<a href="https://kyzylorda-news.kz/">Kyzylorda-news.kz.</a> Жыл сайын суға түсу маусымы кезеңінде су айдындарында, әсіресе Сырдария өзенінде азаматтардың әртүрлі себептермен суда қаза болу жағдайлары тіркеледі. Соңғы жылдардағы тіркелген жағдайларға зер салсақ, арты қайғылы оқиғамен аяқталғаны аз емес. Әсіресе сегіз адамның өмірін жалмаған тілсіз жаудың зардабынан 2017 жылғы оқиғаны айтпай кете алмаймыз. Дәл осы жылғы жазатайым оқиғадан қайтыс болғандардың екеуі – бала. 2018 жылы екі адам ажал құшса, оның біреуі – бала, 2019 жылы бір адам, 2020 жылы тағы да бір адам суға кеткен. Ал 2021 жылы тілсіз жау екі адамның өмірін жалмаған. Жазатайым оқиғаның құрбаны болып жатқандар да кездеседі. Қазір суға түсу маусымы басталды. Сондықтан тұрғындар суға түсуге рұқсат етілмеген аймаққа бармау, қауіпсіздік ережелерін үнемі назарда ұстауы тиіс. Осы ретте Жалағаш аудандық төтенше жағдайлар бөлімінің бас маманы, азаматтық қорғау капитаны Темірлан Тілеубергенмен аудан аумағындағы төтенше жағдайлардың алдын алу бағытында атқарылып жатқан жұмыстар туралы әңгімелестік.&nbsp;– Темірлан Бекзадаұлы, алдымен ауданда төтенше жағдайлардың алдын алу бағытында атқарылып жатқан жұмыстарға тоқталсаңыз…– Жалпы, Жалағаш ауданының төтенше жағдайлар бөлімі азаматтық қорғау саласындағы мемлекеттік саясатты, оның ішінде табиғи және техногендік сипаттағы төтенше жағдайлардың алдын алу және жою, аудан аумағында азаматтық қорғанысты ұйымдастыру және өрт қауіпсіздігін қамтамасыз етуді, төтенше жағдай аймағында халыққа көмек көрсетуді жүзеге асырады. Аудандық төтенше жағдайлар бөлімі жұмысының басты бағытының бірі – ауданда қандай болса да төтенше жағдайлардың алдын алу және болдырмау мақсатында профилактикалық іс-шаралар жұмысын жүргізу. Осыған байланысты жазғы демалыс кезеңінде балалар мен жасөспірімдердің қауіпсіздігін қамтамасыз ету бойынша да жүйелі жұмыстар атқарылды. Осы жылдың мамыр айынан бастап аудан халқының қауіпсіздігін қамтамасыз ету мақсатында су айдындарына күнделікті сағат 15:00-ден 21:00-ге дейін кестеге сәйкес кезекшілік қойылды. Сонымен бірге суға түсу маусымында орын алатын оқыс оқиғалардың алдын алу бойынша кент орталығында орналасқан жабық бассейнге және білім бөліміне қарасты «Ақтерек» сауықтыру лагерінің суға түсу орындарын бақылау жұмыстары жүргізілді. Жергілікті полиция қызметінің қатысуымен де бірнеше рет түсіндірме жұмыстары жүргізілді.– Қазір суға түсу маусымы басталды. Осы тұста маман ретінде тұрғын-дарға қандай кеңес бересіз?– Қауіптің беті ары болсын дейміз. Алайда қауіпсіздік шараларын сақтау тек өз өмірімізді сақтаудың тетігі екенін түсінуіміз керек. Өйткені орын алған оқиғалардың барлығы қамсыздықтың салдарынан. Азаматтар мен жасөспірім балалар су айдындарының кез келген жерлеріне суға түсе береді, судағы қауіпсіздік ережелерін сақтамайды. Көп жағдайда жасөспірімдердің, балалардың үлкендердің қарауынсыз су айдындарының жағалауына баруы салдарынан оқыс оқиғалардың құрбаны болып жатады. Бұл ретте жазғы демалыс кезеңінде балалар мен жасөспірімдердің қауіпсіздігін қамтамасыз ету мақсатында жұмыстар жүргізілуде. Оқушылар жазғы демалысқа шығар алдында да мектеп директорларының бақылауымен суға түсу маусымындағы қауіпсіздік ережелерін сақтау, өз бетінше су айдындарына бармау секілді ескертпелердің жан-жақты түсіндірілуі де аса маңызды.&nbsp;– Аудан аумағында суға түсуге арналған орындар бар ма?– Айта кетейік, аудан аумағында ресми түрде белгіленген, рұқсат етілген суға шомылатын орындар жоқ. Белгіленген суға түсу орындарының болмауынан азаматтар¬дың суға түсу маусымында көп шомылатын орындары нақтыланып, бақылауға алынған. Көбіне тұрғындар Әйтек, Елтай, Ізбай каналы, Иіркөл, Асар-Төбе көлдері мен Сырдария өзеніне шомылады. Ол орындарда ересектермен қатар жасөспірімдер, балалар да бой көрсетеді. Өкініштісі, суға түсу ережелеріне салғырт қарайтындар суға түспес бұрын денені шынықтыру, қыздыру керек екенін естен шығарып жатады. Осының салдарынан аяқ-қол тамырларының тартылып қалуы жиі кездеседі. Сондықтан судағы апаттан қорғанудың ең сенімді жолы суда шомылу ережелері мен қауіпсіздік шараларын қатаң сақтау болып табылады.– Тілсіз жаудың бірі – өрт. Жаз мезгілінде де оның салдарынан төтенше жағдайлар көптеп орын алып жатады.Бұған дейін өрт салдарынан қанша төтенше жағдай тіркелді?&nbsp;– Жаз – өрт қаупінің күшейетін кезі. Тілсіз жаудың адам мен орын таңдамайтыны белгілі. Ата-бабаларымыз «жеті жұттың» біріне санаған өрт апатын шындығында тілсіз жау деуге тұрарлық. Күннің күрт ысуына байланысты табиғи өрттердің орын алу қауіпі де арта түседі. Аптап ыстық пен қуаңшылық кезеңінде ормандардағы өрт қауіпсіздігі ережелерін сақтаудың маңызы зор. Өрттің көбі орман қорына көршілес орналасқан шаруа қожалықтар және ауыл шаруашылығы ұйымдарына тиесілі шабындықтарда өсімдік қалдықтарын жағу салдарынан орын алып жатады. Сондай-ақ табиғат аясында демалушылар мен тұрғындардың өрт қауіпсіздігін сақтамауы да орны толмас оқиғаларға ұрындырады.Өрттің де, судың да артында адамның тағдыры тұр. &nbsp;Әсіресе жаз мезгілінде өрттің өршитіні бесенеден белгілі. Шөптердің жануына &nbsp;далада жатқан шыны, сынық әйнектердің қызуы, жол бойында автокөліктерден лақтырып кеткен өшірілмеген темекі тұқылдары, найзағай, шөп ору жұмыстарына қатысатын тракторлар мен агре-гаттардың жарамды шоқ өшіргішпен жабдықталмауы да себеп болуы ықтимал. Жалпы, өткен жылы тұрғын үйлерде 30, автокөліктерде 5, ормандар мен далаларда 7, нысандарда 1 өрт жағдайы тіркелді. Оның ішінде өрттен қаза тапқандар жоқ, жарақат алғандар – 4-еу. Ал биыл 5 айда ауданда 73 хабарлама тіркелсе, оның ішінде 28-і өрт оқиғасы, 25-і өртке жатпайтын жану оқиғасы, 1 жол-көлік оқиғасы, 19 басқа да төтенше жағдай тіркелді. Жыл басынан бері өрттен қаза тапқандар, жарақат алғандар жоқ.Жылу беру маусымы кезінде бөлім қызметкерлері аудандағы білім беру нысан¬дарында «Тұрмыстық өрттердің себебі мен өрт қауіпсіздік ережелері туралы», «Көмір¬қышқыл газынан сақтан», «Балаларды бақылаусыз қалдырма», «Тұрмыстағы өрт қауіпсіздігі» мен «Шырпы балаларға ойыншық емес» тақырыбында сабақ өткізді. Мұнан бөлек орман және дала өрттерінің алдын алу бағытында бірқатар жұмыс жүргізілді. &nbsp;– Сөз соңында тұрғындарға қандай кеңес бересіз?– Қарап отырсақ, атқарылып жатқан жұмыстарға қарамастан жыл сайын аудан аумағында орын алатын оқыс оқиғалар азаймай тұр. Қысқасы, қамсыздық қайғыға душар етпесін десек, жауапкершіліктің басым көпшілігін арқалаған ата-аналар да, тұрғындар да бұдан да сақ болуы керек, біз де оң нәтижеге жұмыс жасауды тоқтатпаймыз. Ал аудан тұрғындары үшін аудандық төтенше жағдайлар бөлімінің мамандары &nbsp;адам өмірінен артық құндылық жоқ екенін, сондықтан суға түскен кезде қарапайым ережелерді сақтау керектігін айтамыз. Сонда ғана тілсіз жаудың қауіп-қатерінен аман қалуға болады.

