<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қызылорда қаласының сол жағалауынан Мемлекет және қоғам қайраткері, Ұлы Отан соғысының ардагері Ғафур Мұхамеджановтың атына көше берілді.
Ғафур Мұхамеджанов үш мәрте «Еңбек Қызыл Ту» орденімен, «Ерен еңбегі үшін», «Георгий Жуков», «Тыңға 50 жыл», «Қазақстан Конституциясына 10 жыл» медальдарымен, Ұлы Отан соғысында ерлік көрсеткені үшін ІІІ «Даңқ», І дәрежелі «Отан соғысы» ордендерімен, «Ерлігі үшін» медальдарымен наградталып, еліне адал қызмет еткен жан.
Ұлы тұлғаның есімі, ұрпаққа үлгі болар ісі &#8212; кейінгі толқынның мәңгі жадында. «Өткенсіз болашақ жоқ» дегендей, кейінгі ұрпақ аға буынның жақсы ісін үлгі тұтып, құрмет – қошеметін аямайды.
Ардагердің рухын аспандатқан айтулы шараға облыстың зиялы қауым өкілдері қатысты. Басқосуға жиналған қауым жылы естеліктерімен бөлісіп, мемлекет және қоғам қайраткерінің азаматтық тұлғасын тебірене еске алды.
Шарада облыстық мәслихат хатшысы Наурызбай Байқадамов қайраткердің саналы ғұмырында облысымыздың дамуына атсалысып, барлық ой-жігерін, кәсіби тәжірибесін жұмсап, парасатты істерімен халықтың жүрегіне жол таба білгенін айтты.
<blockquote class="wp-block-quote">«Бүгін, Сырдария өзенінің сол жағалауындағы көшеге Ғафур Мұхамеджановтың есімін беру салтанатының куәсі болудамыз. Мұның өзі мемлекет және қоғам қайраткеріне деген, оның елге жасаған ерен еңбегіне көрсетілген аса құрмет деп есептеймін. Елдің, халықтың жүрегінде қалған қайраткер тұлғаның есімі ел жадынан өшпейді, оның халыққа жасаған қалтқысыз қызметі ұмытылмайды», &#8212; деді Наурызбай Сейтқалиұлы.</blockquote>
Сондай-ақ, Ұлы Отан соғысы ардагерінің жарқын бейнесін жаңғыртқан тақтайша да ілінді.
<div class="wp-block-image"><figure class="aligncenter size-full"><img loading="lazy" width="1280" height="720" src="https://kyzylorda-news.kz/wp-content/uploads/2022/09/308116134_1623806711348168_6389152826977739647_n-1.jpg" alt="" class="wp-image-167141" srcset="https://kyzylorda-news.kz/wp-content/uploads/2022/09/308116134_1623806711348168_6389152826977739647_n-1.jpg 1280w, https://kyzylorda-news.kz/wp-content/uploads/2022/09/308116134_1623806711348168_6389152826977739647_n-1-768x432.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="720" src="https://kyzylorda-news.kz/wp-content/uploads/2022/09/308447516_1623790568016449_4263647148533954240_n.jpg" alt="" class="wp-image-167142" srcset="https://kyzylorda-news.kz/wp-content/uploads/2022/09/308447516_1623790568016449_4263647148533954240_n.jpg 1280w, https://kyzylorda-news.kz/wp-content/uploads/2022/09/308447516_1623790568016449_4263647148533954240_n-768x432.jpg 768w" sizes="(max-width: 1280px) 100vw, 1280px" /></figure></div>

Қызылордада мемлекет және қоғам қайраткері Ғафур Мұхамеджановтың атына көше берілді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қазіргі таңда Қазалы ауданында егін орағы қызу жүріп жатыр. Қамбаны қазірден бастап қызылға толтыруға кіріскен шаруалар комбайндарын тізгіндеп, егістіктің басында таң атқаннан кеш батқанға дейін еңбек етуде.
Қазалы ауданының әкімі Мұхтар Оразбаев пен «Amanat» партиясы аудандық филиалының атқарушы хатшысы Нұрғиса Жалғасбаевпен бірге «РЗА – Агро» ЖШС-ның күріштік алқаптарына арнайы барып, егін орағының барысын көрді.
Ақжона ауылдық округіндегі «Қостам» учаскесінде серіктестік 606 гектар күріш еккен. Қазіргі таңда күрішті орып, бастыру жұмыстары қарқынды жүріп жатыр.
Жалпы биыл «Рза – Агро» ЖШС 1922 гектар жерге күріш дақылын ексе, оның 100 гектарын орып, 40 гектарын бастырып үлгерген. Әзірге орташа өнім көлемі гектарына 40 центнерден айналуда. Аудандық ауыл шаруашылығы бөлімінің басшысы Нұрлан Аманбай бүгінгі күні барлық шаруашылықтың жұмысшылары егін орағын ерте аяқтау үшін аянбай еңбек етіп жатқанын жеткізді. Аудан бойынша 1385 гектар күріш орылып, 712 гектар бастырылғанын тілге тиек етті.
