<a href="https://kyzylorda-news.kz/">Kyzylorda-news.kz&nbsp;</a> Фитнес – кез келген жаста жасауға болатын пайдалы спорт түрі. Оның дене сымбаты мен әдемілікті қалыптастыруда септігі мол.Әрбір адам өз дене бітімі мен сырсымбатының келісті, әдемі болғанын қалайтыны анық. Сол үшін де күнделікті күйбең тіршіліктен уақыт тауып, дене тәрбиесіне тұрақты көңіл бөлетіндер аз емес. Осы тұрғыда көбісі фитнес орталықтарының қызметіне жүгінеді. Фитнес орталықтарына адамдар түрлі себептермен келеді.&nbsp;Бірі салмақ тастап, арықтауды қаласа, кейбіреуі бұшықеті бұлтылдаған, сымбатты денені қалайды. Жаттығу залында ер-азаматтармен қатар қыз-келіншектердің де қарасы қалың. Адам бойының өсу процесі 18-25 жас аралығында тоқтайды. Осы жасқа дейін дұрыс дене бітімін қалыптастырғаны жөн. Қызылорда қаласында фитнесклубтардың саны артып келеді. Сапаға баса назар аударатын келушілер жаттығу залын өздері тұратын аймаққа жақын жерден таңдайды. Одан кейін залдың ішкі тазалығы мен спорт құралжабдықтарының түріне мән береді. Фитнес клубта тәжірибелі жаттықтырушы маманның пікірі маңызды. Бүгінде «Red Gym», «LADY GYM», «Arystan.gym», «IMPULSE» секілді фитнес клубтар халық сұранысына ие. Баға тиімділігі де аталған спорт орталықтарына келушілер санын арттырады. Өз бетінше жаттығу жасайтындармен қатар жаттықтырушы қызметіне жүгінетіндер көп. Келушілердің жасы, дене бітімі, бойы мен салмақ дәрежесіне қарай әртүрлі тапсырмалар мен жүктемелер беріледі. Жаттығу залында спортпен шұғылдану арқылы координация, күш, төзімділік, жылдамдық көрсеткіштері және икемділік секілді дененің барлық физикалық сапаларын жақсартуға болады.Көптеген келушілер жаттықтырушы немесе спорттық дәрігердің көмегімен келісімді түрде жаттыға отырып, денсаулығына қатысты көп мәселелерді шешеді. Өйткені күштік жабдықтардағы жаттығулар механотерапия және көптеген аурудың алдын алады. Жаттығу залындағы жүгіру, велосипед тебу секілді жеңіл физикалық жаттығулар арқылы тыныс жолдары аурулары мен созылмалы буын ауруларын емдеуге болады. Дене тәрбиесінде жақсы нәтижеге жету үшін бір айдан аса уақыт тұрақты жаттығу қажет.Дамыған елдерде тұрғындардың 20-22 пайызында фитнес-клуб картасы бар екен. Еуропада бұл сан орташа есеппен 15%. ТМД елдерінде ең жоғарғы көрсеткіш Ресей астанасы Мәскеу қаласында 12- 14% аралығында. Қазақстанда 1,5%, максимум 2%-ды құрайды. Қазақстандағы фитнес-клубтардың саны 4000-нан асқан. Қазір қоғамда фитнес табысты адамның көрсеткішіне айналып жатыр. Жаттығу залындағы фото мен видеоны адамдар міндетті түрде әлеуметтік желілерге салады. Осы арқылы Қазақстанда фитнестің танымалдылығы арта түскен.Сыр мен сымбаты келіскен, сұлу дене бітімін қалыптастыру оңай емес. Дене тәрбиесінде ең маңыздысы төзім мен сабырды ұштастыра білу.&nbsp;М.ТөлегенФото: ашық дереккөз

Қызылордада фитнесклубтардың саны артып келеді

&nbsp;<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Әлемді ғылым құтқарады-2024» атты ғылым айлығына орай ғалым-ұстаз, техника ғылымдарының кандидаты Бақытбек Құлтанов атындағы дәрісхана ашылды. Ашылу салтанатына университет басшылығы, достары, шәкірттері мен ұрпақтары қатысты.Ғалым Бақытбек Құлтанов биыл 75 жылдық белесті бағындырды. Саналы ғұмырын сәулет және құрылыс өнеріне, шәкірт тәрбиесіне арнаған азамат. Ардақты ұстаз еңбек жолын қарапайым құрылысшы ретінде бастаған. Мәртебелі маман кейін учаске бастығы болып, одан соң оқу-ағарту саласына келеді. 1986 жылы «Құрылыс механикасы» мамандығы бойынша техника ғылымдарының кандидаты атағын қорғап шықты. Содан бері Сыр өңірінде құрылысшы кадрларды даярлап келеді. Ұлағатты ұстаздың еселі еңбегі еленіп, ғылым күнінде оқу ордасында арнайы дәрісхана ашылды.Бүгінде зейнет жасында болса да әлі күнге дейін жастарға жол көрсетуден жалыққан емес. «Негізі біз өндіріске адам дайындап жатырмыз. Бірақ, ғылымға қоса дайындаймыз. Себебі ғылым дамымаса, өндіріс те дамымайды. Сондықтан мен сол саламен де айналысамын. Балаларды есеп шығаруға, ғылыммен айналысуға баулимын. Оны өндіріске қалай пайдалануға болады оны үнемі балаларға айтып отырмаймын, оны көрсетемін» дейді мерейтой иесі.Мерейтой аясында университетте Ғылыми кеңестің кезектен тыс мәжіліс өтті. Онда Бақытбек Құлтановтың азаматтық келбеті жайында пайымды пікірлер айтылды. Академиялық мәселелер жөніндегі проректор Дана Мейрамқызы облыс әкімі Нұрлыбек Мәшбекұлының Құрмет Грамотасын және университеттің Басқарма Төрағасы-Ректор Бейбіткүл Сәрсемханқызының құттықтауын жеткізіп, Бақытбек Құлтанұлы мен жұбайы Балымкүл Адамбаеваға шапан жауып, Құрмет Грамотасын табыс етті.Профессор Серікбай Өмірзақов, Қ.Сәтбаев атындағы политехникалық институт ректорының құттықтауын жеткізді. Бірге оқыған достары Шахизада Ибраимов, Мәлік Алпысбаев ақ тілектерін арнады. «Болашақ» университетінің кафедра меңгерушісі Камал Байтасов, “Экономика және құқық” институтының директоры Гүлшат Дүзелбаева, “Инженерлі-технологиялық” институтының директоры БахытбекАбжалелов және шәкірттері атынан Дина Жапахова жылы лебіздерін білдірді.Досы, жазушы Айыпберген Балтабайұлы: «Бұл университеттің болашағы өте үлкен. Өте құрметке ие оқу орны деп есептейміз. Сондықтан осы жерден шыққан азаматтар берік те, мықты, әділетті Қазақстан орнататынына сенімдіміз» деп пікір білдірді.Жиын соңында университет басшылығы демеушілер есебінен 18-ші дәрісхана ашуға қолдау білдірген ғалымның ұлы Нұрбек Бақытбекұлына «Қорқыт Ата атындағы Алтын медаль» төсбелгісі табыстады.

