<a href="https://kyzylorda-news.kz/">Kyzylorda-news.kz.</a> Мемлекет басшысы спортшыларды жүлделерімен құттықтады. Сондай-ақ жуырда Ризабек Айтмұхан еркін күрестен қазақтан шыққан тұңғыш әлем чемпионы болғанын еске салды.Бәсеке өте жоғары болған Азиада ойындарында ел құрамасы 10 алтын, 22 күміс, 48 қола медаль иеленді. Атлеттеріміз нысана көздеу, ескек есу, веложарыс, джиу-джитсу спортынан үздік шықты. Мемлекет басшысы каратэден жалпы командалық есепте бірінші орын алған Қазақстан құрамасын ерекше атап өтіп, осы спорт түрінен Азиадаға қатысқан 8 спортшының бәрі жеңіс тұғырына көтерілгеніне назар аударды.Қасым-Жомарт Тоқаев спортшыларымыздың жеңіске жетуіне бапкерлер және басқа да мамандар айрықша үлес қосқанына тоқталды. Осы орайда Мемлекет басшысы спортта жеңіс пен жеңіліс қатар жүретінін атап өтті.<blockquote>– Қажырлы еңбек пен жеңіске деген мұқалмас ерік-жігердің арқасында әрқайсыңыз жоғары нәтижеге қол жеткіздіңіздер. Алайда еліміздің жалпы көрсеткіші өткен Олимпиада мен Азиада ойындарынан да өте жақсы болуы мүмкін еді. Мұны ашық айтуымыз керек. Бокс, ауыр атлетика, еркін және грек-рим күресі дәстүрлі түрде ел құрамасының қоржынына жүлде салып, айтарлықтай үлес қосатын. Жеңіл атлетика, спорттың командалық түрлері жанкүйерлерімізді көбірек қуанышқа бөлейтін. Барлық спорт түрі бойынша кеткен қателіктерді түзету үшін ауқымды жұмыс атқару қажет, – деді Президент.</blockquote>Қасым-Жомарт Тоқаев спорт саласы әрдайым мемлекеттің назарында болатынын айтты. Жыл сайын спортты дамыту үшін қомақты қаржы бөлінеді. Алайда, Президенттің пікірінше, еліміздің кәсіби спорттағы көрсеткіштері аса жоғары деңгейде емес.<blockquote>– Ашығын айтуымыз керек, нәтижеміз мемлекеттен бөлініп жатқан қаражаттың барынша тиімді жұмсалмайтынын көрсетеді. Мұндай жағдайға жол беруге болмайды. Спорт саласына түбегейлі өзгерістер, яғни реформа қажет. Тиісті министрлік осы мәселені жан-жақты қарап, спортты дамытудың мүлде жаңа жолдарын ұсынуы керек, – деді Қасым-Жомарт Тоқаев.</blockquote><figure class="image"><img src="https://knadmin.beoblood.kz/uploads/kz1_4788_2_medium_Thumb_6196a92925.jpg" alt="kz1-4788-2_mediumThumb.jpg"></figure>

