<a href="https://kyzylorda-news.kz/">Kyzylorda-news.kz</a>&nbsp; Қолбасшы Жанқожа Нұрмұхаммедұлының 250 жылдық мерейтойы аясында Роза Бағланова атындағы Қазалы аудандық мәдениет орталығында Жәдігер Тұрсынов атындағы халықтық театры Ә.Оспановтың "Наркескен" трилогиясы желісі бойынша қойылған "Үміт пен өкініш" спектаклінің премьерасы өтті.Спектакльдің инсценировкасын жасаған – Болат Әбенұлы Жолтаев. Театр режиссері - Досан Гүлбану.Жанқожа Нұрмұхамедұлы (1774-1860) – батыр, Сыр бойы қазақтарының Хиуа, Қоқан хандықтарының езгісіне және Ресей отаршыларына қарсы ұлт-азаттық көтерілісінің басшысы. Қазіргі, Қызылорда облысының Қазалы ауданында туған.ХІХ ғасырдың жиырмасыншы жылдарынан бастап Сыр бойы мен Арал теңізінің шығыс жағалауын қоныстанған қазақтарға өз үстемдігін жүргізе бастаған Хиуа, Қоқан хандықтары 1830-1840 жылдары жергілікті халыққа өктемдігін одан әрі күшейтті. Жастайынан әділдігімен, батырлығымен елге танымал болған Жанқожаның төңірегіне топтасады.Қазақ халқының намысын, елі мен жерін қорғаған Жанқожа батыр бейнесін театр өнерпазы Қойшыбаев Қанат сомдап, жиналған қауымның ризашылығына бөленді.Қойылымнан кейін, Қазалы ауданы әкімінің кеңесшісі Жарылқап Бақытжан Дүзелбайұлы сөз алып, театр ұжымына жылы лебізін білдіріп, Қазалы ауданының әкімі Мейрамбек Зинабдинұлының алғыс хатын тарихы терең ЖәдігерТұрсынов атындағы халықтық театр ұжымына табыстады.Қорыта келгенде, «тарихты білмей өткенді, қазіргі жағдайды білу, келешекті болжау қиын», -деп ұлы бабамыз Әбу Насыр Әл-Фараби тегін айтпаған секілді. «Халықтың басына түскен тауқымет қабырғасын қайыстырып, сол жолда бастарын бәске тігіп, қасықтай қанын аямай, шыбын жанын шүберекке түйген әр тұлғаның тағдырын танытатын да, ұрпаққа өнеге етіп, алдына тартатында — тарих» екені даусыз.Біздер, Егеменді, Азат Қазақстанның жастарын, қазақ азаматы өткен тарихымызды тек біліп қана қоймай оны жанымызбен ұғына білуіміз керек. Ұлт-азаттық жолында жанын пида еткен ата –бабаларымыздың аңсаған арманын тәуелсіз елімізде нығайта жүзеге асыруымы – міндет. Оны тек сөз жүзінде ғана емес, ғылымды меңгерумен еңбек ету жолдары күтіп тұр.Тарихи тамыры терең театр ұжымы, бүгінде, өзіндік сара жол салып, тұғырлы биігінде қомданып, абыройдың ақ туын желбіретуде.&nbsp;

