<a href="https://kyzylorda-news.kz/">Kyzylorda-news.kz.</a> «Қазгидромет» РМК-ның мәліметінше, желтоқсанның 18-і күні Қазақстан аумағында ауа райы құбылмалы болады. Елдің басым бөлігінде жауын-шашын болады, тек батыста ғана жауын болмайды. Сондай-ақ, республиканың бірқатар аймақтарына тұман түсіп, көктайғақ, бұрқасын болады және жел күшейеді.Қызылорда облысының кей жерлерінде тұман түседі, көктайғақ болады. Түнде кей жерлерде желдің жылдамдығы секундына 15-20 метрге дейін күшейеді.&nbsp; &nbsp;

Желтоқсанның 18-і күнгі ауа райы болжамы

<a href="https://kyzylorda-news.kz/">Kyzylorda-news.kz.</a> Қатарда өткен әлем чемпионатында жартылай финалда Хорватия құрамасы Марокко құрамасын ұтып, үшінші орынды иеленді.Катар астанасы Дохадағы Халифа халықаралық стадионында өткен 3 орын үшін ойын 2:1 есебімен еуропалық команданың пайдасына аяқталды.Жалпы, ойын өте тартысты өтті. Екі команда футболшыларының техникалық-психологиялық дайындықтары жоғары екендігі көрінді. Кездесудің басында командалар әдемі айып соққыларынан кейін жылдам голдармен алмасты. Бірінші голды Йошка Гвардиол күрделі комбинациямен сәтті аяқтады, содан кейін Ашраф Дари хорваттарға жауап голын соқты. Матчтың 42-минутында хорваттық Мисслав Орсич дәл соққымен Еуропа құрамасын тағы да алға шығарды.Екінші кезеңде де хорватиялықтар тізгінді өз қолынан шығармауға тырысты. Екі құраманың да есепті өзгертетін мүмкіндігі болды.Осылайша, тартысты ойында Хорватия қарсыласынан 2:1 есебімен басым түсіп, футболдан Әлем чемпионатында қола жүлдеге қол жеткізді.Айта кетейік,18 желтоқсанда Лусаил қаласында Аргентина мен Франция құрамалары футболдан 2022 жылғы әлем чемпионатының финалында ойнайды. Аргентина - Франция матчының тікелей трансляциясы Астана уақытымен сағат 21:00-де басталып, Qazaqstan және Qazsport телеарналарында көруге болады.<img src="https://knadmin.beoblood.kz/uploads/photo_413971_d614ad9d80.jpeg" alt="photo_413971.jpeg">

Қатар – 2022: Қола жүлде үшін Хорватия мен Марокко құрамалары кездесті

17 желтоқсан күні сағат 00:00 шамасында Қызылордада 102 арнасына сол жағалаудағы көпірден азаматтың секіріп, өз-өзіне қол жұмсауға әрекеттенгендігі жөнінде хабарлама түсті.&nbsp;Аталған хабарлама бойынша жедел-тергеу тобы оқиға орнына жетті. Тексеру барысында, өкінішке орай, азамат қайтыс болғандығы анықталды.Аталған дерек бойынша ҚР ҚК-нің 105-бабының 3-бөлігімен (Өзiн-өзi өлтiруге дейiн жеткiзу) сотқа дейінгі тергеп-тексеру амалдары басталды. Тиісті &nbsp;сараптамалар тағайындалды. Оқиғаның мән-жайы анықталуда.Polisia.kz &nbsp;<img src="https://knadmin.beoblood.kz/uploads/Whats_App_Image_2022_12_17_at_12_50_22_20c537bbac.jpeg" alt="WhatsApp Image 2022-12-17 at 12.50.22.jpeg">

