<a href="https://kyzylorda-news.kz/">Kyzylorda-news.kz.</a> Осыдан 151 жыл бұрын Алаш руханиятының темірқазығы Ахмет Байтұрсынұлы дүниеге келген, деп хабарлайды <a href="https://www.inform.kz/kz/bugin-ahmet-baytursynuly-tugan-kun_a4108035">ҚазАқпарат</a>.ХІХ-ХХ ғасырда қазақ халқы үшін қандай ауыр болғанын түсіну үшін Байтұрсын әулетінің арғы-бергі тарихына көз салса жетіп жатыр.Әкесі мен ағаларының нақақ қудалануы жүрегіне шоқ боп түскен алаш арысы 1937 жылы атылғанға дейін ұлт ұпайын түгендеп өтті.Бұған оның бүгінге цензура мен плагиаттан әупіріммен аман жеткен ғылыми еңбектері мен әлі күнге дейін табылмай келе жатқан құнды дүниелерінің даңқ-дақпырты дәлел.Ол қазақ публицистикасы мен ғылыми тілін жасанды, қасаң сипаттан арылтып, халық тіліне жақындату үшін төл терминологияның негізін қалады.Ақын, лингвист, әдебиетші, түркітанушы, публицист, педагог, аудармашы, мемлекет қайраткері, қазақ тіл білімі мен әдебиеттану ғылымдарының негізін салушы, ұлттық жазудың реформаторы, араб графикасының негізінде қазақтың төл әліпбиін түзіп, төте жазудың көмегімен «Қазақ» газетін ұйымдастырды, ұлттық журналистиканы дамытты.Алашорда үкіметінің белді мүшесі болған. 2017 жылы Үкімет қаулысымен Қазақстан халқы тілдерінің күні 22 қыркүйектен Ахмет Байтұрсынұлының туған күніне ауыстырылды.Былтыр ғұламаның 150 жылдық мерейтойы ЮНЕСКО деңгейінде атап өтілді. Осыған орай, ҚазАқпарат арнайы жоба әзірлеген болатын.Ғалымның ғылыми еңбектері мен шығармаларын қамитын академиялық басылымын баспаға әзірлеген топқа жетекшілік еткен ғалым Айгүл Ісмақованың пайымынша, қазақ тілінің латын әліпбиі Ахмет Байтұрсынұлының теориясы бойынша түзілуі керек.ӨмірбаяныАхмет Байтұрсынұлы 1872 жылдың 5 қыркүйегінде қазіргі Қостанай облысы, Жангелді ауданы Ақкөл ауылында дүниеге келген.1937 жылдың 8 желтоқсанында Алматыда ату жазасына кесілді.Оның 1929 жылдың 12 мамырына дейінгі өмірбаяны өз қолымен жазылып, тарихқа қатталған.1882-84 жылдары кейде ел ішіндегі сауатты адамдардан, кейде жақын маңдағы ауыл мектептерінен білім алып, сауат ашады.1886-1891 жылдары Торғайдағы екі сатылы (әр сыныбы 3 жылдан) орыс-қырғыз (қазақ) училищесінде оқыды.1891-1895 жылдары Орынбор қазақ мұғалімдер мектебінде білімін тереңдетті. Бұл мектепті бітіргендер 6 жыл мұғалім болып жұмыс істеуге міндетті еді. Осылайша 1895-1891 жылдары әртүрлі ауыл мектептерінде, кейін облыстық мектепте, екі сыныптық (екі сатылы) оқу мекемелерінде жұмыс істеді.1901-1909 жылдары өз бетімен білімін толықтырып, шығармашылықпен айналысады.1909 жылы Қарқаралы қаласындағы екі сыныптық училищенің меңгерушісі болып жүргенде Семей губернаторы Тройницкидің өкімімен тұтқындалып, Семей түрмесіне жіберіледі.1909 жылдың 1 шілдесінен 1910 жылдың 21 ақпанына дейін сол түрмеде отырады. Одан босағанымен Қазақстан аумағында тұруға тыйым салынады. Тек Ресей аумағындағы губернияда тұруға рұқсат етіледі.«Менің таңдауым Қазақстанға жақын жатқан Орынбор қаласы болды, мұнда 1910 жылдың 10 наурызында келдім», - деп жазады өзі.1910-1918 жылдары қазақ тілінің дыбыстық жүйесін, грамматикалық құрылымын, қазақ әліпбиі мен емлесін ғылыми дәйекпен ретке келтіріп, қазақ тілінің лексикалық қорымен синтаксистік құрылымын өзге тілдердің ықпалынан тазартуға күш салды. Сол мақсаттың жетегінде қазақ тіл білімі, әдебиеттану, түркология саласына негіз болған ғылыми еңбектерін құрастырып бастады. Қазақ публицистикасы мен ғылыми тілін жасанды, қасаң сипаттан арылтып, халық тіліне жақындату үшін төл терминологияның негізін қалады.1918 жылдан 1919 жылдың басына дейін «Алаш-Орда» құрамында қызмет істейді.1919 жылы наурызға дейін Алаш-Орда үкіметінің Торғай облысы бөлімінің мүшесі болды.1919 жылы наурызда Алаш-Орда үкіметі атынан Мәскеуге Кеңес үкіметімен келіссөзге қатысты.