Мемлекет басшысы Азия ойындарының жүлдегерлерін қабылдады 

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы облыстық филиалы жанындағы партиялық бақылау комиссиясының төрағасы мен комиссия мүшелері, облыстық және қалалық мәслихаттағы депутаттық фракция мүшелері Қызылорда стансасындағы теміржол астынан өтетін су құбырының қайта жаңғырту жұмыстарына мониторинг жүргізді.Жалпы ұзындығы 182 метрді құрайтын су желісін қайта жаңарту жұмыстарына ағымдағы жылы 2021-2026 жылдарға арналған инвестициялық бағдарламаға сәйкес 16 766,896 мың теңгеге қаржы бөлінген. Қазіргі уақытта бекітілген жұмыстарды орындауға мемлекеттік сатып алу порталына конкурс жарияланып, мердігер «Берсүңгір» ЖШС анықталған. Керекті материалдар сатып алынып, жұмыс басталып кеткен.<blockquote>«Аталмыш жұмыстар нәтижесінде бұл құбырдағы авариялар саны толығымен жойылып, негізгі құралдардың тозуы 4,55 пайызға төмендейді және қызмет көрсету сапасы жақсартылады сонымен қатар, ысыраптар деңгейін 0,2 пайызға төмендетуге мүмкіндік береді. Сонымен қатар, 2024 жылға бекітілген инвестициялық бағдарламаға сәйкес кәсіпорынның өз қаражаты есебінен жалпы сомасы 24 570,4 мың тенгені құрайтын сумен жабдықтау қызметі бойынша 2 нысанға қайта құру және жаңғырту жұмыстары қарастырылған»,- дейді «Теміржолсу-Қызылорда» ЖШС директоры Насыр Абдулла.</blockquote>Монитринг барысында Партиялық бақылау комиссия тарапынан халыққа сапалы және тұрақты ауыз су жеткізу үшін су құбырларының тозуы деңгейін төмендету мен авариялық мәселелердің алдын алу мақсатында мемлекеттік бюджеттен және «Қазақстан теміржолы»АҚ-на қосымша қаржы бөлуге қатысты нақты ұсыныстар жолданатын болды. Сонымен қатар мердігер мекеме өкіліне құрылыс жұмыстарын сапалы және уақыты аяқтау қатаң тапсырылды.Зерделеу жұмыстары барысында партия филиалының қоғамдық қабылдау бөлмесіне тұрғындардан келіп түскен өтініштер бойынша да «Теміржолсу-Қызылорда» ЖШС басшылығына сауалдар қойылып, нақты жауаптар алынды.<figure class="image"><img src="https://knadmin.beoblood.kz/uploads/387762692_719351923563780_6578749086739852754_n_6dcb54e84b.jpg" alt="387762692_719351923563780_6578749086739852754_n.jpg"></figure>&nbsp;<figure class="image"><img src="https://knadmin.beoblood.kz/uploads/387766471_719352143563758_3444224139000522358_n_914c9b0925.jpg" alt="387766471_719352143563758_3444224139000522358_n.jpg"></figure>

AMANAT: Су құбырының қайта жаңғырту жұмыстарына мониторинг жүргізілді

<a href="https://kyzylorda-news.kz/">Kyzylorda-news.kz.</a> «Ауылдық аймақтардағы тірек мектептердің әлеуетін арттыру» жалпыұлттық жобасы аясында Қызылордадағы NIS мектебі кезекті &nbsp;тағылымдамашыларды қабылдап, &nbsp;біліктілігін арттыруға ықпал жасады. &nbsp;Бұл жолы &nbsp;NIS-тің оқыту алаңына Қызылорда обылысының Арал ауданы Ж.Әбдірашов атындағы №62, Қармақшы ауданы Т.Көмекбаев атындағы №250, &nbsp;Жаңақорған ауданы №286 мектептерінің педагог-психологтары, сынып жетекшілері мен кітапханашылары қатысты. Зияткерлік мектеп ұжымы әріптестеріне арнап әртүрлі бағыттағы семинар-тренингтер мен тәжірибе алмасу сабақтарын ұйымдастырды.Психологиялық қызмет мамандары оқушылармен байланыс орнату, мәселе бойынша оңтайлы шешімдерді анықтау, &nbsp;психологиялық кеңес беруде қолданылатын техникаларды үйретсе, кітапхана-педагогтерінің семинар-тренингінде ауыл ұстаздары кітап оқуға қызығушылықты арттыратын әдіс-тәсілдерді меңгерді.Сынып жетекшілері үшін 8 тақырыптық алаң жұмыс жасады. Қатысушылар NIS желісінде жүргізілетін «Ұлы дала ақындары», «Менің өмірімдегі мақал-мәтелдер», &nbsp;«Ұрпақтар сабақтастығы», &nbsp;«Қазақ әндері», «100 күйдің тарихы» жобалары мен «Туған елге тағзым» өлкетану-зерттеу экспедициясы бойынша біліктіліктерін арттырды.&nbsp;Сондай-ақ, &nbsp;«Ата-аналар Университеті» бағдарламасы мен «Әкелер кеңесі» жобасы аясында мектептегі үштік одақ арасындағы байланысты нығайтудың тиімді жолдары талданып, сынып жетекшілері сандық технологияларды пайдаланудың әдістемесімен танысты.