Қызылордада ер адам көпірден секіріп, қайтыс болды

<a href="https://kyzylorda-news.kz/">Kyzylorda-news.kz.</a> «Балалар жылына» орай Қызылорда облысының білім басқармасының ұйытқы болуымен тағы бір тағылымды шара өтті. Білім басқармасы және қала әкімдігінің Тәуелсіздік мерекесі қарсаңында ұйымдастырған «Kinotime» танымдық іс-шараcы балаларға айрықша көңіл-күй сыйлады.«Жібек жолы» кинотеатрында көрсетілген қызықты фильмді облыстық девиантты мінез-құлықты балаларға арналған мектеп-интернаты мен кәмелетке толмағандарды бейімдеу орталығы тәрбиеленушілері және қаладағы бірқатар мектептің оқушылары тамашалады. Шара аясында демеушілер барлық оқушыларға тәтті сусындар мен дәмді тағамдар ұсынып, ерекше тарту жасады.Фильмнің көрсетіліміне «Аңсар М» ЖШС бірлескен директоры Манат Алмашева, АҚ «КСЖ «NOMAD LIFE» сақтандыру компаниясы Қызылорда филиалының директоры Ғани Қарғабай қолдау көрсетті.Игі іске атсалысқан жомарт жандар жеткіншектерге қуаныш сыйлап, осы арқылы өздері де керемет әсер алғанын және балаларға әрдайым қолдау көрсететінін жеткізді.Өз кезегінде балалар да фильмнен алған әсерімен бөлісіп, тамаша көңіл-күй сыйлаған азаматтарға алғыстарын білдірді. &nbsp;<img src="https://knadmin.beoblood.kz/uploads/25_01b02eb41b.jpg" alt="25.jpg">

«Балалар жылына» орай «Kinotime» танымдық іс-шараcы өткізілді

<a href="https://kyzylorda-news.kz/">Kyzylorda-news.kz.</a> Балалар жылы аясында Қызылорда облыстық Қазақстан халқы ассамблеясы жанындағы Волонтерлар орталығының ұйымдастыруымен Балалар ауруханасы «Онкология» бөлімшесінде қайырымдылық акциясы өтті.&nbsp;Оған Қызылорда облыстық қоғамдық даму басқармасы «Қоғамдық келісім» КММ директорының орынбасары Айбек Дайрабай, Волонтерлар орталығының белсенділері, Неміс этномәдени бірлестігінің жетекшісі Ирина Шек, «Адажио» шоу орталығының белсенділері қатысты.&nbsp;<blockquote>«Жыл сайын елімізде онкологиямен ауыратын балалар саны өсуде. Бұл көңілді құлазытады. Ауру – бұл бала үшін ғана емес, ата-анасы, жақындары үшін де сынақ. Біздің міндетіміз – оларды сыйлықтармен қуанту ғана емес, балалардың жан дүниесіне үңіліп, жайлы атмосфера сыйлау», - дейді неміс этномәдени бірлестігінің жетекшісі Ирина Шек.</blockquote>Тәуелсіздік күні қарсаңындағы ізгілікті мақсат еткен шарада «Сыйлықтар үйі» орталығы және кәсіпкер Ираида Квонның демеушілігімен онкологиялық бөлімшеге ой өрісті дамытатын ойыншықтар табысталды. «Адажио» шоу орталығының өнерпаздары қызықты ойындар мен бағдарламалар ойластырып, балаларға көтеріңкі көңіл-күй сыйлады.&nbsp;Осыдан 4 жыл бұрын диагнозы анықталып, Алматыда ем алған Айзере Алдамжар емін осы бөлімшеде жалғастырып жатыр. Айзеренің әжесі Жәмила Қалмұратованың айтуынша ақ халатты абзал жандардың арқасында немересінің денсаулығы жақсарып келеді. Сол үшін бөлімше қызметкерлеріне және бүгінгі акция аясында көрсетілген мейірім мен қамқорлық үшін ата-аналар атынан ұйымдастырушыларға ризашылықтарын білдірді.&nbsp; &nbsp;<img src="https://knadmin.beoblood.kz/uploads/21_a6a6de5119.jpg" alt="21.jpg">

