<a href="https://kyzylorda-news.kz/">Kyzylorda-news.kz</a>&nbsp; Қызылорда облыстық мәслихат депутаты Нұрлан Имандосов пен Қазалы аудандық мәслихат депутаты Раймыбек Бөлебаев Бозкөл ауылдық округінің тұрғындарымен кездесті. Халық қалаулыларының діттеген негізгі мақсаты – өздерінің ел, халық үшін атқарған жұмыстары жайында баяндап, сайлаушыларын толғандарыған өзекті мәселелерді талқылау болды.Алқалы жиында ең алдымен, аманаттық депутаттар партияның «Халықпен бірге!» сайлауалды бағдарламасы аясында орындалып жатқан және алдағы жылға жоспарланған шараларға тоқталды. Сонымен қатар, облыс, аудан көлемінде іске асырылып жатқан нәтижелі жобалар жайында айтып өтті.Мұнан соң ауыл тұрғындары тарапынан бақшалық жерді жыртып, дайындау мәселесі, интернет жүйесін жақсарту, ауылға іргелес каналдары қазу және тазалау бойынша талап-тілектер айтылды.Өз кезегінде халық қалаулылары барлық мәселелерді мұқият тыңдап, әрбіріне жеке-жеке жауап берді.&nbsp;Бақшалық жерді жыртып, дайындау мен ауылға іргелес каналдары тазалау мәселесі бойынша алдағы уақытта арнайы техника үйлестіретіндерін айтып, тұрғындардың алғысын алды.

Депутаттардың халықпен тікелей кездесулері – аймақтағы мәселелерді анықтап, шешуге мүмкіндік береді

<a href="https://kyzylorda-news.kz/">Kyzylorda-news.kz</a>&nbsp; &nbsp;Армрестлинг –&nbsp;бүкіл әлемде кеңінен таралған спорт түрі. Қазақ «қол күрес» деп атайды. Осы спорт түрінің Қазақстанда жақсы дамығанын айта кету керек. Себебі ішкі біріншілікте топ жарған жігіттеріміз әлемді аузына қаратып келеді. «Шынықсаң, шымыр боласың» деген қазақтың жігіттері тынбай дайындық үстінде жүр. Солардың бірі – Мерей Жанахметұлы.Ол 2017-2020 жылдары Ақтөбе гуманитарлық-техникалық колледжі, дене тәрбиесі және спорт мамандығы бойынша білім алған. Алға қойған мақсаты көп. Соның бірі – биыл өтетін Әлем Чемпионатын бағындыру.– Сонымен бірге, Қазалы ауданында қол күресінен спорт түрін дамытуды нысанама алдым. Жалпы, қол күресі бойынша Қазалының жігіттерін қазақстандық рейтингте бірінші орынға шығару мақсатым. Бала күнімнен спортқа жақын болдым. Оқушы күнімде Мұхтар Рахметов ағайдың қолдауымен грек-римге қатысып, бірнеше жетістіктерді бағындырдым. Кейін, қол күресі спортына қызығушылығым оянып, тұрақты түрде айналыса бастадым. Бірнеше мәрте облыстық, республикалық чемпионаттарға спортшы ретінде қатысып, жүлделі орындар алдық. 2022 жылдың қазан айында Жалаңтөс Баһадүр атындағы орталық стадионға ақылы қоғамдық жұмысқа кірдім. Қол күресі секциясының базасы орталық стадионда орналасқандықтан, жұмыспен қатар балаларды қол күреске әкеліп, бар білгенімізді үйретіп жүрдім. Бүгінде, армрестлинг деп атауын өзгерткенімен, қол күресі қазаққа жат емес. Бұрын да біздің ата-бабаларымыз, балуандарымыз білектің күшіне сенім артқан. Биыл қаңтар айынан бастап тұрақты түрде &nbsp;Қазалы спорт клубының қол күресі секциясының жаттықтырушысы болып қызмет атқарып келемін. Осы уақыт аралығына дейін оқушыларды спортқа бау­лып, адал еңбек пен таланттың арқасында жетістіктерге бірге жетіп келеміз. Спорт өмірде дұрыс бағдарларды қалыптастыруға, мақсат қоюға және оған жетуге, дамуға, тек алға жылжуға көмектеседі, – дейді ол.Шымыр жаттықтырушының айтуынша, &nbsp;оқушылары халықаралық жарыс, чемпионат немесе олимпиадалар кезінде спортқа деген қызығушылықтарын бірнеше есе арттырады екен. Бүгінде, қол күресі секциясында 3 топ бар. Онда 16 баладан 48 бала жаттығады.– Оқушыларымның барлығы дерлік ынталы. Аудан, облыс арасында өткізілетін жарыстардан жүлдесіз қайтпаған. Биыл екі оқушым облыс чемпионы атанып, Қазақстан Республикасы Чемпионатына жолдама алды. Қазақстан Республикасы Чемпионатында Дәурен Қашмұрат есімді оқушым қажырлы еңбек пен талаптың арқасында өз салмағында чемпион атанып, Алматы қаласында өтетін Әлем чемпионатына жолдаманы жеңіп алды. Алматы қаласында өткен Әлем чемпионатында да жақсы өнер көрсетті. Осы жылы сегіз оқушым облыс чемпионы атанып, Қазақстан Республикасы Чемпионатына жолдама алды. Чемпионатта Даурен Қашмұрат бірінші орын иеленсе, Данияр Бөлекбай екінші орын иеленіп, Әлем Чемпионатына жолдама алды. Бұйырса чемпионат Молдава Республикасында биыл тамыз айында өтеді, – дейді Мерей Рахан.Бақ сынаған додаларда қол күрестен жерлестеріміздің биіктен көрінуі, біздегі қол күрес спортының жақсы дамығанын тағы бір қырынан көрсетіп берді.– Көбі ойлайды, «шығып, күресе салады» деп. Күш сарқылғанда рух оянады. Жаһандық жарыс болса, барлығының дерлік айла-шарғысы қалыптасқан, осалы жоқ. Есіміңді атап, армрестлинг үстеліне шақырғанда, қобалжып, іштей «сынып» қалатындар аз емес. Күш те, тәсіл де бар, жүрек жоқ болса, сол әдістердің бірі де көмектеспейді, – дейді ол сөз арасында.Айнұр ӘЛИ

Мерей Жанахметұлы: Қазалының жігіттері қазақстандық рейтингте бірінші орынға шығару мақсатым