Ардақты ғалымға арналған дәрісхана ашылды

&nbsp;<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың бастамасымен қолға алынған «Таза Қазақстан» экологиялық акциясы аясында тарихи киелі орын Түмен әулие кесенесі аумағында абаттандыру жұмыстары жүргізілді. Акцияға аудан әкімі Ардақ Ибраимов қатысып, шараның маңыздылығын атап өтті.<blockquote>«Ел Президентінің аумақтарды абаттандыру және көгалдандыру жөніндегі тапсырмасына орай және облыс әкімінің ауыл аймақтарда санитарлық тазарту жұмыстарын жүргізу жөніндегі Үндеуіне сәйкес «Таза Қазақстан» экологиялық акциясы аясында бүгін «Түмен» әулие, Бұқарбай батыр» кесенесі маңында тарихи әрі киелі орындарды күтіп ұстау бағытында санитарлық-тазалық, көркейту-көгалдандыру жұмыстары жүргізілуде. Акцияның «Киелі мекен» апталығы негізінде осындай тарихи-мәдени киелі орындарда игі істі атқаруға жиылған баршаңызға алғыс айтамын», – деді аудан басшысы.</blockquote>Шараға ардагерлер, ерікті жастар, мәдениет саласының қызметкерлері қатысты. Алдымен баба рухына Құран бағышталып, кесене күмбезін сырлау, қорым аумағын тазарту, әктеу жұмыстары атқарылды. Сонымен бірге аудан әкімі ардагерлермен бірге Түмен әулие Мешіті аумағына тал көшеттерін отырғызу рәсіміне қатысты.Жалағаш ауданы бойынша Республикалық және жергілікті маңызы бар тарих және мәдениет ескерткіштердің саны – 71. Соның ішінде Түмен әyлие кесенесі «Қазақстанның киелі жерлерінің географиясы» жобасы аясында «Өңірлік қасиетті нысандар» тізіміне енген.Түмен әулие ХІХ ғасырдың бірінші жартысында (1821-1875 жж) Қаракеткен, Амангелді ауылдық кеңестері (қазіргі М.Шөменов ауылдық округі) елді мекенде туып өскен. Әулиенің қасиеті, кереметтері ел аузында аңыз ретінде айтылып жүр. Түменнің шешесі жеті өлікке жан берген Мүсірәлі софы әзиздің баласы Қосым қожаның қызы. Өзі туып өскен жерде небәрі 54 жыл ғана өмір сүрген.Тарихи жазба деректері бойынша Түмен әулиенің кесенесі 1876 жылы салынған. Аудан тарихы үшін маңызы зор бұл кесене, 2011 жылы қайта жаңғыртуға республикалық бюджеттен қаржы қаралып, қалпына келтірілді.

Жалағаш ауданында киелі мекен апталығы өтуде

<a href="https://kyzylorda-news.kz/">Kyzylorda-news.kz&nbsp;</a> М.Мәметова атындағы Қызылорда педагогикалық колледжінде “Оқуға құштар колледж” жобасы аясында колледж кітапханасы және “Филология” бөлімінің ұйымдастыруымен “Менің өмірімді өзгерткен кітаптар” тақырыбында эссе жазу байқауы өтті.Мақсаты - студенттердің өздері оқыған кітап арқылы жас оқырмандардың жарқын өмірге құштарлығын, отансүйгіштікке, сыйластыққа, кішіпейілділікке дәріптеу.&nbsp;1-2 курс студенттері арасында өткен жазба жұмысы сайысына 30-ға жуық білім алушы қатысты. Шара барысында студенттердің сауаттылығы, ұшқыр қиялы, сөз саптауы мен шығармашылық зеректілігі сарапқа салынды.Сондай-ақ, “Оқуға құштар колледж” жобасы аясында “Филология” бөлімінің ұйымдастыруымен колледжішілік танымдық сағат өтті.&nbsp;Мақсаты - жас оқырмандардың кітап оқуға, әдеби туындыға қызығушылығын арттыру, кейіпкерлер бейнесін анықтауға және тануға баулу.&nbsp;Бөлімнің 1-3 курс студенттері қатысқан шарада студенттер топқа бөлініп, өздері оқыған шығармаларды прещентация арқылы талдады. “Филология” бөлімінің оқытушысы Л.Әзбергенованың ұйымдастыруымен өткен шара барысында автор идеясы, туынды желісі, кейіпкерлердің образдық ерекшелігі талданып,&nbsp; жаңа технологияларды пайдалана отырып презентация көрсетті.Айта кету керек, Оқу ағарту министрлігі бекіткен "Оқуға құштар колледж" жобасы аясында еліміз бойынша оқу орындарында әртүрлі шаралар ұйымдастырылуда. Жобаның мақсаты - оқу мәдениетінің деңгейін және студенттердің оқу белсенділігін арттыру, жас ұрпақтың бойында адамгершілік, рухани құндылықтарды сіңіру. Бұл орайда жоба жаңа бастамаларға ашық, кітап оқу мәдениеті дамыған, көзі ашық, көкірегі ояу жастар санының артуына ықпал етуде. &nbsp;&nbsp;

“Оқуға құштар колледж” жобасы жалғасуда

<a href="https://kyzylorda-news.kz/">Kyzylorda-news.kz</a> &nbsp;17 сәуірде № 72 мектеп-лицейдің сегізінші сынып оқушысы білім ордасының төртінші қабатындағы терезеден секіріп кетті, деп хабарлайды <a href="https://kaz.zakon.kz/quqiq/6041253-astanada-8synyp-oushysy-mektepte-trtnsh-abattay-terezeden-sekrp-kett.html">Zakon.kz.</a>Астана қаласы білім басқармасының мәліметінше, оқиға орнына жедел жәрдем көлігі шақырылды, қазіргі уақытта бала ауруханада жатыр."Зардап шеккен жасөспірімнің миы шайқалған, кеуде және қарын тұстында жарақаттары бар, оң иық асты сүйегі мен оң аяғы сынған. Жалпы жағдайы ауыр (алған жарақаттарына байланысты), тұрақты деп бағаланады. Баланың жағдайы дәрігерлердің бақылауында", делінген хабарламада.Қазір оқыс оқиғаға не түрткі болғаны анықталып жатыр. Аталған факті бойынша қалалық полиция департаменті қылмыстық іс қозғады.Айта кетсек,&nbsp;12 сәуірде Ақтөбеде спорт мектебінің 8-сынып оқушысы көз жұмғаны&nbsp;хабарланды.Сурет: gov.kz

