<a href="https://kyzylorda-news.kz/">Kyzylorda-news.kz.</a> Сырдария ауданының өнер мектебінде Шиелі аудандық өнер мектебі, баян сыныбының аға оқытушысы Өскен Қалымбетовтың шығармашылық кеші өтті. Шығармашылық кешінде өзімен қатар өнер мектебіндегі шәкірттері, Қазанғап атындағы Қызылорда музыкалық колледжінде оқып жүрген түлектері де өз&nbsp;өнерлерін көрсетті.Концертке қонақ ретінде "Құрмет" орденінің иегері, Тұрмағанбет атындағы ұлт аспаптар оркестрінің бас дирижері,&nbsp;Мәдениет саласының, білім беру ісінің үздігі, Қорқыт-Ата атындағы Қызылорда Мемлекеттік университетінің профессоры Кеуілімжай Ботабаев, Қазанғап атындағы Қызылорда музыкалық колледжінің аға оқытушысы,&nbsp;Мәдениет саласының үздігі Төлеген Каденов, ҚР білім беру ісінің үздігі, ҚР мәдениет саласының үздігі, Сырдария ауданының "Құрметті азаматы" Сансызбай Сәдуақасұлы, көп жылдар бойы Шиелі өнер мектебі директорының оқу-ісі жөніндегі орынбасары, Төңкеріс ауылдық өнер мектебінің директоры қызметтерін атқарған білім саласының Құрметті ардагері Мақсұт Досжанов қатысты.Концерт өте жоғары деңгейде өтті. Көрермендер өнер мерекесін сыйлаған Өскен Серікбайұлына және оның шәкірттеріне&nbsp;өзы ыстық ықыласын, алғыстарын білдірді.

