<a href="https://kyzylorda-news.kz/ru">Kyzylorda-news.kz.</a>&nbsp; Облыс әкімі Нұрлыбек Нәлібаевтың төрағалығымен өткен актив отырысында Шиелі ауданының жаңадан сайланған әкімі таныстырылды.Еске салсақ, күні кеше елімізде бірінші рет аудан және облыстық маңызы бар қала әкімдерінің сайлауы өтті. Біздің өңірде Сырдария және Шиелі аудандарының әкімдері сайланды.Облыс әкімі Мемлекет басшысының бастамасымен қолға алынған жаңа саяси реформалардың маңызына тоқталып, кешегі аудан әкімі сайлауына белсенді қатысқан тұрғындарға алғыс айтты.<blockquote>«Бұған дейінгі Конституцияға өзгерістер енгізу бойынша өткен республикалық референдумға, Қазақстан Республикасы Президентінің кезектен тыс сайлауына, Қазақстан Республикасы Парламенті Сенатының, Мәжіліс пен барлық деңгейдегі мәслихат депутаттарының сайлауына аймақ жұртшылығы біркісідей қатысқан болатын. Аудан және облыстық маңызы бар қала әкімдерін сайлау – Президент Қасым-Жомарт Кемелұлының саяси жүйені жаңғырту бойынша қабылдаған шешімінің заңды жалғасы. Күні кеше елімізде алғаш рет өткен осы науқанда Шиелі ауданының тұрғындары бірлік пен татулықтың үлгісін көрсетті. Туған жердің ертеңі, өскелең ұрпақтың жарқын болашағы үшін таңдау жасады», – деді Нұрлыбек Машбекұлы.</blockquote>Облыстық сайлау комиссиясының төрағасы Әділбек Ерсұлтанов Шиелі ауданы әкімі сайлауының қорытындысын хабарлады. Ауданда сайлаушылардың 75,2% учаскелерге келіп, олардың 86,2%-ы Нұржан Ахатовты қолдаған. Комиссия төрағасы Нұржан Сәбитұлына аудан әкімінің куәлігін табыстады.Облыс әкімі жаңадан сайланған аудан басшысына алдағы уақытта экономика салаларына, әсіресе, инвестиция тарту, салық базасын ұлғайту, қоғамдық-саяси тұрақтылықты сақтау, жаңа жұмыс орындарын ашу және кәсіпкерлік саласын дамыту бойынша нақты жұмыстар атқаруды тапсырды. Оған қоса, ауданның ауыл шаруашылығы саласындағы ерекше потенциалын пайдалану керек.Актив отырысында аудандық ардагерлер кеңесінің төрағасы Өркен Исмаил және тыл ардагері Сейілбек Аманжолов Нұржан Сәбитұлын құттықтап, жаңа қызметінде сәттілік тіледі.<figure class="image"><img src="https://knadmin.beoblood.kz/uploads/399594777_638496018471646_7582636030190211624_n_5f4ca42035.jpg" alt="399594777_638496018471646_7582636030190211624_n.jpg"></figure>

