<a href="https://kyzylorda-news.kz/">Kyzylorda-news.kz.</a> Халықаралық зияткерлік олимпиада жеңімпаздары ҰБТ тапсырмай-ақ жоғары оқу орнына грантқа түсе алады. Бұл туралы Білім және ғылым министрі Асхат Аймағамбетов бүгінгі Үкімет отырысында мәлімдеді.
<blockquote>
 Дарынды балаларды қолдау өте маңызды. Президенттің тапсырмасы бар. Биылдан бастап халықаралық зияткерлік олимпиадалардың жеңімпаздарына конкурсқа қатыспай,&nbsp;ҰБТ&nbsp;тапсырмай-ақ жоғары оқу орнына грант алу мәселесі қарастырылып отыр, — деді министр.
</blockquote>
Сондай-ақ олимпиада жеңімпаздары мен олардың ұстаздарына арнайы сыйақы беріледі.

Кімдер ҰБТ тапсырмай грантқа түсе алады?

<a href="https://kyzylorda-news.kz/">Kyzylorda-news.kz.</a> Синоптиктер Қазақстанда 3-5 ақпанға арналған ауа райы болжамын ұсынды.
Қазақстанда жауын-шашынсыз ауа райы сақталады. 5 ақпанға таяу республиканың батысында жауын-шашын, жел, көктайғақ күтіледі. Республика бойынша да тұман түседі.
Еліміздің шығысында, солтүстік-шығысында және орталығында түнде және таңертең 20-30 градусқа дейін аяз сақталады, Қазақстанның қалған бөлігінде температура фонында айтарлықтай өзгерістер күтілмейді.

