<a href="https://kyzylorda-news.kz/">Kyzylorda-news.kz</a>. Жүйе іске қосылған 2017 жылдың 1 шілдесінен 2024 жылдың 1 ақпанға дейін Қызылорда облысының тұрғындары Әлеуметтік медициналық сақтандыру қорына 68,1 млрд. теңге аударды. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.&nbsp;Аударылған қаржның 41,2 млрд. теңгесі жұмыс берушілердің аударымдары болса, қалған 26,9 млрд. теңге - жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі. &nbsp;Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.&nbsp;Фото: Нұрболат Нұржаубай &nbsp;

Қызылордалықтар Әлеуметтік медициналық сақтандыру қорына 68,1 млрд теңге аударды

&nbsp;<a href="https://kyzylorda-news.kz/">Kyzylorda-news.kz</a>.&nbsp; &nbsp;Оқу-ағарту министрі Ғани Бейсембаев ведомство бірыңғай уақыт белдеуі өзгерген соң жергілікті әкімдіктер сабақтың басталу уақытын қайта қарауға мүмкіндік беретінін айтты. Бұл туралы <a href="https://stan.kz/mektepterde-birinshi-auisimdagi-sabaktar-keyinirek-bast-395731/">Stan.kz</a> ақпарат агенттігі хабарлайды.Министр бірыңғай уақыт белдеуіне көшу туралы шешімді тиісті сарапшылар, ғалымдар зерттеп барып қабылдағанын атап өтті.Оның айтуынша, министрлік бірінші ауысым оқушыларына сабақтың басталу уақытын қайта қарауға мүмкіндік береді.<blockquote>"Оқу уақыты бойынша, әрине, жергілікті атқарушы органдарға қажет болған жағдайда сабақтың басталу уақытын қайта қарауға мүмкіндік береміз. Бұған еш кедергі жоқ. Мысалы, таңертеңгі сағат 08:00-де оқуды бастайтын мектептер 08:30-да бастауы мүмкін. Әрине, өзгертуге мүмкіндіктер бар", –&nbsp;деді Ғани Бейсембаев.</blockquote>Еске сала кетейік, қараша айында мәжіліс депутаты Еркін Әбіл премьер-министрге ерекше сауал жолдаған еді. Ол үкіметтен Қазақстандағы уақыт белдеуі мәселесін шешуді сұрады. Себебі шығысқазақстандықтар жаңа&nbsp;бірыңғай уақыт белдеуіне ауысқысы келмейтінін айтқан. Тұрғындардың наразылығына қарамастан, қаңтар айында Қазақстанда бірыңғай уақыт белдеуі орнатылатыны белгілі болды.&nbsp;2024 жылғы 1 наурызда сағат 00:00-ден бастап елдің бүкіл аумағында бірыңғай уақыт белдеуі орнатылады. Осылайша&nbsp;Қазақстанның&nbsp;бүкіл аумағына 5-уақыт белдеуі (UTC+5) қолданылады.Фото: Нұрболат Нұржаубай

