<a href="https://kyzylorda-news.kz/">Kyzylorda-news.kz.</a> Ұсталықты бұрын бабаларымыз кие тұтыпты және бір жағыннан күнкөріс көзі санаған. Бүгінде осы киелі өнермен айналысатын азаматтар қатары азайғанымен, ұсталық өнер өз қадірін ешқашан жоғалтқан емес және де кәсіп ретіндегі қызметін де атқарып келеді.Жалағаш ауданына қарасты Жаңаталап ауылының тұрғыны Ғалым Әбжаппарұлының есімі бүгінде аймаққа таныс. Ғалымның әкесі Әбжаппар да темірден түйін түйіп, ағашқа бедер салған әйгілі ұста және қыз-келіншектерге, сал-серілерге әшекей соғатын зергер болыпты. Ғалым ұстаның айтуынша, Әбжаппар әкемізді жас шағында Сыр еліне сонау Арқадан арнайы келіп қолқалап алып кетеді екен. Ұста сол жақта айлап жатып ұзатылатын қыздардың жасауына қосатын сырға, сақина, білезік, шашбау, шолпы және басқа да әшекей бұйымдарын жасайды екен. Әрине, тегін істемейді, еңбекақысына Арқадан Сырға үйірлі жылқы айдап қайтатын көрінеді.Осы Әбжаппар ұста соғыс жылдарындағы тылдағы еңбек армиясына алынады. Соғыс жүріп жатқан кезде тәртіп қатал. Еңбек армиясында болғандар таңнан кешке дейін майдан даласындағы жауынгерлер үшін тынымсыз жұмыс істейді және өз еркінен тыс, отаны үшін, елі үшін, отбасының амандығы үшін аянбайды. Оларға күнделікті беретін ас-судың мөлшері қарынға жұғын болмайды. Арғы бетінен күн көрінетін бір жапырақ жұқа қара нан ер адамның ұлыған қарынын жұбата ма?!Әбжаппар ұстаның қасында ауылдан бір-екі адам болыпты және барлығы бір барақта жатады. Қара су мен бір жапырақ нанды қорек қылғандардың әл-дәрмендері қалмай, күн өткен сайын әлсірей береді. Әбден ашыққан Әбжаппар әкеміздің қасындағы бір кісі барақ аспаздарының қоқысқа әкеліп төгіп жатқан картоптың қабығын уыстап алып аузына енді салайын дегенде ұста оның қолынан шап беріп ұстап, «Барға да, жоққа да сабыр қылайық. Сәл шыда! Қарынымыз майланатын күн алыс емес», – дейді жұбатып.Айтқанындай, бір күні барақтың алдына жүк тиеген арба тоқтайды. Үстіндегі азық-түлік салынған қап, қораптарын қоймаға түсіріп тастап орнынан қозғала бергенде әлгі арбаның бір дөңгелі қиқаң етіп қисайып, сол жерде шоңқияды да қалады. Арбакеш пен әскери киімді адам арбаны екі-үш рет айналып қарап шығып, бастарын шайқайды. Сол жердегі біреуді барақтың басшылығына жүгіртеді. Сәлден соң әлгі кеткен шабарман екі-үш адамды ерітіп алып келеді. Олар сол жердің ұста-шеберлері екен. Келе сала арбаның сынған жағын тас тіреп жерден көтеріп, дереу жөндеуге кіріседі. Алайда, бір-екі сағат бойы шұқылап ештеңе бітіре алмайды. Сонда манадан сырттай бақылап тұрған, ауылдағы соқа-сайманның барлығын қолдан соғып жүрген Әбжаппар әкеміз әлгілердің жанына жақындайды. Бар білетін орысшасымен «бұл арбаның сынған тетігін қалай істеу керектігін мен білемін» дейді. Амалы құрып тұрған орыстар жүзі күреңіткен дала қазағына аса сенбесе де «онда істеп көр» дейді менсінбеген әрі дүдәмал кейіпте. Тіпті «қолына мал айдайтын шыбықтан басқа ештеңе ұстамаған малшы қазақ темірдің тілін қайдан білсін» дегенді айтпай-ақ ұқтырған кекесінді күлкілер де шығады. Бірақ ұста оны елемей білегін сыбанып, іске кіріседі.