<a href="https://kyzylorda-news.kz/">Kyzylorda-news.kz</a>&nbsp; &nbsp;Аңшылық-саятшылық – қазақтың байырғы кәсібі. Көшпелілер үшін күнкөрістің әрі көңіл көтерудің бір бөлігі болған. Аңшылықтың бейнеті, еңбек шығыны аз. Бірақ, табысы құнды. Бағалы аң терісі, еті, қауырсыны, мамығы – қай-қайсысы да адамдардың қажетіне жараған. Мұның барлығы ата-бабамыздың көшпелі өмірінің ажырамас бөлшегіндей дүние. Алайда, кейінгі уақытта аңшылықты кәсіп қылғандардың қарасы азайып барады...Бүгінде, мылтық асынып, ит жүгіртіп, құс салатын аңшылық пен саятшылық кәсіптен гөрі спорттық мағынаға ауысқандай. Әлеуметтік желіден ит жарыстырып, төбелестіріп немесе қыран құсты аңға салудан жарысқан жаңалықтар бірен-саран болса да ұшырасып жатады. Енді бірі дала аңын қызық үшін баудай қырып, онымен бірге суретке түсіп жатады. Табыс үшін ақбөкендерді аяусыз атып жатқандар қаншама? Бұл бөлек әңгіме. Біздің жазбағымыз аңшылықты ата жолымен ұстап келе жатқан азаматтар туралы болмақ.Аңшылық туралы сөз қозғасақ, тіліміздің ұшына Лақалы ауылы еріксіз оралады. Ондағы жұрттың аңға шыққан кездегі мергендігі мен із кесу қасиеті ерекше айтылады. Ауылда 2005 жылдан бері кәсіпкерлік жұмысы басталған «Жанай-2» көлі бар. Иесі – Талғат Абайұлы. 20 жылдан бері ата кәсіпті жалғаған жанның ұлдары да мергендігімен, дәлдігімен көзге көрінді. Солардың бірі – Рамазан Абай. 26 жастағы жігіттің қызығушылығы аңға шығып, балық аулау. Бұл хобби оның кішкентайынан-ақ көл басына барып, әкесіне көмектесуінен басталған. Өзі қалада өсіп, білім алғанымен бір бүйірі ауылға тартып тұратын. 3 ай каникул басталғанда Лақалыға барып, әкесінің жанынан табылған.– Менің атам да аңшы, балықшы болған. Жалпы, бұл қасиет қанымызда бар десем артық айтқандық емес. Өйткені, әкемнен үйренген қабілетіміз ағамда да, інімде де бар. Қызығушылығымыз өте жоғары. Жанымызбен беріліп, құмартып тұрамыз. Өзім Алматы қаласында жедел медициналық көмекте фельдшер болып жұмыс жасаймын. Бірақ, Қазалыға келген сайын ауылға қарай тарта жөнелемін. Себебі, онда сүйікті кәсібіміз күтіп тұрады. Балық аулаудың қыр-сырын әкем үйретті. Жан тыныштығымен демалғаннан бөлек бұл – адамды сабырлыққа әкелетін дүние. Төзімділікті де қармағыңа балық түскенін күткенде аңғарасың. Одан бөлек құстарға шығып, оларды атуды үйрендік. Алдымен, бос құтыларды қойып, дәлдікті, нысананы тура көздеуді үйретті. Қолымыз жаттыққан соң үйрек, қасқалдақ, қаз секілді құстарды аулай бастадық. Әр қадамымыз бен әр қимылымызды әкеміз бақылап отырды. Біздің қызығушылығымызды арттырып, мергендікті бойымызға сіңірді. Қазақтың байырғы кәсіп екенін, жөнсіз жануарларды, ретсіз құстарды атпау керек екенімізді жиі құлағымызға сіңіріп отырды. Бұл өнер – қазекемнің қанына сіңген қасиет. Атадан қалған аңшылық кәсіпті серік еткен әкенің ұлы болғаныма мақтанамын. Ер жігіттің бойына қажет қасиет емес пе? – дейді Рамазан Талғатұлы.Жас жігіттің айтуынан аңғарғанымыз, даланың жазықсыз аң-құстарын ретсіз атуға тыйым салған дұрыс. «Текті тегіне тартып туады» демей ме? Рамазанның жас болса да сөз саптап, жақсы сөз айтуы көңілімізді көншітті. Әңгіме соңында ол «Аңшы тек аң атушы ғана емес, ол жан-жануарды суық қолдардан қорғаушы да болуы керек» деп түйді. Шынымен де, даланың сұлу және өр жануарларын әркез қорғап жүру – әрқайсымыздың парызымыз болса керек.Айнұр ӘЛИ