Мектептерде сабақ уақыты ауысуы мүмкін

Мемлекет басқару ісіне ойы ұшқыр, білімі озық, сана-сезімі терең, нағыз отаншыл азаматтар көптеп келуі керек. Бұл туралы Мемлекет басшысы Қасым-Жомарт Тоқаев Президенттік жастар кадр резервінің форумында айтты.<blockquote>&nbsp;Президенттік жастар кадр резерві дәл осындай талапты жастарға бірегей мүмкіндік береді. Бүгінде резервте 400 маман бар. Соның 280-і, яғни 70 пайызы орталық және жергілікті атқарушы органдарда жауапты лауазымдарға тағайындалды. Бірқатары квазимемлекеттік секторда және бизнес саласында еңбек етіп жүр. Осы орайда мен Мемлекеттік қызмет істері агенттігінің бұрынғы төрайымы Анар Жайылғанова кезінде осы бастаманы жүзеге асыруға мол үлес қосқанын атап өткім келеді. Қазіргі таңда елімізде ауқымды реформалар жүзеге асырылып жатыр. Мемлекетімізді өркендету үшін жаңа, батыл қадамдар жасалуда. Сондықтан өздеріңіз сияқты еліміздің жалынды жастары осы өзгерістердің қозғаушы күшіне, мықты тірегіне айналуы керек деп санаймын, – деді Қасым-Жомарт Тоқаев.</blockquote>Мемлекет басшысы жуырда аймақтық жастар кадр резервіне іріктеу басталатынын мәлімдеді. Әкімдер оның ашық әрі әділ өтуін қамтамасыз етуге тиіс. Сонымен қатар кадрлық резервті жасақтау барысында әр облыстың әлеуметтік-экономикалық ерекшелігін ескеру маңызды.Президент мемлекеттік қызметшілерге тән жаңа мәдениет қалыптастыру, құндылықтарды өзгерту мәселесіне айрықша тоқталды.Оның айтуынша, барлық салада, әсіресе мемлекеттік органдарда заң мен тәртіп үстемдігі болуға тиіс.<blockquote>Заң мен тәртіп орнамаса, қазіргідей күрделі геосаяси жағдайда елімізді сақтап қалу қиын болады. Мұны бәрі түсінгені жөн. Тек мемлекеттік қызметшілер ғана емес, жалпы қоғам заңға бағынуға тиіс. Бұл демократия шектеледі деген сөз емес, керісінше, еліміздің егемендігін нығайтып, демократияны дамыта түседі, – деді Мемлекет басшысы.</blockquote>Қасым-Жомарт Тоқаевтың пікірінше, билік өкілдері әрдайым халықпен бірге, яғни азаматтармен тығыз байланыста жұмыс істеуі қажет. Кез келген мәселені уақытылы шешіп отыру – негізгі міндет. «Халық үніне құлақ асатын мемлекетте» дәл осындай құндылықтар орнығуы керек.

Әкімдер аймақтық жастар кадр резервіне іріктеудің ашық әрі әділ өтуін қамтамасыз етуі керек – ҚР Президенті

&nbsp; &nbsp;<a href="https://kyzylorda-news.kz/">Kyzylorda-news.kz</a>.&nbsp;&nbsp; &nbsp; Қасым-Жомарт Тоқаев 8.00-ден 20.00-ге дейін жұмыс істейтін мемлекеттік қызметшілер белгілі бір материалдық өтемақы алуы тиіс екенін айтты. Бұл туралы <a href="https://stan.kz/prezident-tauligine-12-sagat-zhymis-isteytin-memleketti-395747/">Stan.kz </a>ақпарат агенттігі хабарлайды.Жастар кадрлық резервінің форумында ол мемлекеттік қызметте қазір мықты сала мамандарының тапшылығы сезіліп отырғанын атап өтті.<blockquote>"Елде бизнес, ауыл шаруашылығы, қаржы, медицина, білім беру және басқа да салаларда табысты адамдар жеткілікті. Нақты нәтижеге және тұтынушының қажеттіліктеріне бағытталған осындай кадрлардың әлеуетін пайдалану қажет. Мемлекеттік қызметтің гибридті моделін енгізуді жалғастыру қажет. Ол үшін мемлекеттік қызметке жеке сектордан білікті кадрларды неғұрлым еркін, аз регламентпен&nbsp;қабылдау мәселелерін егжей-тегжейлі пысықтау қажет", - деді Мемлекет басшысы.</blockquote>Президент мемлекеттік қызметтің тиімділігін&nbsp;арттыру үшін жеке сектормен бәсекеге қабілетті жалақы белгілеу қажеттігін атап өтті.<blockquote>"Менің ойымша, жұмыста жүрген мемлекеттік қызметшілер, әсіресе&nbsp;8.00-9.00-ден 20.00-21.00-ге дейін жұмыс істейтіндер белгілі бір материалдық өтемақы алуы керек, бірақ жалақы мен сыйлықақыларды асып кетпеуі керек. Мәселе өзекті. Біз оны мемлекеттік қызметшілердің пайдасына шешетін боламыз. Тұрғын үй мәселесі де тиісті түрде шешілуі керек. Осыған байланысты Сингапур мен басқа елдердің тәжірибесіне назар аударған жөн. Мемлекеттік басқару жүйесіндегі тиімді тәсілдер мен әдістерді қарастыру қажет",-деді Қасым-Жомарт Тоқаев.</blockquote>Фото: Ақорда

