<a href="https://kyzylorda-news.kz/">Kyzylorda-news.kz.</a>&nbsp;Сырдария ауданынан шалғайда орналасқан Жетікөл деген ауыл бар. Аядайға ауылдың халқы облыс орталығымен тығыз байланыста. Өз кезегінде Сырдария ауданының &nbsp;әкімі Берік Сәрменбаев Сырдария ауданына қарасты Жетікөл ауылында жаңадан ашылған егіс алқаптарының жұмыстарымен танысты.Өткен жылы хабарлағанымыздай облыстық бюджеттен аудандағы Жыңғылдыкөл, Хозцентр, Военторг каналдарын механикалық тазарту жұмыстары жүргізіліп, нәтижесінде, Жетікөл ауылына Тәуелсіздік алған жылдан кейін аяқ су алғаш рет келген еді. Ал «Жетікөл Жері» ЖШС-і күздік дала жұмыстарын жүргізу және егін егу жұмыстарын бастаған болатын.<blockquote>– Сырдария ауданында ілкімді істер көп. Мәселен, Жетікөл ауылына өткен жылы Украйна елінен инвесторлар тарта білдік. Жері құнарлы ауылдың табанына су кетпегенін анық білеміз. Ауылда Сыр саласы егілмесе де, бақшалық өнімдер жыл сайын жерге орналастырылады. Бүгінде &nbsp;ауқымды жұмыстар қолға алынғанына қуаныштымыз. Инвесторлар ауыл шаруашылығы саласын дамытуға зор үлес қосуда. &nbsp;Жері жомарт – Жетікөл ауылы егін егу саласында үздіктер қатарынан көрінсе деген тілегіміз, – бар делі аудан басшысы.&nbsp;</blockquote>Міне, биыл дихандардың еңбегі мен күш-жігерінің нәтижесінде 500 гектар жер ашылып, егіс алқаптары дайындалды. 80 гектарға күріш, 100 гектарға күнбағыс және 2 гектарға картоп, 4 гектарға көкөніс, 14 гектарға бақша дақылдары орналастырылды.&nbsp;100 гектар жерге егілген күнбағыс дақылына серіктестік өз қаражат есебінен 40,0 млн теңгені құрайтын қондырғы сатып алып, жаңбырлатып суару әдісін қолдануда. Жергілікті жердің 12 адамы жұмыспен қамтылды. Шаруалар мұнымен тоқтап қалмайтындарын, алдағы уақытта жаңа жерлерді ашып, егіс алқабын кеңейтетіндерін жеткізуде.&nbsp;<blockquote>- Еселі еңбектеріңіз көзге көрініп тұр. Бұл жерге аяқ су келмегеніне 30 жылдан асқан еді. Мемлекеттік бағдарламалардың нәтижесімен, аймақ басшысы Н.Нәлібаевтың қолдауымен егіс даласына су жеткізілді. Биыл егін алғаш егіп басталды. Бұл үлкен жетістік. Еңбектеріңіз еселене берсін. Қамбамыз дәнге толсын. Сіздерге елге жасаған зор еңбектеріңіз үшін ерекше алғыс білдіремін,-деді аудан әкімі Берік Әбдіғаппарұлы шаруалармен кездесуде.</blockquote>Жалпы биылғы жылы Сырдария ауданында 36043 гектарға ауыл шаруашылығы дақылдары орналастырылды.&nbsp;Оның ішінде негізгі дақыл – күріштің көлемі 23500 гектар, жаздық бидай 1723 гектар, арпа 15 гектар, мақсары 180 гектар, күнбағыс 100 гектар, жаңа жоңышқа 1846 гектар, ескі жоңышқа 7200 гектар, және картоп, көкөніс, бақша 1168 гектарды (картоп-508 га, көкөніс – 240 га, бақша – 420 га) құрайды.&nbsp;Азық-түлік қауіпсіздігін қамтамасыз ету мақсатында тұрғындардың өзін-өзі әлеуметтік маңызы бар картоп, көкөніс, бақша өнімдерімен қамтамасыз ету мақсатында шаруашылық құрылымдары тарапынан ауыл тұрғындары үшін егіс алқаптарынан 359 гектар қосымша жерлер ашылып, 1105 отбасыға бөлініп берілді.

