<a href="https://kyzylorda-news.kz/">Kyzylorda-news.kz.</a>&nbsp; «Жол активтерінің ұлттық сапа орталығы» ҚОФ ұйытқысымен журналистер мен блогерлер арасында Қызылорда облысындағы жолдардың жай-күйі тақырыбында облыстық байқау өтті. Алғаш рет ұйымдастырылған бәйгеге аймақ қаламгерлері мен әлеуметтік желі белсенділері қатысты.&nbsp;Талапкерлер өз жарияланымдарын жолдап, соның ішінен үздік деп танылғандар орталық атынан тағайындаған жүлделерге ие болды. Жалпыбайқауға 40-тан аса өтінім келіп түскен. Арнайы комиссия шешімімен «Үздік телевизиялық сюжет», «Үздік мақала»,«Интернет БАҚ-дағы үздік жарияланым» және «Әлеуметтікжелідегі үздік жарияланым» номинациялары бойыншажеңімпаздар мен жүлдегерлер анықталды. Марапаттау шарасына «Жолактивтерінің ұлттық сапа орталығы» РМК қоғаммен байланыс және баспасөз қызметінің жетекшісі Ерлан Атамбай Елордадан арнайы Сыр өңіріне келіп, жол саласы тақырыбында қалам тербеп жүрген әріптестерге шынайы алғысын білдірді. Атап айтатын болсақ, «Үздік телевизиялық сюжет» номинациясын «Хабар» телеарнасының Қызылорда облысындағы меншікті тілшісі Нұрлан Жақыпбеков, облыстық «Сыр бойы» газетінің тілшісі Ержан Қожас «Үздік мақала», журналист-блогер Назерке Саниязова әлеуметтік желідегі үздік жарияланым бойынша жеңімпаз атанды. Сондай-ақ, бірқатар әріптестер орталық директорының арнайы сыйлығына ие болды.<blockquote>«Жалпы бұл байқаудың мақсаты орталықтың жұмысын насихаттау емес.Еліміздің жол саласындағы мәселелерді телеарна, газет және әлеуметтік желіде тереңінен талдап, оны қоғамдық бақылау арқылы кемшілікті түзетуге БАҚ өкілдерінің де атсалысуы маңызды»,-деді филиал директоры Ерболат Көштаев. &nbsp;</blockquote>

Қызылорда облысындағы жолдың жай-күйін жазған журналистер марапатталды

Шежірелі өңірдің 85 жылдығы, Қызылорда қаласының 205 жылдығы аясында жолаушыларға қызмет көрсететін 50 жаңа автобус жолға шықты. Автобустар кілтін табыстау рәсімінде облыс әкімі Нұрылбек Нәлібаев қызылордалықтарды құттықтап, көлік инфрақұрылымын дамытуға баса мән берілетінін айтты.<blockquote>«Президентіміз «Стратегиялық бағдарламаларды сапалы жүзеге асырудың негізгі міндеті – халықтың өмір сүру деңгейі мен сапасын арттырғанда ғана орындалады» деген болатын. Қазір демографиялық ахуал жақсарып, қала аумағы кеңейді. Халық санының өсуі қоғамдық көлікке деген сұранысты жыл сайын арттыруда. Өткен жылы жергілікті бюджеттен бөлінген 1,4 млрд теңгеге «Өнеркәсіпті дамыту қоры» арқылы 150 заманауи жаңа автобус алынды. Биыл шаһардағы қоғамдық көлік мәселесін түбегейлі шешу үшін қосымша 150 автобус алуға 1,6 млрд теңге бөлінді. Бүгін 50 автобусты табыстаймыз. Қалғаны жыл соңына дейін қызметін бастайды. Мемлекет халық алдындағы міндетін орындауда. Ендігі жерде «Қызылорда автобус паркі» ұжымы мен қала тұрғындары да жаңа көліктерге жанашырлықпен қарайды деп сенемін. Осы жерде, уақытпен санаспай халыққа қызмет көрсететін қоғамдық көлік жүргізушілеріне алғысымды білдіремін. Сіздерге артылар сенім, жауапкершілік жүгі ауыр. Халық алдындағы міндеттеріңізді абыройлы алып жүргейсіздер», - деді аймақ басшысы.</blockquote>Іс-шарада Қызылорда облысының құрметті азаматы Шахизат Төребаев жерлестерін құттықтап, бата берді.Жаңа автобустар жолаушыларды тасымалдау қызметінің техникалық, сапалық деңгейін халықаралық және ұлттық стандарттарға сәйкестендіру үшін жан-жақты тексеруден өткізілген. Арнайы сұраныс арқылы жергілікті жердің климаттық жағдайына бейімделіп дайындалған.Айта кетейік, өңірде жеке демеуші есебінен «Қорқыт ата» әуежайының жаңа терминалы, Қызылорда қаласында заманауи үлгідегі автовокзал ғимараты салынуда, теміржол вокзалы күрделі жөндеуден өтуде.Президент қолдауымен «Батыс Еуропа – Батыс Қытай» халықаралық дәлізінің Қызылорда қаласынан Ақтөбе облысының шекарасына дейінгі аралығы 4 жолақты жолға ауысады.Сыр өңірі үшін маңызды жобалардың бірі - «Қызылорда-Жезқазған» автожолының Қызылорда облысына тиесілі 216 шақырымының 104 шақырымы аяқталуға жақын.<figure class="image"><img src="https://knadmin.beoblood.kz/uploads/384267606_625189886468926_7609441980066685139_n_2a191c71a1.jpg" alt="384267606_625189886468926_7609441980066685139_n.jpg"></figure>&nbsp;<figure class="image"><img src="https://knadmin.beoblood.kz/uploads/392752904_625201373134444_366859436920044377_n_3f42bc32a3.jpg" alt="392752904_625201373134444_366859436920044377_n.jpg"></figure>&nbsp;<figure class="image"><img src="https://knadmin.beoblood.kz/uploads/384242058_625201523134429_8091156029005534081_n_c6298d6add.jpg" alt="384242058_625201523134429_8091156029005534081_n.jpg"></figure>&nbsp;<figure class="image"><img src="https://knadmin.beoblood.kz/uploads/391586837_625201146467800_3434599081919494563_n_d677f6f6d5.jpg" alt="391586837_625201146467800_3434599081919494563_n.jpg"></figure>

