<a href="https://kyzylorda-news.kz/">Kyzylorda-news.kz.</a> Өз әйелін өлтірді деп айыпталған Бишімбаевқа қатысты кезекті сот отырысында судья Айжан Көлбаева айыпталушының адвокаттары ұсынған ресейлік сарапшылардың қорытындысын іске қоспады. Бұл туралы&nbsp;<a href="https://stan.kz/bishimbaev-isi-reseylik-sarapshilardin-koritindisi-iske-398638/">Stan.kz&nbsp;</a>ақпарат агенттігі хабарлайды.16 сәуірде өткен сот отырысында Бишімбаевтың адвокаты Құсайынова Мәскеу қаласындағы «Н.И.Пирогов атындағы Ресей ұлттық зерттеу медициналық университетінің» ресейлік сот-медициналық&nbsp;сарапшыларының қорытындысын баяндаған еді.Алайда жәбірленуші тарап пен мемлекеттік айыптаушы бұл сараптаманың жалған құжат екенін және түрлі заңбұзушылықтармен рәсімделгенін мәлімдеді. Дәлірек айтқанда, ол маманның өзі&nbsp;Ақтөбеде, ал Рамазанова Астанада болған.Сонымен қатар мемлекеттік айыптаушы Айжан Аймағанова&nbsp;сарапшылар мәйітті көрмей қашықтан сараптама жасай алмайтынын, тек Тахир Халимназаров сияқты қосымша толықтыру енгізе алатынын мәлімдеді.“Сараптама сарапшылардың құзіретінен тыс жасалған. Сарапшы гистология және нейрохирургия маманы болмаса да, сол салаға қатысты қорытынды шығарған. Бұл сараптама қорытындысын заңсыз деп танимыз”, –&nbsp;деді судья Айжан Көлбаева.Судья прокурор мен жәбірленуші тараптың өтінішін қанағаттандырып, ресейлік маманның қорытындысын іске қоспау туралы шешім шығарды.Сурет: Stan.kz

 Ресейлік сарапшылардың қорытындысы қылмыстық іске қосылмайтын болды

<a href="https://kyzylorda-news.kz/">Kyzylorda-news.kz.</a> &nbsp; Қырғызстанда танымал TikTok желісі бұғатталады. Қырғызстанның цифрлық даму министрлігі жанындағы байланыс саласындағы реттеу және қадағалау қызметі елдің барлық интернет-провайдерлеріне тиісті өкім жолдады, деп хабарлайды <a href="https://kaz.zakon.kz/alem/6041236-yryzstanda-TikTok-battalady.html">Zakon.kz.</a>Министрліктің Vesti.kg-ге берген ақпаратына сай, бұл шаралар Қырғызстанның Ұлттық қауіпсіздік мемлекеттік комитетінің хаты негізінде қабылданды."Шешім шығаруға TikTok тарапынан "балалардың денсаулығына, олардың физикалық, интеллектуалдық, психикалық, рухани және адамгершілік дамуына зиян келтірудің алдын алу жөніндегі шаралар туралы" Қырғыз Республикасының Заңын сақтамау негіз болды. Заңда Балалардың денсаулығы мен дамуына зиян келтіретін ақпарат түрлері анықталған", - делінген ведомство хабарламасында.Сурет: pixabay

