<a href="https://kyzylorda-news.kz/">Kyzylorda-news.kz.</a> &nbsp;Жақында &nbsp;Қызылорда қаласында Arashi MMA-дан жекпе жектен II облыс чемпионаты өтті.Жекпе жек бәсекесінде әр салмақ бойынша жеңімпаздар мен жүлдегерлер анықталды.&nbsp;Жарыс нәтижесі бойынша жерлестеріміз 8-9 жас аралығында 26 кг салмақ дәрежесінде Арсен Бауыржан бірінші &nbsp;орын, 34 кг салмақ дәрежесінде Шыңғыс Нұрбекұлы І орын , 45 кг жоғары &nbsp;салмақ дәрежесінде Ерасыл Ергалиев І орын иеленген. Сондай-ақ, 10-11 жас аралығында 50 кг салмақ дәрежесінде Ерасыл Ерғалиев І орын алды. 12-13 жас аралығында 42 кг салмақ дәрежесінде Данияр Болатов өз қайсарлығын шыңдап ІІ орын. 14-15 жас аралығында &nbsp;58 кг салмақ дәрежесінде &nbsp;Жігер Жеңісбекұлы ІІ орын иеленген. 77 кг салмақ дәрежесінде &nbsp;Мадияр Нұрғазы І орын. 16-17 жас аралығында 58 кг салмақ дәрежесінде Ерасыл Мұратов І орын, 62 кг салмақ дәрежесінде Мадияр Болатов &nbsp;бұрынғыша &nbsp;І орын алды. 18 жастан жоғары &nbsp;аралығында 57 кг салмақ дәрежесінде Азамат Серікбаев І &nbsp;орынды жеңіп алды.<blockquote>«Бүгінгі таңда біздің ауданның жігіттері жақсы көрсеткіштерге қол жеткізіп жүр. Біз болашақ&nbsp;әлем чемпиондарын дайындап жатырмыз.&nbsp;Аралас жекпе-жектің болашағы бар деп ойлаймын», - дейді Сырдария аудандық спорт клубының аралас жекпе-жек жаттықтырушысы Данияр Жүсіпбаев.</blockquote>&nbsp;

