<a href="https://kyzylorda-news.kz/">Kyzylorda-news.kz</a>&nbsp; &nbsp;Өнер мен білімді қатар ұштастыра білген «Сұлу-ай» шығармашылық өнер орталығының шәкірттері бірнеше республикалық байқауда топ жарып жүргені мәлім. Өз кезегінде аталған орталықтың «Көркем сөз оқу» үйірмесінің мүшелері Нұрайым Ермек пен Іңкәр Махамбет «Bilim-orkenieti» ұлттық инновациялық ғылыми-зерттеу орталығының ұйымдастыруымен өткізілген республикалық эссе байқауында даралана білді.Білікті маман Аягөз Мұханова жетекшілік ететін үйірме мүшелері «Ауылым – алтын бесігім», «Қазақ тілі – байлығым» тақырыбында эссе жазып, кестелі сөздерімен, көркем ойларымен шығарма мазмұнын жан-жақты аша түскен болатын. Мемлекет басшысы Қасым-Жомарт Тоқаевтың «Тәуелсіздік бәрінен қымбат» тақырыбындағы бағдарламалық мақаласы аясында жүзеге асқан байқаудың қорытынды жиыны Астана қаласында өтті. Республикалық байқауда «Қазақстан дарыны» номинациясы бойынша топ жарып, І орын иегері атанған Нұрайым Ермекке арнайы диплом, мүсінше, төсбелгі табысталыпты. Ал ұйымдастырушылардың дип­ломымен марапатталған Іңкәр Махамбетке де құрмет көрсетілгені көпшілікке аян. Сонымен қатар оқушылардың жетекшісіне арнайы «Алғыс хат» берілдген еді.<blockquote>– «Сұлу-ай» шығармашылық өнер орталы­ғының бесарықтық өнерпаздары республикалық байқаудан топ жарғанына бек қуаныштымыз. Астана қаласынан ақжолтай жаңалық жеткенде төбеміз көкке жеткені рас. Бұл ретте, кәсіби біліктілігі жоғары аяулы ұстаз Аягөз Мұханованың еңбегін ерекше айта кеткен жөн. Біздің балғын шәкірттеріміз жоғарғы жетістікте қол жеткізе беретініне сенімдіміз. Айта кетейік, асқарлық суретшілеріміз де кезекті байқауда жүлдегерлер қатарынан көрінді, – дейді орталық директоры Жібек Дайырбек. Ақиық ақын Асқар Тоқмағамбетов ауылын­дағы «Көркем сурет» үйірмесінің шәкірттері Балнұр Болатбек, Рәния Әбдіразақ, Мирас Уайдаев, «Білім айнасы» республикалық ғылыми басылымының ұйымдастырған «Бояулар құпиясы» байқауында жүлдегер қатарынан көрінді. Аталмыш байқауда Рәния Әбдіразақ ІІ орынды, Балнұр Болатбек пен Мирас Уайдаев ІІІ орынды иеленді. Талапты балғындардың ұстазы Құралай Тағыбаева суретшілерді көркем өнерге баулып, сурет салудың өзіндік әдіс-тәсілін меңгерту үстінде.</blockquote>Өнермен қатар спортқа бейім жастар аудан көлемінде қаулап өсіп келеді. Анығын айтқанда, Нағи Ілиясов ауылындағы «Дзюдо» үйірмесінің спортшылары киелі Түркістан қаласында өткізілген республикалық турнирге қатысты. Мұндағы татами бәсекесінде сырдариялық 5 спортшы бақ сынады. Оның ішінде 32 келі салмақ дәрежесінде Санат Бақытжанұлы жүлде­лі І орынды иеленген болатын.<blockquote>– Жыл басынан бері жас спортшылар бірнеше турнирде бақ сынады. Жүлделі орындардан көрінген спортшыларымыз жеткілікті. Орталық басшыларының қолдауымен осы жолы деңгейі бөлек спортшыларға жоғарғы талап қойылатын республикалық жарыста еліміздің түкпір-түкпірінен келген дзюдошылармен ше­бер­­­лік байқастық. Бір жағынан спортшыларымыз өздерінің шама-шарқын бағамдай алды, – деді Аружан Темірғали.</blockquote>

