<a href="https://kyzylorda-news.kz/">Kyzylorda-news.kz.</a>&nbsp;Сырдария ауданы әкімдігінің қолдауымен және «Сырдария ауданы әйелдері» қоғамдық бірлестігі мен облыстық «Қоғамдық келісім» КММ-і Сырдария аудандық бөлімшесінің ұйымдастыруымен сырдариялық этнос өкілдері киелі мекен Түркістан қаласына барып, тарихи орындарда саяхаттап қайтты.Саяхаттың негізгі мақсаты – мызғымас тәуелсіз еліміздің көрікті жерлерін аралау, бірлігі жарасқан еліміздегі тарихи орындармен танысу, ынтымақ пен бірлікті насихаттау. Ауданның этнос өкілдері саяхат барысында Арыстан баб пен Қожа Ахмет Яссауи кесенелерінде болып, қазақ тарихы мен хандары, билер мен батырлары туралы мәліметтер алды.Жалпы Сырдария ауданында орыс, кәріс, неміс, татар, өзбек, украин, қырғыз, молдаван, башқұрт, түрікмен, беларус, сынды 11 түрлі ұлттан барлығы 453 адам тату-тәтті өмір сүруде.&nbsp;Этнос өкілдері аудан экономикасының өркендеуі мен әлеуметтік ахуалының жақсаруына атсалысып келеді. Ауданда этносаралық қатынастарды үйлестіріп, ұлттардың тілі мен дәстүрін ұлықтауды мақсат еткен арнайы бірлестіктер жұмысы жолға қойылған.Аудан орталығында этнос өкілдерінің басын қосқан «Достық үйі» қызмет көрсетеді.Айта кетейік,&nbsp;бүгінде Қызылорда облысында өзге этнос өкілдерінің үлес сал­ма­ғы жалпы алғанда 4 пайызды құ­райды. Қазіргі таңда облыс көлемінде 11 этномәдени бірлестік жұмыс атқа­ра­ды. Оларды атап айтсақ, Қызыл­орда облысының Корейлер қауым­дас­тығы, «Славяне», «Вайнах» чешен, «Lev Ami» еврей, «Понтийцы» грек, «Viedegeburt» неміс, татар, өзбек, түрік, қырғыз этномәдени бір­лес­тіктері және «Русская община» қоғам­дық бірлестігі жұмыс істеп жатыр.Этномәдени бірлестіктердің мәдени күндері, ұлттық мерекелері, «Наурыз», «Құрбан айт», «Рождество», «Сабантуй», «Сольналь», «Остерн», «Песах», «Масленица», Пасха мере­келері кеңінен атап өтіліп келеді. Мұның өзі облыстағы барлық этнос­тардың ауызбіршілікте өмір сүруіне, қоғамдық келісімнің берік нығаюына үлкен ықпал етеді.Қазақстан халқы Ассамблеясының жергілікті жерлердегі қызметін жандандыру мен қоғамдық келісім идея­сын орнықтыру мақсатында Қызыл­орда облысы әкімі аппаратының «Қоғамдық келісім орталығы» комму­нал­дық мемлекеттік мекемесі жұмыс істейді.Бүгінде облыстық Ассамблеяның бастамасымен оқушы­ларды қазақ халқының және Қазақ­станда тұратын барлық этностардың салт-дәстүрі мен әдет-ғұрпын, тілі мен мәдениетін түсінуге, ұлттық құн­дылықтарға ұқыпты қарауға үйрету жұмыстары жүргізілуде.&nbsp;&nbsp;

Сырдариялық этнос өкілдері Түркістан қаласына саяхаттап қайтты

<a href="https://kyzylorda-news.kz/">Kyzylorda-news.kz.</a>&nbsp; Ә.Тәжібаев атындағы облыстық әмбебап ғылыми кітапханасында ақын Әбдікәрім Ахметовтың туғанына 100 жыл толуына орай «Толқындағы өмір» атты жыр кеші ұйымдастырылды.Жыр кешіне Қазақстан Жазушылар одағы облыстық филиалының жетекшісі Қаршыға Есімсейітова қатысып, ақын шығармашылығынан сыр шертті.<blockquote>– Әбдікәрім Ахметовтың&nbsp;алғашқы жыр жинағы «Өлеңдер» деген атпен 1953 ж. жарық көрген. Оның қай өлеңі болсын философиялық терең ойға, нәзік сезімдерге толы. Бірқатар өлеңдері мен поэмалары баспадан шығып, кейбір шығармалары орыс тіліне аударылған, – деді ол.</blockquote>Әбдікәрім Ахметов&nbsp;1924 жылы 15 маусымда Қызылорда облысы, Қармақшы ауданының Көктөбе деген ауылында дүниеге келген. &nbsp;Орта мектептен кейін Жосалы теміржол зауытында темір ұстасының балғашысы, аудандық қаржы бөлімінде &nbsp;есепшікассир болып қызмет істеген. Лепсі педагогикалық училищесін бітірген. Алматыдағы Жоғары партия &nbsp;мектебінде оқыған. Ұзақ жылдар әскер қатарында қызмет еткен ол, әуелі қатардағы жауынгер, кіші &nbsp;командир болған. 1946 жылы Харьковтың әскери медициналық училищесін бітірген соң, Германиядағы кеңестік &nbsp;қарулы күштер сапында, шекара округінде офицерлік қызмет атқарған..Кеште ақынның жыр жолдарынан кітапхана оқырмандары үзінділер оқып, кешке жиналған қонақтар өз естеліктерін бөлісті.Кітапхана ұжымы оқырман назарына «Өшпеген жалын» атты кітап көрмесін таныстырды.&nbsp;