Тоқаев тәулігіне 12 сағат жұмыс істейтін мемлекеттік қызметшілерге өтемақы төлеуді ұсынды

<a href="https://kyzylorda-news.kz/">Kyzylorda-news.kz</a>.&nbsp; &nbsp;Мемлекет басшысы Президенттік жастар кадр резервінің форумында еліміздің әділетті мемлекет әрі инклюзивті қоғам құрып жатқанына, гендерлік теңдікті сақтау мәселесіне назар аударды. Бұл туралы Ақордаға сілтеме жасаған <a href="https://kaz.nur.kz/politics/2061989-er-adamdar-renzimesin-toqaev-aielder-zumysqa-ote-muqiyat-tiyanaqty-qaraitynyn-aitty/">KAZ.NUR.KZ</a> хабарлайды.<blockquote>Мемлекет басшысы ғалымдарды, сарапшылар мен белсенді азаматтарды, әсіресе, еріктілерді қызметке тартудың мәні зор деп санайды. Бұл ретте президент еліміздің әділетті мемлекет әрі инклюзивті қоғам құрып жатқанына, гендерлік теңдікті сақтау мәселесіне назар аударды.&nbsp;&nbsp; &nbsp; "Мемлекеттік аппараттағы әйелдердің үлесі 55 пайызға жуықтағанына қарамастан, басшылық құрамда бұл көрсеткіш 39 пайыздан аспайды. Өз тәжірибемнен білетінім, әйелдерді қызметке тарту керек. Біріншіден, ер адамдар ренжімесін, әйелдер жұмысқа өте мұқият, тиянақты қарайды. Ер адамдармен салыстырғанда, жемқорлық әрекеттерге бейім емес. Сыбайлас жемқорлыққа қарсы күрес жөніндегі агенттіктің статистикасы соған меңзейді. Саяси қызметкерлер арасында да елеулі теңсіздік байқалады. Олардың қатарындағы әйелдердің саны 10 пайызға жетпейді. Мемлекеттік қызметтегі жастардың үлесіне қатысты да диспропорция бар. Мемлекеттік қызметтегі әйелдердің, жастардың және мүмкіндігі шектеулі азаматтардың санын көбейту керек. Олардың, әсіресе, басшылық құрамда қызмет етуіне барынша мүмкіндік берген жөн, – деді президент.</blockquote>Сондай-ақ форумда Тоқаев мемлекеттік қызметте "командамен көшу" үрдісі әлі тыйылмай отырғанын сынға алды.&nbsp;&nbsp;Фото: akorda.kz &nbsp;&nbsp;

"Ер адамдар ренжімесін":  Тоқаев әйелдер жұмысқа өте мұқият, тиянақты қарайтынын айтты