Жеңімпаздар жеңіс тұғырынан көрінді

&nbsp;<a href="https://kyzylorda-news.kz/">Kyzylorda-news.kz.</a>&nbsp;&nbsp; Жаңақорған мал шаруашылығы бойынша Сыр өңіріндегі іргелі аудан. Яғни, аймақтағы төрт-түліктің үштен бірі біздің ауданға тиесілі. Сондықтан мал басын асылдандыру, бордақылау, ет бағытындағы атқарылып жатқан жұмыстар жыл сайын жандана түсуде. Әсіресе мүйізді ірі қараның шаруасы ширай бастады. Бүгін ауданда тағы бір жоба жүзеге асты. Асыл тұқымды репродуктор шаруашылығы саналатын «BarysAgro» ЖШС-де модульді мал сою пункті іске қосылды.&nbsp;Қазір «BarysAgro» ЖШС-де отандық 50 бас ет бағытындағы «қалмақ» және ет пен сүт бағытындағы 50 бас асыл тұқымды «әулиеата» қашарлары байлаулы тұр.Ал бүгінгі іске қосылған мол сою пунктің құны – 33,4 млн теңгені құрайды.<blockquote>– Қазір қожалық меншігінде 200 бас МІҚ бар. Алдағы уақытта «Байқоңыр ӘКК» АҚ бірлесіп, 100 бас асыл тұқымды ет бағытындағы МІҚ сатып алу жоспарлануда. Сондай-ақ, вакуумды және консервленген сиыр етін өндіруді қолға алатын боламыз, – деді «BarysAgro» ЖШС басшысы. Айта кетейік, ашылу салтанатына «Байқоңыр ӘКК» Ұлттық компаниясы АҚ-ның төраға орынбасары Мұхтар Жансейітов және бөлім басшылары мен аудандағы ірі-ірі шаруашылық төрағалары қатысты. Жалпы цехтың мүмкіншілігі қандай, басқа да тұрғындар мүйізді ірі қараларын союға бола ма? Жалпы заманауи техникамен жабдықталған мал сою пункті туралы мақаланың толық нұсқасы газеттің алдағы санынан оқи аласыздар. Жаңақорған ауданындағы берекесі дарыған Сүттіқұдық – бағзыдан атакәсіпті арқау еткен берекелі аймақ. Дала дидарының тұмса табиғаты бақташы қауымға қарасып тұр. Осы тұста, ауылдағы ағайынға бабадан қалған атакәсіпті дамытуда мемлекеттік бағдарламалардың алар орны айрықша. Осы тұста, мемлекет қолдауын сезініп, қарекет жасап отырған шаруашылықтың бірі Сүттіқұдық аулының тұрғыны – Махсатхан Раманқұлов. Ол – отбасылық кәсіпті өрістетіп, жылқы мал бордақылауды кәсіп еткеніне бірнеше жылдың жүзі болды. «Бүгінгі таңда «қимылдағанның қыр асатынын» елдің бәрі біледі. Сондықтан да тірліктің көзін тауып, шаруаның тетігін тапса жұмыс жүйелі жүреді. Өзімде мемлекет қамқорлығын сезінбек ниетте осыдан үш жыл бұрын «Ауыл шаруашылығын қаржылай қолдау қоры» АҚ Қызылорда облыстық филиалы арқылы «Нәтижелі жұмыспен қамтуды және жаппай кәсіпкерлікті дамыту бағдарламасы» аясында 3 миллион теңге несиеге қол жеткіздім. Әуелі «Атамекен» кәсіпкерлер палатасының аудандық филиалы арқылы «Бизнес-кеңесші» оқыту курсынан өттім. Осы мекеме арқылы қаржы институттарына бардым. Одан әрі ауылда атакәсіпті өрістету ісіне ден қойдық. Мал бордақылау кәсібі ауылдағы ағайынға таптырмас тірлік. Әрі үйреншікті жұмысы. Бұқараның жанынан табылған мемлекет қолдауына біз қашанда ризамыз», – дейді Махсатхан Раманқұлов.</blockquote>Расында шағын және орта бизнесті дамытуға мемлекет айрықша басымдық беруде. Нәтижесінде, ауыл-аймақта кәсіпкерлік кең қанат жайып, бизнеске ынталы азаматтардың қатары күн санап артуда. Бұл өз кезегінде аудан экономикасының өркендеуіне өзіндік үлесін қосады. Әсіресе, «Ауыл шаруашылығын қаржылай қолдау қоры» АҚ Қызылорда облыстық филиалы сынды қолдау қорының демеуіне ел риза. Отбасылық кәсіпті талғажау еткен сүттіқұдықтық Махсатханның жары Гүлжахан Төрехожаева биыл тағы да аталмыш қолдау қоры арқылы 4 млн. теңге несие алды. Осылайша, 10 бас жылқыны бордақылаумен айналысып отырған отбасы ауыл-аймақтан бөлек Қызылорда қаласы мен Шалқия кентін ет өнімімен қамтамасыз етіп отыр. Жылқы етіне сұраныс қашанда жоғары екенін жасырмады. Отбасылық бизнес болғандықтан отағасына қашанда жары көмектеседі. Олар кәсіпкер ретінде тіркеліп, уақытылы мемлекеттік аударымдарымды аударып отқанын тілге тиек етті. Бұл да болса, салық базасының ұлғайып, ауыл әлеуетінің артуына үлкен септігін тигізері сөзсіз.Иә, Мемлекет басшысы сайын халыққа арнаған Жолдауында ет өнімдері экспорты әлеуетін арттыруды жүктеуде. Әзірге Махсатхан Раманқұлов ішкі нарықты игеріп, мал бордақылау кәсібіне әбден маманданып алғанша ауыл-аймақ пен аудан орталығын ет өнімдерімен қамтамасыз етуді жоспарға қойған. Соңыра, кәсібін кеңейтіп, көрші облыстарға ет экспорттау жоспары бар. Десе де, бұл отбасының мақсаты айқын. Ол – атакәсіпті арқау еткен ауылдағы ағайынның ахуалын тіктеу. Яғни, қолдау қаржы арқылы «екі қолға бір күрек тауып», ауыл әлеуетінің артуына ықпал ету. Межелі мақсатта кезең-кезеңімен орындалу үстінде. Тек, маңдай терді төгіп, адал еңбек ету керектігін сүттіқұдықтық шаруа естен шығарған емес. Керсінше, оны өмірлік ұстанымға айналдырып, қарекетін жасауда.Осы тұста Аққорған ауылы – бағзыдан атакәсіпті арқау еткен берекелі аймақ. Жазиралы жайылымы төрт түлікті түлетіп һәм төлдетуге таптырмайтын жер. Содан болса керек, аққорғандық Сәдірқожа Атымтаев ауыл азаматтарының басын қосып, «Сәдір ата» ауыл шаруашылығы өндірістік кооперативін қолға алды. «Біріккен істе береке бар» демекші, мал бордақылау кәсібін дөңгелетіп отырған қожалық әлі де мемлекет қолдауына үміт артады.