Қызылордада қоғамдық көлік қатарына тағы 50 автобус қосылды

<a href="https://kyzylorda-news.kz/">Kyzylorda-news.kz.</a> Техникалық жұмыстарға байланысты 14 қазан күні сағат 9:00-ден 13:00-ге дейін еліміздегі кезекші мамандандырылған қызмет көрсету орталықтарында теориялық емтихан тапсыру мүмкіндігі болмайтыны хабарланды.&nbsp;<blockquote>«Ақпараттық жүйелерде &nbsp;жоспарлы жұмыстар жүргізілуіне &nbsp;байланысты мамандандырылған халыққа қызмет көрсету орталықтары арқылы көрсетілетін басқа да қызметтерге өтініштерді қабылдауда уақытша кідірістер орын алуы мүмкін. Уақытша қолайсыздықтар үшін кешірім сұраймыз», - делінген халыққа қызмет көрсету орталығының таратқан хабарламасында.</blockquote>

Қызмет көрсету орталықтарында теориялық емтихан тапсыру уақытша тоқтатылды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетіне Максим Танк атындағы Беларусь мемлекеттік педагогикалық университетінің оқу ісі жөніндегі проректоры Вероника Радыгина бастаған делегация арнайы жұмыс сапарымен келді.Шетелдік білім саласының өкілдері университет басшылығымен кездесіп, ғылым және білім саласындағы ынтымақтастықты арттыру бойынша өзара пікір алмасты.Кездесуде Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова білім ордасының қызметі мен жоспарлары туралы айтып, Беларусь жоғары оқу орындарымен ынтымақтастықты одан әрі нығайтудың маңыздылығына тоқталды. Максим Танк атындағы Беларусь мемлекеттік педагогикалық университеті – Беларусьтегі жүз жылға жуық тарихы бар жетекші оқу орны. Сондай-ақ, білім беру қызметі бойынша үздік жоғары оқу орындарының үштігіне кіреді. Делегация құрамында Максим Танк атындағы Беларусь мемлекеттік педагогикалық университетінің Біліктілікті арттыру және қайта даярлау институтының директоры, педагогика ғылымдарының кандидаты, доцент Ирина Шеститко, Минск қаласындағы Мәскеу ауданы әкімшілігінің білім бөлімі басшысының орынбасары Наталья Геро және Минск қаласындағы бес мектептің директоры бар.Қадірлі меймандар білім ордасының проректорларымен, профессор-оқытушылар құрамымен кездесіп, жоғары білім беру процесі және ғылыми бағытта бірлесіп зерттеулер жүргізу, білікті кадр даярлау бойынша ұсыныстарды талқылады. Алдағы уақытта тараптар қос дипломдық білім беру бағдарламасын жүзеге асыру, математика, химия, биология мамандықтары студенттері мен магистаранттарын бірлесіп оқытуға, білім алушыларды практикадан өткізуге келісті.Екі университеттің бірлесуімен экологиялық мәселелерді шешуге бағытталған «жасыл қауымдастық» ашылатын болады.Осы уақытқа дейін Қорқыт ата атындағы Қызылорда университеті ғалымдарының бастамасымен қала мектептерінде «Жасыл мектеп» пилоттық жобасы басталған болатын. ЖОО ғалымдары оқушыларға биоалуантүрлілік, су үнемдеу, энергия үнемдеу, қалдықтарды сұрыптау, экологиялық-ақпараттық жұмыстар бойынша бағыт-бағдар беруде.Сонымен қатар, екі университ ғалымдары «Беларусь – Қазақ» сөздігін де әзірлеу қажеттігіне тоқталды. Бұдан бөлек, шетелдік ЖОО өкілдері университеттің ғылыми инфрақұрылымымен және зертхана, музейлермен танысты.<figure class="image"><img src="https://knadmin.beoblood.kz/uploads/391700552_307319882050377_2594402959371117439_n_f89d17411e.jpg" alt="391700552_307319882050377_2594402959371117439_n.jpg"></figure>&nbsp;<figure class="image"><img src="https://knadmin.beoblood.kz/uploads/391702458_307319845383714_5592381474635893253_n_2e1677386e.jpg" alt="391702458_307319845383714_5592381474635893253_n.jpg"></figure>&nbsp;<figure class="image"><img src="https://knadmin.beoblood.kz/uploads/391695141_307319835383715_9221316436514817817_n_2cf929deff.jpg" alt="391695141_307319835383715_9221316436514817817_n.jpg"></figure>&nbsp;<figure class="image"><img src="https://knadmin.beoblood.kz/uploads/391716817_307319822050383_3014143514765855556_n_950e9e9be3.jpg" alt="391716817_307319822050383_3014143514765855556_n.jpg"></figure>&nbsp;<figure class="image"><img src="https://knadmin.beoblood.kz/uploads/391729097_307319808717051_382473314590439825_n_c2e8c08f6b.jpg" alt="391729097_307319808717051_382473314590439825_n.jpg"></figure>