Өнер иесі шығармашылық кеш өткізді

<a href="https://kyzylorda-news.kz/">Kyzylorda-news.kz.</a> Бүгінде ауданның автомобиль жолдарының жалпы ұзындығы – 240,9 шақырымды құрайды. Оның 50 шақырым республикалық, 60,6 шақырымы облыстық, 130,3 шақырымы аудандық маңызы бар автомобиль жолдары. Аудандық маңызы бар автомобиль жолдарының 113,7 шақырымы немесе 87,3% жақсы және қанағаттанарлық жағдайда, 16,6 шақырымы&nbsp; немесе 12,7% қанағаттанарлықсыз жағдайда.Жалағаш ауданы бойынша ұзындығы 239,4 шақырымды құрайтын 222 көше бар. Оның 177,8 шақырымы немесе 74% қанағаттанарлық, 52,8 шқ немесе 26% қанағаттанарлықсыз жағдайда. 2024 жылға жол жөндеу бағытында құны 7млрд. 558,0млн.&nbsp;теңгені құрайтын 24 жобаны (5 жол, 93 көше, 1 көпір) қаржыландыру үшін облыстық жолаушылар көлігі және автомобиль жолдары басқармасына бюджеттік өтінімдер тапсырылды.Оның ішінде, 2024 жылға бекітілген облыстық бюджеттен&nbsp; жол жөндеу бағытында 1млрд 594,2млн.теңге қаралып, бірқатар жобалар қаржыландырылды. Мәселен, ұзындығы 3,7 шақырым құрайтын «Жаңақоныс-Таң» аудандық маңызы бар автомобиль жолын реконструкциялау жұмыстарына облыстық бюджеттен 287,6 млн.теңге қаралды.&nbsp;Одан бөлек, жалпы ұзындығы 2,0 шақырым құрайтын «Таң-Самұрат» аудандық маңызы бар автомобиль жолын реконструкциялауға 118,8 млн.теңге облыстық бюджеттен қаралып, қазіргі таңда мемлекеттік сатып алу рәсімдері жүргізілуде.&nbsp;Сондай-ақ ұзындығы 1,3 шақырым құрайтын «Самара-Шымкент-Жосалы-Жалағаш-М.Шаменов» аудандық маңызы бар автомобиль жолын күрделі жөндеу жұмыстарына облыстық бюджеттен 305,1 млн.теңге бөлінген болатын. Қазіргі таңда мемлекеттік сатып алу рәсімдері жүргізілуде.Жоба құны 403,2 млн.теңге құрайтын Бұқарбай батыр ауылының 11 көшесінің құралысы жұмыстарына 50,0 млн.теңге республикалық бюджеттен қаралып, конкурс нәтижесімен мердігер мекеме «Қыран» ЖШС жеңімпаз болып танылды. Бүгінгі күнге келісім шарт жасалды. Жетіспейтін қаржы 333,2 млн.теңге. Техникалық қадағалаушы «SD Проект Консалтинг» ЖШС, авторлық қадағалаушы «Мекен и К» ЖШС.Жалпы ұзындығы 4,0 шақырым құрайтын Есет батыр ауылының 5 көшесін күрделі жөндеу жұмыстарына облыстық бюджеттен 545,8 млн.теңге қаралып, конкурс нәтижесімен медігер мекеме «Ақтоған» ЖШС жеңімпаз болып танылды. Бүгінгі күнге келісім шарт жасалды. Техникалық қадағалаушы «SD Проект Консалтинг» ЖШС. Авторлық қадағалаушымен шарт бір көзден отырылады.Былтыр жалпы құны 457,1 млн.теңге құрайтын Аққұм ауылының 10 көшесін күрделі жөндеу жұмыстарына 147,0 млн.теңге бөлініп, 2 көшеге асфальт жабыны төселген болатын. Жоба 2024 жылға өтпелі. Биылғы жылы жобаны толық аяқтауға облыстық бюджеттен жетіспейтін 286,8 млн.теңге бөлінген. Мердігер мекеме «Ақтоған» ЖШС, техника қадағалаушы «Тұран құрылыс» ЖШС, авторлық қадағалаушы «Инженерные изыскания и К» ЖШС.Аудан бюджетінен бөлінген 17,0млн.теңгеге апатты деп танылған 2 көпірге қайта жаңғыртуға ЖСҚ әзірленуде. Толығырақ тоқталып өтсек, биыл «Самара-Шымкент-Мәдениет-Т.Жүргенов-Жаңаталап-Аққыр» аудандық маңызы бар автомобиль жолының бойындағы «Қорқытбай» каналының көпірін қайта жаңғырту жұмыстарына 7,5млн.теңге қаралып, жобалау-сметалық құжаттама әзірленуде. Жобалаушы мекеме «Проинсет» ЖШС.Одан бөлек, «Самара-Шымкент-Мәдениет-Т.Жүргенов-Жаңаталап-Аққыр» аудандық маңызы бар автомобиль жолының бойындағы «Пірман» каналының көпірін қайта жаңғырту жұмыстарына 8,4млн.теңге қаралып, мемлекеттік сатып алу рәсімдері жүргізілуде.Мұнан бөлек, биылғы жылы газдандыру бағытында 1 млрд 298 млн теңгені құрайтын 6 жобаны қаржыландыру үшін облыстық энергетика және тұрғын үй коммуналдық шаруашылық басқармасына бюджеттік өтінім тапсырылған.Оның ішінде, 2024 жылға бекітілген облыстық бюджеттен газдандыру бағытына 237 млн теңге қаралып, бірқатар жобалар қаржыландырылды. Атап айтқанда, жоба құны 684,1млн.теңге құрайтын М.Шаменов елді мекенін газдандыру жұмыстарына 2023 жылы облыстық бюджеттен 63.8млн теңге бөлініп, &nbsp;қаржы шегінде тиісті жұмыстары жүргізілген болатын.Биыл ұлттық қордан 100млн теңге, облыстық бюджеттен 4,5млн.теңге қаралып, бүгінгі күнге жоғары қысымды газ құбырын тарту жұмыстарының 80 пайызы орындалды. Мердігер мекеме «АЭS and Limited» ЖШС, техникалық қадағалаушы «Нұрай сервис» ЖШС, авторлық қадағалаушы «Жамбылагрогазпроект» ЖШС. Жоба құны 545,2млн.теңге құрайтын Ақсу елді мекенін газдандыру 2023 жылы облыстық бюджеттен 20,0млн теңге қаржы қаралып, жұмыстар атқарылған болатын.2024 жылға құрылыс монтаждау жұмыстарын жалғастыру үшін ұлттық қордан 100 млн теңге, облыстық бюджеттен 31,7млн теңге бөлініп, қазіргі таңда орта қысымды газ құбыры тартылуда. Мердігер мекеме «АЭS and Limited» ЖШС, техникалық қадағалаушы «Нұрай сервис» ЖШС, авторлық қадағалаушы «Прикаспийское управление строительства-Шымкент» ЖШС.&nbsp;Сонымен қатар, жоба құны 6,5 млн теңге құрайтын&nbsp;Жалағаш кентіндегі «Жалағаш аудандық ішкі саясат бөлімі» КММ-сі (Қазіргі кент әкімі аппаратының ғимараты) ғимаратын табиғи газға ауыстыру жолымен қазандықты қайта жаңғырту жұмыстарын жүргізуге аудандық бюджеттен қаржы толық бөлініп, құрылыс монтаждау жұмыстары жүргізілуде. Мердігер мекеме «Р и А - Сервис ЛТД» ЖШС, техникалық қадағалаушы «Раян и К» ЖШС, авторлық қадағалушы «СанжарПроектСервис» ЖШС.&nbsp;«Жалағаш аудандық жұмыспен қамту әлеуметтік бағдарламалар және азаматтық хал актілерін тіркеу бөлімі» КММ-сі ғимаратын табиғи газға ауыстыру жолымен қазандықты қайта жаңғырту жұмыстарын (жоба құны 19,4 млн теңге) бастау үшін аудандық бюджеттен 2,7 млн теңге бөлінді. Құрылыс монтаждау жұмыстары ақпан айында басталатын болады. Жобаны аяқтауға жетіспейтін қаржыға (15,7 млн теңге) облыстық энергетика және тұрғын үй-коммуналдық шарушалық басқармасына бюджеттік өтінім ұсынылды.Сонымен қатар, Жалағаш кентіндегі №123 мектеп-лицейін табиғи газға ауыстыру жолымен қазандықты реконструкциялау жұмыс жобасына жобалау-сметалық құжаттар әзірлеу үшін облыстық бюджеттен 3,528 мың теңге бөлінді. Жоба-сметалық құжаттар әзірленіп, мемлекеттік сараптама қорытындысы алынды. Жобаны қаржыландыру үшін бюджеттік өтінім облыстық энергетика және тұрғын үй-коммуналдық шаруашылық басқармасына ұсынылды. Жоба құны – 27,0 млн теңге.Жалағаш кентіндегі №246 орта мектепті табиғи газға ауыстыру жолымен қазандықты реконструкциялау жұмыс жобасына жобалау-сметалық құжаттар әзірлеу үшін облыстық бюджеттен 3,641 мың теңге бөлінді. Жоба-сметалық құжаттар әзірленіп, мемлекеттік сараптама қорытындысы алынды. Жобаны қаржыландыру үшін бюджеттік өтінім облыстық энергетика және тұрғын үй-коммуналдық шаруашылық басқармасына ұсынылды. Жоба құны-15, 4 млн. теңге.&nbsp;Елді мекендерді ауыз тумен қамту да күн тәртібінен түспеген өзекті мәселелердің бірі. Бүгінде бұл бағытта бірқатар жұмыстар атқарылды. Мәселен, Таң елді мекенін шаруашылық - ауыз сумен жабдықтау үшін жер асты суларын өндіруге арналған №2-Т барлау пайдалану ұңғымасын бұрғылап, салу жұмыстарына жобалау-сметалық құжаттарын әзірлеуге МСА конкурсы рәсімдері жүргізілуде. Сондай-ақ Бұқарбай батыр елді мекенінде 1 дана (50 м³ - 8,4 млн теңге), Жаңаталап елді мекенінде 1 дана (25 м³ - 4,99 млн теңге), су мұнарасын сатып алу үшін облыстық энергетика және ТКШ басқармасына бюджеттік өтінім ұсынылды.Мұнан бөлек, Таң елді мекеніндегі А. Мықтыбаев, С. Сейфуллин, Ш. Уалиханов, Қарасу көшелерін жарықтандыру жұмыстарына жобалау-сметалық құжаттар әзірленді. Жоба құны 114,3 млн. теңге. Жобаны қаржыландыру үшін бюджеттік өтінім облыстық энергетика және тұрғын үй-коммуналдық шаруашылық басқармасына ұсынылды. Одан бөлек, Қаракеткен елді-мекеніне аудандық маңыздағы кіре-беріс жолды жарықтандырудың құрылыс жұмыстарын жүргізуге жобалау-сметалық құжаттар әзірленді. Жоба құны 90,5 млн теңгені құрайды. Жобаны қаржыландыру үшін бюджеттік өтінім облыстық энергетика және тұрғын үй-коммуналдық шаруашылық басқармасына ұсынылды.Көппәтерлі тұрғын үйлерді күрделі жөндеуден өткізу бүгінде оң шешімін тапты. Бұған дейін. ауданда 27 көппәтерлі тұрғын үйлердің 26-на күрделі жөндеу жұмыстарын жүргізуді қажет еткен болатын. 2014-2023 жылдар аралығында 10 көппәтерлі тұрғын үйлерге күрделі жөндеу жұмыстары жүргізілген. Қазіргі таңда күрделі жөндеуді қажет ететін тұрғын үйлер саны – 16.&nbsp;Бүгінгі күнге күрделі жөндеу жұмыстарын қажет ететін 8 көппәтерлі тұрғын үйдің 2-не (Т.Үркімбаев көшесі №1, №2 үй) күрделі жөндеу жұмыстарын жүргізу үшін республикалық бюджеттен 5,8 млн теңге бөлінді. Қазіргі таңда күрделі жөндеу жұмыстарын жүргізуге көппәтерлі тұрғын үйлердің пәтер иелерінен келісім алынуда.

