<a href="https://kyzylorda-news.kz/">Kyzylorda-news.kz</a> Аудан әкімі Ардақ Ибраимов жұмыс сапарымен бірқатар ауылда болды. Мақсат – елді мекендердің тыныс-тіршілігімен танысып, жүргізіліп жатқан жұмыстардың жай-күйінен хабардар болу. Ол ең алдымен қоғам қайраткері Темірбек Жүргенов ауылына табан тіреп, елді мекеннің тұрғын үй секторының инженерлік-коммуникациялық инфрақұрылымының электрмен жабдықтау жұмыстарымен танысты.&nbsp;Бүгінде ауылда мердігер мекеме «Энергомера» ЖШС арқылы электр­мен жабдықтау жұмыстары басталған. Жобаның сметалық құны – 423, 871 млн теңге. Оның ішінде құрылыстың сметалық құны – 288, 542 млн теңгені құрайды, жабдықтар – 66, 405 млн теңге. Ал басқа жұмыстар мен шығындар 68, 923 млн теңгені құраған. Желінің ұзындығы ВЛЗ-10 кВ 7 729 м, КЛ-10 кВ 200 м, ВЛИ-0,4 кВ 20 271 метрді құрайды. Қазіргі таңда жоспарланған 314 тұрғын үй тұсына бағана орнату жұмыстары жүргізілуде. 6 айда Т.Жүргенов ауылының тұрғын үй секторларын электрмен жабдықтау жұмыстары толық аяқ­та­лады.&nbsp;Елді мекендегі электр же­лі­лерін қайта жаңғырту жұ­мыс­та­ры­мен танысқан аудан әкімі Ардақ Әбдіғап­парұлы әдеттегідей мерді­гер меке­менің назарына әуелі жобаның сапалы аяқталуы қажеттігін салды. Сондай-ақ сала бойынша жауапты бөлім басшыларына елді ме­кен­дегі көптен бері оң шешімін тап­қан, тұр­ғындар сұранысындағы жүйелі істің мер­зімінде, са­палы аяқ­тауын қадағалауды тапсырды.&nbsp;Мұнан кейін аудан басшысы&nbsp; ауыл арда­гер­лерімен пікір алмасып, ұсыныс­тарын тыңдады. Ауылда бастау ал­ған ауқымды жобаның іске асуы бары­сында тұрғындар пікірі маңызды екенін де тілге тиек етті.&nbsp;Облыс әкімінің тапсырмасына сәй­кес ауыспалы егісті сақтай оты­рып, әлеуметтік маңызы бар азық-түлік өнімдерін өндіруде ау­дан бойынша «Ер-Әлі» шаруа қо­жа­лығы көш бастап тұр. Сөзімізге дәлел ретінде айта кетейік, қыс бойы өткізілген жәрмеңкелерде аталған шаруашылық картоп, сәбіз және қызылша өнімдерін өндірушіден делдалсыз тұтынушыларға арзан ба­ғада ұсынды. Күрішпен кірісін еселеген Сыр өңірінде соңғы жылдары «Ер-Әлі» шаруа қожалығының алмаба­ғында өскен жемістер «Құрманбай ата алмасы» атауымен нарықта өз орнын қалыптастырып үлгерді.&nbsp;Іс-сапар барысында аудан әкімі Ардақ Ибраимов шаруашылық төра­ғасы Әліби Бекжановпен бірге қызу тірліктің куәсі болды.&nbsp;Аталған шаруашылық 2017 жыл­дан бастап алма өсіруді қолға алған. «Құрманбай ата» деп аталатын бақтың өнімі бүгінде облыс орталығы мен өзге аудандардағы сауда орталықтарының сөрелерінде сатылымда тұр.&nbsp;Былтыр барлығы 5 гектарға егілген 12 600 көшеттен 20 тонна алма жи­налған. Ал биыл шаруашылық төра­ғасының айтуынша, 30-40 тоннаға дейін өнім жинау жоспарда бар.&nbsp;Бақта алманың «Гала», «Голден», «Симиринко», «Фуджи» сорттары бар. Тіршілігі тындырымды кәсіп иесі, алмабақтың бағбаны былтыр 310 қаз балапандарын әкелген. 2023 жылы оң нәтижесін берген бұл бас­тама шаруашылықтың құс етін өнді­румен айналысуына сеп болған.&nbsp;Аудан әкімі өнімді істің бабын тапқан шаруашылықтың тұрғындарға ұсынған татымды өнімдері мен жаңа жұмыс орындары басқаға үлгі етіп көрсе­терлік іс екенін жеткізді.&nbsp;Жалпы бұдан бөлек Темірбек Жүр­генов ауылында 90-ға жуық кәсіпорын бар. Тіркелген кәсіпкерлік субьектісінің бүгінде 99 пайызы жұмыс жасап тұр. Бұрын елді мекенде тек егін мен мал шаруашлығында жергілікті тұрғындар кәсібін дөңгелентсе, бүгінде сала түрленген. Қай саланы алып қарасақ та өрлеу мен өсу бар. Ауылда 1 се­рік­тестік, 10 шаруақожалық егін ша­руа­шылығымен айналысады. Олар былтыр 4 021 гектар жерге егін еккен. Оның 1 896 гектарына Сырдың басты дақылын сепкен. Мұнан бөлек 1 135 гектарға ескі жоңышқа күтімге алы­нып, 492 гектарға жаңа жоңышқа егіл­ген. Нәтижесінде олар мол ас­тық­тан тау тұрғызып, жыл сайын ре­кордтық өнімге қол жеткізіп жүр.&nbsp;Аудан басшысы бүгінге дейін ауыл­дарға жасаған жұмыс сапарында әрбір жобаның сапасына мән беру қажеттігін қатаң ескертуден еш жалыққан емес. Бұған дейін Таң ауылдық окру­гіне барған ол ауыл­дың амбулаториясына жөндеу жұмыстарын жасауды, №118 орта мек­тептің абаттандыру жұмыс­та­рын, балалар ойын алаңы мен фут­бол алаңын сапалы жүзеге асыру қа­жеттігін жеткізген болатын. Осы ай­тылған тапсырмалардың орында­луымен танысу үшін ол арнайы Таң ауылдық округіне де табан тіреді.&nbsp;Ауылдық округте бастау алған жобалармен танысып шыққан аудан әкімі Ардақ Ибраимов жауапты сала басшыларына нәтижелі іс болу үшін қатаң бақылау қажеттігін жеткізіп, ел игілігі үшін салынып жатқан жо­баларды жоғары сапада жүзеге асыруды тапсырды.&nbsp;Сондай-ақ ауылдағы көркейту-көгал­дандыру жұмыстарын қарқынды жалғастырып, облыс әкімі Нұрлыбек Нәлібаевтың тапсырмасына сәйкес іске асырылып жатқан кәсіпкерлік мақ­саттағы бастамаларды тиянақты аяқ­тауды міндеттеді.Жалпы Таң ауылының даму дина­микасына келсек, тарқатып жазар дү­ние көп. Әсіресе мұндағы жарқын жобалардың жүзеге асуы жергілікті тұрғындардың тұрмыс сапасына оң әсерін тигізуде. Ауыл – тынымсыз тірлік жасап жатқан елді мекендердің бірі. Әсіресе ауылды көркейту, дамыту жо­лында жыл сайын жүйелі жұмыстар атқарылуда.&nbsp;Осылайша іргелес жатқан елді мекендердің тыныс-тіршілігімен таны­сып, тұрғындардың талап-тілегіне құ­лақ түрген аудан басшысының жұмыс са­пары ауыл ақсақалдарының бата­сымен қорытындыланды.&nbsp;

