<a href="https://kyzylorda-news.kz/">Kyzylorda-news.kz</a>&nbsp; «Ұлы Дала жорығы-2024» эпикалық марафон-бәйгенің жеңімпаздары бүгін белгілі болады.Бүгін, 23 мамырда Астана тұрғындары мен қонақтары «Ұлы дала жорығы» көпкүндік марафон-бәйгесінің майталмандарын салтанатты түрде марапаттау рәсіміне куә бола алады. Салтанатты шара сағат 19:00-де Көкшетаудан қалаға кіре берістегі экопосттың жанында орналасқан «Құлагер» монументіндеөтеді.Ат спорты әуесқойлары мен еліміздің әр өңірлерінің өкілдерін біріктіретін спорт әлеміндегі ерекше оқиғақазақтың көрнекті геолог-ғалымы Қаныш Сәтбаевтың 125 жылдығына&nbsp;арналып отыр.Биыл жол қашықтығы500 шақырымды құрады және бағыт Павлодар, Ақмола облыстарын қамтыды.Бас жүлде - 15 000 000 теңге, 2 орын - 10 000 000 теңге, 3 орын - 5 000 000 теңге.Сонымен қатар, алғашқы үш жеңімпаз5-ші Дүниежүзілік көшпенділер ойындары алдында 3-7 қыркүйек аралығында өтетін &nbsp;халықаралық марафон-бәйгеге қатысуға лицензия алады. Халықаралық кезеңге шет мемлекеттерден кемінде 10 команда қатысады деп күтілуде (Түркия, Сауд Арабиясы, Моңғолия, Венгрия, Түрікменстан, Иран, Өзбекстан және т.б.).Жобаның ұйымдастырушылары:&nbsp;ҚР Ұлттық спорт қауымдастығы мен «JORYQ» федерациясы.Қолдау көрсетушілер: «Аманат» партиясы, Павлодар облыстық әкімдігі, Қазақстан Республикасы спорт және туризм министрлігі.«Ұлы Дала Жорығы» – жылқы баласының ең мықтыәрі төзімді тұқымы анықталатын далалық лабораториясы.&nbsp;

Бүгін «Ұлы дала жорығы-2024» марафон-бәйгесінің жеңімпаздары марапатталады

<a href="https://kyzylorda-news.kz/">Kyzylorda-news.kz</a> Ұстаз болу – жүрек жылуын, мейірім шуағын, адамгершілік ұлылығын баланың бойына дарыту. Осындай ұстаздыққа қойылатын биік талап үдесінен шығып, шәкірттерінің сүйіктісіне айналған жан №42 Қ.Баймағанбетов атындағы мектеп-лицейдің бастауыш сынып мұғалімі Роза Бердікеева.<blockquote>– Роза Әлденбайқызы – бірінші&nbsp;санатты педагог-зерттеуші. Өзінің&nbsp;өнегелі еңбек жолында көптеген жетістіктерге қол жеткізіп, білім саласында шәкірттерге саналы тәрбие мен сапалы білім беруде аянбай еңбек етуде. Сабақтарында жаңа технологиялық замануи әдіс-тәсілдерді пайдаланып, үлкен дайындықпен, шығармашылықпен, жауапкершілікті түсіне отырып өткізеді, – дейді әріптесі Құрманғали Құлымбетов.</blockquote>Білікті ұстаздың шәкірттері облыстық, республикалық олимпиада, ғылыми жобалардың жеңімпаздары, мектепті үздік бітірген алтын белгі иегерлері. Жалпы білім беру ұйымдарының екінші, төртінші сынып оқушылар арасындағы республикалық &nbsp;«Бастау» математикалық турнирінің облыстық кезеңінде 4-сынып оқушысы Сымбат Серікбай екінші орынды иеленді. Ұлағатты ұстаз шәкірттерін ғылым жолына қызықтырып, ізденіспен жұмыс жасауды басты назарда ұстайды. Соңғы жылдары оқушылары ғылыми жоба байқауларында жетістіктерімен қуантып жүр. Атап айтқанда шәкірттері Айзере Төлеген Айзере мен Назерке Қайролла «Алоэ – жасыл дәрігер» тақырыбында "Зерде" республикалық &nbsp;ғылыми жобалар байқауында екінші орын иеленіп, ұстаз мерейін өсірді.Роза Бердікеева «Білім беру мазмұны, жаңарту идеялары бастауышта: теория тәжірибе және нәтиже» тақырыбында республикалық ғылыми тәжірибелік конференцияға қатысып, үздік шығармашылық жұмысы үшін Алғыс хатпен марапатталды. Өз тәжірибесінен дайындалған әдістемелік нұсқаулықтары мен «Мен зерттеушімін» атты жаратылыстану пәні бойынша авторлық бағдарламасы үздік деп танылып, іс-тәжірибесі аудан көлемінде таратылуда. Білікті ұстаз мектептегі жас мамандарға бар білгенін үйретіп, тәжірибе алмасып, тәлімгерлік атқарып келеді. Жастарға әдістемелік көмек ұйымдастырып, биік жетістіктерге жетелейді.<blockquote>– 2022-2023 оқу жылында педагогикалық шеберлік орталығында «Мектеп командасы: тиімді басқару және білім сапасы»&nbsp;тақырыбында білім беру бағдарламасы бойынша білім көтеру курсынан өттім. Курста алған білімім бойынша мектепте ата-аналар серіктестігін күшейту жобасы аясында жұмыс жасадым.Ұрпағымыздың тәрбиелі, білімді азамат болып өсуінде ата-ананың атқарар рөлі ерекше деп айтар едім. Осы бағытта ата-аналармен «Әкелер мектебі», «Әжемнің ертегісі», «Мектептегі бір күн» тақырыбындағы арнайы ұйымдастырылған іс-шаралар балалардың білімі мен тәрбиесіне &nbsp;оң әсерін берді, – дейді шығармашыл ұстаз.</blockquote>Ардақты ұстаз педагогикалық еңбек өтілінде ұзақ мерзімді нәтижелі жұмыстары үшін аудандық білім бөлімінің, аудан әкімінің, облыстық білім басқармасының Құрмет грамотасымен, Алғыс хатымен марапатталды. Жылдың үздігі, «Жыл ұстазы» аталымының жеңімпазы атанған Роза Әлденбайқызы білімге деген құштарлығымен, біліктілігімен ел алдында зор беделге ие. &nbsp; Еліміздің ертеңі, жас ұрпақтың жаңа заманға сай жігерлі де, намысты болып өсуіне біліммен қаруландырып, бойларына қазақы болмыс тәрбиесін сіңіруде атсалысып жүрген шебер ұстаз.Бибісара ТАҢАТАРҚЫЗЫ