Әбдікәрім Ахметовтың 100 жылдығына орай «Толқындағы өмір» атты жыр кеші өтті

<a href="https://kyzylorda-news.kz/">Kyzylorda-news.kz.</a> Естеріңізде болар, былтыр Қазақстанға «тілсіз жаудың» алапат шапқыншылық жасаған жылы болды. Мемлекет басшысы ел тарихында тұңғыш рет өрттің себебінен 12 маусымды жалпыұлттық Аза тұту күні деп жариялады. Абай облысының «Семей-орманы» резерватында өршіген өрт 14 орманшының және бір тракторшының өмірін жалмап, халықтың қабырғасын қайыстырды. 30 қарашада Алматыдағы хостелде болған өртте бірден 13 адам, соның ішінде шетелдіктер қаза тапты.Статистикалық деректерге сүйенсек, жыл сайын, бейбіт күнде, айдың-күннің аманында 370-ке тарта қазақстандық өрт салдарынан қаза табады. Төтенше жағдайлар министрлігінің мәліметінше, 2014-2023 жылдар аралығында республика бойынша орта есеппен жыл сайын 13 681 өрт болады. Атап айтқанда, 2014 жылы – 15126, 2015 жылы – 15065, 2016 жылы – 14528, 2017 жылы – 15438, 2018 жылы – 14567, 2019 жылы – 14622, 2020 жылы – 13933, 2021 жылы – 12256, 2022 жылы – 12219, 2023 жылдың 10 айында 9 057 өрт тіркелген екен.&nbsp;Осы орайда облыс әкімі Нұрлыбек Нәлібаевтың төрағалығымен өткен аптада өртке қауіпті кезеңге дайындық мәселесі пысықталған мәжіліс отырысы өтті.&nbsp;<blockquote>– Өздеріңізге белгілі, Қостанай, Абай облыстарында болған орман өрттеріне байланысты Мемлекет басшысы өзекті мәселелерді айқындап, бірінші кезекте орман шаруашылығы мекемелерін материалдық- техникалық жарақтандыруды тапсырды. Облыс аумағында өрттің алдын алуға және болдырмауға мүмкіндік жеткілікті. Синоптиктер болжамына қарасақ, мамыр айында Қармақшы ауданында атмосфералық құрғақшылық, Шиелі ауданында қалыпты құрғақшылық күтілуде. Жауын-шашын тапшылығы болуы, ауа температурасының жоғарылауы мүмкін. Сондықтан ауа райы болжамына үнемі бақылау жасап, сақтық шараларын қабылдауды тапсырамын, – деді аймақ басшысы.&nbsp;</blockquote>Айта кетейік, облыстағы орман шаруашылығы мекемелерінің материалдық-техникалық базасын нығайтуға 2022 жылдан бері 1 млрд 544 млн теңге бөлініп, 2021-2023 жылдары 6 өрт сөндіру автокөлігі сатып алынды. Биыл 77,1 млн теңгеге 28 мотоцикл, 5 орман отырғызу агрегаты, 15 навигатор, 4 мотопомпа, 26 байланыс құралы алынбақ.&nbsp;Өртке қауіпті кезеңде шалғай елді мекендердегі өрт сөндіру бекеттері жұмысын үйлестірудің маңызы зор. Себебі аудан орталығынан өрт сөндіру қызметі жеткенше, қолдағы бейімделген құралдармен әрекет етуге мүмкіндік бар. Нұрлыбек Машбекұлы өртке қарсы қызметі жоқ елді мекендердегі бекеттер мен ерікті құрылымдардың нақты жұмыс жасауын қадағалауды тапсырды.Еске салсақ, Қызылорда облысы аумағында мемлекеттік орман қоры жерлерінің жалпы көлемі 7 млн гектар, оның 3,8 млн гектары – орманды алқаптар. Осынау табиғат байлығын қорғау, тілсіз жаудан сақтану оңай шаруа емес. Десек те, «сақтансаң, сақтайды» дегенді ұмытпайық!Фото: Нұрболат Нұржаубай

Шиелі: Тілсіз жауда тиянақтылық керек

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласы полиция басқармасының ювеналды полиция бөлімшесінің инспекторлары кәмелетке толмағандар арасындағы құқық бұзушылықтардың профилактикасы, балалардың қадағалаусыз қалуының алдын-алу, сондай-ақ өмірлік қиын жағдайға тап болған, қолайсыз және әлеуметтік осал отбасыларда тәрбиеленетін балалардың алдын-алу іс-шараларын жүйелі түрде жүзеге асыруда.<blockquote>​«Жыл &nbsp;басынан бері басқарманың «102» арнасына үйінен шығып кетіп, қайта оралмады деген 22 хабарлама тіркелген. Аталған 22 хабарлама бойынша тәуліктің түнгі мезгілінде, яғни 23:00-ден кейін қоғамдық орындарда анықталған 9 кәмелетке толмаған жасөспірімдердің заңды өкілдеріне қатысты ҚР ӘҚБтК-нің &nbsp; 442 бабы 2 бөлігімен әкімшілік шара көрілді. 6 жасөспірімге қатысты сотқа дейінгі тергеп-тексерудің бірыңғай тізіліміне тіркеліп, қалған 16-на қатысты құжаттар жинақталып, номенклатуралық іске жолданды. Бірнеше мәрте белгісіз бағытқа кетіп қалу деректерін қайта қайталап жасағаны үшін 1 жасөспірім Басқарманың БДБ есебіне алынып, қазіргі таңда Девиантты мінез құлық балаларға арналған мектеп интернатына жатқызылды, одан бөлек&nbsp;ата-анасына қатысты ҚР ӘҚБтК-нің 127-бабы 3-бөлігімен әкімшілік шара көрілді», - делінген ПД баспасөз қызметінің хабарламасында.</blockquote>2024 жылдың төрт ай қорытындысымен қадағалаусыз және панасыз қалған 110 жасөспірім ​ Қызылорда облысының Кәмелетке толмағандарды бейімдеу орталығына орналастырылған.<blockquote>– «Үйден кетудің себептері әртүрлі. Кейбір балалар қаңғыбастыққа бейім немесе еркіндіктің дәмін татқысы келеді. Әсіресе ата-аналармен жанжалдан кейін. Құрметті ата-аналар &nbsp;сіздерден балаларыңыздың уақытын бақылауды және оларды тәрбиелеу бойынша өз міндеттеріне жауапкершілікпен қарауды сұраймыз»,- дейді басқарма бастығы &nbsp;Айдар Демегенұлы.</blockquote>