Астанада 8-сынып оқушысы мектепте төртінші қабаттағы терезеден секіріп кетті

&nbsp;<a href="https://kyzylorda-news.kz/">Kyzylorda-news.kz</a> &nbsp;Ақтөбеде келіншек балалардың еміне көмектесеміз деп ақшаны қалтасына басқан. Бұл туралы <a href="https://stan.kz/30-mln-tenge-zhinagan-alayaktardin-kesirinen-kazakstand-398705/">Stan.kz</a> ақпарат агенттігі хабарлайды.Полицейлер алаяқтық жасады деген күдікпен балаларды емдеуге ақша жинап жүрген әйелді ұстады.Ақтөбенің бірнеше тұрғыны тәртіп сақшыларына "More Life" қорының өкілдеріне қатысты арызбен хабарласты. Зардап шеккендердің айтуынша, қор директоры емделуге қаражат жинауға көмектесеміз деген желеумен ақшаны иемденіп алған.Қылмыстық іске алты жәбірленуші тартылып, жалпы сомасы 30 миллион теңгеден астам адам өндіріп алған.Бір жағдайда 2023 жылы қор мен емделуге мұқтаж баланың ата-анасы арасында келісім жасалған. Қажетті соманы жинаған соң қор ата-анасы мен баласын Беларусь Республикасының Минск қаласына ақшасыз емделуге жібереді. Қор түрлі сылтаулармен ақшаны аудармаған. Соның салдарынан бала дұрыс емделмей, ата-анасы өзге елде көмексіз қалған."Алаяқтық фактісі бойынша сотқа дейінгі тергеу жүріп жатыр. Тергеу аясында жедел-іздестіру шараларын жүргізуге халықаралық бұйрық&nbsp;жіберілді. Күдікті уақытша ұстау изоляторына қамалды. Тәртіп сақшылары аталған қордың әрекетінен зардап шеккендердің барлығынан дереу полицияға хабарласуды сұрайды", –&nbsp;деп хабарлады ішкі істер министрлігі.Фото:&nbsp;pixabay.com

30 млн теңге жинаған: Алаяқтардың кесірінен қазақстандық бала шетелде емсіз қалған

<a href="https://kyzylorda-news.kz/">Kyzylorda-news.kz.</a> МӘМС жүйесі туралы жиі келіп түсетін сұрақтарға жауап беруді жалғастырамыз. Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова түсініктеме берді.МӘМС жүйесінде сақтандыру мәртебесі туралы анықтаманы қалай алуға болады?МӘМС жүйесінде медициналық қызметтерді тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат беру электрондық үкімет порталында 15 минут ішінде жүзеге асырылады. Бұл ақпаратты осы <a href="https://egov.kz/cms/kk/services/health_care/pass171-2_mz">сілтеме</a> арқылы алуға болады:&nbsp;Мен мерзімді қызметтегі сарбазмын, жарналары мемлекет есебінен төленетін азаматтардың жеңілдікті санатына кіремін. Жеңілдік санатында қанша уақыт боламын?Сіз мерзімді әскери қызметті өтеу кезінде азаматтардың жеңілдік санатында боласыз. Қызметіңіз аяқталғаннан кейін сақтандыру мәртебеңізді сақтау үшін міндетті әлеуметтік медициналық сақтандыруға тұрақты төлемдер жасау қажет.МӘМС-ке қате төленген соманы басқа кезеңдерге қайта бөлуге бола ма?МӘМС үшін төлемдерді басқа кезеңдерге қайта бөлу мүмкін емес, бірақ оларды қайтаруға болады.&nbsp; Ол үшін «Азаматтарға арналған үкімет» мемлекеттік корпорациясы» КЕАҚ-қа өтініш жазып, төлемді растайтын құжаттарды тіркеу қажет. Мемлекеттік корпорацияның мекен-жайларын мына <a href="https://gov4c.kz/ ">сайттан</a> табуға болады &nbsp;Фото: egemen.kz

МӘМС-те сақтандыру мәртебесі туралы анықтаманы қалай алуға болады?

<a href="https://kyzylorda-news.kz/">Kyzylorda-news.kz.</a> Су тасқыны қаупі туындаған Атырау қаласынан 16 сәуір күні кешкі сағат 20.00 шамасында Қызылордаға екі автобуспен 93 адам келді.&nbsp;Олармен жауапты басшылар кездесіп, сағат 21.30-да қалалық жұмыспен қамту және әлеуметтік бағдарламалар бөліміне қарасты Зейнеткерлерге жартылай стационарлық жағдайда арнаулы әлеуметтік қызметтер көрсету орталығына 59 адам, И.Әбдікәрімов атындағы Қызылорда аграрлық- техникалық жоғары колледжінің жатақханасына 34 адам орналастырылды. Атыраулық қонақтардың барлық қажеттіліктерін жергілікті әкімдік қамтамасыз етуде.Бір ескеретін жайт, дәл қазіргі уақытта олардың керек-жарағына деп халықтан ақша жинаудың қажеті жоқ.&nbsp;Екі мекен-жайдағы адамдарға 3 мезгіл ыстық тамақ берілуде, барлығының денсаулығын дәрігерлер бақылауына алған. Қонақтардың ұсақ-түйек қажеттіліктерін жеткізіп беруді &nbsp;"АMАNAT" партиясының облыстық филиалы қадағалауда. Жағдайды тұрақты бақылау үшін жауапты басқарма мамандары екі жаққа да арнайы барып, ахуалды назарда ұстауда.Су тасқыны болған Ақтөбе облысына Сыр өңірі жұртшылығы 9,8 млн.теңге қаржылай, 67 млн.теңге азық-түлік пен &nbsp;заттай көмек көрсетті. Басқа облыстарға 50 млн.теңгенің қажетті заттары жіберілді. Нақты айтсақ, Ақтөбе облысына 1, Солтүстік Қазақстан, Батыс Қазақстан, Қостанай облыстарына 2-еуден, Атырау облысына 3 жүк көлігі аттанды. Оған қоса &nbsp;Батыс Қазақстан облысына 106 арнайы техника жөнелтілді.Арнайы техникалар бір тәулік ішінде әзірленіп, теміржол арқылы арқылы діттеген жеріне жетті. Мұнан бұрын су апаты болған аймақтарға 296 қызылордалық құтқарушы, 135 техника жіберілген болатын.&nbsp;