Рамазан Абай: Аңшы тек аң атушы ғана емес

Абзал мен Гүлшаттың отау құрғанына тура бес жыл болды. Бірақ отбасынан сыңғырлаған сәби күлкісі естілмейді. Туыстары Гүлшатты бір емес, бірнеше рет дәрігердің алдына апарды. Алайда, тексерудің қорытындысы оң нәтижемен аяқталмайтын. Абзал болса, қаралуға намыстанып, бой бермейді. Осылай жүріп арада тағы бір жыл өтті. Үміт оты өшкен соң әйелінен күдіктенуді қойып, кінәратты өзінен іздей бастады. Бар күшін жиып, білікті дәрігердің алдына бас сұғады. Қабағы қатулы, жасы егде тартқан ақ халатты жан күрсініп: &nbsp;«балам-ай, өміріңде бір рет болса да, неге атқа мінбедің?» деп сұрақты төтесінен қойды. Аң-таң болған Абзал бұл сұрақтан соң біраз абдырап қалды. Дүниеде ұрпақсыз қалу қандай қасірет десеңші. Бүгінде, осы бедеулік пен белсіздік – басты трагедия болып отыр. Жолын іздеп, әуре-сарсаңға түскендер қатары да аз емес. Ал сіз білесіз бе? Белсіздіктің басты себебі – ердің атқа отырмауынан екен. Мұны ғылым әлдеқашан дәлелдеп қойды. Қалай деймісіз? Өткен ғасырдың алпысыншы жылдарынан бастап тоқсаныншы жылдарға дейін қазақ халқының саны қарқынды өскен. Сол кездегі Алпысбай, Жетпісбай, Сексенбай, Тоқсанбай, Жүзбайлардың өмірге келгенін бағамдай беріңіз. Он құрсақ көтеріп, Батыр ана атанған әйелдер де аз болмады. Бертін келе, бұл үрдіс табалдырығымызды батыстың мәдениеті аттағалы тежелді. Рухсыздандық, құндылықтар жойылуға сәл-ақ қалды. Солай ер жігіттің атқа қонуы ұмытыла бастады. Сол кездегі өмірі жылқының үстінде өткен аталарымыз белсіздіктің не екенін білмеген. Оның емі де осы – ат үстінде серуендеу. Жалпы, қазақ өмірін атпен байланыстырған халық. Олай болса неге аттан жериміз? Аттың құлағында ойнаған жігіттер қайда? Бағзы заманнан бері дайындығы мен шеберлігі мықты сарбаз әрдайым жеңіс шыңынан көріне білген. Ал бабаларымыз сарбаздың жауынгерлік даярлығын ұдайы жетілдіріп отырған. Яки шайқаста қолданатын әдіс-тәсілді бейбіт күндері ұлттық ойын ретінде дамытқан. Әрі қомақты бәйге тігіп, оларды ынталандырған. Мәселен, көкпарды алайық. Бұл – жауынгердің ат үстіндегі ептілігі мен тақымын шынықтыратын жаттығу. Шайқас кезінде жолдасың жараланып аттан ауса оның денесін жерге түсірмей іліп алып құтқару керек. Немесе жау сарбазының тақымға басқан жарағын тартып алу қажет. Осылай көкпар тартып шыныққан жауынгер қиналмай-ақ жеңіске жетеді. Жалпы ат спорты – ат үстінде орындалатын спорт түрі. Бұл спорт бізде қаншалықты дамуда? Бір жылдары «Қазақстан» ұлттық арнасында «Көкпар» ұлттық ойыны көрсетілетін. Күнделікті. Қол соғып, қошеметтеген үлкен буын аз емес еді. Жанымен беріліп, «ал да ал» деп тақымын қысып отыратын. Бертін келе бұл бағдарлама да көгілдір экраннан көрсетілмей қойды. Қош. Одан қалды әлеуметтік желіні шулатқан бейнебаян тарады. Мұнда, қырғыз жұртында өткен көшпенді ойындағы Қазақстан Өзбекстаннан жеңілгеніне қырғыздық жігіттің қазаққа үндеуі, жекуі түсірілген. Бұл да біраз дауға апарды. Жұрт та екіге бөлінді. Бірі – біреудің бабы, біреудің бағы деді, енді бірі – дайындықтың мүлдем болмауын тілге тиек етті. Айтып айтпай не керек, уақыт өте бұл да ұмытыла бастады. Бірақ қашан аттың құлағында ойнаған жігіттер көк туымызды желбіретпек? Ауылда туыс ағам ерте көктем мен күз мезгілінде ұйымдастырылатын ат жарысына қатысатын. Әкесі атсейіс болған. Жылқы баптаудың қыр-сырын үйретіп кеткен. Ұлының жасы келген соң жас жігітті қасына алды. Сондағы ойы бәйгеге қатыстыру. Қанша машықтанғанымен әлгі жігіт жарыстан соң атты суарыпты. Солай аяғына жем түскен екен. Әкесінің көзіндей болған жылқы бір ғана қателіктен көз жұмды. Бұдан біз ат спортының еріккеннің ермегі емесін анық аңғарамыз. Қазекемнің сәйгүлік баптайтыны – жылқы мінезді халыққа тән қасиет. Жалпы, жылқы баптау жеңіл іс пе? Жеңіл болса неге өңірдегі ат спортының бағы жанбай отыр?&nbsp; Аймақтағы ат спорты Жалағаш, Тереңөзек пен Шиеліде жақсы дамыған. Әсілінде Жаңақорғанның орны тым бөлек. Себебі Қызылорда облысы құрама командасының көп пайызын жаңақорғандық жігіттер құрайды. Ал, Қармақшы, Қазалы, Арал аудандарында бұл спорт біршама кенжелеуде. Бірақ бұл салы суға кетті деген сөз емес. Ат спортының дамуына кей ауылдың жігіттері өз үлесін қосуда. Мұны өзіміздің ауданымызда көп өтетін ұлттық жарыстан аңғаруға болады. Қазалылықтардың басым көпшілігінің қызығушылығы аламан бәйге болғандықтан, аударыспақ, теңге ілу, көкпар жарыстары кенжелеп қалған. Алайда ат спортын дамыту мақсатында 2022 жылы жаппай көкпар ойындары 3 мәрте ұйымдастырылса, 2023 жылы 5 рет ұйымдастырылыпты. Қазіргі таңда жастар көкпар ойынына қызығушылық танытуда. Осыған орай, Ұлттық спорт түрлерін дамыту бағытында көкпар ойындарының көкпаршыларына 10 дана бөрік сатып алынған. Биылғы жылға қажетті жабдықтар сатып алу үшін 2 дана ер тоқымға, көкпаршыларға 10 дана бөрік, 10 дана саптама етікке бюджеттік өтінім тапсырылыпты. Жалпы қырыққа жуық ұлттық спорттық іс-шара өткізілді. Соның бірі өткен аптада ғана ұйымдастырылған.&nbsp; – Бұл әсіресе жас өрендерімізге керек спорт түрі. Олардың шынығып, деннің саулығын қатар ала жүріп, ұлттық спортты ауданда өркендетуіне 15 жігіт атсалысудамыз. Мұның барлығы қалтадан шығарылады. Өзге аймақтар секілді ұлттық ойынымыз – көкпарды дамыту үшін бар күш-жігерімізді салып жүрміз. Өзім көкпар төрешісі болып жүргеніме 10 жыл болды. Жақын аралықта аймақ бойынша чемпионат өтеді. Соған Қазалы ауданының атынан төрешілік етемін. 5 күндік семинардан соң 8-9 күн болатын сайыс бас­талады. Бұл біздің өңірдің ұлттық спорт түріне ден қойып, дамуына үлес қосып жатқандығының белгісі. Біздегі ой сол, ауданда ұлттық спорт клубын ашса дейміз. Ерекше балаларға арналған иппотерапия да қолға алынса құба-құп болар еді. Дегенмен мұның барлығы қаржыға келіп тіреледі. Жігіттердің ат спортына әуесқойлығын арттырып, жас ұрпақтың ұлттық ойынға ден қоюына, оның дамуына қолдау қажет, – дейді Қазалы спорт клубының спорт нұсқаушысы Бейбіт Салмаев. Рас, ауданда өтетін ат жарысқа жастардың талабы бар. Қатысып та талай бәйгеден олжалы оралып жүр. Десе де ат спортын дамыту мақсатында оқу пәніне қоссақ қалай болар еді? Әйтпегенде, дене шынықтырудан қашқан талай бозбаланы көз көріп жүр емес пе? «Киберспорт» көсегені көгерте ме? &nbsp;Иә, саусақ деп отырғанымыз тек қолдың күшімен ойналатын ойын. Күш дейміз-ау, күшке жатпас бәлки?! Айтпағымыз жақында ғана спорт түріне енген – киберспорт ойыны. Бұл тек екі қолдың батырманы шертуі арқылы жүзеге асады. Бұған қызыққан жастар да аз емес. Тіпті әлемдік турнирге қатысып, бағы жанғандар тізімі де жетерлік. Бұрын денди, сега секілді ойын аппараты бір үйде ғана болатын. Оған көрші балалар келіп жарыса ойнайтын. Сондағы, «Мортал Комбат» ойынының қыр-сырын меңгеріп, функциясын дәптерге түсіретін-ді. Түрлі сан мен әріпті ойын төбелесінде қолданып, «фаталити» жасағанына мәз болады. Бертін келе компьютер қолжетімді бола бастады. Ғаламтор аз тартылғандықтан ойынды жүктеп алып, онымен біраз әуреге түсетін. Әсіресе, кеңінен таралған «Контер Страйк» ойынын ауыл жігіттері жарыса ойнап, бақ сынайтын. Әлемтор да әр үйге тартылған соң бұл ойынды «сетевой» ойнап, түрлі жарысқа да қатыса бастады. Солай оқуы жайына қалған бала талай сан соққаны бар. Енді, бұл ойындарды спорт түріне енгізіп қойды. Сол кезде ашушаң болып, өзіне әрең келгендері қолын бір сілтесе де ойынның қоржыны қомақты екенін ести сала қайтадан машықтануға көшті. Әлемдік деңгейде бақ сынап, ел абыройын көтергісі келеді-мыс. Жалпы, киберспорт пен ат спортының аражігін ажыратып көрелік. Ат спорты бір орында тұрмайды. Ұдайы қозғалысты талап етеді. Жылқы баптау баланы сабырлыққа, төзімділікке тәрбиелейді. Бастысы жануарға деген құрметін арттырады. Сондай-ақ, ұлттық құндылықты бағалай отырып, баланы ержүрек, батыл, алғыр, әрі шапшаң етеді. Әлгінде айтып өткен белсіздіктің де алдын алады. Ал, киберспорт ше? Бұл ойын баланың интеллектуалдық ойлау қабылетін арттырады дейді. Расымен солай ма? Қазір, ғаламторды ашсаң шимайланған бейнебаяннан көз сүрінеді. Одан ғаламтордың шырмауына түскен кіп-кішкентай баланың өлгісі келетінін анық байқайсың. «Интернетсіз» өмір жоқтай. Психикаға әсер ете ме? Етеді. Ал, киберспорттағы ойын уақытыңды зая кетіріп қана қоймай, «ауру» адамдай шырмауына түсіреді. Тек ойын, ойын деп жынды адамдай «дымың» қалмайды. Олай, дейтініміз, атыс-шабыс ойынынан бір сәтке ұтылса ашуланған баланың сұрықсыз түрін сонда көресіз. Тәрбиелік мәні бар ма? Жоқ. Бұл баланы – қатігездікке тәрбиелейді. Ал, бір орыннан қозғалмай отырған бала қалай қабілетті болады? Күні-түні ойнап, ертеңіне көз жұмғандары да бар еді ғой. Бізге бұл ойын несімен жақын болды? Ата-бабамыз қылыштың орнына «тышқан» алып, найзаның орнына пернетақтамен жауға шапқанын көрдіңіз бе?! Өкініштісі, сол – ат спорты емес киберспортқа көңілдің көп бөлінуі. Жаңа ғасыр талабын алға тартқанымызбен мәңгүрт болып бара жатқанымызды бір сәтке есімізге алайық. Құр жатуды нарық көтермейді«Алма піс, аузыма түс» деп құр жатуды нарық көтермейді дейміз. Иә, кәсібін бас­тап, дөңгелеткендер қатары көп. Оның ішінде, анаубіржылдары көршілес аудандардың бірінде – иппотерапия ашылғанда бөркімізді аспанға аттық. БАҚ-та жарыса жазды. Бұл не деп таңқалғандары да аз болмады. Иппотерапия – жылқы үстінде науқасты емдеу. Әлеуметтік осал топтағы, аурушаң балаларға арналған бұл кәсіп талай балаға үміт сыйлағандай еді. Бірақ, өкініштісі бұл терапия жабылып қалыпты. Аспанға атқан бөркімізді қайта қағып алдық. Бірде, фейсбуктен Мөлдір Әнуарбекқызының жазбасын оқыдым. Марқайдым. Жазбаның мәні мынада, Жоламан есімді жас жігіт жастайынан жылқы малын қадір тұтқан екен. Осы мақсатта ол сәйгүлік баптап, бәйге аттарын жаратады. Жоламанның жүйріктері аламан бәйгелерде топ жарып та жүр. Осындай кәсібін өзі ғана біліп қоймай, жасөспірімдерге үйретуді қолға алған. Баптауындағы 7 сәйгүлікпен (ағылшын, қолтума тұқымдар) мектеп оқушыларына үйрету үшін тегін үйірме ашыпты. Жылқы десе қанымыз қозатын қазақпыз ғой. Үйірмеге жиналған қарадомалақтар қатары көп. Олардың ішінде бұрымдылар да бар екен. Кәсіпкерлерге құлаққағыс дейміз бе, әйтеуір осы ат спортына деген үлесін тигізсе деген ниет біздікі. «Қалауын тапса, қар жанар». Ұлттық кодымызды сақтап қалған да ғана болашақтың тұтқасын ұстар нағыз азамат өседі. Түйін: Ақан серінің Құлагерін білесіз бе? Сері мен жылқының арасындағы сүйіспеншілік жүрегімізді жібітті емес пе? Ақаң оған өзге аттан бөлек қарады. Арнайы құдық қаздырды, қайыңнан қора, жер астынан монша салғызды. Құлагер көз жұмғанда серінің оны күткендегі бейнесі нағыз трагедияның көкесі еді. Осыдан-ақ жылқының қазақ үшін орны тым ерекше екенін бағамдай беріңіз. «Көш – жүре түзелетінін» білсек ат спортының дамуына бір қазақтың баласындай атсалысуымыз керек. &nbsp;Айнұр ӘЛИ Фото: https://photolit.ru/kazaxskaya-dlinnaya#image13

