<a href="https://kyzylorda-news.kz/">Kyzylorda-news.kz</a>&nbsp; &nbsp;Ә.Тәжібаев атындағы облыстық кітапханада ақын, ғалым, ұстаз Рахат Наурызбаеваның 80 жасқа толуына орай «Бала тілін тапқан ақын» атты шығармашылық кеші өтті. Шараның мақсаты – жас ұрпақты ақынның шығармашылығымен таныстыру.Шараға ақын, Қазақстан Жазушылар Одағының Қызылорда облысындағы өкілі Қ.Есімсейітова, ақын, сазгер Д.Торғаева, жазушы Н.Рахмет, сазгер, ұстаз Л.Сүйінбаева, Т.Есетов атындағы №264 мектеп-лицейінің, І.Қабылов атындағы №12 ІТ мектеп-лицейінің, Ә.Мүсілімов атындағы №101 мектеп-лицейінің, К.Қаракөзов атындағы №235 мектеп-гиназиясының, А.Байтұрсынов атындағы №211 орта мектебінің, «Your English shool» жеке бастауыш мектебінің оқушылары және «Жайна Құлыншақ» балабақшасының бүлдіршіндері мен тәрбиешілері қатысты.Кеш барысында мекеме басшысы Н.Мыңжас ұйымдастырылған шараның маңыздылығына тоқталып, кештің басты кейіпкеріне ықыласын білдірді.Шараға қатысқан балалар ақынның білімге, еңбекке, имандылыққа баулыған өлеңдерін жатқа оқып, «Дәптерлер көтерілісі» шығармасы бойынша қойылым қойды. Сонымен қатар ақынның өлеңдеріне жазылған әндер шырқалып, би биледі. Ақын өз кезегінде жиналған қауымға ризашылығын білдіріп, ақ тілегін арнап, оқырмандармен естелікке суретке түсті.Шара соңында қатысушылар ақынның шығармашылығына арналған «Балғындарға жыр сыйлаған» атты көрмемен танысты.

Қызылорда қаласында «Бала тілін тапқан ақын» атты шығармашылық кеш өтті

<a href="https://kyzylorda-news.kz/">Kyzylorda-news.kz</a>&nbsp;&nbsp; Қазгидромет синоптиктері 4 мамыр, сенбіге арналған ауа райы болжамын жариялады. Қазақстан аумағының басым бөлігінде атмосфералық фронттардың әсерінен құбылмалы тұрақсыз ауа райы сақталады.Найзағай жарқылдап, жаңбыр жауады. Түнгі уақытта елдің шығысында жаңбырмен қоса қар түсуі мүмкін. Елдің оңтүстік-шығысында ғана жауын жаумайды.&nbsp;Республика бойынша екпінді жел күшейеді, оңтүстікте дауыл, солтүстік-батыс, солтүстік пен шығыста тұман түседі.Түнде Батыс Қазақстан облысының батысында, солтүстігінде 3 градус үсік жүреді.Шығыс Қазақстан облысының шығысында 2 градус үсік сақталады, Солтүстік Қазақстан облысының шығысында топырақ бетінде 2 градус үсік болады.Маңғыстау облысының басым бөлігінде, Атырау облысының батысында, солтүстігінде, шығысында, Қызылорда, Қарағанды облыстарының батысында, оңтүстігінде, орталығында, Түркістан облысының батысында, солтүстігінде, Абай, Ақтөбе облысының оңтүстігінде, Ұлытау облысының шығысында, орталығында жоғары өрт қаупі сақталады.Фото: Нұрболат Нұржаубай

Бүгін ел аумағында жаңбыр жауады

<a href="https://kyzylorda-news.kz/">Kyzylorda-news.kz</a> &nbsp;Ішкі істер министрлігі жеке куәліктің үлгісін өзгертуді көздейтін нормативтік құжаттың жобасын ашық талқылауға шығарды, деп хабарлайды Қазақпарат.<blockquote>«Қазақстан Республикасының азаматы жеке куәлігінің беткі жағында Қазақстан Республикасы азаматының жеке куәлігі иесінің фотобейнесі, қолы және дербес деректері: тегі, аты, әкесінің аты (бар болса), туған күні, жынысы және жеке сәйкестендіру нөмірі орналасады» деп жазылған бұйрықтың жобасында.</blockquote>Ал&nbsp;куәліктің артқы жағына құжат иесінің азаматтығы туралы мәлімет жазылады.<blockquote>«Қазақстан Республикасы азаматының жеке куәлігінің сыртқы жағында штрих-код түрінде кодталған ЖСН, микросхеманың байланыс бөлігі, жеке куәлік иесінің туған жері, ұлты және азаматтығы туралы дербес деректері, сондай-ақ куәлік берген орган, берілген күні және қолданылу мерзімі туралы мәлімет орналасады. Куәлік иесінің ұлты туралы мәлімет оның қалауы бойынша көрсетіледі» делінген.</blockquote>Ұсынылып отырған үлгіні <a href="https://legalacts.egov.kz/npa/view?id=15037241">мына жерден</a> көруге болады.&nbsp;Фото: gov.kz

