<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының 7 жылға сотталған экс-әкімі Қуанышбек Ысқақовтың жазасы жеңілдетіліп, мерзімі қысқартылды.
Қызылорда облысы экс-әкімінің жазасын өтеу мерзімі қысқартылды
2020 жылдың желтоқсанында Ысқақов алаяқтық жасағаны үшін кінәлі деп танылып, өмір бойына мемлекеттік қызметпен айналысу құқығынан шеттетіліп, 7 жылға бас бостандығынан айырылған болатын.
<blockquote>
 «Қызылорда облыстық сотының қылмыстық істер жөніндегі сот алқасының қаулысымен бірінші үкім өзгеріссіз қалдырылды. Жоғарғы соттың қылмыстық істер жөніндегі сот алқасының қаулысымен жаза тағайындау бөлігіндегі үкім өзгертіліп, бас бостандығынан айыру мерзімі алты жылға дейін қысқартылды. Ысқақов соттан жазаның өтелмеген бөлігін жазаның неғұрлым жеңіл түрімен, яғни айыппұл немесе бас бостандығын шектеу түріндегі жазамен ауыстыруды сұрады«, – деп хабарлады Қызылорда қаласының №2 сотының баспасөз қызметі.
</blockquote>
Бұған дейін ЗК-169/5 колониясының өкілі сотталушыға берілген мінездемені қолдап, экс-әкімнің жазасын өтеу кезінде «белгіленген ішкі тәртіп пен режим талаптарын бұзбағанын» атап өтті.
<blockquote>
 «Оған қатысты екі жеңілдету шарасы қолданылды, жазасы жоқ, жеңіл жағдайда жазасын өтеп жатыр, дәрежесі екінші оң, қылмыспен келтірілген мүліктік залал, мемлекеттік баж, мемлекет кірісіне процессуалдық шығындар және жәбірленушілердің өтемақы қорына өтемақы толығымен өтелді. Жазаны өтеудің белгіленген тәртібін қасақана бұзу дерегі жоқ. Жәбірленушінің өкілі жазаның өтелмеген бөлігін неғұрлым жеңіл жазамен ауыстыру туралы өтінішке қарсы еместігін көрсетті«, – делінген соттың хабарламасында.
 «Осының негізінде сотталған Ысқақовтың жазаның өтелмеген бөлігін жазаның неғұрлым жеңіл түрімен ауыстыру туралы өтініші қанағаттандырылды. Жазаның өтелмеген бөлігі неғұрлым жеңіл жаза – 3 жыл 11 ай 12 күн мерзімге бас бостандығын шектеумен ауыстырылды. Қосымша жаза түрін өтеуден босатылмайды«, – делінген хабарламада.
</blockquote>

Қызылорда облысы экс-әкімінің жазасын өтеу мерзімі қысқартылды

<a href="https://kyzylorda-news.kz/">Kyzylorda-news.kz.</a> Ағымдағы жылдың сәуір айынан бастап Қызылорда облысы полиция департаментінің қызметкерлерімен талайды сан соқтырған интернет алаяқтарды құрықтау бойынша жүргізілген арнайы іс- шара сәтті аяқталды. Жеңіл жолмен ақша табуды мақсат еткен әккі алаяқтар қолға түсті.
<blockquote>
 «Өңірімізде өткен жылдың қараша айынан бастап тұрғындарымызға белгісіз біреулер телефон арқылы хабарласып «жақының есірткі затымен ұсталып тұр, оны жазадан босату үшін біз айтқан есепшотқа дереу қаражат аударуыңыз керек» деп үрейлендіріп, алаяқтық жолмен қаражаттарын жымқырып келген қылмыскерлер пайда болған болатын. Осы күнге дейін ұқсас фактілер бойынша облыс аумағында 32 қылмыстық іс тіркеліп, жәбірленушілерге келтірілген шығын көлемі 24 миллион теңгеге жуықтады», – дейді ОПД Криминалдық полиция басқармасының бөлім бастығы, полиция майоры Самат Ысқақов.&nbsp;&nbsp; &nbsp;&nbsp;&nbsp;&nbsp;&nbsp;
</blockquote>
Алаяқтардың қылмыстық іс – әрекеттерін әшкерелеу мақсатында Полиция департаментінің білікті қызметкерлер қатарынан жедел-тергеу тобы құрылып, тергеу амалдары басталды.
Тергеу нәтижесі-жинақталған айғақтармен алаяқтық тәсілдердің&nbsp; дәлме-дәл ұқсастығын және бұл қылмыстардың барлығы белгілі&nbsp; бір қылмыстық топпен жасалғандығын көрсетті.&nbsp; Жедел-тергеу тобы алаяқтардың іс-әрекеттерін дәлелдейтін айғақтардың жеткілікті деңгейде жиналғандығын назарға ала отырып, ағымдағы жылдың 15 шілде күні бір мезетте еліміздің үш облысында, яғни Алматы, Ақтөбе және Жамбыл облыстарында арнайы іс-шара өткізді.
Іс-шара барысында әр облыста бір-бірімен сыбайласу арқылы алаяқтықпен айналысып келген 8 адамнан құралған қылмыстық топ құрықталды.
<blockquote>
 «Алаяқтардың мекен-жайын тінту барысында қылмыс құралы ретінде қолданылған 17 дана ұялы телефон, бейтаныс тұлғалардың атына жасырын тіркелген 15 дана абоненттік нөмірлер, 60 азаматтың ЖСН, аты – жөні жазылған тізім, ақша айналымдарын тіркеген блокнот анықталып, айғақ зат ретінде тәркіленді. Осылайша, жұртшылықтың маңдай терімен тиындап жинаған қаражатын арбап алып, бас пайдасына жаратуға дәніккен әккі интернет алаяқтықтардың жолы кесілді», – делінген полиция департаментінің таратқан хабарламасында.
</blockquote>
Қазіргі уақытта бұл қылмыстық топтың өзге де өңірлерде орын алған алаяқтық қылмыстарына&nbsp; қатыстылығы тексерілуде.