Жарқын жобалар ел игілі үшін жасалады

<a href="https://kyzylorda-news.kz/">Kyzylorda-news.kz.</a> Аналар күні елімізде мамыр айының екінші жексенбісінен бастап атап өтіледі. Бұл мереке ана болудың маңыздылығын, аналарды құрметтеуді және олардың қоғамдағы рөлін дәріптеуге арналған. Сондай-ақ осы бағытта Неке және отбасы институтын нығайтуға бағытталған бірқатар іс-шара жоспарланған.&nbsp;Мерекелік іс-шараны облыстық қоғамдық даму басқармасының басшысы А.Есмаханов облыс әкімі Н.Нәлібаевтың алтын құрсақты аналарды құттықтау лебізінен бастады.&nbsp;Аталған жиынға Қызылорда қаласынан және облыстың 7 ауданынан «Алтын алқа» және «Күміс алқа» иегерлері қатысты. Аналарға деген құрметтің, ілтипаттың, құттықтаудың шектеулі мерзімі жоқ.&nbsp;Іс-шара барысында Алтын құрсақты ана, 10 баладан, 31 немере, 26 шөбере сүйіп отырған батыр ана Есекеева Балай Нәбиқызы (82 жаста, сауыншы, ауылдық кеңес депутаты болған, қазіргі таңда Әжелер ансамблінің мүшесі, Сырдария ауданының тұрғыны) және «Алтын алқа» иегері, 7 бала, 25 немере, 3 шөбере сүйіп отырған Сыздықова Жақсыгүл Смайлқызы (72 жаста, білім саласының ардагері, Шиелі ауданының тұрғыны) сөз сөйлеп, барша аналарға мерекелік құттықтау лебіздерін жеткізді. Сондай-ақ, жас батыр ана, «Алтын алқа» иегері, 7 баланың анасы Нұрғалиева Майра Мирғалиқызы (34 жаста, «Айбибі» балабақшасының меңгерушісі, Қызылорда қаласының тұрғыны) қоғамдық өмірде аналық парыз бен кәсіпті бірге алып жүру дағдылары туралы тәжірибесімен бөлісті.&nbsp;Сонымен қатар, «Анаға тағзым» орталығының директоры Молжанова Алтынай Бекмағамбетқызы облыста аналарға қолдау көрсету мақсатында атқарылып жатқан жұмыстар туралы хабарлама жасады.&nbsp;Мерекелік іс-шараға қатысушыларға облыс әкімінің атынан бағалы сыйлықтар мен гүлшоқтары табысталды. Аталған шара концерттік бағдарламамен жалғасын тауып, қатысушылар естелік фотоға түсті.<img src="https://knadmin.beoblood.kz/uploads/4d18f6ba_d6ac_4aba_85c7_c7cdde670ea6_962927826a.jpg" alt="4d18f6ba-d6ac-4aba-85c7-c7cdde670ea6.jpg"><img src="https://knadmin.beoblood.kz/uploads/872d5cd7_b615_416a_a34d_3bc4bbcb6f3a_fce4817fd7.jpg" alt="872d5cd7-b615-416a-a34d-3bc4bbcb6f3a.jpg">

Елімізде алғаш рет "Аналар күні" мерекесі аталып өтті

<a href="https://kyzylorda-news.kz/">Kyzylorda-news.kz</a>&nbsp; Кез келген спорт адамды саламатты өмірге бағыттайды.&nbsp;Әр өңірдің өзіне қолайлы, ұзақ жылдан бері өркендеп келе жатқан спорты болады.&nbsp;Соның ішінде сыр елі көгалдағы хоккейден толайым табыстарға жетіп, одан халықаралық деңгейдегі спорт шеберлері дайындалуда.&nbsp;Алайда осы жетістіктер спортшылардың ізденісінің жемісі.Спорттың бұл түрі&nbsp;Қармақшы&nbsp;ауданында да қарқынды дамып келеді. Соңғы екі жылда&nbsp;Қармақшы ауданы,&nbsp;Ақтөбе ауылында ашылған көгалдағы хоккей үйірмесіне мектеп оқушылары қатысып, бүгінде Қызылорда құрамасы сапында жоғары деңгейде өнер көрсетіп жүр. Былтыр жазда өткен Қазақстан чемпионатында №109 мектеп оқушысы Қуанар Ержан ұлттық құраманың сапында өнер көрсетіп, күміс медаль иеленген-ді. Жақында спортшымыз «Қазақстан Республикасының спорт шеберіне кандидат» атағына ие болды. Ол Ресей жоғары лигасының жүлдегері, Қазақстанның спорт шебері, чемпион Рысбек Қаппаровтың шәкірті.<blockquote>– Қуанар ауылда көгалдағы хоккей үйірмесі ашылғалы қатысып келеді. Былтыр жаздан бастап өзінің жақсы ойын көрсетуімен Қызылорда қаласына жарыстарға шақырту алып жүр. Жаттығуды ауылда өткізеді. Жалпы шәкіртімнің спортқа деген ынтасы жоғары, мектепте сабағы да жақсы, бәріне бірдей үлгеріп қатысады. Жазда өткен чемпионатта негізгі құрамда ойнап, команданы алға сүйреген ойыншылардың бірі болды. Мен барлық шәкіртіммен мақтанамын. Өйткені олар үздік ойын көрсеткеннің арқасында көзге түсіп, облыста құрама сапына іріктелуде. Бас команданың құрамына алыну мен үшін үлкен абырой, – дейді шебер жаттықтырушы Рысбек.</blockquote>Қуанар Ержан №109 мектептің 10 сынып оқушысы. Оқуда озат, ұстаздарының мақтанышы. Мектептегі іс-шараларға белсенді қатысса, соның ішінде спорттық жарыстарды қалдырмайды.<blockquote>– Спортқа бала кезден жақынмын. Соның ішінде футболды жақсы көремін. Күреске де қатысқаным бар. Ал енді көгалдағы хоккейге келуіме Рысбек ағайым себепкер болды. Үйірме ашылғаннан қатысып көруге шақырып, содан қызығушылығым оянды. Бұл спорттың ерекшелігі «клюшка» деп аталатын таяқпен шар допты ұрып ойнайды. Бастапқыда қиыншылық туғызғаны рас. Бірақ 1 айда үйреніп алдым. Қазір үлкен команда сапында өнер көрсетіп, жарыстарға қатысып жүрмін. Мұның өзі мен үшін үлкен қуаныш. Бұйырса осы спорттан ауылдың атын шығарамыз деген үміттеміз, – дейді жас спортшы.</blockquote>

