұйымының жетекшілері, партия ардагерлері, аудандық мәслихаттағы «AMANAT» партиясы депутаттық фракциясының мүшелері, партия белсенділері, «Жастар Рухы» жастар қанатының мүшелері мен БАҚ өкілдері қатысты.Конференция жұмысын аудандық партия &nbsp;филиалының Атқарушы хатшысы Қаншагүл Мұстафаева ашып, жүргізіп отырды.Күн тәртібіндегі «AMANAT» партиясы Жалағаш &nbsp;аудандық филиалының төрағасын сайлау бойынша мәселесі қаралды. Осы уақытқа дейін партия филиалының төрағасы қызметін атқарған Жақсылық Уздембаевқа алғыс білдіріп, партия филиалының жаңа төрағасы лауазымына аудандық мәслихат төрағасы Елеусінов Өмірзақтың &nbsp; кандидатурасы ұсынылып, жиынға қатысушы делегаттардың ашық дауыс беру арқылы қолдау тапты. Өз кезегінде сөз алған жаңа төраға аманаттықтардың өзіне артқан сенімдеріне зор ризашылығын білдіріп, бірлесе жұмыс жасауға шақырды.Уздембаев Жақсылық Нұрбайұлы – «Өркен Әлем» ЖШС директоры, «AMANAT» партиясы атынан сайланған VII шақырылымдағы Қызылорда облыстық мәслихат депутаты. Партияның «Бақытты отбасы», «Кедергісіз келешек», «Ардагерлерді ардақтайық» партиялық жобалары аясында түрлі форматта іс-шаралар ұйымдастырып, жоғары деңгейде өтуіне атсалысты. Партияның ұйымдастыруымен Жаңадария ауылдық округінде өткен Мобильді қоғамдық қабылдау барысында түскен ауылдық клуб қызметкерлерінің өтінішін оң шешу мақсатында Жаңадария ауылдық клубының 13 қызметкеріне сахналық киім тігіп беріп, демеушілік жасады. &nbsp; Сонымен қатар, еліміздің басына күн туған уақытта қуаңшылық жайлаған Арал ауданына, табиғи апатқа ұшыраған Қостанай облысына, жылусыз қалған Екібастұз қаласына қажетті көмек жолдарын ұйымдастырып, өз азаматтық ұстанымын білдірді. «Баланы мектепке даярлайық»! республикалық акциясы аясында 2023 жылы 80 оқушыға оқу-құралдары салынған рюкзак сыйға тартса, 2022 жылы 150 оқушыға, &nbsp;2021 жылы 32 оқушыға мектеп формасын тігіп берді.Жиын барысында &nbsp;сөз алған облыстық партия филиалының Атқарушы хатшысы Ләйлә Бегалықызы &nbsp;партия филиалы төрағасы қызметін атқарған Жақсылық Нұрбайұлына &nbsp;облыстық партия филиалының «Алғыс хатын» табыстап, атқарған жұмыстары үшін ризашылығын білдірсе, жаңадан сайланған &nbsp;төраға Өмірзақ Тұрымбетұлының жұмысына сәттілік тіледі.Сонымен бірге, партияның саяси Тұғырнамасы мен Сайлауалды бағдарламасында айқындалған еліміз бен аймағымыздың табысты дамуына бағытталған міндеттері, мәслихаттардағы партия фракциясы, Сайлауалды бағдарламаны іске асыруға арналған Жол картасының әрбір индикаторлары, сайлау науқаны кезінде тұрғындардан түскен талап-тілектердің орындалуы, «AMANAT» партиясынан сайланған барлық деңгейдегі мәслихаттар депутаттарының алғашқы республикалық форумында мәслихаттар жұмысындағы өзгерістерді ілгерілету мен өкілеттіктерін кеңейту мәселелері, Қоғамдық қабылдау жұмысы, «Ауыл аманаты» және «Жер аманаты» туралы бірқатар міндеттерді айтып өтті.Өз кезегінде сөз алған партияның аудандық филиалының төрағасы Өмірзақ Тұрымбетұлы өзіне жүктелген міндетті абыроймен атқаруға және алдағы уақытта барша партияластарды бірлесе жұмыс жасауға шақырды.Күн тәртібіне қойылған екінші мәселе бойынша партияның аудандық филиалы Саяси кеңесінің құрамы делегаттардың ашық дауыс беру нәтижесі бойынша жаңартылды. Мұнан соң партияның аудандық филиалының төрағасы Өмірзақ Тұрымбетұлы &nbsp;төрағалығымен Саяси кеңестің кеңейтілген отырысымен жалғасып, Саяси кеңес Бюро құрамынада өзгерістер енгізілді. &nbsp;

