<a href="https://kyzylorda-news.kz/">Kyzylorda-news.kz</a> &nbsp;Биыл Қазалы аудандық, облыстық маңызы бар, қалалық деңгейде спорттық жарыстар өткізу үшін 11462,0 миллион теңге бөлінді. Республикалық, облыстық жарыстарға әр спорт түрлері бойынша құрама командалардың мүшелерін дайындап, қатыстыруға 30851,0 миллион теңге қаралды. Мемлекеттік-әлеуметтік тапысырыс шеңберіндегі қызметке 13805,0 &nbsp;миллион теңге бөлінді. Қазіргі таңда, мемлекеттік сатып алу жұмыстары жүргізіліп, жұмыстар маусым айында басталатын болады.Осы жылдың үш айында Қазалы ауданында 34 бұқаралық спорттық іс-шара өткізілді. Оның ішінде, республикалық турнир – 4, облыстық турнир – 4, аудандық турнирлер мен жарыстар – 26 болып тұр.Сонымен қатар, Қазақстан Республикасының дене шынықтыру мен спорт саласын дамытудың 2023-2029 жылдарға арналған тұжырымдамаға сәйкес 2024 жылға дене шынықтыру және спортпен жүйелі түрде айналыстан азаматтардың үлесін 40 пайызға жеткізу межеленген. Өткен жылдың қортындысымен Қазалы ауданы бойынша дене шынықтыру және спортпен жүйелі түрде шұғылданушылар қатары халықтың 39 пайызға көтеріліп, 30930 адамға жетті. (2022 жылы 38 пайыз немесе 30096 адам). Өткен жылы Қазалы ауданы аумағында халықаралық, республикалық, облыстық, аудандық 139 бұқаралық спорттық іс-шаралар өткізіліп, оған 10000-ға жуық адам қатысты. Оның ішінде, халықаралық турнир – 1, облыстық турнир – 24 және аудандық турнирлер мен жарыстар – 114. Сонымен қатар, былтыр мемлекеттік-әлеуметтік тапсырыс шеңберінде бюджеттен 10,565,3 миллион теңге бөлініп, 29 спорт нұсқаушысы Әйтеке би кенті, Қазалы қаласы және 19 елді мекенде 6220 адамды тұрақты дене шынықтырумен шұғылдануға баулыды.Денешынықтыру жүйесіндегі жетістіктерАғымдағы жылдың І тоқсаны бойынша Қазалы ауданы спортшылары Халықаралық турнирлерде 2 күміс, 2 қола, Республикалық турнирлерде 9 алтын, 7 күміс, 14 қола, Қазақстан Республикасы чемпионаттарында 5 алтын, 4 күміс, 8 қола, Қазақстан Республикасы Кубогінде 4 алтын, 8 күміс, 10 қола облыс біріншіліктерінде 55 алтын, 24 күміс, 16 қола, облыстық турнирлерде 5 алтын, 3 күміс, 3 қола жеңіп алды. Өткен жылы Қазалы ауданының спортшылары Әлем чемпионатында 6 алтын, 9 күміс, 3 қола, Азия чемпионатында 6 алтын, 9 күміс медаль жеңіп алды. Халықаралық турнирлерде 3 алтын,13 күміс, 12 қола медальдарын иеленсе, әр спорт түрлерінен Қазақстан Республикасының чемпионаттарында 23 алтын, 32 күміс, 36 қола медаль иеленді. Бір спортшы Халықаралық дәрежедегі спортшебері атанды. Төрт спортшы Қазақстан Республикасының спорт шебері нормативін орындаса, Қазақстан Республикасының спорт шеберіне үміткер 96 спортшы атанып, 10 спортшымыз спорт түрлері бойынша Қазақстан құрама командасына енді.Спорттық инфрақұрылым – Қазалы ауданы бойынша 1 стадион, 2 спорт мектебі (№17 Қазалы ауданының олимпиадалық резервтің мамандандырылған балалар-жасөспірімдер және №18 Қазалы ауданының балалар-жасөспірімдер спорт мектебі) және 5 спорт кешені қызмет етеді. 2024 жылы, Әйтеке би кентінен (628,743 миллион теңге), Бекарыстан би (398,494 миллион теңге), Қожабақы (537,149 миллион теңге), Бөзкөл (500,0 миллион теңге) ауылдарынан спорт кешендердің құрылыстары жүргізілуде. Сонымен қатар, жеке кәсіпкер Шынар Өтегенованың 160 орындық «Amir Arena» спорт кешені пайдалануға беріледі. Спорт кешенде күрес залы, ауыр атлетика залы, ойын түрлеріне (футбол, баскетбол, волейбол, қол добы) арналған залы бар. Сонымен қатар, барлығы 54 жасанды алаң бар. Оның ішінде, Әйтеке би кентінде 22 жасанды алаң, Қазалы қаласында 4 жасанды алаң, 28 жасанды алаң ауылдық округтерде орналасқан. 2023 жылы Жанқожа батыр, Майдакөл, Бекарыстан би, Қашақбай Пірімов, Басықара, Ақсуат, Жанкент ауылдарындағы спорт алаңдары бюджет есебінен жөндеуден өткізілсе, Бөзкөл ауылындағы спорт алаңы жеке кәсіпкердің демеушілігімен жөнделді. Қазалы аудандық білім беру ұйымдарында 43 спорт залы бар.Дене тәрбиесі, спорт және туризм бөлімінің Қазалы спорт клубыҚазалы спорт клубы 2013 жылы құрылды. Клубтың теңгерімінде Жалаңтөс Баһадүр атындағы орталық стадион және спорт кешені жұмыс жасайды. Жалаңтөс баһадүр атындағы орталық стадион 1992 жылы қайта қалпына келтіру мақсатында жөндеу жүргізіліп пайдалануға берілген. 2018-2019 жылдары аудандық бюджеттен 41 миллион қаржы бөлініп, күрделі жөндеу жұмыстары жүргізілді. Қазіргі таңда тұрақты деңгейде жұмыс жасайды.2014 жылы Әйтеке би кентінен алғашқы болып 120 орындық спорт кешені бой көтеріп, пайдалануға берілді. Бүгінгі күні екі ауысым бойынша 818 спортшы 8 спорт түрімен жаттығады. 2024 жылға бөлінген қаржысы – 140940,0 теңге. Оның ішінде, республикалық және облыстық сайыстарға қатысуға команда және жаттықтырушыларға іссапарға қаралған қаржысы 6000,0 теңге.Қазіргі таңда, штат саны 50 қызметкер. Оның ішінде, 13 жаттықтырушы және 5 спорт нұсқаушысы жұмыс жасайды.№17 Қазалы ауданының олимпиадалық резервтің мамандандырылған Балалар-жасөспірімдер мектебі№17 Қазалы ауданының олимпиадалық резервтің мамандандырылған балалар-жасөспірімдер мектебі 1968 жылы құрылған.Мектепте спорттың 13 түрінен 1526 спортшы жаттығады. Мектепте – 44 жаттықтырушы және 4 әдіскер қызмет атқарады. Оның ішінде, 1 жаттықтырушы Қазақстан Республикасына еңбегі сіңген жаттықтырушы, 6 жаттықтырушы жоғары санатты, 5 жаттықтырушы – І санатты және 8 жаттықтырушы – ІІ санатты.Мектеп теңгерімінде Әйтеке би кенті, Қарасақал Ерімбет көшесі №100-Б үй мекен жайында орналасқан спорт кешені, Жанқожа батыр ауылындағы спорт кешені, Ү.Түктібаев ауылындағы спорт кешені, бокс залы және мемлекеттік жекешелік-әріптестік аясында алынған екі ғимарат жұмыс жасайды.2023 жылы №17 Қазалы ауданының олимпиадалық резервтің мамандандырылған балалар-жасөспірімдер мектебінің спортшылары &nbsp;Әлем чемпионатында 6 алтын, 6 күміс, 2 қола, Азия чемпионатында 4 алтын, 6 күміс медаль жеңіп алды. Қазақстан Республикасының чемпионаттарында 15 алтын, 15 күміс, 13 қола медаль иеленді.№18 Қазалы ауданының балалар-жасөспірімдер спорт мектебіҚазалы ауданының әкімдігінің 2004 жылы 3 мамырда №99 қаулысына сәйкес, «Казсельхозтехника» мекемесінің машина жөндеу ауласын спорт залына ыңғайлап, Қалалық балалар мен жасөспірімдер спорт мектебі болып құрылды.№18 Қазалы ауданының балалар-жасөспірімдер спорт мектебінде 758 оқушы 9 спорт түрімен жаттығады. Мектепте 31 жаттықтырушы және 2 әдіскер қызмет атқарады. Оның ішінде І санатты 3 жаттықтырушы, ІІ санатты 4 жаттықтырушы.Мектеп теңгерімінде Қазалы қаласындағы 2 спорт кешені және Қ.Пірімов ауылындағы спорт кешені жұмыс жасайды.2023 жылы №18 Қазалы ауданының балалар-жасөспірімдер спорт мектебінің спортшылары Әлем чемпионатында 1 қола, Қазақстан Республикасының чемпионаттарында 4 алтын, 8 күміс, 7 қола медаль иеленді.Алдағы міндеттер мен ұсыныстар бойынша – Қазалы ауданы бойынша дене шынықтыру және спортпен жүйелі түрде шұғылданушылар қатары 40,0 пайыз жеткізу; Ұлттық спорт түрлерін дамыту; Әйтеке би кентіне, Қазалы қаласына, Ғ.Мұратбаев, Қарашеңгел, ауылдық округтеріне дене шынықтыру-сауықтыру кешендерінің жоба-сметалық құжаттармалары жасалынып, мемлекеттік сараптамадан өткізілген спорт кешендерінің құрылыстарына қаржы бөлдіру; Әйтеке би кентінен балаларға арналған әмбебап 3 ойын алаңдарын салу; Жалаңтөс Баһадүр атындағы орталық стадионға күрделі жөндеу жұмыстарын жүргізу.