Сынып кеткен доңғалақтың тегершігі екен. Арбаның сынған бөлшегін лезде босатып алып, төс секілді темірге салып түзетіп, добалбас шегемен қайта бекітіп, доңғалақты орнына келтіреді. Бір қызығы, сол жұмыстың барлығын арнайы құрал-саймансыз жасайды. Орыстар риза болып, ұста қазақты еңбек лагерінің шаруашылық базасына шебер етіп қояды. Содан соғыс аяқталғанша Әбжаппар әкеміз сол жердегі ескі техникаларды тексеріп, сынып, бүлінген бөлшектерін жөндейді. Күнделікті ішіп-жемі де молаяды, киімі де бүтінделеді. Бірақ ұста ол тамақты бір өзі жемей әлгі қасындағы ашыққан жолдастарына бөліп беріп жүріп, оларды өлімнен сақтап қалады. Кейін бейбіт заман орнағанда Әбжаппар әкеміз «менің бойымдағы құдайдың берген ұсталық өнері өзімді және қаншама адамды ажалдан аман алып қалды. Ұсталық сонысымен де киелі шығар, мүмкін» деп отырады екен.Әбжаппар ұста дүниеден өткен соң киелі ұста дүкеніне балалары Әбдікәрім мен Ғалым ие болады. Бүгінде Әбдікәрім де бақилық болған. Бірақ Әбдікәрім ұста соққан кетпендер Жаңаталап, Мақпалкөл, Мәдениет, Аққыр ауылдарындағы диқандардың қолында әлі күнге дейін жүр.Бүгінде әкенің ұсталық қасиеті дарыған Ғалым Әбжаппарұлы ұсталық өнердің қыр-сырын әбден меңгерген. Әкеден мұра боп қалған ескі құрал-саймандар ауласындағы дүкеннің төрінде ілініп тұр. Әсіресе, ғасырға жуық тарихы бар көріктің жасалуы ерекше. Бүйірі ісіп-кеуіп отта тұрған талай темірді пісірген бұл ұста құралын Әбдіжаппар ұстаның өзі жасапты. Қанша жыл өтсе бүйірі бүлінбей жақсы сақталған. Бұдан: ұста мүлкінің сапасын және ұрпағының әке мұрасына ыждағаттылығын, аманатына адалдығын аңғарасың. Ғалым ұста әкеден қалған төстемірді де киелі санайды. Төстің үстіне адам отырғызбайтыны сондықтан екен.Ғалым Әбжаппарұлы бүгінде ауыл-аймаққа ең керек адам. Ол кісіні іздейтіндер көп. Ауылдағы тұрмыста тұтынатын мүліктердің көбі осы кісінің қолынан шыққан. Әсіресе, егін шаруашылығымен айналысатын ауылдар темірдің тілін білетін ұстаға зәру. Ауыр жұмыстарға жегіліп үнемі қозғалыста жүрген соң жаңа техниканың өзі де ескіреді. Тұла бойындағы темір тетіктері сынып, істен шығады. Ал ондай кездерде мүлдем тоқтап қалмағанымен, жұмыс қарқыны төмендейді. Мұндайда әрине, жерге тастаған бір түйір дәнінен мол өнім күтіп, көктем мен жаздың әр сәтін тиімді пайдаланып қалғысы келетін шаруа қиналып қалады. Тұрып қалған техниканың бойындағы ақауды жөндеу үшін Ғалым ұстаның көмегіне жүгінеді. Адам сүйегінің зақымдалып сынған жерін саусағымен сипап тауып, орнына түсіретін сынықшылар секілді ұсталар да темірдің тілін біледі, қай тұсынан иіліп, қай тұсынан морт сынатынын және қалай жалғанып, жөнделетінін үйренген.Былтырғы көктем айларынан бастап аяқ су тапшылығы сезіле бастады. Нақ егіске керек кезде Сырдың суы тартылып қалды. Бұл жағдай әсіресе, егін шаруашылығымен айналысып отырған диқандарға ауыр тиді. Ғалым ұста да жылда бірнеше гектар алқапқа тұқым себеді. Күріш суда тұрып пісетін дақыл. Бірақ шілдеге жетпей аяқсу арнасы құрғап қалған. Ойлана келе, Ғалым ұста осы мәселенің шешімін тауып, сусорғыш агрегат құрастырып шығарады. &nbsp;<blockquote>«Бұл құрылғының құрылысы қарапайым болғанымен, трактордың артына орнату арқылы кез-келген жерден су тартып, егістікке жеткізуге өте ыңғайлы. Әсіресе, коллекторлардағы босқа кетіп жатқан қашыртқы сулармен бақшалықтағы майда дақылдарды әбден қандырып суаруға жарайды», – дейді ұста.</blockquote>Расында, құрылғының маторы қуатты, жоғары қысыммен су айдайды және арыны да күшті. Кез-келген ауыл шаруашылығы техникасына тіркеп алып жүре беретін көшпелі құрылғыны көптеп жасап, егін шаруашылығында пайдаланса, егістің өнімді болуына септігін тигізері анық. Ал Ғалым ұста алдағы уақытта бұл құрылғыны әлі де жетілдіре түсетінін айтады.<img src="https://knadmin.beoblood.kz/uploads/6_1eb3779771.jpg" alt="6.jpg">