Қызылорда қаласында жыл басынан бері полиция қызметкерлері жоғалған 22 жасөспірімді тапты

Қызылордада алғаш рет «ТechnoWomen Kyzylorda» өтеді

<a href="https://kyzylorda-news.kz/">Kyzylorda-news.kz.</a>&nbsp; Мемлекеттік қызмет көрсетудің сапасы – мемлекеттік органдардың жұмысын бағалаудың басты өлшемі. Осының негізінде мемлекеттік қызмет көрсетуші органдардың басты мақсаты азаматтардың өмір сүруіне тиісті жағдай жасау.Осы мақсатта Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаментінде мемлекеттік қызмет көрсету сапасының жоғары болуына және осы саланың дамуына үлкен мән беріледі.Департамент Қазақстан Республикасы Ұлттық экономика министрінің 2019 жылдың 8 тамызындағы №73 бұйрығымен бекітілген Табиғи монополиялар субъектілерінің қызметін жүзеге асыру қағидалары және &nbsp;Қазақстан Республикасы Ұлттық экономика министрінің 2020 жылғы 5 маусымдағы №47 бұйрығымен бекітілген «Энергиямен жабдықтау мақсатында электр энергиясын сатып алу қызметіне лицензия беру» мемлекеттік қызметін көрсету қағидалары негізінде төмендегі4 мемлекеттік қызмет түрін көрсетеді.1. &nbsp; &nbsp; &nbsp; Энергиямен жабдықтау мақсатында электр энергиясын сатып алу қызметіне лицензия беру, қызмет көрсету мерзімі – 15 жұмыс күні.2. &nbsp; &nbsp; &nbsp; Егер мәміле жасалатын мүліктің ағымдағы жылдың басындағы бухгалтерлік баланста ескерілген баланстық құны ағымдағы жылдың басындағы бухгалтерлік балансқа сәйкес оның активтерінің баланстық құнының 0,05 пайызынан асатын болса, табиғи монополия субъектісінің мүлкіне қатысты өзге мәмілелер жасасуға келісім беру,қызмет көрсету мерзімі – 10 жұмыс күні;3. &nbsp; &nbsp; &nbsp; Табиғи монополиялар субъектілерін қайта ұйымдастыруға және таратуға келісім беру, қызмет көрсету мерзімі – 5 жұмыс күні;4. &nbsp; &nbsp; &nbsp; Табиғи монополиялар субъектілері Мемлекеттік тркеліміне енгізу және одан шығару, оның ішінде:- &nbsp; Тіркелімге енгізу бөлігі толығымен автоматтандырылған және өтініш берген сәттен бастап қызмет көрсету мерзімі - 30 минут;- &nbsp; Тіркелімнен шығару бөлігін өтініш берген сәттен бастап қызмет көрсету мерзімі – 2 жұмыс күні.Департаментте барлық мемлекеттік қызметтер тек электронды түрде «www.egov.kz электрондық үкімет» веб-порталы арқылы көрсетіледі.Сонымен қатар, көрсетілетін қызмет берушінің мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағымды табиғи монополиялар салаларында басшылықты жүзеге асыратын уәкілетті орган басшысының атына, мемлекеттік қызметтер көрсету сапасын бағалау және бақылау жөніндегі уәкілетті органға беруге болады.Фото: Нұрболат Нұржаубай