Қармақшылық допты хоккейдің дарабозы

<a href="https://kyzylorda-news.kz/">Kyzylorda-news.kz</a> Сексеуіл кенті – Арал қаласынан кейін көлемі жағынан екінші орында. Арал ауданынан 60 шақырым қашықтықта орналасқан Сексеуіл кентінің халық саны 12 мың 350 адамды құрайды. Кент 1937 жылы құрылған. Қазіргі таңда кентте 2600 отбасы тіршілік түтінін түтетуде. Тоғыз жолдың торабына баланған Сексеуіл тіректі елді мекенге 5 елді мекен қарайды.Халық саны көрсеткіші бойынша Республика, облыс көлеміндегі кейбір аудан орталықтарындағы тұрғындар санымен теңесетіндей ірі елді мекендердің бірі. Ауданымыздың әлеуметтік-экономикалық дамуына кенттегі бюджеттік және теміржол мекемелері және жеке кәсіпкерлер де өз үлестерін қосуда. Сексеуіл кенті тұрғындарының 70 пайызға жуығы ел экономикасының күретамыры болып табылатын теміржол саласында жұмыс істейді.1980 жылдары 1500 адамға дейін жұмыспен қамтыған құрылым 2000 жылы локомотив пайдалану және жөндеу депосы болып екіге бөлінді. Ал 2004 жылы Сексеуіл пайдалану локомотив депосынан ТҚҚ-2 техникалық байқауы өтетін «Локомотив Сервис орталығы» АҚ болып бөлініп шықса, 2016 жылы осы депоға қайта қосылды. Бүгінде жолаушылар тасымалын да жүргізіп келе жатқан депоның табысты еңбек етуінде бүкіл ұжымның еңбегі ерекше. Мұнда тіпті өмірін темір жолмен байланыстырып, 40 жылдан аса қызмет жасаған жандар да көп.Кенттегі халық саны 12350-ді құраса, экономикалық белсенді халық саны – 6091, оның ішінде 3254 адам жұмыспен қамтылған. 2718-і өзін-өзі жұмыспен қамтамасыз етіп отырса, ал 42-сі мал шаруашылығымен, 533-і сауда саласында, 50-і қоғамдық ақылы жұмыспен қамтылған.Қазіргі таңда кентте базар, сауда қатарлары, шаруа қожалықтары, жанармай құю бекеті, дәріханалар, тігін цехы, шаштараз, тойхана, «Актив» және «Вееline» жүйесі, телекоммуникация мекемесі және де басқа мекемелер халыққа қызмет етуде.Іргелі білім ұяларына қамқорлық та ерекше. Кентте №177, №87, №231, №283 орта мектептер балаларды білім нәрімен сусындатуда. Иә, тәуелсіздіктің 30 жылдығында қол жеткізген жетістік жетіп артылады. Кенттің көкжиегі кеңейіп, Тербенбес тауының баурайында серпінді істер жыл сайын көрініс табуда. Осының бәрі Мемлекет басшысының сарабдал саясаты мен өркен жайған Қазақстанның жемісті жолы екені даусыз.«Нұрлы жол» мемлекеттік бағдарламасы аясында Сексеуілде кентішілік ауызсу құбырлары қайта жаңғыртылды. Бүгінде сексеуілдіктер тәулік бойы сапалы ауызсуды пайдалануда.Мемлекеттік бағдарламалардың да орындалуы көңіл көншітерліктей.&nbsp;Атап айтсақ, мемлекеттік бағдарламалар аясында ауқымды істер тындырылуда. Кентімізде 1 мемлекеттік, 3 жеке балабақшаға 580 бала қамтылған. Сондай-ақ күніне 100 адамды қабылдайтын емхана, 150 орындық мәдениет үйі халыққа мінсіз қызмет етуде. Енді кентте мәдени саясатты жүзеге асыру үшін барлық жағдай жасалып отыр. Жылдағыдай биыл да тірек елді мекенінде шағын және орта кәсіпкерлік жұмысы жандандырылып келеді. Бұл бағытта бүгінгі таңда 612 кәсіпкер нақты жұмыстарын жүргізуде. Атап айтсақ, жеке кәсіпкер Ақтан Жұбатов Говоров көшесінің бойынан «Даму» банкінен 4 млн теңге несие алып, отбасылық дәмханасын ашып, 2 адамды жұмыспен қамтыса, жеке кәсіпкер Эльмира Жұмағазиева 1 млн 225 теңге грант алып, өз қаражатынан 1 млн теңге қаржы жұмсап, Привокзальная көшесінің бойынан сүт өнімдерін өндіру цехын ашып, 3 адамды жұмыспен қамтыды. Ал жеке кәсіпкер Қасым Айменов өз қаражатынан 100 млн теңге жұмсап, «Даму» банкінен ішкі айналымына 30 млн теңге несие алып, наурыз айында Бүкірек батыр көшесінің бойынан «Абылай хан» сауда үйін ашып, 5 адамды жұмысқа қабылдаса, жеке кәсіпкер Нұргүл Алдабергенова Бүкірек батыр көшесінің бойынан наубайхана цехын ашып, 3 млн 500 мың теңге несие алып, 2 адамды жұмыспен қамтып отыр. Сондай-ақ жеке кәсіпкер Сара Рысбаева Бигелдинов көшесінің бойынан 13 сәуірде азық-түлік дүкенін ашып, 2 адамды жұмыспен қамтыды. Кенттен 10 азамат қайтарымсыз грант ұтып алып, кәсіптерін жалғастыруды жоспарлауда.Жыл сайын оң өзгерістер орын алып, қашан да сапалы нәтиже үшін жұмыс жасап келеміз.&nbsp;Тәуелсіздік алған жылдар ішінде еліміз еңсесін тіктеп, кемелдікке бет бұрды. Сол еңселі егемендіктің арқасында жасампаздыққа, жаңашылдыққа ұмтылдық. «Ауылдың дамуы – тұтас мемлекеттің дамуы» деген қағиданы басты нысана етіп, Мемлекет басшысының ел дамуы бағытында берген тапсырмаларының үдесінен шығып келеміз. Бұл сөзімізге кентіміздегі ауқымды істер мен толымды тірліктер айқын дәлел бола алады. Мәселен, қазіргі таңда өзім басқарып отырған кенттің әлеуметтік жағдайы жылдан-жылға дамып келеді. Атап айтар болсақ, 2022-2023 жылдар аралығында кентішілік газ құбыры жүргізіліп, АГТС құрылысы қолға алынып, осы жылдың аяғына дейін іске қосу жоспарланып отыр. Сонымен қатар тұралап қалған 40 төсектік аурухана құрылысы жалғастырылуда. Өткен жылы кенттегі Бүкірек батыр көшесіне 2 км асфальт жабындысы жүргізілсе, биыл 1,4 км асфальт жабындысы төселіп, толығымен аяқталды.Ауылдардағы тұрмыс-тіршілікті жақсартуға бағытталған «Ауыл – ел бесігі» бағдарламасы аясында биыл кентішілік 6 көшеге (Б.Майлин, А.Маханов, Б.Айхынов, І.Жансүгіров, К.Байсейітова, Ж.Жабаев) орташа жөндеу, асфальттау жұмыстары жүргізілуде.&nbsp;Темір жолдың арғы бетінде орналасқан №283 орта мектебінен бастап, теміржол өткеліне дейін ұзындығы 3,5 шақырым жарық шамдар орнатылып, халық игілігіне пайдалануға берілді. Айта кетерлік тағы бір жайт, осы жылы орталық алаңда спорт мектебінің маңынан жас жеткіншектерге арнап стадион құрылысы салынуда. Жыл аяғына дейін пайдалануға берілмек.Округ бойынша әр түрлі салада шаруа қожалықтары мен кәсіпкерлер жұмыс істеуде.&nbsp;Осы бағытта еңбек етіп, мемлекеттік бағдарламалардың игілігін көріп отырған тұрғындар баршылық. Олар мемлекет қамқорлығын сезініп, тұрмысын түзеуде.Тірлігінің тұтқасын төрт түліктен тапқан тұрғындар үшін ауыл шаруашылығы да аса маңыздылыққа ие.&nbsp;Иә, бәсекелестік басым уақытта санға емес, сапаға жұмыс жасауды басты мақсат етіп отырған жайымыз бар. Білім беру, емдеу мекемелерінің материалдық базасын нығайту қолға алынды. Бұл үрдіс ұзақ жылдар бойы өз жалғасын тауып келеді.Ел дәулеті мен сәулетіне өз үлестерін қосуды мұрат тұтқан кент тұрғындарының басты мақсаты – кентті уақыт талабына сай дамыту.&nbsp;«Алтау ала болса, ауыздағы кетеді, төртеу түгел болса, төбедегі келеді» деген қанатты қағидаға сүйеніп, ауыл ақсақалдарының ақыл-кеңесіне жүгініп, бірлігімізге сызат түсірмеу жолында ынтымағымыз жарасқан күйі кемел келешекті бетке ала береміз деген сенімдеміз. Алдағы уақытта кент тұрғындарына үй құрылысын жүргізу мақсатында жер телімдерін беру үшін инфрақұрылым тарту, тұрмыстық қатты қалдықтарға арналған полигон, өрт сөндіру бекетін және спорт және балалар алаңын салу сынды және де басқа атқарылатын ауқымды істер күтіп тұр.Иә, Мемлекет басшысының бастамасымен жүзеге асып жатқан реформалар бүгінгі күннің талабы екенін білеміз.&nbsp;Экономикалық реформаларды кешенді жүзеге асыруда бұдан былай да кент тұрғындары сүбелі үлестерін қосып, өз деңгейінде жұмыстарын жандандыра беретін болады.