<a href="https://kyzylorda-news.kz/">Kyzylorda-news.kz</a>. Бүгінгі Үкімет отырысының күн тәртібінде «Жайлы мектеп» ұлттық жобасының жүзеге асырылу барысы, су тасқыны бойынша ахуал қаралды. Сала басшылары мен өңір әкімдері атқарылған жұмыстарды баяндады.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, берілген тапсырмалар бойынша алдағы жұмыс бағыттарын нақтылады.<blockquote>«Үкімет басшысы Олжас Абайұлы мектептер құрылысын уақытылы әрі сапалы аяқтауды тапсырды. Облыста «Жайлы мектеп» ұлттық жобасы аясында 12 300 орынға арналған 21 мектеп салу жоспарланған. Биыл тапсырылатын 10 мектептің мердігері анықталып, 9-ның құрылысы қарқын алды, 1 мектеп бойынша мемлекеттік сатып алу конкурсының қорытындысы кеш шығуына байланысты жақын күндері басталмақ. Инфрақұрылым жеткізуге жергілікті бюджеттен 118,4 млн. теңге бөлініп, жоба-сметалық құжаттары әзірленді, 9-на сараптама қорытындысы алынды, 1-еуі аяқталу сатысында. Инженерлік желілер жүргізуге облыстық бюджеттен 1,6 млрд теңге бөлініп, бүгінгі күні мердігер мекемелер анықталды. Жобаны үйлестіруші «Самұрық-Қазына Констракшн» акционерлік қоғамы өкілдерімен бірлескен жол картасына сәйкес жұмыс жүргізілуде», – деді аймақ басшысы.</blockquote>Күн тәртібіндегі мәселе бойынша облыстық құрылыс, сәулет және қала құрылысы басқармасына мердігер мекеме басшыларымен тығыз жұмыс жасау тапсырылды. Былтыр басталған 10 мектеп биылғы 1 қыркүйекте пайдалануға берілуі және сыртқы инженерлік инфрақұрылым жүргізу алдағы маусым айының соңына дейін аяқталуы керек. Қызылорда қаласы және аудан әкімдері осы жылдың 1 тамызына дейін мектептер аумағын жол-көлік желілерімен, жарықтандыру, абаттандыру, жаяу жүргіншілер жолдарымен және аялдамалармен қамтамасыз етуі тиіс.Айта кетейік, биыл 6900 орынға арналған 10 мектеп, 2025 жылы 5400 орындық 11 мектеп пайдалануға беріледі деп күтілуде. Өткен аптада «Самұрық-Қазына Констракшн» акционерлік қоғамы басшыларының Қызылорда облысына іссапары кезінде арнайы мәжіліс өткізіліп, ұлттық жобаны өңірде асырудың өзекті мәселелері жан-жақты талқыланды.<img src="https://knadmin.beoblood.kz/uploads/417533032_697062605948320_4745939341170448646_n_ddd4ea648b.jpg" alt="417533032_697062605948320_4745939341170448646_n.jpg"><img src="https://knadmin.beoblood.kz/uploads/417423923_697062669281647_3435430478034908983_n_63228095cf.jpg" alt="417423923_697062669281647_3435430478034908983_n.jpg">

“Жайлы мектеп” ұлттық жобасын іске асыру барысы талқыланды

<a href="https://kyzylorda-news.kz/">Kyzylorda-news.kz</a>. Жұмысқа орналасу кезінде өткен айлар үшін МӘМС жүйесіне төлеу керек пе? Дәрігердің жолдамасымен клиникаларда талдау тапсыруға болады ма? Осы және басқа да сауалдарға Әлеуметтік медициналық сақтандыру қорының Қызылорда облысы бойынша филиалының бөлім басшысы Ғалымжан Салықов жауап берді.Мен ай сайын МӘМС жарналарын төлеймін, остеопатия бойынша кеңес ала аламын ба?Остеопаттың кенесі ТМККК шеңберінде және МӘМС жүйесінде көрсетілетін медициналық қызметтер тізбесіне енгізілмеген. Алайда, «Кеуде қуысының деформациясы» диагнозын емдеу МӘМС пакетінде қарастырылған. Сіздің диагнозыңыз бойынша МӘМС жүйесі аясында физиотерапия, массаж, ортопедиялық травматологтың кеңесі және басқа да манипуляциялар сияқты бірқатар медициналық қызметтерді ала аласыз.Егер маған талдау тапсыру керек болса және олар МӘМС қызметтерінің тізіміне енсе, мен оларды емханадан жолдама бойынша тікелей зертханада тапсыра аламын ба?МӘМС пакетінде көзделген барлық талдауларды сіз тіркеу емханасынан да, басқа клиникадан да, оның ішінде республикалық деңгейден де ала аласыз. Әрекет алгоритмі келесідей: терапевтке оралып, кез-келген басқа клиникаға жолдама алу керек. Сондай-ақ, сіз бір жерде немесе басқа емтихан қысқа мерзімде қол жетімді болатын ұйымды өзіңіз таба аласыз және бұл туралы дәрігерге хабарлай аласыз. Айта кету керек, емхана мен таңдалған ұйым өзара міндеттемелермен байланысты болмауы керек.&nbsp;Емхананың тіпті келісімі жоқ кез келген медициналық ұйымға жергілікті дәрігердің жолдамасы болса, қызметті орындау фактісі бірлесіп орындау шартын автоматты түрде қалыптастыруға негіз болып табылады.Клиника ӘМСҚ деректер базасында болуы және әлеуметтік медициналық сақтандыру бойынша қызметтер көрсетуі тиіс екенін еске салу маңызды.МӘМС пакетіндегі қызметтер тізімін мына <a href="https://adilet.zan.kz/kaz/docs/V2200027833">сілтеме бойынша </a>көре аласыз&nbsp;Мен бірінші ай ресми түрде жұмыс істеймін. Неліктен мен дәрігерлерге бармасам, өткен жылға медициналық сақтандыруды төлеуім керек?МӘМС туралы Заңның 5-бабының 3-тармағына сәйкес Қорға аударымдар және (немесе) жарналар төленбеген тұлғалар МӘМС жүйесінде медициналық көмекке құқық алу үшін төленбеген кезең үшін, бірақ төлем күнінің алдындағы он екі айдан аспайтын мерзім үшін Қорға ең төменгі жалақы мөлшерінің 5 пайызы мөлшерінде жарналар төлеуге міндетті республикалық бюджет туралы заңмен ағымдағы қаржы жылына белгіленген төлемдер.Қосымша сұрақтар туындаған жағдайда оларды емхананың анықтама қызметіне қоюға немесе жағдайды шешу үшін Пациенттерді қолдау қызметіне хабарласуға болады. Егер сол жерде түсіністікке қол жеткізу мүмкін болмаса, сіз үшін ыңғайлы байланыс арнасы бойынша Әлеуметтік медициналық сақтандыру қорына хабарласуыңыз керек: fms.kz ресми сайты, 1414 байланыс орталығы, Qoldau 24/7 мобильді қосымшасы және Telegram-дағы SaqtandyryBot.Фото: Нұрболат Нұржаубай