Темірлан Бекзадаұлы: Қауіпсіздік ережелері қаперде болсын

<a href="https://kyzylorda-news.kz/">Kyzylorda-news.kz.</a> Ұлт болашағының ең басты іргетасы, қазығы — отбасы. «Отан отбасынан басталады» деген сөз де осы тұрғыда айтылған.Ата-бабамыздың салт-дәстүрін, әдет-ғұрпын, тұтастай алғанда ұлт болмысын сақтайтын ең басты құрал, оны ұрпақтан ұрпаққа жеткізіп, уақыт пен кеңістіктен аман сақтап, келешекке аманаттап тапсыратын әлеуметтік орта да – отбасы. Былайша айтқанда әр отбасы -сол ұлттың айнасы іспетті. Осы ретте, ұйымдастырылып отырған «Мерейлі отбасы» республикалық ұлттық конкурсының аудандық байқауына Басықара ауылынан Сидеренко отбасы қатысып, өз бақтарын сынамақшы. Әкенің тәрбиесін алып, ананың мейірімін көріп өскен үлкен әулетке аталған байқауда жеңіс тілейміз.Сидеренко жанұясы туралы тарқатып айтар болсақ, отағасы Алексей қарапайым жүргізуші, көп балалы әке. Үйінің ұйытқысы болып отырған жары Гүлнар көп балалы ана. Балаларының барлығын жастайынан салауатты өмір салтын ұстануға үйреткен. Осының нәтижесінде үлкен ұлы спортқа қызығып, тұрақты түрде грек-рим күресіне қатысып бастайды. Алдыңғы арба қайта жүрсе, соңғысы сол жаққа жүреді деп қазақ бекер айтпаған.Себебі, жанұяның барлық перзенттері бірі-біріне еріп, серік болып әр түрлі спорттарға қатысады. Сонымен қатар жетістіктері де жетерлік. Мысалы екінші перзенті Таисияның жетістіктерінің өзі ауыз толтырып айтарлықтай. Барлық балаларының болашағынан үміт күтетін Алексей ағамыз тынымсыз еңбек етуде. Алексей ағамыздың жанұясына аталмыш байқауда жеңіс тұғырынан көрінсін деп тілейміз. Барша қатысушы жанұяларға сәттілік.

«Мерейлі отбасы» республикалық ұлттық конкурсына қазалылық Сидеренко жанұясы қатысады

<a href="https://kyzylorda-news.kz/">Kyzylorda-news.kz.</a>&nbsp; Бүгінде Бесарық елді мекеніндегі спорт кешені құрылысын «SCS Инжиниринг» ЖШС-і жүргізіп жатқаны көпшілікке аян. Аталған &nbsp;жоба 2022-2023 жылдарға өтпелі болып есептелетіні тағы бар.&nbsp;Қазіргі таңда, биылғы жоспарға сәйкес құрылыс жұмыстары басталған. жү Осы орайда, аталмыш құрылыс нысанының сапасын бақылау, тексеру мақсатында аудандық мәслихат депутаты Гүлнұр Тілеубергенова құрылыс алаңына барды. Құрылыс жұмыстыраның барысымен танысып, мердігер мекеме өкіліне нысанды уақытылы және сапалы түрде тапсыру керектігін айтты.&nbsp;<blockquote>Бесарық ауылында жаңа спорт кешені бой көтеруде. Негізінен, ауылымыз өркендеп, барлық жағынан ілгері басу байқалады. Алдағы уақытта Бесарық ауылының жастары спортпен тұрақты шұғылданып, нағыз чемпионға айналатыны сөзсіз. Халық қалаулысы ретінде тұрғындар игілігіне берілетін спорт кешенінің құрылысын бақылауда ұстау – басты міндетім. &nbsp;«SCS Инжиниринг» ЖШС-і мамандарымен кездесіп, құрылыс жұмысын сапалы орындау жөнінде пікір алмастым. Қазіргі уақытта құрылыс материалдарының бағасы шарықтап тұрғанда өз уақытысында нысанды аяқтау – сала мамандарына асқан жауапкершілік жүктейді. Болашақ сырдариялық спорт жұлдыздары тәрбиеленітін болғандықтан, барлық жағдай жасалуы тиіс, – аудандық мәслихат депутаты Гүлнұр Тілеубергенова. &nbsp;</blockquote>&nbsp;

