<a href="https://kyzylorda-news.kz/">Kyzylorda-news.kz</a> Үнемі адам өмірін аман алып қалуда сан түрлі оқиғаға тап болатын «Жан сақтау» бөлімшесінде сала мамандары дамылсыз қызмет етуге дағдыланған. Бөлімшедегі кез келген дәрігер мен медбике үшін әрбір минут өз құндылығын жоймайды. Осындай жауапкершілікті көтере білген аға аяжан Гүлзат Рахметова әрқашан жұмысты ұтымды үйлестіре біледі.Сәкен Сейфуллин ауылының тумасы Гүлзат Тұрмағанбетқызының қызметтік жолы Сырдария аудандық ауруханасына қарасты «Балалар» бөлімшесінен бастау алған. Араға 1 жыл салып жас маман «Жан сақтау» бөлімшесіне қызмет ауыстырады. Осы сәттен бастап ауыр жағдайдағы науқастарға ем-шара жасауда асқан ыждағаттылық танытады. Күнделікті аға аяжанға жүктелген жұмысты еңсеріп, басшылықтан келіп түскен тапсырманы мүлтіксіз орындауға тырысады.<blockquote>– Мен, өз мамандығымды жақсы көретін жанның бірі саналамын. Алғаш Қызылорда медициналық жоғарғы колледжіне оқуға түскенімде денсаулық сақтау саласы бойынша білімімді жетілдіріп, медбике білуге тиісті барлық дүниені меңгеруге тырыстым. Әрбір жұмыстың өзіне тән қиындығы болады. Сондықтан аға аяжан ретінде бөлімшедегі қызметімді кемшіліксіз жасауға ұмтыламын. Еңбек ете білген жан қай кезде де абырой биігінде болады. Жас маман болып келген кезімде білмегенімді үйрете білген, әркез жол көрсеткен Райса Анасова бастаған аяулы жандарға шынайы алғысымды жеткіземін, – деді аға аяжан.</blockquote>

Дамылсыз қызмет етуге дағдыланған аға аяжан

<a href="https://kyzylorda-news.kz/">Kyzylorda-news.kz</a> &nbsp;«Перзентхана» бөлімшесінде жаңа туған сәбиге күтім жасайтын медбикенің еңбегі ерекше бағаланғаны абзал. Әркез нәрестенің денсаулығына жауапкершілікпен қарайтын Әлия Бегманова жөнінде қалам тербемекпіз. Осыған дейін көптеген баланың күтіміне жауапты болған Әлия Өтепбайқызы мамандығын мақтанышы санайды.Негізінен, аяулы жан №131 Талғат Қозыбаев атындағы орта мектепті бітіргеннен кейін Түркістан қаласындағы медицина колледжіне оқуға түседі. 2008 жылы балалар медбикесі ретінде «Перзентхана» бөлімшесіне жұмысқа орналасқан мейірімді жанның еңбегін ерекше атап өткен жөн. Ана мен баланың бар жағдайын бақылайтын медбике 16 жылда еңбегінің жемісін көруде. Өз кезегінде оның мамандығына деген адалдықты табан аудармастан бір бөлімшеде қызмет етуінен аңғаруға болады.<blockquote>– Алғаш медицина саласында қызмет ете бастаған жылдары бойымызда қобалжу болатын. Кейіннен, аталған мамандықты тереңнен меңгеруге тырыстық. Баланың бабын тауып, жаңа туған анасымен қауыштырдық. Күнделікті қарбаласқа толы бөлімшеде жұмыс жасау – зор мәртебе, – дейді білікті медбике.</blockquote>Бүгінде Әлия Өтепбайқызы – 3 перзенттің асыл анасы. Бөлімшеде бала бабын тапса, отбасында отағасының сүйікті жары.

