<a href="https://kyzylorda-news.kz/">Kyzylorda-news.kz</a> Жүректілік пен табандылықты талап ететін, өмір мен өлім арасында арпалысып жүретін, ауыртпалығынарқалап, талабына төзетін, уақытпен санаспайтын мамандықтың бірі – өрт сөндіруші қызметі. Тілсіз жаумен бетпе-бет келіп, аптап ыстық пен қытымыр аязда отқа да, суға да түсіп, елі үшін еңбек етіп жүрген нағыз қаһармандар осы мамандық иелері.&nbsp;Ербол Сәбитұлы Сәбитов – Қызылорда қаласы Тасбөгет кенті №4 өрт сөндіру бөлімінің аға өрт сөндіруші-құтқарушысы. Ол мұнда 2015 жылдан бері қызмет етіп келеді. Тек қана өрт сөндіру емес, авариялық-құтқару қызметімен де айналысады. Өзінің кәсіби шеберлігі мен өрт сөндіру тәжірибелігінің арқасында талай жанды тілсіз жаудан арашалап, өмірін аман алып қалған. Бұл ретте кейіпкеріміз өзінің басынан өткен мына оқиғасымен бөліскен еді.<blockquote>– Оқиға 2024 жылдың 2-ші қаңтар күні Тасбөгет кентіндегі 2 қабатты тұрғын үйлердің бірінде болған. Хабарлама түскеннен кейін кезекші қарауылы қызметі оқиға орнына барған кезде терезеден қою түтін шығып жатқанын көрген. «Тұрғын үйге тыныс алу аппаратымен кірдік. Қою түтін арасында екінші қабаттағы пәтердің жиһаздары мен ас бөлмесін өрт шалған. Өрт үдеп, көрші пәтерлерге де жеткен. Көрші үйде ана мен екі баланың қызыл жалын арасында қалғанын білгенде тұрғын үйді қап-қара түтін басқан еді. Отқа оранған пәтерден ана мен екі баланы аман алып шықтық, дәрігерлік көмек көрсету үшін медициналық қызметкеріне тапсырдық. Күндіз де, түнде де, тіпті үй өртке оранса&nbsp;да біздің басты міндетіміз – адам өмірін құтқару. Себебі, біздің әу бастан мамандығымыз өрт сөндіруші-құтқарушы, – дейді кейіпкеріміз.</blockquote>Ербол бала күнінен бұл мамандықты жаны қалап, өрт сөндіруші болуды армандаған. Ол 1993 жылы өзі қызмет етіп жүрген Тасбөгет кентінде өмірге келген. Ата-анасы басқа балалары секілді Ерболдың да мұғалім болғанын қалағанымен, өзі армандаған мамандық иесі болуды қалады. Анасы өрт болған сайын алаңдап, тақымын қысып отыратындығын айтады. Ал сол &nbsp;Ерболы &nbsp;бүгінде&nbsp;екі баланың әкесі. Болашақта сол балалары өз ізін жалғап, өрт сөндіруші болғанын қалайды. Бұл – тек қана қызмет емес, сонымен қатар адамзат алдындағы парыз деп біледі.&nbsp;Ербол Сәбитов – борышын адал орындап, адам өмірін құтқарып, «Ерлігі үшін» медаліне наградаға ұсынылды. Басын бәйгеге тігіп, ажалға араша болған Ербол 3 адамды өрт арасынан аман алып шыққан. Өрт сөндіруші тұрғындардың алғысын алып, балалардың қаһарманына айналған. Бұл ісін батырлық деп санамайтын құтқарушы жұмыста да, жұмыстан тыс уақытта да адам өмірін құтқаруға, өртті өшіруге сақадай сай екенін айтты. Ерлік пен батырлықты, ар мен ожданды, адамгершілік пен қайсарлықты, табандылық пен төзімділікті осылайша бір мамандыққа сіңдіріп қойғандай. Кез келген уақытта өз бойыңнан өзгенің өмірі үшін бәріне дайын тұратын ерік-жігер тек өрт сөндірушілерге тән дерсің.&nbsp; Иә, өрт сөндіруші жұмысы оңай емес! Тек нағыз ер мінезді азаматтарға ғана тән қызмет десе болады. &nbsp;«Отан үшін отқа түс, күймейсің!» деп дана қазақ айтқандай, халқы үшін де отқа түскен өз ісінің хас шебері Ерболды қандай наградаға ұсынса да аз. Бүгінгінің батырына айналған еңбек адамының мерейі үстем болуға тиіс.А.Әлім

Қызылорда: Үш адамды ажалдан арашалаған өрт сөндіруші

&nbsp;<a href="https://kyzylorda-news.kz/">Kyzylorda-news.kz</a> 1-мамыр Қазақстан халықтарының бірлігі күні мерекесіне орай, жүйеге қарасты А.С.Пушкин атындағы орталық кітапханасы С.Ысқақов атындағы Қызылорда құрылыс және бизнес колледж студенттерінің қатысуымен «Қазақстан-бар ұлысқа шаңырақ» атты мерекелік іс-шара өткізді.Шараға арнайы «Ұлт бірлігі - ұлы байлық» атты кітап көрмесі ұйымдастырылып, кітапханашы Молдасанова Гүлзия библиографиялық шолу жасады. Шолу барысында шараға қатысушыларға бүгінгі көпұлтты мемлекетімізді мекендейтін халықтар достығы жайлы, сонымен қатар Қазақстанда тұратын барша ұлт арасындағы айнымас достық туралы, тілі басқа болғаны мен тілегі бір, мақсат-мүддесі ортақ, бірлігі мықты, ұлттар достығының беріктігі туралы айтып, оқырмандарды көрмемен жақынырақ танысуға шақырды.Колледж студенттері Минасарқызы Меруерт, Кучкорбаев Шахобиддин, Адилсултан Арина сөз кезегін алып, достық пен туысқандықтың, ынтымақ пен ырыстың ордасына айналған Қазақ елі туралы мерекелік шараға арнаған өлең шумақтарын мәнерлеп айтып берді. Лед экраннан 1-мамыр Қазақстан халықтарының бірлігі күні мерекесіне арналған деректі фильмді бірге тамашаладық.Бүгінгі шараның да мақсаты халықтар арасындағы достықты нығайту, бүгінгіміз бен келешегімізді жалғайтын жас ұрпаққа достық қарым-қатынастарын қалыптастыруды жалғастыру, Қазақстанда тату-тәтті өмір сүретін халықтардың Қазақстанның өркендеуіне достық арқылы өз үлестерін қосуға баулу.

