<a href="https://kyzylorda-news.kz/">Kyzylorda-news.kz.</a>&nbsp; Қай кезде немесе қандай жағдай болса да әркімнің құқықтық сауаттылығы жоғары болғаны жөн. Себебі кез келген жағдайда адам баласы өзін қорғай білуі қажет. Осы орайда, құқық қорғау қызметкерлері жыл сайын түсіндірме жұмыстарын жүргізеді. Шілде айының 14-15 күндері аудан орталығында «Жолда қабылдау» республикалық акциясы өткізілуде.Акцияның негізгі мақсаты – азаматтардың құқықтық сауаттылықтарын арттыру. Осыған байланысты аудандық полиция бөлімінің &nbsp;қызмет кенттегі Аманкелді Иманов көшесі бойында орналасқан «Халыққа қызмет көрсету орталығы» ғимаратының адында аудан тұрғындарына құқық¬тық кеңес беру жұмыстарын жүргізуде. Оның барысында аудан тұрғындары жол қауіпсіздігі, көші-қон заңнамасы, автокөліктерді тіркеу, жүргізуші куәлігін алу, жеке куәлік алу, төл құжатты алу, автокөліктерге қосымша бөлшектер орнату және әкімшілік айыппұлдарды төлеу жөніндегі мемлекеттік қызметтерді көрсету жұмыстары бойынша құқықтық кеңестер алуда.<blockquote>– Республикалық акция жыл сайын ұйымдастырылады. Мұның тұрғындарға тиімділігі мол. Өйткені, құқықтық сауаттылыққа қатысты халықтың көкейінде сұрақтар көп. Сала қызметкері ретінде тұрғындарды толғандырған сауалдарға жауап беріп жатырмыз. Акция аясында аудан халқы жол қауіпсіздігі, автокөліктерді тіркеу, жүргізуші куәлігін алу секілді мәселелерге қатысты бірқатар сұрақтарын жолдап, жауап алды. Құқықтық кеңестерге қатысты түсіндірме жұмыстары тұрақты жүргізіледі, – дейді аудандық полиция бөлімінің әкімшілік полиция бөлімшесінің жол және техникалық инспекциясы тобының мемлекеттік инспекторы, полиция майоры Нұрлан Бердібекұлы.&nbsp;</blockquote>Өз кезегінде аудандық полиция бөлімінің бастамасымен кезекті рет Сырдария ауданында "Түнгі қаладағы балалар" жедел профилактикалық іс-шарасы аясында жасөспірімдердің беймезгіл уақытта жүрмеуін, ойын-сауық орындарында болмауын қадағалау мақсатында аудандық жастар ресурстық орталығы мен аудандық полиция бөлімі бірлесе отырып, түнгі рейд жұмыстарын жүргізді. Аталған рейд барысында сағат 23:00 ден кейін ата-анасының қарауынсыз жүрген 4 жасөспірім анықталып, аудандық полиция бөлімінің 1 пунктіне ата-анасы шақырылып, тиісті ескерту хаттамасы толтырылды. "Түнгі қаладағы балалар" жедел профилактикалық іс-шарасы тұрақты түрде жүргізілетін болады.<blockquote>– Жалпы, Сырдария ауданы бойынша тәртіптік іс-шаралар жүйелі түрде жүзеге асырылып келеді. Соның бір дәлелі "Жолда қабылдау" республикалық акциясы аясында жол қозғалысын реттеу бойынша көпшілік кеңінен ақпарат ала білді. Сонымен бірге жол ережелерін сақтаудың негізгі талаптары &nbsp;ескерілді. Ал "Түнгі қаладағы балалар" жедел профилактикалық іс-шарасы бойынша түнгі мезгілде жүрген балалар анықталды. Балалардың ата-аналарымен жеке-жеке сөйлесіп, қоғам тыныштығын сақтау керектігін айттық. Себебі, балалар түнгі мезгілде компютерлік ойындарға бармау үшін қадағалау күшейтіледі. Бүгінде түн мезгілінде балалар футбол ойнауға әуес. Осындайда балаларды уақытылы үйіне қайтуға үндедік, – деді аудандық мәслихат депутаты Нұрман Абдрасилов.</blockquote>

Сырдариялық тәртіп сақшылары республикалық акцияға үн қосты 

<a href="https://kyzylorda-news.kz/">Kyzylorda-news.kz.</a>&nbsp; Бірнеше жылдан бері Тереңөзек кенті әкімдігі төрт түлік малының көшеде жүруіне байланысты жергілікті тұрғындарға түсіндірме жұмыстарын жүргізіп келгені рас. Арнайы рейд ұйымдастырылып, көпшілікке шара қолднылғанымен, қоғамдық орындарда бей-берекет мал жүруі азаяр емес. Өткен аптада Сырдария аудандық Қоғамдық кеңе-сінің мүшелері Тереңөзек кенті әкімдігімен бірлесіп, төрт түлік малдың бей-берекет жүруін болдырмау мақсатында бірнеше көше тұрғындарымен жүздескен болатын.Іс-шараға Сырдария аудандық Қоғамдық кеңесінің төрағасы Марат Еспенбетов, кеңес мүшелері Мұса Келдібаев, Сансызбай Сәдуақасов, Шаһарбек Нұрсейітов, облыстық мәслихат депутаты Жұмабек Ембергенов, Тереңөзек кентінің әкімі Ержан Бахтияров, аудандық полиция бөлімінің қызметкерлері қатысты.&nbsp;Іс-шара аясында мал иелеріне ауданның негізгі көшелерінде, қоғамдық орындарда жүрген малдарға санитарлық тазалыққа кері әсе¬рін тигізгені үшін салынатын айыппұлдар туралы ақпарат берілді. Бұл ретте, Тереңөзек кентінің әкімі Ержан Бахтияров малды өріске айдап, өрістен күтіп алуды, сондай-ақ пада ұйым¬дастыруды жолға қою керектігін жеткізді.<blockquote>– Шын мәнінде, Тереңөзек кенті күннен-күнге көркейіп келеді. Ауқымды жобалар жүзеге асырылып, кент көркіне сән беріледі. Негізінен, әрбір тұрғын мал баққаннан кейін жауакершілікті сезінуі тиіс. Себебі, таңертеңнен тазалық сақ-шылары көшелерді күл-қоқыстан арылтады. Әрбір қызметкердің еңбегін бағалап, төрт түлік малымызды уақытылы өріске айдап, уақытылы күтіп алғанымыз жөн. Әйтпесе, автокөліктердің қозғалысына малдың кедергі келтіретінін бай¬қап жүрміз. Қай кезде де тәртіп барлығымызға бірдей. Заң алдында жауап беруге келгенде қашқақтайтын жандар баршылық. Дегенмен, малымызға иелік етіп, пада ұйымдастыру үшін барынша жұмыс жасауымыз керек, – деді Сырдария аудандық Қоғамдық кеңесінің төрағасы Марат Еспенбетов.</blockquote>Өз кезегінде облыстық мәслихат депутаты Жұмабек Ембергенов &nbsp;аталған мәселеге байланысты пікір білдірді.&nbsp;<blockquote>– Өздеріңіз білесіздер, біздің кентте қараусыз малдың көшеге шығып кететін жағдайы кездесіп жатады. Мал иелеріне аудандық қоғамдық кеңес мүшелері, аудандық ардагерлер кеңесі мен кент әкімі және аудандық полиция бөлімі мамандарымен бірге түсіндірме жұмыстарын жүргізіп, ескертулер жасадық. Құрметті кент тұрғындары Тереңөзек кентінің тазалығына немқұрайлы қарамағанымыз дұрыс. &nbsp;Жауапкершілік барын естен шығармаған абзал. Тереңөзек кенті –бәріміздің ортақ мекеніміз саналады. Сонымен қатар аудан орталығында көптеп жүретін төрт түлік малдар көлік қозғалысын тежейді. Бұл ретте, Тереңөзек кентінің тұрғындарын малдарын өріске таңертең жіберіп, кешкілік күтіп алғаны жөн, – деді облыстық мәслихат депутаты. &nbsp; Расында, Тереңөзек кенті әкімдігі иесіз жүрген малдарды арнайы орындарға қамап, иесіне бірнеше мәрте айыппұл салса да, аталған мәселе күрделеніп отыр.</blockquote>