Мемлекеттік көрсетілетін қызметтер - өмір сапасы

<a href="https://kyzylorda-news.kz/">Kyzylorda-news.kz.</a> Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті тұтынушының жолданымдары негізінде жүргізілген жоспардан тыс тексеру жүргізді. Тексеру барысында «Энергосервис» ЕЖШС заң талабын сақтамағаны анықтады. Бұл туралы ҚР ҰЭМ Табиғи монополияларды реттеу комитетінің Қызылорда облысы бойынша департаменті хабарлады.«Энергосервис» ЕЖШС-і электр энергиясымен жабдықтау қызметі бойынша қоғамдық маңызы бар нарық субъектісі.Кодекстің нормаларына сәйкес, қоғамдық маңызы бар нарық субъектісі нарықта баға белгілеу тәртібін сақтауға міндетті.<blockquote>«Жеке тұлғалар электр энергиясын тұтыну көлеміне қарай сараланған тарифтерді қолдануға өтініш білдірген жағдайда тұтынушылардың энергиямен жабдықтаушы ұйымдардың электр энергиясына тарифтерді жеке тұлғалардың оны тұтыну көлеміне қарай саралау қағидаларына сәйкес, энергиямен жабдықтаушы ұйымдар осы тұтынушыларға тұтынылатын энергия көлемдеріне қарай электр энергиясына сараланған тарифтерді ескере отырып тұрмыстық мұқтаждарға тұтынылған электр энергиясы үшін шоттар береді.Алайда серіктестіктің тұтынушыға өтініш жазбастан 3 деңгейлі сараланған тарифтерді қолдануы баға белгілеу тәртібін бұзу.Тексеру нәтижесінде департамент Серіктестікке қатысты Қазақстан Республикасының «Әкімшілік құқық бұзушылық туралы» Кодексінің 167-бабымен әкімшілік өндірісін қозғап, &nbsp;қоғамдық маңызы бар нарықтарда баға белгілеу тәртібін сақтау арқылы бұзушылықты жою жөнінде нұсқама енгізді. 738 400 теңге көлемінде салынған айыппұл бүгінгі таңда мемлекеттік бюджетке өндіріліп, нұсқама толығымен орындалды», - делінген департаменттің таратқан хабарламасында.</blockquote>Фото: Нұрболат Нұржаубай

Заң талабын сақтамаған «Энергосервис» жауапкершілікке тартылды

<a href="https://kyzylorda-news.kz/">Kyzylorda-news.kz</a> Білім мен біліктілік, адалдық пен еңбек бұл әрбір ақ халатты абзал жанның бойында болатын қасиеттер. Дегенмен бұл қасиеттердің барлығынан бұрын ең негізгі қажеті – шыдамдылық. Иә, кез келген адам дәрігер бола алмасы белгілі. Бұл салаға жүрек қалауымен келген маман ғана адал болары анық. Денсаулық саласы да өз ішінде түрлі маман иелеріне бөлінетіні белгілі. Мәселен, бірі науқастың жүрек қағысы мен бойындағы белгілі бір ауру түрінен айықтыратын болса, енді бірі нәрестеге жаңа өмір сыйлауға көмек көрсетеді. Міне, бүгінгі кейіпкеріміз де 45 жыл бойы ана мен балаға жаңа өмір сыйлаған – Қанымша Кульбаева болады.&nbsp;1954 жылы айдынды Арал өлкесінде дүниеге келіп, алғаш №14 мектептен түлеп ұшады. Кейін мектеп қабырғасынан бергі арманын алға тартып, Ақтөбе қаласындағы мемлекеттік медициналық институтқа түседі. 1979 жылы атаулы оқу орнын акушер-гинеколог мамандығы бойынша тәмамдап, еңбек жолын Арал қаласындағы перзентханадан бастайды. Бүгінде зейнет жасындағы Қанымша Нағыметқызы аудандық ауруханада өз қызметін жалғастырып келеді.–Денсаулық саласына деген қызығушылығым мектеп кезден басталды. Алғаш мектеп қабырғасында білім алып жүрген кезімде адам баласының ішкі құрылысы мен денсаулығы қызықтыратын еді. Кейін бұл сала бойынша қызығушылығым артып, дәрігер боламын деп алдыма үлкен мақсат қойдым. Сонымен ең алғаш аудандық перзентханада акушер-гинеколог маманы ретінде бастаған болатынмын. Уақыт өте мамандығым бойынша біліктілігімді жетілдіре келе, перзентхананың бас дәрігері, бас дәрігердің орынбасары, меңгеруші қызметтерінде болдым. Осы жылдан бастап жас маман даярлап, өз қалауыммен орнымды бердім. Енді, міне, бүгінгі күні осы перзентхананың акушер-гинекологы болып қызмет етемін. Иә, перзентхана болғаннан кейін мұнда қаралушы аяғы ауыр келіншектер толассыз келіп, кетіп жатады. Келген қыз-келіншектердің қуанышын бөлісіп, қиындығын қайыспай көтеретін бізге күн сайын түрлі тағдыр иелері жолығады. Бұл мамандықтың қиындығы да, қуанышы да қатар жүреді емес пе?! Дегенмен өмірге жаңа нәресте әкелу барысында айтарлықтай қиындықтар да туындап жатады. Хал үстіндегі ана мен бала өмірін аман алып қалу кез келген адамның қолынан келе бермейтіні белгілі. Мұнда әр минут, тіпті секундтардың өзі санаулы. Осы тұста соңғы басымнан өткізген жағдай есіме түсіп отыр. Бірде 2022 жылғы қыркүйек айында Астана қаласына жолға шықпақ болып, пойызға отырдым. Пойызға мінбес бұрын темір жол бекетінен аяғы ауыр келіншек пен қасындағы жолдасын көзім шалды. Сөйтіп жол үстінде келе жатсам, жолсерік келіп «сізді 2 сағат іздеп келемін. Мұнда сіздің көмегіңіз керек болып жатыр» деді асығыс үнмен. Жағдай барысын бірден түсініп, заттарымды жинастырып, оқиға орнына дереу бардым. Сөйтсем жаңағы темір жол бекетінде көрген аяғы ауыр келіншек босанғалы жатыр екен. Осылайша дереу түрде жұмысты бастап, жол үстінде бір сәбиге жаңа өмір сыйладым. Міне, біздің салада уақытқа да, оқиға орнына да қарамайды. Осындай сынды жағдайлармен көп кездестім. Бүгінде осы саланы таңдап, ізімізден ерген жас мамандар жетерлік. Олардың біліктілігі мен білімділігіне қарап бір қуанамын. Дегенмен жас мамандар әлі де тәжірибе жинап, бұл салаға жаңашылдық енгізу қажет,– дейді Қанымша Кульбаева.Расымен де адамға жаңа өмір сыйлаудың өзі үлкен жауапкершілікті қажет етеді. Оны өз мойнына алып, жауапкершілікті сезінудің өзіне адамға алдымен ержүректілік пен өзіне деген сенімділік қажет-ақ.–Бұл саланың қиындығы – ана мен нәресте өмірі сенің қолыңда болуы. Екі адамның өміріне бірдей жауапкершілік таныту оңай нәрсе емес. Ал қуанышы – жас ананың сәбилі болуы. Тіпті кей кездері ұзақ уақыт бойы баласыз жүрген отбасылардың сәбилі болғандағы қуанышының өзіне септігіңді тигізу дәрігер үшін өте ерекше сезім,– дейді Қанымша апай ерекше қуанышпен.Қазіргі уақытта жолдасымен бірге 3 бала тәрбиелеп, 8 немереге әже болып отыр. Елеулі еңбегімен көпке танылған Қанымша апайдың еңбек жолын әрбір адам баласы бағалары сөзсіз. Ауданға еңбегі сіңген осындай мамандарға ел алғысы да шексіз. Алдағы уақытта Қанымша Кульбаеваға сәттілік пен қажымас еңбек тілейміз.