Қазалы ауданының спорт саласының жетістігі

<a href="https://kyzylorda-news.kz/">Kyzylorda-news.kz</a> &nbsp;Сайлаушылардың мұң-мұқтажын, талап-тілектерін тыңдау мақсатында партия атынан сайланған облыстық және Қазалы аудандық мәслихат депутаттарының кезекті кездесу жұмыстары басталды.Кездесудің алғашқы күні облыстық мәслихат депутаты Ибайдулла Тілеп пен Қазалы аудандық мәслихат депутаты Арғын Орымбаев «Теміржолшы» бастауыш партия ұйымы орналасқан Қазалы вагон пайдалану депосында мекеме қызметкерлерімен кездесті.Кездесу барысында депутаттар өз сайлауалды уәделері мен партияның сайлауалды бағдарламасының Қазалы ауданы көлемінде орындалуы жайында баяндады.Сондай-ақ, Қазалы ауданы көлемінде атқарылып жатқан және алда жосарланған жұмыстардың барысына тоқталды. Сонымен қатар, халық қалаулылары су тасқыны салдарынан зардап шеккен тұрғындарға қолдан келгенше көмек қолын ұсынған барша теміржолшыларға алғыстарын айтты. Өз кезегінде сала қызметкерлері аманаттықтардың ел игілігі жолындағы жұмыстарына сәттілік, табыс тіледі.Бастауыш партия ұйымында қабылдау өткіздіОблыстық мәслихат депутаты Ибайдулла Тілеп партияның «Теміржолшы» бастауыш партия ұйымында орналасқан қоғамдық қабылдау бөлмесінде тұрғындарға жеке қабылдау өткізді.Қабылдау барысында сайлаушылар тарапынан жеке мәселелермен қатар, денсаулық сақтау, кентті абаттандыру, тұрғын үй және басқа да тақырыптарда өтініштер келіп түсті.Халық қалулысы аталған мәселелер бойынша заңдылыққа сәйкес түсіндірме жұмыстарын жүргізді. Қабылдауға аудандық мәслихат депутаты, «Теміржолшы» бастауыш партия ұйымының төрағасы Арғын Орымбаев қатысты.«Ауыл аманаты» жобасы аясында кеңестер беріледіҚазалы аудандық партия филиалында «Ауыл аманаты» жобасының «Ақпараттық қолдау» орталығы жұмысын жалғастыруда. Сондай-ақ, «Ашық есік» күні өткізіліп, жылдық мөлшерлемесі 2,5%-ды құрайтын «Ауыл Аманаты» жобасы аясында тұрғындарға ақпарат берілді.Қазалы аудандық ауыл шаруашылығы мен жер қатынастары бөлімі басшысының орынбасары Сапарбек Қуатов, кәсіпкерлер палатасының Қазалы ауданындағы филиалының директоры Маржан Ким және партия филиалының сарапшысы Алтынай Кенжалиева қатысқан шарада тұрғындар жоба бойынша сауалдарын қойды.Ал, сала мамандары жобаға қатысу мен несие берудің негізгі шарттары, қаржыландырудың бағыттары, несие алу алгоритімі бойынша кеңінен ақпарат берді.Айта кетейік, «Ауыл аманаты» – «AMANAT» партиясы мен Үкіметтің бірлескен жобасы. Оның басты мақсаты – ауыл тұрғындарының табысын, әл-ауқатын және өмір сүру сапасын арттыруға көмектесу.Мониторингтік топ баға тұрақтылығын көрдіПартияның Қазалы аудандық филиалы жанынан құрылған мониторингтік топ мүшелері Қазалы аудандық ауылшаруашылығы мен жер қатынастары бөлімінің және Қазалы аудандық кәсіпкерлік және өнеркәсіп бөлімінің мамандарымен сауда орындарындағы әлеуметтік маңызы бар азық-түлік бағаларына кезекті зерделеу жұмыстары жүргізілді.Мониторингтік топ алдымен аудан орталығындағы «Фея-Перизат» сауда дүкенінде болып, әлеуметтік маңызы бар азық-түліктердің бағасын бағамдады. Зерделеу барысында анықтылғандай баға тұрақты, азық-түлік қоры жеткілікті. Негізгі тауарлар бағасын тұрақты ұстау мәселесі кәсіп иелеріне түсіндірме жұмыстары жүргізілді.Топ мүшелері кезекті зерделеу жұмыстарын дәріханалар мен жанармай бекеттерінде жалғастырды. Нәтижесінде, жанармай бекеттерінде баға мөлшері және қауіпсіздік техникасы сақталғандығы, ал дәріханаларда дәрі-дәрмектердің бағасы қалыпты екендігі анықталды.