Қызылордада «Ұлт бірлігі - ұлы байлық» атты кітап көрмесі өтті

<a href="https://kyzylorda-news.kz/">Kyzylorda-news.kz</a> Өткен аптада Жосалы кенті әкімі аппаратының мәжіліс залында аудандық мәслихат төрағасы Әділ Қошалақовтың төрағалық етуімен мәслихаттың кезекті 17-сессиясы өтті. Оған аудан әкімінің орынбасары Шыңғыс Сыдықов, мәслихат депутаттары, дербес бөлім басшылары, кент, ауылдық округінің әкімдері, бұқаралық ақпарат құралдары өкілдері &nbsp;қатысты.&nbsp;Сессияның күн тәртібінде бірнеше мәселе қаралып, талқыланды. Атап айтқанда, бірінші мәселе бойынша «2023 жылға арналған аудандық бюджеттің атқарылуы жөніндегі есепті бекіту туралы» аудандық экономика және қаржы бөлімінің басшысы Жанар Ниматулла және облыстық тексеру комиссиясының мүшесі Е.Абдрахманов (қосымша) хабарласа, үшінші мәселе бойынша «Кент, ауылдық округтердің 2023 жылға арналған бюджеттерінің атқарылуы жөніндегі есептерін бекіту туралы» кенттер мен ауылдық округтер әкімдерінің хабарламалары тыңдалды. Төртінші, бесінші мәселелерде аудандық мәслихат төрағасы Әділ Үсенұлы мәслихаттың атқарған жұмысы бойынша есеп берсе, «Қармақшы аудандық мәслихатының 2022 жылғы 23 ақпандағы №132 «Қармақшы аудандық Қоғамдық кеңестің құрамын бекіту туралы» шешіміне өзгерістер мен толықтыру енгізу туралы» хабарлама жасады.&nbsp;Сессияның күн тәртібіндегі мәселелер бойынша аудандық мәслихаттың тиісті шешімдері қабылданды. Сессия алдында тұрақты комиссиялардың бірлескен отырысы &nbsp;өткізілді. &nbsp;

Қармақшы: Өзекті мәселелер қаралды

<a href="https://kyzylorda-news.kz/">Kyzylorda-news.kz</a> Қызылорда қалалық орталықтандырылған кітапханалар жүйесіне қарасты №6 кітапхананың ұйымдастыруымен Қазақстан Жазушылар Одағының мүшесі, халықаралық «Алаш» әдеби сыйлығының, «Құрмет» орденінің иегері, ақын, жазушы, көптеген танымал әндердің авторы Нұртас Ибрагимұлы Исабаевтың 70 жылдық мерейтойына орай қаламгердің «Өмірге құштарлық» романы бойынша оқырмандар конференциясы өтті.Шараға «Өркениет» медицина колледжінің оқытушылары мен білім алушылары қатысты. Конференция барысында шығарма не себепті «Өмірге құштарлық» деп аталған, басына түскен зор қиындықты, тауқыметті мойымай жеңіп шыққан басты кейіпкер Нұрланның тағдыры жайлы қандай ой түйіп, әсер алдыңыздар, шығарманың басты кейіпкері Нұрланның прототипі Нұртас Исабаевтың тағы қандай шығармаларын білесіздер, шығарманың тақырыбы мен баяндалған шынайы оқиғалар сіздерге жігер беріп, өмірге деген талпыныстарыңызды арттыруға септігін тигізді ме? деген сұрақтар төңірегінде оқырмандар А.Сұлтанбек, А.Сәулебек, А.Мұстафаұлы, Б.Бөлеген, М.Махамбетов, Ш.Қамбар өз ойларын өрбітіп, шығармадан алған әсерлерін ортаға салды.Замандастарын кітап оқу арқылы өмірге жаңа көзқараспен қарауға, білімді, жан-жақты азамат болуға шақырып, ойларын қорытындылады. Ақынның өмірі мен шығармашылығы жайлы бейнебаян көрсетіліп, кітапханашы Н. Төлеубай «Ғашықпын, Өмір саған» өлеңін оқыды.Шара соңында аталмыш колледж басшысының тәрбие ісі жөніндегі орынбасары Н.Әзімов кітапхана қызметкерлеріне зор алғысын білдіріп, игі іс өз жалғасын табуына тілек білдірді.

