<a href="https://kyzylorda-news.kz/">Kyzylorda-news.kz.</a> АҚШ Сауда палатасы, Сауда министрлігі және Қазақстанның АҚШ-тағы Елшілігі ұйымдастырған сертификатталған америкалық сауда миссиясының Қазақстанға бірінші сапары өтті. Оған 20-дан астам ірі америкалық компаниялар, атап айтқанда ExxonMobil, Boeing, GE, Baker Hughes, Citibank, Google, Microsoft, Apple және басқалар қатысты, деп хабарлайды ҚазАқпарат.Бағдарлама аясында бизнес-делегация Қазақстан-Америка инвестициялық дөңгелек үстел, ҚР Президенті жанындағы Шетелдік инвесторлар кеңесінің отырысы, АХҚО ұйымдастырған Астана халықаралық форумына және Astana Finance Days іс-шараларына қатысып, G2B және B2B форматында кездесулер өткізді.Миссияның негізгі мақсаты – Мемлекет басшысының төрағалығымен 2022 жылы Нью-Йоркте өткен Қазақстан-Америка дөңгелек үстелінің жалғасы ретінде Қазақстан мен АҚШ арасындағы инвестициялық және сауда қатынастарын нығайту және күшейту.Дөңгелек үстел қатысушыларға қолданыстағы инвестициялық жобалардың дамуы мен энергетика, инфрақұрылым, ауыл шаруашылығы және цифрлық экономика сияқты салаларға елдегі инвестицияны арттыру перспективаларын талқылауға мүмкіндік берді.Бизнес-делегация мүшелері ҚР Үкіметінің елде қолайлы инвестициялық ахуал құру жөніндегі күш-жігерін жоғары бағалап, инвестициялық бастамаларды жүзеге асырудың әлеуетін ерекше атап өтті.Сонымен бірге қатысушылар өзара сауда өсімінің оң серпініне қанағаттанатынын атап өтті.Осылайша, 2022 жылғы тауар айналымы 3,05 млрд АҚШ долларын құрап, рекордтық көрсеткішке жетті, бұл өткен жылмен салыстырғанда 37%-ға жоғары.АҚШ-тың Қазақстанға жалпы ТШИ ағыны 2022 жылмен салыстырғанда 82%-ға өсіп, 5,1 млрд АҚШ долларын құрады.Өз тарапынан АҚШ Сауда палатасының аға вице-президенті Хуш Чокси америкалық компаниялардың қазақстандық нарықта қатысуын кеңейтуге терең қызығушылық танытты.Сауда миссиясының ҚР Ұлттық экономика министрі Әлібек Қуантыров, Цифрлық даму, инновациялар және аэроғарыш өнеркәсібі министрі Бағдат Мусин, Ғылым және жоғары білім министрі Саясат Нұрбек, Энергетика министрі Алмасадам Сәтқалиев және Ауыл шаруашылығы министрі Ербол Қарашүкеевпен өткен кездесулерінде еліміздің инвестициялық ахуалын одан жақсарту шараларды талқылау басты назарға алынды.АХҚО мен Astana Hub-қа сапармен қатар, АХҚО басқарушысы Ренат Бектұровпен, ҚР Сыртқы істер министрінің орынбасары Алмас Айдаровпен және ҚР Сауда және интеграция вице-министрі Қайрат Төребаевпен жеке келіссөз жүргізілді. &nbsp;

АҚШ Cауда миссиясы ресми сапармен Қазақстанға келді

<a href="https://kyzylorda-news.kz/">Kyzylorda-news.kz.</a> Белгілі мемлекет және қоғам қайреткері Бердібек Машбекұлы Сапарбаев 70 жасында дүние салды. Қайғылы хабарды <a href="https://m.facebook.com/story.php?story_fbid=pfbid0cfViSci2g6uFwwLRNp8Moh1hM7vhUbVVszc6rdzoUyVcseu58xNS3keYHJ9zNJFfl&amp;id=100044366714072&amp;mibextid=Nif5oz">«Қазақстан»</a> ұлттық арнасы жеткізді, деп хабарлайды ҚазАқпарат.Бердібек Машбекұлы 1953 жылы 9 ақпанда Қызылорда облысы Жаңақорған ауданының Бесарық ауылында туған.1977 жылы Алматы Халық шаруашылығы институтын «Экономика және материалдық-техникалық жабдықтау» мамандығы бойынша бітірді.Экономика ғылымдарының докторы, профессор.Еңбек жолын Қызылорда облысының Задарьинский совхозының жұмысшысынан бастады (1969-1971 жылдары); әскери қызметін өткерді (1971-1973 жылдары).Институтты бітірісімен Республикалық мемлекеттік еңбек жинақтау кассалары (гострудсберкассы) басқармасында экономист (1977); ҚазКСР Қаржы министрлігінде экономист, аға экономист, жетекші, бас экономист, бөлім бастығының орынбасары (1977-1988 жылдары); жоспарлау-қаржы басқармасының бастығы, Бас экономика басқармасының бастығы, Қазақстан Республикасы Білім министрінің орынбасары (1988-1993 жылдары); Президент Аппараты бөлімі мен Қазақстан Республикасы Министрлері кабинеті меңгерушісінің орынбасары (1993); Қазақстан Республикасы Министрлер кабинеті Істер басқармасының Қаржы, еңбек және әлеуметтік қорғау бөлімі меңгерушісінің орынбасары және меңгерушісі (1994-1995 жылдары) болды.Қазақстан Республикасы Министрлер кабинеті Аппаратының басшысы (1995); Қызылорда облысының әкімі (1995-1999 жылдары); Оңтүстік Қазақстан облысының әкімі (1999-2002 жылдары) қызметтерін атқарды; Қазақстан Республикасы Кедендік бақылау агенттігінің төрағасы, Қазақстан Республикасы Қаржы вице-министрі - Кедендік бақылау комитетінің төрағасы (2002-2006); Премьер-Министр Кеңсесі басшысының орынбасары - Қазақстан Республикасы Парламентіндегі Үкіметтің Өкілі (2006-2007); Қазақстан Республикасының Экономика және бюджеттік жоспарлау вице-министрі (2007 жылы ақпан - 27 тамыз).2007 жылдың тамызынан Қазақстан Республикасының Еңбек және халықты әлеуметтік қорғау министрі. 2009-2014 жылдары - Шығыс Қазақстан облысының әкімі. 2014-2015 жылдары – Қазақстан Республикасы Премьер-Министрінің орынбасары.2015-2019 жылдары – Ақтөбе облысының әкімі.2019 жылдың ақпан-тамыз айларында Қазақстан Республикасының Еңбек және халықты әлеуметтік қорғау министрі болды.2019-2020 ж. ж. – Қазақстан Республикасы Премьер-министрінің орынбасары.2020-2022 жылдары Жамбыл облысының әкімі болды.«Құрмет» (1999), «Парасат» (2007) ордендерімен, «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Республикасының Конституциясына 10 жыл» (2005) медальдарымен марапатталған.