Қырғызстанда TikTok бұғатталады

&nbsp;<a href="https://kyzylorda-news.kz/">Kyzylorda-news.kz.</a>&nbsp;Облыс әкімі Нұрлыбек Нәлібаевтың қатысуымен Қызылорда музыкалық колледжінің жаңа ғимаратының іргетасын қалау рәсімі өтті. Іс-шараға «Саутс Ойл» компаниясының вице-президенті Серік Мырзабеков, &nbsp;Қазақстанның еңбек сіңірген қайраткері, жырау Алмас Алматов қатысты.Аймақ басшысы жиналған жұртшылықты жаңа нысан құрылысының басталуымен құттықтады.<blockquote>«Мемлекет басшысы Қасым-Жомарт Кемелұлы Ұлттық құрылтайдың «Адал адам – Адал еңбек – Адал табыс» атты үшінші отырысында «Мен Мемлекет басшысы ретінде азаматтардың, әсіресе, жастардың көзі ашық, дүниетанымы кең болғанын қалаймын» – деп атап өтті. Балаларға тәлімді тәрбие мен лайықты білім беруде баршамыздың ұстанымымыз бір, мүддеміз ортақ. Ол – туған елін шексіз сүйетін, өз ісіне адал, ізгілікті ұрпақ тәрбиелеу.Музыкалық колледждің қала орталығындағы қазіргі ғимаратының тозығы жеткен, заман талаптарына сай келмейді. Бұл проблеманы өнерпаздар да көптен бері көтеріп келеді. Ескірген ғимарат небәрі 350 орындық, ал онда оқитындар саны, жастардың музыкалық білім алуға сұранысы жыл сайын артуда. Осы жағдайды ескеріп, өткен жылдың соңында «Саутс Ойл» компаниясымен музыкалық колледжге арнап сол жағалаудан 650 орындық жаңа ғимарат салу туралы келісімге қол қойдық. Бірлескен игі іс жалғасын тауып, бүгін, міне, жаңа ғимараттың іргетасын қалаймыз. Жаңа нысан білім мен мәдениеттің ордасына айналып, шығармашыл жастардың өнерін шыңдауға жан-жақты мүмкіндік жасайтын болады», – деді Нұрлыбек Машбекұлы.</blockquote>Іс-шарада «Саутс Ойл» ЖШС вице-президенті Серік Мырзабеков пен музыкант, Мәдениет қайраткері Кеулімжай Ботабаев қызылордалықтарды құттықтап, ізгі лебіз білдірді.Үш қабатты ғимарат 650 орынға арналған, құрылыс жұмыстары тамыз айында аяқталады деп жоспарлануда. Жобаның жалпы құны 4,8 млрд теңге, бас мердігер – «Интегрострой» &nbsp;ЖШС.Айта кетейік, Мемлекет басшысы және Үкіметтің Сыр өңіріне жан-жақты қолдауының нәтижесінде аймақта бүгінгі күні ауқымды жобалар жүзеге асырылуда. «Жайлы мектеп» ұлттық жобасы аясында өңірде 12 300 орынға лайықталған 21 мектеп салынуда. Өткен жылы 10 мектептің құрылысы басталса, биыл тағы 11 мектептің іргетасы қалануда. Сол жағалаудағы «Білімді қолдау қорының» қаржысына бой көтерген, құны 7 млрд. 900 млн. теңгені құрайтын дарынды балаларға арналған 300 орындық жатахқанасы бар 400 орындық физика-математика бағытындағы мектеп-интернат тамыз айында аяқталып, жаңа оқу жылында пайдалануға беріледі.«ҚазГерМұнай» компаниясының демеушілігімен 2 млрд. 350 млн. теңгеге заманауи үлгідегі 350 орындық Оқушылар сарайының құрылысы қарқынды жүруде. Бұл ғимарат та тамыз айында тапсырылады.Мемлекет басшысының «Елімізде кем дегенде 3 жоғары оқу орны жасанды интеллект саласымен айналысуы керек» деген тапсырмасына сәйкес Қорқыт Ата университеті базасында Корея Республикасы Сеул ұлттық ғылым және технологиялар университетінің Жасанды интеллект және информатика жоғары мектебі құрылды. Облыс орталығында «Шығармашылық академиясы», екі ауданда Оқушылар үйі мен Өнер мектептерінің құрылысы салынады.Биыл өңірімізде «Руханият жылы» жарияланды. Наурыз айында Қызылорда қаласынан сәні мен сәулеті келіскен 1000 орындық «Өнер орталығы» ашылды. Одан бөлек, ауылдар мен елді мекендерде бірнеше мәдениет үйлері мен спорт кешендерінің құрылысы жүргізіліп, ел игілігіне табысталды.Бұған дейін облыстық филармонияның құрамында ұлт аспаптар оркестрі, камералық оркестр болған. Көрерменнің жоғары талғамына сай концерттерді кәсіби әрі жанды дауыста ұсыну үшін симфония оркестрі құрылды. Мүмкіндігі шектеулі өнерпаздардың шығармашылығын шыңдап, өнерін насихаттауға арналған Инклюзивті театр үйірмесі, Жастар театры өз алдына кәсіби ұжым болып өнер көрсетуде. Жыраулар үйі ашылып, сөз бен жыр құдіретін сыйлайтын халықтың көз қуанышына айналды.Қазіргі уақытта барлық ауданда неке қию залы, кітапхана, музей, архив, жастар сарайы, ардагерлер мен аналар үйінің басын біріктіретін, құны 11 млрд. 500 млн. теңгені құрайтын «Руханият» орталықтары салынуда.<img src="https://knadmin.beoblood.kz/uploads/FB_IMG_1713340843413_6a3315fa77.jpg" alt="FB_IMG_1713340843413.jpg"><img src="https://knadmin.beoblood.kz/uploads/FB_IMG_1713340835064_d8f5753609.jpg" alt="FB_IMG_1713340835064.jpg"><img src="https://knadmin.beoblood.kz/uploads/FB_IMG_1713340846402_bb31e47567.jpg" alt="FB_IMG_1713340846402.jpg"><img src="https://knadmin.beoblood.kz/uploads/FB_IMG_1713340838998_bcedc4a394.jpg" alt="FB_IMG_1713340838998.jpg">

