<a href="https://kyzylorda-news.kz/">Kyzylorda-news.kz</a> «Мен үшін ауылымның әр бұрышы қымбат. Туған жерімнің топырағынан қасиетті мекен жоқ. Өзбек ұлтының өкілі болсам да әр қазақ – менің жалғызым. Өмірге қайта келсем, тағы да осы Төменарықтың тұрғыны болуды қалар едім», – деп бастады әңгімесін бүгінгі кейіпкеріміз Отабек Рысбайұлы.Жанары жалындаған жастың өскен өлкеге деген махаббаты ерек. Ол Төменарық ауылында туып-өсіп, Ақтөбе қаласындағы Құдайберген Жұбанов атындағы өңірлік мемлекеттік университеттің «физика пәнінің мұғалімі» мамандығын үздік бітіріп, оқу ордасында қызметке қалу мүмкіндігі болса да, туған жерге қызмет жасауды өзіне міндет санап, ауылына қайта оралған. Өзінің алған білімін ауыл жастар бойына сіңіруді перзенттік мұратым деп түйіпті.<blockquote>– Елден жыраққа кетіп түсінгенім, қандай әсем қала болса да кіндік қаның тамған жеріңе жетпейді екен. Ауылдың аурасы бөлек. Барлығы бір-бірімен бауыр, ағайын болып кеткен. Ауылда өзіңді дамытуға, ізденуге, білгеніңді шәкірттерге үйретуге уақыт жетеді, мүмкіндік мол. Өзіңнің өскен жеріңе қызмет қылғаннан артық бақыт жоқ,- дейді жас ұстаз.</blockquote>Жоғарғы оқу орнын үздік бітіріп келісімен Төменарықтағы №53 А.Ро¬манов атындағы орта мектепке мұғалім болып орналасқан ол, өзінің еңбекқорлығы мен табандылығының арқасында мектеп директорының оқу ісі жөніндегі орынбасары қызметіне тағайындалып, бүгінде оқу ошағының дамуы жолында аянбай еңбек етіп, шәкірт тәрбиелеп жүр.<blockquote>– Мамандықтың жаманы жоқ. Бастысы өз ісіңізге деген сүйіспеншілік болу керек. Жүрегіңізбен қалаған жұмыстан ешқашан жалықпайсыз. Мен ұстаз болуды бала күннен армандадым. Формуламен жұмыс жасаған ұнағандықтан физика пәнін таңдадым. Қазір бала арманым ақиқатқа айналып, оқушыларға бар күшімді салып білім беріп жүрмін. Басты мақсат – өзім оқытқан оқушыны белгілі бір жетістікке жеткізу. Қазір оқушалардың қызығушылығын бір кітаппен немесе құр сөзбен оята алмайсың. Міндетті түрде қосалқы құралдар мен лабораториялық эксперименттер жасату керек. Сонымен қоса, әр баланы сөйлете білген абзал. Егер бала ұстаздың алдында өзін еркін ұстаса одан нәтиже шығаруға болады. Ал, бала өзін ашып көрсетпесе, сізбен еркін қарым-қатынаста болмаса ол оқушыдан нәтиже шығуы екіталай, - дейді ол.</blockquote>Өзі жас болса да шәкірт тәрбиелеп, олардың болашағына алаңдайтын ұстаздың да жеткен жетістіктері аз емес. Өзі сабақ берген оқушылардың алдыңғы буыны мектеп бітіріп, жоғарғы оқу орындарының грант иегерлері атанған. Мәселен, Тамерлан Абдуллади физика пәнін жақсы меңгеріп, Алматы қаласындағы жоғарғы оқу орнының грантын жеңіп алса, Оңғарбек Әбутәліп Астана қаласында, Мұстафа Жұмағали Алматыда энергетика саласының грант иегерлері.<blockquote>– Елімізде әрқашан бірлік болсын. Мемлекетіміздің көк байрағы ешқашан төмен түспесін, көк аспанда қалықтай берсін. Мен бауырмалдық пен кішіпейілділікті, қонақжайлықты қазақ халқынан үйрендім. Осы жерде өсіп-өнгеніме разымын. Ұлтым өзбек болғанымен жүрегім қазақ, жаным қазақ. Барша қазақстандықтарды 1-мамыр бірлік күнімен құттықтаймын, – дейді Отабек Каюмджан.</blockquote>«Бұл жігіттерді бала күнінен білемін. Мен осы ауылда он жыл учаскелік инспектор болдым, Сол кездері әсіресе жасөспірімдерді қадағалауыма алып жүремін ғой. Екеуі үнемі ересектерше тентек пен теліні тыйып, ақылдарын ай-тып, араздасқанды татуластырып жүруге тырысатын тәртіптілімен ерекшеленетін» дейді ол.Енді міне, екеуі де орта мектептен соң Ақтөбе қаласындағы Құдайберген Жұбаноа атындағы өңірлік мемлекеттік университетке бірге оқуға түсім, мамандық алып, туған жерлеріне оралып, өздері оқыған алтын ұы мектептеріне келіп ұстаздық етуде.<blockquote>– Біздің атамыз бұл өңірге алғаш станция бастығы болып келген екен, – дейді Отабек Каюмжан бізбен әңгімесінде. Әкем Рысбай да сол кісінің жолымен теміржолшы. Ал анам үй шаруасында. Отбасында 4 баламыз. Ағам Қостанай облысы Жетіқара ауданында дәрігер. Екі қарындасым бар. Мектепте физика пәнінен сабақ беріп келемін» дейді. Ал екінші ұстаз жігітіміз – Александр Викторович Ногай мектепте биология пәнінен сабақ беріп келеді. Кәріс жігіттің қазақшасы бізді жаңылдыратындай. Тілді қалай жетік үйрендің? деген сауалымызға: «Біз қазақ балаларымен бірге ойнап, бірге шомылып, балық аулап, бірге жарапазан айтып өскен жоқпыз ба» деп жауап берді ол күліп. Дұрыс айтады. Мұндағы өзге ұлт өкілдерінің дәстүр-салтының жергілікті ағайынмен кірігіп кеткені сондай, ас-ауқатын да ажырату қиын. Ет асып, бауырсақ пісірмесе жегендері бойына сіңбейтіндей.</blockquote>Бір-бірінің ұлттық үрдістеріне де құрметпен қарайды. Бәрінен де бұрын татулықтары темірдей мықты.Бізді сүйсіндіргені осы.Иә, бүгінгі кейіпкеріміздің жас та болса, бас болып бала тәрбиелеуге қосқан үлесі бір төбе. Ал, туған жер¬ге деген адалдығы мен сүйіспеншілігі қатарластарына үлгі болары сөзсіз.&nbsp;

Отабек Рысбайұлы: Елімізде әрқашан бірлік болсын!