<blockquote>– Шүкір, бүгінде іріленудің нәтижесінде мемлекет тарапынан үлкен қолдауға ие болдық. Мемлекеттің «50 ауыл» бағдарламасы аясында мүйізді ірі қара малын бордақылау алаңдарын ашуға кооперативтің 24 мүшесіне 46 млн. теңге қаржы алдық. Несие алып, несібін арттырған кәсіпкерлер бүгінде мал бордақылау ісіне әбден бейімделген. Биылғы жылға да кооперативтің 20 мүшесі қаржылай қолдау алуға құжаттарын дайындап, өтінім беріп қойды. Сәтін салса, демеу қаржы қолға тисе, атакәсіпті одан әрі жандандырамыз – дейді «Сәдір ата» ауыл шаруашылығы өндірістік коопертивінің төрағасы Сәдірқожа Атымтаев.</blockquote>Расында ұсақ шаруалардың өндірістік кооперативтерге бірігудің маңызы зор. Өйткені, ет өнімдеріне деген сұраныс қашанда жоғары. Мәселен, «Сәдір ата» кооперативі өткен жылдың қазан айынан бастап, бүгінгі таңға дейін 35 тонна ет өнімдерін пұлдаған. Ең алғашқы ет өнімдерін облыс орталығында өткен «Алтын күз» мерекесінде қызылордалық тұрғындарға саудалаған қожалықтың шаруасы ширақ. Оған қоса, Елбасы жыл сайын халыққа арнаған Жолдауында ет және сүт өнімдері экспорты әлеуетін арттыруды жүктеуде. Әзірге бұл қожалық ішкі нарықты игеріп, мал бордақылау кәсібіне әбден маманданып алғанша ауыл-аймақ пен аудан орталығын ет өнімдерімен қамтамасыз етуді жоспарға қойған. Қазірде 200-ге жуық ірі қара малын байлап отырған кооператив мүшелері өз кәсіптеріне дән риза.<blockquote>– Жасыратыны жоқ, ұсақ қожалықтардың аты бар да, заты жоқ. Бірігуде береке барын бабалар ертеректе айтып кеткен. Осы тұста, мұны шешудің қандай жолы бар деген орынды сауал туындайды. Мал бордақылау кәсібі ауылдағы ағайынға таптырмас тірлік. Әрі үйреншікті жұмысы. Бұқараның жанынан табылған мемлекет қолдауына біз қашанда ризамыз – дейді кооператив мүшесі Бауыржан Үсенов.</blockquote>Осы тұста, аймақ халқының 60 пайызы ауылдық жерде тұратынын ескерсек, кооперативке бірігіп, тындырымды тірлік жасау бұл үлкен қолдау. Яғни, кооперативтерге бірігу арқылы кірістердің артуына, бәсекелестік қабілетін жоғарылатуға, бірлесіп өнім өндіруге, өңдеу және оны тиімді сатуға қол жеткізеді. Әрине, ауылда қорасындағы азын-аулақ малымен күнелтіп отырған жандар жетерлік. Алайда төрт түліктің өнімін өткізу оңай шаруа емес. Бұл тұрғыда өндірістік тұрғыда іріленуден ұтарымыз көп. Мемлекеттің діттеген мақсаты – отандық экономиканың, оның ішінде агроөнеркәсіп кешенінің өзекті мәселесі – осы саланы дамытып, ауылдағы еңбек өнімділігін арттыру. Десе де, аудандағы ұсақ шаруа қожалықтардың ауызбіршілік танытып, өндірістік кооперивтерге бірігіп, аймақ бойынша көш бастауы қуантарлық жайт. Бұл бағытта аққорғандық Сәдірқожа Атымтаев басшылық ететін «Сәдір ата» ауыл шаруашылығы өндірістік коопертивінің мақсаты айқын. Ол – атакәсіпті арқау еткен ауылдағы ағайынның ахуалын тіктеу. Яғни, қолдау қаржы арқылы «екі қолға бір күрек тауып», ауыл әлеуетінің артуына ықпал ету. Межелі мақсатта кезең-кезеңімен орындалу үстінде.Аудандағы атакәсіптің көкжиегі мал шаруасынан көрінеді. Ауылдағы ағайын ежелден айналысып келе жатқан мал шаруашылығы жыл сайын жанданып келеді. Күн сайын мал азығын даярлап, қиындығы мен қияметі көп жұмысты тындырып, кәсіп көзіне айналдырғалы көп болды. Соның қайтарымы жыл сайын төрт түлік төлдеп, бүгінде облыста мал басынан үздік аудан атансақ, аймақтағы жалпы есептің үштен бірін біздің аудан құрайды. Қыста қыстауда, жазда жайлауда жүретін шопандардың да еңбегі елеусіз емес. Жылда озат атанып келеді.<blockquote>– Жалпы ауданда мүйізді ірі қараның саны 80 мыңға жуықтады, қой 350 мыңға, жылқы 26 мыңға, ал, құс саны 22 мыңнан асты. Бұл облыс көлемінде үлкен көрсеткіш. Нақты цифр жыл соңында анықталады. Одан бөлек, төрт түлік азығын дайындаудан да алда келеміз. Былтыр Түркістан облысына экспорт жасасақ, биыл Сыр өңірінің өзге аудандарына тасымалдадық. Баға да қолжетімді, әсіресе, шөптің құны былтырғымен салыстырғанда екі есе төмен түсті. Осы жағдайлардың жүгінен, шаруалардың берекелі кәсібінен үздіктер көшінен түспей келеміз, – деді ауылшаруашылығы бөлімінің басшысы Талғат Зейдалиев.</blockquote>Бізде бұл кәсіптен тек мал басын көбейтіп қана қоймай, ет бағытында да жұмыстар жүйелі жүргізілуде. Соның бірі Қыркеңседегі «Бекарыс – Агрофуд» ЖШС.<blockquote>– Қазір егін науқаны аяқталды, ерте көктеммен ала жаздай төккен тердің жемісін жеп, нәпақаны тауып отырмыз. Енді қыс бойы малдың қоңын келтіріп, төрт түлікті түгендеп, төлдетіп, көктемде жайылымға немесе тауға жөнелтеміз. Мал басын асылдандырумен қатар ет бағытында шаруаны ширатып, өзге өңірлерге экспорттаймыз. Әсіресе, қыста сұраныс көп болады. Ең бастысы, берекелі кәсіптің адал нанын жеп отырған жайымыз бар, – деді қожалық төрағасы Серік Мырзабаев.&nbsp;</blockquote>Міне, мал бағытындағы ата кәсібіміз осылай жалғасып келеді. Сұраныс та өте жоғары, өйткені, тау мен Сырдың бойынан нәр алған жануардың қоңын өздеріңіз бағамдай беріңіздер. Тек субсидия деген ұғымды ырыққа көндіріп, пайдасын далаға жібергеніміз рас. Осыны тыю керек немесе жеке қалтаға емес, жалпы қоғамға пайдасы тиетіндей ету аса маңызды. &nbsp;Фото: Нұрболат Нұржаубай

