<a href="https://kyzylorda-news.kz/">Kyzylorda-news.kz.</a> Жалағаш ауданында инфрақұрылымдық жүйелерді жақсарту мақсатында бірқатар тындырымды жұмыстар атқарылуда. Күн тәртібінен түспейтін мардымды жұмыстың бірі – елді мекендердегі электр желілерін қайта жаңғырту. Бұл мәселеде бүгінде кезең-кезеңімен іске асырылып, жүйелі жұмыстар жүргізілуде.&nbsp;Аудан бойынша электр желілерінің жалпы ұзындығы – 457,5 шақырым, электр жүйелерінің орташа тозу деңгейі – 45,2 пайызды құрайды. 2023 жылы Ақсу, Қаракеткен елді мекендерінің электр желілерін қайта жаңғырту жұмыстарына республикалық бюджеттен 270,3 млн. теңге бөлініп, желтоқсан айында пайдалануға берілді.&nbsp;Ал биыл Мырзабай ахун, Т.Жүргенов, Аламесек елді мекендерінің электр желілерін қайта жаңғырту жұмыстарына 915 млн теңге бөлінген. Бүгінде Т.Жүргенов ауылында мердігер мекеме «Энергомера» ЖШС арқылы электрмен жабдықтау жұмыстары басталған. Жобаның сметалық құны – 423, 871 млн теңге. Оның ішінде құрылыстың сметалық құны – 288, 542 млн теңгені құрайды, жабдықтар – 66, 405 млн теңге. Ал басқа жұмыстар мен шығындар 68, 923 млн теңгені құраған. Желінің ұзындығы ВЛЗ-10 кВ 7 729 м, КЛ-10 кВ 200 м, ВЛИ-0,4 кВ 20 271 метрді құрайды. Қазіргі таңда жоспарланған 314 тұрғын үй тұсына бағана орнату жұмыстары жүргізілуде. 6 айда Т.Жүргенов ауылының тұрғын үй секторларын электрмен жабдықтау жұмыстары толық аяқталады.&nbsp;Ал Мырзабай ахун елді мекеніндегі тұрғын үйлер секторының инженерлік-коммуникациялық инфрақұрылым құрылысының жоба құны – 148,4 млн теңге. Мердігер мекеме – «НұрайАқжолРГ» ЖШС. Қазіргі таңда бұл елді мекенқұрылысын монтаждау жұмыстары қарқынды жүргізілуде.&nbsp;Ал Есет батыр елді мекеніндегі тұрғын үйлер секторының инженерлік-коммуникациялық инфрақұрылым құрылысының жоба құны&nbsp; – 338,8 млн теңге. Мердігер мекеме – «Сәт Сервис» ЖШС.&nbsp;Электр жүйесінің тозу деңгейі 25 пайызға азайту мақсатында Жалағаш кенті, Еңбек, және М.Шаменов елді мекендерінің электр жүйесін қайта жаңғырту жұмыстарына жобалау-сметалық құжаттар әзірлеу демеушілік есебінен жүргізілмек. &nbsp;Мұнан бөлек, алдағы уақытта кент пен елді мекендерде бірқатар жарқын жобалар жүзеге аспақ. Мәселен,&nbsp;Қаракеткен елді мекеніне 150 орындық ауылдық клуб құрылысына жоба-сметалық құжаттар әзірленіп, жоба толығымен сараптамадан өткізілген. Жоба құны – 639,2 млн теңге.&nbsp;Мұнан бөлек, кенттегі «Ақтерек» учаскесінде тұрғын үй секторының инженерлік коммуникациялық инфрақұрылымы (ПС-35/10 кВ электрмен жабдықтау желісінің қосалқы станциясы-2 кезең қосалқы станциясы) құрылысының жоба-сметалық құжаттарын әзірленіп, облыстық энергетика және тұрғын үй коммуналдық шаруашылық басқармасына құрылыс-монтаждау жұмыстарын қаржыландыруға бюджеттік өтінім тапсырылған. Жоба құны – 1 млрд 73 млн теңге.Жаңаталап елді мекеніне 100 орындық ауылдық клуб құрылысына жоба-сметалық құжаттар әзірленген. Жоба құны – 460,0 млн. теңге.Сонымен қатар Аламесек ауылдық округі, Есет батыр елді мекеніне ауыз су жүйесін жаңғырту және кеңейту жұмыстарына жоба-сметалық құжаттар әзірленіп, жобалаушы мекеме «КазГражданстройПроект» ЖШС-і жоба сараптамадан өткен. Жоба құны – 391,8 млн теңге.&nbsp;Ал Аққыр ауылдық округіндегі «Аққыр» каналын қазу құрылысына жобасының&nbsp; құны – 560,5 млн.тенге.Сондай-ақ халықтың әлеуметтік жағынан осал топтары үшін жалға берілетін жаңа тұрғын үйлерді сатып алу бойынша да бірқатар жұмыстар бір жолға қойылған.Азаматтарды баспанамен қамтамасыз етіп олардың әлеуметтік экономикалық жағдайын жақсартып халықтың даму мақсатында 2024 жылға Қазақстан Республикасы Ұлттық қорынан 5 тұрғын үйлер сатып алуға 63,6 млн. теңге бөлінген. Қазіргі таңда кент орталығында 5 тұрғын үйлерді сатып алуға байланысты жұмыстар жүргізілуде.&nbsp;

Жалағашта құрылыс жұмысы қарқын алуда

<a href="https://kyzylorda-news.kz/">Kyzylorda-news.kz</a> &nbsp;Бүгін облыстық білім басқармасының басшысы Асқарбек Есжанов, Арал ауданының әкімі, филология ғылымдарының кандидаты Аманжол Оңғарбаев пен Қызылорда ашық университетінің ректорының міндетін атқарушы Абайбек Жүнісов, университет ғалымдары мен профессор-оқытушылары, білім алушылар және БАҚ өкілдерінің қатысуымен Қызылорда ашық университетінің Арал қаласындағы қашықтықтан білім беру орталығын ашу жөніндегі меморандумға қол қойды.Қызылорда ашық университеті 25 жыл тарих бедерінде алған асулары мен бағындырған белестері қоғамда лайықты орынға ие болған, бүгінде бакалавриаттың 23 білім беру бағдарламасы бойынша білім беру қызметін жүргізіп келеді.Университет ғалымдары ғылыми және ғылыми-техникалық жобаларды гранттық қаржыландыру конкурсына қатысып, бірнеше жоба бойынша гранттық қаржыландыруды жеңіп алды. Сонымен қатар жергілікті атқарушы органдар ұйымдастырған конкурстарда университет ғалымдары өз жобаларымен қатысып, бірнеше мәрте жеңімпаз атанған.2022 жылы маусым айында университет Қазақстан Республикасында танылған аккредиттеу органдарының тізіліміне енген Қазақстанның Заманауи Элиталық Білім Ассоциациясы (KAZSEE) арқылы халықаралық институционалдық және білім беру бағдарламаларының мамандандырылған аккредиттеуінен өтіп, 5 жыл мерзімге институционалдық және білім беру бағдарламаларының мамандандырылған аккредиттеуінен өткендігі туралы сертификаттар берілген.2024 жылғы 23 наурызда Қызылорда ашық университеті Азия Ашық университеттер қауымдастығына (Аsian association of open universities - AAOU) қауымдастырылған мүшесі болып қабылданған. Қауымдастықтың 23 толық мүшесі, 18 қауымдастырылған мүшесі бар. Қызылорда ашық университеті бұл қауымдастықтағы алғашқы және жалғыз қазақстандық жоғары оқу орны ретінде 1987 жылы құрылған Азиялық ашық университеттер қауымдастығы негізінен ашық және қашықтықтан білім беруге арналған жоғары оқу орындарының ұйымы қатарында екені белгілі.Қызылорда ашық университетінің Арал қаласындағы қашықтықтан білім беру орталығын ашудағы басты мақсат университеттің атауы айтып тұрғандай ашық, қолжетімді білім беру мүмкіндіктерін кеңейту және білім беруді басқару, оқыту және зерттеу тұрғысынан оқу орынның сапасын жақсарту, қашықтықтан оқыту жүйелері мен кәсіби стандарттар арқылы білім беруге ықпал жасау, ашық және қашықтықтан білім беру мүмкіндіктерін кеңейту болып табылады.Фото: Нұрболат Нұржаубай