Сәби күтіміне ыждағаттылықпен қарайтын медбике

Жарқын болашақ жастардың қолында

<a href="https://kyzylorda-news.kz/">Kyzylorda-news.kz</a> Медицина саласында адам жанына араша түсетін ақ халатты жандардың еңбегі ерекше екені даусыз. Тынымсыз еңбекпен алғаусыз алғысқа бөленетін орта буын қызметкерлері әрбір бөлімшедегі ауыртпалықты көтере біледі. Шын мәнінде, медбикенің табандылығы мен қажырлығының арқасында медицина саласының сан бағыттағы жұмысы өнімді болары сөзсіз. Бұл ретте, соңғы 36 жылда аудандық ауруханада қызмет етіп келе жатқан Гүлшара Байкенжеева қашанда әріптестері арасында сый-құрметке ие.Негізінен, Гүлшара Жолдасбекқызы осыдан 56 жыл бұрын Сырдария ауданында дүниеге келген. Алғашқы еңбек жолы Семей қаласында бастау алған медбике араға 1 жыл салып туған жерге оралады. Ең алдымен, басшылық жас медбикені «Жан сақтау» бөлімшесінде жұмысқа орналастырады. Ауыр хәлдегі науқастарды емдеп-жазуға үлесін қосқан Гүлшара Жолдасбекқызы сол кезде 20 жастағы бойжеткен болатын.<blockquote>– Мендицина саласы қашанда адамға асқан төзімділікті, мықтылықты қажет етеді. 17 жыл бойы «Жан сақтау» бөлімшесінде қызмет еткен сәтте үлкен буынның ақылын тыңдап, тәжірибе жинақтай білген едік. Кейіннен «Хирургия» бөлімшесіне ауысып, күрделі жұмыста барынша дағдылана алдық. Әрбір науқастың жағдайын саралап, диагнозына байланысты ем-шара жүргізу – маңызды рөл ойнайды. Әріптестеріммен бірге аудан медицинасының жұмысын ілгерілетуге барымды саламын, – деді тәжірибелі медбике.</blockquote>Бүгінде біздің кейіпкеріміз – жолдасымен бірге 1 қыз, 2 ұлдан 6 немере сүйіп отырған ардақты ана, аяулы әже.

Күрделі қызметте тәжірибесі толысқан медбике

<a href="https://kyzylorda-news.kz/">Kyzylorda-news.kz</a> &nbsp;«Amanat» партиясы Сырдария аудандық &nbsp;филиалының Партиялық бақылау комиссиясының мүшелері Еркебұлан Жақып пен Марат Бакуовтың және сала мамандарының қатысуымен Қалжан ахун ауылындағы Қайқы батыр көшесінің күрделі жөндеу жұмыстарына партиялық бақылау жасалды. Комиссия мүшелеріне мердігер мекеме – «Орда Автодор» ЖШС-нің өкілі атқарылып жатқан жұмыстарды таныстырды.Күрделі жөндеуге облыстық бюджеттен 153 млн. теңге қаржы бөлініп, жұмыстар 2024 жылдың сәуір айында басталды. Қазіргі уақытта көшеге тас жабындысы (ГПС) төселіп, асфальт жабындысын төсеу жұмыстары жүруде. Сондай-ақ, көше бойына жаяу жүргіншілер жолы салынып жатыр. Бүгінде көше бойында 3 каток, 7 «КАМАЗ» автокөлігі, 1 асфальт төсеу техникасы (асфальтоукладчик) жұмыс жасауда. Негізі, көше жолының ұзындығы 1,8 шақырымды құрайды.<blockquote>– Аудан көлемінде жол құрылысы жұмыстары қарқынды жүзеге асуда. Қалжан ахун ауылында &nbsp;Қайқы батыр көшесінің жөнделуі жергілікті тұрғындарғав қуаныш сыйлады. Жүйелі жұмыстың арқасында &nbsp;ауыл тұрғындары &nbsp;сапалы жолпен жүретін болды. Біз жол құрылысын ұдайы бақылауда ұстайтын боламыз. Ел игілігі үшін жасалған жобалардың сапалы жасалуы – маңызды рөл ойнайды.</blockquote>Комиссия мүшелері мердігер мекеме өкіліне жұмыстарды сапалы және мерзімінде атқаруды атап өтті.

