Биыл елімізде 217 мектеп қолданысқа беріледі. Бұл туралы оқу-ағарту министрі Ғани Бейсембаев мәлімдеді, деп хабарлайды <a href="https://el.kz/biyl-elimizde-217-zhana-mektep-ashylady_108093/">El.kz&nbsp;</a> ақпарат агенттігі.Үкімет отырысында министр алдағы 2024-2025 жылдары 740 мың оқушы орнына арналған 369 мектеп қолданысқа берілетінін жеткізді.<blockquote>Жалпы ұлттық жоба еліміздегі оқушы орындарының тапшылығын шешуге, апатты және үш ауысымды мектептер мәселесін жоюға бағытталған. Биыл 217 мектепті, 2025 жылы 152 мектепті қолданысқа беру көзделген. Мектептер құрылысы бірыңғай стандарт бойынша жүзеге асырылып жатыр. Бұл ретте 163 мектеп (44%) ауылдық жерлерде салынады, - деді министр.</blockquote>Ғани Бейсембаевтың сөзінше, ұлттық жобаны іске асыруға республикалық бюджеттен 2,3 трлн теңге бөлу көзделген (2023 жыл – 500 млрд теңге, 2024 жыл – 976,3 млрд теңге, 2025 жыл – 909,4 млрд теңге). Оның ішінде былтыр «Самұрық-Қазына Констракшнге» тиісті көлемде қаржы аударылды (500 млрд теңге).Фото: t.me/KZgovernment

Биыл елімізде 217 жаңа мектеп ашылады

<a href="https://kyzylorda-news.kz/">Kyzylorda-news.kz</a>. Қызылорда облысының мәдениет, архивтер және құжаттама басқармасы бастамасымен «Анаға тағзым» орталығының ұйымдастыруымен «Брендке бір қадам...» атты креативті кәсіпкерлерге арналған сауда көрмесі ашылды. Аталған бастама өңірде алғаш рет ұйымдастырылып отыр.Жобаның басты мақсаты – креативті кәсіпкерлердің кластерін қалыптастырып, олардың өз қолдарынан шыққан өнімдерді коммерцияландыруға мүмкіндік жасау.Сауда көрмесінде ұлттық нақыштағы киім, этно стильдегі бұйымдар мен кәдесыйлар ұсынылды.Аталған шара барысында басқарма басшысының орынбасары Қ.Жанұзақов кәсіпкерлердің тауарын пайдаланушыға жеткізуге қолдау көрсетілетінін айтып, сәттілік тіледі.Сондай-ақ,облыстық «Атамекен» кәсіпкерлер палатасы, Kyzylorda Hub бизнес-инкубаторының өкілдері мен өңірімізге белгілі кәсіпкерлер қаржылық сауаттылық, бизнесті бастау және дамыту бағытында арнайы тренингтер мен шеберлік сағаттарын өткізуде.Айта кетейік, сауда көрмесі 19-23 ақпан, яғни апта бойы «Анаға тағзым» орталығында ұйымдастырылады.<img src="https://knadmin.beoblood.kz/uploads/428320319_3562107134042768_2504957401652178460_n_db4af21ddd.jpg" alt="428320319_3562107134042768_2504957401652178460_n.jpg"><img src="https://knadmin.beoblood.kz/uploads/428473441_3562107637376051_7881492740059558862_n_c3bee9c499.jpg" alt="428473441_3562107637376051_7881492740059558862_n.jpg"><img src="https://knadmin.beoblood.kz/uploads/428469729_3562107620709386_635393938534781187_n_af5f5f6278.jpg" alt="428469729_3562107620709386_635393938534781187_n.jpg">