Жеке куәліктің жаңа үлгісінде қазақстандықтардың жынысы көрсетілуі мүмкін

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінің Басқарма мүшесі&nbsp;- Ғылыми жұмыстар және халықаралық байланыстар жөніндегі проректор Майнұр Бөрібаева белгілі кәсіпкер-меценат «Мунай.Тех.Сервис.Орда» серіктестігіннің директоры Қайсариев Дәулет Тынымбекұлымен кездесті.&nbsp;Кездесу барысында Қорқыт ата атындағы Қызылорда университеті мен «Мунай.Тех.Сервис.Орда» &nbsp;ЖШС-і арасында ғылыми зерттеу жұмысына шаруашылық келісім-шартқа қол қойылып, алдағы уақытта бірнеше бағыт бойынша ғылыми жобаларды бірлесіп жүзеге асыру жөнінде келісімге келді.Шаруашылық келісім-шарт бойынша зерттеу жұмысына «Экономика және басқару білім беру бағдарламасының аға оқытушысы, экономика &nbsp;ғылымдарының кандидаты Абай Шайнуров жетекшілік жасайды. Комерцияландыру бөлімі кәсіпкерлермен әріптестік байланысты одан әрі нығайта түспек.Түркия жоғары оқу орынмен де бірлескен халықаралық жоба басталды. «Мәдени мұра» халықаралық жобасының шеңберінде 25-29 сәуір аралығында Түркия Республикасының Жастар және спорт министрлігінің және Ақдениз университетітінің өкілдері университетімізге іс-сапармен келді. Жобаның мақсаты — жастарға өмір сүретін жеріне және мемлекетіне қарамастан, өз мәдениетінің мәнін түсінуге көмектесу, жастардың ұлттық сана-сезімідерін нығайтып, түрік халқымен мәдени бірлікті орнату. Түркия делегациясы университетіміздегі және өңіріміздегі жастар саясатымен танысып, келешекте жүзеге асырылатын біріккен start-up және ғылыми жобаларды талқылады. Еліміздің мәдениеті мен өнерін таныстыру мақсатында университет жастары қонақтарға өз өнерлерін көрсетіп, арнайы поэзия кешін ұйымдастырды.Сондай-ақ, қонақтарға түркі тілдес елдерге ортақ мәдени мұра болып табылатын Қорқыт Атаның кесенесі таныстырылып, қобыздан күй шертілді. Келешекте жоба аясында түркі халқының дәстүрлі мұрасы болып табылатын түрік мәрмәр өнері мен тоқудың мәдени интеграциясы жүзеге асырылатын болады, сонымен бірге Қазақстанда музыка сияқты жекелеген мәдени элементтерде жастардың қолданылатын дағдылары дамытылып, серіктес елдердің кескіндеме, театр және би өнері бойынша ақпарат алмасатын болады.Жобаның жалғасы ретінде білім алушылардың академиялық ұтқырлық, халықаралық ғылыми семинар, оқытушылардың ғылыми тағылымдамасы қарастырылған және жыл сайынғы екіжақты ғылыми және мәдени жоба ретінде жоспарланды.Айта кетейік, Қорқыт ата атындағы Қызылорда университетіне ресми сапармен АҚШ-тың Бас консулы Мишель Еркин ханым келді.Делегация Студенттер сарайында сирек кездесетін ғылыми кітапхана қорымен танысып, музейді көрді.Қонақтар университеттің халықаралық деңгейдегі жетістіктері мен мүмкіндіктерімен танысты.&nbsp;АҚШ пен Қазақстан университеттерінің, АҚШ-тың Қазақстандағы Елшілігінің және американдық кеңестің әріптестік бағдарламасының қолдауымен біздің университет АҚШ-тың Мичиган мемлекеттік университетімен бірлесіп ұйымдастырған "Қазақстандағы өңірлік университеттер үшін экология және қоршаған орта туралы ғылымдар бойынша негізгі оқу бағдарламаларын ілгерілету" атты жоба іске асырылды. Бұл жобаға Джордж Вашингтон университеті, Оңтүстік Дакота университеті, Нью-Йорктегі Пейс Университеті және Мейн университеті қатысты.&nbsp;2020-2022 жылдары АҚШ Елшілігі қаржыландыратын педагогикалық университетті дамыту бағдарламасы (pudp) аясында біздің 30 оқытушымыз 72 сағаттық оқудан өтті.&nbsp;Қазіргі олар Сырдария ауданы мен Қызылорда қаласы Ағылшын тілі мектептерінің оқытушыларын заманауи оқыту әдісіне үйретуде.Сонымен қатар, екінші жыл Фулбрайт бағдарламасының стипендиаттары ағылшын тілін оқыту үшін үкіметаралық келісімдер негізінде АҚШ-тың Қазақстандағы елшілігімен біздің университетке келеді.Кездесуде тараптар ынтымақтастық мүмкіндігін кеңейту және білім және ғылым саласындағы байланыстарды нығайту аспектілерін талқылады.Жиын соңында Бейбіткүл Сәрсемханқызы мұндай &nbsp;іс-шаралар өзара тәжірибені байытуға және мәдени өзара түсіністікті нығайтуға ықпал етеріне сенім білдірді.&nbsp;Олардың қолдауы мен университетке деген қызығушылығы үшін алғысын білдіріп, естелік сыйлық табыс етті.&nbsp;Қорлан САРЫ Фото: Қорқыт ата атындағы Қызылорда университетінің медиа орталығы