NIS тәжірибесі тірек мектептерге таратылуда 

<a href="https://kyzylorda-news.kz/">Kyzylorda-news.kz.</a> 12 қазан күні сағат 20.00-ден бастап 13 қазан күнгі сағат 06.00-ге дейін қаланың, Тасбөгет кентінің және «Ақмешіт», «Мерей» мөлтек аудандарының орталықтандырылған ауыз су жүйелеріне жоспарлы жуу, шаю және залалсыздандыру жұмыстары жүргізіледі.&nbsp;Осы жұмыстарға байланысты 12 қазан күні кешкі сағат 22.00-ден сағат түнгі 24.00-ге дейін қаланың және Тасбөгет кентінің орталық ауыз су жүйелеріне, сонымен қатар, сағат 20.00-ден 22.00-ге дейін &nbsp;«Ақмешіт», «Мерей» мөлтек аудандарының орталық ауыз су жүйелеріне ауыз су беру уақытша тоқтатылатын болады.Тұрғындардан ауыз суды пайдаланар алдында кранды ашып хлордың иісі толық кеткенше суды пайдаланбауды сұраймыз.Ведомстволық мекемелерде 2023 жылы 13 қазан күні сағат таңғы 06.00-ден бастап суды ағызып хлордың иісі толық жойылғанға дейін жауапты кісілерді бекіту қажет.

Қызылордада ауыз су уақытша тоқтатылады

<a href="https://kyzylorda-news.kz/">Kyzylorda-news.kz.</a> Аталған орталық биыл демеушілердің қолдауымен салынған. Жалпы құны – 1 миллиард 700 миллион теңге.Жобаның мақсаты – ұлттық құндылықтарды ұрпаққа мирас етіп қалдыру, дәстүрлі мәдениетті жаңғырту, әйелдер еңбегін дәріптеу. Сонымен қатар қыз-келіншектер мен аналарды өмірге, тұрмысқа бейімдеу жұмысымен де айналысады.Президент орталықта қолөнер шеберлері жасаған бұйымдар көрмесін және «Қазақ елінің ұлы аналары» картинасын тамашалады. Содан кейін «Анаға тағзым» орталығындағы «Ұлт жақұты» музей залымен, «Мирас» әжелер клубымен, «Жас отау» мектебімен, «Шамшырақ» фото-видео студиясымен, психолог-медиатор кабинетімен танысты.Мемлекет басшысы мұндай орталық жастарға тәлім-тәрбие беруде маңызды рөл атқаратынын айтты.«Расында, бұл жұмыс өте маңызды. Жастарымыздың арасында ұлттық салт-дәстүрімізді, болмысымызды, тілімізді, ділімізді насихаттауымыз керек. Әйтпесе, дүниежүзінде болып жатқан теріс үрдістерді бәріміз көріп отырмыз. Ондай жағымсыз үрдістер елімізде де бар. Біз олармен күресіп, өзіміздің ұлттық көзқарасымызды дәріптеуіміз қажет», – деді Қасым-Жомарт Тоқаев.<img src="https://knadmin.beoblood.kz/uploads/391720954_623573279963920_4917856487779342877_n_316a2b177a.jpg" alt="391720954_623573279963920_4917856487779342877_n.jpg"><img src="https://knadmin.beoblood.kz/uploads/387826814_623573239963924_2964655191311743798_n_aa8b0a3774.jpg" alt="387826814_623573239963924_2964655191311743798_n.jpg"><img src="https://knadmin.beoblood.kz/uploads/387750954_623573366630578_5204642115891549523_n_9cf5cbbd6d.jpg" alt="387750954_623573366630578_5204642115891549523_n.jpg"><img src="https://knadmin.beoblood.kz/uploads/387833419_623573466630568_2657047997015434147_n_c850a77166.jpg" alt="387833419_623573466630568_2657047997015434147_n.jpg">

Мемлекет басшысы Қызылорда қаласында жақында бой көтерген «Анаға тағзым» орталығын аралап көрді

<a href="https://kyzylorda-news.kz/">Kyzylorda-news.kz.</a>&nbsp;Бүгін еліміздің басым бөлігінде күн райы құбылмалы болады. Синоптиктердің болжауынша, қар аралас жаңбыр жауады, деп хабарлайды Қазгидромет.Тек Қазақстан Республикасының оңтүстік-шығысында және шығысында жауын-шашын болмайды.Республика бойынша түнде және таңертең екпінді жел соғады, көктайғақ болады, тұман түседі.

Сәрсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Кәсіпорын директоры Сағидулла Сыздықовтың айтуынша, зауыт жылына 30 мың тонна ақталған күріш өндіреді. Өнімнің басым бөлігі ішкі нарыққа, сонымен қатар көршілес елдерге өткізіледі, деп хабарлады <a href="https://www.akorda.kz/kz/kasym-zhomart-tokaev-altyn-orda-kurish-zauytymen-tanysty-1092439">aqorda</a>.Президентке Қызылорда облысындағы ауыл шаруашылығы тауарын өндірушілердің өнімдері таныстырылды. Көрмеге күріш өсірумен айналысатын ірі кәсіпорындардың тауар түрлері, сондай-ақ ет, сүт, кондитер және балық өнімдері, көкөністер мен жемістер қойылған. Мемлекет басшысы Сыр бойы диқандары мен шаруаларының еңбегіне табыс тіледі. Сондай-ақ тек күріш өсірумен шектелмей, агроөнеркәсіп саласын әртараптандыру, әсіресе, суды аз қажет ететін дақылдарды өсіру маңызды екеніне назар аударды. Дегенмен Президент экспорттық әлеуеті жоғары дәстүрлі күріш шаруашылығын одан әрі жетілдіруге де баса мән беру қажеттігін атап өтті.Бұл ретте Ыбырай Жақаев атындағы Қазақ күріш шаруашылығы ғылыми-зерттеу институты украиналық мамандарымен бірлесіп, күріштің басқа да сорттарын жерсіндіру жұмыстарын жүргізіп жатыр.Сонымен қатар Қасым-Жомарт Тоқаев осы өндірістік кешен аумағында былтыр іске қосылған «Ассоль» тұз өндіру зауытын да аралап көрді. Аралдың тұзын кәдеге жаратып, ас тұзын шығаратын кәсіпорында 130 адам жұмыспен қамтылған. Өнім көршілес Ресеймен қатар, Латвия, Литва, Эстония, Беларусь мемлекеттеріне экспортталады.

Қасым-Жомарт Тоқаев «Алтын орда» күріш зауытымен танысты

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Кемелұлы Тоқаев «Әділетті Қазақстанның экономикалық бағдары» атты Қазақстан халқына Жолдауында балалар мен жасөспірімдер арасында зорлық-зомбылықтың алдын-алу, қоғамдық ортада буллингке тап болғандарға көмек көрсету керек екендігіне ерекше назар аударған болатын.Білім алушыларға буллинг және кибербуллинг туралы мәліметтер беру, олардың белгілері, адам өмірінде орын алатын салдары мен көрсетілетін көмектер туралы түсіндіру мақсатында «Болашақ» университетінде &nbsp;«Қауіпсіз интернет, буллинг және кибербуллинг» тақырыбында студент жастармен кездесу өтті.Шараға «Сенімен Болашақ» республикалық қоғамдық бірлестігі Қызылорда облыстық филиалының психологі Жұмакүл Баянова, «AMANАT» партиясы облыстық филиалының жанындағы «Жастар рухы» Жастар қанаты облыстық филиалының төрағасы Әсетхан Баймұрза, «Vertex» ІТ мектебінің директоры Әлкеей Ақылбекұлы, университет және колледж студенттері қатысты.Жиын аясында Жұмакүл Тасболатқызы булинг, лудоманияның адамға әсер ету жолдары бойынша ақпарат алмасса, «Vertex» ІТ мектебінің директоры Әлкеей Ақылбекұлы &nbsp;кибербуллинг ұғымы, оның шығу тарихы, кибершабуылдан қорғану механизмдері жайында түсіндірме жұмыстарын жүргізді. &nbsp;Кездесу барысында кибербуллингке не үшін бірден назар аудару керектігі, қысым көрген балалардың айрықша белгілері және &nbsp;неліктен адамдар бұндай әрекетке баратыны жайында қоғамдық тәжірибеден мысалдар келтіре отырып, талданды.Сонымен қатар «Жастар рухы» Жастар қанаты облыстық филиалының төрағасыӘсетхан Баймұрза &nbsp;Жолдаудың маңыздылығын түсіндіре отырып, «Жастар рухы» Жастар қанаты ұйымның жобаларымен таныстырып өтті.&nbsp;<figure class="image"><img src="https://knadmin.beoblood.kz/uploads/4bd948f4_b57b_4f72_baae_8a11d382150a_cf38d9d80c.jpg" alt="4bd948f4-b57b-4f72-baae-8a11d382150a.jpg"></figure>&nbsp;<figure class="image"><img src="https://knadmin.beoblood.kz/uploads/d8ee8730_307e_40d3_81ab_590196ecf436_c5e1ff1c50.jpg" alt="d8ee8730-307e-40d3-81ab-590196ecf436.jpg"></figure>