Атырау қаласынан Қызылордаға 93 адам келді

<a href="https://kyzylorda-news.kz/">Kyzylorda-news.kz.</a> Технологиялық прогресстің дамуымен қатар алаяқтық схемалар да түрлене түсуде. Биылғы жылы Қазақстандықтар тап болған алдаудың жаңа тәсілдері &nbsp;жөнінде Fingramota.kz &nbsp;айтып береді.&nbsp;Мемлекеттік құрылымдардың жалған қызметкерлерінен келіп түскен телефон қоңыраулары мен хабарламалар&nbsp;2024 жылдың басынан бастап азаматтарға телефон соғулар не SMS, WhatsApp немесе Telegram мессенджерлері арқылы мемлекеттік органдар мен квазимемлекеттік сектор басшыларынан электрондық поштаға хаттар/хабарламалар жіберілетін алаяқтық схема жиі көрініс алуда. Алаяқтар Қазақстандықтарды небір проблемалар жөнінде ескертіп, өздері жіберген нұсқауларды басшылыққа алуды ұсынады. Мұндай қоңырау соғулар мен хаттар көп жағдайда ҚР Ұлттық қауіпсіздік комитетінің және өзге құқық қорғау органдарының атынан жіберіледі.Жалған қызметкерлер банктік шоттағы күдікті операциялар (оның ішінде, террорлық топтарды қаржыландыру және т.б.) туралы хабарлап, арнайы операцияны жүргізуге жәрдем көрсетуді талап етеді. Әдетте, &nbsp;мұндай операцияны жүргізу үшін кредит ресімдеу қажет, ал ақшаны жалған қызметкердің «арнайы шотына» аудару керек болады. &nbsp;Сендіру үшін түбіртектер/ведомствоның немесе жеке сот орындаушыларының ресми бланкінде құжаттар (қызметтік куәліктердің, қағазға басып шығарылған тапсырмалардың және мөрлер мен қолтаңбалар қойылған бұйрықтардың фотосуреті) жіберілуі мүмкін, олардың барлығы, әрине, жалған құжаттар.&nbsp;«Әлеуметтік көмек» және «қайырымдылық» түріндегі алаяқтықТабиғи апаттар мен төтенше жағдайлар кезінде алаяқтар адамдардың қайғысынан пайда көріп, ақша табу жолдарын іздейді. Мәселен, қазіргі уақытта су тасқынынан зардап шеккендерге қаражат жинауды сылтауратып, алаяқтар мемлекеттен біржолғы жәрдемақы төленіп жатқаны жөнінде хабарландырумен фишингтік сілтемелер таратуда. Мысалы, атауы дардай «Су тасқынынан зардап шеккендерге 3 млн теңге мөлшерінде өтемақы». Фейк хабарландырулар шынайы болып көріну үшін қылмыскерлер Қазақстанның банктері мен мемлекеттік органдарының атауларын қолданады. Мәселен, &nbsp;Facebook, Instagram, Telegram әлеуметтік желілерінде Еңбек және халықты әлеуметтік қорғау министрлігінен Halyk Bank-пен бірлесіп өтемақы төлеу туралы, сондай-ақ Қаржы министрлігінің жаңа қаулысы шыққаны туралы посттар жариялауда. Вижуалда ұйымның брендбук логотиптері мен элементтері, сондай-ақ Қазақстан Республикасының елтаңбасы қолданылады.Алаяқтар, әдетте, блогерлер мен танымал адамдар жиі тартылатын &nbsp;қайырымдылық шараларын бүркемеленеді. Танымал адамдар көмек қаражатын жинау үшін алымдар ашады, түрлі акцияларға қатысады, қажетті ақша сомасын жинау мақсатында тікелей эфирлерге шығады. Қаскүнемдер бөтен адамдардың суреттерін пайдаланады, олардың атынан қаражат жинауды жариялайды, жұмыс істеп тұрған қорларды айналып өту үшін жаңа қорлар ойлап табады. Алайда, тәуекелге бел буғандар неғұрлым сенімді болып көріну үшін жұмыс істеп тұрған қорлардың атын атаудан қорықпайды.Ұтыс ойындары, байқаулар, пікіртерімдер – аңғал пайдаланушыларға арналған қақпан&nbsp;&nbsp;Алаяқтар балаларға дауыс беру өтініштерді, жүлделердің ұтыс ойынын қамтитын сілтемелер не ақшалай сыйақы берілетін пікіртерім жібереді. Пайдаланушы сілтеме бойынша кірген уақытта қаскүнемдер азаматтардың WhatsАpp және Telegram желілеріндегі аккаунттарына қатар (қосымша) қол жеткізеді. Әрі қарай қаскүнемдер азаматтардың аккаунттарынан дереу қарызға ақша беру (әртүрлі сылтаумен), оны карта нөміріне аудару туралы өтінішпен таныс адамдарға мәтіндік хабарлар жібереді. Алаяқтар осындай хабар алатындарды жаңылыстырады және көбісі мұндай өтінішке сеніп қалады.Алаяқтарға қарсы тұру жөніндегі оңтайлы кеңестер:&nbsp;<ul><li style="text-align:justify;">Қарапайым болып көрінгенімен ең маңызды бірінші қағида – олардың сізген берген уәделеріне қарамастан жеке деректеріңіз бен ақшаңызды бөтен адамдарға бермеңіз.</li><li style="text-align:justify;">Алаяқтық туралы жаңалықты ескерусіз қалдырмаңыз: көбірек білген сайын алаяқтардың құрығына іліну қаупі аз болады. Fingramota.kz сайтын жиірек оқыңыз, ондағы «Абайлаңыз: алаяқтар» бөлімінде ақшамен байланысты барлық алаяқтық схемалар жан-жақты сипатталады.</li><li style="text-align:justify;">Су тасқынынан зардап шеккен азаматтарға өтемақыны жергілікті атқарушы органдардың беретінін естен шығармаңыз. Әкімдіктіктер қоңырау соғып, төлемдер туралы ақпаратты нақтылап біліңіз.</li><li style="text-align:justify;">Әдетте балаларға дауыс беру, ұтыстар ойнату, викториналардың атын жамылатын тағы басқа да күмәнді сілтемелер бойынша өтпеңіз. Ол жерге ешқашан жеке деректеріңізді енгізбеңіз.</li><li style="text-align:justify;">Өзіңіздің WhatsApp-аккаунтыңызға байланыстырылған құрылғыны тексеріп отыруды әдетке айналдырыңыз. Егер бейтаныс құрылғыны көрсеңіз оны бірден ажыратып тастаңыз. Бұл үшін мына алгоритмді орындау қажет: WhatsApp-тың жоғарғы оң бұрышындағы үш нүктені басыңыз, одан әрі «Байланыстырылған құрылғыларды» басыңыз. Сізге тиесілі емес байланыстырылған құрылғыны көрсеңіз, оны баса отырып, «Шығу» деген жазуды басыңыз.</li><li style="text-align:justify;">Қарыз ақша сұраған таныстарыңыздан ақпаратты қайта тексеріп отырыңыз. Нөмірлерін өз қолыңызбен теріп, оларға қайта қоңырау соғыңыз.</li><li style="text-align:justify;">Қандай да бір құжатты ресімдеу туралы шешімге келіп, оны мемлекеттік органдардың ресми аккаунттарынан алу тетігін мұқият зерделеңіз – сол кезде алаяқтар сізді шатастыра алмайды.</li><li style="text-align:justify;">Әлеуметтік желілерден баланы емдеуге қаражат жинау туралы хабарламаны көрген жағдайда, ілеспе құжаттарын мұқият зерделеңіз. Егер нақты қор көрсетілетін болса, оның сайтына кіріп, олардың базасында баланың расымен бар немесе жоқ екендігін тексеріңіз. Сондай-ақ балалардың суреттерін интернеттің іздеу жүйелері арқылы тексеріңіз, алаяқтар суретті ұрлап алуы ықтимал.</li><li style="text-align:justify;">Қайырымдылыққа жеке нөмір бойынша ақша жөнелтпеуге тырысыңыз – деректемелерін сұрап, оларды тексеріңіз. Балалардың ата-анасы немесе жануарларға арналған панажай иелері ақшаны неғұрлым жылдам жинау үшін расымен өз нөмірлерін қоса берулері ықтимал, алайда мұндай жағдайдың өзінде ақпаратты қайта тексеріп отыруыңызды сұраймыз. &nbsp;</li></ul>Өзіңізге және ақшаңызға абай болыңыз, Fingramota.kz-пен бірге жаңа алаяқтық схемалары туралы хабардар болыңыз!&nbsp;&nbsp;

 Қазақстанда алаяқтық схемалардың қандай жаңа түрлері таралуда?

