<a href="https://kyzylorda-news.kz/">Kyzylorda-news.kz</a> Жыл сайын Астана қаласына көктеммен бірге кітап көшіп келгендей керемет күй сыйлайтын кітап апталығы болады. Кәдімгі кітап тойы, кітап қуанышы, кітап мерекесі. Биыл да 5 күнге созылған «Astana Eurasian Book Fair – 2024» Еуразия халықаралық кітап-көрме жәрмеңкесі осымен жетінші рет өткізілді. «EXPO Конгресс орталығын» дүбірге бөлеген шараның негізгі ұйымдастырушысы – жыл сайын жүздеген әлемнің үздік туындыларын қазақ тілінде аударып, шығарып келе жатқан «Фолиант» баспасы.Балалар мен жасөспірімдерді кітап оқуға баулу, отбасымен бірге кітап оқуды насихаттау, жастардың оқырмандық талғамын қалыптастыру, оқырмандарға жетекші баспалардың кітап өнімдерінің ең жақсы заманауи ассортиментін ұсыну, әлемдік кітап шығару және баспа индустриясының тәжірибесімен алмасу, халықаралық баспалармен байланыс орнату және баспа ісіндегі жетістіктерді көрсету мақсатында ұйымдастырылған Орталық Азиядағы теңдессіз мәдени жобаға Қазақстан, Ресей, Түркия, Иран, Өзбекстан, Испания және Қытай мемлекеттерінен баспа, кітап сату, танымдық-ғылыми білім беру және полиграфиялық қызметтерді ұсынатын 70-ке жуық компания қатысты.Көрме қонақтары мен қатысушылары жетекші қазақстандық және шетелдік баспалардан балалар әдебиеті, көркем әдебиет, ғылыми-танымдық әдебиеттердің тұсаукесеріне, белгілі ақын-жазушылармен қолтаңба-сессияларға, кітап шығарудың өзекті мәселелері талқыланған дөңгелек үстелде бас қосып, күн сайын оқырман алаңында кітап оқу, шеберлік сыныптары және тағы басқа да қызықты іс-шаралардың куәгері болды.Жаңа кітаптардың биылғы таныстырылымында Ақұштап Бақтыгерееваның «Менің Фаризам» естелік-эссе кітабы, Сауытбек Абдрахманов аударған арабтың «Бейбарыс» халық романы, Мақсат Мәліктің «Абыл мен Қабыл», Ұларбек Дәлейдің «Жошы хан», Аягүл Мантайдың «Уақыттың көз жасы» және басқа да ондаған автордың кітаптарының тұсаукесері ұйымдастырылды.Аталған халықаралық Еуразия кітап жәрмеңкесіне қармақшылық Ақпарат саласының үздігі Нұрсұлтан Мықтыбаев арнайы қонақ ретінде шақырылып, «Ақ Жайықтың ақ шағаласы» атанған ақын, Мемлекеттік сыйлықтың иегері, мемлекет және қоғам қайраткері, Батыс Қазақстан облысының құрметті азаматы Ақұштап Бақтыгерееваның «Менің Фаризам» кітабының тұсаукесерінде өзінің естеліктерімен бөлісті. Айта кетейік, Нұрсұлтан ақынның аталған кітабын алғашқы күннен бастап компьютерге теріп қана қоймай, оның корректоры, баспа редакторы болған.<blockquote>– Мемлекет басшысы Қасым-Жомарт Тоқаев Ұлттық құрылтайдың үшінші отырысында Ұлттық кітап күнін белгілеу, кітап оқуды насихаттау мақсатында түрлі іс-шаралар ұйымдастырып, арнайы жәрмеңкелер өткізу қажеттігін баса айтып өткенін білесіздер. Осы мақсаттың үдесінен шыға білген аталған жәрмеңке кітапсүйер қауым үшін дәстүрлі мерекеге айналды. Себебі, олар өздерінің сүйікті ақын-жазушыларымен кездесіп, қолтаңбасын алып, кез келген кітапты баспа бағасымен сатып алу мүмкіндігіне ие болды. Осы жәрмеңке аясында ұйымдастырылған «Ақ шағала» атанған ақын Ақұштап апамыздың «Менің Фаризам» естелік кітабының тұсаукесері ерекше әрі әсерлі өтті. Өйткені, Фариза Оңғарсынова мен Ақұштап Бақтыгереева – таныстырып жатуды қажет етпейтін есімі елімізге белгілі ақындар. Осы тұрғыдан алғанда, аталған естелік-эссе кітапқа жұрттың қызығушылығы басым болды. Әлі күнге дейін есімде, «Менің Фаризамның» алғашқы бөлімі 2016 жылдың қаңтарында «Қазақ әдебиеті» газетінде жарияланды. Жұрт дүр сілкіне қабылдап, қоғам пікірі екіге жарылды. Бірақ, естеліктің оныншы бөлімінен кейін аталған басылым белгілі себептерге байланысты эссені одан әрі жариялауды тоқтатты. «Қазақ әдебиетінің» әр нөмірін асыға күтетін оқырман қауымнан телефон қоңырауы жиіледі. «Жалғасын қайдан оқуға болады?» деген сауалдан аяқ алып жүре алмай қалдық. Естелікті компьютерге теріп, басылымға ұсынып жүргенімді білетін таныстарым оның алғашқы бөлімі шыққан күннен бастап-ақ «Келесі бөлімі қашан шығады?» деп мазамды алатын. Кейбір кісілер оны айыптап, кереғар пікір айтатын. Шындығында, оның келесі бөлімінде не айтылатынын бастапқыда өзім де білмейтін едім. Ақұштап апа маған кейде естелікті өз қолымен жазып беретін, кейде ұялы телефонға хабарласып, айтып отыратын (диктовка жасайтын). Ақыры, жұртшылықтың сұрақтары мен пікірі көбейіп кеткен соң, Ақұштап апамен «Менің Фаризам» – жастық пен достықтың көңілде сақталған өшпес суреті» атты сұхбат дайындап, сол 2016 жылдың 24-шы желтоқсанында «Айқын» газетінде жарияладық. Осы сұхбатта Ақұштап Бақтыгерейқызы өзінің естелігі жөнінде айтылып жүрген алыпқашпа әңгімелер мен қоғамның бүкіл сауалына жауап берді. Кейіннен оқырман қауымның сұранысы артқан соң, естеліктің жалғасын 2017 жылдан бастап «Қазақстан әйелдері» журналының бетінде жариялап жалғастырдық. Міне, араға 8 жыл салып, «Менің Фаризам» естелік-эссесі Ақұштап апамыздың 80 жылдық мерейтойы қарсаңында өз алдына жеке-дара кітап болып басылып шықты, – дейді Нұрсұлтан бізбен әңгімесінде.</blockquote>Нұрсұлтан Ертуғанұлы «Менің Фаризам» кітабының тұсаукесерінен кейін, оның авторы Ақұштап Бақтыгереевамен бірге оқырмандарға қолтаңба беру рәсіміне қатысып, халықаралық кітап көрме-жәрмеңкесінен алған әсерімен бөлісті. &nbsp;