Бастауыштың үздік шығармашыл ұстазы

<a href="https://kyzylorda-news.kz/">Kyzylorda-news.kz</a>&nbsp; Кеше Сырдария ауданы әкімі Берік Сәрменбаевтың төрағалығымен қылмыстық құқық бұзушылықтардың алдын алудағы профилактикалық шаралардың тиімділігі жөнінде мәжіліс өтті. Оған Қызылорда облысы прокурорының бірінші орынбасары Исламбек Төлегенов арнайы қатысты. Мәжіліс барысында пробация және полиция есебінде тұрған тұлғалар мен бұрын сотты болғандарға әлеуметтік-құқықтық көмек көрсетудің деңгейі, отбасылық тұрмыстық зорлық-зомбылықтың алдын алу және алкоголь өнімін тиісті рұқсатсыз өткізген тұлғаларды жауаптылыққа тарту мәселелері де қаралды.Аудан басшысы қылмыстық құқық бұзушылықтардың алдын алу үшін нақты шараларды бірлесе атқаруға тоқталды.<blockquote>– Өздеріңізге белгілі, Мемлекет басшысы Қасым-Жомарт Кемелұлы Тоқаев тұрмыстық зорлық-зомбылыққа қарсы заңға қатысты жазаны күшейтті. Бұған дейін отбасындағы тұрмыстық зорлық-зомбылыққа барғандар тек әкімшілік жазамен құтылып келсе, енді қылмыстық жауапкершілікке тартылады. Бұдан бөлек, пробация есебінде тұрған азаматтарды қоғамға бейімдеу, қалыпты отбасылық жағдайға жеткізу – өзекті мәселе. Сондықтан оларға қолдау көрсетуде бірлесе жұмыс атқаруымыз қажет. Жалпы, қылмыстық құқық бұзушылыққа жол бермеу қажет, – деді Берік Әбдіғаппарұлы.</blockquote>Күн тәртібіндегі мәселелер бойынша аудандық полиция бөлімі басшысының міндетін атқарушы Ә.Ханзадаев, аудандық жұмыспен қамту және әлеуметтік бағдарламалар бөлімінің басшысы М.Қаратаев, аудандық пробация қызметінің аға инспекторы Н.Дүйсенбаев хабарлама жасап, құқық бұзушылыққа итермелейтін себептер мен жағдайлардың алдын алу, пробация есебіндегі азаматтарды қоғамға бейімдеу, тұрмыстық зорлық-зомбылықты болдырмау, азаматтардың құқықтық мәдениетінің деңгейін арттыру мақсатында атқарылып жатқан жұмыстарды атап көрсетті.Өз кезегінде Қызылорда облысы прокурорының бірінші орынбасары И.Төлегенов алкоголь өнімдерінің заңсыз, белгіленген уақыттан тыс сатылуына тосқауыл қою мәселесін қозғап, бұл ретте алкогольден бас тартқан аудандағы Айдарлы ауылының тәжірибесін өзге елді мекендерге үлгі ету керектігін айтты.