Қызылордалық полицейлер интернет-алаяқтар тобын қолға түсірді (ВИДЕО)

<a href="https://kyzylorda-news.kz/">Kyzylorda-news.kz.</a> Соңғы тәулікте 1 859 адам коронавирус инфекциясын жұқтырды.
Нұр-Сұлтан қаласында – 835,
Алматы қаласында – 363,
Шымкент қаласында – 17,
Ақмола облысында – 66,
Ақтөбе облысында – 11,
Алматы облысында – 45,
Жетісу облысында – 60,
Атырау облысында – 64,
Шығыс Қазақстан облысында – 12,
Абай облысында – 8,
Жамбыл облысында – 61,
Батыс Қазақстан облысында – 21,
Қарағанды облысында – 170,
Ұлытау облысында – 27,
Қостанай облысында – 1,
Қызылорда облысында – 42,
Маңғыстау облысында – 18,
Павлодар облысында – 29,
Солтүстік Қазақстан облысында – 3,
Түркістан облысында – 6.
Денсаулық сақтау министрлігінің мәліметінше, Қазақстан бойынша коронавируспен ауырғандар саны 1 млн 335 мың 406 адамға жетті.

42 қызылордалық коронавирус жұқтырып алды

<a href="https://kyzylorda-news.kz/">Kyzylorda-news.kz.</a> Синоптиктер 26 шілдеге Қазақстанның ауа райы болжамын ұсынды. Республика бойынша қатты жел соғады.
<blockquote>
 Батыс жартысында, күндіз солтүстігінде, Қазақстан Республикасының оңтүстік-шығысындағы таулы аймақтарда жаңбыр жауады, Ақтөбе облысының солтүстігінде қатты жаңбыр жауады, найзағай ойнайды, бұршақ жауады, бұршақ жауады. Күндіз солтүстікте, Қызылорда облысының орталығында шаңды дауыл соғады. Республикада жел 15-20 м/с күшейеді. Қазақстанның шығыс жартысында ауа райы негізінен жауын-шашынсыз болады.
</blockquote>

26 шілдеге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Тараз қаласында өткен “Ақынға парыз көп ойлау, Артық та емес доп ойнау” атты кіші футболдан республикалық турнирде Сыр елінің намысын қорғаған “Ақмешіт” командасы жүлделі 3-орынды жеңіп алды.
«Ақмешіт» командасының сапында Мұхтар Ниязов, Нұрмат Мансұров, Ержеңіс Әбді, Ұлықбек Бекұзақұлы, Мейрамбек Ибрагимов, Бекжан Ержігіт, Ақжол Түменбай, Шыңғыс Құдайберген, Ізбасхан Дәулетхан, Мадияр Жасаңбаев сынды ақындар өнер көрсетті.
Турнир қорытындысында айтыскер ақын, ұстаз Ержеңіс Әбді “Үздік жартылай қорғаушы” атанды.
Жалпы, бұл қызылордалық ақындардың алғашқы жарысы емес. Бұған дейін сырбойылық шайырлар Түркістан, Шымкент, Қарағанды, Қызылорда, т.б. қалаларда өткен жарыстарға қатысып, жеңімпаздар қатарынан да көрінген болатын.