Сырдариялық оқушылар республикалық байқауда топ жарды 

<a href="https://kyzylorda-news.kz/">Kyzylorda-news.kz</a>&nbsp; &nbsp;«Жастар – еліміздің болашағы» деген сөзді жиі айтамыз. Сол жастардың болашағы – еліміздің ертеңгі тарихы. Қоғамның белсенді, саналы, қабілетті, құзыретті мамандарын даярлау біздің сапалы жұмысымызға байланысты. Ұстаздар жас ұрпақтың сапалы білім алуына жауапты.Жиырма бірінші ғасыр – білімді ұрпақтың заманы. Неге десеңіз, қазіргі таңда білімді, талапты оқушыларға көп мүмкіндік қарастырылған. Тіпті мектепте оқып жүріп-ақ жоғарғы оқу орнына грант жеңіп алуға болады. Талабың жетсе, мектеп бітіре салып, шет елден бір-ақ шығу да қиын емес. Бірақ бұның бәрі білімді, қабілетті талап етеді.<blockquote>Осындай озық ойлы жасөспірімдер білімнің қара шаңырағы атанған аудан орталығындағы Оспан Әбілпаттаев атындағы орта мектепте баршылық. Қабілетті, дарынды оқушылар ұстаздан алған тәлімді қосымша біліммен жетілдіріп, биік шыңдарды бағындырып жүр. Биыл мектеп бітіретін 11 сыныптың үздік оқушысы Дәулет Асылбеков те биыл беделді жоғарғы оқу орындарының біріне мемлекеттік грант жеңіп алған. Нақтырақ айтар болсақ, жас түлек мектеп бітірген соң халықаралық Яссауи университетінде білімін жалғастыруына болады. Білімді оқушыны университеттің өзі таңдайды. Биыл алғаш рет ауыл мектептері арасында республикалық олимпиада өтті. Білім сайысына №210 мектеп оқушылары да атсалысты. Өз кезегінде Дәулет Асылбеков тарих пәні бойынша бақ сынап, ІІ орынды иеленген. Ауданның ғана емес, облыстың намысын қорғаған оқушыны білім бәйгесіне қосқан жетекшісі – тарих пәнінің мұғалімі Тәжібаева Айгүл Әбдісұлтанқызы.</blockquote>– Республикалық олимпиадада Дәулет екінші орын алды. Десек те бұл бірінші орын есебінде еді. Белгіленген шкала бойынша осылай бекітілді. Бірақ біздің Дәулеттен оза шауып, алдына түскен қарсылас болмады. Оқушының тарих пәніне деген қызығушылығын байқап, олимпиадаларға, жарыстара қатыстыра бастадық. Талабы таудай оқушылардың бірі. Жаңаны білгісі келіп, әркез алға ұмтылып тұрады. Көзінде от, жанарында жалын бар, нағыз ел ертеңіне айналар ұрпақ болып өсетініне сенім кәміл, – дейді Дәулеттің ұстазы Айгүл Тәжібаева.Тарихы терең Оспан Әбілпаттаев атын иеленген мектептің бетке ұстары Дәулет Асылбековтің математика мен информатика пәндеріне қызығушылығы басым. Болашақта қазіргі заманда үлкен сұранысқа ие ІТ саласын меңгеріп, білікті маман болуды армандайды.Мектептің биылғы үздік түлектерінің бірі – Гүлбану Келдібай. Ол білімділігімен, табандылығымен, өзінің шығармашылық қабілетімен көптен ерекшеленеді. Ұйымдастырушылық, көшбасшылық қабілеті де бар. Гүлбану мектеп қабырғасында жүріп-ақ бірнеше тілді қатар меңгерген. Соның арқасында ағылшын тілі бойынша өтетін сайыстардан еш қиналмайды. Бұған дейін жалпы білім беретін пәндер бойынша республикалық олимпиаданың аудандық, облыстық кезеңдерінде жүлдегер атанған. Сондай-ақ түрлі ғылыми жобалардан жеткен жетістіктері де өз алдына.<blockquote>– Гүлбану алға қойған мақсаты жолында еш аянбайды. Соның есесіне жауапкершілігі өте жоғары. Мақсат қойды ма, талпынып, талаптанып, өз бетінше ізденіп те жүреді. Бір айта кетерлігі – орыс және ағылшын тілдерінде ана тіліндегідей еркін сөйлейді. Ол дипломат болуды армандайды. Бала күнінен арманы шет елдерді аралап, сол салада жұмыс істеу. Арманына адал, мақсаты айқын оқушы қазіргі таңда француз тілін де меңгеріп жүр. Бұл мектеп оқушысы үшін айтарлықтай жетістік. Дүниежүзінің тарихын, әлем елдерінің тілін меңгергісі келеді. Осы жолда еңбектеніп, талаптанып жүр, – дейді Гүлбанудың анасы әрі ұстазы Гүлнәра Өмірзақова.</blockquote>Гүлбану Келдібай халықаралық IELTS тест емтиханын тапсырып, ҰБТ-дағы таңдау пәні бойынша ағылшын тілінен шекті балын автоматты түрде алуға мүмкіндік алған. Былайынша IELTS алу екінің біріне бұйыра бермейтінін ескерсек, бұл талабы таудай оқушының үлкен жетістіктерінің бірі деуге негіз бар.Еліміздің ертеңі, мемлекетіміздің жарқын болашағы білімді де алғыр жастардың қолында екені қашаннан белгілі. Кез келген ел өзінің келешегін өскелең ұрпағымен байланыстырады. Халқымыздың болашағы – бүгінгі ұрпағы. Ал ұрпақ тәрбиесінде ата-ана мен ұстаздың рөлі басым. Дәулеттей алғыр, Гүлбанудай білімді оқушы мен ұстазының жетістігін көргенде «Ұстазы жақсының ұстамы жақсы», «Ұстаздан шәкірт озар» сынды мәтел сөздер ойға оралып тұрады. Биыл мектеп бітіруге талаптанып отырған жас түлектерге сәттілік тілеп, болашағынан зор үміт күтеміз.<img src="https://knadmin.beoblood.kz/uploads/f4ed3741_a127_43b9_bbed_509eb1a80b1e_fff571bb11.jpg" alt="f4ed3741-a127-43b9-bbed-509eb1a80b1e.jpg">

Бүгінгі ұрпақ – ел болашағы

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Статистикаға сүйенер болсақ, аудан педагогтарының 80 пайызы – әйел кісілер екен. Педагог ерлердің үлес салмағы қай өңірді алып қарасақ та, 20 пайыздан аспайды. Бала тәрбиесіне келер болсақ, әкенің рөлін басымырақ көретін халық &nbsp;мектепте ер мұғалімнің көбірек болуы құп көреді. Өйткені ер баланың бойына нағыз азаматқа тән мінез-құлық пен ержүректікті дарытуда ер адамның тәрбиесі аса қажет.&nbsp; &nbsp; Түр сипаты қатулы болып көрінгенімен, жүрегі жұмсақ Ерболат ағай туралы мақаланың кіріспесін осындай оймен бастауыма өзіндік себебі бар. Олай деуімнің себебі, ағайдың тәлім-тәрбиесін біз де көріп өстік. Мектеп қабырғасында алғашқы әскери дайындық пәнінен сабақ беретін Ерболат Садықов он жеті жылдан бері білімнің қара шаңырағында жемісті қызмет етіп келеді. Мектептегі ұл балалардың «қорқатын», «әкеңе айтамыны» сияқты бұзақылық жасай қалған сыныптың ұлдары тәрбие бөлімінде Ерболат ағайдың алдынан бір-ақ шығатын еді. Ағай оларға бірде әкедей ақылын айтса, бірде досындай сырласып отырып, түзу жолға жетелеп, тәрбиеге салатын.&nbsp; &nbsp; Білікті маманның білім саласына келуі де бекерден бекер емес. Жастық шағынан әскери салаға қызығып, осы бағытты жанына серік еткен. Білімнің қара шаңырағы атанып кеткен Қорқыт ата атындағы Қызылорда университетінде білім алып, біршама тәжірибе жинақтаған. Ал еңбек жолы университет қабырғасында-ақ басталған. Алғашында дене шынықтыру пәні бойынша сабақ берген ол оқуын тәмамдаған соң туған ауданына қызмет қылуды жөн санап, қара шаңыраққа ат басын тіреген. Енді ғана оқу бітіріп, жалындап тұрған жас педагогке сұраныстың жоғары болғаны айтпаса да белгілі. Сол уақыттан қазіргі дейін негізгі біліміне сәйкес алғашқы әскери дайындық пәнінен дәріс жүргізіп келеді.&nbsp; &nbsp; Мектеп оқушыларының бойына азаматтық әрі патриоттық сезімді қатар сіңіру бағытында аянбай еңбек етіп жүрген ұстаз мектептегі білімнен бөлек қоғамдық өмірде өте белсенді. Өзінің де, оқушыларының да жетістігі жетерлік. Мектеп жанындағы «Жолда жүру ережесі» үйірмесінде жұмыс жасап, түрлі деңгейдегі сайыстарға әлі күнге дейін оқушыларды дайындап жүр. Ең алғашқы ауқымды жетістігі үйірме оқушыларымен Өскемен қаласында республикалық жарыстан жүлделі орын алуы болған. Бұл жетістік енді тәжірибе жинақтап келе жатқан жас мұғалім үшін күш-жігер бергені сөзсіз. Кейіннен осы бағыттағы жұмыстар ауқымы кеңейіп, 2018 жылы халықаралық деңгейдегі Ресей Федерациясы, Анапа қаласында өткен жолда жүру слетіне қатысып, оқушылары жүлделі екінші орынды жеңіп алуы мұғалімнің өз жұмысына деген сүйіспеншілігі мен жауапкершілігін арттыра түскен.&nbsp; &nbsp; Бүгінгі күні «Жас сарбаз», «Жас құтқарушы» үйірмелерінің жұмысы қарқынды дамып келеді. «Жас сарбаз» әскери-патриоттық үйірмесі ер балаларды мектеп жасынан әскери өмірге үйретіп, бағыт-бағдар беруді қамтамасыз етеді. Аталған үйірмелер жұмысы негізінде әскери оқу орнына түскен оқушылар да жоқ емес. Олардың алды қазіргі таңда оқу бітіріп, беделді қызметке араласуда. Бұл тұста жастайынан бала бойында әскери өмірге деген сүйіспеншілікті арттырып, ер азаматқа тән тәрбие бере білген мектеп, үйірме жұмысын айтып өту өте орынды.&nbsp; &nbsp; 2023 жылы ҚР Оқу-ағарту министрі Ғ.Бейсембаевтың «Алғысына», 2020 жылы сол кездегі облыс әкімі Г.Әбдіқалықованың «Қызылорда облысының білім беру саласын дамытудағы еңбегі үшін» жергілікті ерекшелік белгісіне, сонымен қоса облыстық білім басқармасы басшысының арнайы марапатына ие болған Ерболат Асанұлының халықаралық деңгейдегі «Алғыс хаттары» да бар. Жетістіктерінің ішінде «Сырдария ауданының 90 жылдығы» мерекелік төсбелгісінің шоқтығы биік. Ерболат ағайдың бәйгеге қосқан оқушыларының да &nbsp;марапаттары &nbsp;баршылық.<blockquote>&nbsp; &nbsp; – Еліміздің басшысы әр жылғы Жолдауында білім саласына міндетті түрде тоқталып өтетіні анық. Себебі, білімді ұрпақ – ел ертеңі екенін айтпаса да түсінікті. Осы тұста халық игілігі үшін жұмыс жасап келе жатқанымызды мақтан тұтамын. Тәрбие мен білім – егіз ұғым. Ұлтымыздың жанашыр ұрпағын тәрбиелеу жолында аянбай еңбек етеміз, – деп қорытындылады өз ісінің білікті маманы.</blockquote>