Профилактикалық шаралар талқыланды

Қызылорда: Тамыры тереңге бойлаған тарихи мектеп

&nbsp;<a href="https://kyzylorda-news.kz/">Kyzylorda-news.kz</a>&nbsp; Қызылорда қалалық орталықтандырылған кітапханалар жүйесіне қарасты №19 кітапханада мемлекет және қоғам қайраткері, Ұлы Отан соғысының ардагері Ғафур Мұхамеджановқа 100 жыл толуына орай «Ел жадында қалған ер» атты портрет кеші өткізілді.Шара барысында Ғафур Мұхамеджановтың өнегелі өмір жолы, ерлігі мен қызметтік жолдарынан маңызды мағлұматтар берілді.Ғафур Мұхамеджанов үш мәрте «Еңбек Қызыл Ту» орденімен, «Ерен еңбегі үшін», «Георгий Жуков», «Тыңға 50 жыл», «Қазақстан Конституциясына 10 жыл» медальдарымен, Ұлы Отан соғысында ерлік көрсеткені үшін ІІІ «Даңқ», І дәрежелі «Отан соғысы» ордендерімен, «Ерлігі үшін» медальдарымен наградталып, еліне адал қызмет еткен жан. Соғыс және еңбек ардагері Ғафур Мұхамеджанов 1924 жылы 1 шілдеде Жаңақорған ауданында дүниеге келіп, 2007 жылы 3 наурызда өмірден озған. Шиелідегі жаңадан ашылған №270 қазақ орта мектебіне Қызылорда облысының құрметті азаматы Ғафур Мұхамеджанов есімі берілді. Сонымен бірге, Жаңақорған ауданы мен Қызылорда қаласының Сырдария өзенінің сол жағалауындағы көшеге Ғафур Мұхамеджановтың есімін берілді, «Жастар орталығы» жанында жарқын бейнесін жаңғыртқан тақтайша ілінген.

Қызылордада «Ел жадында қалған ер» атты портрет кеші өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда қалалық орталықтандырылған кітапханалар жүйесіне қарасты №6 кітапхана «Бір ел – бір кітап» республикалық акциясы аясында көрнекті жазушы Бердібек Соқпақбаевтың 100 жылдығына орай оқырман көп біле бермейтін 1966 жылы жазылған «Қайдасың, Гауһар?» шығармасы бойынша оқырмандар конференциясын өткізді.Шара барысында оқырмандар Б.Серікбай, Ж.Амантай, Д.Жақсылық, Г.Ақылбек «Жәнібектің қалаға оқуға келуі», «Жәнібектің қаланың қызы Гауһармен танысуы», «Жәнібек пен Гауһардың арасында шынайы махаббат, мөлдір сезім болды ма?», «Жәнібек пен Гауһардың қосылмауының және де Гауһардың Алматыдан кетуінің себебі неде?» деген сұрақтар төңірегінде лирикаға толы шығарма жайлы өз ойларын ортаға салды. Шығармаға арқау болған басты кейіпкерлер Жәнібек, Гауһар, Жақанның бейнелеріне талдау жасап, мінездеме берді, пікірлерін білдірді.Шараның мақсаты – жазушы шығармасы арқылы жастардың бойына шынайы, мөлдір махаббаттың қалыптасуына ықпал ету, адамгершілікке, адалдыққа, имандылыққа тәрбиелеу, көркем сөйлеу, өз ойларын еркін жеткізуге дағдыландыру. Жазушының өшпес туындыларын рухани игілікке айналдыру.

Қызылордалық оқушылар «Бір ел – бір кітап» акциясы аясында конференцияға қатысты

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінің «Дәстүрлі музыка өнері және хореграфия» білім беру бағдарламаларының аға оқытушысы Рамазан Сағындықұлына «Қорқыт ата атындағы Қызылорда университетінің Құрметті профессоры» атағы берілді.Білім ордасының Басқарма Төрағасы-Ректор Бейбіткүл Каримова құттықтап, «Қорқыт ата атындағы Қызылорда университетінің Құрметті Профессоры» атағын табыс етті. Арнайы профессор мантиясын кигізіп, құрмет білдірді. Жиында әріптестері ақ тілегін арнап, кәсіподақ ұйымының атынан сыйлық табыс етілді. Құттықтау сәтіне өнер майталмандары мен ұжымдастары қатысты.Айта кетейік, қазақ өнерінде әсем әндерімен танылған композитор, Қазақстан Республикасының Еңбек сіңірген қайраткері, «Құрмет» орденінің иегері, Қазақстан Композиторлар Одағының мүшесі, Қызылорда облысының Құрметті Азаматы Рамазан Тайманов &nbsp;70 жаста.&nbsp; Жуырда Қорқыт ата атындағы Қызылорда университетінің «Мұстафа Шоқай» ғылыми орталығында тарих ғылымдарының докторы, профессор Өтеубай Қожақұлының 70 жасқа толуына орай «Гуманитарлық-педагогикалық» институт Кеңесінің салтанатты мәжілісі өтті. Мәжілісті институт директоры т.ғ.к., доцент Тайман &nbsp;Сағат Тамшыбайұлы жүргізді. Қорқыт Ата атындағы Қызылорда университетінің Басқарма Төрағасы-ректор, ф.ғ.к. Каримова Бейбіткүл Сәрсемханқызы құттықтау сөз сөйлеп, профессор ұстаздың оқу орнында атқарған жемісті жұмыстары мен ғылыми - педагогикалық қызметіндегі елеулі жетістіктеріне де тоқталып өтті.&nbsp;Педагогикалық қызметін үзбей ғылыммен ұштастырып отырғанын баса айта келіп, сөз соңын: «Бүгінде Өтеубай Қожақұлы XXI ғасыр ұрпағына жаңаша білім мен тәрбие беруде өз үлесін қосып келе жатқан үлгілі ұстаз, көрнекті ғалым» - деп түйіндеді.Қоғам және мемлекет қайраткері, профессор &nbsp;Мұрат Бақтиярұлы, “Тарих және археология білім беру” бағдарламаларының профессоры, т.ғ.д. Тастанбек &nbsp;Яхьяұлы, &nbsp;облыстық білім басқармасының басшысы Асқарбек Есжанов және мерейтой иесінің туған жері Қазалы ауданы әкімінің орынбасары Дәурен Тлеумбетов құттықтау сөз сөйледі.&nbsp;Қадірлі ұстазды мерейтойымен құттықтап, өңіріміздегі жоғары оқу орындарының өкілдері, облыстық әмбебап ғылыми кітапхана, архив және мектеп директорлары келді. “Гуманитарлық-педагогикалық” білім беру бағдарламасының жетекшілері және шәкірттері де ізгі тілектерін жеткізді. Салтанатты мәжіліс соңында профессор-ғалымға шапан жабылып, құрмет көрсетілді. &nbsp;Қорлан САРЫ Фото:aqmeshit-zhastary.kz