Жетікөл ауылында инвесторлар егін егуде 

&nbsp;<a href="https://kyzylorda-news.kz/">Kyzylorda-news.kz.</a>&nbsp; Өткен жылы қаланы абаттандыру, елді мекендерді дамыту, оның ішінде ауыл тұрғындарының өмір сүру сапасын жақсарту, оларға жайлы орта жасау бағытындағы жұмыстарды ынталандыру, бағалау мақсатында аймақта алғаш рет «Үлгілі елді мекен» облыстық конкурсы жарияланған болатын.Облыс әкімі Нұрлыбек Нәлібаев аталған байқаудың жеңімпаздарын марапаттаған болатын. Байқау нәтижесімен батырлар ауылы атанған Нағи Ілиясов ауылы облыстағы «Үлгілі ауыл» номинациясының жеңімпазы атанды.Еңбек Ерлері шыққан республикадағы үлгілі ауылдардың алдыңғы қатарындағы Н.Ілиясов елді мекеніне берілген лайықты бағаға сәйкес, жеңімпаз ауылға құрмет көрсету және аймақ басшысының қолдауымен «Үлгілі ауыл» Н.Ілиясов ауылына берілген жер қазатын трактор және жүк тасымалдайтын «КАМАЗ» көлігін табыстау рәсіміне арналған мерекелік шара өткізілді.Іс-шараға аудан әкімі Берік Сәрменбаев қатысып, байқау жеңімпазы атанған ауыл азаматтарын құттықтады.<blockquote>- Бүгінде ауылдың экономикасы дамыған, әлеуеті артқан. Әлеуметтік нысандар жаңарып, гүлденіп, көркейген ауыл өзге елді мекендерге үлгі етіледі. Жуырда елді мекенде құны 450 млн теңге болатын «Еңбекшілер аллеясының» бой көтергенін өңір жұрты мақтанышпен айтады. Сондықтан да облыс әкімі Нұрлыбек Нәлібаевтың қолдауымен өткізілген «Үлгілі елді мекен» конкурсында Н.Ілиясов ауылының жеңімпаз болуы – бәріміз үшін ортақ абырой.&nbsp;Бұл ауданның, ауылдың қарқынды даму үдерісін көрсетеді. Елді мекеннің өркендеуіне мемлекеттен зор қолдау көрсетілуде. Сондай-ақ, ауылдың дамуында Қазақстанның Еңбек Ері Абзал Ералиевтің еңбегі өлшеусіз. Ел үшін осындай игі бастамаларды жүзеге асырып жатқан азаматтарға шынайы алғысымды білдіремін! &nbsp;– деді аудан әкімі.</blockquote>Мерекелік шарада аудан тазалығына ерекше үлес қосып жүрген бірқатар тазалықшылар облыс және аудан әкімінің алғыс хаттарымен марапатталды.Өз кезегінде облыстық мәслихат депутаты Жұмабек Ембергенов құттықтау лебізін білдірді.&nbsp;<blockquote>– Облыс әкімі Нұрлыбек Нәлібаев аймақта алғаш рет «Үлгілі елді мекен» облыстық конкурсын жариялап, кеше аталған байқаудың жеңімпаздарын марапаттады. Байқау нәтижесімен батырлар ауылы атанған ауданға қарасты Нағи Ілиясов ауылы облыстағы «Үлгілі ауыл» номинациясының жеңімпазы атанды. Ал, бүгін ауданда дүбірлі той болып, аудан әкімі Берік Сәрменбаев «Үлгілі ауыл» Н.Ілиясов ауылына берілген жер қазатын трактор мен жүк тасымалдайтын «КАМАЗ» көлігінің кілтін мерекелік шара аясында табыстады. Осыған қоса, елді мекендерде ерен еңбек етіп, тазалық сақшысына айналған азаматтарға алғыс білдіріп, құрмет көрсетті. «Үлгілі елді мекен» конкурсында Н.Ілиясов ауылының жеңімпаз болуы – бәріміз үшін ортақ абырой. Осындай қуаныштарымыз көп болсын. Қуанышқа ортақтасып, мен де дүбірлі тойға куәгер болдым. Мұнан соң, нағилық өнерпаздар әннен шашу шашып, тұрғындарға мерекелік көңіл-күй сыйлады. Ауданымыз дамып, көркейе берсін дегім келеді, – деді облыстық мәслихат депутаты.&nbsp;</blockquote>Бұл ретте, сала басшылары &nbsp;мен аудан тұрғындары да үздік ауылды кезекті жеңісімен құттықтады.&nbsp;<blockquote>– Апта ағымында сырдариялықтар үшін қуанышты жаңалықтың лебі ескен жайы бар. Нағи Ілиясов ауылы облыс көлемінде үздіктер қатарынан көрініп, жеңімпаз атана білді.&nbsp; Менің алғаш ауылға келген сәтім әлі есімде. Көркіне көз толмайтын ауыл келбетіне таңдана, тамсана қарайтын едім. Республикаға белгілі елді мекеннің ерекше сымбатын көріп, «Ауылына қарап, азаматын таны» деген сөздер есіме еріксіз оралатын.&nbsp; Бұл ретте, жасампаз ауылдың көркеюіне Абзал және Дархан Жұмашұлы ағаларымыздың еңбегі ерекше. Қос азаматтың қолтаңбасымен келген ауылды көркейту жобасын теңдесіз дүние қатарына жатқызатын едім. Әр жыл сайын көркейту-көгалдандыру жұмыстары айрықша серпін алып, жаңара түсуде. Әрбір нағилық өз ауылын мақтан тұтады. Ел ағаларының жасап жатқан ісіне береке берсін демекпіз. Алдағы уақытта үздік атана білген ауылдың гүлденуіне ел азаматтарымен бірге барымызды сала бермекпіз, – деді Нағи Ілиясов ауылдық мәдениет үйінің директоры Нұрбол Тұранов.&nbsp;</blockquote>&nbsp;Сонымен бірге ауыл тұрғыны Жанат Шайзадаева &nbsp;ізгі тілегін жеткізді.&nbsp;<blockquote>– Жүгі нарда, қазаны теңде болып, көшпелі ғұмыр кешкен қазақ халқының ертеден-ақ ежелгі мекені-ауыл болғаны анық.Яғни-ауыл ұлтымыздың ұйытқысы.Ауыл барлық халық анасы,тіршіліктің нәрі.Ұлтымыздың ұясы, алтын бесігі, ырыстың кіндігі саналып келе жатқан ауыл. Туған жер, туған ауыл қымбат маған, Ешкімге бұл сезімді былғатпаған. Мен оның өзім ғана сезінетін, Қастерлі қасиетін жырлап бағам, деген өлең жолдары ауыл экономикасының өсуіне халықтың ынтымағы мен бірлігі, ауылдың тазалығы мен гүлденуіне өз үлестерін аянбай қосып жүрген іскер ел ағаларына арнап айқым келіп отыр.Ауыл түлесе-қазақ түлейді.Өйткені, ауыл мен қазақ ажырамас ұғымдар. Туған жер кемелденіп аршындадың, Қазаққа қазіргі күй-қалпың мәлім. Шетелдердің межесіне көп ұзамай, Енерсің осы бетпен адымдағын. Ауылдардың Астанасы атанған гүлденген Нағи ауылы Облыс әкімінің ұйымдастыруымен өткізілген "Үлгілі елді мекен" конкурсына қатысып, нәтижесінде "Үздік ауыл"номинациясы I дәрежелі дипломмен ауылымыздың әкімі Сағдат Нұрмағанбетұлы марапатталды. Ауылды абаттандырып, көркейту жұмыстарын қарқынды жүзеге асырып отырған Қазақстанның Еңбек Ері Ералиев Абзал Жұмашұлына және "Мағжан и К" ЖШС-нің төрағасы, аудандық маслихат депутаты Ералиев Дархан Жұмашұлына алғыс білдіреміз. Гүлденсе ауыл-гүлденеміз бәріміз, – деді ауыл тұрғыны.&nbsp;</blockquote>Марапаттау салтанатынан кейін Нағи Ілиясов ауылдық мәдениет үйінің ұйымдастыруымен аудан орталығында "Өнер-өмір өрнегі" атты өнер фестивалі өткізілді. Облыстық "Үлгілі елді мекен"конкурс нәтижесінде Нағи Ілиясов ауылы жүлделі I орынмен "Үздік ауыл" номинациясын жеңіп алды. Иә, гүлзары көркем, ғимраттары келісті, құлпырған елді-мекеннің келбеті алыстан мен мұндалап,көз тартады.Ауыл-халықтың алтын құрсағы.Тәуелсіз қазақ еліндегі гүл жайнаған бірінші ауыл-Нағи Ілиясов елді мекені. Ауыл ажарланса-қазақтың да маңдайы жарқырағаны. Ауыл көркемөнерпаздары ауданымыздың тұрғындарына жақсы көңіл күй сыйлады.