Өз ісінің білікті маманы

<a href="https://kyzylorda-news.kz/">Kyzylorda-news.kz</a>&nbsp; Биыл Сырдария ауданның жастарына арналған ерекше бастамалар қолға алынбақ. &nbsp;Соның бірі – Тереңөзек кенті орталығынан "Жастар" аллеясы ашылады деп күтілуде.Бұл ретте, аталған жобаның жүзеге асуына байланы аудандық жастар ресурстық орталығының директоры Айгүл Ахметова пікір білдірді.<blockquote>– Аудан көркіне сән берер тағы бір нысан ашылмақ. Дәлірек айтсақ, Тереңөзек кенті, А.Иманов көшесі бойынан "Жастар" аллеясы жасалу жоспарлануда. Бұл нысан жастар үшін қуанышты жаңалық. Елімізде, оның ішінде аймағымызда облыс әкімі Н.Нәлібаевтың бастамасымен жастарға жасалып жатқан қолдаулар жылдан-жылға артып келеді. Биылда Тереңөзек кентінде аудан әкімінің қолдауымен бірқатар жобалар жүзеге асырылуда. Әсіресе, жастарға деген қолдауы барлық салада көрініс беруде. Соның бір көрінісі осы нысан деп санаймыз. Бүгінгі жас буын – біздің ертеңгі үмітіміз. Жастардың серуендейтін орталығы заманауи орындықтармен, жасыл желектермен безендірілмек. Алдағы күндері жаңа аллеяда ұрпақтар сабақтастығын арттыратын ардагерлер мен зиялы қауым өкілдерін қамтитын түрлі мәдени шаралар ұйымдастырылатын болады. Осындай игілікті іске атсалысып жатқан азаматтарға алғысымды білдіргім келеді, – деді орталық басшысы. &nbsp;</blockquote>