Жаңақорған ауданы мал бордақылау кәсібін жолға қойған

<a href="https://kyzylorda-news.kz/">Kyzylorda-news.kz.</a> &nbsp; Бүгінде сот саласында сан түрлі елеулі өзгеріс орын алуда. Әкімшілік, қылмыстық, азаматтық істің көпшілігі қайта өзгеріске ұшырауда. Адам өміріне тілекей қатысы бар сот шешімі әділ және лайықты түрде шығарылғаны дұрыс. Күнделікті өмірде көптеген мәселемен бетпе-бет келетін Сырдария &nbsp;аудандық &nbsp;сотының төрағасы&nbsp;Руслан Алдамбергенов 2024 жылдың 1 тоқсанының&nbsp;қорытындысы бойынша баспасөз конференциясын &nbsp;өткізді.Бірнеше БАҚ өкілінің қатысуымен жүзеге асқан баспасөз конференциясы барысында Сырдария &nbsp;аудандық &nbsp;сотының төрағасы&nbsp;Руслан Алдамбергенов мерзімді уақытта атқарылған жұмыстарды саралады.<blockquote>&nbsp; &nbsp; &nbsp; &nbsp; &nbsp;– Статистикалық мәліметтерге қарағанда есепті кезеңде 10 қылмыстық іс 12 адамаға қатысты түсіп, &nbsp;өткен жылдан 1 іс қалдыққа қалған. &nbsp;13 адамға қатысты 11 қылмыстық іс қаралып, оның ішінде 9 адамға қатысты 8 іс бойынша үкім шығарылған. Ал 1 адамға қатысты 1 іс тоқтатылып, &nbsp;1 іс соттылығы бойынша жолданған. Өткен жылмен салыстырғанда түскен қылмыстық &nbsp;істердің саны – 3, яғни 23 пайызға, &nbsp;қаралған істердің саны – 3 іске, яки 21 пайызға азайған. Жалпы &nbsp;77 азаматтық іс қаралып, оның ішінде, 7 іс бойынша сот бұйрығы шыққан. Сонымен қатар 27 шешім қабылданып, 35 іс өндірістен тоқтатылған. 8 іс қараусыз қалдырылылып отыр. Өткен жылмен салыстырғанда түскен талап қоюлар мен істердің саны 10-ға, яғни 9,5 пайызға қаралған істердің саны 13 іске, демек 20 пайызға көбейген. &nbsp;Есепті мерзімде соттың өндірісіне 89 әкімшілік құқық-бұзушылық туралы іс түсіп, 5 іс өткен жылдан қалдыққа қалған. Түскен әкімшілік құқық-бұзушылық туралы істердің ішінде 92 адамға сонша іс қаралған. 68 адамға әкімшілік жаза қолданылып, 24 адамға қатысты&nbsp;тоқтатылған. 5 жекеше қаулы қабылданған, – дейді сот төрағасы.</blockquote>Қолдағы мәліметке сүйенсек, өткен жылмен салыстырған кейбір істер қарау көбейсе, басқа санаттағылар төмендеген. &nbsp;Мәлесен, &nbsp; &nbsp; &nbsp; &nbsp;&nbsp;өткен жылмен салыстырғанда түскен әкімшілік құқық-бұзушылық туралы істердің саны 36-ға артып, 68 пайызды құраған. Қаралған істердің саны 40 іске жетіп, 77 пайызды көрсеткен.&nbsp;2024 жылдың&nbsp;1 тоқсанында барлығы партисипативтік рәсім тәртібімен 1 азаматтық іс,&nbsp;медиаторлардың қатысуымен 35 азаматтық іс, 16&nbsp;әкімшілік құқық-бұзушылық туралы іс,&nbsp;1 қылмыстық іс медиация тәртібімен аяқталған.&nbsp;Сотқа келіп түскен істер 100 пайыз аудио-бейне жазба арқылы қаралған. Есепті мерзімде әкімшілік құқық-бұзушылық туралы және қылмыстық істердің барлығы&nbsp;электронды нұсқада қабылданған.<blockquote>– Біз қашанда ашықтық қағидатын ұстанамыз. Әрбір істің артында адам өміріне қатысты мәселенің жауапкершілігі тұр. Осы уақытта зорлық-зомбылыққа байланысты Заң қайта күшіне енуде. Алдағы уақытта нәзік жанды мен балаға зәбір көрсеткен жандар қатаң &nbsp;жазадан құтылып кете алмайды. Ерлі-зайыпты арасында орын алатын түсініспеушілік салдары үлкен дау-жанжалға ұласуда. Күнделікті ұрлық қылмыстарын, әкімшілік құқық-бұзушылық,&nbsp;азаматтық істердің әрбір бабы бойынша жауапкершілікке тартылған азаматтардың өміріне бей-қам қарамай, дұрыс шешім қабылдауға тырысамыз, – деді Руслан Алдамбергенов.</blockquote>Баспасөз мәжілісін қорытындылаған сот төрағасы Р.Алдамбергенов көтерілген бірқатар мәселе бойынша БАҚ өкілдерінің сұрақтарына жауап берді.