Қазалыда Жанқожа Нұрмұхаммедұлы жайында жаңа қойылымның премьерасы өтті

<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылорда жылу электр орталығы &nbsp;мекемесінің «Жылу жүйелері» бөлімінің басшысы Хасанғали Иманғалиев БАҚ өкілдеріне брифинг өткізді. Онда &nbsp;қаладағы жылу беру маусымының тұрақты екенін айтты. – Қызылордада күнтізбелік бес күн ішінде гирдрометеорологиялық қызмет тіркеген сыртқы ауаның орташа тәуліктік температурасы +8 градус және одан жоғары болған жағдайда қала әкімінің шешімімен жылу беру маусымы аяқталады. Биыл жылу беру маусымы шамамен 10 немесе 15 сәуірге жоспарланып отыр, – деді Хасанғали Иманғалиев. Қазіргі таңда Қызылорда қаласын жылумен қамтамасыз ету мақсатында «Қызылордажылуэлектрорталығы» штаттық режимде жұмыс істеуде, яғни КОГТЭС-тегі №2,3 газотурбиналық қондырғысы мен су қазандығы, ЖЭО-ның №6 бу қазандығы, турбогенератор №2,3, &nbsp;Оңтүстік қазандығы бойынша №1,2, бу қазандықтары қаланың мөлтек аудандарында орналасқан 20 дана автономды блок модульді қазандықтардың 18 жұмысын атқаруда. Сондықтан кәсіпорын тарапынан барлық қала тұрғындарына жылу энергиясы сапалы әрі тұрақты беріліп отыр. Жалпы Қызылорда қаласы бойынша жылу желілерінің ұзындығы 199, 05 шақырымды құрайды. Өткен жылы жылу желілерінің тозу деңгейін төмендету мақсатында жалпы ұзындығы 11,9 км жылу желісіне жөндеу жұмыстары жүргізілген болатын. Соның нәтижесінде жылу желілерінің тозу деңгейі 48-ден 45,1 пайызға дейін азайған. Ал биыл жалпы ұзындығы 4,3 км диаметрі 57-325 мм құрайтын &nbsp;кварталаралық жылу желілеріне ағымдағы жөндеу жұмыстары, 6 жоба бойынша жалпы ұзындығы 9,5 км қаланың жылу желілеріне қайта жаңғырту жұмыстарын жүргізу жоспарлануда. Биыл кәсіпорын өз есебінен жалпы ұзындығы 4,3 км, диаметрі 57-325 мм құрайтын &nbsp;кварталаралық жылу желісін жөндеуді жоспарлап отыр. Сонымен қатар жоба бойынша қаланың 9,5 км құрайтын жылу желілерін жаңғыртуға жобалық-сметалық құжаттамасы әзірленді.

Қызылордада жылу беруде мәселе болған жоқ

<a href="https://kyzylorda-news.kz/">Kyzylorda-news.kz</a>&nbsp; Биылғы жылдан бастап ауыл шаруашылығы саласына несие беретін қаржы ұйымдары несие беру талаптарын өзгертіп, кәсіпкерлерден «Мемлекеттік экологиялық сараптама қорытындысын/Экологиялық рұқсат/Декларация» жүргізуді талап етуде. Осы уақытқа дейін өңір кәсіпкерлері бұндай мәселемен бетпе-бет келмеген. Осы себепті, мал шаруашылығымен айналысатын кәсіпкерлер өз шағымдарымен өңірлік кәсіпкерлер палатасына жүгінді.Осыған орай, өткен аптада Қызылорда облысы кәсіпкерлер палатасының алаңында өткен АӨК Кеңес отырысы аясында облыстық табиғи ресурстар және табиғат пайдалануды реттеу басқармасының өкілдері Кеңес мүшелері мен кәсіпкерлерге Мемлекеттік экологиялық сараптама жүргізу тәртібі туралы түсіндірме жұмыстарын жүргізді. Жиынға сонымен бірге қаржы институттарының өкілдері қатысты.Облыстық табиғи ресурстар және табиғат пайдалануды реттеу Басқарманың «Экологиялық реттеу» бөлімінің экологы Айгерім Нәрікбайқызы Мемлекеттік экологиялық сараптама жүргізу талаптарындағы өзгерістер жайында айтып өтті.<blockquote>«Соңғы кездері облыстың мал шаруашылығымен айналысатын кәсіпкерлік субъектілері қаржы институттарына жүгінген жағдайда, ҚР экологиялық кодексінің талаптарына сәйкес:</blockquote><blockquote>- 150 бастан бастап және одан көп ірі қара мал өсіру жөніндегі;</blockquote><blockquote>- 500 бастан бастап және одан көп ауыл шаруашылығы құсын өсіру жөніндегі;</blockquote><blockquote>- 150 бастан бастап және одан көп жылқы өсіру жөніндегі;</blockquote><blockquote>- 150 бастан бастап және одан көп түйе өсіру жөніндегі;</blockquote><blockquote>-600 бастан бастап және одан көп қой мен ешкі өсіру жөніндегі мал шаруашылықтары үшін «Мемлекеттік экологиялық сараптама қорытындысын/Экологиялық рұқсат/Декларация» жүргізу талап етілуде. - деді Айгерім Нәрікбайқызы.</blockquote>Сонымен қатар, жиын барысында «Сырдария -1» несие серіктестігінің төрағасы Алмат Абдуллаев несие алу барысындағы кедергілер туралы баяндап берсе, «Аграрлық несие корпорациясы» АҚ Қызылорда облыстық филиалы директорының орынбасары Қуаныш Садақбаев несие алу барысындағы Корпорация талаптары туралы қысқаша ақпарат берді.Кеңес қорытындысымен отырысқа қатысушылар тарапынан ұсыныстар мен пікірлер берілді. Осы орайда, «Аграрлық несие корпорациясы» АҚ несиелендіру бағдарламаларының шарттарынан «Мемлекеттік экологиялық сараптама қорытындысын/Экологиялық рұқсат/Декларация» талаптарын алып тастауды ұсынды. Палата өз кезегінде көтерілген мәселені жоғарыға жолдап, оң шешімін күтуде.