Жалағаштық ұста сусорғыш моторлы қондырғы ойлап тапқан

<a href="https://kyzylorda-news.kz/">Kyzylorda-news.kz.</a> Қызылордада волейбол және тоғызқұмалақ сайыстарының жеңімпаздары марапатталды.Қызылорда қаласы бойынша білім бөлімі мен қалалық дене шынықтыру және спорт бөлімінің ұйымдастыруымен биылғы оқу жылындағы мектеп оқушылары арасындағы дәстүрлі спартакиада жарысы басталған еді. Б.Шалғынбаев атындағы №217 ІТ-мектеп-лицейінде волейбол қыздар және тоғызқұмалақ спорт түрі бойынша жеңімпаздар анықталып, марапатталды.&nbsp;Қыздар арасында өткен волейбол спорт түрі бойынша жүлделі І орын Абай атындағы ДБА мектеп құрамасына бұйырды. Ал, ІІ орынға С.Әлжіков атындағы №144 орта мектеп жайғасты. ІІІ орынға Ж.Қизатов атындағы №23 мектеп-лицейі лайық деп танылды. Сонымен қатар, «Жеңіске деген жігері» үшін номинациясымен №138 орта мектеп марапатталды.&nbsp;Ал, екі күнге созылған тоғызқұмалақ спорт түрі бойынша бүгін жеңімпаздар анықталды. Жүлделі І орын Т.Жүргенов атындағы №136 мектеп-лицейінің командасы жеңіп алды. ІІ орынға С.Әлжіков атындағы №144 орта мектептің командасы жайғасса, ІІІ орынға С.Лапин атындағы №261 орта мектептің командасы лайық деп танылды. «Жеңіске деген жігері» үшін номинациясымен Ә.Мүслімов атындағы №101 мектеп-лицейдің командасына бұйырды.&nbsp;Сонымен қатар, оқушылар «Үздік ойыншы», «Үздік либеро», «Үздік шабуылдаушы» номинацияларымен марапатталды.&nbsp; Айта кетейік, оқушылар спартакиада аясында желтоқсан айында шахмат спорт &nbsp;түрі бойынша сынға түсетін болады.&nbsp;<figure class="image"><img src="https://knadmin.beoblood.kz/uploads/315882095_1250323645695741_3686842464016038522_n_e476853ac2.jpg" alt="315882095_1250323645695741_3686842464016038522_n.jpg"></figure>

Қызылордада волейбол және тоғызқұмалақ жеңімпаздары марапатталды

<a href="https://kyzylorda-news.kz/">Kyzylorda-news.kz.</a> 2022 жылғы 26 қарашада сағат 10:00-де ҚР Экология, геология және табиғи ресурстар министрі Серікқали Брекешевтің Қызылорда облысының тұрғындарымен кездесуі өтеді.Кездесудің мекен жайы: Қызылорда қаласы, Абай көшесі, «Достық үйі» үлкен залы.Онлайн-трансляция ҚР Экология, геология және табиғи ресурстар министрлігі мен Қызылорда облысы әкімдігінің «Youtube», «Facebook» әлеуметтік желісіндегі ресми парақшасында тікелей эфирде жүргізіледі.Министрмен кездесуде сұрақтарыңыз бен ұсыныстарыңызды қоя аласыздар немесе келесі байланыс арналарын пайдалана отырып жібере аласыз: WhatsApp нөміріне: 8 708 132 78 66 және электрондық мекенжайға: surak@ecogeo.gov.kzХалықпен кездесуді өткізу барысында:- коммерциялық емес және қоғамдық ұйымдармен кездесу;- азаматтарды жеке қабылдау;- БАҚ өкілдеріне арналған брифинг ұйымдастыру жоспарлануда.Кездесуге жазылу үшін мына телефондар бойынша хабарласуларыңызды сұраймыз: 8-708-132-78 66. БАҚ-та және әлеуметтік желіде алдын ала берілген хабарландырумен таныс болған азаматтар өз мәселесін ашық түрде қоюға мүмкіндік алады.Азаматтарды белсенді қатысуға шақырамыз.