Волонтерлар қайырымдылық акциясын ұйымдастырды

<a href="https://kyzylorda-news.kz/">Kyzylorda-news.kz.</a> Қазақстанның қасиетті әрі қастерлі мерекесі – Тәуелсіздік күні теңізді өлке жұртына тарту жасалды. Арал ауданында бірнеше сауда үйлері мен «Халық» банкінің жаңа бөлімшесі пайдалануға берілді.&nbsp;Мемлекеттік мереке қарсаңында аудан орталығынан бизнес орталығы бой көтерді. Нысанның ашылу салтанатына қатысқан аудан әкімі Серік Сермағамбетов өңірде кәсіпкерлік саласының өркендеп келе жатқандығына тоқталып, жиылған қауымды Тәуелсіздік күнімен құттықтап, жаңа нысан жұмысына сәттілік тіледі.&nbsp;<blockquote>«Бүгін белгілі кәсіпкер, ауданымыздың жанашыр азаматтарының бірі Жандәулетов Беріктің өз қаражаты есебінен салынған сауда орталығы ел игілігіне берілуде. Сондай-ақ теңізді өлке жұртышылығына қалтқысыз қызмет етіп келе жатқан «Халық» банкі ендігі кезекте жаңадан бой көтерген, осы «Самғау» бизнес орталығында жұмыс жасайтын болады. Кәсіпкерлерге, жеке және заңды тұлғаларға жан-жақты қызметін ұсынып жүрген еліміздегі іргелі қаржы ұйымының жұмысына табыс тілеймін.&nbsp; Жаңадан бой көтерген кешен құтты да, берекелі болсын»,- деді Серік Сағитжанұлы.&nbsp;</blockquote>Айта кетейік «Самғау» бизнес орталығында 10-ға жуық адам жұмыспен қамтылған. Ғимараттың бір қабатында «Халық банк» ЖШС-нің Арал ауданындағы басқармасы орналасса, қалған қабаттары білім орталықтары, сұлулық салоны мен бірнеше жеке кәсіпкерлерге жалға берілген. 2 мың шаршы метрді құрайтын жаңа нысан халыққа тиімді әрі заманауи стандартқа қызмет көрсету орталығы ретінде іске қосылды.&nbsp;Егемендік мерекесі аясында тағы бір сауда үйі Аралдықтар үшін пайдалануға берілді. Аудан әкімі Серік Сермағамбетов және аудан ардагерлері мен қоғам қайраткелері «Мега» планета атты сауда үйінің жұмысмен танысып, жаңа кешен жұмысына сәттілік тіледі.&nbsp;Сауда орталығында жергілікті 5 тұрғын еңбек етеді. Жаңа нысанның аумағы 600 шаршы метрді құрайды. Мұнда жергілікті тұрғындар үшін киім-кешек, ыдыс-аяқ және тағы да басқа тұрмысқа қажетті тауарлар сатылатын болады. &nbsp;<img src="https://knadmin.beoblood.kz/uploads/16_9b2ea65bf0.jpg" alt="16.jpg"><img src="https://knadmin.beoblood.kz/uploads/19_6662927861.jpg" alt="19.jpg"><img src="https://knadmin.beoblood.kz/uploads/18_3404959b2b.jpg" alt="18.jpg"><img src="https://knadmin.beoblood.kz/uploads/20_39c4afe284.jpg" alt="20.jpg">