Жылқы – мың бір дерттің дауасы 

<a href="https://kyzylorda-news.kz/">Kyzylorda-news.kz</a>&nbsp; Қазалыда ҚР мәдениет қайраткері, әнші-композитор Сауранбек Еркінбекұлы Елеуовтің «Сырдария -Жырдария» атты шығармашылық концерті өтті. Кеше Р.Бағланова атындағы аудандық мәдениет орталығында Жаңақорған ауданында дүниеге келген, республикаға танымал сазгер, халықты ән құшағына бөлеп, алдыңғы буын ағалар дәстүрін жалғастырып жүрген Ахмет Яссауи атындағы Халықаралық қазақ-түрік Университетінің Орындаушылық өнер кафедрасының доценті, Қазақстан Жастар сыйлығының лауреаты, ҚР мәдениет қайраткері, әнші-композитор Сауранбек Еркінбекұлы Елеуовтің «Сырдария-Жырдария» атты шығармашылық концерті өткізілді. Шарада сазгер өз әндерін орындап, көрермен қауымға көтеріңкі көңіл күй сыйлады. Сонымен қатар, шарада аудан әкімінің орынбасары Дәурен Тлеумбетов сөз сөйлеп, кеш кейіпкері Сауранбек Еркінбекұлына аудан әкімі Мейрамбек Зинабдинұлының Алғыс хатын және сый-сияпатын табыстады. Концерттік бағдарламада сазгердің «Сырдария-Жырдария», «Айдында жүзген аққулар», «Өлеңім - өмірім», «Ғанидың жұлдызы», «Жұлдызым», «Армысыздар адамдар», «Қаракөзім», «Жаным-ау түсінбедің», «Айналайын» өз әндерін және халық әндері «Қарағым-ай», «Қыздар-ай», «Әке дауысы» сонымен қатар Рамазан Таймановтың жергілікті композитор Кеңес Дүйсекеевтің әндерін орындады.&nbsp;

