<a href="https://kyzylorda-news.kz/">Kyzylorda-news.kz</a>.&nbsp; «AMANAT» партиясы облыстық филиалының Саяси кеңесі мен Саяси кеңес Бюросы мүшелері, партияның аумақтық филиалдарының Төрағалары мен Атқарушы хатшылары, бастауыш партия ұйымдарының жетекшілері мен белсенділері, мәслихаттардағы Фракциялар жетекшілері мен мүшелері және «Жастар Рухы» Жастар қанаты мен бұқаралық ақпарат құралдарының өкілдерінің қатысуымен партияның облыстық филиалының кезектен тыс XXXIIІ конференциясы өтті.&nbsp;Алқалы жиында Қызылорда облыстық мәслихатының №15 бірмандаттық сайлау округі бойынша депутаттыққа кандидат ұсыну және партияның облыстық филиалының Саяси кеңесі құрамына өзгерістер енгізу мәселелері қаралды.&nbsp;Ағымдағы жылдың 30 қаңтар күнгі облыстық мәслихаттың №76 шешіміне сәйкес облыстық мәслихат депутаты Аманжол Сақыпұлы Оңғарбаев Арал ауданы әкімінің лауазымына тағайындалуына байланысты оның депутаттық өкілеттігі мерзімінен бұрын тоқтатылған болатын. Осыған байланысты, «Қазақстан Республикасындағы сайлау туралы» Қазақстан Республикасы Конституциялық заңының 101-ші, 103-ші баптарына сәйкес, «AMANAT» партиясы» қоғамдық бірлестігінен Қызылорда облыстық мәслихатының №15 бірмандаттық сайлау округі бойынша депутаттық бос орынға кандидат ұсынылуы керек. Конференция барысында Партияның Қызылорда облыстық филиалы Саяси кеңесі Бюросының келісімімен, «AMANAT» партиясы» қоғамдық бірлестігінен Қызылорда облыстық мәслихатының №15 бірмандаттық сайлау округі бойынша депутаттыққа Мұсаева Гүлшат Исақызының кандидатурасы ұсынылып, делегаттар тарапынан бір ауыздан қолдау тапты.&nbsp;Қызылорда қалалық мәслихатының VII-ші шақырылымының депутаты болған, ал 2023 жылдың наурыз айында ҚР Парламенті Мәжілісі мен барлық деңгейдегі мәслихат депутаттарының сайлауына белсене қатысып, облыстық мәслихаттың партиялық резерв тізіміне енгізілген болатын.&nbsp;Мұнан соң «AMANAT» партиясы Қызылорда облыстық филиалының Саяси кеңес құрамына өзгерістер енгізіліп, Саяси кеңесінің құрамына «Қызылорда сушар» өндірістік учаскесінің бастығы, облыстық мәслихаттағы депутаттық фракцияның жетекшісі, облыстық партия филиалы жанындағы Экология жөніндегі кеңестің төрағасы Жорабек Ибрагимұлы Нұрымбетов сайланды.&nbsp;Жиын барысында партияның облыстық филиалының төрағасы Наурызбай Байқадамов сөз алып, Саяси кеңес құрамына сайланған партия белсендісін конференция делегаттарының атынан құттықтап, &nbsp;бүгінгі күнге дейін облыстық филиалдың Саяси кеңесі құрамында аймағымыздың дамуы жолында қызмет атқарып келген Аманжол Сақыпұлы Оңғарбаевқа партия филиалы мен конференция делегаттары атынан алғыс білдірді.Конференцияға өкілеттілік нормасына сәйкес 152 делегат сайланған болатын. Өңірде инфекциялық аурулардың таралуының алдын алу мақсатында конференция шақыру жөніндегі Саяси кеңесі Бюросы шешіміне сәйкес аудандардан 92 делегат конференцияға онлайн форматта қатысты.<img src="https://knadmin.beoblood.kz/uploads/786c7218_db9a_406d_8f5b_9884ae90d415_5d3e886232.jpg" alt="786c7218-db9a-406d-8f5b-9884ae90d415.jpg">