Қызылордада кітапхана оқырмандарына конференция өтті

<a href="https://kyzylorda-news.kz/">Kyzylorda-news.kz</a> «AMANAT» партиясының қоғамдағы айшықты орнын нақтылап, халықпен жүйелі жұмыс атқарып, партияның сайлауалды бағдарламасы мен партиялық жобалардың іске асуына бастауыш партия ұйымдары ықпал етуде. Бүгінде партияның қалалық филиалына қарасты 40 бастауыш партия ұйымы жүйелі жұмыс істейді.&nbsp; Ағымдағы жылы филиалға қарасты барлық бастауыш партия ұйымдары өткен жылы атқарылған жұмыстары бойынша есеп беруді бастады.&nbsp; Партияның қалалық филиалының төрағасы Ибадулла Дүйсенбайұлы Құттықожаев пен партияның қалалық филиалының Атқарушы хатшысы Гүлшат Исақызы Мұсаева әрбір бастауыш партия ұйымдарының атқарған жұмыстары бойынша тиісті бағасын беріп, алдағы жұмыс жоспарын талқылады.&nbsp; Бүгін есеп беру жиынына «Халық», «Сыр сұлуы», «Тұран», «Мейірім», «Шипагер», «Талсуат», «Шапағат» бастауыш партия ұйымдарының 2023 жылы атқарған жұмыстары тыңдалды.&nbsp; Бастауыш партия ұйымдары «Қарызсыз қоғам», «Жер аманаты», «Ауыл аманаты», «Kitap-AMANAT», «TazaLike» жобалары аясында нәтижелі жұмыстар атқаруда.&nbsp; Есеп беру жиналысында партияның қалалық филиалының төрағасы Ибадулла Дүйсенбайұлы Құттықожаев: партияның әр мүшесі өздеріне көрсетілетін қамқорлықты, қолдауды сезінуі қажет. Сондықтан, қаладағы топтық ұйымдардың басшысы, бастауыш партия ұйымдарының төрағалары ретінде сіздерге жүктелген жауапкершілік жүгі ауқымды. Біз партия тарапынан белсенді партия мүшелеріне қолдау көрсетіп, еңбегін бағалап түрлі марапаттарға ұсынамыз. Сонымен қатар, әр партия мүшесінің өмірінде орын алған мәселелерге байланысты партия, бастауыш партия ұйымдары тарапынан қолдау болуы қажет, &nbsp;- деді.

«AMANAT» партиясының Қызылорда қалалық филиалына қарасты 40 бастауыш партия ұйымы бар

<h2 style="text-align:center;">Жас экскурсовод</h2>Қызылорда. Қызылорда қаласының тарихы музейінде Қорқыт ата атындағы Қызылорда университетінің студенттері арасында «Жас экскурсовод» жобасы ағылшын тілінде ұйымдастырылды. Жобаны тамашалауға «ORDA» жоғарғы колледжінің студенттері қатысты. Аталған жоба жастар арасында туған жердің төл тарихын тануға, ұлттық құндылықтарын ұлықтауға, көпшілік алдында өзін көрсету мен шығармашылық әлеуетін арттыруға мүмкіндік береді. Жобаның ең үздік экскурсоводын, яғни жеңімпазды анықтауға қаладағы бірнеше мектеп ұстаздары мен қала тарихы музейі қызметкерлері атсалысты. Сайыс нәтижесінде студенттер жүлделі орындар иеленіп, түрлі аталымдарымен марапатталды. Бар жақсылық – балаларға&nbsp;<h2 style="text-align:center;">Бар жақсылық – балаларға</h2>Арал. Аудандағы 10216-Ж әскери бөлімі және 55652 а/б авиция бағыттау пунктінің қызметкерлері БҚО-дан келген балаларға тосын сый жасады. Арал ауданы бойынша білім бөлімінің басшысы Санира Жанназарова әскери қызметкерлерді күтіп алып, оқушылармен кездестірді. Ел амандығын кірпік қақпай күзетіп жүрген әскери мамандар оқушыларға қажетті киім-кешектер мен жеміс-жидек ұсынды. Тәтті сусындар таратып, балалардың туған күніне торт тарту етті. Сондай-ақ әскери өмір жайлы әңгімелеп, балалармен емен-жарқын сұхбат құрды.<h2 style="text-align:center;">Бос жұмыс орындары жәрмеңкесі</h2>Қазалы. Аудандық жастар ресурстық орталығының ғимаратында жұмыссыздар мен жұмыссыз жастардың жұмысқа орналасуына жәрдемдесу бойынша бос жұмыс орындары жәрмеңкесі өтті. Жәрмеңкеде ауданға қарасты 25 мекеме мен жеке кәсіпкерлерден 131 бос жұмыс орны және 2024 жылы Өңірлік жұмыспен қамту картасы шеңберінде 22 жоба бойынша құрылыс жүретін уақытқа 65 уақытша бос жұмыс орны ұсынылды. Сондай-ақ Қазақстан Республикасының еңбек нарығын дамытудың 2024 – 2029 жылдарға арналған тұжырымдамасы шеңберінде жастар тәжірибесіне – 255, әлеуметтік жұмыс орнына – 3, алғашқы жұмыс орнына – 24, ұрпақтар келісім шартына – 4, қысқа мерзімді оқу курсына 30 бос жұмыс орны ұсынылып, мемлекеттік қайтарымсыз грантқа 146 адамға қаржы қаралғаны хабарланды. Жәрмеңкенің нәтижесінде 12 жұмыссыз адам тұрақты жұмысқа, 5 жас маман жастар тәжірибесіне және 5 жұмыссыз адамәлеуметтік жұмысқа жолдама алды.<h2 style="text-align:center;">Айбын-2024</h2>Қармақшы. Білім бөліміне қарасты №183 К.Томанов атындағы орта мектеп базасында жалпы білім беретін мектептердің 14-18 жас аралығындағы оқушылары арасында «Айбын-2024» әскери-патриоттық жастар жиынының аудандық кезеңі өтті. Сайыс әскери қолданбалы спорттың 8 түрі бойынша өтті. Ауданның 30 мектебінен 5 аймаққа бөлінген команданың оқушылары тартысты сайыс өткізіп, жеңімпаз атанған командалар арнайы дипломдармен марапатталып, облыстық кезеңге жолдама алды.<h2 style="text-align:center;">Шағын футболдан облыстық турнир</h2>Жалағаш. Мемлекеттік қызметшілер арасында салауатты өмір салтын қалыптастыруға және достық қарым-қатынасты нығайтуға бағытталған доп додасында 8 команда бақ сынап, шаршы алаңда сынға түсті. Жарыс нәтижесі бойынша І орынды Қызылорда қаласынан келген команда иеленсе, жүлделі ІІ орынды Жалағаш ауданы еншілеп, үздік үштікті Шиелі ауданы түйіндеді. Сондай-ақ Арал, Қармақшы, Сырдария, Қазалы және Жаңақорған аудандарының қатысушыларына ынталандыру сыйлықтары үлестірілді. Барлық жеңімпаз командалар арнайы кубок, дәрежелік диплом, алғыс хаттар және қаржылай сыйлықтармен марапатталды.<h2 style="text-align:center;">«Ауыл аманаты» жобасы жемісін беруде</h2>Сырдария. «Ауыл аманаты» бағдарламасы шеңберінде Сырдария ауданына қарасты Айдарлы ауылдық округінде құрылған «Бәйтерек» ауыл шаруашылығы өндірістік кооперативінің ашылу салтанаты өтті. Аталған кооператив жүннен жасалатын бұйымдар дайындау цехын ашып, 27,6 млн теңге жеңілдетілген жылдық 2,5%-бен несие алып, өз жұмысын бастады. Қазір бұл кәсіпорында 6 адам жұмыспен қамтылған. Несие қаражатына жүн өңдейтін арнайы құрылғылар, теріге арналған тігін машина, жүн тарауға арналған түрлі құрылғылар да сатып алған. Кооператив ауыл тұрғындарынан жүн, тері жинап, оны өңдеу арқылы ұлттық нақыштағы киіз үй бұйымдарын шығаруда.<h2 style="text-align:center;">Сырдың Сәбирасы</h2>Шиелі. Аудандық мәдениет үйінде мәңгі өлмес өнер иесі, ұлт мақтанышы, Қазақстан және КСРО халық әртісі, Мемлекеттік сыйлықтың лауреаты Сәбира Майқанованың 110 жылдығына арналған «Сырдың Сәбирасы» атты қызкеліншектер арасындағы монолог оқушылардың облыстық байқауы өтті. Байқауға Қазалы, Жалағаш, Жаңақорған, Қармақшы, Сырдария, Шиелі аудандарынан 18-45 жас аралығындағы 9 үміткер қыз-келіншек қатысты. Тартысты өткен сайыс нәтижесінде бас жүлде қармақшылық Гүлфариза Шакароваға, І орын жалағаштық Шынар Қоқымбайға, ІІ орын шиелілік Айнұр Ысқақоваға бұйырса, қазалылық Динара Сапар мен жаңақорғандық Балжан Сәдуова ІІІ орынды өзара бөлісті.<h2 style="text-align:center;">Кітап оқу бәйгесі</h2>Жаңақорған. «Оқуға құштар мектеп» жобасы аясында «Тұлғалыққа бір қадам» атты кітап оқу бәйгесі өтуде. Бәйгенің мақсаты – мектеп оқушыларының кітап оқуға деген құштарлығын оятып, кітап оқу дағдысын қалыптастырып, әрі жандандырып, сол арқылы төл құндылықтарымызды насихаттау. Сайысқа Жаңақорған кенті мектептеріндегі 300-ге жуық оқушы қатысуда. Бәйгеге қатысушы оқушылар арасында «Кішкентай ханзада» кітабы бойынша флешбук жиыны өткізілді. Оқушылар өзара жарысқа түсіп, үздік болып танылған мектеп оқушылары қаржылай сертификаттармен марапатталды. Сонымен қатар Ш.Мұртазаның « Ай мен Айша», Б. Соқпақбаевтың «Менің атым Қожа», Б.Момышұлының «Ұшқан ұя» шығармаларынан оқушылар тест тапсырып, жеңімпаздар диплом, қаржылай сыйақылармен марапатталды.&nbsp;А. ОралбайФото: kzvesti.kz