ҚР Экология, геология және табиғи ресурстар министрі Қызылорда облысының тұрғындарымен кездесу өткізеді

<a href="https://kyzylorda-news.kz/">Kyzylorda-news.kz.</a> Ақ күріштің отаны – Сыр өңірі десек, күзгі жиыннан қалған сол күріштің сабағы мен қауызынан қызылордалық студент жастар қағаз жасап жатыр екен. Бұл өнімнің сапасы күнделікті пайдаланып жүрген кеңсе қағаздарынан әлдеқайда жоғары дейді тәлімгерлер.Бір қызығы, күріш қалдығынан қағаз жасау тәжірибесі бұған дейін елімізде болмаған екен. Жалпы, Қызылорда облысында жылына 500 мың тоннадай күріш өсіріледі. Шаруалар бұл дақылдың тек дәнін ғана пайдаланады. Ал сабағы мен қауызын жаратпай, өртеп жібереді. Сондықтан күз мезгілінде егіс алқаптары көк түтінге оранып, табиғатқа орасан зор зиянын тигізеді. Ал Қорқыт ата атындағы университеттің студенттері жақында осы күріш қалдықтарын пайдаға асырудың тиімді тәсілін ойлап тапқан.<blockquote>«Күріш сабанын өртеудің орнына біз одан целюллоза жасап шығардық. Бұл целюллоза бізде қарапайым қолданыстағы А4 парағы болып табылады. Біз жасаған целюллозаның проценті толығымен стандарттық жобаларға сай келеді», – дейді студент Мағжан Биқожаев.</blockquote>Қалдықтан қағаз жасау үшін студенттер 6 жыл уақыттарын сарп еткен. Қазір зертханада жасалған қағаздар мынадай түйіршік күйінде тұр. Оны әрі қарай дайын өнімге айналдыру – зауыттардың жұмысы екен. Тіпті, күріштің сабағынан кеңсе қағаздары, қатты қағаздар, дәретхана қағаздарын да шығаруға болады дейді жас өнертапқыштар.&nbsp;Ал зертханада жұмыс істеп жүрген тәлімгерлер тобы жетекшісінің айтуынша, бүгінде бұл тәжірибеге қызығушылық білдіріп жатқандар қатары көбейген.<blockquote>«Жақында Алматыдағы қағаз шығаратын зауыт біздің жобаға қызығушылық танытты. Сол зауыттың өкілдері келіп бізден үлгілерін алып та кетті. Одан бөлек, ресейлік ғалымдар да бізбен әріптестік жасап, осы бойынша жұмыс атқаруда», – дейді «Инжинирингтік технологиялар және экология» кафедрасының зерттеуші-профессоры Нұрбол Аппазов.</blockquote>Қазір оқу орнының зертханасындағы жұмыс қызу. Мұнда тәжірибелерін арттырып жатқан тәлімгерлер күріш қалдығынан қағаздан бөлек, биотыңайтқыштар да жасап жатыр. &nbsp;<img src="https://knadmin.beoblood.kz/uploads/2022_11_18_13_47_47_1924e18422.jpg" alt="2022-11-18_13-47-47.jpg">

Қызылордалық студенттер күріш қалдығынан қағаз жасау тәсілін ойлап тапты

<a href="https://kyzylorda-news.kz/">Kyzylorda-news.kz.</a> Қазақстан Республикасы Президенттінің «Әкімдердің халықпен кездесулерін өткізу туралы» Жарлығын орындау мақсатында бүгін Жалағаш ауданы әкімі Асқарбек Есжанов тұрғындарды жеке мәселелері бойынша қабылдады. Жеке қабылдауға келген тұрғындар аудан әкіміне өтiнiш-тiлектерiн жеке-жеке жеткізіп, мәселелерiнiң оң шешiмiн табуына ықпал жасауды сұрады.Жеке қабылдауда кезектілік ретімен жазылған жалпы саны 7 азаматтың өтініші қаралды. Тұрғындар ауылдағы мектепке Ұлы Отан соғысының ардагерінің есімін беру, Мүсірәлі бабаға көше есімін беру, штат бірлігін көбейту, үйден оқыту, жұмысқа орналастыру, бірқатар азаматтар жер, үй және әлеуметтік мәселелерді көтеріп, ұсыныстарын ортаға салды.Ауданның әрбір тұрғындары тарапынан айтылған мәселелерді мұқият тыңдаған аудан басшысы заңдылыққа сәйкес түсініктеме берді. Сонымен қатар, тиісті сала мамандарымен бірге зерделеп, заңдылығына қарай шешім қабылданатынын жеткізді. Сондай-ақ, осы мәселелер бойынша ауданның жауапты бөлім, мекеме басшыларына, кент, ауыл әкімдеріне нақты тапсырма берді.Аудан әкімі Асқарбек Есжанов тұрғындар тарапынан айтылған мәселелердің барлығы өзінің тікелей бақылауында болатындығын жеткізді. &nbsp;<img src="https://knadmin.beoblood.kz/uploads/11_258eba732a.jpg" alt="11.jpg"><img src="https://knadmin.beoblood.kz/uploads/12_ea973f1926.jpg" alt="12.jpg">