Жалағашта автомобиль жолдары жақсарып келеді

<a href="https://kyzylorda-news.kz/">Kyzylorda-news.kz.</a> Жеңіскүл Жақсыбайқызы жастайынан кәсіпкерліктің қыр-сырына қанығып өскен жан. Бүгінгі күнге дейін түрлі кәсіппен айналысып, барынша өзін сынады. Талапшыл жанның талпынысы да жоғары. Үнемі тың дүниені қолға алғанды қалайтын кәсіпкер келіншек қазір шұжық шығаруда. Оның өнімдері – «Қазалы шұжығы» деген атаумен аудан тұрғындарына таныла бастады.Осыдан біраз уақыт бұрын аталған кәсіпті табыс көзіне айналдыруды мақсат тұтқан Жеңіскүл Қыстаубаева Астана қаласына арнайы барып, шұжық дайындау курсын оқыды. Мол тәжірибелі мамандардан бағыт-бағдар алып, Қазалыға оралған соң іске білек сыбана кірісіп кетті. Мемлекеттік грант жеңіп алуға талап қылғанымен ұсынған жобасы комиссия тарапынан қолдау таппай, кері қайтарылды. Тәуекелшіл жанның бұл сәтсіздікке сағы сынбады. Қолдағы бар қаржысына құны төрт жүз мың тұратын арнайы пеш сатып алды. Бұдан бөлек, 150 мың теңгені қажетті заттарға жұмсады. Сөйтіп, көкейге тоқыған білімін іс жүзіне айналдыруға қамданды. Қазір Жеңіскүл үйіндегі шағын цехында шұжықтың алты түрін дайындайды.<blockquote>– Бұған дейін ет сатумен айналыстым. Қазалыда кең тарамаған кәсіп түрін ашуды ойланып жүрдім. Іздендім, білім алдым. Сөйтіп шұжық шығарамын деген шешімге нақты келдім. Шұжықтың құрамында сиыр, жылқы, тауықтың төс еті және қойдың құйрық майы бар. Арнайы қоспаларды Алматы қаласынан алдырамын. Барлық өнім халал әрі денсаулыққа кері әсері жоқ дей аламын. Малды көзімше сойдырып, еттің тазалына аса мән беремін. Бұл тағамдық өнім болғандықтан жауапкершілік аса маңызды, – дейді кәсіпкер келіншек.</blockquote>Тұтынушылардың талғамынан шығып, тұрақты алушылар саны артып келе жатқанын қуана жеткізген Жеңіскүл өзіне мемлекет тарапынан қолдау болмағанына қынжылды.<blockquote>– Ой жеткенмен, қол жетпей жатады ғой. Менің де, алға қойған жоспарларым жетерлік. Алғашында, мемлекет тарапынан қаржылай қолдау көрсем, шағын цехымды аппараттармен толық жабдықтаймын деген үмітім болды. Алайда қаржыға ілікпедім. Сондықтан, бар жиған-тергеніммен пеш алдым. Енді, қақтайтын аппарат алсам, кәсібімді одан әрі дөңгелетуге тигізер септігі орасан зор болатын еді, – деді бізбен әңгіме барысында.</blockquote>Жеңіскүл Жақсыбайқызының жоспары көп. Таза, табиғи сүттен ірімшік жасауды да үйренгісі келеді. Қазір шұжықтарын кент ішіндегі азық-түлік дүкендеріне өткізіп отыр. Көбіне тапсырысты әлеуметтік желі арқылы алатындығында жасырмады.– Әлеуметтік желінің дамыған заманы. Жалпы, тапсырыстардың басым көпшілігі инстаграм парақшасы арқылы түседі. Бір-екі рет алған адам тұрақты тұтынушы болып қалуда. Азық-түлік дүкендеріне қойған шұжықтар екі апта көлемінде өтпеген жағдайда өзімізге қайта аламыз, – деген кәсіпкер келіншекке: «Өтпей қалса, шығынын өтеу қиын болмайды ма? деген сауал қойдық.<blockquote>– Шүкір, осы кезге дейін кері қайтарылған шұжық жоқ. Дегенмен тұрғындар біздің өнімге енді-енді үйренісіп жатыр. Сондықтан аптасына бір рет ғана шығарудамыз. Шұжықтың келісі алты мыңнан басталады. Яғни, біреуі – 2000-2500 теңге тұрады. Алда кәсібімді кеңейтсем, жұмыссыз жүрген жандарды жұмыспен қамтысам деген ниетім бар. Әлі де, аяқтан тұрып, нық басып кету үшін қомақты қаражаттың керектігі жасырын емес. Алдағы уақытта тағы да, мемлекет тарапынан жас кәсіпкерлерге бөлінетін қаржылай көмекті алу үшін қайта бағымды сынағым келеді, – деді сөз соңында Жеңіскүл Қыстаубаева.</blockquote>