Сырдария ауданы: Аймақтағы үздік ауылға лайықты құрмет көрсетілді 

<a href="https://kyzylorda-news.kz/">Kyzylorda-news.kz.</a>&nbsp; Биыл Қорқыт ата атындағы Қызылорда университетін 3084 түлек бітіруде. Біз үшін әр шәкірттің өмірден өз орнын тауып, қанаты қатаюы өте маңызды.⠀Осы уақытқа дейін мыңдаған түлектің жарқын болашағына жолдама берген оқу ордамыз QS World University Rankings (WUR) халықаралық рейтинг агенттігінің талдауы бойынша тұңғыш рет әлемнің үздік университеттерінің қатарына кірді.⠀Жыл сайын университетті таңдайтындар саны да артып келеді. 2022-2023 оқу жылында жалпы білім алушылар саны 10 мыңнан асты. Оның ішінде грант негізінде білім алатындар саны да көбейді.⠀Ғылым мен технологияның дамуы қоғамда жаңа мамандық иелеріне сұраныс туғызуда. Сондықтан елімізге қажетті маман даярлау ісіне басымдық берудеміз. Білім алушылардың мықты маман, жан-жақты тұлға болып қалыптасуы ерекше назарда.<blockquote>–⠀Бітіруші түлектер, сіздерді Қазақстан Республикасындағы кәсіби білікті маман қатарын толықтыруларыңызбен құттықтаймын! Жігерлі, білімді адамдар жарқын болашаққа жол ашады. Талапты әрі батыл болыңыздар! ⠀Алдағы уақытта өздеріңіз білім алған Қорқыт ата атындағы Қызылорда университетімен байланысты үзбей, оқу орнының мәртебесі биік болуына үлес қосады деп сенемін, – деді Қорқыт ата атындағы Қызылорда университетінің ректоры Бейбіткүл Сәрсемханқызы.</blockquote>

Бітіруші түлектерге диплом табысталды

<a href="https://kyzylorda-news.kz/">Kyzylorda-news.kz.</a> Әр аптаның жұма күні Сырдария ауданының әкімі Берік Сәрменбаев тұрғындардың жеке мәселесі бойынша қабылдау өткізеді.&nbsp;Бұл аптада тұрғындар денсаулық сақтау, білім мен тұрғын үй және жұмыссыздық мәселесі бойынша өтініштерін жеткізді. Аудан әкімі кезектілік тәртібімен жазылған азаматтарды жеке қабылдады. Қабылдауға жазылған азаматтар мәселелерін жеткізді.<blockquote>– Аудан әкімінің тұрғындарды мәселелері бойынша жеке қабылдауы өтетіні туралы ақпарат алғаннан кейін мен де өз мәселемді аудан басшысына тікелей жеткізуді жөн деп шештім. Қабылдауға алдын ала жазылып, арнайы келген жайым бар. Қазіргі таңда аудан тұрғындарының басым бөлігі көгілдір отынға қол жеткізіп, игілігін көріп отырған жайы бар. Бірақ тұрмыстың төмендігіне орай маған бұл мүмкін болмай тұр. Көмір тасып, от жағу күн суықта тіпті қиынның қиыны. Осы мәселені аудан басшысына жеткізіп, қолдау сұрай келдім. Аудан әкімі өз кезегінде бұл сұрақтың шешімін тауып, көмек қолын созатынын айтты. Қуанышымда шек жоқ. Құдай қаласа, мен де биылғы қысты еш уайымсыз күтетін болдым. Ел игілігі жолында еңбек етіп жүрген балаларыма Алла береке берсін, – дейді аудан тұрғыны Роза Байтөреева.</blockquote>Өз кезегінде аудан әкімі Берік Әбдіғаппарұлы тиісті сала басшыларына айтылған мәселе бойынша шешу тетігін қарастырып, оның орындалуына нақты тапсырмалар жүктеді.

Аудан әкімі тұрғындарды қабылдады

<a href="https://kyzylorda-news.kz/">Kyzylorda-news.kz.</a>&nbsp; Ауылдық жерлерде шешімін таппаған мәселелер әлі де көп. Солардың бірі Жетікөл ауылдық округінде байланыс антенасын құру еді. Сырдария ауданына қарасты ауылдық округте бұл мәселе өз шешімін тауып, Мұхтар Көзейбаевтың демеушілігімен, ауыл тұрғындары үлкен қуанышқа бөленіп отыр. Ендігі жерде тұрғындар жылдам ғаламторға еркін қол жеткізе алады.«Байланыс антена жұмыстары аяқталды! Ауылымыздағы ең өзекті мәселелердің бірі байланыс антенасын құру еді. Бүгін Көзейбаев Мұхтар ағамыздың қолдауымен антена мұнарасының жұмысы аяқталды. Ауылымыздың гүлденуіне үлес қосқан Мұхтар ағамызға және де көмек берген ауыл азаматтарына алғысымыз шексіз» деп жазды ауыл тұрғындары әлеуметтік желіде.Антенна – радио, телехабар толқындарын тарататын және қабылдайтын құрылғы. Антеннаның толқын тарату бағыттылығы толқынның таралу бағытындағы толқын өрісі кернеуін жоғарылатады.Жетікөл ауылдық округі тұрғындары енді жылдам интернет желісін еркін қолдана алады. Ауылды дамыту, көркейту қазіргі таңда күн тәртібіндегі мәселе. Осы ретте атқарылып жатқан игі істің нәтижесін халық алдағы уақытта көре бермек. Оның үстіне бүгінгідей ақпараттық жүйе дамыған заманда ғаламтор желісінің жүйелі жұмысы маңызды. Осы ретте тұрғындар үшін аса маңызды мәселе шешім тауып, байланыс антеннасы құрылғаны қуантарлық жаңалық.