Қазалы ауданында "Аманат" партиясы қызу жұмыс атқаруда

<a href="https://kyzylorda-news.kz/">Kyzylorda-news.kz</a> &nbsp;Тұрмыстық зорлық-зомбылық қоғамның басты назарына айналған мәселенің бірі. Зорлық-зомбылықпен күресу ендігі жерде тек полицияның емес, жергілікті атқарушы органдардың, үкіметтік емес ұйымдардың да міндеті.Қазалы ауданы прокуратурасы Қазалы аудандық &nbsp;Ардагерлер кеңесі және Қазалы аудандық Әйелдер кеңесімен бірлесіп, өңірдегі отбасылық-тұрмыстық зорлық-зомбылықты алдын алу мақсатында «Тұрмыстық зорлық-зомбылық» мәселесіне қатысты ықпалдасу және кеңесу тәртібінде атқаратын іс-шаралар туралы меморандумға қол қойды.Меморандумның мақсаты – отбасылық-тұрмыстық зорлық- зомбылықты алдын алу шараларын күшейту, әйелдер мен балалардың құқықтары мен заңды мүдделерін, қауіпсіздігі мен қорғау шараларының тиімділігін арттыруға бағытталған ықпалдасу және кеңесу түріндегі іс- қимылдарды жүзеге асыру болып табылады.Қазіргі таңда, Қазалы аудандық полиция бөлімі, Қазалы ауданы прокуратурасы Қазалы аудандық Ардагерлер кеңесі және Қазалы аудандық Әйелдер кеңесі, Қазалы ауданы әкімдігі және Қазалы аудандық мәслихат депутаттарының келісімімен меморандум аясында атқарылатын іс-шаралар жоспары жасалып, бекітілді.Отбасылық құқық бұзушылықтар орын алған жағдайда жәбірленуші тарап көбіне бұл жағдайды отбасылық мәселе ретінде қарап, сыртқа шығармайды. Полициядан көмек сұрамайды. Аталған жағдайлар тұрмыстық зорлық-зомбылықтың өршіп, тіпті өлімге әкелетін қылмыстың көбеюіне жол ашты. Полиция органдарымен тұрмыстық зорлық-зомбылықтың жеке профилактикасы шаралары ретінде: профилактикалық әңгімелесу; әкімшілік құқық бұзушылық туралы хаттаманы жасау не қорғау нұсқамасын шығару үшін тұрмыстық зорлық-зомбылық жасаған адамды ішкі істер органдарына жеткізу; қорғау нұсқамасы; әкімшілік ұстау; медициналық сипаттағы мәжбүрлеу шаралары; құқық бұзушының мінез-құлқына ерекше талаптар белгілеу; әкімшілік жаза қолдану жүргізіледі.Профилактикалық әңгімелесудің негізгі міндеттері тұрмыстық зорлық-зомбылық жасаудың себептері мен жағдайларын анықтау, тұрмыстық зорлық-зомбылықтың әлеуметтік және құқықтық салдарларын түсіндіру және заңға мойынсынушылық мінез-құқықтың қажеттігіне сендіру болып табылады.Бүгінде, профилактикалық бақылау меморандум қатысушыларымен бірлесіп жүзеге асырылады. Отбасылық жанжал, қазіргі таңда, жанұя жанжалы орын алған отбасының емес, қоғам қатысушыларының басты назарында.