Қызылорда музыкалық колледжінің жаңа ғимаратының іргетасы қаланды 

&nbsp;<a href="https://kyzylorda-news.kz/">Kyzylorda-news.kz.</a>&nbsp; Ел тарихындағы құнды жазба деректерді жинастырып сақтау ісіне әуелгі замандардан бері мемлекеттік деңгейде мән беріліп келеді. Аудынымыздың өткен тарихын көз алдымызға келтіріп, болашаққа қызмет жасайтын мекеме ол – архив. Архивтің ел өмірінде алар орны ерекше. Ол – адамның, қоғамның және мемлекеттің басқару қызметінің сенімді серігі, керек деректі дер кезінде жинақтап, ақпаратты сақтаушы, жеткізуші мекеме. Құжатсыз архив жоқ, архивсіз тарих жоқ, тарихсыз халық жоқ.Бүгінде архив құжаттарын цифрландыру заман талабына айналып отыр. Техника қарыштап дамыған заманда құжаттарды электрондық құжатқа айналдыру қарқынмен дамып келеді. Бүгінде бұл құрал елімізде халыққа қызмет көрсету саласында ерекше орны бар. Қазір бұл үрдіс архив саласында өзінің оң шешімін табуда. 2013 жылдан бастап «Қармақшы аудандық архиві» филиалының қор сақтау қоймасында тұрған архивтік құжаттарды цифрлық форматқа көшіру жұмыстары жүргізу жұмысы басталған болатын. Арнайы штат ашылып, жас маман ретінде Кенже Қайратбекова жұмысқа қабылданады. Бүгінде ол аталған мекемеде ақпараттық технологиялар жөніндегі инспектор қызметі атқарады.&nbsp;Архив қорында сақталған құжаттар – тарихтың қайнар бұлағы, сол себепті де тарихи сананы жаңғыртуда бұл құжаттардың алатын орны зор. Тарих негізінен деректілік пен нақтылықты, шындық пен әділдікті ғана мойындайды. Ал мұндай нақтылық пен деректілектің қайнар көзі – ол архив қорларында. Сан-саланы қамтитын бұл мекеменің атқарар қызметі де көп.<blockquote>– Архив қызметінің негізгі бағыты – халықтың құжаттық негіздегі жадысы мен естелігін сақтау болып табылады. Архивтік құжаттарды цифрландырудағы түпкі мақсаты құжаттардың түпнұсқаларын бүлдірмей, сол қалпында сақтау және тұтынушыларға жылдам әрі сапалы қызмет көрсету. Өйткені архивтік құжаттарды сақтау және пайдалану барысында құжаттардың тозуы, мәтінінің жойылуы жиі кездеседі. Ақпараттың көптігінен қажетті құжатты қағаз жүзінде іздеп табу көп уақытты алады. Осы мәселелерді шешудің ең тиімді тәсілі – құжаттарды цифрлық форматқа көшіру және электронды архив құру. Өзім IT маманы болғандықтан осы саладағы болып жатқан өзгерістерге, қазіргі қарқынды дамып жатқан жасанды интелект саласына қызығушылық танытамын. Жұмысымды жақсы көремін, – дейді кейіпкеріміз.&nbsp;</blockquote>Қазіргі таңда аудандық архив бөлімінде құжаттарды цифрлық форматқа өткізу үшін арнайы жылдамдығы жоғары Canonimage FORMULA DR-M1060 және Avision AD8120UN маркалы сканерлермен жұмыс істеп тұр. Жоспар бойынша бұл сканерлердің көмегімен күніне 650 парақтан, жылына 143000 парақ цифрлық форматқа өткізіледі екен. Осы уақытқа дейін аудандық архивтегі 142 қордың 25 қорынан 9983 сақтау бірлігі, оның 1 206098 парақ цифрлық форматқа көшірілген.&nbsp;<blockquote>– Бүгінде еліміздің барлық архивтеріне мемлекеттік сақтаудағы құжаттар цифрлық форматқа көшірілуде. Бұл дегеніміз цифрландыру жүйесінің архив саласында мамандарға уақыт үнемдеуге, құжаттардың түпнұсқалылығын сақтауға, сұраныс берушілерге қол жетімділікті арттыруда тигізетін пайдасы зор құрал болып табылады, – дейді білікті маман.&nbsp;</blockquote>Кенже Қайратбекқызы Қызылорда қаласының тумасы. Ол Қызылорда қаласындағы Қорқыт Ата атындағы Қызылорда университетін «Ақпараттық жүйелер» мамандығы ойынша білім алған. 2013 жылы қармақшылық жігітке тұрмысқа шығып, Аяғановтар әулетіне келін болып түседі. Осы жылдан бастап аудандық архив мекемесінде еңбек жолын бастайды. Білікті маманның әр жылғы еңбегінің арқасында марапат төрінен көрініп отырады. Атап айтар болсақ, Қызылорда облыстық ішкі саясат басқармасының «Қоғамдық келісім» КММ-нің «Қызылорда облысының мемлекеттік архиві» басшысының, ауданының әкімі мен аудандық архив филиалының басшысының алғыс хатымен марапатталған. Жолдасы Нұржан Аяғанов осы мекемесінің ІІ санатты архивисті қызметінде. Бүгінде екеуі 2 қыз, 2 ұл өсіріп отырған көпбалалы жанұя.&nbsp;<blockquote>– Отбасында бірінші кезекке балаларымның тәрбиесін қоямын. Себебі ұрпақ тәрбиесі – ұлт болашағы. Төрт баланың анасы болғандықтан, тәрбиеге бей-жай қарай алмаймын. Бос уақытымда олардың тәрбиесі мен біліміне көбірек көңіл бөлгенді дұрыс көремін, – дейді ол.</blockquote>&nbsp;