Сырдариядағы спорт кешенінің құрылысы тұрақты бақылауда

<a href="https://kyzylorda-news.kz/">Kyzylorda-news.kz.</a> «Жұлдызай-2023» республикалық Ұлттық Инклюзивті ойындарының облыстық кезеңі өтті.&nbsp;Жыл сайын ұйымдастырылатын Ұлттық инклюзивті ойындарына ерекше спортшылар, түрлі диагнозбен науқастанатын әртүрлі жастағы балалар қатысады. Мұндай инклюзивті, бейімді спорт әлем бойынша жақсы дамығанын айта кету керек. Жалпы инклюзивті ойындар балалардың тез, әрі сапалы сауықтырудан өтуіне мүмкіндік беретін спорттың түрін қамтиды. Ерекше балалар бәсекелі спорттық ортада қоғамға тез сіңіп, бейімделе алады.&nbsp;Міне, балалар өміріне қажеттілігі мол спорттық іс-шараға қатысқан сырдариялық ерекше балалар жарыстан олжалы оралды. Атап айтқанда Шаған ауылындағы №37 мектеп-лицейінің оқушылары екі спорт түрінен жеңіске жетті. Үстел теннисі және жеңіл атлетика бойынша барлық қарсыластарын жеңіп, бірінші орынды алды. Үстел теннисінен Айбатыр Көбейсін, жаттықтырушысы Жансая Пайзуллаева, қарсылас шақ келтірмесе, жеңіл атлетикадан Айерке Қайратқызы, жаттықтырушысы Аида Байсалбаева, барлық спортшылардан озып, үздік атанды.Қос спортшы алдағы уақытта өтетін республикалық кезеңге жолдама алып, сый-сияпат пен арнайы дипломды еншіледі.<blockquote>&nbsp;Жыл сайын өтетін "Жұлдызай" Ұлттық Инклюзивті ойындарға мектеп-лицейден жас ерекшеліктеріне байланысты оқушылар қатысады. Ерекше балалардың өзге балалармен қарым-қатынас жасауына, спорттық бәсекеге түсуіне мол мүмкіндік беретін ойындар балалардың дамуына да жақсы әсер етеді. Әрбір жарыс сайын келесі жолы да жарысқа түсуге деген құлшыныстары, белсенділігі артып отыратынына қуанамыз. Барлық баланың қуанышы үшін жарысқа келгендердің барлығы сыйлықсыз қайтпайды. Мейлі жарыста озбаса да, республикаға жолдама алмаса да ынталанып, жігерленіп қайтады. Жарысты ұйымдастырушыларға, демеушіліреге айтар алғысымыз мол. Алдағы өтетін республикалық жарыста да қос баламыз жүлдемен оралады деген сенімдеміз. Ол үшін балаларды күнделікті жаттықтырып, дайындық жүргіземіз, – дейді Айбатырдың жетекшісі Жансая Пайзуллаева.</blockquote>Айту керек, фестиваль ерекше білім беруге қажеттіліктері бар балалардың шығармашылық қабілеттерін дамыту және қоғамда инклюзивті ортаны қалыптастыруға үлес қосу мақсатында өтті. &nbsp;

Сырдариялық оқушылар республикалық кезеңге жолдама алды 

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының әкімі Берік Сәрменбаев ауданға қарасты Жетікөл және Бесарық ауылдарында болып, салынып жатқан құрылыс нысандарының жұмыстарымен танысты.&nbsp;Бесарық елді мекеніндегі жоба құны 381,8 млн теңгені құрайтын спорт кешенінің құрылысына облыстық бюджеттен былтыр 144, 2 млн теңге бөлініп, жұмысы басталған болатын. 2023 жылға құрылыс жұмыстарына 218,2 млн теңге бөлініп, қазіргі таңда мердігер мекеме «SCS Инжиниринг» ЖШС-мен құрылыс жұмыстарын жүргізуде. Құрылыс жұмыстарының орындалуы бүгінде 45 пайызды құрап отыр. Ағымдағы жылдың қыркүйек айында құрылыс жұмыстары аяқталып, пайдалануға беріледі деп жоспарлануда.Ал Жетікөл ауылында жалпы құны 30,9 млн теңгені құрайтын үш бөлмелі 2 тұрғын үй құрылысы жүргізілуде. Бүгінде мердігер мекеме «Орион LTD» ЖШС-і жоспарға сәйкес құрылыс жұмыстарын жүргізуде. Тұрғын үй құрылысы тамыз айында толық аяқталып, пайдалануға берілмек. Аудан әкімі Берік Әбдіғаппарұлы салынып жатқан нысандардың ең бастысы сапасына үлкен мән беру керектігін және мерзімінде аяқталуын қатаң бақылауға алу қажеттігін айтты. Мердігер мекемелердің жұмыстарына сәттілік тілеп, құрылысшыларға алғысын білдірді.<blockquote>&nbsp;Құрылыс жұмыстарының сапасын қазір бақыламасақ, ертең кеш болады. Сондықтан бекітілген жоба белгіленген мерзімде аяқталып, әр жұмыс сапалы әрі уақытылы жүргізілуі керек. Бесарық пен Жетікөлдегі нысандар бойынша тиісті тапсырмаларымды бердім. Оның орындалуын жеке бақылауыма аламын. Ауыл әкімдері әрбір жұмыс күнін құрылысы жүргізіліп жатқан нысандардан бастауы қажет. Бұл ең алдымен халыққа қажетті іс және бюджеттен көрсетілген қолдау. Ал бюджеттің әр тиыны мақсатты, дұрыс жұмсалғаны жөн, – деп қорытты аудан әкімі.</blockquote>&nbsp;