«AMANAT»: Кезектен тыс  XXXIIІ конференция  өтті

Ресейде құрамында есірткі зат бар тыйым салынған өсімдіктер қатарына адыраспан да енгізілетін болды, деп хабарлайды <a href="https://el.kz/adyraspan-tyyym-salyngan-osimdikter-qataryna-engizildi_108231/">EL.kz </a>ақпарат агенттігі.Бұл тізімге енуіне құрамындағы психтропты алкалоид себеп болған. Енді оны өсіруге, үйде сақтауға болмайды.Айта кетейік, бұл шөпті қазақ киелі өсімдік деп санайды. Сондықтан халық арасында оны «бәле-жаладан сақтайды» деп үйдің ішіндегі көрнекілеу жерге, кереге басына іліп қояды. Ал жаңа үйге кірерде босағаға «жын-шайтан мүлдем жоламасын деп» адыраспанмен аластаған. Сонымен қатар, жын-шайтандардан тазарту үшін адыраспанның бір бұтағын отқа салып тұтатып, үйді аластайтын болған.Фото: caravan.kz

Адыраспан тыйым салынған өсімдіктер қатарына енгізілді

<a href="https://kyzylorda-news.kz/">Kyzylorda-news.kz</a>.&nbsp; &nbsp;Қызылорда облысы Төтенше жағдайлар департаментінің қызметкерлері апта сайын тосыннан келетін қауіп-қатердің алдын алу мақсатында профилактикалық тексеріс жүргізуде. Сондай-ақ, 19 ақпаннан бастап адам көп жиналатын ірі сауда орталықтары мен базарларда “Қауіпсіз сауда” акциясы ұйымдастырылуда. &nbsp;Өңірлік коммуникациялар қызметінің ақпарат алаңында жылу беру маусымындағы өрт қауіпсіздігі мен су тасқынының алдын алу бойынша атқарылып жатқан шаралар айтылды.<blockquote>- Қазіргі таңда қаладағы көпқабатты тұрғын үйлерге ұдайы рейд жұмыстары жүргізілуде. Бұдан бөлек, төтеншеліктер полиция департаментімен бірлесіп облыс аумағындағы хостел мен жатақханалардағы тұрғындардың қауіпсіздігін қамтамасыз ету және өрт оқиғаларын болдырмау мақсатында “Жатақхана” атты жедел-профилактикалық шараларын ұйымдастырып келеміз. Бүгінде облыс бойынша барлығы 18 жатақхана мен 5 хостел нақтыланды. Негізінен, орын алған оқыс оқиғалардың көбісі тұрғындардың өрт қауіпсіздігіне салғырт қарауынан орын алады. Яғни, тұрмыстық пештердің техникалық жағдайына мән бермеуі, балаларды қараусыз қалдыруы және өрт қауіпсіздігі ережелерін сақтамауы себеп болуда. Сондықтан, облыс тұрғындарына айтарымыз, жасөспірім балаларды қараусыз қалдырмауға, ақауы бар электр жабдықтары мен қондырғыларды, газ пештері мен газ жабдықтарын мамандарды шақырта отырып, жиі тексеруге шақырамыз, - деді облыстық ТЖД бастығының орынбасары Нұрсұлтан Ибрагимов.</blockquote><blockquote>- Су тасқынының алдын алу бойынша 24 қаңтар мен 2 ақпан аралығында Сырдария өзені аумағына рейд жұмыстары жүргізілді. Дегенмен, қазіргі таңда дария деңгейі көтерілген жоқ. Алайда, біздің департамент қызметкерлері күшейтілген режимде жұмыс істеуде. Бүгінде 78 жеке құрам, 13 бірлік техника, 1 тікұшақ, 4 жүзу құралы дайын. Бұдан бөлек, департамент тарапынан су басу қаупі бар елді мекендердегі 31 820 тұрғынға түсіндірме жұмыстары жүргізіліп, арнайы үнпарақтар таратылды. Жалпы, департамент және оның аумақтық бөлімшелері қысқы кезеңдегі болуы мүмкін төтенше жағдайлардың алдын алуға және оларды жоюға дайын, - деді облыстық ТЖД Төтенше жағдайлардың алдын алу бөлімінің бастығы Бейбітхан Оразайұлы.</blockquote>Фото: өңірлік коммуникациялар қызметі