Сырбойылық профессорлардың еңбегі еленуде

<a href="https://kyzylorda-news.kz/">Kyzylorda-news.kz</a>&nbsp; М.Х.Дулати атындағы Тараз өңірлік университетінің базасында «Қуатты өңірлік ғылым – қуатты өңір» бастамасын іске асыру аясында өңірлік ғылымды дамыту мәселесі бойынша Қазақстан Республикасы Президенті жанындағы Қазақстан Республикасы Ұлттық Ғылым академиясы Президиумының көшпелі отырысы өтті.&nbsp;Ұлттық академия ұсынған «Қуатты өңірлік ғылым – қуатты өңір» бастамасын іске асыру аясында өңірлік ғылымды дамыту мәселесі бойынша Республиканың әр өңірінен ғалымдар бас қосты. Отырысқа Жамбыл облысының әкімі Е. Қарашөкеев, ҚР Ауыл шаруашылығы, Ғылым және жоғары білім, Су ресурстары және ирригация, Экология және табиғи ресурстар Вице-министрлері, ҚР Парламенттің қос палатасының депутаттары, ҰАҒББО АҚ, «Атамекен» ҰКП, «Ғылым қоры» АҚ, ЖОО және ҒЗИ бірінші басшылары, өңірлік бизнес субъектілерінің басшылары, стейкхолдерлер, жетекші ғалымдар, тәуелсіз сарапшылар, бұқаралық ақпарат құралдарының өкілдері қатысты. Сондай-ақ отырысқа Қорқыт ата атындағы Қызылорда университетінің ғалымдары да қатысып қайтты.<img src="https://knadmin.beoblood.kz/uploads/ltty_ylym_akademiyasy_Prezidiumyny_k_shpeli_otyrysyna_tti_1_55838df327.jpg" alt="Ұлттық Ғылым академиясы Президиумының көшпелі отырысына өтті 1.jpg">Президиум отырысында өңірлік ғылымды дамыту, өңірдің ғылыми ұйымдарын басқару, жергілікті жерлерде білім тарату орталықтарын құру және олардың жұмыс істеуі мәселелері талқыланды. Осыған орай Ұлттық ғылым академиясы аталған мәселені шешуге бағытталған бірқатар нақты шаралар ұсынды. Бұл аталған іс шараларды Жамбыл облысының аймағында пилоттық режимде жүзеге асыруды және оны кейіннен еліміздің барлық өңірлерінде іске асыруға ұсыныс айтылды. Қорқыт ата атындағы Қызылорда университетінің ғалымдары ғылыми жетістіктерін көрмеге қойды.&nbsp;Қорлан САРЫ Фото:aqmeshit-zhastary.kz

