Kyzylorda-news.kz. Қызылорда облысының прокуроры Н.Бижанов және прокуратура қызметкерлері Ұлы Отан соғысында шейіт болған жауынгерлердің рухына тағзым етіп және Жеңіс күніне арнап мәңгілік алауға гүл шоғын қойды.
Қиян кескі соғыста Отан үшін от кешіп, жанын берген аталарымыздың ерлігін еске алып, бір минут үнсіздікпен құрмет көрсетті. Ұлы Отан соғысы жылдарында прокурорлық-тергеу кадрлары Отанды қорғауда майдандастарымен бірге өшпес ерліктерімен есте қалды.
Соғыс басталғаннан кейін 1942 жылдың тамыз айында еліміз бойынша 885 прокуратура қызметкерлерінің 411-і Қарулы Күштер қатарына шақырылып, соғысқа аттанды. Көптеген прокурорлар майдан даласынан оралмады.
Соғыс аяқталған соң прокуратура қызметкерлері барлық салада, әсіресе ауыл шаруашылығын қалпына келтіру бағытында белсенді жұмыс істеді.
<img src="https://kyzylorda-news.kz/wp-content/uploads/2022/05/fb_img_1652069078738.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652069082018.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652069093259.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652069096986.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652069100533.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652069103985.jpg" alt="" />

Қызылорда облысының прокурорлары жауынгерлер рухына тағзым етті

Kyzylorda-news.kz. Қызылорда облысының әкімі Нұрлыбек Нәлібаев сырбойылықтарды Жеңіс күнімен құттықтады.
«Қадірлі соғыс және тыл ардагерлері! Ардақты жерлестер! Баршаңызды Ұлы Отан соғысындағы Жеңістің 77 жылдық мерекесімен шын жүректен құттықтаймын!
Бұл күн – аталарымыз бен әкелеріміздің майдан даласындағы жанқиярлық ерлігі мен аналарымыздың ауыр күндердегі ерге бергісіз елдік істерінің жемісі.
Уақыт алға жылжыған сайын бұл ерліктің шоқтығы биіктеп, қадір-қасиеті артып, тағылым-тәрбиесі мен мән-мағынасы тереңдей түсуде.
Өкінішке қарай, соғыс және тыл ардагерлерінің қатары жылдан-жылға сиреп барады.
Биылғы Жеңіс күнін бізбен бірге 7 майдангер мен 3 мыңға жуық тыл еңбеккері қарсы алып отыр. Оларға құрмет тек бір күнмен ғана шектелмейді, ерлігі әрдайым дәріптеледі. Ардагерлеріміз арамызда аман болып, бейбіт елдің тұтастығы сақталып, әр шаңырақтан береке үзілмесін! Жеңіс күні құтты болсын!», – деді облыс әкімі.

Нұрлыбек Нәлібаев: Уақыт өткен сайын бұл ерліктің шоқтығы биіктеп, қадір-қасиеті артып келеді

<a href="https://kyzylorda-news.kz/">Kyzylorda-news.kz.</a> Ресейден Қошқарбаев пен Булатовтың рейхстагқа ту тіккенін растайтын құжаттар елге жеткізілді. Осылайша Қазақстан Қарулы Күштерінің Мемлекеттік әскери-тарихи музейі Ресей Федерациясы Қорғаныс министрлігінің Орталық мұрағатынан алынған құжаттармен толықты.
Бұл туралы ведомство әлеуметтік желідегі парақшасында жазды. Құжаттар 1945 жылдың 30 сәуірінде Рақымжан Қошқарбаев пен Григорий Булатовтың Рейхстаг қасбетіне Жауынгерлік Туды тігу туралы ерлігін растайды.
<blockquote>
 “Бұл мұрағаттық құжаттар 1945 жылдың 30 сәуірінде Рақымжан Қошқарбаев пен Григорий Булатовтың Рейхстаг қасбетіне Жауынгерлік Туды тігу туралы ерлігін растайды. Құжаттардың өскелең ұрпақты Ұлы Отан соғысы жауынгерлерінің ерлігі мысалында әскери-патриоттық сезімге тәрбиелеуде маңызы зор”, – делінген хабарламада.
</blockquote>
<a href="https://www.exclusive.kz/expertiza/daily/129718/?fbclid=IwAR10SEJztHDnba8Kp5G3T9WgJfOCLJvO6a2MbRrYZYsk5veVGnl-FvM8ZDA">exclusive.kz</a>