Қалжан ахун ауылында Қайқы батыр көшесі жөнделуде

<a href="https://kyzylorda-news.kz/">Kyzylorda-news.kz</a>&nbsp; Тәуелсіздік алған алғашқы жылдарда елімізде тұрғын үй-коммуналдық шаруашылығы саласының күйі мүшкіл болды. Өйткені, Кеңес үкіметінен ескі тұрғын үйлер мен ескі коммуналдық желілер мұраға қалған еді. Сондықтан, ел үкіметінің алдында тозығы жеткен тұрғын үй-коммуналдық шаруашылығы саласын аяғынан тік тұрғызу міндеті тұрды.Алға қойылған міндетті орындау мақсатында, Үкімет 1997 жылғы 16 сәуiрде Қазақстан Республикасының "Тұрғын үй қатынастары туралы" Заңын қабылдады. Аталмыш заң тұрғын үй коммуналдық шаруашылығы саласында қордаланған мәселелерді шешуге бағытталды. Дегенмен, сол кездегі елдің экономикалық әлеуеті тұрғын үй коммуналдық шаруашылығы төңірегінде қордаланған мәселелерді оңтайлы шешуге қолбайлау болды. Салдарынан тұрғын үй-коммуналдық шаруашылығы саласына тиісті дәрежеде қаржы бөлінбеді. Бұл тұрғын үй коммуналдық шаруашылығы саласын дамытуға кедергі келтірді. Десе де, Қазақстан Үкіметі жүзеге асырған шаралар нәтижесінде тұрғын үй коммуналдық шаруашылығы төңірегіндегі бірқатар мәселелер шешімін тапты. Алайда, тұрғын үй коммуналдық шаруашылығы саласындағы қордаланған мәселелер әлі де көп еді.Үкімет Қазақстан Республикасының тұрғын үй-коммуналдық шаруашылығын жаңғыртудың 2011-2020 жылдарға арналған бағдарламасын қабылдады. Бағдарлама аясында атқарылған жұмыстар нәтижесінде тұрғын үй қатынастары оңтайланды. Мыңдаған тұрғын үй бой көтерді. Коммуналдық инфрақұрылымдар жаңғыртылды. Халыққа көрсетілетін қызмет сапасы артты. Терможаңғырту және кондоминиумның ортақ мүлкіне күрделі жөндеу жүргізу жұмыстары жүзеге асырылды. Аталмыш бағдарламаның мерзімі аяқталған соң Үкімет Тұрғын үй-коммуналдық дамудың 2020-2025 жылдарға арналған "Нұрлы жер" мемлекеттік бағдарламасын бекітті. Бағдарламада көзделген мақсат – тұрғын үйдің қолжетімділігі мен жайлылығын арттыру және тұрғын үй инфрақұрылымын дамыту болып табылады.Электр желілері жаңғыртыладыҚазалы аудандық тұрғын үй коммуналдық шаруашылығы жолаушылар көлігі және автомобиль жолдары бөлімінің қызметкерлерінің мәліметтері бойынша, Қазалы ауданы, Қазалы қаласының электр желілері мен қондырғыларын қайта жаңғырту жобасы бойынша 2024 жылы жұмысты бастауға республикалық бюджеттен 52191,0 мың теңге, облыстық бюджеттен 59238,0 мың теңге бөлінді. Сатып алу қортындысмен мердігер: «КРЭК» жауапкершілігі шектеулі серіктестігі, авторлық қадағалушы «Мекен и К» жауапкершілігі шектеулі серіктестігі, техникалық қадағалаушы «АқтауСтройпроект) жауапкершілігі шектеулі серіктестігі жеңімпаз болып табылды.Қазіргі таңда, облыстық сәулет құрылыс бақылау басқармасынан құрылыс жұмыстарын рұқсат алу жұмыстары жүргізілуде. Сонымен қатар, «Қызылорда облысы, Қазалы ауданы, Қожабақы елді мекеннің электр желілерін қайта құру» жобасы 2024 жылы жұмысты бастауға республикалық бюджеттен 50,0 миллион теңге қаржы бөлініп, мемлекеттік сатып алу қортындысмен мердігер: «Энергомера» жауапкершілігі шектеулі серіктестігі, авторлық қадағалау «Строй-проект-инвентаризация» жауапкершілігі шектеулі серіктестігі, техникалық қадағалау бойынша конкурс жүргізілуде.«РЗА» акционерлік қоғамының Қызылорда облысы, Қазалы ауданында 184,29 гектар (дақылдарды егу үшін) суармалы жер учаскесін құру» жобасы бойынша сыртқы инфрақұрылым обьектілерін салу (сорғы станцияларын, жаңбырлатқыштарды электрмен жабдықтау)»2024 жылы жұмысты бастауға республикалық бюджеттен 52,7 миллион теңге қаржы бөлінді. Мердігері – «Энергомера» жауапкершілігі шектеулі серіктестігі, автор: «Строй-проект- инвентаризация» жауапкершілігі шектеулі серіктестігі, Тех: «Стройтехнопроект KZ A и K» жауапкершілігі шектеулі серіктестігі.Сондай-ақ, Қазалы ауданы, Сарбұлақ елді мекенінің ВЛ-10/0,4 кВ электр желілерін қайта жаңғырту құрылыс жобасы 2024 жылы жоба-сметалық құжаттарды әзірленді.