Берік Сәрменбаев құрылыс жұмыстарымен танысты

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының әкімі Берік Сәрменбаевтың ІІ тоқсандағы халықпен есепті кездесуі А.Тоқмағамбетов және Тереңөзек кенті тұрғындарымен жүздесумен қорытындыланды. Жиынға аудандық мәслихаттың төрағасы Е.Әжікенов, облыстық мәслихат депутаты Ж.Ембергенов, аудан прокуроры А.Кемалов, аудандық ардагерлер кеңесінің төрағасы М.Келдібаев арнайы қатысты.Кездесуде аудан әкімі Сыр өңірінің әлеуметтік-экономикалық дамуынан хабардар етіп, облыс әкімінің тапсырмасына сәйкес атқарылған жұмыстарды баяндады. Сондай-ақ ауданның әлеуметтік-экономикалық, қоғамдық-саяси дамуы туралы есеп берді.<blockquote>Биыл А.Тоқмағамбетов елді мекенінде ауылдық дәрігерлік амбулаторияға күрделі жөндеу жұмыстары жүргізілуде. Бұл халықтың көптеп күткен сұранысы. Жөндеу жұмыстары біздің тұрақты бақылауымызда. Мұнан бөлек ауылдағы бір көше жарықтандырылды. Алдағы уақытта тағы бір көшеге асфальттау жұмыстары жүргізілетін болады, – деді аудан әкімі.</blockquote>Өз кезегінде А.Тоқмағамбетов ауылының тұрғындары ауылды дамыту бағытындағы ой-пікірлерін ортаға салып, бірқатар ұсыныстар айтты. Аудан басшысы әрбір ұсыныс зерттеліп, зерделеніп, тиісті шешімдер қабылданатынын жеткізді.Ал Тереңөзек кентіндегі жиында көбіне-көп аудан орталығын таза ұстау мен көркейту-көгалдандыру жұмыстары көтерілді. Аудан әкімі кент ауданның айнасы екеніне ерекше тоқталып, оның тазалығына барша халық белсенділікпен, жанашырлықпен атсалысуы қажет деді.<blockquote>Тереңөзек кенті бойынша жүргізіліп жатқан жұмыстардан халық хабардар. Өздеріңізге белгілі, И.Тоқтыбаев көшесін орташа жөндеу жұмыстары жүргізіліп, тротуар мен темір бетонды лоток орнатылды. Сондай-ақ көркейту-көгалдандыру мақсатында А.Иманов көшесінен «Жасыл белдеу» қалыптастыру жұмыстары жүргізілді. Соның аясында тал көшеттері отырғызылып, екі жағының шарбақтары жаңаланды. Тұрғындар тарапынан түскен өтініштердің негізінде А.Тоқмағанмбетов көшесі бойындағы «Қаракөл» каналына жаяу жүргіншілерге арналған жаңа көпір салынды. 2022 жылы демеушілік есебінен А.Иманов көшесі бойындағы көпқабатты тұрғын үйлер аулаларын жаңғырту жобасы әзірленіп, сараптамадан өткізілді. Жобада аулаішілік жолдар асфальтталып, қосымша автотұрақтар, жаңа типтегі ойын және спорт алаңдары мен демалыс орындары қарастырылған. Жалпы жоба бойынша 15 көпқабатты тұрғын үй ауласы қамтылды, – деді аудан әкімі.</blockquote>Кездесуде кент тұрғындары ұсыныс-сұрақтарын жолдап, жауап алды. Сонымен қатар бірқатар азамат жеке мәселесімен аудан басшысының қабылдауында болды. Көтерілген мәселелер хаттамаланып, тиісті сала басшыларына тапсырмалар жүктелді. Жиын соңында аудан басшысы бала тәрбиесіне баса назар аударып, жасөспірімдер арасындығы құқық бұзушылықты болдырмауды тұрақты түрде бақылауда ұстауға шақырды.&nbsp;&nbsp;&nbsp;

Аудан әкімі еркін форматта халыққа есеп берді 

<a href="https://kyzylorda-news.kz/">Kyzylorda-news.kz.</a> Осыдан жиырма тоғыз жыл бұрын Қазалы қаласы халқының игілігіне берілген емхананы алғашқы жылдары Махат Жансейітов басқарды. Содан бері екі қабатты еңселі ғимаратта жұмыс істейтін ақ халатты абзал жандар талайдың дертіне дауа тауып, денсаулығын түзетуге септігін тигізіп келеді. Бұнда барлығы 65 қызметкер бар.2009 жылы емхана басшылығын медицина саласының үздігі Гүлайым Айсауыт қолға алып, 2021 жылдың шілдесіне дейін абыройлы еңбек етіп, құрметті зейнет демалысына шықты. Қазіргі таңда дәрігер Аралкүл Ашықбай басқарып отырған денсаулық сақтау орнында тәжірибелі, өз ісінің білікті мамандары топтасқан. «Шипагер» емханасында тіркеуде тұрған жеті мыңға жуық тұрғынға 8 дәрігер, психолог маман, 45 орта буын, 12 кіші қызметкер қызмет көрсетеді. «Ауырып ем іздегенше, ауырмайтын жол ізде» деген ұстанымдағы ұжым мүшелері халықтың денсаулық жағдайын үнемі бақылауда ұстап отыруға дағдыланған. Ішкі істерді тиянақтап, күнделікті жұмыс барысының жүйелі өтуін жолға қоя білген аға мейіркеш Нұрила Жаңылованың еңбегі ерекше. Осы салада 36 жыл еңбек өтілі бар маман өз ісінің майталманы.Емханада 15 орындық күндізгі стационар жұмыс жасайды. 4 жалпы дәрігерлік аймаққа бөлінген. Бір аймаққа бір дәрігер және төрт мейіркеш бөлінген. Олардың екеуі ересектердің, біреуі туу жасындағы әйелдердің, біреуі балалардың денсаулығына жауапты. Стоматология кабинетінде екі дәрігер қызмет көрсетеді. Стоматолог-терапевт Гүлдана Бекжанова тісті емдесе, тіс дәрігері Аралбай Мәмбетжанов емдеуге келмейтін тісті жұлады. Жүкті әйелдердің жай-күйін бақылауда гинекология кабинеті жұмыс істейді. Әр аптаның бейсенбі күні түстен кейінгі уақытта орталық ауруханадан маман Сәкен Өтегенов келіп, УЗИ аппаратына түсіреді. Ол бар-жоғы екі сағаттың ішінде 15-20 науқасқа дейін қабылдай алады. Сонымен қатар бұнда балаларды дамыту кабинеті де бар. Онда 37 жыл өтілі бар мейіркеш Гүлмира Шамшаева балалар мен жүкті әйелдерге өзінің жұмыс жоспарына сәйкес арнайы сабақтар өтеді. Сабақ кезінде жас аналарға ақыл-кеңестер беріліп, нәрестені қалай қосымша тамаққа үйрету жолдары мен физикалық дамуына қатысты бағыт-бағдар көрсетеді. Жүкті әйелдердің тамақтануы мен босануға дайындығы, сәбиді дұрыс емізу жолдары үйретіледі. Жылумен емдеу кабинеті де халыққа қызмет көретеді. УВЧ, Гальванизатор, Лоток, парафин салынады. Балаларға небулейзер аппаратымен ингалияция жасалады. Ол тыныс жолының ауруларында таптырмас құрал.&nbsp;Жүрек қызметін бақылайтын ЭКГ аппараты орналасқан кабинетте Орынкүл Өтеналиева келушілерге қызмет көрсетеді. Бұл аппараттың көмегін емханаға келе алмайтын науқастар үйден де ала алады. Зертханада Гүлсара Орысбекова, Гүлмаржан Кәдірбай еңбек етеді. Егу және ем-шара кабинеті де пациенттер қабылдап, уақытылы ем-дом алуларына күш салады. Сонымен қатар туберкулезге шалдыққан науқастарға профилактикалық ем қабылдайтын арнайы бөлме бар. Аймақтық мейіркештер «Д» есептегі жандарға ай сайын тегін дәрі-дәрмек беріп отырады. Әр бала дүниеге келген сәтте нәресте қобдишасы беріледі. Сәбилерге анасының жағайына орай, көрсеткішке сай сүт өнімдері үлестіріледі.&nbsp;<blockquote>«Жалпы емханаға қала халқының 6946-сы тіркелген. Оның 2293-і бала, жүкті әйелдер саны – 79. Оның ішінде 19-ы жоғарғы қауіпті топқа жатады. Яғни, денсаулықтары үнемі бақылауда ұстап отыруды қажет етеді. Балалар жылына орай, бізде ашық есік күні өтті. Онда аудан орталығынан келген эндекринолог, невролог, хирург, ЛОР. Окулист мамандар балаларды жан-жақты тексерістен өткізді. Бұл ата-аналар үшін таптырмас мүмкіндік болды. Бұндай шара алдағы уақытта өз жалағасын табады деген ойдамын», – дейді бас дәрігер Аралкүл Ашықбаева.</blockquote>