Тәуелсіздік күні Аралда бірнеше нысан пайдалануға берілді

<a href="https://kyzylorda-news.kz/">Kyzylorda-news.kz.</a> Сыр елінде 16 желтоқсан – ҚР Тәуелсіздігі күніне орай және желтоқсан оқиғасының құрбандарын еске алуға арналған арнайы іс-шара өткізілді.Тағзым алаңына жиналған қауым Желтоқсан оқиғасында ұлт болашағы үшін құрбан болған жастарды бір минут үнсіздікпен еске алды.Шараға Сыр жұртшылығының атынан облыс әкімі Нұрлыбек Нәлібаев зиялы қауым өкілдерімен бірге қарусыз қаһармандарды еске алып, тағзым етті.Аймақ басшысы Тәуелсіздік үшін күрескен жерлестеріне алғыс білдіріп, олардың ғибратты ғұмырын басқарларға үлгі, өнеге ету – басты парыз екенін атап өтті.<blockquote>«Желтоқсан – қазақ халқы үшін қасіретті әрі қасиетті ай. Президентіміз Қасым-Жомарт Тоқаев «Тәуелсіздік бәрінен қымбат» атты мақаласында: «1986 жылы өрімдей ұл-қыздарымыз Кеңес Одағының қаһарынан қаймықпай, ұлт намысы үшін алаңға шықты. Осы күннен соң тура бес жыл өткенде Тәуелсіздігімізді жариялауымыздың символдық мәні зор. Бұл орайда, азаттықтың алғашқы қарлығаштары – Желтоқсан қаһармандарының азаматтық ерлігі лайықты бағасын алып, жоспарлы түрде насихатталуы керек», - деді.</blockquote>Біз әр кезеңдегі қиын-қыстау шақтарда халқымыздың қалқаны болған батыр ұл-қыздарымызды мақтан етеміз. Тәуелсіздікке ұмтылған қазақжастарының бұл қадамы шын мәнінде ерлік еді.«Желтоқсан қаһармандарының» ерлігі мен өрлігі тәуелсіз Қазақ елімен бірге өмір сүріп, есімдері халық жүрегінде жасай береді,-деді облыс әкімі Н.Нәлібаев.Мұнан кейін ел тарихындағы зұлмат жылдың куәгері, Желтоқсан оқиғасына қатысушы Аманбай Қанетов сөз алып, бостандық үшін күреске арнаған боздақтардың жанкешті еңбегі мен ерен ерлігін еске алды.Шара қорытындысында Тәуелсіздік жолындағы желтоқсан құрбандарының рухына бас иіп, Сыр жұртшылығы атынан тағзым гүлі қойылып, құрбандар рухына арнап облыстың бас имамы Болатбек Абуов құран бағыштады. Жиналған жұртшылық келер ұрпақтың бақыты жолында күрескен боздақтарды еске алып, гүл шоқтарын қойды.Еске салсақ, қазақ жастарының арасында алаңға шығып, өз құқықтарын талап еткендері үшін жала жабылып, жапа шеккендердің қатарында Қызылорда облысынан 150-ден астам азамат болды. Олардың барлығы дерлік оқудан шығарылып, партия қатарынан шеттетілді.&nbsp;Ел тәуелсіздігін алғаннан кейін 1993 жылғы 14 сәуірдегі «Жаппай саяси қуғын-сүргін құрбандарын ақтау туралы» Заңына сәйкес, оқиға салдарынан зардап шеккен азаматтар, желтоқсаншылар толық ақталды. &nbsp;<img src="https://knadmin.beoblood.kz/uploads/7_cf5c59c024.jpg" alt="7.jpg"><img src="https://knadmin.beoblood.kz/uploads/8_c8fcabb4ba.jpg" alt="8.jpg"><img src="https://knadmin.beoblood.kz/uploads/11_13c0d63863.jpg" alt="11.jpg"><img src="https://knadmin.beoblood.kz/uploads/9_dcbce01b18.jpg" alt="9.jpg">