Қазалыда шығармашылық кеш өтті 

<a href="https://kyzylorda-news.kz/">Kyzylorda-news.kz</a>&nbsp; Би – өнердің падишасы. Бұл саланы таңдау екінің бірінің қолынан келе бермейді. Бірақ жер-жерде жанын салып жұмыс істеп жүрген би өнерінің майталмандары көп. Олар биді өнер деп қабылдайды. Жанын салып шәкірттеріне үйретеді. Биді жас жеткіншектерге үйрету оңай емес. Би өнерінің құдіретін сезініп жүргендер ғана бұл қиын да қызғылықты өнерге бар уақытын жұмсайды.Ол үшін адам баласы алдымен, өнерді сүюі керек. Ал, Сыр өңірінде мұндай жандар көп. Солардың бірі – Қызылорда облысы, Қазалы ауданы бойынша білім бөлімінің «Қазалы ауданының Оқушылар үйі» коммуналдық мемлекеттік қазыналық кәсіпорнының би үйірмесінің жетекшісі Гүлмариям Өтегенова. Гүлмариям Қожантайқызы 1965 жылы қазан айының жиырмасыншы жұлдызында Қазалы ауданы, Әйтеке би кентінде жарық дүниенің есігін ашқан. Өнерге құштар жан бұрынғы Жезқазған облысы Никольск қаласындағы мәдени ағарту училищесін бітіргеннен кейін бір жолата осы салаға ден қойды. Өнердің құдіреті оны бұл саладан алыстатқан жоқ. Хореограф мамандығын бітірген би маманы осы салада 37 жылдан бері еңбек етіп келеді. «Мамандықты таңдауда қателеспеу керек» деп жатады ғой. Бұл біріншіден, Гүлмариямның өнерге деген сүйіспеншілігі дер едік. Екіншіден, мұның бәрі жауапкершілік, ерен еңбек екені сөзсіз. Енді міне, білікті би маманы ел алдында есеп ретінде шәкірттерімен бірге «Қазалы аудандық оқушылар үйінің» киелі сахнасында концерт бермек.– Шығармашылық кешке 1989 жылы оқу орнын бітіріп, оқушылар үйіне би үйірме жетекшісі болып орналасқан, қазіргі таңда қасиетті мамандықтың иесі атанып, еңбек етіп жүрген шәкірттерімді қонаққа шақырдым. Мақсат –халық алдында осы уақытқа дейін жеткен жетістігім мен еткен еңбегімнің нәтижесін көрсету, – дейді өнер иесі Г.Өтегенова.Отбасында ақжаулықты ана, түзде өнер иесі Гүлмариям Қожантайқызы өнерге қатысты өз ойын былай сабақтады:– Әрбір мамандық иесінің еккен еңбегінің нәтижесі болмаса, маңдай тердің босқа кеткені деп ойлаймын. Еңбек – шәкірттеріңнің жемісі мен жеңісі. Қазіргі таңда талай шәкірттің осы өнер жолын таңдаудағы жолын аштым десем де болады. Мен шәкірттерімді мақтан тұтамын, – дейді ол.&nbsp;Гүлмариям Қожантайқызы Республикалық мүмкіндігі шектеулі балалар арасында өткізілген «Би жұлдыздары» байқауында Жоғары білім және Ғылым министрлігінің Құрмет мақтау қағазымен, «Болашаққа бағдар: рухани жаңғыру», «Жастар жылы» бағдарламасы аясында ұйымдастырылған республикалық өнер және білім байқауында «Үздік жетекші», «Ақ шағала» республикалық хореографиялық фестиваль-байқаудың аудандық кезеңіне қатысып, «ҚызЖібек» бишілер тобы жетекшісі ретінде бірінші орынды иеленеді. Еңбек нәтижесіз емес. Балалар шығармашылығы XIII облыстық «Ботақан» телефестивалінде шәкірттері жақсы өнер көрсеткені үшін «Балдырған» би тобы жүлделі орыннан көрінді. Үш жыл бұрын IX Халықаралық балалар, жасөспірімдер мен жастарға арналған «Самға әуен» өнер байқауында 11-14 жас аралығында «Сақ қыздары» патриоттық би номинациясы бойынша өнер көрсеткен «Қыз жібек» бишілер тобы бірінші орынға ие болды. Ол бірнеше рет аудан, облыс әкімінің құрмет грамотасының және Алғыс хатының иегері. Аудандық білім бөлімінің және облыстық білім басқармасының Құрмет грамотасымен марапатталған. «Қазақ тілі» қоғамының жұмысына да белсене араласады. Сондай-ақ, Қызылорда облыстық саясат басқармасы «Мәртебелі Қазақстан» қоғамдық қорының алғыс хатын, «Мәнгілік ел алыптары» атты республикалық рухани – патриоттық байқауында «Шығармашыл педагог», Шара Жиенқұлованың 110 жылдығына арналған «Биле, Қазақстан» халықаралықхореографиялықконкурсынақатысып, Гүлмариям Қожантайқызы «Шығармашыл хореограф» дипломымен марапатталды.Ол осы 37 жылдан бері өзінің ерен еңбегінің нәтижесін көріп келеді. Жеміссіз де емес. шәкірттері үнемі жүлделі орыннан көрінеді. Ол IX халықаралық балалар, жасөспірімдер мен жастарға арналған «Самға әуен» жас ұрпақты өнерге баулып, шығармашылық деңгейде дамытудағы жоғары кәсіби іскерлігі мен өзісіне адалдығы үшін «Үздікұстаз» төсбелгісін иеленді. Абай Құнанбаевтың 175 жылдық мерейтойына арналған «Дарын» республикалық жас өнерпаздар байқауына да үлкен үлесін қосып, шәкірттері жоғары денгейде өнер көрсетті. Осы сайыста «Үздік тәлімгер» атағына ие болды.Жуық арада Гүлмариям Өтегенова аудан орталығында шығармашылық кешін өткізбекші. Салтанатты кешке ұстаз-шәкірттері мен ата-аналарды, өнер саласында еңбек етіп жүрген әріптестерін, осы саланы таңдауына себепкер болған ұстазы Базаркүл Жолболды, оқушылар үйі ән үйірмесінің мүшесі болған, қазіргі таңда Ақтөбе қаласында А.Жұбанов атындағы филармония әншісі Нұртас Омаровты және сыныптас достары мен жанашыр жандарды шақырмақшы. Шәкірттері қадірлі қонақтардың алдында өнерлерін көрсетпек. Бұл үлкен қуаныш, ұзақ жылғы еңбектің нәтижесі деп айтар едік.