Сырдарияда иесіз жүрген мал иелеріне түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz.</a> Бүгінде Қызылорда облыстық аумақтық кәсіподақтар бірлестігінде 12 салалық кәсіподақ қамтылып, онда 1020 ұйым мен 95 мыңнан астам мүше біріктірілген. Қазіргі таңда еңбек саласындағы әлеуметтік әріптестікті нығайту мақсатында 2021-2023 жылдарға арналған облыстық келісім шеңбері іске асырылуда. Бұл жөнінде Қызылорда облысының өңірлік коммуникациялар қызметінде өткен брифингте «Қызылорда облысы кәсіподақтар орталығы» аумақтық кәсіподақтар бірлестігінің төрағасы Мақсұт Нәлібаев мәлімдеді.&nbsp;<blockquote>– Кәсіподақ ұйымдары – еңбек ұжымдарындағы әлеуметтік жағдайдың нығаюы бойынша қоғамдық ұйымдармен өзара жұмыстар жүргізуде. Бұдан бөлек, былтыр аймақ басшысының қолдауымен облыстағы 52 ірі және орта кәсіпорынмен арнайы меморандум жасалды. Қазіргі таңда осы меморандум бойынша келісілген міндеттемелер мен жауапкершіліктер аясында еңбек ұжымдарында мониторинг жүргізілуде. Сонымен қатар соңғы екі жылда өңірдегі мекемелер мен кәсіпорындарда 14 ұжымдық еңбек дауларын орын алып, оның барлығы да өз шешімін тапты. Көтерілген мәселелердің басым бөлігі – еңбекақы мөлшерін ұлғайту, еңбек заңнамаларының сақталуы, ұжымдық шарттың орындалуына қатысты. Көбіне еңбек дауларын дер кезінде шешудің заңмен ұсынылған тәсілі күрделі және тиімсіз. Сондықтан кәсіподақтар бастамасымен еңбек заңнамасында еңбек дауларын шешу тәртіптері бойынша бірқатар өзгерістер орын алды. Атап айтқанда, инфляция деңгейінен кем емес мөлшерде жұмыскерлердің жалақысын төлеу жүйесін жетілдіру, күнкөріс деңгейінің шамасын және тұтыну себетінің құрылымын қайта қарау. Бұл өз кезегіне еңбек дауларының алдын алуға өз септігін тигізеді деп сенеміз, – деді Мақсұт Ыбрайханұлы.&nbsp;</blockquote>Жаңадан қабылданған әлеуметтік кодекске байланысты еңбек заңнамасында өзгерістер мен толықтырулар енгізілді. Бұл заң әлеуметтік және еңбек салаларындағы қатынастарды реттеуге бағытталған.<blockquote>– Негізгі өзгерістер мен толықтыруларға мыналар жатады: бірлесіп жұмысқа орналастыру ұғымын енгізу, жылжымалы жұмыс кестесі бойынша еңбек жағдайларын анықтау, төрт күндік жұмыс аптасын қолдану мүмкіндігін енгізу, Еңбек кодексінің өзінде еңбекке уақытша жарамсыздық бойынша жәрдемақыларды тағайындау және төлеу мөлшері мен тәртібін бекіту. Осы енгізілген жаңа құжат әрбір жұмыскердің еңбек құқығын қорғауына және жұмыс беруші арасындағы өзара келісімді нақтылауға ықпал жасамақ, – деді «Қызылорда облысы кәсіподақтар орталығы» аумақтық кәсіподақтар бірлестігінің бас маманы Майра Боранбаева.</blockquote><figure class="image"><img src="https://knadmin.beoblood.kz/uploads/f2c1779b_3d3a_4081_8473_c068cd0551f4_1caff2e420.jpg" alt="f2c1779b-3d3a-4081-8473-c068cd0551f4.jpg"></figure>&nbsp;

Еңбек заңнамасына өзгерістер мен толықтырулар енгізілді

<a href="https://kyzylorda-news.kz/">Kyzylorda-news.kz.</a>&nbsp; Қызылорда қалалық Полиция басқармасының Жедел басқару орталығының бейнебақылау камералары арқылы 16 шілде күні орын алған ұрлықтың ізі суымай ашылды. Белгісіз азамат қала аумағындағы дүкендердің бірінде тұрған «Слам» үлгісіндегі велосипедті ұрлап кеткен.&nbsp;Бейнебақылау камералары арқылы тексеру жұмыстары жүргізілді. Нәтижесінде күдікті азамат велосипедті қала аумағында айдап жүрген жерінен патрульдік полиция қызметкерлерімен ұсталды.&nbsp;Тергеу іс-әрекеттері барысында күдікті ұрланған мүлікті иесіне қайтарып беріп, өз кінәсін толықтай мойындады.&nbsp;Аталған дерек бойынша Қазақстан Республикасы Қылмыстық кодексінің 188-бабы 1-тармағына (Ұрлық, яғни бөтеннің мүлкін жасырын жымқыру) сәйкес сотқа дейінгі тергеп-тексеру амалдары жүргізілуде.Сондай-ақ, Қызылордада қоңырау шалуды өтініп, оқиға орнынан қашып кеткен азамат ЖБО бейнекамералары арқылы ұсталды.Қызылорда қалалық Полиция басқармасының Жедел басқару орталығының «102» арнасына 56 жастағы қала тұрғыны хабарлама берген. Белгілі болғандай, 15 шілде күні сағат таңғы 05:00 шамасында қала аумағындағы саябақтардың бірінде жанына бейтаныс азамат қоңырау шалу үшін «Самсунг J2» ұялы телефонын сұрап алып, оқиға орнынан қашып кеткен. Жедел басқару орталығының бейнекамералары арқылы патрульдік полиция бекеттеріне бағыт – бағдар беріліп, «ізін суытпай» 35 жастағы облыс тұрғыны ұсталды. Ұялы телефон тәркіленіп, заңды иесіне қайтарылды.Аталған дерек бойынша Қазақстан Республикасы Қылмыстық кодексінің 191-бабының 1 - бөлігімен (тонау) сотқа дейінгі тергеп-тексеру әрекеттері жүргізілуде.