Дертке дауа тапқандар

<a href="https://kyzylorda-news.kz/">Kyzylorda-news.kz.</a>&nbsp;Ешкі сүтінің бағы ХІХ ғасырдың басында жанған. Дәл осы кезеңде білікті медицина мамандары ана сүтін алмастыруға тек ешкі сүтінің қолайлы екендігін дәлелдеген. Себебі ешкі сүтінің сапасы сиыр сүтіне қарағанда анағұрлым жоғары, біртекті, құрамында нәруызсыз азот жоқ.ХІХ ғасырдан бастап бағы жанған мал түлігін кәсіп етіп жатқандардың қатары көп бүгінде. Солардың бірі – Ботакөз Арқашбаева. Дәстүрлі емес кәсіптің түріне көз жұма кіріскен Ботакөздің бұл жұмысты бастағанына көп уақыт бола қоймапты. Осыдан 9 жыл бұрын мемлекеттен қайтарымсыз грант 2 млн. теңгені алып, ешкі бағып еселі еңбек етіп отыр.&nbsp;<blockquote>«Дәл қазіргі уақытта қорада «Заанин», «Англо-нубийкая», «Альпийская» сынды асыл тұқымды 100 бас ешкі бар. Күніне екі рет сауғанда әжептеуір табыс көзіне айналған. Қала берді ешкі сүтінен жасалған құрт пен майға сұраныс едәуір жоғары. «Ешкі сүтінің бағасы қанша?» деген сауалымызға барынша сабырлы болмысымен жауап берген Ботакөз «Негізінен, біле-білсек, адам ағзасына ешкі сүті анағұрлым пайдалы келеді екен. Мұндағы май түйіршіктері сиыр сүтіне қарағанда өте ұсақ болғандықтан ағзаға тез сіңеді. Ешкінің сүтінде кальций көп. Бұл әсіресе, балаларға өте пайдалы. Ешкі сүтінің дәмі сиыр сүтіне қарағанда өзгеше болғандықтан, көп адам бірден іше алмайды. Сондықтан адамдарға қайнатып ішуге кеңес беремін. Ал бағасына келсек, мен Алла бала-шағама бұйыртқан осы несібені халыққа қол жетімді бағада ұсынуға тырысамын. Атап айтқанда, сүттің литрін 600 теңгеден артық көтермеймін» – деді Ботакөз Арқашбаева.&nbsp;</blockquote>Тазалықты бірінші орынға қоятын кейіпкеріміздің ешкі сауудағы әрекеті кім-кімді болсын сүйсіндірмей қоймас. Көргеніміздей, ешкі желінін, әбден тазалап жуып, сүртіп, содан кейін ғана саууға кіріседі. Сонымен қатар арнайы соғылған қора-жайы да тап-тұйнақтай. Лақтарын бөлек, сауын ешкілерін бөлек ұстайтын бұл кәсіпкер отбасының әрбір тірлігінің жинақы істейтіндігі көзге көрініп-ақ тұрады.&nbsp;<blockquote>«Ешкі – өсімтал түлік. Қоңы жақсы, күтімі тәуір болса, басы да тез өседі. Ілкі заманнан қалған «Есің кетсе, ешкі жи» деген даналық сөздің астарында көп мағына бар. Ел ішінде бүгінге дейін ешкі сүтін пайдалану туралы еміс-еміс естілгенімен, кәсіп ретінде дамытып отырғандар бар. Бірақ еті тез тоңазып, қатып қалатындықтан сұранысқа оншалықты ие емес. Ал сүтінің айрықша құнары туралы жыр қылып айтуға болады. Ең бастысы адам ағзасына пайдасы ұшан-теңіз, әлденеше ауруға ем. Ұдайы тұтынса, денсаулық жақсарып қалмақ. Асылтұқымды шаруашылықтың да көздегені осы», – дейді еңбекпен ешкі баққан кәсіпкер.</blockquote>Иә, қазақта «Ата көрген оқ жонар, шеше көрген тон пішер» деген тәмсіл текке айтылмаса керек-ті. Бүгінде Ботакөз әке-шешесінен көріп-білгенін іс жүзіне жаратып, берекелі кәсіптің ізін жалғап отыр. Таңсық әрі витаминге бай тағамның құнарын жете түсінгендер жеке тапсырыс бере бастапты. Демек, ел ешкі сүтінің ерекше қасиетін ескергені ғой.