Мұхтар Әуесұлы мұнан соң «Сыр маржаны» ЖШС-нің Ақтан батыр ауылындағы қырманына арнайы барды.
Қырман басында қызу жұмыс жүріп жатыр. Еңбеккерлер егістік алқабында жатқан өнімді жауын-шашынға ұрындырмай, шашпай-төкпей жинап алудың қамына кірісіп кеткен. Бір сәтке дамыл таппауда. Жедел әрекетке көшпесе, ала жаздай еткен еңбегінің зая болатынын жақсы біледі. Айта кетейік, биыл аудан бойынша 17402 гектар жерге ауыл шаруашылығы дақылдары орналастырылған. Оның ішінде күріштің дәні 6361 гектар жерге себілген.
Бүгінгі таңда аудан бойынша күріш орағына қатысатын 42 комбайн, 29 жатка, 115 трактор, 40 жүк көлігі және 59 трактор тіркемесі толықтай жөндеуден өткізіліп, егіс алқаптарында жұмыс атқаруда.
<div class="wp-block-image"><figure class="aligncenter size-full"><img loading="lazy" width="1280" height="1046" src="https://kyzylorda-news.kz/wp-content/uploads/2022/09/308552498_3462258597328396_1090702954959050028_n.jpg" alt="" class="wp-image-167132" srcset="https://kyzylorda-news.kz/wp-content/uploads/2022/09/308552498_3462258597328396_1090702954959050028_n.jpg 1280w, https://kyzylorda-news.kz/wp-content/uploads/2022/09/308552498_3462258597328396_1090702954959050028_n-768x628.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="693" src="https://kyzylorda-news.kz/wp-content/uploads/2022/09/egin1.jpg" alt="" class="wp-image-167133" srcset="https://kyzylorda-news.kz/wp-content/uploads/2022/09/egin1.jpg 1280w, https://kyzylorda-news.kz/wp-content/uploads/2022/09/egin1-768x416.jpg 768w" sizes="(max-width: 1280px) 100vw, 1280px" /></figure></div>

Қазалы ауданында 1385 гектар күріш орылды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Жылу беру маусымына небәрі санаулы күндер ғана қалды. Аймақ тұрғындары күздің ызғары аяққа сезілетін уақытта, қытымыр қыста да жылудан қиындық көрмеуі тиіс. Сондай-ақ, әлеуметтік нысандарда коммуналдық жүйелердің апаты мен ақауларын болдырмау аса маңызды. Қызылорда облысының әкімі Нұрлыбек Нәлібаев қала, аудан әкімдері және сала басшыларымен бірге жылу беру маусымына дайындық мәселелерін пысықтады.
Облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетов алдағы дайындық барысын баяндады. Оның айтуынша, әлеуметтік нысандардың жылыту маусымына әзірлігі 100 пайызға жетіп қалған. Ал, алдағы жылу беру маусымына жоспар бойынша облысқа жалпы 176,1 мың тонна көмір қажет. Оның ішінде тұрғындарға 142,5 мың тонна, әлеуметтік нысандарға 33,6 мың тонна керек.
Аймақ басшысы алдағы жылу беру маусымы іркіліссіз жүруі керек екендігін қатаң ескертті. Сондай-ақ, әкімдер уақыт оздырмай, көмірдің 3 айлық қорын алдын ала жасап алуы тиіс деді. Ал, жанар-жағармайдың тиісті көлемде жеткізіліп, бекітілген бағада босатылуын бақылауға алу міндеттеді.
<blockquote class="wp-block-quote">«Жыл сайын ауа-райы суытқан кезде облыс орталығындағы көмір қоймаларында қатты отынға сұраныс артып, халық арасында ажиотаж туындап, тұрғындардың шағымы көбейді. Мұны болдырмауымыз керек. Себебі, қалаға жақын орналасқан Сырдария, Жалағаш, Шиелі аудандары өздеріне қажетті көмірді қаладан тасымалдайды. Биыл да осы көрініс қайталануы мүмкін, өйткені аудандарда отын қоры әлі де аз. Осы мәселеге жете көңіл бөліңіздер», &#8212; деді облыс әкімі.</blockquote>
Облыс әкімі көмір қорын жеткізуде Арал, Жалағаш, Сырдария аудандарының көрсеткіші көңіл көншітпейтінін алға тартып, әкімдерге 1 қазанға дейін жұмысты үйлестіруді қатаң тапсырды. Отырыста облыс әкімінің орынбасары Мархабат Жайымбетов қала, аудандардағы көмір қорына деген қажеттілік пен нақты жұмыстарды тізбелеп, қатты отынды тасымалдау мәселесіне тоқталды.