Еуразия халықаралық кітап-көрме жәрмеңкесі өтті

<a href="https://kyzylorda-news.kz/">Kyzylorda-news.kz</a> Тұрғындардың тәулік бойы тыныштығын күзетуде аудандық полиция бөлімі қызметкерлерінің еңбегі ерен. Сыртынан қараған жанға сала жұмысы жеңіл болып көрінуі де мүмкін. Бірақ орын алған қылмысты уақытылы ашып немесе алдын алуда олар небір қиын жайттарды еңсереді. Нәтиже де жаман емес, алдын алу шаралары жемісін беріп, бірқатар қылмыс түрі кеміген. Оған Жалағаш аудандық полиция бөлімінің бастығы Талғат Лекеровпен сұхбатта көз жеткіздік.&nbsp;Биыл І тоқсанда ауданда атқарылған жұмыстардың нәтижесінде жалпы қылмыстардың тіркелуі 29 пайызға төмендеген. Мұны Талғат Шоқанұлы алдын ала атқарылған профилактикалық шаралармен байланыстырады. Сон­дай-ақ ол осы мақсатта еңбек еткен әріптестерінің жұмы­сын жоғары бағалайды.&nbsp;<blockquote>– Атқарылған профилактикалық жұмыстардың нәти­жесінде ауданда биыл бірқатар қылмыс түрі азайды. Мәселен, былтыр 3 айда 1 тонау қылмысы орын алса, биыл мүлде мұндай қылмыс тіркелмеді. Бұзақылық қылмысы 50 пайызға азайды. Есірткі қылмыстары 4-тен 1-ге кемісе, қоғамдық орындарда жасалған қылмыстар 62,5 пайызға төмендеді. Сондай-ақ көшеде жасалған қылмыстар да айтарлықтай азайған. Мас күйінде жасалған қылмыстар 50, бұрын сотты болғандар жасаған қылмыстар 53,8, отбасылық тұрмыстық қатынаста жасалған қыл­мыстар 100 пайызға төмендесе, адам өлтіру, зорлау, қалта ұрлықтары, суық қарумен жасалған қылмыстар мүлде орын алған жоқ. Мұның бәрі алдын ала жасалған профилактикалық шаралардың жемісі деп ойлаймын және осы мақсатта жұмыла еңбек еткен әріптестерімнің жұмысын жоғары бағалаймын. – дейді полиция бөлімінің бастығы.&nbsp;</blockquote>Ауданда ахуалды жақсарту мақсатында олар күн­делікті нақты тапсырмамен жоспарлы жұмыс жасайды. Яғни күнделікті полицияның барлық құрамы ахуалы күрделі жерлерге орналастырылады. Ал жекелеген қылмыс түрлеріне байланысты «Құқық тәртіп», «Тұр­мыс», «Борышкер», «Автобус» және басқа да жедел профилактикалық іс-шаралар өткізіліп, тұрғындар арасында түсіндірме жұмыстары жүргізіледі. Бұл жұмыстардың нәтижелі орындалуы тікелей бөлім бастығының бақылауында.&nbsp;Ауданда көлік апатының алдын алуда да нақты жұмыс бар. Биыл 2 жол көлік оқиғасы болып, 2 адам жарақат алған. Бөлім бастығы жол қауіпсіздігі бойынша қалыптасқан ахуалдың күрделенуінің бірнеше себебі барын жасырмайды. Сондықтан ол кезек күттірмейтін ке­шенді шаралар қабылдауда.Биыл 1015 әкімшілік хаттама толтырылған. Сондай-ақ жергілікті полиция қызметі бөлімшесінің қызметкерлері 1023, учаскелік полиция инспекторлары 725 әкімшілік құқық бұзушылықты анықтаған. Оның ішінде ҚР Ішкі Істер министрлігі құқық бұзушылыққа «Мүлдем төзбеушілік» қағидатын жүзеге асыру бағытында 191 құқық бұзушылық анықталған. ҚР «Құқық бұзушылық профилактикасы туралы» Заңының талаптарына сай тұрмыстық ортада құқық бұзушылық жасаған адамдарға қатысты 17 қорғау нұсқамасы шығарылып, аудандық сотпен құқық бұзушының мінез-құлқына 13 ерекше талап белгіленген.Отбасы-тұрмыстық қатынастар саласында жасалатын қылмыстардың алдын алу, оған жол бермеу мақсатында ІІО-ның профилактикалық және тізімдік есебінде тұратын тұлғалармен үнемі профилактикалық жұмыстарды жүргізіп, нәтижесінде маскүнемдер есебінде тұратын еріксіз емдеу мекемесіне биыл 6 азаматты маскүнем ретінде бөлімнің тізімдік есебіне алып, еріксіз емдеу мекемесіне 3 маскүнем жатқызылған. Сондай-қ учаскелік по­лиция инспекторларының өз ынтасымен 10 қылмыс ашыл­ған.Қылмыс пен құқық бұзушылықтардың алдын алу бағытында «Құқық тәртіп», «Құрық», «Есептегі адам», «Мал ұрысы», «Қауіпсіз жол», «Автобус», «Түнгі Жалағаш», «Заңсыз жүргізуші тасымалдау», «Тұрмыс» жедел профилактикалық іс-шаралары өткізіліп тұрады.Ювеналды полиция тобы саласы бойынша жалпы ауданда 20 орта білім беру орны бар. Оның бірі – индустриалды аграрлы колледж. Былтыр түрлі құқық бұзушылық жасаған 46 жасөспірім анықталса, биыл 20 жасөспірім анықталған. Бұл көрсеткіш сала мамандарының осы бағытта жасаған жұмыстарының нәтижесінде азайған.&nbsp;Қоғамдық тәртіпті бұзған жасөспірімдердің әрқай­сысына талдау жасайтын болсақ, биыл ҚР ӘҚБтК-нің 442-бабының 2-бөлігімен 20 дерегі, былтыр 29 дерегі анықталып, ата-аналарға әкімшілік хаттама рәсімделіп, шаралар көрілген. Қылмыс пен құқық бұзушылықтардың алдын алу бағытында да бірнеше рет «Абайлаңыз, балалар» және «Түнгі қаладағы балалар» профилактикалық іс-шаралары өткізілген. Жасөспірімдерді жыныстық зорлық-зомбылықтан қорғау бағытында дәріс оқылып, жиналыстар да жиі өткізілуде. Қуантарлығы, мұның бәрі бүгін нәтижесін беруде.