Қызылорда: Бейнебақылау камералары арқылы ұрыны «ізін суытпай» ұстады

<a href="https://kyzylorda-news.kz/">Kyzylorda-news.kz.</a> Бірінші топтағы мүмкіндігі шектеулі азамат Манарбек Қожахметовтың жасап жатқан жұмысы көпке үлгі. Өзінің массаж арқылы түрлі дерттің алдын алуға болатын қабілетін сезген ол бастапқыда үй-үйді аралап, халыққа қалтқысыз қызмет көрсетті. Кейін елордаға барып, қытайлық профессор Чан Сиян Юден 3 ай дәріс алып, адам бойындағы басқа да түрлі дертті жоюдың тәсілін жетік меңгереді. 2016 жылы «Салта» кәсіпорнын ашып, жалағаштықтарға үздіксіз қызмет көрсетеді.&nbsp;Түрлі дертке дауа тапқан іскер азамат бастапқыда кент орталығынан ғимаратты жалға алады. Сол жерде 3 жылдай жұмыс жасаған Манарбек Қожахметов пен аяулы жары Салтанат Есенбаеваға түрлі дертпен келгендердің қатары көбейді. Алайда бұл нысанды қыс мезгілінде жылыту оларға қиынға соғыпты. Мәкеңнің үш жыл бұрын аудан орталығындағы көпқабатты үйлердің бірін жалға алуы да сондықтан. Біз барғанда Манарбек ағамыз жасқа толмаған балаға массаж жасап жатыр екен. Сөзінше, бұл баланың ұршығы жетілмеген. Ал баланың бойында бұл дерт қалып қойса, өскенде қиын болатын көрінеді.&nbsp;– Маған ата-аналар көбіне балаларын алып келіп жатады. Байқайтыным, олардың бойынан дисплазия ауруы жиі табылып жатады. Яғни ұршықтың дұрыс жетілмеуі. Оның үстіне қазіргі ата-аналар да, әжелер де балажан ғой. Оларды суға шомылдырғанда аяқ-қолын созуға жүрексінеді. Бірақ оларға да кінә артуға болмайды. Себебі қазір дүниеге келген балалардың көбісінің шеміршегі әлсіз. Оны тек массаж арқылы қалпына келтіруге болады. 6 жыл бұрын бастаған кәсібімнің жемісін көріп жатырмыз. Бірақ мен үшін бастысы – халықтың алғысы. Жұмысымның жүруіне оның да өзіндік себебі бар деп ойлаймын. Елордада оқуда жүргенде көбісін практикада меңгердім. Теория тек қай ауруға қалай массаж жасалады, сол айтылады. Практикада жиған тәжірибемнің көп пайдасы тиді, – дейді Манарбек Қожахметов.Отбасылық бизнестің аяққа тұруы бастапқыда қиын болыпты. Бұл тұста Салтанат Есенбаеваның үлкен көмегі тиген. Ол аудан орталығында жарнама үнпарақтар арқылы түрлі дерттің алдын алуға жұмыс жасайтындарын жалағаштықтарға жеткізген. Хабарласқан тұрғындардың үйіне барып ем-дом жасапты.&nbsp;Мәкең кейін кәсібінің көкжиегін кеңейту үшін мемлекеттен 1 млн теңге қайтарымсыз қаражат алған. Бұл абзал жанның әрі қарай да жұмысының ширауына айтарлықтай қолғабыс болыпты. Келушілер қатарында кейін инсульт алғандар да табылған. Ал оларды аяққа тұрғызу үшін қажетті аппараттар қажет. Осы ретте Манарбек Қожахметов мемлекеттен тағы да 2 млн теңге қаржылай қолдау тапқан.&nbsp;– Иә, келушілер қатарында инсульт алғандар да болды. Ондайлар әлі де келеді. Кейбірі аяққа тұрып жатыр, алғыстан басқа айтары жоқ. Оларда мынадай түсінік бар, аяқ-қолдан жан кетті деген. Алайда мүлде олай емес, аяқ-қолда жан болады. Тек оның қимылын жүзеге асыру үшін ми жұмыс жасау керек. Біз массаж арқылы осыны қамтамасыз етеміз, – дейді ол. Қожахметовтер отбасы қазіргі таңда кент іргесіндегі Ақсу ауылына алып баратын жолдың бойында үлкен ғимараттың құрылысын бастап кетті. Құрылысы аяқталған бойда кәсібін сонда көшірмек. Бір жағынан оның көкжиегін кеңейту де жоспарда бар. Іскер азамат мемлекеттен екі рет қолдау тапты. Бұл – тек кәсіпкерге жасалған қолдау емес, бір жағынан халықтың табысын арттыруға қосылған тамшыдай болса да үлес. Мәкең тағы да мемлекет тарапынан қаржылай қолдау болса, басқа да жобаларын жүзеге асыруға ниет етіп отыр.