Қызылордада креативті кәсіпкерлерге арналған сауда көрмесі ашылды

<a href="https://kyzylorda-news.kz/">Kyzylorda-news.kz</a>. Қызылорда облысының қоғамдық даму басқармасының ұйымдастыруымен Республика бойынша бірыңғай уақыт белдеуін енгізу бойынша пікір алмасу мәжілісі өтті.&nbsp;Мәжілісте ҚР Сауда және интеграция министрлігі Техникалық реттеу және метрология Комитетінің Қызылорда облысы бойынша департаменті директоры Б.Қарсақбаев, Қызылорда облысының қоғамдық кеңес, Атамекен ӨКП Өңірлік кеңесінің мүшесі, ӨКП Кәсіпкерлерінің құқықтарын қорғау кеңесінің төрағасы Б.Нұрхожаев біріңғай уақыт белдеуінің өзгерістері мен тиімділігі туралы талдамалық ақпараттар ұсынды.&nbsp;2024 жылғы 5 қаңтарда "Қазақстан Республикасының аумағында уақытты есептеу тәртібі туралы "Қазақстан Республикасы Үкіметінің 2000 жылғы 23 қарашадағы № 1749 қаулысына өзгерістер енгізу туралы" Үкімет қаулысының жобасы Қазақстан Республикасы Үкіметінің Аппаратына енгізілді, қаулы 2024 жылғы 19 қаңтарда қабылданды және жарияланды.Өзгерістерге сәйкес, 2024 жылғы 1 наурызда сағат 00:00-ден бастап елдің бүкіл аумағында бірыңғай уақыт белдеуі орнатылады. Осылайша, Қазақстан Республикасының бүкіл аумағына 5-ші уақыт белдеуі (UTC+5) қолданылады.Халықаралық тәжірибеде әлемнің 175 елінде біріңғай уақыт белдеуі қолданылса, 22 мемлекет бірнеше уақыт белдеуінде екен.Бүгінгі таңда Қазақстанда UTC+5 және UTC+6 екі уақыт белдеуі бар. Ел аумағының көп бөлігі (батыс облыстарды қоспағанда) UTC+6 аймағында орналасқан.Мәжіліс соңында қатысушылар өзара пікір алмасып, қоғамдық кеңес мүшелері мен этномәдени бірлестіктер, ҮЕҰ, БАҚ өкілдер және жастар ұйымдары біріңғай уақыт белдеуін белгілеу еліміздің әр өңірінің тұрғындары арасындағы уақытша кедергілерді жойып, көлік және басқа да коммуникацияларды үйлестіруді жақсартып, бизнесті жүргізуге, мемлекеттік органдардың өзара іс-қимылына оң әсерін тигізетінінатап өтті. Брифинг соңында спикерлер БАҚ өкілдерінің қойған сұрақтарына жауап берді. <img src="https://knadmin.beoblood.kz/uploads/e908940f_8392_4e2d_8f18_9b834f0c6dfc_e04c323d8d.jpg" alt="e908940f-8392-4e2d-8f18-9b834f0c6dfc.jpg"><img src="https://knadmin.beoblood.kz/uploads/e1673027_00fe_4e08_bfeb_7069fe61f244_253cd8c3dc.jpg" alt="e1673027-00fe-4e08-bfeb-7069fe61f244.jpg"><img src="https://knadmin.beoblood.kz/uploads/4eb2c9b4_446f_4edb_93a7_5016b4e225e2_4ee302483c.jpg" alt="4eb2c9b4-446f-4edb-93a7-5016b4e225e2.jpg">