Жетікөл ауылында байланыс антенасы құрылды

<a href="https://kyzylorda-news.kz/">Kyzylorda-news.kz.</a>&nbsp; Мемлекеттік бюджет есебінен ұсталатын ұйымдардың медициналық қызметкерлерінің жалақысы артады. 2023 жылғы 1 қыркүйектен бастап олардың лауазымдық еңбекақысына түзету коэффициенттері көтеріледі.Тиісті қаулы жобасы <a href="https://legalacts.egov.kz/npa/view?id=14631410">"Ашық НҚА"</a> сайтында жарияланды және 28 шілдеге дейін қоғам талқысына шығарылған.Жоба үкіметтің "Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы" қаулысына өзгеріс енгізуді көздейді.1 қыркүйектен бюджеттік ұйымдардың дәрігерлерінің еңбекақысына түзету коэффициенті 2,73-тен 3,42-ге дейін, орта деңгейдегі медқызметкерлерде 2,05-тен 2,34-ке дейін өседі.2023-2025 жылдарда мемлекеттік бюджеттен 22 мың қызметкер үшін 36,11 млрд теңге қажет:2023 жылы – 5 млрд теңге,2024 жылы – 15 млрд теңге,2025 жылы – 15,7 теңге шамасында.

Мемлекеттік емханаларда істейтін дәрігерлердің жалақысы 1 қыркүйектен бастап өседі

<a href="https://kyzylorda-news.kz/ru">Kyzylorda-news.</a> Өнегелі отбасы – елдің тұтқасы! Жарасымды жанұя мен ізгілікті қасиеттерге толы әулет қашан да көпке үлгі. Жарасымды жанұя құрып, өнегелі өмір сүрудің үлгісін танытатын, қазақтың қарашаңырағының қошеметі мен қадіріне қыл жуытпай, тағылым талабымен танылып келе жатқан отбасылардың тұрмысын таразылап, құрмет биігіне шығаруға бағытталған «Мерейлі отбасы - 2023» ұлттық конкурсының аудандық кезеңі де өз мәресіне жетті.Ежелден-ақ дана халқымыз «Отан отбасынан басталады» деп, қоғамдағы отбасының құндылығына ерекше назар аударған. Мықты мемлекеттің қалыптасуы үшін әрбір үйдің, әрбір шаңырақтың береке бірлігі жарасымды, ынтымағы ырысты болуы керек. Үлкенге ізет көрсету, кішіге құрмет қылу – қазақ тәрбиесінің алтын діңгегі. Ықылым заманнан қазақ ұғымында отбасының орны ерекше.&nbsp;Елімізде «Отбасы» күні – қыркүйек айының екінші жексенбісінде аталып өтіледі. Бұл күнді атап өтудегі мақсат – мемлекетіміздің мызғымас қазығы болып &nbsp;табылатын отбасы институының имиджін арттыру, қоғам назарын отбасына аудару, отбасындағы зорлық-зомбылық жағдайларын болдырмау болып табылады. &nbsp;Еліміздегі отбасы құндылықтарын насихаттау мақсатында жыл сайын, дәстүрлі «Мерейлі отбасы» байқауы өткізіліп келеді. Байқау – ауыл аймақтан басталып, облыстық, республикалық деңгейде ұйымдастырылады. Осы тұста Жалағаш ауданының орталығында «Мерейлі отбасы – 2023» ұлттық конкурсының аудандық кезеңінің жеңімпаздары мен облыстық «Үлгілі елді мекен» конкурсының жеңімпаздары марапаттау үшін салтанатты шара өтті. Осы күнге дейін мерейі асқан отбасыларды насихаттауға арналған байқауға 90-ға жуық отбасы өтінім берген. Соның 22-сі облыстық кезеңге жолдама алған. Өмірлері өнегемен өрілген отбасылар құрмет төрінен көрінген шарада аудан әкімі Асқарбек Есжанов отбасы құндылықтарын насихаттауда аталған байқаудың маңызы зор екенін жеткізді.&nbsp;– Біз – ата-анасын ардақтап, қариясын құрметтей білетін, отбасын Отанның тірегіне санайтын елдің ұрпағымыз. «Мерейлі отбасы» ұлттық байқауының аудандық кезеңінде белсенділік танытып, қатысқан әр отбасыға шынайы алғысымды айтамын. Баршаңызды бүгінгі мерейлі мерекемен тағы да құттықтай оты¬рып, әр шаңыраққа шаттық, бақ-береке тілеймін, – деген аудан әкімі.&nbsp;Мұнан соң жеңімпаз атанған отбасыларға бағалы сыйлықтар мен арнайы дипломдар табыстады. «Мерейлі отбасы» ұлттық конкурсының аудандық іріктеу кезеңінің қоры-тындысы бойынша бас жүлдені Жаңадария ауылындағы бірлігі мен берекесі жарасқан Тұрсынбековтер отбасы иеленді. Мерейлі отбасының ақсақалы Күмісбай Тұрсынбеков өзінің саналы ғұмырында елге қызмет етіп, «ССР ауыл шаруашылық министрлігінің төсбелгісімен, Құрмет грамоталарымен марапатталған. Өмірлік жары Бақтыгүл Ақпанбетова да 8 бала дүниеге әкелген «Алтын алқа» иегері, 23 немере, 3 шөбере өрбіткен өнегелі әулет. Ал мерейлі отбасылардың конкурсында жалағаштық Ералиевтер әулеті жүлделі І орын, Жалағаш кентінен қатысушы Ержановтар әулеті ІІ орын, ал ақсулық Алдабергеновтер отбасы жүлделі ІІІ орын алды.&nbsp;Ұлттық салт-дәстүр, әдет-ғұрып қағидаларын ұстана отырып, өнегелі құн-дылықтарды, елжандылық қасиеттерді балаларының бойына дарытып келе жатқан бұл шаңырақ иелері бұған дейінгі жеңімпаз отбасылардың қатарын толықтырды. Ал бас жүлде иегері атанған Тұрсынбековтер отбасы байқаудың облыстық кезеңіне жолдама алды. Сонымен бірге салтанатты шарада байқауда белсенділік көрсеткен, ұлттық құндылық пен мол мұраларымызды, дәстүр жалғастығымыздың желісін үзбей келе жатқан отбасылар арнайы номинациялармен марапатталды. Олардың қатарында «Өнегелі отбасы» Мырзабай ахун ауылынан Әлімбаевтар әулеті, «Ұлағатты отбасы» Еңбек ауылынан Өржановтар жанұясы, «Парасатты отбасы» Бұқарбай батыр ауылынан Сайділдаевтар әулеті, «Үлгілі отбасы» мырзабайлық Осмахановтар жанұясы, «Берекелі отбасы» М.Шәменов ауылынан Ақмырзаевтар әулеті бар.&nbsp;Мерекелік шара мұнан ары облыстық «Үлгілі елді мекен» конкурсының жеңімпаздарын марапаттау рәсіміне ұласты. Айта кетейік, аймақ басшысы Нұрлыбек Нәлібаевтың қолдауымен өткізілген облыстық «Үлгілі елді мекен» конкурсында «Үздік ауыл» номинациясы бойынша ІІ орынды Таң ауылы иеленген болатын. Облыс бойынша үлгілі ауыл атанған, тірлікпен түлеген Таң ауылының арнайы жүлдесін табыстаған аудан басшысы Асқарбек Темірбекұлы Отанды сүю отбасынан басталатынын, ауланың тазалығы ауылдың, ауданның тазалығы екенін жасырмады.&nbsp;Үздік үштіктен көрінген Таң ауылының жүлдесі жаңа жер қазатын трактор және тіркемесі. Осы тұста айта кету керек, Таңда анау айтарлықтай мәселенің жоқтығын кіреберістен-ақ бірден аңғаруға болады. Мұнтаздай таза көшелер мен жасыл-желектің, түрлі-түсті заманауи үлгімен салынған қоғамдық маңызы бар нысандардың ауыл ажарын арттырып тұрғаны тағы бар. Осындай игі іс пен ауылдың түлеуіне күш салып келе жатқан «Таң ЛТД» ЖШС мен ауыл әкімінің іскерлігін көпке үлгі қылуға әбден болады.Сонымен бірге орталық алаңда өткен салтанатты шарада кент және ауылдық округтердегі санитарлық тазалықты сақтап, көркейту-көгалдандыру мен абаттандыру жұмысына белсенділік танытып, өз ауласын, көшесін гүлге көмкерген белсенді тұрғындар, жауапты мамандар да алғыстан құр алақан қалмады. Ісімен көпке үлгі бола білген азаматтар облыс, аудан әкімінің алғыс хаттарымен марапатталды.Айта кетейік, сонау 2014 жылдан бері дәстүрлі түрде жалғасын тауып келе жатқан «Мерейлі отбасы» ұлттық конкурсының облыстық іріктеу кезеңінің қорытындысы бойынша 2016 жылы Мәдениет ауылынан Мұстафаевтар отбасы І орын, Жалағаш кентінен Сүлейменовтер отбасы ІІ орын, 2017 жылы Аққыр ауылынан Ғаниевтар отбасы І дәрежелі дипломмен марапатталып, «Мерейлі от-басы» ұлттық байқауының Астана қаласында өткізілетін республикалық кезеңіне жолдама алса, Бұқарбай батыр ауылынан Нұрмағанбетовтер отбасы ІІІ орын иеленген еді. Сондай-ақ 2018 жылы Мәдениет ауылынан Тоқсановтар отбасы ІІ орынмен, 2019 жылы Бұқарбай батыр ауылынан Сәменовтер отбасы «Парасатты отбасы» номинациясымен, 2021 жылы Аққұм ауылынан Шуақбаевтар отбасы ІІІ орынмен, 2022 жылы Аққыр ауылынан Маштаевтар отбасы ІІІ орынмен, Еңбек ауылынан Бекниязовтар отбасы «Берекелі отбасы» номинациясымен марапатталып, құрмет төрінен көрінген болатын. Жалағаштықтарға арналған салтанатты шара мұнан ары концерттік бағ-дарламаға ұласты.