“Қауіпсіз сауда” акциясы ұйымдастырылуда

<a href="https://kyzylorda-news.kz/">Kyzylorda-news.kz</a>.&nbsp; &nbsp;Аудан әкімі Мейрамбек Шермағанбет аудан орталығындағы бірқатар көшелерді аралап, Әйтеке би кентіндегі жол жөндеу жұмыстары жүргізілетін көшелердің жай-күйімен танысты.Биыл Әйтеке би кентіндегі 4 көше асфальтталатын болса, соның бірі – орталық базарға жақын орналасқан С.Сейфуллин көшесі.Аталмыш көшеде алдағы уақытта аудандық бюджет есебінен жүргізілетін орташа жол жөндеу жұмыстарын аудан басшысына Әйтеке би кентінің әкімі Мұрат Әбсұлтанов баяндап, жүргізілетін жұмыстардың барысын түсіндірді.Аудан әкімі мұнан соң 5-ші квартал аумағында орналасқан «Алпамыс» бөбекжай балабақшасының алдындағы автотұрақ салу жұмыстарының жобасыменде танысты.Алдағы уақытта балабақша алдындағы көше асфалтталып, жаяу жүргіншілер жолыда салынбақ.Әйтеке би кенті бойынша биыл атқарылатын жобалардың бірсыпырасымен танысқан аудан басшысы бұл жұмыстардың сапалы әрі уақытылы жүргізілуін тапсырып, кент әкіміне алда жасалатын жұмыстарға бақылауды күшейтуді тапсырды.Фото: Қазалы ауданының әкімдігі

Мейрамбек Шермағанбет кентте атқарылған жұмыстармен танысты

&nbsp;<a href="https://kyzylorda-news.kz/">Kyzylorda-news.kz</a>.&nbsp; &nbsp;Қоғамдық талқылау 5 наурызға дейін жүргізіледі.Астанада қоғамдық көлікпен жүру құнын 110 теңгеге өсірмек. Осы мәселеге қатысты қаулы қоғамдық талқылауға шығарылды, деп хабарлайды<a href="https://sn.kz/sn-akparat-agyny/110196-astanada-kogamdyk-kolikterdegi-zholakysy-kymbattaidy"> Skifnews.kz</a> ақпарат порталы.Ашық НҚА порталында Астана қаласы бойынша қалалық және қала маңы қатынастарында жолаушылар мен жүкті автомобильмен тұрақты тасымалдау тарифтерінің кейбір мәселелері туралы қаулы жарияланды.Қаулыда қоғамдық көлікпен қатынау құнының бағалары белгіленген:- қалалық көлік қатынастарда жолаушылар мен жүкті автомобильмен тұрақты тасымалдаудың бірыңғай тарифі жолаушының бір сапары үшін&nbsp;110 теңге.- электрон жол жүру құжаты немесе электрон төлемнің қосымша қызметтері арқылы қолма-қол ақшасыз төлеу кезінде жолаушылар мен багажды қалалық автомобиль көлігімен тасымалдауға –&nbsp;110 теңге;- электрон жол жүру құжаты немесе электрон төлемнің қосымша қызметтері арқылы қолма-қол ақшасыз төлеу кезінде жолаушылар мен багажды жедел қалалық автомобиль көлігімен тасымалдауға –&nbsp;250 теңге;- электрон жол жүру құжаты немесе электрон төлемнің қосымша қызметтері арқылы қолма-қол ақшасыз төлеу кезінде жолаушыларды әлеуметтік маңызы бар тұрақты тасымалдауға –&nbsp;110 теңге;- электрон жол жүру құжаты немесе электрон төлемнің қосымша қызметтері арқылы қолма-қол ақшасыз төлеу кезінде қала маңындағы қатынаста – бір километр үшін&nbsp;9 теңге 50 тиын;- қолма-қол ақшамен төлеу кезінде жолаушылар мен багажды қалалық автомобиль көлігімен тасымалдау кезінде –&nbsp;220 теңге;- қолма-қол ақшамен төлеу кезінде жолаушылар мен багажды жедел қалалық автомобиль көлігімен тасымалдау кезінде –&nbsp;350 теңге;- қолма-қол ақшамен төлеу кезінде жолаушыларды әлеуметтік маңызы бар тұрақты тасымалдау кезінде –&nbsp;220 теңге;- қала маңындағы қатынаста қолма-қол ақшамен төлеу кезінде – бір километр үшін&nbsp;14 теңге.Қоғамдық талқылау 5 наурызға дейін жүргізіледі.Айта кетейік, қалалық маршруттарда жол жүруге&nbsp;90 теңге&nbsp;тариф 2014 жылдың қыркүйегінде белгіленген болатын.Астанада және қала маңында оқитын 18 жасқа дейінгі балалар үшін қоғамдық көлікте жол жүру 2020 жылғы наурыздан бастап тегін. Міндетті шарт – мектептің көлік картасының болуы және оны автобуста валидация жасау.Сондай-ақ келесі санаттарға жататын азаматтар бұл жеңілдікке ие:1) Ұлы Отан соғысының қатысушылары мен мүгедектері және оларға теңестірілген адамдар;2) жасы және еңбек еткен жылдары бойынша зейнетке шыққандар, сондай-ақ жасы бойынша және асыраушысынан айырылу жағдайы бойынша зейнеткерлік жасқа толған мемлекеттік әлеуметтік жәрдемақы алушылар;3) көпбалалы аналар;4) көпбалалы отбасылар;5) мүгедектер;6) он сегіз жасқа дейінгі мүгедек балалар, оның ішінде ата-аналарының бірі (заңды өкілдері).7) «Жаппай саяси қуғын-сүргін құрбандарын оңалту туралы» Қазақстан Республикасының Заңында белгіленген тәртіппен ақталған 1986 жылғы 17-18 желтоқсандағы Қазақстандағы оқиғаларға қатысушылар қатарынан саяси қуғын-сүргін құрбандары.Фото: Нұрболат Нұржаубай