Қазалылық ардагерлер отбасы берекесін сақтайтын меморандумға қол қойды 

<a href="https://kyzylorda-news.kz/">Kyzylorda-news.kz</a> &nbsp; Қазалы ауданының географиялық тұрғыдан қолайлы орналасуы аудан көлемінде туризм саласының дамуына мүмкіндік береді. Қазіргі таңда, салаға қатысты 2021-2025 жылдарға арналған облыстық даму жоспарына сәйкес, Қазалы аудан бойынша бекітілген нысаналы индикаторлар, «Е-Qonaq» ақпараттық жүйесі, шетелдіктер үшін туристік жарна мөлшерлемелері және саланы ілгерілету мақсатындағы мемлекеттік қолдау шараларына сәйкес жұмыстар жүргізілуде.2021-2025 жылдарға арналған облыстық даму жоспарына сәйкес бекітілген &nbsp;нысаналы индикаторлары бойынша ішкі туристер санының артуына тоқталсақ, 2024 жылдың 1 қаңтарында Қазалыға келген ішкі туристер саны (резидент) 7919 адамды құрап, өткен жылдың есепті кезеңімен салыстырғанда 124,2 пайызды құрады.Сыртқы туристер санының артуында, статистикалық мәлімет бойынша 2024 жылдың 1 қаңтарына ауданға келген сыртқы туристер саны (резидент еместер) 150 адамды құрап, өткен жылдың есепті кезеңімен салыстырғанда 100,0 пайызды құрады.Нөмірлік қор санын ұлғайтуда, 2024 жылдың 1 қаңтары бойынша ресми статистикалық ақпаратқа сәйкес, аудан бойынша орналастыру орындарында біржолғы сыйымдылық, төсек-орын саны 215 бірлікті құрады.&nbsp; &nbsp; &nbsp; Салаға салынған инвестицияның өсімін арттыруға байланысты &nbsp; &nbsp; &nbsp; &nbsp;Қазалы ауданы бойынша «Туризм саласында инвестиция көлемін арттыру» нысаналы индикаторы 2024 жылға 2 миллиард теңгеге қолжеткізу межесі бекітілген.&nbsp; &nbsp; &nbsp;2024 жылға межеленген нысаналы индикаторға қол жеткізу мақсатында қазіргі уақытта туризм саласына тартылатын инвестициялық жобаларға мониторинг жұмыстары тұрақты түрде жүргізіліп, бақылауға алынған. Ағымдағы жылдың наурыз айы бойынша 224,3 миллион теңге инвестициялық есептілігі тапсырылды.&nbsp; &nbsp;Жеке кәсіпкер Ш.Қуантқанның спорт кешені жобасы, Бекарыстан би ауылындағы спорт кешені құрылысының жобасы, Кәукей ауылындағы типтік жобадағы ауылдық клуб құрылысына қомақты қаражат қаралды.&nbsp; &nbsp; Сонымен қатар, 2024 жылға аудан бойынша 3 спорт кешені мен 1 типтік жобадағы ауылдық клуб құрылыстары және жеке кәсіпкер тарапынан салынып жатқан спорт кешенін жүзеге асыру жоспарлануда.&nbsp;Қазалы ауданы бойынша даму жоспарына сәйкес, туризм саласына 2023 жылға 400,0 миллион теңге межесі бекітілген болатын. Жыл қорытындысымен статистикалық деректерге сәйкес аудан бойынша салаға тартылған инвестиция көлемі 642,6 миллион теңгені құрады.&nbsp;Туризм саласын ілгерілету мақсатында мемлекеттік қолдау шараларына орай 2022 жылдың 1 қаңтарынан бастап, туризм саласын ілгерілету мақсатында мемлекеттік қолдау шаралары қолданысқа енгізілген болатын.&nbsp; &nbsp;Кәсіпкерлік субъектілерінің санитариялық-гигиеналық тораптарды (СГТ) күтіп-ұстауға арналған шығындарының бір бөлігін субсидиялау (83 300 KZT); Кәсіпкерлік субъектілерінің санитариялық-гигиеналық тораптарды (СГТ) күтіп-ұстауға арналған шығындарының бір бөлігін субсидиялауға «Батыс Еуропа – Батыс Қытай» автокөлік дәлізінің бойында орналасқан «Мирас» кешенінің меңгерушісі К.Кенесбаева 2022 жылы өтінімін тапсырып, 2023 жылға ай сайын субсидия алуға қолдау тапты.&nbsp; &nbsp; &nbsp;2024 жылға аталған субсидиялауға «Мирас», «Арзан сити 2» кешенінің қажетті құжаттары облыстық дене шынықтыру, спорт және туризм басқармасына ұсынылды.Шетелдіктер үшін туристік жарна мөлшерлемелерін бекіту мақсатында да біршама жұмыс қолға алынуда. Атап айтқанда, «Шетелдіктер үшін туристік жарнаны төлеу қағидаларын бекіту туралы» Қазақстан Республикасының Мәдениет және спорт министрінің 2023 жылғы 14 шілдедегі №181 бұйрығына сәйкес, «Қазалы ауданы бойынша шетелдіктер үшін 2024 жылға арналған туристік жарна мөлшерлемелерін бекіту туралы» шешім жобасын бекітуге, тиісті жұмыстар кезең-кезеңімен жүргізілуде.Аталған бұйрықта туристік жарнаға орналастыру орындарында болу құнынан 0 (пайыз) мөлшерінде ставка қолданылады деп көрсетілген. Осыған сәйкес, шетелдіктер үшін туристік жарнаның мөлшерлемелері – болу құнының 0 (нөл) пайызы бекітілетін болады.&nbsp; &nbsp; &nbsp;Қазіргі уақытта, аудандық мәслихаттың шешім жобасын Қазақстан Республикасы Әділет министрлігіне келісім алуға жолданды. «Батыс Еуропа – Батыс Қытай» автокөлік дәлізі бойындағы сервистік қызмет көрсету орындары ауданда аталған автокөлік дәлізінің бойында «Арзан Сити-1», «Арзан Сити-2», «Мирас», «Бақыт» сервистік қызмет көрсету кешендері және «Sinooil», «TS Қызылорда мұнай өнімдері» жанар-жағар май бекеттері жұмыс жасайды.&nbsp; &nbsp;Сонымен қатар, аудан аумағынан өтетін «Самара-Шымкент» автокөлік дәлізі бойындағы «Қашқан су» учаскесінде /«Бақыт» кешені/ маусымдық кезең бойынша жазғы демалыс орны (шомылу, әуесқойлық балық аулау) мен қыс мезгілінде мұз айдыны жұмыс жасайды.Іс-шараларға орай ұдайы жұмыс атқарылуда. Қазалы ауданында Халықаралық туризм күні мерекесі аясында жыл сайын туризм саласын дамыту, салауатты өмір салтын насихаттау мақсатында балық аулаудан жарыс ұйымдастырылып келеді. Өткен жылы Абай ауылына кіре берістегі «Қалқымалы» көпірдің оң жақ бетінде өткізілді.Балық аулаудан жарыс шарасына қазалылықтармен қатар, Алматы, Жезқазған, Ақтөбе, Қызылорда қалаларынан және көршілес аудандардан да әуесқой балықшалар қатысып, барлығы 250-ге жуық азаматтар бақтарын сынады. Нәтижесі бойынша бірінші, екінші, үшінші орын иегерлері анықталып, арнайы кубок медальдар мен және бағалы сыйлықтарға ие болды. Сондай-ақ, жарысқа қатысқан бірқатар қатысушылар «Жас балықшы», «Тәжірибелі балықшы», «Ең бірінші ұсталған балық» және «Ең ірі балық ұстаушы» номинацияларымен және жарысқа қатысушылар арасындағы ақсақалдар ынталандыру сыйлықтармен марапатталды.