Гүлмариям Өтегенова: Еңбек – шәкірттеріңнің жемісі мен жеңісі

&nbsp;<a href="https://kyzylorda-news.kz/">Kyzylorda-news.kz</a>&nbsp; Қазалы ауданына қарасты Ү.Түктібаев ауылдық кітапханасында «Адал адам» мәдени – тәрбие орталығы тұжырымдамасы негізінде, «Әлем BOOK» жобасы аясында, Қазақстан Республикасының Мәдениет қайраткері, Қазақстан Журналистер одағы сыйлығының лауреаты, Қазақстанның Құрметті журналисі, жазушы, публицист Әлмәмбет Әлішевтің туғанына 85 жасқа толуына орай, жазушының «Батыр болып тумайды» повесінен оқырмандар конференциясы өткізілді.Шара барысында кітапхана оқырмандары К.Сағадинова, А.Смайылова және Б.Әбдіразақов атындағы №88 орта мектептің 8-10 сыныптан &nbsp;Г.Жаңабекқызы, Ә.Өтегенова, Н.Түлкібай, Б.Мұратқызы, Г.Болатбекқызы және тағы басқа да оқушылары қатысып: – Жазушы, көсемсөзші &nbsp;Әлмәмбет Әлішев – жас ұрпақты отаншылдық рухта тәрбиелеуге ерекше мән берген&nbsp;жазушы. Ол – өзінің &nbsp;туған жерінен ешқайда кетпей , өзінің туған еліне, туған жеріне тер төккен елінің адал перзенті болды. Ә. Әлішев ұзақ жыл бойы белгісіз болып, қалтарыста қалған Кеңес Одағының Батыры, Қазалы топырағында дүниеге келіп, латыш жерінде шейіт болған Үрмәш Түктібаевтың өмірі мен жауынгерлік жолын ерінбей-жалықпай зерттеп, «Ормаш Түйтебаев», «Орман Тоқтыбаев» болып қате жазылып кеткен батырдың аты-жөнін қалпына келтіріп, оның бейітін, суретін тауып, Үрмәш батырды халқымен қайта қауыштырды. Повесте Совет Одағының Батыры, Үрмәш Түктібаевтың балалық шағы, өмірі мен жауынгерлік жолы шынайы суреттелгенін, Ү.Түктібаев туралы аталары арқылы есітіп білгендерін, жазушы Ә.Әлішевтің ауылға батыр туралы сұрастырып, зерттеуге келгенін және сол кездегі жұмыста жүрген жұмысшылардың &nbsp;әр ай сайынғы айлық табысынан ұстап, Ү.Түктібаев атынан қор ашып, сол қорға салып отырған, ол қаражатпен ауылдан батырдың ағайындары Латвия жеріне барып қайтқандығы туралы айтылды.«Батыр елінің атын шығарса, елі батырының атын шығарады» дегендей, Үрмәштің есімін қайта жаңғыртып, жазушы Ә.Әлішевтің халқына қайта қосқан еңбегі босқа кеткен жоқ.Ү.Түктібаев есімі «Октябрь» совхозына және №24 мектепке есімі беріліп, «Жеңіс» паркінде ескерткіші орнатылып, көшеге де есімі берілді.Ер есімі ел есінде мәңгі сақталады. Үрмәш Түктібаев – Қазалы ауданы халқының ғана мақтанышы емес, бүкіл қазақ мемлекетінің мақтан тұтар батыры.

Аудандық кітапханада конференция өтті

Қазалыда жетпіс жыл кәсіптік білім берген оқу орны бар

<a href="https://kyzylorda-news.kz/">Kyzylorda-news.kz</a>&nbsp;&nbsp; Отбасының берекесі, ынтымақ пен ырыстың ұйытқысы бола білген аналар қандай құрметке де лайық. Алтын құрсақ аналардың еліміздің болашағын тәрбиелеу жолындағы еңбектерін ештеңемен салыстыра алмайсыз. Жеміскүл Әбілдаева – 9 перзент тәрбиелеп, кеудесіне «Алтын алқа» таққан Қармақшыдағы абзал жандардың бірі.Ардақты ана 1948 жылы Қармақшы ауданы, Тұрмағамбет ауылында 6 перзенттің екіншісі болып өмір есігін ашқан. Мектепте білім алған соң, Қызылорда қаласындағы медициналық колледжге оқуға түседі. Алайда сол жылы өмір ағынымен тұрмыс құрады.<blockquote>– 17 жасымда осы әулетке келін болып түстім. Ата-енем, жолдасым өте көргенді жандар еді. Тұрмыс құрған соң, оқуым аяқсыз қалды. Тұңғышымды босанғаннан кейін, менің несібеме қазіргі №105 мектептің орнында медколледж ашылды. Қайынатамның қолдауымен, екі анамның (енем мен өз анам) қамқорлығымен мен сол колледжде медбикелік білімімді жалғадым. Аналарым 3 жыл менімен бірге келіп, бірге пәтерде тұрып, білім алуыма мүмкіндік жасады. Жолдасым ол уақытта бригадир, қойма меңгерушілік қызметтер атқарды. Оқуды бітірген соң Майлыөзекке медпунтке жұмысқа орналастым. Ол кез қиын заман еді ғой, – деп өткенге ой жүгіртті «Алтын алқа»&nbsp;иегері.</blockquote>Ес білгеннен еңбекке араласқан Жеміскүл ана ата-енеге қызмет жасаумен қатар, елге қызмет етуден де қалыс қалмаған. Тоқырау кезіндегі басқа түскен қиыншылықтарды жолдасы екеуі төзімділікпен, болашаққа деген сенімнің арқасында жеңе біледі.<blockquote>– Емізулі бөпем болса да шөпке де барып, маусым кезінде күріш басында да жүретінбіз. Сондай кездерде енем балаларыма қарап, үйдің шаруасын бір өзі дөңгелетіп отыра беретін. Сондай бір күні Майлыөзекте алыстағы бір қойшының келіншегі босана алмай жатыр деген хабар жетті. Қараша айы еді. Үйі дарияның арғы бетінде екен. Қазіргідей жедел-жәрдем көлігі деген жоқ. Кездескен көлікпен жүре береміз. Болмаса қолымызға керек жарағымызды алып жаяу қатынаймыз. Дариядан жел қайық арқылы өтуге тура келді. Күн дауыл. Жанымда дәрігер Артық апайым бар. Қорықсақ та желқайыққа отырдық. Діттеген жерімізге 20 метрдей қалғанда қайық аударылып, дарияға құладық. Сумен арпалысып жүріп жағаға шығып, үстіміздің малмандай су болғанына қарамастан әлгі үйге барып, медициналық көмек көрсеттік. Қайтар жолымызда да әлгі қайыққа мінуге тура келді. Өйткені басқа көліктің ыңғайы жоқ еді. Бұл күн әлі күнге дейін есімде, – дейді кейіпкеріміз.</blockquote>Иә, өзгенің өмірі үшін өз өмірін қатерге тіккен аналарымыздың еңбегі адал-ақ. Сол сәтте «енді мұндай жерге бармаспын» дегенімен, мамандығы осындай оқиғалармен қайтақайта кезіктірген. Түнгі ауысымнан енді үйіне келіп, балаларын құшағына ала бергенде «Пәленше деген кісі ауырып жатыр» деген хабар келсе, сөмкесін көтеріп қайта жолға шығатын. Оның бұл қызметіне ата-енесі де, жан-жары да қабағын шытпай, түсіністік танытыпты.<blockquote>– Ол уақытта жарықтың өзі жиі сөніп қалатын. Күн-түн, жазқыс демей басшылықтың талабы мен тұрғындардың саулығы үшін шапқылап жүре беріппіз. Қазір қарап отырсам, артық жұмыс істедім деп реніш те білдірмеппіз. 5 күн жұмыста болса, сенбіжексенбі пішен орып, жантақ шаптық. Қазір ол күндер ертегі секілді. 3 қыз, 6 ұл өсірдік. Балаларымның барлығы да өз маңдай терімен еңбегін адал атқарып, отбасыларын асырап жүр. Олар Астана, Түркістан, Тараз, Қызылорда қалаларында тұрады. Қазір қой үстіне бозторғай жұмыртқалаған заман деп айтар едім. Ең алыстағы немерем Минскте тұрады. Оның өзінің 6 бөпесі бар, – дейді &nbsp;Жеміскүл Әбілдаева.</blockquote>Ұл-қыздарына берген өнегелі тәлім-тәрбиесін бүгінде немере-шөберелеріне беріп отыр. Олар бүгінде 30 немере, 32 шөбере сүйіп отырған бақытты жан ұлы мен келінінің қолында мәпеленіп, немерелерінің шаттығына бөленіп отыр. Көпбалалы ана биыл 75 жасқа толды. Аялап өсірген балалары сый-құрметке бөлеп, алақандарына салып отырғанына шүкіршілік етеді.<blockquote>– Жалпы, қазақ келіні ең бірінші ибалы, иманды, инабатты болуы керек. Келіндерім өзімнің қызымдай. Оқыған, көздері ашық. Бар жағдайымды жасап отыр. Келіндерім де, Аллаға шүкір, бүгінде көпбалалы ана атанып отыр. Қазақта «Бір қозы туса, бір түп жусан артық шығады» деген керемет сөз бар емес пе?! Бүгінгі жас отбасылар бір-екі баламен шектеліп қалмаса екен, – дейді апамыз.</blockquote>Шөберенің қолынан май жалаған Жеміскүл әжей отбасылық бақытты ең басты құндылық деп біледі. Балалары мен немерешөберелерінің амандығын, елдің тыныштығын тілеп отырған ақжаулықты ана шүкір деуден шаршамайтынын жеткізді. Біз де аузында «айналайыны» мен «тәубасы» бар, өмірі көркем өнегелі әжейдің ғұмыры ұзақ болсын деген тілек қостық. &nbsp;