Сырдарияда «Жастар» аллеясы ашылады

<a href="https://kyzylorda-news.kz/">Kyzylorda-news.kz</a> Қызылорда қаласында құрттың ерекше түрі шығады. «Qurtella» атауымен танымал болған бұл өнімнің 6 түрі бар.&nbsp; Түрлі дәмнен жасалатын өзгеше өнім – елімізде қайталанбаған кәсіп түрі. Бұл бизнесте 13 жасынан бері жүрген кәсіпкер алдағы уақытта жаңа атаумен басқа да тауар өндіруді жоспарлап отыр. Нұрсұлтан Қалмағамбеттің айтуынша, «Qurtella» басқа қалаларда да танылып үлгерген.<blockquote>– Жалпы, кәсіп саласында 13 жасымнан бері жүрмін. Ең алғашында балмұздақ сатып, кейіннен сөйлейтін ойыншық түрлерін де осы қалаға алып келгендердің алғашқысы мен болдым. Осы «Qurtella» құрттарын шығарғаныма әзірге 1 жыл бола қойған жоқ. Өткен жылдың қараша айында алғашқы өнімді шығарып, сатылымға қойдық. Ал осы идеяның басталғанына жылдан асып кетті. Құрт сатудың берекелі кәсіп түрі екенін біліп, көңілім осы салаға ауды. Мақсатым құртты қазаққа насихаттау болды. Бірақ, ойымда оны өзгеше етіп жасау болғандықтан, идеямды жетілдіріп жүрдім. Ешкім сенбейтін шығар, мен бұл кәсіпті 15 000 теңгемен бастағанмын. Осылай-осылай жайлап табысқа жетіп жатырмыз, – деді Н.Қалмағамбет.</blockquote>Нұрсұлтанның өнімі шаһардағы дүкен сөрелеріне жайғастырылған. Кәсіпкер құрттарды ерекше қаптамаға салып, өзге қалаларға да жіберіп жатыр. Тіпті, бұл тойбастар ретінде қонақтарға ұсынылып, жұртшылықтың таңдауына ие болып келеді. Атап айтсақ, Маңғыстау, Шымкент, Алматы, Өскемен қалаларының тұрғындары осы құрттың тұрақты сатып алушысына айналған. Кәсіпкердің айтуынша, өкінішке қарай, өз өңірімізде дәл мұндай сұраныс жоқ. Бренд трендке айналады, ал трендтің танылып, таралуына уақыт кетеді. Нұрсұлтан алдағы уақытта тек аймақты ғана емес, өзге қалаларды да түгелдей дерлік құртпен қамтамасыз еткісі келеді.<blockquote>– Өзбекстан Қазақстан үшін жылына 50 млн тонна құрт өндіреді. Бұл деген масқара ғой. Өзім ұлтшыл адаммын. «Басқа істейді, қазақтар істей алмай ма сонда?» деймін. Еріншекпіз дейін десем, еріншек те емеспіз, қолымыздан бәрі келеді. Аз-аздан деп жүре береміз-ау, бірақ үлкен өндіріске араласып, еліміздің ішкі нарығын өзіміз қамтамасыз ететін уақыт келді ғой. Ал ол үшін мемлекеттен қолдау керек. Алдағы уақытта сол мемлекет тарапынан жасалатын гранттық қолдауларға өтінім беріп көру ойда бар. Қалғанын уақытысында көрерміз, – деді ол.</blockquote>Қазірде «Qurtella»-ның жеке дүкені, цехы бар. Жалпы алғанда 5 адамды жұмыспен қамтып отырған кәсіпкер күніне 500 қамтама құрт өндіріп, айына кемі 3000 қаптамадағы құрт сатылатынын айтты. Тіпті, бағасы да қолжетімді. Ішінде 11 дана құрты бар қаптама 390 теңге, ал вакумдегі шағын түрі 190 теңгені құрайды екен. Бұны болашағы бар бизнестің алғашқы баспалдағы деуге болады.&nbsp; Себебі, жеке әлеуметтік желілерді де ашып, онда жаңа бренд қалыптастырып үлгерген жастар құрт сатудың жаңаша құпиясын мықтап меңгеріп келеді. Кәсіпкер құртпен бірге женттің де түр-түрін жасап, сатып жүр. Ол арнайы тапсырыспен дайындалады екен. Құрттардың сақталу мерзімі 3-4 айды құраса, жент оған қарағанда жарамдылық мерзімі төмен. «Бірақ, ендігі жерде женттің құрамын өзгертіп, оны да ұзақ уақыт бойы сақталуға қауқарлы етіп жасаймыз» дейді кәсіпкер.Тағы бір айта кететін дүние – құрттар салынған қаптама сыртында «Қазақстанда жасалған» белгішесі қойылған. Елімізде өндірілетін өнімнің тұтынушысы болу арқылы қолдау көрсету – баршамыздың азаматтық міндетіміз. Кәсіп иесінен «осындай жетістікке жетіп, кедергілерден қорықпай өту үшін жастарға қандай кеңес, мотивация бересіз?» деген кезде, өзі де мотивация қажет етіп жүргенін айтып күлдірді. Бірақ, атақты американдық кинодағы «чтобы победить, нужна настойчивость и дисциплина» деген сөз күш беріп, мақсатының нықталуына септігін тигізгенін айтты. Расында, жеңіске жету үшін табандылық және тәртіп қажет.Нұрсұлтанның ендігі мақсаты – нағыз таза, қоспасыз құрт өндіріп, тапшылықты жою. Балмұздақ бизнесін де жаңаша бағытта дамытқысы келеді. Кәсіпке ынтасы бар, ұлтжанды, қарапайым кәсіпкерлердің артып келе жатқанына қуанып, бір серпілдік. Ұлттық өнімді насихаттау дейтін дүниені жолға қою керек-ақ. Бұл орындалса, өз байлығымызды өзіміз пайдаланушы едік. &nbsp;Көз көріп жүрген дүниелерге үміт зор, бірақ қаражат қысып, тықыр таянбаса болды. Ол үшін мемлекет те қолдау білдіреді деген үміттеміз.

Қызылордада «Qurtella» құрттары шығады

<a href="https://kyzylorda-news.kz/">Kyzylorda-news.kz</a>&nbsp; &nbsp;«AMANAT» партиясы аудандық партия филиалының мәжіліс залында партиялық бақылау комиссиясының кезекті отырысы өтті. Отырысты партиялық бақылау комиссиясы төрағасының орынбасары, аудандық мәслихат депутаты Ақтөре Ибрагимұлы ашып, жүргізді. Отырысқа комиссия мүшелері, депутаттық фракция мүшелері, сала басшылары қатысты. Отырыстың күн тәртібінде 2 мәселе қаралды.Күн тәртібі бірауыздан мақұлданған соң, хабарламашылар баяндама жасап, комиссия мүшелері тарапынан қойылған ұсыныстар мен сұрақтарға жауап берді. Негізінен, бірінші мәселе бойынша «AMANAT» партиясы сайлауалды бағдарламасындағы 2024 жылға арналған индикаторларының орындалу барысы бойынша Сырдария аудандық ауруханасының бас дәрігерінің орынбасары Жанар Жұмабаева баяндама жасады. Ал Іңкәрдария ауылдық округінің әкімінің сайлаушыларға берген уәделерінің орындалуы бойынша ауылдық округ әкімі Сәулет Есдәулетовтің есебі тыңдалды.<blockquote>– Партиялық бақылау комиссиясының кезекті отырысы тұрақты түрде өткізіліп келеді. Бұл жолы аудан медицинасында атқарылып жатқан жұмыстар сараланды. &nbsp;Шын мәнінде, ақ халатты абзал жандар аудан тұрғындарының денсаулығын жақсартуда, саламатты өмір салтын ұстану барысында жасап жұмысы ауқымды саналады. Өз кезегінде көптеген мәліметтерге қаныға білдік. Алдағы уақытта аурухана ұжымының жұмысына табыс тілейміз. Сонымен қатар шалғайда орналасқан Іңкәрдария ауылында жүзеге асып жатқан жобаларға назар аударып отырмыз. Берекесі тасыған, ілкімді істерімен ерекше білген ауыл жұртшылығын әл-аухатын жақсартуға тың жобала жасала беру керек деп ойлаймыз, – деді Ақтөре Ибрагимұлы.</blockquote>Отырыс соңында қаулы қабылданып, қорытындыланды.