Ресейден Қошқарбаев пен Булатовтың ерлігін растайтын құжаттар жеткізілді

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев қазақстандықтарды 9 мамыр – Жеңіс күні мерекесімен құттықтады.
«Қымбатты отандастар! Сіздерді Жеңіс күнімен шын жүректен құттықтаймын!
9 мамырдың төл тарихымыздағы орны ерекше. Бұл – жанқиярлықпен ел қорғаған аталарымыз бен әкелеріміздің, әжелеріміз бен аналарымыздың рухына тағзым ететін күн. Бұл – фашизмді жеңген ерлердің ерен ерлігін жадымызда жаңғыртатын күн.
Сұрапыл соғыста халқымыз күш-жігерін сарп етіп, орасан зор шығынға ұшырады. Майдангерлердің қаһармандығы мен қайсарлығының, тыл еңбеккерлерінің жанкештілігінің арқасында жеңіске жеттік. Елдің азаттығы мен ұрпақтың жарқын болашағы үшін жанын пида еткен боздақтарымызды мәңгі есте сақтау – қасиетті борышымыз.
Өкінішке қарай, қан майданның қияметін басынан өткерген ардақты аға буынның қатары жыл өткен сайын сирей түсуде. Қазақстанда Жеңістің 77 жылдығын небәрі 376 ардагер, 68 347 тыл еңбеккері ғана қарсы алып отыр. Еліміздің барша азаматтары өздеріңізге бас иеді.
Мемлекет соғыс ардагерлеріне жан-жақты қолдау көрсетіп келеді. Олар қоғамымыздың да құрметін көріп, қамқорлығына бөленуге тиіс.
Баршаңызға зор денсаулық, бақ-береке тілеймін!
Жеңіс күні құтты болсын!», – делінген Президенттің құттықтауында.

Қасым-Жомарт Тоқаев: Боздақтарымызды мәңгі есте сақтау – қасиетті борышымыз

<a href="https://kyzylorda-news.kz/">Kyzylorda-news.kz.</a> Бүгін республиканың батысы мен оңтүстігіне циклон әсер етеді. Осыған байланысты найзағай жарқылдап, күн жауын-шашынды болады, еліміздің батысында қатты жаңбыр жауады, деп хабарлайды Қазгидромет.
Қазақстан бойынша кей жерлерде жел күшейеді, шаңды дауыл соғып, батыста, оңтүстікте бұршақ жауады.
Қызылорда облысының солтүстігінде, батысында күн күркірейді, дауыл тұрады, облыс орталығында шаңды дауыл, желдің екпіні – 15-20 м/с.

Ауа райы: Қызылордада күн күркіреп, дауыл тұрады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында 7 Ұлы Отан соғысының ардагері бар.
<img src="https://kyzylorda-news.kz/wp-content/uploads/2022/05/qabaq.jpg" alt="" />
<img src="https://kyzylorda-news.kz/wp-content/uploads/2022/05/toelegen.jpg" alt="" />
<img src="https://kyzylorda-news.kz/wp-content/uploads/2022/05/ljubov.jpg" alt="" />
<img src="https://kyzylorda-news.kz/wp-content/uploads/2022/05/tilewbergen.jpg" alt="" />
<img src="https://kyzylorda-news.kz/wp-content/uploads/2022/05/aebdirahman.jpg" alt="" />
<img src="https://kyzylorda-news.kz/wp-content/uploads/2022/05/jahija.jpg" alt="" />
<img src="https://kyzylorda-news.kz/wp-content/uploads/2022/05/saersenbek.jpg" alt="" />