Жиында коммуналдық қызмет көрсететін мекемелердегі қарыз берешегі мәселесі ашық талқыланды. Аймақ басшысы жұмысты тиімді ұйымдастыра алмай отырған сала басшыларын сынға алып, төлем түсіру мәселесіне жеткілікті деңгейде мән беріп, жұмысты жандандыру қажет деді. Сондай-ақ, білім, мәдениет, денсаулық салаларындағы нысандардың жылумен қамту процесінде ақау туындамауы керек екенін ескертті.
<div class="wp-block-image"><figure class="aligncenter size-full"><img loading="lazy" width="2048" height="1232" src="https://kyzylorda-news.kz/wp-content/uploads/2022/09/308587738_389649633356287_1179517505389200278_n.jpg" alt="" class="wp-image-167128" srcset="https://kyzylorda-news.kz/wp-content/uploads/2022/09/308587738_389649633356287_1179517505389200278_n.jpg 2048w, https://kyzylorda-news.kz/wp-content/uploads/2022/09/308587738_389649633356287_1179517505389200278_n-768x462.jpg 768w, https://kyzylorda-news.kz/wp-content/uploads/2022/09/308587738_389649633356287_1179517505389200278_n-1536x924.jpg 1536w" sizes="(max-width: 2048px) 100vw, 2048px" /></figure></div>

Нұрлыбек Нәлібаев: Қыстан қысылмай шығу үшін қазірден бастап қамдану керек

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> ҚР аумағының басым бөлігі әлі де ауқымды антициклонның ықпалында болғандықтан, жауын-шашынсыз ауа райы сақталады, деп хабарлайды Қазгидромет.
Атмосфералық&nbsp;фронтталды бөліктердің өтуіне байланысты еліміздің батысында, оңтүстік-шығысында найзағайлы жаңбыр жауады. Республика бойынша желдің күшеюі, оңтүстік және оңтүстік-батыста шаңды дауыл күтіледі.
Қызылорда, Түркістан, Жамбыл облыстарының басым бөлігінде, Ақтөбе облысының оңтүстігінде, шығысында, Абай облысының солтүстік-батысында, солтүстігінде, шығысында, Павлодар облысының орталығында, Қарағанды облысының шығыс жартысында, Ұлытау облысының оңтүстігінде, шығысында төтенше өрт қаупі сақталады.

23 қыркүйекке арналған ауа райы болжамы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда қаласындағы Достық үйінде «Сыр өңірі – бейбітшілік пен келісімнің мекені» жобасы аясында облыстық Қазақстан халқы ассамблеясының қолдауымен «Вайнах» облыстық шешен-ингуш этномәдени бірлестігінің ұйымдастыруымен шешен этносының мәдени күні өтті.
Іс-шараға «Қоғамдық келісім» мекемесінің қызметкерлері, этномәдени бірлестіктердің жетекшілері мен белсенділері, жастар, қала тұрғындары қатысты.
Шара аясында Қызылорда облыстық қоғамдық даму басқармасының «Қоғамдық келісім» КММ директоры Бақытжан Камалов пен «Западный поток» жобасының Үйлестіру кеңесінің төрағасы Усман Дигаев құттықтау сөз сөйледі. Сондай-ақ, жалпыұлттық бірлік пен қоғамдық келісімді нығайтуға елеулі үлес қосқан бірқатар этномәдени бірлестік өкілдеріне алғыс хаттар табыс етілді.
Мәдени күн концерттік бағдарламамен жалғасты. Шешен этномәдени бірлестік жетекшісінің орынбасары Лайла Пашаева қазақ халқына деген ризашылығын монологпен жеткізді. 
Шарада қазақ және шешен ұлттық әндері шырқалды. Сахнада депортация жылдары Кавказдан қоныс аударушыларды паналаған қазақ халқына шешен этностары алғыс білдіретін өлеңдер оқылды. Шара соңында қонақтар шешен ұлттық тағамдарынан дәм тәтті.