<a href="https://kyzylorda-news.kz/">Kyzylorda-news.kz</a> &nbsp;Сырдария аудандық мекемелер үйінің мәжіліс залында аудандық қоғамдық кеңестің кезекті отырысы өткізілді. Жиынға Қоғамдық кеңес төрағасы М.Еспенбетов, кеңес мүшелері және күн тәртібіндегі мәселелер бойынша шақырылғандар қатысты.Бірінші мәселе аудандық мәслихаттың алдағы сессиясына ұсынылатын аудандық бюджет туралы болып, аудандық экономика және қаржы бөлімінің басшысы Е.Ахетов баяндама жасады. Мұнан кейін «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» Сырдария аудандық мәслихатының 2023 жылғы 4 қыркүйектегі № 54 шешіміне өзгерістер енгізу туралы аудандық жұмыспен қамту және әлеуметтік бағдарламалар бөлімінің басшысы М.Қаратаевтың баяндамасы тыңдалды. Шешім жобалары бірауыздан мақұлданды.Келесі мәселелер бойынша аудан әкімінің орынбасарлары Т.Нұртазаев пен Д.Байдушев, сондай-ақ аудандық құрылыс, сәулет және қала құрылысы бөлімінің бас маманы С.Аймаханов өз салалары бойынша Қоғамдық кеңес мүшелеріне есеп берді. Т.Нұртазаев макроэкономикалық көрсеткіштер, инвестиция тарту, кәсіпкерлікті дамыту, сондай-ақ ауылшаруашылығын өркендету бағытындағы жұмыстарды айтты. Ал Д.Байдушев әлеуметтік сала жұмысының басым бағытына, білім, денсаулық, мәдениет пен спорт салаларында атқарылған жұмыстар мен алдағы жоспарларға тоқталды. Өз кезегінде С.Аймаханов ауданда жүргізіліп жатқан құрылыс жұмыстары жөнінде есеп берді.Қоғамдық кеңес мүшелері инвестиция көлемін арттыру, ауыспалы егісті жүйелі жоспарлау, жайылым мәселесін шешу, мәдениет мекемелерін сапалы аппаратурамен қамтамасыз ету, мектепке дейінгі білім беру ұйымдарының санитарлық талап нормаларына сай жұмыс істеуін бақылау, мемлекеттік сатып алу жұмыстарына мониторинг жасау, құрылыс жұмыстарының сапалы жүргізілуін назарда ұстау, аутизм дертіне шалдыққан балаларға арналған орталық ашуды пысықтау жөнінде ұсыныстар айтты. Айтылған ұсыныстарға аудан әкімінің орынбасарлары мен мекеме басшылары жауап беріп, назарға алатынын жеткізді.