Ботакөз Арқашбаева ешкі бағып, еселі еңбек етіп отыр

<a href="https://kyzylorda-news.kz/">Kyzylorda-news.kz.</a>&nbsp; Ұлттық бірыңғай тестілеуде Қызылорда облысы түлектерінің арасында ең жоғары балл жинаған Аралдың 11 сынып оқушысы Нұрсұлтан Баймырзаұлы дәрігер болғысы келеді.Ол Арал ауданы №220 орта мектебінің үздік оқушысы, «Алтын белгі» үміткері. Дәрігер болуға талпынысы ерекше түлек тестілеудің алғашқы мүмкіндігінде – 137 жинаса, екінші тестілеуіне 23 маусым күні тапсырып, 140 баллды еншілеуді көздеп отырғанын жеткізді.<blockquote>Болашақта әкемнің жолын қуып, медицина саласында еңбек етсем деймін. Ақ халатты абзал жан атанып, еліме адал, абыройлы қызмет атқарғым келеді. Ойлаған армандарым, алға қойған мақсаттарым жетерлік. Болашаққа нық қадам басып, арманым орындалады деген сенімдемін – дейді Нұрсұлтан.</blockquote>Нұрсұлтан Ұлттық бірыңғай тестілеудің екі рет тапсыру мүмкіндігі әр түлекке білім грантын алуға үлкен үміт сыйлап жатқанын ерекше атап өтті.Айта кетейік, Рысқалиев Нұрсұлтан биология пәні бойынша республикалық олимпиада жүлдегері, бірнеше мәрте облыстық, республикалық конкурстардың жеңімпазы атанған. Шәкіртінің биология, химия пәніне қызығушылығын жауапкершілікті терең сезінуі мен еңбексүйгіштігін білдіреді дейді пән мұғалімі Абатова Гүлбану мен сынып жетекшісі Алибекова Гүлмира.

ҰБТ: Аралдық түлек 137 балл жинады

<a href="https://kyzylorda-news.kz/">Kyzylorda-news.kz.</a>&nbsp; Қазақстанда жаңадан отау құрған отбасылардың әрбір 5-6-шы отбасы перзентке зар болып жүр. Жалпы, отбасылардың 15-20%-ы осындай қиындықтармен бетпе-бет кездеседі дейді халықаралық статистика. Дерек көздеріне қарағанда, елімізде қазір 9467 әйел адам бала көтере алмайтындардың тізімінде тұр. Ал мыңнан аса еркек – белсіз. Мұның салдарынан ажырасу факторы көбейді. Осыны назарға алған Мемлекет басшысы Қасым-Жомарт Тоқаев елдің отбасылық-демографиялық жағдайына алаңдаушылық білдіріп, «Аңсаған сәби» арнайы бағдарламасын іске қосты. Аталған бағдарлама 2025 жылға дейін жалғасын табатын болды.&nbsp;Қазақ «балалы үйді базарға» деп санап, дүниеге ұрпақ әкелуді, өсіп-өнудің адамның мына дүниедегі ең басты парызына, баянды бақытына балаған. Кезінде ат үстінде жаугершілікпен күн өткізген бабаларымыз басынан талай қиын-қыстау күнді өткерді. Онан кейін де заманның талай теперішін көріп, халық саны азайды. Аналарымыз «алтын құрсақ» атанып 10-15-тен бала тапқандығының нәтижесінде ұлт ретінде жойылмай аман қалдық. Ал қазір ұлтымыз ұрпақсыздық індеттің шырмауына шындап шырмалғандай. Алайда мамандар бедеуліктің белең алуы бізде ғана емес, күллі дүние жүзіндегі тенденция дейді. Не дегенмен де, бедеулік пен белсіздік демографиямызды ақсататын үлкен кесел болып тұр. Қазір бедеулік әйелдердің 45 пайызына тән болса, белсіздік ерлердің 40 пайыздық үлесін алып отыр.Гинеколог дәрігерлердің айтуынша, егер әйел мен еркек үйленіп, бір жыл бойы сақтанусыз, тұрақты қатынаста болып жүктілік пайда болмаса, бұл бедеулік болып саналады дейді.<blockquote>&nbsp;Әйел бедеулігі екі түрге бөлінеді. Біріншісі – іштен туа біткен, екіншісі – жүре пайда болған бедеулік. Іштен туа біткен бедеулікке жатыр түтігінің бітелуі, жыныс мүшелерінің даму ақауы, яғни жатыр мен аналық бездің жетілмей тууы басты себеп. Жүре пайда болған бедеулік әртүрлі ауруларға, саламатты өмір салтын сақтамауға байланысты туындайды. Сондай-ақ жас кезде түсік жасату да сәби сүю мүмкіндігінен айырады. Оның ішінде ең басты орында эндокрионды бедеулік тұр. Бұл дегеніміз әйелдердің шамадан тыс семіздігінің салдарынан болатын мәселе, – дейді Арал аудандық аурухананың перзентхана бөлімінің акушер-гинекологі.</blockquote>Дүниежүзілік денсаулық сақтау ұйымы осыдан бес жыл бұрын әлемде қанша жұп бедеулікке шалдыққаны туралы мәлімет жариялаған. Онда 50 миллионға жуық адам осы кеселге ұшырағаны айтылған. Ал қазір бұл сан сөз жоқ, өскені анық. Бірақ аталған ұйым бедеуліктің санымен емес, оның себеп-салдарымен күресіп әлек. Әлемнің белгілі ғалым-сарапшылары да бедеулік мәселесінің дәл қазіргі заманда неліктен өршіп кеткені туралы әртүрлі болжамдар айтуда. Ғаламтордағы мәліметке сүйенсек, бедеулік пен белсіздіктің белең алуына тамақтану үрдісінің өзгеруі мен экологиялық факторлар көп әсер етіп жатыр. Қазір күнделікті тұтынып жүрген тағамдарымыз табиғи құрамынан баяғыда алыстап кетті. Ас-суымызда небір бояғыштар, дәм күшейткіштер, химиялық қоспалар көбейді. Содан кейін адамзаттың бөлінбес бөлшегіне айналған микротолқынды пештер, компьютер, ұялы телефондар да бедеулікті асқындырып жіберген. Сондықтан ғалымдар ұялы телефонды қалтаға жақын ұстамау, қуат көзі 5 пайыздан төмендегенде оны қолданбауға кеңес береді.Бедеулік пен белсіздікке апаратын тағы бір қауіпті кесел жөргектен келіп тұр. Аналардың жаялық жуу машақатынан арылып, баланың жөргекке таңғанына да 20 жылға жуық уақыт болыпты. Сол балалардың алды қазір отау құруда. Бұл химиялық қоспалармен жасалатын бір реттік қолдануға арналған заттың өсіп келе жатқан баланың ағзасына тигізетін қаупі жоғары. Әлгіндегі жөргекке баланың «кіш» еткізген дәреті тамған кезде ол ып-ыстық болып кетеді. Сонан соң дәрет жөргектің келесі қабатына өтеді. Бастапқыда мақта тәріздес болып тұрған жөргектің сіңіргіш қабаты дәрет түскенде ылғалды кристалл тәріздес түйіршіктерге айналып шыға келді. Және жөргек киген баланың денесіне ауа бармайды. Осындай қысқа аралықта аталық бездің дамуын тежейді. Осының нәтижесінде күні бойы бөбек денесінің 30% жауып тұрған бұл жаялық, жыныс мүшесін қатты әлсіретеді. Салдарынан ұрпақсыз қалу қаупі бар. Борбайқап баланың зәрін ғана сорып жатқан жоқ, бойдағы нәрін сорып жатқаны тағы бар.Қимыл-қозғалыстың аздығы да бедеуліктің көбеюіне себеп болып отыр. Осы мәселе төңірегінде жан-жақты зерттеу жасаған Кембридж университетінің бір профессоры: «Қазіргі заманда әйелдердің арасында бедеуліктің жиілеуі олардың аналық емес, материалдық, мансаптық құндылықтарды жоғары қоюынан болып отыр. Себебі әйелдердің қан айналымы жатырға емес, миға кетіп жатыр», дейді. Сондықтан бала туу жасындағы әйелдер алдымен мансапты емес, ана болуды алдыңғы кезекке шығарғаны жөн деген пікірде. Бала өрбіту, өмірге ұрпақ әкелу – тек әйелдердің мәселесі емес. Өмірге дені сау, саналы баланың келуіне еркектердің де үлесі үлкен. Бірақ бедеулік мәселесі туындай қалса, оған бірден әйелді кінәлаймыз. Адам санасы өзгеріп, заман сан құбылса да мұндай сыңаржақ көзқарас әлі де бар. Әсіресе қазақтың қалыптасқан санасы балалы бола алмаудың кінәратын алдымен әйелге артып қоюға бейім. Бірақ статистика басқаша сөйлейді. Қазіргі таңда бедеу әйел мен белсіз еркектің саны бірдей, яғни некелескен жұптарда баланың болмауына еркек те себепкер. Әлемде де, соның ішінде Қазақстанда да аталық ұрығы әлсіз жігіттер көбейген. Оны мойындамауға ләж жоқ. Аудандық аурухананың хиругия бөлімшесінің меңгерушісі, уролог дәрігері Әмірхан Жүсіпов:<blockquote>&nbsp;Еркектің белсіздігі қазір әйелдердің бедеулігімен қатар тұр. Ал екеуінің де денсаулығының дімкәстігінен балалы болмау 30-40 пайызды құрайды. Сондықтан біз ерлі-зайыптыларды бірдей медициналық тексеруден өткіземіз. Алайда ер-азаматтар тексерілуге онша құлықты емес. Көбі оны өздерінше намыс көреді. Тіпті еркектердің 60 пайыздан астамы дәрігерлерге жоламайды. Еркектің белсіздігіне ұрпақ өрбіту жүйесіндегі түрлі қабынулар, яғни, аталық без бен қуық асты безінің қабынуы, жыныс-несеп мүшелерінің дамуындағы ауытқулар, жыныстық жолмен берілетін инфекциялар әсер етеді. Жалпы, ерлі-зайыптылар бала сүю мәселесін мейлінше 35 жасқа дейін шешіп алғаны жөн. Өйткені, жас ұлғайған сайын генетикалық өзгерістердің әсерінен ұрықтың сапасы нашарлап, балалы болу мүмкіндігі азаяды, – дейді дәрігер.</blockquote>Дұрыс тәрбие, дұрыс тамақтану, дұрыс өмір сүру салты – ұлтты сапалы етудің, ұрпақты көбейтудің басты шарттары. Дегенмен де бедеулік пен белсіздік – үкім емес. Ең бастысы, оның себеп-салдарын анықтап, дер кезінде емделу. Ол үшін сабырлылық пен төзімділіктің де алар орны ерекше екені сөзсіз. Бұл – бақытты отбасылардың көбінде үстемдік құрған басты қағида.