Қызылордада бірыңғай уақыт белдеуін енгізу бойынша пікір алмасу мәжілісі өтті

<a href="https://kyzylorda-news.kz/">Kyzylorda-news.kz</a>. Назарбаев Зияткерлік мектебінің оқушылары озық жобаларды жүзеге асыруда алдыңғы қатардан көрініп жүр. Олардың қолынан шыққан әр туынды тынымсыз еңбек пен үздіксіз білімді қажет етеді. Биыл да аталмыш мектептің білім алушылары соңғы технологияларды пайдалана отырып, таптырмас жобаларды сәтті жүзеге асыруда. Өңірлік коммуникациялар қызметінің ақпарат алаңында Назарбаев Зияткерлік мектебінің өрендері тың жобаларын БАҚ өкілдеріне таныстырды.<blockquote>Назарбаев Зияткерлік мектебінің оқушылары алған білімдерін іс жүзінде ұштастыру мақсатында тұрақты түрде ғылыми жобалармен айналысып келеді. Әсіресе, қоғамға пайдалы тың жобаларды жасау үшін өздерінің зерттеу жұмыстарын үздіксіз жүргізеді. Нәтижесінде, сіздердің алдарыңызға сәтті іске асқан екі жұмысты әкеліп отырмыз. Бірінші жоба - “Жалын” деп аталады. Бұл орман өртін қызметкерлерге жедел естіртіп, оның алдын алуға бағытталған. Ал, екіншісі - “Нақыл сөз” жобасы. Бұл жоба ұялы телефонға жүктеуге арналған бағдарлама. Бағдарлама қазақ тіліндегі қолданыстан шығып қалған немесе ұмытылған сөздердің мән-мағынасын түсіндіріп береді, - деді Әділжан Жұмағазыұлы.</blockquote>Әділжан Жұмағазыұлы осы қосымша арқылы қазақ тілінің көнерген сөздерін қолданысқа енгізуді жоспарлап отыр.<blockquote>Менің жобам “Жалын” деп аталады. Жобамның басты міндеті - орман өртінің алдын алуға және қауіпсіздікті қамтамасыз етуге арналған экологиялық жоба. Өздеріңізге белгілі, жақында Абай облысында 60 гектарды шарпыған өрт оқиғасы экологиялық мәселені күрделенуіне әкеп соқтырды. Сондықтан осы жобаны жасауға бел будым. Бағдарламаны жасауға үш айдай уақытымды жұмсадым. Ең алдымен біздің сезгіш құрылғыларымыз ағаштарға орналастырылады. Өрт болған жағдайда оның қай жерде орын алғанын және ауқымын датчиктер арқылы орманшының қолындағы планшетке түседі. Осылайша, өрттің алдын алуға болады, - деді оқушы Жұлдызай Мұңайтбасова.</blockquote>Едігеева Алуа мен Жақыпбек Азизаның жобалары - “Нақыл сөз” деп аталады. “Нақыл сөз” - қазақ тілінде оқып, дамығысы келетін адамдарға арналған.<blockquote>Қазіргі таңда жастар арасында әдеби сөздердің қолдану аясы тым тарылып кеткен. Сондай-ақ, көпшілігі әдеби сөздердің мән-мағынасын түсіне бермейді. Осы мәселе біздің жобаны бастауымызға түрткі болды. Қосымша 4 бөлімнен тұрады. Олар: қанатты сөздер, мақал-мәтел, тұрақты тіркестер және көнерген сөздер. Сондай-ақ, орыс, ағылшын тілдерінде аудармасы мен аудиожазбасы көрсетілген. Айта кетейік, бұл жобаны бастамас бұрын біз қазақ тілін меңгеруге арналған қосымшаларға талдау жасадық. Нәтижесінде, күнделікті қазақ тілін меңгеруге арналған бағдарламалардың бар екенін, алайда, дәл осы әдеби қазақ тілін дамытуға бағытталған қосымшаның жоқ екенін байқадық. Болашақта “Нақыл сөздер” қосымшасына “Ойындар” деген бөлім қосқымыз келеді, - деді жоба авторлары Едігеева Алуа мен Жақыпбек Азиза.</blockquote>Фото: өңірлік коммуникациялар қызметі&nbsp;

Назарбаев Зияткерлік мектебінің оқушылары бірнеше жобаны қолға алды 

<a href="https://kyzylorda-news.kz/">Kyzylorda-news.kz</a>.Тұтынушылардың құқығының қорғалуы – басты мәселелердің бірі. Осыған сәйкес, былтыр тұтынушылардан жалпы саны 368 өтініш келіп түскен. Салалар бойынша жүргізілген талдау барысында аталмыш өтініштердің басым бөлігі бөлшек сауда саласына қатысты екені анықталды. Бұл жөнінде Өңірлік коммуникациялар қызметінің ақпарат алаңында Қызылорда облысы бойынша Сауда және тұтынушылардың құқықтарын қорғау департаментінің басшысы Ерқасым Жайбергенұлы мәлімдеді.Аталған өтініштерді заңға сәйкес қарау қорытындысы бойынша 264 өтініш қанағаттандырылса, 26 өтініш түсіндіріліп, 75 өтініш басқа мемлекеттік органдарға жолданды. Осы жұмыстардың нәтижесінде, тұтынушыларға жалпы құны 8,1 млн теңге қаржы қайтарылып берілді. Бұдан бөлек, әлеуметтік маңызы бар азық-түліктердің бағасына арнайы мониторинг жұмыстары жүргізіліп, шекті бағасынан асырып сатқан деректер анықталды. Заңбұзушылыққа жол берген кәсіпкерлік субьектілеріне заң аясында тиісті шаралар қабылданды. Айта кетейін, ҚР «Сауда қызметін реттеу туралы» заңының 9-бабына сәйкес, кәсіпкерлер әлеуметтік маңызы бар азық-түлік тауарларының өз бағасына 15 пайыздан аспайтын баға белгілеуі қажет. Сонымен қатар, бүгінде ҚР Сауда және интеграция министрлігі «Сапалы өнім» жобасының тұжырымдамасын әзірлеуде. Бұл жобаның басты мақсаты – ішкі нарықта сапасыз өнімдердің санын азайту болып табылады, - деді Ерқасым Жайбергенұлы.Фото: өңірлік коммуникациялар қызметі&nbsp;