Мемлекеттік экологиялық сараптама талаптары өзгерді

<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылордада А.С.Пушкин атындағы орталық кітапхананың ұйымдастыруы, Сейхун колледжінің 2 курс студенттерінің қатысуымен сатирик, Қазақстан жазушылар және журналистер одақтарының мүшесі, Қазақстан журналистер одағы сыйлығының лауреаты, «Ләммим», «Аһүһ» кітаптарының, «Ымжым», «Тойда жолығайық», «Қалай болса – солай» атты бірнеше өлең жинақтарының авторы Толымбек Әлімбекұлының мерейтойына арналған «Күлкі –жанның шипасы» атты мерекелік іс-шара өтті.Жиын 1 сәуір – күлкі күніне орай өткізілді. Шара барысында оқырмандарымыз сықақшы Толымбек Әлімбекұлының заманның лебі мен адамның демі арасындағы келеңсіз жайлар, өлеңдеріндегі ащы сатира, өткір сарказм және жеңіл әзілмен құралған шығармаларымен танысты.Сонымен қатар сатирик шығармаларында тіл, саясат, әлеуметтік мәселелер, ұлттық тақырыптарда кеңірек қамтылғанын саралады.Сейхун колледжінің бастауыш білім беру педагогикасы мен әдістемесі бөлімінің пән мұғалімі Шырманбаева Ақбота шараға қатысушыларға атақты сатирик Сейіт Кенжеахметұлының «Күлдіре білу — өнер, күле білу — өмір, күлкі болу – &nbsp;өлім» деген сөздерін айтып, әрдайым шынайы күліп жүріңіздер деп жылы лебізін білдірді.

Қызылордада  «Күлкі –жанның шипасы» атты мерекелік іс-шара өтті

<a href="https://kyzylorda-news.kz/">Kyzylorda-news.kz</a>&nbsp; &nbsp;Бүгінде білім беру ісінде тек білім ошақтары мен, сонымен қатар балабақшадағы бүлдіршіндерді дамытуға да басымдық берілген. Себебі, мектепке дейінгі балалардың шығармашылық қабілетін арттыруда театрландырылған ойын түрлерін қолдану арқылы балалардың тілін дамыту, сөйлеу мәдениеті мен ой-өрісін, дүниетанымын жетілдіруге мүмкіндік бар.Осы мақсатта Қызылорда қаласындағы «Бал бала Орда» бөбекжай-бақша мекемесі базасында «Заманауи театр түрлері арқылы балалардың коммуникативтік дағдыларын дамыту» тақырыбында аймақтық әдістемелік семинар болып өтті.Танымдық жиынға облыстық оқу орталығының мектепке дейінгі білім беру ұйымының әдіскері Өтегенова Айжан, қалалық білім бөлімінің мектепке дейінгі ұйым әдіскері Динара Әбдіқалықова қатысты.Білім мен тәрбие бастауын жас жеткіншектер ең алдымен балабақшадан алады. Бүгінгі таңда қоғамымыздың даму бағытында мектепке дейінгі тәрбие беру саласы мамандарының алдында жан – жақты дамыған, сауатты, саналы, өзіндік орны бар үлкенге құрмет көрсетіп, кішіге қамқор бола білетін азаматты тәрбиелеу мәселесі жүктеліп отыр. Бүлдіршіндердің білімді, білікті, саналы болуында ойынның алатын орны ерекше.&nbsp;