Екі жақты меморандумға қол қойды

<a href="https://kyzylorda-news.kz/">Kyzylorda-news.kz.</a>&nbsp; Бүгін Өңірлік коммуникациялар қызметінің ақпарат алаңында&nbsp;Арал ауданының әкімі Оңғарбаев Аманжол Сақыпұлы БАҚ өкілдеріне брифинг өткізді.Кездесуде Аманжол Сақыпұлы ауданның әлеуметтік-экономикалық дамуына қатысты жұмыстарға тоқталды. Сондай-ақ алдағы міндеттер талқыланды. Жыл басынан бері ауданға 4,1 млрд.&nbsp;теңгеге жуық инвестиция тартылып, өсім 16,4 пайызды &nbsp;құрады. Оның&nbsp;36,6 пайызы, яғни 1,5 млрд. &nbsp;теңгесі&nbsp;ауылдық &nbsp;жерлерге, &nbsp;қалған 2,6 млрд. теңгесі &nbsp;Арал&nbsp;қаласына&nbsp;тиесілі. Бұл туралы Арал ауданының әкімі А.Оңғарбаев айтып өтті.<blockquote>–&nbsp;Ауданымыздың 2024 жылғы бюджеті 15,2 млрд.теңгемен &nbsp;бекітіліп, өткен жылмен салыстырғанда 105,3 пайызға жоғарылады (2023 жылдың бекітілген бюджеті 14,4 млрд). Есепті мерзімде өңірдің барлық кірістері 3 млрд теңгені құрап, 107,5 пайызға&nbsp;өсті.&nbsp;Оның &nbsp;ішінде, өз түсімдеріміз &nbsp;1 млрд. теңгені&nbsp;құрап,&nbsp;25,4 пайызға артық&nbsp;орындалды, – деді А.Оңғарбаев.</blockquote>Арал ауданының әкімі брифингте әр салаға кеңінен тоқталды. Соның бірі – білім саласы. Мәселен биыл оқу жылын 942 түлек бітіреді. Оның &nbsp;ішінде Алтын белгіге үміткерлер саны – 35, Үздік аттестатқа үміткерлер саны – 63. Ұлттық бірыңғай тестіге &nbsp;1 кезеңіне 682 оқушы, 2 кезеңіне 679 оқушы қатысады.Фото: Нұрболат Нұржаубай