Аймақ басшысы желтоқсан оқиғасында қаза болғандарға тағзым етті

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев заманауи жаңғыртудан өткен Смағұл Ысқақов атындағы Қызылорда құрылыс және бизнес колледжінің материалдық-техникалық базасымен танысып, ұстаздармен пікірлесті.Колледжді сенімгерлік басқару негізінде алған меценат Сейітқали Алшынбаев оқу ордасының базасын жаңартуға 1,7 млрд. теңге қаржы салған.Іс-шараға ҚР Парламенті Сенатының депутаты Мұрат Бахтиярұлы, кәсіптік білім беру саласының ардагерлері мен ұстаздар қауымы қатысты.Жиында аймақ басшысы колледждердің әлеуетін жетілдіру үшін «Жас маман» жобасы қолға алынып, білім алуға ынталы жастардың мүмкіндігі кеңейгенін тілге тиек етіп, қайта жаңарған білім ордасының студенттеріне сәттілік тіледі.<blockquote>«Келешек жастар арасынан еңбек адамын дайындауды біз бүгіннен бастауымыз қажет. Бұл бағыттағы жұмыстар Сыр өңірінде жоспарлы түрде жүргізіледі. Сейітқали Бегманұлы бұған дейін облыс орталығы Қызылорда қаласынан «Шұғыла», «Нұр-Шұғыла» балабақшаларын, «ZERDE» интеллектуалды мектебін ашты. Өткен жылдан бастап Қызылорда құрылыс және бизнес колледжін сенімгерлік басқаруға алып, оқу орнын заманауи талаптарға сәйкестендірді. Аймақтың еңбек нарығына оның ішінде құрылыс саласына қажетті, сұранысқа ие кадрлар даярлайтын оқу орнының алдағы атқаратын жұмыстар легі ауқымды»,-деді Н.Нәлібаев.</blockquote>Шарада сөз алған Парламент Сенатының депутаты Мұрат Бақтиярұлы білім саласына жанашыр азаматтың оқу ордасының дамуына инвестиция салуы игілікті іске екенін алға тартты.Ал, оқу орнын сенімгерлік басқаруға алу жобасын іске асырған, «Парасат» орденінің иегері Сейітқали Алшынбаев шара қонақтарына алғыс білдіріп, жерлестерін шын ниетпен туған жерге қызмет етуге шақырды.Бүгінде оқу орнында 100-ден аса педагог қызмет етеді. Биылғы жылдың өзінде 500-ге жуық студент білім алуда.Алдағы жылы колледж жанынан қосымша оқу-өндірістік шеберхана, зертханалар ашылып, спорт алаңы және жатақхана құрылысы жүргізіледі.Айта кетейік, соңғы 2 жылда «Жас маман» жобасы аясында өңіріміздегі 9 колледждің оқу өндірістік шеберханалары мен зертханаларын жабдықтауға 2,7 млрд. теңге қаржы бөлінді. 284 қажетті техника мен құрал-жабдықтар алынды. &nbsp;<img src="https://knadmin.beoblood.kz/uploads/3_b3436104d5.jpg" alt="3.jpg"><img src="https://knadmin.beoblood.kz/uploads/5_878bc93dbf.jpg" alt="5.jpg"><img src="https://knadmin.beoblood.kz/uploads/6_1c850ff22a.jpg" alt="6.jpg">

Облыс әкімі колледждің материалдық-техникалық базасымен танысты

<a href="https://kyzylorda-news.kz/">Kyzylorda-news.kz.</a> «Қазгидромет» РМК мәліметінше, 17 желтоқсан күні республиканың басым бөлігінде жауын-шашынсыз ауа райы сақталады.Еліміздің тек батыс, солтүстік-батысының кей жерлерінде атмосфералық фронтальды бөліктердің өтуіне байланысты жауын-шашын күтіледі. Жекелеген өңірлерде тұман, көктайғақ сақталады, солтүстік-батыста екпінді жел болжанады.Алматы, Қызылорда, Маңғыстау, Атырау, Батыс Қазақстан облыстарының кей өңірінде тұман түсіп, көктайғақ болады. &nbsp;