Шиелі ауданының жаңадан сайланған әкімі таныстырылды

<a href="https://kyzylorda-news.kz/ru">Kyzylorda-news.kz.</a>&nbsp; Бүгін Қорқыт ата атындағы Қызылорда университетінің базасында Жасанды интеллект және информатика жоғары мектебінің ресми ашылу салтанаты өтті. Іс-шараға ҚР Ғылым және жоғары білім министрі Саясат Нұрбек, Қызылорда облысының әкімі Нұрлыбек Нәлібаев, LUPIC халықаралық ынтымақтастық бойынша жетекші университет жобасының өкілдері, профессор-оқытушылар құрамы және IT саласы бойынша жұмыс берушілер қатысты.Бұл бастама Мемлекет басшысы Қасым-Жомарт Кемелұлы Тоқаевтың үш ЖОО базасында жасанды интеллект саласындағы кадрлар даярлау және осы салада зерттеу жүргізетін орталықтар ашу жөніндегі тапсырмасы шеңберінде іске асырылды.Жоғары мектеп жасанды интеллект, киберқауіпсіздік және информатика саласында кадрлар даярлайтын болады. Студенттер Сеултехпен бірлескен бағдарламалар бойынша білім алады, бұл әлемдік IT технологияларға қолжетімділікті қамтамасыз етеді. Жоба аясында оқу орны Кореяның заманауи зертханалық құрылғыларымен жабдықталады, ал студенттер бірнеше тілді меңгеріп, орыс және қазақ тілдерінен бөлек, ағылшын, корей тілдерінде білім алады.Жиында ҚР Ғылым және жоғары білім министрі Саясат Нұрбек жобаның маңыздылығына тоқталды.<blockquote>«Президент Қасым-Жомарт Тоқаев жасанды интеллект технологияларының дамуы ел болашағы үшін стратегиялық маңызды бағыт екенін атап өтті. Жасанды интеллект технологияларын қолданысқа енгізу ерекше назар аударуды қажет етеді. Сондықтан Ғылым және жоғары білім министрлігі осы бағыт бойынша білім беру бағдарламаларын іске асыруға жылдам кірісті. Қорқыт ата университетінде Сеултехтің жоғары жасанды интеллект мектебінің ашылуы IT технологиялар саласында адами капиталды қалыптастыруға, ғылыми зерттеу нәтижелері және өзара тәжірибе алмасуға, сондай-ақ Корея мен Қазақстан арасындағы жоғары білім беру саласындағы екіжақты ынтымақтастықты одан әрі ілгерілетуге серпін береді. Сондай - ақ, алдағы уақытта шетелдік университеттің филиалы мен қос дипломды бағдарлама ашу жоспарланып отырғанын хабарлағым келеді, соның нәтижесінде түлектер Сеултехтің және Қорқыт ата атындағы Қызылорда университетінің дипломын ала алады», - деді министр.</blockquote>Сондай-ақ, министр Мемлекет басшысы Қ.Тоқаевтың тапсырмасын орындау мақсатында Қазақстанда соңғы екі жылда М. Қозыбаев атындағы СҚУ базасында Аризона университеті, Қ. Жұбанов атындағы Ақтөбе өңірлік университеті базасында Хериот-Уотт университеті (Шотландия), Есенов университетінің базасында Неміс жоғары оқу орындарының консорциумы және басқа да жетекші шетелдік жоғары оқу орындарының 8 филиалы ашылғанын атап өтті. Министрдің айтуынша, шетелдік университеттердің филиалдарын ашу Қазақстанда білім беру саласын дамытуға және халықаралық аренада жоғары білім саласы бойынша көшбасшы атануға маңызды қадам болмақ.LUPIC жобасының Қазақстандағы орталығының директоры, Сеул Ұлттық Ғылым және технологиялар университетінің (СеулТех) кванттық жасанды интеллект қауіпсіздігі жаһандық орталығының директоры Джесу Кимжоба аясында Жоғары мектеп ашу ғана емес, Қорқыт ата университетінің базасында бизнес-инкубатор құру көзделіп отырғанын атап өтті.<blockquote>«Бизнес-инкубатор аясында қазақстандық студенттер өз таланттарын шыңдап, стартаптар әзірлеп, алған білімдерін бүкіл әлем бойынша жасанды интеллектті дамыту үшін пайдаланатынына сенімдімін», - деді Джесу Ким.</blockquote>Айта кету керек, 2023 жылдың қыркүйегінен бастап Қорқыт ата атындағы Қызылорда университетінде IT мамандыққа түскен және Сеултехтің бағдарламасы бойынша оқуға іріктелген 1-курс студенттері үшін тілдік даярлау жұмыстары басталды. Қазір олар жалпы білім беретін пәндерді оқып, жеделдетілген тілдік курстардан өтуде. Болашақта студенттер мен профессор-оқытушылар құрамы академиялық ұтқырлық және бірлескен білім беру бағдарламалары бойынша Сеулде оқуға және ғылыми тағылымдамадан өтуге бара алады, ал Сеулден келген оқытушылар өз тәжірибесімен бөлісу үшін Қызылордаға шақырылады.Сеул Ұлттық Ғылым және технологиялар университеті – Кореяда 1910 жылы негізі қаланған ұлттық университет. Оқу орнында 23 факультет, 15 мыңға жуық студент бар. СеулТех Жоғары мектебінің ашылуына Қызылордада өмір сүрген Кореяның ұлттық батыры, генерал Хон Бом До сүйегінің тарихи отанына қайтарылуы ықпал етті. Қайта жерлеу рәсіміне Хон Бом Доны еске алу қоғамы белсенді қатысты.<figure class="image"><img src="https://knadmin.beoblood.kz/uploads/399786323_321222180660147_8108716011400895503_n_37cdb41928.jpg" alt="399786323_321222180660147_8108716011400895503_n.jpg"></figure>&nbsp;<figure class="image"><img src="https://knadmin.beoblood.kz/uploads/399791996_321222067326825_114060045148840117_n_217e6e6dba.jpg" alt="399791996_321222067326825_114060045148840117_n.jpg"></figure>&nbsp;<figure class="image"><img src="https://knadmin.beoblood.kz/uploads/399825918_321222153993483_4879478691674134556_n_5038ff63ed.jpg" alt="399825918_321222153993483_4879478691674134556_n.jpg"></figure>

Саясат Нұрбек: Шетелдік университеттің филиалы мен қос дипломды бағдарлама ашу жоспарланып отыр