Сексеуілде игі істер атқарылмақ

<a href="https://kyzylorda-news.kz/">Kyzylorda-news.kz</a> Механизатор егінмен айналысатын ауылдық жерде ең қажетті мамандықтың бірі саналады. Шаруа қожалықтарындағы техниканы уақытында ретке келтіріп, жұмыс жасауы осы маманның қолында. Оның кәсібилігі барлық ауыл шаруашылығы жұмыстарына ықпал етеді. Бүгінгі мақаламызға арқау болған кейіпкеріміз – осындай жауапты мамандықтың иесі, еңбек адамы Серік Бәтиев.Қос трактор түтіні будақтап атыз­дағы топырақ­ты әрі-бері ау­дарып, жер жыр­туда. Екеуі­нің де қимылы шалт, ал­қаптың ана шетіне теңдей жетіп, жаңа телімге бір уақытта түседі. Кере­мет көріністі тамсана та­ма­шалаған біз не ке­рек, ауыр тех­­ни­каны тізгін­де­ген мамандар­мен сұх­­­­бат құруды жөн деп шеш­тік. Осы­­лай­ша көкке көтерілген шаңға қара­май, атызға бойлай кірдік. Сөй­тіп жылдамдығын бәсеңдеткен бір тракторды тоқтатып, механизаторды әңгі­меге тарттық.&nbsp;«Жастайымнан тракторға отыр­дым. Содан түрлі көліктерді, «К-700»-ді, бұрынғы комбайнның түр-түрін жүр­гіздім. Бүгінде заман ағымына сай қазіргі жетілген техникаларды да иге­ріп алдық. Олармен жұмыс істеу қо­лайлы, жұмысың да өнімді, істен жиі шықпайды», деп бастады әңгімесін майталман механизатор.Иә, жастайынан ауыр еңбектен қаш­пай, техниканың, оның ішінде ауыл шаруашылығына арналған кө­лік­­тердің қыр-сырын меңгерген аға­мыз 2001 жылы Жалағаш ауданындағы «Сәрке батыр» ЖШС-на механизатор болып жұмысқа орна­­ласқан. Сәкең содан бері осы ша­руа­шылықта адал жұмыс істеп келеді.&nbsp;Шаруа адамының айтуынша, жұ­мыс уақыты әрқилы. Таңсәріде үй­ден шығып, тас қараңғыда қайтқан кездері де болыпты. Көктемде егіс алқабындағы жұмыстарға қызу кірісіп, тұқым себеді. Ал күзбен қатар келетін орақ науқанында маңдай термен өсірген өнімдерін шашпай-төкпей жи­нап алу бөлек әңгіме. Қақаған қыста бүкіл техниканы келесі науқанға дайын­дайды. Осылай өмірдегі еңбек жолы бір мезгілден келесі мезгілге дейін тығыз сабақтасып келеді. Еңбекқор, ісіне адал кейіпкеріміз ешқашан жұ­мысқа жеңіл қарамаған.&nbsp;Қуантарлығы, механизатор тіз­­гін­деген жер жыртатын трактор за­­манауи үлгіде жарақталған.&nbsp;Жай тех­ника емес, заманауи тетіктерімен жаб­дықталған. Компьютерленген, на­ви­гаторы, салқындатқышы бар. Бір сөзбен айтқанда, өнімді жұмыс істеуге барлық жағдай жасалған. Соның арқасында Сәкең күніне 10 гектардай жер жыртып, жалпы көктемгі жұмысын бір айдың ішінде тәмамдайды.Асқан кәсібилігінің арқасында ең­бек адамы ауыл азаматтарының ілти­патына бөленіп, сый-құрметке ке­неліп жүр. Тіпті озат қызметі үшін ша­руашылық тарапынан түрлі ба­ға­лы сыйақылардың да иегері бол­ған. Бір сөзбен айтқанда, өзінің еңбек­сүй­гіштігінің, кәсібилігінің арқа­сында ортада қадірлі, ұжымда сыйлы.Айта кетейік, Сәкең еңбек ететін серіктестік биыл күріштен бөлек 80 гектар алқапқа бидай егіпті. Сондай-ақ 70 гектар мақсарысы тағы бар. Мұнан бөлек 233 гектар алқапқа жаңа жоңышқа егіп, 420 гектар ескі жоңыш­қаны күтімге алған.&nbsp;