Бердібек Сапарбаев 70 жасында өмірден өтті

Жаңақорғанда алманың 20-дан аса түрін өсіретін кәсіпкер бар

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы маусымның 10-ы күнгі ауа райы болжамын жариялады.Атмосфералық фронталды бөліктердің өтуіне байланысты Қазақстанның басым бөлігінде күн құбылмалы болады. Соған байланысты найзағай ойнап, жаңбыр жауады. Тек еліміздің батысында, солтүстік-батысында және оңтүстік-батысында ғана күн жауын-шашынсыз болады.Республика бойынша жел күшейіп, елдің шығысында шаңды дауыл тұрады, солтүстікте, шығыста, орталықта бұршақ жауып, шығыста, оңтүстікте дауыл тұрады, түнгі және таңғы уақытта солтүстікте тұман түседі.Алматы облысының солтүстігінде, орталығында, Жетісу облысының оңтүстігінде өте қатты ыстық сақталады.Алматы, Атырау, Маңғыстау, Жетісу облыстарының басым бөлігінде, Шығыс-Қазақстан, Батыс-Қазақстан облыстарының оңтүстігінде қатты ыстық болады.Түркістан, Ақтөбе, Қызылорда, Алматы, Маңғыстау, Жамбыл, Абай, Жетісу облыстарында, Атырау облысының солтүстігінде, шығысында, оңтүстігінде, Шығыс Қазақстан облысының солтүстігінде, солтүстік-батысында, Ұлытау облысының орталығында, Қарағанды облысының оңтүстігінде, Қостанай облысының оңтүстік жартысында, Ақмола облысының оңтүстігінде, шығысында төтенше өрт қауіпі сақталады.Күндіз Батыс Қазақстан облысының шығысында, оңтүстік-шығысында жоғары өрт қауіпі күтіледі. &nbsp;