Тұтынушылардан келген 264 өтініш қанағаттандырылды

Сурет: kaz.nur.kzБүгін жұлдыз жорамал бойынша сізді не күтіп тұрғанын біліңіз. Жұлдыз жорамалға сүйене отырып, өзіңіздің жұмыс жоспарыңызды тиімді құрып, жеке қарым-қатынасыңызды дамыта аласыз және күнделікті денсаулығыңызды бақылай аласыз.Отбасы жұлдызнамасыТоқтыСіздің отбасыңыз, достарыңыз бен туыстарыңыз сіздің қолдауыңыз бен қорғауыңызға мұқтаж. Айналаңызға түсіністікпен қараңыз, назарыңыз бен сүйіспеншілігіңізді қажет ететіндерге қамқорлық жасаңыз.ТорпақБүгін перфекционист болмаңыз және басқалардың алдында өзіңізден жақсы көріну үшін бәрін мінсіз жасауға тырыспаңыз. Оның орнына сәтсіздіктеріңіздің ішкі себептерін іздеңіз, бұл сіздің қорқынышыңыз бен отбасылық өміріңіздегі проблемалардан туындауы мүмкін.ЕгіздерОтбасылық өмірдегі мәселені шешу үшін жалғыз қалып ойланып, біраз уақытыңызды өзіңізге арнаңыз, бірақ ойланбаған әрекеттерден аулақ болыңыз.ШаянОтбасыңызға кәсіби қоғамдастықта немесе бизнесте жоғары лауазымға жетуге көмектесетін бизнесті дамыту мәселелері бойынша бірлесіп жұмыс істеу мүмкіндіктерін іздеңіз. Жауапты болыңыз. Сіздің балаларыңыз жетістікке жетуге құштар болып өседі.АрыстанТуысқандар бір-бірінің көмегіне, жанашырлығына мұқтаж болады. Қаржылық қолдау көрсетіңіз немесе демалысты бірге жоспарлаңыз. Егер сіздің отбасыңыз қиын кезеңдерді бастан өткерсе, назар аударыңыз және қамқорлық жасаңыз.БикешБүгін сізде бұрын уақыт таба алмаған көптеген отбасылық мәселелерді шешуге жақсы мүмкіндік.ТаразыӨзіңізді жинаңыз және жақын адамдарыңызды сынамаңыз. Сабырлы болыңыз, сонда сіз ризашылық пен түсіністікті көресіз.СарышаянӘлеуметтік байланыстарыңызға назар аударыңыз. Тәуекелге баруға немесе жұмысыңызға көмектесетін жақсы идеялары мен идеялары бар жаңа адамдармен кездесуге дайын болыңыз.МергенОтбасы мүшелеріне өзіңіздің сенім артатыныңызды көрсетіңіз: адамдар өтірік айтқанды ұнатпайды.ТауешкіБүгін отбасыңызбен бірге кинотеатрға баратын қолайлы күн. Сондықтан отбасылық комедия іздеңіз.СуқұйғышДемалыста жақындарыңызға сыйлық алыңыз, олар сіздің отбасыңызға жағымды эмоция сыйлап қана қоймай, сіздің қамқорлығыңыз бен қолдауыңызға риза болады.БалықтарОтбасы тек қуаныш қана емес, күйзелістің де көзі бола алады. Бір-біріне көмектесіп, сезімдер мен эмоцияларға қамқорлық жасаңыз. Тұрақтылық пен жеке кеңістікке деген қажеттіліктер арасындағы тепе-теңдікті сақтаңыз.Ақпарат көзі:&nbsp;<a href="https://kaz.nur.kz/kaleidoscope/2061652-bugingi-zuldyz-zoramal-20-aqpan-kuni-sizdi-ne-kutip-tur/">kaz.nur.kz</a>