Қоғамдық көліктерде жолақы қымбаттайды

<a href="https://kyzylorda-news.kz/">Kyzylorda-news.kz</a>.&nbsp;&nbsp; Қазақстан мобильді аударымдарға салық салу шарттарын қайта қарауы мүмкін. Бұл туралы <a href="https://stan.kz/kazakstanda-mobildi-audarimdarga-salik-salu-sharttari-k-395762/">Stan.kz</a> ақпарат агенттігі хабарлайды.Салық қызметкерлері үш ай ішінде 100 және одан да көп азаматтан 3 ең төменгі жалақыдан (255 мың теңге) асатын сомада өз шоттарына ақша түскен қазақстандықтардың мобильді аударымдарын ғана қадағалай алады.Премьер-министрдің орынбасары – Ұлттық экономика министрі Нұрлан Байбазаровтың айтуынша, енді тек үш ай қатарынан ай сайын 100 және одан да көп түрлі тұлғалардан ұялы байланыс арқылы ақша аударымдарын алған адамдар ғана тексеру критерийлерін жатады. Ал, Қаржы министрлігі мүдделі мемлекеттік органдармен бірлесіп мобильді аударымдарды бақылау критерийлерін&nbsp;қайта қарап жатыр."Тәуекел критерийлерін келесі редакцияда өзгерту туралы ұсыныс қарастырылуда: "Бір жеке тұлғаның банк шотына келесі үш айда ай сайын 100 және одан да көп түрлі тұлғалардан жалпы сомасы ең төменгі жалақының 3 мөлшерінен асатын ақшалай қаражаттың түсуі (1 қаңтардағы жағдай бойынша – 255 мың теңге). Кәсіпкерлік кодексінің 35-бабының 2-тармағының 2-тармақшасына сәйкес жеке кәсіпкерліктен ең төменгі жалақының 12 еселенген мөлшерінен асатын (шамамен 1 миллион теңге) жылдық табысы бар жеке тұлғалар дара кәсіпкер ретінде міндетті мемлекеттік тіркеуге жатады", – делінген хабарламада.Нұрлан Байбазаров жұмыс нәтижесі Қаржы министрлігіне хабарланатынын айтты.Фото:&nbsp;Нұрболат Нұржакбай