Трактор көлігін жетік меңгерген еңбек адамы

<a href="https://kyzylorda-news.kz/">Kyzylorda-news.kz</a> Қазалы аудандық ағарту бөлімінің келісімімен сексен сегіз жыл бұрын Қазалы ауданындағы қазіргі Лақалы ауылында бастауыш мектеп ашылған болатын. Негізінен, балық шаруашылығымен айналысқан ауыл тұрғындарының балалары отырықшыланып, мектепке балалар келе бастады. 1954 жылы құрылысы жаңадан салынып, іске қосылған мектеп жеті жылдық мектепке айналды. 1962-1963 оқу жылында мектеп сегіз жылдық білім беруге кірісті.1999-2000 жылы тоғыз жылдық негізгі мектеп болды. Ең алғаш 2007-2008 оқу жылында он бір жылдық орта мектеп мәртебесін алып, сегіз оқушы бітіріп шықты.Қазіргі таңда №93 орта мектеп оқушылары 2017 жылы берілген 100 орындық жаңа, заманауи ғимаратта білім алуда. Мектепте 60 орындық АКТ зал, 44 орындық асхана, спорт зал және жекелей пән бөлмелері орналасқан. Мектеп жанынан құрылған 20 орындық «Айжұлдыз» шағын орталығы жұмыс жасауда. Мектепте «Ата қоныс, асыл мекен» атты мұражай бар, сонымен бірге, балалардың бос уақытын тиімді ұйымдастыру бағытында «Домбыра», «Тоғызқұмалақ», «Шебер қолдар» сынды көптеген үйірмелер жұмыс жасайды. Мектебімізде жалпы саны – 68, 30 мұғалім, 38 техникалық қызметкерлер жұмыс жасайды. Мұғалімдердің біліктілігімен, оқушылардың білім сапасы алдыңғы қатарлы деңгейде. 2023-2024 оқу жылында олимпиададан 7 оқушы аудандық деңгейде, екі оқушымыз облыстық деңгейде жүлдегерлер атанды.Сексен жеті жылдық тарихы бар мектебімізден түлеп ұшқан түлектеріміз еліміздің түкпір-түкпірінде еңбек етіп, Отанымыздың өсіп-өркендеуіне өз үлестерін қосуда. Солардың қатарында егеменді еліміздің ұлттық валютасы – теңге авторларының бірі – Қазақстан суретшілер одағының мүшесі Дүзелханов Ағымсалы тәуелсіз еліміздің мақтанышына айналды. Өнерпаздар термеші Болатбек Ердаулетов, Шымберген Тілеулесов, Қазалы қаласы мәдениет үйі директоры Әзілхан Мақсатбаев тағы басқа ауыл шаруашылығы ғылымдарының докторы, профессор академик Әбілов Дөңес, ауданымыздың белді азаматтары облыстық мәслихат депутаты Тілеп Ібайдулла, кәсіпкер Қожағұлов Әлимуса, локоматив депосының басшысы, аудандық мәслихат депутаты Әлмағанбетов Нұрлан, ІІІ дәрежелі «Даңқ» орденінің иегері Қыпшақбаев Қуанышбек, №104 мектеп директоры болған Орақбаев Аманбай, мәдениет үйі директоры болған Кенже әлі Асқар, аудандық хирург дәрігер Айбасов Серік, ауылдық клуб меңгерушісі М.Мақсатбаев тағы басқаларының нәтижесінде №93 мектебі біліммен қатар өнер саласында жоғары жетістіктерге жеткен.Атап айтар болсақ, Тәуекелова Кәмила – Жамбыл Жабаев атындағы филормонияның солисті. Тілеулесов Алмас - 2002 жылы Мәскеуде өткен «Утренняя звезда» бағдарламасында ән салып, жүлдегер атанды. Қазіргі таңда Алмас жеке студия ашып, қазақ эстрадасына өз үлесін қосуда. Сансызбаев Ержан халықаралық «Бозторғай» ән байқауының екінші орын иегері қазіргі таңда Қазақ Ұлттық өнер университетінің колледжінің мұғалімі және «Илигай» балалар хор тобының көркемдік жетекшісі. Нағашыбай Гүлназ халықаралық Болгарияның Тутракан қаласында өткен байқаудың жеңімпазы қазіргі таңда Астана қаласы Өнер академиясының түлегі. Жеткербай Мадияр республикалық «Ақ көгершін» екінші орын, халықаралық «Ғұмырдария» ән байқауының бірінші орын «Алтын алма» иегері, республикалық Роза Бағланованы еске алуға арналған «Ақ маңдайлым» атты ән сайысының екінші орын иегері.Төлебай Жарасхан – облыстық «Бозторғай» ән байқауының бірінші орын жеңімпазы, жыршы, термеші бүгінгі таңда белгілі өнер жұлдыздарына ән шығарып, сазгерлік қырымен танылуда. Елімізге кеңінен танымал «Мен қазақпын», «Жақсы адамдарым», «Алғыс», «Мен қазақтың ұлымын», «Мейрімді алла» сынды көптеген әндердің авторы. Нағашыбай Ақылбай 2014 жылы республикалық «Айгөлек» телевизиялық байқауына қатысып, екінші орын иемденді. Тілек Нұрхожа – облыстық «Бозторғай» байқауының көркем сөз оқу сайысының бірінші орын иегері.&nbsp; &nbsp; &nbsp; Құмның ортасында ораналасқан ауыл болса да, мектепке қарасты аймақтар түгелдей көгалдандырылған. Жаңа мектеп ғимаратының айналасында 400, ескі мектеп ғимаратының шарбағында 450, мектепке қарасты «Зетеулла бағында» 1200 қара тал өсіп тұр. Мектеп ғимаратымен ауыл тұрғындарының ауылды көркейтуіне қазіргі таңдағы мектеп басшысы мұрындық болып бастама жасаған.Бүгінгідей қарқынды даму үстіндегі еліміздің көшінен қалмай, тамшыдай үлес қосуды өздеріне міндет санайтын №93 мектеп ұстаздары алдағы уақытта да жоғары биіктерден көрінеріне кәміл сенеміз.