Қоғамдық кеңесте аудан әкімінің орынбасарлары есеп берді

<a href="https://kyzylorda-news.kz/">Kyzylorda-news.kz</a> Шіркейлі ауылдық мәдениет үйінде Социалистік Еңбек Ері, «Шіркейлі» шаруашылығының атақты күрішшісі, Социалистік Еңбек Ері, Балдырған Мұстапаева­ның туғанына 85 жыл толуына орай «Еңбекпен даңқы өрлеген» тақырыбында облыстық жазба ақындар мүшәйрасы өткізілген еді.Облыстық маржан сөз иелерінің бәсекесіне халықаралық «Алаш» әдеби сыйлығының иегері, Қазақстан Жазушылар одағының Қызылорда облысы бойынша өкілдігінің өкілі Қаршыға Есімсейітова, ақын, «Құрмет» орденінің иегері Мамыр Бәйдәулетов, «Еңбек даңқы» орденінің иегері, «Сырдария ауданының Құрметті азаматы» Бексұлу Синаева, Шіркейлі ауылының әкімі Талғат Құламқадіров, кеш қонақтары мен аудан тұрғындары қатысқан болатын. Облыс көлеміндегі Қызылорда қаласы мен бірнеше ауданнан 9 ақын бақ сынаған мүшәйраны аудан әкімінің орынбасары Талғат Нұртазаев ашып, даңғайыр диқанның өмір жолына тоқталған еді.<blockquote>– Адал еңбегімен елге танылған Балдырған Мұстапаеваның есімі мәңгілік жаңғыра бермек. Өткен ғасырдың белесінде ауыл шаруашы­лығы саласында қажыр-қайратын көрсете білген аяулы ана ер азаматқа тән болмысымен даралана білді. Ризық-несібесін жерден терген, қамбасы астыққа толған жанның өмір жолы қиындыққа толы болды. Жастайынан ерінен айырылып, перзенттерін өсіріп жеткізді. Облыс халқына есімі белгілі ардақты жан қарапайымдылық қасиетімен көптің арасында ерекшелене білді. Оның өнегелі ісін жырға қосатын талапкер ақындарға сәттілік тілеймін, – деді аудан әкімінің орынбасары.</blockquote>«Ауызымен құс тістеген» ақындар негізгі екі кезең бойынша шеберлік байқасқан еді. Олардың қата­рында, қызылордалық Бексұлтан Санақұл мен Қуаныш Мырзабаева қазалылық Қанат Сырлыбай, қармақшылық Бекқанат Смайылұлы, жалағаштық Нұрхан Қарабалаев, аралдық Айда Мырзабекова, сырдариялық Бақтөре Айтбаев, Биболат Опабеков, Ақәділ Талапбеков бар. Бірінші кезеңде ақындар Балдырған Мұстапаеваның өмір жолы мен еңбегін жырға қосса, екінші кезеңде ана тақырыбында өлең оқыған еді. Қазылар алқасының шешімімен ақындар табан астында «Сахна» тақырыбында өлең шумақтарын құрады. Өз кезегінде әділ қазылар алқасының төрайымы Қаршыға Есімсейітова мен ақын Мамыр Бәйдәулетов әрбір талапкердің өлең құраудағы мүмкіншілігін, қабілет-қарымын, деңгейін жан-жақты саралай білді.<blockquote>– Бүгін сахна төрінде жеңіс үшін ұмтылған кез келген ақынның поэзия­да алатын орны біршама қалыптасып келе жатқанын аңғардық. Әрине, өлең құрауда жан-жақты ізденіс, толғаныс, білім керек. Балдырған апамыздың жүріп өткен жолын жырға арқау еткен ақындар диқанның бел жазбай еңбек еткенін, талай мәрте жеңімпаз атанғанын, аналық образын аша білді. Жыр додасында қапелімде өлең құраған жастардың аяқ алысы бағамдалды. Соған байланысты лайықты бағасын алғаны мәлім, – деді қазылар алқасының төрайымы.</blockquote>Жазба ақындар мүшәйрасында еңбек ардагері Зылиха Сыздықова, Бексұлу Синаева, мәдениет саласының майталманы Нұржамал Жүзбаева, мемлекеттік қызмет саласының ардагері Мағрипа Жүсіпбекова сөз сөйлеп, әзиз ана туралы естелігімен бөлісті. Жыр додасының қорытындысы бойынша жүлделі ІІІ орынды сырдариялық Бақтөре Айтбаев пен аралдық Айда Мырзабекова иеленді. Ал ІІ орынды Шіркейлі ауылының жас өрені Биболат Опабеков еншілесе, І орын қазалылық Қанат Сырлыбайға берілді. Мүшәйраның бас жүлдесі қызылордалық Бексұлтан Санақұлға табысталды. Өз кезегінде жеңімпаз бен әрбір жүлдегерге, қатысушыға арнайы «Диплом», «Алғыс хат», қаржылай сыйлық табысталды. Ал даңғайыр диқанның ұрпақтары ұйымдастыру­шыларға шынайы алғысын білдіріп, ақындарға бағалы сыйлықтар үлестірген еді.

Сырдарияда облыстық жазба ақындар мүшәйрасы өткізілді 

&nbsp;Қазақстан халқының бірлігі күні мерекесіне орай және «Таза Қазақстан — таза аймақ» экологиялық акциясы аясында аудан орталығындағы «Парасат» алаңында тал егу жұмыстары жүргізілді.Ағаш отырғызу іс-шарасына аудан әкімі Берік Сәрменбаев, аудан ардагерлері, халық қалаулылары, тұрғындар мен жастар қатысты.Өз кезегінде аудандық мәслихати депутаты Ақтөре Ибрагимұлы іс-шараға қатысты пікір білдірді.<blockquote>– «Бір тал кессең, он тал ек». Бұл ата-бабаларымыздың бізге өсиет еткен даналық сөзі. Бірақ бір тал кеспей-ақ он тал егуге де болады. Өйткені жасыл желектің көп болғаны қоғамның дамуы мен экологиялық мәселелердің орнықты шешілуіне оң әсер етеді. Бүгін біз аудан әкімі&nbsp;Берік Әбдіғаппарұлымен және аудандық мәслихат төрағасы&nbsp;Ержан Ертарғынұлымен бірге Тереңөзек кентіндегі «Парасат» алаңына барып, тал ектік. Тал егу жұмыстарына «AMANAT» партиясының Сырдария аудандық филиалының жанындағы «Жастар рухы» жастар қанатының белсенділері де қатысты. Жақында облыс әкімі&nbsp;Нұрлыбек Нәлібаев&nbsp;«Таза Қазақстан» республикалық акциясына байланысты Сыр жұртшылығына жолдаған Үндеуінде «Ұлы жол – алғашқы қадамнан басталады. Осы ретте, тазалық айлығы аясында облыс халқы туған жерді түлетуге атсалысады деп сенеміз» деген болатын. Аймақ басшысының бұл бастамасын қолдау мен туған жердің гүлденуіне атсалысу – баршамыздың ортақ міндетіміз, – деді Ақтөре Ибрагимұлы.</blockquote>Аудан басшысы игі іс-шараға жиналғандарды мерекемен құттықтап, барлық жұмыс ауызбірлікпен атқарылатынын жеткізді. Ауданның көркейіп, гүлденуіне барша тұрғын атсалысуы керектігін айтты. Ардагерлер де мерекелік лебіздерін білдіріп, жастармен бірлесе ағаш көшеттерін отырғызды.