 Мобильді аударымдарға салық салу шарттары қайта қаралады

<a href="https://kyzylorda-news.kz/">Kyzylorda-news.kz</a>.&nbsp; &nbsp; ҚР Премьер-министрі Олжас Бектеновтің төрағалығымен өткен Үкімет отырысында «Жайлы мектеп» ұлттық жобасының жүзеге асырылу барысымен қатар, су тасқыны бойынша ахуал да талқыланды.Төтенше жағдайлар министрі Шыңғыс Әріновтің баяндауынша, бүгінде республикада жағдай тұрақты. Ведомство жергілікті атқарушы органдармен бірлесіп су тасқынына дайындық бойынша қажетті іс-шаралар кешенін өткізді.Үкімет отырысынан кейін облыс әкімі Нұрлыбек Нәлібаев берілген тапсырмаларға қатысты арнайы мәжіліс өткізді.«Биылғы 20 ақпандағы жағдай бойынша облыс аумағына секундына 200 текше метр су түсуде. Аралдан бастап Қызылорда қаласы аумағына дейін өзен арнасында мұз толықтай ұстасқан. Мұздың шеті Шиелі ауданының «Керкелмес» су бекеті тұсында. Жаңақорған ауданында өзен беті мұздан таза. Мұздың орташа қалыңдығы 10-28 см. «Қазгидромет» Қызылорда филиалының мәліметіне қарағанда, айдың үшінші онкүндігінде ауа температурасы 5 градустан 10 градусқа дейін, оңтүстік пен шығыста 17 градусқа дейін дейін жоғарылауы мүмкін. Ауа райы жылынысымен өзен арнасында мұз қозғалысы басталады. Кез келген уақытта мұз кептелісі салдарынан су деңгейі көтерілуі ықтимал. Қала, аудан әкімдері мен тиісті мекемелер дайындық шараларын күшейтуі керек», – деді аймақ басшысы.Айта кетейік, өткен аптада Төтенше жағдайлар министріШыңғыс Сайранұлының облысқа арнайы іссапары кезінде Сырдария өзенінің су шаруашылығы жағдайы мен су тасқынының алдын алу дайындығы таныстырылып, негізгі мәселелер талқыланды.Жиында өңірде су тасқынының алдын алудың бекітілген алгоритміне сәйкес шаралар қабылдау және мұз қозғалысы кезінде жеке құрамның күшейтілген режимге көшуін қамтамасыз ету тапсырылды. Қызылорда қаласы мен аудан әкімдері жергілікті азаматтық қорғау қызметтері күш-құралдарының үнемі дайындықта болуын қадағалуы тиіс. Өзен бойындағы қауіпті учаскелерге бақылауды күшейтіп, тәулік бойы кезекшілікті жалғастыру қажет. «Қазсушар» мекемесі Сырдария өзенімен келетін артық суды алу үшін барлық су таратушы каналдар мен «Қараөзек» су арнасын әзірлеуге жауапты. «Арал-Сырдария» бассейндік инспекциясы «Шардара» су қоймасынан Сырдария өзенінің төменгі ағысына түсетін судың бекітілген кестеге сәйкестігіне бақылау жасайтын болады.Мұнан бөлек, тиісті басқармаларға мол су келген жағдайда облыс аумағындағы көлдер жүйесіне су алуды ұйымдастыру, авариялық-құтқару қызметтері мен күш-құралдарының дайындығын үнемі әзірлікте ұстау және мұз жару жұмыстарын жүргізетін арнайы мердігер мекеменің дайын болуын қамтамасыз ету міндеттелді.Фото: Қызылорда облысы әкімінің баспасөз қызметі