Қорқыт ата атындағы Қызылорда университеті  Беларусь Республикасының университетімен байланысын күшейтуде

<a href="https://kyzylorda-news.kz/">Kyzylorda-news.kz.</a>2025 жылдың соңына дейін әрбір облыс орталығы аумағының 60 пайыздан астамы 5G технологиясымен қамтылады. Бұл туралы Цифрлық даму, инновациялар және аэроғарыш өнеркәсібі министрі Бағдат Мусин айтты, деп хабарлайды <a href="https://kaz.inform.kz/">Kazinform</a>.<blockquote>«Біз өткен жылы радиожиіліктерге байқау жариялаған едік. Процесс созылып кеткен жоқ. Жоспарымызға сәйкес биыл 700 базалық станса орнатуымыз қажет еді. Операторлар қазірдің өзінде бұл көрсеткіштен асып түсіп, жылдың соңына дейін 1 мыңнан астам базалық станса орнатады. Олардың инвестиция салуға және байланыс инфрақұрылымын барынша қарқынды дамытуға дайын екенін ескерсек, біздің мобильді операторлар жүктелген тапсырманы орындайтынына сенімдімін. 2025 жылдың соңына дейін республикалық маңызы бар Астана, Алматы, Шымкент қалаларының кемінде 75 пайыз және облыс орталықтарының 60 пайыздан астамы 5G желісімен қамтиды. Яғни, әрбір облыс орталығы аумағының 60 пайыздан астамы 2025 жылдың соңына дейін 5G технологиясымен қамтылатын болады», - деді министр Digital Bridge 2023 халықаралық технологиялық форумы аясындағы брифингте.</blockquote>Осы ретте Бағдат Мусин байланыстың басқа да технологиялары қоса дамытылатынын айтты.<blockquote>«Сонымен қатар біз 4G инфрақұрылымын нығайту, ұлғайту бағытында да базалық стансаларды жаңғырту үшін ауқымды жұмыс жүргізіп жатырмыз. Осы жылдың соңына дейін мобильді байланыс операторлары арасында радиожиілік байқауын өткізетін боламыз», - деді ол.</blockquote>