Бүгін елдің оңтүстігінде дауыл тұрып, солтүстігінде тұман түседі

Сыр сүлейлерінің сөзінде салмақ бар

<a href="https://kyzylorda-news.kz/ru">Kyzylorda-news.kz.</a> Қазақтың қолөнері – ұлттық мәдениетіміздің маңызды бөлігі екені бәрімізге мәлім. Себебі, қолөнер ұлттың ұлылығын айшықтап, тамыры терең тарихтан сыр шертіп, қазақы қалпымыздың даралығын айқындай түседі. Сондай-ақ, он қолынан өнер тамған шеберлердің төл туындыларынан биік талғамның, әсемдіктің жарқын үлгісі анық байқалады. Халқымыздың шежіреге бергісіз тарихынан, рухани болмысынан, таным-түсінігінен айтарлықтай мәнді мәлімет бере алады. Сондықтан да ұрпақтарға жалғасқан өміршең өнер ұмытылып, рухани құндылығымыздың құны кеміп, ұлттық мәдениетіміздің мәні жоғалады деу, әбестік болар.&nbsp; Қолөнердің қалыптасуы, дамуы тарих беттерінде бүгінге дейін таңбаланып тұр. Яғни, көне замандардан бастау алып, түрлі тайпалардың мәдениетінен құралған. Бүгінде жанданудың жолында қайта жаңғырып, дамудың нәтижесінде дәстүрлі қолөнерге айналды. Негізінен, қолөнердің сан алуан салалары бар екендігі белгілі. Мәселен, зергерлік бұйымдарды дайындау, музыкалық аспаптарды жасау, киіз үй тігу немесе басу, ат әбзелдерін дайындау және өзге өнерлер жатады. Әрине, мұның бәрін даярлау шеберлігі шыңдалған шеберлердің һәм олардың алдау қоспай сататын адал еңбегінде. Әлдебір бұйымды жасау барысында әр бөлшегіне мән беріп, ұлттық сипаттағы нақышты бейнелеуде жан тәнімен білек сыбана белсене кірісетіндігінен кәсіпке деген адалдығын аңғаруға болады. Демек, еңбексүйгіштігімен еленетін қолөнершілердің ұлттық құндылықтарды насихаттауда алатын орны зор. Қазақ өнерінің өн бойындағы ерекшеліктің бәрі, өрнектелген оюдың әрқайсысы қазақ деген ұлы ұлттың бар екендігін жаһанға жариялап, әлемге паш етіп танылатындай танымды өнер десек артық айтқандық емес.&nbsp;Алғашында тұрмыстық заттарды, күнделікті тіршілікке қажетті бұйымдарды жасаудан басталған берекелі іс ұлттық өнерге жалғасты. Ежелден қалыптасып, ғасырлар тоғысында жаңғыра түскен кәсіпшіліктің көрсеткіші жоғары, тарихы тым тереңде. Сонымен қатар, бабадан мирас боп қалған рухани құндылықты санамен сіңіріп, өнерді өң бойына дарытып, дарындылығымен дараланған, ерекше ептілігімен көзге түскен шеберлердің ел ішінде құрметі артып, абыройы асқақтай түскен. Олай болса, тұмса табиғатпен берік байланысқан, шежіренің шерін тарқатарлық құдіреті бар қадірлі өнердің түрлерін түстеп, туындылармен танысып көрелік:&nbsp;Ағаш өңдеу өнеріҚазақ халқы тұрмыс тіршілігінде ағаштан жасалған бұйымдарды бағзыдан бері қолданып келеді. Бұған себеп ағаштың оңай табылуы ғана емес, жазда жайлауда, қыста &nbsp;қыстауда жүретін көшпелі өмір салты үшін маңызы ерекше болды. Жалпы, ағаш өңдейтін ұсталардың атқаратын жұмыстары айтарлықтай көп. Құрал-сайманын қасынан бір елі ажыратпайтын ұсталар киіз үй бөліктерінің барлығын өз қолымен жасап шығарған. Сондай-ақ, ерлер үшін аса қажетті еңбек құралдарын дайындап, соған сай мықты болу үшін ағаш өнімінде өзі таңдап, қайың, үйеңкі секілді ағаштарды пайдаланған. Ал, ағаш өрнектеу өнерін меңгерген ұсталар сәндік-қолданбалы өнердің қолданысын арттырып, әр дайындаған бұйымына ою түсіріп, көркем өрнектерді бейнелеуде зор ықылас танытқан. Айта кетейік, шеберлер домбыра, қобыз, жетіген секілді музыкалық аспаптарды және күнделікті өмірде қолданатын күбі, тостаған, ожау сияқты түрлі ыдыстарды да жасаған. Қазіргі таңда қолөнер саласына аса қызығушылықпен қарайтын, өз істерін ыждағаттылықпен орындайтын шеберлер көп-ақ. Әсіресе, қос ішегінде ұлтымыздың сан ғасырлық шежіресі баяндалатын қара домбыраның үні үзілмесін, сайын даланы тебіренткен Қорқыт қобызының қасиеті мен қадірі жоғалмасын деген мақсатта орындаушылардың орынды талабын ескеріп, түрлі аспаптарды жасауда аянып қалмаған шеберлердің ісі көңіл қуантады. «Қазіргі таңда елімізде ұлттық өнеріміз жақсы даму үстінде. Төл мәдениетіміздің ерекше саласы саналған қолөнердің жан-жақты дамуы үшін шеберлер де атсалысуда» дейді қолөнер шебері Ержан Абдрахман. Атасы мен әкесінің ізгі жолын қуып, асыл қасиетті бойына дарытып, мирас боп қалған кәсіпті жандандырып жүрген шебер Ержан Нұрланұлы бүгінде түрлі ансамбльдер мен оркестрлерге музыкалық аспаптар дайындайды екен. Кішкентайынан атасы немересін шеберханада шыңдалуға баулып, осы салаға бейімдеген. Тәлімді тәрбиені көрген, іске икемі бар жас шебердің қолөнерге қызығушылығы осылай артып, ісіңе мығым маман атанған. Е.Нұрланұлының айтуынша музыкалық аспаптарды жасауда аса шыдамдылық, табандылық, шығармашылық қабілет керек. Себебі, әр жұмыстың өз қиындығы барын ескерсек, аспаптарды дайындауда дыбыстың дұрыс әрі таза шығуы үшін, аспаптың сапалы болуы үшін өнімді ету қажет екен.&nbsp; &nbsp;<blockquote>— Қазіргі музыканттардың аспапқа деген сұранысы көп. Сондықтан талабын ескеріп, қалауына сай, көңілінен шығатындай аспап түрін жасау үшін шеберлік қажет» деді. Демек, сұраныс бар жерде қай нәрсенің де жоғалмасы анық яки ұмыт болмасы да хақ. Бұл дегеніміз көнермеген өнердің ешқашан өшпейтінін білдіреді, - деді.</blockquote>Ұсталық пен зергерлік өнерҚазақтың қыз-келіншектерінің көркін кіргізіп, келбетін келістіріп, сымбатын үйлестіретін – қазақы әшекей бұйымдар. Демек, зергерлердің зеректігі мен зейінін салып жасаған әшекей бұйымдар қыздардың, әйел-аналардың ажарын айшықтай түседі деген сөз. Жалпы, зергерлік өнер – дәстүрлі мәдениеттің ерекше саласы. Халықтың тарихи танымымен тоғысып, болмыс-бітімімен баяндалған көрнекті кәсіп. Зергерлер көбінесе алқа немесе көз тартарлық түрлі өрнектер салынған өңіржиектер, құлаққа сырға, білекке білезік, шашқа арналған шашбаулар, саусаққа сақина және жүзіктер жасаған. Осы орайда, жақұтпен жапсырылған, асыл тастармен көмкеріле жасалатын түрлі түйреуіштерді, оюмен безендерілген басқа да қоданыстағы заттарды, түймелерді ерекше атап өтуге болады.&nbsp; Тері илеу өнері&nbsp;Қазақ қолөнерінде иленген мал терісі жиі қолданылған. Себебі, қөшпенді халық үшін теріден жасалған бұйымдардың орны айрықша болды. Яғни, табиғи терінің денсаулыққа пайдалы, жылулық қасиеті жоғары болған. Соның негізінде теріден әртүрлі киімдер, былғарыдан етіктер тігіліп, аталған шикізаттан сүт өнімдерін сақтайтын сыйымдылығы жоғары, ықшамды ыдыс-аяқтар жасап, қамшы, ат әбзелдері мен ер тұрмандарды қаптады. Сонымен қатар, ер-тұрман жабдықтарының ішінен тоқым, құйысқан, жұген, қамшы сынды бөліктерін теріден жасаған. Қысқасы, халық өмірімен біте қайнасқан қолөнердің маңызы аса зор, ерекшелігі де жетерлік. Ал, тері өңдеу өнерінің адамзатқа әкелер пайдасы мол. Өйткені, ежелден күнкөрістің негізгі көзі мал шаруашылығы болғандықтан қазақ халқы малдың етін, оның сүтін күнделікті азық етсе, терісін киім-кешек тігуге, сүйегінен әртүрлі қолөнер бұйымдары мен қажетті тұрмыстық затттарын әзірлеген.&nbsp; &nbsp;