Қызылорда облысында жеті майдангер бар

<a href="https://kyzylorda-news.kz/">Kyzylorda-news.kz.</a> Жаңбыр сатушы деген сөз құлаққа оғаш естіледі: «Жаңбырды сатуға бола ма?» Иә ол сондай. Чарльз Хэтфилд есімді адам осындай ерекше қабілетімен тарихта қалды.
Ол 1875 жылы Канзаста ағылшын отбасында дүниеге келген. Ересек шағында тігін машинасын сатумен айналысқан. Бірақ ол жасанды жаңбыр жауғызу арманымен өмір сүрді. Бос уақытында метеорология, химия, физика пәндерін оқыды. 1902 жылы Чарльздың көп жылғы қажырлы еңбегі өз жемісін берді. Ол ылғалды бағындыру әдісін ойлап тапты. Оның жаңбыр жаудыру әдісіне 28 заттың қоспасы кірді. Бұл заттар өзара әрекеттесу нәтижесінде қызып, буланып нәтижесінде жаңбыр жауатын.
<img src="https://massaget.kz/userdata/u53822/2022-05/resize/ca2def3ac34eef93e6d4ad51dd32dd1e.jpg" alt="" />
Пікірталасқа түскен алғашқы тәжірибе жақсы ақша әкелді. Екі жыл бойы тәжірибесін жетілдіргеннен кейін Чарльз маңызды кәсіппен айналысуды шешеді. Ол және ағасы Пол бірнеше газеттерге жарнама беріп, Калифорниядағы құрғақшылықтан зардап шеккен фермерлерге өз қызметтерін ұсынады. Ол 50 долларға ғана жаңбыр жауатынын, ақшаны алдын ала емес, кейінірек төлеуге болатынын айтады. Кейбір шаруалар бұған сенбесе де, тәуекелге барып, онымен келісім-шартқа отырады. Чарльз бір жерден ең биік төбені тауып алып, оның үстіне алты футтық ағаш мұнара тұрғызады.
<img src="https://massaget.kz/userdata/u53822/2022-05/resize/d8b8f345e846d57498ceec26daff2188.jpg" alt="" />
Мұнара ішіне мырыш қазанын орнатып, ішіне ылғал сіңіретін зат құйып, от жағады. Жағымсыз иіс айналаға таралып, бу көкке көтеріледі. Екі күннен кейін нөсер нөсер жаңбыр жауа бастайды. Чарльз Хатфилд үшін ақша емес, «Жаңбырдың билеушісі» атағы маңызды еді.
1915 жылы құрғақшылық орнаған кезде Калифорниядағы Сан-Диего үкіметі Чарльздан су қоймасын 10 000 долларға толтырып беруді сұрайды. Морена көлінің жағасында Чарльз жаңбыр жаудыратын мұнарасын орнатады. Реакцияны бастайды.
1916 жылы Чарльз 25 000 долларға келісімшартқа отырды. 1928 жылы Калифорнияда кеуіп қалған Ұлы Аю көлі суға толтырады. Бір жылдан кейін Гондурас үкіметі оны ірі табиғи өртті сөндіруге шақырады. Бұл «Жаңбыр билеушісінің» соңғы жетістігіеді. 1929 жылы басталған Ұлы депрессия Чарльз Хэтфилдті банкротқа ұшыратты.
Ол 1958 жылы 83 жасында қайтыс болып, «ылғалды үдеткіш» әдісінің сырын ешкімге айтпай кетті.
<a href="https://semeytany.kz/10537/10537?fbclid=IwAR1VFr9z1T2_IfgrGy3tWESEvluiByAfKcOZ7jo06ggX1N99xTk5H5uZ6bs">Semeytany.kz</a>

Жаңбырды сатып байыған ағылшындық жауын жауғызу құпиясын қалай ашты?