 Кенже Қайратбекова: Күніне 650 парақ цифрлы форматқа көшіріледі

Аралдық егіншілер еңбекке кірісті

<a href="https://kyzylorda-news.kz/">Kyzylorda-news.kz.</a> &nbsp;Облыс әкімі Нұрлыбек Нәлібаев Қызылорда қаласына қарасты Баймұрат батыр ауылындағы ауысымына 25 келушіге арналған дәрігерлік амбулаторияның ашылу рәсіміне қатысты.Аймақ басшысы ауыл тұрғындарын жаңа нысанның пайдалануға берілуімен құттықтап, денсаулық сақтау саласындағы келелі істерге тоқталды.«Мемлекет басшысы Қасым-Жомарт Кемелұлы денсаулық сақтау саласына айрықша көңіл бөліп, халыққа арнаған Жолдауында «Ұлт саулығы жақсы болса ғана, қоғам орнықты дамиды» деген еді. Өздеріңіз білесіздер, көпбейінді облыстық аурухана базасындағы магнитті-резонанстық томография, яғни МРТ аппараты бұзылып, 2016 жылдан бері осы құрал-жабдық болмады. Біз бұл мәселенің шешімін табу үшін бюджеттен қаржы бөліп, биыл 646 млн теңгеге аталған аппаратты алдық. Облыстық перинаталдық орталықтың жүктемесін азайту, жас аналардың медициналық көмекке қолжетімділігін арттыру үшін 1 млрд теңгеге 70 орындық перинаталдық бөлім жасақталды. Бұл – халық денсаулығын жақсарту бағытындағы жұмыстардың бір бөлігі ғана», – деді Нұрлыбек Машбекұлы.Іс-шарада Денсаулық сақтау ісінің үздігі Тұрғанбай Маханов жерлестерін құттықтап, игі тілегін білдірді. Сондай-ақ, мердігер мекеме өкілдері мен ауыл азаматтары марапатқа ие болды.Айта кетейік, амбулатория құрылысын «Бақ-Береке – 2030» ЖШС салды. Құрылыс өткен жылдың шілде айында «Ауыл – ел бесігі» бағдарламасы шеңберінде басталған. Амбулаторияда 9 қызметкер, яғни, 1 дәрігер, 5 орта буын және 1 кіші буын медициналық қызметкер, 2 техникалық қызметкер бар. Дәл осы бағдарламамен өткен жылдың қыркүйек айында Қызылорда қаласы Досан елді мекеніндегі медициналық бекет іске қосылды.Өңірдің медицина саласында жаңа, ауқымды жобалар жүзеге асуда. Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында құны 11 млрд теңгені құрайтын 27 нысан салынуда. Өткен жылы елді мекендерде 15 жаңа дәрігерлік амбулатория, 1 медициналық бекет ел игілігіне табысталды. Биыл қалған 11 нысан және 1 ауылдық аурухана, Арал, Қазалы, Шиелі, Жаңақорған ауданаралық көпбейінді ауруханалары жанынан қосымша құрылыстар салынады.Қызылорда қаласында 36 млрд 400 млн теңгеге бір ауысымда 100 келушіге арналған емхана және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд 900 млн теңгені құрайтын Қан орталығы Медицина қызметкерлері күні қарсаңында пайдалануға беріледі.2022 жылы облыстық медициналық жедел жәрдем стансасына 45 жедел жәрдем көлігі алынып, 100 пайыз автокөлікпен қамтамасыз етілді. Өткен жылы денсаулық сақтау ұйымдарына 512,5 млн теңгеге 25 жаңа санитарлық автокөлік табысталды. Облыс тұрғындарының сұранысына сәйкес биыл барлық елді мекендердегі денсаулық сақтау ұйымдарына 200 санитарлық автокөлік алынады.Өткен жылы 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылды. Бұл жұмыстарға 3 млрд 700 млн теңге қаралды. Жақын күндері Жаңақорған ауданындағы көпбейінді аудандық орталық аурухана базасында «Қамқорлық» оңалту орталығы жұмысын бастайды.Медицина саласын дамытуға бюджеттен тыс ресурстар да тартылуда. «Қазақстан халқына» қоғамдық қоры соңғы екі жылда Сыр өңірінің әлеуметтік саласына 4 млрд теңгеге жуық қаржы бөліп, оның 2 млрд теңгесі денсаулық сақтау саласына бағытталды. Бұл қаржыға облыстық балалар ауруханасы базасында «Қамқорлық» реабилитациялық орталығы ашылып, қымбат дәрі-дәрмек, 1 млрд 100 млн теңгенің онкологиялық скрининг жүргізуге арналған жылжымалы медициналық кешені алынды. Мұндай жылжымалы кешен еліміздегі 3 облыста ғана бар. Бүгінде аталған кешен аудандар мен шалғай елді мекен тұрғындарын медициналық тексеруден өткізуде.Биыл қызылордалық дәрігерлер шет мемлекеттердің озық клиникаларында біліктілігін арттыруға мүмкіндік алды. Бұл мақсатқа жергілікті бюджеттен 80 млн. теңге бөлінді.Қазір 10 реаниматолог және 5 кардиолог маман Қазақстанның Түркиядағы бас консулының қолдауымен сол елдегі жетекші медициналық ұйым саналатын «Мемориал» клиникасында тегін біліктілігін арттыруда.<img src="https://knadmin.beoblood.kz/uploads/435871297_728955699425677_9120508745677024685_n_b42bfa1000.jpg" alt="435871297_728955699425677_9120508745677024685_n.jpg"><img src="https://knadmin.beoblood.kz/uploads/435905340_728955572759023_6406104341763470406_n_f362d46df4.jpg" alt="435905340_728955572759023_6406104341763470406_n.jpg"><img src="https://knadmin.beoblood.kz/uploads/436206252_728955422759038_1989986050767359134_n_4bc5a7f4b5.jpg" alt="436206252_728955422759038_1989986050767359134_n.jpg"><img src="https://knadmin.beoblood.kz/uploads/437081329_728955609425686_1235294086287269066_n_2d1f300876.jpg" alt="437081329_728955609425686_1235294086287269066_n.jpg"><img src="https://knadmin.beoblood.kz/uploads/437185210_728955369425710_926610372389242807_n_d5485db146.jpg" alt="437185210_728955369425710_926610372389242807_n.jpg">Фото:&nbsp;Қызылорда облысы әкімінің баспасөз қызметі