20 ақпанға арналған жұлдыз жорамал

<a href="https://kyzylorda-news.kz/">Kyzylorda-news.kz</a>&nbsp; Желіде оқушылардың мектепте намаз оқыған видеосы тараған еді.&nbsp;Оқу-ағарту министрлігі оқиғаға байланысты тексеріс бастады. Бұл туралы <a href="https://stan.kz/mektepte-namaz-okigan-oku-agartu-ministrligi-tekseris-b-395701/">Stan.kz</a> ақпарат агенттігі.Әлеуметтік желіде тарап жатқан&nbsp;жазбадан бір топ баланың сәждеге жығылып жатқанын байқауға болады. Олардың арт&nbsp;жағында&nbsp;мектеп партасы көрінеді. Спорттық киім киген бозбалалар қай мектептің шәкірттері екені әзірге белгісіз. Оқиғаның қай өңірде болғаны да беймәлім. Жалпы заң бойынша оқу орындарында діни құлшылық жасауға тыйым салынған.Ведомство өкілдері сабақ барысында құлшылық жасауға рұқсат берген білім ошағын анықтап, шара қолданбақ.Бұған дейін ақтөбелік орамалды оқушылардың ата-аналары биліктен елімізде онлайн оқытуды ресми түрде заңдастыруды талап етті. Сөздерінше екі жылдан бері Ресейде білім алып жатқан балалары Қазақстанның емес Ресейдің тарихы мен мәдениетін үйреніп жатыр. Олар Білім министрлігі хиджаб киген оқушыларға мектепке баруға тыйым салғалы балалары мүжбүрлі түрде оқшауланып қалғанын айтты. Енді ата-аналар президент Қасым- Жомарт Тоқаев пен білім министрі Асхат Аймағамбетовке петиция жолдайтынын мәлімдеген.Фото: Нұрболат Нұржаубай

Оқу-ағарту министрлігі мектепте намаз оқыған оқушыларға қатысты тексеріс бастады

<a href="https://kyzylorda-news.kz/">Kyzylorda-news.kz</a>. Алматыда мейрамханалардың бірінде қызды ұрып-соғып, соңынан аңдыды деп айыпталған әкімдік қызметкері Ділмұрат Омаров жұмысынан босатылды. Бұл туралы <a href="https://kaz.zakon.kz/sayasat/6038859-almatyday-meyramkhanada-yzdardy-rypsoan-kmdkt-yzmetker-zhmystan-shyty.html">zakon.kz</a> хабарлайды.Алматы әкімдігі Ділмұрат Омаровтың шынымен де 2022 жылдың қарашасынан бері Алматы қаласы Жастар саясаты мәселелері басқармасының бас маманы қызметін атқарғанын айтты.<blockquote>"Осы оқиғадан кейін Д. Омаров биыл 19 ақпанда өз еркімен жұмыстан босату туралы арыз беріп, өтінішті кадр қызметі қабылдап, заңның 61-бабының 1-тармағының 1-бөлігіне&nbsp;сәйкес, &nbsp;"Мемлекеттік қызмет туралы" қаулысымен Д. Омаров қызметінен босатылды", - делінген хабарламада.</blockquote>Қазіргі таңда жанжалдың мән-жайын құқық қорғау органдары тексеріп жатыр. Жағдайға&nbsp;қатысушыларға қатысты құқықтық баға беру және тиісті ден қою шаралары жүргізілуде.Бұған дейін алматылық қыз әкімдік қызметкері ұрып-соғып, қысым көрсетті деп шағымданған болатын. Сондай-ақ ол соққыға жыққан адамның бұрынғы жігіті екенін айтқан еді. Оқиға 17 ақпаннан 18 ақпанға қараған түні Алматыдағы мейрамханалардың бірінде болған.Фото: Нұрболат Нұржаубай

Алматылық қызды ұрып-соққан әкімдік қызметкері жұмысынан босатылды

<a href="https://kyzylorda-news.kz/">Kyzylorda-news.kz</a>. &nbsp;Әлеуметтік желіде мейрамханада өткен бас қосуда жастар арасында «Кімнің несиесі көп?» деп ойын ойнап, қарызы көп адамды анықтады, деп хабарлайды <a href="https://el.kz/kimnin-qaryzy-kop-nesiesi-kop-zhastar-zharysyp-qyzu-talqyga-tusti_107991/">El.kz </a>ақпарат агенттігі.Жанна есімді қыз ай сайын 175 мың теңге төлейтіні белгілі болды. Оның несиесінің жалпы сомасы - 2 млн 184 мың теңге. Одан кейінгі қыз банкке 528 мың теңге қарыз екенін айтты.Сонымен қатар, желі қолданушылары да өздерінің несиесі қанша екенін жазып жатыр.<blockquote>"Несиемен жарысатын болдық па?", "Мақтанатын нәрсе емес", "Менде 9 млн теңге ғой", "Айына 530 мың теңге төлеймін", "34 млн бар", - деп жазып жатыр желі қолданушылары.</blockquote>Фото: Видеодан кадр