Kyzylorda-news.kz. «Мұз айдыны» спорт кешенінде мәнерлеп сырғанаудан Әлем чемпионатының күміс жүлдегері Элизабет Тұрсынбаеваның жүлдесіне арналған республикалық турнир жалауын көтерді. Дәстүрлі доданың ашылу салтанатына қала әкімі Асылбек Шаменов қатысып, жас спортшыларға сәттілік тіледі.
<blockquote>
 «Элизабет Тұрсынбаева – әлемдік спорт сахнасында өзіндік орны бар мәнерлеп сырғанаушы, Қазақстан спортының тарихында осы спорт түрінен қыздар арасында Әлем чемпионатында жүлде алған және рекорд орнатқан алғашқы спортшы. Ел мақтанышының жүлдесіне арналған шара өскелең ұрпақты отансүйгіштікке тәрбиелейді. Жас өрендерімізді салауатты өмір салтына ынталандырады. Жарыстың әрбір қатысушысына спорттық көңіл-күй, күш-қуат, жеңіске деген жігер тілеймін», – деді Асылбек Шәменов.
</blockquote>
Республикалық турнирге қатысуға Ресей мен Қырғызстаннан және еліміздің барлық өңірінен 200-ге жуық спортшы келді. Дүбірлі сайыс 10 мамыр күні қорытындыланады.
Айта кету керек, бұл жарыс биыл алтыншы рет ұйымдастырылып отыр.
<img src="https://kyzylorda-news.kz/wp-content/uploads/2022/05/fb_img_1651999261615.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651999264552.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651999274860.jpg" alt="" />

Қызылордада мәнерлеп сырғанаудан республикалық турнир басталды

Kyzylorda-news.kz. Қызылорда қаласындағы ЗК-169/5 мекемесінің қызметкерлері Ұлы Отан соғысының ардагері Әбдірахман Бәйтіковтің шаңырағына барып, Жеңіс күнімен құттықтады.
Қарт жауынгер 1942 жылы Курск шайқасында болып, жойқын соғыстың сұмдық көрінісіне куә болады. 1943 жылы қолынан жараланып, елге оралған. Содан бері отбасын құрып, жарымен бірге алты ұл, төрт қыз тәрбиелеп өсірді.
Ардагер бүгінде көлеңкесін кеңге жайған мәуелі жеміс ағашындай ұрпағының ортасында отыр.
Мекеме қызметкерлері 98 жасқа келген абыз ақсақалдан рухани жан азығын алып, ардагердің батасын алды. Өз кезегінде соғыс ардагері де сала қызметкерлеріне алғысын айтты.
Айта кетейік, мекеме қызметкерлері ардагерге сый-сияпат көрсетіп, иығына шапан жапты.

Ұлы Отан соғысы ардагеріне құрмет көрсетті

<a href="https://kyzylorda-news.kz/">Kyzylorda-news.kz.</a> Пандемия басталғалы әлемде коронавирус пен оның салдарынан 14 миллион 900 мың адам қайтыс болды.
Бұл туралы Дүниежүзілік денсаулық сақтау ұйымының есебінде айтылған. Өлім-жітімнің көбі Америка, Оңтүстік-Шығыс Азия мен Еуропада тіркелген. Сондай-ақ құрбан болғандардың 81 проценті табысы орташа, 28 проценті табысы жоғары, ал 15 проценті табысы төмен елдерге тиесілі екен.
<a href="https://24.kz/kz/zha-aly-tar/lemde/item/542580-dds-indetten-14-9-mln-adam-k-z-zh-mdy">Хабар 24</a>