Сырдарияда «Таза Қазақстан – таза аймақ» экологиялық акциясы жүзеге асты

<a href="https://kyzylorda-news.kz/">Kyzylorda-news.kz</a> Аудан әкімі Берік Сәрменбаев Тереңөзек кентінде жұмысын бастаған «Отбасын қолдау» орталығының жұмысымен танысты. Аудан басшысы орталық жұмысының маңызын айқындап өтті.– Мемлекет басшысы Қасым-Жомарт Кемелұлы Тоқаев отбасыларды, оның ішінде ана мен баланы әлеуметтік қолдау шарасына ерекше басымдық беріп, нақты тапсырмалар жүктеді. Осы ретте, Президент жуарда ғана ана мен бала құқығын қорғау жүйесін жетілдіру үшін тұрмыстық зорлық-зомбылыққа қатысты күшейтілген заңға қол қойды. Бүгінде біздің алдымызда отбасы институтын дамыту міндеті тұр. Ол үшін еңбекқорлық, білімпаздық, тілектестік сынды адал азаматқа тән қасиеттерді қоғамда жан-жақты дәріптеудің жаңа сапасын қалыптастыру керекпіз. Жанұяда отбасылық құндылықтар сақталуы тиіс. Осы бағытта Сыр өңірінде ауқымды жұмыстар атқарылып жатыр. Атап айтқанда, ел Президенті Қасым-Жомарт Кемелұлы Тоқаевтың тапсырмасымен, аймақ басшысы Нұрлыбек Машбекұлы Нәлібаевтың қолдауымен облыс орталығында «Отбасы», «Анаға тағзым» орталықтары ашылды. Жақында ғана аудан орталығында ұлттық құндылықтар дәріптелетін «Руханият» орталығының кірпіші қаланды. Міне, осындай игі істердің жалғасы ретінде бүгін «Отбасын қолдау» орталығы жұмысын бастады. Орталық жұмысының негізгі мақсаты – әлеуметтік жағынан осал отбасылардың өмір сүру сапасын жақсарту, олардың экономикалық дербестігіне және азаматтардың өмірлік қиын жағдайдан шығуына қолдау көрсету, – деді Берік Әбдіғаппарұлы.Орталық жұмысымен танысқан аудан ардагерлері қазіргі таңда осындай орталықтардың қоғамда қажеттілігі барын атап, аналар мен балаларға қолдау көрсетіліп жатқанына ризашылықтарын білдірді.Айта кетейік, «Отбасын қолдау» орталығында барлығы 7 қызметкер жұмыс істейді. Орталық қызмет алушыларына қолайлы жағдай жасау мақсатында арнайы құрал-жабдықтармен қамтамасыз етілген. Мұнда балалар ойын бөлмесі, психологиялық, медициналық көмек көрсететін мамандар кабинеттері бар. Сондай-ақ, жатын бөлмесіне өмірлік қиын жағдайға тап болған және зорлық-зомбылыққа ұшыраған адамдар уақытша орналастырылады. Орталықта медициналық, құқықтық, әлеуметтік, психологиялық кеңестер беріледі.