Жастар рухы: Қауіпсіз интернет, буллинг және кибербуллинг тақырыбында студент жастармен кездесу өтті

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Мемлекет басшысына Қызылорда өңірінің әлеуметтік-экономикалық даму қарқыны жөнінде баяндады, деп хабарлайды Ақорда.Аймақ басшысының айтуынша Қызылорда облысының жалпы әлеуметтік-экономикалық даму көрсеткіштерінде өсім байқалады. Атап айтқанда, өңдеу өнеркәсібі 115,8 пайызға (227 млрд.теңге), ауыл шаруашылығы 101,6 пайызға (157 млрд.теңге), құрылыс 126,4 пайызға (117 млрд.теңге), тұрғын үйлер салу 118,9 пайызға (618 мың ш.м), сауда-саттық 104,1 пайызға (531 млрд.теңге) артқан. Негізгі капиталға құйылған инвестиция көлемін биыл 472 миллиард теңгеге жеткізу жоспарланып отыр. Оның басым бөлігі жеке инвестицияларға тиесілі.Облыста «Жайлы мектеп» ұлттық жобасы аясында алдағы үш жыл ішінде 27 мектеп салу жоспарланған. Қазіргі кезде Қызылорда қаласында физика-математика бағытындағы мектеп-интернаты салынуда.&nbsp;Емханасы мен онкологиялық бөлімшесі бар 300 орындық көпбейінді аурухананың, Қан орталығының құрылысы жүргізіліп жатыр. «Ауылдық денсаулық сақтауды жаңғырту» ұлттық жобасы аясында елді мекендерде 27 медициналық-амбулаториялық нысан салынып жатыр.Өңірде бірқатар спорт және әлеуметтік-мәдени нысан бой көтереді. Атап айтқанда, жуырда 7 мың орындық Орталық стадионның, жабық бассейні бар көпсалалы дене шынықтыру-сауықтыру кешенінің құрылысы басталады. Аудандарда шағын 11 дене шынықтыру кешенін салу үшін жергілікті бюджеттен 2,6 миллиард теңге бөлінген. Облыс орталығында салынып жатқан Өнер орталығы жыл аяғына дейін ел игілігіне пайдалануға беріледі.Облыс әкімі Нұрлыбек Нәлібаев өңірдің тыныс-тіршілігін түлетуге жергілікті кәсіпкерлер де елеулі үлес қосып жатқанын айтты. Әлеуметтік нысандар салу, демалыс саябақтарын, ойын-спорт алаңдарын, үйлердің қасбеттерін жаңарту, аулаларды абаттандыру жұмыстары демеушілердің көмегімен жүзеге асырылып келеді.