Шипалы алақан иесі

<a href="https://kyzylorda-news.kz/ru">Kyzylorda-news.</a> Жалағаш ауданының Төтенше жағдайлар бөлімі азаматтық қорғау саласындағы мемлекеттік саясатты, оның ішінде табиғи және техногендік сипаттағы төтенше жағдайлардың алдын алу және жою, аудан аумағында азаматтық қорғанысты ұйымдастыру және өрт қауіпсіздігін қамтамасыз етуді, төтенше жағдай аймағында халыққа көмек көрсетуді жүзеге асырады.&nbsp;Аудандық Төтенше жағдайлар бөлімі жұмысының басты бағытының бірі аудан аумағында қандайда болмасын төтенше жағдайлардың алдын алу және болдырмау мақсатында профилактикалық іс шаралар жұмыстарын жүргізу.&nbsp; Осыған байланысты жазғы демалыс кезеңінде балалар мен жасөспірімдердің қауіпсіздігін қамтамасыз ету бойынша да жүйелі жұмыстар атқарылды. Осы жылдың мамыр айынан бастап аудан халқының қауіпсіздігін қамтамасыз ету мақсатында су айдындарына күнделікті сағат 15:00-ден, 21:00-ге дейін кестеге сәйкес кезекшілік қойылды. Көп жағдайда жасөспірімдердің, балалардың үлкендердің қарауынсыз су айдындарының жағалауына баруы салдарынан оқыс оқиғалардың құрбаны болып жатады. Бұл ретте, жазғы демалыс кезеңінде балалар мен жасөспірімдердің қауіпсіздігін қамтамасыз ету мақсатында жұмыстар жүргізілуде. Оқушылар жазғы демалысқа шығар алдында да мектеп директорларының бақылауымен суға түсу мауымындағы қауіпсіздік ережелерін сақтау, өз бетінше су айдындарына бармау секілді ескертпелердің жан-жақты түсіндірілуі де аса маңызды.&nbsp;Айта кетейік, аудан аумағында ресми түрде белгіленген, рұқсат етілген суға шомылатын орындар жоқ. Белгіленген суға түсу орындарының болмауынан азаматтардың суға түсу маусымында көп шомылатын орындары нақтыланып, бақылауға алынған. Көбіне тұрғындар Әйтек, Елтай, Ізбай каналы, Иіркөл, Асар-Төбе көлдері мен Сырдария өзеніне шомылады. Аталған шомылу орындарына ересектермен қатар жасөспірім, балаларда бой көрсетеді. Өкініштісі, суға түсу ережелеріне салғырт қарайтындар суға түспес бұрын денені шынықтыру, қыздыру керек екенін естен шығарып жатады. Осының салдарынан аяқ-қол тамырларының тартылып қалуы жиі кездеседі. Сондықтан судағы апаттан қорғанудың ең сенімді жолы суда шомылу ережелері мен қауіпсіздік шараларын қатаң сақтау болып табылады.Ал жыл басынан бері Жалағаш ауданы төтенше жағдайлар бөлімі бойынша ақпаратты есепке алу кітабына 83 хабарлама тіркелді, оның ішінде 33 өрт, 21 өртке жатпайтын жану оқиғалары, 29 басқа да шығыстар болып табылады. Біз оқыс оқиғалардың алдын алуда біршама профилактикалық және түсіндірме жұмыстарын жүзеге асырамыз. Нәтиже бар, қарапайым халыққа да, бізге де апатпен күрескеннен оның алдын алған әлдеқайда тиімді. Бірақ мұны түсінсе қанекей, міне, сол ортақ түсініктің болмауынан біз кейде төтенше жағдайлармен бетпе-бет келіп жатамыз.&nbsp;Барлық орын алған өрт оқиғаларының 21-і тұрғын үйлерде орын алған. Ал жыл басынан бері 5 автокөлік өрті тіркелді. Мұнанбөлек 8 орман-дала өрті орын алды. Көбіне өрт оқиғаларының орын алуына қарапайым халықтың қауіпсіздік ережесін сақтамауы басты себеп болып жатады. Өкініштісі арты қайғылы жағдаймен аяқталған өрт оқиғасы да тіркелді. Бұдан біз сабақ алуымыз керек. Себебі мемлекеттің басты құндылығы адам екенін тек сала қызметкерлері ғана білуі тиіс емес, оны баршамыз түсінуіміз керек. Болмашы қателіктің арты қайғылы жағдайға ұласуы кімге болса да оңай соқпасы анық. Мәселен, ауданда қазіргі таңда өрттің басым көпшілігі тұрғын үй секторында орын алып отыр. Жыл басынан бері тұрғын үйлерде 21 өрт оқиғасы орын алса, оның барлығына басты себеп тұрғындардың өз үйлерінде өрт қауіпсіздік ережелерін сақтамауы болып отыр. Жалағаш ауданы төтенше жағдайлар бөлімі қызметкерлері болып тұрғын үйлерге өрт қауіпсіздік ережелері сақталу мақсатында түсіндірме жұмыстарын жүргізіп келеді.&nbsp;Ал екінші сауалыңызға берер жауабым қуантарлықтай емес. Себебі түсіндірме жұмыстарына қарамастан өрт оқиғалары азаймай отыр. Өрттің басым көпшілігі тұрғын үйде электр сымдарының қысқаша тұйықталуынан, бір мезетте бір электр желісіне шамадан көп тоқ көзін қосуы, тоқ көзі розеткада қосулы күйде қалдыруы, төсек орындарда шылым шегуінен, аула ішінде ашық от жағуынан болып жатады. Қаперде ұстауы тиіс қарапайым ереже бар. Бастысы соны орындаса болғаны. Көбінде біз пәтер өртінің орын алуы пештегі оттан, немесе көгілдір отыннан деп түйеміз. Негізінен сол тілсіз жаудың орын алуына тоқ та себеп болып жатады. Ең алдымен электр өткізгіштердің, ажыратқыштардың және ток көздерінің дұрыс жұмыс істеуін қадағалаңыз. Электр аспаптарын, плиталарды жарамды күйде қолданып, перделер мен жиһаздан алшақ, жанбайтын тіреулерде орналастырыңыз. Әсіресе электр аспаптарын бір нүктеге қосуға жол бермеңіз, бұл электр желісінің шамадан тыс қуаттығына әкеп соқтырады. Қыздырғыштарды киім-кешек кептіру үшін пайдалану да қауіпті, көбіне мұндай қателікке нәзікжандылар барып жатады. Үйді жылыту үшін газ плиталарын қолданбаңыз. Ал үйден шығарда барлық газ және электр қондырғыларының өшірілгеніне көз жеткізген дұрыс.&nbsp;Жылу маусымы басталар алдында да пештерді жөндеуден өткізіп, мұржаларды күл-қоқыстан айына кемінде бір рет тазартып тұрған абзал. Пешке тамызық ретінде тез жанғыш сұйықтарды қолдануға болмайды. Сондай-ақ пештерді жағуды үйден шығар алдында кемінде 2 сағат бұрын тоқтатыңыз. Ал сіріңке мен жандырғыш құралдарды балалардың қолы жетпейтін жерде сақтаңыз. Себебі дәл осындай немқұрайлықтың салдарынан орын алған апатты жағдайларға да кездескен кездеріміз болды. Реті келсе, балаларды мүлде қараусыз, жалғыз қалдырмаған абзал. Балаларға не деп ренжиміз? Тіпті төсек орында темекі шегіп, өрт оқиғасына себеп болған ересектер де болған.&nbsp;Дайындалып жатқан тамақтың плитада бақылаусыз қалуына да жол бермеген дұрыс. Газ құю бекеттерінде тұрмыстық газ баллонын толтыруға тыйым салынады. Себебі пропан газы тұрмыстық бутан газына қарағанда әлдеқайда тез кеңеюіне байланысты көп жағдайда жарылыстың орын алуына сеп болып жатады. Естеріңізде ме, осыдан бірнеше жыл бұрын Қызылорда қаласында бір үйдің екі рет отқа оранғаны. Зерттей келе сондағы әріптестеріміз бір үйде болған екі өрт оқиғасының да сол газ баллондарын газ құю бекеттерінен толтырғаннан болғанын анықтады. Көршілес Қармақшы ауданында да осындай жағдай орын алған болатын. Өкініштісі арты қайғылы жағдаймен аяқталды. Қазір бізге тұрмыстық газды, үйімізге кірген көгілдір отынды да пайдаланудың ережесін сақтаған дұрыс. Бастысы сақтансақ, сақтайтынын естен шығармасақ болғаны. &nbsp;Автокөлікте барлық электр тоқ жүйелері және қондырғылар зауыттан шығарылған болуы тиіс. Біз осыны ескере бермейміз. Қозғалтқыш бөлігі жанармайдан таза болуын қадағалап, майдың төгілуіне жол бермеу керек. Автокөліктердің қосалқы есіктері еркін ашылуы тиіс. Ал қозғалтқышты ашық отпен қыздыруға, қолдан жасалған электр қондырғыларын пайдалануға, жанармай құю станциясында жолаушыларды түсірмей жанармай құюға, автокөлік ішінде темекі шегуге, жанармайдың бос ыдыстарын сақтауға немесе жинауға болмайды. Сондай-ақ аккумуляторды автокөлік ішінде зарядтауға, жанармай сақтау ыдысының аузын ашық қалдыруға, қозғалтқышты бензин, дизель майымен жууға, газ баллондарын тасымалдауға, ашық тұрған, оқшауланбаған электр сымдарын пайдалануға болмайды. Сондай-ақ автокөліктер мінтетті түрде отбасқыштармен қамтамасыз етілуі тиіс. Мұның бәрі балаға айтып отырған ақыл секілді. Бірақ осындай қарапайым ережелердің сақталмауынан сала мамандары мен қарапайым халық төтенше жағдаймен бетпе-бет келіп жатыр.&nbsp;Қарап отырсақ, атқарылып жатқан жұмыстарға қарамастан жыл сайын аудан аумағында орын алатын оқыс оқиғалар азаймай тұр. Қысқасы, қамсыздық қайғыға душар етпесін десек, жауапкершіліктің басым көпшілігін арқалаған ата-аналар да, тұрғындар да бұдан да сақ болуы, ал біздер оң нәтижеге жұмыс жасауды тоқтатпаймыз. Ал аудан тұрғындары үшін аудандық төтенше жағдайлар бөлімінің мамандары &nbsp;адам өмірінен артық құндылық жоқ екенін, сондықтан суға түскен кезде қарапайым ережелерді сақтау керектігін айтамыз. Сонда ғана тілсіз жаудың қауіп-қатерінен аман қалуға болады.