Жол үстінде сәбиге жаңа өмір сыйлауға себепші болған жан

<a href="https://kyzylorda-news.kz/">Kyzylorda-news.kz.</a>&nbsp; Бүгінде өңірде әлеуметтік маңызы бар азық-түлік тауарларының бағасын тұрақтандыру мақсатында жиі жәрмеңкелер ұйымдастырылуда. Онда азық-түлік өнімдерінің бағасы нарықтан әлдеқайда төмен бағада халыққа ұсынылып жатыр.Бүгін тұрақтандыру қорына әлеуметтік маңыздағы өнімнің бірі – пияздың 21 тоннасы келді. Аталған өнімді корпорация «QazTrade» компаниясымен келісімшартқа отырып, Өзбекстан елінен әкелінді. Бұл пияздар қаламыздағы 10 ірі сауда орталығындағы бұрыштар мен 35 әлеуметтік дүкенге белгіленген бағада таратылатын болады.<blockquote>Бұдан бөлек, қазіргі таңда 20 тонна қырыққабат, 55 тонна рожки өнімдерін сатып алу жұмыстары жүргізілуде. Бүгінде тұрақтандыру қорында 94,97 тонна картоп, 394,22 тонна қарақұмық жармасы, 90,01 пияз, 241 тонна рожки, 97,71 тонна сәбіз және 1 сортты ұннан 137,18 тонна, жоғары сортты ұннан 111,56 тоннасы бар. Сондай-ақ, 531,34 тонна өсімдік майы, 313,17 тонна күріш, 422,32 тонна қант пен 49,11 тонна тұз өнімі сақтаулы. Жалпы маусымаралық кезеңде өңірлік тұрақтандыру қоры мен айналым қаражаты арқылы тікелей тауар өндірушілермен көкөніс өнімдеріне форвардтық келісім жасалып, қажеттілігіне қарай кезең-кезеңімен жеткізілуде, – деді «Байқоңыр» ӘКК» АҚ басқарма басшысы Мейрамбек Серікбай.</blockquote>Фото: Нұрболат Нұржаубай