Аймақта жастардың қатысуымен ауқымды шаралар өтті

<a href="https://kyzylorda-news.kz/">Kyzylorda-news.kz</a> Қызылордалық «Қайсар» өткен сенбіде өз алаңында Алматының «Қайратын» қабылдады.&nbsp;Төрт тур бойы жеңіс кілтін таба алмаған жерлестеріміз бұл жолы жанкүйер көңілінен шығатын ойын өткізді. Тәжірибелі қарсыласын қапы қалдырып, биылғы біріншіліктегі алғашқы үш ұпайына қол жеткізді.Қызылордалық футболшылар алғашқы үш турда бірде-бір ұпай ала алған жоқ. Оның екеуінде өз алаңында қарсыластар ығына жығылды. Бұл жергілікті жанкүйерлер тарапынан реніш туғызғаны жасырын емес. Оған команда басшылығы «Әзірге футболшылар арасында түсінбеушілік бар. Олардың көбісі клубқа биыл қосылды. Алдағы ойындарда ұпай олжалауға күш саламыз» деген уәдесін бергенін білеміз. Турнир кестесінде он үшінші орында тұрған «Қайсар» үшін жеңіс ауадай қажет екені анық еді.Доп додасының дүбірі естілген сәтте «Қайрат» басшылығы чемпион атағын жеңіп алуға күш салатынын жеткізді. Әрине, оған барлық мүмкіндік бар. Өз шәкірттері мен тәжірибелі легионерлер команда құрамына енгізілді. Десе де алты турдан кейін жағдайы мәз емес. Небәрі сегіз ұпаймен турнир кестесінің бел ортасында тұр.«Қайсардың» бас бапкері Виктор Кумыков алғашқы минуттан жергілікті түлектерден Думан Нәрзілдаев, Елжас Алтынбеков, Өркен Махан сынды футболшыларға сенім артты. Сондай-ақ олардың қатарына бұдан бұрын негізгі құрамда алаңға шықпай жүрген Горан Милойко қосылды. Қалғаны «Қайсар» сапында тұрақты түрде ойындарға қатысып жүрген футболшылар еді. Ал қарсылас ұжымда Жоао Паоло, Элдер Сантана, Виктор Васин секілді шетелдік шеберлер және «Қайраттың» академиясында тәрбиеленіп шыққан жас таланттар жасыл алаңға шықты.Алғашқы минуттан қос команда ашық шабуылға көшті. Екеуінің де есеп ашатын бірнеше мүмкіндігі болды. Бірінші кезеңде «Қайсар» сапынан Өркен Махан қақпашымен бетпе-бет шығып, өз мүмкіндігін мүлт жіберіп алды. Ал алматылық клубтың өткір шабуылына қызылордалық шабуылшылар тойтарыс берді.Екінші кезеңде де ойын барысы дәл осылай өрбіді. Соған қарамастан таблодағы есепке өзгеріс енген жоқ. Төреші қосқан қосымша бес минут түгесілер тұста «Қайсар» шабуылшысы Айбар Жақсылықов алматылық қақпашы Данил Устименконың өрескел қателігін пайдаланып, жаңа командасы сапындағы алғашқы голын соқты.Осылайша қызылордалық команда биылғы біріншіліктегі алғашқы жеңісін тойлап, турнир кестесінде он бірінші орынға көтерілді. Енді жерлестеріміз алдағы ойынын 5 мамырда сырт алаңда Қарағандының «Шахтер» командасына қарсы өткізеді.