Сырбойылық шебер ұлттық аспаптарға тапсырыс қабылдауда

<a href="https://kyzylorda-news.kz/ru">Kyzylorda-news.kz.</a> Кез келген кәсіпкердің жетістікке жету жолын қарасаңыз, қиындық пен қуаныш қатар жүреді. Өйткені барлық тұлға жеңіледі, шаршайды, шағымданады, ұтылады. Бірақ алға ұмтылу керегін ұмытпайды. Біздің бүгінгі кейіпкерлеріміз де бастапқыда сан түрлі қиындыққа кезіккен. Қарапайым Қызылордадан алып қала Алматыға жол тартқанда қолдау білдірген ешкім болмады дейді олар. Бүгінде инфо-кәсіпкер Батырбек пен фуд-блогер Әселдің тірлігі тиянақты, шаруасы оңды, табысы құнды. Бизнес әлеміндегі кедергілерді бірге еңсерген жас отбасымен тілдесудің сәті түскен еді.&nbsp;Әлем онлайн қызмет көрсетуге көшті<blockquote>– Әсел екеуміз 2017 жылдың қаңтар айында шаңырақ көтердік. Сол жылдың мамыр айына дейін менің қызмет бабыма сәйкес Маңғыстау облысы, Жаңаөзен қаласына қоныс аудардық, – деп Батырбек баппен әңгімесін бастады. – Мен ол кезде Жаңаөзен қаласындағы қазақ-түрік лицейінде жұмыс істедім. Негізгі мамандығым мұғалім, яғни математика және қазақ тілі мен әдебиеті пәні бойынша жоғары білім алғанмын. Мектепте сабақ беріп жүрген сол уақытта келіншегім үй шаруашылығымен алаң болатын. Содан болу керек, жиі күйзеліске түсіп, көңіл-күйі болмай жүрді. Әрі ол кезде тұңғышымызға аяғы ауыр еді. Бір күні келіншегімнен қандай дүниеге қызығатынын, бос уақытында не істегісі келетінін сұрадым. Әсел бір сөзінде асханада түрлі тәттілер пісіргенді, тағамның өзге де түрлерін дайындағанды ұнататынын айтты. Мен оның бұл таңдауына қолдау көрсетіп, екеуміз бірге тәттілер пісіруге қажетті құрал-сайман, ыдыстарды сатып алып келдік. Сол кезден бастап Әсел өзінің қалауы бойынша тәттінің түр-түрін пісіре бастады, әрі бос уақытында Инстагам парақшасын сапалы түрде жүргізуге көңіл бөлді. Бұл кезеңді Әселдің фуд-блогерліктегі ең бірінші қадамы деп айтуға әбден болады. Ал менің ол кезде «Өмір жолы» атты инстаграм парақшам болды. Жалпы өзімнің SMM саласынан біршама хабарым болған соң, осы әлеуметтік желі арқы табыс тауып жүрдім. Ал мамыр айында біз Жалағашқа қайтып келіп, осы жақта бір жылға жуық ата-анамыздың жанында болдық. Әсел ауылда жүріп-ақ инста парақшасын дамытуға күш салды. Арада біршама уақыт өткен соң келіншегіммен бірге балалар киімін сатуды қолға алдық. Біраз уақыт қиналдық, бірақ нәтиже біз ойлағандай болмады. Сол арада ауылдағы бір-екі мекеме мамандығыма сәйкес жұмыс ұсынды. Алайда менің мемлекеттік қызметке қарағанда, кәсіпке деген қызығушылығым басым болды, әсіресе табыс табудың жүйесін зерттеуге, тұтынушылармен жұмыс жасауға, тауарды сатуға деген қабілетім жоғары еді. Осылайша 2018 жылдың күзіне дейін ауылда болып, келіншегіммен бірге біршама бастамамен жұмыс істедік. Тапқан табысымыз жақсы болса да, біздің ойымыздағы өмір үшін жеткіліксіз екенін түсіндік. Сондықтан бізге үлкен қалада еңбектену қажет болды. Менің алдымда екі үлкен таңдау тұрды. Біріншісі өзім жеті жыл бойы білім алып, қызмет еткен Ақтау қаласына немесе кәсіп пен өнердің ордасы саналатын Алматыға көшуді мақсат еттім. Сол кезде маған Алматы тұрғындарының тынымсыз тірлігі, жалпы қаладағы қызу тіршілік шынымен қызық көрінді. Ниетімізге орай, Алматыға келіншегім, қызым Зеремен бірге көшіп келдік. Бірақ бұл жаққа келгенде біздің дайын жұмысымыз да, тұрақты баспанамыз да болмады, тіпті сөзбен демеп, қолдау көрсететін адам да кезікпеді. Алайда Әсел шеберлік сағатын ұйымдастырып жүрген соң, өзіне қажетті дүниелері қолжетімді болды. Ал мен ірі компаниялардың маркетингтік жарнама қызметі бойынша жұмыс істей бастадым. Қателеспесем, сол кездегі үйіміз Алматының шет жағындағы Кассина көшесінде орналасқан еді. Көне, қабырғасы құлауға жақын үйді жалдап тұрдық. Ауданның өзі сондай ескі еді. Бірақ біздің &nbsp;ең негізгі еңбек жолымыз осы кезден, осы ауданнан басталды. Біз қыдыруды да, бос уақытымызды демалысқа арнауды да ойламадық. Барынша алуды көздеп, қаржы жинауға, үнемдеуге тырыстық. Осылайша Әсел үйде, ал мен қатарынан екі-үш компанияда жұмыс жасап жүрдім. Сонымен қоса «Бизнес бастау» бағдарламасы бойынша білім алып, екі курс аясында кәсіпкерлік тәжірибе жинақтадым. Әсел де өзін дамыту үшін шеберлік курстарына қатысып, жаңадан үйренген дүниелері жайлы инстаграм парақшасында жазып жүрді. Осыдан соң біздің отбасылық табысымыз кішкене болсын көтеріле бастады. Арада біраз уақыт өткен соң мен сату, маркетинг, стратегия, контент жинау бойынша және психологиялық бағытта өзімді дамытуға күш салдым. Сол үшін инфобизнес майталманы саналатын Қуаныш Шоңбай және Мейірбек Бердібайұлы ағаларымның курсына қатыса бастадым. Бастапқыда арзан, қолжетімді білім түрлерін таңдасам, кейін келе 2 миллион теңгеге бағаланатын жеке курстар бойынша сабақ алдым. Басымыздан талай қиындық өтті, жеңіс те, ұмтылу да, ұтылу да болды. Бірақ Аллаға шүкір, қазір бәрі де жақсарды. Былтырдан бастап Әселдің парақшасын өз бақылауыма алдым. Жоба жетекшісі ретінде Әселдің контент жинауы, әр күн сайын жазатын мәтіні, оқырманға ұсынатын тақырыптары, сату жұмыстарын да өзім қадағалаймын. Осы орайда біздің жеке командамыз бар екенін айта кетейін, оның жұмыс барысын да өзім реттеймін. Қазіргі кезде Әсел екеуміздің жұмысымыз бірдей болып кетті (күліп). Онымен қоса маркетинг бағытында және SMM бойынша кеңес беру үшін жекеге адамдар қабылдаймын. Қазір әлем онлайн қызмет жасауға көшкенін мойындаған жөн. Осы орайда инстаграм желісінің үлкен алаң екенін айтқым келеді. Ол жерде барлық сала мамандары тұтынушыға әртүрлі қызмет түрін ұсына алады. Копирайтер, таргетолог болып та, жарнама қызметімен блог жүргізіп те табыс табуға болады. Бірақ мұның бәріне қабілет керек, – дейді кейіпкеріміз Батырбек Жұматай.