<a href="https://kyzylorda-news.kz/ru">Kyzylorda-news.kz.</a>&nbsp;Бүгін облыс әкімі Нұрлыбек Нәлібаев Мемлекет басшысының «Әкімдердің халықпен кездесулерін өткізу туралы» Жарлығына сәйкес Сырдария ауданының тұрғындарын жеке қабылдады.Аудандық мәдениет үйіндегі жеке қабылдауға барлық құқық қорғау органдарының басшылары қатысты.Бұған дейінгі осындай қабылдаулар ашық, жария түрде өткендіктен, мәселелер шешім тапқандықтан тұрғындар белсенділігі артқан. Бүгін жалпы саны 50-ден астам азамат түрлі ұсыныс-пікірін, өтініш-тілектерін айтты. Тұрғын үй алу, жұмысқа орналасу, жеке бизнес бастау және кәсібін кеңейту, аяқ су, қоғамдық көлік – Сырдария ауданы тұрғындарын да толғандыратын сауалдар.Аймақ басшысы қабылдауға келген азаматтарды тыңдап, барлық мәселе мамандардың жіті тексеруінен өтетінін айтты. Әрі қарай заңдылықты негізге алып шешім қабылданады.<blockquote>«Бүгін облыс әкімінің қабылдауында болып, мүмкіндігі шектеулі балаларды тәрбиелейтін жалғызбасты ана ретінде үй кезегінде тұрғанымды жеткіздім. Кезекте 2010 жылдан бері тұрамын. Аймақ басшысы жыл аяғына дейін баспана берілетінін айтып қуантты, алғысым шексіз», – дейді Тереңөзек кентінің тұрғыны Гаухар Аяпова.</blockquote><blockquote>«Жұмыс іздеп жүргеніме 2-3 жыл болды. Бұрын Астана қаласында «Қазақмыс» корпорациясында жобалаушы болып жұмыс істедім. Тереңөзек кентіне тұрмысқа шыққан соң, жұмыстан босатылдым. Жолдасым, үш қызым бар, бір айлыққа өмір сүру қиындау болып барады. Аймақ басшысы Қызылорда қаласынан жұмыс қарастыруға уәде етті», – деді аудан тұрғыны Нәбира Әлжаппарова.</blockquote>Айта кетейік, бұған дейін аймақ басшысының тапсырмасымен облыс әкімінің орынбасарлары мен құқық қорғау органдары басшыларының орынбасарлары әр ауданда бір күн бойы жеке қабылдаулар өткізді. Тұрғындардың мәселелері қаралып, реттілігіне қарай шешімін тапты.<figure class="image"><img src="https://knadmin.beoblood.kz/uploads/398377225_638464305141484_2364983679224432518_n_c9f38ece14.jpg" alt="398377225_638464305141484_2364983679224432518_n.jpg"></figure>&nbsp;<figure class="image"><img src="https://knadmin.beoblood.kz/uploads/398329308_638464168474831_9166169542921135773_n_7607565f01.jpg" alt="398329308_638464168474831_9166169542921135773_n.jpg"></figure>&nbsp;<figure class="image"><img src="https://knadmin.beoblood.kz/uploads/398304016_638464355141479_310109147672022378_n_81cca49d9d.jpg" alt="398304016_638464355141479_310109147672022378_n.jpg"></figure>

Облыс әкімі Сырдария ауданында жеке қабылдау өткізді

<a href="https://kyzylorda-news.kz/ru">Kyzylorda-news.kz.</a>&nbsp; ҚР Ғылым және жоғары білім министрі Саясат Нұрбек Қызылорда облысына жұмыс сапары барысында Қорқыт ата атындағы Қызылорда университетінің профессоры, экономика ғылымдарының кандидаты, осы ұжымдағы Ардагерлер кеңесінің төрағасы Қазыбай Құдайбергенұлына «Парасат» орденін табыстады.Министр бәсекеге қабілетті кадр даярлау мақсатында Қазыбай Құдайбергенұлының жарты ғасырдан астам елеулі еңбек еткен ұлағатты ұстаз екенін атап өтті. Ғылым саласында өзіндік қолтаңбасын қалдырып, жоғары оқу орнының өркендеуіне әлі күнге дейін үлес қосып келе жатқан ғалым екеніне тоқталды. &nbsp;Қазыбай Құдайбергенұлы – Мәскеудегі Педагогикалық білім беру халықаралық ғылым академиясының корреспондент-мүшесі. Ол 200-ден аса ғылыми-проблемалық мақаланың, бірнеше монография мен оқу құралдарының авторы. Сондай-ақ, көптеген халықаралық, республикалық, облыстық ғылыми практикалық конференцияларда баяндамалар жасады.&nbsp;Қазыбай Құдайбергенұлы ҚР Президентінің, ҚР кәсіподақтарының, облыстық және қалалық мәслихаттың, облыс әкімінің, университет ректорының алғыс хаттарымен, ҚР Конституциясының 10 жылдық мерекелік және «Ерен еңбегі үшін» медальдарымен марапатталған. ҚР Білім беру ісінің құрметті қызметкері.Ол Қорқыт ата атындағы Қызылорда университетінде кафедра меңгерушісі, факультет деканы, проректор, университет ректорының кеңесшісі қызметтерін атқарды. Он жылға жуық университет жанындағы Тарих, филология және өнер ғылыми-зерттеу институтын басқарды. Ғалым-ұстаздың ұзақ жылғы еңбегі бағаланып, 2022 жылы университет &nbsp;ғылыми Кеңесінің шешімімен Қазыбай Құдайбергенұлы атындағы дәрісхана ашылды.&nbsp;&nbsp;&nbsp;