Жеңіскүл Жақсыбайқызы: Қаражат болса, кәсіпті кеңейтемін

<a href="https://kyzylorda-news.kz/">Kyzylorda-news.kz.</a> &nbsp;Қазір адамдар бұрынғыдай емес, психологиялық білім алып, өзін түзеуге, өзгертуге бейімделіп келеді. Рас, қоғамда психолог кеңесіне жүгінгендер көбейді. Қазіргі уақытта білім беру жүйесінде психологиялық қызметке ерекше көңіл бөлінуде. Жеке тұлғаның өмірге құштарлығының артуы, болашағына сеніммен қарап, нақты шешімдер қабылдауы мектеп қабырғасынан бастап қаланады. Ал балаларға қатысты мектептегі мәселелерді шешу мен алдын алу үшін әр мектепте психолог жұмыс істейді. Соның бірі қармақшылық &nbsp;– Бағлан Нухиев.&nbsp;Кейіпкеріміз мектеп оқып жүргеннен-ақ психология саласына қызығушылығы оянады. Осылайша Қорқыт ата атындағы Қызылорда университетінің психология мамандығы бойынша оқуға түседі. Оны тәмамдаған соң Т.Көмекбаев атындағы №250 мектеп-лицейіне &nbsp;педагог-психолог болып жұмысқа орналасады. 2015-2016 жылдары ауданымыздағы аграрлы-техникалық колледжінде педагог-психолог болып жұмыс істесе, 2017 жылдан бері Ш.Уәлиханов атындағы №26 орта мектепте педагог-психолог болып еңбек етеді.&nbsp; "Мамандықтың жаманы жоқ. Алайда, оның қай-қайсысына да бейімділік пен икемділік қажет екені белгілі. Психолог мамандығы – күнелту, тамақ асыраудың жолы емес, үлкен өнер мен зор шеберлікті қажет ететін іс" деген екен Жүсіпбек Аймауытов. Біздің әңгімемізге арқау болып отырған кейіпкеріміз бұл саланы өзінің жан қалауымен таңдағанын айтады.&nbsp;<blockquote>– Негізінде әр адамның бала күнінде әр мамандыққа сәйкес өзіндік мінезі, қабілеті байқалып отырады. Сол сияқты менің де бала күнімнен әжем, анам осы салаға деген қабілетімді арттырып, яғни мақтау білдіріп отырды. "Сен үлкендермен жақсы тіл табысасың, кім-кімнің де көңілін тез табасың" деген сөздерді үнемі айтатын. Кейін келе өзіме де осы жас бүлдіршіндермен, балалардың қызықты мәселелерін тыңдап, солармен ішін ара шешу ұнайды. Үлкен өмір жолын таңдағанда да осы салаға қызығушылық таныттым. Айтқым келгені психология саласының ең бір негізгі мақсаты – әр адамның көңілінен шыға білу, жеңіл тіл табысу олардың ой түкпірінде жатқан мәселелерді анықтау. Сондықтан бойымдағы өз қабілеттеріме сене отырып осы мамандыққа келдім, – дейді Бағлан Иманшаұлы.</blockquote><figure class="image image_resized" style="width:75%;"><img src="https://knadmin.beoblood.kz/uploads/32e9a8cf_ee3a_4225_b48e_7bf077784437_06505088e4.jpg" alt="32e9a8cf-ee3a-4225-b48e-7bf077784437.jpg"><figcaption>Бағлан Нухиев</figcaption></figure>&nbsp;Психолог болу өзгелердің ешкімге айта алмайтын ішкі сырын, жанын жегі¬дей жеген мәселелерін ішінде сақтап жүретін үлкен жүректі талап ететін мамандық. Сырт қарағанда еш уайымсыз, қайғысыз балалықтың бақытты шағының қызығын көріп жүрген жасөспірімдердің жан дүниесіне үңіліп, ішкі сарайларын ашып, мазалап жүрген мәселелеріне ортақ¬тасуға бұл жанның септігі мол.&nbsp;<blockquote>– Мектеп психологы балалармен психологиялық қызметтің әдістемелік, диагностикалық, кеңес беру, коррекциялық (түзету жұмыстары), ағарту және профилактикалық бағыттар бойынша жұмыс жасаймыз. Топтық жеке тренингтер өткізіп, балаларға жағымды көңіл күй сыйлаймыз. Біз, психологтер, оқушылармен әрдайым бір толқында жүреміз. Қандай бағытты, көзқарасты ұстанбасын, білім алушыларды қабылдаймыз, көмек береміз. Балалар көбінесе құрдастары арасындағы проблемалар, &nbsp;ата-анасымен қарым-қатынас мәселелерін айтып келіп жатады. Тренинг, консультация, жоспар бойынша сабақтар сынып жетекші немесе әкімшіліктің сұранысы бойынша &nbsp;бүкіл сыныпқа өткізіледі. Мысалы, интернетке тәуелділік, буллинг, стресс, психикалық денсаулық туралы, бейімделу процесі секілді мәселе бойынша оқушылармен жүйелі жұмыстар жүргіземіз, – дейді ол. &nbsp;</blockquote>Психолог – үнемі ізденуді талап ететін, адам жанына араша бола алатын айырықша мамандық. Мұны осы қызметте тұрақты түрде жұмыс істеп келе жатқан тәжірибелі маманмен сөйлескен аз-кем уақытта түсіне түстік.&nbsp; &nbsp;&nbsp;Фото: Нұрболат Нұржаубай