«Кімнің қарызы көп». Несиесі көп жастар жарысып, қызу талқыға түсті

<a href="https://kyzylorda-news.kz/">Kyzylorda-news.kz</a>. &nbsp;Бүгінде өздігінше кәсіп бастаймын деген азаматтарға мемлекеттен көрсетілетін қолдау көп. Сол қолдаулардың тиімділігін іске асырып жүргендердің бірі – қызылордалық Дархан Қалиев 2022 жылы «Бастау Бизнес» жобасы арқылы кәсіпкерлік курсын аяқтап, былтыр мемлекет тарапынан 1 млн 380 теңге көлемінде қайтарымсыз грант жеңіп алған. Қазіргі таңда кәсіпкер «Жылыжай» ісін қолға алып, онда әртүрлі көкөністер өсіруде. Алдағы уақытта өз кәсібін одан әрі ұлғайтуды жоспарлап отыр. Қызылорда облысының Өңірлік коммуникациялар қызметінің ұйымдастыруымен мемлекеттік қайтарымсыз грант азаматтардың жұмысымен танысу мақсатында арнайы баспасөз туры ұйымдастырылды.<blockquote>-Былтыр күз айында мемлекеттік бағдарламалардың көмегімен қайтарымсыз қаржы алып, жылыжай аштым. Бүгінде жылыжайда қияр, қызанақ, аскөк егілген. Егілген өнімдер жылыжай температурасымен күндіз +25, ал түнде +15-12 градуста өсірілуде. Жақсы күтім көрсетіп, уақытылы қараймын. Көктемде табиғи таза мол өнім жинаймын деген ойдамын. Жиналған өнімдерді жергілікті азаматтардың сұранысымен сатуды жоспарлап отырмын. Келешекте жылыжайды кеңейтіп, басқа да көкөністерді егуді қолға аламын, - деді кәсіпкер Дархан Қалиев.</blockquote>Баспасөз туры «Құлыншақ киімдер пижамасын ұсыну» тігін цехының жұмысын таныстырумен жалғасты. Кәсіп иесі - Перизат Ашықбаева былтыр «Бастау Бизнес» жобасы шеңберінде кәсіпкерлік негіздерін оқытудың курсын тәмамдап, мемлекеттік бағдарламалардың көмегімен қайтарымсыз грант жеңіп алған. Осы арқылы кәсіпкер өзінің жеке тігін цехын ашып, қазіргі таңда бір адамды жұмыспен қамтып отыр.<blockquote>- Өзім 8 жылдан аса тігін ісімен айналысып келемін. Соның ішінде балалар киімін тігуді ерекше жақсы көремін. Көп балалы ана болғандықтан балалардың денесіне жағымды, аллергиялық белгілер бермейтін, сапалы киім-кешектерді тігуді мақсат етіп, осы кәсіпті бастадым. Осы іспен айналысуыма мемлекеттік бағдарламалар үлкен көмек болды. Осылайша, 1 млн 380 теңге көлеміндегі қайтарымсыз қаржыға керекті құрал-жабдықтарды сатып алып, балалар киімін тіге бастадым. Қазіргі таңда біздің өнімге сұраныс жаман емес. Сапалы әрі жергілікті өнімдерді шығаруға қолымыздан келгенше атсалып келеміз, - деді кәсіпкер Перизат Ашықбаева.</blockquote>Келесі кәсіпкерлік нысаны да ерекше. Қызылорда қаласына қарасты Қарауылтөбе ауылдық округінде «Бөдене шаруашылығын» қолға алған Нұрлан Смағұлов та мемлекеттік бағдарламалардың игілігін көруде. Бүгінде шаруашылықта 4 мыңдай бөдене құсы бар. Олар 40-45 күнде жұмыртқа бере бастайды. Кәсіпкердің айтуынша, бөдене құстары күтімді көп қажет етпейді, алайда берер пайдасы орасан зор дейді.<blockquote>-Жалпы бөдене жұмыртқасының адам денсаулығына пайдасы көп. Сол үшін де осы кәсіпті бастадым. Бөдене құсы көп күтімді қажет етпейді, уақытылы дәрумендерін егіп тұрамыз. Қазіргі таңда айына 700-800 бөдене жұмыртқа алып, оны жергілікті азаматтарға сатамыз. Келешекте осы шаруашылығымды одан әрі кеңейтіп, азаматтарды жұмыспен қамтысам деген ойым бар, - деді шаруашылық иесі Нұрлан Смағұлов.</blockquote><blockquote>-Былтыр жалпы саны 459 азаматқа қайтарымсыз грант берілді. Грант алған азаматтар әртүрлі кәсіп бастап, бүгінде өз өнімдерін өндіруде. Жалпы мемлекеттен берілетін бұл қаржыны берудің өз тәртібі бар. Мәселен, көп балалы аналарға, мүгедектігі бар азаматтарға, атаулы әлеуметтік көмек алушыларға және қандастардың бизнес жоспарларына көмек береміз. Ал, биыл 484 адамға аталмыш бағдарламалар аясында қайтарымсыз грант беруді жоспарлап отырмыз. Олар «Бастау бизнес» жобасының арнайы курсынан өтіп, өз кәсіптерін комиссияға ұсынуы керек. Жалпы жылдан-жылға қайтарымсыз грант алушылар қатары көбейіп келеді. Бұл өз кезегінде жұмыссыздық деңгейін төмендетуге ықпал етіп отыр, - деді қалалық «Мансап» орталығы филиалының директоры Жақсылық Төлегенов.</blockquote><img src="https://knadmin.beoblood.kz/uploads/428452048_1953011795094323_69571737497518450_n_eb230bbd22.jpg" alt="428452048_1953011795094323_69571737497518450_n.jpg"><img src="https://knadmin.beoblood.kz/uploads/428298329_1953011785094324_7162995656793584187_n_778d462ef9.jpg" alt="428298329_1953011785094324_7162995656793584187_n.jpg">Фото: өңірлік коммуникациялар қызметі&nbsp;&nbsp;