Жалағаш: 7 азаматтың өтініші қаралды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты жолдауында жастарға жан-жақты қолдау көрсету – мемлекетіміздің басты міндетінің бірі екенін баса айтқан болатын. Яғни жастарды, оның ішінде NEET санатындағы жастарды жұмыспен қамту арқылы олардың әлеуметтік жағдайын түзету мемлекет үшін маңызды мәселе етіп қойды.&nbsp;Осы орайда, Мемлекет басшысының Жолдауынан туындайтын міндеттерді және аймақ басшысы Нұрлыбек Нәлібаевтың аймақ жастарын жұмыспен қамту бағытындағы тапсырмасын орындау мақсатында Қызылорда облысының қоғамдық даму басқармасы Жастар ресурстық орталығы жұмыссыз жастарға арналған «Еңбек жасақтары» жобасын жүзеге асыруда. Бұл туралы Жастар орталығында өткен брифингте облыстық «Жастар ресурстық орталығы» КММ-нің директоры Талғат Тілес баяндады.<blockquote>«Еңбек жасақтары» жобасын іске асырудағы басты мақсатымыз жастардың әлеуметтік жағдайына жан-жақты қолдау көрсету. Осы қолдау арқылы кемінде 5000-ға жуық жасты жұмысқа орналастыру. Яғни, қолдан іс келетін ынталы жастардың өз армандарын жүзеге асыруына демеу жасау. Ол үшін біз әр азаматпен сөйлесіп, қандай салаға биімділігі бар екенін анықтап, қажет болса сол бойынша қосымша оқытудан өткіземіз. Әрі қарай жұмысқа орналасуына немесе жеке кәсібін ашуға жәрдемдесетін боламыз», – дейді Талғат Тілес.</blockquote>Осы жоба арқылы Қызылорда облысындағы жұмыссыз жастар санын 3 пайызға, оның ішінде NEET санатындағы жастар санын 5 пайызға төмендету, сондай-ақ, жас кәсіпкерлердің санын 2 есеге арттыру және де аймақ бойынша 3000-ға жуық жұмыс орындарын құру жоспарланған.Аталған жобаны іске асыру мақсатында облыс аудандарында жастар арасында жұмыстар басталып, бүгінде жалғасын табуда. Айта кетейік, әр аудандағы еңбек жасақтарына тіркелемін деген жастар тіркелу нөмеріне хабарласса болады. &nbsp;<img src="https://knadmin.beoblood.kz/uploads/Whats_App_Image_2022_11_18_at_14_09_58_6ef820c336.jpeg" alt="WhatsApp Image 2022-11-18 at 14.09.58.jpeg"><img src="https://knadmin.beoblood.kz/uploads/6_ce424b297d.jpg" alt="6.jpg"><img src="https://knadmin.beoblood.kz/uploads/316290787_1347435886010757_4124415354912281165_n_6c4d21fd91.jpg" alt="316290787_1347435886010757_4124415354912281165_n.jpg">

Талғат Тілес: Мақсатымыз аймақтағы жұмыссыз жастар санын 3 пайызға төмендету

<a href="https://kyzylorda-news.kz/">Kyzylorda-news.kz.</a> 2022 жылғы 17 қарашада РФ Тюмень қаласында Трансшекаралық су объектілерін бірлесіп пайдалану мен қорғау жөніндегі Қазақстан-Ресей бірлескен комиссиясының 12-ші отырысы өтуде.Қазақстан мен Ресей арасында әлемдегі ең ұзын шекаралардың бірі ғана емес, сонымен қатар көптеген ортақ су ағындары – Жайық, Ертіс, Есіл, Тобыл, Елек, Қиғаш, Қараөзен мен Сарыөзен сияқты трансшекаралық өзендер бар.Қазақстан Республикасы мен Ресей Федерациясы арасындағы су қатынасы 2010 жылғы 7 қыркүйектегі «Трансшекаралық су объектілерін бірлесіп пайдалану және қорғау туралы» келісіммен реттеледі. Бірлескен Комиссия және жоғарыда аталған өзендер бойынша жұмыс топтары осы Келісім аясында жұмыс істейді. Бірлескен Комиссия қызметі Тараптардың тең төрағалығымен, яғни қазақстандық тарапты ҚР Экология, геология және табиғи ресурстар вице-министрі – С.М. Мұқатаев, ал ресей тарапын РФ Су ресурстары федералды агенттігінің төрағасының орынбасары – В.А. Никаноров жүргізеді.Бірлескен Комиссия отырысының барысында тапартар Қазақстан Республикасы мен Ресей Федерациясы арасындағы барлық трансшекаралық өзендер бассейндері бойынша жұмыс топтарының Басшыларының есебі тыңдалады. Тараптар ағымдағы жылдағы көктемгі су тасқыны, су қоймаларды толтыру және тұрғындар мен экономика салаларын сумен қамтамасыз ету шарттары, гидротехникалық құрылыстарды кешенді пайдалану және эксплуатациялау, трансшекаралық су объектілерінің су ресурстарының ластануы мен сарқылуының алдын алу туралы ақпараттармен алмасады.Сонымен қатар, отырыста Жайық өзені бассейнінің проблемаларын шешуге, ірі трансшекаралық өзендердің бассейндеріндегі зерттеу жұмыстарын жүргізу бойынша ынтымақтастықты белсендіруге Бірыңғай жол картасын жүзеге асыруға назар аударылады.Іс-шарада екі елдің министрліктерінің, су шаруашылығы ұйымдарының, гидрометеорологиялық қызметтің, жергілікті атқарушы органдардың және басқа да мекемелердің өкілдері қатысады.Еске салсақ, Комиссия мен жұмыс топтарының отырыстары жылына бір рет тараптардың аумақтарында кезектесіп өткізіледі.<img src="https://knadmin.beoblood.kz/uploads/4_bb3a1cece7.jpg" alt="4.jpg">