Қылмыстардың тіркелуі 29 пайызға төмендеген 

<a href="https://kyzylorda-news.kz/">Kyzylorda-news.kz</a>&nbsp;Сенбіде Қармақшы аудандық орталықтандырылған кітапханасының оқырмандарға қызмет көрсету бөлімінде «Тұмар» баспасынан жарық көрген әлі сиясы кеппеген «Қармақшы: Мәуліт аманат» кітабының тұсаукесер рәсімі өтті. Оған аудан ардагерлері, арнайы шақырылған қонақтар, кітаптың шығуына үлес қосқан азаматтар, жастар және кітапхана қызметкерлері қатысты.&nbsp;Рәсімді қармақшылық әрі кітапты құрастырушы Қызылорда қаласындағы №212 мектеп-гимназиясының бастауыш сынып мұғалімі Гүлшара Амангелдіқызы жүргізіп, басқосудың мақсатын түсіндірді.&nbsp;Іс-шарада қатысушылар кітапқа және аудандағы Мәуліт мерекесінің кең көлемде қалай аталып өтіліп басталғаны туралы ойларын ортаға салып, қызықты әңгіме өрбітті.&nbsp; Мерекені атап өтудің алғашқы идея авторы сол кезде аудан әкімінің орынбасары (аудан әкімі Биғали Қаюпов) Ерлан Қалиев болған. Оның айтуынша, ол кезде халықтық қай шаруа да аудандағы мекемелермен атқарылатын болған. Бұл біршама қиындық тудырса керек. Ел ағаларымен ақылдаса келе, «Көппен көрген ұлы іс» демекші, &nbsp;Е.Піртазаұлы күллі мұсылманның мерейлі мерекесіне айналған Мәулітті ауданымыздың 1960 жылы туған азаматтарына және Ораза, Құрбан айт мерекелерін атап өтуді елдің сыйлы, құрметті ағаларына ұсыныс ретінде айтады. Олар да ұсынысты қабыл алып, соның нәтижесінде топыраққа түскен бір түйір дән қазіргі кезде мыңдап өсіп, атаулы мерекелерді атап өту ауданымызда бұқаралық сипат алған.&nbsp;<blockquote>– Біз алғашқылардың бірі болып Мәуліт мерекесін ұйымдастыра бастағанымызда ол жылдары басқа аудандарда мәуліт атап өтіп жатыр дегенді естімейтінбіз. Есімде, мәденеиет үйіне халық көп жиналып, облыстың бас имамы немесе найб имамы келіп, сахнаға шығып, уағыз айтып, мәуліттің не екенін түсіндірді. Содан кейін «Қармақшы» мейрамханасында үлкен кісілерге ас бердік. Бірінші қабатта тұрмысы төмен отбасыларына арнап дастархан дайындадық, әрбіріне сыйлық ұйымдастырдық. Келесі жылы әркім әртүрлі етіп өткізе бастады. Қармақшы қорымының айналасын қоршатты. Мұқтаж жандарға қаржылай көмек берді, қыстақтың жетіспей тұрған, дұрыс қамтылмай тұрған жағдайларын дамыту ісіне үлес қосты. Мәулітті алғашқы ұйымдастырушылардың қатарында Сұлу Досниязова, Алтынбек Демесінов, Аманбай Асқаров, Жомарт Жалғасбаев, Мағауия Әлиев, тағы басқалары болды. Бастапқы жылдары ұйымдастырушылар сәл қиналғанымен, жылдар өте келе халық та бірте-бірте түсінді. Содан кейін мәуліт өткізушілер мынау деген керемет нәрсе екен деп қуанып айтып жүрді. Қаншама жылдар бойы бірін-бірі көрмеген адамдар бір-бірімен қауышып, кездесіп, ауызбіршілігін көрсетті, – деп &nbsp;сол уақыттағы жайттарды еске алды Ерлан ағамыз. &nbsp;</blockquote>Іс-шарада ауданға танымал азаматтар Ерлан Қалиев пен Алтынбек Демесінов көпшілікке құттықтау сөз арнап, кітаптың лентасын қиды.Кітапта ауданымыздың 1960-1975 жылдар аралығында туған азаматтардың 15 жыл көлемінде адамзаттың асыл тәжі Мұхаммед пайғамбарымыздың туған күнінің құрметіне өткізіп келе жатқан шарапаты мол мерекенің жарқын естеліктері жинақталған. Жинақ «Қармақшы топырағынан нәр алып», «Мәуліттің аманатын арқаладық», «Қармақшылықтардың Мәуліт мерекесін тойлауы – мерзімді басылымдарда» және «Фотосуреттер» деп аталатын бірнеше бөлімнен тұрады. Мерекенің құрметіне жасалған қайырымдылық іс-шараларының бейнетаспасын заманауи үлгіде QR код арқылы да көруге болады. &nbsp;<blockquote>– Болашақ еліміздің көркеюі жолындағы аға-апаларымыздың еткен еңбектерінің өтеуі болсын деген мақсатпен Мәуліт жайында кітап шығаруды жөн санадық. Өнегелі істерін үлгі тұтып, мақтанышпен кейінгі ұрпаққа жеткізу басты мұратымыз болды. 15 жыл аз уақыт емес, әрине. Қазір Мәуліт 1975 жылы туған жігіттер мен қыздарға жетті. Одан кейін де жалғаса бермек. Амандық болса, аға буынның істеген істерін әрі қарай жалғастырмақпыз. Ұмытылмас ізгі естеліктеріміз мол болсын, – дейді кітап құрастырушысы Гүлшара Амангелдіқызы бізбен әңгімесінде. &nbsp;</blockquote>Рухани қазына өмірдің мәнін мейірімнен іздеген, жүрек жылуын бағалайтын барша оқырманға арналып отыр. Онда мына бір жазу жолдары еріксіз назар аудартады.&nbsp;<blockquote>«2011 жылы Қызылорда облысына бас имам болып келгенімде керемет бастамаға тәнті болдым. Бұл Қармақшы ауданында 1960 жылы туған аға-апаларымыздың қайырымдылық іс-шараларына ұйытқы болуымен басталған және күні бүгінге дейін үзілмей дәстүрлі түрде Мәуліт мерекесінің тойлануы болатын. Мәуліт айында қайырымдылық іс-шараларын өткізу, халыққа көмектесу, Құран жарыс ұйымдастыру, Пайғамбарымызға салауат айту, көпшілікті шақырып, дастархан жайып ас беру, дүниеден өткен бауырларға бағыштап Құран оқыту деген ізгі іс-шаралар арқылы көрініс табатын бұл игі бастаманы керемет деп бағалаймын Күні бүгінге дейін жалғасын тауып келе жатқан бұл дәстүр жөнінде 2023 жылы Мәуліт мерекесін өткізген 1975 жылы туған азаматтардың бастамасымен ізгілік пен игілікті дәріптеп, арнайы кітап басып шығаруы қуанышты жағдай деп есептеймін» деп жазады сол кездегі облыс имамы болған Талғат Омаров «Керемет бастаманың куәсі болдым» тақырыбымен жарық көрген мақаласында.</blockquote>Салтанатты рәсімде еңбек ардагері Фазила Ниязова, ардагер-ұстаздар Көптілеу Қазақбаева, Ұлмекен Ақшолақова және Арзабек Оразалиев, аудандық кітапханалар жүйесінің директоры Гүлшара Қаниевалар игі тілектерін жеткізсе, Әбдікәрім Бегалиев батасын берді.&nbsp;Басқосуда Қызылорда қаласындағы №212 мектеп-гимназиясының 4-сынып оқушысы Ақберен Темірбек жиналған қауымды әдемі билерімен тәнті етсе, Гүлшара Амангелдіқызы өз қолынан жасаған бұйымын келушілерге сыйлыққа тапсырды, сондай-ақ қазақы дәстүрмен дастарханнан дәм татқызды. &nbsp; Жалпы кітаптың жарық көруіне Орынбасар Өтепбергенов, Қайрат Қалабеков, тағы басқа да жанашыр азаматтар атсалысқан. &nbsp;