Өңірде бірлескен ғылыми жобалар іске асырылады

 Асылды ұлықтаған ұрпақ

<a href="https://kyzylorda-news.kz/">Kyzylorda-news.kz</a> Кеше Арал ауданы әкімдігінің мәжіліс залында әкімдік жиыны өткізілген болатын. Аудан әкімі Аманжол Оңғарбаевтың төрағалығымен өткен мәжілісте маңызды деген екі мәселе пысықталды.Күн тәртібіндегі алғашқы мәселе – Ұлттық бірыңғай тестілеуге дайындық барысы туралы Арал ауданы бойынша білім бөлімінің басшысы Санира Жанназарова хабарлама жасап, ҰБТ-ға дайындық сапасын жетілдіру және мектеп бітіруші түлектердің кәсіби бағдарын айқындау мақсатында жүргізіліп жатқан ақпараттық-түсіндірме жұмыстарын атап өтті.Аудан басшысы 2022-2023 оқу жылында ұлттық бірыңғай тестілеудің қорытындысымен облыс бойынша ең жоғарғы баллды Арал ауданының мектеп бітушісі иеленгенін алға тартып, дәл осы қарқынмен биылғы жылы да оқу жылын оң нәтижемен қорытындылау қажеттігін ескертте өтті. Сондай-ақ,&nbsp;жылдағы дәстүр бойынша осал топтағы отбасыларға аудандық арнайы комиссияның шешімімен облыс әкімінің гранты тағайындалады. Берілген мүмкіндікті пайдаланып, әлеуметтік қолдауға мұқтаж жанұядан шыққан балалар бірінші кезекте қамтылуын міндеттеді. Мұнымен қоса, Арал қаласына оқушыларды тасымалдау кезінде жолдағы қауіпсіздікті қамтамасыз ету жұмыстарын тиісінше үйлестіру жүктелді.&nbsp;Айта кетейік, биыл Арал ауданында 2 588 оқушы қорытынды аттестаттау рәсіміне қатысады.&nbsp;Жылдағы дәстүр бойынша бітіруші түлектердің ресторандарда, басқа да ойын-сауық орындарында мектеп бітіру кештерін өткізуі, автокөліктермен кортежге шығуға тыйым салынған.&nbsp;Күн тәртібіндегі екінші мәселе бойынша аудан әкімі аппаратының басшысы Н. Бохаев сөз алып, 2024 жылдың І тоқсанында қала, кент және ауылдық округ әкімдерінің атқарған жұмыстары жөнінде жан-жақты саралап өтті.&nbsp;Оның ішінде, елдімекендердегі жұмыспен қамту көрсеткіштері, көктемгі әскерге шақыру, салық түсімдері, мемлекеттік көрсетілетін қызметтер мен «Адал адам» тұжырымдамасының орындалуы туралы және тұрғындарды жеке қабылдау мәселеріне тоқталды.&nbsp;Аудан әкімі хабарламада көрсетілген салалар мен орындалмаған тапсырмаларды кеңінен талдап, бекітілген межені уақытылы орындамаған ауылдық округ әкімдеріне «ескерту», «сөгіс» және «қатаң сөгіс» түріндегі тәртіптік шара қолданылды.«Мемлекет басшысы өңір басшыларына елдің әлеуметтік мәселелерін жедел реттеу және халықтың әл-ауқатын арттыруға бағытталған шаралар қабылдауды тапсырды.&nbsp;Атап айтқанда, әкімдерге инвестиция тарту, жаңа жұмыс орындарын ашу, кәсіпкерлікті қолдау туралы міндеттер жүктеді. Сонымен қатар, әкімдердің тұрғындармен кері байланысты күшейтуі қажет екенін айтты. Қала, кент, ауылдық округі әкімдері, экономикалық жағдайы жақсарған, дамыған мемлекет қатарынан орын алудың бірден бір жолы - кәсіпкерлікті дамыту арқылы жұмыссыздық көрсеткішін азайту. Осы бағытта мемлекет саясатының негізгі ұстанымы жұмыспен қамту және жаңа жұмыс орындарын ашу мәселесі екендігі анық. Әкімдердің жұмысының негізгі көрсеткіші де осы. Жалпы кәсіпкерлікті дамыту бағытында атқарылып жатқан жұмыстар жеткіліксіз» - деп, бұл ретте жұмыс жасап тұрған кәсіпкерлік субъектілердің санын арттыру, мемлекеттік бағдарламалар шеңберінде кәсіпкерлікті дамыту бағытында несие алу көрсеткіштерін орындау, ауылдық округтен кем дегенде 1 ірі жобаның іске асырылуын қамтамасыз ету жұмыстарын үйлестіру жүктелді.&nbsp;Алдағы уақытта аталған салаларға байланысты төмен көрсеткіш көрсеткен қала, кент және ауылдық округ әкімдеріне қатаң шара көрсетілетіндігі ескертілді.

