Kyzylorda-news.kz «Қызылорда қаласының қоғамдық даму» коммуналдық мемлекеттік мекемесі және «Қызылорда облысының» жастар Одақтары қоғамдық бірлестігінің ұйымдастыруымен «Cыбайлас жемқорлықтың алдын алуға бағытталған ақпараттық түсіндірме жұмыстарын, адам саудасы мен құқық бұзушылықтың алдын алуға бағытталған шараларды ұйымдастыру» әлеуметтік жобасы аясында сыбайлас жемқорлыққа қарсы тақырыптарда мектеп оқушылары арасында «Жас суретші» байқауы өткізілмек.
Байқауға 12-16 жас аралығындағы оқушылар қатыса алады. Байқау талабы бойынша суреттер А3 форматындағы қағазға салынып, сурет салу кезінде гуашь, акварель бояулары, түрлі-түсті карандаш сынды тағы басқа да бояу құралдарын қолдануғарұқсат етіледі. Сондай-ақ оқушылар сурет салуға қажетті құралдарды өздерімен бірге алып келуі тиіс.
Байқауға қатысушылардың сұраныстары taskinbayeva91@list.ru электрондық поштасына немесе Қорқыт Ата көшесі, №7а мекенжайына жіберу арқылы қабылданады. Қатысушы сұраныстары 30 мамырға дейін қабылданады. Сонымен қатар байқаудың жүлдеқоры да қомақты. Суретшілер байқауының І орын жеңімпазына 50 000 теңге, ІІ орын 30 000 теңге, ІІІ орынға 20 000 теңге жүлдеқоры бар.