Экономика ғылымдарының кандидаты Қазыбай Құдайбергенұлына «Парасат» ордені табысталды 

Kyzylorda-news.kz. Сырдария ауданына жұмыс сапарымен барған облыс әкімі Нұрлыбек Нәлібаев Қалжан ахун ауылын табиғи газға қосу рәсіміне қатысты.<blockquote>«Баршаңызды бірлігі бекем, тірлігі берекелі Қалжан ахун ауылының «көгілдір отынға» қосылуымен шын жүректен құттықтаймын. Бұл тұрғындардың көптен бергі арманы еді. Президентіміз бен Үкіметтің Сыр өңіріне ерекше қолдауының арқасында аймақ бюджеті өткен жылмен салыстырғанда 57 пайызға өсіп, 609 млрд теңгені құрады. Оның ішінде Сырдария ауданының бюджеті 10,3 млрд теңгеге жетті. Бұл қаражат өзекті мәселелерді шешуге, тұрғындардың өмір сүру сапасын арттыруға жұмсалуда.Облысты газдандыру жоспарының нәтижесі жылдан-жылға жақсарып келеді. Биыл 12 ауылдық елді мекенге газ кіргізу жұмыстары басталды, бұл – 40 мыңнан астам тұрғын табиғи газдың игілігін көреді деген сөз. Осылайша өңірде газбен қамту көрсеткіші 75 пайызға жеткізіледі. Келесі жылы да бұл жұмыстар жалғасады. Республикалық бюджеттен 12 млрд. теңгеге 12 ауылға «көгілдір отын» кіргізу жобалары қолдау тапты. Алдағы жылы осы ауданның А.Тоқмағамбетов, Сәкен Сейфуллин ауылдарына газ жүргізетін боламыз.Ауылдарыңызға келген «көгілдір отын» көптің игілігіне айналып, тұрмыс сапасын арттырып, әлеуметтік жағдайды жақсартуға оң әсер етеді деп сенемін», – деді аймақ басшысы.</blockquote>Іс-шарада «Ауыл – ел бесігі» ұлттық жобасы аясында Қалжан ахун ауылына газ жүргізуге үлес қосқан азаматтар облыс әкімінің Алғыс хатымен марапатталды.Рәсімнен кейін облыс әкімі табиғи газ игілігін көрген үйге кіріп, үй иесіне ізгі тілегін білдірді.Айта кетейік, биыл Сырдария ауданында бірқатар маңызды жоба қолға алынуда. Өңірде 2025 жылға дейін «Жайлы мектеп» ұлттық жобасы аясында құны 98 млрд теңге болатын 21 мектеп құрылысы жүргізілсе, оның біреуі Сырдария ауданында салынбақ.«Ауылдық денсаулық сақтауды жаңғырту» ұлттық жобасы аясында биыл Нағи Ілиясов ауылында дәрігерлік амбулатория пайдалануға беріледі. Мұнан бөлек, Іңкәрдария, А.Тоқмағамбетов, Қалжан ахун ауылдарындағы фельдшерлік амбулатория күрделі жөндеуден өтті. Келер жылы 7 ауданда салтанат сарайы, кітапхана, музей, архив, жастар, ардагерлер мен аналар бас қосатын «Руханият» орталықтары салынады. Осындай орталықтың алғашқысы Сырдария ауданында бой көтермек. Бұдан бөлек, Бесарық ауылында құны 218 млн. теңге болатын спорт кешенінің құрылысы жүргізілуде.Аудандағы автомобиль жолдарын жақсартуға былтыр және биыл 2,3 млрд теңге бөлініп, 60 шақырым жол жөнделді. Амангелді, Жетікөл, Айдарлы және Қоғалыкөл елді мекендерінде 152,4 шақырым электр желісі ауыстырылуда. Оған &nbsp;Ұлттық қордан, республикалық және облыстық бюджеттен 1,5 млрд теңге қаржы бөлінді.