</blockquote>Менің қабілетім – маркетинг немесе графиксіз жұмыс істеудің пайдасыЖас кәсіпкердің әлеуметтік парақшасын бүгінге дейін 11-12 ірі компания мен 50 шақты жеке парақша, 25-30 дүкенмен қатар жұмыс жасағанын білдік. Сол үшін әңгіме барысында Батырбектен не үшін SMM саласын таңдағанын, графиксіз жұмыс істеудің қаншалықты тиімді екенін де сұрадық... &nbsp;<blockquote>– Таныстарым да менен «екі димломың бола тұра, не үшін басқа саланы таңдадың?» деп жиі сұрайды. Мен мұғалім ретінде мектепте екі жыл қызмет жасап көрдім. Бірақ уақыт өте келе бұл сала менің қалауым емес екенін түсіндім. Менің қабілетім – маркетинг, сату. Мен өнімді, ақпаратты, қызметті сата алатын қабілетім барын Алматыға келгенде түсіндім. Шынымды айтсам, алып қалаға келгенде «мүмкін, бастапқыда репетитор болармын» деп те ойладым. Бірақ мен бизнес курстарына қатысу арқылы өзімнің бейім саламды таптым. Негізі жер бетіндегі әрбір адамның өзгелерде қайталанбайтын, белгілі бір сала бойынша қабілеті болады. Бізді Алла о баста солай ерекше жаратқан. Егер адам сол қабілетін дәл тауып, кәсіпке айналдырса ол графиксіз жұмыс істеп, өзі қалағандай өмір сүре алады. Бұл – барлық адамға берілген мүмкіндік. Графиксіз өмір сүру деген өзің құрған жоспарыңды жауапкершілікпен орындау деген сөз. Біздің де таңертең тұрғаннан түнге дейін жұмыс істейтін кездеріміз болады, бірақ өз игілігіміз үшін қызмет етіп жүргендіктен еркінбіз. Сол үшін де шаршамаймыз және осылай жұмыс істеу келіншегіме де, өзіме де ұнайды. Сондықтан бізден кейінгі жас буынның да осылай өз қалауымен өмір сүргенін қалаймын, – дейді Батырбек.</blockquote>Өзімді табуға деген ұмтылыс фуд-блогерлікке әкелдіИнстаграм парақшасындағы 1 миллионға жуық оқырманға түрлі тағам рецептін тегін ұсынатын Әселдің де әр күні қарбалас пен қуанышқа болы. Күні бойы қыздары Зере мен Кәусардың күтімін қадағалап, жолдасы Батырбектің қас-қабағына қарай үйге жайлылық орнату отанасы ретінде Әселдің міндеті екені сөзсіз. Бірақ 21 жастағы келіншек бәріне де үлгереді. Осы орайда біз Әселге де бірнеше сауалымызды қойып, әңгімемізді одан әрі өрбіттік.<blockquote>– Жоғарыда &nbsp;жолдасым айтып өткендей, үйде отырып, өзімді табу жолындағы ізденіс мені фуд-блогерлікке әкелді. Осыдан үш жыл бұрын инстаграм парақшамды ашқан кезде қазақ тілді фуд-блогерлер жоқтың қасы еді. Сол үшін мен алғашқылардың бірі болып көптің сұранысына ие болдым деп ойлаймын. Аллаға шүкір, қазір ниетіме орай еліміз бойынша №1 қазақтілді фуд-блогерге айналдым. Әлеуметтік желіде көпшілік менен «бәріне қалай үлгересіз?» деп жиі сұрайды. Егер адам шын көңілмен қаласа, бәріне уақыт табуға болады. Осы орайда жолдасым маған көп қолдау көрсетеді, тіпті мен әзірлеген тағамдарды бейнежазбаға түсіріп, өңдеп, дайындап береді. Менің ең алғаш жасаған тәттілерім кәдімгі үй жағдайындағы кекстер еді. Оның арасында күйдіріп-жандырып жасаған тоқаштар, түрі онша емес пиццалар да бар (күліп). Айта кетейін, мен мықты кондитер болу үшін көп жерден сабақ алдым, түрлі аспаздық мектептен өттім. Ал қазір сол білгенімнің бәрін «Тәтті Ару» кондитерлік мектебімде шәкірттеріме үйретіп жүрмін. Оған қоса «Бал Zere» атты онлайн дүкеніміз бар, – дейді Әсел Жұматай.</blockquote>Ата-анамызды қуанту – ең үлкен мотивацияАйта кетейік, Батырбек пен Әселдің танысуына да әлеуметтік желі себеп болған. Екеуі де – Жалағаш ауданының тумасы. Алғашында бірі батыста, ал екіншісі солтүстікте білім алған соң, уақыт өте келе отбасы құруға шешім қабылдаған екен.<blockquote>– Сыйластық – отбасымыздың ең берік ұстанымы. Біз үшін ең үлкен шекара осы. Біз қандай жағдай болса да, бір-бірімізге ауыр сөз айтпаймыз, себебі біріміздің көңіліміз екіншіміз үшін өте маңызды. Алыстай қалсақ, елеңдеп, шын сағынып тұрамыз. Ал келісімге келмей қалсақ, барынша жанжалдаспауға, тез мәмілеге келуге тырысамыз. Екеуміз де бала тәрбиесіне үлкен жауапкершілікпен қараймыз, әсіресе бала психологиясына қатты мән береміз. Бізге ата-анамыздың үнемі риза болуы, сол кісілердің қуанып жүруі үлкен мотивация береді. Үлкендердің сенімін ақтап, адал перзент, үлгілі ата-ана болуды елестетудің өзі бізге риясыз қуаныш сыйлайды.Бұйырса алдағы уақытта кондитерлік жоба аясында қазақ тіліндегі аспаздық кітапшалар шығару жоспарымызда бар. Сосын әрбір қаладан «ZERE» кондитерлік орталығын ашқымыз келеді. Бұдан өзге де еліміз үшін пайдалы идеяларымыз бар, оны газет оқырмандарымен болашақта бөлісетін боламыз, – дейді жас отбасы.</blockquote>&nbsp;