А.Оңғарбаев: Әлеуметтік салада  оң серпін  бар

<a href="https://kyzylorda-news.kz/">Kyzylorda-news.kz.</a> Қаһарлы қыстан кейін көктемді асыға күтетініміз рас. Жер бусанып, тіршілікке жан бітіретін көктем бұл жолы ақтөбеліктерді әбігерге түсірді.&nbsp;Мемлекет басшысы су тасқынына байланысты елдің он аймағында төтенше жағдай жариялады. Олар: Абай, Ақмола, Ақтөбе, Атырау, Батыс Қазақстан, Қарағанды, Қостанай, Павлодар, Солтүстік Қазақстан және Ұлытау облыстары. Иә, көктемде асау мінез танытқан су тасқыны Мемлекет басшысы Қасым-Жомарт Тоқаевтың тікелей бақылауында. Қазақстандықтарға арнайы үндеу жолдап, бұл көлемі жағынан соңғы 80 жылдан бергі ең ірі табиғи апат деуге болатынын айтты. Сондай-ақ, тасқын салдарынан туындаған төтенше жағдайға байланысты шұғыл кеңес барысында бірқатар әкімдердің қызметіне сәйкес келмейтінін тілге тиек етіп, сынға алған-ды. Тиісінше Президент су тасқынынан келген залалды қалпына келтіруді қатаң тапсырды. Тіпті шұғыл шаралар қабылдаумен қатар, жүйелі жұмыстың қажет екенін айтқан-ды.&nbsp;"ЖЫЛЫ ЖАУЫП ҚОЯТЫН ЖАЙТ ЕМЕС"Көктемде ріген қар суының өзі-ақ тасқынға қам-қарекетіміздің қандай шамада екенін айғақтап берді. Бұл – тосын емес, жылда біз қарсы алатын тасқын су. Бірақ биылғысы бұрынғысынан "бөлектеу" болып тұр. Бір сөзбен айтқанда, белуардан су кешкізді. Енді ғана қалыпқа келе бастаған жолдарды су шайды. Еліміздегі бірнеше ауыл атымен жоқ болып, су астында қалды. Осылайша, бір ғана су тасқыны экологияға, климатқа, жерге, суға қатысты бірнеше шикіліктің шетін шығарды. Дәл қазір бұқараны толғандыратын сауал көп. Соның ең өзектісі – бұрын-соңды дәл осындай қауіппен бетпе-бет келмеген Қазақстанды табан астында топан су неге төпелетті?Мұңға айналып тұрған мұндай жағдайдың негізгі себебін тәуелсіз сарапшылар, агросарапшылар мен экологтар климаттың өзгеріске ұшырағанымен байланыстырып отыр. Тіпті қыс мезгілінің кеш келуі де сеп. Оның үстіне сол мезетте жауған жаңбыр тоңды қатырып тастағандықтан, еріген қар суы жерге сіңбеуде. Бұл әрине, эколог-сарапшылар пайымы.&nbsp;Осы жағдайға байланысты пікір алу үшін Шиелі ауданының "Құрметті азаматы" Жамалхан Баетұлымен байланысқа шықтық. Сонда ол:<blockquote>– Климаттың өзгергеніне кінәлі – өзіміз. Ауаны мейлінше, мөлшерден тыс ластап жатырмыз. Соның салдарынан қыс мезгілі уақытында келмеді. Бұл жылы жауып қоя салатын жайт емес. Дәл қазір бұқара басындағы үлкен ауыртпашылық болып тұр. Әрине, бұл табиғи апат деп айтылады. Рас, қар да кеш түсті. Қар түскен соң да еріп-қатып, арасында жаңбыр жауды. Қаңтар айының аяғына таман қар өте тығыз болды. Салдарынан осы күйге жеттік. Өткенге шегініс жасасақ. Кеңес үкіметі тұсында кеңшар (совхоз) және ұжымдық шаруашылықтар (колхоз) егінді және басқа да дақылдарды көп екті. Қыста егіс алқабында бірнеше рет қар тоқтатылған-ды. Гидромелиорациялық құрылыстар су қоймалары, дамбалар, плотиналар болды. Арнайы гидромелиорациялық мамандар бақылап отырды. Қазір бұл жүйе толығымен жойылды. Экология министрлігі тегіннен тегін құрылған жоқ. 30 жылдан бері талап-тәртіпке сәйкес біраз тыңғылықты жұмыстар істелді. Облыстарда орталық, аудандарда бөлімдер ашылып, арнайы инспекторлар болатын. Олар үнемі бақылап отыратын. Тек суды ғана емес, халыққа пайдасын келтіріп, зиянын тигізетін экологиялық мәселелердің алдын алатын арнайы бөлімдер бар болатын. Осы сәтті пайдаланып, бір ұсыныс айта кеткім келеді. Осындай табиғи апаттарды алдын ала болжап, тексеріп отыратын экологиялық бөлімдер аудан, ауылдарда қайта жанданса. Иә, барлық нәрсе тыныштыққа, амандыққа байланысты. Одан кейін адамзатқа керегі экологиялық хал-жағдайдың жақсы болуы. Экологиялық тепе-теңдік бұзылса, нағыз апат сонда болмақ, – дейді</blockquote>МӘСЕЛЕНІ МИНИСТРЛІКТІҢ МОЙНЫНА АРТЫП ҚОЮ, ЖАРАМАС"Жасыратыны жоқ, жылда қайталанатын су тасқынын Төтенше жағдай министрлігіне жүктеп қойдық". Мұны Water hub халықаралық зерттеу орталығының директоры Анатолий Рябцев енді еріген қар суын өткізуге дайындық жүйесін қайта қарау керек деп есептейді.<blockquote>– Біріншіден, біз бәрін төтенше жағдай министрлігінің мойнына артып қойдық. Бұл дұрыс емес. Бұл салада 1972 жылдан бері істеп келемін. Бізде бұрын шығын бойынша бюджет бабы да болатын. Тасқын суын апатсыз өткізуге бюджет қарастырылатын. Егер техникалық жабдықтарды уақытында жөндемесеңіз, мұзды оймасаңыз, су жолын дайындамасаңыз, ертеңгі күні су жолды шаяды. Соған дайындалу керек. Бізде жергілікті билік шала-шарпы іс қылады, байыбына бармайды деп ойлаймын. Себебі, кейбір аумақта жыл сайын бір жерді ғана су басады, оны өткеріп алған соң, тағы тосып отырады. Алдын ала дұрыс шара қолданылмайды. Бұл жағы бізде ақсап жатыр, – дейді Анатолий Рябцев.</blockquote>Тасқынға қарсы жұмыстарға төтенше жағдай қызметінен гөрі сушылар көбірек араласса, жағдай оңалар ма еді?! Неге десеңіз, су қоймалары мен су инфрақұрылымдарының жағдайын олардан жақсы білетін ешкім жоқ. Мұны да су сарапшысы Анатолий айтып отыр. «Тиісінше, бюджеттің бір бөлігі су ресурстары министрлігіне бөлінгені жөн. Сонда ғана тасқынмен күрестің салдарымен емес, себебімен күрес басталады», – дейді ол.«Қар суын қуаңшылыққа пайдаланса…»Қазір Үкімет отырыстарында, министрліктер жиындарында тасқын мәселесі қаралып жатыр. Қалың суды қоймаларға барынша сақтап қалып, қуаңшылық кезінде кәдеге жаратсақ деген ұсыныс айтылу үстінде. Президент қарғын суды ауыл шаруашылығы қажетіне жарату үшін жоспар әзірлеу және пәрменді шаралар қабылдауды тапсырды.&nbsp;Мамандардың мәлімдеуінше, мұндай әдіс Кеңес үкіметі кезінде тиімді қолданылыпты. Көктем кезінде еріген қар суын жайылымдық жер, шабындықтарға бұруды көлдете суғару деп атайды. Бұл әдіс су тасқынының алдын алады әрі жерді ылғалдандырады. Бірақ, ол кезде канал, арықтар алдын ала тазартылып, су жүретін жолдар аршылып отырған екен. Соның арқасында еріген су дұрыс бағытпен ағып, елдімекендерді су баспаған. Ал шабындық пен жайылымдық жерге жеткен су топырақты ылғалдандырып отырған. Соның арқасында жер мол өнім береді екен.&nbsp;Бұл шаруаны шашау шығармай атқарса, онда аудандағы жайылым, егістік жерлеріне жан бітер ме еді?&nbsp;Әрине, мол суды сақтап қалу үшін қоймалардың жеткілікті болуы да маңызды. Қазір тағы да ірі 20 су қоймасын салу жоспарланып отыр. Бұған да сарапшылар түрлі пікірін білдіріп жатыр. Тасқын мәселесін шешудің ең тиімді жолы осы десе, енді бірі оған бағытталған қыруар қаржыға технологияны жаңғыртсақ, инфрақұрылымды жаңартсақ деп жатыр.&nbsp;Қалай болғанда да, елдің үй-жайы, малы суға кетіп, халықтың да «салы суға кетіп» шаршаған. Үкіметтің де шығыны – бұл. Нидерланд мемлекетіндегідей халықты су тасқынынан қорғайтын ең ауқымды «Дельта» бөгетіндей болмаса да, жаңа инженерлік жобаның қажеттілігі ауадай аңғарылып тұр.&nbsp;«Дельта» бөгетінің негізгі ұзындығы 2,5 мың шақырым болса, көмекші бөгеттер 13 мың шақырымды құрайды. Бөгеттердің көбі теңіз тыныш кезінде ашық тұрады. Ал дауыл тұрып, су деңгейі көтеріле бастағанда автоматты жүйе дабыл қағып, дамбалар жабылады. Тасқынға осылай тосқауыл қойған. Бөгеттер жел энергиясы арқылы жұмыс істейді. 1953 жылы Нидерланд еліндегі тасқыннан 133 елді мекенді су алып, 1835 адам опат болған еді…«Отыз жылдағы ең ірі су тасқыны»Мемлекет басшысы Қасым-Жомарт Тоқаев республикалық штабтың отырысында осылай деді. Жұмыстарына немқұрайды қараған бірнеше билік өкіліне қатаң сөгіс және сөгіс берді. Жауапты органдар мен салалық қызметтердің (Қазсушар, Қазгидромет) жобалау, сараптама жасау жұмыстарын сынға алды. Цифрлық даму министрлігі Экология, Су ресурстары және Төтенше жағдайлар министрліктерімен бірлесіп, жыл соңына дейін барлық ықтимал төтенше жағдайларды (су тасқыны, өрт және т.б.) модельдеуге, тиісті болжамдар, ұсынымдар мен іс-қимыл жоспарын жасауға мүмкіндік беретін ақпараттық жүйе әзірлеуді жүктеді.&nbsp;

Жамалхан Баетұлы: Аймағымыздың экологиясына көңіл бөлуіміз керек

<a href="https://kyzylorda-news.kz/">Kyzylorda-news.kz.</a> 15 мамырда әлем жұртшылығы халықаралық отбасы күнін атап өтеді. Бұл мереке алғаш рет 1994 жылы аталып өтілген. Отбасы – әр адам үшін ең жақын әлеуметтік ортасы, қоғамның маңызды бір бөлшегі. Ұрпақ пен ұрпақты табыстырушы, тұтастықтың отын жағушы ерекше ұя. Ықылым заманнан қазақ ұғымында отбасының орны ерек.&nbsp; «Отан отбасынан басталады» деген дана халқымыз отбасының қадір-қасиетін жақсы түсіне білген. Мықты мемлекеттің қалыптасуы үшін әрбір үйдің, әрбір шаңырақтың береке-бірлігі жарасымды, ынтымағы ырысты болуы керек. Ал жанұяның береке-бірлігі – әр баланың болашақ қадамы. Бала отбасының жылуын, қолдауын сезінгенде ғана бақытты болып ержетеді.&nbsp;&nbsp; Осы ретте Халықаралық отбасы күніне орай Қармақшы ауданы әкімінің орынбасары Самат Қыдырбекұлы үлгілі, өнегелі, мерейлі отбасыларды қабылдап, мерекемен құттықтады.&nbsp; Аудан әкімінің орынбасары отасқандарына 50 жыл толған алтын шаңырақты, 25 жыл толған күміс керегелі, еңбегімен елге танылған еңбек отбасылары мен көпбалалы және ерекше бала тәрбиелеп отырған рухты отбасыларға аудан әкімінің ыстық ықыласын жеткізді.<blockquote>– Отбасы адамнығң өсіп-өнетін, қанатын қомдап ұшатын алтын ұясы ғана емес, мемлекеттің іргетасы. Бала мейірім мен адалдықты, адамгершілік пен тектілікті, туған топырақта, өскен ұяда бойына сіңіреді. Мемлекет басшысы Қасым-Жомарт Тоқаевтың «Бақыты берік шаңырақ берекелі қоғамның және мемлекеттің мызғымас тірегі дегеніндей отаншылдық пен жауапкершілік, парасаттылық пен ізеттілік, еңбекқорлық пен жасампаздық сияқты асыл қасиеттер ең жақын жандардың үлгі-өнегесі мен ықпалының арқасында қалыптасады. Бала қандай жоғары жетістікке жетсе де ол ұшқан ұясында көргені мен отбасындағы тәлім-тәрбиенің, береке-бірліктің жемісі. Сіздер бүгінгі жастардың бағдаршамы, тілеуқорысыздар. Сіздердің баталарыңызбен біздің ісіміз алға баса бермек. Отбасы күні баршаңызға құтты болсын, бақытты ғұмыр тілеймін, – деді аудан әкімінің орынбасары Самат Смағұлов.&nbsp;</blockquote>&nbsp;Шаңырағында шаттық орнаған отбасыларға аудан әкімінің құттықтауы жеткізіліп, сый-сияпат табысталды. Сонымен қатар осы өнегелі жиында су тасқыны кезінде көмек көрсеткен бірнеше ерікті азамат марапат төрінен көрінді. Қайырымдылықты ту еткен жастар мен береке-бірлігі жарасқан отбасылар бас қосқан тағылымды кездесуде аудандық әйелдер кеңесінің төрайымы Гүлжауһар Төлегенқызы марапат төрінен көрінген жандарды мерейлі мерекемен құттықтап, ізгі лебізін білдірді.&nbsp;