Су тасқынының алдын алу шаралары пысықталды 

&nbsp; <a href="https://kyzylorda-news.kz/">Kyzylorda-news.kz</a>.&nbsp; &nbsp; Мемлекеттік қызметшінің іс жүзінде атқарған жұмысы міндетті түрде ескерілуі керек.Президент мемлекеттік қызметті неғұрлым озық салаға айналдыру қажет екенін айтты. Мемлекет басшысы бұл туралы Президенттік жастар кадр резервінің форумында баяндады, деп хабарлайды <a href="https://sn.kz/sn-akparat-agyny/110188-prezident-kagazbastylykk-a-uzildi-kesildi-toskauyl-koiatyn-uakyt-zhetti">Skifnews.kz </a>ақпараттық порталы.<blockquote>Жылдар бойы жауыр болған бюрократияға, қағазбастылыққа үзілді-кесілді тосқауыл қоятын уақыт жетті. Мемлекеттік қызмет жүйесінде барлық үдеріс ашық болуға тиіс. «Мемлекет адам үшін» қызмет етуі керек. Елімізде азаматтардың мүддесін толық қорғайтын мемлекеттік қызмет моделін, үлгісін қалыптастыру қажет. Сондықтан уақыт талабына сай келетін және қоғам сұранысына жауап беретін жаңа жұмыс тәсілдерін енгізген жөн. Мемлекеттік қызметшілердің жұмысын шынайы бағалайтын нақты өлшемдер болуға тиіс. Бұл – бағалау жүйесін ұдайы жаңартып отыру қажет деген сөз. Мемлекеттік қызметшінің іс жүзінде атқарған жұмысы міндетті түрде ескерілуі керек. Ең бастысы, әрбір қызметші еліміздің алдында тұрған стратегиялық міндеттерге сәйкес барынша тиімді жұмыс істеуге дайын болуы қажет, – деді Президент.</blockquote>Бұл ретте IT-шешімдер арқылы мемлекеттік қызмет жүйесін оңтайландыру маңызды.<blockquote>Жасанды интеллект технологиясын және ауқымды мәліметтер қорын, яғни Big Data-ны тиімді қолдану керек. Заманауи технологиялар арқылы халықпен етене байланыс орнатудың жолдарын жақсартқан жөн. Себебі барлық маңызды шешімдер азаматтардың пікірі негізінде қабылдануға тиіс, – деді Қасым-Жомарт Тоқаев.</blockquote>Фто: Ақорда

Президент: Қағазбастылыққа үзілді-кесілді тосқауыл қоятын уақыт жетті

<a href="https://kyzylorda-news.kz/">Kyzylorda-news.kz</a>. Ұлттық қордан жиналған қаражат екі түрлі мақсатта жұмсалады. Оның бірі – тұрғын үй алуға болса, екіншісі – білім алуға. Осыған байланысты Өңірлік коммуникациялар қызметінде өткен брифингте «Отбасы банкі» АҚ Қызылорда облысы бойынша филиалы директорының орынбасары Шыңғыс Құттықов аталмыш қаржыдан қалай тұрғын үй алуға болатынын түсіндіріп берді.<blockquote>- Биыл 18 жасқа толатын 14 мыңға жуық азаматтың есепшотына қордан тиісті қаржы аударылды. Осыған орай азаматтардың тұрғын үй алуы бойынша тиісті міндеттерді атқаратын боламыз. Атап айтқанда, қордан түскен қаржыны ипотекалық несиені рәсімдеу үшін алғашқы жарна ретіндей пайдалануға, ұзақ мерзімді жалға алынған үйлердің ақысын төлеуге және ипотекалық несиені ішінара немесе толық өтеуге бағытталады. Сондай-ақ, отбасы банкте депозиті немесе жинақтау шоты болмаса бірақ, кәмелетке толған азаматтарға қордың қаражаты жұмсалады. Сондай-ақ, биылдан бастап біздің банкте «Ақыл» депозиті ашылады. Бұл депозит Ұлттық қормен тікелей байланысты болмақ. Ұлттық қордан ақшаны шығару тек 18 жасқа толған кезде ғана жүзеге асады, - деді Шыңғыс Нұрланұлы.</blockquote>Егер белгілі бір себептермен қордан түскен қаражат жұмсалмаса 10 жылға дейін сақталады. Ал сақталған қаржы сұранысқа ие болмаса бірыңғай зейнетақы қорына аударылады,<blockquote>Жыл басынан бері халыққа қызмет көрсету орталықтарында 3500-ге жуық азамат өз балаларының мәліметін жөндетті. Ал 487 қызмет түрі Egov порталы арқылы жүзеге асты. Егер жеке мәліметтер мен дерекқорға байланысты мәселелер туындаса арнайы қосымша арқылы өтініш беруге болады. Келіп түскен өтініштер 2-3 жұмыс күнінде қаралады, - деді «Азаматтарға арналған үкімет» КЕАҚ Қызылорда облысы бойынша филиалы директорының орынбасары Руслан Қалмұратов.</blockquote>Фото: Нұрболат Нұржаубай

Ұлттық қордан аударылған қаржы сұранысқа ие болмаса қайда аударылады?