Халық дәрігерге бармаса да неге МӘМС-ке жарна төлеуі керек?

Жауын-шашынның көп түсуіне байланысты еліміздің 10 өңірінде су тасу қаупі бар. Бүгін үкімет отырысында төтенше жағдайдар министрі осылай деп мәлімдеді. Бұл туралы<a href="https://stan.kz/kazakstannin-10-onirinde-su-tasu-kaupi-bar---totenshe-z-395718/"> Stan.kz</a> ақпарат агенттігі хабарлайды.Министрдің сөзінше, қазір&nbsp;еліміздегі&nbsp;су тасқыны жағдайы біршама тұрақталған. Десе де&nbsp;Қазгидрометтің ақпан және наурыз айларының соңына арналған&nbsp;болжамы бойынша&nbsp;республиканың оңтүстік-шығыс, солтүстік және орталық бөліктерінде тәулігіне айлық нормамен бірдей&nbsp;жауын-шашын түсуі мүмкін. “Осыған байланысты, 10 өңірдің елді мекендерін су басу қаупі бар. Атап айтқанда, тау суларының ағыны салдарынан: Алматы, Түркістан, Шығыс Қазақстан және Жетісу облыстары; қардың көп еруіне байланысты: Батыс Қазақстан, Ақмола, СҚО, Қарағанды, Павлодар және Қостанай өңірлері”, –&nbsp;деді Шыңғыс Әрінов.Министрлік жергілікті атқарушы органдармен бірлесіп су тасқыны кезеңіне дайындық бойынша қажетті іс-шаралар кешенін өткізгенін айтты."Көктем" республикалық командалық-штабтық оқу-жаттығу шеңберінде басқару органдарының күштері мен құралдарының дайындығы тексерілді. Халықты құлақтандыру пысықталды, зардап шеккен азаматтарды жинау пункттері дайындалды.“Елдімекендерде уақытша бөгендер салу&nbsp;(114 км), арықтарды, каналдарды (1 904 км), сондай-ақ авто және темір жолдардағы су өткізу құрылыстарын тазарту (5 002 дана)&nbsp;жүзеге асырылды. Елдімекендерден 10,5 миллион текше метрден астам қар шығарылды. Бірақ, жыл сайынғы тәжірибе&nbsp;бұл жеткіліксіз екенін көрсетіп отыр”, –&nbsp;деп атап өтті министр.Ол кейінгі&nbsp;үш жылдағы статистика қабылданған алдын алу шараларына қарамастан, жылда Ақмола, Қостанай, Павлодар, Батыс Қазақстан, Солтүстік Қазақстан және Шығыс Қазақстан облыстарының елдімекендерін су басып жатқанын тілге тиек етті.Еске сала кетейік, министр бұған дейін де су тасқыны қаупі туралы айтқан еді."2023 жылдың желтоқсанында жауын-шашын көп болды,&nbsp;қар жаумады. Судың барлығы жерге жиналды. Біз күтпеген&nbsp;жерден су тасқыны болуы мүмкін деп болжап отырмыз. Ақпанның аяғында оңтүстік облыстарда, наурыз айында&nbsp;солтүстік облыстарда&nbsp;тасқын болуы ықтимал.&nbsp;Барлық дайындық&nbsp;жүріп жатыр, барлығын көктемде көре жатармыз", –&nbsp;деді Шыңғыс Әрінов.Фото: istock