Тұрақтандыру қорына әлеуметтік маңызы бар азық-түлік тауарлары келді

<a href="https://kyzylorda-news.kz/">Kyzylorda-news.kz.</a> &nbsp;12 айға алдын-ала төлеу әдісін «сақтандырылған» мәртебесі бар, сондай-ақ жүйеге ешқашан төлем жасамаған немесе оны жүйесіз жасаған барлық дербес төлеушілер пайдалана алады. Бұл қалай жұмыс істейді және төлеушілерге қандай ерекшеліктерді білу керек деген сұрақтарды Қызылорда облысы бойынша Әлеуметтік медициналық сақтандыру қоры филиалының директоры Бақыт Исмаханбетовке қойдық.Төлем жасамас бұрын, мәртебеңізді және соңғы 12 айдағы төлемдердің болуын тексеріңіз. Мұны Qoldau-24/7 мобильді қосымшасы, Telegram-дағы SaqtandyruBot арқылы немесе eGov.kz электрондық үкімет порталындағы жеке кабинет арқылы жасауға болады.Үзінді көшірмеде сіз әр ай үшін төлемдерді жеке-жеке көресіз. Егер сізде бірнеше төленбеген ай болса, сізге олар үшін әлдеқайда аз мөлшерде төлем жасап, мәртебені алу тиімді болады. Бірақ осыдан кейін мәртебеңізді жоғалтпау үшін ай сайын жарналарды төлеуді ұмытпаңыз. Егер сізде ешқандай төлем болмаған жағдайда, онда төлемді өткен жылға емес, алдағы 12 айға жасаған тиімді.МӘМС жарналарын екінші деңгейдегі кез келген банктердің мобильді қосымшалары, жылдам төлем терминалдары және «Қазпошта» филиалдары арқылы төлеуге болады. Дербес төлеушінің төлем тағайындау коды-122Алдағы 1 жылға төлем жасағыңыз келсе, ағымдағы айдан бастап барлығы 12 айға жеке жеке әр айды, жылын көрсетіп төлеу керек. Егер ағымдағы айдың аяқталуына шамалы күндер қалса немесе осы айда медициналық көмекке жүгінуді жоспарламасаңыз, төлемді келесі айдан бастап жасаған жөн. Сонда Сіз бір жыл бойы сақтандырылған боласыз.Жүйе төлемдерді дұрыс есептеу үшін жарналар әр ай үшін бөлек төленеді. Төлем жасау кезінде ЖСН, төлем енгізілетін ай мен жылды дұрыс көрсету маңызды.Сіз 12 айға төлемдерді бірден бір төлеммен төлеп тастай алмайсыз, өйткені жүйе әр ай үшін төлемді бөлек оқиды. Қате жіберген кезде мәртебені жоғалтпау үшін осы кезең үшін жарналарды қайтадан төлеуіңіз керек, ал қате төленген соманы қайтаруға болады. Қате төленген соманы қайтару «Азаматтарға арналған үкімет» мемлекеттік корпорациясына өтініш берген жағдайда жүзеге асырылады.Жарналарды 3 жұмыс күні ішінде төлегеннен кейін жүйеге төлемдердің түсуін және мәртебенің берілуін тексеру қажет. Еске салайық, мұны Qoldau-24/7 мобильді қосымшасы, Telegram-дағы SaqtandyruBot немесе eGov.kz сайтындағы жеке кабинет арқылы жасауға болады.Төлем ұзақ уақыт бойы жүйеге түспесе, төлем кезінде қате жіберілген болуы мүмкін. Ең алдымен, тексерулерге енгізілген деректердің дұрыстығын қайтадан тексеру қажет. Содан кейін банкке қоңырау шалып, төлемнің бар-жоғын біліңіз. Егер жоқ болса, «Азаматтарға арналған үкімет» мемлекеттік корпорациясына қоңырау шалыңыз, өйткені МӘМС жүйесіне барлық төлемдер Ұлттық банктегі арнайы шотқа түседі, содан кейін халыққа медициналық көмек Қор арқылы бөлінеді.Фото: Нұрболат Нұржаубай

МӘМС жүйесінде алдын-ала бір жылға қалай сақтандырылуға болады?