Оның табандылығының арқасында сәуірде Алаш-Орда басшылары мен мүшелеріне Кеңес үкіметінің кешірімі жарияланды.1919 жылдың екінші жартысынан 1920 жылдың соңына дейін «Қазақ өлкесінің әскери-төңкерістік комитетінде» комитет мүшесі болып қызмет етеді.1920 жылы сол кездегі бірінші басшы В.И. Ленинге Мәскеудің Қазақстанды басқару ісіндегі қателіктерін сынап, хат жолдады. Қазревком мүшесі ретінде Қазақстанның Ресеймен шекарасының қалыптасу ісіне атсалысты. 1919 жылдың 27 тамызында Бүкілресейлік орталық атқару комитетінің «Қостанай уезін Челябинск облысына қосу туралы» шешіміне қарсы жазған саяси наразылығы Қостанай өлкесін бөлшектенуден құтқарып қалды.1921 жылдан бастап Қазақстандағы жауапты лауазымдарда қызмет атқарды. Атап айтсақ, Оқу-ағарту ісі жөніндегі бірінші халық комиссары, Халық ағарту комиссариаты жанынан құрылған Академиялық орталықтың төрағасы, Қазақ халық ағарту комиссариаты жанындағы Ғылыми-әдеби комиссияның төрағасы, алқа мүшесі сияқты лауазымдарда еңбек етті.1921-1928 жылдары Халыққа білім беру институтында қазақ тілі мен әдебиеті, қазақ мәдениеті пәндерінен дәріс оқыған.1926-1928 жылдары Ташкенттегі Қазақ педагогикалық институтының Қазақ тілі мен әдебиеті кафедрасының доценті болды.1928 жылдың 1 қазанында Қазақ халық ағарту комиссариатының ұсынысымен Қазақ мемлекеттік университетінің Қазақ тілі кафедрасына профессор лазауызымына шақырылады.1929 жылғы маусымның басында Алаш қозғалысы қайраткерлерімен бірге Алматыда тұтқынға алынып, Мәскеудегі Бутырка абақтысына тергеуге жөнелтіледі. Аты шулы «үштіктің» 1930 жылғы 4 сәуірдегі шешімі бойынша ату жазасына кесілген еді. Бірақ бұл шешім бірнеше рет өзгертіліп, 1931 жылы қаңтарда 10 жылға концлагерьге ауыстырылса, 1932 жылдың қарашасында 3 жылға Архангельскіге жер аударылады. Ал 1933 жылы мамырда денсаулығының нашарлауына байланысты қалған мерзімді Батыс Сібірде айдауда жүрген отбасымен бірге өткізуге рұқсат беріледі.1934 жылы М.Горькийдің жұбайы Е.П. Пешкованың ара түсуімен отбасымен бірге мерзімінен бұрын босап, Алматыға оралады.Сол кезден 1937 жылға дейін түрлі мекемелерде ауық-ауық жұмыс істейді. 1937 жылы 8 қазанда соңғы рет тұтқындалып, 8 желтоқсанда ату жазасына кесілді.Ең алғаш жарық көрген әдеби жинағы – «Қырық мысал» (1909 ж.). Екінші кітабы – «Маса» (1911ж.).Сондай-ақ, А.С. Пушкин, М.Ю. Лермонтов, Ф. Вольтер, С.Я. Надсон өлеңдерін аударды.Ғылыми еңбектері: 1911-1912 жылдары төте жазу негізінде «Әліппе» түзіп, Уфа, Орынбор қалаларының баспаханаларынан басып шығарды. 1912-1925 жылдары «Оқу құралы» атты еңбегі 7 рет (кейінгі деректер бойынша 8 рет) жетілдіріліп басылды.1926 жылы «Әліп-бидің» жаңа түрін жазды.«Тіл – құрал» атты үш бөлімнен тұратын, үш шағын кітап болып жарияланған еңбегі және бар.1913 жылы «Қазақ» газетінің үш санында «Қазақтың бас ақыны» деген көлемді мақаласы шықты. Бұл Абайға қазақ жазба әдебиетінің төрін ұсынған еңбек еді.1923 жылы Мәскеуде жүріп «Ер Сайын» жырын алғысөз бен түсініктеме бере отырып шығарды.1926 жылы «23 жоқтау» кітабы жарық көрді. Дәл сол жылы «Әдебиет танытқыш» та баспа бетін көрді.Ахметтанушы Райхан Имаханбеттің дерегі бойынша, архив құжаттары Ахмет Байтұрсынұлының «Мәдениет тарихы», «Уголовный кодекс РСФСР» атты кітаптары болғанын айғақтайды. Аталған еңбектер әлі табылмай отыр. Ғалым өзі жазған өмірбаянында 14 кітабы басылғанын айтады. Қазіргі ахметтанушылардың пайымынша, 20 кітабы баспадан жарық көріп, 3 қолжазбасын баспаға ұсынғанымен шығаруға мүмкіндік болмаған.