«Алтын алқа» иегері өмір жолындағы тәжірибесімен бөлісті 

<a href="https://kyzylorda-news.kz/">Kyzylorda-news.kz</a> Қызылорда қаласындағы 3 IT мектеп-лицейінің 10 «Б» сынып оқушысы Темірбек Нұрдәулет «Ілияс Жансүгіров оқулары» байқауының қалалық кезеңінде «Заманның заңғар тұлғасы» номинациясы (буктрейлер жасау) бойынша ІІ орынға ие болды. Жетекшісі&nbsp; қазақ тілі мен әдебиеті пәнінің мұғалімі Әсия Бекенова.Облыстық халық шығармашылығын дамыту және мәдени-продюсерлік орталығының ұйымдастыруымен «Маржан сөз, қоңыр үн» атты концерт жүргізушілерінің облыстық байқауында 11- сынып оқушысы Жұматай Азат жүлделі ІІ орынды иеленді. Жетекшісі — қазақ тілі мен әдебиеті пәні мұғалімі Серікбаева Бибісара.Сонымен қатар, «Табиғатты аяла» жас экологтардың байкауының калалық кезеңінен 6-сынып окушысы Сарсенбаева Ұлжан ІІ орын (жетекшісі Жанаберген Меруерт) және 7-сынып оқушысы Құрманғазы Томирис ІІІ орын (жетекшісі Жылкаев Аскар) иеленді. «Табиғатты аяла» жас өлкетанушылар, экологтар мен табиғат зерттеушілерінің республикалық форумының облыстық кезеңін өткізу ережелері оның мақсатын, міндеттерін, ұйымдастыру форматын, өткізу тәртібін анықтайды. Форумның мақсаты: білім алушыларды табиғатты қорғау қызметіне тарту, экологиялық мәдениетті және туған өлке табиғатына экологиялық бағдарланған қатынасты тәрбиелеу, балаларды қосымша біліммен қамту. Форумның міндеттері: қоршаған ортаны қорғау міндеттерін шешуде олардың кәсіби өзін-өзі анықтауына ықпал ету, білім алушыларды практикалық қатысуға тарту үшін жағдай жасау; білім алушылардың табиғи және жасанды экожүйелерді зерттеу мен сақтау бойынша қызметіне қызығушылықтарын қолдау; білім алушылар мен педагог қызметкерлер арасында шығармашылық байланысты орнату және жұмыс тәжірибесімен алмасу; еліміздің жас тұрғындарында экологиялық мәдениетті және адамзат алдында тұрған ғаламдық мәселелер тарапынан белсенді өмірлік ұстанымды қалыптастыру; балаларды іс-шараларға араластыру арқылы қосымша білім беру жүйесіндегі қамтылуын көтеруге жағдай жасау.

Қызылордалық оқушылардың жетістіктері

<a href="https://kyzylorda-news.kz/">Kyzylorda-news.kz</a> &nbsp;Сырдария аудан әкімі аппаратының ұйымдастыруымен «Мемлекеттік органдарда іс-жүргізу», архив ісі, сонымен қатар «Е-Архив» және «Бұлтты құжат айналымы» ақпараттық жүйелермен жұмыс жасау бойынша семинар-кеңес өткізілді. Оған аудандық архив филиалы басшысының міндеті атқарушы Гүлзат Мейрамбекқызы қатысып, аудандық дербес бөлімдердің, Тереңөзек кенті және ауылдық округ әкімі аппараттарының жауапты мамандарына түсіндірме жұмыстары жүргізілді.Түсіндірме жұмыстары барысында «Мемлекеттік органдарда іс-жүргізу, архив ісі», сонымен қатар «Е-Архив» және «Бұлтты құжат айналымы» ақпараттық жүйелерімен жұмыс жасау тәсілдері талқыланып, мамандар тарапынан қойылған сұрақтарға жауап берілді.Семинар-кеңеске қатысушы жауапты қызметкерлерге аудан әкімі аппараты тарапынан іс-жүргізу, құжаттардың сақталуы, сонымен қатар «Е-Архив» және «Бұлтты құжат айналымы» ақпараттық жүйелерімен жұмыс жасауға талдаулар жүргізіліп, кемшіліктер анықталған жағдайда мемлекеттік органдардың бірінші басшыларының тәртіптік жауапкершілігі қаралатындығы жөнінде қатаң ескертілді.