Жалағаш: Мерейлі отбасылар марапатталды

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының әкімі Берік Сәрменбаев Тереңөзек кентінде орналасқан «Айгөлек» балабақшасының ұжымымен кездесті.«Айгөлек» балабақшасында 20-дан астам қызметкер жұмыс жасап, 50 бала тәрбиеленуде. 2022 жылы балабақша ғимараты қатты отыннан, көгілдір отынға қосылып, жұмыс жасауда.<blockquote>«Балабақшада берілген тәрбие – барлық тәрбиенің бастамасы әрі жан – жақты тәрбиемен дамыту ісінің түпкі негізін қалайтын орын, ал тәрбиеші – сол балабақшаның жүрегі, яғни, Сіздердің қолдарыңызда баланың тағдыры тұрады. Бұл мамандықтың қыры да, сыры да сол – күн сайын көз алдарыңызда өсіп, дамып келе жатқан жас ұрпақпен жұмыс істеу. Жұмыстарыңызға табыс тілеймін»,-деді аудан басшысы кездесу барысында.</blockquote>Бала тәрбиесімен тікелей айналысып отырған ұжым қызметкерлері де өз кезектерінде бірқатар ұсыныстарын жеткізді.&nbsp;<blockquote>– Қазіргі уақытта балаларды балабақшамен қамту мәселесі аудан бойынша жолға қойылған. Халық баласына сапалы білім берудің баспалдағы қаланатын балабақшаның материалдық базасы кеңейгені дұрыс. Әркез сала мамандарына қолдау көрсетіле бермек. Бұл ретте, жаман мамандарды жұмыс тарту мәселесі назардан тыс қалмағаны орынды. Себебі, тәжірибелі кадр дайындауда үлкен жауапкершілік керек. Сондықтан біз балаларын сеніп тапсырған ата-аналар алдында сапалы қызметімізді көрсеткеніміз дұрыс. Әрине, білім саласында өзекті мәселелер көп. Балаларды жеке меншік балабақшалар да, тәрбиелеу үстінде. Барлық балабақшаның жұмысы білім саласының стандарттық ережесіне сай болғаны дұрыс деп есептеймін. Алдағы уақытта балабақша қызметкерлерінің жағдайын жақсартуға мемлекеттен қолдаулар болатынына сенеміз, – деді аудан басшысы.&nbsp;</blockquote>Кездесуден кейін аудан әкімі балабақшаның жалпы жұмысымен танысып, балаларға берілетін тағамдардң күнделікті мәзірімен және қоймалардағы, асханадағы азық-түліктердің сапасын көріп шықты.Жалпы, Сырдария ауданы бойынша 30 мектепке дейінгі білім беру ұйымдары жұмыс жасауда, онда 2050 бала тәрбиеленуде. Оның ішінде 17 мемлекеттік балабақша-1450 бала, 7 жеке балабақша-385, 6 шағын орталық-215 бала тәрбиеленуде.