Бүгін – Ахмет Байтұрсынұлы туған күн

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев қала орталығындағы Абай даңғылы №47 «А, Б, В», №51 «А» тұрғын үй аулаларын абаттандыру жұмыстарымен танысты.Еске салсақ, жаз басталғалы, яғни маусым айынан бері демеушілердің қолдауымен 1 млрд. теңгеге 20 көпқабатты тұрғын үйдің аулаларын абаттандыру басталған болатын. Аулаларға заманауи спорт алаңдары салынып, тротуарлары, жарық бағаналары жаңартылуда. Бұл тұрғындардың, балалардың демалысына қолайлы әрі спортпен &nbsp;шұғылдануына серпін береді.Абаттандырылған, көркейтілген аулалар жақында аталып өтілетін Қала күні мен Қызылорда облысының 85 жылдығына тарту етілмек.Айта кетейік, жергілікті кәсіпкерлер, облыстан шыққан меценаттар Мемлекет басшысының туған жерді көркейтуге үлес қосуға шақырған үндеуін барынша қолдап, атамекенді көркейтуге белсенді атсалысуда. &nbsp;Бастаманы қолдаған кәсіпкерлер демеушілік есебінен облыста 31 млрд. 700 млн. теңгенің жобаларын жүзеге асыруда. Атап айтқанда, маусым айынан бері 1 млрд. 100 млн. теңгеге &nbsp;облыс орталығындағы 50 үйдің қасбеттері заманауи панельдермен қапталуда. Қызылордалық кәсіпкер Асқар Әубәкіровтің демеушілігімен Қызылорда қаласының орталық алаңын абаттандыру жұмыстары басталды. &nbsp;Жоба құны 1 млрд. теңгені құрайды.Мұнан бөлек, меценаттардың қолдауымен Сыр өңірінде көптеген әлеуметтік нысандар салынып, қасиетті орындар – Қорқыт &nbsp;ата ескерткіш кешеніне, Хорасан ата, Оқшы ата және Марал баба кесенелеріне қайта жаңғырту, айналасын абаттандыру жұмыстары жүргізілуде.

Қызылордада жаңартылған аулалар қала күніне тарту етіледі

<a href="https://kyzylorda-news.kz/">Kyzylorda-news.kz.</a> Қазақстанның басым бөлігінде атмосфералық фронтальды бөлімдердің өтуіне байланысты ауа райының тұрақсыз сипаты сақталады, жаңбыр жауады, еліміздің оңтүстік-шығысындағы таулы аудандарда жауын-шашын (жаңбыр, қар) түседі, деп хабарлайды Қазгидромет.Тек еліміздің батысы мен оңтүстігінде ауа райы көбіне жауын-шашынсыз болады деп күтіледі. Республика бойынша найзағай, екпінді жел, бұршақ жауады. Оолтүстік-батыста, солтүстікте, орталықта, оңтүстік-шығыстың таулы аймақтарында тұман болады.«Жамбыл облысында, Қызылорда облысының шығысында, оңтүстігінде, орталығында, Атырау облысының солтүстік-батысында, солтүстік-шығысында, оңтүстігінде, Ақтөбе облысының батысында, Батыс Қазақстан облысының оңтүстік-батысында, солтүстік-батысында, солтүстігінде, шығысында төтенше өрт қаупі сақталады.Батыс Қазақстан облысының оңтүстігінде, орталығында, Павлодар, Қарағанды, Ұлытау облыстарының оңтүстігінде өрт қаупі бар, Маңғыстау облысының батысында, оңтүстігінде жоғарғы өрт қаупі күтіледі», - деп жазды синоптиктер.