Руслан Алдамбергенов: Әрбір істің артында адам өміріне қатысты мәселенің жауапкершілігі тұр

&nbsp;<a href="https://kyzylorda-news.kz/">Kyzylorda-news.kz.</a>&nbsp; Жасөспірімдердің бос уақыттын тиімді пайдаланып, қабілет-қарымын шыңдап, зейінін арттыру бүгінгі күннің өзекті мәселесі. Экононикасы дамыған озық елдің отыздығына енуді мақсат тұтқан еліміз жас өрендерді ерте жастан ғылымға, жаңа технологияға бейімдеуді үрдіске айналдыуда. Осы бағытты негізге алған аудандық оқушылар орталығында үйірме жұмыс істейді. Біз бүгін осы үйірме жетекшісі Дастан Қадыровты әңгімеге тарттық.<blockquote>– IT технопаркі бізде 2017 жылдан бастап робототехника үйірмесі жұмыс жасап келеді. Қазіргі заманауи жабдықтармен жабдықталған. Робототехника кабинеті LEGO mindstorms EV 3 жинақтарымен жабдықталған. Оның ішіндегі бөлшектер майда детальдары. Балалардың ойлау қабілетін, қолдын моторикасын дамытады. Бүгінде ауылдағы мектептерде де робототехника үйірмелері ашылуда. Бұрын қаланың білім ордаларында мұндай сабақтар жүргізілсе, енді ауыл балалары инновациялық игіліктерді меңгеруіне мүмкіндігі мол. IT технопаркінде 3 үйірме бар. Олар Smartlab, 3D әлемі, робототехника. Smartlab үйірмесінде балалар IT программалық тілдерді үйренеді. 3D әлемі 3 өлшемді сызба сызады. Жасаған сызба жұмыстарын 3D принтерімен шығарады. Қазіргі таңда аудан орталығындағы мектептерден робототехника үйірмесіне 36 оқушы келіп дәріс алады. Шыны керек, күн өткен сайын балалардың қызығушылығы артып келеді. Техника құрастыру оңай емес. Оған уақыт, білім, күш-жігер қажет. Робототехника үйірмесінен қатысушылар математика, информатика, физика, ағылшын геометрия, пәніндегі формулалармен жан-жақты зерделі жұмыс істейді. Мәселен, олар математика пәнінен бір формула үйренсе үйірмеде сол формуланы пайдаланып тәжірибе жүзінде шындайды. Физикалық күш арқылы роботты, оның қимылын жасайды. Программалары көбіне ағылшын тілінде. Робот жасау арқылы балалардың ойлау қабілеті дамиды, теориялық ілімді тәжірибе жүзінде жүзеге асырады. Оқушылар 3 топқа бөлініп әр топта 12 оқушыдан болады. Олар роботты құрастыруды және бағдарламалау негіздерін үйренеді. Үйірмеге жас ерекшеліктеріне қарай 9 жастан жоғары жеткіншектерді, ал кейде ынтасы жақсы оқушыларды да қабылдаймыз. Мұнда олар роботтардың жеңілінен бастап күрделісіне дейін жасап шығады, – дейді.</blockquote>&nbsp;Оның сөзінше, оқушылары түрлі деңгейде робототехника бойынша облыстық, республикалық жарыстарда көзге түсіп жүлделі орындарды алып жүр. Әр бала өз қиялындағы еркін тақырыпта роботын қағазға түсіріп, оның бөлшектерін құрап, әрі бағдарламасын әзірлейді. Өзінің арнайы бағыттайтын датчиктері бар. Мәселен, бірі түсті ажыратады, екіншісі кедергіні ажыратып, үшіншісі бөлменің температурасын ажыратады. Тек құрастырып қана қоймай, компьютермен бағдарлама жазады. Жарыс болса жарыстың ережесіне сәйкес қылып жазады. Бұл процесс баланың шыдамдылық төзімділігімен қатар зейініңде арттырады.Робот баланың ойлау қабілетін жақсартып, өмірге деген қадамына сенімділік білдіреді. Соның нәтижесінде жас буынмен бірге еліміздің робототехника саласы да бой көтеруде. Адам өмірін жеңілдетуге арналған роботтарды күнделікті өмірде қолданатын уақыт та алыс емес.Иа, жас буынның уақытты ұтымды пайдаланып, бос уақытын тиімді пайдалануда үйірмелердің алар орны ерекше. Әсіресе, ауыл жастарының белгілі-бір өнер түріне ынтасын аударып, олардың қандай өнерге неге икемді екенін де танып білу маңызды. Осы бағытта аудандан көптеген үйірме жұмыс жасап, оның біршамасы «Үздік» атанған.&nbsp;Жалпы, ауданда клуб жанынан құрылған 111 үйірме жұмыс жасайды. Оның 15-і кент орталығында болса, 96-сы елді-мекендердің клуб жанынан ашылған. Осы үйірмелерде 1126 бала өнердің әр бағытында тәрбиеленуде. Әсіресе, ән мен биден, сахналық көріністерден өнер көрсетіп, түрлі шыңдарды бағындырып жүргендері аз емес.Мәселен, Байкенже ауылдық клуб үйінің жанынан құрылған Құралай Әлиеваның жетекшілігіндегі «Ырғақ» ән үйірмесінің асқан асулары көп. Үйірмеде тәлім алатын алты оқушы халықаралық жарыстарға дейін барып, жүлделі оралған. Мәселен, үйірме оқушысы Сұлтанахмет Төлегенов облыстық «Бозторғай – 2022» байқауынан ІІІ-орын алса, Жәния Жанболатқызы Республикалық «Асыл мұра – 2023» ән-би байқауынан І-орынды қанжығасына байлаған. Сонымен қатар, «Ғұмырдария – 2021» халықаралық байқауынан С.Төлегенов пен Ескендір Ералы бас жүлдені, Нұрасыл Қансейіт ІІ-орынды иемденген. Сондай-ақ, Байкенже ауылында «Ырғақ» ән үйірмесімен қатар, «Дастан» домбыра үйірмесі мен «Бай өлке» әзіл-сықақ драма үйірмесі жұмыс жасайды.Жаңарық ауылдық клуб үйінің жанынан құрылған «Самғау» би үйірмесі үйірме 2010 жылдан бері жұмыс жасап келеді. Құрамында 16 бала бар. Жетекшісі Жадыра Ахметова. Үйірме оқушылары қатарынан облыстық «Бозторғай» сайысына қатысып жүлделі оралған. 2021 жылы VІ-Республикалық «Асыл мұра» ән-би байқауының «Би» жанрының І дәрежелі лауреаты атанған. Ал, 2023 жылы аудандық «Ең үздік би үйірмесі» сайысының І-орнын қанжығасына байлаған. Осы үйірмемен қатар, Жаңарықта «Үркер» домбыра үйірмесі мен «Вокал» ән үйірмесі жұмыс жасайды.&nbsp;Бесарық бекетіндегі клуб үйінде «Бауырсақ» қуыршақ үйірмесі 2016 жылдан бері қарай жұмыс жасап келеді. Үйірме шәкірттері өз кезегінде ауылдағы бала бақшаларды аралап, «Шалқан», «Қызыл телпек», «Алтын балық» ертегілерін сахналап жүр. Аптасына екі рет дәріс оқылатын үйірме құрамында бүгінде 10 дарынды бала тәлім алуда. Үйірме жетекшісі Роза Мәдиеваның тынымсыз еңбегінің арқасында үйірме ауданда үздік танылды. Олар ауданда ұйымдастырылған «Үздік драма үйірмесі – 2023» байқауынан І-орныды иемденген.Кейден ауылдық клуб үйі жанындағы директоры Балмұхамед Әбжаппаровтың ұйымдастырған «Күлеміз бе, қайтеміз?» драма үйірмесіне қосымша ауылдың дарынды балаларының басын қосқан, оқушылар арасынан көңілді тапқырлар клубы бүгінде көпке танымал. Құрамында 10 бала ойнайтын КТК тобы 2013 жылы құрылып, облыстық «Жас ұлан» балалар жайдаманынан ІІІ-орынды қанжығасына байлаған. Ауданнан 2023 жылы оқушылар арасындағы КТК ойындарынан І-орынды, 2022 жылы «Жазғы кубоктан» І-орынды, аймақтық «Жайдарман-2022» І-орынды жеңіп алған. Сонымен қатар құрамадағы оқушылар «Күлеміз бе, қайтеміз?» әзіл-сықақ отауының құрамында да өнер көрсетеді. Жаңарықта драма үйірмесімен қоса, «Көркем сөз» көркем сөз оқу үйірмесі, «Алтын дауыс» ән үйірмесі жұмыс жасайды.Қожакент ауылдық округінде клуб үйінің жанынан құрылған «Сырлы саз» домбыра үйірмесі де бірнеше жылдан бері жұмыс жасап келеді. Фархат Бакировтың жетекшілігіндегі үйірмеде 15 бала өнермен сусындауда. Үйірме аудандық «Жас таланттар» домбырашылар сайысынан І-орынды жеңіп алған. Сонымен қоса, Қармақшы ауданында өткен облыстық «Үздік домбыра үйірмешілері» сайысы мен аудандық Құрманғазы Сағырбайұлының 200 жылдығына арналған байқаудан жүлделі орын алды.Сонымен қатар, жасөспірімдердің қабілет-қарымын шыңдап, зейінін арттыру бүгінгі күннің өзекті мәселесі. Экононикасы дамыған озық елдің отыздығына енуді мақсат тұтқан еліміз жас өрендерді ерте жастан ғылымға, жаңа технологияға бейімдеуді үрдіске айналдыуда. Осы бағытты негізге алған аудандық оқушылар орталығында үйірме жұмыс істейді. Біз бүгін осы үйірме жетекшісі Дастан Қадыровты әңгімеге тарттық.<blockquote>– IT технопаркі бізде 2017 жылдан бастап робототехника үйірмесі жұмыс жасап келеді. Қазіргі заманауи жабдықтармен жабдықталған. Робототехника кабинеті LEGO mindstorms EV 3 жинақтарымен жабдықталған. Оның ішіндегі бөлшектер майда детальдары. Балалардың ойлау қабілетін, қолдын моторикасын дамытады. Бүгінде ауылдағы мектептерде де робототехника үйірмелері ашылуда. Бұрын қаланың білім ордаларында мұндай сабақтар жүргізілсе, енді ауыл балалары инновациялық игіліктерді меңгеруіне мүмкіндігі мол. IT технопаркінде 3 үйірме бар. Олар Smartlab, 3D әлемі, робототехника. Smartlab үйірмесінде балалар IT программалық тілдерді үйренеді. 3D әлемі 3 өлшемді сызба сызады. Жасаған сызба жұмыстарын 3D принтерімен шығарады.</blockquote><blockquote>Қазіргі таңда аудан орталығындағы мектептерден робототехника үйірмесіне 36 оқушы келіп дәріс алады. Шыны керек, күн өткен сайын балалардың қызығушылығы артып келеді. Техника құрастыру оңай емес. Оған уақыт, білім, күш-жігер қажет. Робототехника үйірмесінен қатысушылар математика, информатика, физика, ағылшын геометрия, пәніндегі формулалармен жан-жақты зерделі жұмыс істейді. Мәселен, олар математика пәнінен бір формула үйренсе үйірмеде сол формуланы пайдаланып тәжірибе жүзінде шындайды. Физикалық күш арқылы роботты, оның қимылын жасайды. Программалары көбіне ағылшын тілінде. Робот жасау арқылы балалардың ойлау қабілеті дамиды, теориялық ілімді тәжірибе жүзінде жүзеге асырады. Оқушылар 3 топқа бөлініп әр топта 12 оқушыдан болады. Олар роботты құрастыруды және бағдарламалау негіздерін үйренеді. Үйірмеге жас ерекшеліктеріне қарай 9 жастан жоғары жеткіншектерді, ал кейде ынтасы жақсы оқушыларды да қабылдаймыз. Мұнда олар роботтардың жеңілінен бастап күрделісіне дейін жасап шығады, – дейді.</blockquote>Оның сөзінше, оқушылары түрлі деңгейде робототехника бойынша облыстық, республикалық жарыстарда көзге түсіп жүлделі орындарды алып жүр. Әр бала өз қиялындағы еркін тақырыпта роботын қағазға түсіріп, оның бөлшектерін құрап, әрі бағдарламасын әзірлейді. Өзінің арнайы бағыттайтын датчиктері бар. Мәселен, бірі түсті ажыратады, екіншісі кедергіні ажыратып, үшіншісі бөлменің температурасын ажыратады. Тек құрастырып қана қоймай, компьютермен бағдарлама жазады. Жарыс болса жарыстың ережесіне сәйкес қылып жазады. Бұл процесс баланың шыдамдылық төзімділігімен қатар зейініңде арттырады. Робот баланың ойлау қабілетін жақсартып, өмірге деген қадамына сенімділік білдіреді. Соның нәтижесінде жас буынмен бірге еліміздің робототехника саласы да бой көтеруде. Адам өмірін жеңілдетуге арналған роботтарды күнделікті өмірде қолданатын уақыт та алыс емес. &nbsp;