Қызылордалық жас отбасы онлайн бизнесті дамытуда

<a href="https://kyzylorda-news.kz/">Kyzylorda-news.kz.</a> Арал өңірі елдің елдігін сақтап қалуда ерен ерлік үлгісін көрсеткен қас батырлар мен от ауызды орақ тілді атақты билер, аттары аңызға айналған арқалы ақындар мен қарымды қаламгерлер шыққан тарихи да шежірелі өңір.Таяуда аудандық мәдениет үйінде &nbsp;Қазақстан Республикасының Мәдениет қайраткері, жазушы, журналист, «Меценат. Кз» әдеби байқауының жеңімпазы Шархан Қазығұлдың шығармашылығына &nbsp;арналған кеш өтті.Шара алдымен аудандық мәдениет үйінің фоесінде орналасқан «Парасат биігіндегі жазушы» кітап көрмесінен басталды. Бүгінде жазушылар әлемінде Аралды арқау етіп, қаламын тереңінен тербеп жүрген бірегей қаламгер Шархан Қазығұл 1956 жылы қасиетті Арал өңірінде дүниеге келіп, 80-ші жылдардан бастап бүгінге дейін қаламгерлік қасиеті мен жазушылық өнердегі өзіндік өрнектерін қазақ журналистикасында қалыптастырды.«Қарапайымдылықты жақсы көремін», - деген Шархан Нағметұлы кездесу бастала сала ашық-жарқын &nbsp;қасиетімен көпшілікті тәнті етті.&nbsp; Шараға қатысқан аудан әкімінің орынбасары К. Бержанов қарымды қаламгерге елге атбасын бұрып келгеніне ризашылығын білдіріп, қазақы дәстүрмен иығына шапан жапты.Кездесуде 2022 жылы алғаш рет Қазақстандағы үздік романға жарияланған жобада Шерхан Қазығұлға «Меценат.кз» тәуелсіз әдеби сыйлығының тұңғыш лауреаты атағын берген «Күлпет» романының тұсауы кесіліп, оқырманға жол тартты.&nbsp;Кеште ақын - жырау, күйші - композитор, Қазақстан Республикасының мәдениет қайраткері, Арал ауданының құрметті азаматы Мұрат Сыдықов сөз алып, қаламгер шығармашылығынан сыр шертті. Мұнан соң, шараға қатысқан жазушының сыныптас достары Шархан Нағыметұлының жастық шағына тоқталып, естеліктермен бөлісті. &nbsp;Кездесуде одан әрі қаламгер оқырмандардың «Күлпет» кітабы туралы әр сауалына әдемі әзіл, әсерлі ойлармен жауап беріп, көпшілікті бірде күлдірді, бірде сүйіндірді.&nbsp;<blockquote>- «Күлпет» романымдағы басты кейіпкер Абужан мен туған жер арасындағы тартылыс күшін үш ұрпақ сабақтастығы арқылы жеткіздім. &nbsp;Бұл - ұрпағымыз &nbsp;жаһандану кезеңінде жұтылып кетпесін деген ниетпен жазылған шығарма», - дейді жазушы.&nbsp;</blockquote>Жиналған қауым сырлы сұқбатты ерекше ыждаһатпен &nbsp;тыңдады. Ұлт болашағы үшін көңілі алаң қаламгердің &nbsp;жандүние парасатына риза болған жандар, Шархан Қазығұлмен естелік суретке түсіп, ерекше көңіл күймен тарқасты.

Аралдық жазушының шығармашылығы насихатталды   

<a href="https://kyzylorda-news.kz/">Kyzylorda-news.kz.</a>&nbsp; Аудан әкімдігінің қолдауымен және аудандық жастар ресурстық орталығы мен Бесарық ауылдық округі әкімі аппаратының ұйымдастыруымен Бесарық ауылында «Жастар. Еңбек. Нәтиже» атты Сырдария ауданы жастарының екі күндік еңбек лагері өтті.Жастардың талабы мен сұранысына сай ұйымдастырылған іс-шарада еңбек пен шыдамдылықты ұштастырған аудан жастарының жаңа қырынан танылуына бірегей мүмкіндіктер берілді. Еңбек лагері жастарға қызықты өмірлік тәжірибе жинаумен қатар, ұмыт болған ұлттық құндылықтарды ұлықтауды, еңбек адамдарының тынымсыз еңбегіне алғаусыз алғыс айтуды үйретті. Жарқын жобада жастар өкілдері еңбек адамы, шаруашылық майталманы егінші Бейбіт Белгібаевпен кездесіп, еңбек жолына, жетістіктеріне тоқталды.Сонымен қатар қатысушылар ауылдың тыныс-тіршілігі, тарихы және шаруашылықтың жұмыстарымен танысып, «Серке тарту», «Қой көтеру», «Күбі пісу», «Сиыр сауу», «Арқан тартыс», «Ләңгі тебу», «Қыз қуу», «Ұршық иіру», «Ат ерттеу», «Қамыр жаю» секілді бірқатар салт-дәстүрлерден сайысқа түсіп, бақтарын сынады. Жеңімпаздар аудан әкімінің, аудандық жастар ресурстық орталығының Алғыс хатымен марапатталды.Еңбек лагерінің қорытындысында аудан әкімі Берік Сәрменбаев аудан жастарымен арнайы кездесіп, өзекті мәселелер мен жастарды толғандырған тақырыптар ортаға салынды. Кездесуге «Абай-Дәулет» ЖШС-нің директоры, «Қызылорда қаласының Құрметті азаматы» Мұрат Сәрсенбаев, облыстық мәслихат депутаты Жұмабек Ембергенов, аудандық мәслихат депутаты Ақтөре Ибрагимұлы қатысып, тәжірибелерімен бөлісіп, ақыл-кеңестерін айтып, сөз сөйледі. Сондай-ақ еңбек ардагері Е.Әлжіков бірлік туын биік ұстаған белсенді жастардың бастамасына сәттілік тілеп, ақ батасын берді.Қызықты да, тәрбиелік мәні зор іс-шара соңында аудандық жастар ресурстық орталығының директоры Н.Абдрасилов бастаған аудан жастары өз өнерлерін ортаға салып, барша қатысушыларға мерекелік көңіл-күй сыйлады.&nbsp;&nbsp;