5 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Елімізде отбасы мүшелеріне, балалар мен әйелдерге арналған шұғыл қоңырау нөмірі пайда болды. Енді қиын жағдайда қалған тұрғындар осы номерге тегін хабарласып, көмек ала алады.&nbsp;Қазақстан Республикасы Цифрлық даму, инновациялар және аэроғарыш өнеркәсібі министрлігінің Телекоммуникациялар комитеті шұғыл медициналық, құқық қорғау, өрт сөндіру, авариялық-құтқару және басқа да қызметтер тізбесіне толықтырулар дайындады.Бұл нөмір барлық қазақстандықтарға ақпараттық-анықтамалық, ұйымдастырушылық сипаттағы тегін байланыс қызметтерін, сондай-ақ психологиялық көмек көрсетуді, азаматтардың заңды құқықтарын қорғайтын барлық мәселелер бойынша бастапқы кеңес беруді қамтамасыз етеді.Тұрмыстық зорлық-зомбылық, балалар құқығының бұзылуы, баланың көшеде, үйде жалғыз қалып қалуы секілді түрлі жағдайға тап болған, қиын өмірлік жағдайға тап болған балалар мен ересектер, отбасы мүшелері осы нөмірге хабарласа алады. &nbsp;Бұрын бұл нөмір «Аманат» партиясының жанынан жұмыс істесе, қазір 101, 102, 103 және т.б. нөмірлермен бірге мемлекеттік төтенше жағдайлар қызметінің бірыңғай тізіміне енді.<a href="https://stan.kz/elimizde-otbasi-mushelerine-balalar-men-ayelderge-arnal-387654/">Stan.kz</a>

Балалар мен әйелдерге арналған шұғыл қоңырау «111» нөмірі пайда болды

<a href="https://kyzylorda-news.kz/">Kyzylorda-news.kz.</a> Бүгін, яғни 2023 жылдың 4 қыркүйегінен бастап жаңа бизнес-идеяларға мемлекеттік гранттар беру конкурсына өтінім қабылдау басталғанын хабарлаймыз.&nbsp;Конкурсқа өтінімдерді қабылдау 2023 жылдың 8 қыркүйегін қоса алғандағы мерзімге дейін жалғасын табады. Өтінімдер мен құжаттар <a href="https://kezekte.kz/">kezekte.kz</a> цифрлық платформасы арқылы қабылданады.Қатысушы-кәсіпкерлердің конкурсқа берген өтінімдері үйлестіруші органмен 4 жұмыс күні ішінде қаралып, қабылданғаны немесе қабылданбағаны расталатын болады. Қосымша сұрақтарды +7 (7242) – 605408 нөмерімен байланысу арқылы нақтылауға болады.

Мемлекеттік гранттар беру конкурсына өтінім қабылдау басталды

<a href="https://kyzylorda-news.kz/">Kyzylorda-news.kz.</a> 2022 жылдың тамыз айында Қызылорда қаласындағы Сұлтан Бейбарыс көшесінің бойынан 3,7 млрд.теңгеге 1000 орындық Өнер орталығының құрылысы басталған еді. &nbsp;Орталықта өнер иелерінің, шығармашылық ұжымдардың ұлттық, академиялық, симфониялық және эстрадалық бағыттағы концерттері, түрлі форматтағы қоғамдық және мәдени-көпшілік іс-шаралар өткізіледі.&nbsp;Нысан 2023 жылдың желтоқсан айында пайдалануға &nbsp;берілмек.

Өнер орталығы – қызылордалық көрермен қуанышы 

<a href="https://kyzylorda-news.kz/">Kyzylorda-news.kz.</a> 2024 жылғы 1 қаңтардан бастап Мемлекеттiк әлеуметтiк сақтандыру қорынан төленетiн әлеуметтiк төлемдердiң мөлшерi 7%-ке артады. Тиісті үкімет қаулысы «Ашық НҚА» порталында жарияланды.<blockquote>«2024 жылғы 1 қаңтарға дейін Мемлекеттік әлеуметтік сақтандыру қорынан тағайындалған еңбекке қабілеттіліктен айырылу және асыраушысынан айырылу жағдайлары бойынша төленетін әлеуметтік төлемдердің мөлшерлерін 2024 жылғы 1 қаңтардан бастап алатын әлеуметтік төлемдердің мөлшерінен 7 пайызға арттыру жүргізілсін», - делінген құжатта.</blockquote>Қаулы 2024 жылғы 1 қаңтардан бастап қолданысқа енеді.Құжат 15 қыркүйекке дейін қоғам талқысына шығарылды.<a href="https://sputnik.kz/20230904/kelesi-zhyl-aleumettik-tolemder-molsheri-koteriledi-38159694.html">sputnik.kz</a>