Қазақстан мен Ресей су объектілерін бірлесіп пайдалану және қорғау мәселелерін талқылады

<a href="https://kyzylorda-news.kz/">Kyzylorda-news.kz.</a> ҚР Президентінің 2022 жылғы 03 наурыздағы №826 «Әкімдердің халықпен кездесулерін өткізу туралы» Жарлығына сәйкес Қармақшы ауданы әкімі Әділбек Ерсұлтановтың халықпен кездесуі Қармақшы ауылдық округінде жалғасын тапты.Алдымен ауыл әкімі А.Есқараевтың ағымдағы атқарылған жұмыстары туралы баяндамасы тыңдалды. Содан соң аудан әкімі сөз алып, елді мекендердің әлеуметтік-экономикалық дамуының өзекті мәселелерін сөз етіп, алдағы міндеттерімен бөлісті.<blockquote>«Қармақшы ауылдық округінің негізгі кәсіп түрі мал шаруашылығы. Сондықтан бұл ауылдық округтегі мал шаруашылығының дамуына қолдау көрсетілуі тиіс. Ауыл әкімі жергілікті тұрғындардың барлық жағдайынан хабардар болып, олардың әрбірінің тұрақты табысының болуын қамтамасыз етуі керек. Жаңадан кәсіп бастауға ниетті тұрғындарға мемлекеттік қолдаулар бойынша аудандық кәсіпкерлік, өнеркәсіп және туризм бөлімі, кәсіпкерлер палатасымен бірлесіп жан-жақты ақпарат беріп, құжаттама жұмыстарына әрдайым көмек көрсетіп отыру керек», – деді аудан әкімі.</blockquote>Сонымен қатар елді мекен бойынша жолдарды жөндеу жұмыстары негізінде Қызылтам елді мекеніне кіреберіс жолына қайта жаңғырту жұмыстарына аудандық бюджеттен қаржы қаралып, жоба-сметалық құжаттамалары әзірленуде. Сондай-ақ, Қармақшы ауылындағы су қабылдайтын құрылғыны қайта құру жобасына қаржы бөлініп, құрылыс жұмыстары бүгінде жүргізіліп жатқандығын атап өтті.Жиынға қатысқан ауыл тұрғындары аудан басшылығының және ауыл әкімінің атқарған жұмыстарын тыңдап, алдағы уақытта ауылішілік көшелердегі жарық, мал жайылымдық жерлерді белгілеу және де өзге де әлеуметтік маңызы бар мәселелер жөнінде ұсыныс-тілектерін білдірді.Аудан әкімдігі тарапынан тұрғындардың ұсыныс пікірлері ескеріліп, заңдылықтар аясында кезең-кезеңімен жүйелі түрде іске асырылатындығы жеткізілді. &nbsp;<img src="https://knadmin.beoblood.kz/uploads/3_6d1193b487.jpg" alt="3.jpg"><img src="https://knadmin.beoblood.kz/uploads/1_90b2cd5ea4.jpg" alt="1.jpg">