Қалжан ахун ауылына табиғи газ қосылды

<a href="https://kyzylorda-news.kz/ru">Kyzylorda-news.kz.</a>&nbsp; Облыс әкімі Нұрлыбек Нәлібаевтың төрағалығымен өткен актив отырысында жаңадан сайланған Сырдария ауданының әкімі таныстырылды.Еске салсақ, күні кеше Қазақстанда бірінші рет аудан және облыстық маңызы бар қала әкімдерінің сайлауы өтті. Біздің өңірде Сырдария және Шиелі аудандарының әкімдері сайланды.Аймақ басшысы Тәуелсіз Қазақстанның тарих жылнамасына жаңа саяси реформалармен қадам басқанын айтып, сайлау науқанында жоғары белсенділік танытқаны үшін аудан тұрғындарына ризашылығын білдірді.<blockquote>«Ел жаңғыруының бастамасы ретінде Ата Заңымызға өзгерістер енгізу бойынша республикалық референдум, Қазақстан Республикасы Президентінің кезектен тыс сайлауы, Қазақстан Республикасы Парламенті Сенатының, Мәжіліс пен барлық деңгейдегі мәслихат депутаттарының сайлауы өтті. Осы саяси науқандарды Сыр жұртшылығы ауызбіршіліктің үлгісін көрсетіп, жоғары деңгейде өткізді. Президентіміз Қасым-Жомарт Кемелұлының саяси жүйені жаңғырту бойынша қабылдаған шешімінің жалғасы ретінде күні кеше елімізде алғаш рет аудан және облыстық маңызы бар қала әкімдері сайланды. Осы науқанда Сырдария ауданының тұрғындары жоғары белсенділік танытып, мызғымас бірлігін көрсетіп, ауданның жарқын болашағы үшін өз таңдауларын жасады», – деді Нұрлыбек Машбекұлы.</blockquote>Облыстық сайлау комиссиясының төрағасы Әділбек Ерсұлтанов Сырдария ауданы әкімі сайлауының қорытындысын хабарлады. Мұнда сайлаушылардың 72,3% дауыс беруге келген. Олардың 84,3%-ы Берік Сәрменбаевты қолдады. Комиссия төрағасы Берік Әбдіғаппарұлына аудан әкімінің куәлігін табыстады.Облыс әкімі алдағы уақытта жаңадан сайланған аудан басшысына дамудың барлық макроэкономикалық көрсеткіштері бойынша оң параметрлерге қол жеткізуді тапсырды.Аудандық ардагерлер кеңесінің төрағасы Мұса Келдібаев пен мәдениет саласының ардагері Алмагүл Бақтиярова Берік Сәрменбаевты құттықтап, жаңа қызметінде сәттілік тіледі.<figure class="image"><img src="https://knadmin.beoblood.kz/uploads/399872360_638418741812707_9007684003553515748_n_952be94282.jpg" alt="399872360_638418741812707_9007684003553515748_n.jpg"></figure>

Жаңадан сайланған Сырдария ауданының әкімі таныстырылды

<a href="https://kyzylorda-news.kz/ru">Kyzylorda-news.kz.</a>&nbsp; Түркістан қаласынан азаматы «ІnDriver» қалааралық такси қызметін көрсете отырып, Түркістан қаласынан Астана қаласына, «Huyndai elantra» автокөлігімен, «Қызылорда – Павлодар» тас жолымен жолға шыққан.&nbsp;Такси жүргізушісін полиция қызметкерлері тоқтатып, көлікті қызметтік иттің көмегімен тексереді. Тексеру барысында машинаның жүк салғышындағы сөмке ішінен 150 дана сіріңке қораптарына салынған марихуана шықса, сондай-ақ алдынғы жолаушының орындығының астынан тағы 4 қорап табылған, жалпы салмағы 1кг. 14гр. құраған.Тергеу іс-шараларын жүргізу барысында, такси жүргізушісінде табылған «жүкті» &nbsp;Түркістан тұрғыны Астана қаласына жеткізу үшін сәлемдеме ретінде бергені анықталды. Сәлемдеме жіберуші ұсталды.Қызылорда соты ұсталған адамды ҚР ҚК 297-бабының 3-бөлігінде көзделген қылмыс жасағаны үшін кінәлі деп таныды (есірткі құралдарын, психотроптық заттарды, олардың аналогтарын өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту не өткізу ) және оны он екі жылға бас бостандығынан айыруға үкім шығарды.

Қызылордада Түркістандық есірткі тасмалдаушы сотталды  

<a href="https://kyzylorda-news.kz/ru">Kyzylorda-news.kz.</a>&nbsp; Күні кеше өңірдегі Сырдария, Шиелі аудандары әкімдерінің сайлауы өтті. Сайлаушылар тізіміне 72503 азамат енген. Дауыс беруге 53866 сайлаушы, оның ішінде дауыс беруге арналған үй-жайлардан тыс 718 азамат қатысқан. Кандидаттардың жалпы саны - 6.Сырдария бойынша Ерлан Бакиров &nbsp;үшін сайлаушылардың 1319 дауысы берілсе, &nbsp;Бауыржан Қарсақбаев сайлаушылардың 1176 дауысын алған. Ал Берік Сарменбаев &nbsp;үшін сайлаушылардың 13386 дауысы берілді. «Барлығына қарсы» белгісі бар бюллетеньдер саны – 12.Шиелі бойынша Нұржан Ахатовқа сайлаушылардың 32637 дауысы берілсе, Алмасбек Есмаханов 3143 дауыс алған. Үшінші кандидат Нұрғали Қордабай 2083 дауыс жинаған. «Барлығына қарсы» белгісі бар бюллетеньдер саны - 3.Қорытындысында Сырдария ауданы бойынша 1963 жылы туған Берік Сәрменбаев әкім болды.<figure class="image"><img src="https://knadmin.beoblood.kz/uploads/eb3bdb05_1b63_4500_baf5_d6c5d4b4f963_72ca19ba00.jpeg" alt="eb3bdb05-1b63-4500-baf5-d6c5d4b4f963.jpeg"></figure> Шиелі ауданы бойынша 1978 жылы туған Нұржан Ахатов &nbsp;әкім болып сайланды.&nbsp;<figure class="image image_resized" style="width:84.68%;"><img src="https://knadmin.beoblood.kz/uploads/095c40945e4864c6cad4de9d515f7b11_original_22646_5e44dcf0f2.jpg" alt="095c40945e4864c6cad4de9d515f7b11_original.22646.jpg"></figure>