Қазалыда туризм саласында ілгерілеушілік бар

&nbsp;<a href="https://kyzylorda-news.kz/">Kyzylorda-news.kz</a> &nbsp;«Сұлу-ай» шығармашылық өнер орталығының үйірмелері қазіргі уақытта ауданға қарасты 8 елді мекенде тұрақты түрде жұмыс жасауда.&nbsp;Республикаға «ауылдардың астанасы» атауымен танылған Нағи Ілиясов ауылында «Эстрадалық вокаль», «Ұлттық би», «Домбыра», «Хор» үйірмесі орталық ашылғаннан бері халық баласын өнерге баулуда. Бүгін ауылдық мәдениет үйінде «Өнерді өрге тартқан өрендер» тақырыбында шығармашылық кеш өткізілген болатын.&nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;Кеш барысында жыл көлемінде табысты өнер көрсеткен 70-ке жуық талантты балғындарға, үйірме жетекшілері Жанат Шайзадаева, Ботакөз Қалиасқарова, Аружан Әлішероваға &nbsp;орталық құрылтайшысы арнайы «Алғыс хаты» табысталып, сый-құрмет көрсетілді. Ауыл балалары жекелеген үйірмеден үйренген шығармаларын көпшілікке ұсынды. Білім мен өнерді ұштастыра білген білікті мамандардың жұмысы жоғары бағаланып, әрбір ата-ананың ыстық ықыласына бөленді. Сахна төрінде ән айтылып, би биленді. Күмбірлете күй орындалып, хор өнерпаздары даралана білді.&nbsp; &nbsp; &nbsp; &nbsp; &nbsp; &nbsp; &nbsp; &nbsp;Нағи Ілиясов &nbsp;ауылындағы өнерпаздар жыл көлемінде аудандық, облыстық іс-шараларға қатысып, сан бағыттағы байқаулардың жүлдегірі атанды. «Сұлу-ай» шығармашылық өнер орталығының құрылтайшысы&nbsp;Анар Қалдыбаева шығармашылық әлемінде&nbsp;таныла бастаған жастардың өнеріне баға берді.– «Сұлу-ай» шығармашылық өнер орталығының әрбір ауылдағы үйірмесінің жұмысы ұдайы біздің бақылауымызда. Балалардың сабаққа қатысуы, шығарманы жетік меңгеруі, байқауда бақ сынауы&nbsp;– назардан тыс қалмайды. Нағи Ілиясов ауылындағы ұстаздар қауымы кәсіби біліктілігі жоғары. Әрине, баласын бізге сеніп тапсырған ата-ана алдында есеп беруге мүдделеміз. Мемлекет тарапынан жасалған қолдауды кез келген отбасының көз қуанышы сезінуі тиіс. Орталық ашылған уақытта барлық 8 елді мекендегі мәдениет ошағының басшысымен бірлесіп, қандай үйірме ашу керектігі жөнінде ортақ шешімге келдік. &nbsp;Осы күні ауылда ашылған үйірменің озық нәтижесін көріп отырмыз. Бүгінгі шығармашылық кеште келешек жас жұлдыздардың &nbsp;шоғары қалыптасқаныңа &nbsp;көз жеткіздік, – деді орталық құрылтайшысы.Кеш соңында барлық өнерпазға балмұздақ таратылды.

Ауыл мектебінің білім сапасын арттыруда

<a href="https://kyzylorda-news.kz/">Kyzylorda-news.kz</a> &nbsp;Сырдария аудандық мәдениет үйінде аудан әкімдігінің ұйымдастыруымен «Баланың бас ұстазы-ата-ана» тақырыбында кеңейтілген аудандық ата-аналар жиналысы өтті.&nbsp; &nbsp; &nbsp; Жас ұрпақты парасатты, ақылды, мейірімді, жан-жақты азамат ретінде тәрбиелеуде ата-ананың рөлі жоғары. Оқушылардың жеке тұлға болып қалыптасуына ата-ана беретін тәрбиенің әдіс-тәсілдерін жетілдіру және қарым-қатынас орнату өте маңызды. Бала тәрбиесінде ата-аналарға оқытудағы жаналықтар туралы мәлімет беру, ата-аналардың мектеппен тығыз байланысын орнатуы бүгінгі күннің басты назарында. Әркез ата-аналарды балаларға жауапкершілікпен қарауға шақыру керек. Себебі баланың бүгінгі істеген қадамы ертеңгі тұлға ретінде қалыптасуына үлкен әсер ететіні белгілі.&nbsp; &nbsp; &nbsp; Баланың бас ұстазы – ата-ана. Бұл халқымыздың қанатты қағидасы. Бірақ қазіргі ата-анаға да, тіпті ұстазға да ұстаз қажет. Бүгінде кім кімді тәрбиелеп, кім кімге білім беріп жатқанын білмей қалдық, бағамдай алмайтын халге жеткендейміз. Ұрпақ тәрбиесі қараусыз қалғандай. Жаңашылдыққа ұмтылған жаһандану кезеңінің жастары ұстаздан да, ата-анадан да тайсалмайтын болды. Осы және өзге де өзекті мәселелер жөнінде іс-шара барысында талқыланып, қарастырылған болатын.&nbsp; &nbsp; &nbsp; Ата-аналармен өткен іс-шараға аудан прокурорының орынбасары Ғалымжан Манасұлы, «Сенімен Болашақ» Республикалық ата-аналар қоғамдық бірлестігінің Қызылорда облыстық филиалының директоры Шәкизат Қаратайұлы және Сырдария аудандық полиция бөлімінің қызметкерлері мен ата-аналар қатысты.&nbsp; &nbsp; &nbsp;Аудан әкімінің орынбасары Байдушев Димаш Серікбайұлы қатысушыларға форум қонақтарын таныстырып, шараның мән-мазмұнын жеткізді.&nbsp; &nbsp; &nbsp; Білім саласының ардагері, ардақты ұстаз Алтын Нұртайқызы және №210 орта мектептің ата-аналар комитетінің төрайымы Серіккүл Тұрсынбекқызы бала тәрбиесіндегі ата-ананың рөлі мен мектеп, ата-ана және оқушы арасындағы байланыс жайында хабарлама жасады.&nbsp; &nbsp; &nbsp; Іс-шара барысында мектеп жанындағы жасөспірімдердің қатысуымен орын алып жатқан келеңсіз оқиғалардың алдын алу, жасөспірімдер арасында құқықбұзушылық және ата-анасының бала тәрбиесіндегі рөлі мен жауапкершілігі, құқықбұзушылықтың алдын-алу, жасөспірімдерді зиянды заттардан қорғау (электрондық темекі, т.б) мәселелері қаралып, ата-аналар тарапынан ой-пікірлер мен сұрақтар қойылды.&nbsp; &nbsp; &nbsp; Өз кезегінде «Сенімен Болашақ» Республикалық ата-аналар қоғамдық бірлестігінің Қызылорда облыстық филиалының басшысы Шәкизат Қаратайұлы бірлестіктің мақсаты мен атқарып жатқан жұмыстары жайлы ақпараттар беріп, бірлестіктің миссиясы қоғамда саналы ата-ана мәдениетін қалыптастыру екенін атап өтті. Аталмыш іс-шара барысында ата-аналармен еркін пікір алмасып, сауалдарына ұтымды жауап берді.&nbsp; &nbsp; &nbsp; &nbsp;Ұрпақ тәрбиесіне бейжай қарамай, бірлесе атсалысуға шақырамыз.