Алдағы күндері 30 градусқа дейін аяз болады

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалына мемлекет МӘМС жарналарын төлейтін жеңілдікті санаттардың бірінің өкілдері ретінде студенттер үшін сақтандырылған мәртебесін алу мәселелерімен жиі жүгінеді.
Қор филиалының директоры Бақыт Исмаханбетов біздің тілшімізге бұл мүмкіндік шетелде оқитын қазақстандықтар үшін қалай қарастырылғанын, сондай-ақ студенттердің неге кейде сақтандырылмайтынын түсіндірді.
Жеңілдік бойынша сақтандыру кімге беріледі? 
МӘМС туралы заңға сәйкес (26-баптың 1-тармағының 13-тармақшасы), жасына қарамастан, күндізгі оқу нысаны бойынша оқитындардың барлығы (мейлі ол 18 жасқа толған мектеп оқушылары болсын, колледж, ЖОО немесе басқа да оқу орындарының студенттері болсын) азаматтардың жеңілдікті санатына кіреді, олар үшін МӘМС жарналарын мемлекет төлейді. 
Студенттер мемлекет есебінен сақтандырылған болып табылады және МӘМС пакетінде көрсетілетін медициналық қызметтерге қол жеткізе алады. Айта кетейік, аймақта 32 мыңнан астам студент бар.
Қазақстанда оқитын студенттер үшін сақтандырылған мәртебесін алу алгоритмі: 
Сақтандырылғандар мәртебесі Қазақстан аумағында оқитын азаматтарға жеңілдік ретінде беріледі және олардың деректері оқу орнының ақпараттық жүйесіне енгізіледі. Ол, өз кезегінде Қазақстан Республикасы Білім және ғылым министрлігінің қарамағындағы Ұлттық білім беру деректер базасымен (ҰБДҚ) біріктірілген. 
Деректерді енгізуге студенттер оқитын оқу орындарының әкімшілігі немесе деканаттарының қызметкерлері жауапты болады. ЖСН, Т.А.Ә., оқу кезеңі және оқыту нысанын дұрыс толтыру міндетті шарт болып табылады. Егер бұл жолдар дұрыс толтырылмаған жағдайда, онда сақтандырудың жеңілдетілген мәртебесі автоматты түрде берілмейді.
Егер отандық ЖОО студенті сақтандырылмаған болса не істеу керек? 
Мәртебе ҰБДҚ-да студент туралы тиісті ақпараттың болуына байланысты берілетіндіктен, сіз өзіңіздің оқу орныңыздағы жауапты қызметкерге хабарласып, ақпараттық жүйеде деректерді тексеруді сұрауыңыз қажет. Кейде ақпараттың жаңартылмағаны анықталады.
Оқу орындарына арналған жадынама: 
Оқу орнының ақпараттық жүйесіне білім алушылар туралы мәліметтерді (оның ішінде оқу жылы ішінде келгендер бойынша) уақтылы және дұрыс енгізу қажет, өйткені студенттерге ҰБДҚ-да біріктірілген деректердің болуы арқылы жеңілдік мәртебесі беріледі. 
Егер бір жылдың ішінде білім алушы оқудан шығарылса немесе басқа оқу орнына ауыстырылса, онда ол туралы мәліметтерді өзінің оқу орнының ақпараттық жүйесінен алып тастау қажет. 
Егер оқу орнының ақпараттық жүйесінде оқуды бұрын аяқтаған білім алушылар туралы деректер болса, оларды аталған жүйеден шығару қажет, өйткені бұл адамдар жұмысқа орналасу кезінде МӘМС жарналарын төлей алмайды. 
Есіңізде болсын: Білім алушылардың МӘМС жүйесінде медициналық көмек алу мүмкіндігі ақпараттық жүйеде олар туралы мәліметтердің дұрыс және уақтылы толтырылуына байланысты болады.
Шетелде оқитын қазақстандықтар үшін сақтандырылған мәртебесін алу алгоритмі: 
Шетелдік оқу орындарында оқитын қазақстандық күндізгі оқу нысанының студенттері МӘМС жүйесінде сақтандырылған тұлғалардың автоматты түрде жеңілдік мәртебесін ала алмайды. Ол үшін олар жүйеге өздігінен тіркелуі керек.
Ол үшін электрондық үкімет порталындағы egov.kz сервисін пайдалану қажет:
<ol>
<li>Ізденіс жолына келесіні енгізу: «Шетелде оқитын студенттерді тіркеу».</li>
<li>Ашылған терезедегі өтінішті толтыру және оқуды растайтын құжаттарды қоса беру қажет.</li>
<li>Өтінішке ЭЦҚ көмегімен қол қою.</li>
<li>Көптеген жағдайларда сақтандырудың жеңілдікті мәртебесі жолдарды дұрыс толтырған жағдайда 10 жұмыс күні ішінде беріледі.</li>
<li>Егер сақтандырудың жеңілдікті мәртебесін беру көрсетілген мерзім ішінде орындалмаса, онда ҚР Білім және ғылым министрлігінің Халықаралық департаментіне жүгіну қажет. Әр семестр аяқталғаннан кейін сақтандыру мәртебесін тексеру және оқудың өзектілігін растау қажет екенін есте ұстаған жөн, өйткені дерекқордағы мәліметтер өзгеруі мүмкін.</li>
</ol>
Кері байланыс
Өкінішке орай, күндізгі нысанда оқитын студенттердің барлығы МӘМС туралы заң бойынша өздерінің жеңілдік берілгендер санатында екендігін және МӘМС-ке жарналар мен аударымдарды төлеулері қажет еместігін біле бермейді. Әсіресе шетелде білім алып жүрген студенттер. Сондықтан Қор мемлекет есебінен олардың МӘМС жүйесінде сақтандырылған мәртебеге ие екендіктерін тағы да еске салады. 
Егер студент көрсетілген тәсілдермен жеңілдік мәртебесін ала алмаса немесе мәртебесінен айрылып, оқу орнының қабырғасында шешім таба алмаса, онда ол өтінішті Қордың кеңсесі арқылы пошта арқылы жібере алады: kanc@fms.kz немесе Qoldau 24/7 мобильді қосымшасы арқылы. Қор өзіне жүгінген тұлғаға сақтандырылған мәртебесін беру үшін ҚР Білім және ғылым министрлігімен, ҚР Сыртқы істер министрлігімен ынтымақтастықта қажетті жұмысты жүргізеді. 
Егер сұрақтарыңыз болса, Қорға келесі қол жетімді байланыс арналары арқылы хабарласа аласыз: fms.kz ресми сайты, 1406 байланыс орталығы, Qoldau 24/7 және Telegramдағы Saqtandyry-Bot мобильді қосымшасы.
<img src="https://kyzylorda-news.kz/wp-content/uploads/2022/02/stwdentter-3.jpg" alt="" />
<img src="https://kyzylorda-news.kz/wp-content/uploads/2022/02/stwdentter.jpg" alt="" />
<img src="https://kyzylorda-news.kz/wp-content/uploads/2022/02/stwdentter-1.jpg" alt="" />