Аңсаған сәби: Жолдауда көтерілген бағдарлама отбасын қуанышқа бөлеуде

<a href="https://kyzylorda-news.kz/">Kyzylorda-news.kz.</a> Кеше Мұхтар Әуезов атындағы қазақ Ұлттық театрының кіші залында Анураг Кашьяптың «Кім?» мистикалық триллері ұсынылды.&nbsp;Театр сахнасына орындықтар қойылып, көрермендер спектакльді жақыннан тамашалау мүмкіндігіне ие болды. Айта кету керек, тың ізденіспен қойылған режиссер Қанат Архабаевтың спектаклі көрермендерге өзгеше әсер қалдырды. Қорқыныш, үрей, сенімсіздік секілді сезімдер тоғысқан қойылымнан кейін алматылық көрермендер сыр сахнагерлерінің өнеріне қошемет көрсетіп, ыстық ықыластарын жаудырды.Сонымен қатар кеше алматылық талғампаз көрермендер назарына Ұлттық театр сахнасында Александр Володиннің «Кездесу мен қоштасу» психологиялық драмасы ұсынылды. Спектакль соңында қойылым композиторы Ғазизхан Шекербеков, режиссер Данияр Базаркулов сахнаға шығып, театр актерлерімен бірге көрермен қошеметіне бөленді.Айта кету керек, Сыр сахнагерлерінің гастрольдік сапарына орай М.Әуезов атындағы қазақ Ұлттық драма театрында баспасөз брифингін өткізді.&nbsp;Қызылорда облысының мәдениет және спорт басқармасының басшысы Қазбекова Мира Жомартқызы, майталман режиссер Хұсейн Әмір-Темір және театр басшысы Ниязов Мұхтар Мәуленұлының қатысуымен өткен брифингке БАҚ өкілдері, театр сыншылары гастрольдік сапар жөнінде ақпараттар алды. Сонымен қатар театрдың 1-ші қабатында «Сыр сахнасының келбеті» атты көрме ұйымдастырылды.&nbsp; Алғашқы гастрольдік сапардың ашылуында сахна төріне басқарма басшысы Мира Қазбекова, Қазақстанның халық артисі, профессор Есмұхан Обаев, Қазақстанның еңбек сіңірген қайраткері Әубәкір Рахимов сыр театрының қазақ сахнасына қосқан үлесі, шығармашылық деңгейі туралы сөз қозғап, жылы лебіздерін білдірді.&nbsp;Қалың көрермен арасынан жазушы драматург Дулат Исабеков, педагог Дариға Тұранқұлова, белгілі театр сыншысы Бахыт Нұрпейіс және өнер майталмандары қойылымды тамашалады.Бүгін алматылықтар Шыңғыс Айтматов повесінің желісі бойынша «Жәмилә» драмасын тамашалайды.&nbsp;&nbsp;