Аралда маңызды мәселелер әкімдік мәжілісінде талданды

<a href="https://kyzylorda-news.kz/">Kyzylorda-news.kz</a> «Дені сау адам – табиғаттың ең қымбат жемісі» деген тәмсіл бар. Кез келген адам денсаулығы сыр берсе, ақ халатты абзал жандардың көмегіне жүгінері хақ. Біздің кейіпкеріміз – Зәру Қаниева 36 жыл бойы алтын қолды дәрігерлермен қатар иық теңестіре еңбек етуде. 21 жасында «Жан сақтау» бөлімшесінде қызметтік жолы басталған маман адамның бақытты болуының негізгі себебі – денсаулыққа байланысты екенін айқын сезінген.Сала маманы «Жан сақтау» бөлімшесінен кейін «Жұқпалы аурулар», «Туберкулезге қарсы диспансерлік», аудандық емхананың «Жалпы тәжірибелік» бөлімінде аға аяжан қызметтерін абыроймен атқарады. Қазіргі уақытта білікті маман «Мамандарылған» бөлімнің профильді медбикесі ретінде жұмыс жасауда.Әріптестеріне сыйлы, отбасында үлгілі отнасы атана білген Зәру Әбіләкімқызы ардақты жолдасы Ғалымжан Маханғалиевпен бірге 34 жыл бойы ұзақ ғұмыр кешуде. Үнемі жұптары жазылмайтын ерлі-зайыпты 2 перзент тәрбиелеп, 5 немеренің сүйікті ата-әжесіне айналған.<blockquote>– Медицинада біз біле бермейтін тың жаңалықтар күнде жарыққа шығады. Сондықтан сала маманы ретінде заман ағымынан қалыс қалмауға ұмтыламыз. Күнделікті жұмыс барысында сан алуан жағдайды бастан өткеріп, емделуші үшін қолайлы қызметті ұйымдастырамыз. Еңбек еткен бөлімшелерде көптеген қызықты және қиындыққа толы кездер орын алды. Мықты маман болу мақсатында аға буынға қарап, бой түзедік, – деді Зәру Әбіләкімқызы.</blockquote>