Қауіпсіздік ережелері қаперден шықпасын

Арал ауданында 9 әлеуметтік нысан бой көтереді

<a href="https://kyzylorda-news.kz/">Kyzylorda-news.kz.</a>&nbsp; Аудан әкімі Берік Сәрменбаев Ақжарма ауылына сапары барысында &nbsp;елді мекендегі қос шаруашылықтың &nbsp;жұмысымен танысты. Ең алдымен &nbsp;аудан басшысы Ақжарма ауылдық округіндегі «Ақжарма и К» фермер қожалығының жұмысымен танысып, шаруалармен кездесті.Маңдай тер, табан ақы тоздырып, күннің ыстығына қарамай, ел қамбасын дәнге толтырамыз деген диханшылар биыл да межені жоғары көрсеткешпін орындайтындықтарын жеткізуде.Өз кезегінде аудан басшысы Берік Әбдіғаппарұлы шаруалардың ілкімді істеріне байланысты пікір білдірді.&nbsp;<blockquote>- Халық игілігі үшін жасаған жұмыстарыңыз әрдайым нәтижелі, жемісті болсын! Дала еңбеккерлерінің адал да, берекелі еңбегіне ризашылығымды білдіремін. Ақжарма ауылының диқандары &nbsp;астықтан &nbsp;тау тұрғызған &nbsp;еңбеккерлер екенін жақсы білеміз. Қазіргі уақытта облыс көлемінде аптап ыстық жүруде. Шілденің шелеңгір ыстығына қарамастан &nbsp;еңбек етіп келе жатқан шаруалардың еңбегін жоғары бағалаймыз, &nbsp;– деді аудан басшысы.</blockquote>Бұл ретте, шаруашылық төрағасы, облыстық мәслихат депутаты Қайрат Нұрсейітов құрылымдық жұмыстарды таныстырды.&nbsp;<blockquote>– Биыл су шаруашылыққа облыс әкімдігінің қолдауымен арнайы бөлінген насостармен жеткізіліп отыр. Былтыр бұл шаруашылыққа облыстық бюджеттен 2 су насосы берілген болатын. Шаруалар мемлекеттік қолдауларды сезініп отырғандарын және бұл қолдаулар үшін аймақ басшысы Н.Нәлібаевқа алғыстарын білдіруде.Жалпы «Ақжарма и К» 2013 жылдың наурыз айынан құрылып жұмыс жасап келеді. Шаруашылықтың негізгі бағыты - егін егу және мал шаруашылығы өнімдерін өндіру болып табылады. Бүгінде 80 адамды жұмыспен қамтып отырмыз. Ауыл шаруашылық жер көлемі 3034 гектарды құрайды. Шаруашылықта биылғы жылы 1350 гектарға күріш, 15 гектарға арпа, 191 гектар жаңа жоңышқа егіліп, 420 гектар ескі жоңышқаны күтімге алынған. 420 гектар ескі жоңышқаның І-орымынан 630 тонна мал азықтық шөп жиналды, орта өнімі 15,0 цн/га келді, – деді облыстық мәслихат депутаты Қайрат Нұрсейітов.</blockquote>Ауылдағы сапар кезінде аудан басшысы «Ақжарма 2» ШҚ базасына аудан әкімі &nbsp;Берік Әбдіғаппарұлы келіп, шаруа қожалық ұжымымен кездесу өткізді. Кездесуге аудан әкімінің орынбасары Талғат Нұртазаев, бөлім басшылары және ауыл әкімі қатысты. Аудан басшысы ауылшаруашылық саласы жұмысшыларына аудан көлемінде атқарылып жатқан жұмыстарға тоқталып, ұсыныс-пікірлерін тыңдады. Аудан басшысы өз сөзінде еңбекқор шаруалардың күріш егудегі тәжірибесі мол және ел қамбасына ақ күрішті құюдағы еңбектері ерекше екеніндігін тілге тиек етті. Шаруашылық төрағасы, облыстық мәслихат депутаты Марат Бисенов шаруашылықта атақарылып жатқан жұмыстарды аудан әкіміне таныстырды.<blockquote>– Қашанда Марат Бисенов басқаратын шаруашылықтың жұмысы жанданып келе жатқанын аңғарамыз. Жақында "Amanat" партиясының "Жер аманаты" жобасының жүзеге асуы жөнінде тұрғындармен жүздесу үшін ҚР мәжіліс депуттары келген болатын. Сол кезде аталған шаруашылық құрылымында кездесу сәтті өткізілді. Осындай ілкімді істер жалғасын таба берсін, – деді аудан басшысы. &nbsp;</blockquote>Кездесу соңында Берік Әбдіғаппарұлы ұжым қызметкерлерінің алдағы жұмыстарына сәттілік тілеп, аудан экономикасына қосып отырған сүбелі үлестеріне алғыс білдірді.<img src="https://knadmin.beoblood.kz/uploads/44381238_f4df_45fb_b62b_8756d96c13fb_8f293fbe07.jpg" alt="44381238-f4df-45fb-b62b-8756d96c13fb.jpg">