Облыс орталықтары 2025 жылға дейін 5G интернетпен қамтылады

<a href="https://kyzylorda-news.kz/">Kyzylorda-news.kz.</a> Құтқарушылар күні қарсаңында Жедел құтқару жасағының кинологиялық есептоптары арасында 2023 жылғы 12-13 қазан аралығында сертификациялық сынақ өткізілуде. Сынаққа 2 кинологиялық есеп 4 құтқарушы ит қатыстырылды. &nbsp; &nbsp; Аталған іс-шараға Қызылорда облысы ТЖД бастығының орынбасары азаматтық қорғау полковнигі Б. Әбдіқадыров арнайы қатысып, кинологтарға сәттілік тіледі.&nbsp;&nbsp; Сынақтың алғашқы күні голден редривер тұқымдас «Шанель» және «Коди», неміс овчаркасы «Спартак», «Яра» атты бельгиялық овчарка тұқымды &nbsp;қызметтік иттер тіл алу және шапшаңдылығын тексеру кезеңі бойынша сынаққа түсті.&nbsp;Екі күнге жалғасатын шарада қызметтік иттер табиғи ортада және қираған ғимараттар мен құрылыстар үйінділері ортасында іздестіру-құтқару кезеңдері бойынша тапсырмаларды орындайды. Сынақ соңында тапсырмаларды мінсіз &nbsp;орындаған кинологиялық есептопқа сертификаттар табысталады. Осылайша &nbsp;құтқарушы иттер төтенше жағдай кезіндегі кез-келген іздестіру-құтқару операцияларына қатысып, адам өміріне араша түсуге мүмкіндік алады.<figure class="image"><img src="https://knadmin.beoblood.kz/uploads/Whats_App_Image_2023_10_12_at_21_24_59_fe2b0dc069.jpeg" alt="WhatsApp Image 2023-10-12 at 21.24.59.jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2023_10_12_at_21_25_01_007caa5605.jpeg" alt="WhatsApp Image 2023-10-12 at 21.25.01.jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2023_10_12_at_21_30_32_1_f7655550a7.jpeg" alt="WhatsApp Image 2023-10-12 at 21.30.32 (1).jpeg"></figure>&nbsp;

Қызылордада  кинологиялық есеп топтарының сертификациялау сынағы өткізілуде

<a href="https://kyzylorda-news.kz/">Kyzylorda-news.kz.</a> Баспаналы болуды армандап жүрген сырбойылық жастар үшін қуанышты жаңалық. Бүгіннен бастап алғаш рет «Сыр жастары» жастарға арналған жеңілдетілген ипотекалық несие беру бағдарламасына құжат қабылдау басталды.&nbsp;Бұл бағдарламаға 35 жасқа дейінгі азаматтар қатыса алады. Несиелеу мерзімі – 19 жылды құраса, пайыздық мөлшерлемесі 5 пайыз. Бағдарламаның бастапқы жарнасы – 10 пайызды құрайды. Бағдарламаға өтініш беру 15 күнтізбелік күн ішінде жүзеге асырылады. Бүгін басталған науқан 26 қазан күні аяқталады. Бұл жөнінде Қызылорда облысының Өңірлік коммуникациялар қызметінде өткен брифингте облыстық қоғамдық даму басқармасы басшысының орынбасары Артур Қамбаров хабарлады.<blockquote>«Қызылорда облысының 85 жылдық мерейтойы аясында аймақ басшысының тікелей қолдауымен көптен бері баспаналы болуды мақсат етіп жүрген және баспана кезегіне тұра алмаған жастар үшін «Сыр жастары» жеңілдетілген ипотекалық бағдарламасы басталды. «Сыр жастары» бағдарламасының басты талаптары: ҚР азаматтығының болуы, қатысушының жасы 35 жастан аспауы, соңғы 2 жылда Қызылорда облысында тұрақты тіркеуде болуы және кемінде бір жыл жұмыспен қамтылған болуы шарт. Бағдарлама аясында табысталатын үйлер қаламыздың сол жағалауында орналасқан, жалпы көлемі 66 шаршы метрден кем емес 3 бөлмелі пәтерлер болады деп күтілуде. Бұл бағдарлама Сыр жастарының үйлі болуы үшін үлкен мүмкіндік, - деді басқарма басшысының орынбасары Артур Раушанбекұлы.</blockquote>Аталмыш бағдарламаға денсаулық сақтау, білім беру, бюджеттік сала, мәдениет, спорт, ЖОО және ҒЗИ, журналистер, әлеуметтік сала, Ұлттық холдингтер мен компаниялардың жергілікті филиалдары, екінші деңгейлі банктер, құрылыс, қоғамдық тамақтану және қызмет көрсету саласының қызметкерлері құжат тапсыра алады. Дегенмен, осы санаттағы қатысушалардың ресми жұмыс өтілі кемінде 6 айды құрауы тиіс.<blockquote>«Сыр жастары» бағдарламасына қатысу үшін бірнеше құжаттардың тізімі бекітілді. Атап айтқанда, белгіленген нысан бойынша жастарға жеңілдікпен несие беруге арналған электронды өтініш, білімі туралы құжаттың сканерленген түрі, жұмыс өтілі көрсетілген анықтаманың сканерленген түрі, ҚР Еңбек кодексінің 35-бабына сәйкес еңбек өтілін растайтын сканерленген құжаттар, Қызылорда облысының мәдениет және спорт басқармасынан сканерленген растайтын анықтамалар, «Сыр жастары» бағдарламасына қатысу үшін үміткерлерді іріктеу кезектілікке сәйкес санаттар бойынша тізімге енгізу жинаған балл санымен айқындалады. Санат бойынша ең көп балл жинаған қатысушыға уәкілетті органмен электронды түрде жолдама жіберіледі. Жолдаманы алған жастар әрі қарай «Отбасы банкінде» төлем қабілетіллігін растайды, содан кейін келісім шарт рәсімделіп, үй табысталатын болады, - деді «Отбасы банкі» АҚ Қызылорда облысы бойынша филиалының директоры Әділжан Сәулебаев.</blockquote>Айта кетейік, «Сыр жастары» бағдарламасына өтініш пен құжаттарды тапсыру электронды түрде «Азаматтарға арналған Үкімет» Мемлекеттік корпорациясы» КЕ АҚ арқылы kezekte.kz сайтында тіркелуі керек. Одан кейін «Жұмыс істейтін жастарға арналған «SyrJastary» жеңілдетілген ипотекалық несие беру» сервисінде жүзеге асыра алады.<img src="https://knadmin.beoblood.kz/uploads/Whats_App_Image_2023_10_13_at_09_28_56_3ebad036e9.jpeg" alt="WhatsApp Image 2023-10-13 at 09.28.56.jpeg"><img src="https://knadmin.beoblood.kz/uploads/Whats_App_Image_2023_10_13_at_09_28_56_1_cccc2a2893.jpeg" alt="WhatsApp Image 2023-10-13 at 09.28.56 (1).jpeg"><img src="https://knadmin.beoblood.kz/uploads/Whats_App_Image_2023_10_13_at_09_28_56_2_842dabd35c.jpeg" alt="WhatsApp Image 2023-10-13 at 09.28.56 (2).jpeg">