<a href="https://kyzylorda-news.kz/">Kyzylorda-news.kz.</a> «Таза Қазақстан» республикалық экологиялық акциясының «Киелі мекен» апталығы аясында облыстық филармония ұжымы қалалық мәдени демалыс паркіндегі «Сыр бойының батырлары» ескерткіші және Смағұл Ысқақов атындағы құрылыс және бизнес колледжі маңына тазалау жұмыстарын жүргізді. &nbsp;Науқан барысы филармония таланттарының концерттік бағдарламасына ұласты.Гүлденген Қазақстан, түрленген Қызылорда баршамызға ортақ. Мәдениет және өнер майталмандары еліміздің, киелі мекеніміздің тазалығына үлес қосуға әркез дайын!<img src="https://knadmin.beoblood.kz/uploads/Whats_App_Image_2024_04_17_at_18_58_22_2_21ea78853e.jpeg" alt="WhatsApp Image 2024-04-17 at 18.58.22-2.jpeg"><img src="https://knadmin.beoblood.kz/uploads/Whats_App_Image_2024_04_17_at_18_58_22_734697ab39.jpeg" alt="WhatsApp Image 2024-04-17 at 18.58.22.jpeg"><img src="https://knadmin.beoblood.kz/uploads/Whats_App_Image_2024_04_17_at_18_58_21_2_f079023c67.jpeg" alt="WhatsApp Image 2024-04-17 at 18.58.21-2.jpeg"><img src="https://knadmin.beoblood.kz/uploads/Whats_App_Image_2024_04_17_at_18_58_21_78dc218243.jpeg" alt="WhatsApp Image 2024-04-17 at 18.58.21.jpeg">