Қазалы: Балаларды жан-жақты дамытатын білім үйі

<a href="https://kyzylorda-news.kz/">Kyzylorda-news.kz</a> Әрбір өлкенің көркі мен келбетін айшықтайтын бірден-бір белгі – сәулеті. Ырысы тасып, күріші піскен дәулетті Шиелі өңірінің сәулеті үйлесім таппай жүргенін көз көріп, құлақ естіп жүр.Шиелі ауданының қоржынына жергілікті және облыстық, республикалық бюджеттен жетерліктей-ақ қаражат тартылып жатады. Аудан басшылары да кент келбетінің айшықталғанына, ауыл-аймақтың абаттануына мүдделі екенін білдіріп, жыл сайын қыруар тірліктің есебін беріп келеді. Оған ел-жұрт куә. Дегенмен, алқам-салқам күй кешіп, сұрықсыз қалыпқа енген иесіз ғимараттар көп істі жоққа шығарып тұрғандай. Шиелі кентінің ішіндегі ескі ғимараттар көрер көзге де ерсі. Түн жамылып жүрген жанның да үрейін туғызады. Иесі жоқ ғимараттардың күйі нендей халге түсетіні айтпаса да түсінікті. Ішінен не іздейтінін кім білсін, әйтеуір, белгілі тұрағы жоқ кезбелер осындай жерлерге үйір-ақ. Құлағымыз шалады, олардың топталып келіп, ішімдік ішіп, көңіл көтеретін орындары да осы жерлер екен. Одан қалды қаңғыған ит-мысықтың мекеніне айналады. Нақтырақ айтар болсақ, шиеліліктер арасында «Қамыс зауыт» аталып кеткен бөлігіндегі Тоқтаров көшесі бойында орналасқан ескі мектеп, теріскей беттегі бетон қабырғаларды атап өтуге болады. Тек кент ішінде емес, ауылдық округтерде де иесіз қалған ескі ғимараттар жетерлік.&nbsp;<blockquote>– Ата-анасы дүкенге кеткен қызы, мектептен келер ұлы аман-есен орала ма деп қорқып отыратын күн туды қазір. Иесіз ғимараттар зорлық-зомбылық жасайтын мекенге икемделіп барады. Бұл сарынды ақпарат интернет айдынында қаптап кетті. Содан болар ішіне кірмек түгілі жанынан өтуге секемденіп тұрамыз, – деді Шиелі кентінің тұрғыны Г.Байжан.&nbsp;</blockquote>Осыдан үш жыл бұрын «Иең қайда, ғимарат, иең қайда?» деген тақырыппен Шиелі аудандық "Өскен өңір" газетінде нақ осы мәселе көтерілген болатын. Алайда тиісті мекеме жауап қатпады, ғимаратқа да тіл бітпеді. Ал енді біз бұған дейін атап өткен мәселе неге шешімін таппай келеді? Мүмкін атын атап, түсін түстеп, мәселені көзге шұқып көрсетпейінше тау қозғалса да, орнынан қозғалмайтын тиісті мекемелердің бейқамдығынан ба? Өзі тұрып, өзі жүрген өлкенің өсіп-өркендеп, гүлденуін кім қаламайды?Шиелі ауданының әкімі Нұржан Ахатов жергілікті бюджеттен тиісті қаржысын бөліп, құрылысқа қарқын беріп отыр. Кент ішіндегі көшелер жөнделіп, айналаны аша түскен жарық шамдар да әсемдігімен көзді баурайды. Енді сән мен сапаға көңіл бөлсе, киелі Шиелінің шырайы арта түсері хақ. Мәселен, ешбір ауданда еңсесі биік 9 қабатты үй жоқ. Аты даңғарадай болғанымен жан біткен жанына жуымайтынын бұрындары жазғанбыз. Ел игілігіне жарамай тұрған ғимарат жеке адамның меншігінде деген сыбыс бар. Келген қонақ таңдай қағып кететін тамаша туындыға айналатын ғимарат үйсіз-күйсіз кезбенің мекеніне айналғаны да жасырын емес. 1 қабатта 1-2 отбасы ғана тұрады. Енді міне, сол 9 қабатты үйдің иесі анықталып, жаңаша күйге енер күн жақын деген ақпар шықты. Уақыт еншісінде тұрған бұл мәселе шешімін тапса нұр үстіне нұр емес пе?САҚАЛДЫ ҚҰРЫЛЫСҚА АЙНАЛҒАН САПАРЖАЙ«Батыс Еуропа – Батыс Қытай» көлік магистралы еліміздегі және әлемдік ауқымдағы ірі жобалардың бірі. Құрылысы сонау 2009 жылдардан басталған күре жолдың жалпы ұзындығы 8445 шақырым болса, соның 2787 шақырымы, яғни Ақтөбе, Қызылорда, Шымкент, Тараз, Алматы облыстарына тиесілі аумағы арқылы бүгінде мыңдаған жүк көліктері мен жеңіл көліктер тәулік бойы үздіксіз қатынауда. Ал осы магистралдың ең ұзақ 1062 шақырымы Қызылорда облысы аумағын кесіп өтеді екен.&nbsp;Жаһандық геосаясаттың құбылмалы кезеңінде Aзия мен Еуропaны баяғы замaндарда жалғaстырған «Ұлы Жібек жолының» қайта орaлуын зaңды құбылыс деп қабылдауымызға болады. Ал жобаның мақсатына тоқталар болсақ, оның бірінші мақсаты – 8400 шaқырымға созылып жатқан, әрі осы замaнның озық технологиялaрымен жaбдықталған логистикaлық ортaлықтар тізбегі мен трaнзит-көлік жүйелерін қалыптaстыру болса, екінші мақсаты автомобиль жолдарын жаңарту, Сауран, Отырар, Сайрaм, Алтынтөбе секілді мұрaларымызды бүгінгі коммуникaция мүмкіндіктерін пайдaлана отырып туристік ортaлыққа айнaлдыру болып табылады. Сондай-ақ магистраль бойына жол бекеттерін, aс ішіп, аяқ суытатын орындaр, шaғын қонaқжайлар, көлікті шұғыл жөндеу станцияларын ашу арқылы, халықтың бірaз бөлігін жұмыспен қамту көзделген.&nbsp;Осыдан 4 жыл бұрын күрежолдың әлеуетін толықтай пайдалану мақсатында Шиелі кенті маңынан өтетін «Батыс Еуропа – Батыс Қытай» көлік магистралы бойынан сапаржай құрылысы басталған болатын. Жоба құрылысы аяқталса, ол маңда: сапаржай, күту залы, авиа касса, теміржол кассасы және әртүрлі бағыттағы автокөлік кассасы, дәрігерлік бөлім, туристік бюро, намазхана, асхана, ана мен бала бөлмесі, күзет пункті, техникалық қызмет көрсету орталығы, қонақүй, мейрамхана, май құю станциясы, сауда павильоны, жеңіл және жүк көліктерінің тұрақтары іске қосылады деп күтілуде. Сапаржай ғимаратының жалпы көлемі 1500 кв.м. Оның ішінде бірінші қабаты 500 кв.м, екінші қабатты 1500 кв. м, үшінші қабатты 224,4 кв.м. Бұл жол арқылы күніне 5000 көлік жүріп өтетінін ескерсек, жоба экономикалық жағынан ғана емес, әлеуметтік жағынан да мол табыс әкелері сөзсіз. Алайда жалпы соммасы 2 млрд теңгеден астам қаржыға салынып жатқан жоба құрылысы қарқынды түрде басталғанымен, соңы сақалды құрылысқа айналып кетті. Сапаржай құрылысын «Арғымақ» автобазасының директоры Оразәлі Байділда бастаған болатын. 4 мәрте аудандық мәслихат депутаты, 2 мәрте облыстық мәслихат депутаты, «Шиелі ауданының құрметті азаматы», «Құрмет орденінің иегері», «Үздік аудандық кәсіпкер» атанған азамат қазіргі таңда қаражаттың жеткіліксіздігі істі аяқтауға қолбайлау болып тұрғанын айтты. Әрине, үлкен жобаның қаржысы да аз болмасы анық. Жеке кәсіпкердің осы бір қиындығын мемлекеттік қолдау арқылы шешудің бір тетігі табылмас па екен? Себебі Шиелі кентінде осы заманға сай көп функционалды және жайлы сапаржай жоқ екендігін ескерер болсақ, осынау ауқымды жобаның іске асуы бүкіл бір ауданның экономикасының дамуына, жаңа жұмыс орындарының ашылуына септігін тигізер еді.&nbsp;Шиелі ауданында қасқайып бос қалған ғимараттарды қайта пайдаға жарату, сұрықсызын сүріп тастау сынды жұмыстар қолға алынуы керек-ақ. Ал біз көтерген мәселенің мән-жайын тиісті мекемелер зерделеп, жауап қатарына сенеміз. «Жаңа Қазақстанды» құру жолында Мемлекет басшысы Қ.Тоқаев «Халық үнін еститін үкімет» тұжырымдамасын іске қосқан болатын. Осыған орай жүйелі жұмыстар жасалады деген сенім бар.