«Сыр жастары» ипотекалық несие беру бағдарламасына құжат қабылдау басталды

<a href="https://kyzylorda-news.kz/">Kyzylorda-news.kz.</a> Бүгін Қазақстаның басым бөлігінде күн құбылмалы болады, жауын жауып, елдің оңтүстігінде, оңтүстік-шығысында қатты жауын-шашын (жаңбыр, қар) болады, деп хабарлайды Қазгидромет.Тек елдің солтүстік-батысында, солтүстігінде күн жауын-шашынсыз. Республика бойынша екпінді жел, түнгі және таңертеңгі сағаттарда тұман түседі.Жамбыл облысының оңтүстік-батысында, таулы аудандарында, Алматы облысының оңтүстігінде, таулы аудандарында, Жетісу облысының оңтүстігінде, орталығында, таулы аудандарында жел тұрып, жылдамдығы секундына 30 метрге жетеді және одан да жылдам болады.Түркістан облысының таулы аудандарында, Жамбыл облысының батысында 1-3 градус үсік күтіледі.

13 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> 2024 жылы Арал ауданының тұрғындарына МРТ қызметтері қолжетімді болады. Уақтылы диагностика жасаудың арқасында аурулардың ерте сатысында анықталуы айтарлықтай өсті. Ауылда аурухана жағдайында консультациялық-диагностикалық қызметтер қалай көрсетіледі? Осы тақырыпқа Арал көпсалалы орталық аудандық ауруханасына тілшілердің баспасөз туры арналды.2022 жылдың қаңтар айынан бастап аудандық ауруханада компьютерлік томограф алғашқы науқастарды қабылдай бастады. Бұрын КТ тексеруден өту үшін ауыл тұрғындары облыс орталығына баруға мәжбүр болған. Жол жақын емес, 446 шақырым, көлікпен шамамен 6 сағат жүру.Бүгінгі таңда аудандық ауруханада КТ тексеруден 4 мыңға жуық адам өтті. Арал қаласының тұрғыны Злиха Шакиева шұғыл түрде түсті. 55 жастағы әйелдің миына тексеру жүргізілді.<blockquote>«Басым айналады, жүрегім айнып тұр. Артериялық гипертензия бойынша диспансерлік есепте тұрмын, қан қысым 180-ге дейін көтеріледі. Жұмыс істеймін, МӘМС-те мәртебім «сақтандырылған», компьютерлік томографиядан тегін өттім. Ауыр сырқаттар жоқ деп үміттенемін», - дейді Злиха Шакиева.</blockquote>Ауруханада КТ тәулік бойы жұмыс істейді. МӘМС жүйесінде сақтандырылмаған шұғыл пациенттер де диагностикалық қызметтерді алады, деп атап өтті аудандық аурухана мамандары. Уақтылы тексерудің арқасында мидағы, өкпедегі, сүйектердегі ісік ерте &nbsp;кезеңде анықталды.<blockquote>«Мысалы, науқаста ми қан айналымының жедел бұзылуы бар. Бұл ишемиялық немесе геморрагиялық инсульт екенін анықтау маңызды. Инсульт кезіндегі компьютерлік томография қан кетуді (геморрагиялық инсульт) инфаркттан ажыратуға және дер кезінде дұрыс емдеуді бастауға мүмкіндік береді, бұл зақымдануды шектеуге және асқынулардың дамуын болдырмауға мүмкіндік береді», - деп атап өтті Арал көпсалалы орталық аудандық ауруханасы бас дәрігерінің орынбасары Гүлмира Кемалова.</blockquote>Аурухананың тағы бір жаңа жабдығы - автоматты иммунохемилюминисцентті анализатор. Осы аппараттың көмегімен жүргізілген қанның иммунохимиялық талдауы жүректің, эндокриндік және басқа да әртүрлі ауруларын диагностикалаудың жоғары дәлдігін қамтамасыз етеді.<blockquote>«Бұл жабдықта онкомаркерлерге, гормондарға, жұқпалы ауруларға және т.б. қан талдауын жүргіземіз. Егер бұрын талдаулар жеке клиникаларға жіберілсе және нәтижелер 3-5 күннен кейін ғана түссе, енді 1 күн ішінде осы анализатор арқылы ауруларды анықтаймыз», - деді зертхана меңгерушісі Нұрбек Сұлтанов.</blockquote>2023 жылы ТМККК және МӘМС шеңберінде Арал көпсалалы орталық аудандық ауруханасына Әлеуметтік медициналық сақтандыру қорынан 6,5 млрд. теңгеден астам қаражат бөлінді.<figure class="image"><img src="https://knadmin.beoblood.kz/uploads/6_d20cc691af.jpg" alt="6.jpg"></figure>&nbsp;<figure class="image"><img src="https://knadmin.beoblood.kz/uploads/4_77c2eae856.jpg" alt="4.jpg"></figure>&nbsp;&nbsp;