ДДСҰ: Індеттен 14,9 млн адам көз жұмды 

<a href="https://kyzylorda-news.kz/">Kyzylorda-news.kz.</a>&nbsp;Қазақстанда баспана бағасы бесінші жыл қатарынан қымбаттап келеді.
<blockquote>
 «Тұрғын үй бағасы қатарынан бесінші жыл өсіп келеді. Бағаның төмендеуі 2016 жылы ғана тіркелді. Ол кезде жаңа тұрғын үй 3,6% арзандады. 2017 жылы қайта сату нарығындағы шаршы метрдің бағасы 1,6% төмендеді», – делінген ҚР Стратегиялық жоспарлау және реформалар агенттігі Ұлттық статистика бюросының мәліметінде.
</blockquote>
Дерекке сүйенсек, былтырғы сәуір мен биылғы сәуір аралығында пәтерлерді қайта сату бағасы – 27,7%, жаңа тұрғын үйлерді сату құны 20,3% қымбаттады. Ал абаттандырылған баспананы жалға алу төлемі 22,2% көтерілді.
Бір айдың ішінде, яғни 2022 жылғы наурызға қарағанда қайта сатуға қойылған баспана құны 1,8% өсіп, шаршы метріне 459 137 теңгені құрады.
Жаңа тұрғын үйді сату және абаттандырылған тұрғын үйді жалға алу төлемі сәуірде 0,8% жоғарылап, шаршы метріне тиісінше 412 315 теңге және 3 561 теңгені құрады.
<a href="https://lenta.inform.kz/kz/kazakstanda-baspana-bagasy-bir-zhylda-27-7-kymbattady_a3930649">ҚазАқпарат</a>

Қазақстанда баспана бағасы бір жылда қанша пайызға қымбаттады?

<a href="https://kyzylorda-news.kz/">Kyzylorda-news.kz</a>. Көпшілік адам төмен қысымға қарағанда жоғары артериялық қысымды уайымдайды. Алайда төмен қысым да қауіпті аурулардың белгісі бола алады. Ендеше, ол ағзадағы қандай проблемаларды көрсетуі мүмкін екенін қарастырайық.
Төмен қысымға қандай көрсеткіш жатады? 110\70 пен 130\85 аралығын қалыпты қысым деп санайды. Сәйкесінше, 110\70-тен төмен көрсеткіштер төмен қысым деп саналады. Алайда, егер хал-жағдайыңыз жақсы болса, уайымдаудың қажеті жоқ. Жиі патологиялық төмен қысыммен қатар жүретін белгілерге мән берген жөн: бас айналу, жүрек айну немесе құсу, сусыздану, қатты іш өту, қалшылдау, зейіннің төмендеуі, көздің бұлдырауы, терінің бозаруы, шаршаңқылық сезімі. Егер осы белгілердің екі-үшеуін болсын өзіңізден байқасаңыз, қысымыңызды өлшеп, дәрігерге көріну керек. Төмен қысым бірден бірнеше патологияның белгісі болуы мүмкін.
**Жүрек проблемасы 
**Көрсеткішіне төмен қысым жататын жүрек ауруларының қатарына брадикардия, жүрек қақпақшалары проблемасы және жүрек жеткіліксіздігі кіреді.
**Эндокринді проблемалар 
**Оған қалқанша без белсенділігінің жеткіліксіздігі (гипотиреоз), қалқанша жанындағы без ауруы, бүйрек үсті бездерінің жеткіліксіздігі (Аддисон ауруы), қандағы қанттың төмен деңгейі және диабет жатады.
**Жүйкелі-жанама гипотензия 
**Бұл ауруды рефлекстік талып қалу деп те атайды. Бұл артериялық қысымның күтпеген жерден, бірақ уақытша түсуі. Бұл патология жиі балаларда, жасөспірімдерде және жастарда пайда болады. Аурудың себебі толықтай зерттеліп анықталмаған, бірақ негізгілеріне күйзеліс, қатты қорқыныш және қоршаған орта температурасының бірден өзгеруін жатқызады. Бұл жағдайдың басты қаупі — күтпеген жерден естен танып қалу мүмкіндігі: кейде ол ауыр зақымға әкеледі.
**Қоректік заттардың жетіспеуі 
**Созылмалы төмен қысымның себебіне ағзаға дәрумендердің жетіспеуі де жатады. Әсіресе, В12 дәрумені мен фолий қышқылы жетіспесе, қысым төмендейді. Ауыр жағдайда бұл заттардың жетіспеуі анемияға әкеледі.
**Басқа себептер 
**Анафилаксиялық шок, жұқпалар, ұзақ төсек режимі, жүктілік, көп қан жоғалту кезінде және кей дәрілерді ішкеннен қысым түсіп кетеді.
<a href="https://massaget.kz/layfstayl/Zdorove/67910/">massaget.kz</a>

Қазақстан және Қызылорда облысының жаңалықтары