Қызылордада балабақша мамандары семинар өткізді

<a href="https://kyzylorda-news.kz/">Kyzylorda-news.kz</a> Ұлттық қолөнер бағзы заманнан бері қалыптасып келеді. Халықтың тұрмыс-тіршілігіне байланысты қолөнердің сан алуан түрі бар десек, соңғы жылдары күнделікті тұрмыстық заттардан бастап, қыздардың әшекей бұйымдары, киім–кешек, ыдыс-аяқ, тіпті, жолдорбаларына дейін ұлттық нақыштағы бояуға қанық.Қызылордалық Амира Исабаева – ұлттық нақышта заманауи жолдорба мен қол сөмкелерін тігіп, көпшілікке ұсынып жүрген қолөнерші. Қолөнер саласына келгеніне көп уақыт бола қоймаса да, жастар мен тұрғындардың талғамына сай дүниелері қазір трендте.<blockquote>– Адамға адам себепші. Қолыма ине-жіп ұстап көрмеген адамның бірі мен едім. Белгілі бір себептерге байланысты алдыңғы жұмысымнан өз еркіммен бір күнде шығып кетіп, жұмыс іздестіріп жүргенмін. Інім ол кезде авточехол тігумен айналысатын. Бір күні өзі үлгермей жатқан кезде маған өтініш айтып, «жайнамаз тігу сенің қолыңнан келеді» деп сеніп тапсырды. Осылайша тігін тігіп үйреніп, тәжірибе жинақтай бастадым. Ата-анам да, бауырларым да қолдау көрсетті. Содан кейін іштей сенімділік пен тігін өнеріне деген құштарлық пайда болды. Кейіннен неге өз қалауыма сай басқа нәрселер тігіп көрмеске деп Астана қаласындағы Дамуспренттен жаңа әдіс-тәсілдерді үйреніп қайттым. Онда 1,5 айдай оқыдым. Келген соң түрлі идеяларымды іске асыра бастадым.</blockquote><blockquote>Өзіме ұнайтын трансформер, яғни, ұзартылып-қысқартылатын жол сөмкелеріне қызылордалықтардың көзқарасы басқаша болды. Алайда осы бағытта жұмысымды жалғастыра бердім. Шамамен 3 айдан соң қаладағы асабалар, өнер адамдары тапсырыс бере бастады. Негізінен Ақтау, Атырау қаласының тұрғындары жиі тапсырыс беріп, алдырып жатады. Тігуге қажетті заттарын, эко тері мен теріні алмастырушы материалдарды Алматы қаласынан алдырамын. Өйткені аймақ тұрғындарының қаржылық мүмкіндігіне байланысты эко теріден дайындалған өнімдер сұранысқа ие. Таза табиғи теріден жасауға болар еді, алайда оны сатып алуға халықтың қалтасы көтермейді. Соны ескере отырып, матасын да, сапасын да, бағасын да халықтың сұранысына сай етіп ұсынудамыз, – дейді Амира Қасқырбайқызы.</blockquote>Қолөнершінің ассортиментінде жолдорба, иықдорба, ноутбук салуға арналған, спорттық сөмкелер, сонымен қатар ұлттық нақыштағы үйге киюге арналған аяқкиімдер мен машинада отырғанда белге қоятын жастықшалар, трансформер жамылғыштар бар. Амираның қолынан шыққан дүниелердің ерекшелігі – ұлттық нақыш пен заманауи стильдің тоғысуында. Әрі түрлі жағдайға сай сөмкелер ұзартып, қысқартуға ыңғайлы. Тек қана жастар емес, жалпы әртүрлі жастағы адамдарға жақсы таңдау.<blockquote>– Алда жоспарым көп. Бұйырса, осы жазда Астана қаласындағы ұлттық қолөнер бұйымдары көрмесіне қатысу ниетім бар. Мұндай республикалық көрмеге бірінші рет қатысқалы тұрмын. Әрі алдағы уақытта облыс бойынша да &nbsp;қолөнер бұйымдарына арналған көрмелер жиі ұйымдастырылып тұрса, тәжірибе алмасып, өзімізден шыққан өнімдерді өзіміз танысақ, қолдасақ дегім келеді, – дейді кәсіпкер. &nbsp;</blockquote>