Ұлттық Ғылым академиясы Президиумының көшпелі отырысына өтті

<a href="https://kyzylorda-news.kz/">Kyzylorda-news.kz</a> Мектеп – білім тірегі болса, ал ұстаз – оның жүрегі. «Ұстазы жақсының ұстамы жақсы» болары да айдан анық. Бұл ұстаз – Шиелі өңірінің білім&nbsp; сапасын дамытуға үздіксіз үлес қосып келеді. Кейіпкеріміз шежірелі өлкеде ең алғашқы болып педагог-шебер біліктілігін қорғаған шығармашыл ұстаз ретінде көпшілікке танымал әрі үлгі. Кәсіби биіктен көрініп, шәкірт алғысына бөлену әр ұстаз үшін шынайы бақыт десек, біздің бүгінгі кейіпкеріміздің дәл осы бақытқа кенеліп жүргеніне тура – 33 жыл. Таныс болыңыздар, ол – Фатима Қасқабаева. Қазіргі таңда Шиелідегі №47 М.В.Ломоносов атындағы мектеп-лицейдің тарих пәнінің мұғалімі, «Тарих және қоғамдық ғылымдар Академиясының» мүшесі. Ұстаз үшін табысты болудың басты сыры неде? Бұл сауалымызға жауап іздеу үшін біз Фатима Серікбайқызын сүбелі сұхбатқа шақырдық. Биязы болмысқа ие ұстаз да тәжірибесі мен жетістіктерін өзгелермен біздің басылым арқылы бөлісудің құп көрді. Олай болса, назар салыңыз!&nbsp;– Фатима Серікбайқызы, алдымен сұхбат беруге ниеттенгеніңіз үшін алғыс білдіреміз. Әңгімеміздің әлқиссасын өз өмірбаяныңыздан бастасақ. Ұстаз болу бала кезгі арманыңыз ба еді?&nbsp;– Мен 1969 жылдың 19 шілдеде Шиелі кентінде дүниеге келдім. Ата- анам Серікбай Қасқабаев және Рсалды Байсымақова сегіз ұл-қызды еңбексүйгіштікке, адалдыққа, қарапайымдылыққа тәрбиелеген. Мен үйдің тұңғышымын. Әкем Серікбай Дүйсенбайұлы Ресейдің Воронеж қаласында орысша білім алған. Қызылордадағы, Аралдағы, содан соң Шиелідегі Астық сақтау және тарату базасы мекемесінде ұзақ жылдар бойына зейнетке шыққанға дейін абыроймен қызмет атқарған. Анам алғашында отбасында бала тәрбиесімен, кейіннен мектепте техникалық қызметкер болып зейнетке шықты. Отбасында әкелік қамқорлық пен ананың жылулығын өмір бойына сезініп өстік. Отбасын әкеміз басқарып үнемі ақылын айтып қадағалап отыратын. Менің өмірімдегі ерекше үлгі эталон ол – менің әкем. Қыз болсам да, сол әкеме ұқсауға тырысатынмын. Ол кісі бүгінгі күні өмірден өткен. Бірақ, ол кісінің «Әкелік тұлғасы» мен үшін таусылмайтын жыр-дастан. Ал бүгінгі «Ұстаздық» мамандығыма келсем, ол менің бала күнгі арманым.– Демек, бұл ұлы мамандыққа жастайыңыздан мойын бұрдыңыз ғой?&nbsp;– Бұл ұлы мамандықты таңдауыма ең алғаш бағыттаған – әкем. Ол кісі менің жалпы болмысыма қарап осы ұстаздық жолға қарай итермеледі. Ары қарай толық таңдауыма менің ұстаздарым себепші болды. Алғашқы ұстазым Ұлбала апайым, сынып жетекшім Злиха апайым, тарих пәнінің мұғалімдері Злиха апай және Құлымбет ағайларға алғысым шексіз. Әр ұстазға қарап «Ұстаз» болуды армандадым. Өз мектебімде ұстаз болу – менің бала күнгі арманым. 1986 жылы №47 М.В.Ломоносов атындағы орта мектепті бітіріп, Қызылорда қаласындағы Н.В.Гоголь атындағы пединституттың «Тарих және қосымша француз тілі» мамандығы бойынша оқуға түстім. 1991 жылы осы оқу орнын «Үздік дипломға» бітіріп өз алтын ұя мектебіме жұмысқа орналастым. Міне, содан бері 33 жыл өтіпті. Егер, уақытты кейін бұрсақ та мен осы мамандықты еш ойланбастан таңдар едім. Менің еңбек кітапшамда бір ғана мектеп осы–&nbsp; №47 мектеп-лицейдегі 33 жылдық ұстаздық жолым жазылған. Әлі де жазылады деп ойлаймын.&nbsp;– Өзіңіздің және шәкірттеріңіздің тың жетістіктерімен бөлісе отырсаңыз. Шоқтығы биік жеңісіңіз қандай?– Ұстаздық жолды ең алғаш аттаған сәттен бастап шәкірттерімнің жетістікке жетіп, биік мінбелерден жүлдегер атанғанын көріп қуануды армандадым. Арнайы республикалық пәндік олимпиадалардың марапатталу салтанаттарын көрдім. Ол кезде олимпиадаға және ғылыми жобаға дайындау туралы деректер жоқтың қасы. Жылдан-жылға шәкірттерді сол бағыттарда даярлап, тәжірибе жинақтап, қағазға түсіріп баспаға беріп отырдым. Міне, солай алғашқы республика деңгейінде әдістемелік құралдарым шықты. Ұстаздық жол – бұл шәкірттерге білім мен тәрбие беру. Шәкірттерімді баптай отырып пәндік олимпиадаларға бәйгеге қостым. Пәндік олимпиада – ол басты білім сайысы. Алғашқы шәкірттерім өзім армандаған «Білім додасынан» топ жара бастады. Оларды көріп қуанып, марқайдым. Менің «Білім жетістігі» қоржынымда көптеген білімді шәкірттерім бар. Атап айтсам, республика деңгейінде Сая Қызылбаева, Маржан Ережепова, Абай Тұрғанбаев, Арайлым Сағынтаева Арайлым, Аида Мұхамедалиева, Таңшолпан Сағынтаева, т.б. Ғылыми жобаға оқушыларды дайындай отырып түрлі халықаралық, республикалық, облыстық, аудандық деңгейдегі жарыстардан түрлі жүлделер алдық. Әр ғылыми жобаның мен үшін әртүрлі қызықты естеліктері бар. Баланы осы жолға бағыттап шабыттандыруды қажет ететін бағыт. Бұл бағыттағы шәкірттер – нағыз дарын иелері.&nbsp;Менің кеудеме тағылған төсбелгілер, түрлі марапаттар жайлы мен еш уақытта армандап ойланбаппын. Марапатты еш қуаламаппын. Ел баласы үшін адал еңбек етсең, марапат өзі сені іздеп табады екен.