Аудан орталығында «Отбасын қолдау» орталығы жұмысын бастады

<a href="https://kyzylorda-news.kz/">Kyzylorda-news.kz</a> &nbsp;Негізінен, Қоғалыкөл ауылында ерекше мән-мағынасы зор кеш өткізілген болатын. Талай жыл шәкірт тәрбиелеп, халық баласын білім нәрімен сусындатқан бірнеше ұстазды зейнет демалысына шығарып салу кеші ауылдағы іргелі қарашаңырақ – №44 орта мектепте жүзеге асты. Бұл ретте, «Жандар олар мағыналы ғұмырын, мектебінде шежіре етіп қалдырған» тақырыбындағы сыр-сұхбат алаңының кейіпкерлері – «Ыбырай Алтынсарин» төсбелгісінің иегері Сламбек Қаюпов, ҚР оқу-ағарту министрлігінің Құрмет грамотасының иегері Гүлнар Әмзеева мен Рая Бегенова еді.Ақырын жүріп, анық басқан ұлағатты ұстаздарды зейнет демалысына шығарып салу кешіне аудандық білім бөлімінің сектор меңгерушісі Ләззат Мығымбаева, аудандық мәслихат депутаты Динара Ибадуллаева, Қоғалыкөл ауылының әкімі Бақытжан Рақымбеков, «Жамбыл – 2030» ЖШС төрағасы Болат Рүстемов, №44 орта мектеп директоры Ғалымбек Жаппаров, ардагер ұстаздар мен қонақтар қатысты. Негізінен, тағылымы мол кешті тізгіндеген №44 орта мектеп директорының бағдарлы оқыту жөніндегі орынбасары Айдос Оспанов ұлағатты ұстаздарға атақты «Менің атым Қожа» киносы желісінде дайындалған сауалдарды қойып, тұщымды жауап алғаны көпшілікке мәлім.– Киелі топырықта туып өскен менің балалық шағым, қызметтік жолым, азды-көпті атқарған ісім әлі күнге көз алдыма келіп отыр. Мектеп қабырғасында оқып жүрген кезімде достарыммен қызықты сәтке жиі ұшырасқан едік. Есейген шақта білім саласы бойынша мамандық алып, мәртебелі қызметтің жүгін көтеруге ұмтылған едім. Әрине, өзім оқыған мектепке ұстаз болып келген кезімде аға буын өкілдері буынымды қатайтып, барынша бағыт бағдар бергені рас. Білімдіге дүние жарық екенін терең сезініп, әр шәкіртіме сапалы білім беруге ұмтылған едім. Осыдан 19 жыл бұрын білім ошағының ұжымына жетекшілік ету міндеті жүктелгенін көпшілік жақсы біледі. Осынша уақытта өзіме дәріс берген ұстаздармен қатар табанды еңбек ете білген едік. Біздің мектебіміздің әрбір шәкірті әр жылдары биік тұғырдан көріне білді. Бұның барлығы – педагогикалық ұжымның қажырлы еңбегі деп білемін. Бірнеше мәрте халық қалаулысы ретінде жасаған жұмысына жергілікті халық өз бағасын беретініне сенемін, – деді Сламбек Шахапұлы.Шын мәнінде, білім мен біліктің арқасында көптеген жетістікке қол жет­кізген Гүлнар Әмзеева осыған дейінгі атқарған қызметіне, балалық шағындағы естелігіне тоқталды.– Менің балалық шағымның бас­тауы Ақмола облысында өткен болатын. Әкем Қадір – білім саласының майталманы ретінде Сыр еліне жақсы таныс. Кішкентай кезімде ойыншық сататын дүкеннің иесі болуды армандаған болатынмын. Әйтсе де, әкеміздің жол нұсқауымен білім саласына бет бұрғанымыз рас. Қызығы мен шыжығы қатар жүретін білім саласында еңбек еткеніме ризамын. Халық баласын оқытуда әркез тәжірибе базасын қалыптастырып отыру керек. Үнемі ізденіс үстінде жүретін ұстаздың кәсіби біліктілігі жоғары болғанда озық ойлы, дарынды шәкірт шығатынына сенімдімін. Осы кезге дейін оқытқан шәкірттерім өз мамандығы бойынша сан түрлі жетістікке қол жеткізіп келеді. Зейнет демалысына құрметтеп шығарып жатқан жандарға шынайы алғысымды айтамын, – деді Гүлнар Қадірқызы.Әріптесі секілді балаларға есеп-қисапты меңгертіп, ұстаздықтың қыр-сырына қаныққан Рая Бегенова да, өмірлік ұстанымы мен жұмыс барысындағы бірнеше қызықты сәтін айтып берді.– Ауыл балаларының білім алу жолында өзіндік үлесімді қоса білгеніме дән ризамын. Қыз күнімде тігінші болуды армандаған едім. Кейіннен, мұғалім ретінде мамандығыма қызығу­шылығым арта түсті. Заман көшіне ілескен халық баласына білім беруге деген ынта-жігерді шыңдап, кез келген қиындықтан мүдірмей шығуға тырыстым. Негізінен, бір жылдары оқушыларға экономика пәнінен са­бақ беріп, қаржыны дұрыс жоспарлау керектігі жөнінде бағыт-бағдар бер­генім әлі есімде. Алдағы уақытта ардагер ұстаз ретінде мектептен қол үз­бей­міз, – деді Рая Мырқықызы.Өмір. Еңбек. Бейнет. Зейнет. Атал­ған төрт тағанға құралған ғұмыр­намада кеш кейіпкерлерінің өмір жолы суреттелуде. Сарғайған сурет, жас кезінен педагогикалық құрам­ның қатарын толықтырған үш бірдей ұстаздың осыған дейін қол жеткізген мадақ пен марапаты жеткі­лікті. Өз кезегінде мектеп директоры Ғалымбек Жаппаров әріптестерін мерейтойымен құттықтап, сый-құрмет көрсетті.– Ұстаз есімі әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегіндегі қадір тұтып құрметтейтін екі дүние болса, соның бірі – ұстаз. Ұстаз деген сөз қазақ баласы үшін қасиетті де қадірлі болған. «Ұстаздан тәрбие алған» немесе «Ұстаз алдын көрген» деген сөздер құлаққа «Ана тәрбиесін алған» деген сөздермен ұштасып жатады. Еткен еңбетеріңіз бен төккен терлеріңіз аз емес. Ендігі сол еңбектің зейнетін көріп, ауырмай-сырқамай немере, шөберенің ортасында аяулы ата, әже деген атты иеленіп жүре беріңіздер! Құрметті демалыстарыңыз 100 жасқа дейін ұлассын. Зейнеткерлікке шыққан мерейтойларыңызбен шын жүректен құттықтап, өмір жас­тарыңыздың ұзақ­тығын, бақытта­рыңыз­дың баян­дылығын тілейміз, – деді мектеп директоры.Өз кезегінде аудандық білім бөлімінің сектор меңгерушісі Ләззат Мығымбаева, аудандық мәслихат депу­таты Динара Ибадуллаева, Қоғалы­көл ауылының әкімі Бақытжан Рақымбеков, «Жамбыл – 2030» ЖШС төрағасы Болат Рүстемов мерейтой иелерін құттықтады. Құрмет төрінен көрінген ұлағатты ұс­таз­дарға лайықты сый-сияпат ұсынды.– Мектеп – білім тірегі болса, ұстаз оның жүрегі саналады. Сырдария ауданының білім саласында өзіндік қолтаңбасын қалдырған ардақты жандар қашанда абырой биігінен көріне білгендігін аңғара алдық. Бүгінгі толассыз жасалған құрметтің барлығы сіздер үшін жақсы білеміз. Білімнің қайнар бұлағын сарқып, оқушы санасына дарытқан ұстаздың алатын орны – төр. Бірнеше жыл ауылдағы мектепті басқара білген Сламбек Шахапұлы мен қос ұстазымызға ұзақ ғұмыр тілеймін, – деді Ләззат Мығымбаева.Әрі сыр-сұхбат, әрі тағылымды кеш ретінде ұйымдастырылған іс-шара аясында мектептің педагогикалық құрамы ән шырқап, күй күмбірлетті. Ардақты ардагерлер Мұрат Іскен­діров, Ұлтай Берімбаева, Қамар Рүс­темов, Төлеуғайша Баймағұлова, Ғазиза Кәрімова, Алмас Күдебаев, Күлжахан Тоқтамысова аяулы жандарға ақжарма тілегін жеткізді. Сонымен қатар өзге өңірлерде тұратын ұстаздардың шәкірттері бейнебайланыс арқылы құттықтау лебіздерін жеткізді. Ал олардың ұрпақтары, ағайын-туыстары, бауырлары кеш ортасынан табылып, көптеген құнды сыйлық тарту етті. Олардың ішінде, Египет еліне жолдама, соңғы үлгідегі смартфон болды. Кеш кейіпкерлері іргелі ұжымға, ұйымдастырушыларға шынайы ризашылығын жеткізген болатын.