Сырдария және Шиелі аудандарының әкімдері сайланды 

<a href="https://kyzylorda-news.kz/ru">Kyzylorda-news.kz.</a>&nbsp; «ҚХП» Қызылорда облыстық филиалының ұйымдастыруымен «Ажырасу – қоғам дерті» тақырыбында дөңгелек үстел өтті.&nbsp;Келелі басқосуға «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалы директорының орынбасары Жанар Ахетова, «АХАТ» басқарма басшысы Ботакөз Идрисова, «Анаға тағзым» орталығының жоғары білімді әдіскері Салима Мәлімова, психолог Аруна Ергеш, облыстық дін істері басқармасы «Дін мәселелерін зерттеу орталығының» теолог маманы Жеңісбек Дәрібаев, «Қамқорлық» дағдарыс орталығының психологі Айсұлу Нұрманбаева, сондай-ақ партия белсенділері қатысты.&nbsp;Өкініштісі сол, жыл өткен сайын елімізде шайқалған шаңырақтың саны артуда. Бүгінде ажырасудың жиілеп бара жатқаны қарапайым халықпен қатар құзырлы органдарды да алаңдата бастады. Жалпы қазақта ажырасу неге көбейді? Отбасын тұрақтандырудың жолы қандай? осы және өзгеде сұрақтарға байланысты арнайы мамандар не дейді? Партия тарапынан көтерілген бұл мәселе дөңгелек үстел барысында жан-жақты талқыланып, арнайы мамандар өз ойын ортаға салып, ұсыныстарын айтты.&nbsp;<blockquote>&nbsp;Қазақ халқы жесірін қаңғытпаған, жетімін жылатпаған елміз. Бұрын қандай қиын-қыстау заман болса да ажырасу деген ұғым мүлдем жоқ болды. Ал қазір әлем бойынша алдыңғы бестікте тұрмыз. Бұл көрсеткіш осылай кете берсе, қазақ халқының болашағына кері әсер етуі мүмкін. Болашағымыз бұлыңғыр болмас үшін бақытты ұрпақ тәрбиелеу керек. Сол үшін бірлігі жарасқан, тату-тәтті отбасын қалыптастыру – басты міндет. Әрине, бәрі де айтуға оңай. Десе де отбасы беріктігі – мемлекет байлығы. Сондықтан әрбір адам шаңырағын шайқалтпай ұстауға жіті мән бергені жөн. Өкінішке орай, бүгінде әлеуметтік желідегі ажырасқан жұлдыздардың өмірі сананы әбден улауда. Оның орнына ұзақ жылдар бойы бірге ғибратты ғұмыр кешкен отбасы, 10-15 баланы дүниеге әкелген «Батыр» ана жайында неге насихаттамасқа? Қандай қиындық болсын мойымай, жұмыспен қатар нәрестені де дүниеге әкелген көпбалалы аналар жетерлік. Соларды неге насихаттап, үлгі етпеске, – деді партия белсендісі Талғат Телеубаев.&nbsp;</blockquote>Бүгінгі кездесу барысында осыған дейін елімізде ажырасудың себеп-салдары зерттелмегені белгілі болды. Осы мәселені қолға алып, ажырасудың түп-төркіні қайдан, қалай шығып жатқанын анықтау керек екені баса айтылды.&nbsp;<blockquote>&nbsp;Үстіміздегі жылдың шілде айынан бастап, «АХАТ» саласы «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының құрамына кірді. Біздің өңірде жыл басынан бері осы кезге дейін 3500 неке қию болса, 403 неке бұзу тіркелген. АХАТ басқармасының мамандары заңға сәйкес екі жастың шешімін құрметтеуге міндетті. Сондықтан бұл жерде неке бұзылуының себептері зерттелмейді. Сол үшін ажырасудың себеп-салдарын анықтайтын, зерттейтін арнайы ұйымдар болғаны дұрыс, – деді «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалы директорының орынбасары Жанар Ахетова.</blockquote>Сонымен қатар елімізде отбасы иниституты және оның құндылықтары мен &nbsp;ұлттық тәрбиені күшейту мәселесі де қозғалды. &nbsp; Себебі отбасы институты елдің жүгін көтере алатын, халыққа пайдалы болатындай деңгейде болуы маңызды. Сондай-ақ үйленбестен бұрын жастарға отбасыға қатысты арнайы курстардан өтуді міндеттеу қажеттілі сөз болды.