«Бастау Бизнес» жобасы өз жемісін беруде 

&nbsp;<a href="https://kyzylorda-news.kz/">Kyzylorda-news.kz</a>. &nbsp;Облыс көлемінде 16- 18 ақпан «Жасөспірім» профилактикалық іс-шарасы барысында алкогольдік ішімдік ішетін, заңды өкілдердің ілесіп жүруінсіз түнгі уақытта үй-жайлардан тыс болатын, тыныштықты бұзатын, ұсақ бұзақылық жасайтын кәмелетке толмағандарды, сондай-ақ оларды қоғамға қарсы іс-әрекеттер жасауға тартатын адамдарды анықтау бойынша және жастардың шоғырлану орындарын (аулалар, жертөлелер және т.б.) тексеру жұмыстаржүргізілді.&nbsp;Іс-шараның үш күнінде ішкі істер органдарына &nbsp;256 құқық бұзушы жеткізілді.Түнгі уақытта заңды өкілдерінің еріп жүруінсіз ойын-сауық кешендерінде және тұрғын жайдан тыс жерде жүргендері үшін 210 жасөспірім анықталып, олардың заңды өкілдеріне әкімшілік хаттамалар толтырылды, ал қадағалаусыз жүрген сегіз бала Кәмелетке толмағандарды бейімдеу орталығына жеткізілді.Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамаған (ҚР ӘҚБтК-нің 127 бабы) 28 дерек, ҚР ӘҚБтК-нің 434 бабы – 21 дерек анықталып, хаттама рәсімделіп тиісті шешім қабылдау үшін сотқа жолданды. Кәмелетке толмағандардың және олардың ата-аналарымен профилактикалық жұмыстар жүргізілді. &nbsp;