Келесі жылдан бастап кейбір әлеуметтік төлемдердің мөлшері көтеріледі

<a href="https://kyzylorda-news.kz/">Kyzylorda-news.kz.</a> Алдағы күндері республиканың басым бөлігінде күн салқын, жаңбырлы болады, найзағай ойнап, екпінді жел тұрады, деп хабарлайды Қазгидромет.Еліміздің солтүстігінде, шығысында және оңтүстік-шығысында қатты жаңбыр жауады. Қазақстанның оңтүстік-шығысындағы таулы аудандарда ауа райы жауын-шашынды, 5 қыркүйекте қатты жаңбыр және жылбысқы қар жауады деп болжанып отыр.Республиканың солтүстік-батысында, солтүстігінде, шығысында және орталығында түнде және таңертең тұман түседі.Еліміздің солтүстігінде, солтүстік-батысында, орталығында сынап бағанасы түнде 2-10 градус жылы көрсетсе, күндіз 10-20 градусқа дейін жоғарылайды.

Синоптиктер алдағы күндері ауа райы қандай болатынын айтты

<a href="https://www.zakon.kz/pravo/6405531-chem-budet-zanimatsya-ministerstvo-kultury-i-informatsii.html">ФОТО</a><a href="https://kyzylorda-news.kz/">Kyzylorda-news.kz.</a> Жаңадан құрылатын Мәдениет және ақпарат министрлігінің қызмет бағыты мен ережелерін бекітуді көздейтін Үкімет қаулысы ашық талқыға шығарылды, деп хабарлайды <a href="https://www.inform.kz/kz/zhanadan-kurylatyn-madeniet-zhane-akparat-ministrligi-nemen-aynalysady_a4107860">ҚазАқпарат</a>.<blockquote>«Мәдениет және ақпарат министрлігі мәдениет, тарихи-мәдени мұра объектілерін қорғау және пайдалану, кинематография, мемлекеттік рәміздер, архив ісі және басқаруды құжаттамалық қамтамасыз ету, электрондық құжат айналымы және электрондық архивтер, ономастика, креативті индустриялар және шығармашылық қызмет нәтижелерін коммерцияландыру, ақпарат, мемлекет пен азаматтық қоғамның өзара іс-қимылы, діни қызмет, мемлекеттік жастар және отбасы саясаты, қоғамдық сананы жаңғырту, қайырымдылық, волонтерлік қызмет, медиация, ішкі саяси тұрақтылықты қамтамасыз ету, конфессияаралық және этносаралық келісім, ақпаратқа қол жеткізу салаларындағы басшылықты, сондай-ақ заңнамада көзделген шектерде салааралық үйлестіруді және мемлекеттік реттеуді жүзеге асыратын Қазақстан Республикасының мемлекеттік органы саналады», - делінген Үкімет қаулысында.</blockquote>Құжатта көрсетілгендей, министрліктің құрамына мына ведомстволар енеді:1. Азаматтық қоғам істері комитеті;2. Ақпарат комитеті;3. Архив, құжаттама және кітап ісі комитеті;4. Дін істері комитеті;5. Жастар және отбасы істері комитеті;6. Мәдениет комитеті;7. Этносаралық қатынастарды дамыту комитеті.Сонымен қатар қаулыға сай, Мәдениет және ақпарат министрлігінің міндеттері айқындалған:- мәдениет, сондай-ақ халықаралық мәдени байланыстар;- тарихи-мәдени мұра объектілерін қорғау және пайдалану;- кинематография;- мемлекеттік рәміздер;- архив ісі және басқаруды құжаттамалық қамтамасыз ету;- электрондық құжат айналымы мен электрондық архивтер, оның ішінде таратылуы шектелген қызметтік ақпарат және онымен жұмыс істеу;- ономастика;- креативті индустриялар және шығармашылық қызмет нәтижелерін коммерцияландыру;- балаларды олардың денсаулығына және дамуына зиян келтіретін ақпараттан қорғау;- бұқаралық ақпарат құралдары;- діни қызмет;- мемлекеттік жастар және отбасы саясаты;- қоғамдық сананы жаңғырту;- қайырымдылық;- волонтерлік қызмет;- ішкі саяси тұрақтылықты, конфессияаралық және этносаралық келісімді қамтамасыз ету;- мемлекеттің, азаматтық қоғамның және қоғамдық кеңестердің өзара іс-қимылы.Министрліктің және оған бағынысты ведомстволардың қарамағына мына ұйымдар кіреді:- Қазақ әуендері» АҚ;- «Қазақ газеттері» ЖШС;- Қазақ ұлттық хореография академиясы;- Қазақстан Республикасының Ұлттық музейі;- «Қазақстан» республикалық телерадиокорпорациясы» АҚ;- «Qazcontent» АҚ;- «Қазмедиа орталығы» басқарушы компаниясы» ЖШС;- «Хабар» агенттігі» АҚ;- Шәкен Айманов атындағы «Қазақфильм» АҚ.Үкімет қаулысының жобасы 18 қыркүйекке дейін көпшілік талқылауда болады.Еске салайық, 1 қыркүйекте Мемлекет басшысының Жарлығымен 5 жаңа министрлік құрылды.&nbsp;