Арал аудандық ауруханасында қатерлі ісіктер ерте кезеңде анықталады

<a href="https://kyzylorda-news.kz/">Kyzylorda-news.kz.</a> Қай заманда болмасын, көреген халқымыз ұстаз мәртебесін жоғары бағалаған. Оның дәлелі, «Ұстазы жақсының – ұстамы жақсы» деп, бар жақсы ниет- тілекті ұстазға арнаған.&nbsp;Ұстаз шәкірттеріне сапалы білім ғана емес, сонымен қатар бойындағы бар мейір-шапағатын аямай, оларды &nbsp; қамқорлық шуағына бөлеп, білімнің асқар биік шыңына шығаруға &nbsp;бар &nbsp;күш-жігерін жұмсағанда ғана білім беру жүйесінде үлкен жетістік пен оның жемісі көрінері айқын. Осындай қиындығы мен қызығы қатар жүретін, жауапкершілігі мол мамандықтың иесі болғаныма әркез қуанамын. Менің &nbsp;мақсатым – еліміздің ғылымының &nbsp;дамуына тамшыдай болса да өз үлесімді қосу. Осы мақсатым мені ғылымға ден қойып, педагогика ғылымдарының магистрі ғылыми дәрежесін иеленуіме &nbsp;өз ықпалын тигізді. Міндетім – ел болашағы болар жас ұрпақты тәрбиелеу жолында жаны мен тәні таза, рухани бай, алған білімін болашақта қолдана алатын, сандық сауаттылығы артқан, өз ойын еркін жеткізе алатын, бәсекеге қабілетті ұрпақ тәрбиелеу.&nbsp;Жаңашыл ұстаз – заман талабы. Ендеше, теориялық білімін тәжірибе жүзінде іске асыра алатын, жауапкершілігі жоғары, ізденімпаз жеке тұлға болу – біздің басты міндетіміз. «Жаңа Қазақстан, жаңашыл ұстаз, жаңа ұрпақ» — бұл білім беру жүйесіндегі бәсекеге қабілетті маман даярлау, білім кеңестігіндегі мәдениет пен өнердің даму негізі.&nbsp;«Білім мен ғылым – табысқа жетудің ең басты кілті. Өскелең ұрпаққа тағылымды тәрбие және озық білім беру – өте маңызды міндет. Сондықтан ұстаздар қауымына, яғни сіздерге зор жауапкершілік жүктеледі», – деді Мемлекет басшысы Қасым-Жомарт Тоқаев. Расында да, сол білімді, жан – жақты, бәсекеге қабілетті, жаңашылдыққа &nbsp;бейім &nbsp;тұлғаны дайындаушы тек мұғалім екенін үнемі жадымда сақтаймын. Осы мақсатта, білім жүйесіне &nbsp;енген реформаны меңгеріп, өз тәжірибемде пайдалану үшін &nbsp;жаңартылған білім мазмұны бойынша курстан өттім. Өз позициямды іске асыру мақсатында қазақ тілі мен әдебиеті пәнінде &nbsp;сын тұрғысынан ойлау технологиясын дамыту, топтық, жұптық әдістер арқылы оқушылардың өзара ынтымақтастығын нығайту және дамыту үшін жеті модульдің әдіс-тәсілдерін қолданып келемін. Оқушылар топтық жұмысты ұнатады, олар үшін ең маңыздысы терең білім алу және өздері үшін оқиды, яғни алға деген ұмтылыс бар. Өз ойларын сабақта айту оқушылар үшін өте маңызды. Оқушының әрбір жетістігін қалт жібермей мақтап, мадақтап отырып, оқушыға оң әсер қалдыру, қалыптастырушы бағалауға көп көңіл бөліп, оқушымен арадағы диалогты дұрыс, тиімді, мәдениетті және жетелеуші түрде ұйымдастыру нәтижесінде оқушылардың білім сапасының артқанын байқауға болады.&nbsp;Жаңашыл мұғалімнің міндеті – оқушының &nbsp;белсенділігі мен &nbsp;ой-еңбегінің дамуына &nbsp;жағдай жасау, қажет кезде жол көрсету болып табылады. Мұнда мұғалімнің шығармашылық жұмысы үлкен рөл атқарады. Нәтижесінің маңызы – оқушы жинақталған білімін тәжірибеде, өмірде &nbsp;пайдалана алуда.&nbsp;Қорыта келгенде, жаңашыл шығармашылық – әр ұстаздың дара қасиеті, ал жаңашыл ұстаз – жаңа заман айнасы &nbsp;екені сөзсіз. Рухани бай, жаңашыл мұғалім – &nbsp;өз педагогтік шеберлігін ұтымды пайдаланса, &nbsp;қай бағытта да табысты болары даусыз. Олай болса, ертеңгі ел болашағы – бүгінгі жастар қолында. Ал, көздерінде от ойнар, жүректерінде жалыны бар, жаңалыққа жаны құмар жастарды тәрбиелеу – біздің парыз. Жас ұрпаққа тәрбие мен білім беру жолында аянбай, талмай еңбек етіп, ел болашағының дамуына үлес қосып жүрген әрбір ұстазға шығармашылық шабыт тілеймін!Ақгүл Қалжанова,&nbsp;Қызылорда қаласындағы №268 мектеп-лицейінің қазақ тілі мен әдебиеті пәні мұғалімі. &nbsp;