Қазалы ауданы Әйтеке би кентіндегі «Вокзал аумағын» және «Жеңіс паркін» абаттандыру үшін аудандық бюджеттен жоба-сметалық құжаттарын әзірлеуге қаржы бөлініп, мемлекеттік сатып алу конкурсы өткізілді. Жобалаушы мекемелермен 6400,0 мың теңгеге шарт жасалды.«Жеңіс паркі» абаттандыру &nbsp;"Мекен и К" жауапкершілігі шектеулі серіктестігіне – 3351,0 мың теңге бөлінді. Теміржол «Вокзал маңын» абаттандыруды "ГорСервисПроект" жауапкершілігі шектеулі серіктестігі – 3049,0 мың теңгеге атқаратын болды.Қазалы қаласының Мәдениет үйі мен Әкімшілік ғимаратын газға бейімдеу Жобалаушы "ТМ ПроектСтрой" жауапкершілігі шектеулі серіктестігі тарапынан жоба сметалық жоспары әзірленіп, сараптамадан өтуде.Баспанасыз өмір сұрықсызТұрғын үй саласындағы кезектілікке байланысты Қазалы ауданы бойынша бүгінгі күнге мемлекеттік тұрғын үй қорынан тұрғын үйге мұқтаж ретінде «Kezekte.kz» ақпараттық жүйесінде 2023 азамат(ша) кезекте тұр.Қазақстан Республикасы «Тұрғын үй қатынастары туралы» Заңының 71-бабы 5 тармағына сәйкес, коммуналдық тұрғын үй қорынан тұрғынжайға мұқтаждар есебінде тұрған азаматтарды «Кезекте.kz» ақпараттық жүйесін пайдалана отырып, түгендеу жұмыстары &nbsp;жүргізіліп, жыл басынан бері 17 азамат(ша) кезектен шығарылды.Жатақханаларды ағымдағы жөндеуден Қазалы ауданы көлемінде тұрғын үйге мұқтаж азаматтарды уақытша тұрғынжаймен қамтамасыз ету мақсатында екі жатақхана жұмыс жасауда. Бүгінгі күнге, 92 отбасы (Я.Михайлюк №5Г-43 отбасы, Біржан сал көшесі №1В-49 отбасы) уақытша тұрғынжаймен қамтамасыз етілген.Ағымдағы жылы, Я.Михайлюк №5Г, Біржан сал №1В жатақханаларын ағымдағы жөндеу жұмыстарына аудандық бюджеттен 10,0 миллион бөлініп, мемлекеттік сатып алу конкурсы жүргізілуде. Жоба бойынша жатақханалардың 19 жылу батареяларын ауыстыру, ішкі кәріз жүйелерін жөндеу, ақау пайда болған жерлерін сылап, әрлеу және 19,8 шаршы метр терезелері ауыстырылады.Көппәтерлі тұрғын үйлерді ағымдағы жөндеу ағымдағы жылы Әйтеке би кенті, Желтоқсан көшесі №60 және Т.Бөріқұлақов көшесі №2Б көппәтерлі тұрғын үйлерді ағымдағы жөндеу жұмыстарына аудандық бюджеттен 14,9 миллион бөлініп, мемлекеттік сатып алу конкурсы жүргізілуде. Жоба бойынша көппәтерлі тұрғын үйлердің қасбетін сылап, әрлеу және шатыр жабыны ауыстырылатын болады.Жол қадірін жүрген білерҚазіргідей өркениетке ұмтылған кезеңде жолдың сапалы болуы әрбір тұрғын үшін маңызды. Көше асфальттанып, оның бойы жарықтандырылса, халыққа қолайлысы да сол. Сондықтан жыл сайын жолды жөндеуге мемлекеттік қаржыдан тиісті қаражат бөлініп, барлығы жоспар бойынша кезектілігімен іске асуда.2024 жылы Қазалы қаласының 10 көшесіне Шағын және моноқалаларда бюджеттік инвестициялық жобаларды жүзеге асыру бағдарламасы аясында қайта жаңғырту (реконструкция) жұмыстары басталып, облыстық бюджеттен 69,0 мың теңге қаржы бөлініп, мердігер мекеме «Болашақ» жауапкершілігі шектеулі серіктестігі тарапынан жоба бойынша қаралған көшелерге тротуар төсеу, бордюр орнату жұмыстары жүргізілуде. Атап айтқанда, Әйтеке би, Ж.Бәкішев, М.Рахашұлы, Т.Сегізов, Хегай Гер Сек, Шоқан Уалиханов, Ыбырай Жахаев, М.Ерлепесов, Жамбыл Жабаев, Е.Қожаназаров көшелеріне жөндеу жүргізіледі.Қазалы ауданы, Әйтеке би кенті Жаңқожа батыр және Әйтеке би көшелерін қайта жаңғырту жобасы бойынша «Строй Модуль Астана» мердігер мекеме тарапынан Жаңқожа батыр көшесінің жол жиегіндегі бордюрлерін ауыстыру, аялдамаларды орнату жұмыстары, сондай-ақ, Жаңқожа батыр - Бөрқұлақов және Жаңқожа батыр, Пірімов көшелерінің қиылысына жол айрықтарын салу жұмыстары жүргізілуде.Ағымдағы жылы Әйтеке би – Басықара, Әйтеке би – Қазалы, Әйтеке би кентіне кіре беріс аудандық маңыздағы автомобиль жолдарына жол жолақ сызықтары қайта сызылды. Осы жұмыстар уақытылы атқарылса, нәтижесі аудандағы жолдар сапасы жақсаратынына сенім мол.Фото: https://365online.kz/?p=2563