Қармақшыда отбасы күні аталып өтілді

<a href="https://kyzylorda-news.kz/">Kyzylorda-news.kz.</a>&nbsp; Байланыс қызметкерлері күні облыс әкімі Нұрлыбек Нәлібаев байланыс саласының ардагері Әбдіхан Көбеевті 90 жас мерейтойымен және бүгінгі кәсіби мерекесімен құттықтады. Іс-шараға ардагерлер мен зиялы қауым өкілдері, Әбдіхан Жұмахметұлының әріптестері қатысты.Аймақ басшысы байланыс саласының мемлекет пен қоғам өміріндегі маңызды стратегиялық рөлін атап өтіп, мерейтой иесіне ізгі тілегін жеткізді.«Сыр өңірінде адал еңбек, маңдай терімен халықтың құрметіне бөленген жандар жетерлік. Парасат биігіндегі ардақты азаматтарымыздың арқасында әрдайым бекем бірліктің, тату тірліктің үлгісін көрсетіп келеміз. Саналы ғұмырын аймағымыздың әлеуметтік-экономикалық, мәдени-рухани дамуына арнаған, елдің қошеметіне бөленген өздеріңіздей азаматтарды ардақтап, лайықты құрмет көрсетуді дәстүрге айналдырдық.Бүгін Байланыс қызметкерлерінің кәсіби мерекесі қарсаңында осы саланың дамуына ерекше еңбегі сіңген ардагер, «Құрмет» орденінің иегері Көбеев Әбдіхан Жұмахметұлының мерейлі 90 жас қуанышына орай жиналудамыз. Аймақтағы байланыс саласының қарқынды дамуына үлес қосқан, байланысшылардың бірнеше толқынын тәрбиелеген ұстаз ретінде сізге алғысымыз шексіз. Тілеулес азаматтардың, ақ адал ниетті жерлестеріңіздің атынан сізді мерейтойыңызбен шын жүректен құттықтап, деніңізге саулық, отбасыңызға амандық тілейміз!», – деді Нұрлыбек Машбекұлы.Іс-шарада мерейтой иесіне Қызылорда облысының «Құрмет» грамотасы табысталды.Әбдіхан Көбеевті құқық қорғау саласының ардагері Нұрахмет Ералиев, Қызылорда облысының Құрметті азаматтары Биғали Қаюпов, Айтбай Көшербаев құттықтады.Әбдіхан Жұмахметұлы 1934 жылдың мамыр айында Арал қаласында дүниеге келген. 1953 жылы Ташкент қаласындағы Орта Азия политехникалық институтының «Тау-кен» факультетіне, 1956 жылы Қазақстан, Орта Азия республикаларының байланыс саласына маман даярлау үшін арнайы ашылған электротехникалық байланыс институтына оқуға түсіп, үздік бітірген. Мемлекеттік комиссия жолдамасымен еңбек жолын 1960 жылы Қызылорда байланыс басқармасында инженер болып бастаған. 1961-1970 жылдары Арал аудандық байланыс қызметінің, 1970-1979 жылдары Қызылорда қаласының біріккен байланыс кеңсесінің бастығы болған.Әбдіхан Жұмахметұлы аудан, облыс, республикада өз саласына байланысты ұсыныстарды, атап айтқанда, автоматты телефон стансасын Қызылорда облысында бірінші кезекте салу туралы мәселе көтерген. Негізделген дәлелдердің арқасында облыстағы бірінші АТС-ты Арал қаласында салу жөнінде шешім қабылданып, 1966 жылы жаңа станса іске қосылған. Сонымен бірге, облыс аудандарының ішінде бірінші болып Арал қаласында телевизиялық орталық салынып, ел игілігіне табысталған. Ол 1979-1995 жылдары Қызылорда облысының өндірістік-техникалық байланыс басқармасының бастығы қызметін абыроймен атқарды, саланы 34 жыл басқарып, құрметті зейнет демалысына шықты. Қызмет жолында облыстық партия комитетінің мүшесі, облыстық кеңестің депутаты болып, өңірдің өзекті мәселелерінің шешілуіне белсенді атсалысты.Фото:&nbsp;Қызылорда облысы әкімінің баспасөз қызметі