Нұрлыбек Нәлібаев Мемлекет басшысына Қызылорда өңірінің әлеуметтік-экономикалық даму қарқыны жөнінде баяндады

<a href="https://kyzylorda-news.kz/">Kyzylorda-news.kz.</a> «Құрылыс-көлік компаниясы» ЖШС биыл іске қосқан жобаның жалпы құны – 2,6 миллиард теңге. Оның 370 миллион теңгесі «Даму» кәсіпкерлікті қолдау қоры арқылы қаржыландырылған. Комбинат күніне 200 текше метр темірбетон бұйымдарын өндіреді. Өндіріске қажетті шикізаттар жергілікті жерден алынады.Сонымен қатар Мемлекет басшысына аймақтағы кәсіпорындардан шығатын басқа да өнім түрлері таныстырылды. Олардың басым бөлігі – құрылыс саласы үшін аса қажетті материалдар. Атап айтқанда, табақша шыны («OrdaGlass» ЖШС), ПВХ-құбырлары мен фитингтер («КНК Кемикал» ЖШС), каскалар («NP-Consalting» ЖШС), плитка желімдері мен сәндік сылақтар («Вега-Пром» ЖШС), жол және тротуар бордюрлерін, құм-керамзит блоктарын («Садуакасов Ж.А» ЖК), қиыршық тастың әртүрлі фракцияларын («Shalkiya Dolomite Operating» ЖШС), терезелер мен айналар («Комфорт KZ» ЖШС), әк («Орда строй маркет» ЖШС), кірпіш өнімдерін («Мелиоратор» ЖШС) және тағы да басқа бұйымдарды шығарады. Сондай-ақ көрмеге «Dalatex» компаниясының текстиль бұйымдары, «Өркен Әлем» ЖШС шығаратын жеке қорғаныс құралдары қойылған.Президент кәсіпкерлермен әңгімелесу барысында шағын және орта бизнесті өркендету үшін мемлекет тарапынан жан-жақты қолдау көрсетілетінін айтты.&nbsp;<img src="https://knadmin.beoblood.kz/uploads/photo1696938388_2_583519b6b4.jpeg" alt="photo1696938388 (2).jpeg"><img src="https://knadmin.beoblood.kz/uploads/photo1696938388_3901548894.jpeg" alt="photo1696938388.jpeg"><img src="https://knadmin.beoblood.kz/uploads/photo1696938388_1_2459f86026.jpeg" alt="photo1696938388 (1).jpeg"><img src="https://knadmin.beoblood.kz/uploads/akim_321b88601b.jpg" alt="аким.jpg"><img src="https://knadmin.beoblood.kz/uploads/akim_f4eedf0b21.jpg" alt="аким.jpg"><img src="https://knadmin.beoblood.kz/uploads/akim_50cd58fd82.jpg" alt="аким.jpg">