Баймұрат батыр ауылында жаңа амбулатория ашылды

<a href="https://kyzylorda-news.kz/">Kyzylorda-news.kz</a> Қоян жылында Шиелі ауданында сұйытылған газдың тапшылығы айтарлықтай байқалды. Оны май құю бекеттерінде ұзын-сонар кезекте тұрған көліктерге қарап-ақ бағамдай беруге болатын еді. Ал орын алған мәселенің түп-төркінін әкімдік тарап қалай шешті? Бас қатырар мәселеге айналған сұйытылған газ тапшылығының шешімі қандай? Тарқатып көрелік.Иә, соңғы жылдары сұйытылған газ мәселесі көптің басын қатырған үлкен мәселеге айналды. Қазіргі уақытта «АИ-92», «АИ-95» бензин бағасына қарағанда, сұйытылған газдың бағасы әлдеқайда төмен. Жеңіл көліктердің көбі қалтаға аз салмақ түсетін газ қондырғысына көшкен. Ал қалтаға пұл, көңілге зіл болмайды деп қуанған жұртшылықтың қазір көңілі күпті болып жүр.Осы ретте, облыс әкімінің орынбасары Серік Қожаниязов:&nbsp;<blockquote>– Мұның бәрі отынның осы түрін өндіретін «Қазгермұнай» компаниясының газ қондырғысындағы ақауға байланысты екенін айтты. Оның айтуынша, Қызылорда облысының әкімдігі арнайы жұмыс тобын құрды. Қазір жағдай бақылауда. Өңірде сұйытылған газды 25 оператор, 212 құю станциаларына сатады. Қожаниязовтың айтуынша, Энергетика министрлігі орта есеппен облысқа айына 7,5-8 мың тонна газ бөледі. Оның 6 мың тоннасы «Қазгермұнай» компаниясынан түседі. Істен шыққан газ өңдеу қондырғысы айына алты мың тоннаға дейін газ береді. «Қазгермұнайдың» екінші қондырғысы айына 4800 тоннадан аспайтын газ өндіреді. Яғни, газ жеткізудің қажетті көлемі жоқ. «Мәселені реттеу мақсатында Энергетика министрлігімен бірлесіп қабылданған шаралар аясында бізге «СНПС Ақтөбемұнайгаз» компаниясынан қосымша 504 тонна газ бөлінеді. Газ тапшылығы байқалғалы бері «Саутс Ойл» жергілікті компаниясынан 104 тонна сұйытылған газ бөлінген. Осы айдың соңына дейін бұл компаниямен қосымша 140 тонна газ бөлу жөнінде келісім жасалып отыр. «ПетроҚазақстанОйлПродактс» компаниясы 1364 тонна газ жеткізді, яғни жағдай бірте-бірте тұрақталуда, – деп мәлім қылған еді.</blockquote>Иә, өткен жылдары сұйытылған газдың бағасы шарықтап кеткен еді. Одан кейін де Шиелі ауданында газдың тапшылығы байқалған болатын. Енді арада сәл уақыт өткенде тағы да олқылық орын алып отыр. Бұған жергілікті әкімдікті кінәлауға болмайды. Өйткені республика мен облыстан шешілетін бұл түйіткілге министрлік пен облыс әкімдігі тарапынан шұғыл жұмыс тобы құрылып, тиісті жұмыстар жүргізілуде. Ал, Шиелі ауданында сұйытылған газ бағасының тұрақтылығы қандай? Көтерілген сауалға байланысты Шиелі аудандық кәсіпкерлік және туризм бөліміне хабарласқан едік.<blockquote>– Қазір ауданда сұйытылған газ бағасы тұрақты. Аудан бойынша 13 автожанармай және 17 автогаз құю бекеттері жұмыс істейді. Оның ішінде ірі «Авто газ трейд», «Арал газ», «TS Қызылорда мұнай өнімдері» және «Қызылорда мұнай өнімдері», «Аргос», «РК Мұнай», «Азимут газ» ЖШС. АИ-92 маркалы бензинінің 1 литр орташа бағасы – 198,9 теңге, АИ-95 маркалы бензин – 245,3 теңге, ал дизель отыны – 294,4 теңгенің аралығында жергілікті халыққа сатылуда. Қазіргі таңда ауданда АИ-92 маркалы бензин қоры – 255,9 тонна болса, АИ-95 маркалы бензиннің қоры – 34,4 тонна, дизель отыны – 141,4 тонна, – деген жауап естідік.&nbsp;</blockquote><blockquote>– Бүгінде нарық бағасы аспандап тұрған уақытта, газдың тапшы болуы қалтаға ауыр соғып тұр. Аудан орталығында күні бойы такси қызметін атқаратын біздерге бензин бағасы оңайға түспесі де белгілі. Сондықтан тапшылыққа төзіммен қарап, күткен жөн. Алдағы күндері бұл мәселе оң шешімін табатынына сенім мол, – дейді кент тұрғыны Д.Үсенбеков.</blockquote>P.S. Нарықта бақылау болғаны жақсы. Қараша халық қымбатшылыққа көндігер. Бірақ тапшылық орын алмауын тілейді.Фото: &nbsp;freepik.com