<div class="wp-block-image"><figure class="aligncenter size-full"><img loading="lazy" width="2560" height="1707" src="https://kyzylorda-news.kz/wp-content/uploads/2022/09/mw6a7861-scaled.jpg" alt="" class="wp-image-167120" srcset="https://kyzylorda-news.kz/wp-content/uploads/2022/09/mw6a7861-scaled.jpg 2560w, https://kyzylorda-news.kz/wp-content/uploads/2022/09/mw6a7861-768x512.jpg 768w, https://kyzylorda-news.kz/wp-content/uploads/2022/09/mw6a7861-1536x1024.jpg 1536w, https://kyzylorda-news.kz/wp-content/uploads/2022/09/mw6a7861-2048x1365.jpg 2048w" sizes="(max-width: 2560px) 100vw, 2560px" /></figure></div>
<div class="wp-block-image"><figure class="aligncenter size-full"><img loading="lazy" width="2560" height="1707" src="https://kyzylorda-news.kz/wp-content/uploads/2022/09/mw6a7940-scaled.jpg" alt="" class="wp-image-167121" srcset="https://kyzylorda-news.kz/wp-content/uploads/2022/09/mw6a7940-scaled.jpg 2560w, https://kyzylorda-news.kz/wp-content/uploads/2022/09/mw6a7940-768x512.jpg 768w, https://kyzylorda-news.kz/wp-content/uploads/2022/09/mw6a7940-1536x1024.jpg 1536w, https://kyzylorda-news.kz/wp-content/uploads/2022/09/mw6a7940-2048x1365.jpg 2048w" sizes="(max-width: 2560px) 100vw, 2560px" /></figure></div>
<div class="wp-block-image"><figure class="aligncenter size-full"><img loading="lazy" width="2560" height="1707" src="https://kyzylorda-news.kz/wp-content/uploads/2022/09/mw6a7852-scaled.jpg" alt="" class="wp-image-167122" srcset="https://kyzylorda-news.kz/wp-content/uploads/2022/09/mw6a7852-scaled.jpg 2560w, https://kyzylorda-news.kz/wp-content/uploads/2022/09/mw6a7852-768x512.jpg 768w, https://kyzylorda-news.kz/wp-content/uploads/2022/09/mw6a7852-1536x1024.jpg 1536w, https://kyzylorda-news.kz/wp-content/uploads/2022/09/mw6a7852-2048x1365.jpg 2048w" sizes="(max-width: 2560px) 100vw, 2560px" /></figure></div>

Қызылордада шешен этносының мәдени күні өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қазақстанда 15 қыркүйектен 15 қарашаға дейін жыл сайынғы бастапқы медициналық-санитарлық көмек ұйымын еркін таңдау науқаны өтуде. Брифингте Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов науқан барысы туралы айтып берді.
Қор филиалы директорының айтуынша, акцияға аймақтың 25 емханасы қатысуда, оның 14 &#8212; і мемлекеттік, 11-і жеке меншік.
<blockquote class="wp-block-quote">«Емхана таңдауда басты ескеретін жайт – ол үйден 15-20 минут уақытта жаяу жететін жерде орналасқаны жөн. Бұл учаскелік дәрігердің немесе мобильді бригаданың көмегі қажет болған жағдайда оның жедел жетуіне, сондай-ақ, отбасы мүшелерінің бір дәрігерге қаралуына мүмкіндік береді. БМСК ұйымына тіркелген пациент жергілікті дәрігердің қабылдауы, амбулаториялық дәрі-дәрмекпен қамтамасыз ету, скринингтік тексерулер, диагностикалық зертханалық және аспаптық зерттеулер сынды медициналық көмек пен емдеуге жатқызуға жолдама алады. Тұрғын МӘМС жүйесінде&nbsp; сақтандырылу мәртебесі болмаса да емханаға тіркелудің еркін таңдауын пайдаланғанымен, әрі қарай толыққанды жоспарлы медициналық көмектер алу үшін сақтандырлуы тиіс», &#8212; деп атап өтті Бақыт Исмаханбетов.</blockquote>
Ағымдағы жылдың 22 қыркүйегіндегі кезеңде екі мыңға жуық адам өз таңдауын жасады. Олардың көпшілігі мемлекеттік емханаларда тіркелген. Өткен жылы, науқан кезінде БМСК ұйымдарына өңірдің 14 мыңнан астам тұрғыны тіркелген, оның 12,5 мыңы мемлекеттік емханаларды тандаған.
Тіркелуге болатын барлық емханалардың тізімін Әлеуметтік медициналық сақтандыру қорының <a href="https://fms.kz/kz/">https://fms.kz/kz/</a> сайтынан «Клиниканы таңдау» бөлімінде алуға болады.
Науқан кезінде бастапқы медициналық &#8212; санитариялық көмек ұйымына тіркелген азаматтар 2023 жылдың 1 қаңтарынан бастап медициналық көмек ала бастайды. Бұрын тіркелген БМСК ұйымынан есептен шығару автоматты түрде жүзеге асырылады.
Таңдалған емханаға тіркелудің екі жолы бар.
Бірінші әдіс, бұл барлық азаматарға арналған. Электрондық үкіметтің веб-порталы арқылы бекіту: www.egov.kz сайтындағы «Денсаулық сақтау» бөлімінде «Медициналық-санитариялық алғашқы көмек көрсететін медициналық ұйымға тіркелу» қызметін таңдау қажет. Ары қарай электрондық өтініштің барлық жолдарын толтыру қажет. Пациент туралы мәліметтерді емхана мемлекеттік ақпараттық жүйелерден автоматты түрде алады. Жауап оң болған жағдайда медициналық ұйымға тіркелгеніңіз туралы хабарлама беріледі.