Партиялық бақылау: күн тәртібінде екі мәселе қаралды 

<a href="https://kyzylorda-news.kz/">Kyzylorda-news.kz</a> Қызылорда қаласында жылу беру маусымы жоспарға сәйкес тұрақты өтуде. Бұл туралы қала әкімдігінің баспасөз орталығында өткен брифингте Қызылорда жылу электр орталығы мекемесінің "Жылу жүйелері" бөлім басшысы Хасанғали Иманғалиев баяндады.<blockquote>- Қызылордада күнтізбелік бес күн ішінде гирдрометеорологиялық қызмет тіркеген сыртқы ауаның орташа тәуліктік температурасы +8⁰ С және одан жоғары болған жағдайда қала әкімінің шешімімен жылу беру маусымы аяқталады. Биыл шамамен 10 немесе 15 сәуірге жоспарланып отыр, - деді бөлім басшысы Хасанғали Айғалиұлы.</blockquote>Жалпы, Қызылорда қаласы бойынша жылу желілерінің ұзындығы – 199, 05 шақырымды құрайды. 2023 жылғы жылу маусымы барысында 11,9 км жылу желілеріне жоспарланған жөндеу жұмыстары толығымен бекітілген кестеге сәйкес жүргізілді. Соның нәтижесінде, Қызылорда қаласының жылу желілердің тозу деңгейі 48%-дан 45,1%-ға азайды.Ал, биыл жалпы ұзындығы 4,3 км диаметрі 57-325 мм құрайтын кварталаралық жылу желілеріне ағымдағы жөндеу жұмыстары, 6 жоба бойынша жалпы ұзындығы 9,5 км қаланың жылу желілеріне қайта жаңғырту жұмыстарын жүргізу жоспарлануда.

Қызылорда қаласында жылу беру маусымы тұрақты өтуде

<a href="https://kyzylorda-news.kz/">Kyzylorda-news.kz</a> Тазалыққа берілетін баға жай ғана көзбен емес, ақыл-парасат, ой-сана тұрғысынан өлшенетінін көбіміз аңғара бермейміз. Ол адамның бала кезінен санасында қалыптасса, ертең ересек болғанда қоршаған ортаның жанашыры, табиғатпен біте қайнасады. Сол жолдағы игілікті істердің ұйытқысына айналады. Өйткені тазалық көрік берумен қатар, экологиялық жағдайды да қалыптастырады. Күтімі бар ауыл, қала – келген қонақтың көңілін жадыратып, жақсы пікір қалдырса, керісінше лас елді мекен жиіркеніш туғызады және адамдардың денсаулығына орасан зор қауіп әкеледі.Жергілікті жерді көркейтіп, көгалдандыру, абаттандыру жұмыстарын жүргізуде Қармақшы ауданында жылына көктем, күз мезгілдерінде санитариялық іс-шара өткізіледі. Бұл жұмыстар қазіргі кезде басталып та кеткен. Ұжым қызметкерлері әрбір сенбі сайын кент, ауылдық жерде қоғамдық орындар мен көшелерге тазалық жүргізіп, туған өлкенің көркеюіне қызмет жасайды. Осы және басқа мәселелерді көпшілікпен талқылау мақсатында жақында Көшеней Рүстембеков атындағы жыраулар үйінде Қармақшы ауданы әкімі Жандос Еркінбекұлының төрағалығымен кеңейтілген мәжіліс өтті. Оған кент, ауылдық округі әкімдері, депутаттар, бөлім, мекеме басшылары, ардагерлер, кәсіпкерлер және көше комитеттерінің төрағалары қатысты.Мәжілістің күн тәртібіне орай «Аудандағы көркейту-көгалдандыру және санитарлық тазалық жұмыстары туралы» аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Рустам Ефенов және Жосалы кенті әкімінің міндетін атқарушы Алмасхан Досмұратов хабарлама жасады.Хабарламаға сай көше комитеттерінің өкілдері, ардагерлер, кент тұрғындары пікірлерін айтып, өздерін толғандырып жүрген аяқсу, көргалдандыру, тазалық мәселелерін ортаға салды.Тақырып төңірегінде Қармақшы аудандық мәслихат төрағасы Әділ Қошалақов, аудандық ардагерлер кеңесінің төрағасы Асқар Мереков сөз қозғап, тұрғындарды қоғамдық орындар мен көшелердің тазалығын сақтауға, оған жанашырлықпен қарауға шақырды.Жиында Қармақшы ауданының әкімі Жандос Еркінбекұлы тазалық пен тәртіп қашан да басты назарда болатынын жеткізді.<blockquote>– Тазалық жұмыстарымен барлық мекеме, кәсіпорын басшылары мен қызметкерлері, жеке кәсіпкерлер айналысып, тәртіп сақтауы қажет. Сонда ғана тазалық сақталады және елді мекендер көркейеді. «Тазалық – тазалаған жерде емес, тазалықты сақтаған жерде» дейді дана халқымыз. Осыған орай тұрғындарға түсіндірме жұмыстарын әлі де күшейту қажет. Ауданымыздың тазалығын сырттан ешкім келіп істеп бермейді. Оның тазалығы өзгеге емес, ең алдымен өзімізге қажет екенін естен шығармайық. Сонымен қоса, тал егу жұмыстары да сырт &nbsp;қалмауы тиіс, – деді аудан басшысы Жандос Еркінбекұлы. &nbsp;</blockquote>Кеңейтілген мәжілісте тұрғындар тарапынан айтылған ұсыныс-пікірлер назарға алынып, тиісті сала басшыларына тапсырмалар жүктелді.