Бағлан Нухиев: Баламен тіл табысу маңызды 

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт&nbsp;Тоқаев&nbsp;зейнетақы&nbsp;жүйесін айтарлықтай өзгерту керегін атап өткен болатын. "Ең төменгі базалық&nbsp;зейнетақы&nbsp;мөлшерлемесін ең төменгі күнкөріс деңгейінің 70 пайызына, ал ең жоғарысын 120 пайызға дейін жеткізу қажет. Бұрын қабылданған шешімдермен бірге бұл 2025 жылға қарай жалпы&nbsp;зейнетақыны&nbsp;орта есеппен 27 пайызға арттыруға мүмкіндік береді", - деген еді мемлекет басшысы.Бүгінгі күні тұрғындардың көпшілігін “зейнетақы қорындағы қаржыны қалай алуға болады?” деген сұрақ мазалайды. Және оның заңдылықтары турасында көбі біле бермейді.&nbsp;<blockquote>– Қазақстаннан тыс жерлерге кеткен БЖЗҚ-да зейнетақы жинақтары бар шетелдіктер мен азаматтығы жоқ адамдар зейнетақы жинақтарын зейнет жасына толғанға дейін толық көлемде ала алады. Алу үшін олар Қорға өзі пошта арқылы не сенім білдірілген өкілі немесе заңды өкілі арқылы БЖЗҚ сайтынан білуге болатын құжаттар тізбегін ұсынулары қажет. Осыдан кейін зейнетақы төлемі он жұмыс күні ішінде біржола төленеді. Сондай-ақ, зейнетке еңбек сіңірген жылдары бойынша шыққан қазақстандықтар өздерінің барлық зейнетақы жинақтарын тұрғын үй жағдайларын жақсартуға және емделуге пайдалана алады. Еңбек сіңірген жылдары үшін зейнетақы төлемдерін алуға құқығы бар адамдардың толық тізбесі Әлеуметтік кодекстің 212-бабында айқындалған. Тұрғын үй жағдайларын жақсартуға арналған біржолғы зейнетақы төлемдерін пайдалану үшін еңбек сіңірген жылдары бойынша зейнеткерлер Отбасы банкіне немесе екінші деңгейдегі басқа банктерге, ал емделу ақысын төлеу үшін тек Отбасы банкіне жүгіне алады. Сондай-ақ, зейнетақы жинақтарының бір бөлігін тұрғын үй жағдайларын жақсартуға және емделуге ақы төлеу үшін БЖЗҚ-да міндетті зейнетақы жарналары есебінен қалыптастырылған зейнетақы жинақтары бар адамдар пайдалана алады. Тек мұндай адамдардың зейнетақы жинақтарының сомасы ең төменгі жеткіліктілік шегінен асатын болуы керек. БЖЗҚ-да жинақтары бар, қазіргі кезде зейнетақы төлемін алып жүрген зейнеткерлер. Олар тұрғын үйге және емделуге қалған сомасының 50 пайызына дейін пайдалана алады. Бірақ олардың жиынтық зейнетақысы бұрын алған жалақысының кемінде 40 пайызын құраған жағдайда ғана осы мүмкіндікке қол жеткізе алады,- дейді&nbsp;БЖЗҚ-ның Қызылорда облыстық филиалының Арал қаласындағы қызмет көрсету орталығының басшысы Ғалия Айболсынова.</blockquote>&nbsp;Әлеуметтік кодекстің ережелерінде БЖЗҚ-дан зейнетақы төлемдеріне негіз бола алатын жағдайлардың нақты тізбесі көрсетілген. Оның ішінде алушының қайтыс болуына байланысты жасалатын төлем де бар. Тиісінше, БЖЗҚ зейнетақы жинақтары сомасының есебін жүргізуді алушы немесе оның мұрагері осы соманы талап еткенге дейін жалғастыра береді. Сонымен қатар, Қазақстан Республикасының Азаматтық кодексіне сәйкес, егер өсиет бойынша және заң бойынша мұрагерлер болмаса, не мұрагерлердің ешқайсысының мұрагерлікке құқығы болмаса, олардың барлығы мұрадан бас тартса, мұра иесіз мүлік болып танылады және мұра ашылған жер бойынша коммуналдық меншікке өтеді.Сонымен бірге Қазақстан Республикасының Әлеуметтік кодексіне сәйкес Бірыңғай жинақтаушы зейнетақы қорына міндетті зейнетақы жарналарын төлеуден мүгедектігі мерзімсіз болып белгіленсе, бірінші және екінші топтағы мүгедектігі бар адамдар босатылады. Сонымен қатар, жұмыс берушіге жоғарыда аталған адамдардың өтініші негізінде БЖЗҚ-ға МЗЖ ұстап қалуға және аударуға рұқсат етіледі. Осылайша, мерзімсіз белгіленген бірінші немесе екінші топтағы мүгедектігі бар отандастарымыз жұмыс орны бойынша БЖЗҚ-ға МЗЖ ұстап қалуға келісім беру туралы өтініш беруге құқылы. Олар егер мүгедектігі мерзімсіз болып белгіленсе, БЖЗҚ-дан берілетін зейнетақы төлемдерін белгіленген кесте бойынша ай сайынғы зейнетақы төлемдері түрінде алуға құқылы.&nbsp;Тағы айта кетерлігі, салымшылардың зейнетақы шоттарындағы өздерінің жинақтарының жай-күйін үнемі қадағалап отырғаны жөн. Сонымен қатар қордағы жеке зейнетақы шоттарыңызға зейнетақы жарналарының түсуіне баса назар аударған жөн. Себебі кейде жұмыс беруші өзінің міндеттерін толық орындамайтын, немесе мүлде аударым жасамайтын жағдайлар да кездесті. Сондықтан шоттарыңыздағы жинақтарды назарда ұстап отырған жөн. Жеке зейнетақы шотыңыздын үзінді көшірме алу – салымшының заңмен бекітілген құқығы. Қазіргі таңда ақпаратты аудың ең ыңғайлы тәсілі сайттағы немесе БЖЗҚ ұялы қосымшасындағы жеке кабинет. Ол үшін жеке кабинетте бір рет тіркелу қажет. Мұны дерекқорына тіркелген телефон нөміріне келген СМС&nbsp; алу арқылы жасауға болады. Сондай-ақ, электрондық цифрлық қолтаңбаның көмегімен немесе БЖЗҚ-ның кез келген бөлімшесіне бару арқылы іске асыруға болады.<blockquote>– Зейнетақы жинақтарының бір бөлігін тұрғын үйге және емделуге пайдалану құқығына белгілі бір жеткілікті шегінен асатын жинақтары бар, зейнетақы төлемін алып жүрген зейнеткерлер БЖЗҚ-дағы зейнетақы жинақтарының қалған соммасының 50 пайыздан аспайтын шекте, сақтандыру компаниялармен өмірлік аннуитеттік төлемдерді қамтамасыз ететін зейнетақы аннуитеті шарттарын жасасқан тұлғалар пайдалануға құқылы. Еңбек сіңірген жылдары бойынша зейнеткерлер - оларға МЗЖ есебінен қалыптастырылған өздерінің зейнетақы жинақтарының барлық мөлшерін пайдалануға құқық берілді. Егер осы санаттағы азаматтардың біріне жататын кез келген адам зейнетақы жинақтарын шектеусіз пайдалана алады,-дейді&nbsp;Ғалия Айболсынова.</blockquote>Фото: Нұрболат Нұржаубай

Қордағы қаржыңызды тексересіз бе?

<a href="https://kyzylorda-news.kz/">Kyzylorda-news.kz.</a> &nbsp;Бокс – әлемдегі жанкүйері ең көп спорттың бірі. Аталмыш спортта үлкен жетістікке жеткен бірқатар елдің өзіндік стилі де бар. Бұл қатарда әлемдік аренада талайды жығып, миллиондаған көрерменнің назарын аудартқан қазақ бокс мектебінің стилі де ерекше. Оның ішінде, бокстан ел қоржынына үлкен үлес қосып жүрген Қазалы ауданының боксшылары кенде емес. Толығырақ айтсақ, 2012 жылы Лондонда өткен олимпиядада қола жүлде иеленген Марина Вольнова, Азия чемпионы атанған Гүлсая Ержан сынды намыс туын жықпаған спортшылар бар.Бүгінде осы секілді аға-әпкелерінің жолын қуған жас боксшылардың бірі – Ерхан Оңталапов. Жуырда ғана Қазақстан чемпионатында алтын иеленген жасөскінмен сұхбат құрудың сәті туған еді.– Ерхан, жуырда Қазақстан Республикасы чемпионатында былғары қолғап шеберлері бәсекесінде басып озып, алтын алқа тағынып, аудан абыройын асқақтатып қайттыңыз. Жеңісіңізбен шын жүректен құттықтаймыз. Аталмыш сайыста қандай қиындықтар кездесті?– Еңбекті бағалап жатқандарыңыз үшін көп рахмет! Иә, бұл қиыны мен қызығы қатар болған үлкен сайыс болды. Алғашқы кезеңдерде жарақат алдым. Сол ақтық мәреде қатты әсер етті. Қарсыласым да осал болмады. Бірақ бұған қарамастан бапкерім мен басқа да, маған сенім артып отырған жандардың үмітін ақтауға тырыстым. Оның үстіне қаншама уақыт төккен қан мен тер, еңбек еш болмауы керектігін де естен шығармадым. Міне, осылай жеңіс тұғырынан көріндік.– Бұл спортқа қызығушылығыңыз қалай пайда болды? Отбасыңызда ата-анаңыздың спортқа қатысы бар ма?– Қай жігіттің болмасын сүйікті спортының бірі – бокс. Сол секілді менде де, қызығушылық басым болды. Оны әрі қарай жетілдіруге, арманымның мақсатыма айналуына атамның ерекше үлесі зор. Ол жас кезінде мықты боксшы болған.– Елде Жәнібек Әлімханұлы, Геннадий Головкин сынды аты әлемге әйгілі көптеген боксшылар бар. Бұлардың қайсысын өз кумиріңіз, мотиваторыңыз санайсыз?– Қазақстанды әлемге танытып жүрген мықты спортшылар көп. Олардың әрқайсысын кумирім санаймын. Бірақ мотиваторым – "GGG" лақапатымен танымал – Геннадий Головкин. Барша қазақстандық әрбір кездесуін таң атысымен асыға күтетін Гена ағамыз осы салада ойып тұрып орын алады. Тіпті, әлем тарихында қалатынына да сенемін.Біздің бокс секциясында бапкеріміз әрқайсысымызды осындай қазақстандық боксшылардың атымен атап, лақап ат қояды. Соның ішінде, мені "GGG", "Гена" деп атайды. Бұл өз кезегінде бізді қуаттандырып, қанаттандырады.– Әлемге танылған әр атлеттің жеңісіне сөзсіз бапкердің қосқан үлесі зор. Осы орайда, жаттықтырушыңыз жайлы айтып өтсеңіз...– Рас айтасыз. Мұнымен толықтай келісемін. Менің осы жетістікке жетуіме бірден бір себепкер бапкерлерім. Олар – Азамат Құтпанбетов пен Бақытбек Құлбаев. Екеуі де үйірмедегі барлық балаға ерекше қолдау көрсетеді.Бұрын осы бапкерлерім "Болашақта Қазақстан Республикасы чемпионы қылып шығарамын" деген уәдесі бар еді. Оңайлықпен жетпесек те, алға қойған арманымыз, мақсатымыз орындалды. Бапкерлеріме басымды иіп, шексіз алғыс айтамын. Алдағы уақытта әлі де, талай спорт саңлақтарын дайындап шығарады деп сенемін.– Бүгінде мектеп қабырғасында оқып жатырсыз. Келешекке қандай жоспарыңыз бар? Алға қойған арман-мұратыңызбен бөліссеңіз...– Келешекке жоспар көп. Бұйырса, мектепті ойдағыдай аяқтап, жақсы оқу орнына тапсырсам деймін. Сонымен қатар, осы спортты әрі қарай жалғастырып, Азия, Әлем чемпионаттарында өнер көрсеткім келеді. Қазақстан, Қазалы бокс мектебін дамыту ең басты мақсатым.– Сұхбатыңыз үшін рахмет. Алдағы бағындырар жаңа белестеріңізде тек қана, сәттілік тілейміз!&nbsp;ӘңгімелескенСерік АҚМЫРЗА