«Қармақшы: Мәуліт аманат» кітабының тұсаукесері өтті

<a href="https://kyzylorda-news.kz/">Kyzylorda-news.kz.</a> &nbsp;Бүгінгі қоғамның ең өзекті мәселесі – алимент өндіру ісі. Сала мамандарының айтуынша алимент төлеуден жалтарып, жұмыссыздықты сылтау ететін азаматтардың қатары артқан. Мәселен, жыл басынан бері алимент ісіне қатысты барлығы 1162 арыз келіп түскен. Бұл туралы Өңірлік коммуникациялар қызметінің ақпарат алаңында Қызылорда облысының мамандандырылған ауданаралық сотының судьясы Сәбит Рүстемов хабарлады.<blockquote>– Қазіргі таңда алимент өндіру ісіне қатысты арыз-шағымдар бойынша заң аясында тиісті жұмыстар жүргізудеміз. Жыл сайын жанұя жарасымдылығы бұзылып, тараптар екі жаққа кету деректері азаймай тұр. Басты себеп – материалдық жағдайдың жетіспеушілігі және жұмыссыздық. Жалпы, осы жылдың 4 айында алимент ісіне қатысты 1162 арыз келіп түсті. Оның ішінде, 770 арыз талап қою, ал 31 арыз ерекше іс жүргізуге байланысты болып отыр. Бұдан бөлек, бізге 361 сот бұйрығын шығару туралы арыз келіп түсті. Сонымен қатар, есепті мерзімде 13 арыз сот бұйрығын шығару туралы қабылдаудан бас тартылды, ал 7 арыз кері қайтарылды, – деді Сәбит Рүстемов.</blockquote>Алимент өңдіру істері оң шешімін табуда.&nbsp;<blockquote>– Қарауымызға келіп түскен арыздардың басым бөлігі – алимент төлеу ісіне қатысты болып отыр. Жұмыссыздықты сылтау етіп, алимент төлеуден бас тартатын азаматтар да бар. Дегенмен, біз заң аясында тиісті зерделеу жұмыстарын жүргізіп, екі тараптың келісімі арқылы бір шешімге келеміз. Жалпы неке бұзылуының басты себебі – қаржы жетіспеушілігі және ішімдікке тәуелділік болып отыр. Осы мәселенің кесірінен екі тарап ажырасуға шешім шығарады. Дегенмен, біз ерлі-зайыптыларды шақырып, татуласу орталықтары арқылы бітімгершілікке шақыруға тырысамыз. Қазіргі таңда алимент өндіру ісі бойынша келіп түскен арыздар бойынша жүйелі жұмыстар жүргізудеміз, - деді Қызылорда облысының мамандандырылған ауданаралық сотының судьясы Забира Абылайқызы.</blockquote>Фото:&nbsp;Қызылорда облысының Өңірлік коммуникациялар қызметі

Қызылорда: Жыл басынан бері алимент ісіне қатысты 1162 арыз түскен

<a href="https://kyzylorda-news.kz/">Kyzylorda-news.kz</a> Жұмыс сапарымен жалағаш аудандық аламесек ауылындағы №124 орта мектебіне келіп, аулада әскери жүріспен жаттығып жүрген оқушыларды көрдік. Оқушы кезіміз есімізге түсіп, біз де жетекшіден рұқсат алып, сапқа тұрдық. «бір, екі, оңға», бір, екі, солға». Ішімізден дәл осы бір сөздер әскери жүрістің көркі іспетті деп қойдық. Бүгінгі кейіпкеріміз болашақ отанға қызмет ететін шәкірттерді тәрбиелеп жүрген білікті маман – ғалымжан баймаханов.&nbsp;Саптық жүрісті қайталап бол­ғаннан кейін мектепке кіріп, жақында ашылған кадет сыныбына кірдік. Бұл ішкі істер саласында 10 жыл қыз­мет етіп, аз ғана ғұмырында өшпес із қалдырған Кеңесбек Әшімов атын­дағы кадет сыныбы екен. Мұнда бо­лашағын құқық қорғау саласымен бай­ланыстыратын 7 сыныптан жоғарғы оқу­шылар қабылданады. Бізбен саптық жүрісте бірге болған оқушылардың бәрі дерлік осы сыныпта білім алушылар екен. Шәкірттеріне қаруды бөлшектеп, құрастыруды үйретіп жатқан Ғалым ағайды әңгімеге тарттық.<blockquote>– Бала кезімнен әскери қызмет ат­қа­руды армандаушы едім. Міне, үл­кен арманым орындалып, Отанға қыз­­­мет етіп, қазірде оқушыларға ал­ғаш­қы әскери дайындық пәнінен са­бақ беремін. Мектепте шәкірт тәр­биелеп қызмет еткеніме 25 жыл болды. Осы уақыт аралығында көп­теген оқушының өзіне ұнайтын са­лада білім алуына көмектестім. Біз­­дің басты мақсатымыз – оқу­шыларды патриоттыққа, адал­дық­қа, отансүйгіштікке тәрбиелеу, яғни олар­дың болашағын құқық қор­ғау саласымен байланыстыру. Бо­лашақ­­та осы жастардың ішінен халық­тың ты­ныштығын күзетіп, елдің ер­теңіне адал қызмет ететін ұрпақ қалып­тасатынына сенімім мол, – дейді кейіпкеріміз.</blockquote>Расында ұстаз сөзінің жаны бар. Ел тыныштығы үшін барын салатын патриоттар мектеп кезінен тәрбиеленері анық. Жалпы бала тәрбиесіне қатысты сыни пікірлер көп айтылады, бірақ біз баланың тәрбиені көру арқылы алатынына мән бермейміз. Яғни біздің оларға айтқан ақылымыз бен ісіміз бір жерден шықпаса, онда берілген тәрбиенің бәрі бекер.&nbsp;«Алғашқы әскери дайындық» пәні жайында естісек, әлбетте ойымызға алғаш автоматты бөлшектеп, құрастыру келері анық. Ғалым ағай әң­гімесін айтып бітпей, 5 секундта ав­томатты қалай шашып біткенін аң­ғар­­май қалдық. Оның оқушылары да қаруды бөлшектеп құрастырудан жыл­дам екен. Бір оқушысы 6 секундта ав­то­матты бөлшектеп тастаса, енді бірі автоматты жинауға 9-ақ секунд уақытын кетірді.&nbsp;Айта кетейік, қазірде Ғалымжан ағай­дың жетекшілігімен «Жас поли­ция» кадет сыныбында 16 оқушы бі­лім алуда. Олар аптасына 2 рет түс­тен кейін ішкі істер органдарының бі­лікті мамандарының сабағына, одан бөлек қоғамдық тәртіпті сақтауға не­гізделген іс-шараларға қатысады. Қа­зірде осы сыныптағы Мұхтар Шәмші «Айбын» облыстық әскери-патриоттық жарысына қызу дайындық үстінде.Біз де Отанға деген патриоттық сезі­мімізді арттырып Ғалымжан ағаймен әңгімемізді аяқтадық.&nbsp; Ел тыныштығын уақытпен санаспай күзетіп, сол жол­да түрлі ерлік көрсетер жастарды тәр­биелеуде кейіпкеріміздің орны ерекше. Оның қолынан алдағы уақытта әлі де қызметтегі ерлігі халық аузында жүре­тін шәкірттер тәрбиеленеді деп сенеміз.&nbsp;Бала бойына патриоттық тәлім сіңіру оңай шаруа емес. Оның үстіне оларға әлгіндей қаруларды бөлшектеп жинату да қиынның қиыны. Бірақ кейіпкеріміздің шәкірттері оған дағдыланған. Бұл да оқушылармен қатар ұстаздың шеберлігін аңғартса керек. Қазірдің өзінде Аламесектегі кадет сыныбында оқитын балалар әскери білім алуды мақсат етіп отыр. Ұлағатты ұстаз айтқандай, біздің болашағымыз осындай жастармен тығыз байланысты.