Облыс әкімі байланыс саласының ардагерін мерейтойымен құттықтады

<a href="https://kyzylorda-news.kz/">Kyzylorda-news.kz.</a> Жалағаш ауданы бойынша жаппай кәсіпкерлікті дамыту бағытында бірқатар жұмыстар атқарылған. Сала мамандарының айтуынша аудан бойынша биылғы жылдың 2 айында тіркелген шағын және орта кәсіпкерлік субъектілерінің саны – 2&nbsp;863 бірлікті құраса, нақты жұмыс жасап тұрған кәсіпкерлік субъектілерінің саны – 2&nbsp;726 бірлікке артқан.&nbsp;Айта кетейік, макроэкономикалық көрсеткіштер бойынша аудан бойынша биыл негізгі капиталға тартылатын инвестиция көлемі 20 млрд. 400 млн теңгеге жоспарланып, 1 сәуірге дейін 5 млрд. 429,4 млн теңгені құрап, өткен жылдың тиісті кезеңімен салыстырғанда 111,1 пайызға орындалған. Мұнан бөлек, 32 млрд теңгеге өнеркәсіп өнімдерін өндіру жоспарланса, 2 айда өндіруші мекемелер мен кәсіпорындар және жеке секторлар арқылы 5 млрд.775,0 млн теңгені құрайтын өнеркәсіп өнімдері өндіріліп, 102,2 пайызды құраған.&nbsp;Оның ішінде, өңдеу өнеркәсібі бойынша 8 млрд. теңгеге өнім өңдеу жоспарланып, 1 сәуірге 2 млрд. 252,0 млн. теңгенінің өнімі өңдіріліп, 372,8 пайызды құраған.Сонымен қатар, бөлшек сауда айналымының көлемі 2024 жылғы 4 млрд. теңгеге жоспарланса, 1 сәуірге 774,8 млн. теңгені құрап, өткен жылдың тиісті кезеңімен салыстырғанда 101,4 пайызға орындалды.&nbsp;Мемлекеттік және өңірлік бағдарламалар аясында шағын және орта кәсіпті бастау немесе жұмыс істеп тұрған кәсібін әрі қарай дамыту бағытында аудан бойынша жыл басынан бері 21 жоба 557,7 млн. теңгеге қаржыландырылса, мемлекеттік және өңірлік бағдарламалар арқылы несие алуға бүгінгі күнге 60 адам өз өтінішін білдірді. Бұл жұмыстар жыл соңына дейін жүйелі түрде жүргізілетін болады. «Аграрлы Несие Корпорациясы» АҚ-ның облыстық филиалының жеке қаражаты есебінен 18 жоба 547,7 млн. теңгеге, «Қызылорда» Өңірлік инвестциялық орталығы» микроқаржы ұйымы» ЖШС-нің «Микробизнес Қызылорда» бағдарламасы аясында 3 жоба 10,0 млн. теңгеге қаржыландырылды.Ал былтыр Мемлекет басшысының тапсрымасына сәйкес&nbsp;жеңілдетілген 2,5 пайыздық «Ауыл аманаты» жобасы аясында Жалағаш ауданы бойынша «Байқоңыр әлеуметтік-кәсіпкерлік корпорациясы» АҚ арқылы өндіріс, асыл тұқымды мал шаруашылығы, қызмет көрсету, өсімдік шаруашылығы бағытында 2023 жылы 179,7 млн. теңгені құрайтын 22 жоба қаржыландырылды. Атап айтар болсақ өңдеу саласы бойынша – 7 жоба 50,3 млн. теңге, өсімдік – 6 жоба 47,2 млн.теңге, техника сатып алу – 5 жоба 36,0 млн. теңге, асыл тұқымды мал шаруашылығы – 3 жоба және басқа да салалар бойынша – 1 жоба 7,6 млн теңге.&nbsp; Аталған жобаларбиыл өз жемісін беретін болады. Мәселен кент бойынша 11 жоба 87,8 млн теңгені құраса, Таң ауылдық округінде 1 жоба 14,0 млн теңге болса, Жаңаталап ауылдық округіндегі 1 жоба 2,5 млн теңге. Ал Мақпалкөл ауылында 2 жоба 10,4 млн теңгеге қаржыландырылған. Мұнан бөлек, Бұқарбай батыр ауылында 1 жоба 4,0 млн теңгені, ал Еңбек ауылындағы 1 жоба 8,5 млн теңгені құраған. Жаңадария ауылдық округіндегі 2 жоба 13,6 млн теңге болса, Аламесек ауылдық округіндегі 2 жобаның құны 16,4 млн теңге. Ал Аққыр елді мекеніндегі 1 жоба 22,5млн теңгеге қаржыландырылған.Биыл да «Аманат» партиясы арқылы «Ауыл аманаты» жобасына түсіндірме жұмыстары кең көлемде тұрақты&nbsp; түрде жүргізілуде.Бұдан бөлек, 2023 жылы жыл көлемінде мемлекеттік бағдарламалар арқылы және жеке қаражаттары есебінен жалпы құны 1 млрд 701 млн теңгені құрайтын 16 жоба іске қосылып, 76 адам жұмыспен қамтылса, биылғы жылы жалпы құны 1 млрд 220 млн теңгені құрайтын 5 жоба іске қосылып, 46 жаңа жұмыс орны ашылатын болады. Мәселен, жеке кәсіпкер Ш.Серіковтың 1000 басқа арналған құс фермасының жоба құны 20,0 млн теңге. Ол осы жоба аясында 3 адамды тұрақты жұмыспен қамтымақ. Мұнан бөлек, Е.Қайповтың сауда орталығы. Жоба құны 100,0 млн теңге. Жоба аясында 5 адам жұмыспен қамтылмақ. Ал жеке кәсіпкер Д.Ержановтың &nbsp;жобасының құны 500,0 млн теңгені құрайды. Жоба аты – «Күріш ақтау және жем өңдеу зауыты». Бұл жоба аясында 50 адам жұмыспен қамтылады. Жеке кәсіпкер Н.Пірәлінің «Асфальт-бетон өндіру зауыты» жобасының&nbsp; құны 500,0 млн теңге. Мұнда 15 адам жұмыс жасайды. Сондай-ақ жеке кәсіпкер Б.Ахметованың «Далида-2» сауда орталығының құрылысы. Жоба құны 100,0 млн теңге. 3 адам жұмысқа қабылданады.&nbsp;Сонымен қатар, 2023 жылы&nbsp;өңдеу өнеркәсібіне бағытталған инвестициялық жобалар пулы аясында 1 млрд. 30 млн. теңгені құрайтын екі жоба іске асырылды.&nbsp;Біріншісі: «АВ-AGRO» ЖШС-нің құны&nbsp;500,0 млн. тенгені құрайтын тәулігіне 30 тонна&nbsp;күріш ақтау және жем өндіру зауыты.&nbsp;Жоба толықтай іске қосылып, алдағы уақытта тәулігіне 30 тонна ақ күріш шығарып, 5 тонна жем өндіретін болады. Сондай-ақ 5 адам жұмыспен қамтылды.Екіншісі: «Бағдаулет-57» фермер қожалығының жалпы құны 530,0 млн. теңгені құрайтын «100 бас ірі қара малына арналған сүт фермасы».&nbsp;«Аграрлы несие корпарациясы» АҚ арқылы 364,0 млн. теңге несие қаражаты, жеке қаражат есебінен 166 млн. теңге. Чехия мемлекетінен 96 бас ірі қара малы әкелінді. Қазіргі таңда шет елден әкелінген сиырлары төлдеп жатыр, сауынға тұрғаннан кейін жоба толық іске қосылып, тәулігіне 3000 литр сүтті өңдеп, өнім шығаратын болады. 10 жаңа жұмыс орны ашылады.Мемлекет басшысының тапсырмасына сәйкес құрылған Бірыңғай Жалпыұлттық жобалар пулы, Өңдеу өнеркәсібіне бағытталған жобалар пулы, Бірыңғай индустрияландыру картасы аясында ағымдағы жылы Жалағаш ауданы бойынша жеке кәсіпкер Ержанов Дастанның жеке қаражаты есебінен құны&nbsp; 500 млн. теңге болатын «Күріш ақтау және жем өндіру зауыты» жобасы жыл соңына дейін іске қосылып, жаңадан 20 адамды тұрақты жұмыспен қамтитын болады. Қазіргі таңда тиісті құжаттары заңға сәйкес рәсімделуде.Сонымен қатар «УНО-ПРОФ Строй» ЖШС-нің құны 500,0 млн. теңгені құрайтын «Асфальт - бетон өндіру зауыты»&nbsp; жобасын жүзеге&nbsp;асыру жоспарлануда. Жоба іске қосылған уақытта жаңадан 15 жаңа жұмыс орны құрылатын болады. Бүгінгі күнге аталған жобаны орналдастыру үшін Бұқарбай батыр ауылдық округінен 5,5 гектар берілді.Сондай-ақ қыш өндіру зауытымен балық өндіру жобаларын іске асыратын боламыз, қазіргі таңда жоба жан жақты зерттелуде.