Аудан әкімі сырдариялық жастармен кездесті

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Жаңақорған ауданына жұмыс сапары кезінде &nbsp;аудан халқымен кездесіп, құқық қорғау органдары басшыларымен бірге тұрғындарды жеке қабылдады.&nbsp;Жеке қабылдау өткізу әрбір келушініңкөкейіндегі түйткілдерге құлақ түруге, жергілікті жердегі мәселеге тереңнен үңілуге &nbsp;мүмкіндік береді. Қабылдаудың өтетіні туралы алдын-ала хабардар болған жұртшылық ой-пікірін, ұсыныстарын дайындайды. Облыс әкімі мен құқық қорғау органдары басшыларына мәселені бүкпесіз жеткізудің бұл әдісі көп өзгеріске жол ашты. Жеке қабылдауларға келу арқылы мәселесінің оңтайлы шешілетініне халықтың сенімі артқан. &nbsp;Жаңақорғандағы қабылдауға келген 50-ден астам адам өз өтініш-тілектерін, ұсыныстарын жеткізді. Мұнда да баспана, денсаулық, білім, жұмысқа орналасуға байланысты мәселелер қозғалды.&nbsp;Қабылдауға келушілерді тыңдаған аймақ басшысы қойылған әр сауалдың жауабы болатынын айтты. Мамандарға тапсырма беріп, ой-пікірлерді, көтерілген мәселелерді &nbsp;жан-жақты зерттеуді міндеттеді. Нәтижесінде әрбір тұрғынға жеке-жеке жауап беріледі.&nbsp;<blockquote>«Аймақ басшысы құқық қорғау органдары басшыларымен бірге келiп, тұрғындардың сауалдарына ден қойды. Мен ауданымыздан оңалту орталығы мен емхана салу мәселесін айта келдім. Мұнда81 мың халық тұрады, сапалы медициналық қызметке қажеттілік бар» дейді аудан тұрғыны Әйгерiм Қарабаева.&nbsp;</blockquote>Құқық қорғау органдары басшылары да тұрғындар көтерген мәселелер бойынша заңдық кеңес берді. Әдетте басшылардың қабылдау күндеріне, белгіленген кестеге сәйкес &nbsp;келуаудан мен ауыл халқы үшін қиындық туғызады. Құқық қорғау органдары басшыларының жергілікті жерге келіп, жеке қабылдау өткізуі тұрғындар үшін тиімді. &nbsp;Қабылдауға келушілер заңға қатысты ережелер мен талаптарды қарапайым әрі ұғынықты етіп түсіндіріп берген мамандардан &nbsp;мәселелерінің шешілу жолын &nbsp;білді.&nbsp;

Аймақ басшысы Жаңақорған ауданының тұрғындарымен кездесті

<a href="https://kyzylorda-news.kz/">Kyzylorda-news.kz.</a>&nbsp;Жазғы лагерь – өте ерекше әрі қызықты демалыс орны. Онда балалар өз уақытын тиімді әрі пайдалы өткізе алады. Күнделікті түрлі сайыстар мен ойын жаттығулары жүргізіледі. Әр баланың талант қабілетін ашу мақсатында ұйымдастырылатын сайыстар балалар үшін өте қызықты. Біз тәжірибе жинақтау үшін бір күнімізді «Жалын» тынығу лагерінде өткіздік.«Жалын» тынығу лагерінде қазіргі таңдағы өзекті мәселелердің бірі «Нашақорлыққа жол жоқ» тақырыбында театрландырылған қойылым және сурет көрмесі сайыс түрінде өтті. Оған қонақ ретінде қатысқан сала мамандары саламатты өмір салтын насихаттап, адам баласының басты байлығы денсаулықты сақтаудың негізгі қағидаларын атап өтті.Іс-шарада денсаулықтың қадірін түсіну, нашақорлық ауруынан сақтану, имандылық қасиеттерді қалыптастыру, сақтай білуге тәрбиелеу насихатталды. Бұл сайыста балалар өзара бөлініп, ерекше қабілеттерін көрсетіп таңғалдырды.Содан кейін өрт қауіпсіздігін сақтау, төтенше жағдай орын алған жағдайда не істеу қажеттігін Сырдария ауданының төтенше жағдайлар бөлімі және 12 өрт сөндіру бөлімінің қызметкерлері демалушыларға түсіндіріп өтті. Өрттің қаншалықты адам өміріне қауіпті екендігін, балаларға отпен ойнамау керектігін түсіндіре отырып, өрт сөндірушілердің құрал-жабдықтарымен таныстырды. Өрт сөндірушілер ер балалардың қызығушылығын арттырып, болашақта өрт сөндіруші қызметкері болуға шақырды.Және саламатты өмір салтын қалыптастыру бағытында «Жалын»сауықтыру лагерінің тынығушылары арасында футболдан жолдастық кездесу ұйымдастырды. Жеңіске жету үшін ойнайтын балалар бүгінде достықты дәріптей отыра доп тепті. Қатысушылар жақсы ойын өрнегін көрсете білді. Командалық топ ауызбіршілікті де, достықты да жолдастық кездесуде қатар насихаттады. Болашақта балалардың мықты футболшылар боларына сенеміз.Ауасы таза, балалардың шат-шадыман көңілі жүрегіңе жылы әсер етеді екен. Балалық балдәурен шағымыз еске түсіп, осындай керемет жерде тыныққанымыз есімізге түсті. Жалпы лагерьдің жағдайы көңіл қуантарлықтай екені көзге ұрып тұр. Кіре берістен бізді қарсы алған лагерь гиды ең алдымен сауықтыру лагерінің тарихымен таныстырды. Лагерьдің негізі өткен ғасырдың 1988 жылы қаланған, балалардың денсаулығы үшін Қалғандария көлінің жағасында, табиғат аясында орналасқан. Жобаның қуаттылығы 130 орынға негізделген. Тұрғын үй жайлары қаз-қатар тізілген. Оның 9-ы жатын ғимарат, 1 медициналық бекеттің көркіне, тазалығына көз сүйсінеді. Барлық үй-жайлар қажетті жиһаздармен, құрал-жабдықтармен, тазалық бөлмесімен жабдықталған. Сонымен қатар еңсесі биік 130 орындық асханада лагерь тынығушылары 5 мезгіл тамақтанады.Тынығушылар жас тілшілерді көре салысымен құшақ жая қарсы алды. Маусымның басталғанына 5-6 күн өтсе де іштері пыспағаны, бір-бірімен достасып, үйренісіп кеткендері ұйымшылдықтарынан-ақ көрініп тұр. Орталарынан өзінің елгезектігімен көзге түскен Томирис Ернатқызы лагерь жөнінде ақпарат беріп, өзінің тынығу барысындағы әсерімен бөлісті.<blockquote>– &nbsp;Біздің лагерьде 8 топ, оның ішінде 112 бала демалу үстінде. Және де 8 үйірме, сондай-ақ "Шаңырақ" алаңы жұмыс жасауда. Балалардың бос уақытын тиімді әрі көңілді өткізу мақсатында көптеген іс-шаралар, спорттық ойындар өткізіліп, топтық жұмысқа баса назар аударылады. Лагерьдің керемет жерде орналасуы, оның таза ауасы, әрбір тынығушының рухани дамуы үшін ұйымдастырылатын іс-шаралар менің осы лагерьді таңдауыма себеп болды, – дейді "Жасұлан" тобының мүшесі Томирис.</blockquote>Тағы айта кететін жәйт, жеткіншектердің ынтасын, әрі ойлау қабілетін дамыту, қызығушылығын қалыптастыру мақсатында шахмат, қалдық заттардан керек дүние жасау, қыздар игілігіне тоқыма тоқу, бұйым жасау сынды үйірмелер ұйымдастырылған. Бастысы лагерьде балалардың қауіпсіздігіне аса мән беріледі.&nbsp;Жарты күн бойы тынығушылармен бірге болған уақытта ойға түйгеніміз, сырдариялық тынығушылар үшін жайлы орта қалыптасқаны, әрі лагерь керек-жарақтың барлығымен жабдықталғаны. Тәрбиешілер мейірімді, әрі жұмысына адалдығы.&nbsp;Алдағы уақытта, алты ауысым бойы өз тынығушыларын құшағын айқара ашып, қарсы алатын лагерь ұжымына сәттілік тілейміз. Осылайша біздің болашақ маман ретінде лагерь жұмысымен танысуға бағытталған жұмысымыз сәтті әрі қызықты өтті. Өзіміз де көңілді балалармен жақсы уақыт өткіздік. Бір күндік лагерь өмірінде небір қызықтар болғанымен, негізгі іс-шараларды қағаз бетіне түсіріп, оқырманға ұсынуды жөн санадық.&nbsp;