 «Жасөспірім»: Қызылорда облысында ішкі істер органдарына  256 құқық бұзушы жеткізілді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Нұрлыбек Нәлібаевтың төрағалығымен Қазалы ауданында өткен кадрлық өзгерістерге байланысты актив отырысында ауданның жаңадан тағайындалған әкімі таныстырылды.Алдымен аймақ басшысы ауданның бұрынғы әкімі Мұхтар Оразбаевтың еңбегін атап өтіп, алғыс білдірді.<blockquote>«Мұхтар Әуесұлы Қазалыда 3 жылға жуық уақыт қызмет жасап, ауданның дамуына сүбелі үлес қосты. Өздеріңізге белгілі, халықтың өмір сүру сапасын арттыруда экономикалық өсім мен тұрақтылық маңызды. Сіздердің қолдауларыңызбен мұнда әлеуметтік-экономикалық дамудың оң динамикасы қалыптасты. Кейінгі жылдары құрылыс жұмыстары қарқын алып, тұрғындардың тұрмысын жақсартуға бағытталған нақты шаралар жүзеге асырылды. Өткен жылы 17 377 га жерге ауыл шаруашылығы дақылдары егіліп, Сырдария өзеніндегі су деңгейінің төмендігіне қарамастан, Қазалы жыл қорытындысымен өнімді өңдеу саласы бойынша «Озат аудан» атанды. Былтырғы жыл қорытындысымен негізгі капиталға салынған инвестиция көлемі 5,9 млрд. теңге, оның 50 пайызы жеке қаражат есебінен тартылған инвестицияны құрайды. Мұхтар Әуесұлының осы кезге дейін атқарған қызметіне алғысымды білдіремін», – деді Нұрлыбек Машбекұлы.</blockquote>Аудан дамуына қосқан үлесі үшін Мұхтар Оразбаевқа облыстың ең жоғары марапаты – Қызылорда облысының «Құрмет грамотасы» табысталды.Қазақстан Республикасы Президенті Әкімшілігі және Қазалы аудандық мәслихатының келісімдерімен, облыс әкімінің өкімімен Қазалы ауданының әкімі лауазымына Шермағанбет Мейрамбек Зинабдинұлы тағайындалды.<blockquote>«Мейрамбек Зинабдинұлы – баршаңызға жақсы таныс білікті маман, тәжірибелі басшы. Аймақтың әлеуметтік-экономикалық ахуалымен етене таныс, мемлекеттік қызметтің барлық сатысынан өтіп, басқарушылық лауазымдарда мол тәжірибе жинаған әлеуеті жоғары кадр. Бұған дейін аудан әкімі және екі өңірде облыс әкімінің орынбасары болып, өз жұмысын жоғары кәсіби деңгейде атқарды.Мейрамбек Зинабдинұлы аудан әкімі ретінде Мемлекет басшысының тапсырмалары мен алға қойған міндеттерді орындауға, халық сенімі мен жауапкершілік жүгін көтеруге білім-білігі мен күш-жігерін арнайды, басталған игі бастамаларды одан әрі дамыту жолында аянбай еңбек етеді деп сенемін, – деді Нұрлыбек Машбекұлы.</blockquote>Актив отырысында «РЗА» АҚ президенті Самұрат Имандосов, құрылыс саласының ардагері Өмірзақ Түктібаев және аудандық мәслихаттың депутаты Ибадулла Тілеп Мұхтар Оразбаев пен ауданның жаңа әкімі Мейрамбек Шермағанбетті құттықтап, қызметтеріне сәттілік тіледі.Мейрамбек Зинабдинұлы 1972 жылы Жаңақорған ауданында дүниеге келген.Қорқыт Ата атындағы Қызылорда мемлекеттік университетін «Тарих», «Экономика», Қожа Ахмет Яссауи атындағы Халықаралық Қазақ-түрік университетін «Құқықтану» мамандықтары бойынша бітірген, педагогика ғылымдарының кандидаты.Еңбек жолын 1994 жылы Жаңақорған ауданындағы №239 мектептің тарих пәнінің мұғалімі болып бастаған. 2001-2016 жылдары Жаңақорған ауданы әкімі аппаратының басшысы, облыс әкімі аппараты басшысының орынбасары, облыстық білім беру, тілдерді дамыту жөніндегі басқармалардың басшысы, Қызылорда облысы бойынша білім саласындағы бақылау департаментінің басшысы жауапты қызметтерін абыроймен атқарған. 2016-2021 жылдары Ақтөбе облысы Қобда ауданының әкімі, Ақтөбе облысы әкімінің орынбасары кезінде тұрғындардың өзекті мәселелерін шешуде білікті, тәжірибелі басшы екенін көрсетті. 2022-2023 жылдары Қызылорда облысының білім басқармасының басшысы лауазымында қызмет етті.2023 жылдың шілде айынан бері Қызылорда облысы әкімінің орынбасары ретінде денсаулық сақтау, жұмыспен қамту, білім, спорт және туризм салаларын өркендетуге, аймақтың әлеуметтік әлеуетін жетілдіруге зор үлес қосты.<img src="https://knadmin.beoblood.kz/uploads/419541410_696603305994250_5082239939109027249_n_40097bae5c.jpg" alt="419541410_696603305994250_5082239939109027249_n.jpg"><img src="https://knadmin.beoblood.kz/uploads/417457514_696603269327587_8991407173275048581_n_a83601680b.jpg" alt="417457514_696603269327587_8991407173275048581_n.jpg">

Қазақстан және Қызылорда облысының жаңалықтары