Ауыл мектебенің шамшырақтары атанған

<a href="https://kyzylorda-news.kz/">Kyzylorda-news.kz</a> &nbsp;Аудан әкімі Берік Сәрменбаевтың қатысуымен 1 мамыр – Қазақстан халқының бірлігі күні мерекесіне орай кездесу өтті. Кездесуде аудан басшысы татулық пен тұрақтылық ел егемендігінің темірқазығы екенін атап өтті.– Мемлекет басшысы Қасым-Жомарт Кемелұлы Тоқаев Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында барша халқымыздың стратегиялық бағдарының түпкі мәнін осы үш ұғым дәл әрі нақты білдіретінін, бірлік пен ынтымақ басты құндылығымыз және мемлекеттік саясаттың бұлжымас бағдары болып қала беретінін атап өтті. Елімізде ұлттардың тұтастығы мен халықтар достығының арқасында бүгінде экономикамыз өркендеп, ілгері басып келетінін жеткізді. «Дамудың сыры – бірлікте, табыстың сыры – тірлікте» демекші, ауданда бүгінде этнос өкілдері тату-тәтті өмір сүріп, егемендікті баянды, Тәуелсіздікті тұғырлы ету жолында еңбек етуде. Бірлік пен ынтымақтың мекеніне айналған ауданымыз жыл өткен сайын көркейіп, кемелденуде, экономикасы өрге басып келеді. Барлық маңызды бағыттар бойынша жоғарғы көрсеткіштерге қол жеткізілуде. Осы жетістіктердің бәрінде аудан тұрғындарының татулық пен бірлікке бағытталған қажырлы еңбегі мен ақ ниеті бар.Халқымыз әркез қиналғанда бір-біріне қолдау көрсетіп келеді. Елімізде орын алған су тасқынында жерлестеріміз бір жағадан бас, бір жеңнен қол шығарып, қайырымдылық көмектер көрсетуде. Бір ел, бір халық болып жұмылып, қиындықтарды еңсеруге атсалысты. Осындай игі іске аудан халқы, қайырымды жандар, шаруашылық құрылымдарының төрағалары мен меценаттар, ерікті жастар қолдау білдіріп, су алған өңірлерге азық-түлік, киім-кешек және басқа да қажетті заттармен көмек көрсетілді. Сонымен қатар, ауданнан су тасқынының алдын алуға арнайы техникалар жіберіліп, бүгінгі таңда зардап шеккен аймақтарда жұмыстар атқаруда. Сондықтан жомарттық танытып, қайрымдылық көрсеткен жандарға шынайы алғысымды білдіремін. Қиын кезеңдерде бір-бірімізге жанашырлық танытайық. Біздің күшіміз – бірлікте! – деді Берік Әбдіғаппарұлы.Мұнан соң аудан басшысы Ел Президенті Қасым-Жомарт Кемелұлы Тоқаевтың тапсырмасымен, облыс әкімі Нұрлыбек Машбекұлы Нәлібаевтың қолдауымен Сыр өңірінде ауқымды жобалар жүзеге асырылып жатқанын жеткізді.Өткен жылы аймағымызға арнайы жұмыс сапарымен келген Мемлекет басшысы көптің көкейіндегі «Батыс Еуропа – Батыс Қытай» халықаралық дәлізінің Қызылорда қаласынан Ақтөбе қаласына дейінгі аумағын төрт жолақтыға айналдыруға қатысты шешім қабылдаған болатын. Тарихи шешімге түрткі болған жоба биыл басталады. Сонымен қатар, 424 шақырым «Қызылорда-Жезқазған» автомобиль жолын қайта жаңғырту жұмыстары жүргізілуде. Республикалық маңызы бар жолдың біздің облысымыз арқылы өтетін 216 шақырымын жөндеу жұмыстарының жалпы құны 108,5 млрд теңгені құрайды. Одан бөлек, Қызылорда қаласын ыстық сумен қамту жобасы Үкіметтен қолдау тапты.Биыл облыс бюджеті еселеніп, 650 млрд. теңгеден асты. Бюджеттің басым бөлігі әлеуметтік салаға бағытталған. Мемлекет басшысының бастамасымен қолға алынған «Жайлы мектеп» ұлттық жобасы аясында облыста 12 300 орындық 21 мектеп салынуда. Өткен жылы 10 мектептің құрылысы басталса, биыл 11-нің құрылысы жүргізіледі. Бүгінде «Білімді қолдау қоры» есебінен 7 млрд. 900 млн теңгеге 300 орындық жатақханасы бар 400 орындық физика-математика мектеп-интернатының құрылысы қарқынды жүргізілуде. Облыс орталығында «ҚазГерМұнай» компаниясының демеушілігімен 350 орындық заманауи үлгідегі Оқушылар сарайы бой көтеруде. «Саутс Ойл» компаниясының демеушілігімен Сырдария өзенінің сол жағалауынан музыкалық колледждің жаңа ғимаратының құрылысы басталды.Биыл «Сыр елі – жыр елі» атанған қасиетті өңірде «Руханият жылы» жарияланды. Атаулы жылдың басталуында Қызылорда қаласында 1000 орындық «Өнер орталығы» ашылды. Қызылордада 650 орындық музыкалық колледж ғимаратының құрылысы жүруде. Өңірдегі барлық мәдениет үйі жанында «Адал адам» орталықтары жұмыс жасауда. Балалар мен жасөспірімдерді шығармашылыққа баулып, өнерін өрістететін «Шығармашылық академиясы» салынуда. Жалпы құны 11 млрд. 500 млн. теңгені құрайтын тәулік бойына жұмыс істейтін кітапханасы бар «Руханият» орталықтары барлық аудан орталықтарында салынуда.«Ауылдық денсаулық сақтауды жаңғырту» ұлттық жобасы аясында құны 11 млрд. теңгені құрайтын 27 нысан салынуда. Өткен жылы елді мекендерде 15 жаңа дәрігерлік амбулатория, 1 медициналық бекет ел игілігіне табысталды. Биыл қалған 11 нысан және 1 ауылдық аурухана салынады. Қызылорда қаласында 36 млрд 400 млн теңгеге бір ауысымда 100 келушіге арналған емхана және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы пайдалануға беріледі.«Болат Өтемұратов» қорының қолдауымен 17 млрд. теңгеге жуық қаржыға «Қорқыт Ата» әуежайының жаңа терминалы халықаралық талаптарға сай етіп салынды. Ғимарат жақын арада пайдалануға берілмек. Облыс орталығындағы жаңа автовокзал халықтың талап-тілегі мен сұранысына сай бюджет қаржысы есебінен 975 млн. теңгеге салынды. Жаңа стадионның да құрылысы жүргізілуде.Кездесуде аудандық мәслихат төрағасы Е.Әжікенов, аудандық ардагерлер кеңесінің төрағасы М.Келдібаев, Сырдария ауданы әйелдер кеңесінің төрайымы Ұ.Жанәлиева және Ассамблея мүшесі З.Князева мерекелік лебіздерін білдіріп, елдің ауызбірлігімен жасампаз жұмыстарды жалғастыра беруге шақырды.Іс-шарада су тасқынынан зардап шеккендерге қайырымдылық көмек көрсетуге атсалысқан бірқатар сырдариялық аудан әкімінің «Алғыс хатымен» марапатталды.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Татулық пен тұрақтылық – ел тұтастығының темірқазығы