Жаңадан құрылатын Мәдениет және ақпарат министрлігі немен айналысады

Бүгін Қызылорда қаласындағы С. Толыбеков атындағы №3 ІТ-мектеп-лицейінің және Т.Есетов атындағы № 264 мектеп-лицейдің жанынан салынған қосымша ғимараттар пайдалануға берілді.Салтанатты ашылу рәсіміне облыс әкімі Нұрлыбек Нәлібаев қатысып, жиналған жұртшылықты құттықтады.&nbsp;<blockquote>«Мемлекет басшысы Қасым-Жомарт Кемелұлы Тоқаев «Әділетті Қазақстанның экономикалық бағдары» атты дәстүрлі Жолдауында адал азамат және тұғырлы тұлға болудың негізі бала кезден қалыптасатынын айтты. Ол үшін жас ұрпақтың қауіпсіз әрі алаңсыз өмір сүруін қамтамасыз етуіміз керек. Балаларға қауіпсіз орта қалыптастыру – ортақ міндет, маңызды бағыттарымыздың бірі. Кейінгі жылдары оқушы санының артуына байланысты бірнеше білім ошағы қосымша құрылысты қажет етті. Өздеріңіз білетіндей, орталықта жаңа мектеп салуға ыңғайлы жер жоқ. Жаңадан ашылған жерге салынған мектепке қатынау қиын. Әсіресе қыстың қысқа күндері ата-аналар балаларына алаңдайды. &nbsp;Тағы бір айтарлығы, қосымша ғимарат бюджетке аса ауыр салмақ салмайды, жаңа мектепке қарағанда арзан. Ең маңыздысы- балаларымыздың қауіпсіздігі, &nbsp;олар үйіне жақын, &nbsp;үйренген мектебінде &nbsp;оқиды. Үш ауысымдық мектептер ауласына қосымша ғимарат салу барлық жағынан да тиімді болғандықтан, осы шешімге тоқталдық», – &nbsp;деді аймақ басшысы.</blockquote>С. Толыбеков атындағы №3 ІТ-мектеп-лицейінің ауласындағы 375 орындық ғимаратта бастауыш сыныптар оқиды. Ал Т.Есетов атындағы № 264 мектеп-лицейдің қосымша ғимараты 550 орындық.&nbsp;Жаңа ғимараттарда оқу кабинеттері, шығармашылық бөлмелер талапқа сай жабдықталған. Оқушыларға ыңғайлы болу үшін оқу құралдарын сақтауға, &nbsp;шығармашылық дамуы мен демалуына барлық жағдай қарастырылған. Бейнебақылау, дыбыстық хабарлау және басқа да қауіпсіздік жабдықтары орнатылған.&nbsp;Еске салсақ, Білім күні қарсаңында қалалық №101 мектеп-лицей және Абай атындағы үш тілде оқытатын дарынды балаларға арналған мамандандырылған сыныптары бар мектептің жанынан салынған осындай оқу ғимараттары пайдалануға берілген еді. Осылайша облыс орталығындағы 4 мектептің 1 850 балаға арналған қосымша ғимараттары жаңа оқу жылында балаларды қабылдады.&nbsp;Айта кетейік, Сыр өңірінде заманауи жаңа білім ошақтары бой көтеріп, жас ұрпақтың сапалы білім, саналы тәрбие алуына баса мән берілген. Аймақта &nbsp;3-6 жастағы балаларды мектепке дейінгі тәрбиемен қамту үлесі &nbsp;100 пайызға, ал 2-6 жастағылардың қамтылуы 88,9 пайызға жетті. Мемлекет пен жекешеменшік әріптестіктің ынтымақтастық аясы кеңейіп келеді. Бүгінде облыстағы 613 балабақшаның 453-і немесе 73%-ы жеке сектордың үлесінде.&nbsp;Мемлекет басшысының бастамасымен қолға алынған "Жайлы мектеп" ұлттық жобасы шеңберінде 100 млрд. теңгеге жуық қаражатқа 21 заманауи мектеп салынбақ. Биыл 10 мектептің іргетасы қаланады. &nbsp;Қаланың сол жағалауында «ҚазГерМұнай» компаниясының қаржылай қолдауымен 350 орындық заманауи Оқушылар сарайы салынады. Бұл қосымша білім беру ордасында озық ойлы, өнерге құштар, спортқа бейім дарынды балалар тәрбиеленбек.<img src="https://knadmin.beoblood.kz/uploads/shkola_1_e05f219f9e.jpg" alt="школа 1.jpg"><img src="https://knadmin.beoblood.kz/uploads/shkola_11_12c34060a0.jpg" alt="школа 11.jpg"><img src="https://knadmin.beoblood.kz/uploads/375266146_604096241911624_2184831548914609286_n_4c2c94cbd4.jpg" alt="375266146_604096241911624_2184831548914609286_n.jpg"><img src="https://knadmin.beoblood.kz/uploads/375130962_604096365244945_8844861946470084120_n_5d37ee3d94.jpg" alt="375130962_604096365244945_8844861946470084120_n.jpg"><img src="https://knadmin.beoblood.kz/uploads/375212192_604096731911575_5820782184978324088_n_cd65eaf7b8.jpg" alt="375212192_604096731911575_5820782184978324088_n.jpg">