Сырдарияда ақпараттық жүйелермен жұмыс жасау бойынша семинар-кеңес өткізілді 

<a href="https://kyzylorda-news.kz/">Kyzylorda-news.kz</a> Бизнес-инкубатор&nbsp; –&nbsp; өз істерін бастауды қалайтын, бірақ оған мүмкіндігі жоқ жас кәсіпкерлерді қолдау және коммерциялық тұрғыда тиімді өнім алу мен нәтижелі өндіріс құруда көмек көрсету мақсатында құрылған ұйым. Әлемдік практикада&nbsp; жеткілікті түрде кең таралған орталықтар көптеген елдерде жұмыс жасайды. Мұндай мекемелер алғаш рет 50-жылдардың соңы мен 60-жылдардың басында АҚШ мен Ұлыбританияда ашылған. Олар табысты түрде жаңа жобалар мен стартаптарды жетілдіреді.«Стартап» термині бизнес-инкубатормен ұдайы бірге жүретін термин.&nbsp; Стартап немесе старт-компания ағылшыннан аударғанда «бастау» деген мағынаны береді және қазіргі уақытта енді пайда болған немесе құрылуы жоспарларған жаңа жобаны білдіреді. Бұл термин IT саласында және ғаламтор-жобаларының саласында жиі қолданылады.Бүгінде бизнес-инкубатор және IT хабтардың көмегімен кәсіпкерлік, инновация салаларында жаңалықтар мен жаңа ашылулар көп. Жаңа жобалар легіне тоқталсақ.19 сәуір күні Idea Battle стартап жобалар байқауы өтті. Байқауға дейінгі кезеңге қатысуға жалпы 50-ге жуық жоба&nbsp; тіркелген. Қатысушы оқушылар мен студенттерге арнайы семинар ұйымдастырылды. Іріктеу кезеңінде жобалар онлайн және офлайн форматта қорғалды. Ал финалдық кезеңде 8 жоба таныстырылды. Олардың қатарында жасанды интеллект көмегімен іске асатын, өрт қауіпсіздігіне бағытталған, ерекше жандарға арналған жобалар болды. Іс-шараның мақсаты – стартаптарды қолдау, ел ішіндегі стартап мәдениетін насихаттау және Қазақстан аймақтарында цифрландыруды дамыту үшін үздік IT идеяларды анықтау. Demo day – инвесторлар және де басқа қызығушылығы бар ұйымдардың жобаны қарап, іріктеуден өтуі. «Idea Battle» жобасы барысында маркетинг, қаржы, нарықтық зерттеулер мәселелері қамтылды. Сонымен қатар, «Pizza Pitch» жиыны ұйымдастырылды.&nbsp; «Pizza Pitch» жиынында қатысушылар өз бизнес жобаларын кең аудиторияға таныстырып, сарапшылардан кәсіби баға алды. Сондай-ақ, жобаларды әрі қарай дамыту бойынша кеңес пен практикалық ұсыныстар айтылды. Шараның басты мақсаты&nbsp; −&nbsp; жас кәсіпкерлерді қолдау, спикерлік дағдыларын дамыту, сахна мәдениетін қалыптастыру. Жиынның ерекшелігі – қатысушыларға жүлде берілмейді және көпшілікке пицца таратылады.Айта кетейік, Astana Hub халықаралық IT стартаптар технопаркі мен Қорқыт ата атындағы Қызылорда университетінің ұйымдастыруымен өткен жылы Іdea battle байқауы өткен болатын. 3 минуттық питч форматында инновациялық идеяларды қабылдаған Іdea battle байқауының жүлде қоры 500 000 теңгені құрады. Нұрлан Құлмырзаев, Алмат Қуанышбаев, Бағдат Қадырбеков, Мақсат Мугалов, Ержан Кенжеев аталмыш байқауда төрелік етті. Студенттер мен жастардың қатысуымен өткен 30 жоба қорғалған.Мәселен, өткен жылы «Startup Jolу» инкубациялық бағдарламасы бойынша білім беру жұмыстары 14 тамызда басталған. Бағдарламаға қатысу үшін 135 адам өтінім беріп,&nbsp; бағдарламаның алшқы легіне 57 жоба қабылданды.Инкубация қатысушылары менторлармен жеке жұмыс жасау&nbsp; мүмкіндігіне ие болып, маңызды тақырыптар бойынша&nbsp; тегін 16 семинарға қатысты. «Startup Joly» – инновациялық стартаптар мен кәсіпкерлік бастамаларды қажетті ресурстармен қамтамасыз ету, кәсіпкерліктің әртүрлі аспектілері, соның ішінде идея, маркетинг, сату және құқықтық мәселелер бойынша дағдыларды арттыруға бағытталған бағдарлама. Бағдарламаға қатысқан 57 жоба іріктеуден өтіп, Demo Day-ге 26 жоба қатысты. Ұсынылған жобалардың қатарында QR көктас, VR-платформадағы киберспорт, ақылды тоңазытқыш, көмір күлінен бағалы металдарды алу және өндіру, органикалық косметика, Digital Oner Academy, Оpen garden тәрізді жобалар болды. Байқауда&nbsp; Раушанбек Бейбарыс “Educopter” жобасы бойынша 500 мың теңге иеленді. Ал, “Dmenu” жобасын таныстырған Тұрсынбай Елдос пен Ахметов Бауыржанға 300 мың теңге&nbsp; табысталды. Мұңайтбасова Жұлдызай мен &nbsp; Тұрғанбай Раушан “ecoDabyl” жобасымен 200 мың теңге жүлдені қанжығаларына байлады.“Demo Day жоғары деңгейде өтті. Көп адамдармен танысып, жаңа жобалар туралы ақпарат алдым. Қазір елімізде робототехника қарқынды дамуда және техникалық үйірмелер, мамандықтар ашылып жатыр. Оқушылар, студенттер дайын заттарды пайдаланбай, өз қолдарымен құралдар жасағанын қалаймын. Осы мақсатпен мен Demo Day-ге “Educopter” атты оқу-жаттығу дрон&nbsp; жиынтығын әзірлеп әкелдім. Осы жиынтық арқылы кез келген адам өзінің алғашқы дронын құрастырып, бағдарламалай алады”, - деді І орын иегері Раушанбек Бейбарыс. Сонымен қатар, қызығушылығы бар жастар үшін арнайы бағдарламалар өтеді. Жыл сайын дәстүрлі түрде Pizza Pitch ұйымдастырылады. Pizza Pitch&nbsp; жиынында қатысушылар өз бизнес жобаларын кең аудиторияға таныстырып, сарапшылардан кәсіби баға алды. Сондай-ақ, жобаларды әрі қарай дамыту бойынша кеңес пен практикалық ұсыныстар айтылды. Шараның басты мақсаты&nbsp; −&nbsp; жас кәсіпкерлерді қолдау, спикерлік дағдыларын дамыту, сахна мәдениетін қалыптастыру. Жиынның ерекшелігі – қатысушыларға жүлде берілмейді және көпшілікке пицца таратылады. Мектеп бітіруші түлектерге де арнайы байқаулар жыл сайын өтеді. Өткен жылы «Startup Talapker» жобалар байқауы ұйымдастырылды. Startup Talapker кәсіпкерлік дағдыларды қалыптастыру, инновациялық және өңірлік маңызы бар стартап жобаларды қолдау мақсатында&nbsp; өткізілді. Сайысқа мектеп және колледж бітіруші талапкерлер қатысты.Байқаудың мақсаты − потенциалы жоғары стартап жобаларды инкубациялық кезеңге алып, инвестиция тарту, түлектер арасында кәсіпкерлікті насихаттау, мектептердегі бизнес-инкубаторлардың жұмысын жандандыру. Сәуір айында басталған байқаудың алғашқы кезеңінде 50-ге жуық команда қатысуға өтінім берген. Ал келесі кезеңге үздік деп танылған 26 команда жолдама алған. Нәтижесінде жартылай финалда 12 команда іріктеліп, финалдық кезеңде 12 жоба қорғалды. Ауқымды шарада Тұрар Рысқұлов атындағы №222 орта мектебінің оқушылары Жансезім Ертай, Жібек Бақбергенова, Ақсүйрік&nbsp; Бегімсал Қорқыт ата атындағы Қызылорда университеті грантын иеленсе,&nbsp; Сырдария ауданындағы №210 Оспан Әбілпаттаев атындағы орта мектептің оқушылары Асылжан Абдуллаев, Тамырлан Жасұланұлы оқу ақысына 50 пайыз жеңілдікпен марапатталды. Ал, оқу ақысына 25 пайыздық жеңілдікті Қармақшы ауданы №99 орта мектебінің оқушылары Алтынай Тобылғиева мен Айзере Досимханова қанжығаларына байлады.&nbsp;&nbsp;Жеңімпаздар Ұлттық бірыңғай тестілеуден шекті балл жинаған жағдайда қалаған мамандығы бойынша оқу ақысына 100 пайыз, 50 пайыз және 25 пайыздық&nbsp; жеңілдікпен&nbsp; оқу мүмкіндігін иеленген.&nbsp;

Қазақстан және Қызылорда облысының жаңалықтары