Қазалы: Бірнеше саланы қамтыған бөлім

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясы Сырдария аудандық филиалының Қоғамдық қабылдау бөлмесінде «Ауыл аманаты» жобасы аясында ашық есік күні өткізілген болатын. Жобаның негізгі мақсаты – ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске барынша тарту, азық-түлік қауіпсіздігіне және азаматтардың өмір сүру сапасын жақсартуға байланысты мәселелерді шешу болып табылады.Ашық есік күні аясында Сырдария аудандық ауыл шаруашылығы және жер қатынастары бөлімінің басшысы Қанат Нұрсейіт тұрғындардың өзекті сауалдарына жауап беріп, мемлекеттік бағдарлама жөнінде түсіндірме жұмыстарын жүргізді. Айта кетейік, «Ауыл аманаты» жобасы бойынша ауыл тұрғындары өз бизнесін дамытуға немесе кооператив құрамында жеңілдетілген несие ала алады, сондай-ақ техниканы лизингке рәсімдеуге болады. Қарыз алу шарттары да өте тиімді, себебі ондағы пайыздық мөлшерлеме әлдеқайда төмен. &nbsp;Несие/микронесие мерзімі – 5 жыл, ал мал шаруашылығы және ауыл шаруашылығы кооперативтерін құру саласындағы жобалар бойынша 7 жылға дейін екенін айта кетейік. &nbsp;Сонымен қатар шағын несиенің ең жоғарғы сомасы – 8.6 млн теңге, ауыл шаруашылығы кооперативтері үшін 27.6 млн теңгеге дейін болады. &nbsp;Ал сыйақы мөлшері жылына 2.5 пайыздан аспайды.<blockquote>– Мемлекеттік бағдарлама шеңберінде жеңілдетілген несие алып, аудан тұрғындары кәсіп ашуға ниетті. Бизнестің қыр-сырына қаныққан жандар өз кәсібін дөңгелетуге мүдделі. Жетекші партия алаңында жүзеге асқан акция барысында өзекті мәселелер қаралды, – деді бөлім басшысы.</blockquote>

Мемлекеттік бағдарлама аясында кәсіп ашудың мүмкіндіктері қандай? 