Студенттер МӘМС жүйесінде медициналық көмек ала алады

<a href="https://kyzylorda-news.kz/">Kyzylorda-news. kz.</a> Қызылорда облысы Полиция департаментінің,​ табиғат қорғау прокуратурасы ​ және «Охотзоопром» ӨБ РМҚК қызметкерлерімен бірлесіп ​ жүргізген рейд кезінде ​ қала орталығындағы көшелердің бірінде 27 жастағы қала тұрғынының басқаруындағы жеңіл автокөлік тоқтатылды.​
Тексеру барысында автокөліктің жүк салғышынан 1 бас ақбөкен аңына ұқсас жануардың денесі анықталып, айғақ зат ретінде тәркіленді.​
<blockquote>
 “Күдікті 2 азамат уақытша ұстау абақтысына қамаққа алынып, ҚР ҚК-нің 339 – бабымен сотқа дейінгі тергеп – тексеру амалдары жүргізілуде. Сараптамалар тағайындалды. Оқиғаның мән-жайы анықталуда”,- делінген полиция департаментінің хабарламасында.​ ​
</blockquote>
​
<img src="https://kyzylorda-news.kz/wp-content/uploads/2022/02/whatsapp-image-2022-01-26-at-08.20.03.jpeg" alt="" />

Ақбөкеннің етін заңсыз иемденіп, сақтаған қызылордалықтар ұсталды

<a href="https://kyzylorda-news.kz/">Kyzylorda-news.kz.</a> Қызылорда қаласы әкімінің орынбасары Бектас Нуридинов бітіруші түлектермен, оқытушылар және жұмыссыз жастармен кездесті. Бұл туралы қала әкімдігінің баспасөз қызметі хабарлады.
Кездесуде қалалық дене шынықтыру және спорт бөлімі мен мәдениет және тілдерді дамыту бөлімінің басшылары, қалалық жұмыспен қамту орталығының директоры жұмыспен қамту бағытында жүзеге асырылып жатқан мемлекеттік бағдарламалар аясында түсіндірме берді. Сонымен қатар, қала әкімінің орынбасары мен сала басшылары жастарды жеке қабылдап, ұсыныстарын назарға алды.
<blockquote>
 Жастар жетістіктерге өзі еңбектенудің, өзі ізденудің нәтижесінде қол жеткізе алады. Алайда, жұмысқа қабілетті жастардың бірқатары жұмыссыз атанып, ал кейбірі тұрақты емес жұмысқа орналасады. Бүгінгі кездесу алған білімдеріңіздің нәтижесін көру үшін мемлекет тарапынан жасалып жатқан қолдауларды өздеріңізге жеткізу және арнайы сала мамандарымен еркін сұхбат құру мақсатында ұйымдастырылуда, – деді қала әкімінің орынбасары Бектас Балғабайұлы.
</blockquote>
Шара барысында “Зерде” интеллектуалды мектебінің құрылтайшысы Сейтқали Алшынбаев 60 түлекке жұмысқа орналасуға жолдама беріп, еңбек кітапшаларын табыстады.
<img src="https://kyzylorda-news.kz/wp-content/uploads/2022/02/fb_img_1643741946952.jpg" alt="" />
Айта кету керек, Қызылорда қаласы әкімдігінің ұйымдастыруымен мемлекеттік бағдарламаларды насихаттау тобы алдағы уақытта қала және қалаға қарасты ауылдық округтер мен кенттерде түсіндірме жұмыстарын жалғастыратын болады.
<img src="https://kyzylorda-news.kz/wp-content/uploads/2022/02/fb_img_1643741971602.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643741942183.jpg" alt="" />