&nbsp;– Ұстаздық қызметтегі концептуалдық ұстанымыңыз қандай?– Менің негізгі ұстанымым – елін, жерін сүйетін ұлтжанды ұрпақ тәрбиелеу. Бұл ел келешегінің кепілі деп ойлаймын. Жүсіпбек Аймауытов айтқандай, «Сабақ беру – үйреншікті жәй шеберлік емес, ол – үнемі жаңадан жаңаны табатын өнер». Ұстаз – мектептің де, қоғамның да, ғылымның да, білімнің де, тарихтың да, ұлттың да, жақсы мінездің де жанды өкілі.– Жалпы, шәкірт тәрбиелеудегі негізгі миссияңыз қандай? Бүгінде ұстаздардың тұрмысы түзелгелі бері бұл мамандықты игеруге ниеттілер саны да күрт өскені белгілі. Осы ретте көкейге кез келген адам мықты ұстаз болуға қауқарлы ма? Пікіріңіз?– Шәкірт тәрбиелеудегі негізгі миссиям – ұлт болашағын қалыптастыруға үлес қосу. Соңғы кездері ұстаздардың жалақысы артып ұстаздық жолды таңдаған жастар көбеюде. Бұл әрине көңіл қуантады. Кез келген мұғалім мықты ұстаз бола алады. Ол үшін тынымсыз еңбек пен шыдамдылық ауадай қажет. Алайда ұстаз тұрмысы түзелді деп мен толық айта алмаймын. Қазіргі таңда ұстазға жүктелеген жүк өте ауыр. Ұстаз өз міндетінен бөлек миссиялармен айналысуға да тура келеді. Мәселені мектептен, ұстаздан іздеуден басқа мәселе қалмаған ба, деп те ойлайсың. Қанша дегенмен ұстаз – қоғамдағы зиялы қауым өкілі. Бүкіл елде болып жатқан өзгертерге түсіністікпен қарауға тырысады. Ұстаз мәртебесін нықтау үшін әлі де нақты заңдар қажет. «Ұстазын қадірлеген ел озады» деген бар. Кезінде алаш зиялылыры айтқандай «Алты Алаштың ұлы жиналған жерде төр – мұғалімдікі» болуы тиіс.– Алға қойған жоспар, бағыт-бағдарыңызбен бөлісе кетсеңіз.– Алға қойған жоспар көп. Атқарылған іс бір тоғыз, атқарылмағаны тоқсан тоғыз. Қолымнан келгенше білім саласындағы өз ұстаз шәкірттерімді қалыптастыруға үлес қоссам деймін. Мен жеткен жетістікке олардың да жетуіне көмектессем деген арманым бар. Міне, осы сияқты тағы басқа жоспарлар бар. Әрине, ол уақыт еншісінде.– Педагог-шебер біліктілікке жету үшін не қажет?– Маған мұғалімдерді аттестаттау нәтижесінде берілетін ең жоғарғы біліктілік санаты «педагог-шебер» 2019 жылы желтоқсан айында берілді. Ауданда «Шебер-педагог» санатына лайықтылар өте көп . Әр ұстаздың жолы – жеке ерлік жолы. Келешекте менің қатарыма өзге ұстаздар да қосылады деген сенімім мол. Түрлі аудан, облыс, республика көлемінде осы бағытта шеберлік сыныптарын беріп келемін. Бұл санатқа жету үшін – тек ел баласын адал еңбекпен өз уақытыңды аямай ізденіспен еңбек ету керек.&nbsp;– Әр ұстаз нақты білім деңгейін көтеруге өз үлесін қалай қоса алады?– Қазір білім беру жүйесі өзгерген. Заман талабына сәйкес, жаңаша білім беру керек. Қанша жылдық тәжірибем болса да, қиындықтар кездесіп тұрады. Ең бастысы теориялық өз пәніңді жетік біліп, бала жақсы көре отырып оның санасына жеткізе алатын әдіс-тәсілдерді меңгеру қажет.&nbsp;– Ұстаз бақыты неде деп ойлайсыз?– Ұстаз бақыты өте көп. Сәл нәрсеге қуанамыз ғой. Мектептегі шәкіртпен болған әрбір бақытты сәт саған қуаныш сыйлайды. Алдымен таңертең мектепке барғаныңда қаншама шәкірттеріңнің «Сәлеметсіз бе, апай?» деп амандасып, кетіп бара жатқанда «Сау болыңыз, апай!» дегенді есту үлкен бақыт. Жер бетінде қандай мамандық иесі осындай құрметке лайық? Жоғарыда айтып өткенімдей, шәкірт үшін қуансаң, шәкіртіңнің сен үшін қуанғанын көргенде бақыттан басың айналады. Өмірде өз орнын тапқан түлектеріңнің қаншама жылдан соң өз алтын ұясыны сағынышпен оралып ыстық ы қылас тілектерін білдіргенді бақытқа теңемегенде не дерсің?! Осылай тізбектей берсеңіз бақыттың ұясы мектепте деп айтарсыз.&nbsp;– Шәкіртті жеңіс тұғырына шығару үшін ұстаздың еңбегі зор. Қазіргі таңда оқушының білімге деген қызығушылығын ояту үшін не істеу керек?– Оқушының білімге деген қызығушылығын арттырудың пәннің ерекшелігіне байланысты жолдары өте көп. Мәселен, мектеп-лицейімізде түрлі жобалар бойынша «Сәнге айналған кітап», «Сіnema day», Театр үйірмелері мен түрлі жоба бар. Оқушыны пәнге қызықтыра білу ол мұғалімнің шеберлігіне байланысты. Мұғалім сабағын қызықты өткізе білсе, бала да сол сабаққа асығады. Сондықтан да әр мұғалім ертеңгі сабақ жоспарын үлкен шығармашылықпен жоспарлауы тиіс.&nbsp;– Айтуыңыз орынды. Соңғы сауалымызды жолдасақ. Оқу жылы соңында ұстаздарға қандай жылы лебіңіз бар?&nbsp;– Оқу жылы да аяталып жатыр. Жыл бойына жетістіктер қоржынын толтырып отырған барша ұстазға дендеріңіз сау, отбастарыңыз аман, төгілген маңдай тердің тек жемісін көріңіздер демекпін. Қоғамдағы орындарыңыз үнемі төр болсын. Демалыстарыңыз сәтті өтсін. Ең бастысы, еліміз аман, жұртымыз тыныш болсын.&nbsp;– Тамаша!&nbsp;Сіздің бүгінгі&nbsp;әр сөзіңіз оқырманға орамды ой салды деген ниеттеміз. Әрі қарай да түрлі тың жетістіктеріңізбен ұлағатты мамандығыңыздың жүгін абыройлы арқалай беріңіз деген ізгі тілекпен, біз өз сұхбатымызды аяқтаймыз.&nbsp;Сұхбаттасқан Айнұр МАХСҰТҚЫЗЫ