Қызылордалық ақындар республикалық турнирде жүлдегер атанды

<a href="https://kyzylorda-news.kz/">Kyzylorda-news.kz.</a> Қызылорда облысында жыл басынан бері 63 мың гектарға жуық бос жатқан ауыл шаруашылығы мақсатындағы жерлер анықталды.
Қазіргі уақытта мемлекеттік меншікке 160 жер учаскесі қайтарылды. Бұл шамамен 45 мың гектар. Қалғандары бойынша жұмыс жыл соңына дейін жалғасады. Сонымен қатар елді мекендерге жақын аймақта жайылымдық жерлер мен шабындықтар жетіспейді. Бос жайылымдар мемлекет меншігіне қайтарылғаннан кейін олар біртіндеп айналымға енгізіледі.
<blockquote>
 «Электронды цифрлық геопортал жүйесі бар. Сол бойынша жұмыстар жүргізіледі, мемлекет меншігіне қайтару бойынша. Облыста агроқұрылымдық жер учаскелеріне жалпы көлемі 2 мың 905 гектардан аса жер учаскелері табысталды. 5637 шаруа қожалыққа», – деді облыстық ауыл шаруашылығы және жер қатынастары басқармасының бас маманы Нұрсұлтан Ақылбеков.
</blockquote>
«Хабар 24»

Қызылорда облысында&nbsp;бос жатқан&nbsp;63 мың гектар жер анықталды

<h4 id="kyzylordanewskzhttpskyzylordanewskz"><a href="https://kyzylorda-news.kz/">Kyzylorda-news.kz.</a> Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның ата-аналарға арналған үндеуі жарияланды.</h4>
<blockquote>
 Құрметті ата-аналар! Балалар – әрқайсымыздың өміріміздегі ең қымбат байлығымыз. Бұл ешқандай түсіндіруді қажет етпейтін аксиома. &nbsp;Сондықтан, Президент жанындағы Әйелдер істері және отбасылық-демографиялық саясат жөніндегі ұлттық комиссия сіздерден жас балаларды қараусыз және олардың денсаулығы мен өміріне қауіп төндіретін жағдайларда қалдырмауды сұрайды.&nbsp;
 Соңғы кездері жазатайым оқиғалар мен қылмыстардың салдарынан қаза тапқан және зардап шеккен балалар туралы жаңалықтар көбеюде. Әрбір факт – үлкен қасірет, біз олардың алдын ала аламыз, алдын алуымыз керек және алдын алуға міндеттіміз.&nbsp;
 Өз кезегінде Ұлттық комиссия ата-аналар үшін өз балаларын тәрбиелеумен көбірек айналысуға, жауапты ата-ана мәдениетін ілгерілетуге, сондай-ақ балалардың өмірі мен денсаулығына жауапты құрылымдардың қызметіне қоғамдық бақылауды қамтамасыз етуге мүмкіндік беретін құқықтық ортаны дамыту жөнінде шаралар қабылдауға ниетті.&nbsp;
 Қазір демалыс, белсенді демалу, оның ішінде су маңында демалу кезеңіне сәйкес келетін дәстүрлі жазғы демалыс уақыты. Оның үстіне бұл күндері көшеде күн ыстық, соның кесірінен көпқабатты пәтерлердің терезелерін ашық қалдырушылар көп. Бұған қоса, еліміздің түкпір-түкпірінде мыңдаған бала күндізгі уақытта өздерімен-өздері қалып қояды.&nbsp;
 Балаларыңызды қауіпті жағдайда қалдырмаңыздар! Сергек және жауапты болыңыздар! Балаларыңыздың қауіпсіздігі сіздерге байланысты!, – делінген үндеуде.
</blockquote>

Ата-аналарға үндеу жарияланды

<a href="https://kyzylorda-news.kz/">Kyzylorda-news.kz.</a> «Байқоңыр» ғарыш айлағында «Союз МС-22» басқарылатын ғарыш кемесін ұшыру үшін «Союз-2.1а» зымыран тасығышын дайындау жұмыстары жалғасуда, деп хабарлайды&nbsp;<a href="https://www.inform.kz/kz/baykonyrda-soyuz-ms-22-garysh-kemesin-ushyruga-dayyndyk-zhurgizilude_a3958259">ҚазАқпарат</a>.
«Южный» ғарыш орталығының мамандары зымыранның бірінші және екінші кезеңдерін механикалық құрастыруды жүзеге асырған соң олар ғарышайлағы учаскесінің №31 техникалық кешенінің құрастыру-сынау корпусындағы сақтау орнына жөнелтілді.
Роскосмостың баспасөз қызметінің хабарлауынша, жұмыстың келесі кезеңі – пневматикалық сынақтар, автономды және кешенді сынақтар, ең соңында ғарыштық зымыранның жалпы жинақтау жұмыстары.
Еске сала кетсек, Байқоңыр ғарыш айлағынан «Союз МС-22» басқарылатын ғарыш кемесі бар «Союз-2.1а» зымыран-тасығышын ұшыру 2022 жылдың 21 қыркүйегіне жоспарланған.
ХҒС-қа құрамында Роскосмос ғарышкерлері Сергей Прокопьев, Дмитрий Петелин және NASA астронавты Франсиско Рубио бар 68-ші ұзақ мерзімді экспедиция экипажы аттанады.