Кеңейтілген аудандық ата-аналар жиналысы өтті

<a href="https://kyzylorda-news.kz/">Kyzylorda-news.kz&nbsp;</a> Арал ауданындағы білім ордаларында оқушылардың шығармашылық, интеллектуалдық қабілетін арттыруға бағытталған жаңа жобалар жүзеге асуда. Облыстық білім басқармасы мен Өңірлік коммуникациялар қызметі ұйымдастырған пресс-тур барысында Арал ауданындағы бірнеше мектеп пен балабақшалардың жұмысымен таныстық.Қаладағы №262 мектеп-гимназияда ұлттық құндылықтардың қайта жаңғыруына ерекше мән беріліп, тың бастама, инновациялық жобалар іске асуда. Педагогтер ұлттық ойындарды қазіргі заманға сай жаңа форматқа бейімдеп, қызықты тапсырмаларға толы «Көкпар», «Ақсүйек», «Қыз қуу» ойындарын ұйымдастырған. Бұл оқушылардың ұлттық құндылықтарымызды ұмытпауына әсер етумен қатар, зеректігін арттыратыны да рас. Мұндағы заманауи үлгіде жабдықталған телестудия да "елге белгілі тілші боламын" деген жастарға үлкен мүмкіндік.Оқу орнының басшысы осы студия жанынан жақын аралықта «астрономия» кабинеті ашылатынын атап өтті. Қазіргі уақытта білім ордасында «Оқуға құштар мектеп» жобасы бойынша да ауқымды жұмыстар жүріп жатыр.Аралдағы №220 мектепте «Медиа және журналистика» жобасы аясында ашылған студия да шығармашылыққа бейімі бар оқушылардың қанатын қататуда.&nbsp;№62 мектеп-лицейде инфокиоск бөлімі арқылы кітап оқуға мүмкіндік жасалған. Сондай-ақ IT салаға қызығатын оқушылар үшін, арнайы құрылғылармен жабдықталған робототехника кабинеті жұмыс істейді.Ал Сексеуіл кентіндегі «Алма-Рай» балабақшасында бүлдіршіндердің дамуына, сауат ашуына барынша жағдай жасалған. Балабақша меңгерушісі Алмагүл Еңсепова бөбекжайдың ерекшелігі туралы айтты.<blockquote>– Балабақша алаңы кішкентайлардың танымдық қабілетін арттыру мақсатында безендірілген, әр топтың алаңы қажетті ойын және спорттық құралдармен қамтамасыз етілген. Әдістемелік кабинетте балалар мен ата-аналар арасында жұмыс түрлерін ұйымдастыруға көмек көрсететін қажетті әдістемелік, анықтамалық, танымдық әдебиеттер бар. Жыл бойы балалар әдебиетінің кітапханасы толықтырылып отырады. Барлық ойын құралдары балаларға қолжетімді және санитарлық талаптарға сай келеді. Балабақшадағы әдістемелік құралдардың талаптарға сай келуі мемлекеттік стандарт бойынша жүргізілген, – деді ол.</blockquote>Мұнан кейін Сексеуіл кентіндегі №177 орта мектебіндегі оқушылардың жұмысымен танысып, «Ақмешіт» домбырашылар ансамблінің өнеріне тәнті болдық. Жас өнерпаздар орындаған Абайдың күйі «Торжорға» мен Құрманғазының «Балбырауын» күйі құлақтан кіріп, бойыңды алады. Бүгінде «Ақмешіттің» өнерпаздары жас ерекшеліктері бойынша «Кіші топ» (7-10 жас), «Орта топ» (10-13 жас), «Үлкен топ» (14-17 жас) болып үш топқа бөлінеді. Ансамбль құрамындағы Қадіржан Амедулла, Нұрдәулет Тәни, Рустам Жолдыбай, Қарақат Рахметқали, Әділжан Көпберген, Гүлсезім Қазиева сынды жеке орындаушылар – республикалық және халықаралық конкурстардың лауреаттары. Ансамбль құрамында үш оқушыдан құралған «Ақмешіт» триосы да үлкен сахналарда өнер көрсетіп жүр.<blockquote>– Ашылғанына 4 жыл болған ансамбль облыстық, республикалық, халықаралық кон- курстарда және жекелей орындау байқауларында жеңімпаз атанды. Оқушылар Құрманғазы, Дина, Қазанғап, Түркеш, Дәулеткерей секілді күйшілердің 20-дан астам күйін орындап жүр, – деді Салиха Қабделова.</blockquote>&nbsp;М.Төлеген

Білім беру ұйымдары жаңа жобаларды іске асыруда

<a href="https://kyzylorda-news.kz/">Kyzylorda-news.kz</a> &nbsp;Жапонияның «Шөп тамыры» бағдарламасы арқылы аймағымыздағы әлеуметтік нысандардың жұмысы жанданып жатыр. Соның бірі – Т.Есетов атындағы №264 мектеп-лицейі осыдан екі жыл бұрын «Мектепті автобуспен жабдықтау» атты жоба бойынша грант ұтып алған болатын.Бағдарламаның шарапатын көріп отырған мектеп ұжымымен Жапон елінің Қазақстан Республикасындағы Төтенше және Өкілетті елшісі Джун Ямада, Жапон елшілігінің Атташесі Шимон Комия, «Шөп тамыры» бағдарламасының үйлестірушілері Ютаро Икэноуэ мен Алия Чингишпаевалар келді. Шараға облыстық білім басқармасы басшысының орынбасары Бердаулетов Бағдат Камбозұлы мен БАҚ өкілдері қатысты.«Сабалақ», «Эдельвейс мекенжайларынан 630 бала қатынап оқитын мектепке тасымал қиынға түскен еді. Жоба бойынша қаржылай көмек алған мектеп, бүгінде саяжайларға 4 автобус балалар үшін қызмет жасауда.Шара барысында мектеп директоры Бек Сұлтанбекұлы «Сіздердің әлеуметтік жобаларға арналған көмектеріңіз білім саласына ғана емес, басқа да салалардың дамуына үлкен көмек. Әрине, бұл – маңызды жұмыс. Екі ел арасындағы қарым-қатынас бауырмалдыққа негізделген», деп өзі алғысын жеткізді.