<a href="https://kyzylorda-news.kz/">Kyzylorda-news.kz</a>. Құндылықтық тұрғыдан алғанда әлемдік діндердің сенімі мен қағидаттарында адамгершілікке негізделген ізгілік, мейірімділік, адалдық, төзімділік секілді игі қасиеттер насихатталады. Мұндай моральдық ұстанымдар мен рухани негіздегі тәрбие адамның және қоғамның ұмтылыстары мен мақсат-мұратын дұрыс арнаға бағыттауға әсер етеді. Осы және өзге де мәселеге қатысты Қызылорда облысының дін істері басқармасының «Дін мәселелерін зерттеу орталығының» бөлім басшысы, дінтанушы Жеңісбек Дәрібаев пікір білдірді.Жалпы, діни құндылықтарға адамгершілік, жанашырлық, әділдік, жақынды сүю және қоршаған ортаны құрметтеу сияқты қағидалар жатады. Көптеген діндер басқа адамдармен үйлесімді өмір сүру үшін этикалық стандарттар мен белгіленген мінез-құлық ережелерін сақтаудың маңыздылығын мойындайды. Соның ішінде негізгі құндылықтардың бірі әділдік болып табылады. Ол әрбір адамның құқықтары мен қадір-қасиетін құрметтеу, қиын жағдайға тап болғандарға жанашырлық таныту, қоғамдағы теңсіздіктер мен әділетсіздіктерді жоюға ұмтылу деген сөз.Сонымен қатар, діндер өз ізбасарларын басқа адамдарға, әсіресе көмекке мұқтаж адамдарға қамқорлық пен жанашырлық көрсетуге үйретеді. Олар үйлесімділік пен бақытқа жету құралы ретінде өзін-өзі жетілдірудің және рухани өсуге ұмтылудың маңыздылығын атап көрсетеді. Жалпы, діндердің ортақ құндылықтары барлық адамдардың бақыты мен әл-ауқатына ықпал ететін моральдық-этикалық принциптерге негізделген жақсы және әділ әлеуметтік өмірді құруды мақсат етеді.Қазақтың ұлы ақыны Абай өз өлеңдерінің бірінде:&nbsp; «Махаббатпен жаратқан адамзатты, Сен де сүй ол алланы жаннан тәтті. Адамзаттың бәрін сүй бауырым деп, Және хақ жолы осы деп әділетті» - деген болатын. Расында, қайсыбір дінді алсаң да адамды сүйіспеншілікке, бір-бірін құрметтеуге, әділ болуға және Жаратушыға құлшылық жасауға шақырады. Діндер Жаратушыны тану тұрғысынан бір-біріне қайшы келуі мүмкін. Алайда, моральдық тұрғыда өзара түсінесе алады. Өйткені барлығында Жаратушыны бар екендігін тану сенімі жатыр.Өткен ғасырда Кеңес дәуірінің қылышынан қан тамып тұрған 30-40 жылдары қазақ жеріне көптеген ұлттар күштеп жер аударылды. Олар өздерінің мәдениетімен қоса діни сенімдерін ала келді. Сол замандағы ата-әжелеріміз тағдыр тәлкегімен елге келгендердің ұлты мен діні бөлек болса да қол ұшын берді. Өйткені, оларға адамзат баласы деп қарады. Өздері құрқылтайдың ұясындай үйде отырса да, оның бір бөлігінен орын берді. Отбасы мүшелері тойып тамақ жейтіндей деңгейде болмаса да, астарымен бөлісті. Бұл аталарымыздың жүрегінде ізгілік пен мейірімділіктің мол екендігін көрсетеді.Елімізде әлем діндерінің көшбасшылары жыл сайын бас қосып келеді. Олардың діни сеніміне қарамастан бірге отыруы – гуманизм құндылығы болып табылады.Жоғарыдағы айтылған құндылықтар кез-келген адам баласының бойынан көрініс тапса, адамның түр-түсіне, ұлтына, сеніміне қарамастан ортақ тіл табыса алатынын айғақтайды.Алайда, бұл құндылықтар кез-келген діни ағымдарда кездеспейді. Соның салдарынан ел ішінде лаң шығарып, қалыптасқан құндылықтарды терістеп, өзгеден өз ұстанымын жоғары қойып, көпшілікке толеранттылық таныта алмайтындар бар. Қорытындылай келе, ата-баба салған сара жолмен жүре отырып, өзге діндерге толерантты көзқараста болу, яғни сыйластық, құрметтеу қағидаларын ұстану маңызды екенін баса айтқым келеді.