Мемлекет басшысы Темірбетон бұйымдары зауытына барды

<a href="https://kyzylorda-news.kz/">Kyzylorda-news.kz.</a> &nbsp;Барлығы бірдей ауылдан кетсе, бабамыздан қалған берекеге кім ие болмақ!? Мұндай ойын «Шаған жер» ЖШС-ның жас механизаторы Айбек Уәлиев Қызылордада Президент Қасым-Жомарт Тоқаевпен кездесуде айтты, деп хабарлайды&nbsp;<a href="https://kaz.inform.kz/">Кazinform агенттігі</a>.Бүгін Мемлекет басшысы өңірге сапары барысында «Еңбек аллеясында» еңбек адамдарымен кездескен. Жүздесудің видеосы Aqorda-ның <a href="https://t.me/aqorda_resmi/12236">Telegram арнасында</a> жарияланды.&nbsp;«Шаған жер» ЖШС механизаторы Айбек Уәлиев ауылда еңбек етудің артықшылықтарын айтып өтті.&nbsp;<blockquote>«Атам да, әкем де осы шаруашылықта қызмет атқарған. Мен де солардың ізімен еріп, қазір ауылда қалып, еңбек етіп жүрмін. Бүгінде жастардың көбі ауылдан жыраққа кетіп, табысты сырттан тапқысы келеді. Бірақ, барлығы бірдей ауылдан кетсе, бабамыздан қалған берекеге кім ие болмақ!? Оның үстіне қазір ауылымызда жағдай жасалған. Ауызсу 24 сағат ағып тұр. Мектеп, аурухана, балабақша бәрі бар. Жұмыс істеймін деген адамға жұмыс көзі де табылады», – деді Айбек Уәлиев.</blockquote>Президент өз сөзінде жастарға көңіл бөлу қажеттігін атап айтты.&nbsp;<blockquote>«Мен әр уақытта да жастар туралы айтып келемін. Жастарымыз – еліміздің болашағы. Жастарымыз еңбекқор, ұқыпты, отансүйгіш болуы керек. Жастарымыз өте жақсы. Сен сияқты жастарымызды әрқашан да қолдаймын. Ауылда (Сырдария ауданы Нағи Ілиясов ауылы) өмір сүруге, жұмыс істеуге жағдай жасалған екен. Осындай ауылдарды көбейтуміз керек. Шамамыз бар, қаражат жетеді. Қалталы азаматтарға, кәсіпкерлерге ауылдарға көмектесу қажеттігін қайта-қайта айтып жатырмын», – деді Қасым-Жомарт Тоқаев.</blockquote><img class="image_resized" style="width:560px;" src="https://img.inform.kz/kazinform-photobank/media/2023-10-10/5492bc41-3c77-495c-9fe7-61704467b9e3.jpeg" alt="тоқаев қызылорда кездесу" loading="eager">Фото: АқордаСондай-ақ жүздесуде «Ақмая» шаруа қожалығының бригадирі Гүлсім Дәрібаева өзінің еңбек жолы туралы мәлім етті.&nbsp;<blockquote>«Шиелі ауданы Ақмая ауылындағы «Ақмая» шаруа қожалығында 40 жылдан бері ауыл шаруашылығы саласында еңбек етемін. Еңбек жолымды қарапайым қол жұмысымен бастап, кейін трактор, комбайн айдадым, агроном-есепші болдым. Қазіргі таңда күріш бригадасында бригадир болып жұмыс істеймін. Дала академигі Ыбырай Жақаев атамыз «Еңбектің көзін тапқан, байлықтың өзін табады» деген екен. Міне, сол еңбектің арқасында талай жетістіктерге жеттім», – деді ол.</blockquote>

Президентпен кездескен жас маман ауылда бар жағдай жасалғанын айтты

<a href="https://kyzylorda-news.kz/">Kyzylorda-news.kz.</a> Былтыр Энергетика министрлігі түркиялық «Aksa Enerji Uretim AS» компаниясымен Қызылорда қаласында жаңа бу-газ қондырғысын орнату жөнінде келісімшартқа қол қойды. Шетелдік инвестиция есебінен салынып жатқан жаңа ЖЭО 240МВт электр қуатын және сағатына 277 жылу қуатын өндіре алады. Жобаның болжамды құны – 215 миллиард теңге.Облыс әкімінің айтуынша, қазір құрылысқа дайындық жұмыстары қызу жүріп жатыр. 2025 жылдың соңына дейін пайдалануға берілетін ЖЭО қаланың жылу және электр қажеттілігін толық қамтамасыз етіп қана қоймай, артылған электр энергиясын басқа өңірлерге сатуға мүмкіндік береді. &nbsp;Қазіргі қолданыстағы жылу электр орталығы 1964 жылы салынған. Бірнеше рет күрделі жөндеу жүргізілгеніне қарамастан, стратегиялық нысанның негізгі және қосалқы қондырғыларының тозу деңгейі 90 пайызға жеткен. Сондай-ақ қаладағы ұзындығы 207,7 шақырым болатын жылу желісінің жартысына жуығы жаңартуды қажет етеді.Мемлекет басшысы еліміздің энергетикалық қауіпсіздігін күшейту тұрғысынан бұл жобаның маңызды екенін атап өтті.Қасым-Жомарт Тоқаев Үкімет пен облыс әкімдігіне жылу электр орталығын белгіленген мерзімде пайдалануға беруді тапсырды.<img src="https://knadmin.beoblood.kz/uploads/photo1696930305_1_599c07f17d.jpeg" alt="photo1696930305 (1).jpeg">

Қазақстан және Қызылорда облысының жаңалықтары