Жаппай кәсіпкерлікті дамыту жұмыссыздықты азайтады

<a href="https://kyzylorda-news.kz/">Kyzylorda-news.kz.</a> Санаулы күннен кейін 11-сынып оқушылары тарыдай болып кірген алтын ұяларымен, білім мен тәрбие беріп таудай қылған аяулы ұстаздарымен қоштасып, жауапкершілікті өмірдің алғашқы баспалдағына қадам басады. Барлығының дәл қазіргі арманы бір. Ол ұлттық бірыңғай тестілеуден жоғары балл жинап, қалаған мамандығын меңгеруге кірісу. Өмірде қателеспеу қажет екі нәрсе болса, соның бірі мамандық таңдау. Ол сенің өмір бойы айналысатын жұмысың. Мектеп қабырғасында мамандық таңдауға кеңес, бағыт-бағдар беретін іс-шаралар мен кездесулер жиі ұйымдастырылады. Бірер күн бұрын Қармқшы аудандық білім бөлімі №26 орта мектепте білім, спорт додаларында топ жарып, аудан абыройын асқақтатып жүрген дарынды жас түлектердің аудан әкімі &nbsp;Жандос Еркінбекұлымен еркін форматта кездесуін &nbsp;өткізді.&nbsp;&nbsp; &nbsp;Әкім әңгімені өзі жайында бастады. Отбасы, ата-анасының тәрбиесі, оқыған мектебі, мамандығы туралы айтты. Оқушылар тарапынан қызықты сұрақтар қойылды. Мектептегі сәттерін айтып беруін өтінді. Бос уақытта немен айналысатыны, әкімнің демалысы қалай өтетіні түлектерге қызық болды. Сүйіп тыңдайтын әнінің бірін №279 мектеп-лицейінің 11-сынып оқушысы Нұржан Абдіразақов гитарамен орындап берді. Жастық шақты еске түсіретін бұл әннен кейін мектептегі достары туралы сұрақ қойылды. Аудан әкімінің қарапайымдылығы, боямасыз болмысы, шынайы өмірі, ашылып айтқан әңгімелері түлектерге ерекше әсер етті. Олар әкіммен емес өз ағаларымен емін еркін әңгімелесіп отырған күйге түссе, Жандос Еркінбекұлы да бала кезін, мектептегі албырт шағын ойға оралтып, езуіне күлкі үйіріліп, жасарып қалды. «Қандай қызмет етсең де, кім болсаң да анаң үшін әрқашан бала екеніңді ұмытпа, ата-ана үмітін ақтайтын адал азамат бол, өз өзіңе талап қоя біл, білім алудан аянба, туған жерге пайдам тиетін қызмет қылам деген мақсаттан айныма» деген кеңесі түлектерге жігер берді, қанаттандырды. «Өз туған жерінде қызмет ету әр ер азамат үшін үлкен абырой мен міндет. Осындай жауапкершілікті жұмысты жүргізуге мүмкіндік берген, маған сенім артқан басшыларға алғысым шексіз» деді туған жерінде қызмет ету бақыты бұйырған әкім мақтаныш сезіммен.&nbsp;&nbsp; &nbsp;Жандос Еркінбекұлы ауданға келгелі біраз жаңа нысандар ашылды. Кәсіпкерлік алға жылжыды. Жолдар жөнделіп, көшелер абаттанды. Отбасын қолдау орталығы, денешынықтыру және сауықтыру кешені пайдалануға берілді. Кездесуде Руханият орталығы бой көтеретінін, екі тірек мектеп салынатынын, жастарға жақсы мүмкіндіктер қарастырылатынын айтып қуантып қойды. Иә аудан әкімінің әрбір жұмысынан туған жерін гүлдентуге деген жанашырлықты аңғарамыз.&nbsp;&nbsp; Кездесуде тек әңгіме емес, ән де айтылды. Оқушылар әкіммен «Түрлі арман» әнін қосыла шырқады. &nbsp;Кездесу соңында Жандос Еркінбекұлы «Қадірменді іні-қарындастарым! Бүгінгі кездесуде оқуда озат, қоғамдық жұмыстарда белсенді, шығармашыл, спортшы оқушылармен кездескеніме қуаныштымын. Өздеріңізге мәлім, мемлекет тарапынан сіздердің сапалы білім алуларыңызға барлық жағдай жасалып жатыр. Мемлекет басшысы білім саласына қашан да ерекше назар аударып келеді. Осының барлығы Сіздердің келешекте бәсекеге қабілетті білікті маман болып қалыптасу үшін жасалып жатқан шаралар. Осы ретте, білім беру саласында аянбай еңбек етіп жүрген ұстаздар қауымына және өз уақытын басқаруға, салауатты өмір салтын ұстанып, шығармашылықпен айналысып үнемі өзін-өзі дамытуға үйренген үздіктерге алғысымды білдіремін. Алдағы уақытта тек жақсы жетістіктер мен жоғарғы көрсеткіштермен қуанта беріңіздер. Мен Сіздерге жоғары білімді азамат, білікті маман болып, болашақта ауданымыздың өркендеуіне лайықты үлес қосады деген сенімдемін. Болашақтарың жарқын, алар асуларың көп болсын» деген тілегі мен кеңесін жеткізді. Кездесуге қатысқан дарынды түлектерге өзінің арнайы алғысы мен тілек жазып, қолтаңбасы қойылған құнды кітап сыйға тартты. Түлектермен естелік суретке түсті. &nbsp;Бұл жас түлектерді жігерлендірген жиын болды.&nbsp; &nbsp;

Қармақшыда аудан әкімі дарынды жастармен кездесті

<a href="https://kyzylorda-news.kz/">Kyzylorda-news.kz.</a> Облыстық «Жайдарман» ойындарының кезекті ойыны Шиеліде өтті. Көңілділер мен тапқырлар кешінде аудан әкімінің кубогі сарапқа салынды. Сайыста&nbsp; аудандардан келген командалар бақ сынады.&nbsp;Қатысушылар қоғамдағы өзекті мәселелердәі әзілмен әдемі жеткізіп, көрерменге ерекше көңіл күй сыйлады. 10 құрама бақ сынаған сайыс тартысты әрі қызықты болды. Төрешілер де әділ қазылық етіп,&nbsp; жастардың ойынын жоғары бағалады.&nbsp;Жалпы жайдарманның ең басты ерекшелігі – қоғамдағы болып жатқан құбылыстарды өзек етуінде және де халықтың заманауи сұранысының талаптарына сай болуында. Сондай-ақ жастардың интеллектуалды ойлау қабілетін арттырып, жастарды ұлтжандылық пен шығармашылыққа шыңдайды. Жайдарманда сахналық мәдениет, шеберлік, ән, би, мимика, сөйлеу мәнері, ойдың ұшқырлығы аса қатты назар аудартады. Осының барлығы өткізілген сайыста көрініс тапты.&nbsp;Сайыс нәтижесінде әділ қазылар алқасы тарапынан әзілдері үздік танылған командалар іріктелді. Сонымен,&nbsp; III орын Жөлек ауылынан келген «Үй жақтың балдары» командасына бұйырса, II орынды «Тел Сұлулары» құрамасы иеленді. Ал I орынды №47 М.В.Ломоносов атындағы мектеп-лицейінің «47 қырандары» құрамасы қанжығасына байлады.&nbsp;Сонымен қатар&nbsp; «Үздік ойыншы», «Үздік әзіл» номинация иегерлеріне 20 000 теңгеден қаржылай сыйақы берілді. Жарыс жеңімпаздарына кубок пен қаржылай сыйлықты Шиелі аудандық қоғамдық даму бөлімінің басшысы Кенжехан Есенбаев табыстады. Ойынға қатысқан&nbsp; өнерпаздарға да&nbsp; ұйымдастырушылар тарапынан арнайы алғыс хат берілді.Сонымен жайдарман көрермендер үшін – әзіл алаңы болса, жайдарманшылар үшін – өмір, ойын түрінде өтетін шынайы бәсекеге толы өмір. Нақтырақ айтқанда, қатысушылардың өмірге деген көзқарасын қалыптастыратын мықты алаң. Өкінішке қарай қазір шынайы өмірде шын бәсекеге мүмкіндік беретін алаңдар аз. Сол себепті жайдарманның маңызы осында деуге әбден негіз бар.&nbsp;

Шиелі ауданы әкімінің кубогына кім лайық?