Қармақшы ауданы әкімі Қармақшы ауылының тұрғындарымен кездесті 

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Қылмыстық-атқару жүйесі департаментінің &nbsp;№60 мекемесінде &nbsp;сотталғандар арасында спорттың үш түрінен сайыс өткізілді.&nbsp;Сотталған азаматтар гір тасын көтеру, турникке тартылу және кеудемен серпіліс &nbsp;түрлерінен өзара кім мықтыны анықтады.&nbsp; Сайысқа 17 сотталған қатысып, І, ІІ, ІІІ орынға 6000, 5000 және 4000 теңгелік тарлан карталары, сонымен қатар әр сайыс түрінен үш қатысушыға 1000 теңгелік тарлан карталары ынталандыру сыйлығы ретінде үйлестірілді.&nbsp;Аталған шараға Қызылорда қалалық «Асыл мұра - Орда» қоғамдық қоры демеушілік жасады.<blockquote>«Өткізілген іс-шара сотталғандардың көңіл-күйлерін көтеріп тастады. Спорт – денсаулық кепілі деген сөз тегін айтылмаса керек. Біріншіден мұндай сайыстар жазасын өтеушілерді спортпен шұғылдануға серпін берсе, екіншіден күнделікті бір сарынды өмірден көңілдерін басқа арнаға бұрып психологиялық күйзелістердің алдын алады деп түсінемін. Мәдени және спорттық ісшараларға үнемі қолдау білдіріп, демеушілік жасап жүрген «Асыл мұра - Орда» қоғамдық қорының директорына алғыс білдіремін», - &nbsp;дейді сайысты ұйымдастырушы теологиялық оңалту жұмыстарын ұйымдастыру тобының аға инспекторы М.Жамиев.</blockquote><figure class="image"><img src="https://knadmin.beoblood.kz/uploads/Whats_App_Image_2022_11_18_at_10_20_37_c5357c5319.jpeg" alt="WhatsApp Image 2022-11-18 at 10.20.37.jpeg"></figure>

Қызылордада жазасын өтеушілер арасында спорттық сайыс өтті

<a href="https://kyzylorda-news.kz/">Kyzylorda-news.kz.</a> Қармақшы ауданы әкімі Ә.Ерсұлтановтың төрағалығымен аудандық ауылшаруашылығы және жер қатынастары бөлімдерінің басшылары, «Қармақшы Су Шар» өндірістік учаскесінің басшысы, аудандағы барлық шаруашылық құрылым басшыларының қатысуымен мәжіліс өткізілді.Мәжілістің күн тәртібінде алдағы жылы егінді орналастыру, әртараптандыру және жаңа суармалы технологияларды қолданысқа енгізу туралы мәселелер қаралды.Ең алдымен аудандық ауылшаруашылығы бөлімі басшысының міндетін уақытша атқарушы С.Зайыровтың хабарламасы тыңдалды.Биылғы жылы аудан бойынша 24 326 гектар егіс орналастырылып, күтімге алынған 12 773 га күріш, 1021 га жаздық бидай, 941 га мақсары, 150 га арпа, 30 га сүрлемдік жүгері, 50 құмай дақылдары толықтай төкпей-шашпай жиналып алынды. Негізгі күріш дақылының әр гектарынан 60,0 центнерден өнім алынып, қамбаға 76,6 мың тонна астық құйылды. Бұл өткен жылдың тиісті кезеңімен салыстырғанда 96 пайызды құрап, 383 гектарға кем болып отыр. Бұған басты себеп биыл өңірімізде су тапшылығына байланысты егіс көлемінің, оның ішінде негізгі күріш дақылының 383 гектарға қысқарып, 12 773 гектарға орналасуы. Жалпы алғанда, күріштен басқа дақылдардан жоғары өнім алынып, жақсы көрсеткіштерге қол жеткізілді.Мәжіліс барысында аудан басшысы тиісті сала басшыларына нақты тапсырмаларды жүктеді. Атап айтқанда, агроөнеркәсіптік кешенді дамыту үшін қажетті негізгі фактор – ол ауыспалы егіс жүйесін қатаң сақтау және оны әртараптандыру. Сондай-ақ, ең негізгі мәселе – алдағы уақытта су тапшылығы болу қаупі барын айта келе, осыған орай ауыспалы егіс жүйесінде күріштің үлесін 37-40% көлемінде ұстап, арпа, тары, сұлы, жүгері, мақсары мен соя дақылдарын көптеп өсіру және аймақ басшысының азық-түлік қорын көбейту және сырттан алатын өнімдерге деген тәуелділікті азайту үшін егін егуге арнайы жер дайындауда бақша дақылдарын егу тапсырмасын басшылыққа алу тапсырылды. &nbsp;<img src="https://knadmin.beoblood.kz/uploads/8_b03ab7c07c.jpg" alt="8.jpg">