Ақгүл Қалжанова: Білімді ұстаз - мектептің тірегі

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен өткен актив отырысында әріптестері ҚР Ақпарат саласының үздігі, облыстық «QYZYLORDA» телеарнасының директоры Жағыппар Қарабаланы зейнетке шығарып салды.Аймақ басшысы Жағыппар Аманжолұлын құттықтап, Сыр елінің телевизия саласына қосқан сүбелі үлесі үшін алғыс білдірді.<blockquote>«Құрметті Жағыппар Аманжолұлы, сіз басшылық жасаған жылдар ішінде облыстық телеарна бәсекеге қабілетті, қаржылық жағдайы тұрақты, телевизиядағы соңғы тенденцияларды батыл меңгерген арналар санатына қосылды. 2005 жылы небәрі 8 сағат эфирге шыққан телеарна бүгінде тәулігіне 14,5 сағат үзіліссіз хабар таратады. Жағыппар Аманжолұлы, сіз білікті мамандар тәрбиелеп шығарған мықты ұстазсыз. Телеарна қабырғасынан түлеген Дана Рысмұхамедова, Ғалымжан Бәйімбет, Құрманәлі Қалмахан, Бағдат Әбдіқожаева, Нұрбек Әмиша, Рауан Мыңбаев секілді 50-ден астам журналистер мен телеоператорлар шетелдерден жаңалық таратып, республиканың беделді БАҚ-тарында абыройлы қызмет етуде. Сіздің шәкірттеріңіз тек БАҚ саласында емес. «Сыр жұлдыздары», «Таңшолпан» тележобалары арқылы бүгінде халықтың сүйікті әншісіне айналған жұлдыздардың өнердегі тұсауын да өзіңіз кестіңіз. Қазіргі қазақ эстрадасының көрнекті өкілдері Гүлнұр Оразымбетова, Мәдина Сәдуақасова, Өмірқұл Айниязов, Бибігүл Жанұзақ, Алмас Кішкенбаев және өзге де өнер жұлдыздары – сіздің продюсерлік қызметіңіздің жемісі», – деді Нұрлыбек Машбекұлы.</blockquote>Сыр бойындағы руханият саласының дамуына қосқан ерекше үлесі үшін Жағыппар Аманжолұлына Қызылорда облысының «Құрмет» грамотасы табысталды.Жиында Астанадан арнайы келген «Qazaqstan» республикалық телерадиокорпорациясы басқарма төрайымының орынбасары Азамат Кеңесұлы Жағыппар Қарабаланы марапаттап, телеарнаның жаңа директорын таныстырды.«Qyzylorda» телеарнасының басшылығына «Болашақ» бағдарламасының түлегі, осыған дейін ҚР Мәдениет және ақпарат министрінің баспасөз қызметін басқарған Нұрбек Әмиша тағайындалды.Нұрбек Шынтемірұлы 1982 жылы 5 маусымда Қызылорда облысында дүниеге келді. 2004 жылы Қорқыт Ата атындағы Қызылорда мемлекеттік университетін бітірген. 2017-2018 жылдары Ұлыбританияның Лидс университетінде магистратурада оқып, «Саяси қатынастар магистрі» атағын алған.Еңбек жолын «Халық», «Сыр бойы», «Айқын» газеттерінде тілші қызметінен бастады. «Қазақстан-Қызылорда» телеарнасында редактор, «Qazaqstan» Ұлттық телеарнасында сарапшы, «Хабар» телеарнасында бас редактор, «Bilim Media Group» компаниясы және Ұлттық аударма бюросында әдеби редактор қызметтерін атқарды. «Болашақ» Халықаралық бағдарламалар орталығы» АҚ баспасөз хатшылығының басшысы, «Сан-Ай пресс» ЖШС-да бас директордың орынбасары, ҚР Ақпарат және қоғамдық даму министрлігінің баспасөз хатшысы болып еңбек етті.