Жеңісбек Дәрібаев: Діни ұстамдылық – барлық діндерге ортақ қасиет

&nbsp; &nbsp;<a href="https://kyzylorda-news.kz/">Kyzylorda-news.kz</a>.&nbsp; &nbsp;&nbsp;Осы жылдың 1 қаңтарынан бастап Мемлекет басшысының тапсырмасы негізінде «Ұлттық қор – балаларға» бағдарламасы іске қосылған болатын. Аталмыш бағдарламаға еліміз бойынша 6 919 131 бала қатысушы ретінде тіркелсе, Қызылорда облысынан 338 320 баланың тізімі енгізілген. Олардың барлығына бірдей 100 АҚШ доллары 52 цент мөлшеріндегі қаржы аударылды. Белгіленген қаржы жыл сайын Ұлттық қордың өсуі мен инвестициялық кіріс есебінен ұлғайып отырмақ. Бұл жөнінде Өңірлік коммуникациялар қызметінде өткен брифингте «Бірыңғай жинақтау зейнетақы қоры» АҚ Қызылорда облыстық филиалы директорының орынбасары Алмас Сәрсембаев хабарлады.- «Ұлттық қор – балаларға» жобасының басты мақсаты – өскелең ұрпақты қаржылай қолдау және оларға ұлттық жинақ есебінен тұрғын үй жағдайларын жақсартуға және білім алуына мүмкіндік беру болып табылады. Өздеріңізге белгілі, 1 ақпанда 18 жасқа дейінгі балалардың арнайы есепшотына Ұлттық қордан алғашқы қаржы аударылды. Бұл қаржы балалардың 18 жасқа толғанға дейін қосымша инвестициялық кіріс әкелетінін атап өткіміз келеді. Ал осы жылы 18 жасқа толатын 304 815 баланың қаржысы БЖЗҚ-да ашылған нысаналы жинақтау шоттарына түсті. Олар өздерінің жинақтарын кәмелет жасқа толғаннан кейін тұрғын үйге немесе білім алуға жарата алады. Қызылорда облысы бойынша 338 320 балаға Ұлттық қордан белгіленген қаржы аударылды, ал оның ішінде биыл 18 жасқа толатын азаматтар саны – 14 182. Биыл туылған балалардың шотына автоматты түрде Ұлттық қордан қаржы аударылатын болады, - деді Алмас Әбдіқалиұлы.Фото: өңірлік коммуникациялар қызметі

«Ұлттық қор – балаларға»: Қызылордада 338 мыңнан астам баланың есепшотына қаржы аударылды 

<a href="https://kyzylorda-news.kz/">Kyzylorda-news.kz</a>. Жыл басынан бері Қызылорда облысы бойынша ҚР көші-қон заңнамасын бұзған 78 шетелдік азамат әкімшілік жауапкершілікке тартылды, оның ішінде сот шешімі бойынша 6 шетелдік елден тысқары шығарылды.&nbsp;Қос азаматтығы бар 1 тұлға анықталып, оған қатысты тиісті шара қабылданды.&nbsp;<blockquote>«Қызылорда қаласы көші-қон бөлімінің қызметкерлері тексеру барысында Қазақстан Республикасының азаматтығы туралы заңнамасын бұзған құқық бұзушыны анықтады. Ресей Федерациясының 40 жастағы азаматшасына қатысты ҚР заңнамасында белгіленген мерзімде шетел азаматтығын алу фактісін хабарламау бойынша әкімшілік хаттама толтырылды. Сот шешімімен бұл азаматша 516 880 теңге көлеміндегі әкімшілік айыппұл түрінде жауапкершілікке тартылды», - делінген полиция департаментінің хабарламасында.</blockquote>Фото: www.facebook.com/kazembassyru

Қазақстан және Қызылорда облысының жаңалықтары

«AMANAT»: Кезектен тыс XXXIIІ конференция өтті