«Қайсар» қарсыласын қапыда қалдырды

<a href="https://kyzylorda-news.kz/">Kyzylorda-news.kz</a>&nbsp; &nbsp;Көпбейінді облыстық аурухананың нейрохирургия бөлімшесінде жыл сайын мыңға жуық пациент емделуде, оның алты жүзіне ота жасалады. Ең күрделілерінің бірі – ми мен жұлындағы ісікті алу.76 жастағы Қыпшақбай Қалмахановты дәрігерлер шұғыл түрде ауруханаға жатқызды. МРТ және КТ зерттеу кезінде бел омыртқасында экстрадуральді ісік анықталды. Пациентке ота жасалды. Ісік қатерсіз. Енді ақсақал өз аяғымен жүріп жүр.<blockquote>– «Тәжірибелі дәрігерлер қазір жоқ, болса да, таныс арқылы ота жасайды» деп жиі естиміз. Бірақ олай емес екен. Осы күнге дейін хирург Шынжырбай Оразмаханұлы туралы білмедім. Оған және оның жұмыс тобына кәсібилігі үшін мың алғыс! Мұндай күрделі ота маған тегін жасалды. Осындай мықты дәрігерлеріміз көп болсын, – дейді Қ.Қалмаханов.</blockquote>Жыл сайын облыстың нейрохирургтары ми мен жұлынға 150-ге жуық ота жасайды. Дәрігерлер еліміздің жетекші нейрохирургтарының, шетелдік мамандардың шеберлік сыныптарына қатысып, кәсіби дағдыларын жетілдіреді. Бөлімше жаңа жабдықтармен, құралдармен толықтырылған.Дәрігерлер атап өткендей, мұның барлығы денсаулық сақтау саласы дамытудың және МӘМС жүйесіндегі қаржыландырудың ықпалы.<blockquote>– Біз мұндай оталарды әлі жасамаған кезде пациенттеріміз шетелдік мамандарға жүгінуге мәжбүр болды. Мысалы, Израильде омыртқаға ота 25-50 мың доллар тұрады. Қазақстанда 2,5 млн теңге. МӘМС аясында сақтандырылған пациенттерге осындай оталарды, диагностикалық тексерулерді тегін жүргіземіз, – деп атап өтті жоғары санатты дәрігер, ҚР Денсаулық сақтау үздігі, нейрохирургия бөлімшесінің меңгерушісі Шынжырбай Оразмаханұлы.</blockquote>Биыл аймақта нейрохирургиялық оталарға әлеуметтік медициналық сақтандыру қорынан 178 млн теңге бөлінді.&nbsp;