Қызылордалық кәсіпкер 60 түлекті жұмысқа орналастырды

<a href="https://kyzylorda-news.kz/">Kyzylorda-news.kz.</a> Бүгін Бейжіңде өтетін XXIV қысқы Олимпиада ойындарының алауының эстафетасы басталды, деп хабарлайды <a href="https://www.inform.kz/kz">ҚазАқпарат</a>.
ҚР Ұлттық олимпиадалық комитеті хабарлағандай салтанатты рәсім Бейжіңнің солтүстігіндегі Олимпиадалық саябақтан бастау алды. Алау эстафетасын ресми түрде Қытай мемлекеттің кеңесінің бірінші вице-премьері Хань Чжэн ашты.
Ұйымдастыру комитеті ғаламдық пандемияға байланысты эстафетаның бағыты мен ұзақтығын біршама қысқартқан. Коронавирус инфекциясының алдын алу мақсатында эстафетаға көрермендер қатысып жатқан жоқ. Одан бөлек, алауды адамдар тұратын көшелер мен аудандардан алыс жерлерде алып жүру көзделген.
Эстафета үш олимпиадалық кластер бойынша 12 кезеңнен тұрады. Алауды алып жүруге 14 пен 86 жас аралығындағы жалпы есебі 1200 алау ұстаушы қатысуда. Сондай-ақ, тарихта алғаш рет алауды адамдар ғана емес, машиналар да алып жүреді.
Сондай-ақ бүгін, яғни 2 ақпан күні Бейжіңде Ақ Олимпиаданың алғашқы іріктеу сындары да басталып кетті.
Олимпиада ойндарының ресми ашылу рәсімі 4 ақпанға жоспарланған.
Алайда, бүгін керлинг, шайбалы хоккей фристайл, сынды спорт түрінен алғашқы іріктеу жарыстары басталады. Ал 3 ақпан күні қазақстандық фристайлшылар жарыс алаңына шығады.
Естеріңізге сала кетейік, XXIV қысқы Олимпиада ойындарына Қазақстан құрамасынан барлығы 34 спортшы қатысады, олар 87 жолдама жеңіп алды. Төрт жылдық доданың ашылу салтанаты Нұр-Сұлтан уақытымен 4 ақпан күні, сағат 17:55-те басталады.

Бейжің-2022: Алау эстафетасы басталды

<a href="https://kyzylorda-news.kz/">Kyzylorda-news.kz.</a> Мемлекет тұтастығын сақтап, қоғамдық тәртіпті нығайтуда Ел Президенті Қасым-Жомарт Тоқаев биылғы жылдың 11 қаңтарында Парламент Мәжілісінің пленарлық отырысында ұлттық қауіпсіздік жүйесін қамтамасыз ету бойынша нақты стратегиялық тапсырма берді. Бұл ретте өңірлерде қоғамдық қауіпсіздік пен тәртіп сақтау шараларын күшейту бағытында Қызылорда облысының әлеуметтік-экономикалық жағдайын тұрақтандыру бойынша арнайы Жол картасы қабылданып, көзделген бағыттар орындалуда.
Нақты міндеттерді жүзеге асыру аясында бүгін облыс әкімі Гүлшара Әбдіқалықова ҚР Ұлттық Ұланы «Оңтүстік» Өңірлік Қолбасшылығының қолбасшысы Талапкер Әмриевпен кездесіп, қоғамдық тәртіпті қадағалау шаралары бойынша пікірлесті.
Басқосуға облыс әкімінің орынбасары Серік Ахмет, облыс әкімі аппаратының басшысы Ерлан Райғаниев, Қызылорда қаласының әкімі Ғанибек Қазантаев, ҚР Ұлттық Ұланы «Оңтүстік» Өңірлік Қолбасшылығына қарасты әскери бөлімінің командирі Төлеби Чубаев және бірқатар салалық басқарма басшылары қатысты.
Басқосуда Талапкер Әмриев бірқатар ұсыныстарын жеткізіп, ортақ мәселелер бойынша пікір алмасты.
<img src="https://kyzylorda-news.kz/wp-content/uploads/2022/02/fb_img_1643742679362.jpg" alt="" />

Гүлшара Әбдіқалықова Талапкер Әмриевпен кездесті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Бауыржан Байбекке «Nur Otan» партиясы Төрағасының бірінші орынбасары лауазымындағы көп жылғы жұмысы үшін алғыс айтты.
Бұл туралы Президенттің баспасөз хатшысы Берік Уәли <a href="https://www.facebook.com/100003403233694/posts/4661431093980286/">Facebook</a>-тегі парақшасында жазды.