Қызылордалық қолөнер шеберінің бұйымдары сұранысқа ие 

&nbsp;<a href="https://kyzylorda-news.kz/">Kyzylorda-news.kz</a>&nbsp; Партияның «Қарызсыз қоғам» жобасы аясында ЖОО мен колледж студенттері және жас мамандар қаржылық сауаттылықты арттыру курсының алғашқы кезеңін бастады.Мемлекет басшысы Қасым-Жомарт Тоқаев Қазақстан халқына Жолдауында азаматтардың қаржылық сауатын арттырудың маңызын атап өтіп, «AMANAT» партиясына Үкіметпен бірлесіп «Қарызсыз қоғам» жобасының ауқымын кеңейтуді тапсырды. Биыл еліміздің барлық 20 өңірінде 200 мың адамды оқыту жоспарлануда. Сондай-ақ мектеп, колледж және жоғары оқу орнына арналған әдістемелік құралдар әзірленеді. Бұл шамамен 100 мың студент пен 450 мың оқушыны қаражатқа неғұрлым жауапты қарауға үйретуге мүмкіндік береді. Ал Қызылорда қаласы бойынша жыл соңына дейін 1620 азаматты оқудан өткізу жоспарланған.Қаржылық сауаттылыққа үйрететін жоба қызығушылардың саны күн санап артып келеді. Бұған дейін&nbsp;партияның қалалық филиалында «Қарызсыз қоғам» жобасы аясында қаржылық сауаттылықты арттырудың кезекті курсынан өткен 50 тұрғынға сертификат табысталған болатын. «Қарызсыз қоғам» жобасының өңір бойынша қаржы сарапшысы, ментор Наталья Мишукова аталған жобаның қаржылық сауаттылықты арттырудағы тиімділігі мен басым бағытын атап өтті. Бүгінге дейін жоба аясында мыңнан астам азамат қаржылық сауатын ашқан.&nbsp;

Қызылорда қаласында студенттер қаржылық сауаттылық арттырудағы алғашқы сабағын бастады