Фатима Қасқабаева: Бақыттың ұясы – мектеп

<a href="https://kyzylorda-news.kz/">Kyzylorda-news.kz</a>&nbsp;Қорқыт ата атындағы Қызылорда университетінің Студенттер сарайында TECHNOWOMEN KYZYLORDA: KEYS TO SUCCEED атты аймақтық форум өтті. Форумды "TechnoWomen" коммерциялық емес ұйымы, кәсіпкерлік пен бизнес-ортаны дамыту жөніндегі USAID жобасы аясында ҚР Президенті жанындағы Әйелдер істері және отбасылық-демографиялық саясат жөніндегі Ұлттық комиссия және ҚР Ғылым және жоғары білім, өнеркәсіп және құрылыс министрліктері Қорқыт ата атындағы Қызылорда университетімен бірігіп ұйымдастырды.Іс-шара әйелдерді технологиялық индустрияларға тартуға, әйел кәсіпкерлерді цифрлық трансформация және электрондық коммерция, сондай-ақ, стартап-қозғалыс мәселелері бойынша ақпараттандыруға бағытталған шабыттандыратын шеберлік сыныптары мен білім беру тренингтерін ұйымдастыру мақсатын көздейді.Форумның кіріспе сөзін сөйлеген «TechnoWomen» ұйымының Басқарма төрағасы, «Цифрлық трансформация» қоғамдық қорының негізін қалаушы Азиза Шужеева:<blockquote>&nbsp;«Бүгін біз жаңа мүмкіндіктер, жаңа иновациялар мен технологиялар туралы айтатын боламыз. Форумға қатысушы әйелдер қауымына қорықпай іс бастауға, жаңа идеяларды ортаға қою жолында белсенді болуға шақырамыз» - деді.&nbsp;</blockquote>Одан әрі Қорқыт ата атындағы Қызылорда университетінің Академиялық мәселелер бойынша Басқарма мүшесі – проректор Абдрашева Дана форумға қатысушылар мен спикерлерге келгендері үшін рақмет айтып, оқу орнының IT саласындағы базалық мүмкіндіктерін ауқымды баяндап берді.Спикерлер қатарынан орын алған Сеул Ұлттық Ғылым және технология университетінің профессоры, LUPIC жобасының директоры Джесу Ким жастарға арналған жасанды интеллект туралы ақпарат беріп өтсе, «MacDent» ЖШС IT-компаниясының бас директоры және негізін қалаушы Мақпал Оразқызы табысты стартаптың құру жолдарын түсіндірді.Өз кезегінде сөз алған Қазақ ұлттық қыздар педагогикалық университеті әйелдер көшбасшылығы және кәсіпкерлік орталығының басшысы Гүлзира Бекқалиеваның баяндамасы әйелдердің көшбасшылық дағдыларын дамытуға бағытталды.Сондай-ақ, «TechnoWomen» ұйымының Басқарма мүшелері Бикеш Құрманғалиева жасанды интеллект саласының болашақ мамандықтарына шолу жүргізсе, Алуа Көрпебаева бизнес бастауға қажетті қадамдарды мысалдармен түсіндірді. Аталмыш ұйымның мүшесі, «FORTENUR CONSULTING» негізін қалаушы-Нұргүл Бексұлтанова қаржылық сауаттылық жайлы кеңес берді.Қорқыт Ата атындағы Қызылорда университетінің Жасанды интеллект институтының директоры Нұрлан Құлмұрзаев пен Kyzylorda Hub бизнес-инкубаторының басшысы ЖанарысТубекбаев та спикерлер қатарынан табылып, қызықты да пайдалы ақпараттармен бөлісті.Форумда танымдық ақпарат, қажетті кеңестермен қатар, қатысушылар арасында сұрақ-жауап ойыны ойнатылып, сыйлық таратылды.<img src="https://knadmin.beoblood.kz/uploads/445483302_993045099231689_6401135828775333461_n_a4553cabb6.jpg" alt="445483302_993045099231689_6401135828775333461_n.jpg"><img src="https://knadmin.beoblood.kz/uploads/445235045_993044999231699_6994113504939277440_n_18e9e165fd.jpg" alt="445235045_993044999231699_6994113504939277440_n.jpg">