Аудан әкімі Ақжарма ауылындағы қос шаруашылыққа барды 

<a href="https://kyzylorda-news.kz/ru">Kyzylorda-news.</a> Спорт – салауатты өмір салтын қалыптастырып, денсаулықты нығайтатын ел мерейін асырып, абыройын тасытатын ең үлкен сала. Спортты жанына серік етіп, аудан намысын түрлі деңгейдегі жарыстарда қорғап үлкен жетістіктерге жетіп жүрген спортшыларымыз да аз емес. Ел намысын қорғап, әлемнің түкпір-түкпірінде өтіп жатқан байрақты бәсекелерде жеңіс тұғырынан көрініп жүрген саңлақтарымыздың шығуына аудандық мәдениет және спорт бөлімінің, оның ішінде «Наркескен» спорт клубының үлесі зор.&nbsp;Қарашаның алғашқы онкүндігінде Индияның Нью Дели қаласынан тағы бір жағымды жаңалық жетті. Онда өтіп жатқан гір спортынан әлем біріншілігінде жерлесіміз, аймақ мақтанышы Қайсар Төлеген жеңіс тұғырынан көрініп, тұтас мемлекеттің мерейін үстем етті.Байрақты бәсекеге әлемнің 30 мемлекетінен 800-ге жуық спортшы қатысса, оның жүзге жуығы – қазақстандық спортшылар. Білектілер сайысында саңлақтар 63-тен 95 келіден жоғары салмақ арасында өзара мықтыны анықтады. Жерлесіміз Қайсар Төлегенұлы бұл додада 73 келі салмақта сынға түскен.Қайсардың бапкері – қазір аудан халқының ауызында жүрген Абдулхасан Сейтенов. Иә, бұлай дейтіндей жөніміз бар, бүгінде гір спорты хақында қоғамда әңгіме өрбісе, жас та болса, осы білікті бапкердің есімі елдің ауызында қатар жүреді. Сөзінен ісі алда жүретін азаматтың өзі де бүгінге дейін талай байрақты бәсекелерде ел мерейін үстем етіп, көк туымызды биіктен желбіреткен болатын. Азияны екі мәрте бағындырған спортшының бапкерлік қабілетіне ешкімнің сын таға алмасы хақ. Кешегі дүбірлі додада Қайсар Төлеген гір тасын ұзын циклды серпе көтеру бойынша сынға түскен болатын. Бұл сайыста қатысушыларға 10 минут уақыт берілген. Осынша уақытта 32 келілік 2 гір тасын 45 рет бағындырған мақтанышымыз үздік үштікті түйіндеді. Ал бірінші және екінші орындарға ресейлік спортшылар жайғасыпты. Жерлесіміз бұл жетістігін бапкермен жасаған ұзақ жылдық жаттығумен байланыстырады.– Жалпы гір спортымен 7 сыныптан бері айналысып келемін. Мені сол уақыттан бері бапкерім Абдулхасан Жанатұлы жаттықтырады. Сол білікті бапкерімнің берген тәлімінің арқасында бойдағы күшті қабілетпен байланыстырып, бұған дейін де талай додаларда жеңіс тұғырынан көріндім. Салада жеткен барлық жетістігім сол жаттығу залында өткен күндердің жемісі деп білемін. Бұл жеңісімді барша отандастарыма арнаймын. Алдағы уақытта мұнан да биік белесті бағындыруға тырысамын. Алда әлі жарыстар бар, енді соған дайындықты бастауымыз қажет. Биылғы жылдың қорытындысы, яғни гір спортынан Қазақстан кубогына арналған дода күтіп тұр. Бұл жарыста да жерлестерімді жерге қаратпаймын, – дейді жеңімпаз. Қайсар Төлеген – Дәуімбай елді мекенінде орналасқан З.Жарқынбаев атындағы №202 орта мектептің түлегі. Ол бүгінде облыс орталығындағы Қорқыт ата атындағы Қызылорда университетінің «Дене шынықтыру» факультетінде облыс әкімінің грантымен білім алып жатыр. Бұған дейін салада жеткен жетістігін тарқатып айтсақ, Қайсардың атына заты сай азамат екеніне көз жеткізесіз.Жалағаштық спортшы осыған дейін Қазалы қаласында өткен «Алтын күз» ауыл спартакиадасында да 73 келі салмақта қарсылас шақ келтірмеді. Мұнан бөлек «Ақбидай» сайысында, ҚР біріншілігінде де жеңіс тұғырынан көрініп, аймақтың мерейін үстем еткен болатын. Ал биыл Бурабайда өткен гір спортынан Азия біріншілігінде де Қайсарға қарсылас шақ келмеді. Осылайша ол ел намысын қорғап, көк туымызды биіктен желбіретіп, әнұранымызды шырқатты.Қазір ауданнан шыққан бір саңлақ үлкен додада топ жарып жатса, оны іштей «Наркескен» спорт клубының түлегі екен» деп отырамыз. Олай ойлауға да себеп жоқ емес, соңғы уақытта аталған спорт клубынан шыққан саңлақтар дүбірлі додалар мен байрақты бәсекелердегі жеңіс тұғырынан жиі төбе көрсетуді дәстүрге айналдырған. Ғалымжан Ержанов басшылық ететін ұжымның жұмысы жүйелі, мақсаты айқын. Айтпақшы, кешегі Қайсар Төлегеннің жарысқа баратын жолақысы мен басқа да шығындарға Ғалекең өз қалтасынан қаржылай қолдау көрсетіпті. Шын спорт жанашыры осылай болса керек. Бастысы нәтиже бар. Оң нәтижеге жетуде бар қабілетін, қолдауын аямайтын азаматтар тізгінді алған кез келген салада серпін болары айтпаса да белгілі. Бұл сөзімізге бір ғана спорт клубының бүгінгі жүйелі жұмысы тұздық болып отыр. Жыл басынан бері аудан спортшылары кәсіби деңгейі мен шеберліктерін арттыру мақсатында облыстық, респубикалық, әлем біріншіліктерде бақ сынап келеді. Аудан спортшылары қандай спорт түрі болмасын қайсарлық пен жігерлігімен көзге түсіп, сан сайыста жеңіс тұғырынан көрінуіне «Наркескен» спорт клубының өзіндік қолтаңбасы барын жақсы білеміз.

Жерлесіміз жеңіс тұғырында

<a href="https://kyzylorda-news.kz/ru">Kyzylorda-news.</a> Бұл – Жалағаш ауданының орталығынан ең шалғай орналасқан Аққыр ауылы. Иә, кезінде мал шаруашылығы бойынша аймақта алдыңғы қатарда болған еңселі елді мекендердің бірі бұл. Айыбы шетте орналасқан демесеңіз, көшелері кең, жарықтан мәселе жоқ, ауыз су жүйесі жаңа, мектебі де күрделі жөндеуден өткен. Не керек, ауылдың біршама көшесіне түсіп, елді мекеннің тынысымен таныстық. Жалпы, соңғы жылдары бұл ауылда көркейту, көгалдандыру бағытында біршама жоба қолға алыныпты. Бірқатар әлеуметтік нысандар да жаңарып, мамандардың кедергісіз жұмыс жасауына мүмкіндік қарастырылған.&nbsp;1,5-2 сағаттай ауылдағы алтын ұяға бөгелдік. Білім ошағының саладағы жетістігі көңіл қуантады. Бір жылда 7 бала мектеп бітіріп, ҰБТ-ға қатысып, жетеуі де грантпен маңдайалды жоғары оқу орындарында білім алуы мұндағы ұстаздардың біліктілігін аңғартса керек. Балабақша, ауыз су жүйесі бәріне аялдадық. Кезек ауылдағы Аққыр дәрігерлік амбулаториясына келді. Медициналық нысан жаңа, мұнда абзал жандардың халыққа емдік шаралар жүргізуіне мейлінше жағдай жасалғаны көрініп-ақ тұр.&nbsp;Иә, бұл нысан 2014 жылдың қаңтар айында ел игілігіне беріліпті. Сол уақыттан бері медициналық ғимарат мыңнан астам халқы бар Аққыр ауылының қажетіне жарап тұр. Аға медбике Сандуғаш Пірімжанова бұған дейін ескі нысанда халыққа емдік шаралар жүргізу қиынға соққанын айтады.&nbsp;– Бұған дейін ауылда 1964 жылы іргетасы қаланған бір ғимаратта жұмыс істедік. Әрине көне нысан болғандықтан ондағы қиыншылықты айтпаса да белгілі ғой. Бірақ антымызға адалдық танытып, алдымызға келген науқасты дертінен айықтыруға бар тәжірибемізді жұмсадық. Әлі де халықтың денсаулығын күзетіп келеміз. Қазақ «Аурудың емін іздегенше, ауырмаудың жолын ізде» дейді. Мейлінше дертпен күрескеннен оның алдын алған абзал болғандықтан халыққа неқұрлым түсіндірме жұмыстарын да жүргізіп отырамыз. Қазір жағдайымыз шүкір ғой, ғимарат жаңа, заманауи медициналық құрал-жабдықтарымыз да жетерлік. Шалғай ауылда денсаулық сақтау саласында айтарлықтай күрделі мәселе жоқ. Мейлінше елдің денсаулығын тәулік бойы күзетуге дайынбыз, – дейді Сандуғаш Әбдірқызы&nbsp;Аға медбикенің саладағы тәжірибелі маман екені көрініп-ақ тұр. «Дәрігердің сөзінің өзі жанға шипа» демейді ме, біз жолдаған бір-екі сауалға жауап бере жүріп, көмегіне жүгінуге келген тұрғындарға да жылы қабақ танытып үлгеріп жатыр. Не дегенмен салада 29 жылдық тәжірибесі бар білікті маман ғой. Аққыр дәрігерлік амбулаториясында барлығы 22 адам жұмыс істесе, оның 12-сі медицина қызметкері екен. Мұнда жұмыс таңғы сағат 8.00-де басталып, түскі сағат 12.00-ден 14.00-ге дейін үзіліс бар. Мұндағы абзал жандар кешкі сағат 18.00-ге дейін науқастарға емдік шараларын жүргізеді. Біз негізгі жұмыс уақытын ғана айтып жатырмыз. Болмаса сала мамандары уақытпен санасу дегенді білмейді. Оған өздері де дағдыланып алған. Түңгі сағат 4-5-терде тұрғындардан қоңырау түссе де қабақ шытпайды. Бұны мамандыққа адалдықтың көрінісі деп түйдік.&nbsp; Аққыр ауылында бүгінде халық саны мыңнан асады. Жергілікті тұрғындарға күндізгі стационар бөлімінен 10 төсек орын қаралыпты. Кейін халық санының аздығына байланысты төсек орын бесеуге қысқарған. Жаңа жоғарыда айтылған &nbsp;халықтың 258-і түрлі дертпен есепте тұрады екен. Мұндағы медицина мамандарының ем¬дік шаралары жергілікті халықтың көңілінен шығып отыр. Тіпті көшеде кезіккен тұрғындардан дәрігерлік амбулаторияның жұмысына қатысты бағасын да білдік, түйгеніміз, аққырлықтардың ондағы абзал жандарға алғыстан басқа айтары жоқ.&nbsp;– Ауылдағы ақхалатты абзал жандар хақында оң пікірден басқа не айтуға болады, бара қалсаң, емдік шараларын көрсетіп, үйде дертпен қалай күресуге болатыны жайында кеңес беріп, мейлінше сенің аурудан құлантаза айығуыңа жұмыс жасайды. Ал мұндай жандарға алғыстан басқа не айтамыз, өзім де жуырда қан қысымым көтеріліп, осында хабарластым. Түні бойы денсаулығымды күзетіп, емдік шаралар жүргізді. Бұл ұжымның жұмысы жайында менің ғана пікірім емес, ауылдағы кез келген адамнан сұрасаңыз еститіндеріңіз осы, – дейді аққырлық зейнеткер Ақзада Шарипова.Сандуғаш Әбдірқызы мұнда көбіне халық қант диабеті, қан қысымы, жүрек қантамыры ауруларымен келетінін айтады. Сондай-ақ маусымында тұмаумен келетіндер де болады екен. Алдына келген науқасты дертінен айықтыруға бар қарым-қабілетін жұмсайтын денсаулық сақтау саласы қызметкерлерінің шалғай ауылда көптеп болғаны дұрыс-ақ. Себебі бұл ауыл мен аудан орталығының арасы айтарлықтай қашық екені айтпаса да белгілі. Ал халық денсаулығын күзетуде уақыт жоғалтпау басты мәселе екенін ескерсек, бұл тығырықтан алып шығатын да Сандуғаш секілді білікті мамандар. Мұндағы мамандар кешегі коронавирус өршіген тұста ауылда да аталған дертке шалдыққандар болғанын жасырмайды. Десе де дәрігерлердің жүргізген түсіндірме жұмыстарының нәтижесінде халықтың екпе жұмыстарына деген көзқарасы өзгеріп, денсаулығына деген жауапкершілігі еселенген. Аға медбике ауыл халқы 100 пайыз вакцинаның барлық түрінен өткенін айтады. Абзал жандар жергілікті халықтың денсаулығын күзетсе, тұрғындар мұндағы мамандардың кеңесіне құлақ асады. Ал мұндай елді мекенде аурушаңдық аз болатыны айтпаса да белгілі. Аққырда болған бір күнімізде түйгеніміз осы болды.