Қазақстанның 10 өңірінде су тасу қаупі төніп тұр

2024 жылы «Zhas project» жобасын жүзеге асыру ережелері туралы ҚР МАМ Жастар және отбасы істері комитетінің төрағасы Қайрат Қамбаров тоқталып өтті.Биыл конкурс шеңберінде 10 үкіметтік емес ұйым 1 млн теңгеден 280 шағын грант бөледі. «Zhas project» грант бағдарламасын ҚР Мәдениет және ақпарат министрлігі 2022 жылдан бастап, Азаматтық бастамаларды қолдау орталығының қолдауымен жүзеге асырып келеді.Еліміздің үш қаласы мен 17 облысын қамтитын жоба NEET (уақытша жұмысқа орналастырылмаған) санатындағы жастарды жұмысқа тұрғызу және олардың кәсіпкерлік қабілетін дамытуға бағытталған. Байқау бірнеше кезеңнен тұрады.Жобалар әлеуметтік маңыздылық, нәтижеге қол жеткізу, бюджеттің оңды жұмсалуы сияқты критерий бойынша бес балдық ұпаймен бағаланады.Байқау комиссиясының құрамына жастар саясаты, ішкі саясат, қоғамдық даму мәселелері жөніндегі басқармалардың, жастар ресурстық орталықтарының және тиісті өңірдің жергілікті үкіметтік емес ұйымдарының өкілдері кіреді.Фото: Жастар ресурстық орталығы

«ZHAS PROJECT»: 280 шағын грант бөлінеді

<a href="https://kyzylorda-news.kz/">Kyzylorda-news.kz</a>&nbsp; Ұлытау облысында 5 жыл құлдықта болған үш бала туралы тың дерек шықты, деп хабарлайды <a href="https://el.kz/bes-zhyl-boyy-quldyqta-bolgan-balalar-turaly-tyn-derek-shyqty_108091/">EL.kz </a>ақпарат агенттігі.Қазір олар Балаларды қолдау орталығына орналасқан. Асыранды балаларды жұмысқа жеккен 55 жастағы әйел қамауға алынды.Бес жыл бұрын патронаттық ата-ана бір отбасының үш бірдей баласын балалар үйінен асырап алып, құлдыққа салған. Балалардың кішкентайы сол кезде 8 жаста болса, үлкенінің 14 жасқа келген кезі екен. Оларды қаладан 20 шақырым жердегі фермада ұстап, мал бағуға мәжбүрлеген.Аталған фактіні облыстық прокуратура мен қорғаншылық және қамқоршылық органдары ақпанда анықтады.<blockquote>Қаңтарда кезекті жоспарлы рейд барысында мектептің әлеуметтік педагогі, білім бөлімінің қорғаншылыққа жауапты маманы және әдіскері бір отбасында болып, осы патронаттық тәрбиедегі балалардың жағдайы көңілі толмаған, - деді облыстық білім басқармасының басшысы Сапура Төлекова.</blockquote>Асырап алушы тарап осы уақыт аралығында балалардың жәрдемақысын да өзі алып отырыпты. Балалар оқудан да қалған. Денсаулығына байланысты сабаққа бара алмады деген анықтама беріп келген. Патронаттық қамқоршы қыз баланы «айтқанымды орындамасаң немесе шағымдансаң, бауырларыңды енді көрмейсің» деп қорқытып келген.Қазір аталған факт бойынша қылмыстық іс қозғалып, сараптама жүргізіліп жатыр. Қыз баланың жасы қазір 19-да, колледжді аспаз мамандығы бойынша тәмамдаған. Ортаншысы да қазір колледжде оқиды. Ал кенжесі – әлі оқушы. Қазір олар балаларды қолдау орталығында орналастырылған.Жауапты мамандар қыз баланың жұмысқа орналасуына көмектесетіндерін айтты. Сондай-ақ оларға баспана беру мәселесі де шешілетінін жеткізді.Фото: Нұрболат Нұржаубай