Балабақша – білім мен ортаға бейімделудің тірегі

<a href="https://kyzylorda-news.kz/">Kyzylorda-news.kz.</a> Бүгін аудан әкімдігінің мәжіліс залында аудан әкімінің орынбасары Еспенбетов Роллан Манарбекұлының төрағалығымен мемлекеттік қызметтер көрсету сапасын арттыру және 2023 жылы 5 айында жүргізілген мониторингте орын алған кемшіліктерді талқылау жөнінде семинар өтті.&nbsp;Семинарға облыс әкімі аппаратының мемлекеттік қызмет көрсету бөлімінің бас инспекторы Жұмабаева Жанбота Дүйсенқызы, облыстық ауыл шаруашылығы және жер қатынастары басқармасының бас маманы Ақылбеков Нұрсұлтан Асылханұлы, ауылдық округі әкімі аппаратының және дербес бөлімнің мамандары қатысты.&nbsp;Семинарда аудан әкімдігінің цифрландыру және мемлекеттік көрсетілетін қызметтердің мониторингі бөлімінің басшысы Е.Беймбетов “Мемлекеттік көрсетілетін қызметтердің сапасын арттыру”бағытында атқарылған жұмыстары және жүргізілген мониторингте орын алған кемшіліктер туралы баяндама жасады.&nbsp;<blockquote>Жергілікті халыққа мемлекеттік қызметтерді сапалы орындауда ауданда көлемінде орын алған кемшіліктер дер кезінде жойылуы тиіс. Біз ұдайы халықтың назарындамыз. Атқарушы билік өкілдерінің жұмысы қай кезде де, таразыға түсетіні жасырын емес. Әкімдік пен дер бөлім, ауыл әкімшілігі, тиісті салалалық мекемелер бүгінгі семинарда меңгерген әдіс-тәсілді жұмыс барысында қолдану керек. Сондықтан сала мамандарының ескертпелерін әрбір қызметкер назарда ұстағаны жөн. Ауданның мерейі – бәріміз үшін ортақ. Семинар барысында &nbsp;мемлекеттік көрсетілетін қызметтердің сапасын арттыруға мән берілді. Алдағы уақытта мамандарымыз облыс әкімі аппаратының мамандарымен бірлесіп жұмыс деген сенімдеміз. Қай кезде де, біз өз мамандарымыздың білімін жетілдіруден жалықпаймыз, – аудан әкімінің орынбасары. &nbsp;&nbsp;</blockquote>Облыс әкімі аппаратының мемлекеттік қызмет көрсету бөлімінің бас инспекторы Ж.Жұмабаева “Мемлекеттік көрсетілетін қызметтің сапасы мен мерзімі” бойынша түсіндірме жұмыстарын жүргізді.

Сырдарияда мемлекеттік қызметтер көрсету сапасын арттыру бойынша семинар ұйымдастырылды

<a href="https://kyzylorda-news.kz/">Kyzylorda-news.kz.</a>&nbsp; 16 шілдеде Мемлекеттік кірістер комитетінің бірқатар ақпараттық жүйесі істемейді, деп хабарлайды &nbsp;ведомствоның баспасөз қызметі.16 шілдеде Астана уақыты бойынша сағат 10:00-18:00 аралығында электр беру жабдықтарында профилактикалық жұмыстар жүргізілуіне байланысты Мемлекеттік кірістер комитетінің бірқатар ақпараттық жүйесі істемейді.Атап айтқанда, «e-Salyq Business», «e-Salyq Azamat», «Web-Портал», «Салық төлеушінің кабинеті», «Е-терезе», «ЭШФ», «ОБДШ», «АСТАНА-1» және басқа да мемлекеттік мекемелермен интеграциялар «ЭҮШ» және «СЭҮШ» арқылы сыртқы (Интернет) контурда қолжетімді болмайды. &nbsp;