Бірнеше бөлімнің қызметін оңтайлы үйлестіре білген медбике 

<a href="https://kyzylorda-news.kz/">Kyzylorda-news.kz</a> Қызылорда қаласындағы кәсіпкерлікті дамыту және қолдау, инвестиция тарту, өндіріс орындарының ашу шаралары бойынша ағымдағы жылдың 1 сәуіріне облыс орталығында тіркелген кәсіпкерлердің саны 33 507 &nbsp;бірлікке жетіп, оның ішінде жұмыс жасап тұрғандар үлесі 93,6 процентті немесе 31 381 бірлікті құраған. Бұл туралы кәсіпкерлік және өнеркәсіп бөлімі басшысының міндетін атқарушы М.Жетілгенов баяндады.Сала маманының айтуынша, шағын және орта кәсіпкерлікте жұмыспен қамтылғандар саны 66 450 адамға жетіп, өсім 2 процентке, яғни 66 066 адамға жеткен. Сондай-ақ, салада 527,4 миллион теңгеге өнім өндіріліп, өсім 8 процентке, яғни 471 034 миллион теңгеге артқан. Оның ішінде облыста өткен жылы жұмыспен қамтылғандар саны – 121 700, ал өндірілген өнім көлемі – 645 195 миллион теңгені құраған.Өткен жылы мемлекеттік қолдау шаралары аясында құны 24,45 миллиард теңгені құрайтын 1415 жоба қаржылай қолдау алған. Атап айтқанда, «Мемлекеттік қолдауға жататын жеке кәсіпкерлік субъектілері қызметін жүзеге асыратын экономика салаларын мемлекеттік қаржылық қолдау» мемлекеттік бағдарламасы аясында құны 17,8 миллиард теңгені құрайтын 458 жоба субсидияланған. Ал аграрлық несие корпорациясы арқылы 49 жобаға 1,2 миллиард теңге қаржы шамасында несие берілген.«Аграрлық несие корпорациясы» акционерлік қоғамы арқылы «Жастарға арналған несие» 2,5 проценттік несие бойынша жалпы құны 544,4 миллион теңгені құрайтын 115 жоба қолдау алған.«Ауыл аманаты» жобасы бойынша «Байқоңыр» ӘКК несиелері арқылы жалпы құны 253 миллион тенгені құрайтын 27 жоба қолдау алып қаржыландырылған. Сонымен қатар «Қызылорда өңірлік инвестициялық орталығы» арқылы жалпы құны 798,5 миллион тенгені құрайтын 82 жоба қаржыландырылған.Бұдан бөлек кәсіпкерлікті дамыту жөніндегі ұлттық жоба шеңберінде мемлекеттік гранттар беруге (5 миллион теңге, 400 АЕК) 696,4 миллион теңге сомасына 472 жоба қыржыландырылған. Оның ішінде 400 айлық есептік көрсеткіштегі – 459 жоба, құны 628,5 миллион теңге, 5 000 000 тенге – 13 жоба, құны 67 907 600 теңгені құрап отыр.<blockquote>– 2024 жылы «Ауыл аманаты» бағдарламасы шеңберінде 612,8 миллион теңгені құрайтын 56 жобаны несиелендіру жоспарлануда. Жалпы бұл бағытта құны 1 миллиард 106 миллион &nbsp;теңгені құрайтын 131 жоба ұсынылған. Нақтырақ айтсақ, өткен жылы 253 миллион теңгеге 27 жоба, ауыл шаруашылығы өнеркәсіптік кооператив құруға – 27,6 миллион теңге, ал жеке кәсіпкерлерге 8,6 миллион теңге, ал биылғы жылға 612,8 миллион теңгеге 56 жобаны, ауылшаруашылығы өнеркәсіптік кооператив құруға – 29,5 миллион теңге, ал жеке кәсіпкерлерге 9,2 миллион теңгеге несиелендіру жоспарлануда. Сондай-ақ, «Жастарға арналған несие» бағдарламасы аясында</blockquote>875 миллион теңгеге 175 жобаны қаржыландыру көзделуде. Атап айтқанда, өткен жылы 544,4 миллион теңгеге 115 жоба жүзеге асырылған. Сонымен бірге, жаңа бизнес идеяларды іске асыруға гранттар беру құралы шеңберінде биылға 714 миллион 771 200 теңге қарастырылып, 484 жобаны үйлестіру жоспарланған. Өткен жылы 696,4 миллион теңгеге 472 жоба жүзеге асырылған болатын. «Мемлекеттік қолдауға жататын жеке кәсіпкерлік субъектілері қызметін жүзеге асыратын экономика салаларын мемлекеттік қаржылай қолдау» бағдарламасы аясында 2024 жылы кемінде 600 жобаның несиелеріне субсидиялау мен кепілдендіру құралдарымен қолдау көрсету көзделуде. Негізгі әлеуметтік-экономикалық көрсеткіштерге тоқталсақ, Сауда көлемі 146,1 миллиард теңгені құрап, оның ішінде бөлшек сауда нақты көлем индексі 102,5 процентке (яғни, 95,4 миллиард теңгеге), көтерме сауда 103,5 процентке (50,7 миллиард теңге)тұрақталған, – деді кәсіпкерлік және өнеркәсіп бөлімі басшысының міндетін атқарушы м.