&nbsp;<a href="https://kyzylorda-news.kz/">Kyzylorda-news.kz</a> Өткен жылы Қызылорда қаласында негізгі көшелерді кеңейту жұмыстары қолға алынған болатын. Оның ішінде Бейбарыс сұлтан көшесін 2 жолақтан 4 жолаққа кеңейтілген еді. Бұл бағыттағы жұмыстар биылда жалғасын таппақ.Бүгінгі таңда, жоба құны 3 миллиард теңгені құрайтын ұзындығы 2,9 шақырым болатын Қожа Ахмет Яссауи көшесін (Ә.Бөкейхан көшесінен Әйтеке би көшесіне дейін) қайта жаңғырту басталмақ. Оған республикалық және облыстық бюджеттен 951,4 миллион теңге бөлінген. Сонымен қатар құны 434,4 миллион теңгені құрайтын ұзындығы 2 шақырым болатын Е.Көшербаев көшесін (С.Бейбарыс көшесінен бастап Ә.Бөкейхан көшесіне дейін) қайта жаңғырту үшін 2024 жылға республикалық бюджеттен 136 миллион теңге бөлінген. Аталған екі көшені қайта жаңғырту жұмыстарына &nbsp;республикалық және облыстық бюджеттен жалпы көлемі 1 миллиард теңге қаралып отыр.Бұдан бөлек, ұзындығы 3,3 шақырым болатын Жаппасбай батыр көшесі де қайта жаңғыртылмақ. Қаржы көлемі 2,8 миллиард теңгені құрайтын жобаның жлоба-сметалық құжаттары әзірленіп, мемлекеттік сараптама қарауына жіберілген.Сонымен қатар, биыл жүзеге асатын жобалардың ішінде ұзындығы 7 шақырым, жоба құны 2,8 миллиард теңге болатын Тәуелсіздік даңғылы, ұзындығы 13 шақырым болатын жаңа әуежай терминалына баратын және ұзындығы 9,8 шақырым болатын, құны 7 миллиард теңгені құрайтын «Қызылорда - Құмкөл» автомобиль жолын көлік жолайрығынан бастап Құмкөл кіре-беріс жолына дейін қайта жаңғырту жұмыстарын жүзеге асыру жоспарланған.Сондай-ақ биылғы жоспарда қалада жаңа жол салу жайы да қаралған. Н.Назарбаев даңғылынан («Сыр самалы» мейрамханасы) Тәуелсіздік даңғылына дейін жол салуға республикалық бюджеттен 200 миллион теңге қаражат бөлініп, құрылыс жұмыстары басталған. Ал жобаның жалпы құны – 570,7 миллион теңге. Құрылыс жұмыстарына мердігер «Қыран» ЖШС мекемесі жауапты.Қала аумағындағы бірқатар көшелерді жөндеу жұмыстары да биыл жүзеге асады. Оның ішінде ұзындығы 46,1 шақырымды құрайтын 35 көшеге орташа жол жөндеу жұмыстары жүргізілетін болады. Бұған жалпы сомасы 4,4 миллиард теңге қаржы бөлінген. Бұдан бөлек облыстық бюджеттен бөлінген 137,4 миллион теңгеге ұзындығы 3,9 шақырым болатын 15 көшеге қиыршық тас төсеу жұмыстарына жүргізілмек. Құрылыс жұмыстары ағымдағы жылдың мамыр айында аяқталады деп күтілуде. Мердігер «Ақнұр Авто» ЖШС мекемесі құрылыс жұмыстарын жүргізбек.Қызылорда қаласындағы инфрақұрылымды жақсарту мақсатында мемлекеттік бағдарламалар аясында да біршама тірлік жасалмақ. Мәселен, «Ауыл – Ел бесігі» жобасы аясында жүзеге асырылатын жобалардың жоспары бекітілген.Аталған бағдарлама аясында биыл барлығы 16 жобаға жалпы сомасы 1 миллиард &nbsp;234 миллион &nbsp;теңге, оның ішінде республикалық бюджеттен 647 миллион &nbsp;теңге, облыстық бюджеттен – 587 миллион &nbsp;теңге бөлінген. Сонымен қатар Қызылжарма ауылдық округіндегі 5 көшені күрделі жөндеуге облыстық бюджеттен 587 миллион &nbsp;теңге қаржы бөлінді. Қазіргі таңда ауылдық округтердегі 16 жобаның&nbsp; мердігер мекемесі анықталған. Бүгінгі таңда Қызылжарма ауылдық округі бойынша – 3 жоба, Қызылөзек ауылдық округі бойынша– 2 жобаның жұмыстары жүргізілуде.Бұдан бөлек жобаларды аяқтау үшін республикалық бюджетке 4,6 милилард теңгеге, облыстық бюджеттен қоса қаржыландыруға 587 миллион теңге бюджеттік өтінім ұсынылған.&nbsp;Фото: Нұрболат Нұржаубай