16 шілдеде бірқатар ақпараттық жүйе істемейді

<a href="https://kyzylorda-news.kz/">Kyzylorda-news.kz.</a>&nbsp; Емханаға жүгінгенде келеңсіз жағдайлар қаншалықты жиі орын алады және олардың көбін сол жерде шешуге болатынын білесіз бе? Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәселе шешілмесе не істеу керектігін және пациенттер жиі қандай жағдайларға тап болатынын айтып берді.1-ЖАҒДАЙМӘМС жүйесіндегі мәртебеңіз «Сақтандырылған», бірақ емханада сізге сақтандырылмағансыз дейді. Осы кезде уайымға салынбау керек. &nbsp;Техникалық ақау орын алып жатады немесе сіздің мәртебеңіз туралы мәліметтер емхананың медициналық ақпараттық жүйесінде жаңартылмаған болуы мүмкін.Осындай жағдайда не істеу керек?• Қордың ресми ресурстарының бірі - Telegram-дағы @Saqtandyrybot, Qoldau 24/7 мобильді қосымшасын ашыңыз немесе eGov.kz-тегі жеке кабинетке кіріңіз&nbsp; • Өз ЖСН-іңізді теріңіз • МӘМС жүйесіне соңғы 12 айда төленген жарналардың көшірмесін аласыз Егер барлық төлемдер болыа, сіздің мәртебеңіз «сақтандырылған» болса, Пациенттерді қолдау қызметіне хабарласыңыз. Қолыңызда болған жағдайда, төлем түбіртектерін көрсетуге болады. Сондай-ақ, мәртебені тексеру үшін 1414 Бірыңғай байланыс орталығына жүгіне аласыз. &nbsp;Егер соңғы 1 жылда төленбеген кезеңдер болса, мәртебеңізді қалпына келтіру үшін өткізіп алған барлық айларға жарналарды төлеңіз. Жарналар бойынша берешек төленгеннен кейін мәртебе 3 жұмыс күні ішінде жаңартылады. Яғни дәрігердің қабылдауына бірден жазыла алмайсыз, қабылдауды басқа күнге ауыстыру қажет.2-ЖАҒДАЙСіз сақтандырылғансыз және МӘМС жарналарын үзбей төлейсіз, бірақ сізге &nbsp;бейінді мамандардың қабылдауына және/немесе тексерулерге жолдамалар берілмейді.Не істеу керек?Бұл жолдаманы алу үшін сізде медициналық көрсеткіш болмауы мүмкін. Дәрігер пациентті консультациялық-диагностикалық қызметтерге жіберу туралы шешімді &nbsp; диагноз белгілері негізінде және клиникалық хаттамаларды ескере отырып қабылдайды.Егер сізде медициналық көрсеткіштер бола тұра &nbsp;жолдама берілмесе, емханадағы Пациенттерді қолдау қызметіне жүгініңіз. Егер жағдай шешілмесе, сіз 1414 нөміріне қоңырау шалып, шағым қалдыра аласыз. &nbsp;3-ЖАҒДАЙСізге тексерілуге немесе бейінді маманның кеңесіне жолдама берілді, бірақ жақын арада ол жерге жазылу мүмкін емес. Нәтижесінде күте тұруыңызды сұрайды. &nbsp;Не істеу керек?Бұрын пациенттер өзінің тіркелген емханаларында ғана медициналық қызмет ала алатын немесе белгілі бір диагностикалық орталықта қымбат тексеруден өту үшін квотаны күтетін. Қазір емханада жоспарлы медициналық көмекті екі апта ішінде ұсына алмаса, пациентті қажетті консультациялық-диагностикалық көмек алу үшін бірлесіп орындау шарты бойынша жұмыс істейтін басқа медициналық ұйымға жолдамамен жіберуі тиіс.Егер дәрігер жолдама беруден бас тартса, &nbsp;Пациенттерді қолдау қызметіне немесе бас дәрігердің емдеу ісі жөніндегі орынбасарына жүгіну керек. &nbsp;Мәселені сол жерде шешу мүмкін болмаса Медициналық сақтандыру қорының ресми кері байланыс арналары Qoldau 24/7 мобильді қосымшасы, 1414 бірыңғай байланыс орталығына қоңырау шалу арқылы немесе fms.kz сайтының «сұраныс жіберу» бөлімінде өтініш қалдыра аласыз.4-ЖАҒДАЙСізге тегін медициналық көмектің кепілдік берілген көлемі немесе МӘМС пакетінде көзделген медициналық қызметтер үшін ақы төлеңіз дейді. Мысалы, КТ/МРТ нәтижелері жазылған диск пен пленканы сатып алуды &nbsp;және алдағы айға жазыла алмауына байланысты ақылы негізде ультрадыбыстық тексеруден өтуді &nbsp;және т. б. сұрайды.Не істеу керек?Мұндай жағдайларда бірден Пациенттерді қолдау қызметіне немесе бас дәрігердің емдеу бөлімі бойынша орынбасарына жүгініп, не себепті медициналық қызмет көрсетуден бас тартқанын сұрау қажет.Егер мәселе шешілмесе, Сіз Қорға шағым жіберіп, ресми жауап күте аласыз. Әдетте бұл мәселенің күрделілігіне және жоспардан тыс мониторинг жүргізу қажеттілігіне байланысты 1-ден 5 жұмыс күніне дейін созылады.Егер сіз төлем жасап қойсаңыз, ақылы қызметтерді алуға келіскендігіңізді білдіреді. Сондықтан сіз қаражатыңызды қайтара алмайсыз. Бұндай жағдайда медициналық ұйымға тиісті түсіндіру жұмыстарын жүргізуге және алда &nbsp;осындай келеңсіздіктерге жол бермеу үшін Қорға хабарласу керек. &nbsp; &nbsp;5-ЖАҒДАЙМедициналық қызметтерге бөлінген қаражат лимиті таусылды, келесі айда келіңіз. Сіз осындай сипаттағы медициналық көмектен бас тарту жағдайына қаншалықты жиі ұшырайсыз?Медициналық көмекке лимит жоқ. Егер тексеруден өтуге немесе бейінді маманның консультациясын алуға медициналық көрсеткіштер болса, сіздің учаскелік дәрігеріңіз өз емханаңыздың мамандарына жолдама беруі немесе бірлесіп орындау шарты бойынша басқа медициналық ұйымға жолдамамен жіберуі тиіс.6-ЖАҒДАЙСіз емханаға қатты ауырып бардыңыз делік. Созылмалы аурудың өршуімен, жарақатпен немесе ЖРВИ белгілерімен жүгінсеңіз де, МӘМС жүйесінде мәртебеңіздің жоқ деп сізге медициналық көмек көрсетуден бас тартады.Мұндай жағдайда не істеу керек?Алғашқы шұғыл медициналық көмек қажет болған кезде пациенттің тіркелген медициналық ұйымның орналасқан жері де, МӘМС жүйесіндегі сақтандырылған мәртебесі де маңызды емес. Пациент жақын жердегі емхананың фильтр кабинетіне &nbsp; жүгіне алады немесе жедел медициналық көмек бригадасын үйге шақыра алады. Сондай-ақ, жақын жердегі ургентті клиниканың травматологиялық пунктіне немесе қабылдау бөлмесіне бара алады. Мұндай клиникалар туралы ақпаратты 103 нөміріне қоңырау шалып, сұрап алуға болады.7-ЖАҒДАЙСіз әлеуметтік маңызы бар немесе созылмалы аурумен Д есепте тұрсыз, бірақ &nbsp;сақтандырылған мәртебеңіздің жоқтығына байланысты олар сізді қараудан және басқа салалық мамандардың кеңесіне жіберуден бас тартады.Мұндай жағдайда не істеу керек?&nbsp; Д-есепте тұрған созылмалы немесе әлеуметтік маңызы бар аурулары бар пациенттер &nbsp;мәртебесінің бар-жоғына қарамастан, ауру түрі және клиникалық хаттаманың ұсынымдарына сәйкес тегін дәрі-дәрмекпен қамтамасыз етуді қоса алғанда, барлық қажетті медициналық көмекті ала алады.Басқа жағдайлар мен аурулар бойынша жоспарлы медициналық көмек алу үшін сақтандырылған мәртебесінің болуы қажет.Егер сіз Д-есепте тұрмасаңыз, тексерулерден өтіп, диагнозды бейінді мамандармен растау үшін мәртебе керек болады. Барлық жоспарлы консультациялық-диагностикалық көмек МӘМС есебінен көрсетіледі.8-ЖАҒДАЙДәрігер сізге «Сақтандырылған» мәртебесі керек екенін және бұл үшін 2020 жылдан бастап МӘМС жарналарын төлеу қажет деп айтты.Не істеу керек?Сақтандырылған мәртебесін алу үшін алдағы 12 айға немесе тұрақты төлем жасамаған болсаңыз, соңғы бір жылдағы берешек айларға төлем жасап шығу керек. &nbsp;Айта кету керек, егер МӘМС жарналарын бұрын-соңды төлемеген болсаңыз, өткен жылғы қарызды төлемеуіңізге болады. Оның орнына, ағымдағы айды қоса алғанда, алдағы 12 айға жарналарды төлеген абзал. Мәртебе 3 жұмыс күні ішінде беріледі.9-ЖАҒДАЙСақтандырылған мәртебесінің жоқтығына байланысты сізге скринингтер жасаудан бас тартады.Не істеу керек?&nbsp; Кейбір онкологиялық ауруларды ерте анықтау мақсатында скринингтен өту үшін сізде сақтандырылған мәртебесі болу керек.Бірақ 30-70 жас аралығындағы сақтандырылмаған пациенттер үшін скринингтік тексерулер бар. Оған Маклаков көзішілік қысымды өлшеу немесе байланыссыз пневмотонометрия бойынша, жалпы холестерин мен глюкозаны анықтау, ЭКГ, сонымен қатар нәтижелерді түсіндіру үшін терапевтің қабылдауы кіреді. &nbsp;10-ЖАҒДАЙСіз МӘМС жарналарын мемлекет төлейтін азаматтардың жеңілдетілген санатына кіресіз, бірақ жүйеде сізге мәртебе берілмеген.Не істеу керек?Жеңілдік мәртебесі азаматтарды тиісті реестрлер мен базаларға енгізу негізінде беріледі. Мұның бәрі төлеушінің санатына байланысты. Мысалы, күндізгі бөлімде оқитын студенттерді Ұлттық білім беру базасына, ал жүкті әйелдер жүкті және фертильді жастағы әйелдер тізіліміне қосылуы керек. Егер пациенттің деректері тиісті базаларда болмаса және Қор мемлекеттік органдардың ақпараттық жүйелерінен мәлімет алмаса, онда олар жеңілдік санатына кіре алмайды. Мұндай жағдайда студенттер өздерінің оқу орнының деканатына жүгінуі тиіс, ал әйелдер жүктілік бойынша есепке тұруы керек.Егер сізде қосымша сұрақтар туындаса немесе егжей-тегжейлі кеңес қажет болса, &nbsp;1414 бірыңғай байланыс орталығына &nbsp;қоңырау шалыңыз. &nbsp; &nbsp;