жетілгеновқызылорда облысы бойынша көтерме сауда 109,8 миллиард теңге (101,8 процент), өнеркәсіп өндірісінің көлемі – 134,8 миллиард теңгені(92,2 процент), оның ішінде өңдеу өнеркәсібі – 20,2 миллиард теңгені(111,8 процент), құраған. ал ағымдағы жылы облыста биыл өнеркәсіп өндірісі – 244,6 миллиард, &nbsp;өңдеу өнеркәсібі – 86,1 миллиард теңгені құраған. ал өткен жылы өнеркәсіп өндірісі – 160,8 миллиард (91,9 процент), өңдеу өнеркәсіп – 21,3 миллиард теңгені (120,9 процент) құраған.қалаға негізгі капиталға тартылған инвестиция 53,8 милилард теңгеге жетіп, өсім 27,8 процентке (12 401 миллиард теңгеге)артқан.өткен жылы негізгі капиталға тартылған инвестиция 136,5 процентке жеткен. бұл ретте, 2024 жылға инвестиция тартуға қойылған меже 19,6 проценті орындалған. яғни, &nbsp;бұл 273,8 миллиард теңгені құрап отыр.Жалпы, инвестиция тартуға қойылған меженің орындалуына аймақтағы мұнай компаниялары – 29 милилард, жеке ресурстар арқылы - 100,3 милилард, мемлекеттік бюджеттен – 90,7 миллиард есебінен іске қосылатын жобалар аясында қамтамасыз ету көзделуде.<blockquote>– 2024 жылы өңірімізге Жалпыұлттық бірыңғай жобалар пулы аясында құны 25.3 миллиард теңге құрайтын 5 жоба іске асырылуы жоспарлануда. Оның ішінде «Accent Development Solutions» ЖШС-нің «Жаңа әуежай жолаушылар терминалының құрылысы». Құны – 15 милилард &nbsp;700 милилон теңге, «Aray Food» ЖШС-нің «Көкөніс сақтау қоймасының құрылысы». Құны - 1 миллиард 200 миллион теңге. «Orda Glass LTD» ЖШС-нің «Энергия үнемдейтін шыны өндіру цехы». &nbsp; &nbsp; &nbsp;Құны - 6 миллиард. 700 миллион теңге. ЖК «Алпамыс», «Нан-тоқаш, кондитерлік, макарондық өнімдер өндіру кешені». Құны &nbsp;- 1 миллиард &nbsp;200 миллион теңге. ЖК «Искаков» «Сауда үйі құрылысы». Құны &nbsp;- 500 миллион теңге. Өткен жылы қала көлемінде құны 1.9 миллиард теңгені құрайтын 4 өндіріс орны ашылып, 130 жұмыс орны құрылды. &nbsp;Нақтырақ айтқанда «Асыл дән LTD» ЖШС-нің &nbsp;«Күріш өндеу цехы» жобасы. Құны – 900 миллион теңге. «Абай Дәулет» ЖШС-нің «Мұздатылған фри картоптары» жобасы. Құны 600 миллион теңге. «Ақжелең» ЖК «Наубайхана» жобасы. Құны 400 миллион&nbsp;теңге. «Айғасар» ЖШС-нің «Ерекше балаларға арналған Иппотерапия» ат-сауықтыру клубын ашу және бие сүтін қайта өңдеу цехы» жобасы. Құны – 30 миллион теңге. Биылғы жылы шыны зауытының ішінен қуаттылығы жылына 5 миллион шаршы метр энергия үнемдейтін жаңа желі іске қосылады. Бүгінгі күні қоңдырғылардың толық жеткізіліп, құрылыс-монтаждау жұмыстары жүргізілді. &nbsp;Құны 6,7 миллиард теңге болады, – деді сала басшысының міндетін атқарушы.</blockquote>Бұған қоса, қазіргі таңда құны 26,2 миллиард теңгені құрайтын 2 жобаның жобалау жұмыстары басталған. Ол «EuroGlass Industries» ЖШС - шыны бөтелкелері, «Айна Глаз» ЖШС – айна зауыты.Кәсіпкерлік және өнеркәсіп &nbsp;саласында сауда базарларын жаңғырту бойынша қалада орналасқан әмбебап сауда базарларын жаңғырту жұмыстары өз жалғасын табуда. Атап айтқанда, 11 базар (145 851,9 шаршы метр сауда орындар саны - 1865), оның ішінде 3 әмбебеп (50 279,9 шаршы метр сауда орындары саны - 1220) (Асбол, Сұлтан-2, Сыбаға) сауда орны бар. Жаңғырту жұмыстары аясында 7 миллиард теңге, биылғы жылы 3 миллиард теңге инвестиция тарту көзделуде. Оның ішінде «Асбол» базарына - 4 миллиард теңге, «Сұлтан-2» - 1,5 миллиард теңге, «Сыбаға» базарына - 1,5 миллиард теңге жұмсалмақ.<blockquote>– Қала аумағындағы 3 әмбебап базары «Сауда базарларын жаңғырту жөніндегі» Жол картасына енгізілген болатын. ҚР «Сауда қызметін реттеу туралы» заңының 10 бабы бойынша оның ішінде, «Асбол» базары бойынша құрылыс алаңы дайындалған. Осы жылдың мамыр айында жобалау-сметалық құжаттамасы мен жұмыс жобасы аяқталмақ. &nbsp;«Сұлтан-2» және «Сыбаға» базары бойынша жоспарға сәйкес жобалау-сметалық құжаттамасы, жұмыс жобасы әзірленіп, эскиздік жобасы бекітілді.«Сұлтан-2» базары алаңында құрылыс салынатын алаң босатылды, сондай-ақ, құрылыс жүргізілетін жер өлшеніп, қазу жұмыстары жүргізілген, – деді сала маманы.</blockquote>А.Әлім