Облыстық филармония ұжымы «Таза Қазақстан» акциясына үлес қосты

&nbsp;<a href="https://kyzylorda-news.kz/">Kyzylorda-news.kz.</a>&nbsp; Дүниенің төрт бұрышы мен ғарыштық кеңістікті ұштастырып жатқан, барша түркі әлемінің абызы атанған Қорқыт баба мәңгілік қоныс тепкен, жүз шайыр мекені болған қасиетті Қармақшы ауданы жылдан-жылға дамып келеді. Аудан халқының әл-ауқатын арттыру мен аудан эконономикасын нығайту бағытында біршама жұмыстар атқарылып, нәтижесінде аудан экономикасының көптеген саласында макроэкономикалық көрсеткіштердің өсуіне қол жеткізуде.&nbsp;Құрылыс саласының дамуы, елдің экономикалық, әлеуметтік жағдайының арта түсуіне тікелей әсер етеді. Соңғы жылдары ауданда құрылыс саласы қарқынды дамып келеді. Жүргізіліп жатқан жұмыстардың нәтижесінде халықтың өмір сүру сапасын арттыруды қамтамасыз ету, әлеуметтік нысандарды салу, ауыз су және газбен қамтамасыз ету, электр энергиясын беру, желілерді қайта жаңғырту мәселелерін шешімін табуда. Сонымен қатар бірқатар жобалар жүзеге асырылып жатыр. Сондай жобалардың ішінде құны 3,7 млрд теңге болатын Байқоңыр қаласындағы көпқабатты 50 пәтерлі 5 тұрғын үй құрылысы және аумағын абаттандыру, инженерлік жүйелер құрылысы жүргізілуде. Өткен жылы халықтың әлеуметтік осал топтарына тұрғын үй қорынан үй сатып алуға Ұлттық қордан 538,5 млн теңге бөлінген еді. Тиісті қаржыға 51 тұрғын үй сатып алынып, аймақ басшысының қатысуымен пайдалануға берілген болатын.&nbsp;Мұнан бөлек елді мекен тұрғындарын сапалы ауыз сумен қамтамасыз ету мақсатында Көмекбаев, Қармақшы, Алдашбай ахун ауылдарында құны 697 млн теңге болатын су қабылдайтын құрылғыны қайта құру жобасы іске асырылды.Биылғы жылы Жосалы кентінде жаңадан ашылған «Тәуелсіздік» ықшам ауданының үйлеріне газ желілерін жеткізу құрылысы жүргізіледі. Аудан бойынша тұрғындарды газбен қамту көрсеткішін арттыру мақсатында жалпы құны 7 млрд 172 млн теңгені құрайтын Дүр Оңғар ауылына газ желісі құрылысы осы жылы басталады.Электр желілерді қайта жаңғырту бүгінгі күні өзекті мәселелердің бірі, себебі аудан бойынша электр желілерінің 80 пайызының тозығы жеткен. Осы мәселені кезең кезеңімен шешу мақсатында 2020 жылы Жосалы, Төретам кенттері мен Ақай елді мекеніндегі электр станциялары қайта жаңғыртудан өткізілді.Электр желілерін жаңғырту үшін демеушілер есебінен жоба-сметалық құжаттары әзірленген болатын. Ағымдағы жылы Көмекбаев, Ақтөбе, Иркөл елді мекендеріне республикалық бюджеттен 631 млн теңге қаржы бөлінді. Құрылыс жұмыстары жақын арада басталатын болады.Сонымен қатар, қазіргі таңда 6 елді мекеннің электр желілерін қайта жаңғырту бойынша жоба сметалық құжаттар әзірленуде, оның ішінде аудандық бюджет есебінен 4 және демеушілік қаражат есебінен 2 жоба әзірленді.Ауданда халықтың спорттық инфрақұрылыммен қамтамасыз ету көрсеткішін арттыру мақсатында «Ауыл – Ел бесігі» бағдарламасы аясында салынған Жосалы кентіндегі дене шынықтыру кешені пайдалануға берілсе, Ақай, Дүр Оңғар және ІІІ Интернационал ауылдарында дене шынықтыру кешендерінің құрылыс жұмыстары жүргізілуде.Аудандық бюджет қаражаты есебінен 2023 жылы Иіркөл, Жосалы, Ақай, Ақжар ауылдық округтерінде балалар және спорттық ойын алаңдары орнатылып, Тұрмағамбет, Алдашбай ахун ауылындағы спорт алаңдарына ағымдағы жөндеу жұмыстары жүргізілді және Ақтөбе ауылында балалар ойын алаңы толығымен абаттандырылды.Жосалы кентіндегі дене шынықтыру кешенінің бу қазандығы табиғи газге ауыстырылды.Биылғы жылы аймақ басшысының бастамасымен музей, кітапхана, мұрағат, неке қию залы, ардагерлер үйі мен жастар орталығы, азаматтық қоғам өкілдері мен тарихи, мәдени, рухани ұйымдарды біріктіретін типтік үлгідегі жалпы құны 1 млрд 635 млн теңгені құрайтын «Руханият орталығының» құрылысы жүргізіледі.Инфрақұрылымды дамытуға, жол жөндеу, көше жарығы, аяқ сумен қамту бойынша да қарқынды жұмыстар атқарылды.Жалпы құны 1 млрд 445 млн теңге «Самара-Шымкент-Ақжар-Көмекбаев» аудандық маңыздағы автомобиль жолдарының облыстық бюджет қаражаты есебінен 27 шақырымына орташа жөндеу жұмыстары басталып, 2023 жылға жоспарлаған 11 шақырымының жөндеу жұмыстары аяқталды. Биыл қалған 16 шақырымға жөндеу жұмыстары жалғасын табатын болады.Сонымен қатар өткен жылы республикалық және облыстық бюджет есебінен аудандық маңызы бар «Қызылтам елді мекеніне кіре беріс» автомобиль жолын реконструкциялау жұмыстары басталып, 4,6 шақырым автомобиль жолына асфальт төселді.Сондай-ақ осы жылы ұзындығы 6,5 шақырым болатын құны 448 млн теңгеге аудандық маңыздағы «Марал ишан кесенесіне кіре беріс» автомобиль жолы салынатын болады.2023 жылы облыстық бюджет қаражаты есебінен Қуаңдария ауылында 2 көшеге орташа жөндеу жұмыстары жүргізілді.«Ауыл – Ел бесігі» бағдарламасы аясында 5 елді мекеннің 21 көшесі орташа жөндеуден өтті. Атап айтқанда, Жосалы кентінде 15 көше, Ақай ауылында 3 көше, Ақтөбе, Ақжар және ІІІ Интернационал ауылдарында 1 көшеден жөнделді.Ал 2024 жылы осы бағдарлама аясында аудан бойынша жалпы 9 көшеге жөндеу жұмыстары жүргізілетін болады, оның ішінде Ақжар ауылында бір көшенің құрылысы жүргізілсе, Тұрмағамбет ауылының бір көшесіне күрделі жөндеу, Жосалы кентінің бір көшесіне, Төретам кентінің екі көшесіне, Тұрмағамбет ауылының 4 көшесіне орташа жөндеу жұмыстары жүргізіледі.Ауданның көшелерін жарықтандыру мақсатында 2023 жылы «Ауыл — Ел бесігі» бағдарламасы аясында Жосалы кентінің 19 көшесін және Дүр Оңғар ауылының 5 көшесін жарықтандыру жұмыстары аяқталды.Сонымен қатар, аудандық бюджет қаражаты есебіне Жосалы кентінің 3 көшесіне жарықтандыру жұмыстары жүргізілді. Елді мекендерді аяқ сумен қамтамасыз ету мақсатында облыстық бюджет есебінен (202 млн теңге) 11 су ұңғымасы орнатылып, жұмыстары толық аяқталды.Атап айтқанда, Жосалы кентінде 4, Төретам кентінде 2, Ақтөбе, Ақай, Қармақшы, Иіркөл, Жосалы ауылдарында бір-бірден. Сонымен қатар өткен жылы аудан бюджеті есебінен аудан орталығы Жосалы кентінде бірқатар абаттандыру жұмыстары жүргізілді.Атап айтқанда, Амангелді, Тәуекелов көшелері, «Шығыс» каналының жағасы, жағажай абаттандырылды, Көшербаев көшесіне жаяу жүргіншілер жолы орналастырылып, орталық алаңға металл аркалар орналастыру жұмыстары жасалды.Бұл жұмыстар 2024 жылы да жалғасын тауып, Жосалы кентінде 2 балалар ойын және футбол алаңдары орналастырылады, ауданның 5 елді мекенінің төлқұжаттары жаңартылады.Тағы бір Жосалы кентінің тұрғындары үшін өзекті мәселе, темір жол өткелі құрылысының жоба-сметалық құжаттамасын әзірлеу бойынша тиісті жұмыстар басталып кетті. Жоба құны айқындалған уақытта республикалық бюджеттен құрылыс жұмыстарына қаржы қарастыру мақсатында бюджеттік бағдарлама әкімшілеріне өтінімдер жолданатын болады.Денсаулық сақтау саласында да өткен жылы бірқатар жүйелі жұмыстар атқарылды. Атап айтқанда, тұрғындарды қолжетімді медициналық көмекпен қамтамасыз ету мақсатында аудандық орталық ауруханада компьютерлік томография кабинеті ашылды. Осы уақытқа дейін аудан тұрғындары томография қызметін алу үшін облыс орталығына баратын болса, бүгінде аудандық ауруханада қызмет көрсетілуде. Тұрмағамбет, Ақжар, Дүр Оңғар ауылдарында дәрігерлік амбулаториялар жаңадан салынып, аймақ басшысының қатысуымен пайдалануға берілді. «Ауыл – Ел бесігі» бағдарламасы аясында орталық аурухана ғимаратына күрделі жөндеу жүргізілді. Қармақшы аудандық ауруханасының «Шипагер» емханасы үшін блоктық модульдік қазандық салынды.Қазіргі таңда, Қуаңдария және Қармақшы ауылдарында фельдшерлік-акушерлік бекеттерінің құрылысына министрліктермен бірлесіп, республикалық бюджеттен қаржы қарастыру бойынша жұмыстар жүргізілуде.Биыл Қармақшыда аймақ басшысының бастамасымен музей, кітапхана, мұрағат, неке қию залы, ардагерлер үйі мен жастар орталығының іргетасы қаланбақ. Сондай-ақ, азаматтық қоғам өкілдері мен тарихи, мәдени, рухани ұйымдарды біріктіретін типтік үлгідегі «Руханият орталығының» құрылысы жүргізіледі.&nbsp;<blockquote>– Соңғы жылдары ауданымызда құрылыс қарқынды жүруде. Биыл да аудандағы халықтың өмір сүру сапасын арттыру мақсатында әлеуметтік нысандар салынып, сапалы ауыз су және газбен қамту жұмыстары жүргізіледі. Одан бөлек, электр желілері қайта жаңғыртылмақ. Сондай-ақ, Байқоңыр қаласында көпқабатты 50 пәтерлі 5 тұрғын үйдің құрылысы жүргізіліп, абаттандыру және инженерлік жүйелер орнатылады. Ал Жосалы кентінде жаңадан ашылған "Тәуелсіздік" ықшам ауданының үйлеріне газ желілері жүргізіледі. Бұған қоса, осы жылы Дүр Оңғар ауылына да газ желісінің құрылысы басталады. Ауданымызда электр желілерді қайта жаңғырту мәселесі де күн тәртібінен түскен емес. Осыған сәйкес, биыл Көмекбаев, Ақтөбе, Иркөл елді мекендеріне республикалық бюджеттен тиісті қаржы бөлініп, ондағы электр желілері қайта жаңғыртылатын болады. Ал 6 елді мекеннің электр желілерін жаңарту бойынша жоба-сметалық құжаттар әзірленуде, – дейді аудан басшысы.</blockquote>Қармақшы ауданында биыл аудандық маңызы бар ұзындығы 6,5 шақырым болатын «Марал Ишан кесенесіне кіре беріс» автомобиль жолы салынатын болады. Қазіргі таңда құрылыс жұмыстарын жүргізу бойынша қажетті шаралар қабылдануда. Ал «Ауыл – Ел бесігі» бағдарламасы аясында 9 көшеге жөндеу жұмыстары жүргізілетін болады.<blockquote>– Былтыр «Самара-Шымкент-Ақжар-Көмекбаев» аудандық маңыздағы автомобиль жолдарының 27 шақырымына орташа жөндеу басталып, 2023 жылға жоспарлаған 11 шақырымын жөндеу жұмыстары аяқталды. Биыл қалған 16 шақырымға жөндеу жұмыстары жалғасын табатын болады. Сонымен қатар, былтыр республикалық және облыстық бюджет есебінен аудандық маңыздағы «Қызылтам елді мекенінің кіре беріс» автомобиль жолын реконструкциялау жұмыстары басталып, 4,6 шақырым автомобиль жолына асфальт төселді. Ал «Ауыл-Ел бесігі» бағдарламасы аясында 5 елді мекеннің 21 көшесі орташа жөндеуден өтті, – дейді аудан әкімі Жандос Еркінбекұлы. &nbsp;</blockquote>