Қармақшы: Ауыспалы егістікті әртараптандыру мүмкіндіктері талқыланды

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Ергешбаев Мұрат Нәлхожаұлы Іңкардария және Ақжарма ауылдарының халқымен кездесті.&nbsp;Аталған ауылдардағы кездесуге аудандық мәслихат хатшысы Е.Әжікенов, аудандық полиция бөлімінің бастығы Н.Ибраев, аудандық ардагерлер кеңесінің төрағасы М.Келдібаев, аудандық қоғамдық кеңестің төрағасы М.Еспенбетов, дербес бөлімдер, білім және денсаулық саласының, коммуналдық саланың басшылары қатысты.Кездесуде аудан басшысы облыс көлеміндегі соңғы жаңалықтар мен аудандағы жыл басынан бері атқарылған жұмыстарға тоқталып, алдағы жоспарлармен таныстырды.Іңкәрдария ауылы бойынша құм арасындағы ұңғыма және шеген құдықтарды қалыпқа келтіру, аяқ су және жол мәселелері көтерілсе, Ақжарма ауылдарында жайылымдық жер, жұмыс және газдандыру мәселесі қозғалды.Аудан әкімі Мұрат Ергешбаев тиісті сала басшыларымен мәселелерге қатысты жауаптарын беріп, қаржы және уақыт талап ететін ұсыныстар жоспарға сәйкес жүргізілетінін жеткізді.&nbsp;Сонымен қатар, аудан әкімі ауыл тұрғындарын жеке мәселелерімен де қабылдап, мәселелерін қарады. Сала басшыларына және аудан әкімі аппаратына әрбір тұрғынның мәселесін қарап, бақылауға алуды тапсырды.<figure class="image"><img src="https://knadmin.beoblood.kz/uploads/Syrdariya_a53408e71b.jpg" alt="Сырдария.jpg"></figure><figure class="image"><img src="https://knadmin.beoblood.kz/uploads/Syrdariya1_ff80bd77a6.jpg" alt="Сырдария1.jpg"></figure>

Сырдария ауданының әкімі ауыл тұрғындарының мәселелерін тыңдады 

<a href="https://kyzylorda-news.kz/">Kyzylorda-news.kz.</a> Қызылорда облыстық «Жастар ресурстық орталығы» КММ-нің ұйымдастыруымен облыстық «Жас отау» конкурсы өтті.Отбасы институтын қалыптастыру, отбасылық құндылықтарды жаңғырту, жас отбасылардың қоғамдағы рөлін арттыру мақсатында ұйымдастырылған шараға барлық аудандардан және Қызылорда қаласынан іріктелген үздік отбасылар қатысып, өзара бақ сынасты.Конкурсқа Қызылорда облысының қоғамдық даму басқармасы басшысының орынбасары Артур Раушанбекұлы қатысып, жастар ұйымдары мен жас отбасыларды әлеуметтік қолдауға бағытталған шараларға тоқталып, байқау қатысушыларына сәттілік тіледі.&nbsp;Жаһандық сын-тегеуріндер уақытында отбасы институтын дамыту мен нығайту — ел дамуының негізгі тұтқасы болмақ. Жаңа ғасыр дамуында мемлекеттік бағдарламаларға негізделген қастерлі құндылықтарды дәріптеу мемлекеттің тікелей мүддесінде. Осы ретте, жас отбасыларды жан-жақты шығармашылық қолдау мақсатында отбасылық конкурс облыстық «Жастар ресурстық орталығының» бастамасымен бірнеше жылдан бері дәстүрлі түрде өткізіліп келеді.Конкурс қорытындысымен, жүлделі III орынмен Қазалы қаласынан келген Қалиевтер отбасы мен Сырдариялық Тілеубергеновтер марапатталды. Байқаудың II орыны Шиелі ауданының намысын қорғаған Нышанбековтерге, Жалағаштық Ахметовтер мен Аралдық Жақсылықовтар отбасына бұйырды. Ал үздік үштіктің көшін бастап, жүлделі I орынмен Жаңақорған ауданынан арнайы келген Жанболатовтар отбасы, Қармақшылық Әмзеевтер мен Қызылорда қаласының қатысушылары Қуанышов отбасы марапатталды.&nbsp; Шара соңында барлық қатысушылар арнайы диплом мен бағалы сыйлықтармен марапатталды.<figure class="image"><img src="https://knadmin.beoblood.kz/uploads/316201112_1391552448286077_3757321664787271163_n_30123147e6.jpg" alt="316201112_1391552448286077_3757321664787271163_n.jpg"></figure>&nbsp;<figure class="image"><img src="https://knadmin.beoblood.kz/uploads/316195939_1391552404952748_6976170380314892919_n_8786f057af.jpg" alt="316195939_1391552404952748_6976170380314892919_n.jpg"></figure>&nbsp;<figure class="image"><img src="https://knadmin.beoblood.kz/uploads/316093653_1391552701619385_3438791544736842975_n_030594c3da.jpg" alt="316093653_1391552701619385_3438791544736842975_n.jpg"></figure>&nbsp;<figure class="image"><img src="https://knadmin.beoblood.kz/uploads/315365221_1391552278286094_8403485206388962042_n_8bbcd38fbc.jpg" alt="315365221_1391552278286094_8403485206388962042_n.jpg"></figure>&nbsp;<figure class="image"><img src="https://knadmin.beoblood.kz/uploads/315696720_1391551531619502_2449837593815014389_n_9223cee792.jpg" alt="315696720_1391551531619502_2449837593815014389_n.jpg"></figure>

Қазақстан және Қызылорда облысының жаңалықтары