<a href="https://kyzylorda-news.kz/">Kyzylorda-news.kz</a> &nbsp;Талсуат ауылдық клубында «Адал адам» мәдени-тәрбие орталығының «Жанұя шуағы» жобасы аясында ұлттың ұйытқысы, тәлім мен тәрбиенің тұма бастауы асыл әжелердің өнегесін кейінгі ұрпаққа мұра етіп қалдыру, сонымен қатар ата-бабаларымыздан қалған бай мұрамызды жаңғыртып, салт-дәстүрді дәріптеу мақсатында «Әже - көңілдің ажары, немере - өмірдің базары» атты қалалық байқауы болып өтті. Көрермен жанның жанына жылу ұялатқан ардақты әжелер додасын ауыл әкімі Е.Бейсенбаев ашып, барлық талапкерлерге сәттілік тіледі.Шара қалалық мәдениет үйінің әншісі Елжан Берстенбаевтың орындауындағы Жанар Болатбекованың «Әжеме сағыныш» әнімен ашылды.Қалалық байқауға қалаға жақын орналасқан елді мекендерден 7 жұп әже мен немере қатысты. Қатысушылар 3 кезең «Өнер қуып ой түзе», «Ою оя білесіз бе?», «Сыр сандық» бойынша бақ сынасты. Байқауға Н.Бекежанов атындағы Қызылорда облыстық қазақ академиялық музыкалық драма театрының режиссері К.Жанмұратова, Талсуат ауылдық округі әкімдігінің маманы А. Нұрпейісова, қалалық мәдениет және тілдерді дамыту бөлімінің әдіскері С.Әділбектер қазылық жасады.Қазылар алқасының шешімімен І орын Талсуат ауылдық клубынан Үсенбаева Зоя әже, немересі Ерболат Айжан, ІІ орын Қызылжарма ауылдық мәдениет үйінен Рақымжанова Бибіқадиша әже, немересі Рүстембекқызы Әдемі, ІІІ орын Белкөл кент мәдениет үйінен Абдыхалықова Қарлығаш, немересі Асқар Айару, ІІІ орын Тасбөгет кенті, С.Майқанова атындағы мәдениет үйінен Көрпешова Шамшырақ әже, немересі Алмат Бибіфатима марапатталса, «Бесаспап әже, өнерлі немере» номинациясымен Тасбөгет кенті, С. Майқанова атындағы мәдениет үйінен Сералиева Үміткүл әже, немересі Құдайберген Сезім; «Сымбатты әже, көрікті немере» номинациясымен Абай ауылдық мәдениет үйінен Оспанова Марал әже, немересі Серікбай Ғазиза, «Зерделі әже, зерек немере» номинациясымен Қызылөзек ауылдық клубынан Досмырзаева Мираш әже, немересі Бахтияр Мадина алып, сыйлықтармен марапатталды.

Талсуатта «Әже - көңілдің ажары, немере - өмірдің базары» атты қалалық байқауы өтті

<a href="https://kyzylorda-news.kz/">Kyzylorda-news.kz</a> &nbsp;«Қызылорда қаласының қоғамдық даму» коммуналдық мемлекеттік мекемесі және «Қызылорда облысының» жастар Одақтары қоғамдық бірлестігінің ұйымдастыруымен «Cыбайлас жемқорлықтың алдын алуға бағытталған ақпараттық түсіндірме жұмыстарын, адам саудасы мен құқық бұзушылықтың алдын алуға бағытталған шараларды ұйымдастыру» әлеуметтік жобасы аясында сыбайлас жемқорлыққа қарсы тақырыптарда мектеп оқушылары арасында «Жас суретші» байқауы өткізілмек.Байқауға 12-16 жас аралығындағы оқушылар қатыса алады. Байқау талабы бойынша суреттер А3 форматындағы қағазға салынып, сурет салу кезінде гуашь, акварель бояулары, түрлі-түсті карандаш сынды тағы басқа да бояу құралдарын қолдануғарұқсат етіледі. Сондай-ақ оқушылар сурет салуға қажетті құралдарды өздерімен бірге алып келуі тиіс.Байқауға қатысушылардың сұраныстары taskinbayeva91@list.ru электрондық поштасына немесе Қорқыт Ата көшесі, №7а мекенжайына жіберу арқылы қабылданады. Қатысушы сұраныстары&nbsp; 30&nbsp; мамырға дейін қабылданады. Сонымен қатар байқаудың жүлдеқоры да қомақты. Суретшілер байқауының І орын жеңімпазына 50 000 теңге,&nbsp; ІІ орын 30 000 теңге, ІІІ орынға 20 000 теңге жүлдеқоры бар.