Сырдариядағы «Жалын» тынығу лагерінде 112 оқушы демалып жатыр

<a href="https://kyzylorda-news.kz/">Kyzylorda-news.kz.</a>&nbsp; Жылдағы дәстүр бойынша ауыл шаруашылығы құрылымдары өз жұмыстарын бастап,&nbsp; дән-дақылдарды егуге көңіл бөлуде. Осы күні 5 мыңға жуық халқы бар Шаған ауылының дихандары ырзық-несібесін жерден теруге барын салуда. Маңдайларын күн сүйген шағандықтар&nbsp; ертеректен Сыр саласын егуді басты назарларына алған. Аталған ауылдағы «Шаған-Жер» ЖШС-і&nbsp; биыл 3035 гектар күріш еккен. Сонымен бірге бидайды 293 гектар жерге, мақсарыны 180 гектар жерге орналастырған.Бүгінде егістікті улау жұмыстары&nbsp; екі мезгілде жүзеге асуда. Шын мәнінде, тәжірибелі басшы Жеңісбек Сыздықов басқаратын ірі шаруашылықта 7 бригада бойынша 300-ге жуық қызметкер жұмыс жасайды. Әрбір қызметкер Сырдың басты дақылын баптауға ерік-жігерін танытады.&nbsp;<blockquote>&nbsp;Білікті&nbsp; басшы, ауыл шаруашылығы саласының майталманы Қожабек Дәдікбаев осыдан бірнеше жыл бұрын Шаған ауылында күріш егудің негіз басым-бағыттарын қалыптастырды. Ең алдымен, біз ардақты ағаның ізгілік жолын жалғастыруға барымызды саламыз. Жыл сайын «Шаған-Жер» ЖШС-нің күрішшілері мол өнім алуға&nbsp;жан-жақты жұмыс көзін ойластыруда. Тынымсыз еңбектің нәтижесін күзде аңғарамыз. Ауылдағы ағайынның жағдайын жақсарту үшін барлық мүмкіндіктерді қарастырып келеміз. Өздеріңізге белгілі, ауыл орталығынан саудан орталығын аштық. Бүгінде жерігілікті халыққа 10-ға жуық сатушы қызмет көрсетеді. Сауда орталығындағы заттарымыз жұртшылыққа ең төменгі бағада сатылуда. Сондай-ақ, 5 адамды жұмыспен қамтыған наубайханада күніне 500 нан өндіріледі. Ал 150-200 дана тәтті тоқаштар көпшіліктің сұранысына ие. Айта кетейік, біз биыл техникаларымызды жаңартуға мүмкіндік алдық. Тозығы жеткен, ескі техниканың барлығын кезең-кезеңімен жаңалау жоспарда бар. Өз кезегінде макарон цехын ашуға күш салып жатырмыз. Алдағы уақытта жаңа кәсіп түрінің игілігін көрмекпіз, – дейді Жеңісбек Сыздықов.</blockquote>Егін егумен қатар, айтулы серіктестік мал шаруашылығын дамытуды жолға қойды. Биыл шаруашылықта 298 төрт-түлік бар. Шын мәнінде, күніне сауынды сиырлар 80 мен 160 литр шамасында сүт өндіреді.&nbsp;&nbsp;&nbsp;

Қазақстан және Қызылорда облысының жаңалықтары