Екінші әдіс бұл, халықтың жекелеген санаттарына арналған. Олар емханаға жеке басын куәландыратын құжатпен тікелей жүгіне алады. Атап айтар болсақ, олар зейнеткерлер, мүгедектер, қамқоршылар тағайындалған заң бойынша бала кезінен мүгедектер, қорғаншылар немесе қамқоршылар, патронаттық тәрбиешілер, колонияда жазасын өтеушілер, студенттер, мерзімді қызмет әскери қызметшілері, шет мемлекеттерде туған балалар, сенімхат бойынша бекітуді рәсімдейтіндер.
<div class="wp-block-image"><figure class="aligncenter size-full"><img loading="lazy" width="1280" height="720" src="https://kyzylorda-news.kz/wp-content/uploads/2022/09/brifing-22-09-.jpeg" alt="" class="wp-image-167115" srcset="https://kyzylorda-news.kz/wp-content/uploads/2022/09/brifing-22-09-.jpeg 1280w, https://kyzylorda-news.kz/wp-content/uploads/2022/09/brifing-22-09--768x432.jpeg 768w" sizes="(max-width: 1280px) 100vw, 1280px" /></figure></div>

Бақыт Исмаханбетов: Емхана үйге жақын жерде орналасқаны жөн

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Жалағаш ауданында ақын, түркітанушы, публицист, педагог, аудармашы, қоғам қайраткері Ахмет Байтұрсынұлының туылғанына 150 жыл толуына орай «Ұлттың ұлы ұстазы» аймақтық ақындар мүшәйрасы өткізілді. 
Шара «Мәдениет және өнерді дамыту орталығы» КМҚК-і мен «Қазақ тілі» қоғамдық бірлестігінің Жалағаш аудандық филиалының ұйымдастыруымен өтті.
Аталған мүшәйрада Халықаралық «Қазақ тілі» қоғамдық бірлестігінің Жалағаш аудандық филиалының төрағасы – Дина Мирман, Қызылорда облыстық тілдерді оқыту орталығының Жалағаш ауданы бойынша мемлекеттік тіл маманы – Назерке Есаманова, Қазақстан Журналистер одағының мүшесі, аудандық әйелдер кеңесінің төрағасы – Роза Ералы қазылық етті.
Қоғам қайраткері Ахмет Байтұрсынұлының туылғанына 150 жыл толуына орай «Ұлттың ұлы ұстазы» атты аймақтық ақындар мүшәйрасына 10 жас ақын қатысты. 
Жастар арасында өткен сайыс тартысты өтті. Ақындардың сөз саптауы мен орамды ойлары қазылар алқасын тәнті етті. 
Жоғары деңгейде өткен сайыста бас жүлдені Т.Жүргенов атындағы №123 мектеп-лицейінің 9 сынып оқушысы Шерхан Әдіс жеңіп алды. Ал жүлделі I орын З.Жарқынбаев атындағы №202 орта мектептің 9 сынып оқушысы Айбатыр Темірбекке бұйырды. Екінші орынды №114 мектептің 9 сынып оқушысы Айтмұрат Темірханұлы мен Ш.Ермағанбетова атындағы №246 мектептің 8 сынып оқушысы Нұрай Темірбекқызы қанжығасына байлады. Үшінші орынды үш жас ақын иеленді. Атап айтар болсақ, Жалағаш Индустриалды Аграрлы Колледж студенті Нұрай Маратқызы, Әбу Насыр Әл-Фараби атындағы №201 мектеп-лицейінің 9 сынып оқушысы Қарақат Қалыбай және Ш.Ермағанбетова атындағы №246 мектептің 8 сынып оқушысы Жібек Қайратқызы.
Шараға белсене қатысып, жүлделі орындар алған жас ақындар бағалы сыйлықтар және дипломмен марапатталды.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/308489132_619173119764577_594225951792988953_n.jpg" alt="" class="wp-image-167690" srcset="https://kyzylorda-news.kz/wp-content/uploads/2022/09/308489132_619173119764577_594225951792988953_n.jpg 1280w, https://kyzylorda-news.kz/wp-content/uploads/2022/09/308489132_619173119764577_594225951792988953_n-768x512.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/308492938_619172936431262_4719678194483496886_n.jpg" alt="" class="wp-image-167688" srcset="https://kyzylorda-news.kz/wp-content/uploads/2022/09/308492938_619172936431262_4719678194483496886_n.jpg 1280w, https://kyzylorda-news.kz/wp-content/uploads/2022/09/308492938_619172936431262_4719678194483496886_n-768x512.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/308500475_619173043097918_602075462950155398_n.jpg" alt="" class="wp-image-167689" srcset="https://kyzylorda-news.kz/wp-content/uploads/2022/09/308500475_619173043097918_602075462950155398_n.jpg 1280w, https://kyzylorda-news.kz/wp-content/uploads/2022/09/308500475_619173043097918_602075462950155398_n-768x512.jpg 768w" sizes="(max-width: 1280px) 100vw, 1280px" /></figure></div>

Жалағашта «Ұлттың ұлы ұстазы» облыстық ақындар мүшәйрасы өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бүгін Достық үйінің мәжіліс залында Қызылорда облыстық Қазақстан халқы ассамблеясының ұйымдастыруымен этножурналистика саласындағы облыстық «Шаңырақ» шығармашылық байқауының жеңімпаздары марапатталды. Жүлдегерлерді облыстық қоғамдық даму басқармасының «Қоғамдық келісім» КММ директоры Бақытжан Камалов марапаттап, бұқаралық ақпарат құралдары өкілдеріне этносаралық татулық пен бірліктің нығаюына қосқан елеулі еңбектері үшін ризашылығын білдірді.