Шиеліде "сақалды" құрылыстың саны артқан ба?

&nbsp;<a href="https://kyzylorda-news.kz/">Kyzylorda-news.kz</a> Жақында Сырдария аудандық &nbsp;мәдениет және тілдерді дамыту &nbsp;бөлімінің қолдауымен &nbsp;«Жетікөл ауылдық округі әкімі аппаратының» &nbsp;«Жетікөл ауылдық клубының ақын, халықаралық «Алаш» сыйлығының &nbsp;лауреаты&nbsp;Ибрагим Исаевтың &nbsp;туғанына 75 жыл толуына орай «Елге сапар»&nbsp;атты аудандық &nbsp;ән байқауы өткізілді. Аталған байқауға аудан бойынша бірнеше өнерпаз қатысты.Аудандық &nbsp;байқауға қазылар &nbsp;алқасының&nbsp;төрайымы Қызылорда облыстық &nbsp;халық шығармашылығын дамыту орталығының мәдени қызметкері &nbsp; әнші, композитор, ҚР Мәдениет қайраткері Бекенова Алтын Иманбайқызы, қазылар алқасының мүшесі &nbsp;Мәдениет&nbsp;майталманы &nbsp;мәдениет саласының ардагері,Оразов Жұмағазы Қайыпұлы, Утебаев&nbsp;Ердаулет &nbsp;Жетікөл ауылдық округі әкімі аппаратының бас маманы байқауға қазылық етті. Байқау қортындысы бойынша бас жүлдені Қоғалыкөл ауылынан қатысқан Қайрат Сәтбаев иеленсе, &nbsp;І орынды Жетікөл ауылынан келген Дана Райқанқызы, ІІ орынды Бесарық ауылынан қатысқан Мөлдір Жүнісбаева, ІІІ орынмен Асқар ауылынан қатысқан Аяулым Бекболатова иемденді. Барлық қатысушы талапкерлер арнайы алғыс хатпен бағалы сыйлықпен марапатталды.<blockquote>&nbsp; &nbsp; &nbsp; &nbsp; – Жерлесіміз халықаралық «Алаш» сыйлығының &nbsp;лауреаты&nbsp;Ибрагим Исаевтың сөзіне жазылған әндердің байқауы жоғары деңгейді өткізілді. Аудан көлемінде бақ сынаған әншілеріміз ерекше өнерімен танылды. Қашанда жерлесіздің өнерін дәріптеуға барымыз саламыз, – деді клуб директоры.</blockquote>&nbsp;