Қызылордадағы мектептер жапондық жобаның игілігін көруде

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласы білім бөлімінің ұйымдастыруымен №7 мектеп-лицейі базасында ұлттық әдебиеттің классигі Ілияс Жансүгіровтың туғанына 130 жыл толуына орай «Ілияс оқулары» республикалық байқауының қалалық кезеңі өткізілді.Мазмұнды іс-шараның мақсаты – мектеп оқушылары арасында ақын шығармаларын насихаттау, жеткіншектердің әдеби көркем шығармаға құш¬тарлығын арттырып, эстетикалық талғамын қалыптастыру.Қалалық іріктеу кезеңіне 55 мектептен 50-ден аса оқушы қатысуға өтініш берген. Оқушылар 5 бағыт бойынша сынға түсіп, облыстық кезеңге жолдама алды.Байқауда әдебиет сүйер өрендер 5 кезең бойынша өз шығармашылық өнерлерін көрсетті. Нәтижесінде «Ілияс - эпик ақын» шығарманы жалғастыру бойынша №217 мектептің 9 сынып оқушысы Айтбай Жанымай, «Жаз! Жаз! Қалам, жорғалап» мәнерлеп оқу бойынша №189 орта мектебінің 10 сынып оқушысы Ақтай Нұрбек, «Ілияс -қарасөз шебері» -көркемсөз оқу бойынша №140 мектептің 9 сынып оқушысы Оспан Талшын, «Сұлу сөздің сүлейі» - шығарманың көркемдік құрылысын талдау бойынша №215 мектептің 10 сынып оқуышысы Әбутәліп Аида және «Заманның заңғар тұлғасы» - буктрейлер бағыты бойынша №7 мектептің 9 сынып оқушысы Сеитжан Меруерт облыстық кезеңге жолдама алды.

Қызылордада «Ілияс оқулары» республикалық байқауы өтті

Қызылорда: Білім көкжиегінде жетістігі мол ұжым

<a href="https://kyzylorda-news.kz/">Kyzylorda-news.kz</a> Н.Бекежанов атындағы Қызылорда облыстық қазақ академиялық музыкалық драма театры Алматы қаласына гастрольдік сапарын ұйымдастыруда.Театр ұжымы екі күн бойы Ғ.Мүсірепов атындағы қазақ мемлекеттік академиялық балалар мен жасөспірімдер театры мен Алматы мемлекеттік қуыршақ театрында өнер көрсетеді.Майталмандар сахна шымылдығын әлемнің ең әйгілі драматургтарының бірі У.Шекспирдің «Ромео мен Джульетта» трагедиясымен ашты.Қойылымды кино және театр актеры, кино және театр режиссері, театр педагогы, профессор, Қазақ КСР халық артисі, КСРО халық артисі, Қазақ КСР мемлекеттік сыйлығының лауреаты, КСРО мемлекеттік сыйлығының лауреаты Асанәлі Әшімов және алматылық зиялы қауым өкілдері мен жерлестеріміз тамашалады.Спектакль соңында Асанәлі Әшімов театр ұжымына ықылас гүлін табыстап, құрмет көрсетті. Актриса, Қазақстанның еңбек сіңірген артисі, Парасат және Құрмет ордендерінің иегері Лидия Кәденова сөз сөйлеп, әртістерге ризашылығын жеткізді.Сондай-ақ, Қазақстанның еңбек сіңірген қайраткері, Қызылорда облысының құрметті азаматы, "Құрмет" орденінің иегері, "Дара" төсбелгісінің иегері Хұсейн Әмір-Темір және үш дүркін «Алтын домбыра» иегері, театр басшысы Мұхтар Мәуленұлы сөз сөйлеп, Ғ.Мүсірепов атындағы қазақ мемлекеттік академиялық балалар мен жасөспірімдер театрының ұжымына Сыр театры атынан сый-сияпат ұсынды.