Робототехника үйірмесінің үйретері көп

<a href="https://kyzylorda-news.kz/">Kyzylorda-news.kz.</a> &nbsp;Қазалы ауданы әкімі Мейрамбек Шермағанбеттің төрағалығымен аппарат мәжілісі өтті. Мәжілісте бірқатар маңызды мәселелер талқыланып, олардың орындалуы сөз болды.Жиынды бастамас бұрын Қазалы ауданы басшысы Мейрамбек Зинабдинұлы ең алдымен, орын алып жатқан кадрлық өзгерістерге тоқталды.<blockquote>- Қызылорда облысы бойынша Мемлекеттік кірістер департаменті басшысының 2024 жылғы 10 сәуірдегі №14 бұйрығымен Қазалы ауданы бойынша Мемлекеттік кірістер басқармасының басшысы болып, Ибраимов Мейрамбек Мұхтарұлы тағайындалды.</blockquote>Сондай-ақ, «Азаматтарға арналған үкімет Мемлекеттік корпорациясы» Қызылорда облысы бойынша филиалы директорының бұйрығымен Түктібаев Асылхан Өмірзақұлы Қызылорда облысындағы филиалының Қазалы аудандық бөлім басшысы лауазымына тағайындалды. Бұл бөлім қайта құрылып, біріктірілді. Мекеменің қарамағына Зейнетақы төлеу, Халыққа қызмет көрсету орталығы мен мүліктерді тіркеу, жер кадастры бойынша жұмыстар қарайды, - деген аудан әкімі жаңа басшылардың қызметіне сәттілік тіледі.Мұнан соң жоспарлы аппарат мәжілісінің күн тәртібіндегі бірінші мәселе - салық салу базасын ұлғайту және бюджетке қосымша кіріс көздерін қалыптастыру бағытында атқарылып жатқан жұмыстар туралы аудандық экономика және қаржы бөлімінің басшысы Әліби Әбиев хабарлама жасады.Осы орайда аудан әкімі ауылдық округ әкімдерімен бөлім басшыларына аудандық кірістер басқармасымен бірлесе отыра бірінші кезекте кәсіпкерлікті дамыту арқылы жұмыссыздықты азайтып, салық базасын ұлғайту мәселесі бойынша жүйелі жұмыс жасауды тапсырды. Сондай-ақ осы жұмыстарды жандандыру мақсатында құрылған арнайы жұмысшы топтың жұмысын күшейтіп, «Туған жерге тағзым» акциясы аясында сыртта жүрген кәсіпкер жерлестерді жергілікті жерге тіркету бойынша жұмыстарды жандандыру қажеттігін ескертті.Мәжілістің күн тәртібіндегі екінші мәселе - жергілікті тұрғындардың шамадан тыс төрт түлік малдарын қоғамдық, жайылымдық жерге жүктеме түсірмеу үшін елді мекеннен тысқары жерлерге шығару, олардың егістік алқаптарына түсуін алдын-алу үшін тұрғындар мен шаруа қожалық басшыларымен бірлесіп түсіндірме жұмыстарын жүргізіп, пада, кезек ұйымдастыру жұмыстарына қатысты - аудандық ауылшаруашылығы мен жер қатынастары бөлімінің басшысы Еркін Сейтов баяндады.Бұл бойынша да аудан әкімі малдарды ауыл-аймақтан тысқары жерлерге шығару, мал бастарын тіркеу тапсырмалары тек қағаз жүзінде қалып отырғандығын ескертіп, округ әкімдеріне нәтижелі жұмыс көрсету керектігін жеткізді.Мәжіліс соңында аудан әкімі күн тәртібінен түспейтін көктемгі санитарлық –тазалық мәселесіне де тоқталып өтті. Осы орайда Мемлекет басшысының бастамасымен еліміз бойынша жүзеге асып жатқан тазалық акциясына белсене атсалысып, туған жердің тазалығына аудан тұрғындарымен бірлесе жұмыс жасауға шақырды. Сонымен қатар Әйтеке би кентіндегі жеті аймақ бойынша жүргізіліп жатқан тазалық жұмыстарындағы кемшіліктерге де тоқталып, аталған кемшіліктерді қалпына келтіріп, дереу тазалық жұмыстарын жүйелі жүргізуді тапсырды.

Мейрамбек Шермағанбет: Әрбір берілген тапсырмадан оң нәтиже шығуы тиіс

<a href="https://kyzylorda-news.kz/">Kyzylorda-news.kz.</a> Еліміздің батыс аймақтарында орын алған су тасқынына байланысты біздің өңірімізден жан-жақты көмек көрсетілуде. Су тасқыны орын алған күннен бастап, зардап шеккен аймақтарға Қазалы жұртшылығы азық-түлік және басқа да қажетті затар тиелген жүк көліктерін жіберуде. Бірер күн бұрын облыс әкімі Нұрлыбек Нәлібаевтың тапсырмасына сәйкес Қазалы ауданынан су тасқыны орын алған аймақтарға көмек көрсету мақсатында арнайы техникалар да аттанған болатын.Бүгінгі таңда, су тасқынынан зардап шеккен өңірлерде мектептердегі оқу процесін қалыпқа келтіруге бағытталған ауқымды шаралар қолға алынуда.Осыған орай, Батыс Қазақстан облысынан оқушыларды оңтүстік өңірлерге уақытша қоныс аудартып, білім беру процестерін жалғастыру жұмыстары жүргізілуде.Күні кеше Қазалы ауданы әкімінің орынбасары Дәурен Тлеумбетов пен Қазалы аудандық білім бөлімінің басшысы Әділхан Жөлекешов бастаған азаматтар Қазалы теміржол вокзалынан оңтүстік өңірлерге уақытша қоныс аударып жатқан 103 оқушыны күтіп алды. Балаларды Арал ауданына қарасты Қамыстыбас ауылдық округі аумағында орналасқан «Қамбаш» олимпиадалар және қосымша білім беру орталығына жеткізді.Ендігі балаларға орталықта он күн бойы барлық қажетті жағдайлар жасалып, офлайн оқу процесі, бос уақыттарын тиімді пайдалану мақсатында түрлі спорттық, шығармашылық іс-шаралар ұйымдастырылмақ.

Қазалылықтар батыс аймақтан келген оқушыларды күтіп алды

<a href="https://kyzylorda-news.kz/">Kyzylorda-news.kz.</a> 16 сәуір күні «Orda» жоғары колледжі базасында «Табиғатты аяла» республикалық жас өлкетанушылар, экологтар мен табиғат зерттеушілерінің облыстық форумы өткізілді. Балаларға жас күнінен табиғатты аялауға бағытталған бұл байқаудың ұйымдастырылып жатқанына да бірнеше жыл болды. Табиғат зерттеушілерінің облыстық форумында қармақшылық оқушылар озаттар қатарынан табылдыБілім алушыларды табиғатты қорғау қызметіне тарту, экологиялық мәдениетті және туған өлке табиғатына экологиялық бағдарланған қатынасты тәрбиелеу мақсатында өткізілген байқауға Қармақшы ауданы бойынша білім беру ұйымдарынан оқушылар бақ сынап қатысқан болатын. Аймақтан келген жас өлкетанушылар өз зерттеулерін көрсетті. Байқау нәтижесінде «Жасыл мектеп» номинациясы – зерттеу жобаларының байқауы бойынша болашаққа көзқарас – экологиялық білім беру жобалары, волонтерлік жобалар және қоғамдық ұйымдардың іс-шаралары бойынша Қармақшы ауданы, №183 мектеп оқушысы Сүлеймен Әлхамидулила ІІ дәрежелі дипломды қанжығасына байлады. Ал жүлделі ІІІ орынға Қармақшы ауданы, №273 мектеп оқушысы Диар Шылмырзаев жайғасты. Жүлдегер атанған жас өлкетанушылар арнайы дипломмен марапатталды. Қармақшы ауданындағы №113 мектеп оқушылары Нұрлы Төлеуова алғыс хатқа ие болды.&nbsp; &nbsp;