«Жас полиция» кадет сыныбында 16 оқушы білім алуда 

Қызылорда: Жетістігі мол мектеп

<a href="https://kyzylorda-news.kz/">Kyzylorda-news.kz</a> &nbsp;Қазақ халқының жылқы жануарына ерекше жақын болуының сыры тереңде. Мойыл жанарына мұң ұялаған сезімтал жануарды ата-бабамыз ертеден ақ серік еткен. Ішсе тамақ, мінсе көлік болған тұлпарды төрт түліктің төресі санаған. Сән-салтанаты келіскен той-томалағымыз да ат бәйгесіне ұласып жатады. Табиғатынан таза, кербез де келбетті жануардың тұла бойы қасиетке тұнған. Соның ішінде жылқы малының сырқатты емдеп жазу қабілетіне тоқталайық. Қазірде кең тараған жылқы терапиясы туралы жиі естиміз. Олай болса, жылқы тереапиясы деген не және оны кімдер қолданады?Иә, атпен серуендеу тек спорт түрі ғана емес, медицинада да қолданылатын емдеудің озық тәсілі. Шынында да жылқы малының адамдар үшін бөлек бір емдік терапиясы бар екені дәлелденген.. Аттың биоөрісі адамның психоэмоционалды жағдайын қалыпқа келтіруге жәрдемдеседі екен.Бүгінде емдеудің танымал түріне айналған жылқы терапиясы - әртүрлі психикалық, физиологиялық ауытқушылықтарды емдеуде қолданылады. Ғылымда иппотерапия деп аталатын арнайы саланың қалыптасуы психикалық аурулардың белгілерімен күресуде дәстүрлі емдеу тәсілдерімен қатар қолданылуда. Психолог мамандардың бақылауымен жасалатын емшараның негізгі тетігі ретінде жануармен күнбе-күн қарым-қатынас қимылдарын жандандыруды айтамыз. Яғни, жылқы малын жемдеп, азықтандыру, жазық далада атпен серуендеу немесе ат әбзелдерін әзірлеп, қоян-қолтық күтімін келістіруге тырысу керек. Емнің нәтижелі болуы емделушінің ішкі жай-күйін жақсыға бұрумен тығыз байланысты десек те болады. Иппотерапияны жан қалауы, жүрек тыныштығына ерік беріп, жазира алқаптағы демалыс ретінде қабылдауыңыз шарт.Балалардағы тілдің кеш шығуын қалыпқа келтіруде жануарлардың қатысуымен ем жүргізуді көріп жүргеніміз де бар. Аутизм белгісі бар, тумысынан кемтар балаларды емдеуде дефектология саласы дельфинмен әрекеттесу тәсілдерін ұсынды. Ондағы мақсат дельфинотерапия арқылы, дельфиндер шығаратын дыбыстардың балаға оң әсерін медицинада қолдануды жүзеге асыру. Ауданымыздың тұрғыны Асылзат үш баланың анасы. Ол үлкен ұлының уақытылы сөйлемеуін еркелікке балап, 4 жасқа таяғанда ғана мамандар көмегіне жүгіне бастапты. Аутизм белгісі бар деп болжам жасағаннан кейін облыс орталығындағы "Асыл Мирас" емдеу орталығына да келген. Бұдан бұрын қойдың ішегімен баланың мойын тұсын байлау сияқты халықтық емді де байқап көрген ол дельфинотерапия туралы естіп, Алматы қаласына арнайы жолға шығады. Сауықтыру орталығындағы арнайы мамандар баланы дельфиндермен байланыстыру арқылы жүзуге үйретіпті. Емшара барысында баласынан оң өзгерістерді байқаған ол әлі де жаз айларында дельфинотерапияны қабылдап тұратынын айтты. Жануарлармен жүргізілген емнің нәтижелі аяқталуы елімізде арнайы емдік сауықтыру кешендерінің салынуына себеп болды. Соның қатарында туа пайда болған кемістікті түзеуде төбет терапиясы да бар. Ол медицинада канис-терапия деп аталады.Тақырыбымызға оралсақ, дельфинотерапия, канис-терапия сияқты иппотерапия да -күйзеліске ұшыраған, жаны жаралы жігіт ағасы мен қатар түрлі жағдайда депрессияға ұшыраған жасөспірімдерге психологиялық тұрғыдан тіреу болатыны анықталған.Емдеудің бұл түрі – адамдарға сенімділік сыйлап, өзін-өзі бағалау деңгейін арттыруға да көмектеседі. Жылқы терапиясы бүгінге дейін толық зерттеліп бітпесе де жүргізілген зерттеу нәтижелері адамның психо-физиологиялық күйін реттеуде, кемтарлықпен күресіп, жан жарасын емдеуде айтарлықтай оң өзгерістерді көрсетуде. Когнитивті және функционалды бұзылыстары бар ересек жастағылар мен мүмкіндігі уақытша шектеулі балаларды емдеуде қолданылатын сауықтыру тәсілі полиомиелит ауруының айығуына да себепкер болды. Оған дәлел 1952 жылғы Хельсинки олимпиадасында Даниялық ат спортының шебері Лис Хартель атқа мініп серуендеу арқылы полиомиелиттен айыққанын айтқан болатын. Полиомиелит - жұлынның қабынуынан болатын, орталық жүйке жүйесін зақымдайтын жұқпалы ауру. Бастапқыда суық тигендегі дене әлсіреуі сияқты белгілер арқылы білінетін ауру уақыт өте келе аяқтың ұюы, сезілмей жансыздануы сияқты белгілермен жалғасып, өспей қалу, жіңішкеріп сал болып қалуға дейін барады.Иппотерапияның бұл аурудың алдын алуға көмектесуінің басты себебі - жылқыға мінген адамның барлық денесі мен бұлшық еттің қозғалыста болуы. Сонымен қатар, жиі ат үстінде болатын адамның сүйек ауруларынан да аулақ болуына айтарлықтай себеп болғанына сан жылдық тәжірибелер дәлел. Атқа отырған адам үнемі денесін тепе-теңдікте ұстауға тырысады. Бойын тіктеп, арғымақтық арлы-берлі қозғалысының әсерінен құлап кетпеудің қамын жасап, денесін басқаруға үйренеді. Жылқы терапиясының аутизмді емдеуде қолданылуының басты себебі де осы. Біраз уақыт қозғалыссыз қалған бұлшық ет пен бағыт-бағдарсыз әрекет етпейтін жартылай өлі сананың қалыпқа келуіне ат пен адам арасындағы әрекеттің әсері мол. Иппотерапевт мамандардың айтуынша атқа міну ғана емес атты жемдеп, азықтандыру, күтіп баптау, жетектеп жүру сияқты қимыл-әрекеттер де баланың ширауына, сақтанып өзін-өзі игеруіне септік етеді.Иппотерапия ең алғаш рет ежелгі Грецияда пайда болды. Медицина ғылымының атасына айналған Гиппократ жаттығудың жүйелі емдік түріне жылқымен серуендеуді жазып, емдеу шарасының кеңінен қолданылуына себеп болды. Жалпы медицина саласының мамандары мен жылқы терапевтерінің арасындағы ортақ мәселе ауруханадағы қалыпты емдеу терапиясынан бөлек, өзгеше бағытта жүргізілетін емді жіті қадағалау. Әдетте аутизммен ауыратын балалардың басты мәселесі әлеуметтік ортамен қарым-қатынастың болмауында. Осындай балалар атпен қарым-қатынас орнату арқылы уақыт өте келе адамдармен, айналасын қоршаған қоғаммен араласуға бейімделе бастайды. Ортадан оқшауланған, көп нәрселерге қызығушылық таныта бермейтін балалардың эмоцианалды күйін бүкпесіз шығаруда атқа мінудің оң әсері айтарлықтай рөл атқарады.Түйін. Қазақылықтың қаймағы бұзылмаған ауылды өлкемізде атқа мінудің айтарлықтай қиынға соқпауы мүмкін. Десек те, қалалы аймақта атқа мініп, кең даланы кезу түгілі көкжиекке көз жүгіртіп таза ауамен тыныстаудың өзі екі талай. Медицина ғылымы дәлелдеген иппотерапияның артықшылығына ден қойып, қолыңыз қалт етсе атқа мініп, күйбең тіршіліктің күйзелісті көңілін, сенімділік серпіген жаныңыздың еркін күйіне ауыстырып тұруды әдетке айналдырғаныңыз абзал. Бүгінде АҚШ та иппотерапиямен емдеудің 600 ден астам орталықтары жұмыс жасап тұр. Әлем халықтары қолданатын ат тереапиясы атты ең алғаш қолға үйреткен елімізге жат еместігі белгілі. Мың түрлі аурудың алдын алып, қолда бар алттынның қадірін білсек жарар.Фото: Нұрболат Нұржаубай