<a href="https://kyzylorda-news.kz/">Kyzylorda-news.kz.</a> «АМАNАТ» партиясының 2025 жылға дейінгі «Өзгерістер жолы: әр азаматқа лайықты өмір!» сайлауалды бағдарламасын іске асыру бойынша жол картасын орындау мақсатында және 2023 жылдың 21 шілдедегі Премьер-Министрдің орынбасары-Еңбек және халықты әлеуметтік қорғау министрі Т.Дүйсенованың кеңес хаттамасының 3 тармақтың 1 тармақшасына сәйкес, 2023 жылғы 6 маусымда Жалағаш ауданы әкімінің №126 қаулысымен&nbsp; Жалағаш аудандық жұмыспен қамту және әлеуметтік бағдарламалар бөлімінің «Жалағаш аудандық отбасын қолдау орталығы» коммуналдық мемлекеттік мекемесі құрылып, ережесі бекітілді.&nbsp;(Жалағаш кенті, Конституция көшесі №5 мекен-жайда орналасқан).«Жалағаш аудандық отбасын қолдау орталығы» коммуналдық мемлекеттік мекемесі 16 штаттық бірлікпен бекітіліп, жұмыс жүргізілуде.&nbsp;Оның ішінде 1-і директор, 1-і психолог, 1 медбике, 6 маман,1&nbsp; есепші, 1 хатшы, 2 еден жуушы, 3 қарауыл.&nbsp;&nbsp;&nbsp;&nbsp;&nbsp;&nbsp;&nbsp;&nbsp; Орталық мамандарының мынадай негізгі функцияларды&nbsp;атқарады.<ul><li style="text-align:justify;">Жағдайы төмен отбасыларды толық сүймелдеу, қиын жағдайдан шығару және қажет болған жағдайда әйелдерге уақытша тұру үшін орын беру;</li><li style="text-align:justify;">Аудан көлемінде отбасыларға қолдау және көмек көрсетуге бағытталған қызметті жүзеге асырады;</li><li style="text-align:justify;">Өмірлік қиын жағдайға тап болған азаматтардың жекелеген санаттарына психологиялық қолдау, кеңес беру бойынша қызметтер көрсетеді;</li><li style="text-align:justify;">Өз құзыреті шегінде тұрмыстық зорлық-зомбылықтың алдын алу жөніндегі жұмыстарды ұйымдастырады.</li></ul>Жалағаш ауданы бойынша 7 075&nbsp;отбасында 36 063 халық есепте тұрады. Экономикалық белсенді халық саны 14 646 адам. Жұмыссыздар- 750, оның ішінде тіркелгендер 1859, мүгедектігі бар адамдар 972. Жалпы жұмыссыздық деңгейі 5,1 пайызды құрайды.&nbsp;Аудан бойынша атаулы әлеуметтік көмек алатындар.&nbsp; 2023 жылы&nbsp; 224 отбасының 1313 мүшесіне атаулы әлеуметтік көмек тағайындалып&nbsp; 69214,6мың теңге қаржы жұмасалған.&nbsp;Тұрғын үйге мұқтаж азаматтардың саны 565 құрайды оның ішінде жетім балалар ата-анасының қамқорлығынсыз қалған балар – 90, «Алтын алқа», «Күміс алқа» алқаларымен наградталған немесе бұрын «Батыр ана» атағын алған, сондай-ақ&nbsp; 1 және 2 дәрежелі «Ана даңқы» ордендерімен наградталған көпбалалы аналар - 185, халықтың әлеуметтік әлсіз топтарына - 206, мемлекеттік қызметкерлерге, бюджеттік ұйым қызыметкерлерге - 77, жалғыз баспанасы апатты жағдайда деп танылған азаматтар - 7 отбасыны құрайды. Жер учаскесіне есепте тұрған азаматтардың саны 2023 жылдың 31 желтоқсанына дейінгі мәлімет бойынша&nbsp;2902 (екі мың тоғыз жүз екі).2023 жылдың 5 айында және ағымдағы жылдың 22 наурызына дейін орталық қызметкерлерімен&nbsp;төмендегі іс-шаралар атқарылды.Жастар арасында құқықтық сауаттылықты арттыру мақсатында үкіметтік емес ұйымдар, денсаулық сақтау, білім беру ұйымдарымен&nbsp; бірлесіп, мектептер мен оқу орындарда (45) кездесулер ұйымдастырылды.Отбасы құндылығын айқындайтын «Зорлық-зомбылыққа жол жоқ» тақырыбында билбордтар орнатылды.Зорлық-зомбылықтың алдын алу бағытында аудан әкімдігімен ішкі істер органдарымен бірлесіп бейнероликтер мен хабарламалар дайындалып, телеарна мен әлеуметтік желіде (17) мақала жарияланды.Әйелдерге қатысты тұрмыстық зорлық-зомбылықтың алдын алу жұмыстары аясында Жалағаш АПб ЖПҚб ӘЗЗҚт инспекторымен Отбасы-тұрмыстық қарым-қатынастар аясындағы әйелдерге және балаларға жасалынатын зорлық-зомбылық мәселесiн зерттеу мақсатында Жалағаш ауданының отбасын қолдау орталығының психологымен бірлесіп, халық көп шоғырланатын орындарда 15 рет жаднамалар таратылып, түсіндірме жұмыстары жүргізілді.&nbsp;Профилактикалық шара кезінде тұрғындарға заң тұрғысынан толыққанды түсіндіріп, қандай да бір кұқық бұзушылық дерегі орын алған жағдайда полицияға хабар беру ескертілді.Бүгінгі күні Жалағаш ауданы бойынша 20 мектепте оқитын 7063 оқушының қолайсыз отбасында тәрбиеленетіні – 10, мектепішілік және есебінде 27, жетім және ата-ана қамқорлығынсыз қалған - 43, аз қамтамасыз етілген отбасында 2073 (29%), көп балалы отбасында 2043 бала тәрбиеленуде. Толық емес отбасының ішінде ата-анасының бірі қайтыс болғаны – 312, ажырасқан – 437, Толық емес отбасының ішінде әлеуметтік қолдауды қажет ететіні – 214 оқушы бар.Жоғарыдағы оқушылардың Отбасы-тұрмыстық қарым-қатынастар мен Зорлық зомбылықтың алдын алу бойынша мектеп оқушыларымен орталық мамандары арнайы дәрістер мен семинар кеңестер өткізілді, онда 1650 оқушы қамтылды. Бұл бағытта тұрақты түрде жұмыстар жүргізілетін болады.«Отбасын қолдау» орталығының мамандарымен кент ішіндегі тұрмысы төмен отбасыларына зерттеу жұмыстары жүргізіліп әлеуметтік карталары жасалды.«Отбасын қолдау» орталығының мамандары көмек сұрап келген өмірлік қиын жағдайда қалған 76 кент тұрғындарына қайырылымдық іс шаралары және Жалағаш ауданы бойынша ұйымдармен кәсіпкерлер және шаруа қожалықтарының&nbsp; демеушігі есебінен 2000 балаға оқу құралдарымен киім-кешек алып беру жұмыстары ұйымдастырылды.«1 қазан – Халықаралық қарттар күніне» және наурыз мерекесіне орай&nbsp; «Ардагерлер – алтын қазық» атты қайырымдылық&nbsp; акциясы ұйымдастырылды. Орталық мамандары жалғыз басты және көп балалы 21 қарт отбасылардың үйіне барып, мерекелерімен құттықтап ауласына тазалық жұмыстарын жүргізілді.Жалағаш ауданы соты жанындағы сотқа дейінгі татуластыру орталығына мекеме ғимаратынан жаладау ақысы өндірілмей арнай бөлме бөлінді.Орталық қызметкерлерінің ұйымдастыруымен және аудандық АХАТ бөлімінің қызметкерлерімен бірлесіп аудандық перзентханада босанған аналарды салтанатты түрде шығару және шаңырақ көтерген жас жұбайларға неке куәліктерімен сыйлықтар&nbsp; беру жұмыстары жүргізілді.Тұрмысы төмен 56 отбасына «Азаматтарға арналған үкімет» Жалағаш аудандық филиалында құжат рәсімдеуге және мемлекеттік қызмет алу бойынша түсіндірме жұмыстары жүргізілді.«Зорлық-зомбылыққа қарсы 16 күн белсенділік» Республикалық акция&nbsp;барысында әйелдерге қатысты зорлық-зомбылықты жою үшін кент ішіндегі 4 мектепке барып орталық қызыметкерлерінің ұйымдастыруымен «Ана-отбасы тірегі» және «Әйелдерді қорғау-парызымыз»&nbsp;тақырыбында дөңгелек үстел, семинар-тренингтер өткізілді.&nbsp;Орталық психологымен 31 тұрмысы төмен отбасындағы мүмкіндігі шектеулі балаларға психологиялық тест, тренингтер өткізіліп жаңа жыл қарсаңында сыйлықтар табысталды.&nbsp;Атқарылған жұмыстардың барлығы Facebook әлеуметтік жілісінен «Жалағаш аудандық отбасын қолдау орталығы» парақшасы ашылып ақпараттандырылды.Фото: Нұрболат Нұржаубай