Табиғат зерттеушілерінің облыстық форумы өтті 

<a href="https://kyzylorda-news.kz/">Kyzylorda-news.kz.</a> &nbsp;Еліміздің әр өңірінде &nbsp; &nbsp;бәйгеден Қазақстан чемпионатының іріктеу кезеңдері өтіп жатыр. Қызылордада 20-сәуірде өтеді деп жоспарланған.Шабандоздар Құнан бәйге, Топ бәйге, Аламан бәйге бойынша додада бақ сынамақ. Бәйгенің жүлде қоры да қомақты екенін айта кетейік. Бұл туралы Өңірлік коммуникациялар қызметінде өткен брифингте &nbsp;облыстық дене шынықтыру, спорт және туризм басқармасының басшысы &nbsp;Жанмұрат Сейілов &nbsp;айтты.<blockquote>&nbsp; – 20 сәуірде сағат 12:00-де Қызылорда ипподромында бәйгеден Қазақстан республикасының чемпионаты – OLIMPBET-тің ІІІ іріктеу кезеңі өтеді. Үздіктерден үздік шабандоздар Құнан бәйге, Топ бәйге және Аламан бәйге бойынша додада өз шеберліктерін көрсетеді. Сондай-ақ &nbsp;қыз-келіншектер арасында «Ұлттық сезім» ұлттық киімдер байқауы өтеді. Оның жүлде қоры 1&nbsp;500&nbsp;000 теңге. Бұл еліміздің сұлуларына ұлттық киім бойынша өзіндік стилі мен сұлулығын көрсетуге тамаша мүмкіндік. Бір айта кетерлігі, чемпионаттың бас серіктесі – OLIMPBET көрермендер үшін жалпы сомасы 3&nbsp;000&nbsp;000 теңгені құрайтын жүлделер ұтыс ойынын өткізеді, – деді &nbsp;Жанмұрат Жақсымұратұлы. &nbsp;</blockquote>Жүзден жүйрік деп танылған сәйгүліктер ең соңында Астана қаласында өтетін финалдық додаға қатысады.Камилла САҒЫНДЫҚОВА,Қорқыт ата атындағы Қызылорда университетініңІІ курс студенті

Қызылордада  бәйгеден Қазақстан чемпионаты өтеді

&nbsp;<a href="https://kyzylorda-news.kz/">Kyzylorda-news.kz.</a> Мемлекет басшысы 05 сәуір 2023 жылғы «Қазақстан Республикасының кейбір заңнамалық актілеріне жер қатынастары саласындағы мемлекеттік көрсетілетін қызметтерді цифрландыру мәселелері бойынша өзгерістер мен толықтырулар енгізу туралы» Заңға қол қойды. 2023 жылдың 1 шілдесінен бастап Қазақстанда жылжымайтын мүлікті тіркеудің жаңа ережелері күшіне енді. Бұл өзгерістер жылжымайтын мүлікке құқықтарды құқықтық кадастрда жүйелі тіркеуге қатысты болмақ. Оған мемлекеттік &nbsp;жер кадастрының автоматтандырылған ақпараттық жүйесі базаларының бірлестігі көзделген бірыңғай мемлекеттік жылжымайтын мүліктің кадастры жүйесі енгізіледі. Бұл туралы Қызылорда облысының Әділет департаменттің бас маманы А.Алибекова кеңінен баяндады.&nbsp;Бірыңғай мемлекеттік жылжымайтын &nbsp;мүліктің кадастрында жер учаскелерін ұсынудан бастап жылжымайтын мүлік объектілеріне барлық құжаттарды рәсімдеумен &nbsp;аяқтай отырып, &nbsp;барлық қызметтерді көрсету көзделген.Яғни жер мен жылжымайтын мүлікті есепке алу жүйесі біріктірілген.Енді мемлекеттік акті мен техникалық паспорт біріктіріліп, орнына бірыңғай кадастрлық паспорт қолданылады. Жүйенің басты ерекшеліктері артық құжаттар &nbsp;талап етілмейді /талдау актісі, жерге орналастыру жобасы, комиссия &nbsp;хаттамасы/.Осы заңмен «Жылжымайтын мүліктің кадастрлық паспорты» ұғымы енгізілді, бұрын жер учаскесін акт және жылжымайтын мүлік объектісінің техникалық паспорты болған, енді осының бәрі жылжымайтын мүліктің кадастрлық паспортына біріктірілген. Бұл электронды түрде жасалады, ол құжат айналымын жеңілдетеді. Және алу мерзімі де қысқарады.Кадастрлық паспорттың электрондық форматында қосымша мәліметтер енгізіледі, &nbsp;жер учаскелерін нақтылау және аймақтарға бөлу көзделген. Сонымен қатар, &nbsp;заңда жер учаскесі туралы жан жақты ақпараттар алуға болатын жер, ресурстық және қала құрылысы кадастрлары мәліметтерінің болуын көздейтін жария цифрлық карта енгізіледі. Жер учаскелерін беру &nbsp;тәртібі – электрондық тәптіп және электрондық аукциондар мен конкурстар өзгеруде. Енді конкурстар мен аукциондар &nbsp;электрондық форматқа көшеді.Мұнан басқа жер учаскелері электрондық нысанда берілетін болады. Жер учаскелерін бер тәртібін көздейтін Жер кодексінің 44-2 бабы &nbsp;енгізіледі. Жер учаскелеріне &nbsp;құқық беру мерзімі де өзгереді.Тек жылжымайтын мүлікті шілдеден бастап рәсімдегенде немесе қайта тіркегенде ғана жаңа құжат алатын болады. Жер учаскелері жай ақпарат та қол жетімді болады, азаматтар egov.kz порталы арқылы бос жер телемдері жайлы мәлімет алып, аукционда сатып ала алады. Жеке тұрғын үй құрылыс үшін &nbsp;кезекте тұрған азаматтар да жер телімін жаңа цифрлық жүйе арқылы рәсімдей алатын болады.Жер учаскелерін беру жөніндегі қызметтерді цифрландыру мәселесіне енгізілген өзгерістер жер қатынастарындағы сыбайлас жемқорлық көріністеріне кедергі келтіреді, мерзімдерді қысқартады, құжат айналымын жеңілдетеді.Заңға енгізілген өзгерістер жер учаскелерін беруде ашықтықты жүзеге асырады. &nbsp;Фото: turaninfo.kz