Антына адал абзал жандар

<a href="https://kyzylorda-news.kz/">Kyzylorda-news.kz.</a> Апта басында Білім және денсаулық сақтау мәселелері жөніндегі аймақтық Кеңестің кезекті отырысы өтті. Онда өңірдегі жедел – жәрдем станциясының материалдық – техникалық жағдайын жақсарту, мамандардың тапшылығын жою, сонымен қатар үш ауысымды, апатты жағдайдағы білім беру нысандарының мәселесін шешу бойынша атқарылып жатқан жұмыстар мен арнайы және мектеп-интернаттарында оқитын балалардың оқуы мен тұруына жасалған жағдайлар пысықталды. Облыстық денсаулық сақтау басқармасы басшысының орынбасары Ерділдә Нұртазаұлының айтуынша биылдан бастап аймақтық коэффициент мүлдем алынып тасталып, станса өзінің қызметін толық атқарғанымен тарифтің өте төмендігінің салдарынан қаралған қаражатты толық ала алмау кездесуде. Қазіргі таңда, мамыр айының жалақысы төленгенімен сәуір айынан бері міндетті салықтық төлемдері мен жарналары төленбей келеді. Бүгінгі күні қызметкерлерге шілде, тамыз айларының жалақысын төлеу мәселесі қиындық тудырып отыр. Мәселені шешу үшін Кеңес мүшелері тарапынан ортақ ұсыныстар жинақталып, тиісті органдарға жолданды.&nbsp;Ал апатты және үш ауысымда оқытатын мектептер мәселесін шешу «AMANAT» партиясының сайлауалды бағдарламасында қамтылған. 2025 жылы толық шешіледі деп жоспарланып отыр. *** Жұмыс аптасының сейсенбісінде партияның облыстық филиалының төрағасы Наурызбай Байқадамов аймақ басшысымен бірге елді мекендерді абаттандыру мен дамыту, оның ішінде ауыл тұрғындарының өмір сүру сапасын жақсарту, оларға жайлы орта жасау бағытындағы жұмыстарды ынталандыру, бағалау мақсатында аймақта алғаш рет ұйымдастырылған «Үлгілі елді мекен» облыстық байқауының жеңімпаздарын салтанатты марапаттау шарасына қатысты. Шара барасында «AMANAT» партиясының «Ауыл аманаты» жобасының маңыздылығы мен Сайлауалды бағдарлама аясында атқарылып жатқан жобалар төңірегінде айтылды.&nbsp; *** Сонымен қатар филиал төрағасы партияның Қазалы аудандық филиалының кезектен тыс XLII конференциясына қатысты. Конференцияда партияның аудандық филиалының жаңа төрағасы сайланып, партия филиалы Саяси кеңесінің құрамына өзгерістер енгізілді. Партияның аудандық филиалының төрағасы болып конференция бір ауыздан Әліш Ғазиз Әлмәмбетұлын сайлады. Жиын барысында а.ж. 6 тамызында өтетін Шәкен ауылдық округі әкімінің сайлауына партия атынан үміткер ұсынылды.&nbsp; *** Аптада партияның Қармақшы аудандық филиалының ұйымдастыруымен бастауыш ұйымдар арасында спорттың бірнеше түрлерінен сайыс өтті. Спорттық додаға футболдан 14 команда, үстел теннисінен 9 команда қатысты. Партия ардагерлері де назардан тыс қалмады. Олар «Ардагерлерді ардақтайық» жобасы аясында шахматтан бақ сынасты. *** Апта барысында облыстық ауыл шаруашылығы және жер қатынастары басқармасы басшысының орынбасары Ғ.Баимбетов партияның облыстық филиалы алаңында қоғамдық қабылдау өткізді. Қабылдауға келушілер «Ауыл аманаты» жобасы аясындағы қарастырылатын жеңілдіктер, шаруа қожалықтарындағы ірі қара мал басына бөлінетін субсидиялар және ем алу шараларына байланысты әлеуметтік көмек көрсету жайындағы мәселелерді қозғады. Қабылдау барысында барлық азаматтарға нақты кеңестер берілді.&nbsp; Сондай-ақ қоғамдық қабылдау бөлмесінде «Бітім» медиация орталығының кәсіби медиаторы, заңгер Қыдырбек Рашовтың қатысуымен «Құқықтық көмек» партиялық жобасы аясында арнайы тақырыптық қабылдау өтіп, азаматтар тегін заңнамалық кеңестер алды. *** Партияның облыстық филиалы жанындағы «Jastar ruhy» жастар қанаты Қызылорда қалалық мәдени және демалыс паркінде «Жастарға жұмыс» тақырыбында бос жұмыс орындарының жәрмеңкесін ұйымдастырды.&nbsp; Шараға 20-дан астам жұмыс беруші мекемелер қатысып,150-ге жуық жұмыс орындарын ұсынды. Жәрмеңкеге жалпы келгендер 192 азамат болса, оның ішінде кеңес алушылар 52, сұхбаттасуға жолдама алғандар 27, тікелей жұмысқа орналасуға 18, маусымдық жұмысқа 7 азамат жолдама алды. Келушілердің сұранысына сәйкес аталмыш бағыттағы жұмыстар жалғасын табатын болады.&nbsp; *** Жалпы апта көлемінде аймақтық және аумақтық филиалдар мен бастауыш партия ұйымдарында түрлі бағыттарда қоғамдық-саяси 51 іс-шара ұйымдастырылды.