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаев әр тоқсан сайын «Әкімдердің халықпен кездесулерін өткізу туралы» Жарлығы естеріңізде болар. Яғни, халық үнін еститін Үкімет тұжырымдамасының бір парасы десек те болады. Сол Жарлыққа сәйкес, 20 мамыр күні Шиелі ауданының әкімі Нұржан Ахатов пен ауылдық округ әкімдерінің 2024 жылдың І жарты жылдығындағы халықпен кездесуі бастау алды.Күн тәртібіне сәйкес, Шиелі ауданы әкімі Нұржан Сәбитұлы бастаған жұмысшы топ таңсәріде Ақмая ауылына табан тіреп, тұрғындармен кездесу өткізді. Келелі кездесуде аудан әкімі «аудан бойынша өнеркәсіп өнімін өндіру 157,9, өңдеу өнеркәсібі 240,0, ауыл шаруашылығының жалпы өнімі 100,9, инвестициялар тарту 127,3, пайдалануға берілген тұрғын үйлер көлемі 105,7, құрылыс жұмыстарының көлемі 151, 1 және бөлшек сауда көлемі 103,2 пайызға артты. 2024 жылдың басына аудан бюджеті 15,8 млрд теңгемен бекітілді. Өткен жылы 10,7 млрд теңгемен бекітіліп, жыл соңына дейін 15,6 млрд теңгемен аяқтаған болатынбыз» деп атқарылған жұмыстардың жай-жапсарын баяндады. Ауыл тұрғындары да басшылық құрамға ұсыныс-пікірлерін жолдады.&nbsp;Бүгінде Ақмая ауылы күн санап өркен жайып, қарқынды даму үстінде. Мәселен, «Ақмая» шаруа қожалығының демеушілігімен «Батыс Еуропа-Батыс Қытай» бойындағы үлкен аркаға жарық бағаналарын қоюға 600 мың теңге қаржы бөлініп, жарықтандырылған. Жыл басынан бері ел игілігі үшін 5 аялдама салынып, шаруа қожалықтарының демеушілігімен ауылдың кіреберісіне екіжақты бейнебақылау камерасы орнатылған. Көгалдандыру жұмысын басты назарда ұстаған ауыл әкімі Бағлан Сағындықов:&nbsp;<blockquote>– Ауыл әкімдігінің ұйымдастыруымен көгалдандыру, көркейту, абаттандыру жұмыстары үздіксіз атқарылып келеді. Демеушілер тарапынан ауылдың кіреберісіне 450 түп павлония талы егіліп, осы көшеттерді тамшылатып суаруға жергілікті бюджеттен 625 мың теңге бөлінді. Қазіргі таңда суару жұмыстары жасалуда. Ауыл сыртынан қатты қалдықтарды тастайтын арнайы 2 га жер әзірленіп, толық қораланды. Сонымен қатар, Ақмая ауылдық округінен сайланған аудандық мәслихат депутаты, «Шиелі-Сұңқар» филиалының директоры Дәурен Досмағамбетовтың демеушілігімен 1800 метр аяқсу арықтары жаңадан қазылып, тұрғындар есік алдындағы егістік жерлеріне пайдалануда, – дейді.&nbsp;</blockquote>Кездесу барысында жиынға қатысушы тұрғындар көкейдегі сауалдарын жолдап, мардымды жауаптар алды. Ал ауыл ақсақалы Камал Әуезов жер астынан шығатын ыза су мәселесін көтеріп, шешімін табуды сұрады. Бұл мәселе бойынша Шиелі Сушар өндірістік учаскесінің басшысы Диқан Әубәкіров бөлінген тиісті қаражат республикада орын алған төтенше жағдайға байланысты жыл соңына қалдырылғанын түсіндірді. Жиын соңында Ақмая ауылдық ардагерлер кеңесінің төрағасы Кенжетай Палмағамбетов алдағы атқарар жұмыстарға сәттілік тілеп, батасын беріп, жиынды қорытындылады.ТҰРАНДАҒЫ ТӘРБИЕ КҮШЕЙТІЛСЕСоңғы жылдары әкім есебінің бітімі бұрынғыдан өзгерек. Халыққа жаңа талапқа сай, слайд арқылы атқарылған жұмыстың нақты дерегін көрсетіп, халықпен етене жақын жұмыстар атқарып жүр. Нәтижесінде халықтың мұң-мұқтажы тыңдалып, тұрғындардың сұранысы ескеріліп, көтерілген мәселелер көп ұзамай өз шешімін табуда. Осындай кездесу Тұран ауылдық огругінде жалғасын тапты. Кездесу барысында аудан әкімі Нұржан Сәбитұлы аудан көлемінде атқарылып келе жатқан жұмыстарды және алдағы жоспарларын жеткізді. Содан кейін ауыл әкімі Болат Баймағанбет І жартыжылдық бойынша халыққа есеп берді.&nbsp;<blockquote>– Елді мекен тұрғындарының қауіпсіздігін қамтамасыз ету мақсатында 5 дана автобус аялдамасын орнатуға аудандық бюджеттен 6 млн 253 мың теңге қаржы бөлініп, биыл қолданысқа берілетін болады. Сонымен қатар ауыл тұрғындарының өтінішіне сәйкес пада орнын ауыстыру үшін «Найман» арыққа мал өткелін орналастырып, жуық арада қолданысқа беретін боламыз, – деді ауыл әкімі.&nbsp;</blockquote>Жиын барысында аудан әкімі Нұржан Сәбитұлы ауылдағы жетістіктермен қатар кемшіліктерге де тоқталып, әсіресе білім саласындағы олқылықтарды атап өтті. Кездесуге облыстық білім басқармасының орынбасары, облыстық ішкі істер департаментінің құқық қорғау өкілдері қатысып, ұстаздар мен ата-аналардың бала тәрбиесіне аса мән беру керектігін сөз етті. Мектеп оқушыларының бір-біріне әлімжеттік көрсетіп, келеңсіз жағдайдың орын алуына байланысты құқықбұзушылықтың алдын алу бағытында жүйелі жұмыстар ұйымдастыруды тапсырды.&nbsp;ЖАҢА ЖЕДЕЛ-ЖӘРДЕМ КӨЛІГІН БЕРДІЖұмысшы топ құрамның келесі бағыты Еңбекші ауылына аялдады. Алдымен жоспарға сәйкес ауыл әкімі Бағдат Серікбайұлы атқарылған жұмыстар бойынша баяндама оқып, халық көкейінде жүрген сауалдарға жауап берді. Осыған дейінгі халықпен кездесуде табиғи газ, жол мәселесі айтылып, бүгінде оң нәтижесін беріп, халық «көгілдір отынның» игілігін көруде. Ұсынылған жұмыстардың нәтижелі түрде жүзеге асқанын көрген ауыл тұрғындары ризашылығын жеткізді.&nbsp;Еңбекші ауылының негізгі кәсібі мал шаруашылығы болып саналады. Ауыл кәсіпкерлері мемлекеттік жобалар аясында қолдауларға ие болып, мал санын арттырып оны асылдандыру бағытында толайым табыстарға жетіп отыр.&nbsp;Бұл елді мекеннің тұрғындары Төрениязов көшесінде жарық шамдарының жоқтығын айтып, кешкі уақыттарда оқушылардың сабақтан қайтуы қиындайтынын сөз етті. Сондай-ақ ауылдағы су қоймасында бірнеше жылдан бері қарауыл жоқ екенін ескеруін өтінді. Себебі адам тұтынатын ауызсу жағдайы үнемі бақылауда болып, қадағалануы тиіс екенін айтты.Көктем шыға ауыл халқы өзін-өзі азықтүлікпен қамтамасыз ету мақсатында егін егуді қолға алатыны белгілі. Дегенмен, шаруалар аяқсу мәселесіне тап болып, қиындықтарға ұшырайтыны жасырын емес. Жиын барысында тұрғындар аяқсу келіп тұрғанын, бірақ канал басына шлюз орнатуын сұрады.&nbsp;Жиын соңында Еңбекші ауылдық емханасына аудан әкімінің тікелей қолдауымен және «Шиелі Гежуба Цемент» зауытының демеушілігімен Еңбекші ауылдық емханасына Hyundai маркалы жедел-жәрдем көлігі табысталды. Осынау керемет сәтке куә болған ауыл халқы алғысын айтып, жылы лебіздерін білдірді.&nbsp;ЖИДЕЛІДЕ ЖОЛ МӘСЕЛЕСІ КӨТЕРІЛДІЕңбекшіні артқа тастап ендігі бағытты Жиделіарық ауылдық округіне бұрдық. Ауыл әкімі Ерлан Шазатұлы І тоқсанда атқарылған жұмыстарды баяндап, халыққа алдағы жоспарымен бөлісті. Әкім есебін тыңдаған ауыл тұрғындары шешімін таппай тұрған мәселелерді тілге тиек етті. Мәселен, «екінші кварталда жаңадан ашылған көше бар. Онда әзірге 4 үй түсті. Осы көшеге жарық орнатып, асфальт төсеп берсе» деген өтінішін білдірді. Оған: «Жиделіарықта 9 көшенің 7-еуі асфальтталғанын, алдағы уақытта бұл мәселе де қолға алынатынын» айтты аудан әкімі.&nbsp;Күн тәртібінен түспей тұрған тағы бір мәселе егістік алқапқа апарар көпірдің апаттық жағдайда тұрғаны. Көктем шыға кетпенін иығына асынып, қыстың қамына кірісетін жиделіліктер егіс даласына үлкен үреймен барады. Себебі көпірдің екі бетон плитасы мен тіреуіші құлап түскен. Жүк көліктері мен ауыр салмақты көтере алмайтынын айтады. Егінмен ертеңгі күннің нәпақасын айырып отырған халық үшін ең алдымен осы мәселе шешім тапқаны маңызды. Мәселенің мән-жайын тыңдаған аудан әкімі Нұржан Сәбитұлы аталған көпірден ауылдағы «Халық» және ірілі-ұсақты шаруа қожалықтың жүк көліктері өтетінін ескеріп, шаруа қожалықтарға бірлесіп осы мәселені күн құрғатпай шешуді ұсынды.&nbsp;Сонымен қатар әлеуметтік желіде онлайн алаяқтардың көбеюін сөз еткен аудан прокуроры Нұрбек Келісімұлы ауыл тұрғындарына сақтық шараларын түсіндірді. Алаяқтардың арбауына түсіп, қарызға батқан тұрғындарды мысалға келтіріп, түсіндіру жұмыстарын жүргізді.&nbsp;ҚАРҒАЛЫДА АУЫЗСУ САҒАТПЕН БЕРІЛЕДІДүйсенбі күннің қорытынды есебі Қарғалы ауылдық округінде жалғасты. Ауыл әкімі Қайрат Қапанұлы қарсы алған ауылда жаңа амбулатория халық игілігіне берілген. Сондай-ақ 1974 жылы құрылған ауылдық округтің биыл 50 жылдық мерейтойы. Дегенмен, ауылдың ақсақалдары айтулы мерекенің ескерусіз қалғанына ренжулі. Аталған ауылдағы басты мәселе – ауызсу. Себебі мұнда ауызсу сағатпен беріледі. Тұрғындардың тілегі Айтуғанов көшесінде ауызсу мәселесі шешімін тапса дегенге ұласты.&nbsp;Ал шаруа қожалық иелері өткен жылы мия тамырын іздегендер жердің бәрін қазып тастағанын айтып, биыл да бұл істің қайталанбауын сұрады. Бұл мәселеге тосқауыл қойылмаса егістік жерлердің тоз-тозы шығар түрі бар. Ауыл тұрғындары көтерген мәселені түртіп алған аудан әкімі кіреберіс көшенің бойына жарық шамдар орналастыру жұмысын да қолға алуды тапсырды. Жиын соңында аудан прокуроры Нұрбек Келісімұлы барлық 5 ауылдық округ тұрғындарына алаяқтардан сақ болуға үндеу жасады.&nbsp;&nbsp;М.ИБРАГИМОВ