Иппотерапияның игілігі орасан

Азық бағасы алыпсатарға тәуелді ме?

<a href="https://kyzylorda-news.kz/">Kyzylorda-news.kz</a>&nbsp; Бүгін Арал ауданының әкімі Аманжол Оңғарбаевтың төрағалығымен қала көшелерінің түнгі жарықтандыру жұмыстарындағы кемшіліктер мен хаттамалық тапсырмалардың орындалуы талқыланған мәжіліс өтті.Тиісті жұмыстарды қолға алмаған басшылардың жауапкершілігіне сын айтылды.<blockquote>«Өткен мәжілісте Өздеріңіздің қатысуларыңызбен Арал қаласының түнгі жарықтандыру мәселесіне байланысты жиын өткіздік. Бірақ, содан кейінгі нәтиже көңіл көншітпей отыр. Мәселен, қала бөлінісіндегі 1 сектор бойынша теміржол вокзалы аумағындағы Ә. Нұрпейісов көшесіндегі 35 жарықтың 7-еуі істен шыққан. Уәде бердіңіздер, алайда ол орындалмады. Осындай мәселелер Бекмырза хан, Қ. Ерімбетов, Сырым батыр даңғылы, А. Байтұрсынов, Бақтыбай батыр, Әбілқайыр хан, Абай көшелерінде, «Балықшылар» аллеясы мен «Рәміздер» алаңындағы және батыс кіреберіс аймақ пен басқа да аумақтарда орын алған. 1-2 жарықшам болса да, бақылау болуы тиіс. Бұлай ұзаққа созылмауы қажет. Тапсырма уақытылы орындалуымен құнды. Қала түнгі көркі әдемі болғаны дұрыс. Әр секторға жауапты басшылар ең алдымен сіздерден қадағалау болу керек. Күрделі мәселенің барлығын дереу шешіңіздер»-деді, Аманжол Сақыпұлы.</blockquote>Аудан басшысы жүктелген міндеттерге салғырттық танытқан лауазымды тұлғаларға қатысты тәртіптік жаза қолдануды талап етті.Мұнан соң, аудан әкімі мерзімі келіп тұрған Сексеуіл кентіндегі АГТС орната отырып «Бейнеу-Шымкент» магистарльды газ құбырынан бастап газ құбыры тармағын салу жобасын аяқтау және Арал қаласындағы темір жол үстінен аспалы көпір салу жұмыстарының баяу жүргізіліп жатқанын қатаң сынға алды. Бұдан бөлек, жол құрылысы, әлеуметтік және өзге де салалардың жұмысындағы түйткілді мәселеге тоқталды.Жиынды қорытындылай келе, аудан басшысы ел алдындағы уәде уақытылы орындалуы тиіс екенін айтып, сала басшыларына, қала, кент және ауылдық округ әкімдеріне барлық деңгейдегі хаттамалық тапсырмалардың орындалуын қатаң бақылауға алу міндетін жүктеді.<img src="https://knadmin.beoblood.kz/uploads/440254105_3794855257509499_7596939708459485583_n_f17b8fe8ee.jpg" alt="440254105_3794855257509499_7596939708459485583_n.jpg"><img src="https://knadmin.beoblood.kz/uploads/436310870_3794855174176174_6743907132386585452_n_fb8a241026.jpg" alt="436310870_3794855174176174_6743907132386585452_n.jpg">