Қармақшыда тазалық жайы талқыланды 

<a href="https://kyzylorda-news.kz/">Kyzylorda-news.kz</a> Соңғы уақытта Қазақстандағы ауа-райынан күнде бір тосынсый күтуге болады. Күні кеше ғана Алматы қаласын құмды дауыл басып, кейбір өңірлерде қатты нөсер жауып өтті. Қатты желдің екпіні ағаштарды құлатып, ғимараттардың шатырларын жұлып әкетіп, ал жолдарда нөсердің салдарынан жол-көлік оқиғалары &nbsp;жиілеп кетті.&nbsp;Табиғи апаттың салдарынан темір тұлпарларына зақым келген автокөлік иелеріне не істеу қажет екендігі жөнінде Fingramota.kz-пен қарастырып көрелік.Қазақстан аумағы әртүрлі табиғи апаттарға бейім, олардың салдары әртүрлі болуы мүмкін. Шаңды дауыл мен екпінді жел кезінде, мысалы, Алматыда ағымдағы жылдың 28 наурызында болғандай, азаматтардың мүлкіне зиян келуі мүмкін.Автокөліктің үстіне бұтақтар мен ағаш діңдері құлаған болса, құлау фактісін тіркеп, оқиғаның сызбасын жасау үшін жол полициясының патрульдік қызметін шақыру қажет. Көлік иесінің сақтандыруы болса, сақтандыру компаниясына оқиға туралы міндетті түрде хабарлау қажет.Айта кету керек, автокөлікті міндетті сақтандыру (көлік құралдары иелерінің азаматтық-құқықтық жауапкершілігін міндетті сақтандыру) мұндай жағдайларды қамтымайды. Көлікті міндетті сақтандыру көлік иесінің көлікті басқару кезінде үшінші тұлғаларға келтірген зиянын өтеуге арналған.Ең тиімді жағдайда ерікті сақтандыру шартына қол қойған азаматтар – КАСКО, табиғи апаттардың тәуекелдерін өтейді. Егер сізде КАСКО бойынша ерікті сақтандыру болса, көлігіңіз бұтақтармен немесе ағаш діңімен зақымдалған болса, оқиға туралы сақтандыру компаниясына хабарлауыңыз керек. Өтінішті жазбаша түрде дайындаған жөн, егер бұл сақтандыру шартында қарастырылған болса, электрондық пошта арқылы да жіберуге болады. Сақтандыру өтемақысын алу үшін сақтандыру ұйымы көлік құралына келтірілген зиянның мөлшерін бағалайды.Ағаш құлаған көліктің иесі тек міндетті сақтандыруға ие болса, бұл оның шығынын ешкім өтемейді дегенді білдірмейді. Сіз сотқа шағым бере аласыз немесе егер құлаған ағаш қауіпті деп танылса, ағашты күтіп ұстауға жауапты адамнан өтемақы өндіріп алуға тырысыңыз.Fingramota.kz көлікті міндетті сақтандыру мен КАСКО арасындағы айырмашылық неде екенін еске салып, сондай-ақ сақтандыру төлемдері қалай жүзеге асырылатынын түсіндіреді.Көлік құралдары иелерінің азаматтық-құқықтық жауапкершілігін міндетті сақтандыру (КҚИ АҚЖМ)Қазақстанда заңнамалық деңгейде автокөлік иелерінің жол-көлік оқиғасы (ЖКО) салдарынан келтірілген залал үшін үшінші тұлғалар алдындағы азаматтық-құқықтық жауапкершілігін сақтандыру міндеті белгіленген. Міндетті автосақтандыру полисі автокөлікті пайдалану үшін, оның ішінде Қазақстан аумағына уақытша келетін адамдар үшін қажетті міндетті құжаттардың бірі болып табылады. Сақтандырусыз Қазақстан аумағында көлік құралын пайдалануға тыйым салынады.Егер жүргізуші ЖКО үшін кінәлі болса, онда зардап шеккендерге келтірілген залалды ол сақтандырылған сақтандыру компаниясы өтейді. Осылайша, сақтандырушы заңда белгіленген лимиттер шеңберінде апатқа ұшыраған қатысушыларға олардың көлік құралдарын жөндеуге сақтандыру төлемін төлейді, сондай-ақ егер жәбірленушінің өміріне немесе денсаулығына зиян келтірілсе, емделуге төлем немесе ол қайтыс болған жағдайда өтемақы төленеді.КҚИ АҚЖМ бойынша сақтандыру полисін ресімдеу бүгінде өте қарапайым және жылдам. &nbsp;Сақтандыру компаниясының ресми сайтында ЖСН мен көлік құралының мемлекеттік нөмірін енгізу қажет, қалған ақпарат мемлекеттік деректер базасынан бірыңғай сақтандыру деректер базасы арқылы автоматты түрде толтырылады.КҚИ АҚЖМ автокөліктің өзі емес, жүргізушінің жауапкершілігін сақтандыратынын есте ұстаған жөн. Сондықтан ағаштың көлікке құлауынан болатын залал сақтандырудың бұл түрін қамтымайды.Жеке көлік құралын ерікті сақтандыру&nbsp;Өз қалауы бойынша автокөлік иелері автомобиль көлігін ерікті сақтандыру полисін – КАСКО-ны қосымша ресімдей алады. Мұндай сақтандырудың шарттары мен тәртібі тікелей сақтандыру полисінде айқындалады, өйткені әрбір сақтандыру полисі жеке және тараптардың ерік білдіруіне байланысты жасалады.КАСКО – бұл автокөлік иесінің ерік-жігерін ескере отырып, әртүрлі тәуекелдерді жабатын ерікті сақтандыру түрі. Әдетте, мұндай сақтандыру жүргізушінің жағдайы мен кінәсіне, айдап әкетуге, үшінші тұлғалардың құқыққа қайшы әрекеттеріне және т. б. қарамастан ЖКО тәуекелдерін жабады.Сақтандыру жағдайы басталған жағдайда (сақтандыру шартына байланысты бұл ЖКО ғана емес, сондай-ақ көлік құралына бөгде объектінің немесе заттың құлауы немесе соқтығысуы, өрт, жарылыс, найзағай соғуы, дүлей зілзалалар, үшінші тұлғалардың құқыққа қайшы әрекеттері және т.б. болуы мүмкін) сақтандырылған адам белгіленген лимиттер шегінде сақтандыру төлемін пайдалана алады. Осылайша, машинаны жөндеу арзанырақ болады немесе оны сақтандыру полисі толығымен жабады. Мұндай өз көлігін ерікті сақтандыру, егер алушы апатқа кінәлі болса да төленеді.Көптеген жүргізушілер үшін КАСКО олардың көліктерінің қауіпсіздігі мен қауіпсіздігінің синонимі болып табылады. Мұнда көліктің өзі сақтандырылатынын білу маңызды, ал жүргізушінің жауапкершілігі КҚИ АҚЖМ полисі ретінде емес.Сақтандыру төлемі қалай жүзеге асырылады?Сақтандыру төлемін алу үшін сақтандырушыға сақтандыру полисінің заңнамалық талаптары мен шарттары шеңберінде барлық қажетті құжаттарды ұсыну маңызды. Сондықтан әр түрлі жағдайлар туындаған жағдайда сақтандыру қорғанысына сенімді болу үшін оған қол қоймас бұрын сақтандыру шартының барлық тармақтарын әрдайым мұқият зерделеу маңызды.Міндетті автосақтандыру бойынша зардап шегушіге төлем процесі Қазақстан Республикасының заңнамасымен нақты регламенттелген. Сақтандыру төлемін ресімдеу процесінің маңызды бөлігі залалдың мөлшерін анықтау үшін сақтандыру компаниясы тарапынан көлік құралына келтірілген зиянның мөлшерін бағалауды жүргізу қажеттілігі болып табылады.Сақтандырушы жүргізген келтірілген зиянды бағалау тәртібімен және (немесе) нәтижесімен келіспеген жағдайда Сақтанушы (жәбірленуші, пайда алушы) Қазақстан Республикасы заңнамасының ерекшеліктерін ескере отырып, келіспеушіліктерді реттеу үшін сақтандыру омбудсманына жүгінуге құқылы.Сондай-ақ КҚИ АҚЖМ шеңберінде жәбірленушінің өмірі мен денсаулығына келтірілген зиян үшін сақтандыру төлемін алу үшін медициналық куәландырудан өту қажет.Қазақстан Республикасының заңнамасына сәйкес сақтандыру компаниясы зардап шеккен адамға барлық қажетті құжаттарды алғаннан кейін 15 күннен кешіктірмей сақтандыру төлемін жүргізуге міндетті.Ерікті сақтандыру бойынша сақтандыру төлемдерін жүзеге асыру тәртібі мен мерзімдері сақтандыру шартында айқындалады.Өміріміздегі кенеттен болатын оқиғалардан ешкім сақтандырылмаған. &nbsp;Сақтандыру – бұл сақтандыру оқиғасы туындаған жағдайда сіздің қаржылық мүдделеріңізді қорғау. Сақтандыруды дұрыс таңдау өзіңізді және жақындарыңызды кез келген кенеттен болатын жағдайлардан сақтандыруға көмектеседі.Біздің өмірімізде аяқасты болатын апаттардан ешкім қорғаулы емес. Сақтандыру – бұл, ең алдымен, сақтандыру жағдайы басталған кезде сіздің мүліктік мүдделеріңізді қорғау. Сақтандыруды дұрыс таңдау өзіңізді және жақындарыңызды кез келген күтпеген жағдайлардан қорғауға көмектеседі. &nbsp;Fingramota.kz-пен өзіңізді қорғап, қаржылық сауаттылығыңызды арттырыңыз!Фото: Fingramota.kz