Ерхан Оңталапов: Бапкерлеріме басымды иіп, шексіз алғыс айтамын

<a href="https://kyzylorda-news.kz/">Kyzylorda-news.kz.</a> Уақыт зымырап өткенімен жақсы адамның артында қалған мол мұрасы мәңгі жасайды. Игі ісімен ел жадында қалған атпал азамат өмірден өтсе де ұрпақ тәрбиелеп, елеулі қызметімен танылған абзал есімдер ұмытылмайды.Жақында аудандық аграрлық-техникалық колледжде техникалық және кәсіптік білім беру ұйымдары ұстаздары арасында тоғызқұмалақтан еске алу турнирі өтті.Еске алу турнирі ҚР білім беру ісінің үздігі, ауданның Құрметті азаматы, ардагер-ұстаз Ғафур Үдербаевқа арналды. Облыстық жарыстың ашылу салтанатына аудан әкімінің орынбасары Димаш Байдушев, &nbsp;облыстық тәрбие спорт және қосымша білім беру орталығының директорының орынбасары Ерғали Алпысбаев, Сырдардия аграрлық-техникалық колледжінің директоры Дархан Қожахметов, марқұм Ғафур Зұлқарұлының жұбайы Нәзтай Тілемісова, сыныптасы Рахымбек Әкімжанов қатысты.Ардақты ұстаздың рухына тағзым ету іс-шарасында сөз сөйлеген аудан әкімінің орынбасары Димаш Серікбайұлы ардақты азаматтың өмір жолына, ел игілігі жолында атқарған қызметіне тоқталды.<blockquote>–&nbsp;Ғафур Үдербаев 1948 жылы Тереңөзекте дүниеге келіп, 1966 жылы орта мектепті бітірісімен Алматы халық шаруашылығы институтына түсіп, оны 1972 жылы экономист мамандығы бойынша бітірген. Еңбек жолын мамандығы бойынша аудан орталығындағы ірі мекемелерден бастаған. Аудандық жоспарлау комиссиясының аға экономисі, автотранспорт кәсіпорнында бөлім бастығы болды. Қызмет жолында алдымен коммуналдық кәсіпорындар комбинатының, содан кейін жолаушылар тасымалдау автоколоннасының бастығы қызметін атқарды. Өзінің негізгі жұмысымен қоса қоғамдық жұмыстарға қатысып, білікті экономист ретінде аудан бойынша экономикалық талдауларға, аудандық партия комитетінің бюро мәжілісіне мәселе дайындауға қатысты. Білікті маман әр тапсырмаға жауапкершілікпен қарады.</blockquote>Ғафур Үдербаев 1985 жылы қыркүйек айында халық депутаттары Тереңөзек поселкелік Кеңесі атқару комитетінің төрағасы болып сайланды. Ардақты азамат аудан орталығының қат-қабат тірлігіне жігермен кірісіп, әлеуметтік мекемелердің жылуы, суы, көшенің тазалығы, көркейту, көгалдандыру, қыстақ тұрғындарының тұрмыс жағдайы, жол жөндеу тағы басқа жұмыстармен нақты айналысып, оң нәтижелерге қол жеткізді. 1987 жылы мамыр айында халық депутаттары аудандық Кеңесі төрағасының орынбасары, аудандық жоспарлау комиссиясының төрағасы қызметіне ауысты. Ғафур Зұлхарұлы барлық көрсеткіштерді жоспарлау, орындалуын бақылау, экономика, қаржы, банк саласына жауапты болды.&nbsp;1999-2011 жылдар аралығында кәсіптік-техникалық училищені басқарды. Осы жылдарда аудан орталығындағы кәсіби маман дайындайтын жалғыз оқу орнының деңгейі мен дәрежесін көтерді, – деді Д.Байдушев.Ұлттық ойын тоғызқұмалақтан ұйымдастырылған еске алу турнирінде&nbsp;облыстық тәрбие-спорт және қосымша білім беру орталығы директорының орынбасары Алпысбай Сражадинұлы, сыныптас досы Рахымбек Әкімжанов, Ғафур Зұлхарұлымен бірге 40 жыл қызмет атқарған "Құрмет" орденінің иегері, Сырдария ауданының Құрметті азаматы Балшекер Өтегенова ардақты азамат туралы жылы естеліктерін айтты.Турнирге 9 командадан құралған 30 ұстаз қатысып, нәтижесінде жүлделі бірінші орынды Сырдария аграрлы-техникалық колледжінің командасы иеленді. Екінші және үшінші орынды Жаңақорған аграрлы-техникалық колледж және&nbsp;Исатай Әбдікәрімов атындағы Қызылорда аграрлы-техникалық жоғары колледжі алды. Жеңімпаздарға, үздік ойыншылар мен төрешілерге марқұм Ғафур Үдербаевтың отбасы атынан қаржылай сыйлық пен марапат ұсынылды.<blockquote>– Ел ағасы атанған өмірлік қосағым Ғафур Үдербаев өмірден өтсе де оның көзі тірісінде аудан үшін атқарған қызметі ел жадында. Бүгін өзі қызмет еткен колледжде еске алу турнирі өтті. Айтылған естеліктер азаматымның қажырлы еңбегіне берілген баға деп білемін. Ұйымдастырушыларға, келіп қатысқан командаларға алғысымды білдіремін, – деді Нәзтай Тілемісова.</blockquote>Бибісара ЖАНӘЛІ