Іс-шара соңында ақын, журналист, «Қызылорда қоғамдық телерадиокомпаниясының» құрылтайшысы Шәкизада Әбдікәрімов, Қазақстан Журналистер одағы облыстық филиалының төрағасы, «Сыр медиа» ЖШС бас директоры Аманжол Оңғарбаев, ардагер журналист Айткүл Шалғынбаева Жағыппар Аманжолұлын құрметті демалысқа шығуымен құттықтап, телеарнаның жаңа директорына сәттілік тіледі.<figure class="image"><img src="https://knadmin.beoblood.kz/uploads/391705060_624683716519543_5668978948896187153_n_bc6767350e.jpg" alt="391705060_624683716519543_5668978948896187153_n.jpg"></figure>&nbsp;<figure class="image"><img src="https://knadmin.beoblood.kz/uploads/391728236_624683563186225_4300991964241251557_n_25e425a358.jpg" alt="391728236_624683563186225_4300991964241251557_n.jpg"></figure>&nbsp;<figure class="image"><img src="https://knadmin.beoblood.kz/uploads/391710710_624683779852870_8912434475147142201_n_11cc7b5276.jpg" alt="391710710_624683779852870_8912434475147142201_n.jpg"></figure>&nbsp;<figure class="image"><img src="https://knadmin.beoblood.kz/uploads/391732667_624685606519354_533857582555016571_n_07e1fe68d2.jpg" alt="391732667_624685606519354_533857582555016571_n.jpg"></figure>&nbsp;<figure class="image"><img src="https://knadmin.beoblood.kz/uploads/391686652_624683459852902_6780470424040201844_n_6eea4687f2.jpg" alt="391686652_624683459852902_6780470424040201844_n.jpg"></figure>&nbsp;<figure class="image"><img src="https://knadmin.beoblood.kz/uploads/391714607_624683356519579_7974594510089128423_n_66f05ca906.jpg" alt="391714607_624683356519579_7974594510089128423_n.jpg"></figure>&nbsp;<figure class="image"><img src="https://knadmin.beoblood.kz/uploads/391655848_624683593186222_2953582588318640394_n_f92e71e502.jpg" alt="391655848_624683593186222_2953582588318640394_n.jpg"></figure>

 Облыстық «Qyzylorda» телеарнасының жаңа директоры тағайындалды

<a href="https://kyzylorda-news.kz/">Kyzylorda-news.kz.</a> «AMANAT» партиясы Қызылорда қалалық филиалының Қоғамдық қабылдау бөлмесінде «Ауыл аманаты» жобасы аясында ашық есік күні өтті.Жобаның негізгі мақсаты – ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске барынша тарту, азық-түлік қауіпсіздігіне және азаматтардың өмір сүру сапасын жақсартуға байланысты мәселелерді шешу.&nbsp;Ашық есік күні аясында партияның қалалық филиалының Атқарушы хатшысы Гүлшат Мұсаева және қалалық ауылшаруашылығы мен жер қатынастары бөлімінің сектор меңгерушісі Есмағамбетова Жадыра тұрғындардың өзекті сауалдарына түсіндірме жұмыстарын жүргізді.Айта кетейік, «Ауыл аманаты» жобасы бойынша ауыл тұрғындары өз бизнесін дамытуға немесе кооператив құрамында жеңілдетілген несие ала алады, сондай-ақ техниканы лизингке рәсімдеуге болады. Қарыз алу шарттары да өте тиімді, себебі ондағы пайыздық мөлшерлеме әлдеқайда төмен.- несие/микронесие мерзімі – 5 жыл, ал мал шаруашылығы және ауыл шаруашылығы кооперативтерін құру саласындағы жобалар бойынша 7 жылға дейін;- шағын несиенің ең жоғарғы сомасы - 8.6 млн теңге, ауыл шаруашылығы кооперативтері үшін 27.6 млн теңгеге дейін;- сыйақы мөлшері жылына 2.5 пайыздан аспайды.

Қазақстан және Қызылорда облысының жаңалықтары