  «AMANAT» партиясы Жалағаш аудандық филиалының төрағасы сайланды 

Kyzylorda-news.kz. Аймақта «Startup Jolу» инкубациялық бағдарламасының алғашқы кезеңі өз мәресіне жетті.Инновациялық жобаларды дамытуға бағытталған бағдарламаның келесі ағымы 25 қыркүйектен бастау алып, 27 қазанға дейін жалғасады. Бұл туралы Қызылорда облысының Өңірлік коммуникациялар қызметінде өткен брифингте Қорқыт ата атындағы Қызылорда университеті кәсіпкерлік орталығының басшысы Жанарыс Тубекбаев мәлімдеді.&nbsp; - &nbsp;«Startup Jolу» инкубациялық бағдарламасына қатысуға 135 қатысушы өтінім беріп, 57 жоба қабылданды. Қабылданған жоба жетекшілері менторлармен жеке жұмыс жасап, тегін 16 семинарға қатысып, білімдерін жетілдірді. Инкубациялық бағдарламада “Demo Day” инновациялық жобалар байқауы ұйымдастырылды. Байқауға қатысушыларының арасынан 26 жоба іріктеліп, инвесторларға таныстырылды, - деді Жанарыс Алтынбекұлы.&nbsp;Брифинг барысында Қорқыт ата атындағы Қызылорда университеті “Рекрутинг және мансап” басқармасының басшысы Жандос Шынжырбайұлы байқау жеңімпаздарына 1 млн теңге үлестірілгенін атап көрсетті,&nbsp; &nbsp; &nbsp; &nbsp;- &nbsp;Demo Day қатысушылары арасында 3 жобаға қаржылай жүлде мен арнайы сертификаттар табысталды. Сертификат арқылы QazInnovations ұйымының 100 млн-ға дейінгі гранттық бағдарламасына қатыса алады. - деді Жандос Шынжырбайұлы. &nbsp; &nbsp; &nbsp;Жобада І орын иелеген Раушанбек Бейбарыс оқушылар, студенттер дайын заттарды пайдаланбай, өз қолдарымен құралдар жасағанын қалайтынын жеткізді. Осы мақсатпен мен Demo Day-ге “Educopter” атты оқу-жаттығу дрон жиынтығын әзірлегенін, осы жиынтық арқылы кез келген адам өзінің алғашқы дронын құрастырып, бағдарламалай алатынын айтты.&nbsp; &nbsp; &nbsp; &nbsp; &nbsp;Қатысуға өтінім қабылдау 25 қыркүйекке дейін жалғасады. Өтінім беру үшін www.kyzylordahub.kz сайтына өту қажет. Екінші ағынның қатысушыларына семинарлар, воркшоптар және шеберлік сабақтар өткізіледі. Инновациялық жобаларды дамытуды қолға алған орталық қазан айында тағы Demo Day ұйымдастырады

«Startup Jolу» инкубациялық бағдарламасының алғашқы кезеңі аяқталды

Kyzylorda-news.kz. «Қазгидромет» РМК 23-25 қыркүйек аралығында күн райы қандай болатынын мәлім етті.Алдағы күндері батыс пен оңтүстікте, Ақтөбе облысында және Ұлытау облысында жауын-шашынсыз ауа райы болжанады.Аталған кезеңнің басында солтүстік өңірлерде және Қарағанды облысында жаңбыр жауады.Елдің шығысы мен оңтүстік-шығысында, сондай-ақ жаңбыр күтіледі. Кей уақытта қатты жаңбыр жаууы ықтимал. Түнде таулы аймақтарда оның соңы қарға ұласуы мүмкін.Елдің солтүстігінде, шығысында және орталығында түнгі және таңертеңгі сағаттарда 2 градусқа дейін үсік жүреді.Күндізгі сағаттарда ҚР батысында ауа температурасы 25-30 жылыға дейін, солтүстік, оңтүстік өңірлерде және орталықта ауа бағамы 18-23 жылыға дейін көтеріледі. Ал республиканың шығысында температура 7-13 жылыға дейін төмендейді.

Қазақстан және Қызылорда облысының жаңалықтары