Емханаға барғанда жиі кездесетін 10 жағдай 

<a href="https://kyzylorda-news.kz/">Kyzylorda-news.kz.</a>&nbsp; Су тапшылығының зардабын тартып жатқан қызылордалық күрішшілер Кәсіпкерлер палатасының алаңында сала мамандарымен мәселені шешудің жолдарын іздеді.Кәсіпкерлер палатасы жанындағы Агроөнеркәсіп кешені кеңесінің кезекті отырысы аяқ су мәселесіне арналды.Отырысқа егін және мал шаруашылығымен айналысатын кәсіпкерлер мен облыстық ауылшаруашылығы және жер қатынастары басқармасының, «ҚазСуШар» ШЖҚ РМК Қызылорда филиалының, Арал-Сырдария бассейндік инспекциясының өкілдері қатысты.Күрішшілер егінге қажет суды дәл қажет сәтінде ала алмай отырғанына алаңдаушылық білдірді.<blockquote>«Мамырда керек су маусымда берілді. Енді шілдеде су сұрасақ тамызда береміз деп отырсыздар. Каналымызда су жоқ қазір, кеуіп кетті. Егініміз күйіп жатыр ғой. 125 гектарға еккен күрішімізді көк күйінде тастадық, күйіп кетті. Енді қалған егінімізге қауіп төніп тұр», – деді Тұрмағамбет ЖШС директоры Пірмантаев Нұржан.</blockquote>Салаға жауапты мамандар жағдайды бақылауда ұстап отырғандарын, берілетін су көлемін реттеп отырғандарын айтумен болды.<blockquote>«Су тапшылығын еңсеру үшін күріштіктің көлемін азайту керек деген пікірлерді жиі естиміз. Әрине, суды үнемдеу маңызды. Алайда күрішсіз Қызылорда облысының экологиялық ахуалы нашарлайды. Топырақ тұзданып, «жарамсыз оазиске» айналады. Өйткені Сыр топырағының қатты тұздануын күріш егу арқылы шаймаса, аса тұзды топырақта басқа дақылдардан өнім алу мүмкіндігі өте төмен. Бұл – мамандардың тұжырымы. Осы &nbsp;салада 550-дей ірілі-ұсақты шаруашылықтарда 9500 –ден астам маусымдық және тұрақты жұмысшылар жұмыс істейді. Ауыл халқының 45-50 пайызы осы саладан нәпақасын тауып отыр. Оны да ескеруіміз керек», – деді Қызылорда облысы кәсіпкерлер палатасының диреторы Пірмұхаммед Сыздықов.</blockquote>Су тапшылығының салдары егіншілерге ғана емес, мал ұстап отырған кәсіп иелеріне де зардабын тигізіп жатыр екен.<blockquote>«Жауапты мамандар шабындыққа берілетін судың мәселесін де ескергенін сұраймыз. Мысалы Тереңөзектегі Асқар Тоқмағамбетов ауылында биыл төртінші жыл шабындықта су жоқ. Өз көзіммен барып көрдім», – деді «Сыр сыйы» шаруа қожалығының жетекшісі Нұрлан Биманов.</blockquote>Жиын соңында кәсіпкерлер суды үнемдеу үшін жауапты мекемені анықтап, қараусыз қалған каналдарды балансқа алуды, сондай-ақ берілетін суды қадағалайтын арнайы комиссия құруды ұсынды.Сала мамандары кәсіпкерлердің ұсынысын басшылыққа алып, шешу жолдарын қарастыратынын жеткізді. &nbsp;

Қазақстан және Қызылорда облысының жаңалықтары