Шиеліде сұйытылған газ тапшы ма?

<a href="https://kyzylorda-news.kz/">Kyzylorda-news.kz.</a> &nbsp;Бос уақытты тиімді пайдалану, сондай-ақ салауатты өмір салтын насихаттау және халықтың белсенді және салауатты өмір салтын жүргізуге ынтасын дамытуға негізделген профилактикалық жұмысты жетілдіру мақсатында Қызылорда облысы ПД Есірткі қылмысына қарсы іс-қимыл басқармасы тарапынан Қызылорда облыстық психикалық денсаулық орталығы пациенттері арасында жыл сайынғы спорттық іс-шара өткізілді. Футбол, үстел теннисі, ауыр атлетика, дойбы, 100 метрлік жүгіру, қол күрес сияқты спорт түрлері бойынша жарыстар ұйымдастырылды. Жарысқа бес бөлімшенің пациенттері қатысып, жарыста өздерін лайықты көрсете білді.&nbsp;Есірткі қылмысына қарсы іс-қимыл басқармасы тарапынан үздік болып шыққан 10 спортшы белгіленіп, оларға диплом мен сыйлықтар табысталды. Қатысушылар аталған іс-шараны ұйымдастырғаны үшін өздерінің&nbsp;алғыстарын білдіріп, полиция қызметкерлері мен медицина қызметкерлерінің бірлескен іс-әрекеттерін бағалады.

Есірткі қылмысына қарсы іс-қимыл басқармасы спорттық іс-шара өткізді

<a href="https://kyzylorda-news.kz/">Kyzylorda-news.kz.</a> &nbsp; &nbsp;Биыл 25 сәуірде Қазақстан Республикасы Парламенті Сенатының Қызылорда облысынан шығып қалған депутатының орнына сайлау өтеді. Соның аясында дүйсенбі күні қалалық мәслихатта Қазақстан Республикасы Парламенті Сенатының депутаттығына кандидаттармен кездесу өтті.Кездесуге облыстық және қалалық мәслихат депутаттары, ардагерлері кеңесі, қалалық жастар ресурстық орталығы басшылары, бұқаралық ақпарат құралдарының өкілдері қатысты.ҚР сайлау заңнамасына сәйкес, Сенат депутаттары жасырын дауыс беру арқылы жанама сайлау құқығы негізінде сайланады. Ал жанама сайлау құқығы Парламент Сенатының депутатын сайлауға дауыс беруге тек сайлаушылар ретінде мәслихат депутаттары ғана қатысатынын білдіреді.Кездесу барысында Қазақстан Республикасы Парламенті Сенатының депутаттығына үміткерлер Наурызбай Байқадамов, Алмасбек Есмаханов, Абайбек Жүнісов сөз сөйледі. Үміткерлер жиынға қатысушыларға өздерінің сайлау алды бағдарламаларын таныстырды. Сондай-ақ, депутаттар тарапынан қойылған сауалдарға жауаптар берді.Кездесуге қалалық мәслихат төрағасы Ибадулла Құттықожаев төрағалық етті.