Ардагер-ұстазды еске алу турнирі өтті 

<a href="https://kyzylorda-news.kz/">Kyzylorda-news.kz.</a> Жақында Қармақшы аудандық мәдениет үйінде аудан әкімінің қолдауымен, аудандық Көшеней Рүстембекұлы атындағы жыраулар үйінің ұйымдастыруымен дәстүрлі жыраулық өнерді жалғастыруға ғұмырының соңына дейін қызмет етіп, өнер бәйгесінде оза шауып, ел мақтанышы болған тұлпардың тұяғы, асылдың сынығы Арнұр Көшенейұлын еске алуға арналған «Асыл жырдың Арнұры» атты еске алу кеші өткізді. Бұл туралы Қармақшы ауданы әкімінің баспасөз қызметі хабарлады.&nbsp;Тәлімі мен тағылымы мол шараға Қармақшы ауданының әкімі Жандос Еркінбекұлы қатысып, Арнұр Көшенейұлының өнегелі өмір жолы мен жыраулық өнерді дәріптеуге қосқан сүбелі үлесі туралы сөз қозғап, ізгі тілегін білдірді.Сондай-ақ, кеште Қызылорда қаласының «Құрметті азаматы» Ырзақұл Саденұлы, Қармақшы ауданының «Құрметті азаматы» Талайлы Төребайқызы, Қазақстан Республикасы Мәдениет қайраткері Берік Рахманұлы, Қазақстан Республикасы «Мәдениет саласының үздігі» төсбелгісінің иегері, жырау Серік Жақсығұлов сөз сөйлеп, естеліктерімен бөлісті.Сыр сүлейлерінің мұрагері ұлықталған кеште елімізге белгілі жыршы-жыраулар өз өнерлерін көрсетіп, жыр сүйер қауымға көтеріңкі көңіл күй сыйлады. &nbsp;

 Белгілі жырау Арнұр Көшенейге арналған еске алу кеші өтті

<a href="https://kyzylorda-news.kz/">Kyzylorda-news.kz.</a> Биыл «Қазақстан Республикасы мәслихаттарының құрылғанына - 30 жыл» толуына орай 17 мамыр күні Қызылорда қаласында «Халыққа қолайлы инфрақұрылым. Жайлы шаһар жасау бастамалары» тақырыбында семинар-кеңес өтуде.Семинарға еліміздің сегіз өңірінен келген қалалық қалалық мәслихат төрағалары мен депутаттары қатысуда. Оның ішінде Зәкенов Сембіғали Төрешұлы - Ақтау қалалық мәслихатының төрағасы, Қалиев Есентай Ғиниятұлы - Орал қалалық мәслихатының төрағасы, Нажметдинов Қанат Нұрымұлы -Орал қалалық мәслихатының депутаты, Даржанова Анар Нұрлыбекқызы - Ақтөбе қалалық мәслихатының төрағасы, Бусурманов Руслан Амангелдіұлы – Ақтөбе қалалық мәслихатының депутаты, Олжабай Кенжебек Мамашбайұлы -Тараз қалалық мәслихатының төрағасы, Мауленов Нариман Бүлдешұлы – Тараз қалалық мәслихатының депутаты, Ахажан Темірболат Жанболатұлы Талдықорған қалалық мәслихатының төрағасы, Даутов Ыбрай Қызырханұлы Талдықорған қалалық мәслихатының депутаты,Шәкәрімов Данияр Қайырханұлы, Семей қаласы мәслихатының төрағасыӘкімов Дастан Алтайұлы Көкшетау қалалық мәслихатының төрағасы, Кожин Қобланбек Нұрмұханұлы Павлодар қалалық мәслихатының төрағасы бар. Семинар кеңеске қатысушы қонақтар алдымен Қызылорда қаласының әкімі Серік Қожаниязовпен кездесіп, өзара пікір алмасты. Қабылдауда шаһар басшысы қалада атқарылған жұмыстар мен алдағы перспективалық даму жоспарларымен таныстырды. Өз кезегінде әр өңірдің халық қалаулылары облыс орталығының сәулеттік келбетіне, дамуына, тазалығына жоғары бағаларын берді. Бүгінгі шара мәслихаттардың өзара әріптестік байланысын нығайтып, тәжірибе алмасуларына мол мүмкіндік береді.Қала әкімі өңірлік мәслихат төрағаларына арналған семинар-кеңестің жұмысына сәттілік тіледі.

Қызылорда қаласында өңірлік мәслихат төрағалары мен депутаттарының қатысуымен семинар-кеңес өтуде

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаменті Есірткі қылмысына қарсы іс-қимыл басқармасы тарапынан облыс көлемінде орта, орта арнаулы оқу орындарының оқушы, студенттері арасында «Есірткісіз өмір ғажайып…» тақырыбында фотосайыс ұйымдастырылды.Мақсат – кәмелетке толмағандар арасындағы нашақорлық проблемаларын және қатысушылардың ақпаратты қолжетімді ұсыну арқылы олардың жеке пікірлерін баяндау мүмкіндігін түсіндіру және өскелең ұрпақтың бос уақытын тиімді пайдалануға тарту.Облыстық финалдық байқауға 12-18 жас аралығындағы 40 оқушы, студент қатысты. Байқауда қатысушылар өз ойларын шығармашылықпен жеткізе білді, заманауи техниканың мүмкіндіктерін пайдаланып, өз суреттерінде нашақорлық проблемаларын көрсете алды.Сайыстық комиссияның шешіміне сәйкес: 25 қатысушы жеңімпаз деп танылды. Жүлдегерлер: Арал ауданының №№262, 14, 67 оқу орындарының оқушылары – Ұзақбаев Асхат, Сайлауова Гүлсезім, Байділдә Бекзат, Жантуғанов Нұржан, Қосанов Еркебулан, Шалғынбай Нұрислам, Мырзабай Іңкәр, Қарасаев Сырым, Асылбек Мирас, Қарасаев Мадияр; Қармақшы ауданының №№108, 30 орта мектеп оқушылары – Нұрланқызы Нұрсауле, Жұмабек Дастан; Жаңақорған ауданының №233 орта мектеп оқушысы – Еркінбек Саят; Қызылорда қаласының №№138, 23, 101, 112 оқу орындары мен №9 білім-инновациялық лицейінің оқушылары – Сабыр Әсел, Жиынбаева, Жұмабек Бекжан, Амина, Жұмабек Еркежан, Серікбай Ансалия, Ан Карина; Сырдария ауданының №35 мектеп-лицейінің оқушысы – Сағатов Ернұр; Шиелі ауданының №50 орта мектебінің оқушысы – Ғалымжанқызы Ханшайым; Қазалы ауданының №17 орта мектебінің оқушысы – Адилханова Алуа мен М.Маметова атындағы Қызылорда жоғары педагогикалық және «ORDA» жоғары колледждерінің студенттері – Ғалымжанқызы Анель, Сейфулмалик Малика, Ғалымжан Зарина.