Қызылордада екі мектеп жанынан қосымша ғимараттар ашылды

<a href="https://kyzylorda-news.kz/">Kyzylorda-news.kz.</a> Жексенбі күні облыс әкімі Нұрлыбек Нәлібаев Қызылорда қаласындағы бірқатар нысандарды аралап, құрылыс алаңдарына барды.Алдымен аймақ басшысы «Қорқыт ата» әуежайы терминалының құрылыс барысымен танысты.Жерлесіміз, меценат "Болат Өтемұратовтың қоры" өңірде халықаралық стандарттарға сай заманауи терминал салуда. Қазіргі &nbsp;әуежай жылына 137 мың адамға қызмет көрсетсе, жаңа терминал іске қосылғаннан кейін 220 мың жолаушыны қабылдай алады. Ал жүк тасымалдау көлемі 150 тоннадан 240 тоннаға дейін ұлғаяды. Құны 25 миллион долларды, алаңы 7500 шаршы метрді құрайтын терминалда телескопиялық трап екі қабатты болады. Жолаушыларға, оның ішінде қозғалыс қабілеті шектеулі азаматтарға ыңғайлы болу үшін эскалаторлар мен лифттер қарастырылмақ. Жылдам әрі жайлы қызмет көрсету үшін өзін-өзі тіркеу бағандары, жүктерді беру және өңдеу автоматтандырылады. Терминал құрылысы &nbsp;2024 жылы аяқталмақ. Ал әкімдік &nbsp;5 млрд. &nbsp;теңгеге нысанның аумағын абаттандырып, қажетті инфрақұрылымды, атап айтқанда, су, жылу, &nbsp;кәріз, жарық, байланыс желілерін &nbsp;тартуда.Облыс әкімі өңірдің негізгі әуе қақпасының заманауи сипатқа ие болуы қажеттігін айтты. Бұл ретте әуежай басшысына қор өкілдерімен бірлесіп, терминал құрылысына қажетті жұмысты үйлестіріп, уақытылы аяқтауды тапсырды.&nbsp;Әрі қарай аймақ басшысы "Қызылорда су торабындағы" &nbsp;жөндеу жұмыстарымен танысты. &nbsp;Апатты жағдайдағы су торабына 2020 жылдан бері жөндеу жұмыстары жасалуда. Мердігер мекеме «Caspian Contractors Trust» ЖШС жұмысты алдағы желтоқсан айында аяқтайды деп жоспарлануда. &nbsp;Бөгетте 16 метрлік бес аралық бар, олар қақпалармен және апаттық-жөндеу шандорларымен жабылған. Облыс әкімі Сұлтан Бейбарыс көшесінің абаттандыру жұмыстарын тамашалады.&nbsp;Қазір көше алты жолақты. Айналасы тұрғындар үшін жайлы демалыс орнына, серуен жолына айналып абаттандырылды. Субұрқақтар орнатылып, &nbsp;орындықтар, автотұрақтар, жарық шамдары қойылды.Мұнан әрі Нұрлыбек Машбекұлы Сұлтан Бейбарыс көшесіндегі Неке сарайының құрылысымен танысты. Жалпы аумағы 2 мың шаршы метрден астам зәулім ғимараттың құрылысы былтыр қыркүйекте басталған. &nbsp; Өткен жылдың тамыз айында іргетасы қаланған Неке сарайының құрылысы бітуге таяған. Негізгі қызметі жас жұбайлардың некесін салтанатты түрде қиюға, отбасы институтын қалыптастыруға, ұлттық тәрбиені дәріптеуге және ұлттық құндылықтарды насихаттауға бағытталмақ. Алда пайдалануға берілетін жоба құны 1 млрд. 600 млн. теңгені құрайды.Аймақ басшысы "Анаға тағзым" орталығының құрылысымен танысты. Нысан жақын арада &nbsp;халық игілігіне табысталмақ. Құны 1,5 млрд. теңгені құрайтын заманауи үлгідегі орталықта жас отбасыларға, балаларға ұлттық құндылықтарды дәріптеп, әдет-ғұрып, салт-дәстүрлерді жаңғыртуға &nbsp;мүмкіндік берілмек. Жаңа нысанда қыз-келіншектерге арналған арнайы бөлмелер, тұрмысқа және қонақ күтуге баулу, аруларға жан-жақты психологиялық көмек беру кабинеттері болады. Мұнан бөлек, шығармашыл жандарға бағытталған әдебиет және поэзия, дизайн студиясы мен би орталығы және жас отбасыларға қызмет көрсету бөлмелері болады.&nbsp;<img src="https://knadmin.beoblood.kz/uploads/369807677_603780938609821_9039082280262476837_n_e3c691cc61.jpg" alt="369807677_603780938609821_9039082280262476837_n.jpg"><img src="https://knadmin.beoblood.kz/uploads/374176941_603782011943047_94157464219073953_n_4a7460f2f5.jpg" alt="374176941_603782011943047_94157464219073953_n.jpg"><img src="https://knadmin.beoblood.kz/uploads/369808270_603782825276299_6261459037511532282_n_151ed1e322.jpg" alt="369808270_603782825276299_6261459037511532282_n.jpg"><img src="https://knadmin.beoblood.kz/uploads/374186040_603781228609792_2852139392126547906_n_29e4e571ba.jpg" alt="374186040_603781228609792_2852139392126547906_n.jpg"><img src="https://knadmin.beoblood.kz/uploads/374184262_603782771942971_2013945126953959885_n_9826e2c364.jpg" alt="374184262_603782771942971_2013945126953959885_n.jpg"><img src="https://knadmin.beoblood.kz/uploads/369804769_604024928585422_1082136130664503385_n_1023f2f431.jpg" alt="369804769_604024928585422_1082136130664503385_n.jpg"><img src="https://knadmin.beoblood.kz/uploads/374518654_603780718609843_1277152278254605572_n_f95a0a2073.jpg" alt="374518654_603780718609843_1277152278254605572_n.jpg">