«Ажырасу – қоғам дерті» тақырыбында дөңгелек үстел өтті

<a href="https://kyzylorda-news.kz/ru">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев Қорқыт Ата атындағы Қызылорда университетінде СеулТех Жасанды интеллект және информатика жоғары мектебінің ашылу рәсіміне қатысты.ҚР Ғылым және жоғары білім министрі Саясат Нұрбек, СеулТех университетінің профессоры Джесу Ким, экономика ғылымдарының кандидаты, профессор Қазыбай Құдайбергенұлы салтанатты іс-шараның құрметті қонағы болды.Аймақ басшысы жерлестерін ғылым мен жоғары технологиялар саласында көшбасшы саналатын Оңтүстік Корея елі тәжірибесінің Қызылорда облысына енгізілуімен құттықтады.<blockquote>«Мемлекет басшысы Қасым-Жомарт Кемелұлының «Жасанды интеллекттің мүмкіндіктерін толыққанды пайдаланғанда ғана білім экономикасына қарай сапалы серпіліс жасай аламыз, елімізде кем дегенде 3 жоғары оқу орны осы саламен айналысуы керек» деген тапсырмасы жоспарымызды жүзеге асыруға мықты негіз болды. Мамыр айында Корея Республикасына жасаған іссапарымда Сеул ұлттық ғылым және технологиялар университетінің президентімен арнайы кездесіп, әріптестікке қатысты мәселелерді талқыладық. Сол жүргізілген келіссөздердің алғашқы нәтижесі – бүгінгі жоғары мектептің ашылуы. Қорқыт Ата университеті базасында жасанды интеллект мектебінің құрылуы – тек Қызылорда облысының ғана емес, еліміздің білім кеңістігіндегі үлкен жетістік. Аймағымыз экономика, ауылшаруашылығы саласында жоғары көрсеткіштерге қол жеткізіп ғана қоймай, білім, ғылым, IT-технологиялар, киберқауіпсіздік және компьютерлік ғылымдар саласында да жұмысты күшейте бермек. Жасанды интеллект бағытында маман даярлау Сыр өңірінен бастау алғаны бізді ерекше қуантады», – деді Нұрлыбек Машбекұлы.</blockquote>Іс-шарада ҚР Ғылым және жоғары білім министрі Саясат Нұрбек пен Сеул Ұлттық Ғылым және технологиялар университеті кванттық жасанды интеллект қауіпсіздігі әлемдік орталығының директоры, профессор Джесу Ким қызылордалықтарды құттықтап, Сыр өңірінің озық технологиялар мекені атануына тілектестік білдірді.Ашылу рәсімінде еліміздің әлеуметтік-экономикалық, мәдени-рухани дамуына, халықтар арасындағы достық пен ынтымақтастықты нығайтуға қосқан елеулі үлесі мен белсенді қоғамдық қызметі үшін Қорқыт ата атындағы Қызылорда университетінің ардагерлер кеңесінің төрағасы, экономика ғылымдарының кандидаты, профессор Қазыбай Құдайбергенұлы «Парасат» орденімен наградталды.Қызылордада СеулТех университетінің филиалы ашылғанда жыл сайын білім алушыларға арнайы грант бөлініп, студенттер IT-технология, киберқауіпсіздік және компьютерлік ғылымдар бойынша білім алады.<figure class="image"><img src="https://knadmin.beoblood.kz/uploads/399509636_638397188481529_2073261342347261808_n_b089f6601b.jpg" alt="399509636_638397188481529_2073261342347261808_n.jpg"></figure><img src="https://knadmin.beoblood.kz/uploads/396930159_638397295148185_7206022609541855000_n_06afa8c5ad.jpg" alt="396930159_638397295148185_7206022609541855000_n.jpg"><img src="https://knadmin.beoblood.kz/uploads/399796239_638397381814843_3329626137640524422_n_5064519864.jpg" alt="399796239_638397381814843_3329626137640524422_n.jpg"><img src="https://knadmin.beoblood.kz/uploads/399718178_638397198481528_8493636102732229586_n_6bd1f7ea68.jpg" alt="399718178_638397198481528_8493636102732229586_n.jpg"><img src="https://knadmin.beoblood.kz/uploads/399830251_638397285148186_6949791365533392917_n_24868d4521.jpg" alt="399830251_638397285148186_6949791365533392917_n.jpg"><img src="https://knadmin.beoblood.kz/uploads/399735092_638397208481527_6825641529919259073_n_3d493fe3d6.jpg" alt="399735092_638397208481527_6825641529919259073_n.jpg">