Қызылордада бірқатар базар қайта жаңғыртылмақ

<a href="https://kyzylorda-news.kz/">Kyzylorda-news.kz</a> &nbsp;Субсидия агроөнеркәсіп кешенін дамытуды одан сайын күшейтуге басымдық берудегі қаржыландырудың бұл бір түрі. Бұл жүйе тоқтап немесе кеміген емес. Тек мемлекеттік қолдау тәсілінің мүлтіксіз орындалуын, яғни бөлінген қаражаттың тиімді жұмсалуын аса ыждағаттылықпен қадағалауды талап етеді. Осы ретте аудан әкімі әрбір кәсіп иесіне талап қойып келеді. Субсидияны алуға көмектесіп, есесіне халыққа нарықтан арзан өнім беруді міндеттеді. Әсіресе, ет бағасы ырыққа бағынбай тұр. Басқа ауданмен салыстырған баға бірдей шығар, бірақ, аграрлы ауданда тұрып, еттің бұлай шарықтауы ұят жағдай.Иә, әр істің қайтарымы болады. Мемлекеттен алғанды мемлекетке емес, қара халыққа қайтару парыз. Жалғыз жолы бағаны базардан төмен пұлдау. Мүмкін болса әлеуметтік дүкендерге демеу болу керек. Бірақ, біз субсидияны алуын аламыз, бірақ қайтарымы жоқ. Бір сөзбен айтқанда, кіріс бар, шығыс жоқ. Оны уақыттың еншісіне қалдырайық. Бұл тақырып әлі талай таразыдан өткізіледі. Біз бүгін биылғы жылдағы субсидияға байланысты жаңалықты жүйелеп алайық.Ауыл шаруашылығы министрлігінің мәліметінше, қаражаттың бөлінуіне қатысты субсидиялаудың барлық бағыты өзгеріссіз қалады. Ал, аграрлық-өнеркәсіптік кешенді субсидиялау жүйесінде аздаған өзгеріс бар.Өсімдік шаруашылығынан бастайық. Бұл саладағы бағыттар мен нормативтер сақталды. Қант қызылшасын өсіруге одан сайын дем беру субсидиялау нормативі тоннасына 15 мың теңгеден 25 мың теңгеге дейін ұлғайтылады. Бұл ретте сыбайлас жемқорлық тәуекелдерін болдырмау және әкім¬шілендіруді оңайлату үшін аударым өтінімдерінің күші жойылады. Ауыл шаруашылығы дақылдарын, минералды тыңайтқыштарды, пестицидтерді субсидиялау бағыттары мен нормативтері бойынша әкімдіктердің қаулыларын келісу рәсімі министрлікке субсидиялаудың ұсынылатын көлемін электрондық форматта беру рәсімімен ауыстырылады. Сондай-ақ тұқымдардың қозғалысын бақылаудың ақпараттық жүйесі енгізіледі.Енді біз күткен мал шаруашылығы. Бұл бағытта асыл тұқымды мал басын сатып алу кезінде шошқа шаруашылығын қоспағанда, барлық қолданыстағы субсидиялау нормативі тағы да өзгеріссіз қалады. Селекциялық – асыл тұқымдық жұмыс саласындағы сыбайлас жемқорлық тәуекелдерінің жоғары болуына байланысты бұқалар мен қошқарларды жалға беруді субсидиялау жойылады.Ал тауар-спецификалық субсидиялар өзгеріссіз қалады. Бірақ күшін жоятын бөліктері бар. Айталық, әлеуметтік маңызы бар азық-түлік тауарларына жатпайтындықтан, күркетауық еті мен суда жүзетін құстарға субсидия берілмейді. Сондай-ақ меншікті аналық басы жоқ кооперативтерге дистрибьюторлық орталықтар көрсеткен қолдан ұрықтандыру жөніндегі қызметтер субсидияланбайды және асыл тұқымды мал импорты кезінде екінші деңгейлі банктегі қаржы институтының арнайы шотына субсидиялар аудару мүмкін болмайды.Жұмыртқа шаруашылығы бойынша норматив бір жұмыртқа үшін 3 теңге болып қалады. Бұл ретте 1-санаттағы жұмыртқаларды сатудың шекті бағалары әкімдіктермен жасалған меморандумдар негізінде белгіленеді. Бұқашықтар мен тоқтыларды бордақылауға және ет комбинаттарына тапсыру бойынша субсидиялау нормативтері өзгеріссіз қалады. Алайда малды өздерінің бордақылау алаңдарына көшіретін шаруашылықтар үшін орын ауыстыру нормасы жойылады. Жем-шөп бойынша субсидияларды алудың нормативтері мен критерийлері ғылыми ұйымдардың ұсынымдары негізінде әкімдіктердің қаулысымен бекітіледі.Инвестициялық субсидиялау. Бұл субсидиялаудың барлық түрі мен бағыты жүйеленген. Құрылыс-монтаждау жұмыстарын субсидиялау облыстық құрылыс және сәулет басқармаларының қызметкерлерін салынған объектілерді қарау жөніндегі мамандар тобына қосу туралы міндетті талаппен сақталады. Еріген суларды жинауға арналған жасанды су айдындарын салу үшін вагондардың құнын субсидиялау жойылады. Жайылымдарды суландыру үшін ұңғымалар мен құдықтар қазу кезінде бұрғылау жөніндегі материалдар мен қызметтердің құны ғана субсидияланатын болды. Бұл ретте жабдықтың құнын субсидиялау жойылады. Өйткені оның нарықтық құны өндіруші елге байланысты ондаған есе өзгеріп тұрады.Аудандағы атакәсіптің көкжиегі мал шаруасынан көрінеді. Ауылдағы ағайын ежелден айналысып келе жатқан мал шаруашылығы жыл сайын жанданып келеді. Күн сайын мал азығын даярлап, қиындығы мен қияметі көп жұмысты тындырып, кәсіп көзіне айналдырғалы көп болды. Соның қайтарымы жыл сайын төрт түлік төлдеп, бүгінде облыста мал басынан үздік аудан атансақ, аймақтағы жалпы есептің үштен бірін біздің аудан құрайды. Қыста қыстауда, жазда жайлауда жүретін шопандардың да еңбегі елеусіз емес. Жылда озат атанып келеді.<blockquote>– Жалпы ауданда мүйізді ірі қараның саны 80 мыңға жуықтады, қой 350 мыңға, жылқы 26 мыңға, ал, құс саны 22 мыңнан асты. Бұл облыс көлемінде үлкен көрсеткіш. Нақты цифр жыл соңында анықталады. Одан бөлек, төрт түлік азығын дайындаудан да алда келеміз. Былтыр Түркістан облысына экспорт жасасақ, биыл Сыр өңірінің өзге аудандарына тасымалдадық. Баға да қолжетімді, әсіресе, шөптің құны былтырғымен салыстырғанда екі есе төмен түсті. Осы жағдайлардың жүгінен, шаруалардың берекелі кәсібінен үздіктер көшінен түспей келеміз, – деді ауылшаруашылығы бөлімінің басшысы Талғат Зейдалиев.</blockquote>Бізде бұл кәсіптен тек мал басын көбейтіп қана қоймай, ет бағытында да жұмыстар жүйелі жүргізілуде. Соның бірі Қыркеңседегі «Бекарыс – Агрофуд» ЖШС.<blockquote>– Қазір егін науқаны аяқталды, ерте көктеммен ала жаздай төккен тердің жемісін жеп, нәпақаны тауып отырмыз. Енді қыс бойы малдың қоңын келтіріп, төрт түлікті түгендеп, төлдетіп, көктемде жайылымға немесе тауға жөнелтеміз. Мал басын асылдандырумен қатар ет бағытында шаруаны ширатып, өзге өңірлерге экспорттаймыз. Әсіресе, қыста сұраныс көп болады. Ең бастысы, берекелі кәсіптің адал нанын жеп отырған жайымыз бар, – деді қожалық төрағасы Серік Мырзабаев.&nbsp;</blockquote>Міне, мал бағытындағы ата кәсібіміз осылай жалғасып келеді. Сұраныс та өте жоғары, өйткені, тау мен Сырдың бойынан нәр алған жануардың қоңын өздеріңіз бағамдай беріңіздер. Тек субсидия деген ұғымды ырыққа көндіріп, пайдасын далаға жібергеніміз рас. Осыны тыю керек немесе жеке қалтаға емес, жалпы қоғамға пайдасы тиетіндей ету аса маңызды.Міне, осы күнге дейін аталған жүйеге қатысты мәселелер барынша ескеріліп, субсидиялаудың осындай жаңа қағидалары енгізілді. Түйінін айтқанда, бұл өзгерістердің негізгі мақсаты мемлекеттік қолдаудың тиімділігі мен нәтижелігін арттыру, қарсы мін-деттемелердің орындалуына бақылауды күшейту, сыбайлас жемқорлық тәуекелдерін барынша жою және цифрландыру есебінен субсидиялар алу рәсімін оңайлату болып тұр. Бұл тиісті мекемелердің құзырындағы шаруа. Бастысы, субсидияны өнімді өркендету үшін жұмсай білсек болғаны.&nbsp;Фото: Нұрболат Нұржаубай