Қ.Қалмаханов: Ақ халаттыларға алғысым шексіз

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев «Қоғам тұтастығы – тәуелсіздік кепілі» Үндеуінде жастардың жұмыссыздығын басты назарға алды.&nbsp;Мемлекет басшысы: «Жұмыссыздықты, әсіресе жастар арасындағы жұмыссыздықты азайтуға ерекше көңіл бөлу керек. Жоғары оқу орындарын, колледждерді бітірушілер, әсіресе білімі жоқ жастардың тұрақты жұмысқа орналасу мүмкіндігі әрқашан бола бермейді» деп баса айтқан болатын.Қазіргі кезде белгілі бір маман иесі атанып, жұмыссыз отырған жастар жетерлік. Иә, кімнен болмасын сұрай қалсаңыз, дипломы бар бірақ жұмыссыз маман. Бұрындары «аш бала тоқ баламен ойнамайды, тоқ бала аш боламын деп ойламайды» демекші, мемлекетіміздегі әлеуметтік ахуалдың сын көтермейтіні жасырын емес. Азық-түліктің сәт сайын қымбаттауы, күнделікті жүрістің өзіне біршама қаражаттың қалтамыздан қалай кетіп қалғанын да аңғармай қаламыз. Тіпті табысының өзі күнделікті шай-пұлынан ауыспайтын отбасылар да жетерлік. «Мұның қасында жұмыссыз жүрген жандар қалай күн көріп жүр?» деген сауал еріксіз ойға келеді.Ал мемлекет басшысы Қасым-Жомарт Тоқаев айтқандай «Жаңа Қазақстанды» құрудың негізгі қадамы ең алдымен кедейшілік пен жұмыссыздықты жоюдан бастау алуы тиіс екені анық.<blockquote>–Азаматтардың əл-ауқаты жəне əлеуметтік көңіл-күйі мемлекеттің басты назарында болуы керек.&nbsp;Цифрлармен ойнауды қойып, нақты істерге көшетін кез келді. Мемлекеттік аппарат көп жағдайда «өзін-өзі тиімді жұмыспен қамтушылар», «ресми емес жұмыспен қамту» секілді терминдерді қолданып, жағдайды жасыруды жақсы көреді. Соның салдарынан көп¬теген адам жұмыссыздықпен бетпе-бет келіп, əлеуметтік қорғаусыз қалып жатыр. Бұл – əлеуметтік-еңбек саласын сапалы жаңартуды қажет етеді. Осы мақсатпен мынадай шараларды қабылдаған жөн. Халықтың табысын арттыру бағдарламасын əзірлеу қажет. Жұмыс нақты əрі əрбір азаматқа бағдарланған болуы керек. Басқарудың əр деңгейінде кедейлікті төмендетудің нақты көрсеткіштерін бекіту қажет,–деген болатын Президент.</blockquote>Сонымен бірге мемлекет басшысы Қасым-Жомарт Тоқаевтың әрбір 10 мың адамға 100 жаңа жұмыс орнын ашу жөніндегі тапсырмасына сәйкес Арал ауданында тиісті шаралар атқарылып келеді. Өткен жылы жұмыссыздық деңгейі 5,0% құраған. Соынмен бірге былтырғы экономикалық белсенді халық саны 29 778 адам, оның ішінде жұмыспен қамтылғаны 28 277 адам.&nbsp;Жұмыс іздеуші ретінде орталыққа хабарласқан 3144 адамның1578-і жұмыспен қамтылса, оның 627-і тұрақты. Сондай-ақ&nbsp;өткен&nbsp;жыл көлемінде 3000 жаңа жұмыс орнын құру межеленіп, оның 52 пайызы орындалды.&nbsp;Былтырғы жыл басынан бері 6 бос жұмыс орындары жәрмеңкесі өткізілген екен.<blockquote>–Шыны керек қазір қара жұмыс істегісі келетін жандар өте аз.&nbsp;Көбісіне табысы жақсы, өзіне көп күш түсірмейтін жұмыс керек. Негізі елімізде жұмыссыздықтың алдын алу бойынша түрлі бағдарламалар қарастырылған. Мәселен, мемлекет тарапынан «2021-2025 жылдарға арналған кәсіпкерлікті дамыту жөніндегі» ұлттық жоба қабылданғаны барлығымызға белгілі. Атаулы жобаның бірінші бағыты бойынша кәсіпкерлікке белсенділікті арттыру мақсаты көзделген. Оның міндетіне өз ісін ашу және дамыту үшін барынша жағдай жасалады. Міне, «жұмысым жоқ» дейтін жандар өзінің сүйікті ісі арқылы кәсіп ашып, табыс таба алады,–дейді қала тұрғыны М.Олжабаев.</blockquote>Жұмыссыздықтың басты себептерінің бірі жастардың оқыған мамандықтарына сай жұмыс орындарының аз болуы секілді.&nbsp;Тіпті жұмыс көзі мүлде табылмайтын мамандық иесі атанған жастардың өкінішін де көріп жүрміз. Сол үшін өмірдегі маңызды қадамдардың бірін жасамас бұрын болашақты ойлағанымыз жөн. Ал мемлекет тарапынан жұмыссыздықтың алдын алу үшін барынша мүмкіндіктер қарастырылып, жұмыстар атқарыла бермек.Фото: Freepik

Аралда жұмыссыздық мәселесі оң шешімін тауып келеді

<a href="https://kyzylorda-news.kz/">Kyzylorda-news.kz</a>&nbsp;&nbsp; Бүгінде ұлттық киім үлкен сұраныста. Әсіресе, мерекелік кештерде, ас-тойларда қазақы киім кию үрдісі қалыптасып келеді. Қынамабел қамзол, үкілі бөрік ару қыздардың ажарын аша түссе, заманауи қалпақ, зерлі бешпент жігіттерге жараса кетеді. Сонымен қатар, қазір мектеп оқушылары да ұлттық нақышқа сай киінуге ықыласты. Бұл бастаманы мұғалімдер, ата-аналар да құптады.Біздің кейіпкеріміз Айзат Мырзаева – Жаңақорған ауданы Түгіскен ауылының тұрғыны. Отбасындағы қыз балалар. «Ана көрген тон пішер» дегендей, киіз басып, кілем тоқыған кезінде жабылып жәрдемдесетін. Осылайша түкті кілем, тықыр кілем тоқуды, текемет, киіз басудың әдісін үйреніп алды.Сол бала күнінен қолөнерге қызығып, әсемдікке құштарлықты бойына сіңірген ол қазір ұлттық киімді киіз басу әдісімен әзірлейді. Заманауи үлгіде дайындалып, ұлттық оюмен зерленген сәнді бешпенттердің түймесі де ерекше, ағаштан, сүйектен, мүйізден жасалады. Табиғи таза өнімнен дайындалған &nbsp;сырт киімдерге жастардың қызығушылығы жоғары.<blockquote>– Анамыз ауылға белгілі шебер еді. Ауылда әлі күнге дейін ол кісінің қолынан шыққан кілемдер бар. Осы еңбекті әрі қарай дамытуды ойлап, қолөнермен айналысуды бастағанмын. Бастапқыда ғаламтор арқылы қолөнер бұйымдарын жасаудың қыр-сырын іздеп көрген едім. Одан кейін Қорқыт ата атындағы университетінің оқытушысы Айдана Әлайдарова киіз басудың жаңа технологиясын үйретіп, аяқкиім әзірлеуден бастадым. Әрі қарай өзім меңгеріп, &nbsp;түрлі үлгілер бойынша киім басуды қолға алдым. Оның өзгешелігі, алдымен эскизін сызып алып, киімді киізден басып, дайын болған соң оюды инемен шаншып орналастырамыз.Қазір Оқушылар мен жасөспірімдер үйінде қолөнер үйірмесінің жетекшісімін, оған қоса, «Бегімбай» өнер орталығында киіз басу үйірмесіне жетекшілікі етемін. Осы күні киімдердің үлгісін әзірлеп берсем, үйірмедегі оқушылар дайындайды. Киім жасауға қажетті өнімдерді өз қаражатыма сатып аламын, – дейді А.Мырзаева.</blockquote>Қолөнершінің айтуынша, бұдан бөлек, тігін цехы да бар. Онда тігіншілер тұрғындардың тапсырысы бойынша перде және құрақ көрпе дайындайды.Ғазиза ӘБІЛДА &nbsp;