Тұрғын үйге арналған жаңа құжат – кадастрлық паспорт

<a href="https://kyzylorda-news.kz/">Kyzylorda-news.kz.</a>&nbsp; Елімізде биыл 10 облыста бірдей төтенше жағдай жарияланып, отандастарымыз су тасқыны салдарынан зардап шегуде. Су тасқыны болған аймақтарға еліміздің барлық облыстарынан қаржылай, гуманитарлық, тұрмыстық-техникалық көмек жөнелтілуде. Қызылорда облысы да бұл бастамалардан шет қалған жоқ. Түрлі көрсетілген көмектің аясында кәсіпкерлер де өз үлесін қосып жатыр. &nbsp;Қызылорда облысы кәсіпкерлер палатасының Өңірлік кеңес мүшелері Кеңес төрағасы Ерлан Раимовтың бастамасымен алғашқылардың бірі болып су тасқынынан зардап шеккен аймақтарға қаржылай қолдау білдірді. &nbsp;Сонымен бірге, Қызылорда облысы кәсіпкерлер палатасының «Іскер әйелдер кеңесі» мүшелері кеңес төрағасы Наталья Мишукованың бастамасымен су тасқынынан зардап шеккен Батыс Қазақстан облысына материалдық қолдау білдірді. Аталған қаржы резеңке қайық, етік және еріктілерге азық-түлік алуға жұмсалды. Сонымен қатар, Наталья ханым Қазақстандық үздіксіз білім беру қауымдастығы Қызылорда облыстық филиалының төрайымы ретінде де барлық өңірлерде көтеріліп жатқан бастамаға қосылып, қауымдастықпен бірге Ақтөбе облысына қаржы аударды.Қызылорда облысы кәсіпкерлер палатасының Өңірлік кеңес мүшесі, Q-MED желісінің негізін қалаушы Раушан Базарбай ұжымымен бірге төтенше жағдай жарияланған аймақтарға мың дана медициналық дәрі-дәрмек пен алғашқы медициналық көмек көрсетуге арналған құрал жабдықтар жиынтығын, жалпы құны 4 млн 570 мың тұратын гуманитарлық жүк жіберді.Сондай-ақ, Өңірлік кеңес мүшелері, «Абай Дәулет» ЖШС басшысы Мұрат Сәрсенбаев қауіпті аймақтарға, дәлірек айтсақ Ақтөбе облысы, Ойыл ауданының тұрғындарына 20 тонна жем-шөп және Қызылорда қаласынан батыс өңірлерге аттанған 10 жүк көлігімен бірге тағы да 20 тонна жем-шөп пен азық-түлік жіберсе, «КВАНТ» ЖШС директоры Жаңабай Бекішев құтқару жұмыстарына қажетті құрал-саймандар мен қаржылай көмек және «Ақтөбе және К» ЖШС директоры Нұрлан Іздібаев 3 тонна күріш жіберді.&nbsp;Жас кәсіпкер Дәулет Ізбасарұлы өзінің ЖК «Әділет» ұжымымен бірге азық-түлік және өздерінен шығарылатын сабын мен кір жуғыш ұнтағының бір күндік өнімін Ақтөбе облысына жөнелтті. &nbsp;Қазіргі таңда, палатаға орта және шағын кәсіп иелері өз мүмкіндіктерінше көмек көрсеткісі келетінін айтып, хабарласуда.Айта кету керек, өңіріміздің уран өндірісімен айналысатын бетке ұстар ірі компаниялары облыс әкімдігінің бастамасымен су тасқынынан зардап шеккен аймақтарға 100-ден аса техника жөнелтті.&nbsp;&nbsp;

Қызылордалық кәсіпкерлер су тасқынынан зардап шеккен  халыққа көмек беріп жатыр 

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің “Құқықтану” білім беру бағдарламаларының студенттері Мұрат Әлішер, Тынымбай Шыңғысхан "Қылмыстық сот өндірісіндегі тараптардың теңдігі және сайысушылығы қағидатын сотқа дейін жүзеге асырудың өзекті мәселелері" тақырыбындағы халықаралық студенттердің ғылыми-практикалық конференцияға қатысты.&nbsp;Конференцияны Қырғызстан Республикасы Ж.Баласағұн атындағы Қырғыз ұлттық университетінің Құқықтану институтының “Қылмыстық іс жүргізу және сот сараптамасы” кафедрасы ұйымдастырған.Онда білім алушылар Қазақстан Республикасының қылмыстық сотқа дейінгі өндіріс кезіндегі өзекті мәселелері жөнінде баяндама жасады. Конференция қорытындысы бойынша 3 курс студенті Мұрат Әлішер III орынмен марапатталды.<blockquote>− Бұл мен үшін үлкен тәжірибе алаңы болды. Себебі, өзге елдің заңы, тәртібін біле отырып, өзіме керегін алдым. Сондай-ақ, бұл жеңіс менің ғана емес, маған қолдау білдірген оқу ордамның, мені білім нәрімен сусындатып, мамандығымның қыр-сырын үйретіп, өмірге бағыттаған ұстаздар мен жетекшімнің арқасы. Өте қуаныштымын, алдағы уақытта да жоғары көрсеткіштерді көрсететін боламын, − деді ол. &nbsp;</blockquote>

Қызылордалық студенттер Қырғызстаннан жүлдемен оралды

<a href="https://kyzylorda-news.kz/">Kyzylorda-news.kz.</a> «Ғылым және ғарыш» стелласында жастар мен ардагерлер арасындағы велосипед спортынан Қазақстан Республикасы чемпионаты қорытындыланып жабылу салтанаты өтті.Шарада Қызылорда облысының әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қ. Нұртай, Байқоңыр қаласы әкімшілігі басшысы К. Бусыгин қаламызда алғаш рет өткізілген чемпионаттың бұқаралық спортты одан әрі дамытуда, жастар арасында спортпен шұғылдануды насихаттауда алатын ерекше орнын атап өтіп, ұйымдастыру алқасына және төрешілерге алғыс хаттар табыстады.Көпкүндік чемпионат нәтижесінде 1-орынды Солтүстік Қазақстан облысының командасы иеленсе, 2-орынды Алматы қаласының командасы қанжығасына байлады. Ал 3-орын Астана қаласының командасына бұйырды.Айта кетейік, 12-16 сәуір аралығында Байқоңыр қаласы мен ғарыш айлағында тас жолдан жастар және «Masters» ардагерлері арасында 5 этаптан тұратын велосипед спортынан чемпионат өтті. Чемпионатқа елімізде 15 команда, көршілес Ресейден, Қырғызстаннан және еліміздің әр өңірінен 200-ге жуық спортшылар қатысты. Спортшылар велоспортының олимпиадалық: топтық, жеке жарыс, олимпиадалық емес түрлері: критериум, командалық жарыстан тартыстан додаға түсті. Чемпионат соңында жасөспірімдер арасындағы «Жалпы классификация» мен «Командалық есеп» жеңімпаздары мен жүлдегерлері марапатталды. Фото: © Panoramic / ZUMA Press / Global Look Press

Қазақстан және Қызылорда облысының жаңалықтары