Қызылордада биыл бірқатар көше қайта жаңғырады

Инвестиция – экономиканының өзегі

<a href="https://kyzylorda-news.kz/">Kyzylorda-news.kz</a> Шаһарды жарықпен қамтитын мекемелерде жұмыс істеп, осы салада 40 жылға жуық уақыт еңбек етіп келе жатқан &nbsp;Дінмұханбет Әбдіреев заман сұранысына сай электрик мамандығын жанына жақын тартқан.<blockquote>– 1979 жылы мектеп бітіргесін әкемнің ақылымен бұрынғы СПТУ-ға оқуға түсіп, токарь мамандығын алып шықтым. Содан 1981 жылға дейін «Қызылорда рисмаш» зауытында жұмыс істедім. Сол жылы әскерге шақырылып, 1981-1983 жылдары Кеңес әскерінде борышымды өтедім. Ал 1983-1986 жылы Қызылорда политехникумында білім алып, техник-электрик мамандығын үздік бітірдім. Сол жылы «ҚЭТТК» АҚ қалалық электр торабының электромонтері болып жұмысқа орналасып, осы саладағы алғашқы еңбек жолымды бастадым. Ол кезде жастарға деген сенім күшті ғой. Ең алдымен, үйренуші ретінде орналастым да, кейін уақыт өткесін бірте-бірте разрядым көтерілді, 5-разрядты электрикке дейін жеттім. Туған өлкемді үздіксіз жарықпен қамтамасыз ету үшін жастық жалыным мен жігер-қайратымды жұмсағаныма еш өкінбеймін, – дейді кейіпкеріміз.</blockquote>Талабы таудай жас жігіттің бойында қабілет бары алғашқы күндері-ақ байқалды. «Бұлақ көрсең көзін аш» деген бар емес пе, оның іс-қимылынан осы қасиетін анық аңғарған қалалық электриктердің бригадирі Нұрлан Рашбаев осы кәсіптің қыр-сырын үйретті. Сол кезде мамандықты тәжірибе жүзінде меңгерудің жөні бөлек екеніне көз жеткізеді. Аз жылда сол саланың соқпағымен адаспай алға қадам басты, әріптес ағасынан көп нәрсені үйреніп, өмірлік азық етті.Кейін шыңдалуына кәсіби шеберлігін көтеруі де себепші болды. Қызылорда аграрлық-инженерлік институтынан экономист мамандығын алып шығып, саланың ендігі дамуына басшылық қызметте жүріп үлес қосты. Оның ішінде «ҚЭТТК» АҚ мекемесінде техника қауіпсіздігі қызметінде басшы, Шиелі аудандық электр торабында басшы, «ҚЭТТК» АҚ-да бас инженер және қалалық электр торабы басқармасында басшы қызметтерін атқарды. Бүгінде Дінмұханбет Сейдуллаұлы – Қызылжарма электр торабының басшысы.<blockquote>– Өмір жолымда біршама қызметте болдым. Бірақ саламнан алыстаған емеспін. Қазір басшылық жасап отырған Қызылжарма АЭТ мекемесі үш бағытта қызмет етеді. Біріншісі – әуедегі электр желілерін қадағалау, екіншісі – кабельдік желілерді жүргізу және соңғысы – подстанция. Бізге теміржолдың арғы беті, яғни, Шанхай, КБИ, Коммунизм, әл Фараби, Гагарин, Титов және Комсомол шағын ауданы қарайды. Міндетіміз – апатты жағдай туындағанда тез арада қалпына келтіру, электр есептегіштердің көрсеткішін алу және ұрлықты болдырмау. Жоғары кернеулі тоқпен жұмыс жасау оңай шаруа емес. Бұл ыждағаттылықты, жан-жақтылық пен біліктілікті қажет етеді. Бүгінде тұтынушыларға сапалы электр энергиясын беру үшін аянбай еңбек етудеміз, – дейді тәжірибелі маман.</blockquote>Иә, қазір электр энергиясынсыз күн жоқ. &nbsp;Біздің кейіпкеріміз энергетика саласындағы жетістіктері мен жоғары кәсіби қабілеті үшін талай рет кәсіпорынның алғысын алып, түрлі Құрмет грамоталарымен марапатталды. Көп жылғы еңбегі еленіп, ҚЭЭҚ-тің Құрметті энергетигі атанды. Мерейтойлық төсбелгілер иеленді. ТМД бойынша «Еңбегі сіңген энергетик» атанса, 2020 жылы ҚР Президентінің «Халық алғысы» медалін тақты. Ал былтыр облыс әкімінің Құрмет грамотасымен марапатталды.Қазақта «Ердің атын еңбек шығарады» деген сөз бар. Дінмұханбет Әбдіреев алдыңғы толқын аға буыннан тәлім алып, өз ісінің озаты атанып, ұжымдағы жас мамандардың ақылшысы, тәлімгеріне айналған. Оның ізінен ерген жастар бүгінде энергетика саласында еселі еңбек етіп жүр. Отбасында өмірлік жарымен бірге үш бала тәрбиелеп өсірді. Алды үйленіп, немере де сүйгізді. Кіші ұлы да осы саладан алыс емес. Әкесі сияқты нағыз электрик болмағанмен, облыстық энергетика басқармасында қызмет етеді. «Ат тұяғын тай басар» деген осы шығар.&nbsp;