Өзгерістер жолы: әр азаматқа лайықты өмір

<a href="https://kyzylorda-news.kz/">Kyzylorda-news.kz.</a> Қазақ қыздары қай кезде де спортта биік белестерді бағындыра алды. Сол бұрымдылардың қатарында бозкілем жүлдегерлері де бар. Жуырда ғана қармақшылық жалынды жастың жетістігі жайлы ақжолтай жаңалықты естіп, тағы бір марқайып қалдық. Толығырақ тарқатсақ.&nbsp; Ақтау қаласында 12-17 мамыр аралығында самбодан жастар және жасөспірімдер арасында Азия чемпионаты өткен-ді. Сол додада қармақшылық қайсар қыз Әсемай Рүстемова аймақ намысын қорғап, 2 дүркін Азия чемпионы атанды. Осылайша олимпиадалық резервтің мамандандырылған аудандық №15 балалар мен жасөспірімдер мектебінің жаттықтырушысы Бақберген Тәттімбетовтың шәкірті аудан, облыс мерейін үстем етті. Жағымды жаңалықты ести сала, жерлесімізді жеңісімен құттықтап, жеңімпазды сөзге тарттық.<blockquote>– Бұл жарыс өте жоғары деңгейде өтті. Қарсыластарымның да дайындығы мықты болды. Бұл жеңіс, бірінші Алланың қалауымен, жаттықтырушым мен отбасымның қолдауының, тынымсыз дайындықтың арқасында келді. Жарыс алдында 16 күн Ақтау қаласында оқу-жаттығу жиынын өткіздік. Мұндағы төгілген тердің нәтижесі – осы жеңіс. Осы жолғы барлық белдесулерім қиынға соқты. Иә, жеңіс оңайлықпен келмейді. Еліміздің әнұранын екінші мәрте чемпионат төрінде ойнатқаныма қуаныштымын. Дәл сол сәттегі сезімді сөзбен айтып жеткізе алмаймын, – дейді 2 дүркін Азия чемпионы Әсемай Ғалымжанқызы.</blockquote>&nbsp; Иә, әлеуметтік желінің жылдамдығының арқасында біз де Әсемайдың бұл толқынысты сәтінің куәсі болдық. Бейнекөріністегі жерлесіміздің мерейлі кезеңіндегі көз жасының шүкірліктің, қуаныштың, еңбектің нәтижесінен екенін ұғындық. Ел әнұранын үлкен сында шырқату үлкен еңбекті талап ететінін түсіндік.&nbsp;<blockquote>&nbsp; – Бұл жарыс менің жарақат алғаннан кейінгі шыққан ең үлкен додам. Қаншама сынаққа қарамастан ешнәрсеге сынбай осы жарысқа бар күшімді салдым. Жарақаттан кейінгі сайыс болғандықтан қобалжығаным рас. Алайда өзіме деген сенімділікті жоғалтпадым. Маған үміт артқан жандар қолдау беріп тұрғанда орта жолдан сынуға болмайтынын түсініп, сол кісілердің сенімін ақтауға тырыстым. Біз бұл жарыспен тоқтап қалмаймыз. Алдағы уақытта Әлем чемпионатына дайындалып, алтынды қайтарамыз деген сенімдемін. Осы ретте маған бағыт-бағдар берген жаттықтырушыма, қолдау білдірген отбасыма, тілекші болған барша жерлесіме алғысым шексіз, – дейді қайсар қыз.&nbsp;</blockquote>&nbsp; Жеңімпаз ару ертең тағы бір сында бақ сынамақ ниетте Қырғызстанға жол жүрмек. Бақ пен бап жарысатын бозкілемде бұрымды спортшымызға &nbsp;сәттілік серігің болсын дейміз. &nbsp;

Қармақшылық қайсар қыз екі дүркін Азия чемпионы атанды

<a href="https://kyzylorda-news.kz/">Kyzylorda-news.kz.</a> Ана... Иә, өмір бесігінде тербетіп, адам баласына ұрпақ сыйлар ұлы құдірет иесінің есімі әрқашанда қадірлі, тұғыры биік. Алтын құрсағына адамзаттың алабы жаратылған асыл ананың жүрегі кең, жүзі мейірімді. Көңіл шуағына мейірім&nbsp; төгілген аяулы жанның өмірден алар несібесі,&nbsp; алтын босағасы мен сүйкімді перзенті болар. Жақында Б.Қабылұлы атындағы Шиелі аудандық мәдениет үйінде мамырдың әр жексенбісінде тойланатын "Аналар күніне" арналған «Ана – өмір шуағы» атты салтанатты шара өтті.Айта кетейік, осы жылы мереке алғаш рет мамыр айында аталып өтті. Бұл күн әлемнің көптеген елдерінде анаға құрмет көрсетіп, оның қамқорлығы үшін алғыс айту мақсатында өтетін мейрам. Негізі мерекені әлемнің 20 мемлекеті атап өтеді. Олардың қатарында АҚШ, Канада, Германия, Италия, Бельгия, Дания, Финляндия, Эстония, Түркия, Жапония, Бразилия және Аустралия сынды елдер бар. Мереке мамыр айының екінші жексенбісінде тойланады.&nbsp;Биыл 12 мамырға сәйкес келді.Мемлекет басшысы Қасым-Жомарт Тоқаев: «Шын мәнінде, әрбір адам үшін анадан ұлы, анадан қымбат ешкім жоқ. Ең қастерлі құндылықтарымыз «Жер-Ана», «Отан-Ана» ұғымдарымен тығыз байланысты. «Ата ұлды, ана ұлтты тәрбиелейді» дейді. Бұл сөздің айрықша мән-маңызы бар» деген болатын.&nbsp;Мерекелік жиын шымылдығы&nbsp; Шиелі ауданы әкімнің орынбасары Болатбек Ысмағұловтың алғыс сөзімен басталды. Ол әр түрлі салада қызмет істейтін 38 ананы Шиелі ауданы әкімінің алғыс хатымен марапаттады. &nbsp;Солардың қатарында жергілікті басылым «Өскен өңір» газетінің баспасөз маманы, 40 жылға жуық тәжірибесі бар&nbsp; Күләш Мырзаева да құрмет төрінен көрінді.Біздің отбасылық, қоғамдық өмірімізде ананың рөлі қашан да ерекше. Ол балаларын тәрбиелеп, бағыт-бағдар береді. Ананың еңбегі әрдайым жоғары бағаланады. Елді мекендерде балалар мен жастарды тәрбиелеп, ұлттық құндылықтарды жаңғырту мәселелесін шешу үшін, Қазақстандағы әйелдерін біріктіретін Қазақстан халқы Ассамблеясының «Аналар кеңесі» жұмыс істейді.&nbsp; Деректерге сүйенсек,&nbsp; бүгінде Республикалық аналар кеңесінде елдің облыстық, қалалық, аудандық, ауылдық деңгейлерінде 1713 бөлімше бар (оның ішінде 17 облыстық, 56 қалалық, 159 аудандық, 1481 ауылдық және этномәдени бірлестіктер жанында), олардың құрамына 16051 әйел кіреді. 6-12 мамыр аралығында барлық өңірде 600-ден астам түрлі іс-шара ұйымдастырылды. Жалпы, Аналар күнін мерекелеу ананың қоғамдағы рөлін арттыруға, әр азаматтың ата-анасына құрмет көрсетіп алғыс айта білуге тәрбиелеу мен жастардың рухани-адамгершілік қасиеттерін қалыптастыруға бағытталады. Міне, Шиелідегі өткен мерекелік кеш те соның куәсі. Іс-шараның соңы аналар қауымына арналған сазды әуендер шырқалған мерекелік концертке ұласты. Көпшілік те бір серпіліп қайтты.

Қазақстан және Қызылорда облысының жаңалықтары