«Союз МС-22» ғарыш кемесін ұшыруға дайындық жүргізілуде

<a href="https://kyzylorda-news.kz/">Kyzylorda-news.kz.</a> Қызылордада түзеу мекемесіне есірткі, телефон лақтырмақ болған екі адам ұсталды.
Қызылорда облыстық Қылмыстық атқару жүйесі департаментіне қарасты ЗК-169/5 мекемесінің өндірістік аймағына сотталғандардың пайдалануы мен қолдануына тыйым салынған заттарды лақтырмақ болған екі азамат ұсталды. Жедел түрде мекемеге Қызылорда қалалық Полиция басқармасының жедел-тергеу тобы шақыртылды.
<blockquote>
 «Тексеру барысында азаматтардан 20 грамдық шприцке нығыздалып салынған 10 дана өзіне тән ерекше исі бар шөп тектес зат және скотчпен оралған 3 телефон тәркіленді. Тәркіленген зат бойынша сот-медициналық сараптама тағайындалды. Нәтижесінде оның салмағы 62,02 грамм марихуана екені дәлелденді. Аталған дерек бойынша ҚР Қылмыстық кодексінің 297-бабының 1-бөлігімен сотқа дейінгі тергеп-тексеру жұмыстары жүргізілуде», – деп мәлім етті Қызылорда облыстық Қылмыстық атқару жүйесі департаментінен.
</blockquote>

Қызылордада түрмеге есірткі мен телефон лақтырмақ болған екі адам ұсталды

<a href="https://kyzylorda-news.kz/">Kyzylorda-news.kz.</a> Ұлттық экономика министрлігі Қазақстандағы мерекелер тізіміне қосымша әзірледі. Енді елімізде екі жаңа мереке пайда болады, деп хабарлайды&nbsp;<a href="https://stan.kz/">Stan.kz</a>.
9 қыркүйек – Қазақстан кәсіпкерлер күні;
19 желтоқсан – Жарнама мамандарының күні.
Ведомство өкілінің мәліметінше, Қазақстан кәсіпкерлері үшін ресми мерекені енгізу жүздеген мың қазақстандықтар үшін өзекті әрі маңызды болмақ.
Жаңа мерекелік күн кездейсоқ таңдалмаған. 2013 жылдың 9 қыркүйегінде Қазақстандағы барлық бизнесті біріктіретін “Атамекен” Қазақстан Республикасының Ұлттық кәсіпкерлер палатасын құру туралы құжатқа қол қойылды.
Сондай-ақ олар Қазақстан Тәуелсіздігінің 30 жылдығы қарсаңында жаңа мерекені белгілеу бастамасы мемлекеттік саясаттың басымдықтары мен еліміздің негізгі қоғамдық-саяси күштерін осы саладағы топтастыруды айғақтайтынын атап өтті.
Жарнама маманының мереке күнінің ҚР “Жарнама туралы” Заңының қабылданған күнімен сәйкес келуі ұсынылды. Құжатқа сәйкес, Қазақстанда шамамен 2 мыңға жуық жарнама ұйымы тіркелген, 100 000 жарнама маманы жұмыс істейді.