Дінмұханбет Әбдіреев: Халықты жарықпен қамтамасыз ету үшін тер төккеніме өкінбеймін

Қызмет табыстырған қармақшылық шаңырақ иелері туралы не белгілі?

<a href="https://kyzylorda-news.kz/">Kyzylorda-news.kz</a> Қасиетті Рамазан айы Шиелі ауданын жағымды, ақжолтай хабарымен қуантып отыр. Иә, қасиетті ай теңбіл доптың тілекшілері үшін сүйіншісі бар, ақ түйенің қарыны жарылардайақ жағымды жаңалығымен келді. Өйтпегенде ше? Республика көлемінде 2024 жылы бастау алған футбол чемпионатында ауданның «Қайсар Шиелі» командасы өнер көрсетеді. Дүбірлі додада тұңғыш рет Шиелі ауданының футбол командасы Қазақстан Республикасы чемпионатының екінші лигасында бақ сынамақ.2024 жылдың 9 сәуір күні «Шиелі Қайсар» командасы Шымкент қаласының «Оңтүстік академия» футбол клубын өз алаңында қабылдайды. Олай болса, жерлес командаға жеңіс тілейміз!&nbsp;Өңірдің теңбіл доп тарихында талай жерде топ жарған мықты майталмандарды тәрбиелеп, ойыншылардың нағыз жанкүйері де бапкері бола білген ардагер спортшы Нұрмағанбет Сахиұлы бастаған команда облыс көлеміндегі чемпионаттарда бірнеше дүркін жеңімпаз атанған. Шиелі ауданы – «Алтын күз» облыстық ауыл спортшылары спартакиадасының 18 дүркін, облыстық кубоктың екі дүркін жеңімпазы. Ауданның 1982 жылы туған жасөспірімдер командасы алғаш рет облыс көлемінде 1996 жылы Қазақстан Республикасының чемпионы атанды.&nbsp;Бұған дейін «Қайсар» кәсіби футбол клубында жерлестеріміз Дархан Бекішов, Жалғас Әлтаев, Бектас Ертаев, Жасұлан Молдағараев, Сүйіндік Көшеков, Мағжан және Абай Ізбасаров, Фазылбек Бекбанов ойнаса, қазіргі таңда Бақдәулет Молдағараев, Жахмур Диас «Қайсар Шиелі» футбол клубында өз өнерлерін көрсетеді.&nbsp;Бүгінгі таңда жерлестеріміздің арасында бұқаралық спортпен айналысушылардың саны 33 мыңнан асса, оның 3 мыңнан астамы футбол ойынымен шұғылданады.&nbsp;Биылдан бастап футбол академиясы аудан көлемінде өз жұмысын бастайды. Аталған академияда ойыншылардың басым көпшілігі теңбіл допқа әуес жерлестерімізден жасақталатын болады.&nbsp;Жалпы Шиелінің теңбіл доп тарихында аудан құрама командасы Тимур Сегізбаев бастаған Қазақстан құрама командасын, Ринат Дасаев бастаған КСРО-ның құрама командасын және Оңтүстік Африка мемлекетінің командасын қабылдаған болатын. Бұл – біздің тарих.&nbsp;Санаулы күнде алғаш рет футболдан Қазақстан Республикасының чемпионаты өткізіліп, қайталанбас тарихи сәттің куәсі болғалы тұрмыз.&nbsp;Құрметті оқырман, баршаңызды өңір тарихында ең алғаш өткізілетін тартысты да табысты Қазақстан Республикасы чемпионатының ойынын тамашалауға шақырамыз!

Қазақстан және Қызылорда облысының жаңалықтары