 Қызылорда қаласында Сенат депутаттығына үміткерлермен кездесу өтті 

Су тасқыны салдарын жою, сондай-ақ су тасқынына қарсы іс-шаралар мен авариялық-құтқару жұмыстары жалғасуда. Назарларыңызға ҚР ТЖМ баспасөз қызметінің ақпаратын ұсынамыз.Бүгінгі күні 16 мың адам өз үйлеріне оралды. 6 950 адам, оның ішінде 3 113 бала эвакуациялау пункттерінде.Жедел шаралардың арқасында ТЖ аймақтарынан тұрғындар мен үй жануарларын эвакуациялау алдын ала жүргізілді. Су тасқыны басталғалы бері барлығы 116 949 адам, оның ішінде 40 781 бала, оның ішінде &nbsp;тартылған әуе кемелерімен 3 878 &nbsp;адам, оның ішінде 1 501 &nbsp;бала құтқарылып, эвакуацияланды. 112 539 ауыл шаруашылық жануарлары қауіпсіз жерге айдалды.Аэровизуалды тексеру және дрондарды пайдалану арқылы өзендер мен су қоймаларындағы су тасқыны жағдайына мониторинг жүргізілуде.Ақмола, Ақтөбе, Қостанай, Атырау, Солтүстік Қазақстан облыстарында&nbsp;3 709&nbsp;тұрғын үй мен&nbsp;2 475&nbsp;аула аумағынан су бұрылды. 5 837&nbsp;жеке тұрғын үй,&nbsp;1 353&nbsp;аула аумағы су астында қалуда. 9,8 млн.&nbsp;астам текше метр&nbsp;еріген қар суы сорылды,&nbsp;2,9&nbsp;млн.&nbsp;қапшық және&nbsp;1,4&nbsp;млн. тонна инертті материал төселді.Зардап шеккен өңірлерге теміржол, автомобиль көліктерімен және әуе кемелерімен 3 577 тонна&nbsp;гуманитарлық көмек жеткізілді.Жедел желіге түскен 1 857 қоңырау пысықталды. ТЖМ Апаттар медицинысы орталығының психологтары жергілікті жерлерде және жедел желі телефондары арқылы азаматтарға шұғыл психологиялық көмек көрсетуді жалғастыруда.Су жүрген&nbsp;81&nbsp;автожол, су шайған&nbsp;69&nbsp;автожол, оның ішінде&nbsp;10&nbsp;көпір және&nbsp;59&nbsp;жол төсемі бақылауда қалуда. 72&nbsp;елді мекен көлік қатынасынсыз қалды, оларға қажетті азық-түлік және дәрі-дәрмек қорлары құрылды.Солтүстік Қазақстан облысында Есіл өзені су деңгейінің көтерілуіне байланысты Қызылжар ауданының Кустовое, Вагулина, Красноярка, Соколовка, Долматово ауылдарынан алдын ала эвакуациялау жұмыстары жалғасуда, 27 жеке тұрғын үй су астында қалды. Барлығы 2 465 адам эвакуацияланды, олар эвакуациялау пункттеріне және туыстарының үйлеріне орналастырылды. Сонымен қатар Петропавл қаласының Подгора шағын ауданында 211 жеке тұрғын үй мен бір ғимарат су астында қалды. Тұрғындар алдын ала эвакуацияланды. Есіл өзенінің деңгейіне мониторинг жалғасуда.Ақтөбе облысында Ырғыз ауданының Құйлыс ауылынан әуе кемесі арқылы алдын ала Ырғыз ауылының уақытша орналастыру пунктіне 96 адам эвакуацияланды және 2 тонна гуманитарлық көмек жеткізілді. Құйлыс ауылында Торғай өзенінің жағалауын нығайту жұмыстары жалғасуда. Нұра ауылында 24 жеке тұрғын үй су астында қалды.Батыс Қазақстан облысында Орал қаласының саяжай алаптарынан алдын ала 40 адам эвакуацияланды, олар туыстарының үйлеріне орналастырылды. Қаратөбе және Казталов аудандарының Қаратөбе және Жалпақтал елді мекендерінен Қалдығайты және Қараөзен өзендері арқылы жүзу құралдарының көмегімен 223 адам тасымалданды. Орал өзенінде қорғаныс бөгеттерін салу, нығайту және су деңгейін бақылау жұмыстары жалғасуда.Ақмола облысында Жақсы ауданының Есіл ауылында 6 жеке тұрғын үй су астында қалды. Тұрғындар алдын ала эвакуацияланды.Қостанай облысында Жангелдин ауданының Тәуіш ауылынан Торғай ауылына жүзу құралдары мен тікұшақ көмегімен тұрғындар тасымалданды, 2 тонна гуманитарлық көмек жеткізілді.Түркістан облысында таулы аудандарда жауын-шашынның мол түсуіне және таудың баурайындағы су ағынына байланысты Бәйдібек ауданының Ақбастау ауылында 17 аула аумағы су астында қалды. Қапшықтарды төсеу, арық жүйесін тазарту және суды бұру жұмыстары жүргізілді. Елді мекенге қауіп жоқ.Жамбыл облысында жауын-шашынның көп түсуіне байланысты Жамбыл ауданының Жасөркен ауылында 30 аула аумағы мен ғимарат су астында қалды. Су басқан аумақтардан су толық көлемде сорылды, барлығы 7138 текше метр.Тәулік бойы авариялық-құтқару жұмыстарына ТЖМ, ҚМ, ІІМ, ҰҚК, МКҚ, жергілікті атқарушы органдардың, ұйымдардың&nbsp;46 417 адам, &nbsp;4 351&nbsp;бірлік техника,&nbsp;873&nbsp;су сору және&nbsp;308&nbsp;жүзу құралы,&nbsp;16&nbsp;әуе кемесі жұмылдырылды.&nbsp;&nbsp;&nbsp;