17 желтоқсанға арналған ауа райы болжамы

2022 жылы 16 желтоқсан күні Қызылорда-Жалағаш тас жолында Сырдария ауданы аумағында «Мазда-626» автокөлігінің түйе малын қағып кету дерегі бойынша Қазақстан Республикасы Қылмыстық кодексінің 345-бабының 3-бөлігімен сотқа дейінгі тергеп-тексеру әрекеттері басталды. &nbsp;Жол апаты салдарынан 1 адам көз жұмды, 1 адам ауруханаға жатқызылды. Тиісті сот сараптамалары тағайындалды. Оқиғаның мән-жайлары анықталуда.<a href="https://polisia.kz/">Polisia.kz</a><img src="https://knadmin.beoblood.kz/uploads/Whats_App_Image_2022_12_17_at_12_50_21_042872cc71.jpeg" alt="WhatsApp Image 2022-12-17 at 12.50.21.jpeg">

Жол апаты салдарынан бір адам көз жұмды

<a href="https://kyzylorda-news.kz/">Kyzylorda-news.kz.</a> ҚР Орталық сайлау комиссиясына Парламент сенаты депутаттығына кандидаттарды ұсыну 14 желтоқсанда аяқталды, 130 адам кандидат ретінде ұсынылды, деп хабарлайды Zakon.kz.ОСК төрағасының орынбасары Константин Петровтың айтуынша, күнтізбелік жоспарға сәйкес, Сенат депутаттығына кандидаттарды ұсыну 14 желтоқсан күні сағат 18:00-де аяқталды.<blockquote>2022 жылғы 29 қараша мен 14 желтоқсан аралығында республика бойынша Парламент сенатының депутаттығына 130 кандидат ұсынылды. Бір депутаттық орынға 6 кандитаттан келеді. Өңірлер бөлінісінде ең көп кандидат ұсынған облыстар: Абай, Батыс Қазақстан және Қызылорда облыстары – әр облыстан 8 кандидаттан. Астана, Алматы қалалары 10 кандидаттан ұсынды.&nbsp; Ақмола, Ақтөбе, Алматы, Шығыс Қазақстан, Жамбыл, Қостанай, Павлодар, Солтүстік Қазақстан облыстары 5 кандидаттан, Шымкент қаласы 6 кандидат ұсынды.ОСК төрағасының орынбасары Константин Петров</blockquote>Оның айтуынша, барлық дерлік кандидат өзін-өзі ұсынған, 130 үміткердің бәрі өз бетінше өтініш берген, солардың ішіндегі 3-інің кандидатурасын кейін жергілікті мәслихаттар қолдаған.Үміткерлердің орташа жасы&nbsp;– 50,5 жас, ең кішісі 30 жаста, ол Ақтөбе облысынан, ең үлкені 74 жаста, ол сайлауға Батыс Қазақстан облысынан түседі. Кандидаттардың төрттен бірі әйел. &nbsp;Ол барлық кандидаттың аты-жөні Қазақстан Республикасы Орталық сайлау комиссиясының интернет-ресурсында жарияланатынын айтты.Үміткерлерді тіркеу рәсімі 24 желтоқсан күні сағат 18:00-де аяқталады.

Сенат депутаттығына 130 кандидат ұсынылды

Kyzylorda-news.kz. &nbsp;Қызылорда облысында жол-көлік оқиғасынан төрт адам қаза тауып, бір адам жарақат алды.&nbsp;Оқиға 15 желтоқсанда елорда уақытымен сағат 20.45 шамасында «Самара-Шымкент» автомобиль жолының 1345 шақырымында, Арал ауданы Шижага ауылының тұсында жол-көлік оқиғасы тіркелді.<blockquote>«Алдын ала мәліметтер бойынша, «Mercedes-Benz» автокөлігі мен жүк көлігі соқтығысқан. Апат салдарынан төрт адам қаза тауып, бір адам жарақат алды. Жол-көлік оқиғасы бойынша толық деректер анықталуда. Аталған оқиға ҚР Қылмыстық кодексінің 345 бабы 4 бөлігімен тіркеліп, сотқа дейінгі тергеп-тексеру әрекеттері жүргізілуде. Сараптамалар тағайындалды», - деп мәлім етті Қызылорда облыстық полиция департаментінен.</blockquote>

Қазақстан және Қызылорда облысының жаңалықтары