Қызылорда қаласында «Жас суретші» байқауына өтінім қабылдануда

<a href="https://kyzylorda-news.kz/">Kyzylorda-news.kz</a> Бүгінгі таңда медициналық мамандықта білім алғысы келетіндер қатары артуда. Бұл әрине бізді қуантады. Осы орайда Гиппократ атына адал болып, өз ісің адал атқарып жүрген мамандар жетерлік. Соның бірі – Айгүл Әлиханқызы. Ол «Жұқпалы аурулар» бөлімшесінде әріптестерімен бірге дертті еңсеруге қарсы тұрды.12410 күн. Бұл дегеніміз – ақ халатты абзал жанның табан аудармастан бір бөлімшеде еңбек еткен жылдарының тізбесі. Яғни, 34 жыл бойы нағыз қауіптілігі жоғары бөлімшеде Гиппократ антына беріктігін таныту – нағыз ерлік. Арал ауданында №14 орта мектепте білім алып, медициналық мамандықты Орынбор қаласында меңгерген. Тереңөзекке келін болып келген сәттен «Жұқпалы аурулар» бөлімшесінде қызметке орныққан.<blockquote>– Медбике ретінде маған тапсырылған жұмысты сапалы орындап, емделушіні емдеп жазуға міндеттімін. Біздің бөлімшеде сан түрлі дертке байланысты өзгеге жұқтыру көрсеткіші жоғары жандар ем алады. Науқасты оқшаулап, дәрігер тағайындаған ем-шараны қолданамыз. Өзімізде қауіпсіздікті естен шығармаймыз. Дертіне дауа іздеген жандар үнемі алғысын жаудырып жатады, – дейді Айгүл Әлиханқызы.</blockquote>Бүгінде ардақты ана жолдасымен бірге 5 перзент тәрбиелеп отыр.

Жұқпалы аурулар бөлімшесінің білгір маманы

<a href="https://kyzylorda-news.kz/">Kyzylorda-news.kz</a> &nbsp;Бүгін &nbsp;қала әкімі Серік Қожаниязовтың қатысуымен Қарауылтөбе ауылдық округіндегі «Ыбырай Жақаев атындағы Қазақ күріш шаруашылығы ғылыми-зерттеу институты» ЖШС-нің тәжірибе алқабында биылғы алғашқы дән себу рәсімі өтті.​Ерте көктемнен бері дархан даланы дүбірге бөлеген диқан қауымы осы күнді асыға күткені анық. Олардың қуанышына ортақтасып, береке негізін қаласуға байырғы күрішшілер, батыр аналар да келді.&nbsp;«Биылғы жылы күріштен мол өнім аламыз» деген үкілі үмітін жағып ардагерлер де дән себу шарасына белсене араласты. Игілікті істің бастауында ауыл ақсақалдары ақ пейілден ақтарылған батасын берді. Өз кезегінде шаһар басшысы дала диқандарының қажырлы еңбектеріне сәттілік тіледі.<blockquote>​– Жері күрішті, елі ырысты қаланың ауылшаруашылығы саласы жыл сайын толайым табыстарға қол жеткізіп келеді. Мұның бәрі ауыл еңбеккерлерінің ынтымақ, бірлігінің жемісі. Бүгінгі Жер-Анаға себілген дән – ертеңгі диқан дәулеті, елдің ырзық-несібесі. Дала диқандарының дамылсыз еңбегіне бақ-береке тілеймін, – деді Серік Салауатұлы.</blockquote>​Шара барысында ауыл шаруашылығы техникалары, күріш сорттары, тыңайтқыштар мен су үнемдеу технологиялары таныстырылып, науқанға дайындық барысы пысықталды. Биылғы жылдың үлкен жаңалығы – Сыр өңірінің климаты мен жер жағдайына жерсінетін «Айсара» дейтін күріштің жаңа сорты таныстырылды. Оны күріш институтының ғалымдары ойлап тапқан. Бір жағынан мол өнім беретін және тауарлық сапасы жоғары күріш сорты биыл алғаш рет өндіріске енгізілмек. Қала басшысы мұны молшылықтың негізі деп бағалады.​–Ендігісі ақ күріштің атасы Ыбырай Жақаев айтқандай, «егінші мәрт, жер жомарт» болсын деп тілейік, – деді шаһар басшысы.​Жалпы, биылғы егіске күріш тұқымының 4,4 пайыз отандық, 95,6 пайыз ресейлік сорттардан дайындалған. Қалаға қарасты ауылдық округтерде&nbsp;8 677 гектарға ауыл шаруашылығы дақылдарын орналастыру, оның ішінде 3 614 гектарға күріш егу жаспарлануда. Мұнымен қатар, суды аз қажет ететін малазықтық, майлы дақылдар мен картоп, көкөніс көлемін арттыру көзделген. Егіске 3010,7 тонна минералдық тыңайтқыш қажет болса, бүгінде ол толығымен сатып алынды. Ал, көктемгі дала жұмыстарына 157 дана ауыл шаруашылығы техникасы қатысуда.

Дән – диқанның дәулеті

<a href="https://kyzylorda-news.kz/">Kyzylorda-news.kz</a> &nbsp;Емханаға келген әрбір тұрғынға жылы шырай танытып қарсы алатын Шолпан Омар көпшілік арасында мінезінің жайдарлылығымен танылған. Кіндік қаны Тереңөзек топырығына тамғанымен, оның балалық шағы, студенттік кезеңі Атырау қаласында өрбіді.Атырау қаласындағы медициналық колледжді тәмамдаған Шолпан Сматқызының еңбек жолы Сырдария аудандық ауруханасының «Хирургия» бөлімшесінде бастау алады. Сонымен қатар тәжірибелі маман 1994-1997 жылдар аралығында «Айгөлек» балабақшасында жұмыс жасаған. Ал 15 жылдан бері аяулы жан аудандық емхананың «Тіркеу» бөлімшесінде мақтаулы маман ретінде жастарға жол көрсетуде.<blockquote>– Медицина саласында әрбір жұмыстың жауапкершілігі жоғары. Біз күнделікті емханаға келушіні арнайы базаға тіркеп, дәрігерге жол нұсқаймыз. Электронды жүйені күнделікті меңгере түсіп, цифрландыру бағдарламасына ден қоямыз. Базалық жүйенің бөге-шүгесіне қанығып, емханаға келушіге сапалы қызмет ұсынамыз. Көбіне аймақтық дәрігерлердің қабылдау кестесіне сай, жергілікті тұрғындар диагнозы бойынша тексеріліп жатады, – дейді өз ісінің білгірі.</blockquote>Ардақты ана үйдегі отағасы Бақтыбай Ілиясовпен бірге 3 перзент, 6 немеренің ортасында бақытты ғұмыр кешуде.

Қазақстан және Қызылорда облысының жаңалықтары