Аманжол Оңғарбаев: Тапсырма уақытылы орындалуымен құнды

<a href="https://kyzylorda-news.kz/">Kyzylorda-news.kz</a> Бір жылда екі ағам әскерге аттанды, олардан тоқсан сайын хат келеді. Әлгі хатты отбасымызбен отырып оқығанда анамыз еріксіз көзіне жас алатын. Әлбетте, қуаныштың көз жасы ғой, баласының үлкен азамат болғанына марқаяды. Анамыздың сыңсуы созыла бастаса, әкеміз «жамандықты шақырмай отыр» деп тыйып тастайтын.Екі жылдан кейін ағалаларым бірінен кейін бірі әскерден оралды, бой­ларында айтарлықтай өзгеріс бар, бұрын таңнан кешке дейін үйде бо­латын ортаншы ағамда баяғы жатыс жоқ. Келе салып ауылдың қайнаған жұмысына кірісіп кетті. Ауланың қоршауын жаңалап, қора­ның шаруасын қоса атқарады. Үл­кен ағамда да баяғы күлкі жоқ, ай­тарлықтай жиналған. Не керек, екеуін де әскери өмір екі-ақ жылда ши­ратқаны көрініп тұр.Біз ағамыздан алған әскери бас киімді көшеде киіп жүруді мақ­тан тұтамыз. Залдың төрінде тұрған әс­кери киімді қайта-қайта қы­зық­таймыз. Сонда ішімізді бір пат­риот­тық сезім билейтін, «мен де ағам сияқты өскенде Отан қорғаймын» де­ген мақсат бізді алға жетелеген. Ол кезде әскерден келген адамға ел­дің құрметі де бөлек еді. Ауыл жас­тары жиналып, әскери өмірді сұрап ағамызды ортаға алады. Ол жаста ойын баласына мұндай бақыт бұйырып па?! Әлгі ортада сөзінің үтір-нүктесіне дейін қалдырмай ұйы­татын ағаларымыз біз сұрағанда қысқа қайырады.Жалағаш аудандық қорғаныс істері жө­нін­дегі бөлімшесінің бастығы Ер­сайын Бегімқұловтың «Әскери өмір аза­матты жауапкершілікке, ең­бек­сүй­гіштікке үйретеді» деген сөзі өткен шақты көз алдыма әкелді. Ра­сында солай екен, қазір де ауылда жүрген баланың әскерге ба­рып кел­геннен кейінгі өзгерісі бірден бі­лінеді. Салмақтылық, жауапкер­ші­лік, табандылық, еңбек­қор­лық, тізе бер­сең, осындай жақсы қасиет­тер­дің барлығы Отан алдында бо­рышын өтеген баланың бойында тұнып тұрады. Бір сөзбен айтқанда, әскери өмірде шыңдалған бала мен қарапайым адамның айырмашылығы анық байқалады.Бұрын ауданда әскерге бару үшін медициналық тексерістен өтпей қалған балалар намыстанатын. Кей­бірінің тіпті бойында анықталған кемшілікті түзеу үшін ауылға қайтпай жатып алған кездері де болды. Олар үшін әскери өмір арман еді, бар мақсаты Отан қорғау болатын.&nbsp;Қазір ше, сіз қазір де түсінік «баяғы қалпында» дей аласыз ба? Бірлі-жарым болмаса, қазіргі жас­тармен бұрынғы жастардың әс­кери өмірге қатысты түсінігінде ай­тарлықтай айырмашылық бар. Бұ­ған негіз де жоқ емес. Ата-аналар әс­кердегі қайғылы жағдайларға қа­тысты ақпаратты қарап, баласына уайым шегеді. Балаларда да мұндай уайым жоқ емес. Бірақ оларда көбіне «Бір жыл өмірімді босқа өткізіп не істеймін?» деген сауал бар. Міне, осыдан-ақ олардың әскери өмірге деген көзқарасын ұғу қиын емес.&nbsp;Түсінген адамға сол әскерде бол­ған уақыт – баланың ең ба­қытты шағы. Себебі ол өз-өзіне қой­ған сауалдай босқа өткен уақыт емес, сен таңнан кешке дейін, түннен таңға дейін уақытпен са­нас­пай Отан қорғайсың, сол тұста қатар­лас­тарыңның, ата-анаң­ның, жұр­тың­ның уайымсыз ұйқыда жатқа­нын еске алсаң, соның барлығы сенің уақыт­пен санаспай Отан қорғаудағы ең­бегіңнің арқасы екенін сезіну үлкен бақыт емес пе?!Мен оларды «әлгіндей сауал маза­лайды» деп бекер айтып отырғаным жоқ, әскерге бармаған балалардың көбісіне сауал қойғанымда осы сұ­рақты өзіме кері қайырғаны бар. Бастапқыда «мынаның түсінігі қа­лай?» деп бір-екеуіне кейігенім де өтірік емес. Кейін жаттанды сауал өзіме қайта қойыла бергесін іштей ренжитін болдым. Тағы да қайталап айтамын, негізінен азаматтың ең бақытты уақыты – әскери өмір.Ерекеңе жолыққан сайын «Жал­пы жалағаштық жастардың әс­керге баруға ынтасы қалай?» деген са­уал­­ды жиі қоямын. Сөзінше, аудан жастары Отан қорғауда бел­сенді екен. Бұған бір қуандық, екіншіден, ел болғасын ол тәртіппен жүргісі келмейтіндері тағы болады. Бұлар­мен де түсіндірме жұмыстары жүйе­лі жүргізіледі. Нәтижесін көріп тағы қуандық, жыл сайын ауданнан жүзге жуық бала Отан алдындағы бо­рышын өтеуге аттанады екен. Биыл­дың өзінде көктемде 30 азамат ауданнан әскерге аттанған.&nbsp;Қазір әскердегі сарбаздарға бір­қатар жеңілдік қарастырылыпты. Оларды тіпті әскери билет қолына тиі­сімен жұмысқа шақыратындар жоқ емес. Әсіресе мұндай жұмыс осы салада жетіп артылады. Осы­ған дейін әскер қатарында болған жа­лағаштық жастардың көбісі әр салада қажырлы еңбек етіп жатыр. Бір жағынан әскерден келген ба­лаға ЖОО-да білім алуы үшін ҰБТ тапсыруы міндетті емес. Ал әс­кери өмірде жақсы тәртібімен көзге түскен балалардың ЖОО-да мем­лекеттік грантпен білім алуына ар­найы сертификат беріледі. Осыған дейін мұндай мүмкіндікке ауданнан 7 азамат ие болған. Сондай-ақ ау­даннан аттанған бірқатар азамат спорттық сайыстарда көш бастап, дүбірлі додаларда топ жарған.&nbsp;Ерекең өзі әскери саланың адамы ғой, әсіресе әскерде болған бала мен қарапайым қоғамда жүрген аза­маттың айырмашылығын олар бірінші байқайды. Бала болсақ та ағамыздың бойынан өзгерісті сезген мен сияқты өзіме «сен әскерде бол­ма­ғансың-ау, иә?!» дегенде ұяттан жерге кірдім.&nbsp;Жалпы Отан алдындағы боры­шыңды өтеу кез келген адамның бі­рінші мақсаты болуы керек. Себебі тәуелсіз мемлекеттің болашағы жас­тардың қолында. Ата-аналар да ба­ланы осы мақсатқа тәрбиелесе игі. Себебі Отан отбасынан басталады.&nbsp;Кенжетай ҚАЙРАҚБАЕВ