Қызылордада СеулТех жасанды интеллект және информатика жоғары мектебі ашылды

<a href="https://kyzylorda-news.kz/ru">Kyzylorda-news.kz.</a>&nbsp; Мәжіліс депутаты Ерлан Сайыров өндіріс саласындағы олигархтардың билік өкілдерін елемейтінін айтып, А.Клебановқа қатысты оқиғаны мысалға келтірді. Бұл туралы «<a href="https://www.youtube.com/watch?v=PphoyQvSUuI">ADAL ADAM</a>» youtube-арнасына берген сұхбатында мәлімдеді.<blockquote>«Екібастұзда төтенше жағдай орын алған кезде оқиға орнына бардым. Сонда байқағаным, Александр Клебанов деген олигарх әкімді, министрді адам құрлы көрмейді. Тіпті мүлдем сөйлеспейді, керек қылмайды», — деді ол.</blockquote>Депутаттың айтуынша, олигархтардың бұлайша өктемсуі тегін емес. Елдегі заңның басым дені ауқатты өндіріс иелерінің мүддесіне сай өзгертілген көрінеді.<blockquote>«Кезінде Клебанов секілді олигархтар депутаттарға қысым жасап, барлық заңды өз мүддесін сай өзгерткен. Олардың ығына &nbsp;жығылған депутаттар көп заңға түзету енгізді. Қазір Мәжілісте бұрын негізсіз өзгерген заңдарды қайта қарап, өзгертіп жатырмыз. Мемлекет құзыретін арттырып және еңбек, өндіріс қауіпсіздігіне қатысты өзгерістерді енгізудеміз», дейді депутат.</blockquote>Депутат 3 баладан көп баласы бар аналарға жалақы тағайындауды ұсындыМәжіліс депутаты Ерлан Сайыров «ADAL ADAM» youtube-арнасына берген сұхбатында әлеуметтік мәселені көтеріп, көпбалалы отбасыларға жәрдемақы түрін көбейту туралы ойын айтты.&nbsp;<blockquote>«Көпбалалы отбасыларды мемлекет қамқорлығына алып, жәрдемақыны көбейту керек. Сондай-ақ Үкімет 3 баладан көп баласы баласы бар аналарға жалақы төлеу керек. Себебі олар тәрбиеші қызметін атқарып отыр», — деді депутат.&nbsp;</blockquote>Сонымен қатар Ерлан Сайыров Ұлттық қордан балаларға аударылатын қаржы мөлшерінің аз екенін және ата-аналарды жұмыспен қамту қажетін айтты.&nbsp;<blockquote>«Қазіргі таңда Ұлттық қордың біршама қаржысы балалардың есепшотына аударылып жатыр. Бірақ бұл — өте аз. Сол үшін балалардың ата-анасын жұмыспен қамту, жәрдемақыны көбейту, қоғамдық қорлар арқылы көмек көрсету ісін жолға қою керек», — деді ол.</blockquote>

«Клебанов әкімді де, министрді де адам деп санамайды»: Депутат олигархтардың әбден есірген айтты

<a href="https://kyzylorda-news.kz/ru">Kyzylorda-news.kz.</a>&nbsp; Биыл 1 маусым – 31 қазан аралығында республика көлемінде «Қарасора-2023» жедел-профилактикалық іс-шарасы өткізілді.&nbsp;&nbsp;Қызылорда облысы Полиция департаментімен ұйымдастырылған іс-шаралар нәтижесінде: 163 есірткі құқық бұзушылығы анықталды. Оның ішінде 10 есірткі өткізу, 16 есірткіні аса ірі мөлшерде сақтау, 1 есірткі жарнамалау, 62 есірткі өсіру дерегі және 74 теріс қылық анықталды. Заңсыз айналымнан 2 тонна 284 кг. 959 гр. есірткі заты алынды.Далалық аймақтардан егіп-бапталған 22 ірі есірткі алқаптары табылса, үй, бау-бақша, саяжай аулаларынан 40 дерегі анықталған. Есірткі өсірумен айналысқаны үшін 61 адам құрықталса, оның 24-ы қамаққа алынды.Оқиға орнында жойылған 17 мың 828 түп сора өсімдігі қыркүйек, қазан айларына дейін пісіп-жетілгенінде әр түптен шамамен 500 гр.-нан есептегенде, жалпы 10 тоннаға дейін сапасы жоғары марихуана шикі өнімінің заңсыз айналымға түсуіне жол берілмеді.&nbsp;Ағымдағы жылдың маусым айынан бастап, баруы қиын құмды далалық аумақтарға 42 рет әуеден шолу жұмыстары жүргізілді. Бірлескен іс-шаралар нәтижесінде есірткі алқабының 14 дерегі анықталды.&nbsp;Іс-шара кезінде Қызылорда қаласына кіре-беріс тас жолдарда құрылған жылжымалы мобильді бекеттерде автокөліктерді қызметтік іздестіру иттерінің көмегімен тексеру барысында есірткі тасымалдаудың 27 дерегі, оның ішінде Орал, Ақтөбе, Атырау қалаларына аса ірі мөлшерде тасымалдаудың &nbsp;3 дерегі анықталды.

Қазақстан және Қызылорда облысының жаңалықтары