Сыр сахнагерлері Алматыда

<a href="https://kyzylorda-news.kz/">Kyzylorda-news.kz </a>«Заман жаңарғанымен, жаман жаңармайды» деген тұрпаты теріс тіркесті үлкен кісілерден көп еститінбіз. Бірақ жуырда осы сөздің нүктесі қойылып, айтылуы сиреп келеді. Батыс аймақты су алып, көңіліміз түсіп жатқанда, «Жолаушылар тасымалы» АҚ жанымызды жадыратып қойды. 9 сәуірде Қызылорда – Семей бағытындағы пойыз жаңа вагондармен толығып, жаңа форматтағы таза вагондар жолаушыларға пайдалануға берілген еді. Осы орайда қала тұрғындарымен әңгімелестік.<blockquote>–Дәл қазір осы Қызылорда – Семей бағыты бойынша Алматы қаласына жол жүріп бара жатырмын. Ішкі интерьер мен стиль, тазалық жоғары деңгейде жасақталған екен. Жалпы, сапарға көп шығамын, осындай үлгіде таза, жайлы барлық керек жарақпен қамтылған вагондар үшін жауапты сала мамандары мен басшыларына рақметімді айтамын, – деді қала тұрғыны Несіпкүл Ахметова.</blockquote>Расымен де, №21/22 «Қызылорда-Семей» жолаушылар пойызы қала тұрғындарының көңілінен шығуда. Маршрут бойынша 44 жолаушы вагоны жүретін пойыздың 29-ы купе, ал 15-і плацкарт. Осы бағыттағы пойыздар 100% жаңартылған. Жолаушылардың жайлылығын қамтамасыз ету мақсатында вагондар ауаны баптау жүйесі, ауаны тазарту сүзгілері, түтін датчиктері, биодәретханалар, сондай-ақ тамбурлардағы бейнебақылау жүйесімен жабдықталған. Купеде электррозеткалары мен USB қосқыштары да бар. Күн сайын қатынайтын пойыз жолаушылары ендігі жайлы орында уақыт өткізіп, жол жүреді.Бастысы мұнда кез келген жағдайға дайындық жасалған. Мәселен, жолаушылар жолда сыртқаттанған жағдайда іште дәрі-дәрмекпен қамтылған медпункт жұмыс істейді.Саяхат кезінде қажет болған жағдайда көмек көрсетуге дайын болу үшін жолсеріктер алғашқы көмек көрсету бойынша арнайы дайындықтан өтеді. Бұған алғашқы көмек көрсету, оның ішінде босану, жүрек-қан тамырлары күтімі және жүрек-қан тамырлары аурулары туралы білім кіреді. Кондукторларды оқытудың негізгі мақсаты – барлық жолаушылардың қауіпсіздігі мен жайлылығын қамтамасыз ету, – деді «Жолаушылар тасымалы» АҚ баспасөз қызметі.Ол үшін қала тұрғындары да өз алғысы мен ризашылығын жеткізді.<blockquote>– Бұған дейін де вагондарымыз жаман болмаған. Ал қазір тіпті адам танымастай жаңа кейіпке еніпті. Жалпы, қала тұрғындарының қуанышы ерекше. Барлық бағыт бойынша адам көп. Дегенмен жолаушылардың 70- 80 пайызы осы пойызға мінетініне сенімдімін. Оңтүстік өңірлерге қатынайтындар көп. Студенттер де осы пойызбен көп қатынайтын болды. Айтпақшы, вагонның бір ерекшелігі – ішінде үнемі радио сөйлеп тұрады. Бұл да қазақылықтың айнымас белгісі деп білемін. Әр дүниені қазақыландырып, өз ұлттық символымызды кіріктірсек, несі жаман?! – деді қала тұрғыны Нұргүл Ырзақұлқызы.</blockquote>Теміржолдың темір тұлпарының да қауіпсіздік ережелері бар. «Жолаушылар тасымалы» АҚ қызметкерлері пойызға отыру және шығу кезінде сақ әрі қырағы болуға шақырады. Сапар барысында өзге жолаушылар және қызметкерлермен сыйластық танытуларыңызды сұрайды.&nbsp;Жолаушылар шағымдары мен ұсыныстарын QR код пен пойыз нөмірі WhatsApp арқылы жібере алады. Кез келген жолаушы ұсыныс пен пікір қалдыра алады. Ал «Жолаушылар тасымалына» жыл сайын түсетін шағымдардың саны нақты емес. Себебі чат, электрондық пошта, Е-Өтініш секілді ұсыныс-өтініштер түрлі мобильді қосымшалардан келеді.Айта кетейік, №21/22 «Қызылорда-Семей» жолаушылар пойызының жаңа вагондарының тұсаукесер рәсімі 9 сәуір күні өтті. Іс-шара барысында өңірдегі теміржол саласының қызметкерлері облыс әкімінің алғыс хатымен марапатталды.&nbsp;Айта кетейік, мекемеде жалпы 11 мыңға жуық маман жұмыс істейді, оның 5,5 мыңы – жолсеріктер.Жиында «Жолаушылар тасымалы» АҚ бас директоры Жәнібек Тайжанов пен теміржол саласының құрметті ардагері Өмірбек Жүсіпов сөз сөйледі.<blockquote>– Біз Ұлттық тасымалдаушының вагон паркін жаңарту бойынша жұмысты жалғастырудамыз. №21/22 «Қызылорда – Семей» пойызы күн сайын жүретін болады. Жолаушылар құрамы бір бағытта орта есеппен 528 жолаушыны тасымалдай алады, – деп атап өтті «Жолаушылар тасымалы» АҚ Басқарма төрағасы Жәнібек Тайжанов.</blockquote>Өткен жылы Ұлттық тасымалдаушы 150 жаңа вагон жеткізу туралы келісімшартқа қол қойып, оның 88-і вагон паркін толықтырған. Олар Атырау – Маңғыстау, Ақтөбе – Атырау, Павлодар – Түркістан бағыттары бойынша жүріп жатыр. Қолданысқа берілген вагондардың жайлылығы, қызметі мен ыңғайлылығы жолаушыларға жағымды әсер қалдыруда.2024 жылдың бірінші жартыжылдығында Қызылорда – Семей және Алматы – Сарыағаш бағыттарында пайдаланылатын тағы 12 вагон жеткізіледі деп күтілуде. Биыл мемлекеттік органдармен тағы 157 жолаушылар вагонын сатып алу бойынша жобаны қаржыландыру мәселесін пысықтау жоспарлануда. Сонымен қатар 2025 жылдан 2030 жылға дейін Stadler технологиясының 537 жолаушылар вагонын сатып алуға шарт жасалды. 2030 жылы жоспарланған барлық іс-шараларды ескере отырып, вагондардың орташа қолданыстағы жылы 18-ден 13 жылға дейін төмендейді.Қызылорда теміржол вокзалы 1905 жылы салынған бір қабатты және 1969 жылы салынған үш қабатты екі ғимараттан тұрады. Өткен жылы вокзал ғимараты мен аумағына жүргізілген күрделі жөндеу жұмыстарына «Қазақстан Темір Жолы» компаниясы 350 млн теңге, жергілікті кәсіпкерлер 255 млн теңге қаржы бөлді.Көлік-логистикасы – маңызды саланың бірі. Биыл өңірде 266 шақырым автомобиль жолдары жөндеуден өтеді. Жыл соңына дейін жақсы жағдайдағы жолдардың үлесін 90 пайыздан асыру жоспарланған. Бүгінде «Қызылорда- Жезқазған» автомобиль жолын қайта жаңғырту жұмыстары жүргізілуде. Ал «Қорқыт Ата» әуежайының жаңа терминалы мамыр айында қолданысқа беріледі. Сонымен қатар автобус жолаушыларының да жағдайы басты назарда. Қаланың сол жағалауынан заманауи үлгідегі автовокзал ғимараты пайдалануға берілді. Жаңа автовокзал бюджет қаржысы есебінен 975 млн теңгеге салынды. Мұнда жолаушылар мен жүргізушілерге, мүмкіндігі шектеулі азаматтарға барлық жағдай қарастырылған. Халықаралық және түрлі бағытқа арналған 38 маршрут сапарға шығады.Облыстағы оң өзгерістер мен сапалы қызмет – ел игілігі үшін. Жолың болсын жолаушы!&nbsp;Ә.ЖанәбілқызыФото: imghub.ru

Қазақстан және Қызылорда облысының жаңалықтары