«AMANAT»: Аптада атқарылған жұмыстар

<a href="https://kyzylorda-news.kz/ru">Kyzylorda-news.</a> Жалағаш ауданның жеңіл атлетикадан үлкен додаларда топ жарып жүрген жастар жетерлік. Солардың бірі – аудан мақтанышы Дінмұхаммед Смағұл. Ол былтыр да жеңіл атлетиканың 23 түрінен өткен ел біріншілігінде топ жарып, аймақтың абыройын асқақтатқан болатын. Осылайша жалағаштың алдыңғылардан болып, жетістік шыңынан көрінуін басты мақсат тұтқан және осы жолда үнемі дайындық үстінде жүретін жас спортшы мұнан кейін үлкен додаларда бақ сынап, аймақтың мерейін үстем етті.2005 жылы Жалағаш кентінде дүниеге келген Дінмұхаммед аудандағы №13 олимпиадалық резервтің мамандандырылған балалар және жасөспірімдер мектебіне 13 жасында қабылданыпты. Содан бері спортпен шұғылданып жүрген жас қазір жеңіл ат¬летика, оның ішінде найза лақтырудан жаттығып, дүбірлі додаларда сынға түсіп келе¬ді. Жас спортшы бұған дейін облыстық жарыстарды айтпағанның өзінде, республикалық турнирде 3 дүркін жүлдегер, оқушылар гимназадиясында күміс жүлдегер атанып үлгерген.&nbsp;– Жастайымнан салауатты өмір салтын ұстануды қаладым және осы жолда, яғни спортқа келгеніме еш өкінбеймін. Керісінше бос уақытымды тиімді пайдаланып, тіпті барлық күш-жігерімді спортқа арнап жүргеніме қуанамын. Жаттықтырушымның еңбегінің нәтижесінде, ата-анамның қолдауының арқасында талай жетістікке де жеттім, – деген жас спортшының бапкері де осал адам емес екен.&nbsp;Кезінде атымен де, абыройымен де көпке танылған, көзі тірісінде Жалағашта жеңіл атлетикадан талай жампоздарды шыңдаған Мақсат Қарақұловтың баласы Жандос Қарақұлов кейіпкеріміздің бапкері екен. Мақсат ағамыз кезінде ауылдағы таланттардың тасада қалмауына көптеп көңіл бөлген деседі. Қазір оның ізін жалғаған баласы да спортқа ынтасы бар ауыл балаларын тәрбиелеуде үлкен жауапкершілікті арқалап жүр екен.&nbsp;– Біз баулыған спортшылардың үздіктер қатарынан көрінуі еңбектің еленгені деп білемін. Әрине, жарыс болған соң, жеңіс те болады, жеңіліс те болады. Аудан спортшылары бас бәйгені емес, төменгі орынды қанағат тұтып жатса, оның өзі ауданымыз үшін үлкен жетістік деп есептеймін. Спортшыларымыз барынша жақсы өнер көрсетуге, намысты қолдан бермеуге тырысса, көштің соңында қалмасақ болды. Ал кейде кемшіліктер болып жатса, оның өзі біз үшін сабақ. Тәжірибе деуге болады. Үнемі ізденіс үстіндеміз, шынығу, жаттығу жұмыстары да жүйелі түрде өткізілуде. Сондықтан алдағы уақыттарда да топ ішінен дара шығып, үздіктер қатарынан көрінуге сеніміміз бар, – деген жаттықтырушы алдағы жарыстарға дайындық жұмыстары жүріп жатқанын атап өтті.&nbsp;Былтыр 2005-2006 жылғы жасөспірімдер арасында өткен ел біріншілігінде Дінмұхаммедтің 11 баланың ішінен топ жарып, аудан намысын лайықты түрде қорғап шығуы аудандағы спорт саласының әжептәуір дамығанын дәлелдейді. 51 метр 38 см-ға найза лақтырған жалағаштық жеңіл атлетші бұл сайыста алдына жан салмапты. Ал мұнан кейінгі қос орынды түркістандық спортшылар еншілеген. Жерлесімізді сол уақыттан бері тәжірибелі бапкер Жандос Қарақұлов жат-тықтырады. 2003 жылдан бері бапкерлікті өзіне серік еткен азаматтың осыған дейін Алматыдағы ел біріншілігінде 5 шәкірті бақ сынапты. Олардың ішінде нәзікжандылар да бар. Жалағаштық өрендердің бірқатары найза лақтыруда жүлделерді сарапқа салса, қалғаны 100 метрге қысқа уақытта жүгіруде өзара мықтыны анықтаған. Нәтижесінде бір спортшы жеңіс тұғырынан көрінсе, №31 мектеп-гимназиясының түлегі Аружан Темірбек пен №202 орта мектептің оқушысы Балнұр Қалнияздың үздік үштіктен табылуына аз ғана ұпай жетпей қалған. Ал осыған дейін 100 метрге қысқа уақытта жүгіруден қазақстанда үздік ондықтан түспеген жалағаштық Расул Серік бұл додада да өз міндетін абыройлы орындапты.&nbsp;Жалпы, аудан спортшыларының, оның ішінде №13 олимпиадалық резервтің мамандандырылған балалар және жасөспірімдер мектебінің жарыстарға дайындығында, жаттықтырушылар тарапынан жасалатын жұмыстың жүйесінде тілге тиек етіп айтар тұсы көп-ақ. Ал Дінмұхаммедтің бапкері Жандос Қарақұлов шәкіртімен мұнан да үлкен додаларда биік белесті бағындырарына, алдағы уақытта дәл осы спорт түрлерінен дайындықты жетілдіріп, жоғары нәтиже көрсетуге жұмыс жасайтынын айтты.&nbsp;Сыр елі, оның ішінде Жалағаш өңірінен талай тарландар мен таланттар шық-қаны белгілі. Табиғат бойына күш-қуат, талант берген ұл-қыздарымен туған жердің мәртебесі қашанда биік. «Жүзден жүйрік, мыңнан тұлпар» &nbsp;дегендей, жарыс болған соң жеңіс те болады, жеңіліс те болады. Бірақ кім де болса жарысқа жеңемін деп барады. Ал спорт саңлақтарының бойында сондай «жеңемін» деген ішкі арман-мұраты мықты болса, жеңіс тұғырына көтерілетіні анық.

Қазақстан және Қызылорда облысының жаңалықтары