Шиелі ауданының әкімі халыққа есеп берді

<a href="https://kyzylorda-news.kz/">Kyzylorda-news.kz.</a> Мәдениет және өнер қызметкерлерінің төл мерекесіне орай А. Тоқмағанбетов атындағы қалалық мәдениет үйінде «Мәдениет - мәңгілік мәнері» атты мерекелік салтанатты іс-шара өтті.Қалалық Жастар театрының әртістері сахналаған театрландырылған қойылыммен шымылдығы түрілген шараға арнайы қатысқан қала әкімінің орынбасары Дархан Тұрсынбаев мәдениет қызметкерлерін мерекемен құттықтады. Саналы ғұмырын осы салаға арнаған майталмандардың қоғамдағы орны туралы айшықты сөздерін арнады.Салтанатты шарада бірқатар сала қызметкерлеріне облыс әкімінің, облыстық мәдениет, архивтер және құжаттама басқармасы басшысының, қала әкімінің, салалық кәсіподақ ұйымының арнайы алғыс хаттары табысталды.Дана халқымыз: «Өнер – ұлттың жаны» деп бекер түстемесе керек. Өркениетті ұлт, ең алдымен, тарихымен, өнерімен, әлемдік мәдениеттің алтын қорына қосқан үлесімен танылып, бағаланады.Халқымыздың бай мəдени мұрасы мен руханиятының дамуына үлес қосып келе жатқан азаматтардың еңбегі бағаланатын елеулі күн ел өмірінің ең айшықты сәтіндей ыстық. Себебі қаламға серт еткен ақын-жазушының, өнер мен тарих тағылымымен таныстыратын музей қызметкерінің, білім бұлағымен сусындатқан кітапханашының, мазмұнды қойылыммен көрерменге ізгілік нəрін сыйлайтын театр, кино жəне опера əртісінің, өңірлердегі мəдениет ошақтарында қызмет етіп жүрген өзге де мамандардың еңбегі ұмытылмақ емес.Салтанатты шара ары қарай қала өнерпаздарының мерекелік концертіне ұласты.

Қазақстан және Қызылорда облысының жаңалықтары