Мемлекет басшысы  Бауыржан Байбекке  жұмысы үшін алғыс айтты

<a href="https://kyzylorda-news.kz/">Kyzylorda-news. kz.</a> Қазақстанда өткен тәулікте 12783 адам коронавирустан жазылды.
Аймақтар бойынша:
Нұр-Сұлтан қаласы – 2648,
Алматы қаласы – 2621,
Шымкент қаласы – 16,
Ақмола облысы – 420,
Ақтөбе облысы – 714,
Алматы облысы – 278,
Атырау облысы – 562,
Шығыс Қазақстан облысы – 346,
Жамбыл облысы – 76,
Батыс Қазақстан облысы – 134,
Қарағанды облысы – 1920,
Қостанай облысы – 656,
Қызылорда облысы – 281,
Маңғыстау облысы – 192,
Павлодар облысы – 1260,
Солтүстік Қазақстан облысы – 546,
Түркістан облысы – 113.
Қазақстан бойынша жазылғандар саны – 1098462.

Қызылорда облысында 281 науқас коронавирустан айықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 7149 адамда коронавирус індеті ПТР арқылы расталып ауырғаны белгілі болды.
Аймақтар бойынша:
Нұр-Сұлтан қаласы – 822,
Алматы қаласы – 1336,
Шымкент қаласы – 77,
Ақмола облысы – 691,
Ақтөбе облысы – 243,
Алматы облысы – 273,
Атырау облысы – 145,
Шығыс Қазақстан облысы – 265,
Жамбыл облысы – 132,
Батыс Қазақстан облысы – 346,
Қарағанды облысы – 1063,
Қостанай облысы – 462,
Қызылорда облысы – 49,
Маңғыстау облысы – 46,
Павлодар облысы – 784,
Солтүстік Қазақстан облысы – 382,
Түркістан облысы – 33.
Жалпы ел бойынша ауырғандар саны 1246103.

Қызылордада 49 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Қазгидромет 2 ақпанға арналған ауа райы болжамын жариялады.
Сәрсенбіде ел аумағының басым бөлігінде күн ашық болады. Ал батыс және солтүстік-батыс өңірлерге атмосфералық ауа ағындары әсер етеді, жауын-шашын (жаңбыр, қар), көктайғақ, желдің күшеюі, солтүстік-батыста жаяу бұрқасын күтіледі.
Қызылорда облысының орталығына тұман түседі.

Сәрсенбіге арналған ауа райы болжамы

Kyzylorda-news.kz. Қызылорда гарнизонындағы Әуе шабуылына қарсы қорғаныс әскерлерінің әскери бөлімінде санитарлық-эпидемиологиялық талаптар сақтала отырып, жаңа оқу кезеңінің жауынгерлік әзірлік жоспарына сәйкес кезекті жауынгерлік атыс өтті.
Әскери бөлімде жеке құраммен арнайы жауынгерлік тапсырмаларды орындамас бұрын, әдістемелік-нұсқаулық сабақтар өткізіліп, барлық қауіпсіздік шаралары жеткізілді. Сондай-ақ іс-қимылдар кезінде жеке қаруды шебер әрі тиімді пайдалануға айрықша назар аударды. Осы сияқты жауынгерлік атыстар әскери бөлім жеке құрамының теориялық білімдерінің жетілуіне, қатарға жаңа қосылған жауынгерлердің тәжірибе алмасуына, қызметтік міндеттерін сапалы орындауына оң әсерін тигізеді.
Жауынгерлік атыстың мақсаты – әскери бөлім жеке құрамының жауынгерлік дайындық дәрежесін, үйлесімділігін көтеру және жеке қару-жарақтарының жауынгерлік мүмкіндіктері мен оларды қолдану ережелерін зерттеу.
<blockquote>
 “Ай сайын жоспарға сай өтетін жауынгерлік атыстарға барлық санаттағы әскери қызметшілер тартылады. Жауынгерлік атыс дайындығындағы әрбір жаттығу біздің тәжірибемізді арттырып, нәтижелерді жақсартуға мүмкіндік береді. Бүгінгі атыстар барысында офицерлер мен сержанттар оң нәтиже көрсетіп, қару – жарақты қолдану мен нысананы дәл атумен жақсы даярлықтарын көрсете білді”, – дейді жауынгерлік даярлық бөлімінің аға офицері капитан Жанасыл Ерасылов.
</blockquote>
Жауынгерлік жоспарға сай өтетін осындай жауынгерлік атыстар бөлім жеке құрамының тәжірибелік білімдерінің дамуына көмегін берері анық.

Қазақстан және Қызылорда облысының жаңалықтары