Қармақшыда құрылыс жұмыстары қарқынды жүруде

<a href="https://kyzylorda-news.kz/">Kyzylorda-news.kz.</a> Жаңақорған аудан орталығынан балаларға арнап жаңа ойын алаңы салынып, пайдалануға берілді. Заманауи үлгіде сапалы материалдардан жасалған ойын алаңында балалар неше түрлі әткеншектерде тербеліп, таза ауамен демалу кезінде отыратын орындықтармен &nbsp;«әткеншек», «айналмақ», «сырғанақ», «үйшікке», кезек кезек мініп, мәз - мейрам болған балалардың қуанышында шек жоқ.Айта кетейік, балаларға қуаныш сыйлаған бұл ерекше ойын алаңы "Жаңарған Жаңақорған Жастары" қоғамдық қорының демеушілігімен Ыбырай Алтынсарин халқы асыға күткен мөлтек ауданынан ашылды. Ата - ана үшін баласының қуанышты жүзін көруден, олардың шаттанған әрбір сәтіне куә болудан асқан қандай бақыт бар?!Ы.Алтынсарин мөлтек ауданында тұратын тұрғындар ойын алаңын салған азаматтарға алғыстарын білдіріп жатты.&nbsp;<blockquote>«Өзіміз ынтымақ танытып, бірлесіп ортақ игілікке атсалыса берсек, бірер жылда біздің көшеміз аудандағы ең көрікті ортаға айналатынына сенімдеміз», - дейді тұрғындар.</blockquote>Иә, жаз балалардың асыр салып ойнайтын мезгілі. Ал бала ойын арқылы дүниені таниды, ойлау қабілеті артып, көзқарасы қалыптасады. Сондықтан жасөспірімдердің сапалы демалысына мән беру маңызды. Бала қиялына қанат бітіретін ойындар балаларға кішкентай кезінен қоғаммен араласуды үйретеді және татулыққа тәрбиелейді. Еңбексүйгіш болып қалыптасады. Бұл – ғалымдар мен психологтардың ортақ пікірі.Кемелді келешегіміздің кепілі саналатын балаға қамқорлықтың үлкені ойын алаңдарын қауіпсіз әрі сапалы ету. Біз бұл жағынан мақтана алмаймыз. Әзірге Стадионның маңында балалар ойын алаңы бар. Ал Саяжай, МАИ бекеті, Қорғантоғай, Алтыкрант секілді шеткі аумақтарға, тіпті Хорасан ата, Құрманғазы секілді ірі көшелерге ойын алаңын салу керек-ақ. Мұның жайын жауапты мекеме мамандарынан білдік.<blockquote>– Биылғы жоспарда балалар ойын алаңын қалыптастыру кент әкімдігі есебінен қаралған жоқ. Бірақ стритбол алаңын салу жоспарда бар. Кенттегі №163 мектеп жанынан стритбол алаңының құрылысы жүргізіледі. Оның жанына жаттығу құралдары орнатылады. Яғни кішігірім тренажер есебінде болады, – дейді кент әкімінің орынбасары Нұржан Сүлейменов.</blockquote>Одан кейін құрылыс бөлімінің есігін қақтық. Олардың жауабы: «Бізге тиісті тапсырма келген емес. Егер ондай алаңдардың қажеттілігі туындап, әкім тарапынан тапсырма берілсе біз жоба жасауға дайынбыз» дейді. Осы орайда кент тұрғындарына мұндай алаңдар қажет емес пе деген ойда қалдық. Егер керек болса, онда неге ата-аналар өтініш жазбайды? Ал спорт бөлімі басшылығы не дейді?<blockquote>– Стритбол алаңы кенттен бөлек Түгіскен ауылына да салынады. Биылғы жоспар осы. Жеткіншектер болмаса да, оқушылар спортпен айналысуына жағдай жасалады. Одан бөлек, кенттегі барлық жасыл алаңдар күрделі жөндеуден өтеді, – дейді аудандық денешынықтыру және спорт бөлімінің басшысы Махмут Рахымжанов.</blockquote>Осыған байланысты тұрғындар тілегін тыңдап көрдік.<blockquote>– Біз МАИ бекетінде тұрамыз. Жаз басталса болды немерелерімді алып орталыққа серуендетіп қайтатын едік. Парктегі ақылы балалар алаңы іске қосылмаған күнде стадион жақтағы ойын алаңына барамыз. Әрине күнде бара беруге мүмкіндік болмайды. Кейде уақыт тапшы, кейде көліктің ретін таппаймыз. Ал тұрмысы төмен отбасылардың балалары аптасына бір барғанға қуанады. Шыны керек ойын алаңы – әр адамның балалық шағының бір бөлшегі. Жадыраған жаз мезгілінде балалардың ойын алаңы сәбилердің күміс күлкісінен жайнап тұрғанға не жетсін?! Сондықтан көше-көше болмаса да әр аумаққа бір-бір ойын алаңын салып берсе деген тілегіміз бар! – деді Амантай қария.</blockquote>Мұндай пікірді Саяжай, Жаңауыл тұрғындары да қолдап отыр.Бір сәт көрші аудандарға да бет бұрып көрейік. Көбіне өзге өңірлерде жеке кәсіпкерлердің демеушілігімен ойын алаңы бой көтеруде. Жаңақорғандағы жалғыз алаң «Самұрық-Қазына» ұлттық әл-ауқат қоры» акционерлік қоғамы арқылы салынды. Мәселен, Шиелі кентінде балалар ойнайтын алаңдар жетерлік. Онға жуық алаңның негізгі мердігерлері дара кәсіпкерлер. Кенттегі ойын алаңдарын үлкен етіп салу міндет емес. Бастысы, балалар алаңсыз ойнаса болғаны…Баланың көзқарасы қалыптасып, дүниетанымын жетілдіруде ойын негізгі құрал. Бала атаулы ойынмен өсіп, ойын арқылы бір-бірімен араласады, көпшілік ортасындағы өмірге үйренеді. Ал олсыз үйге тығылған баланы телефонмен ғана тыныштандыруға мәжбүрлік туады.<blockquote>– Біз Саяжайда тұрамыз. Сөздің шыны керек, ауданның бір шеті ғой. Күн жылынса болды немерелерімді алып орталыққа серуендетіп қайтамыз. Әйтпесе, балалар мазасызданып, үйге сыймай кетеді. Парктегі ақылы балалар алаңы іске қосылмаған күнде стадион жақтағы ойын алаңына барамыз. Әрине күнде бара беруге мүмкіндік болмайды. Кейде уақыт тапшы, кейде көліктің ретін таппаймыз. Ал тұрмысы төмен отбасылардың балалары аптасына бір барғанға қуанады. Шыны керек, ойын алаңы – әр адамның балалық шағының бір бөлшегі. Жадыраған жаз мезгілінде балалардың ойын алаңы сәбилердің күміс күлкісінен жайнап тұрғанға не жетсін?! Сондықтан көше-көше болмаса да әр аумаққа бір-бір ойын алаңын салып берсе деген тілегіміз бар, – деді Әсия апа.