<a href="https://kyzylorda-news.kz/">Kyzylorda-news.kz</a> &nbsp;«Аmanat» партиясының &nbsp;«Қарызсыз қоғам» әлеуметтік жобасы аясында Шіркейлі ауылының тұрғындары қаржылық сауаттылық арттыру курсынан өтті. Оқыту курсының аяқталуына «AMANAT» партиясы Сырдария аудандық филиалының консультанты Берік Ахметов қатысып, барлық қатысушыларға семинар сабағына қатысқандығын растайтын сертификаттар табыстады.Айта кетейік, аудан бойынша жыл аяғына дейін 740 адамды оқыту жоспарлануда. Қазіргі таңда 505 адам оқыту курсын аяқтады.Ауыл тұрғындарына оқыту курсын қаржы сарапшысы Балдырған Мамен өткізді. Жобаға қатысушылар жобаға қатыса отырып өз қаражатын тиімді басқаруды және шығынды оңтайландыруды, қаржыға қатысты проблемалық мәселелер қалай пайда болатынын, несиелік қарыздар санын азайтудың қандай жолдары барын, алаяқтық әрекеттерді қалай анықтау қажет екенін хабардар болып, қаржылық білімдерін кеңейтті.– &nbsp;Жетекші партияның «Қарызсыз қоғам» әлеуметтік ауқымды жобасы аудан көлемінде бірнеше айдан бері жалғасын табуда. Бүгін Шіркейлі ауылында жоба өз жұмысы аяқталуда. Ауыл тұрғындарына қаржы сарапшысы Балдырған Мамен өз біліктілігін жан-жақты көрсетіп, көпшілікке кәсіби бағдар берді, –деді Берік Ахметов.Өз кезегінде курстан өтушілер партия тарапына, курс оқытушысына алғыстарын білдірді.

Шіркейлі ауылының тұрғындары «Қарызсыз қоғам» әлеуметтік жобасы аясында курстан өтті  

<a href="https://kyzylorda-news.kz/">Kyzylorda-news.kz</a> &nbsp;«Amanat» партиясы Сырдария аудандық &nbsp;филиалының Партиялық бақылау комиссиясының мүшелері Еркебұлан Жақып пен Марат Бакуовтың қатысуымен Сәкен Сейфуллин ауылындағы кварталішілік газ тарату желілері құрылысының жұмыстарына партиялық бақылау жұмыстары жасалды.Аудан орталығына жақын орналасқан С.Сейфуллин елді мекенін газдандыруға өткен жылдың аяғында облыстық бюджеттен 20 млн. теңге бөлініп, жұмыстар бастау алған болатын. Биыл облыстық және республикалық бюджеттен тиісті қаржы қаралып, газ құбырларын тарту жұмыстары қарқынды жүргізілуде. Аталмыш жобаға аудандық партия филиалы тарапынан партиялық бақылау бекеті де орнатылды.Комиссия мүшелеріне мердігер мекеме – «АЭS and Limited» ЖШС-нің өкілі жұмыстар қарқынды түрде жүргізіліп жатқандығын атап өтті.Айта кетейік, ауданға қарасты Асқар Тоқмағамбетов елді мекенінде де газдандыру жұмыстары жүргізілуде.Партиялық бақылау комиссиясының мүшелері елді мекендерді газдандыру маңызды екенін, тұрғындар асыға күтіп отырғанын атап, құрылыс жұмыстарының сапалы жүргізілуін атап өтті. Сәкен Сейфуллин ауылының тұрғындары көгілдір отынның игілігін көретін күн алыс емес. Алдағы уақытта мұндай бақылау жұмыстары жалғасын табатын болады.

Халық қалаулылары газ тарату желілерінің құрылысына бақылау жасады 

<a href="https://kyzylorda-news.kz/">Kyzylorda-news.kz</a> "AMANAT" партиясының Сырдария аудандық филиалында аудандық мәслихаттағы депутаттық фракция мен партиялық бақылау комиссиясының бірлескен отырысы өтті. Күн тәртібіндегі мәселе бойынша Сырдария аудандық экономика және қаржы бөлімінің басшысы Е.Ахетов 2024 жылдың І тоқсанында "AMANAT" партиясы сайлауалды бағдарламасының орындалуы туралы баяндама жасады.– "AMANAT" партиясының 2023-2027 жылдарға арналған сайлауалды бағдарламасын іске асырудың жол картасында Сырдария ауданына 2024 жылға барлығы 47 іс-шара белгіленген. Қазіргі таңда олардың барлығы орындалу үстінде және жыл қорытындысымен толық орындалуына жұмыстар жасалуда. Бағдарлама шеңберінде 2024 жылы 4 объект, атап айтқанда Бесарық ауылдық округінде спорт кешенін пайдалануға беру, №11 спорт мектебін ағымдағы жөндеуден өткізу, С.Сейфуллин және А.Тоқмағанбетов ауылдық округтерін газдандыру қажет – деді бөлім басшысы.Сонымен қатар, жол картасы аясында орындалмау қаупі бар көрсеткіштерге тоқталып, бірлескен отырысқа қатысушылар тарапынан қойылған сұрақтарға жауап берді. Өз кезегінде "AMANAT" партиясының Сырдария аудандық филиалында жүзеге асқан &nbsp;жиында халық қалаулыларына көкейдегі сауалдарын жолдады. Бағдарлама шеңберінде жасалған жұмыстарды саралап, қолға алынған жобаларды талқыланды.