Жетікөлде  қарымды қаламгер құрметіне арналған ән байқау өтті

<a href="https://kyzylorda-news.kz/">Kyzylorda-news.kz</a> Бүгінде Жалағаш ауданында 91 тыл ардагері бар. Соның бірі – М.Шәменов ауылының тұрғыны Рәзия Жүсіпова. Ол 1937 жылы дүниеге келген. Оның балалық шағы Ұлы Отан соғысының сұрапыл кезеңімен тұспа-тұс келеді. Мереке қарсаңында ерте есейіп, Ұлы Жеңіске үлес қосқан кейіпкерімізбен тілдесу үшін арнайы қарашаңырағына сәлем беріп бардық.&nbsp;Әжемізден бұрынғы естеліктерін ес­ке түсіріп, балалық шағында көрген қиын­шылықтарын айтып беруін өтіндім. Сонда кейіпкеріміз ұзақ ойға шомып, әңгімесін былай бастады:&nbsp;<blockquote>– Өткерген қиын күндердің бәрі әлі күнге дейін көз алдымда. Мен ес білгелі соғыстың не екенін білмесем де, ол туралы жиі еститінмін. Әке-шешем дастарқан басында әңгімелесіп отырып, жылағандарын көріп, «неге жылап жатыр?» екен деп жандарына барсам, соғыс туралы айтып жа­татын. Әкем «соғысқа мен де кетемін» дегенде анам одан сайын қамығып, «сонда біз мына қыз екеуміз ғана қаламыз ба?» деп көз жасын көл қылатын. Аналарымыздың көз жасына қарамастан «соғыс басталды» дегеннен әр үйден бір-бір адамнан, тіпті бір үйден 2-3 адамнан соғысқа аттанды. Ауылда тек жасы келген, көзі көрмейтін ер азаматтар, әйелдер мен балалар қалды. Біздің үйден әкем, араға бір апта салып әкемнің інісі, яғни 18 жасар ағам да соғысқа аттанды. Анам таңертең ерте жұмысқа кетіп, үйге тасқараңғыда қолындағы бір уыс дәнімен оралатын. Сол бір уыс дәнді түнімен диірменге тартып, бір күлше нан пісіреді. Бір сиырымыз бар. Анам жұмыстан келгенше ойын баласы болсам да сол сиырды бағып, сауып қоятынмын. Азанда жұмысқа кеткенде анам бір күл­ше нанның жартысын өзіне, жартысын ма­ған беріп кешке дейін тағы бір уыс дән әкелуге кететін. Түнімен ұйықтамай қол­ғап, шұлық тоқитынбыз. Апамнан «бұны кімге береміз?» десем, әкең мен ағаңа жібереміз дейтін. Таң атқанша көз ілмей, мылтық атуға ыңғайлы үш сау­сақты қолғап тоқыдым. Соғыс бітіп, әкем құ­лағынан жарақат алып оралды. Ағамнан екі-ақ рет хат келді. Кейін ешқандай хабар алмадық, – дейді тыл ардагері.&nbsp;</blockquote>Ол күндіз қатарластарымен бірге жүр­генде күн ба­тып, айналасын қараңғылық басқан. Бір-бірін көрмей әзер тауып қо­рық­қаннан сол маңдағы бір кепеге бас сауғалайды. Әжеміз кепенің саңылауына көз тастап, даланы көр­мекші болғанда аспанды жарық жұлдыздар мекендегенін айтады. Сол кездегі үлкендер күннің бұлай тұтылып, мезгілсіз қараңғылық басқанын соғысқа кеткен жас балалардың жазықсыз төгілген қанына теңесе, ал жұлдыздың жарқырап шыққанын соғыстың соңы жақсылықпен бітеді деп болжаған.&nbsp;Кейіпкеріміздің анасы 13 құрсақ көтер­ген. Алайда әженің бауырларының барлығы нәресте кезінде жаман аурумен ауырып, қайтыс болған екен. Бүгінде ардагер – «Ал­тын алқа» иегері. 18 жасында Алтынбек Жү­сіпке тұрмысқа шығып, небәрі 48 жасында жолдасынан айы­рылып, 8 перзентін өсіріп, «ұлын ұяға, қы­зың қияға» қондырған. Бүгінде сол ба­ла­ларынан тараған 30 немере, 57 шө­бере, 2 шөпшек сүйіп отыр. Ақжаулықты анамыздың кеудесінен «Алтын алқа» ме­далі мен «Еңбек және Тыл ардагері» ме­далі орын алған.&nbsp;Ол жас кезінен еңбекке етене араласып, ер-азаматтармен қатар&nbsp; жұмыс істеген. Ана­мыз жыл өткен сайын шыңдала түскен. Ба­сына түскен ауыртпалықты мойымай кө­те­ріп, қиыншылықтарды жеңе білген әже­міз бү­­гінде ұрпақтарына бағыт-бағдар беріп, олар­­ды Отанына, туған хал­қына адал еңбек ету­ге тәрбиелеуде.&nbsp;Ол бүгінге дейін ауыл­дық «Әжелер» ан­самблінде 15 жыл өнер көрсетіп, облыс­тық шараларға дейін белсене қатысқан. Мұнан бөлек ауылда тәрбиелік ба­ғытта ақ­жаулықты ананың қатысуымен жас­тармен тағылымды кездесулер мен түрлі іс-шаралар ұйымдастырылып тұрады. Бүгінде асыл әже кенже ұлы Бауыржанның қолында немере-шөберелерінің қызығын көріп, бақуатты ғұмыр кешуде.&nbsp;Ел еңсесін тіктеуде еңбек еткен ардагер қа­шанда сый-құрметке лайық. Уақыт өткен са­йын олардың ерен еңбегі еселеніп, жас­тарға насихаттала бермек.&nbsp;

Рәзия Жүсіпова:  Бізде балалық шақ болған жоқ

«Ауыл аманаты»:  Биыл ауданда 87 жоба жүзеге асырылды

Оқушылар үйінің жетістігі

<a href="https://kyzylorda-news.kz/">Kyzylorda-news.kz.</a> «Қазгидромет» РМК ел&nbsp;аумағында 14 мамырда болатын қауіпті метеорологиялық құбылыстарға болжам жасады.Синоптиктердің мәліметінше, оңтүстік циклоны және олармен байланысқан атмосфералық фронталды бөліктер ҚР арқылы жылжи отырып, найзағайлы жаңбыр, солтүстік пен орталықта қатты жаңбыр, бұршақ әкеледі.<blockquote>«Тек елімідің батысы мен оңтүстік-шығысында жауын-шашынсыз ауа райы күтіледі. Республика бойынша желдің күшеюі, солтүстігі мен орталығында дауыл, оңтүстігінде шаңды дауыл соғады.Түнде Қостанай облысының солтүстігінде, Ақтөбе облысының солтүстігінде, Солтүстік Қазақстан облысының батысында топырақ бетінде 2 градус үсік жүреді», деп жазды ведомство.</blockquote>Қарағанды облысының батысында, оңтүстігінде, Ұлытау облысының орталығында, Абай, Қостанай облыстарының оңтүстігінде, Атырау облысының солтүстік-батысында, Шығыс Қазақстан облысының оңтүстік-шығысында, Қызылорда облысының батысында жоғары өрт қауіпі сақталады, Батыс Қазақстан облысының батысында, солтүстік-батысында, оңтүстік-батысында жоғары өрт қауіпі күтіледі.Қызылорда облысының Қазалы ауданында, Түркістан облысының батысында, шөлді аудандарында төтенше өрт қауіпі сақталады.Фото: freepik.com

Қазақстан және Қызылорда облысының жаңалықтары

Жарқын жобалар ел игілі үшін жасалады

Елімізде алғаш рет "Аналар күні" мерекесі аталып өтті

Қармақшылық допты хоккейдің дарабозы

Сексеуілде игі істер атқарылмақ

Трактор көлігін жетік меңгерген еңбек адамы

Қазалы: Балаларды жан-жақты дамытатын білім үйі

Шиеліде "сақалды" құрылыстың саны артқан ба?

Жетікөлде қарымды қаламгер құрметіне арналған ән байқау өтті

Рәзия Жүсіпова: Бізде балалық шақ болған жоқ

«Ауыл аманаты»: Биыл ауданда 87 жоба жүзеге асырылды

Оқушылар үйінің жетістігі

Ауа райы: Жаңбыр жауып, дауыл болады