Автокөлік иелерінің назарына: табиғи зілзаланың салдарын қалай өтеуге болады?

<a href="https://kyzylorda-news.kz/">Kyzylorda-news.kz</a> Уақыт алға жылжыған сайын Қармақшы өлкесі де көштен қалмай дами түсуде. Ауданда жыл сайын жаңа жарқын бастамалар жүзеге асырылуда. Соның ішінде ауылдың келбетін жақсарту, көркейту-көгалдандыру жұмыстарына ерекше ден қойылған. Аудан орталығы Жосалы да біраз жаңарғаны анық. Кәсіпкерлік нысандар саны көбейіп, олар кентіміздің дәулетіне сәулет қосуда. Көшелер жөнделіп, түнгі жарықтар кент ажарын ашып тұр. Дәмханалар, ойын-сауық орталықтары, мекемелер тұрғындарға сапалы қызмет көрсетуде. Сонымен қатар, заман талабына сай салынған спорт кешені, автовокзал, мейрамханалар мен автокөлік жөндеу шеберханалары, мемлекет тарапынан ел мүддесіне арналған заманауи үлгідегі мектеп, балабақшалар, әлеуметтік нысандар да керемет көрінісімен кентке әсемдік сыйлап тұр.Осы ретте, ерекше айта кетерлігі көптің көңілінен шыққан жобаның бірі – жағажайдың жаңа келбетке енуі. Бұл да кенттің ерекше көрік қосуда. Таза ауамен тыныстап, сейіл құруға да ыңғайлы. Әрі қауіпсіздік те қаперге алынған. Кенттің екі шетіне ерекше көрініс жинақылық пен сұлулық сыйлаған орын туралы анығырақ білмекке жауапты мамандармен байланыстық.&nbsp;<blockquote>– Шығыс каналының жағасын «Фараб құрылыс» жауапкершілігі шектеулі серіктестігі мекемесі абаттандырса, Тәуекелов көшесін «АлиПроектConstruction» жауапкершілігі шектеулі серіктестігі мердігер мекемесі қолға алған болатын. Қазіргі таңда келісім-шарт бойынша жұмыстар толық аяқталған. Тұрғындардың келуіне мүмкіндік жасалған, – дейді Жосалы кент әкімінің орынбасары Бақытбек Жылтыров.</blockquote>Аудандағы мұндай өзгеріске кент тұрғындары дән риза. Расымен де жыл сайын жаңа жобалар қолға алынып, нәтижесіне де көп күттірмей қол жеткізіп жатырмыз. Кейде жоқты тізе бермей, барымызды да бағамдап, ризашылық білдірген де жөн.<blockquote>– Қазіргі жағдайды бұрынғы кезеңмен салыстыруға келмейді. Бүгінде кент келбеті көркейген. Аудан орталығына кіреберістен бас¬¬тап көшелер қалыпқа келтіріліп, жолдар жөнделуде. Түнде көшелер жап-жарық. Кентте кәсіпкерлік нысандар көп. Олар да өз жұмыстарын кеңейтуде. Көптеген тұрғын үй салынып жатыр. Тұрғындардың жақсы өмір сүруі үшін жағдай жасалуда. Жағажай да кент үшін әдемі орынға айналуда. Аудан орталығының көркейгені бәрімізге ортақ қуаныш, – дейді Жосалы кентінің тұрғыны Қайрат Әлібаев.</blockquote>Әлбетте, осынша жұмысқа кеткен қаржы көлемі де ауқымды. Мұның барлығы мемлекет тарапынан көрсетілетін көмек пен аудан, кент әкімдігінің ұйымдастыру жұмысының жемісі. Әрине, алда атқарылатын істер легі әлі де көп. Көркейіп келе жатқан өлкеге көктемгі көгалдандыру, абаттандыру жұмыстарының нәтижесі ерекше сән беріп тұр. Ауданға келген қонақтар, аудан тұрғындары соңғы жылдарда өркендеген, гүлденген Жосалының дамуына лайықты баға беретініне сенім мол.