Нұрлыбек Нәлібаев қаладағы нысандарды аралады

<a href="https://kyzylorda-news.kz/">Kyzylorda-news.kz.</a> Өткен жылы тамыз айында Қызылорда қаласының сол жағалауында құны 2 млрд. 700 млн. теңгені құрайтын Қан орталығының іргетасы қаланды.Нысан жылына 5000-10000 адамға қызмет көрсете алады. Орталықтың салынуы – аймақтың денсаулық сақтау саласы үшін маңызды әрі ұтымды шешім. Бұл – облыс тұрғындарының денсаулығын сақтау және қорғау бағытындағы нақты іс-шараның бірі.Нысан &nbsp;2024 жылдың басында пайдалануға беріледі.Сонымен қатар келер жылы аймақта физика-математика мектеп интернаты білім алушыларға есігін айқара ашады.&nbsp;Биыл шілде айында Қызылорда қаласында дарынды балаларға арналған 300 орындық жатақханасы бар, 400 орындық физика-математика мектеп-интернатының іргетасы қаланды.Сол жағалауға қоныс тепкен жаңа ғимарат жобасының құны 7 млрд. 900 млн. теңге. Жаңа мектеп оқушыларға сапалы білім беруге мүмкіндік жасайтын заманауи құрал-жабдықтармен жарақталады. Мұнда нақты ғылымды тереңдетіп оқуға талапты шәкірттерді қолдаудың барлық тетіктері қарастырылады.Ғимарат құрылысы 2024 жылы аяқталып, оқушылар мен ұстаздар игілігіне беріледі.<img src="https://knadmin.beoblood.kz/uploads/369800958_603674415287140_4571930351976348374_n_b1851da3b7.jpg" alt="369800958_603674415287140_4571930351976348374_n.jpg">

Қазақстан және Қызылорда облысының жаңалықтары