TechnoWomen Kyzylorda: Keys to succeed тақырыбында аймақтық форум өтті

<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясының Хатшысы Ержан Жылқыбаев бейнебайланыс режимінде партияның облыстық филиалымен жиын өткізіп, алғашқы тоқсанда атқарылған жұмыстарды саралап, алдағы &nbsp;міндеттерді пысықтады.Жиында партия филиалының, облыстық мәслихаттағы депутаттық фракция мен партиялық бақылау комиссиясының тоқсандық атқарған жұмысының есебі берілді. Жалпы облыстық филиалмен алғашқы тоқсанда ауқымды жұмыстар атқарылды. Есепті кезеңде партияның қоғамдық қабылдау бөлмелеріне 1400 - ден астам өтініш түсіп, олардың 70,4 пайызы оң шешілсе, 416 мәселе бойынша заңнамалық кеңес берілді.&nbsp;Партиялық жобалар бойынша 224 іс-шара ұйымдастырылды. &nbsp;«Қарызсыз қоғам» партиялық жобасы аясында 3 мыңға жуық азамат қаржылық сауаттылық арттыру курсынан өтті. Сайлауалда үгіт жұмыстары кезінде жергілікті халықтан 1132 ұсыныс түсіп, олардың 87 пайызы орындалды. Партия филиалы жанындағы кеңестермен 314 ұсыныстар көтеріліп, фракция мүшелерімен тиісті органдарға 312 &nbsp;депутаттық сауал жолданды.<blockquote>«Партияның сайлауалды бағдарламасы аясында салынып жатқан 50 нысанға партиялық бақылау бекеттері орнатылып, бүгінгі күнге олардың 44-і пайдалануға берілді»,- деді атқарылған жұмыстар туралы хабарлама жасаған партияның облыстық филиалының Атқарушы хатшысы Ләйлә Төрешова.&nbsp;</blockquote>Жиын барысында облыстық мәслихаттағы депутаттық фракция жетекшісі Жорабек Нұрымбетов, &nbsp;партиялық бақылау комиссиясының төрағасы Нұркен Бақытбекұлы хабарлама жасап, атқарылған жұмыстарды баяндады.&nbsp;Партия Хатшысы жалпы атқарылған жұмыстарға оң бағасын беріп, алдағы уақытта да партия филиалына Сайлауалды бағдарламаның орындалуын қатаң бақылауға алу, сайлаушылардың талап-тілегінің сапалы орындалуын талдап отыру секілді бірқатар міндеттер жүктеді.

«Қарызсыз қоғам»: Қызылордада 3 мыңға жуық азамат қаржылық курстан өтті

<a href="https://kyzylorda-news.kz/">Kyzylorda-news.kz</a> Бүгінгі күні жол қауіпсіздігін қамтамасыз ету мақсатында тұрғындардың өтініші бойынша Тереңөзек кентіндегі №210 мектептің алдындағы ескі көлік кедергісі алынып, жаңадан талапқа сәйкес &nbsp;мердігер мекемемен жасанды бұдырлық орнату жұмыстары жүргізілуде.Жасанды кедір бұдырлықты басқаша «жылдамдықты төмендету» деп те атайды. Бұл – қозғалыс жылдамдығын мәжбүрлеп төмендету үшін жүріс бөлігінде жолдың осіне перпендикуляр орналасқан арнайы реттелген биіктік болып табылады. Осындай бұдырлық кедергілері әсіресе мектептер мен балабақшалардың алдындағы өтетін жолдарға балалар қауіпсіздігі үшін аса қажет. Аудан орталығында орналасқан барлық мектеп, балабақша, мекеме және басқа да маңызды жерлерде бұдырлық кедергілері қойылып, қауіпсіздік шаралары сақталған. Одан бөлек кентте орналасқан барлық бұдырлық кедергісі уақытылы тексеріліп, ескіргендерін жаңасына ауыстыру жұмыстары қарқынды жүргізілуде. Аудан тұрғындарының қауіпсіздігі әрқашан басты назарда. &nbsp;Әсіресе оқушылар қауіпсіздігі аймақ басшысының қатаң бақылауында. Ол үшін арнайы жиналыстар да өткізіп, өткен жылғы кемшіліктерді қайталамауға тапсырма берді. Білім бөлімінің басшысын да сол қауіпсіздікке үлкен жауапты екенін мәлімдеді.&nbsp; Өз кезегінде Сырдария аудандық полиция бөлімінің нұсқамасына сәйкес аталған кедергілер кент және елді мекендерде алдағы уақытта тиісті орындарға қойылатын болады.

Қазақстан және Қызылорда облысының жаңалықтары