Бес жыл бойы құлдықта болған балаларға баспана беру мәселесі қарастырылуда

Ақсуат ауылдық округінің тұрғыны Сәрсенкүл Аралбаева «АҚСУАТ» атауымен шұлық шығаратын цехты іске қосты.&nbsp; Кәсіпкер «Ауыл аманаты» жобасымен 5 млн. теңге жеңілдетілген несиеге қол жеткізіп, сол қаржыға соңғы үлгідегі шұлық дайындайтын құрылғы сатып алған. Кәсіпорын жыл мезгілдеріне арналған шұлықтың түр-түрін дайындап, сатылымға шығара бастады. Өнімге қажетті шикізат шет мемлекеттен тапсырыспен жеткізіледі. Цех әзірге күніне 300 дана шұлық әзірлеуде.

Қызылордада шұлық шығаратын кәсіпорын іске қосылды 

<a href="https://kyzylorda-news.kz/">Kyzylorda-news.kz</a>. Үкімет басшысы Олжас Бектенов «Жайлы мектеп» жобасын іске асыруда белгілі бір шикіліктер бар екенін айтты, деп хабарлайды El.kz&nbsp;&nbsp;ақпарат агенттігі.<blockquote>Үкіметтің кеңейтілген отырысында мемлекет басшысы ұлттық жобаны іске асыру барысын, әсіресе жер учаскелерін бөлу және жобалық құжаттаманы кешіктіру мәселелерін әділ сынға алды. Үкіметке барлық проблеманы тез арада жоюды тапсырды. «Самұрық-Қазына» қорының тарапынан мердігер ұйымдардың жұмысына тиісті бақылау жасалмай отыр. Сонымен қатар жекелеген өңірлерде әлі күнге дейін жер учаскелерін рәсімдеу және инженерлік-коммуникациялық инфрақұрылыммен қамтамасыз ету мәселелері шешілмей келеді, - деді Үкімет басшысы.</blockquote>Бектенов өңір әкімдері тарапынан болған формализм мен мәселені орталыққа ысыра салу әрекеті жобалау және құрылыс жұмыстарының кешігуіне әкеп соқтырғанын алға тартты. Салдарынан объектілер уақытында тапсырылмай қала ма деген қауіп те жоқ емес.<blockquote>Құрылыс материалдарын, жабдықтар мен жиһаздарды сатып алу ісіне барынша отандық өндірушілерді тарту қажет. Әрбір басшының тікелей есіне саламын – жайлы мектептердің құрылысы Үкіметтің қатаң бақылауында болады. Мемлекет басшысының жаңа форматтағы мектептер салу туралы тапсырмасын орындау үшін біз бар күшімізді жұмылдырып, тез қимылдауымыз керек. Осыған байланысты аталған жұмысқа тартылған барлық мемлекеттік органнан нақты іс-қимылдарды талап етемін. «Бірінші, «Самұрық-Қазына» қорына 1 қыркүйекке дейін 98 мектептің, ал осы жылдың соңына дейін қалған 119 мектептің пайдалануға берілуін қамтамасыз етуді тапсырамын, - деді ол.</blockquote>Премьер-министр бұл ретте жұмыс сапасы да ақсамауы керегін назарға алды.<blockquote>15 мамырға дейін барлық жобалау-сметалық құжаттаманы әзірлеуді және мемлекеттік сараптамадан өткізуді аяқтау қажет. Өңір әкімдері 15 наурызға дейін мектеп құрылысына арналған жер учаскелерін рәсімдеуге қатысты барлық проблеманы шешуі тиіс. Биыл пайдалануға берілетін мектептерге баратын жолдар мен инженерлік-коммуникациялық инфрақұрылымның құрылысын осы жылғы 1 тамызға дейін аяқтау қажет, - деді Олжас Бектенов.</blockquote>

Қазақстан және Қызылорда облысының жаңалықтары