</blockquote>Әлбетте, бұл қалың бұқараның ортақ пікірі деуге болады. Əсіресе, жаздыгүні үй көрмей ойнайтын балалар шаршағанын білмейді. Тіпті, қараңғылық түссе де, үйлеріне барғысы келмейді. Сол себепті де балалар ойнайтын алаңдардың көп болғаны – балаға жасалған қамқорлықтың бірегейі. Осы тұста аудандық экономика және бюджеттік жоспарлау бөлімі басшысының орынбасары Нұрбол Қосаевқа хабарластық.<blockquote>– Биыл бізде ойын алаңдарына арнайы қаржы бөлінбеген. Бірақ, спорт алаңдары яғни жаттығу орталықтарына &nbsp;бюджеттен 84 млн теңге бөлінді. Кент орталығы мен ауылдық округтерде қарастырылған, – дейді маман.</blockquote>Естіген адамға 84 млн аз қаржы емес. Ойша жүгіртіп шықсақ, ауданның біраз бөлігіне жеткілікті секілді. Сонымен, &nbsp;аудандық дене шынықтыру және спорт бөлімінің басшысы Махмут Рахымжановпен сөйлесіп, мән-жайды толығырақ білуге тырыстық.<blockquote>– Аудандық бюджеттен 14 ауылдық округке тренажер құрылғылары орнатылды. Атап айтсақ, Манап, Қыраш, Келінтөбе, Байкенже, Кейден, Машбек, Сунақ ата, Шалқия, Төменарық, Жайылма сынды ауылдық округтерге орнатып, қаржысын игеріп қойды. Кент орталығында 7 ойын алаңы болса, оның бесеуі жөндеуден өтті. Ал, Ынтымақ пен Алтынсарын аймағында орналасқан спорт алаңдарында жұмыстар жүргізіліп жатыр. Ескірген құрылғыларды жаңартып, тағы керек деп табылғандарын әкеліп орнатып, газондарын жаңартып және балалар ойын алаңқайларын қоса орналастырып жатыр, – дейді бөлім басшысы.</blockquote>Қош, жұмыстар жүргізіліп жатыр екен. Бірақ, бала қиялына қанат бітіретін ойындар балаларға кішкентай кезінен қоғаммен араласуды үйретеді және татулыққа тәрбиелейтінін ескерсек, қаншама балапандар дала кезіп жүр. Бұл біздің ғана емес, қарапайым халықтың пікірі. Әзірге санаулы ғана аймақта балалар ойын алаңы бар болса, өз алдына бір орталыққа айналып үлгерген Саяжай, МАИ бекеті, Қорғантоғай, Алтыкрант секілді шеткі аумақтарға қашан салынады? Бұл сұраққа кент әкімдігіне хабарласып, бас маман Қуаныш Нәрзілдаұлынан жауап алған едік.<blockquote>– Жаңақорған кентінде 7 ойын алаңы бар. Оның бесеуіне 2022 жылы күрделі жөндеу жүргізілген. 2023 жылы екі спорт алаңын күрделі жөндеуден өткізіп жатыр. Тағы екі спорт алаңы салынып жатыр. Бірақ, оны жастар ресурстық орталығы ұйымдастырып, өздері салып жатыр. Негізі, бюджеттен арнайы ойын алаңына қаржы қарастырылмаған. 2024 жылға 4 ойын алаңы салу жоспарланып жатыр. Көпшіліктің сұранысы бойынша, Саяжай, МАИ бекеті, Жаңа ауыл және Қорғантоғай маңы деп болжап отыр. Алайда, бұл нақты емес, алда қоғамдық кеңеспен ақылдасып шешілетін дүние. Нақты биылғы жоспарда балалар ойын алаңын қалыптастыруға қаржы қаралған жоқ, – дейді бас маман.</blockquote>Әлбетте, қуанышты жаңалықты естіген бойда Жастар ресурстық ортағының директоры Наурызбай Орынбасаровқа қоңырау шалдық.<blockquote>– Ауданымыздағы өзекті мәселенің бірі – балалар ойың алаңы ғой. Қай жерге барсаң да көшенің бойында балалар жүгіріп ойнап жүреді. Кейде қатты өтіп жатқан көліктерді көргенде, әжептәуір алаңдап қалатынымыз жасырын емес. Сол себепті де, «Ипподром» аймағынан белгілі меценат Несібелі Жүсіпованың демеушілігімен үлкен ойын алаңы салынды. Қазір ол жер сәбилердің шат күлкісіне толып, балалар асыр салып ойнап жатыр. Одан кейін Алтынсарин аймағынан да салынып жатыр. Қазір аяқталуға жақын қалды. Көп ұзамай ол жерде балалардың алаңсыз ойнайтын мекеніне айналады деп сенеміз, – дейді Наурызбай Ерікұлы.</blockquote>Игілікті істің қасынан табылған жанға Ипподром аумағының бүлдіршіндері дән риза. Осыған дейін ойнайтын орын таба алмай, үй-үйде отыратын балалар енді күндерін осы аумақта өткізіп жүр. Кішкентай балғындарға аталмыш алаңқайдың жазғы маусым қарсаңында қолданысқа берілгені де қуантып отыр.Сонымен қатар, «Қазатомөнеркәсіп» Ұлттық атом компаниясы» АҚ әлеуметтік жобасы бойынша салынған балалардың ойын алаңында 21 ойын және воркаут құрылғысы орнатылып, жұмсақ жабын төселген. Жобаның құны – 15 млн теңге.<blockquote>– Уақыт өткен сайын тұрғындардың талабы артып келеді. Әсіресе, балалар ойын алаңына сұраныс артты. Біз осы бағыттағы жұмысқа мән береміз. Атом компаниясы игілікті іске мұрындық болғаны үшін алғыс білдіремін, – деп құттықтаған аудан басшысы Жолдаудағы әлеуметтің әлеуетін арттыратын 7 бағыт пен 5 бастаманы талдап берді.</blockquote>Құжатта жүктелген міндеттерді іске асыруда атқарылатын жұмыстар жөнінде түсіндіріп, ауылдық округ әкіміне тиісті тапсырмалар берді. Сонымен қатар аудан әкімі соңғы бір жылда ауданда іске асырылған жобалар туралы баяндап, алдағы жоспарларымен бөлісті. Игілікті істің қасынан табылған жандарға кенттің бүлдіршіндері де дән риза. Бұдан былай өңірдің бұл бекетіндегі балалар да спорттық өз ойын алаңдарында асыр салып, құмарлары қанғанша ойнайтын болады.Фото: okg.kz

Қазақстан және Қызылорда облысының жаңалықтары