«Есірткісіз өмір ғажайып…» тақырыбында фотосайыс ұйымдастырылды

<a href="https://kyzylorda-news.kz/">Kyzylorda-news.kz.</a> Партияның облыстық филиалы жанындағы Экология жөніндегі аймақтық кеңес мүшелері «Қызылорда су жүйесі» мемлекеттік коммуналдық кәсіпорнына қарасты биологиялық тазарту станциясы мен «Теміржолсу-Қызылорда» ЖШС өндірістік химиялық - бактериалогиялық зертханасы жұмысына мониторинг жүргізді.Титов қыстағында орналасқан Биологиялық тазалау станциясы 2008 жылы пайдалануға берілген. Қаламыздағы басты № 1, 11, 12, 13 кәріз насосты станциялары мен Талсуат елді мекенінде орналасқан «Оңалту орталығының» кәріз суларын қабылдайды.&nbsp;Биологиялық тазарту станциясында ағынды суларды биологиялық және механикалық тазарту жасалынады. Тазартылған сулар сүзгіден өтіп сүзгі алаңына жіберіледі.Мамандардың айтуынша 2018 жылы станциясының жаңа үлгідегі диспетчерлік-автоматтандырылған және электр қуатын үнемдеуші қондырғылары мен жабдықтарын қолданысқа енгізіп жаңашаландыруға» жобалық-сметалық құжаттары мемлекеттік сараптамадан оң қорытындысы алынған. «Қалалық құрылыс бөлімі» ММ-мен 2023 жылы құрылыс монтаж жұмыстарына мемлекеттік сатып алу порталына конкурс жарияланып, жеңімпаз мердігер мекеме «Мелиоратор» ЖШС-мен 4,328 млрд.теңгеге келісім шарт жасалған. Қазіргі таңда мердігер мекемемен тазарту станциясында демонтаж жұмыстары жүргізіліп аяқталған. Қондырғылар мен құрылғыларға тапсырыс берілген. Жобаның аяқталу мерзімі 2024 жылдың соңғы айы деп күтілуде. Алайда республикалық бюджеттен қаржы бөлінбеуіне орай жөндеу құрылыс монтаж жұмыстары тоқтап тұр.Мұнан соң кеңес мүшелері «Теміржолсу-Қызылорда» ЖШС өндірістік химиялық - бактериалогиялық зертханасында болды. «Теміржолсу-Қызылорда» ЖШС-нің теңгерімінде 88,3 шақырым су құбырының желісі, 38 су ұңғымасы, 3 су айдау стансасы, 1904 жылы салынған 16 қысымды су мұнарасы, сонымен қатар су құрамын үнемі бақылауда ұстап отыратын химия - бактериологиялық зертханасы бар. Зертханада судың құрамын зерттеудің 20 түрін жүргізеді.«Теміржолсу-Қызылорда» ЖШС-і бас инженері Бақытбек Оспановтың айтуынша серіктестік облыс бойынша 2700, қала бойынша 1200 жалпы 4 мыңға жуық абонентті ауыз сумен қамтамасыз етіп отыр. Су құбырларының тозығы жеткендіктен алдағы уақытта 23,333 шақырым су құбырларын ауыстыру жоспарланған. Дегенмен құбырлардың тозу деңгейін төмендетіп, авариялық мәселелердің алдын алу үшін қосымша бюджеттен қаржы қаралса дейді.Монитринг қорытындысымен кеңес мүшелері алдымен биологиялық тазарту станциясы бойынша құрылыс монтаж жұмыстарын жүргізуші мердігер мен тапсырыс беруші мекеме басшыларымен жедел жиын өткізу, ал «Теміржолсу-Қызылорда» ЖШС-і жұмысы бойынша халыққа сапалы және тұрақты ауыз су жеткізу үшін су құбырларының тозуы деңгейін төмендету мен авариялық мәселелердің алдын алу мақсатында мемлекеттік бюджеттен және «Қазақстан теміржолы» АҚ-на қосымша қаржы бөлуге қатысты нақты ұсыныстар жолданатын болды.&nbsp;

«AMANAT»: Экология жөніндегі аймақтық кеңес мүшелері мониторинг жүргізді

<a href="https://kyzylorda-news.kz/">Kyzylorda-news.kz.</a> Кеше Ахметжан Жанпейісов атындағы №105 мектеп-лицейі және аудандық жастар орталығының ұйымдастыруымен Жосалы кент орталығындағы білім ұйымдарының жоғары сынып оқушылары арасында алғашқы рет «Qadam» интеллектуалды сайыс болып өтті.Сайыстың мақсаты – оқушылардың білім деңгейін көтеру, сөйлеу шеберлігін жетілдіру, логикалық ойлау қабілетін жетілдіру болып табылады.Іс-шараға Қармақшы ауданының құрметті азаматы, Ыбырай Алтынсарин төсбелгісінің иегері, ардагер ұстаз Жалғасбаева Дәмелі Қожахметқызы, аудандық білім бөлімінің жанынан құрылған ата-аналар комитетінің төрағасы, ардагер ұстаз Алиев Мағауия Бердібекұлы және Ахметжан Жанпейісов атындағы №105 мектеп-лицейінің директоры Еркебаева Гүлзира Мұратбекқызы қатысты.Сайыстың қорытынды нәтижесінде оқушылар арасынан оқ бойы озық шыққан мектептің оқушысы Мирас Шахзадаев І орынды №30 қанжығасына байлады. Ал жүлделі ІІ орынға №250 мектеп-лицейінің оқушысы Ердәулет Орынбасаров жайғасты. Жүлделі &nbsp;ІІІ орынды №27 мектептің оқушысы Нұрсая Қанибаева иеленді. Сайысқа қатысушылар мен жеңімпаздарға бағалы сыйлықтар мен арнайы алғыс хаттар табысталды. &nbsp;

Қазақстан және Қызылорда облысының жаңалықтары