Биыл 30 азамат әскерге аттанған 

<a href="https://kyzylorda-news.kz/">Kyzylorda-news.kz</a> Мұрат Ертуғановтың Жалағаш аудандық қорғаныс істер жөніндегі бөлімінде жұмыс істеп жатқанына біраз уақыт болды. Салада 25 жылдық тәжірибесі бар қажырлы маман жастардың Отан алдындағы борышын өтеуіне жол ашып, олардың әскери өмірде шыңдалуына қолғабыс етуде. Қазір әскер қатарында болған балалардың алды әр салада қажырлы еңбек етіп жатыр. Бірақ олар әлі күнге дейін ақыл-кеңес беріп, олардың өмірден өз орнын табуына сеп болған ағайларын ұмытпайды. Тіпті кей күндері сол балалардың ата-аналары да Мәкеңе алғыс айтып жатады.&nbsp;Иә, ол «мамандыққа адалдық» деген қағидаға берік, әріптестері де кейіпкеріміздің жұмыстағы табандылығы мен жауапкершілігін жоғары бағалайды.&nbsp;<blockquote>– Мәкеңмен әріптес болғаныма біраз уақыт болды, тапсырманы тиянақты орындайды, өз функциясына да мығым. Әсіресе ол әскер қатарына балаларды қа­­былдау алдында ата-аналармен, балалардың өз­де­­рімен үгіт-насихат жұмыстарын жүйелі жүргізеді.&nbsp;Әс­керге баруға енжар балалар болады, кейде ата-ана­лар да балаларын жібергісі келмейтін кездер бо­лады. Осындай кезде біз түсіндірме жұмыстарын жүргіземіз, кейін ата-аналар да, балалар да түсініп, ойы­мыз бір жерден шығып жатады. Біз осындай жұмыстардың арқасында қаншама баланың Отан алдындағы бо­рышын өтеуіне жол аштық. Қазір олардың алды әр салада еңбек етіп жатыр, – дейді аудандық қорғаныс істер жөніндегі бөлім бастығы Ерсайын Бегімқұлов.</blockquote>Шынында маусымында әскерге бала қабылдау, олар­дың әрқайсысының құжатын дайындау, медици­налық тексерістен өткізу, бәрі-бәрі оңай шаруа емес. Салаға сыртынан қараған адамға жұмысы жеңіл сияқты, бірақ әсте олай емес. Тереңінен қарасаң, әскери өмір­дегі жауапкершілік осы әскери комисариаттан басталатындай.&nbsp;Мұрат Ертуғанов жалағаштық жастардың әскерге баруға ынталы екенін айтады. Тіпті маусымында бұл жағынан мәселе де болмайды екен. Бұған бір жағынан жүйелі жұмыстың сеп болғанын да жасырмайды.&nbsp;<blockquote>– Қазір балалар Отан алдындағы борышын өтеуде белсенді. Бірлі-жарым балалардың кейде әскерге баруға құлықсыз болатын кездері де бар. Кейде ата-ана тарапынан да қарсылықтар кездеседі. Біз елді мекендерді аралап, олармен түсіндірме жұмыстарын жүргіземіз. Соның арқасында қаншама бала әскерге барып қайтты. Бүгінде сол балалардың өздері де, ата-аналары да келіп алғыс айтып жатады. Біз сол балалармен мақтанамыз, қазір олардың көбісі әр салада жұмыс жасайды, – дейді Мұрат ағамыз.</blockquote>Кейіпкеріміз 1984-1986 жылдары Украинада Отан ал­дындағы борышын өтеген. Әуе қорғаныс күш­тері қатарында шыңдалған сарбаз әкерде де өзінің табан­дылығымен, қырағылығымен көзге түскен. Сондай-ақ ол балалардың міндетті түрде әскерге баруы керек деп есептейді, себебі әскери өмір азаматты бірінші кезекте тәртіпке, жауапкершілікке баулиды екен.Иә, кейіпкеріміздің бұл сөзіне алып-қосарымыз жоқ және оның бұлай айтуына нақты себеп те жоқ емес. Оның өз ісіне ұқыптылығы, жауапкершілігі бұл сөзін қуаттайды. Ол тек балалардың әскер қатарында бо­луына жол ашумен шектелмейді, 35 жасқа дейінгі аза­маттардың әскери салада жұмыс жасауына, осы салада білім алуына да қолғабыс етеді. Осы жолда атқарған еңбегі де елеусіз қалған жоқ, талай рет ма­рапат төрінен көрінді. Бірақ кейіпкеріміз мұның бәрінен халықтың алғысын жоғары қояды.

Жұмысы жүйелі, ісі тиянақты

<a href="https://kyzylorda-news.kz/">Kyzylorda-news.kz.</a> Қармақшы ауданы бойынша білім бөліміне қарасты №199 орта мектеп базасында «Қазақстан Республикасы білім беру ісінің үздігі», ардагер ұстаз Бекқадам Әлиасқар Әбілтайұлын еске алуға арналған волейболдан білім саласы қызметкерлері арасында турнир өткізілуде.Бүгінде ұйымдастырылып отырған ІІ Дәстүрлі турнирдің ашылу салтанатына Қармақшы аудандық ардагерлер кеңесінің төрағасы Асқар Мереков, аудандық мәслихат төрағасы Әділ Қошалақов және де қоғамдық кеңес төрағасы Әбдірахман Құлдүйсенов, білім бөлімінің басшысы Абдазиева Гульзира Мажитқызы мен аудандық дене тәрбиесі, спорт және туризм бөлімінің басшысы Мырзабаев Нұрбол арнайы қатысып, ұзақ жылдар бойы білім саласында ұстаздық етіп, ұрпақ тәрбиесіне зор еңбек сіңірген ардақты ел ағасының өнегелі өмір жолдарынан естеліктер айтып, турнирді ұйымдастырушыларға өзіндік алғыстарын жеткізді.Ұстаз есімі ұлықталған спорттық додаға биылғы жылы 10 команда қатысып, тартысты ойын көрсетуде. Турнир барысында жеңімпаз атанған командаларға ардагер ұстаз ұрпақтары атынан бағалы сыйлықтар мен ақшалай жүлде қорлары табысталатын болады. &nbsp;

Қазақстан және Қызылорда облысының жаңалықтары