Айзат Мырзаева: Анамның жолын жалғастыру үшін білімімді жетілдірдім

<a href="https://kyzylorda-news.kz/">Kyzylorda-news.kz</a> Бүгінде ел экономикасын дамытушы күштердің бірі – кәсіпкерлік саласы болып отыр. Кәсіп бастаймын деген азаматтарға мемлекет тарапынан біршама көмек те қарастырылған. Иә, қайтарымсыз грант ұтып, қазір кәсібінің нәсібін көріп жатқан жандар да баршылық. Мемлекет басшысы Қасым-Жомарт Тоқаев Қазақстан халқына жолдауында «Кәсіпкерлікті жүйелі түрде қолдау. Бұл жұмыста бәрін басынан бастап реттеу керек. Тапсырма екі жылдан бері орындалмай келеді. Жүздеген, тіпті мыңдаған заңнамалық құжат пен нұсқаулықты қайта-қайта түзете бергеннен ештеңе шықпайды. Оның орнына ықшам әрі түсінікті жаңа ережелерді бекіткен жөн. Мұндай тәсілді 2024 жылғы 1 қаңтардан бастап толық енгізу қажет.» деген болатын. Сонымен бірге Президент: «Мемлекет қаржылай қолдау жасаған кезде бәсекеге қабілетті шағын және орта бизнес өкілдеріне баса мән береді. Еңбекақы төлеу қорын көбейткен және салық төлемдерін арттырған кәсіпорындарға қолдау көрсетіледі. Бұл – негізгі талап. Мемлекеттік сатып алудың мүлде жаңа жүйесі жасалады. Бағаның төмен болуы ғана емес, тауарлар мен қызметтердің сапасы басты назарда болады»-деді Қасым-Жомарт Тоқаев. Қазақстан Республикасы Еңбек және халықты әлеуметтік қорғау министірінің 2022 жылғы 7 ақпандағы №47 бұйрығына сәйкес, «Бастау бизнес» жобасы бойынша халықты кәсіпкерлік негізде оқыту жобасы бастау алған болатын. Кәсіп бастаймын деген адам Bussines.Enbek.kz порталындаөтінім білдіріп, онлайн-оқудан өту үшін автоматты түрде Atameken Academy порталына жіберіледі. Сонымен бірге курсты атаулы портал арқылы онлайн форматта оқиды екен. Оны оқу ұзақтығы 25 күннен аспайды, сондай-ақ тегін оқытылады. Курс аяқталған соң, оқыған азаматқа сертификат беріліп, оның жарамдылығы үш жылға дейін болады. Ендігі кезекте бөлінетін грантқа 18 бен 29 жас аралығындағы жұмыссыз жастар, сондай-ақ әлеуметтік осал санаттағылар (аз қамтылған отбасы мүшелері-атаулы әлеуметтік көмек алушылар, көп балалы отбасылар, яғни жәрдемақы алушылар), сонымен бірге қоныс аударғандар, қандастар, мүгедектігі бар адамдар мен мүгедек баланы тәрбиелеп отырған азаматтар бола алады. Тағы айта кететін жәйт, грантты қаржыландыруға өтініш беру үшін атаулы әлеуметтік көмек алатын тұлғаларда «Бастау бизнес» жобасы бойынша оқуды аяқтағаны туралы сертификат та болуы керек. Осыған орай, өткен жылдары&nbsp;Арал ауданы бойынша 400 адамға грант беру жоспарланған. 2022 жылы «Бастау бизнес» жобасы бойынша оқыған 1106 адамның өтініші түсіп, 400 адам комиссияның оң шешімін алды. Оның ішінде грант 226-сы осал топтағы азаматтар болса, 171-і жастарға берілді. Сонымен бірге қоғамның қозғаушы күші жастар екені де белгілі. Иә, ел болашағы – жастар қолында деген ұстанымды жоғары қоятын мемлекетімізде жастарды қолдау көп.&nbsp;«Еліміздің келешегі де осы білімді де, білікті жастар қолында»- дегендей, бүгінде білімін кәсіпке арнап, алға қарай дамып келе жатқан жастарымыз жетерлік. Солардың бірі – Нұрай Ерланқызы. Ол бүгінде елімізді қалыптастырушы кішкентай бүлдіршіндеріміздің кемел болашағына септігін тигізіп жүрген жайы бар. Нұрай өз кәсібі жөнінде:<blockquote> – Бүгінгі технология қарқынды дамып келе жатқан уақытта балалардың 80 пайызында тілі дұрыс шықпай қалатын кемшілік бар. Иә, бала тілінің адам естімейтін логопедиялық диагноздар көптеп кездесуде. Бүлдіршіндердің таза, анық сөйлеуіне ықпал жасау мақсатында осы кәсіпті қолға алған болатынмын. Баласы үшін ем іздеп шырылдап жүрген аналарымыз басқа қалаларға барып, балаларын қаратып жүреді.&nbsp;Осындай жағдайды да ескере отырып «қолымнан келсе неге көмектеспеске» деп, тырысып келемін. 11 000 халықы бар Сексеуіл кентінде мұндай қызметке сұраныс та өте жоғары. Ал ауданда аналарымыз 1 ғана логопедиялық орталыққа баласын кезекке қойып, аптасына 2 ақ күн апарып жатады. Негізінде балаға 10 күн бойы үзбей жұмыс жасалуы керек. Менің негізгі мамандығым мектепке дейінгі оқыту және тәрбиелеу. Яғни, балабақша тәрбиешісі. Қазіргі таңда ата-аналардың сұранысымен Сексеуіл кентінде логопед болып жұмыс істеп жатқаныма 2 жылдан астам уақыт болды. Мемлекет тарапынан кәсіп ашуға берілген мүмкіндікті пайдаланып, қайтарымсыз грант алдым. Осы мүмкіндіктің арқасында балаларды оқытуға арналған түрлі құрылғылар алып, кәсібімді әрі қарай да дамыттым. Бүгінге дейін біршама жетістіктерге жеттім. 50-ден астам баланың анық сөйлеуіне ықпалымды тигіздім. Алдағы уақытта да кәсібімді дамыту үшін әлі де жұмыс істей бермекпін, - дейді жас кәсіпкер.</blockquote> Нұрай баланың сенсорлы, сенмомоторлы және де тактилді жүйесін дамытатын логопедиялық-дефектологиялық сабақ жүргізеді.&nbsp;Сонымен бірге сабағының алғашқы бөлігі дефектологиялық-логопедиялық жұмыстар және АФК-ның алғашқы элеметтерін жүргізуге арнайды екен. Ал сабақтың қалған бөлігі баланы сөйлетуге арналған классикалық және зондтармен массаж жасалады. Сонымен қатар, Нұрай екі рет қатарынан облыс және аудан әкімінің Алғыс хатымен марапатталған. Бағындырар белесі көп Нұрайға кәсіптік табыс пен жетістік тілейміз. Байқағанымыздай, қайтарымсыз грант ұтып, бүгінде кәсібін дамытып жатқан жандар жетерлік.&nbsp;Осы тұста адамға керегі тек – ниет. Дана халқымыз: «Еңбектің наны тәтті»-демекші, бойындағы білімі мен талантын пайдалана білген адам қай кезде болмасын кез келген істі оңай алып кетері анық. Сол үшін мемлекет тарапынан беріліп жатқан қолдауларды мүмкіндігінше пайдалана білгеніміз дұрыс.