Су тасқыны: қазіргі жағдай қалай? 

<a href="https://kyzylorda-news.kz/">Kyzylorda-news.kz.</a> &nbsp;Бүгін партияның қалалық филиалына қарасты «Өрлеу», «Шұғыла», «Үміт», «Кәсіпкер», «Ақмаржан» бастауыш партия ұйымының төрағалары 2023 жылы атқарылған жұмыстар бойынша есеп берді.&nbsp; Өткен жыл бастауыш партия ұйымдары үшін толайым табысқа толы, үлкен іс шаралардың іске асқан жылы болды. Себебі, партиялық жобалардың ауқымы кеңейіп, «Ауыл аманаты», «Жер аманаты», «Қарызсыз қоғам» жобалары бойынша бастауыш ұйым өкілдеріне жан-жақты түсіндірме жұмыстары жүргізілді. Мәселен, «Ауыл аманаты» жобасы аясында партияның қалалық филиалының кент пен ауылдық округтерден құралған бастауыш ұйымдарында ашық есік күндері өтті. Өткен жылы Мемлекет басшысы Қ.Тоқаев Үкіметпен бірлесіп «Қарызсыз қоғам» жобасының аясын арттыруды тапсырғандықтан, 2023 жылдың соңғы тоқсанында бастауыш партия ұйымдарында аталған жоба бойынша түсіндірме жұмыстары жүргізілді. Бүгінде партияның қалалық филиалына қарасты бастауыш ұйымдары партиялық жарна қаражатынан шотқа кері қайтарылатын 20 процент қаржыға партиялық жобалар аясында шаралар өткізуде. Бұл игі іс шаралар партия мүшелерін қоғамдық жұмысқа белсенді қатыстырып, жобалар бойынша шаралар ауқымын кеңейту бағытында атқарылуда.

Қызылордада бастауыш партия ұйымдарының төрағалары атқарылған жұмыстар бойынша есеп берді

<a href="https://kyzylorda-news.kz/">Kyzylorda-news.kz.</a> &nbsp; &nbsp;Биыл Тасбөгет кентінде атқарылып жатқан негізгі жобалардың бірі – жаяу жүргіншілер жолының құрылысы. Биыл тұрғындардың қауіпсіздігін қамтамасыз ету мақсатында әлеуметтік нысандар орналасқан 6 көшеге (Ш. Есенов, Ғ. Мұратбаев, З. Шүкіров, Ә. Сапарбаев, О. Сейтпенбетов, Ә. Оразбаев) жаяу жүргіншілер жолы салынуда.Жол қауіпсіздігін қамтамасыз етудегі келесі жобалардың бірі – кенттегі Ғ. Мұратбаев, Қ.Исмайлов-1 және Қ.Исмайлов-2 көшелерінде түнгі жарық бағаналары іске қосылды. Сондай-ақ жарықтандыру жұмыстары Н.Өткелбаев, Ә. Жангелдин, А.Жанкин, Ж.Әбілқасымов, С.Сейфуллин көшесінің бас жақ бөлігі және З.Мәмбетов көшелерінде жалғасатын болады.Сонымен қатар, тұрғындардың сұранысы негізінде Тасбөгет кентіндегі Ғ. Мұратбаев, Қ. Баймағанбетов және Ә. Молдағұлова көшелеріне жаңадан 6 дана аялдама орнатылуда. Мұнан бөлек, алдағы уақытта кент көшелеріне тағы 3 дана аялдама орнату жоспарланған.Кент аумағын көркейту және көгалдандыру бағытындағы жұмыстар да жоспарлы түрде жүзеге асырылуда. Сәуір айының басында кенттің кіреберісі саналатын Амангелді көшесі бойынан арық қазылып, ағаштар отырғызылған. Аталған аумаққа 2 дана аяқсу насосы орнатылып, ағаштарды күтіп, баптау жұмыстарына жерасты суы пайдаланылуда.Сонымен қатар, қазіргі уақытта тиісті мердігер мекемемен Тасбөгет кенті бойынша ауыз су құдықтарының фасонды бөлшектері мен ысырмаларына жөндеу жұмыстары жүргізілуде.&nbsp;

Қазақстан және Қызылорда облысының жаңалықтары