Жыл сайын Қазақстан халқы Ассамблеясының қолдауымен барлық өңірлерде ел бірлігін сақтау жолында, қоғамдық келісімді одан әрі нығайту ниетінде кеңінен қалам тербеп жүрген ақпарат құралдарының өкілдері арасында дәстүрлі түрде шығармашылық байқаулар өткізіліп келетіндігін атап өтті.
Бұл байқауда қазылар алқасының құрамында белді де беделді, өз саласының білгірлері «Хабар24» телеарнасының Қызылорда облысы бойынша меншікті тілшісі Қамбар Бекенов, журналистер мен сарапшылар клубының төрайымы, Назарбаев Зияткерлік мектебінің баспасөз хатшысы Елена Рыбина және Қорқыт ата атындағы Қызылорда университетінің Қазақ тілі мен әдебиеті және журналистика кафедрасының аға оқытушысы, PhD докторы Ақерке Жолмаханова болып, барлық шығармашылық жұмыстарды қарап, саралап тиісті бағаларын қойды.
Нәтижесінде, әділ қазылар алқасының шешімі бойынша «Ең үздік мақала» номинациясы бойынша Қорқыт ата атындағы Қызылорда университеті Журналистика факультетінің студенті Аружан Ерланқызы, «Үздік танымдық мақала» номинациясы бойынша облыстық «Кызылординские вести» газетінің тілшісі Инна Бекеева, «Ынтымақ жаршысы» номинациясы бойынша облыстық «Qyzylorda» телеарнасының журналисі Асқар Тәжиев, «Өзекті мақала» номинациясы бойынша «Qyzylorda-news.kz» ақпараттық агенттігінің тілшісі Динара Маханова, «Үздік телевизиялық репортаж» номинациясымен республикалық «Astana» телеарнасының облыстағы меншікті тілшісі Мөлдір Қожахметова, «Татулық пен достық жаршысы» номинациясымен облыстық «Qogam TV» телеарнасының журналисі Айдана Кәуленова және «Бірлік жаршысы» номинациясымен республикалық «Коре-ильбо» газетінің облыстағы меншікті тілшісі Денис Пак марапатталды. Барлық жеңімпаздарға ақшалай сертификаттар табысталды.
<blockquote class="wp-block-quote">«Бұл жолғы байқаудың мақсаты елдегі татулық пен бірліктің беріктігін насихаттау, этносаралық қатынастар тақырыбын жазып, көрсететін журналистерді ынталандыру арқылы қоғамдық келісімді нығайту болып табылады. Үстіміздегі жылдың 1 наурызынан бастап байқауға бірнеше өтінімдер келіп түсті. Республикалық, облыстық, қалалық телеарна мен баспасөзден 25 өтінім қабылданып, қаралды. Жыл сайын байқауға қатысушылардың саны көбейіп, шығармашылық жұмыстардың сапасы артуда»,- деп атап өтті Журналистер мен сарапшылар клубының төрайымы Елена Рыбина.</blockquote>
Мұнан соң Журналистер мен сарапшылар клубының атқарған жұмысының көрінісі негізінде арнайы бейнеролик көрсетілді.
Сондай-ақ, өңіріміздің дамуына сүбелі үлес қосып, түрлі салада қызмет еткен этнос өкілдерін, еңбек адамдарын насихаттау үшін «Бірлік жаршысы», «Nations ORDA» айдарларын Журналистер клуб мүшелерімен бірлесіп аудандарда жүргізуге ұсыныстар айтылып, пікірлер тыңдалды.