Қазақ сахнасындағы алғашқы мистикалық триллер ұлттық театр төрінде

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Жаңақорған ауданына жұмыс сапары аясында ауданның әлеуметтік-экономикалық дамуы жөнінде кеңейтілген мәжіліс өткізді. Жиында ауданға қарасты кент және ауылдық округтердің әлеуметтік-экономикалық ахуалы, тұрғындардың талап-тілектерін ескеріп, бастамаларына қолдау көрсетудегі мәселелер, алдағы даму жоспарлары қаралды. Оған барлық құқық қорғау органдарының басшылары, облыстық басқармалар мен аудандық бөлiм басшылары, ауылдық округ әкiмдерi қатысты.Мемлекет басшысының «Қазақстан Республикасының ауылдық аумақтарын дамытудың 2023-2027 жылдарға арналған тұжырымдамасы туралы» Жарлығы ауылдық аумақтарды дамытудың негізгі бағыттарын айқындап берді. Ауылдық жерлерде өмір сүру сапасын жақсартуды көздейтін тұжырымдамаға сүйеніп, Жаңақорған ауданындағы өндіріс, индустрия, кәсіпкерлік, аграрлық салалардың мәселелерін шешуге мүмкіндік бар.Президент барлық деңгейдегі әкімдердің жұмысына жыл сайын бағалау жүйесін енгізу керектігін айтқанда әсіресе, ауыл әкімдерінің қызметіне ерекше тоқталды. Оларға күн сайын тұрғындардың мұң-мұқтажын тыңдап, талап-тілектеріне дер кезінде назар аудару міндетін қойды. Жалпы ауылдың елдегі бастамаларға қосылуы, жаңа бағдарламалар мен жобаларға қатысуы ауылдық округ әкімдеріне байланысты.<blockquote>«2022 жылдың қорытындысымен аудандар мен Қызылорда қаласы бөлінісіндегі негізгі макроэкономикалық көрсеткіштер рейтингінде Жаңақорған ауданы 4-ші орынға тұрақтап, дамудың орта көрсеткішін көрсетті. Өңдеу өнеркәсібінде өсім 86,1 млрд.теңгені құрап 3,6 пайызға, бөлшек сауда көлемі 7,1 млрд.теңгені құрап, 1,6 пайызға артқан. Негізгі капиталға салынған инвестициялар көлемі 53,2 млрд. теңгені құрап, 2021 жылмен салыстырғанда 154,9 пайыз болды. Биылғы қаңтар-сәуір айларында ауданның өнеркәсіп кәсіпорындары 34,9 млрд. теңгенің өнімін өндіріп, 2022 жылдың сәйкес кезеңімен салыстырғанда 86,1 пайызға төмендеген. Аудан экономикасына 9,9 млрд. теңгеге инвестиция салынған, бұл көрсеткіш өткен жылдың сәйкес кезеңімен салыстырғанда 2,7 есе артты», – деді аймақ басшысы.</blockquote><figure class="image"><img src="https://knadmin.beoblood.kz/uploads/347441424_557765309878051_935406938577302648_n_0da5b206bd.jpg" alt="347441424_557765309878051_935406938577302648_n.jpg"></figure>Нұрлыбек Машбекұлы Жаңақорғанның әлеуметтік-экономикалық дамуындағы нақты көрсеткіштерді мысалға келтіріп, аудан әкіміне бірқатар тапсырмалар берді. Қазіргі уақытта ізденіс пен бастамашылдық жұмысты ширатады. Сондықтан халықтың тұрмыс-тіршілігін жақсартуға, өмір сүру сапасын арттыруға баса назар аударылуы керек.Мемлекеттік бағдарламалар ұсынған мүмкіндіктерді дер кезінде пайдалануда, оның халыққа тиімді шарттарын түсіндіруде әлі де жетіспейтін тұстар бар. Мәселен, «Ауыл – ел бесігі» бағдарламасы бойынша ауданға қарасты 7 елді мекенге мүлде қаржы қаралмаған. Енді екі жылдан кейін спутникті ауылдарды қаржыландыру тоқтауы мүмкін. Спутникті және тіректі елді мекендер тізіміндегі ауылдар бағдарламаның артықшылықтарын пайдаланбаған.Тағы бір ауқымды бағдарлама – «Ауыл аманаты» жобасына да Жаңақорған ауданынан Қожакент және Аққорған ауылдық округтері ғана қатысқан. Мұндайда, әрине әкімдердің іскерлігі сынға түседі. Мемлекеттің ауылға бағытталған бағдарламалары мен ұлттық жобалары арқылы қаржы тарту, ол қаржының қажеттігін дәлелдеп шығу, істің көзін тауып, ауыл тұрғындарын бір мақсатқа жұмылдыру – ауыл әкімдерінің негізгі міндеті.Облыс әкімі аймақтағы әрбір ауылдың ахуалын, ондағы жұмыс барысын бақылау мен қадағалаудан тыс қалдырмайтынын айтты. Аудан әкімі Мұрат Тілеуімбетовке нақты тапсырмалар беріп, жұмысты үйлестірудің негізгі бағыттарын, кәсіпкерлікті қолдау мен тұрғындар, жастар арасындағы жұмыссыздықты азайтудың, ауыл тұрғындарының бастамаларын ілгерілетудің жолдарын атап көрсетті. Жастарды кәсіпкерлікке ынталандырудағы кейбір түйткілдердің түп негізі ақпараттандырудың жетіспеушілігінде екенін атап айтты.Облыс әкімі Жаңақорған кенті мен ауылдардағы тіркелген қылмыстардың, олардың ашылу көрсеткішінің төмен екенін сынға алды. Әр ауылдағы ахуалға тоқталып, жауапты қызметкерлерге тапсырмалар жүктеді. Жағдайды қоғамдық және ардагерлер кеңестерінде үнемі талқылап, келеңсіздіктерді болдырмаудың жолдары ұсынылса, құқық қорғау органдарымен бірлескен жұмыстар жүргізілсе, барлығын бақылауда ұстауға болады.Жиын соңында аймақ басшысы жазғы демалысқа шыққан мектеп жасындағы балалардың қауіпсіздігі, әсіресе, судағы жазатайым жағдайлардың алдын алудың маңыздылығын атап өтті.<figure class="image"><img src="https://knadmin.beoblood.kz/uploads/347580782_557765429878039_533351932803501079_n_83eeae6f32.jpg" alt="347580782_557765429878039_533351932803501079_n.jpg"></figure>&nbsp;<figure class="image"><img src="https://knadmin.beoblood.kz/uploads/347241273_557764776544771_7872745946269266020_n_024443cc5c.jpg" alt="347241273_557764776544771_7872745946269266020_n.jpg"></figure>

Қазақстан және Қызылорда облысының жаңалықтары