Қазақстанда мерекелік күндерге тағы екі мейрам қосылады

<a href="https://kyzylorda-news.kz/">Kyzylorda-news.kz.</a> Қызылорда облысында жыл басынан бері 23 адам суға кеткен. Өкінішке орай оның сегізі бала. Бұл туралы Қызылорда облыстық төтенше жағдайлар департаментінің азаматтық қорғаныс басқармасының бастығы Асхат Тоғызбаев мәлімдеді.
Сала мамандары су айдындарында және жазғы демалыс орындарында қауіпсіздік ережелерін барынша сақтауды және балаларды қараусыз қалдырмауды ескертеді.
<blockquote>
 «Соңғы уақытта ауа райының күрт ысуына байланысты облыс тұрғындары бекітілмеген орындарда суға шомылуда. Осыған байланысты төтенше жағдайлар департаментінің қызметкерлері су айдындарында күнделікті рейд жүргізіп, тұрғындарға түсіндірме жұмыстарын күшейтті. Дегенмен, өңірде суға кету жағдайлары азаймай тұр. Мәселен, биыл Сырдария өзенінде – 4 жағдай, каналдарда – 12 жағдай, арықтар мен басқа да су айдындарында – 6 жағдай орын алды», – дейді Асхат Тоғызбаев.
</blockquote>
Сонымен қатар басқарма басшысы жеке тұрғын үйлерде балаларға арналған бассейн де қауіпті екенін айтқым келеді. Жақында ғана «Арай» мөлтек ауданында қараусыз қалған 2 жасар сәби бассейндты.
<blockquote>
 «Сондықтан суға шомылу маусымында сақтық шараларын қаперден шығармай, балаларға абай болған абзал. Қазіргі таңда жедел-құтқару жасағында 49 сүңгуір маман мен барлық техникалар жұмыс істеуде», – деді Асхат Тоғызбаев.
</blockquote>

Қызылордада жыл басынан бері 23 адам суға кеткен

<a href="https://kyzylorda-news.kz/">Kyzylorda-news.kz.</a> Қазақстан бойынша&nbsp;&nbsp;2022 жылдың 26-28 шілдесіне арналған ауа райы болжамы жарияланды.
Қазгидрометтің мәліметінше, ел аумағында&nbsp;қатты ыстық сақталады.
<blockquote>
 “Республика бойынша тұрақсыз ауа райы сақталады, жаңбыр жауады. 26 шілдеде батыста, 27-28 шілдеде елдің солтүстік-батысында, солтүстігінде найзағай, дауыл, бұршақ күтіледі”&nbsp;–&nbsp;делінген ақпаратта.
</blockquote>
Сонымен қатар күндізгі уақытта республиканың батыс өңірлерінде ауа температурасының +25 +35°С-тан +30 +40°с-қа дейін көтерілуі күтілуде, ал елдің солтүстік-батысында, солтүстігінде ауа температурасының күндіз +30 +35°С-тан +20 +30°с-қа дейін біртіндеп төмендеуі болжануда.
Қазақстанның орталығында ауа температурасы +30 +38°С-тан +27 +35°С-қа дейін төмендейді, елдің шығыс облыстарында болса ауа температурасы +22 +32°С-тан +27 +38°С-қа дейін көтеріледі. Ал Қазақстанның оңтүстігінде, оңтүстік-шығысында өте қатты ыстық сақталады: +40 +45°С.

Қазақстан және Қызылорда облысының жаңалықтары

Қызылорда облысы экс-әкімінің жазасын өтеу мерзімі қысқартылды

Қызылордалық полицейлер интернет-алаяқтар тобын қолға түсірді (ВИДЕО)

42 қызылордалық коронавирус жұқтырып алды

26 шілдеге арналған ауа райы болжамы

Қызылордалық ақындар республикалық турнирде жүлдегер атанды

Қызылорда облысында бос жатқан 63 мың гектар жер анықталды

Ата-аналарға үндеу жарияланды

«Союз МС-22» ғарыш кемесін ұшыруға дайындық жүргізілуде

Қызылордада түрмеге есірткі мен телефон лақтырмақ болған екі адам ұсталды

Қазақстанда мерекелік күндерге тағы екі мейрам қосылады

Қызылордада жыл басынан бері 23 адам суға кеткен

26-28 шілдеде ауа райы қандай болады?

Қазақстан және Қызылорда облысының жаңалықтары

Қызылорда облысы экс-әкімінің жазасын өтеу мерзімі қысқартылды

Қызылордалық полицейлер интернет-алаяқтар тобын қолға түсірді (ВИДЕО)

42 қызылордалық коронавирус жұқтырып алды

26 шілдеге арналған ауа райы болжамы

Қызылордалық ақындар республикалық турнирде жүлдегер атанды

Қызылорда облысында&nbsp;бос жатқан&nbsp;63 мың гектар жер анықталды

Ата-аналарға үндеу жарияланды

«Союз МС-22» ғарыш кемесін ұшыруға дайындық жүргізілуде

Қызылордада түрмеге есірткі мен телефон лақтырмақ болған екі адам ұсталды

Қазақстанда мерекелік күндерге тағы екі мейрам қосылады

Қызылордада жыл басынан бері 23 адам суға кеткен

26-28 шілдеде ауа райы қандай болады?

Қызылорда облысында бос жатқан 63 мың гектар жер анықталды