Еске сала кетейік, байқаудағы үздік шығармашылық жұмыстар Астана қаласында өтетін республикалық байқауға қатысу үшін жіберілетін болады.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/307660128_3309165689402588_2592815593607226605_n.jpg" alt="" class="wp-image-167092" srcset="https://kyzylorda-news.kz/wp-content/uploads/2022/09/307660128_3309165689402588_2592815593607226605_n.jpg 1280w, https://kyzylorda-news.kz/wp-content/uploads/2022/09/307660128_3309165689402588_2592815593607226605_n-768x512.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/308422596_3309165916069232_4148779051738432286_n.jpg" alt="" class="wp-image-167093" srcset="https://kyzylorda-news.kz/wp-content/uploads/2022/09/308422596_3309165916069232_4148779051738432286_n.jpg 1280w, https://kyzylorda-news.kz/wp-content/uploads/2022/09/308422596_3309165916069232_4148779051738432286_n-768x512.jpg 768w" sizes="(max-width: 1280px) 100vw, 1280px" /></figure></div>

Журналистер арасында өңірлік «Шаңырақ» шығармашылық байқауы қорытындыланды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бүгін Сырдария ауданы, Тереңөзек кентінде мемлекет және қоғам қайраткері Елеу Көшербаевты еске алуға арналған волейболдан XXІІІ халықаралық турнирдің ашылу салтанаты өтті.
Шарада ең алдымен ҚР мемлекет және қоғам қайраткері Қырымбек Көшербаевтың құттықтау хаты оқылды. 
<blockquote class="wp-block-quote">«Әкем бастап кеткен сара жолмен жүру біздер үшін үлкен бақыт және бүгінгідей жарыстар өскелең ұрпақтың бойында достық, сыйластық, ауызбіршілік сияқты қасиеттерді біріктіреді», &#8212; делінген құттықтау хатта.</blockquote>
Салтанатты шараны Сырдария ауданы әкімі Мұрат Ергешбаев ашып, дәстүрлі түрде өткізіліп келе жатқан турнирдің бүгінгі күнгі жетістіктері мен жастар арасындағы осы сынды додалардың маңыздылығына тоқталып өтті.
Сонымен бірге Шешенстан Республикасының өкілі, халықаралық жекпе-жек конфидерациясының президенті Усман Дигаев өз құттықтау сөзінде екі ел арасындағы ынтымақтастық пен бауырлас қарым-қатынас туралы айтып, барша қатысушыларға сәттілік тіледі.
Айтбай Көшербаев турнирдың жоғары деңгейде өтуіне атсалысқан барша жанға алғысын білдіріп, алдағы уақытта бұдан да жоғары деңгейде өтетіндігіне сенім білдірді.
Турнирге Шешенстан республикасы мен еліміздің әр өңірінен 22 команда қатысып жатыр.
Дәстүрлі жарысқа айналған дүбірлі дода дарындыларға жол ашып, бұқараның спортқа деген ықылас-ынтасын арттырары сөзсіз. Айта кетейік турнир, 24 қыркүйек күні мәресіне жетпек. 
<div class="wp-block-image"><figure class="aligncenter size-full"><img loading="lazy" width="960" height="639" src="https://kyzylorda-news.kz/wp-content/uploads/2022/09/308342086_195325022934724_3060487883627558250_n.jpg" alt="" class="wp-image-167084" srcset="https://kyzylorda-news.kz/wp-content/uploads/2022/09/308342086_195325022934724_3060487883627558250_n.jpg 960w, https://kyzylorda-news.kz/wp-content/uploads/2022/09/308342086_195325022934724_3060487883627558250_n-768x511.jpg 768w" sizes="(max-width: 960px) 100vw, 960px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/307098525_195325419601351_409505114483868850_n.jpg" alt="" class="wp-image-167085" srcset="https://kyzylorda-news.kz/wp-content/uploads/2022/09/307098525_195325419601351_409505114483868850_n.jpg 1280w, https://kyzylorda-news.kz/wp-content/uploads/2022/09/307098525_195325419601351_409505114483868850_n-768x512.jpg 768w" sizes="(max-width: 1280px) 100vw, 1280px" /></figure></div>

Сыр елінде Елеу Көшербаевты еске алуға арналған волейболдан халықаралық турнир басталды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Жылы қоңыр күз Қазақстан тұрғындарын әлі де қуантады.
Еліміздің басым бөлігінде құрғақ және шуақты ауа райы сақталады, тек Республиканың батыс өңірлері мен оңтүстік-шығысындағы тау бөктеріндегі аудандарында атмосфералық фронтальды бөліктердің әсерінен өткінші жаңбыр жауып, найзағай күтіледі және жел күшейеді.
Түнгі уақытта ауа температурасы әлі де салқын болғанымен, термометр бағандары күндізгі уақытта бүкіл Қазақстан бойынша 20-34 градус шегінде сақталады және тек еліміздің батысында ғана ауа температурасының аздаған төмендеуі болжанады.

Шуақты ауа райы сақталады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Жеке мектеп пен балабақша ашып, балаларды жақсы білім алуына үлес қосып жатқан кәсіпкерлерді қолдау қажет. Бұл туралы бүгінгі баспасөз мәслихатында Қазақстанның еңбек сіңірген қайраткері, қаржы саласының үздігі Қалқазбек Әжібеков айтты.