Субсидия өнімді арттырудың тетігі

<a href="https://kyzylorda-news.kz/">Kyzylorda-news.kz</a> Үнемі адам өмірін аман алып қалуда сан түрлі оқиғаға тап болатын «Жан сақтау» бөлімшесінде сала мамандары дамылсыз қызмет етуге дағдыланған. Бөлімшедегі кез келген дәрігер мен медбике үшін әрбір минут өз құндылығын жоймайды. Осындай жауапкершілікті көтере білген аға аяжан Гүлзат Рахметова әрқашан жұмысты ұтымды үйлестіре біледі.Сәкен Сейфуллин ауылының тумасы Гүлзат Тұрмағанбетқызының қызметтік жолы Сырдария аудандық ауруханасына қарасты «Балалар» бөлімшесінен бастау алған. Араға 1 жыл салып жас маман «Жан сақтау» бөлімшесіне қызмет ауыстырады. Осы сәттен бастап ауыр жағдайдағы науқастарға ем-шара жасауда асқан ыждағаттылық танытады. Күнделікті аға аяжанға жүктелген жұмысты еңсеріп, басшылықтан келіп түскен тапсырманы мүлтіксіз орындауға тырысады.<blockquote>– Мен, өз мамандығымды жақсы көретін жанның бірі саналамын. Алғаш Қызылорда медициналық жоғарғы колледжіне оқуға түскенімде денсаулық сақтау саласы бойынша білімімді жетілдіріп, медбике білуге тиісті барлық дүниені меңгеруге тырыстым. Әрбір жұмыстың өзіне тән қиындығы болады. Сондықтан аға аяжан ретінде бөлімшедегі қызметімді кемшіліксіз жасауға ұмтыламын. Еңбек ете білген жан қай кезде де абырой биігінде болады. Жас маман болып келген кезімде білмегенімді үйрете білген, әркез жол көрсеткен Райса Анасова бастаған аяулы жандарға шынайы алғысымды жеткіземін, – деді аға аяжан.</blockquote>

Дамылсыз қызмет етуге дағдыланған аға аяжан

<a href="https://kyzylorda-news.kz/">Kyzylorda-news.kz</a> &nbsp;«Перзентхана» бөлімшесінде жаңа туған сәбиге күтім жасайтын медбикенің еңбегі ерекше бағаланғаны абзал. Әркез нәрестенің денсаулығына жауапкершілікпен қарайтын Әлия Бегманова жөнінде қалам тербемекпіз. Осыған дейін көптеген баланың күтіміне жауапты болған Әлия Өтепбайқызы мамандығын мақтанышы санайды.Негізінен, аяулы жан №131 Талғат Қозыбаев атындағы орта мектепті бітіргеннен кейін Түркістан қаласындағы медицина колледжіне оқуға түседі. 2008 жылы балалар медбикесі ретінде «Перзентхана» бөлімшесіне жұмысқа орналасқан мейірімді жанның еңбегін ерекше атап өткен жөн. Ана мен баланың бар жағдайын бақылайтын медбике 16 жылда еңбегінің жемісін көруде. Өз кезегінде оның мамандығына деген адалдықты табан аудармастан бір бөлімшеде қызмет етуінен аңғаруға болады.<blockquote>– Алғаш медицина саласында қызмет ете бастаған жылдары бойымызда қобалжу болатын. Кейіннен, аталған мамандықты тереңнен меңгеруге тырыстық. Баланың бабын тауып, жаңа туған анасымен қауыштырдық. Күнделікті қарбаласқа толы бөлімшеде жұмыс жасау – зор мәртебе, – дейді білікті медбике.</blockquote>Бүгінде Әлия Өтепбайқызы – 3 перзенттің асыл анасы. Бөлімшеде бала бабын тапса, отбасында отағасының сүйікті жары.

Сәби күтіміне ыждағаттылықпен қарайтын медбике

<a href="https://kyzylorda-news.kz/">Kyzylorda-news.kz</a> Медицина саласында адам жанына араша түсетін ақ халатты жандардың еңбегі ерекше екені даусыз. Тынымсыз еңбекпен алғаусыз алғысқа бөленетін орта буын қызметкерлері әрбір бөлімшедегі ауыртпалықты көтере біледі. Шын мәнінде, медбикенің табандылығы мен қажырлығының арқасында медицина саласының сан бағыттағы жұмысы өнімді болары сөзсіз. Бұл ретте, соңғы 36 жылда аудандық ауруханада қызмет етіп келе жатқан Гүлшара Байкенжеева қашанда әріптестері арасында сый-құрметке ие.Негізінен, Гүлшара Жолдасбекқызы осыдан 56 жыл бұрын Сырдария ауданында дүниеге келген. Алғашқы еңбек жолы Семей қаласында бастау алған медбике араға 1 жыл салып туған жерге оралады. Ең алдымен, басшылық жас медбикені «Жан сақтау» бөлімшесінде жұмысқа орналастырады. Ауыр хәлдегі науқастарды емдеп-жазуға үлесін қосқан Гүлшара Жолдасбекқызы сол кезде 20 жастағы бойжеткен болатын.<blockquote>– Мендицина саласы қашанда адамға асқан төзімділікті, мықтылықты қажет етеді. 17 жыл бойы «Жан сақтау» бөлімшесінде қызмет еткен сәтте үлкен буынның ақылын тыңдап, тәжірибе жинақтай білген едік. Кейіннен «Хирургия» бөлімшесіне ауысып, күрделі жұмыста барынша дағдылана алдық. Әрбір науқастың жағдайын саралап, диагнозына байланысты ем-шара жүргізу – маңызды рөл ойнайды. Әріптестеріммен бірге аудан медицинасының жұмысын ілгерілетуге барымды саламын, – деді тәжірибелі медбике.</blockquote>Бүгінде біздің кейіпкеріміз – жолдасымен бірге 1 қыз, 2 ұлдан 6 немере сүйіп отырған ардақты ана, аяулы әже.

Қазақстан және Қызылорда облысының жаңалықтары