Білімін кәсіпке айналдырған жан

<a href="https://kyzylorda-news.kz/">Kyzylorda-news.kz</a>&nbsp; Қалдық қоршаған ортаны ластайды. Жер бетіндегі зиянды заттардың &nbsp;жинақталған массасы топырақ жамылғысына, өсімдіктерге, жерүсті және жерасты суларына жағымсыз әсерін тигізеді. Қоқыс жанған кезде атмосфераға өте көп улы заттар бөлініп, тыныс жүйесі аурулары мен репродуктивті және &nbsp;иммундық жүйелердің ауытқуларына да әкеліп соғуы мүмкін.ҚР Экология және табиғи ресурстар министрлігі мен «Қазақстан Ғарыш Сапары» АҚ арасында қалдықтар орналасқан жерлерді қашықтан зондтаудың ғарыштық түсірілім қызметі бойынша келісім-шарт жасалып, соған сәйкес 2018 жылдан бастап қала маңындағы 50 шақырым белдеуде орналасқан бейберекет қалдық орындарын жою көзделген еді. Былтыр аталған ғарыштық мониторинг нәтижесінде 74 рұқсатсыз қалдық орны анықталып, өңір республикада алғашқылардың бірі болды. Қысқа мерзімде анықталған қалдықтарды экология департаменті жергілікті атқарушы органдарымен бірлесе отырып толықтай жойды.<blockquote>– Департаменттің заңсыз қалдық орындарын болдырмау жөніндегі жұмысы нәтижесіз емес. Рұқсатсыз тасталған қалдық орындары жыл сайын азаюда. Атап айтқанда, 2018 жылы 240 орын, 2019 жылы 228 орын, 2020 жылы 136 орын, 2021 жылы 105 орын, 2022 жылы 99 орын анықталса, 2023 жылы 74 рұқсатсыз қалдық орны табылған. Бұл сандар қалдыққа қатысты көрсеткіштің жылдан жылға азайып келе жатқанын көрсетсе де, тұрғындар арасында үйреншікті қоқыс алаңдарын қалдыққа толтыру тоқтамай келеді. Бүгінгі күні Қызылорда облысы стихиялық қалдық орындарын жою жөнінде атқарылған шаралар нәтижесі бойынша аймақтар көрсеткішінде алғашқы орында тұр. Бірінші ретте заңсыз қалдық орындарының түзілуін болдырмауға бағытталған іс-шараларды жүйелі түрде жүзеге асыру да біздің құзырымызда, – дейді облыс бойынша экология департаменті мемлекеттік экологиялық бақылау бөлімінің басшысы Әлішер Шамкенов.</blockquote>Айта кетейік, департамент қала аумағындағы заңсыз қалдық орындарын анықтау мақсатында рейдтік іс-шараларды тұрақты ұйымдастырып келеді. Нәтижесінде тиісті әкімдіктерге қалдықтан тазарту, бүлінген жерді қайта қалпына келтіру туралы мәселе қойып, жергілікті атқарушы органдар жедел түрде тазартуда. Оның айтуынша, қалдыққа көмілген жеке жер иелеріне әкімшілік шара көріліп, тіпті, 10 АЕК көлемінде айыппұл салынады. Оған қарамастан қала тұрғындарының қалдық тастау мәдениеті қалыптаспай келеді.Сонымен қатар көктемгі көркейту-көгалдандыру және санитарлық-тазалық сенбіліктері облыс көлемінде тұрақты түрде жүргізілуде. Осы ретте тұрғындарды баршамызға ортақ қала тазалығын сақтап, Сыр өңірінің табиғатын қорғауға шақырамыз.Дина БӨКЕБАЙФото: dzen.ru

Қазақстан және Қызылорда облысының жаңалықтары