<blockquote class="wp-block-quote">«Мемлекет басшысы Қасым-Жомарт Тоқаевтың Қазақстан халқына арнаған Жолдауы 5 бағыттан тұрады. Бірінші бағыт &#8212; еліміздің жаңа экономикалық саясатының жаңа жүйесі туралы айтылды. Өздеріңіз білетіндей, қазіргі таңда елімізге инвестиция тарту, жеңіл өнеркәсіп саласын дамыту және шикізат көлемін арттыру бойынша ауқымды жобалар жүзеге асуда. Бұл ретте Президентіміз өз Жолдауында атқарушы органдарға нақты тапсырмаларды жүктеді», &#8212; дейді Қалхазбек Әжібеков.</blockquote>
Сала ардагері сонымен бірге халықтың әлеуметтік жағдайын жақсарту бойынша ең төменгі табыс деңгейін 70 мың теңгеге көтеру, жастардың кәсіп бастауы үшін жеңілдетілген пайызбен несие беру, жұмыссыздықты азайту туралы оң шешімдер қабылданғанын тілге тиек етіп, қазіргі күні аймақта кәсіпкерлер саны артып келе жатқанын жеткізді.
<blockquote class="wp-block-quote">«Бүгінде облысымызда кәсіпкерлер саны күн сайын артып келеді. Жеке мектеп пен балабақша ашып, балаларымыздың жақсы білім алуына үлес қосып жатқан кәсіпкерлерді қолдауымыз керек. Сондай-ақ оқушылардың мектеп формасы барлығына қолжетімді болуы керек деген ойдамын. Барлық мектеп оқушысы бірдей киім үлгісінде және бір деңгейде білім алуына жағдай жасауымыз керек. Бірлігі бекем елде тірлік тынымды болады», &#8212; дейді Қалхазбек Әжібеков.</blockquote>
<div class="wp-block-image"><figure class="aligncenter size-full"><img loading="lazy" width="1280" height="999" src="https://kyzylorda-news.kz/wp-content/uploads/2022/09/azhibekov.jpg" alt="" class="wp-image-167068" srcset="https://kyzylorda-news.kz/wp-content/uploads/2022/09/azhibekov.jpg 1280w, https://kyzylorda-news.kz/wp-content/uploads/2022/09/azhibekov-768x599.jpg 768w" sizes="(max-width: 1280px) 100vw, 1280px" /></figure></div>

Қалхазбек Әжібеков: Бірлігі бекем елде тірлік тынымды болады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Алдағы сенбі күні Қызылорда қаласында Жаңақорған ауданының ауыл шаруашылығы өнімдерінен жәрмеңке өтеді. Бұл туралы Қызылорда облыстық ауыл шаруашылығы басқармасы хабарлады. 
<blockquote class="wp-block-quote">«Құрметті Қызылорда қаласының тұрғындары мен қонақтары! Сіздерді 24 қыркүйек Қызылорда қаласы Астана даңғылының бойында Жаңақорған ауданы мен «Байқоңыр ӘКК» АҚ-ның ұйымдастыруымен өткізілетін ауыл шаруашылығы өнімдерінің жәрмеңкесіне қатысуға шақырамыз. Қала төріндегі жәрмеңкеге жаңақорғандық диқандар 25 жүк көлігіне тиелген 100 тоннадан астам ауыл шаруашылығы өнімдерін ұсынады», &#8212; деп хабарлайды облыстық ауыл шаруашылығы басқармасының баспасөз қызметі. </blockquote>
Жәрмеңкеде 25 тоннадан астам күріш, 25 тоннадай картоп, 5 тонна сәбіз, 10 тонна пияз, 15 тонна қауын мен қарбыз, 15 тонна асқабақ, 5 тонна көкөніс өнімдері жеткізіледі. Барлығы жәрмеңкеге әкелінетін 100 тоннадан астам азық-түлік өнімдері қала тұрғындарына нарықтағы бағадан 10-15 пайызға төмен сатылады.
Жәрмеңкені ұйымдастырушылар Жаңақорған ауданының брендіне айналған қауын-қарбызынан, ақ күрішінен, түрлі көкөністер мен басқа да өнімдерден дәм татуға шақырады. 
<div class="wp-block-image"><figure class="aligncenter size-full"><img loading="lazy" width="843" height="814" src="https://kyzylorda-news.kz/wp-content/uploads/2022/09/308631824_3256256327980929_2011460520814496511_n.jpg" alt="" class="wp-image-167073" srcset="https://kyzylorda-news.kz/wp-content/uploads/2022/09/308631824_3256256327980929_2011460520814496511_n.jpg 843w, https://kyzylorda-news.kz/wp-content/uploads/2022/09/308631824_3256256327980929_2011460520814496511_n-768x742.jpg 768w" sizes="(max-width: 843px) 100vw, 843px" /></figure></div>

Қазақстан және Қызылорда облысының жаңалықтары