Сырдарияда ауқымды жобалар жүзеге асуда

<a href="https://kyzylorda-news.kz/">Kyzylorda-news.kz</a> &nbsp;Жақында &nbsp;Сырдария аудандық жұмыспен қамту және әлеуметтік бағдарламалар бөлімі тапсырысы бойынша, «Сырдария» қоғамдық қорының ұйымдастыруымен Чернобыль АЭС апатынан зардап шеккен азаматтарды еске алуға арналған іс-шара өткізілді.Аталған Іс-шараға &nbsp;апатты залалсыздандыруға атсалысқан азаматтар мен апатты жоюға барған жерлестеріміздің жұбайлары қатысты. Тағылымды іс-шараны аудан әкімінің орынбасары Димаш Серікбайұлы ашып, Чернобыль апатына қатысқан ардагерлерге, сондай-ақ Ауған соғысына, Таулы Қарабах, Тәжік-Ауған шекарасының қақтығысына қатысушыларға арнайы «Алғыс хат пен бағалы сыйлық табыстады.<blockquote>– Өткен ғасыр шеңберінде &nbsp;адамзат үшін қауіптілігі жоғары Чернобыль АЭС апатының орын алуы әрине қиындыққа соқтырды. Біздің арамызда апаттың орын алғандығын көзбен жандар баршылық. Үнемі біз оларға құрмет көрсетете береміз. Ардагерлердің денсаулығы сыр беріп, радиация зардабын айқын сезінуде. Сонымен қатар&nbsp;Ауған соғысына, Таулы Қарабах, Тәжік-Ауған шекарасының қақтығысына қатысқан жандар &nbsp;қай кезеңде де лайықты ерлік көрсете білді. Жыл сайын аудан көлемінде&nbsp;мазмұмыны терең іс-шаралар жүзеге асырылады, – деді аудан әкімінің орынбасары.</blockquote>

Чернобыль апатының зардабын жоюға қатысқан ардагерлер марапатталды

<a href="https://kyzylorda-news.kz/">Kyzylorda-news.kz</a>&nbsp; Білікті маман, тәжірибелі медбике Гүлжан Жаппасбаеваның аудан медицинасында өзіндік қолтаңбасы қалыптасқан. 25-жылға жуық аудандық ауруханада қызмет етіп келе жатқан сала маманы өзінен кейінгі жас буынға үлгі болып келеді. Шындығында, 2000 жылы ақ халатты жан Қызылорда қаласында фельдшер мамандығын меңгеріп шығады. Жалағаштық бойжеткен оқу бітірегеннен кейін тереңөзектік Нұрмағанбет Алпысбаевпен отандасады.Негізінен, Гүлжан Жаппасбайқызы «Гинекология» бөлімшесінде қызмет ете жүріп, медицинаса саласының қыр-сырына қанығады. Нәзік жандылардың денсаулығына бей-жай қарамай әйел затының күтіміне мұқият көңіл бөледі. Бірнеше буын өкілімен әріптес атанған медбике өмірден көргені мен түйгені көп. 4 перзенттің анасы отбасындағы келіндік міндетті лайықты түрде атқарып, жұмысына да, адалдық танытуда.– Медицина саласында маман ретінде қалыптасуыма сапалы білім мен көптеген тәжірибе себепкер атанды. Осы жылдың наурыз айынан бастап «Балалар» бөлімшесінде аға аяжан қызметіндемін. Әрине, қандай жұмыс болмасын тиісті деңгейде атқаруға тырысамыз. Науқастардың еміне көңіл бөліп, бөлімшедегі медбикелердің қызметін бағытын үйлестіремін. Өзім таңдаған күрделі саланы қос қызым таңдады. Қыздарыма қай кезде де, ақыл-кеңесімді айтып, жұмыста жауапкершілік таныту керектігін жеткізіп келемін, – деді аға аяжан.

Қазақстан және Қызылорда облысының жаңалықтары