Жосалыдағы жаңа келбетті жағажай

Қарқыны қуатты Қызылорда 

<a href="https://kyzylorda-news.kz/">Kyzylorda-news.kz</a>&nbsp; &nbsp;Білімнің қара шаңырағы №210 Оспан Әбілпаттаев атындағы орта мектебінде ағартушылық саланың бүге-шүгесіне қаныққан талай марқасқа ұстаз өз қолтаңбасын қалдырды. Бүгінде шәкірттеріне сапалы білім мен мағыналы тәрбие беруге ұмтылған білім ошағының ұжымы ұстанған бағыт айқын. Өз кезегінде жыл көлемінде атқарылған жұмыстарды саралау мақсатында&nbsp;мектеп директорымен сұхбаттасқан едік.– Света Мұхтарқызы, қайырлы күн! Аудан орталығындағы №210 Оспан Әбілпаттаев атындағы мектептің жетістіктері мен талантты оқушылары туралы күнделікті жаңалықтардан оқып, біліп жүрміз. Мектептен небір талантты, білімді оқушылар тәрбиеленіп, бүгінде тіпті облыстың атын республикалық дәрежеде шығарып жүрген оқушылар да бар. Дәстүрлі сұрақ, сұхбатымызды мектеп тарихынан бастасақ.– Рахмет, тарихы терең білім ордасының бетке ұстар, мақтан тұтар шәкірттері баршылық. Бүгінде ауданда абыройлы еңбек етіп жүрген жас мамандарымызбен мақтанамыз. Одан бөлек, үлкен қалаларда ел дамуы жолында аянбай қызмет етіп жүрген түлектеріміз өз алдына. Ал мектеп тарихына келетін болсақ, алғашында орыс орталау мектебі болып іргетасы қаланған. Ол 1968 жыл еді. Одан кейін 1990 жылы аралас мектеп болып, 1998 жылдан бастап қазақ орта мектебі болып жасақталған. Сол жылдан бастап білім ордасына Қазақстан Республикасына еңбегі сіңген мұғалім, еңбек және соғыс ардагері, ұлағатты ұстаз Оспан Әбілпаттаевтың есімі берілді. Қазірге дейін осы кісінің рухы қолдап, мектебіміздің аты, шүкір, әуелеп келеді. 2002 жылдан бастап мектеп жаңа, яғни қазіргі ғимаратқа көшті. Әрине құтты орда екені рас, десек те белгілі себептерге орай жаңа ғимараттың қажеттілігі туындады. Өздеріңіз де хабардарсыздар, алдағы уақытта «Жайлы мектеп» жобасы аясында мектебімізге жаңа ғимарат беріледі. Қазіргі таңда тиісті жұмыстар жүргізіліп жатыр.– «Білікті басшы – білікті маман» деп жатамыз. Мектеп тарихында есімі алтын әріппен қалған директорлар туралы айтып өтсеңіз.– Сөзіңіздің жаны бар. Әр кезеңдегі басшылық еткен директорлар мектепке өзіндік қолтаңбасын қалдырып, бүгінгі деңгейге жетуіне үлесін қосқан. Тарихты сөйлетсек, ең алғашқы директор – Надежда Николаевна, одан кейін Николай Константинович, Александра Венециевна, Гүлнара Ақайдарқызының есімдерін айта аламыз. Бақытбек Әбдуов ағайдың 1995 жылдан бастап 12 жыл мектепті басқарған кезеңін ерекше айтып өтуге болады. Ол кісі нағыз тәртіп пен талаптың адамы еді. Сол кезде мектеп оқыған түлектер ағайдың қаталдығын, есесіне нағыз тәрбиені алып шыққанын әлі күнге дейін айтып жүреді. Одан кейін Гүлмира Байдушева білікті басшылық етті. 2012 жылы Қалихан Омаров мектеп директоры қызметін атқарды. 2013 жылдан бастап зейнет демалысына шыққанға дейін басшылық еткен Әсем Мәлікқызының елеулі еңбегін ерекше айтып өту орынды. 2021 жылдан бастап мектеп директоры қызметін атқарып келемін. Қазіргі кезең – білімдінің заманы. Жаңалықтан, жаңашылдықтан бір күн де қалыс қалуға болмайды. Тәрбие мәселесі де күн тәртібінде. Әркез мектеп беделін биік ету жолында еңбегімізді аямаймыз, білім ордасының қасиетті шаңырағын биіктен түсірмейміз.– Өзіңізді қандай басшымын деп ойлайсыз?– Талапшылмын. Әр істің жауапкершілікпен атқарылуын басты орынға қоямын. Қаталдық керек жерде қаталмын, әріптестермен дос ретінде сырласу керек болса, оны да жасай аламын. Өзімді тек мектеп ұжымы мен 400-ден аса оқушыға басшы ретінде емес, түгел еліміздің ертеңі алдында жауапты сезінемін.– Нақты қанша оқушы бар қазір?– Мектепте қазіргі таңда 411 оқушы білім алуда. 71 дәріс беруші мұғалім бар, оның ішінде 6 зерттеуші, 36 сарапшы, 14 модератор бар. Сондай-ақ 22 сынып бөлмесі, 15 оқу кабинеті, компьютер сыныптары, мультимедиялық, мобильді сынып, электронды кітапхана, кеңсе, спорт зал, асхана, медициналық кабинет жұмысы да жандандырылғанын айта кету орынды.– Оқушыларға білім алу үшін жан-жақты жағдай жасалған дейсіз ғой?– Иә, мектепте білікті, білімді, тәжірибелі ұстаздар еңбек етеді. Жас мамандармен де қатарымыз толығуда. Алдыңғы буын әркез жас мамандарға үйретіп, көрсетіп, тәжірибе алмасып отырады. Мұғалімдер біліктілігін арттырып, түрлі курсқа қатысып, байқаулардан да жүлдегер атанып жүр. Республикалық деңгейде бақ сынап, жетістікке жетіп жүрген оқушыларымыз да жетерлік. Дарынды жас, ІТ саласында жаңашыл жоба жасап, бағы мен бабы қатар шауып келе жатқан Асылжан Абдуллаевты өздеріңіз білесіздер. Енді ғана түрлі жобаларға қатысып жүрген кезде-ақ алғашқылардың бірі болып аудандық газет Асылжан туралы мақала жазып жариялады. Асылжан – мектептің ғана емес, бүгінде облыстың мақтанышына айналып, көпке үлгі болып келеді. Сондай-ақ биыл ауыл балаларына арналған олимпиада өтіп, республикалық кезеңге Дәулет Асылбеков пен Гүлімай Мергенбай есімді екі оқушымыз қатысты. Талабы мол оқушыларды білікті мұғалімдер Айгүл Тәжібаева мен Мақпал Қалымбетовалар дайындады. Дәулет осы олимпиададан 2-орын иеленіп, Қожа Ахмет Яссауи атындағы халықаралық қазақ-түрік университетінің ішкі грантын иеленді. Ал Асылжан бұл күнде бірнеше беделді жоғарғы оқу орнына грант жеңіп алған.– Тәрбие мен білім – егіз. Бұл мәселе төңірегінде қандай жұмыстар атқарылуда?– «Тәрбиесіз берілген білім – адамзаттың қас жауы» деген. Білім мен тәрбиені қатар ұстау жағы әркез ескеріледі. Оқушылардың бос уақытын тиімді пайдалану үшін түрлі іс-шаралар ұйымдастырылады. Сондай-ақ мектеп оқушыларынан «Жайдарман» командасы жасақталған. Жетекшісі – Өркен Арықов. Жуырда команда республикалық фестивальге қатысып, Алматы қаласында өтетін балалар лигасына жолдама ұтып қайтты. Сондай-ақ «Мектеп театры» жобасы жақсы жолға қойылып келеді. «Жас толқын» мектеп театрының қатысушылары білікті әртістерден кем түспейді. Оқушылар облыстық театр өнері фестивалінен жүлделі орын иеленіп келді. Ғылыми, әлеуметтік жобаларға, спорттық үйірмелерге қатысып, түрлі білім мен тәрбиелік мәні зор іс-шаралар бойынша жақсы жетістіктерге жетіп келеміз. Бұл мектептің жаны болған ұстаздар мен оқушылардың бірлескен еңбегінің арқасы екені даусыз.– Сұхбатыңызға рақмет!&nbsp;

Қазақстан және Қызылорда облысының жаңалықтары